1
00:00:05,000 --> 00:00:08,920
Gɛtɛ Yesu ɛ̀ san ɛɛ da fɔ,

2
00:00:08,920 --> 00:00:14,360
e we ete ɛkɩ gɛtɛ è di ɛnʋn-gbenalɛ ye sɩyɛɛ wo gibi gaanɩ.

3
00:00:14,360 --> 00:00:18,220
Gɛ Yesu bɛkasɩlɛ fɔ be lila Yesu alan,

4
00:00:18,220 --> 00:00:20,440
“Ɛndɩrɛ,

5
00:00:20,440 --> 00:00:23,800
ɛnyan wade-kpen yii koro gɛ be wo ete nyawɔ ɛnʋn-gbenalɛ lɛ?

6
00:00:23,800 --> 00:00:26,040
Ɛwɔ gbagba wade-kpen,

7
00:00:26,040 --> 00:00:28,960
abɛɛ wo bewolɛ baade-kpen?”

8
00:00:28,960 --> 00:00:32,040
Yesu e tiri ade fɔ yiinyun alan,

9
00:00:32,040 --> 00:00:39,320
“Nka ete nyawɔ wade-kpen abɛɛ wo bewolɛ baade-kpen na yɛ gɛ wɔ bʋnʋn bu gbena.

10
00:00:39,320 --> 00:00:40,680
Mɔ fɔ,

11
00:00:40,680 --> 00:00:42,520
wʋ ba gɛlɛ,

12
00:00:42,520 --> 00:00:47,120
fɔ Wurubwarɛ ɛ̀ɛ̀ dama ete nyawɔ wo koro e tiri wɔkɛma e wùlà.

13
00:00:47,120 --> 00:00:52,160
Ɔkʋna gɛtɛ ofila wʋ̀ nyɩ wʋ̀ sa lɛ,

14
00:00:52,160 --> 00:00:55,800
wù di gɛtɛ tàà mɛ ɛwɔ gɛtɛ ɛ sa mɩ fɔ gʋtʋn.

15
00:00:55,800 --> 00:01:00,640
Ofila waà bè gyu gɛtɛ ɛkɩ ɛn nan talɩ ɛ mɛ gʋtʋn.

16
00:01:00,640 --> 00:01:04,120
Gɛtɛ ǹ sa gɛtʋnkwaa gaanɩ lɛ,

17
00:01:04,120 --> 00:01:07,700
nmɩ n di gɛŋmaŋɩ gɛtʋnkwaa gaanɩ.”

18
00:01:07,700 --> 00:01:09,960
Gɛtɛ Yesu ɛ dɔ̀ gɛlɛ fɔ,

19
00:01:09,960 --> 00:01:13,360
e tirima atɩtan e lù gɛtʋnkwaa,

20
00:01:13,360 --> 00:01:15,760
gɛ ɛ ka yɩ ɛ fɔrɩ atɩn,

21
00:01:15,760 --> 00:01:18,920
gɛ ɛ ka ɛ bɔlɩ ete fɔ bʋnʋn.

22
00:01:18,920 --> 00:01:20,840
Gɛ ɛ dɔ̀ wɔ alan,

23
00:01:20,840 --> 00:01:26,120
“San ma fere aa bʋnʋn Silom dɩpaasɩ fɔ daanɩ!”

24
00:01:26,120 --> 00:01:28,720
Silom wuu wùlà alɛ,

25
00:01:28,720 --> 00:01:30,520
bɛ sa wɔ.

26
00:01:30,520 --> 00:01:33,880
Okoro gɛtɛ ɛ ma fere ɛ ba fɔ,

27
00:01:33,880 --> 00:01:35,960
wɔ bʋnʋn fɔ bu tirima.

28
00:01:35,960 --> 00:01:39,240
Gɛ gɩlan dʋkɔ wʋʋ bɛnɩ,

29
00:01:39,240 --> 00:01:43,720
ma ɛbɛ gɛtɛ nafɔ bee ti we wɔ ɛɛ fɔ anyan fɔ,

30
00:01:43,720 --> 00:01:45,560
be lila alan,

31
00:01:45,560 --> 00:01:49,720
“Nka ete gɛtɛ ɛɛ tɩ sara ɛ fɔ anyan fɔ wɔ lɛ?”

32
00:01:49,720 --> 00:01:51,520
Bɛkɩ alan,

33
00:01:51,520 --> 00:01:53,800
“Wù di gɛ ɛwɔ.”

34
00:01:53,800 --> 00:01:56,640
Gɛ bɛkɩ mɔ alan,

35
00:01:56,640 --> 00:01:57,960
“Nka ɛwɔ.

36
00:01:57,960 --> 00:02:00,240
Ɛnɩ nyawɔ e ye wɔ gɛ.”

37
00:02:00,240 --> 00:02:02,640
Ɛwʋ gɛ ete fɔ gbagba ɛ dɔ̀ alan,

38
00:02:02,640 --> 00:02:05,000
“Wù di gɛ nmɩ.”

39
00:02:05,000 --> 00:02:07,280
Gɛ be lila wɔ alan,

40
00:02:07,280 --> 00:02:11,580
“Lan gɛ wʋ mɛ gɛ nkele aa bʋnʋn bu tirima?”

41
00:02:11,580 --> 00:02:13,520
Gɛ ɛ dɔ̀ bɛ alan,

42
00:02:13,520 --> 00:02:19,760
“Ete gɛtɛ bee kpèlè alɛ Yesu fɔ na mɛ atɩn ɛ bɔlɩ mɩɩn bʋnʋn,

43
00:02:19,760 --> 00:02:21,080
gɛ ɛ dɔ̀ mɩ alan,

44
00:02:21,080 --> 00:02:24,440
‘San Silom dɩpaasɩ daanɩ ma fere!’

45
00:02:24,440 --> 00:02:27,100
Okoro gɛtɛ na san na ma fere fɔ,

46
00:02:27,100 --> 00:02:28,900
mɩɩn bʋnʋn bu tirima.”

47
00:02:28,900 --> 00:02:31,660
Gɛ be lila wɔ alan,

48
00:02:31,660 --> 00:02:33,680
“Ɛ̀ sa ganɩ?”

49
00:02:33,680 --> 00:02:35,680
Gɛ alan,

50
00:02:35,680 --> 00:02:37,160
“Mɩɩn nyɩ̀.”

51
00:02:37,160 --> 00:02:44,420
Ɛwʋ gɛ bɛ ka ete gɛtɛ nafɔ è di ɛnʋn-gbenalɛ fɔ bɛ san Farisi bete baakʋn.

52
00:02:44,420 --> 00:02:54,800
Fɔ duwi gɛtɛ Yesu ɛ mɛ atɩn ɛ ka e tirima ete fɔ bʋnʋn fɔ dì di gɛ Yuda bete boo Duwi-tunalɛ.

53
00:02:54,800 --> 00:03:04,200
Okoro Farisi bete fɔ mɔ be biri be lila ete fɔ anlɛ gɛtɛ wʋ mɛ gɛ wɔ bʋnʋn bu tirima.

54
00:03:04,200 --> 00:03:06,840
Gɛ e tiri ade fɔ yiinyun alan,

55
00:03:06,840 --> 00:03:08,880
“Ɛ mɛ atɩn ɛ bɔlɩ mɩɩn bʋnʋn,

56
00:03:08,880 --> 00:03:10,680
gɛ na ma fere,

57
00:03:10,680 --> 00:03:12,160
gɛ bu tirima.”

58
00:03:12,160 --> 00:03:16,320
Gɛ Farisi bete fɔ baanɩ bɛkɩ alan,

59
00:03:16,320 --> 00:03:18,320
“Ete gɛtɛ ɛ mɛ ade nyayɩ lɛ,

60
00:03:18,320 --> 00:03:20,080
en di Wurubwarɛ wɔnɩ,

61
00:03:20,080 --> 00:03:23,920
yema ɛn taà bù tii Duwi-tunalɛ fɔ.”

62
00:03:23,920 --> 00:03:27,120
Mɔ baanɩ bɛkɩ mɔ be lila alan,

63
00:03:27,120 --> 00:03:33,920
“Lan gɛ ɛnɩ gɛtɛ è di ade-kpen yɩɩmɛlɛ ɛ̀ talɩ ɛ mɛ ade-dɩrɛ ma gɩsaa anlɛ nyayɩ?”

64
00:03:33,920 --> 00:03:38,720
Ade nyayɩ yii koro bɛ lanla koro ma bɛwɔlɔn kperen-kperen.

65
00:03:38,720 --> 00:03:40,080
Gamama fɔ,

66
00:03:40,080 --> 00:03:43,720
Farisi bete fɔ be biri be lila ete fɔ alan,

67
00:03:43,720 --> 00:03:49,220
“Anʋn yaade gɛ aa dɔ̀ kadama ete nyawɔ wo koro,

68
00:03:49,220 --> 00:03:52,800
yema awɔ gɛ e tirima aa bʋnʋn?”

69
00:03:52,800 --> 00:03:54,240
Gɛ alan,

70
00:03:54,240 --> 00:03:57,180
“È di gɛ Wurubwarɛ wɔtabʋrʋlɛ.”

71
00:03:57,180 --> 00:04:05,260
Yuda bete bɔɔ bɛndɩrɛ fɔ ben to be di alɛ be wo ete fɔ ɛnʋn-gbenalɛ,

72
00:04:05,260 --> 00:04:07,620
gɛ nkenkele ee we,

73
00:04:07,620 --> 00:04:12,000
ma sere ɔkʋna gɛtɛ be kpèlè wo bewolɛ bɛ ba.

74
00:04:12,000 --> 00:04:14,640
Gɛ be lila bɛ alan,

75
00:04:14,640 --> 00:04:16,480
“Yiibi wɔ lɛ?

76
00:04:16,480 --> 00:04:20,440
Nyawɔ gɛ ɩɩ dɔ̀ alɛ i wo wɔ ɛnʋn-gbenalɛ fɔ?

77
00:04:20,440 --> 00:04:23,420
Lan gɛ wʋ mɛ gɛ nkele bɩrɛ ee we?”

78
00:04:23,420 --> 00:04:27,840
Gɛ wo bewolɛ fɔ be tiri ade fɔ yiinyun alan,

79
00:04:27,840 --> 00:04:30,940
“Tɩ̀ nyɩ̀ gɛtɛ tiibi wɔ lɛ.

80
00:04:30,940 --> 00:04:34,060
Gɛ tɩ̀ nyɩ̀ gɛtɛ ti wo wɔ ɛnʋn-gbenalɛ.

81
00:04:34,060 --> 00:04:38,000
Mɔ anlɛ gɛtɛ wʋ mɛ gɛ nkele ee we bɩrɛ,

82
00:04:38,000 --> 00:04:39,300
tɩɩn nyɩ̀.

83
00:04:39,300 --> 00:04:43,320
Gɛ tɩɩn nyɩ̀ ɛnɩ-kɩlɩn gɛtɛ e tirima wɔ bʋnʋn fɔ.

84
00:04:43,320 --> 00:04:44,820
Tɩ fɔ yɩ gɛ,

85
00:04:44,820 --> 00:04:46,460
i lila ɛwɔ gbagba!

86
00:04:46,460 --> 00:04:47,600
Ɛ dan.

87
00:04:47,600 --> 00:04:49,980
Ɛ̀ talɩ ɛ tabʋrʋ wanyan.”

88
00:04:49,980 --> 00:04:54,980
Wo bewolɛ fɔ bè serenti Yuda bete bɔɔ bɛndɩrɛ fɔ,

89
00:04:54,980 --> 00:04:58,260
okoro gɛ bɛ dɔ̀ gɛlɛ lɛ.

90
00:04:58,260 --> 00:05:03,800
Yema bɛndɩrɛ fɔ bɛ wɛrɛ dɔ̀ bɛ sɩ alɛ,

91
00:05:03,800 --> 00:05:12,360
ɛnɩ gɛtɛ ɛɛ̀ dɔ̀ ɛ tana alɛ Yesu n di Nkpa Wotolɛ gɛtɛ Wurubwarɛ ɛ fʋrʋma ɛ dɔ̀ ɛ sɩ alɛ ɛɛ̀ bɛ̀ ba fɔ,

92
00:05:12,360 --> 00:05:17,960
baà sʋ wɔ alɛ ɛ kara nɩ ba boo Getumakʋn fɔ.

93
00:05:17,960 --> 00:05:22,320
Nyawʋ wuu koro gɛ wo bewolɛ fɔ bɛ dɔ̀ alan,

94
00:05:22,320 --> 00:05:24,360
“Ɛ dan.

95
00:05:24,360 --> 00:05:25,840
I lila ɛwɔ gbagba!”

96
00:05:25,840 --> 00:05:26,220
fɔ.

97
00:05:26,220 --> 00:05:31,740
Gɛ bɛndɩrɛ fɔ be biri be kpèlè ete gɛtɛ nafɔ è di ɛnʋn-gbenalɛ fɔ,

98
00:05:31,740 --> 00:05:34,280
gɛ bɛ dɔ̀ wɔ alan,

99
00:05:34,280 --> 00:05:35,320
“Ɛtɩ bɩrɛ,

100
00:05:35,320 --> 00:05:40,580
tɩ̀ nyɩ̀ gɛtɛ ete gɛtɛ e tirima aa bʋnʋn lɛ è di gɛ ade-kpen yɩɩmɛlɛ.

101
00:05:40,580 --> 00:05:42,000
Dɔ̀ gɛlɛ,

102
00:05:42,000 --> 00:05:43,760
sa Wurubwarɛ gingyebi!”

103
00:05:43,760 --> 00:05:47,200
Ɛwʋ gɛ ete fɔ e tiri wuunyun alan,

104
00:05:47,200 --> 00:05:50,800
“Gengyi gɛ è di ade-kpen yɩɩmɛlɛ oo,

105
00:05:50,800 --> 00:05:53,120
en di gɛ ade-kpen yɩɩmɛlɛ oo,

106
00:05:53,120 --> 00:05:53,400
nmɩ bɩrɛ,

107
00:05:53,400 --> 00:05:56,880
gɩnyan-kɩlɩn gɛtɛ ǹ nyɩ̀ fɔ n di alɛ,

108
00:05:56,880 --> 00:05:59,480
nafɔ ǹ di gɛ ɛnʋn-gbenalɛ,

109
00:05:59,480 --> 00:06:00,660
mɔ nkele bɩrɛ,

110
00:06:00,660 --> 00:06:01,620
n te we.”

111
00:06:01,620 --> 00:06:04,280
Gɛ be ni lila wɔ alan,

112
00:06:04,280 --> 00:06:06,800
“Lan gɛ ɛ mɛ wɔ̀?

113
00:06:06,800 --> 00:06:08,880
Lan gɛ e tirima aa bʋnʋn fɔ?”

114
00:06:08,880 --> 00:06:12,120
Gɛ e tiri ade fɔ yiinyun alan,

115
00:06:12,120 --> 00:06:14,720
“Na wɛrɛ fʋrʋma dɔ̀ yɩ,

116
00:06:14,720 --> 00:06:16,760
mɔ ɩn nʋn maakʋn.

117
00:06:16,760 --> 00:06:20,080
Anʋn yii koro gɛ ii len gɛtɛ yàà biri ɩ nʋn?

118
00:06:20,080 --> 00:06:24,000
Abɛɛ ɛyɩ mɔ ii len yàà bɛ̀ mɛ wɔ bɛkasɩlɛ?”

119
00:06:24,000 --> 00:06:27,960
Gɛ be toro wɔ bɛ dɔ̀ alan,

120
00:06:27,960 --> 00:06:30,600
“Awɔ n di wɔkasɩlɛ,

121
00:06:30,600 --> 00:06:31,560
ɛtɩ bɩrɛ,

122
00:06:31,560 --> 00:06:34,700
tì di gɛ tiitu Mose bɛkasɩlɛ.

123
00:06:34,700 --> 00:06:38,320
Tɩ̀ nyɩ̀ gɛtɛ Wurubwarɛ ɛ tabʋrʋ ma Mose,

124
00:06:38,320 --> 00:06:40,280
mɔ ɛnɩ nyawɔ bɩrɛ,

125
00:06:40,280 --> 00:06:42,380
tɩɩn nyɩ̀ wo geyekʋn gba.”

126
00:06:42,380 --> 00:06:44,840
Gɛ ete fɔ ɛ dɔ̀ alan,

127
00:06:44,840 --> 00:06:48,480
“Wʋ̀ ba gɩsaa gɛtɛ ɩɩn nyɩ̀ wo geyekʋn.

128
00:06:48,480 --> 00:06:50,080
Mɔ ɛwɔ na tirima mɩɩn bʋnʋn!

129
00:06:50,080 --> 00:06:55,640
Tɩ̀ nyɩ̀ gɛtɛ Wurubwarɛ ɛn taa nʋn ade-kpen yɩɩmɛlɛ boo-inyun-tiri.

130
00:06:55,640 --> 00:06:59,120
Ɛɛ nʋn gɛ bɛnɩ gɛtɛ bɛɛ sʋma wɔ,

131
00:06:59,120 --> 00:07:02,640
gɛ bɛɛ mɛ wo gelenbi fɔ boo-inyun-tiri.

132
00:07:02,640 --> 00:07:06,420
Ye sɛsɩyɛɛ ɔkʋna gɛtɛ bɛ mɛ gɛtʋnkwaa fɔ,

133
00:07:06,420 --> 00:07:07,980
tɩɩn tɛ nʋn alɛ,

134
00:07:07,980 --> 00:07:13,240
ɛnɩ ɛkɩ e tirima ɛnɩ gɛtɛ be wo ɛnʋn-gbenalɛ bʋnʋn ɛ nya.

135
00:07:13,240 --> 00:07:20,880
Okoro gengyi ete nyawɔ en di Wurubwarɛ wɔnɩ fɔ,

136
00:07:20,880 --> 00:07:23,680
nafɔ ɛn daà talɩ ɛ mɛ ade nyayɩ!”

137
00:07:23,680 --> 00:07:26,600
Gɛ bɛndɩrɛ fɔ bɛ dɔ̀ wɔ alan,

138
00:07:26,600 --> 00:07:29,720
“Awɔ gɛtɛ be wo wɔ̀ ma ade-kpen,

139
00:07:29,720 --> 00:07:31,880
gɛ à sa ade-kpen yaanɩ fɔ,

140
00:07:31,880 --> 00:07:34,160
awɔ n te wùlà ɛtɩ ade?”

141
00:07:34,160 --> 00:07:38,640
Ɛwʋ gɛ bɛ sʋ wɔ alɛ ɛ kara nɩ ba boo Getumakʋn fɔ.

142
00:07:38,640 --> 00:07:44,840
Gɛtɛ Yesu ɛ nʋn alɛ bɛ sʋ ete fɔ alɛ ɛ kara nɩ ba boo Getumakʋn fɔ,

143
00:07:44,840 --> 00:07:46,680
ɛ ma bugiti wɔ.

144
00:07:46,680 --> 00:07:48,800
Gɛtɛ ɛ ma we wɔ fɔ,

145
00:07:48,800 --> 00:07:50,040
e lila wɔ alan,

146
00:07:50,040 --> 00:07:53,880
“Okoro aa to Bɛnɩ-nyalɛ Bɔɔndɩrɛ fɔ a di?”

147
00:07:53,880 --> 00:07:57,920
Gɛ ete fɔ e tiri wuunyun alan,

148
00:07:57,920 --> 00:07:58,720
“Ɛndɩrɛ,

149
00:07:58,720 --> 00:08:02,040
wùlà mɩ ɛnɩ-kɩlɩn gɛtɛ Bɛnɩ-nyalɛ Bɔɔndɩrɛ fɔ è di,

150
00:08:02,040 --> 00:08:06,640
fɔ nan wura n to wɔ n di.”

151
00:08:06,640 --> 00:08:08,800
Yesu ɛ dɔ̀ wɔ alan,

152
00:08:08,800 --> 00:08:11,600
“A were we wɔ!

153
00:08:11,600 --> 00:08:16,040
Ɛwɔ n di ɛnɩ gɛtɛ ɛɛ tabʋrʋ ma awɔ lɛ.”

154
00:08:16,040 --> 00:08:19,240
Gɛ ete fɔ ɛ dɔ̀ alan,

155
00:08:19,240 --> 00:08:20,040
“Efonte,

156
00:08:20,040 --> 00:08:22,440
na to wɔ̀ na di.”

157
00:08:22,440 --> 00:08:25,600
Gɛ e bè kura Yesu bɩsɩrɩ baanɩ.

158
00:08:25,600 --> 00:08:29,480
Gɛ Yesu ɛ dɔ̀ alan,

159
00:08:29,480 --> 00:08:32,960
“Gɔdɔ gɩɩ gɛdɔ̀ gii koro gɛ na ba gɛtʋnkwaa gaanɩ.

160
00:08:32,960 --> 00:08:35,960
Fɔ ɛbɛ gɛtɛ bɛn taa we fɔ bàà we,

161
00:08:35,960 --> 00:08:39,960
fɔ ɛbɛ gɛtɛ bee we fɔ bàà biligi bɛnʋn-gbenalɛ.”

162
00:08:39,960 --> 00:08:44,920
Gɛ Farisi bete bɛkɩ gɛtɛ bɛ̀ fɩya ma Yesu dʋkɔ fɔ,

163
00:08:44,920 --> 00:08:47,480
bɛ nʋn ade fɔ,

164
00:08:47,480 --> 00:08:49,800
gɛ be lila wɔ alan,

165
00:08:49,800 --> 00:08:53,580
“Okoro aa dɔ̀ gɛtɛ ɛtɩ mɔ tì di gɛ bɛnʋn-gbenalɛ?”

166
00:08:53,580 --> 00:08:56,920
Gɛ Yesu ɛ dɔ̀ bɛ alan,

167
00:08:56,920 --> 00:08:59,880
“Gengyi nafɔ ì di gɛ bɛnʋn-gbenalɛ fɔ,

168
00:08:59,880 --> 00:09:03,800
nafɔ ɩn ma dɩpwɛ dɩkɩ dii getin.

169
00:09:03,800 --> 00:09:06,520
Mɔ gɛtɛ ɛyɩ alan,

170
00:09:06,520 --> 00:09:09,140
‘Tin di bɛnʋn-gbenalɛ tii we’ fɔ okoro,

171
00:09:09,140 --> 00:09:14,760
yaade-kpen ɩ wɔ ma ɛyɩ.”