1
00:00:05,000 --> 00:00:10,840
Ete ɛkɩ ɛ sara Betani ditele gɛtɛ dì di Mariya,

2
00:00:10,840 --> 00:00:16,080
ma wɔdɩrɛ Mata bɔɔlɛ fɔ gɛtɛ bee kpèlè wɔ Lasaro.

3
00:00:16,080 --> 00:00:20,120
Lasaro nyawɔ e gyu geyeba.

4
00:00:20,120 --> 00:00:26,720
Mariya nyawɔ n di ɛna gɛtɛ ɛ bɛ̀ da bʋnɔ ma ofen e lù Efonte Yesu bɩsɩrɩ,

5
00:00:26,720 --> 00:00:30,720
gɛ ɛ ka wayungu ɛ kpa bʋ.

6
00:00:30,720 --> 00:00:35,500
Lasaro gɛtɛ ee yeba fɔ è di Mariya wotesebi.

7
00:00:35,500 --> 00:00:41,680
Okoro Mata ma Mariya bɛ sa Yesu ɔtʋn alan,

8
00:00:41,680 --> 00:00:43,280
“Efonte,

9
00:00:43,280 --> 00:00:45,500
aawɔlɔn-kanlɛ fɔ ee yeba.”

10
00:00:45,500 --> 00:00:48,640
Gɛtɛ Yesu ɛ nʋn ade nyayɩ fɔ,

11
00:00:48,640 --> 00:00:50,280
ɛ dɔ̀ alan,

12
00:00:50,280 --> 00:00:53,560
“Geyeba nyagɩ gɩn ba gɛtɛ èè ku,

13
00:00:53,560 --> 00:00:54,280
mɔ fɔ,

14
00:00:54,280 --> 00:00:56,280
gaà sa gɛ Wurubwarɛ gingyebi,

15
00:00:56,280 --> 00:01:01,660
fɔ gàà yɛ bàà tɔ̀là nmɩ Wurubwarɛ Wobi fɔ miin diyere.”

16
00:01:01,660 --> 00:01:04,360
Fɔ Yesu ee len Mata,

17
00:01:04,360 --> 00:01:05,480
ma wonobi,

18
00:01:05,480 --> 00:01:06,620
ma Lasaro baade.

19
00:01:06,620 --> 00:01:10,280
Mɔ gɛtɛ Yesu ɛ nʋn Lasaro geyeba fɔ,

20
00:01:10,280 --> 00:01:15,560
e biri e di awi anyɔɔ ɛ fɩya ɔkʋn gɛtɛ ɛ̀ sa fɔ.

21
00:01:15,560 --> 00:01:20,560
Wʋʋ gama fɔ ɛ dɔ̀ wɔ bɛkasɩlɛ fɔ alan,

22
00:01:20,560 --> 00:01:22,900
“Ɩ yɛ taà biri tɩ san Yudeya!”

23
00:01:22,900 --> 00:01:27,120
Mɔ wɔ bɛkasɩlɛ fɔ bɛ dɔ̀ wɔ alan,

24
00:01:27,120 --> 00:01:28,200
“Ɛndɩrɛ,

25
00:01:28,200 --> 00:01:35,740
awi asiyee nyayɩ yaanɩ gɛ Yuda bete bɔɔ bɛndɩrɛ fɔ be len gɛtɛ bàà fun wɔ̀ ataa be wolo,

26
00:01:35,740 --> 00:01:39,320
gɛ à biri aa len àà san dʋkɔ?”

27
00:01:39,320 --> 00:01:43,860
Yesu e tiri ade fɔ yiinyun dɩkpalɩ daanɩ alan,

28
00:01:43,860 --> 00:01:48,780
“Nka awɔrɔnyan fwo-anyɔɔ n sa difilawi daanɩ?

29
00:01:48,780 --> 00:01:52,200
Gɛlɛ wuu koro gengyi ofila wʋ̀ sa,

30
00:01:52,200 --> 00:01:53,600
gɛ ɛnɩ ɛ̀ san fɔ,

31
00:01:53,600 --> 00:01:56,720
ɛn taa tura ma gɩnyankɩ,

32
00:01:56,720 --> 00:01:58,800
yema gɛŋmaŋɩ gɩ̀ sa,

33
00:01:58,800 --> 00:02:00,920
okoro ɛnɩ fɔ ee we.

34
00:02:00,920 --> 00:02:03,680
Mɔ gengyi ofila wù gyu,

35
00:02:03,680 --> 00:02:06,080
gɛ ɛnɩ ɛ̀ san dibilin daanɩ fɔ,

36
00:02:06,080 --> 00:02:07,440
ee tura,

37
00:02:07,440 --> 00:02:09,440
yema gɛŋmaŋɩ gɩn ma.”

38
00:02:09,440 --> 00:02:12,220
Ade-dɔ̀lɛ nyayɩ yɩɩ gama fɔ,

39
00:02:12,220 --> 00:02:14,540
Yesu ɛ nɩ dɔ̀ bɛ alan,

40
00:02:14,540 --> 00:02:17,400
“Tɩɩwɔlɔn Lasaro ɛ fwa bʋda,

41
00:02:17,400 --> 00:02:20,280
mɔ n tɛ fɔrɔ ǹ maà lama wɔ.”

42
00:02:20,280 --> 00:02:23,880
Gɛ wɔ bɛkasɩlɛ fɔ bɛ dɔ̀ wɔ alan,

43
00:02:23,880 --> 00:02:25,340
“Efonte,

44
00:02:25,340 --> 00:02:27,200
gengyi ɛ̀ fwa gɛ bʋda fɔ,

45
00:02:27,200 --> 00:02:28,280
ɛwɔ gbagba ɛɛ̀ tɔ de.”

46
00:02:28,280 --> 00:02:31,700
Fɔ Yesu ɛɛ dɔ̀ gɛ Lasaro diku daade,

47
00:02:31,700 --> 00:02:33,980
mɔ ɛbɛ bɛ̀ nyɩ̀ alɛ,

48
00:02:33,980 --> 00:02:36,400
bʋda tun-tun baade gɛ ɛɛ dɔ̀.

49
00:02:36,400 --> 00:02:39,460
Okoro Yesu ɛ dɔ̀ bɛ ɛ tana alan,

50
00:02:39,460 --> 00:02:41,760
“Lasaro e ku,

51
00:02:41,760 --> 00:02:43,840
mɔ ɛyɩ yii koro,

52
00:02:43,840 --> 00:02:47,740
wʋ̀ ba mɩ ɔsɛ gɛtɛ nn ma dʋkɔ pɛgɛ e ku,

53
00:02:47,740 --> 00:02:51,800
yema waà yɛ yàà wura i to mɩ i di.

54
00:02:51,800 --> 00:02:53,240
Ɩ yɛ taà san wakʋn!”

55
00:02:53,240 --> 00:03:01,420
Gɛ Toma gɛtɛ bee kpèlè wɔ Ata fɔ ɛ dɔ̀ wɔwɔlɔn ɛbɛ Yesu bɛkasɩlɛ fɔ alan,

56
00:03:01,420 --> 00:03:03,760
“Ɩ yɛ taà fɩya ma Yesu tɩ san,

57
00:03:03,760 --> 00:03:05,560
fɔ ɛtɩ ma ɛwɔ tàà ma ku.”

58
00:03:05,560 --> 00:03:08,380
Gɛtɛ Yesu ɛ ma gyu Betani ditele fɔ,

59
00:03:08,380 --> 00:03:12,260
ɛ nʋn gɛtɛ be were lo Lasaro wu di awi anaa.

60
00:03:12,260 --> 00:03:19,560
Fɔ Betani ditele dɩ̀ gbɛma Yerusalem ditele gɛtɛ waà mɛ anlɛ kilometa asiyee.

61
00:03:19,560 --> 00:03:28,760
Gɛ Yuda bete kpekpesi bɛ ba Mata ma Mariya baakʋn gɛtɛ bàà bè wula bootesebi fɔ bɛ kpà bɛ.

62
00:03:28,760 --> 00:03:30,800
Gɛtɛ Mata ɛ nʋn alɛ,

63
00:03:30,800 --> 00:03:32,840
Yesu ɛɛ ba fɔ,

64
00:03:32,840 --> 00:03:34,740
e ye ɛ ma tuma wɔ,

65
00:03:34,740 --> 00:03:36,620
mɔ Mariya bɩrɛ,

66
00:03:36,620 --> 00:03:37,720
ɛ wɔ dɩkpara.

67
00:03:37,720 --> 00:03:42,120
Gɛtɛ Mata e gyu Yesu wakʋn fɔ ɛ dɔ̀ wɔ alan,

68
00:03:42,120 --> 00:03:43,920
“Efonte,

69
00:03:43,920 --> 00:03:45,840
gengyi nafɔ à sa nfan fɔ,

70
00:03:45,840 --> 00:03:48,040
miintesebi ɛn daà ku!

71
00:03:48,040 --> 00:03:50,200
Mɔ nkenke nyawʋ oo,

72
00:03:50,200 --> 00:03:53,560
ǹ nyɩ̀ gɛtɛ gɩnyan-kamasɛ gɛtɛ aà fɔ Wurubwarɛ fɔ,

73
00:03:53,560 --> 00:03:55,160
ɛɛ̀ ka ɛ tɛ wɔ̀.”

74
00:03:55,160 --> 00:03:57,760
Yesu ɛ dɔ̀ wɔ alan,

75
00:03:57,760 --> 00:04:01,680
“Aatesebi fɔ eè biri ɛ tɔ ɛ ba nkpa anɩ.”

76
00:04:01,680 --> 00:04:03,700
Gɛ Mata ɛ dɔ̀ wɔ alan,

77
00:04:03,700 --> 00:04:11,740
“Ǹ nyɩ̀ gɛtɛ awi-sʋlɛ ɔkʋna yaanɩ gɛtɛ bekulɛ powu baà lama be ye diku daanɩ fɔ,

78
00:04:11,740 --> 00:04:13,560
ɛwɔ mɔ ɛɛ̀ lama.”

79
00:04:13,560 --> 00:04:16,080
Yesu ɛ dɔ̀ wɔ alan,

80
00:04:16,080 --> 00:04:18,760
“Nmɩ n di gɛlama-tɔ ye diku daanɩ,

81
00:04:18,760 --> 00:04:21,080
ma nkpa duyu fɔ.

82
00:04:21,080 --> 00:04:23,020
Ɛnɩ gɛtɛ ee to mɩ e di fɔ,

83
00:04:23,020 --> 00:04:25,280
gengyi è ku gba fɔ,

84
00:04:25,280 --> 00:04:26,720
ɛ̀ ba nkpa.

85
00:04:26,720 --> 00:04:28,180
Gɛ ɛnɩ gɛtɛ è si,

86
00:04:28,180 --> 00:04:29,260
gɛ ee to mɩ e di fɔ,

87
00:04:29,260 --> 00:04:34,080
ɛn nan ku e lulu kpa.”

88
00:04:34,080 --> 00:04:37,180
Gɛ Yesu e lila Mata alan,

89
00:04:37,180 --> 00:04:38,920
“Aa to ade nyayɩ a di?”

90
00:04:38,920 --> 00:04:41,940
Mata e yera wɔ alan,

91
00:04:41,940 --> 00:04:44,020
“Ɩɩn Efonte,

92
00:04:44,020 --> 00:04:45,480
na to na di alɛ,

93
00:04:45,480 --> 00:04:50,620
awɔ n di Nkpa Wotolɛ gɛtɛ Wurubwarɛ ɛ dɔ̀ ɛ sɩ alɛ ɛɛ̀ bɛ̀ ba fɔ.

94
00:04:50,620 --> 00:04:56,000
Awɔ n di Wurubwarɛ Wobi gɛtɛ tii so alɛ ɛɛ̀ bɛ̀ ba gɛtʋnkwaa gaanɩ fɔ.”

95
00:04:56,000 --> 00:04:59,080
Gɛtɛ Mata ɛ dɔ̀ nyayɩ e were fɔ,

96
00:04:59,080 --> 00:05:04,380
e biri ɛ san dɩkpara ɛ ma kpèlè wonobi Mariya e ye gɩlan,

97
00:05:04,380 --> 00:05:06,680
gɛ ɛ dɔ̀ wɔ alan,

98
00:05:06,680 --> 00:05:08,000
“Efonte ɛ ba,

99
00:05:08,000 --> 00:05:09,580
gɛ ee kpèlè wɔ̀.”

100
00:05:09,580 --> 00:05:11,880
Gɛtɛ Mariya ɛ nʋn gɛlɛ fɔ,

101
00:05:11,880 --> 00:05:14,660
ɛ tɔ bilenten ɛ ma tuma wɔ.

102
00:05:14,660 --> 00:05:18,040
Fɔ Yesu een te bè gyu ditele fɔ daanɩ,

103
00:05:18,040 --> 00:05:23,280
mɔ ɛ̀ sangba ɛ̀ sa ɔkʋn gɛtɛ Mata ɛ ma tuma wɔ fɔ.

104
00:05:23,280 --> 00:05:29,200
Yuda bete bɛ ba bè si dɩkpara bɛɛ dɔ̀ bɛ sa Mariya.

105
00:05:29,200 --> 00:05:34,520
Gɛtɛ be we anlɛ gɛtɛ Mariya ɛ tɔ disere-kɩlɩn e ye fɔ,

106
00:05:34,520 --> 00:05:41,160
bɛ̀ nyɩ̀ alɛ ɛɛ fɔrɔ ɔkʋn gɛtɛ be lo Lasaro fɔ ɛ̀ maà wula.

107
00:05:41,160 --> 00:05:43,120
Okoro bɛ tɔ bɛ tɛrɛma wɔ.

108
00:05:43,120 --> 00:05:47,520
Gɛtɛ Mariya ɛ ma gyu ɔkʋn gɛtɛ Yesu ɛ̀ sa,

109
00:05:47,520 --> 00:05:48,920
gɛ e we wɔ fɔ,

110
00:05:48,920 --> 00:05:51,960
ɛ ma kura wɔ bɩsɩrɩ baanɩ,

111
00:05:51,960 --> 00:05:53,920
gɛ ɛ dɔ̀ wɔ alan,

112
00:05:53,920 --> 00:05:55,640
“Efonte,

113
00:05:55,640 --> 00:05:59,080
gengyi nafɔ à sa nfan fɔ,

114
00:05:59,080 --> 00:06:01,280
miintesebi ɛn daà ku.”

115
00:06:01,280 --> 00:06:04,480
Gɛtɛ Yesu e we anlɛ gɛtɛ Mariya,

116
00:06:04,480 --> 00:06:09,200
ma Yuda bete gɛtɛ bɛ̀ tɛrɛma wɔ fɔ bee wula fɔ,

117
00:06:09,200 --> 00:06:10,560
wʋ taga wɔ,

118
00:06:10,560 --> 00:06:12,800
gɛ dɩkpʋkpʋ di sere wɔ.

119
00:06:12,800 --> 00:06:15,560
Gɛ e lila bɛ alan,

120
00:06:15,560 --> 00:06:17,760
“Ganɩ gɛ i lo wɔ?”

121
00:06:17,760 --> 00:06:19,880
Gɛ bɛ dɔ̀ wɔ alan,

122
00:06:19,880 --> 00:06:20,840
“Efonte,

123
00:06:20,840 --> 00:06:21,280
ba,

124
00:06:21,280 --> 00:06:23,320
fɔ àà bɛ̀ nya!”

125
00:06:23,320 --> 00:06:25,540
Gɛ Yesu e wula.

126
00:06:25,540 --> 00:06:30,440
Ɛwʋ gɛ Yuda bete bɔɔ bɛndɩrɛ fɔ bɛ dɔ̀ alan,

127
00:06:30,440 --> 00:06:32,360
“Ɩ nya anlɛ gɛtɛ ee len wade!”

128
00:06:32,360 --> 00:06:35,360
Mɔ baanɩ bɛkɩ bɛ dɔ̀ alan,

129
00:06:35,360 --> 00:06:40,000
“Nka Yesu nyawɔ na tirima ɛnʋn-gbenalɛ bʋnʋn fɔ?

130
00:06:40,000 --> 00:06:46,580
Anʋn yii koro gɛ ɛn talɩ e to ɛwɔ nyawɔ ɛ ya gɛtɛ ɛn daà ku?”

131
00:06:46,580 --> 00:06:49,320
Dɩkpʋkpʋ di ni sere Yesu,

132
00:06:49,320 --> 00:06:52,660
gɛ ɛ ba ɔkʋn gɛtɛ be lo wɔ fɔ.

133
00:06:52,660 --> 00:06:55,780
Be lo wɔ gɛ dɩtaa-fwe daanɩ,

134
00:06:55,780 --> 00:07:00,240
gɛ bɛ ka dɩtaa-dɩrɛ be tin difwe fɔ diinyun.

135
00:07:00,240 --> 00:07:03,300
Gɛ Yesu ɛ dɔ̀ bɛ alan,

136
00:07:03,300 --> 00:07:05,920
“I tiri dɩtaa fɔ i ye dʋkɔ!”

137
00:07:05,920 --> 00:07:10,820
Gɛ ekulɛ fɔ wonosobi Mata ɛ dɔ̀ Yesu alan,

138
00:07:10,820 --> 00:07:11,800
“Efonte,

139
00:07:11,800 --> 00:07:13,480
ɔkʋna nyawʋ bɩrɛ,

140
00:07:13,480 --> 00:07:14,120
ɛɛ mɩna,

141
00:07:14,120 --> 00:07:17,900
yema ǹdò n di awi anaa gɛtɛ be lo wɔ.”

142
00:07:17,900 --> 00:07:20,480
Ɛwʋ gɛ Yesu e lila wɔ alan,

143
00:07:20,480 --> 00:07:22,120
“Mɩn dɔ̀ wɔ̀ alɛ,

144
00:07:22,120 --> 00:07:24,720
gengyi à to mɩ a di fɔ,

145
00:07:24,720 --> 00:07:27,780
aà we Wurubwarɛ gingyebi fɔ?”

146
00:07:27,780 --> 00:07:32,680
Okoro be bilima dɩtaa fɔ be ye gɩsàn fɔ giinyun.

147
00:07:32,680 --> 00:07:35,240
Ɛwʋ gɛ Yesu ɛ nya gatala,

148
00:07:35,240 --> 00:07:39,080
gɛ e tiri onyun ɛ tɛ Wurubwarɛ alan,

149
00:07:39,080 --> 00:07:39,640
“Nte,

150
00:07:39,640 --> 00:07:43,380
n tɛ tɛ wɔ̀ karan gɛtɛ aa nʋn maade a tɛ mɩ.

151
00:07:43,380 --> 00:07:44,800
Gɛ nmɩ bɩrɛ,

152
00:07:44,800 --> 00:07:49,320
ǹ nyɩ̀ gɛtɛ aa nʋn maade a tɛ mɩ ɔya-kamasɛ.

153
00:07:49,320 --> 00:07:54,920
Mɔ bɛnɩ gɛtɛ bè yela nfan lɛ boo koro gɛ na dɔ̀ gɛlɛ,

154
00:07:54,920 --> 00:07:59,260
fɔ bàà wura be to be di gɛtɛ awɔ na sa mɩ.”

155
00:07:59,260 --> 00:08:03,560
Gɛtɛ Yesu ɛ dɔ̀ gɛlɛ e were fɔ,

156
00:08:03,560 --> 00:08:06,840
ɛ gbɛrɛ afala kin-kin e kpèlè Lasaro alan,

157
00:08:06,840 --> 00:08:08,360
“Lasaro,

158
00:08:08,360 --> 00:08:09,560
ye ba!”

159
00:08:09,560 --> 00:08:11,760
Gɛ ekulɛ fɔ e ye ɛ ba,

160
00:08:11,760 --> 00:08:16,460
gɛ anyan-lolɛ fɔ ɩ̀ ban walɔ ma wɔ bɩsɩrɩ,

161
00:08:16,460 --> 00:08:20,000
gɛ ɔtama mɔ wʋ̀ ban wɔ bʋnʋn.

162
00:08:20,000 --> 00:08:22,320
Gɛ Yesu ɛ dɔ̀ bɛ alan,

163
00:08:22,320 --> 00:08:24,240
“I furu wɔ ɛ̀ɛ̀ san!”

164
00:08:24,240 --> 00:08:28,800
Gɛ Yuda bete kpekpesi gɛtɛ bɛ ba Mariya wakʋn,

165
00:08:28,800 --> 00:08:32,260
gɛ be we ade gɛtɛ Yesu ɛ mɛ fɔ,

166
00:08:32,260 --> 00:08:33,740
be to wɔ be di.

167
00:08:33,740 --> 00:08:39,660
Mɔ baanɩ bɛkɩ be biri gama bɛ san Farisi bete fɔ baakʋn,

168
00:08:39,660 --> 00:08:44,180
gɛ bɛ ma dɔ̀ bɛ ade gɛtɛ Yesu ɛ mɛ fɔ.

169
00:08:44,180 --> 00:08:53,160
Ɛwʋ gɛ gedi gɩɩ bɛtɛlɛ bɔɔ bɛndɩrɛ ma Farisi bete fɔ be kpèlè ditele dɩɩ bɛndɩrɛ fɔ be tuma.

170
00:08:53,160 --> 00:08:56,920
Gɛ be lila bɔɔwɔlɔn ɛbɛ alan,

171
00:08:56,920 --> 00:08:58,900
“Lan gɛ taa mɛ?

172
00:08:58,900 --> 00:09:02,680
Yema ete nyawɔ ɛɛ mɛ ade-dɩrɛ ma gɩsaa kpekpesi.

173
00:09:02,680 --> 00:09:05,360
Gengyi tì kere wɔ tɩ ya gɛlɛ fɔ,

174
00:09:05,360 --> 00:09:07,960
ɛnɩ-kamasɛ eè bè to wɔ e di,

175
00:09:07,960 --> 00:09:14,360
gɛ waà yɛ Roma bete bàà bè gbena tii Dikwo-dɩrɛ ma tɩɩ gɩfɩɩ powu.”

176
00:09:14,360 --> 00:09:18,280
Gɛ baanɩ ɛkɩ gɛtɛ bee kpèlè wɔ Kayifa,

177
00:09:18,280 --> 00:09:24,320
gɛ è di gedi gɩɩ bɛtɛlɛ bɔɔndɩrɛ gɩkyan gɩtɔkɔ gaanɩ fɔ,

178
00:09:24,320 --> 00:09:25,480
ɛ dɔ̀ bɛ alan,

179
00:09:25,480 --> 00:09:26,960
“Ɛyɩ bɩrɛ,

180
00:09:26,960 --> 00:09:28,280
ɩɩn nyɩ̀ gɩnyankɩ!

181
00:09:28,280 --> 00:09:36,360
Ɩɩn tɛ nyɩnla gɛtɛ wʋ̀ kɔlɔ gɛtɛ ɛnɩ-kɩlɩn èè ku tɛ bɛnɩ da gɛtɛ tɩɩ bɛnɩ powu bàà mɩna.”

182
00:09:36,360 --> 00:09:41,960
Nka Kayifa gbagba wamɩnlɛ gɛ ɛ ka ɛ dɔ̀ gɛlɛ gaade nyayɩ.

183
00:09:41,960 --> 00:09:57,740
Mɔ gɛtɛ è di Wurubwarɛ gedi gɩɩ bɛtɛlɛ bɔɔndɩrɛ gɩkyan gɩtɔkɔ gaanɩ fɔ okoro gɛ Wurubwarɛ ɛ yɛ wɔ ɛ dɔ̀ ɛ sɩ gɛtɛ wù di gɛtɛ Yesu èè bè ku ɛ tɛ Yuda bete powu.

184
00:09:57,740 --> 00:10:02,820
Kayifa ɛɛn nyɩ̀ gɛtɛ nka Yuda bete booko gɛ Yesu eè ku ɛ tɛ.

185
00:10:02,820 --> 00:10:04,240
Mɔ fɔ,

186
00:10:04,240 --> 00:10:09,040
eè ku ɛ tɛ Wurubwarɛ bebi gɛtɛ bɛ yasɩ fɔ powu,

187
00:10:09,040 --> 00:10:11,340
fɔ bàà mɛ ɛkɩlɩn.

188
00:10:11,340 --> 00:10:15,060
Ye duwi gɛtɛ bɛndɩrɛ fɔ be tuma fɔ,

189
00:10:15,060 --> 00:10:19,960
bee ti bugiti isele gɛtɛ baà ka be wolo wɔ.

190
00:10:19,960 --> 00:10:26,200
Gɛlɛ wuu koro Yesu en mini tiri koro okòro Yudeya gɛtʋnkwaa gaanɩ.

191
00:10:26,200 --> 00:10:36,200
Mɔ e ye dʋkɔ ɛ san gɛtʋnkwaa gɛtɛ gɩ̀ gbɛma otonkuma waanɩ gii ditelebi gɛtɛ bee kpèlè Efarim fɔ daanɩ.

192
00:10:36,200 --> 00:10:40,240
Dʋkɔbɛ gɛ ɛwɔ ma wɔ bɛkasɩlɛ fɔ bɛ ma sara.

193
00:10:40,240 --> 00:10:46,300
Yuda bete bɔɔ Nkpa-geto gaawi yii gedi ɩɩ gbɛma.

194
00:10:46,300 --> 00:10:54,880
Okoro bɛnɩ kpekpesi be ye atele-atele yaanɩ bɛ san Yerusalem gɛtɛ bàà ma kpa boo koro dɩdɩɩ,

195
00:10:54,880 --> 00:11:00,460
anlɛ gɛtɛ bɛɛ tɩ mɛ pɛ Nkpa-geto gaawi fɔ yàà nɩma fɔ.

196
00:11:00,460 --> 00:11:04,260
Ɔkʋna wʋtɔkɔ waanɩ fɔ bee bugiti Yesu.

197
00:11:04,260 --> 00:11:08,400
Gɛtɛ bè yela Wurubwarɛ Dikwo-dɩrɛ daanɩ fɔ,

198
00:11:08,400 --> 00:11:10,180
be lila bɛwɔlɔn alan,

199
00:11:10,180 --> 00:11:12,600
“Lan n di yaamɩnlɛ?

200
00:11:12,600 --> 00:11:14,280
Gì si lɛ,

201
00:11:14,280 --> 00:11:17,020
ɛn nan bè di Nkpa-geto gaawi fɔ loo?”

202
00:11:17,020 --> 00:11:18,740
Mɔ fɔ,

203
00:11:18,740 --> 00:11:27,640
gedi gɩɩ bɛtɛlɛ bɔɔ bɛndɩrɛ ma Farisi bete fɔ bɛ dɔ̀ bɛ sɩ gɛtɛ gengyi ɛnɩ ɛkɩ ɛ̀ nyɩ̀ ɔkʋn gɛtɛ Yesu ɛ̀ sa fɔ,

204
00:11:27,640 --> 00:11:29,100
e bè wùlà bɛ,

205
00:11:29,100 --> 00:11:34,000
fɔ bàà wura bɛ ma gye wɔ.