1
00:00:05,000 --> 00:00:14,880
Sabati yamú anan Yisasi ano vanasi ayofiyaimpin mi Yutan kayo ano mai van béin namuroí uanten mino.

2
00:00:14,880 --> 00:00:19,540
Máan uantiyákan Yisasi evaránen betin tiamemí,

3
00:00:19,540 --> 00:00:29,580
“Te Sifóe ano fara yoren oriyan báken taréa yeren doriyan mifo mai fará téi ifá onte rafuno.”

4
00:00:29,580 --> 00:00:52,820
Sabatirá ma yoran are ukharé ein Yisasi yurafuriyáken ma inká Tiyarafenu van te Sifóe uron mino ma sein nan Yutan kayo ano iníkan Tiyarafenu vá un manaí in baya siyaimpin mai van ben aruan purin aa van dosen mino.

5
00:00:52,820 --> 00:00:58,820
Máan tiyákan Yisasi afová iyáken betí ankan evaránen tiamemí,

6
00:00:58,820 --> 00:01:02,400
“Pura siré tiretí ankan tiamé uno.

7
00:01:02,400 --> 00:01:16,140
Be Anin mano ída kanaíen beyantá mana avúavasí inten mifo ve Afóe ano ma varan nain mai avúavá máa anan be Anin mano varanten mino.

8
00:01:16,140 --> 00:01:17,740
Para vara seyo,

9
00:01:17,740 --> 00:01:28,780
be Afóe ano ve Anin moéken anunu iyáken mi ve ma variyain avúavá máan be Anin aní intin baranten mino.

10
00:01:28,780 --> 00:01:41,780
Máan intin ma ma ayofein banta esantaren moéken kákaní ukhein danasinta varantiya mai avúava san anúde orera inono.

11
00:01:41,780 --> 00:01:43,580
Para vara seyo,

12
00:01:43,580 --> 00:01:56,500
fúká ein kéká ma ve Afóe ano orun avían mantiyainí anan en mi ve Anin mano ve ma anunu inain kéká kasaen aunan aminten mino.

13
00:01:56,500 --> 00:02:07,900
Máan tukhan banta ma yaimin doran maen ída ve Afóe ano yaimé iyan mifo ve Anin mi mai yoran amikhen mino.

14
00:02:07,900 --> 00:02:15,880
Máan tukhein nará be Afóen aví ma yaní iyaonaí e vá be Anin avisá daní ono.

15
00:02:15,880 --> 00:02:27,180
Banta ano ma ve Anin aví ma ída yaní inteya mai ven ma siantan erikhein Afóen avíi ída yaní e ono.

16
00:02:27,180 --> 00:02:30,660
Téi fura siré tiretí ankan tiamé uno.

17
00:02:30,660 --> 00:02:46,680
Mana vanta ano ma sen tivaya inire ma séin ma sisintá erikheruna Tiyarafenurá ma mumunan inona ano ída kípan ayun para van oriyan ban aunan baran nono.

18
00:02:46,680 --> 00:02:59,980
Betíi ume ma yaimin ída vanten mifo veti fefái furin dafu finté ekháden para van oriyan ban aunani yafufin erikhen mino.

19
00:02:59,980 --> 00:03:03,620
“Téi fura siré tiretí ankan tiamiyá uno.

20
00:03:03,620 --> 00:03:23,460
Damú ma afoká ono van iyá ein taréa inka afoká íkan pefá ma fúkaré ein nanin banta ano mai Tiyarafenu Anin avaya iniyantin inká mai vaya ma inin nain kéká ano fara ayun banten mino.

21
00:03:23,460 --> 00:03:25,040
Para vara seyo,

22
00:03:25,040 --> 00:03:39,360
ve Afoé ma veyampin aunan amin ákona vainíien be Anin má ákona amin be Anin má dere veyampin aunan ma amin ákona van mino.

23
00:03:39,360 --> 00:03:47,000
Inká béi Vanta Anin mi vákan banasii avúavá ma yaimin ákona amikhen mino.

24
00:03:47,000 --> 00:03:54,940
Máan tukhanti siretí ankan ída vá ma vaya van anú dureya kokhon ineine ono.

25
00:03:54,940 --> 00:04:04,180
Inka yamú ádé irí iyain púkein nanin banta ano Tiyarafenu Anini vaya iníden maen

26
00:04:04,180 --> 00:04:25,340
masí pinté evaránen e mantaven maen kama avúavá ma variyaré ein kéká ano ída kípan para ayun ban oriyan ban aunan barantin inká namu avúavá ma variyá inain kéká ma kó tiantan naimpin oferanten mino.

27
00:04:25,340 --> 00:04:40,400
Máan tinten mifo séi mana yaná tesi ineine finté ída varanté umpo se Sifóen pintena ma vareruna vayan dakhafé banasii avúavá daiméiyá uno.

28
00:04:40,400 --> 00:04:53,420
Téi ída sesi sinunu yakhafin na séin ma sisintá erikheruna Sifóeni anunun dakhafiyái séi ma yaimiyaruna ano funtáken mino.

29
00:04:53,420 --> 00:05:01,060
Tiyarafenu Ano Ma Yisasi Nan Pura Vanta Ino Sein Baya Ino

30
00:05:01,060 --> 00:05:16,020
Téi ma sesi sivútivá bá doran ma san ma seyantá tian amá iyákun maen banasi ano mai vaya van beyantái siyan mino siren ída ininten mino.

31
00:05:16,020 --> 00:05:26,240
Máa sen ininten mifo ena ano ma senti sivútivá bá doran ma san ma siyantiya mai furan tiyan mino.

32
00:05:26,240 --> 00:05:40,600
Tiretí ankan Yonini vaya o iniren me siamino van manáa vanta kayo sianten nan orikhan mifo véi fura sikhein baya van mi sian amá ukhen mino.

33
00:05:40,600 --> 00:06:00,780
Yonini avúavá baya ma siretin tiamiyaruna mai Tiyarafenu ano siretí ankan evaránen avirano van mumpo senti kama sivútivá bá doran baya vá ma sian amá inain mai ída varará banta kayoi yoran mino.

34
00:06:00,780 --> 00:06:09,820
Mana oon ma uruádeiníi Yoni uven tiretin kakhaantayai sító máará amusin erono.

35
00:06:09,820 --> 00:06:30,780
Máan te ompo Yoni ma yoriyáken tenti vaya sian afoká iyá ein mai séi veni yoran esantakhein dorarí iyáké kokhon enará ukhein aní danasinta variyá umpo mai minó doran Tifóe ano séin timikhen mino.

36
00:06:30,780 --> 00:06:41,280
Minó doran ma séi ma variyaruna ano vanasi avorá tian amá en Tifóe anon téin tisintá erikhé uno.

37
00:06:41,280 --> 00:06:54,500
Erikhékun mi Sifóe ano veyantái sen nan tian amá ukhen mifo siretí ankan ída ven avaya ineya ayafen one ukha ono.

38
00:06:54,500 --> 00:07:01,040
Máan tukhesin pasen tiretí ankan aúpin ída veni vaya vanten mino.

39
00:07:01,040 --> 00:07:02,660
Mai fara va ino.

40
00:07:02,660 --> 00:07:08,920
Béin ma siantan erikhein bantai vayará ída mumunan iya nan mino.

41
00:07:08,920 --> 00:07:31,400
Tiretí ankan Tiyarafenui vompon dókifin dankáde mai vaya yaíde afová e nan mai ano ída kípan ayun para van oriyan ban aunan timinten mino siya ompo mai Tiyarafenui vompon dóki ano séin nan mi siádan baré íkaya

42
00:07:31,400 --> 00:07:40,820
siretí ankan téi vaípá ída eriveya ída kípan ayun para van oriyan ban aunan bariya ono.

43
00:07:40,820 --> 00:07:49,480
“Téi ma ma vaya kayo ma siyaruna mai vanasi fintena kákan bí baranova rauno.

44
00:07:49,480 --> 00:07:50,660
Ída ino.

45
00:07:50,660 --> 00:07:55,940
Máan tukhein mifo séi siretí ankan afová ukhé uno.

46
00:07:55,940 --> 00:08:01,720
Tiretí ankan aúkáké ída Tiyarafenu van anunu ukha ono.

47
00:08:01,720 --> 00:08:18,960
Téi Sifóen avíkái erikhé kuyai siretí ankan ída séinti vaya variya ompo mana vanta ano ma ve avíká ma erintiya mae siretí ankan manádái mai vantai vaya aine varan nono.

48
00:08:18,960 --> 00:08:31,460
Tiretiyan mi kákan bí baran maran iyáke Tiyarafenu ano ma amiyain bí ída variya ompo intesá ureyá mumunan inte rafono.

49
00:08:31,460 --> 00:08:38,920
“Tiretí ankan ída vá ten nan Tifóen avorá daiminten mino se vá ineno.

50
00:08:38,920 --> 00:08:49,440
Tiretí ankan ma Mosesin nan tiya inten mino ma se inikhá eona mai vanta anon tiretí ankan daiminten mino.

51
00:08:49,440 --> 00:08:58,340
Mosesini vayará pura sen mumunan e vareya mai senti vayará deren mumunan inonaren mino.

52
00:08:58,340 --> 00:09:00,440
Mai fara vara seyo,

53
00:09:00,440 --> 00:09:06,640
béi ma uvantaré ein bompompin mai sen nan mi sikhan mino.

54
00:09:06,640 --> 00:09:22,180
Máa sikhan mifo mai ma véi uvanteré ein bayará ma ída mumunan inteya mai siretí ankan intesá ureyá tenti vayará mumunan inte fono.”