1
00:00:05,000 --> 00:00:07,720
Máa siren Yisasi evaránen temí,

2
00:00:07,720 --> 00:00:16,740
“Barará nanin banta ano ma siretí ankan ma namuroí uantantiya mai van tireti ída vá amino ono.

3
00:00:16,740 --> 00:00:22,080
Mai fefá betí ankan téin namuroí ukhá einíi inten mino.

4
00:00:22,080 --> 00:00:38,240
Tiretí ankan ma ma vara ráke vanta kayo an ma yakhesin maen banasi ano setisi kéká ino siren tiretin nan anunu inten mifo siretí ankan ída ma vara ráke vantan ba ono.

5
00:00:38,240 --> 00:00:48,280
Téi ma siretin aní uré ma o avíádéku vaona van mi varará nanin banta ano namuroí uantanten mino.

6
00:00:48,280 --> 00:00:54,540
Téi ma siretí ankan tiamikháeruna mai vaya vá ovare me ineno.

7
00:00:54,540 --> 00:01:00,460
‘Doran banta ano vei ayafa vanta ída esantakhein mino.’

8
00:01:00,460 --> 00:01:10,060
Betí ankan ma séin namu usintákaren maen máan manan en tiretin má dere namu uantanten mino.

9
00:01:10,060 --> 00:01:20,060
Máan tinten mifo senti vaya ánain ma yakhákaren maen mai siretíi vaya ánain deren dakhafinten mino.

10
00:01:20,060 --> 00:01:31,760
Téi ma sisintá erikheruna Tiyarafenun barará nanin banta ano ída afová ukhen mi séin nare siren tiretin namuroí uantanten mino.

11
00:01:31,760 --> 00:01:45,380
Téi ma ída erivé baya siamékun maen betí ankan ída umei miyan baranté ein mifo saréa vetí ankani ume ma aúmanin aa ída van mino.

12
00:01:45,380 --> 00:01:52,780
Téin ma namuroí iyain nanin banta ano mai Sifóen mái namuroí uantiyan mino.

13
00:01:52,780 --> 00:02:06,120
Máan tiyan mifo vetin aúbaná ma váké mana vanta ano yoká ein doran ma ída yoriyákun maen umei miyan ída vetí baranten mino.

14
00:02:06,120 --> 00:02:19,040
Taréa enará ukhein danasintan téi aní iyákun betí ankan oniyáken mifo se Sifóe má téi má deren para namuroí usintiyan ban mino.

15
00:02:19,040 --> 00:02:28,420
Mai avúavá ma vetí ankan bariyain manon mai ma vetíi man bayafin ma máa sikhá ein mi kanaíen mino.

16
00:02:28,420 --> 00:02:32,640
‘Ída ana vaintá paran namuroí usintiyan mino.’

17
00:02:32,640 --> 00:02:42,320
Tiretí ankan ma Ákona Uantan Aunan Tifóen má bain téi siantékun tireti vaonafá erinten mino.

18
00:02:42,320 --> 00:02:52,660
Pura vaya sin Aunan mi Sifóen má bain eriven maen tenti sivútivá bá doran má me sian amá inten mino.

19
00:02:52,660 --> 00:03:00,620
Máan tinten mifo siretí ankan masá tenti vaya vá tivútivá basá tian amá ono.

20
00:03:00,620 --> 00:03:02,420
Mai fara vara seyo,

21
00:03:02,420 --> 00:03:11,260
siretí ankan manon araí in táké ten má báke minó daná afová ukha ono.”

22
00:03:11,260 --> 00:03:19,080
“Tiretí ankan ída mumunan ampeno van téi inikhéi siretin ma vaya siamiyá uno.

23
00:03:19,080 --> 00:03:20,540
Para vara seyo,

24
00:03:20,540 --> 00:03:32,900
yamú eriyain monó átaru namun pinte siretin do siantiyáken Tiyarafenui kama yorarí iyá uno siren tiretin aruan purinten mino.

25
00:03:32,900 --> 00:03:34,500
Mai fara va ino,

26
00:03:34,500 --> 00:03:41,220
vetí ankan Tifóen má ten má ída afová ukhen mi mai avúavá baranten mino.

27
00:03:41,220 --> 00:04:00,800
Máan tintéíi séi siretin má ayáká bantéi ma vaya fefá ída siamikharé umpo ínaimpá ma vanta kayo ano ma mai avúavá ma siretin amaniná kaintiya ma vaya ovare me ineno van mi siamiyá uno.