1
00:00:05,000 --> 00:00:12,420
Yisasi ma mai vaya kayo siamíden maen béi inarufá kakháben máa sen amúkemí,

2
00:00:12,420 --> 00:00:13,780
“Tifóe oe,

3
00:00:13,780 --> 00:00:23,740
yamú inka afoká en mifo vá e Anin kákan bí amesin ná inká e Anin mano éin evaránen kákan bí amino.

4
00:00:23,740 --> 00:00:25,700
Mai fara vara seyo,

5
00:00:25,700 --> 00:00:31,760
éi anon minó nanin bantará ma yafisin ákona véin amikha ono.

6
00:00:31,760 --> 00:00:41,880
Mai ma véin avían amikheona nanin banta véi anon kanaíen ayun ma fara van oriyan ban aunan aminten mino.

7
00:00:41,880 --> 00:00:47,580
Ayun ma fara van oriyan ban aunan mai máan mi ukhen mino.

8
00:00:47,580 --> 00:01:06,740
Mai aunan ma varan nain kayo anon éin nan manan pura sikhein Tiyarafenun ban mino sen afová en mi inká Tiyarafenu ano ma aní ukhein banta Yisasin nan éi anon tianten nan erikhen ne sinten mino.

9
00:01:06,740 --> 00:01:17,700
Éi ma sen timeona mai yoran inka yóan kípéi varará nanin bantafin éini kákan bí bá ákona vá aní é uno.

10
00:01:17,700 --> 00:01:19,140
Tifóe oe,

11
00:01:19,140 --> 00:01:31,300
fefá ma ma vara ída afoká ukhá ma kákan bí bá ma váeruna mai kákan bí taréa simiresíen má bano van mi ukhé uno.

12
00:01:31,300 --> 00:01:37,940
Yisasi Ma Vei Eyo Iyampon Kayo Amúkuantein Baya Ino

13
00:01:37,940 --> 00:01:46,260
Barará banta kéká ma éi sen timikhá eona mai kayo éin aví inka siamikhé uno.

14
00:01:46,260 --> 00:01:57,520
Betí ankan eni vanta kékái varéiyai séin inka simikhe nan mi vetí ankan eni vaya kamaen dakhafiyan mino.

15
00:01:57,520 --> 00:02:06,640
Minó daná ma séin timikheona mai en pinté anan erikhan mi vetí inka afová en mino.

16
00:02:06,640 --> 00:02:08,200
Para vara seyo,

17
00:02:08,200 --> 00:02:14,760
mai ma sisimeona vaya máa vetin tiamékun inka afová en mino.

18
00:02:14,760 --> 00:02:27,040
E vaípákéi séin nan erikhen mino sen afová iyáken inká en nan mi sen tiantan erikhen mino sen mumunan iyan mino.

19
00:02:27,040 --> 00:02:40,740
Barará nanin banta aya onovara séi simúkiya raumpo éi ma sen timikheona mai eni kékái vá mai kayo van mi simúkiyá uno.

20
00:02:40,740 --> 00:02:49,040
“Tenti vanasi ma vain mai eni nan bákan inká eni vanasi ma vain mai senti nan ban mino.

21
00:02:49,040 --> 00:02:59,220
Máan tukharé iyan minó mai nanin banta éi ovaráne sen timen nan mai anon téin kákan bí timen mino.

22
00:02:59,220 --> 00:03:08,060
Téi ma vara me ampiré éi vaonafá orivé ída vanté umpo vetí ankan mi ma varará banten mino.

23
00:03:08,060 --> 00:03:10,740
Kantasí ukheona Sifóe oe,

24
00:03:10,740 --> 00:03:16,500
mai ma séin timikheona ákona fókesá betin dafiseno.

25
00:03:16,500 --> 00:03:23,720
Máan tesin ná erasan ma mana varunaí e ná betí ankan mana vá bano.

26
00:03:23,720 --> 00:03:33,720
Téi ma ma kéká bá báké maé éi ma sen timikheona ákona fóké betin dafíkékun bare mino.

27
00:03:33,720 --> 00:03:44,560
Minó ano ída afeyoranten mifo eni vompon dóki ano ma sikharé einíi en mana vanta ano anan o afeyoranten mino.

28
00:03:44,560 --> 00:04:01,600
“Máan tintéíi séi ma vetin má para váké maé kokhon bayan tiamiyaréi saréa éi vaonafá ma oriyákun maen mi senti simusin mano vetin aúpin bíkanten mino.

29
00:04:01,600 --> 00:04:11,000
Eni vaya máa inka vetin tiamikhékun mi ma vara ráke nanin banta ano vetin namuroí uantiyan mino.

30
00:04:11,000 --> 00:04:12,640
Para vara seyo,

31
00:04:12,640 --> 00:04:18,640
sen an den betí ankan ída ma vara ráke vanta kékái van mino.

32
00:04:18,640 --> 00:04:31,500
Ma vara rákena vetí ankan do aviran novara inaiya raumpo vetintá dafíbesin Ban Anon mano ída vetin namu ino van mi simúkiyá uno.

33
00:04:31,500 --> 00:04:39,000
Téi ída ma vara ráke vákun betin má dere sen an den ída ma vara ráke ino.

34
00:04:39,000 --> 00:04:52,540
Minó ei fura sikhein baya kayo fóké betí ankan afova amesin ná betin aúpin dorantin maman kantasí uven eni kékasí ino van muno.

35
00:04:52,540 --> 00:05:01,620
Éi ma sen tisinten ná ma varafin ererunaíi é ma kéká tiantékun ma varafin orinten mino.

36
00:05:01,620 --> 00:05:03,220
Para vara seyo,

37
00:05:03,220 --> 00:05:13,840
vetin nan ma sesi minó bukhafa éin amerunaíi en betíi minó bukhafa fura sen éin aminten mino.

38
00:05:13,840 --> 00:05:20,500
Yisasi Ma Mumuman Nanin Banta Amúkuantein Baya Ino

39
00:05:20,500 --> 00:05:36,380
“Tenti eyo iyampon kayo ana aya ono vara simúke rauno vetí ankani vaya ma iniren téintá ma mumunan inain mai kéká bá aya ono van mi simúké uno.

40
00:05:36,380 --> 00:05:44,120
Téi ma simúkeruna mai minó nanin banta ano ará manafiní uren manafin bano van muno.

41
00:05:44,120 --> 00:06:01,360
Éi Sifóe sempin baná ma séi empin barunaíen betí ankan erasampin bantin éin nan mi se nan tiantan erikhen mino siren barará nanin banta ano mumunan inten mino.

42
00:06:01,360 --> 00:06:19,200
Éi ma kakhan má ákona vá ma séin timikhá eona mai séi vetin ameruna erasan ma sirá manafiní uré manafin barunaíen betí ankan ará manafiní uren manafin banten mino.

43
00:06:19,200 --> 00:06:45,060
Téi vetí ankan má bákuya éi sen má banái mai avúava san mi vetí ankan ará manafiní uren manafin bantin barará nanin banta ano afová en éin nan mi séin tiantan erikhan mi séin ma anunu iyainíi en mi vetin anunu iyan mino sen afová inten mino.

44
00:06:45,060 --> 00:06:46,440
“Tifóe oe,

45
00:06:46,440 --> 00:06:54,380
ma ma sen timikheona nanin banta ano sen ma vanunará bano van mi inikhé uno.

46
00:06:54,380 --> 00:07:11,700
Ma vara ma ída afoká ukhaya ma éi sen nan anunu ure ma mai kakhan má ákona vá ma simikhá eona mai kakhan má ákona vá téin ma simikheona kéká ano onano van muno.

47
00:07:11,700 --> 00:07:13,820
“Puntákein Tifóe oe,

48
00:07:13,820 --> 00:07:29,720
minó barará nanin banta ano éin ída afová ukhen mifo séi anan éin afová ukhékun mi éi ma sen tisinten ná erikháeruna mai senti eyo iyampon kayo anon afová ukhen mino.

49
00:07:29,720 --> 00:07:49,940
Éin nan betí ankampin téi inka sian afoká uádákeruna eín nan para sian amáé oriyá bákuya mai ma éi sen tivábá iyaonaí eya vetin avábá esí maé téi vetimpin banté uno.”