\id ROM
\h Romanos
\mt1 Carta na seicwanom Pablo na mꞌaⁿ nnꞌaⁿ Roma
\c 1
\s Xmaⁿndye nnꞌaⁿ na cwilaꞌyuꞌ tsjoom Roma
\p
\v 1 Ja Pablo cwiluiindyo̱ apóstol cwentaaꞌ Jesucristo.
Jom tyꞌioom tsꞌiaaⁿ ja na matseixmaⁿya tsꞌaⁿ na majñom
Tyꞌo̱o̱tsꞌom jo nda̱a̱ nnꞌaⁿ na nñequiaya ñꞌoom naya ꞌnaaⁿꞌaⁿ
cantyja na macwjiꞌnꞌmaaⁿñê joona.
\p
\v 2 Matseicwanom Tyꞌo̱o̱tsꞌom ñꞌoom na macwjiꞌnꞌmaaⁿñê
nnꞌaⁿ. Tandyo xuee tꞌmo̱o̱ⁿ na ljoꞌ nntsꞌaaⁿ ñequio ñꞌomndyuee
profetas. Jlaꞌljeiina ñꞌoomꞌñeeⁿ na ljuꞌ laꞌxmaⁿnaꞌ.
\v 3 Juu ñꞌoom nayaꞌñeeⁿ matꞌuiinaꞌ cantyja ꞌnaaⁿꞌ
Jnaaⁿ, nquii Ta Jesucristo. Cantyja na tsꞌaⁿ jom, tuiiñê
tsjaaⁿ ꞌnaaⁿꞌ rey David na jndyowicantyjooꞌ.
\v 4 Jnda̱ chii tꞌmo̱ⁿ Espíritu Santo na Jnda Tyꞌo̱o̱tsꞌom
juu ndoꞌ waa najndeii. Teitquiooꞌ naljoꞌ ee jnda̱ na
tueꞌ tandoꞌxco quiiꞌntaaⁿ lꞌoo.
\v 5 Ndoꞌ cantyja ꞌnaaⁿꞌ jom macandaya naya na matseixmaⁿ
Tyꞌo̱o̱tsꞌom na majñoom ja tsꞌiaaⁿ ꞌnaaⁿꞌaⁿ jo nda̱a̱ nnꞌaⁿ
chaꞌwaa tsjoomnancue. Ee lꞌue tsꞌoom na meiⁿquiayuucheⁿ
caliu nnꞌaⁿ na tꞌmaⁿ waa na jnda̱ sꞌaaⁿ, cha calaꞌyuꞌya
nꞌomna ndoꞌ calaꞌcanda̱na jo nnoom.
\v 6 Mati mañꞌoomnaꞌ ꞌo, ee maqueeⁿꞌñê ꞌo na calaꞌxmaⁿꞌyoꞌ
cantyja ꞌnaaⁿꞌ Jesucristo.
\p
\v 7 Matseicwano̱ⁿ cartawaa na mꞌaⁿꞌ chaꞌtsondyoꞌ ꞌo
na candyaꞌ tsꞌom Tyꞌo̱o̱tsꞌom na mꞌaⁿꞌyoꞌ Roma, na maqueeⁿꞌñê
na cwiluiindyoꞌ cwentaaⁿꞌaⁿ. Nquii Tsotya̱a̱ya Tyꞌo̱o̱tsꞌom
ñequio Ta Jesucristo quiana na tjaa ñomtiuu cꞌomꞌyoꞌ
jo nda̱a̱na ñequio naya na laxmaⁿna.
\s Ñeꞌcjaacandoꞌ Pablo nnꞌaⁿ na cwilaꞌyuꞌ Roma
\p
\v 8 Najndyee ncꞌe Jesucristo, mañequiaya na quianlꞌuaaꞌ
Tyꞌo̱o̱tsꞌomya cantyja ꞌnaⁿꞌyoꞌ. Ee meiⁿyuucheⁿ na mawa̱ya,
ya ñꞌoom cwilaꞌneiⁿ nnꞌaⁿ cantyja na cwilaꞌyuꞌya ñꞌomꞌyoꞌ
ñꞌeⁿñê.
\v 9 Manoomꞌm na mayuꞌa na ticjo̱meintyja̱a̱ꞌa na macaⁿꞌa
nnoom na cateijneiⁿ ꞌo. Mꞌaaⁿya na xcweeꞌ tsꞌo̱o̱ⁿya na
mandiꞌntjo̱ⁿya nnoom. Ndoꞌ ñequiiꞌcheⁿ matseina̱ⁿya nda̱a̱
nnꞌaⁿ ñꞌoom naya cantyja ꞌnaaⁿꞌ Jnaaⁿ Jesucristo.
\v 10 Ñequiiꞌcheⁿ na macaⁿꞌa nnom Tyꞌo̱o̱tsꞌom cha xeⁿ
na jom lꞌue tsꞌoom nncueꞌntyjo̱ na nnda̱a̱ nncjo̱cando̱o̱ꞌa
ꞌo.
\v 11 Ee ntyjaaꞌya tsꞌo̱o̱ⁿya na nncua̱ꞌcaño̱o̱ⁿya na nnteijndeiya
ꞌo ñequio ñꞌoomꞌ Tyꞌo̱o̱tsꞌom cha nntsanaꞌjnda̱ꞌyoꞌ cantyja
ꞌnaaⁿꞌaⁿ.
\v 12 Luaaꞌ lꞌue tsꞌo̱o̱ⁿ cha juu na cwilayuꞌya nꞌomꞌyoꞌ
ñꞌeⁿñê ñequio juu na matseiyuꞌya tsꞌo̱o̱ⁿya tjoomꞌ nnteijndeiinaꞌ
ꞌo ndoꞌ nnteijndeiinaꞌ ja.
\p
\v 13 ꞌO nnꞌaⁿya na cwilaꞌyuꞌyoꞌ ñꞌeⁿ Tyꞌo̱o̱tsꞌom, lꞌue
tsꞌo̱o̱ⁿ na caliuꞌyoꞌ na jndye ndiiꞌ tyotseijndaaꞌndyo̱
na nncua̱ꞌcaño̱o̱ⁿya ꞌo, sa̱a̱ ñeseicuꞌnaꞌ ja. Luaaꞌ waa na
ñetqueⁿ tsꞌo̱o̱ⁿ, cha cantyja ꞌnaaⁿꞌ tsꞌiaaⁿ na nntsꞌaaya
majndyeti nnꞌaⁿ nntioondye lꞌo̱o̱ⁿ, ndoꞌ mati ꞌo nntsaalaꞌno̱ⁿꞌtiꞌyoꞌ
cantyja ꞌnaaⁿꞌaⁿ chaꞌxjeⁿ quiluii quiiꞌntaaⁿ ntꞌomcheⁿ
nnꞌaⁿ na nchii judíos.
\v 14 Ee matseijomnaꞌ ja chaꞌcwijom cwii tsꞌaⁿ na tꞌmaⁿ
chujnaⁿ, tseixmaⁿya na ljoꞌ nda̱a̱ nnꞌaⁿ na cwilaꞌneiⁿ
ñꞌoom griego, ndoꞌ mati nda̱a̱ meiⁿquia nnꞌaⁿ na tjachuiiꞌ
ñꞌoom na cwilaꞌneiⁿ. Oo nda̱a̱ nnꞌaⁿ na jndo̱ꞌ nꞌom cantyja
ꞌnaaⁿꞌ ljeii, ndoꞌ mati nda̱a̱ nnꞌaⁿ na ticataꞌjnaaⁿꞌ ljeii.
\v 15 Joꞌ chii jeeⁿ queeⁿ tsꞌo̱o̱ⁿya na mati nñequiaya
ñꞌoom na macwjiꞌnꞌmaaⁿñe Tyꞌo̱o̱tsꞌom nnꞌaⁿ nda̱a̱ ꞌo quia
na nncua̱ya na mꞌaⁿꞌyoꞌ Roma.
\s Waa najndeii ñꞌoom naya
\p
\v 16 Tijnaaⁿꞌa cantyja ꞌnaaⁿꞌ ñꞌoom naya ꞌnaaⁿꞌ Tyꞌo̱o̱tsꞌom,
ee juunaꞌ cwiluiiñenaꞌ najneiⁿ na macwjiꞌnꞌmaaⁿñê meiⁿcwiꞌñeeⁿcheⁿ
tsꞌaⁿ na matseiyuꞌ ñꞌoom nayaꞌñeeⁿ. Najndyee machꞌeeⁿ
na ljoꞌ ñequio nnꞌaⁿ judíos ndoꞌ mati ñequio meiⁿquia
nnꞌaⁿ.
\v 17 Juu ñꞌoom nayaꞌñeeⁿ matseicandiinaꞌ chiuu machꞌee
Tyꞌo̱o̱tsꞌom na maqueeⁿ jaa na tjaa jnaⁿ laxmaaⁿya jo
nnoom ncꞌe na cwilaꞌyuꞌya nꞌo̱o̱ⁿya ñꞌeⁿ Jesucristo. Ee
waa ñꞌoomꞌm na teiljeii na matsonaꞌ na ljoꞌ: “Nquii
tsꞌaⁿ na maqueⁿ Tyꞌo̱o̱tsꞌom na tjaa jnaⁿ tseixmaⁿ, catseiyuꞌya
tsꞌom tsaⁿꞌñeeⁿ ñꞌeⁿñê.”
\s Chaꞌtsondye nnꞌaⁿ jnda̱ jlaꞌtjo̱o̱ndyena
\p
\v 18 Ee xjeⁿ cañoomꞌlueecheⁿ matseicano̱o̱ⁿ Tyꞌo̱o̱tsꞌom
na matseiwꞌeeⁿ nacjoo nnꞌaⁿ na cwilꞌa chaꞌtso nnom na
cwajndii ñequio natia. Na nmeiiⁿꞌ cwilꞌana, cwilaꞌlcweꞌna
ntꞌom nnꞌaⁿ na ñeꞌcaliu ñꞌoom na mayuuꞌ cantyja ꞌnaaⁿꞌaⁿ.
\v 19 Ee naquiiꞌ nꞌomna maxjeⁿ manquiuyana ñꞌoom na
mayuuꞌ cantyja ꞌnaaⁿꞌ Tyꞌo̱o̱tsꞌom ee manquiityeeⁿ jnda̱
tꞌmo̱o̱ⁿ chiuu matseixmaaⁿ nda̱a̱na.
\v 20 Ee ljoꞌ na titquiooꞌ na matseixmaⁿ Tyꞌo̱o̱tsꞌom
nnda̱a̱ nncwajnaaⁿꞌ tsꞌaⁿ joꞌ quia na mantyꞌiaaꞌ chaꞌtso
na sꞌaaⁿ. Ee xjeⁿ na tuiicheⁿ tsjoomnancue cwiwitquiooꞌya
na jom cwiluiiñê Tyꞌo̱o̱tsꞌom ndoꞌ chaꞌwaa xuee waa na
jneiⁿ. Joꞌ chii nnꞌaⁿ natia ljoꞌ cwilꞌa xocanda̱a̱ nluena
na tjaaꞌnaⁿ jnaⁿ cachona, meiⁿ xocanda̱a̱ ntaꞌñoomꞌndyena.
\v 21 Ee meiiⁿ na cwilaꞌno̱ⁿꞌna cantyja ꞌnaaⁿꞌ Tyꞌo̱o̱tsꞌom
sa̱a̱ maxjeⁿ tîcalaꞌtꞌmaaⁿꞌndyena jom chaꞌxjeⁿ na macaⁿnaꞌ.
Meiⁿ na quianlꞌuaaⁿꞌaⁿ tiñeꞌnquiana. Ndoꞌ joo ñꞌoom
na tyomꞌaaⁿꞌ nꞌomna cantyja ꞌnaaⁿꞌ chiuu cwiluiiñê jeeⁿ
cweꞌ tsꞌiaaⁿꞌndyo joonaꞌ. Joꞌ chii sꞌaanaꞌ ntjeiⁿ naquiiꞌ
nꞌomna, ndoꞌ na ljoꞌ cwiljo na jaaⁿñe naquiiꞌ nꞌomna.
\v 22 Meiiⁿ na cwiluena na laꞌxmaⁿna nnꞌaⁿ na jeeⁿ
jndo̱ꞌ nꞌom, sa̱a̱ cwino̱o̱ⁿ na cweꞌ ntjeiⁿndyetona.
\v 23 ꞌNdyena na cwilaꞌtꞌmaaⁿꞌndyena Tyꞌo̱o̱tsꞌom na
ticantycwii na wandoꞌ na mꞌaaⁿ yuu na jeeⁿ neiⁿncooꞌ.
To̱ꞌyoona na cwilaꞌtꞌmaaⁿꞌndyena ndyueenda̱a̱ nnꞌaⁿ na
cwintycwii na taꞌndoꞌ, ñequio cantsaa ñequio quiooꞌ na
cwiꞌoocaꞌ ñequio quiooꞌ na tjaaꞌnaⁿ ncꞌeeꞌ.
\p
\v 24 Joꞌ chii ꞌndiito Tyꞌo̱o̱tsꞌom na calꞌatona meiⁿquia
na ntjeiⁿ na ñeꞌcalꞌana na cwajndii na queeⁿ nꞌom seiina
na cantyja ꞌnaaⁿ joonaꞌ ñelꞌana cwii na jeeⁿ jnaaⁿꞌ
ñequio ntyjeena.
\v 25 Tîcalaꞌyuꞌna ñꞌoom na mayuuꞌ cantyja ꞌnaaⁿꞌ Tyꞌo̱o̱tsꞌom.
Yacheⁿ jlaꞌyuꞌna ñꞌoom na cweꞌ cantu. Ee tyolaꞌtꞌmaaⁿꞌndyena
ꞌnaⁿ na sꞌaaⁿ nchii nqueⁿ na sꞌaaⁿ chaꞌtso nnom. Ndoꞌ
matsonaꞌ na ñequiiꞌcheⁿ calaꞌtꞌmaaⁿꞌndye nnꞌaⁿ jom chaꞌwaati
xuee. Calꞌa chaꞌtsondye nnꞌaⁿ naljoꞌ.
\p
\v 26 Macweꞌ ncꞌe joꞌ chii ꞌndiito Tyꞌo̱o̱tsꞌom joona
na calꞌana ljoꞌ na machꞌeenaꞌ nquiuna na ñeꞌcalꞌana.
Hasta yolcu tquiandye nda̱a̱ ntyjelcu ndoꞌ nchii ljoꞌ
teincoondyena.
\v 27 Ndoꞌ mati naⁿnom nchii macanda̱ cweꞌ ñequio yolcu
tyomꞌaⁿna. Seijmeiⁿꞌtinaꞌ joona na queeⁿ nꞌomna ncꞌiaana.
Tyomꞌaⁿna meiiⁿ ñꞌeⁿ ntyjenomna, ndoꞌ nchii ljoꞌ teincoondyena,
cwii na jnaaⁿꞌticheⁿ. Ndoꞌ na ljoꞌ lꞌana, tyotaꞌwiꞌndye
cheⁿnquieena, tioomndyena ñequio seiina na ntjeiⁿ ljoꞌ
ñelꞌana.
\p
\v 28 Ndoꞌ ncꞌe na lꞌayana na tsuuꞌ nꞌomna Tyꞌo̱o̱tsꞌom,
joꞌ chii mati ꞌndiitoom na calꞌatona meiⁿljoꞌcheⁿ natia
na ñeꞌcalꞌana.
\v 29 Mꞌaⁿna na cwilꞌana chaꞌtso nnom na ticatyꞌiomyanaꞌ.
Chaꞌna tsꞌaⁿ na cweꞌ mꞌaaⁿya ñꞌeⁿ xꞌiaaꞌ, oo tsꞌaⁿ na
ntjeiⁿ ljoꞌ machꞌee ñꞌeⁿ xꞌiaaꞌ oo tsꞌaⁿ na matseiqueeⁿ
tsꞌom ꞌnaaⁿꞌ xꞌiaaꞌ, tsꞌaⁿ na ticatseiñꞌoomꞌñe yuu na
matyꞌiomyanaꞌ, tsꞌaⁿ na ta̱a̱ꞌ tsꞌom xꞌiaaꞌ, tsꞌaⁿ na matseicwjee
nnꞌaⁿ, tsꞌaⁿ na matseintjaꞌñe ñequio xꞌiaaꞌ, tsꞌaⁿ na
manquiuꞌnnꞌaⁿ xꞌiaaꞌ, tsꞌaⁿ na matseiꞌndaaꞌ tsꞌom xꞌiaaꞌ,
tsꞌaⁿ na cweꞌ matseineiⁿto chiuu waa ñꞌoom na mandii
cantyja ꞌnaaⁿꞌ xꞌiaaꞌ,
\v 30 tsꞌaⁿ na matioñꞌoom xꞌiaaꞌ, tsꞌaⁿ na ticueeꞌ tsꞌom
Tyꞌo̱o̱tsꞌom, tsꞌaⁿ na wiꞌñe ñequio xꞌiaaꞌ, tsꞌaⁿ na sꞌañe
scuñe, tsꞌaⁿ na matseiwendyeñe cheⁿnquii, tsꞌaⁿ na matseijndaaꞌñexco
natia, tsꞌaⁿ na ticatseitꞌmaaⁿꞌñe nnꞌaⁿ na nda juu,
\v 31 tsꞌaⁿ na tiñequiaañe na nntseiꞌno̱ⁿꞌ yuu na ya
oo yuu na tia, tsꞌaⁿ na meiiⁿ na ñꞌoom ꞌndyoo sa̱a̱ xocatseicanda̱,
tsꞌaⁿ na ticajnda ntyjii ljoꞌ cwitjoom ncꞌiaaꞌ, tsꞌaⁿ
na tixocatseitꞌmaⁿ tsꞌom xꞌiaaꞌ, tsꞌaⁿ na ticꞌoom na
wiꞌ tsꞌom nnꞌaⁿ,
\v 32 joona manquiujndaaꞌndyena na jnda̱ seijndaaꞌñe
Tyꞌo̱o̱tsꞌom na nntsuundye nnꞌaⁿ na nmeiiⁿꞌ cwilꞌa, sa̱a̱
meiiⁿ na ljoꞌ, wjaanaꞌ na ꞌoolꞌana na ljoꞌ, ndoꞌ yacheⁿ
ya nquiuna quia na cwintyꞌiaana na majoꞌti cwilꞌa ntꞌomcheⁿ
nnꞌaⁿ.
\c 2
\s Xcwe macuꞌxeⁿ Tyꞌo̱o̱tsꞌom nnꞌaⁿ
\p
\v 1 Cantyja ꞌnaaⁿꞌ ñꞌoommeiⁿꞌ, catseiꞌno̱ⁿꞌ na tjaaꞌnaⁿ
yuu cowañoomꞌnaꞌ ꞌu, ntsꞌo̱o̱naꞌ ꞌñeeⁿ cwiluiindyuꞌ, macoꞌwiꞌndyuꞌ
cheⁿnncuꞌ quia na jeeⁿ matsuꞌ na ntꞌomcheⁿ nnꞌaⁿ jeeⁿ
tiannꞌaⁿndye ndoꞌ majoꞌto ljoꞌ na cwilꞌana macheꞌ ꞌu.
\v 2 Ee manquiuyaaya quia na ntꞌuiityeⁿ Tyꞌo̱o̱tsꞌom
nnꞌaⁿ na cwilꞌa na nmeiiⁿꞌ, nncuꞌxeeⁿ joona cantyjati
na mayuuꞌ na lꞌana.
\v 3 ꞌU na matseitiuuꞌ na catsꞌaaⁿ na catꞌuiinaꞌ nnꞌaⁿ
na cwilꞌa na nmeiiⁿꞌ, ¿aa ndyaꞌ matseitiuuꞌ na tixocatꞌuiinaꞌ
ꞌu ndoꞌ ljoꞌwaayu macheꞌ chaꞌxjeⁿ naⁿꞌñeeⁿ?
\v 4 Cwa ndyaꞌ canda̱a̱ꞌ tsꞌomꞌ na ntso̱ꞌ na cajnda ntyjeeⁿ
ñꞌeⁿndyuꞌ. Jom na jeeⁿ tꞌmaⁿ tsꞌoom ñꞌeⁿndyuꞌ, ndoꞌ waljooꞌcheⁿ
na wiꞌ tsꞌoom ꞌu. ¿Aa ticatseiꞌno̱ⁿꞌ na luaaꞌ machꞌeeⁿ
cha cjaañꞌoomnaꞌ ꞌu na calcweꞌ tsꞌomꞌ jnaⁿꞌ?
\v 5 Sa̱a̱ ꞌu nchii joꞌ ñeꞌcatsaꞌ, ꞌu maxjeⁿ quieꞌ tsꞌomꞌ,
tiñeꞌcalcweꞌ tsꞌomꞌ. Matyꞌiomnaꞌ cantyja ꞌnaⁿꞌ na matseitꞌueꞌyaꞌ
na catꞌuiinaꞌ ꞌu. Ee nncueꞌntyjo̱ xuee na nncuꞌxeⁿ Tyꞌo̱o̱tsꞌom
chaꞌtso nnꞌaⁿ cantyja ꞌnaaⁿꞌ na matyꞌiomyanaꞌ.
\v 6 Maquialjoꞌcheⁿ manquiityeeⁿ nñequiaaⁿ na ticwii
cwii tsꞌaⁿ nncwantjom cantyjati na jnda̱ ñesꞌaa.
\v 7 Nda̱a̱ joo nnꞌaⁿ na cwijooꞌ nꞌom na cwilꞌa yuu na
matyꞌiomyanaꞌ na cantyja ꞌnaaⁿꞌ joꞌ cwilꞌuee na nlꞌa
yuu na matseitꞌmaaꞌñenaꞌ jom, nñequiaaⁿ na nlaꞌxmaⁿna
na ticantycwii na cwitaꞌndoꞌ añmaaⁿna.
\v 8 Sa̱a̱ tꞌmaⁿ waa na nntseiwꞌeeⁿ nnꞌaⁿ na ticatueeꞌndyecje
nnoom, na cwiꞌoo nacjooꞌ ñꞌoom na mayuuꞌ cantyja ꞌnaaⁿꞌaⁿ,
na cwilꞌa chaꞌtso nnom natia.
\v 9 Jeeⁿ tꞌmaⁿ nawiꞌ nntseiquioom nacjoo chaꞌtsondye
nnꞌaⁿ na cwilꞌa natia ndoꞌ tꞌmaⁿ nntseiꞌndaaꞌnaꞌ nquiuna.
Najndyee nntjoom nnꞌaⁿ judíos na ljoꞌ, ndoꞌ majoꞌti nntjoom
nnꞌaⁿ na nchii judíos.
\v 10 Sa̱a̱ chaꞌtso nnꞌaⁿ na cwilꞌa yuu na ya, tjoomꞌ
nntseitꞌmaaⁿꞌñe Tyꞌo̱o̱tsꞌom joona, nntsꞌaaⁿ na nluiitꞌmaⁿndyena
ndoꞌ nñequiaaⁿ na meiⁿcwii ñomtiuu ticꞌomna jo nnoom.
Najndyee nntsꞌaaⁿ na ljoꞌ ñequio nnꞌaⁿ judíos, ndoꞌ mati
nnꞌaⁿ na nchii judíos.
\p
\v 11 Ee Tyꞌo̱o̱tsꞌom nchii na nncjaañꞌoomꞌñê ñꞌeⁿ cwii
tsꞌaⁿ, sa̱a̱ cwiicheⁿ tineiiⁿꞌeⁿ.
\v 12 Chaꞌtso nnꞌaⁿ na nchii judíos na laꞌxmaⁿ jnaⁿ
na tyoondye chiuu matsa̱ꞌntjom ljeii na tqueⁿ Moisés,
maxjeⁿ nntsuundyena ncꞌe na jnda̱ jlaꞌtjo̱o̱ndyena cantyja
ꞌnaaⁿꞌnaꞌ meiiⁿ tyoondyena juunaꞌ. Ndoꞌ chaꞌtso nnꞌaⁿ
judíos na mꞌaⁿ nacje ꞌnaaⁿꞌ ljeiiꞌñeeⁿ na laꞌxmaⁿ jnaⁿ,
majuunaꞌ nntꞌuiityeⁿnaꞌ joona.
\v 13 Ee cantyja ꞌnaaⁿꞌ Tyꞌo̱o̱tsꞌom, nchii nnꞌaⁿ na cweꞌ
cwindye chiuu matsa̱ꞌntjom ljeiiꞌñeeⁿ maqueeⁿ joona na
tjaa jnaⁿ laꞌxmaⁿna, macanda̱ nnꞌaⁿ na cwilꞌa chiuu na
matsa̱ꞌntjomnaꞌ.
\v 14 Sa̱a̱ nnꞌaⁿ na nchii judíos na ticuaa ljeii lueena
na matsa̱ꞌntjomnaꞌ na tqueⁿ Moisés, sa̱a̱ cwilꞌana chaꞌxjeⁿ
na maꞌmo̱ⁿnaꞌ ndoꞌ na ljoꞌ nquieena laxmaⁿnaꞌ chaꞌcwijom
ljeii na maqueⁿnaꞌ xjeⁿ joona.
\v 15 Ee cantyja na cwilꞌa naⁿꞌñeeⁿ cwitꞌmo̱o̱ⁿna na
juu ljeiiꞌñeeⁿ teiljeiinaꞌ naquiiꞌ nꞌomna ee juu na
mꞌaaⁿꞌ nꞌomna maꞌmo̱ⁿnaꞌ na ljoꞌ. Juu joꞌ macwjiꞌyuuꞌñenaꞌ
na manquiuna quia cwilꞌana yuu na ya, ndoꞌ yuu na tia.
\v 16 Ee maxjeⁿ nleitquiooꞌ na ljoꞌ juu xuee na nncuꞌxeⁿ
Tyꞌo̱o̱tsꞌom chaꞌtso na cweꞌ wantyꞌiuuꞌ tyolꞌana. Matyꞌioom
tsꞌiaaⁿ Jesucristo na cuꞌxeeⁿ nnꞌaⁿ cantyja na jlaꞌtjo̱o̱ndyena
chaꞌxjeⁿ maꞌmo̱ⁿ ñꞌoom naya na mañequiaya nda̱a̱ nnꞌaⁿ.
\s Nnꞌaⁿ judíos ndoꞌ ljeii na tqueⁿ Moisés
\p
\v 17 ꞌU jeꞌ na cwiluiindyuꞌ tsꞌaⁿ judío. ꞌU quitꞌmaⁿ
tsꞌomꞌ ljeii na tqueⁿ Moisés, ndoꞌ macwjiꞌsꞌandyuꞌ cheⁿnncuꞌ
na tseixmaⁿꞌ cwentaaꞌ Tyꞌo̱o̱tsꞌom.
\v 18 Jndaaꞌya ntyjiꞌ chiuu lꞌue tsꞌoom. Ndoꞌ maꞌmo̱ⁿ
ljeiiꞌñeeⁿ njomꞌ cwaaⁿ na yati nncwjiiꞌndyuꞌ.
\v 19 Jndaaꞌya ntyjiꞌ na nnda̱a̱ nntsaꞌ na nncjaꞌchuundyuꞌ
nnꞌaⁿ na laxmaⁿ na nchjaaⁿ, ndoꞌ na cwiluiindyuꞌ chom
na matseixueeñenaꞌ nda̱a̱ nnꞌaⁿ na mꞌaⁿ cantyja ꞌnaaⁿꞌ
na jaaⁿñe.
\v 20 ꞌU matseitiuuꞌ na jeeⁿ ꞌnaⁿꞌ na mꞌmo̱ⁿꞌ nda̱a̱ nnꞌaⁿ
na tijndo̱ꞌ nꞌom cantyja ꞌnaaⁿꞌ Tyꞌo̱o̱tsꞌom ndoꞌ na cwiluiindyuꞌ
chaꞌcwijom maestro ꞌnaaⁿ nnꞌaⁿ na tijndye nquiu cantyja
ꞌnaaⁿꞌaⁿ ee ñequio ljeii na matsa̱ꞌntjomnaꞌ na maleiñꞌoomꞌ,
waa ñꞌoom na matsonaꞌ chiuu na nluii ndoꞌ tseixmaⁿnaꞌ
ñꞌoom na mayuuꞌ.
\v 21 ꞌU na maꞌmo̱o̱ⁿꞌ nda̱a̱ ntꞌomcheⁿ, ¿chiuu na tiñeꞌcaꞌmo̱ⁿꞌ
njomꞌ nncuꞌ? Xeⁿ maꞌmo̱o̱ⁿꞌ na tinchꞌuee tsꞌaⁿ, ¿chiuu
na machꞌueeꞌ?
\v 22 Xeⁿ maꞌmo̱o̱ⁿꞌ na tincꞌoomya tsꞌaⁿ ñꞌeⁿ cwiicheⁿ
tsꞌaⁿ, quia joꞌ ¿chiuu na majoꞌ macheꞌ? ꞌU na jndoꞌ ꞌnaⁿ
na cweꞌ nnꞌaⁿ lꞌa, quia joꞌ ¿chiuu na machꞌueeꞌ ꞌnaⁿ
na cwiñequia nnꞌaⁿ nda̱a̱ joonaꞌ?
\v 23 Matseisꞌandyuꞌ na maleiñꞌoomꞌ ljeii na tquiaa
Tyꞌo̱o̱tsꞌom nnom Moisés, sa̱a̱ quia matseiꞌtjo̱o̱ndyuꞌ jo
nnom juunaꞌ, ¿aa nchii majuꞌcjeꞌ Tyꞌo̱o̱tsꞌom?
\v 24 Ndoꞌ na luaaꞌ, jeeⁿ xcwe ñꞌoomꞌ Tyꞌo̱o̱tsꞌom na
teiljeii na matsonaꞌ: “Nnꞌaⁿ na nchii judíos cwiluiindyena
cwitioꞌñꞌoomna Tyꞌo̱o̱tsꞌom ncꞌe natia na cwilꞌaꞌ ꞌo nnꞌaⁿ
judíos.”
\p
\v 25 ꞌNaaⁿ na cwiluii ntjaaⁿ yoꞌndaa naⁿnom nda nnꞌaⁿ
judíos jnda tseixmaⁿnaꞌ xeⁿ matseicanda̱ꞌ ljeii na tquiaa
Tyꞌo̱o̱tsꞌom nnom Moisés. Sa̱a̱ xeⁿ matseiꞌtjo̱o̱ndyuꞌ nnom
ljeiiꞌñeeⁿ matyꞌiomnaꞌ cantyja ꞌnaⁿꞌ chaꞌcwijom na tîcaluii
ꞌnaaⁿꞌñeeⁿ ꞌu.
\v 26 Ndoꞌ tsꞌaⁿ na quichꞌee chaꞌxjeⁿ matsa̱ꞌntjom ljeiiꞌñeeⁿ
meiiⁿ tyooluii ꞌnaaⁿꞌñeeⁿ juu, naljoꞌ machꞌee tsaⁿꞌñeeⁿ
matseijndaaꞌñenaꞌ cantyja ꞌnaaⁿꞌaⁿ na chaꞌcwijom jnda̱
tuii ꞌnaaⁿꞌñeeⁿ juu meiiⁿ tîcaluii.
\v 27 Juu tsꞌaⁿ na tyooluii ꞌnaaⁿꞌñeeⁿ, sa̱a̱ machꞌee
chiuu tꞌmaⁿ ljeii na tqueⁿ Moisés, nñequiaa jnaⁿꞌ ꞌu
tsꞌaⁿ judío ee meiiⁿ na waa ljeiiꞌñeeⁿ lꞌo̱ꞌ, sa̱a̱ tyootseicanda̱ꞌ
juunaꞌ ndoꞌ ꞌu tsꞌaⁿ na jnda̱ tuii ꞌnaaⁿ tjaaⁿꞌ.
\v 28 Ee nchii cweꞌ tsjaaⁿ na tuiiñe tsꞌaⁿ, joꞌ na cwiluiiñe
judío, meiiⁿ nchii cweꞌ ꞌnaaⁿ na cwilꞌana ndana na naⁿnom.
\v 29 Cwiwitquiooꞌ na cwiluiiñe tsꞌaⁿ cwii judío quia
na mꞌaaⁿ na xcweeꞌ tsꞌom jo nnom Tyꞌo̱o̱tsꞌom. Juu ꞌnaaⁿ
na cwiluii tjaaⁿꞌ tsꞌaⁿ matseicanda̱a̱ꞌñenaꞌ quia nquii
Espíritu Santo maqueⁿ xcoom naquiiꞌ tsꞌom tsꞌaⁿ. Tsꞌaⁿ
na luaaꞌ matseixmaⁿ, malꞌueeⁿ yuu na nncjaaweeꞌ ntyjii
Tyꞌo̱o̱tsꞌom ñꞌeⁿñê, tintsꞌaa meiiⁿ nnꞌaⁿ ticjaaweeꞌ nquiuna
ñꞌeⁿñê.
\c 3
\p
\v 1 Quia joꞌ ¿aa waa yuu mateijndeiitinaꞌ tsꞌaⁿ ncꞌe
cwiluiiñê tsꞌaⁿ judío oo aa jndati cwiluiiñê ncꞌe na
tuii ꞌnaaⁿ tjaaⁿꞌaⁿ?
\v 2 Mayuuꞌ na ljoꞌ. Ndoꞌ jndye nnom niom na cwitꞌmo̱o̱ⁿnaꞌ
na ljoꞌ. Najndyee ncꞌe na tquiaa Tyꞌo̱o̱tsꞌom ñꞌoomꞌm
nda̱a̱na.
\v 3 Sa̱a̱ jeꞌ jeꞌ, xeⁿ na ntꞌomndye naⁿꞌñeeⁿ tîcalaꞌyuꞌya
nꞌomna, ¿aa joꞌ chii mati jom taxotseicana̱a̱ⁿ ñꞌoom ꞌñom?
\v 4 Majndaaꞌya na nchii ljoꞌ ee jom machꞌeeⁿ cantyja
na matyꞌiomyanaꞌ meiiⁿ na chaꞌtso nnꞌaⁿ cwiluiindyena
na cantundyena. Ee ñꞌoomꞌm na teilejii matsonaꞌ:
\q Ñequio ñꞌomꞌndyoꞌ nleitquiooꞌ na cwiluiindyuꞌ na matyꞌiomyanaꞌ.
\q Meiⁿ xocaꞌmo̱ⁿnaꞌ na matseiꞌtjo̱o̱ndyuꞌ quia cwilue nnꞌaⁿ
na tixcwe macheꞌ.
\p
\v 5 Sa̱a̱ xeⁿ joo na ticatyꞌiomyanaꞌ na cwilꞌaaya cwitꞌmo̱o̱ⁿnaꞌ
na Tyꞌo̱o̱tsꞌom cwiluiiñê na matyꞌiomyanaꞌ, ¿chiuu nlꞌuuyo̱o̱ya?
¿Aa nntsꞌaacheⁿnaꞌ na tixcwe ljoꞌ machꞌeeⁿ quia na matseijndaaꞌñê
na nntio̱o̱ⁿya jnaaⁿya? Matseinchuꞌa ñꞌoommeiiⁿ chaꞌxjeⁿ
na cwilaꞌnchuꞌ nnꞌaⁿ ñꞌoom.
\v 6 Sa̱a̱ meiⁿchjoo nchii ljoꞌ, ee xeⁿ Tyꞌo̱o̱tsꞌom tixcwe
ljoꞌ machꞌeeⁿ quia joꞌ ¿chiuu nntsꞌaayom na nncuꞌxeeⁿ
nnꞌaⁿ tsjoomnancue?
\p
\v 7 Sa̱a̱ xeⁿ juu na cantu na matseixmaⁿya matseitꞌmaaⁿꞌñenaꞌ
Tyꞌo̱o̱tsꞌom na cwiluiiñê na mayomꞌm, quia joꞌ ¿chiuu na
macuꞌxeⁿnaꞌ ja na cwiluiindyo̱ tsꞌaⁿ jnaⁿ?
\v 8 Xeⁿ na luaaꞌ waa quia joꞌ chiuu ticalꞌaayaaya
natia cha cantyja ꞌnaaⁿꞌ joꞌ catsꞌaanaꞌ yuu na ya, chaꞌxjeⁿ
cantu na cwilaꞌneiⁿ ntꞌom nnꞌaⁿ na cwilue na ljoꞌ cwilꞌuuyâ.
Maxjeⁿ matyꞌiomyanaꞌ na catꞌuiityeⁿ Tyꞌo̱o̱tsꞌom naⁿꞌñeeⁿ
na nmeiiⁿꞌ cwiluena.
\s Tjaa ꞌñeeⁿ cꞌoom na tyootseitjo̱o̱ñe
\p
\v 9 Quia joꞌ jaa nnꞌaⁿ judíos, ¿aa waa cwii nnom na
machꞌeenaꞌ na yati cantyja ꞌnaaⁿya jo nnom Tyꞌo̱o̱tsꞌom,
nchiiti nnꞌaⁿ na nchii judíos? Meiⁿchjoo nchii joꞌ, ee
jnda̱ macwilꞌuuya na chaꞌtso nnꞌaⁿ mꞌaⁿna nacje ꞌnaaⁿꞌ
jnaⁿ, meiiⁿ nnꞌaⁿ judíos, ndoꞌ meiiⁿ nnꞌaⁿ na nchii judíos.
\v 10 Chaꞌxjeⁿ ñꞌoomꞌ Tyꞌo̱o̱tsꞌom na teiljeii na matsonaꞌ:
\q Meiⁿcwii tjaa ꞌñeeⁿ juu cꞌoom na machꞌee na matyꞌiomyanaꞌ.
\q
\v 11 Meiⁿcwii tjaa ꞌñeeⁿ cꞌoom na matseiꞌno̱ⁿꞌ cantyja
ꞌnaaⁿꞌ Tyꞌo̱o̱tsꞌom.
\q Tjaa ꞌneeⁿ juu na malꞌue jom.
\q
\v 12 Chaꞌtsondyena jnda̱ macwilaꞌjomndyena nato na
tisꞌa.
\q Tjaa yuu nnda̱a̱ na nleilꞌueeꞌñê joona.
\q Meiⁿcwiindye joona ticꞌoom na machꞌee yuu na ya, meiⁿcwii,
meiⁿcwii.
\q
\v 13 Cantyja na cwilaꞌneiⁿna ñꞌoom cwajndii, matseijomnaꞌ
joona chaꞌcwijom cwii tseiꞌtsuaa na ticata̱ꞌ na majuꞌnaꞌ
jndye cꞌee.
\q Jeeⁿ yo̱o̱ꞌ ndyueena ñꞌeⁿ cantu.
\q Ñꞌoom wiꞌ na cwilaꞌneiⁿna matseijomnaꞌ chaꞌcwijom ndaa
ndyuee canduu na wjeenaꞌ.
\q
\v 14 Ñequiiꞌcheⁿ cwilaꞌneiⁿna ñꞌoom ntjeiⁿ nacjoo
ncꞌiaana.
\q Ñꞌoom na cwilaꞌndaaꞌnaꞌ naⁿꞌñeeⁿ.
\q
\v 15 Cwii ñꞌoom na titꞌmaⁿ sa̱a̱ nlaꞌcueeꞌna xꞌiaana.
\q
\v 16 Meiⁿyuucheⁿ na cwiquiena, cwilaꞌndaaꞌna nꞌom
nnꞌaⁿ,
\q ndoꞌ cweꞌ ncꞌe jnaaⁿ joona macoꞌwiꞌnaꞌ naⁿꞌñeeⁿ.
\q
\v 17 Ndoꞌ ticaliuna chiuu waa na nncꞌoom tsꞌaⁿ na
tjaa tiaꞌ ñꞌeⁿ nnꞌaⁿ.
\q
\v 18 Meiⁿ cweꞌ ticꞌoomꞌ nꞌomna na nncꞌomna na nquiaana
Tyꞌo̱o̱tsꞌom.
\p
\v 19 Jaa manquiuuya na tquiaa Tyꞌo̱o̱tsꞌom ljeii na
matsa̱ꞌntjomnaꞌ na tqueⁿ Moisés nda̱a̱ jaa nnꞌaⁿ judíos.
Sꞌaaⁿ na ljoꞌ cha catseicheⁿnaꞌ meiⁿcwiꞌñeeⁿcheⁿ tsꞌaⁿ
na mꞌaaⁿ nacje ꞌnaaⁿꞌ ljeiiꞌñeeⁿ na ñeꞌcatso na tjaa
jnaaⁿꞌ. Ee cantyja ꞌnaaⁿꞌ juunaꞌ matseijndaaꞌñê na chaꞌtsondye
nnꞌaⁿ laꞌxmaⁿna jnaⁿ.
\v 20 Ee nchii nlqueⁿnaꞌ tsꞌaⁿ na tjaa jnaaⁿꞌ jo nnom
Tyꞌo̱o̱tsꞌom ncꞌe na machꞌee yuu na matsa̱ꞌntjom ljeiiꞌñeeⁿ.
Ee juunaꞌ tsꞌiaaⁿꞌnaꞌ tomti na matseijndaaꞌñenaꞌ na
cwiluiindyo̱ nnꞌaⁿjnaⁿ jo nnoom.
\s Nluiꞌnꞌmaaⁿñe tsꞌaⁿ ncꞌe na matseiyuꞌya tsꞌom
\p
\v 21 Sa̱a̱ jeꞌ jnda̱ tꞌmo̱ⁿ Tyꞌo̱o̱tsꞌom chiuu ya yuu na
tseixmaⁿ tsꞌaⁿ na tjaa jnaaⁿꞌ jo nnoom, taxocwilꞌue meiiⁿ
na ñeꞌtseicanda̱ tsꞌaⁿ ljeii na tquiaaⁿ nnom Moisés ñequio
ntꞌom ñꞌoom na tandyo xuee jlaꞌljeii profetas, cwitꞌmo̱o̱ⁿnaꞌ
na ljoꞌ.
\v 22 Jeꞌ tomti matsa̱ꞌ Tyꞌo̱o̱tsꞌom nnꞌaⁿ na meiⁿcwii
jnaⁿ tacolaꞌxmaⁿna, quia na cwilaꞌyuya nꞌomna ñꞌeⁿ Jesucristo.
Meiⁿ tyoochꞌeeⁿ na cweꞌ ñejndaaꞌ nnꞌaⁿ na matseiñꞌoomꞌñê.
\v 23 Ee chaꞌtsondyeñꞌeⁿ nnꞌaⁿ tjom laꞌxmaⁿna jnaⁿ,
ndoꞌ meiⁿcwii ticuaa cantyja ꞌnaaⁿna na nlquiena jo
nnom Tyꞌo̱o̱tsꞌom na nncwjiꞌnꞌmaaⁿñê añmaaⁿna.
\v 24 Sa̱a̱ ncꞌe naya na matseixmaaⁿ na cweꞌyu cwicandaaya,
joꞌ chii maqueeⁿ nnꞌaⁿ na tjaa jnaⁿ laxmaⁿna jo nnoom.
Machꞌeeⁿ na ljoꞌ ncꞌe tiomlꞌua Jesucristo jnaaⁿ chaꞌtsondye
nnꞌaⁿ.
\v 25 Tqueⁿ Tyꞌo̱o̱tsꞌom jom na cueeⁿꞌeⁿ cwentaa jnaaⁿ
jaa cha meiⁿcwiꞌñeeⁿcheⁿ tsꞌaⁿ na matseiyuꞌya tsꞌom
ñꞌeⁿñê matseicanduuꞌnaꞌ jnaaⁿꞌ tsaⁿꞌñeeⁿ. Laaꞌtiꞌ seijndaaꞌñe
Tyꞌo̱o̱tsꞌom cha caꞌmo̱ⁿnaꞌ na machꞌeeⁿ yuu na matyꞌiomyanaꞌ.
Ee teiyoticheⁿ cwii tjo̱o̱cheⁿ na nncueꞌntyjo̱ xjeⁿ na
nncueꞌ Cristo, ncꞌe na mꞌaaⁿ nioomcheeⁿ, tîcwjaaꞌñê cwenta
jnaaⁿ nnꞌaⁿ.
\v 26 Maluaaꞌ maꞌmo̱ⁿnaꞌ jeꞌ, na Tyꞌo̱o̱tsꞌom xcwe machꞌeeⁿ
quia na mañequiaaⁿ na caliu nnꞌaⁿ na matsa̱a̱ⁿꞌa̱ⁿ joona
na tjaa jnaⁿ laꞌxmaⁿna jo nnoom, ncꞌe na cwilaꞌyuꞌya
nꞌomna ñequio Jesús.
\p
\v 27 ¿Yuu waa jeꞌ na nnda̱a̱ nntseisꞌañe cheⁿnquii tsꞌaⁿ?
Tquia jnda̱ tquieꞌnaꞌ joꞌ. ¿Chiuu na ljoꞌ? ¿Aa ee cwilaꞌcanda̱a̱ꞌndyo̱
ljoꞌ na matsa̱ꞌntjom ljeii na tqueⁿ Moisés? Meiⁿchjoo
nchii joꞌ, tomti ee na cwilaꞌyuꞌya cwii nꞌo̱o̱ⁿya ñequio
Jesucristo.
\v 28 Quia joꞌ cwiwitquiooꞌndyeyu na maqueⁿ Tyꞌo̱o̱tsꞌom
tsꞌaⁿ na tjaa jnaⁿ tseixmaⁿ jo nnoom ncꞌe na matseiyuꞌya
tsꞌom, meiⁿ ticwjaaꞌñê cwenta aa matseicanda̱ chiuu tꞌmaⁿ
ljeiiꞌñeeⁿ oo aa tyootseicanda̱ juunaꞌ.
\v 29 Ndoꞌ Tyꞌo̱o̱tsꞌom jeꞌ, ¿aa ñequiicheⁿ mꞌaaⁿñê cantyja
ꞌnaaⁿ nnꞌaⁿ judíos? ¿Aa nchii mati ñequio nnꞌaⁿ na nchii
judíos? Mayuuꞌ na ljoꞌ.
\v 30 Ee ñecwii Tyꞌo̱o̱tsꞌom mꞌaaⁿ na juu matsa̱ꞌ nnꞌaⁿ
na tjaa jnaⁿ cwii colaꞌxmaⁿ ee na cwilaꞌyuꞌya nꞌomna
ñꞌeⁿ Jesucristo. Ticwjaaꞌñê cwenta aa jnda̱ tuii ꞌnaaⁿ
tjaaⁿꞌ tsꞌaⁿ oo aa tyooluii.
\v 31 Quia joꞌ, ¿aa ncꞌe na cwilaꞌyuꞌya nꞌo̱o̱ⁿya ñꞌeⁿ
Jesucristo joꞌ chii machꞌeenaꞌ na tjaa yuu cwilꞌue ljeii
na tqueⁿ Moisés? Meiⁿchjoo nchii joꞌ, ee mañequio na
cwilaꞌyuꞌya cwii nꞌo̱o̱ⁿya ñꞌeⁿ Jesucristo cwitjeiꞌyuuꞌndyo̱
na lꞌue ljeiiꞌñeeⁿ.
\c 4
\s Ñꞌoom cantyja ꞌnaaⁿꞌ Abraham
\p
\v 1 Ndoꞌ na luaaꞌ waa, ¿cwaaⁿ cwii nnom na jnda̱a̱ tueꞌntyjo̱
sꞌaa weloo welooya Abraham cantyja ꞌnaaⁿꞌ ñꞌoomwaaꞌ?
\v 2 Ee xeⁿ mayuuꞌ tqueⁿ Tyꞌo̱o̱tsꞌom jom na tjaa jnaⁿ
cwicatseixmaaⁿ cweꞌ ee cwii nnom na sꞌaaⁿ, nnda̱a̱ nntseisꞌañe
cheⁿnqueⁿ, sa̱a̱ nchii cantyja ꞌnaaⁿꞌ Tyꞌo̱o̱tsꞌom na nluii
na ljoꞌ.
\v 3 Ee ¿ljoꞌ matso ljeii ꞌnaaⁿꞌ Tyꞌo̱o̱tsꞌom cantyja
ꞌnaaⁿꞌaⁿ? Matsonaꞌ: “Tyotseiyuꞌya tsꞌom Abraham ñequio
Tyꞌo̱o̱tsꞌom, ndoꞌ na sꞌaaⁿ naljoꞌ, Tyꞌo̱o̱tsꞌom tqueⁿ jom
na tjaa jnaⁿ cwicatseixmaaⁿ.”
\v 4 Quia na machꞌee tsꞌaⁿ tsꞌiaaⁿ, sꞌom na nnjomlꞌuañê,
nchii cweꞌ na macanaaⁿꞌaⁿ joꞌ, macoñoom ee jnda̱ tantjoom.
\v 5 Sa̱a̱ nchii cantyja ljoꞌ na machꞌee tsꞌaⁿ, joꞌ chii
maqueⁿ Tyꞌo̱o̱tsꞌom juu na cwiluiiñe na tjaa jnaⁿ tseixmaⁿ.
Maqueeⁿ nnꞌaⁿjnaⁿ na tjaa jnaⁿ cwicalaxmaⁿna ncꞌe na
cwilayuꞌya nꞌomna ñꞌeⁿ Cristo.
\v 6 Nquii David, seineiiⁿ cantyja ꞌnaaⁿꞌ ñꞌoomꞌñeeⁿ.
Tsoom na tꞌmaⁿ mañequiaanaꞌ na neiiⁿꞌ cwii tsꞌaⁿjnaⁿ
quia maqueⁿ Tyꞌo̱o̱tsꞌom jom na tjaa jnaⁿ tseixmaaⁿ, meiⁿ
ticwjaaꞌñê cwenta cantyja na machꞌee.
\v 7 Tsoom:
\q Jeeⁿ neiiⁿ nnꞌaⁿ na chaꞌtso jnaaⁿna jnda̱ seitꞌmaⁿ tsꞌom
Tyꞌo̱o̱tsꞌom,
\q ndoꞌ jnda̱ seicanoomꞌm joonaꞌ.
\q
\v 8 Jeeⁿ neiiⁿꞌ tsꞌaⁿ na tajom catso Tyꞌo̱o̱tsꞌom
na chujnaⁿti nnoom.
\p
\v 9 Quia joꞌ juu na luaaꞌ matsonaꞌ nncꞌom tsꞌaⁿ na
neiiⁿꞌeⁿ ¿aa cweꞌ tomti ncjo̱o̱ nnꞌaⁿ judíos cwicandaaya
joꞌ oo aa mati ntꞌomcheⁿ nnꞌaⁿ? Ee jnda̱ lꞌuuya quia
na seiyuꞌya tsꞌom Abraham ñꞌeⁿ Tyꞌo̱o̱tsꞌom, xjeⁿꞌñeeⁿ
tqueⁿ jom na tjaa jnaⁿ tseixmaaⁿ.
\v 10 ¿Ljoꞌ xjeⁿ tqueⁿ Tyꞌo̱o̱tsꞌom jom na ljoꞌ? ¿Aa
quia jnda̱ na sꞌaañe cheⁿnqueⁿ ꞌnaaⁿ na seicato̱o̱ⁿꞌo̱ⁿ
na cwilꞌaa jaa nnꞌaⁿ judíos ndaaya na naⁿnom, oo aa xjeⁿ
na tyoochꞌeeⁿ na ljoꞌ? Tuii na ljoꞌ xjeⁿ na tyoochꞌeeⁿ
ꞌnaaⁿꞌñeeⁿ.
\v 11 Jnda̱nquia chii sa̱ꞌntjom Tyꞌo̱o̱tsꞌom jom na catsꞌaañe
cheⁿnqueⁿ ꞌnaaⁿ tjaaⁿꞌaⁿ. Juu ꞌnaaⁿꞌñeeⁿ maꞌmo̱ⁿnaꞌ na
jnda̱ tqueⁿ Tyꞌo̱o̱tsꞌom jom na tjaa jnaⁿ tseixmaaⁿ jo
nnom ncꞌe na matseiyuꞌya tsꞌoom ñꞌeⁿñe. Quia ljoꞌcheⁿ
tso Tyꞌo̱o̱tsꞌom nnoom na nntseixmaaⁿ tsotye chaꞌtsondye
nnꞌaⁿ na cwilayuꞌ ñꞌeⁿñe meiiⁿ ticaluii ꞌnaaⁿ joona.
Ndoꞌ ncꞌe na cwilaꞌyuꞌya nꞌomna ñꞌeⁿñe, joꞌ na maqueⁿ
joona na ticalaꞌxmaⁿna jnaⁿ.
\v 12 Mayuuꞌ cwiluiiñe Abraham tsotye nnꞌaⁿ na jnda̱
tuii ꞌnaaⁿ ntjaaⁿna, sa̱a̱ nchii macanda̱ cwiluiiñê na ljoꞌ
nda̱a̱ nnꞌaⁿ na jnda̱ tuii ꞌnaaⁿ ntjaaⁿ xeⁿ nchii mati
nda̱a̱ nnꞌaⁿ na majoꞌti cwilaꞌyuꞌya nꞌomna ñꞌeⁿ Tyꞌo̱o̱tsꞌom
chaꞌxjeⁿ na sꞌaaⁿ cwitjo̱o̱cheⁿ na sꞌaaⁿ ꞌnaaⁿ nqueⁿ.
\s Seicanda̱a̱ꞌñe Tyꞌo̱o̱tsꞌom ñꞌoomꞌm nnon Abraham ncꞌe na tyotseiyuꞌya tsꞌom ñꞌeⁿñê
\p
\v 13 Ee nnom Abraham ñequio tsjaaⁿ ꞌnaaⁿꞌaⁿ na jndyowicantyjooꞌ
tso Tyꞌo̱o̱tsꞌom ñꞌoom na nntsꞌaaⁿ na nndaana tsjoomnancue.
Nchii cweꞌ ncꞌe na seicanda̱a̱ꞌñe Abraham ljeii na matsa̱ꞌntjomnaꞌ,
joꞌ na tso Tyꞌo̱o̱tsꞌom na nntsꞌaaⁿ na ljoꞌ, sa̱a̱ ncꞌe seiyuꞌya
tsꞌom ñꞌeⁿñê, joꞌ na tqueⁿ jom na tjaa jnaⁿ tseixmaaⁿ.
\v 14 Ee xeⁿ na mayuuꞌ na joo nnꞌaⁿ na cwilaꞌcanda̱
ljeii na tquiaa Tyꞌo̱o̱tsꞌom nnom Moisés nndaana tsjoomnancue,
quia joꞌ cweꞌ tsꞌiaaⁿꞌndyo na cwilaꞌyuꞌya nꞌomna, ndoꞌ
mati juu ñꞌoom na tsoom nnom Abraham na nntsꞌaaⁿ jnda̱
tyuiiꞌnaꞌ.
\v 15 Ee ljeii na tquiaa Tyꞌo̱o̱tsꞌom nnom Moisés, matseijndaaꞌñenaꞌ
na nntꞌueeⁿ nnꞌaⁿ. Macanda̱ xeⁿ ticuaa ljeiiꞌñeeⁿ nda̱a̱na,
quia joꞌ xocatsonaꞌ na cwilaꞌtjo̱o̱ndyena nnomnaꞌ.
\p
\v 16 Joꞌ chii ñꞌoom na tjuꞌ Tyꞌo̱o̱tsꞌom nacjoomꞌm na
nntsꞌaaⁿ ñequio Abraham waanaꞌ jo nda̱a̱ nnꞌaⁿ tsjaaⁿ
ꞌnaaⁿꞌaⁿ na jndyowicantyjooꞌ. Ñꞌoom na tsoom na nntsꞌaaⁿ
na ljoꞌ, cwiluiiñenaꞌ cwii naya na cweꞌyu jnaaⁿꞌaⁿ ee
na seiyuꞌya tsꞌoom ñꞌeⁿñe. Joꞌ chii ñꞌoomꞌñeeⁿ nchii
macanda̱ cwentaa nnꞌaⁿ na cwiꞌoontyjo̱ chiuu matsa̱ꞌntjom
ljeii, xeⁿ nchii mati cwentaa chaꞌtsondye nnꞌaⁿ na cwilaꞌyuꞌya
nꞌomna chaꞌxjeⁿ na tyotseiyuꞌ cwii tsꞌom jom. Luaaꞌ
waa na maqueⁿnaꞌ Abraham na cwiluiiñê tsotya̱a̱ya na chaꞌtsondyo̱
\v 17 jo nnom Tyꞌo̱o̱tsꞌom na ñꞌeⁿ seiyoomꞌm. Mañejuuti
na mañequiaa na cwitandoꞌxco lꞌoo, ndoꞌ machꞌee na cuaa
ꞌnaⁿ na tijoom ñetuaa. Luaaꞌ matseicanda̱a̱ꞌñenaꞌ chaꞌxjeⁿ
matso ñꞌoomꞌm na teiljeii na matsonaꞌ: “Ja maquia̱ⁿya
ꞌu na cwiluiindyuꞌ tsotye chaꞌtsondye nnꞌaⁿ.”
\p
\v 18 Ndoꞌ meiiⁿ na tjaaꞌnaⁿ cwii nnom na mꞌmo̱ⁿnaꞌ
na juu ñꞌoom na tso Tyꞌo̱o̱tsꞌom nnom Abraham na nntsꞌaaⁿ
nntseicanda̱a̱ꞌñenaꞌ, sa̱a̱ tyotseiyoomꞌm ndoꞌ tyocantyjaaꞌ
tsꞌoom na nluii chaꞌxjeⁿ na tso nnoom. Ndoꞌ na ljoꞌ
tueꞌntyjo̱ na cwiluiiñê tsotye jndyendye nnꞌaⁿ chaꞌxjeⁿ
ñꞌoom na tso Tyꞌo̱o̱tsꞌom nnoom: “Maluaaꞌ nncueꞌntyjo̱
na jndye nncjaawicantyjooꞌ tsjaaⁿ ꞌnaⁿꞌ.”
\v 19 Meiiⁿ na manndyooꞌ nnda̱a̱ꞌ cwii sianto chuuꞌ Abraham,
ndoꞌ ntyjeeⁿ na manndyooꞌ na nncwjena ñequio scoomꞌm
Sara ndoꞌ jeeⁿ jnda̱ tquiendyena na nncꞌoomya ndana, sa̱a̱
maxjeⁿ ticantycwii na tyotseiyuꞌya cwii tsꞌoom ñꞌeⁿ
Tyꞌo̱o̱tsꞌom.
\v 20 Tîcatsꞌaanaꞌ na we waa nncꞌoomꞌ tsꞌom Abraham
meiⁿ na nꞌñeeⁿ na ntyjaaꞌ tsꞌoom ñꞌoom na tso Tyꞌo̱o̱tsꞌom
na nntsꞌaa. Yacheⁿ tyotseiyuꞌya tsꞌoom ndoꞌ tyocantyjaaꞌ
tsꞌoom juu ndoꞌ tyotseitꞌmaaⁿꞌñê juu,
\v 21 ee majndaaꞌya ntyjeeⁿ na Tyꞌo̱o̱tsꞌom waa najndeii
na nntseicanda̱a̱ꞌñe ñꞌoomꞌndyoo.
\v 22 Ndoꞌ ncꞌe na tyotseiyuꞌya tsꞌoom, joꞌ chii tqueⁿ
Tyꞌo̱o̱tsꞌom jom na cwiluiiñê na tjaa jnaⁿ cwicatseixmaaⁿ.
\p
\v 23 Ndoꞌ juu ñꞌoom na teiljeii na tqueⁿ Tyꞌo̱o̱tsꞌom
juu na tjaa jnaⁿ cwicatseixmaⁿ ncꞌe na tyotseiyuꞌya
tsꞌom, nchii macanda̱ waanaꞌ cantyja ꞌnaaⁿꞌ Abraham.
\v 24 Mati teiljeiinaꞌ cwentaa jaa. Ee na cwilaꞌyuꞌya
nꞌo̱o̱ⁿya ñꞌeⁿ Tyꞌo̱o̱tsꞌom, joꞌ chii mati jaa mawꞌanaꞌ na
tjaa jnaⁿ cwicolaꞌxmaaⁿya, ee na cwilaꞌyuuꞌa ñꞌeⁿ nqueⁿ
na sꞌaaⁿ na tandoꞌxco Jesús jnda̱ na tueꞌ, nquii na cwiluiiñe
na matsa̱ꞌntjom jaa,
\v 25 manquiiti tsaⁿ na tquia nnꞌaⁿ cwenta na cueꞌ
cwentaaꞌ jnaaⁿya ndoꞌ na tquiaaⁿ na tandoꞌxco cha nncwjiꞌnꞌmaaⁿñe
jaa.
\c 5
\s Tjaa jnaⁿ cwicolaꞌxmaaⁿya
\p
\v 1 Joꞌ chii ncꞌe na jnda̱ tqueⁿnaꞌ na cwiluiindyo̱
nnꞌaⁿ na tjaa jnaⁿ cwicolaxmaaⁿya ncꞌe na cwilaꞌyuꞌya
nꞌo̱o̱ⁿya ñꞌeⁿ Tyꞌo̱o̱tsꞌom, jnda̱ ljoya tsꞌom Tyꞌo̱o̱tsꞌom
ñꞌeⁿndyo̱ ncꞌe nquii Jesucristo na cwiluiiñe na matsa̱ꞌntjom
jaa.
\v 2 Macantyja ꞌnaaⁿꞌ jom, joꞌ na macwjaaꞌñenaꞌ jaa
naquiiꞌ nayawaañe na matseixmaⁿ Tyꞌo̱o̱tsꞌom na cwicaluiꞌnꞌmaaⁿndye
nnꞌaⁿ, na cwilaꞌyuꞌya nꞌom ñꞌeⁿñê. Ndoꞌ tyeⁿ mꞌaaⁿya
naquiiꞌ ñꞌoomwaaꞌ ndoꞌ mañequiaanaꞌ na jeeⁿ neiiⁿya,
ee ntyjaaꞌya nꞌo̱o̱ⁿya na nlaꞌjomndyo̱ na matseitꞌmaaⁿꞌñenaꞌ
Tyꞌo̱o̱tsꞌom.
\v 3 Ndoꞌ nchii macanda̱ joꞌ, mati mañequiaanaꞌ na neiiⁿya
naquiiꞌ nawiꞌ na cwitjo̱o̱ⁿya. Ee nquiuuya na joo nawiꞌñeeⁿ
ꞌoonꞌomnaꞌ jaa na cꞌo̱o̱ⁿya na tꞌmaⁿ nꞌo̱o̱ⁿ.
\v 4 Ndoꞌ juu na mꞌaaⁿya na tꞌmaⁿ nꞌo̱o̱ⁿya machꞌeenaꞌ
na cwinaⁿndyo̱ quia cwiwino̱o̱ⁿya nawiꞌ, ndoꞌ juu na cwinaⁿndyo̱
mañequiaanaꞌ na tyeⁿ cwicantyjaaꞌ nꞌo̱o̱ⁿya Tyꞌo̱o̱tsꞌom.
\v 5 Ndoꞌ juu na cwicantyjaaꞌya nꞌo̱o̱ⁿya Tyꞌo̱o̱tsꞌom,
tacatsꞌaanaꞌ nquiuuya na cweꞌ tsꞌiaaⁿꞌndyo joꞌ, ee jnda̱
seicatooꞌ Tyꞌo̱o̱tsꞌom naquiiꞌ nꞌo̱o̱ⁿya ñequio juu na candyaꞌ
tsꞌoom jaa ee jnda̱ tquiaaⁿ Espíritu Santo naquiiꞌ nꞌo̱o̱ⁿya.
\p
\v 6 Juu xjeⁿ na ñetꞌo̱o̱ⁿya na tjaa chiuuya na nlꞌaaya
na nntjeiꞌnꞌmaaⁿndyo̱ cheⁿncjo̱o̱, majuuto xjeⁿꞌñeeⁿ tquiaañe
Cristo na cueeⁿꞌeⁿ cwentaa jaa nnꞌaⁿ na tia nnꞌaⁿndyo̱.
\v 7 Jeeⁿ jndeiꞌnaꞌ na nñequiaañe tsꞌaⁿ na cueꞌ cwentaaꞌ
xꞌiaaꞌ meiiⁿ cwiluiiñe tsaⁿꞌñeeⁿ tsꞌaⁿ na machꞌee na
matyꞌiomyanaꞌ. Sa̱a̱ nnda̱a̱ nntsꞌaanaꞌ na mꞌaaⁿ cwii tsꞌaⁿ
na nljoya tsꞌom na cueꞌ cwentaaꞌ cwii tsꞌaⁿ na mayuuꞌcheⁿ
ya tsꞌaⁿñe.
\v 8 Sa̱a̱ Tyꞌo̱o̱tsꞌom maꞌmo̱o̱ⁿ na candyaꞌ tsꞌoom jaa, ee
xjeⁿ na ndicwaⁿ cwiluiindyo̱ nnꞌaⁿjnaⁿ jñoom Cristo na
cueꞌ cwentaaya.
\v 9 Jeꞌ jeꞌ na jnda̱ tueꞌ Cristo, jnda̱ tqueⁿnaꞌ jaa
na tjaa jnaⁿ cwicolaꞌxmaaⁿya jo nnom Tyꞌo̱o̱tsꞌom, joꞌ
chii cantyja ꞌnaaⁿꞌ Cristo, majndaaꞌya na taxocatꞌuiinaꞌ
jaa quia na nncuꞌxeⁿ Tyꞌo̱o̱tsꞌom nnꞌaⁿ xuee na macanda̱.
\v 10 Ee xeⁿ juu xjeⁿ na ñetꞌo̱o̱ⁿ nndiaaꞌndyo̱ ñꞌeⁿ Tyꞌo̱o̱tsꞌom
tqueeⁿ jaa na cwiljoya tsꞌoom ñꞌeⁿndyo̱ ncꞌe na tueꞌ
Jnaaⁿ, majndeiticheⁿ jeꞌ na nluiꞌnꞌmaaⁿndyo̱ ncꞌe na wanoomꞌm.
\v 11 Ndoꞌ nchii macanda̱ joꞌ, xeⁿ nchii mati mañequiaanaꞌ
na jeeⁿ neiiⁿya na matseitjoomꞌnaꞌ jaa ñꞌeⁿ Tyꞌo̱o̱tsꞌom
ncꞌe Taya Jesucristo joꞌ na cwiljoya tsꞌom Tyꞌo̱o̱tsꞌom
ñꞌeⁿndyo̱.
\s Xuiiꞌ cantyja ꞌnaaⁿꞌ Adán ñequio Cristo
\p
\v 12 Luaa waa cantyja ꞌnaaⁿꞌ ñꞌoomwaaꞌ. Jnaaⁿꞌ cwii
tsꞌaⁿ, joꞌ na jndyoquieeꞌ jnaⁿ tsjoomnancue ndoꞌ jnaaⁿꞌ
jnaⁿꞌñeeⁿ joꞌ na cwiwje nnꞌaⁿ ndoꞌ na cwiwje nnꞌaⁿ, luaaꞌ
tyꞌoomnaꞌ chaꞌtsondye nnꞌaⁿ ee chaꞌtsondyena laxmaⁿna
jnaⁿ.
\v 13 Cwitjo̱o̱cheⁿ na nncuaa ljeii na matsa̱ꞌntjomnaꞌ,
maxjeⁿ cwilaꞌtjo̱o̱ndye nnꞌaⁿ jo nnom Tyꞌo̱o̱tsꞌom, sa̱a̱ tîcatsoom
na waa jnaaⁿꞌ tsꞌaⁿ quia na tjaaꞌnaⁿ ljeii na maqueⁿnaꞌ
xjeⁿ.
\v 14 Sa̱a̱ meiiⁿ na ljoꞌ, xjeⁿ na tꞌoomcheⁿ Adán hasta
xjeⁿ na tꞌoom Moisés, maxjeⁿ tyowje nnꞌaⁿ na tyolaꞌtjo̱o̱ndyena
meiiⁿ na nchii tyolaꞌtjo̱o̱ndyena nnom cwii ñꞌoom na jnda̱
sa̱ꞌntjom Tyꞌo̱o̱tsꞌom, chaꞌxjeⁿ sꞌaa Adán, juu na cwiluiiñe
cwii na matseijomnaꞌ nquii na quia nndyo.
\p
\v 15 Juu na seitjo̱o̱ñe Adán, meiⁿchjoo titseijomnaꞌ
ñequio juu naya na mañequiaa Tyꞌo̱o̱tsꞌom na cwitoꞌño̱o̱ⁿya.
Ee cweꞌ na seitjo̱o̱ñe cwii tsꞌaⁿ, joꞌ na cwiwje nnꞌaⁿ,
sa̱a̱ juu naya na cweꞌyu na mañequiaa Tyꞌo̱o̱tsꞌom na cwitoꞌno̱o̱ⁿ
cantyja ꞌnaaⁿꞌ ñecwii tsꞌaⁿ, majuu Jesucristo, juunaꞌ
jndati tseixmaⁿnaꞌ ndoꞌ mañꞌomnaꞌ jndyendye nnꞌaⁿ.
\v 16 Juu na seitjo̱o̱ñe Adán, meiⁿchjoo ticatseijomnaꞌ
ñequio na macwjiꞌnꞌmaaⁿñe Tyꞌo̱o̱tsꞌom añmaaⁿya. Ee cantyja
ꞌnaaⁿꞌ jnaaⁿꞌ ñecwii tsꞌaⁿ matꞌuiityeⁿnaꞌ chaꞌtsondye
nnꞌaⁿ. Sa̱a̱ cantyja ꞌnaaⁿꞌ juu na macwjiꞌnꞌmaaⁿñe Tyꞌo̱o̱tsꞌom
nnꞌaⁿ, cweꞌyu matsa̱a̱ⁿꞌa̱ⁿ nnꞌaⁿ na cwiluiindyena na tjaa
jnaⁿ laꞌxmaⁿna jo nnoom meiiⁿ na jndye nnom jnda̱ jlaꞌtjo̱o̱ndyena.
\v 17 Ee xeⁿ cantyja na seitjo̱o̱ñe Adán, teijndaaꞌ na
maxjeⁿ nncwje chaꞌtso nnꞌaⁿ, majndeiiticheⁿ naya na matseixmaⁿ
Tyꞌo̱o̱tsꞌom na cweꞌyu, maqueⁿnaꞌ nnꞌaⁿ na cwilaljo Jesucristo
na tjaa jnaⁿ cwilaꞌxmaⁿna jo nnom Tyꞌo̱o̱tsꞌom. Cantyja
ꞌnaaⁿꞌ juu jndyendye nnꞌaⁿ nluiixcondyena.
\p
\v 18 Ee chaꞌxjeⁿ juu na seitjo̱o̱ñe Adán seijndaaꞌñenaꞌ
na matꞌuiinaꞌ chaꞌtsondye nnꞌaⁿ, maluaaꞌ cantyja ꞌnaaⁿꞌ
juu na seicanda̱a̱ꞌñe Jesucristo, maqueⁿnaꞌ jndye nnꞌaⁿ
na cwiluiindyena nnꞌaⁿ na tjaa jnaⁿ laꞌxmaⁿ.
\v 19 Ñeꞌcaꞌmo̱ⁿnaꞌ cweꞌ ncꞌe na tîtseicanda̱ Adán jo
nnom Tyꞌo̱o̱tsꞌom joꞌ na sꞌaanaꞌ na chaꞌtsondye nnꞌaⁿ
laꞌxmaⁿna jnaⁿ, maluaaꞌ matseijomnaꞌ cantyja ꞌnaaⁿꞌ Cristo
seicana̱a̱ⁿ jo nnom Tyꞌo̱o̱tsꞌom, joꞌ na jndyendye nnꞌaⁿ
maqueⁿ Tyꞌo̱o̱tsꞌom na tjaa jnaⁿ cwicolaꞌxmaⁿna jo nnoom.
\p
\v 20 Sa̱a̱ quia na teitquiooꞌ ljeii na tqueⁿ Moisés
seicantoꞌtinaꞌ jnaaⁿ nnꞌaⁿ, ndoꞌ jnda̱ na tjawijndyeti
jnaaⁿ nnꞌaⁿ, Tyꞌo̱o̱tsꞌom seicwaljooꞌtyeeⁿ na ya tsꞌaⁿñê
ñequio nnꞌaⁿ.
\v 21 Ndoꞌ chaꞌxjeⁿ juu jnaⁿ waa najndeii na tseixmaⁿnaꞌ
na cwje nnꞌaⁿ, malaaꞌtiꞌ juu naya na matseixmaⁿ Tyꞌo̱o̱tsꞌom
na maqueⁿnaꞌ jaa na tjaa jnaⁿ laꞌxmaaⁿya waaticheⁿ najndeii
na matseixmaⁿnaꞌ na nñequiaanaꞌ na ticantycwii na cwitando̱o̱ꞌa
ncꞌe nquii Jesucristo na cwiluiiñê na matsa̱ꞌntjoom jaa.
\c 6
\s Lꞌoo jaa cantyja ꞌnaaⁿꞌ jnaⁿ sa̱a̱ cwitando̱o̱ꞌa ncꞌe Cristo
\p
\v 1 ¿Quia joꞌ ¿chiuu nlꞌuuyo̱o̱ cantyja ꞌnaaⁿꞌ ñꞌoommeiⁿꞌ?
¿Aa tsalꞌaatya̱a̱ya jnaⁿ cha na nntoꞌño̱o̱ⁿtya̱a̱ naya na
matseixmaaⁿ?
\v 2 Tijoom jndaa. Ee juu tsꞌaⁿ na jnda̱ tueꞌ xocanda̱a̱
nntsa̱ꞌntjomti natia jom. Ndoꞌ jaa nnꞌaⁿ na cwilaꞌyuuꞌa
ñꞌeⁿ Cristo cwiluiindyo̱ lꞌoo jo nnom jnaⁿ. Joꞌ chii
¿chiuu nluiiyuu na nlꞌaatya̱a̱ya natia?
\v 3 ¿Aa ticalaꞌno̱ⁿꞌyoꞌ quia na teitsꞌoomndyo̱, tjaaꞌñenaꞌ
jaa cantyja na tueꞌ Cristo Jesús?
\v 4 Ee quia na teitsꞌoomndyo̱ tjoomꞌ tjacantyꞌiuuꞌndyo̱
ñequio Cristo joꞌ na tqueⁿnaꞌ na lꞌoo jaa, cha na nntsꞌaanaꞌ
na laꞌxmaaⁿya nnꞌaⁿ na cwitaꞌndoꞌxco chaꞌxjeⁿ na tandoꞌxco
Cristo cantyja ꞌnaaⁿꞌ juu na tꞌmaⁿ najndeii na matseixmaⁿ
Tsotya̱a̱ya Tyꞌo̱o̱tsꞌom.
\p
\v 5 Ndoꞌ xeⁿ seitjoomꞌna jaa ñꞌeⁿñê cantyja na tueeⁿꞌeⁿ,
mati matseitjoomꞌnaꞌ jaa ñꞌeⁿñê cantyja na tandoꞌxcoom.
\v 6 Manquiuuya juu na ñejlaꞌxmaaⁿya na tyolꞌaaya jnaⁿ,
tyꞌioomnaꞌ joꞌ tsꞌoomꞌnaaⁿ ñꞌeⁿ Cristo, cha juu na machꞌeenaꞌ
na cwilaꞌtjo̱o̱ndyo̱ nnom Tyꞌo̱o̱tsꞌom, catyuiiꞌ najndeii
na matseixmaⁿnaꞌ na nndyaandyo̱ na cwindya̱ꞌntjo̱o̱ⁿya nnom
jnaⁿ chaꞌxjeⁿ mandiꞌntjomtyeⁿ cwii tsꞌaⁿ nnom tsꞌaⁿ
na seijnda jom.
\v 7 Ee tsꞌaⁿ na jnda̱ tueꞌ jnda̱ jndyaañê na maqueⁿ
jnaⁿ xjeⁿ jom.
\v 8 Ndoꞌ ncꞌe na cwilaꞌjomndyo̱ ñꞌeⁿ Cristo na tueeⁿꞌeⁿ,
mati cwilaꞌyuuꞌa na nntando̱o̱ꞌa ñꞌeⁿñê.
\v 9 Ee manquiuuya na Cristo cwii ndiiꞌ na jnda̱ tandoꞌxcoom
na tueeⁿꞌeⁿ, tacuaa cwii xuee na nncueꞌnnaaⁿꞌaⁿ ee juu
na machꞌee na cwiwje nnꞌaⁿ tatjaaꞌnaⁿ ljoꞌ cwiya nnda̱a̱
nntsꞌaanaꞌ ñꞌeⁿñê.
\v 10 Quia na tueꞌ Cristo, ñejom ndiiꞌ tueeⁿꞌeⁿ cwentaa
jnaaⁿ nnꞌaⁿ, meiⁿ tacaⁿnaꞌ na cueꞌnnaaⁿꞌaⁿ. Ndoꞌ jeꞌ
na wanoomꞌm, wanoomꞌm cwentaaꞌ Tyꞌo̱o̱tsꞌom.
\v 11 Joꞌ chii mati ꞌo, cꞌoomꞌya nꞌomꞌyoꞌ na mayuuꞌcheⁿ
na jnda̱ tja̱ꞌyoꞌ cantyja ꞌnaaⁿꞌ jnaⁿ, ndoꞌ na tandoꞌyoꞌ
cantyja ꞌnaaⁿꞌ Tyꞌo̱o̱tsꞌom ee na matseitjoomꞌnaꞌ ꞌo ñequio
Cristo Jesús na cwiluiiñê na matsa̱ꞌntjoom jaa.
\p
\v 12 Joꞌ chii tañequiandyoꞌ na nnaⁿjndeii jnaⁿ na
nntsa̱ꞌntjomnaꞌ seiiꞌyoꞌ na cwiwje, na nlqueⁿnaꞌ xjeⁿ
ꞌo na nlaꞌcanda̱a̱ꞌndyoꞌ chiuu lꞌue tsꞌomnaꞌ.
\v 13 Meiⁿ tintioꞌyoꞌ seiiꞌyoꞌ lꞌo̱ jnaⁿ, na nleilꞌuenaꞌ
chaꞌna lꞌo̱tsꞌiaaⁿ na ñꞌeⁿ nluii yuu na ticatyꞌiomyanaꞌ.
Jeꞌ jeꞌ quiandyoꞌ cheⁿncjoꞌyoꞌ lꞌo̱ Tyꞌo̱o̱tsꞌom chaꞌxjeⁿ
nnꞌaⁿ na tandoꞌxco na tja̱, ndoꞌ catioꞌyoꞌ seiiꞌyoꞌ lꞌo̱o̱ⁿ
na nleilꞌuenaꞌ chaꞌna lꞌo̱tsꞌiaaⁿ na ñꞌeⁿ nluii yuu na
matyꞌiomyanaꞌ.
\v 14 Ee ticatsonaꞌ na nlqueⁿ jnaⁿ xjeⁿ ꞌo, ee nchii
mꞌaⁿꞌyoꞌ nacje ꞌnaaⁿꞌ ljeii na tqueⁿ Moisés, ꞌo mꞌaⁿꞌyoꞌ
nacje ꞌnaaⁿꞌ naya na matseixmaⁿ Tyꞌo̱o̱tsꞌom.
\s Matseijomnaꞌ jaa chaꞌcwijom tsꞌaⁿ na teijndañe
\p
\v 15 Quia joꞌ ¿chiuu nncuaa? ¿Aa ncꞌe na ticꞌo̱o̱ⁿya
xjeⁿ ꞌnaaⁿꞌ ljeiiꞌñeeⁿ, joꞌ chii nlaꞌtjo̱o̱ndyo̱tya̱a̱ nnom
Tyꞌo̱o̱tsꞌom? ¿Aa nlꞌaa na ljoꞌ ncꞌe na cwicandaaya naya
na matseixmaaⁿ? Jeeⁿ ticꞌoomꞌnaꞌ joꞌ.
\v 16 ꞌO manquiujndaaꞌndyoꞌ quia mañequiaañe tsꞌaⁿ
na nndiꞌntjomtyeeⁿ nnom cwiicheⁿ na nntseicana̱a̱ⁿ ljoꞌ
na matsa̱ꞌntjom, cwiluiiñe tsaⁿꞌñeeⁿ tsꞌaⁿ na tyeⁿ mandiꞌntjom
nnom patrom ꞌnaaⁿꞌ ndoꞌ jndeiꞌnaꞌ na catseicana̱a̱ⁿ ljoꞌ
na matsa̱ꞌntjom tsaⁿꞌñeeⁿ. Joꞌ chii xeⁿ mandiꞌntjom tsꞌaⁿ
nnom jnaⁿ, wjaanꞌomnaꞌ juu na nntsuuñe, oo aa nntseicana̱a̱ⁿ
nnom Tyꞌo̱o̱tsꞌom, na cantyja ꞌnaaⁿꞌ joꞌ nncꞌoom chaꞌxjeⁿ
na maꞌmo̱ⁿnaꞌ.
\v 17 Sa̱a̱ jeeⁿ ndyaꞌ quianlꞌuaaꞌ Tyꞌo̱o̱tsꞌom, na ꞌo meiiⁿ
na tyeⁿ ñejndyeꞌntjomꞌyoꞌ nnom jnaⁿ, sa̱a̱ jeꞌ ñequio na
xcweeꞌya nꞌomꞌyoꞌ cwilaꞌñꞌoomꞌndyoꞌ ñꞌoom na tꞌmo̱o̱ⁿ
nnꞌaⁿ nda̱a̱ꞌyoꞌ cantyja ꞌnaaⁿꞌaⁿ.
\v 18 Ndoꞌ jeꞌ na jnda̱ seicandyaañê ꞌo nnom jnaⁿ, joꞌ
chii cwiluiindyoꞌ nnꞌaⁿ na cwindyeꞌntjomtyeⁿ cantyja
na matyꞌiomyanaꞌ.
\v 19 Matseina̱ⁿ ñꞌoommeiⁿꞌ nda̱a̱ꞌyoꞌ chaꞌxjeⁿ ñꞌoom
na cwilaꞌneiⁿ nnꞌaⁿ ncꞌe ꞌo ticalaꞌno̱ⁿꞌyaꞌyoꞌ joonaꞌ.
Quia joꞌ chaꞌxjeⁿ na jnda̱ tquiaꞌñꞌeⁿꞌyoꞌ seiiꞌyoꞌ na
ñejndyeꞌntjomꞌtyeⁿꞌyoꞌ nnom jnaⁿ ñequio nda̱a̱ chaꞌtso
nnom natia, ndoꞌ na ñelꞌaꞌyoꞌ yuu na matso ljeii na matsa̱ꞌntjomnaꞌ
na talꞌaꞌyoꞌ, maluaaꞌ jeꞌ quiandyoꞌñꞌeⁿꞌyoꞌ na nndyeꞌntjomꞌyoꞌ
chaꞌxjeⁿ na matyꞌiomyanaꞌ na cantyja ꞌnaaⁿꞌ joꞌ xcwe
ncꞌomꞌyoꞌ jo nnom Tyꞌo̱o̱tsꞌom.
\p
\v 20 Xjeⁿ na ñejndyeꞌntjomꞌtyeⁿꞌyoꞌ nnom jnaⁿ, tîcꞌoomꞌ
nꞌomꞌyoꞌ na nlꞌaꞌyoꞌ yuu na ya.
\v 21 Ndoꞌ na luaaꞌ tyolꞌaꞌyoꞌ, ¿yuu waa na teijndeiinaꞌ
ꞌo? Jeꞌ cantyja na nmeiiⁿꞌ ñelꞌaꞌyoꞌ, yacheⁿ machꞌeenaꞌ
jnaaⁿꞌyoꞌ, ee joonaꞌ ꞌoochonaꞌ ꞌo na nntsuundyoꞌ.
\v 22 Sa̱a̱ jeꞌ jeꞌ jnda̱ jndyaandyoꞌ na ñejndyeꞌntjomꞌtyeⁿꞌyoꞌ
nnom jnaⁿ, ndoꞌ jnda̱ saaquieeꞌndyoꞌ na cwindyeꞌntjomꞌtyeⁿꞌyoꞌ
nnom Tyꞌo̱o̱tsꞌom, ndoꞌ cantyja ꞌnaaⁿꞌ joꞌ waa naya ꞌnaⁿꞌyoꞌ
na maqueⁿljuꞌnaꞌ ꞌo jo nnoom, ndoꞌ na nntoꞌñoomꞌyoꞌ na
ticantycwii na nntandoꞌyoꞌ.
\v 23 Ee nquii jnaⁿ matiomlꞌuanaꞌ jaa na cwiwja̱a̱ya,
sa̱a̱ naya na cwicandaaya nnom Tyꞌo̱o̱tsꞌom mañequiaanaꞌ
na ticantycwii na cwitaꞌndo̱ꞌa ncꞌe Jesucristo na cwiluiiñê
na matsa̱ꞌntjoom jaa.
\c 7
\s Matseijomnaꞌ jaa chaꞌcwijom tsꞌaⁿ na jnda̱ toco
\p
\v 1 ꞌO nnꞌaⁿya na cwilaꞌyuꞌyoꞌ ñꞌeⁿ Cristo, manquiuꞌyoꞌ
chiuu waa na matsa̱ꞌntjom ljeii na tquiaa Tyꞌo̱o̱tsꞌom
nnom Moisés, na juu ljeiiꞌñeeⁿ taxoqueⁿtinaꞌ xjeⁿ tsꞌaⁿ
na jnda̱ tueꞌ.
\v 2 Ee matseijomnaꞌ chaꞌxjeⁿ cwii yuscu na jnda̱ toco,
matseityeⁿ ljeii jom ñequio saaⁿꞌaⁿ yocheⁿ na wandoꞌ.
Sa̱a̱ xeⁿ nncueꞌ quia joꞌ cwindyaañê lꞌo̱ ljeii ꞌnaaⁿna.
\v 3 Joꞌ chii xeⁿ ndicwaⁿ wandoꞌ saaⁿꞌaⁿ ndoꞌ nncꞌo̱o̱ⁿ
ꞌndyoo cwiicheⁿ tsaⁿsꞌa quia joꞌ matsonaꞌ na jom yuscu
na cweꞌ mꞌaaⁿya ñꞌeⁿ tsaⁿsꞌaꞌñeeⁿ. Sa̱a̱ xeⁿ na jnda̱ tueꞌ
saaⁿꞌaⁿ quia joꞌ wanaaⁿ na nncoconnaaⁿꞌaⁿ ndoꞌ xocatsonaꞌ
na cweꞌ mꞌaaⁿyaaⁿ ñꞌeⁿ tsaⁿꞌñeeⁿ.
\p
\v 4 Joꞌ chii ꞌo nnꞌaⁿya na cwilaꞌyuꞌyoꞌ, mati ꞌo cwiluiindyoꞌ
lꞌoo cantyja ꞌnaaⁿꞌ ljeii na matsa̱ꞌntjomnaꞌ na tqueⁿ
Moisés ncꞌe tsꞌoomꞌnaaⁿ tyꞌioom nnꞌaⁿ Cristo, cha na
nnda̱a̱ nlaꞌxmaⁿꞌyoꞌ cwentaaꞌ cwiicheⁿ, manqueⁿ na wandoꞌxcoom
jnda̱ na tueeⁿꞌeⁿ. Maluaaꞌ waa cha nnda̱a̱ nleilꞌueeꞌñê
ꞌo.
\v 5 Ee quia na ñetꞌo̱o̱ⁿya xjeⁿ ꞌnaaⁿꞌ na teincoondyo̱
na nnꞌaⁿ jnaⁿ jaa, ljeiiꞌñeeⁿ tyotseilcwiiꞌñenaꞌ nda̱a̱ya
na cwilꞌaaya chaꞌtso nnom natia na queeⁿ tsꞌom seiiꞌa,
joꞌ na tjachuunaꞌ jaa na nntsuundyo̱.
\v 6 Sa̱a̱ jeꞌ jeꞌ jnda̱ tja̱a̱ya cantyja ꞌnaaⁿꞌ ljeii na
ñetqueⁿnaꞌ xjeⁿ jaa, joꞌ chii jeꞌ mamꞌaⁿcandyaandyo̱ na
nndya̱ꞌntjo̱o̱ⁿya nnom Tyꞌo̱o̱tsꞌom ncꞌe cwitando̱o̱ꞌxco̱o̱ya
na mꞌaaⁿya nacje ꞌnaaⁿꞌ Espíritu, tachii cantyja ꞌnaaⁿꞌ
ñꞌoom tquiee na ñesa̱ꞌntjom.
\s Jnaⁿ ñeꞌqueⁿnaꞌ xjeⁿ ꞌnaaⁿꞌnaꞌ ja
\p
\v 7 Quia joꞌ ¿chiuu nlꞌuuyo̱o̱ya jeꞌ cantyja ꞌnaaⁿ ljeii
na tqueⁿ Moisés, aa jnaⁿ matseixmaⁿnaꞌ? Meiⁿchjoo nchii
joꞌ ee xeⁿ nchii juunaꞌ, xocatseiꞌno̱ⁿꞌa na ticatsa̱ꞌntjomnaꞌ
na matseiqueeⁿ tsꞌo̱o̱ⁿ ꞌnaaⁿꞌ cwiicheⁿ tsꞌaⁿ hasta quia
ljeiya na tso ljeiiꞌñeeⁿ: “Tintseiqueeⁿ tsꞌomꞌ ꞌnaaⁿꞌ
xꞌiaꞌ”.
\v 8 Sa̱a̱ juu ljeiiꞌñeeⁿ teilꞌueeꞌñe jnaⁿ na sꞌaanaꞌ
na tyotseiqueeⁿnaꞌ tsꞌo̱o̱ⁿ jndye nnom natia. Ee yuu na
ticuaa ljeiiꞌñeeⁿ mꞌaaⁿ tsꞌooñe jnaⁿ.
\v 9 Tyowaa xjeⁿ na tîcaljeii chiuu matsa̱ꞌntjom ljeii
na tqueⁿ Moisés, xjeⁿꞌñeeⁿ tîcatseiꞌndaaꞌnaꞌ ntyjiiya
na ñeseitjo̱o̱ndyo̱ nnomnaꞌ, sa̱a̱ quia na seiꞌno̱ⁿꞌa chiuu
matsa̱ꞌntjomnaꞌ, quia joꞌ ljeiya na wandoꞌ jnaⁿ, na wjaañꞌoomnaꞌ
ja na ntsuundyo̱.
\v 10 Ndoꞌ juu ljeiiꞌñeeⁿ na tsꞌiaaⁿꞌnaꞌ na nñequiaanaꞌ
na nndaya na ticantycwii na wando̱ꞌa, teijndaaꞌyuu na
nntsuundyo̱ cantyja ꞌnaaⁿꞌnaꞌ.
\v 11 Ee juu jnaⁿ teilꞌueeꞌñenaꞌ ljeiiꞌñeeⁿ na tquiuꞌnnꞌaⁿnaꞌ
ja ndoꞌ tqueⁿnaꞌ na nntsuundyo̱.
\p
\v 12 Joꞌ chii nquii ljeiiꞌñeeⁿ ljuꞌ cwiluiiñenaꞌ cantyja
ꞌnaaⁿꞌnaꞌ, ndoꞌ ñꞌoom na matsa̱ꞌntjom cwiluiiñenaꞌ na
ljuꞌ, mati xcwe ndoꞌ jeeⁿ yanaꞌ.
\v 13 Quia joꞌ ¿aa ñeꞌcatsonaꞌ na ljeii na cwiluiiñe
na yanaꞌ tjañꞌoomnaꞌ ja na nntsuundyo̱? Meiⁿchjoo nchii
ljoꞌ. Juu jnaⁿ na waanaꞌ quiiꞌ tsꞌo̱o̱ⁿ, seijndaaꞌñenaꞌ
na nntsuundyo̱ ndoꞌ tꞌmo̱ⁿ jndaaꞌñenaꞌ na jnaⁿ joꞌ, juu
joꞌ teilꞌueeꞌñenaꞌ cwii na jeeⁿ ya ndoꞌ laaꞌti waa na
juu ñꞌoom na matsa̱ꞌntjomnaꞌ tꞌmo̱ⁿnaꞌ na jeeⁿ tia tseixmaⁿ
jnaⁿ.
\p
\v 14 Manquiuuya na tquiaa Espíritu ljeii na matsa̱ꞌntjomnaꞌ.
Sa̱a̱ ncꞌe na tsꞌaⁿ ja matseijomnaꞌ cantyja ꞌnaⁿya na
cwiluiindyo̱ tsꞌaⁿ na seijnda jnaⁿ, na tyeⁿ mandiꞌntjo̱ⁿya
nnomnaꞌ.
\v 15 Tileicatseiꞌno̱ⁿꞌa chiuu na matjo̱ⁿya na tileicatsꞌaaya
ljoꞌ na ñeꞌcatsꞌaa, yacheⁿ matsꞌaayo̱ya majoꞌto ljoꞌ na
jeeⁿ jndo̱ya.
\v 16 Sa̱a̱ quia na matsꞌaa yuu na tiñeꞌcatsꞌaa, matseiꞌno̱ⁿꞌa
na jeeⁿ ya juu ljeii na matsa̱ꞌntjomnaꞌ.
\v 17 Ndoꞌ na ljoꞌ, maꞌmo̱ⁿnaꞌ na nchii nnco̱ matsꞌaa.
Juu jnaⁿ na mꞌaaⁿ naquiiꞌ tsꞌo̱o̱ⁿ machꞌeenaꞌ na ljoꞌ.
\v 18 Ndoꞌ ntyjiiya ncꞌe na tsꞌaⁿ ja, tjaaꞌnaⁿ cwii
na matseixmaⁿya na ntsꞌaa yuu na ya. Lꞌue tsꞌo̱o̱ⁿ na
nntsꞌaa yuu na ya sa̱a̱ leicanda̱a̱ nntsꞌaa.
\v 19 Juu na ya na ñeꞌcatsꞌaa, ticatsꞌaa joꞌ, ñequiiꞌcheⁿ
natia na tiñeꞌcatsꞌaa, juu joꞌ matsꞌaa.
\v 20 Quia joꞌ xeⁿ juu na tiñeꞌcatsꞌaa matsꞌaa, nchii
mannco̱tya̱ matsꞌaa joꞌ. Juu jnaⁿ na mꞌaaⁿ quiiꞌ tsꞌo̱o̱ⁿ,
juunaꞌ machꞌeenaꞌ na ljoꞌ.
\p
\v 21 Joꞌ chii luaa waa na maljeiya cantyja ꞌnaⁿya.
Quia na matseijndo̱ na nntsꞌaa yuu na ya na lꞌue tsꞌo̱o̱ⁿ,
yacheⁿ maljeiya na mꞌaaⁿ natia naquiiꞌ tsꞌo̱o̱ⁿ.
\v 22 Ee nnco̱ jeeⁿ neiⁿncooꞌ ntyjii ljeii ꞌnaaⁿꞌ Tyꞌo̱o̱tsꞌom
na tquiaaⁿ nnom Moisés,
\v 23 sa̱a̱ maqua̱ⁿ cwenta naquiiꞌ seiiꞌa mꞌaaⁿ cwii na
matseiweñe nacjooꞌ juu na mꞌaaⁿꞌ tsꞌo̱o̱ⁿ na maꞌmo̱ⁿnaꞌ
na catsꞌaa, majuu jnaⁿ na matsa̱ꞌntjomnaꞌ seiiꞌa, na maleiñꞌoomnaꞌ
ja pra̱so.
\p
\v 24 Jeeⁿ ndyaꞌ ntyꞌiaaꞌndyo̱. ¿ꞌÑeeⁿ nnda̱a̱ nntseicandyaañe
ja ñequio seiiꞌa na wjaañꞌoomnaꞌ ja na nntsuundyo̱?
\v 25 Jeeⁿ ndyaꞌ quianlꞌuaaꞌ Tyꞌo̱o̱tsꞌom na macanda̱
jom nnda̱a̱ nncwjiꞌnꞌmaaⁿñê ja ncꞌe Taya Jesucristo. Jeꞌ
jeꞌ matseiꞌno̱ⁿꞌa na tseixmaⁿya na cjuꞌndyo̱ cja̱ jo nnom
ljeii ꞌnaaⁿꞌ Tyꞌo̱o̱tsꞌom na matsa̱ꞌntjomnaꞌ. Sa̱a̱ cantyja
ꞌnaaⁿꞌ na tsꞌaⁿ jnaⁿ ja ndicwaⁿ mꞌaaⁿya nacje ꞌnaaⁿꞌ
jnaⁿ.
\c 8
\s Cꞌo̱o̱ⁿya chaꞌxjeⁿ matsa̱ꞌntjom Espíritu cwiluiiñe Tyꞌo̱o̱tsꞌom
\p
\v 1 Jo chii jaa nnꞌaⁿ na cwilajomndyo̱ ñequio Jesucristo,
ticatꞌuii Tyꞌo̱o̱tsꞌom jaa cantyja ꞌnaaⁿꞌ jnaaⁿya. Luaaꞌ
waa ncꞌe na cwilꞌaaya yuu na lꞌue tsꞌom Espíritu Santo,
nchii yuu na lꞌue nꞌo̱o̱ⁿ ncjo̱o̱.
\v 2 Ee juu ljeii na matsa̱ꞌntjomnaꞌ cantyja ꞌnaaⁿꞌ
Espíritu na mañequiaa na wando̱ꞌa jo nnom Tyꞌo̱o̱tsꞌom
ncꞌe na matseijomndyo̱ ñequio Cristo Jesús, ljeiiꞌñeeⁿ
jnda̱ seicandyaañenaꞌ ja jo nnom ljeii na maꞌmo̱ⁿnaꞌ na
matseixmaⁿya jnaⁿ na cantyja ꞌnaaⁿꞌ joꞌ nntsuundyo̱.
\v 3 Ee ljeii na tqueⁿ Moisés, tîcanda̱a̱ nlqueⁿnaꞌ na
tjaa jnaⁿ laxmaaⁿya ee tjaaꞌnaⁿ najndeii na matseixmaⁿnaꞌ
cha nlaꞌcanda̱a̱ya juunaꞌ ee laꞌxmaaⁿya nnꞌaⁿ na cwilaꞌtjo̱o̱ndye.
Sa̱a̱ yuu na tîcanda̱a̱ nntsꞌaa juunaꞌ, nquii Tyꞌo̱o̱tsꞌom
jnda̱ sꞌaaⁿ. Ee jñoom Jnaaⁿ na tsꞌaⁿ chaꞌna jaa nmeiiⁿ,
na juu nncueꞌ cwentaa jnaaⁿya. Ndoꞌ na ljoꞌ seijndaaꞌñê
na cwintycwii najndeii na matseixmaⁿ jnaⁿ na cꞌo̱o̱ⁿya
nacje ꞌnaaⁿꞌnaꞌ.
\v 4 Luaaꞌ sꞌaaⁿ cha nnda̱a̱ nlaꞌcanda̱a̱ya ljoꞌ na matsa̱ꞌntjom
ljeiiꞌñeeⁿ. Ee jaa tacꞌo̱ⁿtya̱a̱ya cantyja ꞌnaaⁿꞌ natia
na cwilaꞌqueeⁿ nꞌo̱o̱ⁿya. Jaa cwitsaamꞌaaⁿya nacje ꞌnaaⁿꞌ
na lꞌue tsꞌom Espíritu Santo.
\p
\v 5 Nnꞌaⁿ na cwiñeꞌquiandye na cwilꞌa yuu na lꞌue
tsꞌom seii macanda̱ tomti joꞌ cwijooꞌ nꞌomna. Sa̱a̱ nnꞌaⁿ
na cwilꞌa ljoꞌ na lꞌue tsꞌom Espíritu Santo macanda̱
cwijooꞌ nꞌomna ljoꞌ na lꞌue tsꞌom Tyꞌo̱o̱tsꞌom.
\v 6 Quia na macanda̱ tomti nncꞌoomꞌ tsꞌom tsꞌaⁿ cantyja
ꞌnaaⁿꞌ ljoꞌ na lꞌue tsꞌom seiiⁿꞌeⁿ, wjaañꞌomnaꞌ jom na
nntsuuñê. Sa̱a̱ quia na nncꞌoomꞌ tsꞌom tsꞌaⁿ ljoꞌ na lꞌue
tsꞌom Espíritu Santo wjaañꞌoomnaꞌ jom na ticantycwii
na nncwanoomꞌm ndoꞌ tjaa ljoꞌ chjooꞌ tsꞌoom.
\v 7 Sa̱a̱ nnꞌaⁿ na cwiñequiandye cantyja ꞌnaaⁿꞌ jnaⁿ,
mꞌaⁿwjeena nacjooꞌ Tyꞌo̱o̱tsꞌom, ee tiñeꞌcatueeꞌndyecjena
jo nnom ljeii na matsa̱ꞌntjomnaꞌ, meiⁿ xonda̱a̱ nlꞌana.
\v 8 Joꞌ chii nnꞌaⁿ na ꞌoomꞌaⁿ cantyja ꞌnaaⁿꞌ jnaⁿ,
xocanda̱a̱ nlꞌana yuu na cjaaweeꞌ ntyjii Tyꞌo̱o̱tsꞌom.
\p
\v 9 Sa̱a̱ ꞌo tacꞌomꞌyoꞌ cantyja ꞌnaaⁿꞌ na teincoondyoꞌ
na nnꞌaⁿ, ꞌo tsaamꞌaⁿꞌyoꞌ nacje ꞌnaaⁿꞌ Espíritu na cwiluiiñe
Tyꞌo̱o̱tsꞌom, xeⁿ na mayuuꞌcheⁿ Espíritu na cwiluiiñê mꞌaaⁿñe
naquiiꞌ nꞌomꞌyoꞌ. Tsꞌaⁿ na ticatseixmaⁿ Espíritu na
cwiluiiñe Cristo tyooluiiñe cwentaaⁿꞌaⁿ.
\v 10 Ndoꞌ xeⁿ Cristo wanoomꞌm naquiiꞌ nꞌomꞌyoꞌ meiiⁿ
na mayuuꞌ seiiꞌyoꞌ mꞌaⁿlꞌoondyenaꞌ ncꞌe jnaⁿ, nquii espíritu
na laꞌxmaⁿꞌyoꞌ mꞌaaⁿ na wandoꞌ ee jnda̱ seicandyaañe
Tyꞌo̱o̱tsꞌom ꞌo cantyja ꞌnaaⁿꞌ jnaⁿꞌyoꞌ.
\v 11 Ndoꞌ xeⁿ Tyꞌo̱o̱tsꞌom na tquiaaⁿ na tandoꞌxco Cristo
mꞌaaⁿ Espíritu na cwiluiiñê naquiiꞌ nꞌomꞌyoꞌ, majom nñequiaaⁿ
na nntaꞌndoꞌnndaꞌ seiiꞌyoꞌ ñequio mañejuuti Espíritu
na cwiluiiñê mꞌaaⁿñe naquiiꞌ nꞌomꞌyoꞌ.
\p
\v 12 Joꞌ chii ꞌo nnꞌaⁿya na cwilaꞌyuꞌyoꞌ, waa cwii
na jeeⁿ matsonaꞌ na calꞌaaya, sa̱a̱ nchii nlꞌaya yuu na
lꞌue nꞌo̱o̱ⁿ ncjo̱o̱.
\v 13 Ee xeⁿ na cwiñequiandyoꞌ joo na teincoondyoꞌ
ñequio seiiꞌyoꞌ nntsuundyoꞌ, sa̱a̱ xeⁿ ñequio Espíritu
Santo cwilꞌaꞌyoꞌ na joo na teincoondyoꞌ ñequio seiiꞌyoꞌ
cwjenaꞌ, quia joꞌ nluiꞌnꞌmaaⁿndyoꞌ.
\p
\v 14 Chaꞌtsondye nnꞌaⁿ na ꞌoontyjo̱ ljoꞌ na maꞌmo̱ⁿ
Espíritu na cwiluiiñe Tyꞌo̱o̱tsꞌom, naⁿꞌñeeⁿ cwiluiindyena
ntseinaaⁿ.
\v 15 ꞌO nchii toꞌñoomꞌyoꞌ cwii espíritu na nntsꞌaayuunaꞌ
nquiuꞌyoꞌ na ndicwaⁿ laꞌxmaⁿꞌyoꞌ moso nda̱a̱ joo na lꞌue
nꞌom seiiꞌyoꞌ, na joꞌ joꞌ cwiicheⁿ cwiindiiꞌ nncꞌomꞌyoꞌ
na nquiaꞌyoꞌ na nntꞌuii Tyꞌo̱o̱tsꞌom ꞌo. ꞌO jnda̱ toꞌñoomꞌyoꞌ
Espíritu Santo na macjwaaꞌñe ꞌo na cwiluiindyoꞌ ntseinaaⁿ.
Jom machꞌeeⁿ na cwilꞌuuya: “Ta Tsotya̱a̱ya.”
\v 16 Manquiiti Espíritu Santo macwjiꞌyuuꞌñê nnom espíritu
na laxmaaⁿya na matsoom na cwiluiindyo̱ ntseinda Tyꞌo̱o̱tsꞌom.
\v 17 Ndoꞌ na cwiluiindyo̱ ntseinaaⁿ, mati laꞌxmaaⁿya
na nndaaya chaꞌtso na jnda̱ seijndaaꞌñê na nndaa nnꞌaⁿ
na cwiluiindye ntseinaaⁿ, mañejuuti na nndaaꞌ Cristo,
mati joꞌ nndaaya xeⁿ cwilajomndyo̱ nawiꞌ na tjatjoom
cha nda̱nquia nlajomndyo̱ na cwiluiitꞌmaⁿñê.
\p
\v 18 Ee ntyjiiyaya na nawiꞌ na tsatjo̱o̱ⁿya jeꞌ, meiⁿchjoo
xocatseijomnaꞌ ñequio na nntseitꞌmaaⁿꞌñenaꞌ jaa xuee
na macanda̱.
\v 19 Chaꞌtso na tqueⁿ Tyꞌo̱o̱tsꞌom ñequio na ntyjaaꞌ
nꞌomna meiⁿꞌndooꞌntyꞌiaandye xuee quia na mꞌmo̱o̱ⁿ ꞌñeeⁿ
joo cwiluiindye na nntseinaaⁿ.
\v 20 Ee chaꞌtso na tqueⁿ Tyꞌo̱o̱tsꞌom teiꞌndaaꞌnaꞌ sa̱a̱
nchii tjoomnaꞌ na luaaꞌ ee na lꞌue nꞌom nquieenaꞌ, tjoomnaꞌ
na ljoꞌ ee luaaꞌ lꞌue tsꞌoom. Sa̱a̱ maxjeⁿ ntyjaaꞌya nꞌomnaꞌ
na nncueꞌntyjo̱ cwii xuee na nlcoꞌyanndaꞌnaꞌ,
\v 21 na nncueꞌntyjo̱ xjeⁿ na nndyaandye joonaꞌ na tyeⁿ
mꞌaⁿnaꞌ nacje ꞌnaaⁿꞌ na cwiwiꞌndaaꞌnaꞌ ndoꞌ cwiwjenaꞌ,
cha nlaꞌjomndye joonaꞌ ñequio juu na cwindyaandye ntseinaaⁿ,
cwii na jeeⁿ ndyaꞌ jnda tseixmaⁿnaꞌ.
\v 22 Manquiuuya na chaꞌtso na tqueⁿ Tyꞌo̱o̱tsꞌom hasta
xjeⁿ jeꞌcheⁿ jeeⁿ cwitcweenaꞌ nawiꞌ cwitjoom joonaꞌ
chaꞌxjeⁿ maquiinaꞌ yuscu na matseincuii.
\v 23 Ndoꞌ nchii macanda̱ joo na tqueeⁿ cwitjoomnaꞌ
na wiꞌ, mati jaa na jnda̱ toꞌño̱o̱ⁿya Espíritu Santo, cwii
na cweꞌ tyuaaꞌya na xeⁿ jnda̱ nntoꞌño̱o̱ⁿñꞌa̱a̱ⁿ na jnda̱
seijndaaꞌñê na nndaaya, jaa tꞌmaⁿ wiꞌ cwitjo̱o̱ⁿya yocheⁿ
na cwimeiⁿndo̱o̱ꞌa na nncwjaaꞌñe Tyꞌo̱o̱tsꞌom jaa na cwiluiindyo̱
ntseinaaⁿ, cha na nnda̱a̱ nndyaandye seiiꞌa.
\v 24 Ncꞌe na luaaꞌ waa na cwicantyjaaꞌ nꞌo̱o̱ⁿya, joꞌ
chii na cwiluiꞌnꞌmaaⁿndyo̱, sa̱a̱ quia jnda̱ ntyꞌiaaꞌ tsꞌaⁿ
cwii na macantyjaaꞌ tsꞌoom, tacatsonaꞌ na ntyjaaꞌti tsꞌoom
ee cwii na mamantyꞌiaaꞌ tsꞌaⁿ, ticatsonaꞌ na ntyjaaꞌti
tsꞌoom.
\v 25 Sa̱a̱ xeⁿ ljoꞌ na meiⁿndo̱o̱ꞌa na nntyꞌiaaya ndicwaⁿ
tyoontyꞌiaaya joꞌ, macaⁿnaꞌ na cꞌo̱ⁿtꞌmaaⁿꞌndyo̱ nꞌo̱o̱ⁿya
yocheⁿ na meiⁿndo̱o̱ꞌa juunaꞌ.
\p
\v 26 Maluaaꞌ machꞌee Espíritu, mateijneiⁿ jaa yuu na
tixcwe cwilꞌuuya. Ee jaa tiꞌnaaⁿya nlana̱a̱ⁿya nnom Tyꞌo̱o̱tsꞌom
chaꞌxjeⁿ na macaⁿnaꞌ, joꞌ chii manquiiti Espíritu Santo
matseityꞌooñê nnom Tyꞌo̱o̱tsꞌom ñequio na cwicom tsꞌoom
cwentaaya ñequio ñꞌoom na tileicatso tsꞌaⁿ.
\v 27 Ndoꞌ Tyꞌo̱o̱tsꞌom tcuu malꞌueeⁿ chiuu waa naquiiꞌ
tsꞌom tsꞌaⁿ, joꞌ chii ntyjeeⁿ ñꞌoom na matseityꞌooñe
Espíritu nnoom cwentaa nnꞌaⁿ na cwiluiindye cwentaaⁿꞌaⁿ,
ee juu matseityꞌooñe chaꞌxjeⁿ na lꞌue tsꞌoom.
\s Nnda̱a̱ nnaⁿñe tsꞌaⁿ ncꞌe Jesucristo
\p
\v 28 Ee manquiuuya nnꞌaⁿ na jnda nquiu Tyꞌo̱o̱tsꞌom,
chaꞌtso nnom na cwiwiꞌnomna cwiteiꞌjndeiinaꞌ joona, nquiee
nnꞌaⁿ na maqueeⁿꞌñê chaꞌxjeⁿ na lꞌue tsꞌom nqueⁿ.
\v 29 Tyꞌo̱o̱tsꞌom ntyjeeⁿ cwaaⁿ nnꞌaⁿ nlaꞌxmaⁿ cwentaaⁿꞌaⁿ
cwitjo̱o̱cheⁿ na nluiindyena. Ndoꞌ teiyo tqueeⁿ na catseijomnaꞌ
joona chaꞌxjeⁿ na Jnaaⁿ Jesucristo cha na juu nluiitquieñe
quiiꞌntaaⁿ chaꞌtsondye ntseinaaⁿ.
\v 30 Ndoꞌ nnꞌaⁿ na tqueeⁿ na cwiluiindye cwentaaⁿꞌaⁿ,
maqueeⁿꞌñê joona. Ndoꞌ joo nnꞌaⁿ na maqueeⁿꞌñê, maqueeⁿ
joona na tjaa jnaⁿ cwicolaꞌxmaⁿna, ndoꞌ na tjaa jnaⁿ
cwicolaꞌxmaⁿna, nñequiaaⁿ na nluiitꞌmaⁿndyena ñꞌeⁿñê.
\p
\v 31 Quia joꞌ ¿ljoꞌ cwii ya nlꞌuuya cantyja ꞌnaaⁿꞌ
ñꞌoommeiⁿꞌ? Xeⁿ Tyꞌo̱o̱tsꞌom mꞌaaⁿ cantyja ꞌnaaⁿya, ¿ꞌñeeⁿ
nleichuu xjeⁿ ꞌnaaⁿꞌ jaa?
\v 32 Ee Tyꞌo̱o̱tsꞌom tîcwañomꞌm Jnaaⁿ, tquiaaⁿ na tueꞌ
juu cwentaaya. Ndoꞌ na luaaꞌ sꞌaaⁿ, maꞌmo̱ⁿnaꞌ na mati
nñequiaaⁿ na nntoꞌño̱o̱ⁿya chaꞌtso nnom na macaⁿnaꞌ jaa
chaꞌxjeⁿ mañequiaaⁿ na tseixmaⁿ Jnaaⁿ.
\v 33 ¿ꞌÑeeⁿ juu nnda̱a̱ nncjuꞌ jnaⁿ cjoo nnꞌaⁿ na macwjiꞌ
Tyꞌo̱o̱tsꞌom cwentaaⁿꞌaⁿ? Tjaa ꞌñeeⁿ juu ee manquiityeeⁿ
jnda̱ tqueeⁿ jaa na tjaa jnaⁿ cwicolaꞌxmaaⁿya jo nnoom.
\v 34 Ndoꞌ na ljoꞌ ¿ꞌñeeⁿ joo nntueeꞌ jnaⁿ nacjoona?
¿Aa nntsꞌaa Cristo? Xocatsꞌaaⁿ ee nqueⁿ tquiaañê na
tueeⁿꞌeⁿ cwentaaya ndoꞌ tandoꞌxcoom jnda̱ na tueeⁿꞌeⁿ.
Jeꞌ wacatyeeⁿ ntyjaaꞌ tsꞌo̱ Tyꞌo̱o̱tsꞌom ntyjaya na macaaⁿ
ñꞌoom ꞌnaaⁿya nnom.
\v 35 ¿Aa waa cwii nnom nawiꞌ na nnda̱a̱ nntsꞌaanaꞌ na
nntseitsaaⁿꞌñenaꞌ na Cristo mꞌaaⁿ na candyaꞌ tsꞌoom
jaa? Nawiꞌ na cwitjo̱o̱ⁿya, ¿aa nnda̱a̱ nntsꞌaanaꞌ oo na
cwintyjo̱ nnꞌaⁿ jaa ncꞌe na mꞌaaⁿya cantyja ꞌnaaⁿꞌaⁿ,
ndoꞌ na matseiꞌtjo̱o̱naꞌ na nlcwaaꞌa, oo na matseiꞌtjo̱o̱naꞌ
liaaya? Oo, ¿cwii nnom na jeeⁿ teincuuꞌ na cwitjo̱o̱ⁿya
oo na cwilaꞌjndaaꞌndye nnꞌaⁿ na nlaꞌcwjeena jaa? Maxjeⁿ
tjaaꞌnaⁿ meiⁿcwii nnom na nnda̱a̱ nntseitsaaⁿꞌñenaꞌ na
mꞌaaⁿ Cristo na candyaꞌ tsꞌoom jaa.
\v 36 Ee ñꞌoom na teiljeii naquiiꞌ libro Salmos, matsonaꞌ:
\q Ncꞌe na cwiluiindyô̱ nnꞌaⁿ cwentaꞌ, joꞌ chii meinchaaꞌ
xuee na ñeꞌcalaꞌcwjee nnꞌaⁿ jâ.
\q Cwilꞌana ñꞌeⁿndyô̱ chaꞌna cwitjoom canmaⁿ na jnda̱ teijndaaꞌ
na nncwje.
\m
\v 37 Sa̱a̱ meiiⁿ na luaaꞌ waa cantyja ꞌnaaⁿꞌ chaꞌtso
nmeiⁿꞌ, waljooꞌcheⁿ na tsanandyo̱ nmeiⁿꞌ, ncꞌe Cristo mꞌaaⁿ
na candyaꞌ tsꞌoom jaa.
\v 38 Ee ntyjiiya tjaa meiⁿcwii na nnda̱a̱ nnto̱ⁿꞌnaꞌ
jaa na mꞌaaⁿ Tyꞌo̱o̱tsꞌom na candyaꞌ tsꞌoom jaa. Cantyja
na cwiwja̱a̱, cantyja na cwitando̱o̱ꞌa, meiⁿ ángeles, meiⁿ
ljoꞌ na tꞌmaⁿ waa najnda̱, meiⁿ nnꞌaⁿ na tꞌmaⁿ nꞌiaaⁿ
laꞌxmaⁿ, meiⁿ ljoꞌcheⁿ na matseicatyꞌuenaꞌ jaa na majeꞌ,
ndoꞌ meiⁿ ljoꞌ na wjaachꞌeenaꞌ jaa ꞌio cha,
\v 39 meiⁿ ljoꞌ na mꞌaⁿ nandye, meiⁿ ljoꞌ na niom yuu
na njoomti tsꞌom ndaaluee, meiⁿ ljoꞌ na sꞌaa Tyꞌo̱o̱tsꞌom.
Meiⁿcwii na chaꞌtso nmeiⁿꞌ, xocanda̱a̱ nnto̱ⁿꞌnaꞌ jaa na
tꞌmo̱o̱ⁿ na mꞌaaⁿ na candyaꞌ tsꞌoom jaa ncꞌe Cristo Jesús
na cwiluiiñê na catsa̱ꞌntjoom jaa.
\c 9
\s Tjeiiꞌñe Tyꞌo̱o̱tsꞌom nnꞌaⁿ Israel na nlaꞌxmaⁿna cwentaaⁿꞌaⁿ
\p
\v 1 Ja Pablo, ncꞌe na matseiyuꞌa ñꞌeⁿ Jesucristo, matseina̱ⁿya
ñꞌoom na mayuuꞌ, nchii cweꞌ cantu. Juu na mꞌaaⁿꞌ tsꞌo̱o̱ⁿ,
maꞌmo̱ⁿ Espíritu Santo na mayuuꞌ joꞌ.
\v 2 Ee tꞌmaⁿ waa na matseichjooꞌnaꞌ tsꞌo̱o̱ⁿ ndoꞌ matseiꞌndaaꞌna
ntyjiiya cantyja ꞌnaaⁿ nnꞌaⁿya nnꞌaⁿ judíos na tiꞌñeꞌcalayuꞌ
ñꞌeⁿ Cristo,
\v 3 ee cwiljoya tsꞌo̱o̱ⁿ meiiⁿ na cato̱ⁿꞌnaꞌ ja ñꞌeⁿ
Cristo, ndoꞌ meiiⁿ nncjuꞌwiꞌnaꞌ añmaaⁿya xeⁿ na cantyja
ꞌnaaⁿꞌ joꞌ nnteijndeiinaꞌ nnꞌaⁿya na mañeꞌcwii tsjaaⁿ
cwiluiindyo̱ ñꞌeⁿndyena.
\v 4 Joona cwiluiindyena tsjaaⁿ ꞌnaaⁿꞌ nquii Israel
na jndyowicantyjooꞌ. Tjaaꞌñe Tyꞌo̱o̱tsꞌom joona na ntseinaaⁿ.
Juu na tseixmaaⁿ na caxueeñê tyomꞌaaⁿ quiiꞌntaaⁿna quia
na tyocañꞌeeⁿ ñꞌeⁿndyena. Tquiaaⁿ ljeii nnom Moisés
na matsa̱ꞌntjomnaꞌ chiuu nncꞌomna. Seijndaaꞌñê chiuu
lꞌue tsꞌoom na nlaꞌtꞌmaaⁿꞌndyena jom naquiiꞌ watsꞌom,
ndoꞌ jndye nnom ntꞌomcheⁿ ñꞌoom tsoom nda̱a̱na na nntsꞌaaⁿ.
\v 5 Cwiluiindyena ndacantyjo welooya ndoꞌ cantyja
ꞌnaaⁿꞌ tsjaaⁿ ꞌnaaⁿ joona tuiiñe Cristo na tsꞌaⁿ jom,
na chaꞌtso na chaꞌtso cantyja ꞌnaaⁿꞌaⁿ cwiluiiñê Tyꞌo̱o̱tsꞌom.
Ñequiiꞌcheⁿ na calaꞌtꞌmaaⁿꞌndye nnꞌaⁿ jom. Amén.
\p
\v 6 Ndoꞌ meiⁿ nchii ñꞌoom na tso Tyꞌo̱o̱tsꞌom nda̱a̱ nnꞌaⁿ
Israel na nntsꞌaaⁿ, tîcatseicanda̱a̱ꞌñenaꞌ. Luaaꞌ waa ee
nnꞌaⁿ na jndyowicantyjooꞌ tsjaaⁿ ꞌnaaⁿ nnꞌaⁿ Israel,
tichaꞌtsondyena na mayuuꞌcheⁿ cwiluiindyena nnꞌaⁿ Israel.
\v 7 Ee tichaꞌtsondye ntseindacantyjo Abraham mayuuꞌcheⁿ
na cwiluiindyena ntseinaaⁿ, ee tso Tyꞌo̱o̱tsꞌom nnoom:
“Ntseindacantyjo tiꞌjndaꞌ Isaac, joona nncwjaaꞌñenaꞌ
na nluiindyena tsjaaⁿ ꞌnaⁿꞌ.”
\v 8 Ñꞌoommeiⁿꞌ cwiñeꞌquianaꞌ na caliuuya na nchii
cweꞌ cantyja ꞌnaaⁿꞌ tsjaaⁿ na cwiluiindye nnꞌaⁿ, joꞌ
na macwjaaꞌñenaꞌ na cwiluiindyena ntseinda Tyꞌo̱o̱tsꞌom.
Tomti cwiluiindyena ntseinaaⁿ ncꞌe ñꞌoom na tsoom nda̱a̱
nnꞌaⁿ Israel na nntsꞌaaⁿ.
\v 9 Ee tso Tyꞌo̱o̱tsꞌom nnom Abraham chiuu na nntsꞌaaⁿ,
luaa matsonaꞌ: “Tiempomeiiⁿ nndyo̱o̱nndaꞌa na mꞌaⁿꞌyoꞌ,
ndoꞌ nquii scuꞌ Sara nnleiñꞌoom cwii tyochjoo ndaꞌyoꞌ.”
\p
\v 10 Ndoꞌ nchii macanda̱ luaaꞌ waa na maꞌmo̱ⁿnaꞌ chiuu
na maqueⁿ Tyꞌo̱o̱tsꞌom nnꞌaⁿ na ntseinaaⁿ. Ee we ntseinda
Rebeca ñecwii tsotyena majuu Isaac na cwiluiiñe welooya.
\v 11-13 Ee cwitjo̱o̱cheⁿ na nluiindye catyeⁿnquieeꞌñeeⁿ,
meiⁿ na lꞌana na tisꞌa oo ljoꞌ na ya, ndoꞌ tso Tyꞌo̱o̱tsꞌom
nnom Rebeca: “Juu tsaⁿ na nluiiñejndyee nndiꞌntjoom
nnom tyjeeⁿ.” Ñꞌoomwaaꞌ matseiljoyunaꞌ ñequio ñꞌoomꞌm
na teiljeii na matsonaꞌ: “Tꞌo̱o̱ⁿya na wiꞌ tsꞌo̱o̱ⁿya Jacob
ndoꞌ sꞌaaya na ticueeꞌ tsꞌo̱o̱ⁿya Esaú.” Luaaꞌ maꞌmo̱ⁿnaꞌ
na Tyꞌo̱o̱tsꞌom wanaaⁿ na nncwjiiꞌñê nnꞌaⁿ na nluiindye
cwentaaⁿꞌaⁿ chaꞌxjeⁿ nqueⁿ na lꞌue tsꞌoom, joo nnꞌaⁿ
na macwaaⁿ na nluiindyena cwentaaⁿꞌaⁿ. Meiⁿ ticwjaaꞌñê
cwenta ljoꞌ cwii nnom na cwilꞌana.
\v 14 Ndoꞌ na luaaꞌ waa, ¿chiuu ya nlꞌuu? ¿Aa ticwixcwe
ljoꞌ machꞌee Tyꞌo̱o̱tsꞌom? Jeeⁿ ticꞌoomꞌnaꞌ.
\v 15 Ee tsoom nnom Moisés: “ꞌÑeeⁿ juu na matseitiuuya
na nnteijndeiya maxjeⁿ nnteijndeiya tsaⁿꞌñeeⁿ, ndoꞌ ꞌñeeⁿ
juu na matseitiuuya na nncꞌo̱o̱ⁿya na wiꞌ tsꞌo̱o̱ⁿya maxjeⁿ
joꞌ nntsꞌaaya.”
\v 16 Joꞌ chii Tyꞌo̱o̱tsꞌom nchii macwjeeⁿꞌeⁿ tsꞌaⁿ na
nntseixmaⁿ cwentaaⁿꞌaⁿ cweꞌ ee na lꞌue tsꞌom nquii, oo
cweꞌ ncꞌe na jeeⁿ matseijndeii tsꞌaⁿ na nncjaaweeꞌ tsꞌoom
ñꞌeⁿñe. Jom macwjeeⁿꞌeⁿ tsꞌaⁿ na nluiiñe cwentaaⁿꞌaⁿ
ee na wiꞌ tsꞌoom juu.
\v 17 Ee naquiiꞌ ñꞌoomꞌm na teiljeii matsonaꞌ chiuu
tsoom nnom rey ndyuaa Egipto. Tsoom: “Ja tquiaya na
cwiluiindyuꞌ rey, cha cantyja ꞌnaⁿꞌ nleitquiooꞌ na jndo̱ya
ndoꞌ cha nnꞌaⁿ na chaꞌwaa tsjoomnancue caliuna chiuu
tꞌmaⁿ tseixmaⁿ xueya.”
\v 18 Ndoꞌ na luaaꞌ waa, ꞌñeeⁿ juu na lꞌue tsꞌoom na
nncꞌoom na wiꞌ tsꞌoom maxjeⁿ joꞌ nntsꞌaaⁿ, ndoꞌ ꞌñeeⁿ
juu na nntsꞌaaⁿ na nntseiquieꞌ tsꞌom, maxjeⁿ joꞌ nluii.
\v 19 Nnda̱a̱ nntsꞌaanaꞌ na mꞌaaⁿ tsꞌaⁿ na nntso no̱o̱ⁿ:
“Xeⁿ na luaaꞌ waa quia joꞌ ¿chiuu na matseincjooꞌñe
Tyꞌo̱o̱tsꞌom ljoꞌ cwilꞌa nnꞌaⁿ? Ee tjaaꞌnaⁿ tsꞌaⁿ nnda̱a̱
nncjaa nacjooꞌ ljoꞌ na lꞌue tsꞌoom.”
\v 20 ꞌU na cweꞌ tsꞌaⁿ ꞌu, ¿ljoꞌ tsꞌiaaⁿꞌ na ñeꞌcatseincjooꞌndyuꞌ
nacjooꞌ Tyꞌo̱o̱tsꞌom? ¿Aa matyꞌiomnaꞌ na xuaa na tuii
ñꞌeⁿ tsꞌocachu nntsonaꞌ nnom tsꞌaⁿ na sꞌaa juunaꞌ: “¿Chiuu
tsꞌiaaⁿꞌ na luaaꞌ saꞌ ja?”
\v 21 Ee tsꞌaⁿ na machꞌee tsꞌiaaⁿ ñꞌeⁿ tsꞌocachu, nqueⁿ
ntyjeeⁿ ljoꞌ tsꞌiaaⁿ na ñeꞌcatsꞌaaⁿ ñꞌeⁿ joonaꞌ. Mañꞌeⁿ
tsꞌoꞌñeeⁿ nntsꞌaaⁿ cwii xuaa na yaticheⁿ oo cwii na
cweꞌ cwantindyo.
\p
\v 22 Ndoꞌ nquii Tyꞌo̱o̱tsꞌom ¿ljoꞌ machꞌeenaꞌ xeⁿ seijndaaꞌñê
na mꞌmo̱o̱ⁿ na matseiwꞌeeⁿ nnꞌaⁿ na cwilaꞌtjo̱o̱ndyena nnoom,
ndoꞌ nntsꞌaaⁿ na nleitquiooꞌ juu najndeii na cwiluiiñê?
Jndyocaa xuee na tintycwii na machꞌeeⁿ na wjaanioomñe
ñequio nnꞌaⁿ na laꞌxmaⁿ na nntꞌueeⁿ joona ncꞌe na ticalcweꞌ
nꞌomna jnaaⁿna, na laꞌxmaⁿna na nntsuundyena.
\v 23 Sꞌaaⁿ na luaaꞌ cha cantyja ꞌnaaⁿ jaa nleitquiooꞌ
na juu na cwiluiitꞌmaⁿñê, jeeⁿ tꞌmaⁿ tseixmaⁿnaꞌ, jaa
na cwitjo̱o̱cheⁿ na ncuaa chaꞌtso, tyꞌoom na wiꞌ tsꞌoom
na seijndaaꞌñê na nlaꞌjomndyo̱ na matseitꞌmaaⁿꞌñenaꞌ
jom.
\v 24 Tyꞌo̱o̱tsꞌom tqueeⁿꞌñê jaa na laꞌxmaaⁿ cwentaaⁿꞌaⁿ.
Ntꞌomndyo̱ jaa tjeiiꞌñê quiiꞌntaaⁿ nnꞌaⁿ judíos ndoꞌ
ntꞌom tjeiiꞌñê quiiꞌntaaⁿ nnꞌaⁿ gentiles.
\v 25 Chaꞌxjeⁿ na matso ñꞌoom naquiiꞌ libro na seiljeii
Oseas:
\q Nnꞌaⁿ na nchii laxmaⁿ nnꞌaⁿya,
\q jeꞌ nntsjo̱o̱ nda̱a̱na na mannꞌaⁿya joona.
\q Ndoꞌ nnꞌaⁿ na ñetꞌom na tjaa ꞌñeeⁿ wiꞌ tsꞌom joo, jeꞌ
laꞌxmaⁿna nnꞌaⁿ na wiꞌ tsꞌo̱o̱ⁿya joona.
\q
\v 26 Matsoticheⁿ ljeiiꞌñeeⁿ:
\q “ꞌO na nchii cwiluiindyoꞌ nnꞌaⁿ tmaaⁿꞌ cwentaya”,
\q naⁿꞌñeeⁿ nntseicajndyuꞌnaꞌ na cwiluiindyena ntseinda
Tyꞌo̱o̱tsꞌom na wandoꞌ.
\m
\v 27 Mati seineiⁿ Isaías cantyja ꞌnaaⁿ nnꞌaⁿ Israel,
tsoom: “Nnꞌaⁿ na wjaawicantyjooꞌ nnꞌaⁿ Israel, meiiⁿ
na nleijndyendyena chaꞌna jndye teiꞌ ꞌndyoo ndaaluee,
sa̱a̱ cweꞌ cwantindye joona nluiꞌnꞌmaaⁿndyena.”
\v 28 Ndoꞌ tjatsoticheⁿnaꞌ: “Ta Tyꞌo̱o̱tsꞌom maxjeⁿ nntseicanda̱a̱ꞌñê
ñꞌom ꞌñom ñequio nnꞌaⁿ tsjoomnancue, na nncuꞌxeeⁿ joona
chaꞌxjeⁿ na matsonaꞌ ndoꞌ jndeii mꞌaaⁿ na nntsꞌaaⁿ na
ljoꞌ.”
\p
\v 29 Chaꞌxjeⁿ na jnda̱ tso Isaías:
\q Nquii Tyꞌo̱o̱tsꞌom na matsa̱ꞌntjoom cañoomꞌluee,
\q xeⁿ nchii ꞌñeeⁿ cwantindyo tsjaaⁿ jaa nnꞌaⁿ judíos,
\q maxjeⁿ jnda̱ ljooꞌndyo̱ chaꞌxjeⁿ tjoom nnꞌaⁿ tsjoom Sodoma
ñꞌeⁿ Gomorra.
\s Luaa mañꞌoomnaꞌ nnꞌaⁿ judíos cantyja ꞌnaaⁿꞌ ñꞌoom naya
\p
\v 30 ¿Chiuu nlꞌuuyo̱o̱ jeꞌ cantyja ꞌnaaⁿꞌ ñꞌoommeiⁿꞌ?
Joo nnꞌaⁿ na nchii judíos cwiluiindyena tqueⁿ Tyꞌo̱o̱tsꞌom
joona na tjaa jnaⁿ cwicolaꞌxmaⁿna, ncꞌe na cwilaꞌyuꞌya
nꞌomna ñꞌeⁿñê. Ndoꞌ majootona na nchii ñelꞌueena na
nluiꞌnꞌmaaⁿndyena.
\v 31 Ndoꞌ nnꞌaⁿ Israel jeꞌ, na tyoqueⁿndyena na nlaꞌcanda̱a̱ꞌndyena
chiuu tꞌmaⁿ ljeii na tqueⁿ Moisés cha queⁿnaꞌ joona
na tjaa jnaⁿ laꞌxmaⁿna, tîcanda̱a̱ nlaꞌcanda̱na juunaꞌ.
\v 32 ¿Ndoꞌ chiuu na luaaꞌ tjoomna? Luaaꞌ tjoomna ee
tyocantyjaaꞌya nꞌomna na nluiꞌnꞌmaaⁿndyena ncꞌe na tyolaꞌcanda̱a̱ꞌndyena
ljoꞌ na matsa̱ꞌntjom ljeii na tqueⁿ Moisés, ee nchii tyolaꞌyuꞌya
nꞌomna ñꞌeⁿ Tyꞌo̱o̱tsꞌom. Ndoꞌ ncꞌe naljoꞌ, joꞌ chii matseijoomꞌnaꞌ
cantyja ꞌnaaⁿna na jnda̱ teiꞌtyꞌuiina “Tsjo̱ꞌ na cwiwiꞌtyꞌuii
nnꞌaⁿ”
\v 33 ee waa ñꞌoom cantyja ꞌnaaⁿꞌaⁿ naquiiꞌ ñꞌoomꞌ
Tyꞌo̱o̱tsꞌom na teiljeii na matsonaꞌ:
\q Ja maquia̱ⁿya tsaⁿ na nluiiñe tsjo̱ꞌ na nquiee nnꞌaⁿ
tsjoom Sión nncwityꞌuiina cantyja ꞌnaaⁿꞌaⁿ,
\q jom nluiiñê tsjo̱ꞌtyꞌa na cantyja ꞌnaaⁿꞌaⁿ nntseiquiaanaꞌ
nnꞌaⁿ,
\q sa̱a̱ tsꞌaⁿ na nntseiyuꞌ ñꞌeⁿñê, xocatsꞌaanaꞌ ntyjeeⁿ
ndooꞌ cweꞌ tsꞌiaaⁿꞌndyo na matseiyoomꞌm.
\c 10
\p
\v 1 ꞌO nnꞌaⁿya na cwilaꞌyuꞌyoꞌ, macaⁿꞌa nnom Tyꞌo̱o̱tsꞌom
na nluiꞌnꞌmaaⁿndye nnꞌaⁿ Israel ndoꞌ ntyjaaꞌya tsꞌo̱o̱ⁿya
na nluii na ljoꞌ.
\v 2 Ee macwjiꞌyuuꞌndyo̱ cantyja ꞌnaaⁿna na cwijooꞌ
nꞌomna na nluiitꞌmaⁿñe Tyꞌo̱o̱tsꞌom cantyja ꞌnaaⁿna. Sa̱a̱
ticwixcwe na cwindyeꞌntjomna nnoom chaꞌxjeⁿ na lꞌue
tsꞌoom.
\v 3 Ee tîcalaꞌno̱ⁿꞌna chiuu waa na maqueeⁿ nnꞌaⁿ na
tjaa jnaⁿ cwicolaꞌxmaⁿ jo nnoom. Joona cwilꞌueeꞌndye
cheⁿnquieena chiuu ya na nlqueⁿnaꞌ joona na ljoꞌ. Tîcatueeꞌndyecjena
chaꞌxjeⁿ na seijndaaꞌñê na maqueeⁿ nnꞌaⁿ na tjaa jnaⁿ
laxmaⁿ jo nnoom.
\v 4 Ee juu ljeii na tquiaa Tyꞌo̱o̱tsꞌom nnom Moisés,
cwintycwii najndeii na matseixmaⁿnaꞌ quia na matseiyuꞌ
tsꞌaⁿ ñequio Cristo. Joꞌ chii tsꞌaⁿ na matseiyuꞌ ñꞌeⁿñê,
maqueⁿnaꞌ tsaⁿꞌñeeⁿ na tjaa jnaⁿ cwicatseixmaaⁿ.
\p
\v 5 Ee cantyja ꞌnaaⁿꞌ na nlqueⁿnaꞌ tsꞌaⁿ na tjaa jnaⁿ
cwicatseixmaⁿ jo nnom ljeii na matsa̱ꞌntjomnaꞌ, luaa seiljeii
Moisés: “Juu tsꞌaⁿ na matseicanda̱ ñꞌoom na matsa̱ꞌntjomnaꞌ,
maxjeⁿ cꞌoom nacje ꞌnaaⁿꞌnaꞌ.”
\v 6 Sa̱a̱ juu ñꞌoom cantyja ꞌnaaⁿꞌ na nlqueⁿnaꞌ tsꞌaⁿ
na tjaa jnaⁿ cwicatseixmaⁿ ncꞌe na matseiyuꞌya tsꞌom
ñꞌeⁿñê, luaa matsonaꞌ: “Tincꞌoomꞌ tsꞌomꞌ: ¿ꞌÑeeⁿ nncjaawa
cañoomꞌluee na juu nndyoñꞌoom Cristo?
\v 7 Oo meiⁿ tintsuꞌ: ꞌÑeeⁿ nncjaacue yuu na mꞌaⁿ añmaaⁿ
lꞌoo” cha na nndyoñꞌoomlcweꞌ jom.
\v 8 ¿Ljoꞌ matso ñꞌoomwaaꞌ?: ’Matsonaꞌ: “Juu ñꞌoomꞌ
Tyꞌo̱o̱tsꞌom candyooꞌ nacañomꞌ waanaꞌ, mati naquiiꞌ ꞌndyoꞌ
ndoꞌ naquiiꞌ tsꞌomꞌ.” Majuu ñꞌoomwaaꞌ na cwiñeꞌquiaayâ
na cꞌoom tsꞌaⁿ na matseiyuꞌya tsꞌoom ñꞌeⁿ Cristo.
\v 9 Xeⁿ na macwjiꞌyuuꞌndyuꞌ na Jesús cwiluiiñê na
matsa̱ꞌntjoom ꞌu, ndoꞌ ñequio na xcweeꞌ tsꞌomꞌ matseiyuꞌ
na tquiaa Tyꞌo̱o̱tsꞌom na tandoꞌxcoom jnda̱ na tueeⁿꞌeⁿ,
quia joꞌ nluiꞌnꞌmaaⁿndyuꞌ.
\v 10 Ee quia ñequio chaꞌwaa tsꞌom tsꞌaⁿ matseiyoomꞌm
ñꞌeⁿ Tyꞌo̱o̱tsꞌom, joꞌ na maqueⁿnaꞌ jom na tjaa jnaⁿ cwicatseixmaaⁿ.
Ndoꞌ ñequio ꞌñom macwjiꞌyuuꞌñê na cwiluiꞌnꞌmaaⁿñe ncꞌe
Jesucristo.
\p
\v 11 Ee ñꞌoomꞌ Tyꞌo̱o̱tsꞌom na teiljeii matsonaꞌ: “Xocatsꞌaanaꞌ
na cweꞌ tsꞌiaaⁿꞌndyo na seiyuꞌ tsꞌaⁿ ñꞌeⁿ Tyꞌo̱o̱tsꞌom.”
\v 12 Ee jo nnoom meiiⁿ nnꞌaⁿ judíos, oo meiiⁿ ntꞌomcheⁿ
nnꞌaⁿ, jom ñecwii xjeⁿ ntyjeeⁿ ñꞌeⁿndye joona. Ee manquiiti
na cwiluiiñe na matsa̱ꞌntjom, cwiluiiñê na matsa̱ꞌntjoom
chaꞌtso nnꞌaⁿ. Ndoꞌ nda̱a̱ chaꞌtsondye nnꞌaⁿ na cwilcwiiꞌna
xueⁿꞌeⁿ, canda̱a̱ꞌya mañequiaaⁿ na macaⁿnaꞌ joona.
\v 13 Chaꞌxjeⁿ tso ñꞌoomꞌ Tyꞌo̱o̱tsꞌom na teiljeii: “Nluiꞌnꞌmaaⁿñe
meiⁿcwiꞌñeeⁿcheⁿ tsꞌaⁿ na malcwiiꞌ xueeꞌ nquii na cwiluiiñe
na matsa̱ꞌntjom jaa.”
\v 14 Sa̱a̱ ¿chiuu nlꞌayoona na nlcwiiꞌna jom na cwjiꞌnꞌmaaⁿñê
joona xeⁿ na tyoolaꞌyuꞌna ñꞌeⁿñê? ¿Ndoꞌ chiuu nlꞌayoona
na nlaꞌyuꞌna ñꞌeⁿñê xeⁿ tyoondyena cantyja ꞌnaaⁿꞌaⁿ?
Ndoꞌ ¿chiuu nlꞌayoona na nndyena cantyja ꞌnaaⁿꞌaⁿ xeⁿ
tjaa ꞌñeeⁿ nñequiaa ñꞌoomꞌm nda̱a̱na?
\v 15 Ndoꞌ ¿chiuu nluiiyuu na nncꞌoonquia nnꞌaⁿ ñꞌoomꞌm
nda̱a̱ ntꞌomcheⁿ xeⁿ na tjaa ꞌñeeⁿ majñom naⁿꞌñeeⁿ? Chaꞌxjeⁿ
matso ñꞌoomꞌm na teiljeii: “Jeeⁿ neiⁿncooꞌ quia cwiquieꞌcañom
nnꞌaⁿ na cwiñequia ñꞌoom naya.”
\p
\v 16 Sa̱a̱ tichaꞌtsondye nnꞌaⁿ na cwindye ñꞌoomꞌ Tyꞌo̱o̱tsꞌom
cwilañꞌoomꞌndyena juunaꞌ. Maꞌmo̱ⁿnaꞌ na ljoꞌ ee tso Isaías:
“Jeeⁿ ꞌu Ta, tijndye nnꞌaⁿ cwilaꞌyuꞌ ñꞌoom na cwiñequiaayâ.”
\v 17 Joꞌ chii cweꞌ ncꞌe na mandii tsꞌaⁿ ñꞌoom cantyja
ꞌnaaⁿꞌ Cristo, joꞌ na maweeꞌnaꞌ na matseiyuꞌya tsꞌom
ñꞌeⁿ Tyꞌo̱o̱tsꞌom.
\p
\v 18 Sa̱a̱ mawaxꞌa̱: ¿Aa nntsꞌaacheⁿnaꞌ na tyoondye nnꞌaⁿ
Israel ñꞌoomꞌ Tyꞌo̱o̱tsꞌom? Maxjeⁿ jnda̱ jndyena juunaꞌ,
ee luaa matso ñꞌoomꞌm na teiljeii:
\q Jnda̱ teineiⁿ ñꞌoomꞌ Tyꞌo̱o̱tsꞌom meiⁿyuucheⁿ na mꞌaⁿ
nnꞌaⁿ tsjoomnancue,
\q ee tcuu tcuu cwii cwii ndyuaa jnda̱ tja ñꞌoomꞌm.
\m
\v 19 Mawaxꞌa̱tya̱: ¿Aa ndyaꞌ nntsꞌaacheⁿnaꞌ na nnꞌaⁿ
Israel tîcalaꞌno̱ⁿꞌna na luaaꞌ nntsꞌaa Tyꞌo̱o̱tsꞌom? Maxjeⁿ
jlaꞌno̱ⁿꞌna ee Moisés najndyee tsoom ñꞌoom ꞌndyoo Tyꞌo̱o̱tsꞌom:
\q Ja nntsꞌaaya na nlaꞌxueena quia na nntseiñꞌoomꞌndyo̱
nnꞌaⁿ na nchii tsjaaⁿ joona.
\q Ndoꞌ nntsꞌaa na nlaꞌliooꞌndyena cweꞌ jnaaⁿꞌ ncꞌe nnꞌaⁿ
na ticataꞌjnaaⁿꞌna cantyja ꞌnaⁿya.
\m
\v 20 Tîcatseiwee tsꞌom Isaías quia na tsoom ñꞌoom
ꞌndyoo Tyꞌo̱o̱tsꞌom:
\q Nnꞌaⁿ na tîcalꞌuee ja joona jliuna ja.
\q Ndoꞌ nda̱a̱ nnꞌaⁿ na tîcataꞌxꞌe ja, seicaꞌmo̱ⁿndyo̱ nda̱a̱na.
\m
\v 21 Sa̱a̱ cantyja ꞌnaaⁿ nnꞌaⁿ Israel seineiⁿ Isaías
ñꞌoom ꞌndyoo Tyꞌo̱o̱tsꞌom: “Tyoocjo̱meintyja̱a̱ꞌa na matseiliuuya
lꞌo̱o̱ya nda̱a̱ꞌyoꞌ na ñeꞌcateijndeiya ꞌo. Sa̱a̱ ꞌo jeeⁿ quieꞌ
nꞌomꞌyoꞌ ndoꞌ cwilaꞌwendyoꞌ nacjoya.”
\c 11
\s Nnꞌaⁿ Israel na cwicaluiꞌnꞌmaaⁿndye
\p
\v 1 Ñꞌoomwaa ñeꞌcwaxꞌa̱, ¿aa jnda̱ tyeⁿnquieꞌ Tyꞌo̱o̱tsꞌom
nnꞌaaⁿꞌaⁿ nnꞌaⁿ Israel? Tyoochꞌeeⁿ na ljoꞌ, ee mati ja
luaañe cwii joona. Tuiindyo̱ na jndyowicantyjooꞌ tsjaaⁿ
ꞌnaaⁿꞌ Abraham ñꞌeⁿ jndacantyjoom Benjamín.
\v 2 Xocatsꞌaanaꞌ na cwii ndiiꞌ sꞌaa Tyꞌo̱o̱tsꞌom na
jnda ntyjeeⁿ nnꞌaⁿ Israel ndoꞌ jeꞌ talꞌuendyena ntyjeeⁿ.
¿Aa ticaliuꞌyoꞌ ñꞌoomꞌm na teiljeii na seineiⁿ Elías
xjeⁿ na matseineiiⁿ nnom Tyꞌo̱o̱tsꞌom na mañequiaaⁿ jnaaⁿ
ncꞌiaaⁿꞌaⁿ nnꞌaⁿ Israel? Tsoom:
\v 3 “Jeeⁿ ꞌu Ta, jnda̱ jlaꞌcwjeena ncꞌiaaya profetas
ndoꞌ jnda̱ jlaꞌtyuiiꞌna ndio yuu na ñejlaꞌtꞌmaaⁿꞌndye
nnꞌaⁿ ꞌu. Jeꞌ ñenco̱ cwimaꞌndiinaꞌ, ndoꞌ mati ñeꞌcalaꞌcueeꞌna
ja.”
\v 4 Sa̱a̱ tꞌo̱ Tyꞌo̱o̱tsꞌom nnoom, tso: “Tiñencuꞌ cwimaꞌndiinaꞌ,
ee mꞌaⁿ ntquieeꞌ meiⁿ nnꞌaⁿ na jnda̱ tjeiiꞌndyo̱ cwentaya
na tyootaꞌ cantye jo nnom tyꞌo̱o̱ Baal.”
\v 5 Ndoꞌ majoꞌti jeꞌ, ncꞌe naya na matseixmaⁿ Tyꞌo̱o̱tsꞌom,
maꞌndiinaꞌ cwii tmaaⁿꞌ chjoo na macwjiiꞌñê cwentaaⁿꞌaⁿ.
\v 6 Ndoꞌ xeⁿ cantyja ꞌnaaⁿꞌ naya na matseixmaⁿ Tyꞌo̱o̱tsꞌom,
joꞌ na cwicaluiꞌnꞌmaaⁿndyena, quia joꞌ nchii cwiluii
na ljoꞌ ncꞌe chiuu na cwilꞌa nquieena. Ee xeⁿ naljoꞌ,
juu naya na matseixmaaⁿ na cweꞌ yu, tixocatseixmaⁿnaꞌ
naya.
\p
\v 7 Luaa waa ñꞌoomwaaꞌ. Majndyendyeti nnꞌaⁿ Israel
tîcatoꞌñoomna naya na matseixmaⁿ Tyꞌo̱o̱tsꞌom na tyolꞌueena,
macanda̱ ntꞌomndye joona na tjeiiꞌñe Tyꞌo̱o̱tsꞌom toꞌñoomna
joꞌ. Sa̱a̱ ntꞌomndye joona sꞌaanaꞌ na quieꞌ nꞌomna.
\v 8 Tjaa chiuu xuiiꞌ chaꞌna matso Isaías: “Na Tyꞌo̱o̱tsꞌom
tquiaaⁿ na tjoomna, sꞌaanaꞌ chaꞌna tsꞌaⁿ na ñeꞌcatsoo
cha meiiⁿ na niom nꞌom nda̱a̱na sa̱a̱ titquioona, ndoꞌ meiiⁿ
na niom luaꞌquina sa̱a̱ ticandyena ndoꞌ luaaꞌ cwitjoomna
hasta xjeⁿ jeꞌcheⁿ.”
\v 9 Mati seineiⁿ David cantyja ꞌnaaⁿna, tsoom:
\q Majoo nantquie na cwicwaꞌna catseicwaqueⁿnaꞌ teiⁿncoꞌ
na nntseityuuꞌnaꞌ joona,
\q ndoꞌ mañequio joonaꞌ cwiꞌtyꞌuiina
\q cha na catioomndyena natia na cwilꞌana.
\q
\v 10 Catsꞌaanaꞌ ñꞌeⁿndyena chaꞌcwijom nnꞌaⁿ na ꞌoowinchjaaⁿ
na tileicantyꞌiaa.
\q Catsꞌaanaꞌ na ñequiiꞌcheⁿ catseijomnaꞌ joona chaꞌcwijom
tsꞌaⁿ na jaaꞌ xuuꞌ na jndaꞌjom ntyjo̱ wjaa.
\s Waa chiuu ya na nluiꞌnꞌmaaⁿndye nnꞌaⁿ na nchii judíos
\p
\v 11 Quia joꞌ ¿chiuu waa na calaꞌno̱o̱ⁿꞌa na luaaꞌ waa?
¿Aa ñeꞌcatsonaꞌ na ticjaañjoomꞌ lꞌa nnꞌaⁿ judíos, joꞌ
cha wjaachuunaꞌ joona na nntsuundyena? Jeeⁿ nchii joꞌ.
Ncꞌe na jlaꞌtjo̱o̱ndyena na tîcalaꞌyuꞌna ñꞌeⁿ Tyꞌo̱o̱tsꞌom,
joꞌ chii tjuꞌnaaⁿñeyuunaꞌ na nluiꞌnꞌmaaⁿndye ntꞌomcheⁿ
nnꞌaⁿ na tachii judíos. Tuii na luaaꞌ cha mati catseiqueeⁿnaꞌ
nꞌomna na nlaꞌxmaⁿna chaꞌna nnꞌaⁿ na cwiluiindye cwentaaꞌ
Tyꞌo̱o̱tsꞌom.
\v 12 Xeⁿ juu na jlaꞌtjo̱o̱ndye nnꞌaⁿ judíos mañequiaanaꞌ
na nluiꞌnꞌmaaⁿndye nnꞌaⁿ tsjoomnancue ndoꞌ juu na ticjaacañjoomꞌ
na lꞌana seijndaaꞌñenaꞌ na waa naya ꞌnaaⁿ nnꞌaⁿ na nchii
tsjaaⁿ joona, quia joꞌ juu xjeⁿ na nncꞌooquieꞌnndaꞌna
cantyja ꞌnaaⁿꞌ Tyꞌo̱o̱tsꞌom, cwanti tꞌmaⁿti naya nntseixmaⁿnaꞌ.
\p
\v 13 Ncꞌe na matyꞌiom Tyꞌo̱o̱tsꞌom tsꞌiaaⁿ ja jo nda̱a̱
nnꞌaⁿ tsjaaⁿ na cwiluiindyoꞌ, macwjiiꞌa cwenta na jeeⁿ
jnda tseixmaⁿ juunaꞌ.
\v 14 Queeⁿ tsꞌo̱o̱ⁿya na catsꞌaanaꞌ na ticjaaweeꞌ nꞌom
nnꞌaⁿya na ñeꞌcwii tsjaaⁿ quio tuiindyo̱ na macanda̱ ꞌo
cwicaluiꞌnꞌmaaⁿndyoꞌ ndoꞌ catseiqueeⁿnaꞌ nꞌomna na mati
joona cwjiꞌnꞌmaaⁿñe Tyꞌo̱o̱tsꞌom.
\v 15 Ee xeⁿ cantyja ꞌnaaⁿꞌ na ꞌndiinaꞌ nnꞌaⁿ judíos,
tjuꞌnaaⁿñenaꞌ na joo nnꞌaⁿ tsjoomnancue nljoyaandyena
jo nnom Tyꞌo̱o̱tsꞌom, cꞌoomꞌ nꞌomꞌyoꞌ chiuu nntsꞌaanaꞌ
quia na jnda̱ tjuꞌnaꞌ na cwiluiindyenndaꞌna cwentaaⁿꞌaⁿ.
Na nluii na luaaꞌ, nntseijomnaꞌ cantyja ꞌnaaⁿna chaꞌcwijom
tsꞌaⁿ na wandoꞌxco na jnda̱ tueꞌ.
\v 16 Ee xeⁿ juu tsqueeⁿtyooꞌ na cwineiiⁿjndyee cwiluiiñenaꞌ
na ljuꞌnaꞌ, maꞌmo̱ⁿnaꞌ na mati chaꞌwaa tsqueeꞌñeeⁿ ljuꞌnaꞌ.
Ndoꞌ mati nchꞌiooꞌ tsꞌoom, xeⁿ maqueⁿ ljuꞌnaꞌ joonaꞌ,
mati chatso lꞌo̱ tsꞌoom jnda̱ tqueⁿljuꞌnaꞌ.
\v 17 Sa̱a̱ xeⁿ ntꞌom lꞌo̱ tsꞌoom olivo xiomꞌ, jnda̱ jndiiꞌnaꞌ
ndoꞌ ꞌu jeꞌ na matseijomnaꞌ ꞌu chaꞌna tsꞌoom olivo jnda̱a̱,
jnda̱ ñjoomꞌndyuꞌ quiiꞌntaaⁿ lꞌo̱ tsꞌoom olivo xiomꞌ, ndoꞌ
na ljoꞌ macwjaaꞌñenaꞌ ꞌu cantyja ꞌnaaⁿꞌ nchꞌiooꞌ tsꞌoomꞌñeeⁿ
ndoꞌ ndaaꞌ juunaꞌ mañequiaanaꞌ na wjaanajnduꞌ.
\v 18 Sa̱a̱ tincꞌoomꞌ tsꞌomꞌ na ꞌu cwiluiitꞌmaⁿndyuꞌtiꞌ
nchiiti lꞌo̱ nquii tsꞌoom. Ee xeⁿ na nntsꞌaanaꞌ na ljoꞌ
ntyjiꞌ, cjaañjoomꞌ tsꞌomꞌ na nchii ꞌu cwiluiindyuꞌ nchꞌiooꞌ
tsꞌoom na mañequiaaꞌ na jnda̱ lꞌo̱naꞌ, nchꞌiooꞌnaꞌ cwiñequia
na jnda̱ lꞌo̱naꞌ.
\p
\v 19 Nntsꞌaacheⁿnaꞌ na nntsuꞌ: “Mayuuꞌ na ljoꞌ, sa̱a̱
ncꞌe na jndiiꞌ lꞌo̱ tsꞌoom olivoꞌñeeⁿ, joꞌ chii ñjoomꞌndyo̱
ja.”
\v 20 Mayuuꞌ na ljoꞌ. Jndiiꞌñenaꞌ joona ncꞌe na ticalaꞌyuꞌya
nꞌomna, ndoꞌ ꞌu tyeⁿ meiⁿntyjeꞌ na matseiyuꞌya tsꞌomꞌ.
Joꞌ chii tintseisꞌandyuꞌ ndoꞌ tintseiscundyuꞌ, yati cꞌoomꞌ
na nquiaꞌ.
\v 21 Ee xeⁿ tîcatseitꞌmaⁿ tsꞌom Tyꞌo̱o̱tsꞌom lꞌo̱ nquii
tsꞌoomꞌñeeⁿ, majndeiiticheⁿ cweꞌ ꞌu.
\v 22 Cantyꞌiaꞌ chiuu tꞌmaⁿ tsꞌom Tyꞌo̱o̱tsꞌom ndoꞌ mati
jeeⁿ ñecwii ñꞌoom jom. Cantyja na ñecwii ñꞌoom jom, joꞌ
na seiquiaanaꞌ naⁿꞌñeeⁿ. Sa̱a̱ ñequiondyuꞌ ꞌu yatsꞌaⁿñê.
Queⁿndyuꞌ na nntsaꞌ yuu na lꞌue tsꞌoom ee xeⁿ tjaa joꞌ
mati ꞌu nntseiquioonaꞌ.
\v 23 Mati nnꞌaⁿ judíos na tiñeꞌcalaꞌyuꞌ ñꞌeⁿ Jesucristo,
xeⁿ nncueꞌntyjo̱ na nlaꞌyuꞌna ñꞌeⁿñê, nnda̱a̱ nntsꞌaa Tyꞌo̱o̱tsꞌom
na nntseicañjoomꞌnnaaⁿꞌaⁿ joona, ee waa na jneiⁿ na nnda̱a̱
nntseicañjoomꞌnnaaⁿꞌaⁿ joona.
\v 24 Ee ꞌu na nchii tsꞌaⁿ judío cwiluiindyuꞌ, xeⁿ na
matseijomnaꞌ ꞌu chaꞌna tsꞌoom olivo jnda̱a̱, sa̱a̱ jnda̱ ñjoomꞌndyuꞌ
tsꞌoom olivo xiomꞌ, meiiⁿ na tiquiluii na ljoꞌ, majndeiiticheⁿ
cantyja ꞌnaaⁿ nnꞌaⁿ judíos, tijndeiꞌnaꞌ na nñjoomꞌndyenndaꞌna
manquiiti tsꞌoom olivo xiomꞌ na laꞌxmaⁿna.
\s Na cwii macanda̱ nluiꞌnꞌmaaⁿndye nnꞌaⁿ Israel
\p
\v 25 ꞌO nnꞌaⁿya na cwilaꞌyuꞌyoꞌ, lꞌue tsꞌo̱o̱ⁿya na caliuꞌyoꞌ
ñꞌoomwaa na wantyꞌiuuꞌ waanaꞌ, cha tintsꞌaanaꞌ ndooꞌ
nquiuꞌyoꞌ na jeeⁿ jndo̱ꞌ nꞌomꞌyoꞌ. Ntꞌom nnꞌaⁿ judíos
cwilaꞌquieꞌ nꞌomna cantyja ꞌnaaⁿꞌ Jesucristo hasta xjeⁿ
na nntseicanda̱a̱ꞌñenaꞌ lojoo nnꞌaⁿ na cwilaꞌyuꞌ ñꞌeⁿ
jom na nchii cwiluiindyena tsjaaⁿ nnꞌaⁿ judíos.
\v 26 Quia na jnda̱ tuii nmeiⁿꞌ, chaꞌtsondye nnꞌaⁿ judíos
nluiꞌnꞌmaaⁿndyena chaꞌxjeⁿ na matso ñꞌoomꞌ Tyꞌo̱o̱tsꞌom
na seiljeii Isaías:
\q Naquiiꞌ tsjoom Sión nnaⁿ tsaⁿ na nntseicandyaañe nnꞌaⁿ
\q ndoꞌ nnꞌaⁿ na jndyowicantyjooꞌ tsjaaⁿ ꞌnaaⁿꞌ Jacob
nnquindyo̱ natia na laꞌxmaⁿna.
\q
\v 27 Quia na nntseicanduuꞌa jnaaⁿna quia joꞌ
\q nntseicanda̱a̱ꞌñenaꞌ ñꞌoom na tꞌmaⁿtya̱a̱ⁿya ñꞌeⁿndyena.
\p
\v 28 Ncꞌe ñꞌoom naya na macwjiꞌnꞌmaaⁿñe Tyꞌo̱o̱tsꞌom
nnꞌaⁿ, joꞌ na mꞌaⁿntiaaꞌndye nnꞌaⁿ judíos ñꞌeⁿñê, ndoꞌ
na luaaꞌ sꞌaanaꞌ, tjuꞌnaaⁿñenaꞌ na cwitsaaquieeꞌndyoꞌ
ꞌo. Sa̱a̱ ndicwaⁿ mꞌaaⁿ na wiꞌ tsꞌoom joona na tjeiiꞌñê
weloona na nluiindye cwentaaⁿꞌaⁿ.
\v 29 Ee quia na jnda̱ tquiaa Tyꞌo̱o̱tsꞌom cwii nnom na
macandaaꞌ tsꞌaⁿ ndoꞌ na maqueeⁿꞌñê juu na nntseixmaⁿ
cwentaaⁿꞌaⁿ taxocatseichueeⁿꞌeⁿ joꞌ.
\v 30 Ee chaꞌxjeⁿ na ñetꞌomꞌyoꞌ na ñejlaꞌquieꞌ nꞌomꞌyoꞌ
nnom Tyꞌo̱o̱tsꞌom, jeꞌ mañꞌoom na wiꞌ tsꞌoom ꞌo, sa̱a̱ jeꞌ
jeꞌ nnꞌaⁿ judíos cwilaꞌquieꞌ nꞌomna nnoom.
\v 31 Maluaaꞌ matseijomnaꞌ cantyja ꞌnaaⁿna. Jeꞌ cwilaꞌquieꞌ
nꞌomna cha nda̱nquia nncꞌoom Tyꞌo̱o̱tsꞌom na wiꞌ tsꞌoom
joona, chaꞌxjeⁿ jeꞌ mꞌaaⁿ na wiꞌ tsꞌoom ꞌo.
\v 32 Ee sꞌaa Tyꞌo̱o̱tsꞌom na chaꞌtsondyo̱ laꞌxmaaⁿya
na tyoolaꞌcanda̱a̱ꞌndyo̱ jo nnoom, cha na chaꞌtsondyo̱ nncꞌoom
na wiꞌ tsꞌoom.
\p
\v 33 Joo na maqueⁿnaꞌ Tyꞌo̱o̱tsꞌom na tyañe, jeeⁿ jnda
laxmaⁿnaꞌ, jeeⁿ jndo̱ꞌ tsꞌoom, chaꞌtso matseiꞌno̱o̱ⁿꞌo̱ⁿ.
Tjaa ꞌñeeⁿ nntseinchuꞌtcuuñe chiuu matseijndaaꞌñê, tjaa
ꞌñeeⁿ nnda̱a̱ nntseiꞌno̱ⁿꞌ ljoꞌ na machꞌeeⁿ.
\v 34 Chaꞌna teiljeii ñꞌoom na tso Isaías: “¿ꞌÑeeⁿ
cwii jaa nmeiiⁿñe nnda̱a̱ nntseino̱ⁿꞌ chiuu mꞌaaⁿꞌ tsꞌom
nqueⁿ na matsa̱ꞌntjoom? ¿Aa mꞌaaⁿ ꞌñeeⁿ juu na jeeⁿcheⁿ
jndo̱ꞌ tsꞌom cha na nnda̱a̱ nntseijndo̱ꞌ tsꞌoom?
\v 35 ¿ꞌÑeeⁿ teijndeiijndyee jom cha jeꞌ macaⁿnaꞌ na
catseilcweeⁿꞌeⁿ joꞌ nnom juu?”
\v 36 Ee chaꞌtsoñꞌeⁿ niom ncꞌe jom, ndoꞌ tseixmaⁿñꞌeeⁿ
joꞌ. Joꞌ chii macanda̱ jom caluiitꞌmaⁿñê chaꞌwaati xuee.
Amén.
\c 12
\s Maqueⁿ ljuꞌnaꞌ tsꞌaⁿ jo nnom Tyꞌo̱o̱tsꞌom
\p
\v 1 Macweꞌ joꞌ ꞌo nnꞌaⁿya na cwilaꞌyuꞌyoꞌ, ncꞌe na
mꞌaaⁿ Tyꞌo̱o̱tsꞌom na jeeⁿ wiꞌ tsꞌoom jaa, macaⁿꞌa nda̱a̱ꞌyoꞌ
yocheⁿ na cwitsaamꞌaⁿtiꞌyoꞌ na nñequiandyoꞌñꞌeⁿꞌyoꞌ
na nlaꞌxmaⁿꞌyoꞌ chaꞌcwijom quiooꞌ na cwilaꞌcwjee nnꞌaⁿ
judíos, cwii nnom na ljuꞌ, na cjaaweeꞌ tsꞌoom. Na nlꞌaꞌyoꞌ
na ljoꞌ jeeⁿ xcwe nlaꞌtꞌmaaⁿꞌndyoꞌ jom.
\v 2 Tancꞌomꞌyoꞌ na mati ꞌo cwilꞌaꞌyoꞌ ljoꞌ na cwintyꞌiaꞌyoꞌ
na cwilꞌa nnꞌaⁿ tsjoomnancue, calaꞌchuiꞌyoꞌ cantyja na
cwilaꞌtiuuꞌyoꞌ cha na luaaꞌ ntseixconaꞌ chaꞌtso cantyja
na cwitsaamꞌaⁿꞌyoꞌ. Ee na nlꞌaꞌyoꞌ naljoꞌ nncueꞌntyjo̱
na nlaꞌno̱ⁿꞌyoꞌ chiuu waa na lꞌue tsꞌom Tyꞌo̱o̱tsꞌom ñꞌeⁿndyoꞌ,
na juu joꞌ tjacantyja naya tseixmaⁿ, ndoꞌ cjaaweeꞌ tsꞌoom
ndoꞌ canda̱a̱ꞌ tseixmaⁿnaꞌ.
\p
\v 3 Ncꞌe tsꞌiaaⁿ na jnda̱ tquiaa Tyꞌo̱o̱tsꞌom na matseixmaⁿya,
joꞌ na matsjo̱o̱ya nda̱a̱ꞌyoꞌ, meiⁿcwiindyoꞌ ꞌo tincwinomꞌ
na nncꞌoomꞌ tsꞌom cantyja ꞌnaaⁿꞌ nquii chaꞌxjeⁿ na matsonaꞌ
na nncwjeiiⁿꞌeⁿ cwenta chiuu matseixmaaⁿ. Cwii ndoꞌ
cwiindyoꞌ cwjiꞌya cwenta cwanti na jnda̱ tquiaa Tyꞌo̱o̱tsꞌom
nnom na matseixmaⁿ na matseiyuꞌya tsꞌom ñꞌeⁿñê.
\v 4 Tsꞌaⁿ ñecwiiñê sa̱a̱ jndye tjaacañjoomꞌñê, ndoꞌ cwii
cwii joo na tjacañjoomꞌñê tiljoꞌyu tsꞌiaaⁿꞌnaꞌ ñꞌeⁿ
ncꞌiaanaꞌ.
\v 5 Maluaaꞌ waa na matseijomnaꞌ jaa nnꞌaⁿ na cwilaꞌyuuꞌa,
meiiⁿ na jndyendyo̱ sa̱a̱ matseijoomꞌnaꞌ cantyja ꞌnaaⁿya
na ñeꞌcwii seiꞌ cwiluiindyo̱ cantyja ꞌnaaⁿꞌ Cristo. Ndoꞌ
tsꞌiaaⁿ na mañequiaa Tyꞌo̱o̱tsꞌom na calꞌaaya cwentaaⁿꞌaⁿ
tjachuiiꞌnaꞌ na cwii cwiindyo̱.
\p
\v 6 Tsꞌiaaⁿ na mañequiaa Tyꞌo̱o̱tsꞌom na calꞌaaya, tiñecwii
xjeⁿ joonaꞌ. Nqueⁿ matseijndaaꞌñê cwaaⁿ tsꞌiaaⁿ nntseixmaⁿ
cwii cwiindyo̱. Sa̱a̱ macaⁿnaꞌ na calacanda̱a̱ꞌndyo̱ cwii
cwii nnom tsꞌiaaⁿ na mañequiaaⁿ. Xeⁿ na jnda̱ tquiaaⁿ
na ꞌnaaⁿꞌ tsꞌaⁿ na nnda̱a̱ nntseiteincooꞌ ñꞌoomꞌm nda̱a̱
nnꞌaⁿ, cwa catseicanda̱a̱ꞌñe tsaⁿꞌñeeⁿ juunaꞌ.
\v 7 Ndoꞌ xeⁿ mañequiaaⁿ na macandaaꞌ tsꞌaⁿ na candiꞌntjom
quiiꞌntaaⁿ nnꞌaⁿ na cwilaꞌyuꞌ, catsꞌaa tsꞌiaaⁿꞌñeeⁿ ñequio
na xcweeꞌ tsꞌom. Ndoꞌ juu tsꞌaⁿ na macandaaꞌ na maꞌmo̱ⁿ
nda̱a̱ ncꞌiaaꞌ, queⁿñe tsꞌiaaⁿꞌñeeⁿ.
\v 8 Tsꞌaⁿ na macandaaꞌ na mañequiaa na tꞌmaⁿ nꞌom
nnꞌaⁿ, tsꞌiaaⁿꞌñeeⁿ catsꞌaa. Ndoꞌ juu tsꞌaⁿ na niom sꞌom
lꞌo̱ tintseintycwiiꞌ na nnteijndeii ncꞌiaaꞌ ꞌnaⁿ na matseiꞌtjo̱o̱naꞌ
joona. Tsꞌaⁿ na ꞌnaaⁿꞌ na nluiitquieñe catsꞌaa naljoꞌ
ñequio na machꞌeeñe cwenta. Ndoꞌ tsꞌaⁿ na mateijndeii
nnꞌaⁿ na ntyꞌiaandye catsꞌaa naljoꞌ ñequio na neiiⁿꞌ.
\s Ñꞌoomeiiⁿ laxmaaⁿya na calacanda̱a̱ꞌndyo̱
\p
\v 9 Cꞌomꞌyoꞌ na wiꞌ nꞌomꞌyoꞌ ncꞌiaaꞌyoꞌ ñequio na
mayoꞌcheⁿꞌyoꞌ, nchii cweꞌ cwilꞌaꞌyaꞌyoꞌ. Catseiqueeⁿnaꞌ
nꞌomꞌyoꞌ chaꞌtso yuu na ya, sa̱a̱ yuu na tia cꞌomꞌyoꞌ na
jndooꞌyoꞌ.
\v 10 Cꞌomꞌyoꞌ na jnda nquiuꞌyoꞌ ncꞌiaaꞌyoꞌ chaꞌxjeⁿ
ñeⁿnquii tsꞌaⁿ ntseinda ꞌo, ñequiiꞌcheⁿ calꞌaꞌyoꞌ na
joona tꞌmaⁿti caluiindye, ñecuaa meiiⁿ ꞌo tjaa ꞌñeeⁿ
catseitꞌmaaⁿꞌñe.
\p
\v 11 Tilaꞌnchqueeⁿꞌndyoꞌ tsꞌiaaⁿ ꞌnaaⁿꞌ Tyꞌo̱o̱tsꞌom
na laꞌxmaⁿꞌyoꞌ. Cjooꞌ nꞌomꞌyoꞌ na cwindyeꞌntjomꞌyoꞌ
nnom Jesucristo.
\p
\v 12 Cꞌomꞌyoꞌ na neiⁿꞌyoꞌ chaꞌtso na matseijndaaꞌñe
Tyꞌo̱o̱tsꞌom na nñequiaaⁿ na nndaꞌyoꞌ. Quia majuꞌwiꞌnaꞌ
ꞌo, cꞌomꞌtꞌmaaⁿꞌndyoꞌ nꞌomꞌyoꞌ. Ndoꞌ ñequiiꞌcheⁿ calaneiⁿꞌyoꞌ
nnoom.
\p
\v 13 Quia matseitjo̱o̱naꞌ ꞌnaⁿ nnꞌaⁿ na maqueeⁿ cwentaaⁿꞌaⁿ,
quiaꞌyoꞌ cantyja na cwileiñꞌomꞌyoꞌ na nnteijndeiinaꞌ
naⁿꞌñeeⁿ. Cateiꞌxꞌeeꞌyoꞌ nnꞌaⁿ na cwilaꞌyuꞌ na cweꞌ
cwiquieya na mꞌaⁿꞌyoꞌ.
\p
\v 14 Quia matseita̱a̱ꞌ tsꞌom tsꞌaⁿ ꞌo, nchii mati nlcweꞌ
ꞌo ñꞌoom wiꞌ cjooꞌ tsaⁿꞌñeeⁿ. ꞌO cataⁿꞌyoꞌ na Tyꞌo̱o̱tsꞌom
catioꞌnaaⁿñê juu.
\p
\v 15 Quia cwintyꞌiaꞌyoꞌ na neiiⁿ ncꞌiaaꞌyoꞌ na cwilaꞌyuꞌ,
mati ꞌo cꞌomꞌyoꞌ na neiⁿꞌyoꞌ ñꞌeⁿndyena. Sa̱a̱ quia cwitjoomna
na matseichjooꞌnaꞌ nꞌomna, mati ꞌo cꞌomꞌyoꞌ na chjooꞌ
nꞌomꞌyoꞌ ñꞌeⁿndyena.
\p
\v 16 Tjoomꞌ cꞌomꞌyoꞌ ñꞌeⁿ ncꞌiaaꞌyoꞌ. Tincꞌomꞌyoꞌ
na sꞌandyoꞌ ndoꞌ lcundyoꞌ. Catsañꞌoomndyoꞌ ñequio nnꞌaⁿ
na ntyꞌiaandye, tintsꞌaanaꞌ nquiuꞌyoꞌ na cweꞌ ꞌo jndo̱ꞌti
nꞌomꞌyoꞌ.
\p
\v 17 Natia na nntsꞌaa tsꞌaⁿ ꞌo, tilꞌaꞌyoꞌ na nnjoom.
Ñequiiꞌcheⁿ calaꞌjnda̱ꞌyoꞌ na chaꞌtso na cwilꞌaꞌyoꞌ nlaꞌxmaⁿꞌyoꞌ
na ya nnꞌaⁿndyoꞌ jo nda̱a̱ chaꞌtso nnꞌaⁿ.
\v 18 ꞌO tacalaꞌntjaꞌndyoꞌ ñequio nnꞌaⁿ. ꞌO chaꞌtso
na nnda̱a̱ nlꞌaꞌyoꞌ ñequiiꞌcheⁿ calꞌaꞌyoꞌ yuu na ya cha
tincjuꞌnaaⁿñenaꞌ na nlꞌueeꞌndye nnꞌaⁿ tiaꞌ ñꞌeⁿndyoꞌ.
\v 19 ꞌO nnꞌaⁿya na jeeⁿ wiꞌ tsꞌo̱o̱ⁿya, tilꞌaꞌyoꞌ na
canjoom. Quiandyoꞌ na nquii Tyꞌo̱o̱tsꞌom nntsꞌaaⁿ na nnjoom,
xeⁿ naljoꞌ lꞌue tsꞌoom. Ee waa ñꞌoomꞌm na teiljeii na
matsonaꞌ: “Matso Tyꞌo̱o̱tsꞌom: Nnco̱ nntsꞌaa na nnjoom.
Ja nntsꞌaa na nntioomndye nnꞌaⁿ na cwilaꞌtjo̱o̱ndye no̱o̱ⁿ.”
\v 20 Ndoꞌ mati waa cwiicheⁿ ñꞌoom na teiljeii na matsonaꞌ:
“Juu tsꞌaⁿ na jndooꞌ ꞌu, xeⁿ na ñejnoomꞌm, quiaaꞌ na nlcwaaⁿꞌaⁿ.
Xeⁿ na ñecꞌom ndaa, quiaaꞌ ndaa na nncꞌom ee na nntsaꞌ
na luaaꞌ, nntsꞌaanaꞌ na jnaaⁿꞌaⁿ chiuu waa na machꞌeeⁿ
ñꞌeⁿndyuꞌ.”
\v 21 Tiñeꞌquiaandyuꞌ na joo na ticatsa̱ꞌntjomnaꞌ nnaⁿndyenaꞌ
ñꞌeⁿndyuꞌ. Catsaꞌ yuu na ya cha canaⁿndyuꞌ nacjooꞌ joo
na ticatsa̱ꞌntjomnaꞌ.
\c 13
\s Calanꞌo̱o̱ⁿꞌndyo̱ ñꞌoom ntyuee naⁿmaⁿnꞌiaaⁿ
\p
\v 1 Cwii cwiindyoꞌ ꞌo cjuꞌñecje nda̱a̱ naⁿmaⁿnꞌiaaⁿ,
ee nnꞌaⁿ na mꞌaⁿ nꞌiaaⁿ, Tyꞌo̱o̱tsꞌom maqueeⁿ joona tsꞌiaaⁿꞌñeeⁿ.
Tjaaꞌnaⁿ cwii tsꞌaⁿ na mꞌaaⁿ tsꞌiaaⁿ na nchii jom tqueeⁿ
juu.
\v 2 Quia joꞌ ꞌñeeⁿ juu na wjaa nacjoo naⁿmaⁿnꞌiaaⁿ,
mawjaa tsaⁿꞌñeeⁿ nacjooꞌ na seijndaaꞌñe nquii Tyꞌo̱o̱tsꞌom.
Ndoꞌ maxjeⁿ nntꞌuiinaꞌ jom na nntioomñê na ljoꞌ machꞌeeⁿ.
\v 3 Joꞌ chii tsꞌaⁿ na machꞌee yuu na tia mꞌaaⁿ na
nquiaⁿꞌaⁿ naⁿmaⁿnꞌiaaⁿ. Sa̱a̱ tsꞌaⁿ na machꞌee yuu na
cwitsa̱ꞌntjom nꞌiaaⁿ, ya mꞌaaⁿ, tyoocatyꞌueeⁿ naⁿꞌñeeⁿ.
Joꞌ chii catsaꞌ yuu na cwitsa̱ꞌntjomna ꞌu, quia ljoꞌcheⁿ
taxocꞌoomꞌ tsꞌomꞌ aa nlaꞌwjeena ꞌu. Maxjeⁿ nncꞌomna
na neiiⁿna ꞌu.
\v 4 Ee naⁿmaⁿnꞌiaaⁿ laꞌxmaⁿna na cwindyeꞌntjomna nnom
Tyꞌo̱o̱tsꞌom cha cateiꞌjndeiina ꞌu. Sa̱a̱ xeⁿ macheꞌ na
tilꞌuee ljeii na cwileinꞌomna, quia joꞌ cꞌoomꞌ na nquiaꞌ
joona, ee ticweꞌ tsꞌiaaⁿꞌndyo na laꞌxmaⁿna sa̱yo ee cwiluiindyena
na cwindyeꞌntjomna nnom Tyꞌo̱o̱tsꞌom na cwitaꞌwiꞌna nnꞌaⁿ
na cwilꞌa yuu na tia.
\v 5 Quia joꞌ we ndiiꞌ macaⁿnaꞌ na calaꞌcanda̱ꞌyoꞌ jo
nda̱a̱ naⁿmaⁿnꞌiaaⁿ. Najndyee ncꞌe na ticalꞌue nꞌomꞌyoꞌ
na catꞌuii ljeii na cwileiñꞌomna ꞌo. Ndoꞌ na jnda̱ we
ncꞌe na nquiuꞌyoꞌ naquiiꞌ nꞌomꞌyoꞌ na matsonaꞌ na calꞌaꞌyoꞌ
na ljoꞌ.
\v 6 Macweꞌ joꞌ na cwitiomꞌyoꞌ tsꞌiaaⁿnda̱a̱ꞌyoꞌ, ee nnꞌaⁿ
na mꞌaⁿ nꞌiaaⁿ, ñequio tsꞌiaaⁿmeiⁿꞌ cwitaꞌntjomna cha
nlꞌana tsꞌiaaⁿ na maqueⁿ Tyꞌo̱o̱tsꞌom joona.
\v 7 Nnom cwii cwii tsꞌaⁿ na waa na matseixmaⁿ na nntseitꞌmaaⁿꞌndyuꞌ
juu, catsaꞌ naljoꞌ ñꞌeⁿñe. Quia macaⁿnaꞌ na nntiomꞌyoꞌ
nda̱a̱ naⁿmaⁿnꞌiaaⁿ, catiomꞌyoꞌ, chaꞌna tsꞌiaaⁿ nnom tyuaa.
Calaꞌcanda̱ꞌyoꞌ nnom ljeii na cwiqueⁿ naⁿmaⁿnꞌiaaⁿ, ndoꞌ
calaꞌtꞌmaaⁿꞌndyoꞌ chaꞌtsondye joona na matsonaꞌ na calaꞌtꞌmaaⁿꞌndyoꞌ.
\v 8 Meiⁿncwii tsꞌaⁿ tinchoꞌjnaⁿꞌyoꞌ nnom. Cꞌomꞌyoꞌ
na wiꞌ nꞌomꞌyoꞌ ncꞌiaaꞌyoꞌ ee juunaꞌ matseijomnaꞌ chaꞌcwijom
na choꞌjnaⁿꞌyoꞌ. Juu tsꞌaⁿ na mꞌaaⁿ na wiꞌ tsꞌom xꞌiaaꞌ,
matseicaña̱a̱ⁿ chiuu tꞌmaⁿ ljeii na matsa̱ꞌntjomnaꞌ na
tqueⁿ Moisés,
\v 9 ee ljeiiꞌñeeⁿ matsa̱ꞌntjomnaꞌ: “Tincꞌomꞌyaꞌ ñequio
cwiicheⁿ tsꞌaⁿ, tintseicueꞌ tsꞌaⁿ, tinchꞌueeꞌ ꞌnaaⁿꞌ tsꞌaⁿ,
tintseiqueeⁿ tsꞌomꞌ ꞌnaaⁿꞌ tsꞌaⁿ.” Ee chaꞌtso ñꞌoommeiⁿꞌ
ñequio ntꞌomcheⁿ na sa̱ꞌntjom ljeii na tqueⁿ Moisés, cwilaꞌxꞌiaaꞌndye
joonaꞌ ñequio ñꞌoomwaa na matsonaꞌ: “Cꞌoomꞌ na jnda
ntyjiꞌ tyjetsꞌaⁿndyuꞌ chaꞌxjeⁿ na wiꞌ tsꞌomndyuꞌ cheⁿncuꞌ.”
\v 10 Ee quia na mꞌaaⁿ tsꞌaⁿ na jnda ntyjii tyjetsꞌaⁿñe,
xocatsꞌaa na wiꞌñe ñꞌeⁿ tsaⁿꞌñeeⁿ. Ee tsꞌaⁿ na jnda
ntyjii ntyjennꞌaⁿñe, matseicanda̱ñꞌeeⁿ ljeii na tquiaa
Tyꞌo̱o̱tsꞌom nnom Moisés.
\p
\v 11 Calaꞌno̱ⁿꞌyoꞌ naljoꞌ ndoꞌ cꞌoomꞌ nꞌomꞌyoꞌ cantyja
ꞌnaaⁿꞌ tiempo na mꞌaaⁿya jeꞌ. Matseijomnaꞌ cantyja ꞌnaⁿꞌyoꞌ
chaꞌcwijom na cwindaꞌyoꞌ. Joꞌ chii calcwiꞌyoꞌ ee jeꞌ
mandyooꞌti mꞌaaⁿnaꞌ na nluiꞌnꞌmaaⁿndyo̱, nchiiti quia
jlayuuꞌjndya̱a̱ ñꞌoomꞌm.
\v 12 Juu na cwitsaamꞌaaⁿya matseijomnaꞌ chaꞌcwijom
natsjom, juunaꞌ wjaawinomnaꞌ. Wjaawindyooꞌti xuee quia
na nluiꞌnꞌmaaⁿndyo̱. Joꞌ chii caꞌndya̱a̱ na cwilajomndyo̱
tsꞌiaaⁿ na laxmaⁿnaꞌ cantyja ꞌnaaⁿꞌ najaaⁿ. Calꞌueeꞌndyo̱
lꞌo̱ tsꞌiaaⁿ ya na laxmaⁿnaꞌ cantyja ꞌnaaⁿꞌ naxuee.
\v 13 Cꞌo̱o̱ⁿya chaꞌxjeⁿ na macaⁿnaꞌ na catsꞌaa tsꞌaⁿ
quia naxuee. Nchii cꞌo̱o̱ⁿya na cwicwaꞌjndooꞌndyo̱ meiⁿ
nchii na cwicandya̱a̱ya. Nchii cꞌo̱o̱ⁿ ñequio nnꞌaⁿ na cweꞌ
luaaꞌndyo ñequio ntꞌomcheⁿ nnom natia laꞌxmaⁿ. Tacꞌo̱o̱ⁿya
na cwilaꞌntjaꞌndyo̱ ñequio nnꞌaⁿ meiⁿ talaꞌta̱a̱ꞌ nꞌo̱o̱ⁿya
joona.
\v 14 Sa̱a̱ ꞌo wandyo̱ꞌ calꞌaꞌyoꞌ, ꞌo cweeꞌyoꞌ Jesucristo
chaꞌxjeⁿ macwee tsꞌaⁿ liaa. Tañeꞌquiandyoꞌ na joo na
neiⁿnco nquiu nnꞌaⁿ na matseixmaⁿ tsjoomnancue nlqueⁿnaꞌ
xjeⁿ ꞌnaaⁿꞌnaꞌ ꞌo.
\c 14
\s Tintioꞌñꞌoomꞌ cwii nnꞌaⁿꞌ na matseiyuꞌ
\p
\v 1 Catoꞌñoomꞌyoꞌ meiiⁿ tsꞌaⁿ na ticueeꞌ na matseiyuꞌya
tsꞌom, sa̱a̱ nchii na nnto̱ꞌyoꞌ na nlaꞌñꞌeeⁿꞌndyueꞌyoꞌ ñꞌeⁿñê.
\v 2 Calꞌuu, mꞌaⁿ nnꞌaⁿ nquiu na wanaaⁿ na nlcwaꞌ tsꞌaⁿ
chaꞌtso nnom ꞌnaⁿ, sa̱a̱ mꞌaⁿ ntꞌomcheⁿ na ticueeꞌ na cwilayuꞌya
nꞌom ñꞌeⁿ Tyꞌo̱o̱tsꞌom, joona cweꞌ tsco cwicwaꞌna.
\v 3 Luaa macaⁿnaꞌ: Juu tsꞌaⁿ na ntyjii na meiⁿquia
nantquie wanaaⁿ na nlcwaꞌ, tintsꞌaa na ticueeꞌ tsꞌom
tsꞌaⁿ na cweꞌ jndaaꞌ ljoꞌ macwaꞌ. Ndoꞌ mati ꞌu tsꞌaⁿ
na cweꞌ jndaaꞌ ljoꞌ macwaꞌ tincwjaaꞌndyuꞌ cwenta cweꞌ
na chaꞌtso nnom macwaꞌ xꞌiaꞌ, ee macoꞌñom Tyꞌo̱o̱tsꞌom
jom.
\v 4 ¿ꞌÑeeⁿ cwiluiindyuꞌ na matseiꞌncjooꞌndyuꞌ ljoꞌ
machꞌee cwiicheⁿ xꞌiaꞌ na matseiyuꞌ? Ee nquii na matsa̱ꞌntjom
jom nntso na aa xcwe aa tixcwe machꞌeeⁿ. Nljoñeya tsaⁿꞌñeeⁿ
ee waa najndeii na matseixmaⁿ Jesús na matsa̱ꞌntjom jom.
\p
\v 5 Mꞌaⁿ nnꞌaⁿ na cwitjeiiꞌna cwenta na waa cwii xuee
na tꞌmaⁿti tseixmaⁿnaꞌ ndoꞌ mꞌaⁿ ntꞌomcheⁿ nnꞌaⁿ na
cwilaꞌtiuu na meiⁿnquia xuee ñecwii xjeⁿ. Sa̱a̱ cwii cwii
tsꞌaⁿ cꞌoomꞌtyeⁿ tsꞌom cantyja ꞌnaaⁿꞌ ñꞌoomꞌwaaꞌ.
\v 6 Tsꞌaⁿ na maqueⁿ na tꞌmaⁿti cwii xuee, machꞌeeⁿ
na ljoꞌ ee na matseitꞌmaaⁿꞌñê Nquii na matsa̱ꞌntjom jom.
Ndoꞌ tsꞌaⁿ na machꞌee na ñeꞌcwii xjeⁿ tseixmaⁿnaꞌ, machꞌee
na ljoꞌ ee na matseitꞌmaaⁿꞌñe Nquii na matsa̱ꞌntjom juu.
Ndoꞌ tsꞌaⁿ na macwaꞌ chaꞌtso nnom nantquie, macwaaⁿꞌaⁿ
joonaꞌ ee na matseitꞌmaaⁿꞌñê Nquii na matsa̱ꞌntjom jom,
ndoꞌ mañequiaaⁿ na quianlꞌuaaꞌ Tyꞌo̱o̱tsꞌom. Mati tsꞌaⁿ
na cweꞌ jndaaꞌ nantquie na macwaꞌ machꞌeeⁿ na ljoꞌ ee
na matseitꞌmaaⁿꞌñê Tyꞌo̱o̱tsꞌom ndoꞌ mañequiaaⁿ na quianlꞌuaaꞌ.
\v 7 Ee tjaa ꞌñeeⁿ jaa cꞌoom na wandoꞌ cweꞌ ee na lꞌue
tsꞌom nquii, ndoꞌ tjaa ꞌñeeⁿ jaa cꞌoom na nncueꞌ ee na
lꞌue tsꞌom nquii.
\v 8 Cantyja na tando̱o̱ꞌa, tando̱o̱ꞌa cweꞌ ee Jesucristo,
ndoꞌ cantyja na cwiwja̱a̱ya, ncwja̱a̱ya cantyja ꞌnaaⁿꞌ jom.
Joꞌ chii aa na tando̱o̱ꞌa oo aa na nncwja̱a̱ya, maxjeⁿ mꞌaaⁿya
cantyja ꞌnaaⁿꞌ jom.
\v 9 Mancꞌe joꞌ na tueeⁿꞌeⁿ ndoꞌ tandoꞌxcoom cha na
nntseixmaaⁿ na matsa̱ꞌntjoom jaa cha queⁿnaꞌ jom na cwiluiiñê
na matsa̱ꞌntjoom nnꞌaⁿ na jnda̱ tja̱ ndoꞌ cwentaa nnꞌaⁿ
na taꞌndoꞌ.
\p
\v 10 Sa̱a̱ ꞌu jeꞌ, ¿chiuu na xjeⁿto ꞌu ñeꞌcuꞌxeⁿꞌ cwii
nnꞌaⁿꞌ na matseiyuꞌ oo chiuu na mꞌaaⁿꞌ na ticueeꞌ tsꞌomꞌ
jom? Ee chaꞌtsondyo̱ nncwino̱o̱ⁿ jo nnom Cristo na nncuꞌxeeⁿ
jaa.
\v 11 Ee mawaa ñꞌoomꞌ Tyꞌo̱o̱tsꞌom na teiljeii na matsonaꞌ:
\q Ja wando̱ꞌa, matso nquii Tyꞌo̱o̱tsꞌom,
\q ncꞌe naljoꞌ joꞌ chii chaꞌtsondye nnꞌaⁿ nntaꞌna cantyena
jo no̱o̱ⁿya,
\q ndoꞌ nlaꞌtꞌmaaⁿꞌndyena Tyꞌo̱o̱tsꞌom ñequio na jndooꞌ
chaꞌtsondye nnꞌaⁿ.
\m
\v 12 Luaa waa cantyja ꞌnaaⁿꞌ ñꞌoomꞌñeeⁿ, cwii cwiindyo̱
nñequiaaya cwenta nnoom cantyja ꞌnaaⁿya.
\s Tintsaꞌ na nntseilcweꞌnaꞌ xꞌiaꞌ na matseiyuꞌ
\p
\v 13 Joꞌ chii tacatsonaꞌ na nntio̱ꞌñꞌo̱o̱ⁿya cwii ndoꞌ
cwii ncꞌiaaya. ꞌO calaꞌjnda̱ꞌyoꞌ na tilꞌaꞌyoꞌ cwii nnom
na jnaaⁿꞌ joꞌ nntseicwachuuꞌñenaꞌ juu ndoꞌ nntsꞌaanaꞌ
na nntseitjo̱o̱ñe.
\v 14 Ncꞌe na matseixmaⁿya tsꞌaⁿ na matseiyuꞌa ñꞌeⁿ
Jesucristo, joꞌ chii mꞌaaⁿꞌtyeⁿ tsꞌo̱o̱ⁿ na tjaaꞌnaⁿ cwii
nnom ꞌnaⁿ na tiljuꞌ matseixmaⁿnaꞌ. Sa̱a̱ xeⁿ na mꞌaaⁿ
tsꞌaⁿ na matseitiuu na niom ꞌnaⁿ na tiljuꞌ, cantyja ꞌnaaⁿꞌ
nquii tsaⁿꞌñeeⁿ machꞌeenaꞌ na tiljuꞌnaꞌ.
\v 15 Ee xeⁿ cweꞌ cantyja ꞌnaaⁿꞌ ljoꞌ na macwaꞌ matseiꞌndaaꞌnaꞌ
ntyjii cwii nnꞌaⁿꞌ na matseiyuꞌ ndoꞌ na luaaꞌ macheꞌ,
ticꞌoomꞌ na jnda ntyjiꞌ jom. Joꞌ chii tantsaꞌ cwii na
ya ntyjiꞌ macwaꞌ nntseiꞌndaaꞌnaꞌ cwii nnꞌaⁿꞌ na tueꞌ
Cristo cwentaaⁿꞌaⁿ.
\v 16 Tiñeꞌquiaꞌyoꞌ na nncjuꞌnaaⁿñenaꞌ na nlaneiⁿ nnꞌaⁿ
ñꞌoom na tijoꞌndyo nacjoꞌyoꞌ ljoꞌ na ꞌo nquiuꞌyoꞌ na
ya.
\v 17 Ee juu na matsa̱ꞌntjom Tyꞌo̱o̱tsꞌom, nchii tomti
waanaꞌ na nleijndaaꞌ ljoꞌ na wanaaⁿ na nntquia̱a̱ya oo
na nncwa̱a̱ya. Matsa̱ꞌntjoom jaa cha cantyja ꞌnaaⁿꞌ Espíritu
Santo nnda̱a̱ nlꞌaaya yuu na matyꞌiomyanaꞌ. Ndoꞌ mati
na nncꞌo̱o̱ⁿya na neiiⁿya ndoꞌ na meiⁿcwii ñomtiuu ticꞌo̱o̱ⁿya
jo nnoom.
\v 18 Tsꞌaⁿ na luaaꞌ mandiꞌntjom nnom Cristo, cwijaaweeꞌ
ntyjii Tyꞌo̱o̱tsꞌom ñꞌeⁿñê, ndoꞌ mati neiiⁿ nnꞌaⁿ jom.
\p
\v 19 Cweꞌ ncꞌe joꞌ tsantyjo̱o̱ya meiⁿnquia nnom na nnda̱a̱
nlꞌaaya na ticalꞌua̱a̱ ndiaꞌ ñequio nnꞌaaⁿya na cwilaꞌyuꞌ.
Ee na nlꞌaaya na ljoꞌ nnteijndeiindyo̱ ntyja̱a̱ na nntsanajnda̱a̱ya
na cwilaꞌyuuꞌa.
\v 20 Joꞌ chii tintseityuiꞌ tsꞌiaaⁿ ꞌnaaⁿꞌ Tyꞌo̱o̱tsꞌom
na cweꞌ jndaaꞌ cwii nnom nantquie na macwaꞌ. Mayuuꞌ
chaꞌtso nnom nantquie ljuꞌ laꞌxmaⁿnaꞌ, sa̱a̱ tia matseixmaⁿꞌ
xeⁿ cantyja ꞌnaaⁿꞌ cwii nnom na macwaꞌ matseiꞌndaaꞌnaꞌ
ntyjii cwii xꞌiaꞌ na matseiyuꞌya tsꞌoom ñꞌeⁿ Tyꞌo̱o̱tsꞌom.
\v 21 Yati na tinlquiꞌ seiꞌ, tincꞌuaꞌ winom ndoꞌ tintsaꞌ
cwii nnom na cantyja ꞌnaaⁿꞌ joꞌ nntseilcweꞌtyaꞌnaꞌ cwii
xꞌiaꞌ na matseiyuꞌ, oo na nntseiquioonaꞌ jom na nntsꞌaaⁿ
jnaⁿ oo na nntsꞌaanaꞌ na tityeⁿ matseiyuꞌya tsꞌoom ñꞌeⁿ
Tyꞌo̱o̱tsꞌom.
\v 22 Juu na matseiꞌyuꞌ cantyja ꞌnaaⁿꞌ ñꞌoommeiⁿꞌ, matsa̱ꞌntjomnaꞌ
na cꞌoomꞌtyeⁿꞌ cantyja ꞌnaaⁿꞌnaꞌ jo nnom Tyꞌo̱o̱tsꞌom.
Ee jeeⁿ neiiⁿꞌ tsꞌaⁿ na mꞌaaⁿꞌ tsꞌom na xcwe machꞌee
cantyja ꞌnaaⁿꞌ ñꞌoommeiⁿꞌ na tjaa meiiⁿcwii na macoꞌtiaꞌnaꞌ
ntyjii.
\v 23 Sa̱a̱ tsꞌaⁿ na tijndaaꞌya ntyjii aa mayuuꞌ na ya
na nlcwaꞌ tsꞌaⁿ cwii nnom nantquie ndoꞌ xeⁿ nlcwaaⁿꞌaⁿ
joꞌ, nntsꞌaayuunaꞌ jnaaⁿꞌaⁿ waa, ee chaꞌtso ljoꞌ na machꞌee
tsꞌaⁿ ndoꞌ ticaljeiiyaaⁿ aa mayuuꞌ na ya joꞌ, maxjeⁿ
jnaⁿ joꞌ machꞌeenaꞌ.
\c 15
\s Calꞌaaya chaꞌtso na cateijndeiindyo̱ ntyja̱a̱
\p
\v 1 Jaa na tyeⁿ laꞌxmaaⁿya na cwilaꞌyuꞌya nꞌo̱o̱ⁿya
ñꞌeⁿ Tyꞌo̱o̱tsꞌom cantyja ꞌnaaⁿꞌ ñꞌoommeiⁿꞌ, joo nnꞌaⁿ
na tityeⁿ cwilaꞌyuꞌna cantyja ꞌnaaⁿꞌ joꞌ, laxmaaⁿya na
cacho̱o̱ya na cateijndeii joona, nchii macanda̱ cwijndo̱o̱ꞌa
cantyja ꞌnaaⁿ ncjo̱o̱ya.
\v 2 Cwii cwiindyo̱ calꞌaaya yuu na nncjaaweeꞌ nꞌom
ncꞌiaaya, cha nnteijndeiinaꞌ joona, ndoꞌ cha na nncꞌoonajnda̱na
na cwilaꞌyuꞌya nꞌomna ñꞌeⁿ Tyꞌo̱o̱tsꞌom.
\v 3 Ee meiⁿ nquii Cristo tîcatsꞌaaⁿ yuu na cjaaweeꞌ
ntyjeeⁿ. Jom tjoom chaꞌxjeⁿ waa ljeii naquiiꞌ libro
Salmos na matsonaꞌ: “Ñꞌoomwiꞌ na tyotueeꞌ nnꞌa nacjoꞌ,
mati tyꞌoomnaꞌ ja.”
\v 4 Ee chaꞌtso ñꞌoomꞌ Tyꞌo̱o̱tsꞌom na teiljeii tandyo
xuee, teiljeiinaꞌ cha caꞌmo̱ⁿnaꞌ nda̱a̱ya chiuu na cꞌo̱o̱ⁿya
jo nnoom. Teiljeiinaꞌ cha cantyja ꞌnaaⁿ joonaꞌ nnda̱a̱
nntsaantyjo̱o̱ya cantyja ꞌnaaⁿꞌaⁿ na ñecwii nꞌo̱o̱ⁿya ndoꞌ
na nncꞌo̱o̱ⁿtꞌmaaⁿꞌndyo̱ nꞌo̱o̱ⁿya na nntyjaaꞌ nꞌo̱o̱ⁿya na
nluii chaꞌtso chiuu tꞌmaⁿ ljeiiꞌñeeⁿ.
\v 5 Nquii Tyꞌo̱o̱tsꞌom na mañequiaaⁿ nda̱a̱ya na cwicantyjaaꞌ
nꞌo̱o̱ⁿya jom, cateijneiⁿ ꞌo na ya cꞌomꞌyoꞌ ñequio ncꞌiaaꞌyoꞌ
chaꞌxjeⁿ na lꞌue tsꞌom Cristo Jesús,
\v 6 cha na chaꞌtsondyoꞌñꞌeⁿꞌyoꞌ ñequio ñecwii jndyeeꞌyoꞌ
na nlaꞌtꞌmaaⁿꞌndyoꞌ Tyꞌo̱o̱tsꞌom Tsotye nquii Ta Jesucristo.
\s Cwindye ntꞌomcheⁿ nnꞌaⁿ ñꞌoom naya
\p
\v 7 Joꞌ chii catoꞌñoomꞌyoꞌ ncꞌiaaꞌyoꞌ chaꞌxjeⁿ Cristo
macoꞌñoom ꞌo, cha na nluiitꞌmaⁿñe Tyꞌo̱o̱tsꞌom.
\v 8 Luaa matsjo̱o̱ nda̱a̱ꞌyoꞌ, Cristo jñoom na jndyondiꞌntjoom
nda̱a̱ nnꞌaⁿ judíos cha na nntseicanda̱a̱ꞌñê ñꞌoom na tso
Tyꞌo̱o̱tsꞌom nda̱a̱ welooya na nntsꞌaaⁿ ndoꞌ mati cha mꞌmo̱ⁿnaꞌ
na mayomꞌm.
\v 9 Mati jndyo Cristo cha nnꞌaⁿ na nchii judíos nnda̱a̱
nlaꞌtꞌmaaⁿꞌndyena Tyꞌo̱o̱tsꞌom na mꞌaaⁿ na wiꞌ tsꞌoom
joona. Ee matso ñꞌoomꞌm na teiljeii:
\q Maxjeⁿ nntseitꞌmaaⁿꞌndyo̱ ꞌu quiiꞌntaaⁿ nnꞌaⁿ na nchii
judíos.
\q Nntaya luantsa na nntseitꞌmaaⁿꞌñenaꞌ ꞌu.
\m
\v 10 Ndoꞌ cwiicheⁿ ñꞌoom na teiljeii matsonaꞌ:
\q ꞌO nnꞌaⁿ na nchii judíos, cꞌomꞌyoꞌ na neiⁿꞌyoꞌ ñequio
nnꞌaⁿ na maqueⁿ Tyꞌo̱o̱tsꞌom na cwiluiindye cwentaaⁿꞌaⁿ.
\m
\v 11 Mati mawaa cwiicheⁿ ñꞌoom na teiljeii na matsonaꞌ:
\q Chaꞌtsondyoꞌ ꞌo nnꞌaⁿ na nchii judíos cwiluiindyoꞌ,
\q calaꞌtꞌmaaⁿꞌndyoꞌ Ta Tyꞌo̱o̱tsꞌom.
\m
\v 12 Ndoꞌ mati teiljeii ñꞌoom na tso Isaías:
\q Nchꞌiooꞌ Isaí nndeiꞌ tsꞌoomꞌndaa,
\q jom nntseiwenaꞌ na nntsa̱ꞌntjoom nnꞌaⁿ na nchii judíos
cwiluiindye.
\q Joona nlaꞌcantyjaaꞌ nꞌomna jom.
\p
\v 13 Nquii Tyꞌo̱o̱tsꞌom mañequiaaⁿ na cwicantyjaaꞌ nꞌo̱o̱ⁿya.
Macaⁿꞌa na nñequiaaⁿ na nlaꞌxmaⁿñꞌeⁿꞌyoꞌ na neiⁿꞌyoꞌ
jo nnoom, ndoꞌ na nncꞌomꞌyoꞌ na tjañomtiuu mꞌaⁿꞌyoꞌ ncꞌe
na cwilayuꞌyoꞌ ñꞌeⁿñê, cha cantyja ꞌnaaⁿꞌ Espíritu Santo
nntseicwaljooꞌtinaꞌ na laxmaⁿꞌyoꞌ na cwicantyjaaꞌ nꞌomꞌyoꞌ
jom.
\p
\v 14 Cantyja ꞌnaⁿꞌ ꞌo nnꞌaⁿya na cwilaꞌyuꞌyoꞌ, matseiꞌno̱ⁿꞌa
na cwilaꞌxmaⁿꞌyoꞌ chaꞌtso nnom na nnteijndeiinaꞌ ncꞌiaaꞌyoꞌ.
Ndoꞌ mati cwilaꞌno̱ⁿꞌyaꞌyoꞌ cantyja ꞌnaaⁿꞌ ñꞌoom na cwilayuuꞌa,
hasta mati nnda̱a̱ nntꞌmo̱ⁿꞌyoꞌ joonaꞌ nda̱a̱ ncꞌiaaꞌyoꞌ.
\v 15 Sa̱a̱ tiꞌmaaⁿꞌ tsꞌo̱o̱ⁿya na matseiljeiya cartawaa
na mꞌaⁿꞌ ꞌo nnꞌaⁿya na cwilaꞌyuꞌyoꞌ cha tintsuuꞌ nꞌomꞌyoꞌ
joonaꞌ. Matsꞌaa naljoꞌ ncꞌe chaꞌcwijom cwii xuu na majuꞌnaꞌ
nacjoya na catsꞌaaya. Matsꞌaa na ljoꞌ ee naya na mañequiaa
Tyꞌo̱o̱tsꞌom na matseixmaⁿ.
\v 16 Ndoꞌ naljoꞌ, majoꞌ na tqueeⁿ ja na mandiꞌntjo̱ⁿya
nnom Jesucristo quiiꞌntaaⁿ nnꞌaⁿ na nchii judíos. Mañequiaya
ñꞌoom naya ꞌnaaⁿꞌaⁿ na macwjiꞌnꞌmaaⁿñê nnꞌaⁿ na cwilaꞌljo
Jesucristo naquiiꞌ nꞌom, cha nñequiaya joona nnom Tyꞌo̱o̱tsꞌom
chaꞌxjeⁿ mañequiaa tsꞌaⁿ cwii ofrenda na nncoꞌñoom, ee
nquii Espíritu Santo jnda̱ tqueⁿ ljoomꞌm joona.
\p
\v 17 Ncꞌe na matseiyuꞌa ñꞌeⁿ Cristo Jesús, mañequiaanaꞌ
na neiⁿya na laaꞌtiꞌ waa na mandiꞌntjo̱ⁿya nnom Tyꞌo̱o̱tsꞌom.
\v 18 Ticatsꞌaanaꞌ ntyjii na nncwjiiꞌa cwenta cwanti
ya tsꞌiaaⁿ na nlꞌa ntꞌomcheⁿ, macanda̱ ntyjiiya na Tyꞌo̱o̱tsꞌom
ñeteilꞌueeꞌñê ja na nncwantjo̱ⁿya nnꞌaⁿ na nchii judíos
cwentaaⁿꞌaⁿ, cha nlaꞌcanda̱a̱ꞌndyena jo nnoom. Ñetantjo̱ⁿya
joona ñequio ñꞌomꞌndyo̱ya, ndoꞌ ñequio ljoꞌ na ñentyꞌiaana
chiuu waa na tyomꞌaaⁿya quiiꞌntaaⁿna.
\v 19 Ndoꞌ na luaaꞌ waa, jnda̱ seicanda̱a̱ꞌndyo̱ na mañequia
ñꞌoom naya na macwjiꞌnꞌmaaⁿñe Cristo nnꞌaⁿ, tyotsꞌaa
na ljoꞌ Jerusalén ñequio chaꞌtso ntyja hasta tueꞌñoomnaꞌ
ndyuaa Ilírico.
\v 20 Luaaꞌ waa na tyotseijndo̱ na tyoñequiaya ñꞌoom
nda̱a̱ nnꞌaⁿ cantyja ꞌnaaⁿꞌ na cwiluiꞌnꞌmaaⁿndyena, tyotsꞌaa
tsꞌiaaⁿ yuu na tijoom ñejndye nnꞌaⁿ ñꞌoom cantyja ꞌnaaⁿꞌ
Cristo, cha nchii tsꞌiaaⁿ na jnda̱ to̱ꞌ ntꞌomcheⁿ nntseicañjo̱o̱ⁿꞌa.
\v 21 Ee waa ñꞌoom ꞌndyoo Isaías na teiljeii cantyja
ꞌnaaⁿꞌ Cristo, tsoom:
\q Nnꞌaⁿ na tijoom ñentyꞌiaa jom nndyena cantyja ꞌnaaⁿꞌa.
\q Ndoꞌ joo nnꞌaⁿ na tijoom ñejndye cantyja ꞌnaaⁿꞌaⁿ, nlaꞌno̱ⁿꞌna.
\s Ñeꞌcjaa Pablo Roma
\p
\v 22 Ncꞌe tsꞌiaaⁿmeiⁿꞌ, jndye xuee tyotseicuꞌnaꞌ ja
na nncua̱caño̱o̱ⁿya ꞌo na mꞌaⁿꞌyoꞌ Roma.
\v 23 Sa̱a̱ jeꞌ ticaⁿnaꞌ na ñequiiꞌcheⁿ nñꞌa̱ⁿ ñjaaⁿ.
Ndoꞌ ncꞌe na majndye ndyu matseiqueeⁿnaꞌ tsꞌo̱o̱ⁿya na
ñeꞌcjo̱cando̱o̱ꞌa ꞌo,
\v 24 joꞌ chii na matseitiuuya na nncwino̱o̱ⁿya na mꞌaⁿꞌyoꞌ
quia na nncjo̱ya ndyuaa España, ndoꞌ xeⁿ jnda̱ tquiaanaꞌ
na neiⁿya na mamꞌaaⁿtjo̱o̱ⁿya cwantindyo xuee, quia joꞌ
mancjoꞌtiꞌyoꞌ nnteijndeiꞌyoꞌ na nncjo̱ ncjo̱tya̱.
\v 25 Sa̱a̱ jo̱jndya̱a̱ya Jerusalén, ee jo̱nꞌo̱ⁿya cwii na
nnteijndeiinaꞌ nnꞌaⁿya nnꞌaⁿ judíos na cwilaꞌyuꞌ na
mꞌaⁿ joꞌ joꞌ.
\v 26 Ee nnꞌaaⁿya na mꞌaⁿ ndyuaa Macedonia ñequio Acaya
jnda̱ jlaꞌtjomna tsjo̱ꞌñjeeⁿ na nlaꞌcwanomna na mateiꞌjndeiinaꞌ
nnꞌaaⁿya na cwilaꞌyuꞌ na jeeⁿ jñeeⁿꞌndye na mꞌaⁿ Jerusalén.
\v 27 Ee jlaꞌtiuuna na nlꞌa nayaꞌñeeⁿ nnꞌaⁿ jndíos
na cwilayuꞌ, ndoꞌ matyꞌiomnaꞌ na ljoꞌ calꞌana ee chaꞌcwijom
na choꞌjnaⁿna nda̱a̱ naⁿꞌñeeⁿ, ee cwicandaana na cwicaluiꞌnꞌmaaⁿndyena
ncꞌe nnꞌaⁿ judíos. Joꞌ chii matsonaꞌ na cateiꞌjndeiina
naⁿꞌñeeⁿ ꞌnaⁿ na macaⁿnaꞌ.
\v 28 Ndoꞌ quia na jnda̱ seicanda̱a̱ꞌndyo̱ tsꞌiaaⁿmeiⁿꞌ,
ndoꞌ xeⁿ jnda̱ ljo tsjo̱ꞌñjeeⁿꞌñeeⁿ lueena, quia ljoꞌ nncwino̱o̱ⁿya
na mꞌaⁿꞌyoꞌ na jo̱ ndyuaa España.
\v 29 Ee ntyjiiyaya quia na nncua̱ya na mꞌaⁿꞌyoꞌ, jeeⁿ
ya nntioꞌnaaⁿñe Cristo ꞌo na nñequiaya ñꞌoomꞌm nda̱a̱ꞌyoꞌ.
\p
\v 30 ꞌO nnꞌaⁿ na cwilaꞌyuꞌyoꞌ, ncꞌe Taya Jesucristo
ndoꞌ cantyja ꞌnaaⁿꞌ na mañequiaa Espíritu Santo na wiꞌ
nꞌo̱o̱ⁿya ncꞌiaaya, macaⁿnaꞌ na queⁿndyoꞌ na calajomndyoꞌ
ñꞌeⁿndyo̱ na nlana̱a̱ⁿya nnom Tyꞌo̱o̱tsꞌom cantyja ꞌnaⁿya.
\v 31 Cataⁿꞌyoꞌ nnoom na nluiꞌnꞌmaaⁿndyo̱ luee joo nnꞌaⁿ
na mꞌaⁿ tsꞌo̱ndaa Judea na tiñeꞌcalaꞌyuꞌ. Ndoꞌ mati joo
nnꞌaⁿ cwentaaⁿꞌaⁿ na mꞌaⁿ Jerusalén nncjaaweeꞌ nꞌomna
na nntoꞌñoomna naya na jo̱ñꞌo̱ⁿ cwentaana.
\v 32 Cha xeⁿ na Tyꞌo̱o̱tsꞌom lꞌue tsꞌom nncueꞌcaño̱o̱ⁿya
ꞌo ñequio na neiⁿya, ndoꞌ na nntyꞌiaya ꞌo nntsꞌaanaꞌ
jndaaꞌjom na nncwajndya̱ya.
\v 33 Nquii Tyꞌo̱o̱tsꞌom na mañequiaa na tjaaꞌnaⁿ ñomtiuu
cwicꞌo̱o̱ⁿya jo nnoom, cꞌoomñê ñꞌeⁿndyoꞌ na chaꞌtsondyoꞌ.
Amén.
\c 16
\s Mañequiaa Pablo na xmaⁿndye nnꞌaⁿ
\p
\v 1 Calꞌaꞌyoꞌ cwii nayaꞌñeeⁿ na cateijndeiꞌyoꞌ nomnnꞌaaⁿya
Febe. Jom mandiꞌntjoom quiiꞌntaaⁿ tmaaⁿꞌ nnꞌaⁿ na macwjiꞌ
Tyꞌo̱o̱tsꞌom cwentaaⁿꞌaⁿ tsjoom Cencrea.
\v 2 Catoꞌñoomꞌyoꞌ jom ñequio xueeꞌ Nquii na cwiluiiñe
na matsa̱ꞌntjom jaa chaꞌxjeⁿ na macaⁿnaꞌ na calꞌaa jaa
nnꞌaⁿ na cwilayuꞌya nꞌo̱o̱ⁿya ñꞌeⁿ Tyꞌo̱o̱tsꞌom. Ndoꞌ cateiꞌjndeiꞌyoꞌ
jom ñequio meiⁿnquia nnom na macaⁿnaꞌ. Ee jom jndye
nnꞌaⁿ jnda̱ ñeteijneiⁿ, ndoꞌ mati ja.
\p
\v 3 Quiaꞌyoꞌ na xmaⁿñe Priscila ñꞌeⁿ tiꞌAquila. Joona
cwilaꞌjomndyena tsꞌiaaⁿ ꞌnaaⁿꞌ Cristo Jesús ñꞌeⁿndyo̱.
\v 4 Ee seiteincuuꞌñenaꞌ cantyja na mꞌaⁿna, cweꞌ cha
caluiꞌnꞌmaaⁿndyo̱ ja. Joꞌ chii chaꞌtso ntmaaⁿꞌ nnꞌaⁿ
na macwjiꞌ Tyꞌo̱o̱tsꞌom cwentaaⁿꞌaⁿ na nchii judíos cwiñequia
na quianlꞌuaaꞌ Tyꞌo̱o̱tsꞌom cantyja ꞌnaaⁿna, ndoꞌ mati
ja.
\v 5 Mati quiaꞌyoꞌ na xmaⁿndye tmaaⁿꞌ nnꞌaⁿ na macwjiꞌ
Tyꞌo̱o̱tsꞌom cwentaaⁿꞌaⁿ na cwitjomndye wꞌaana. Xmaⁿñe
Epeneto, tsaⁿ na jeeⁿ jnda ntyjiiya. Jom tsꞌaⁿ najndyee
na seiyuꞌ ñꞌeⁿ Cristo ndyuaa Acaya.
\v 6 Canduꞌyoꞌ xmaⁿñe María. Jom jeeⁿ jndye tsꞌiaaⁿ
na sꞌaaⁿ quiiꞌntaaⁿꞌyoꞌ.
\v 7 Canduꞌyoꞌ na xmaⁿndye nnꞌaⁿ na ñecwii tsjaaⁿ ñꞌeⁿndyo̱
juu Andrónico ñꞌeⁿ Junias. Maljoyu ñetꞌo̱o̱ⁿya wꞌaancjo
ñꞌeⁿndyena. Jnda nquiu apóstoles joona. Joona tyuaaꞌti
jlaꞌyuꞌna ñꞌeⁿ Cristo, nchiiti ja.
\p
\v 8 Canduꞌyoꞌ nnom tiꞌxꞌiaya Amplias xmaⁿñê. Ee na
jnda ntyjeeⁿ Ta Jesús, mati na jeeⁿ wiꞌ tsꞌo̱o̱ⁿya jom.
\v 9 Ndoꞌ xmaⁿñe Urbano. Jom matseijomñê tsꞌiaaⁿ ꞌnaaⁿꞌ
Cristo ñꞌeⁿndyo̱. Ndoꞌ mati xmaⁿñe Estaquis, jom jeeⁿ
wiꞌ tsꞌo̱o̱ⁿya.
\v 10 Canduꞌyoꞌ na xmaⁿñe Apeles. Cantyja na machꞌeeⁿ
jnda̱ teitquiooꞌ na matseiyuꞌya tsꞌoom ñꞌeⁿ Cristo. Ndoꞌ
mati xmaⁿndye nnꞌaaⁿꞌ Aristóbulo.
\v 11 Xmaⁿñe Herodión tsaⁿ na mañeꞌcwii tsjaaⁿ jâ ñꞌeⁿñe.
Ndoꞌ xmaⁿndye nnꞌaaⁿꞌ Narciso na mꞌaⁿna cantyja ꞌnaaⁿꞌ
Jesucristo.
\v 12 Xmaⁿñe nomnnꞌaaⁿya Trifena ñꞌeⁿ Trifosa na cwilꞌana
tsꞌiaaⁿ ꞌnaaⁿꞌ Ta Jesucristo. Ndoꞌ xmaⁿñe nomnnꞌaⁿya
Pérsida, jom jeeⁿ jnda ntyjiiya. Jeeⁿ maqueⁿñê na machꞌeeⁿ
tsꞌiaaⁿ ꞌnaaⁿꞌ Ta Jesús.
\v 13 Xmaⁿñe Rufo. Jom jeeⁿ tꞌmaⁿ matseixmaaⁿ cantyja
ꞌnaaⁿꞌ Ta Jesucristo. Ndoꞌ mati xmaⁿñe tsoñeeⁿ. Juu
jnda ntyjiiya chaꞌcwijom ntyjii na tsondyo̱ nnco̱.
\v 14 Mati calꞌaꞌyoꞌ cwii nayaꞌñeeⁿ na canduꞌyoꞌ na
xmaⁿñe Asíncrito, Flegonte, Hermas, Patrobas, Hermes ñequio
nnꞌaⁿ na cwilaꞌyuꞌ na mꞌaⁿ ñꞌeⁿndyena.
\v 15 Canduꞌyoꞌ na xmaⁿñe Filólogo, Julia, Nereo, ñequio
nomtyjeeⁿ, ñequio Olimpas, ñequio chaꞌtso nnꞌaⁿ na macwjiꞌ
Tyꞌo̱o̱tsꞌom cwentaaⁿꞌaⁿ na mꞌaⁿ ñꞌeⁿndyena.
\p
\v 16 Quiaꞌyoꞌ na xmaⁿndyoꞌ ntyjeeꞌyoꞌ ñequio na xcweeꞌ
nꞌomꞌyoꞌ na cwitaⁿꞌyoꞌ lueeꞌyoꞌ. Ticwii tmaaⁿꞌ nnꞌaⁿ
na macwjiꞌ Tyꞌo̱o̱tsꞌom cwentaaⁿꞌaⁿ ñꞌeⁿ Cristo ndyuaameiiⁿ
cwilaꞌcwanomna na xmaⁿndyoꞌ.
\p
\v 17 ꞌO nnꞌaⁿya na cwilaꞌyuꞌyoꞌ, matsꞌaa tyꞌoo nda̱a̱ꞌyoꞌ
na queⁿndyoꞌ cwenta cantyja ꞌnaaⁿ joo nnꞌaⁿ na cwilꞌa
na cwito̱ⁿꞌndye nnꞌaⁿ tmaaⁿꞌ ꞌo, na cwilꞌana na cwilaꞌtjo̱o̱ndye
ncꞌiaaꞌyoꞌ jo nnom Tyꞌo̱o̱tsꞌom. Ee ñꞌoom na cwitꞌmo̱o̱ⁿ
naⁿꞌñeeⁿ tixcwe mꞌaⁿnaꞌ ñꞌeⁿ ñꞌoom na jnda̱ tꞌmo̱o̱ⁿyâ
nda̱a̱ꞌyoꞌ. Catjeiꞌndyoꞌ cantyja ꞌnaaⁿ naⁿꞌñeeⁿ,
\v 18 ee ticalaꞌxmaⁿna nnꞌaⁿ na cwindyeꞌntjom nnom
nquii Ta Jesucristo. Naⁿꞌñeeⁿ ticatueeꞌndyecjena cantyja
ꞌnaaⁿꞌaⁿ. Macanda̱ na cwijndooꞌna ljoꞌ na macaⁿnaꞌ nquieena.
Cwilaꞌneiⁿna ñꞌoom caꞌnaaⁿꞌ na jeeⁿ neiⁿncooꞌ joonaꞌ,
sa̱a̱ joo ñꞌoomꞌñeeⁿ cwinquioꞌnnꞌaⁿnaꞌ joo nnꞌaⁿ na ticueeꞌ
na cwilaꞌno̱ⁿꞌ.
\v 19 Sa̱a̱ jnda̱ tꞌom ñꞌoom cantyja ꞌnaⁿꞌyoꞌ na ꞌo cwitueꞌndyoꞌcjeꞌyoꞌ
nnom ñꞌoom na xcwe. Joꞌ na mañequiaanaꞌ na jeeⁿ neiⁿya.
Ndoꞌ lꞌue tsꞌo̱o̱ⁿ na cꞌomꞌcꞌeendyoꞌ na nlꞌaꞌyoꞌ ljoꞌ
na majoꞌndyoꞌ, nchii nlꞌaꞌyoꞌyoꞌ yuu na tisꞌa.
\v 20 Nquii Tyꞌo̱o̱tsꞌom na mañequiaaⁿ na meiⁿcwii ñomtiuu
ticꞌo̱o̱ⁿya jo nnoom, mawaa xjeⁿ na nntsꞌaaⁿ na nntseicachquiaañenaꞌ
Satanás nacjeeꞌ ncꞌeeꞌyoꞌ. Juu naya na tseixmaⁿ Jesucristo,
cꞌomnaꞌ ñꞌeⁿndyoꞌ.
\p
\v 21 Timoteo na ñꞌeⁿ cwilꞌaayâ tsꞌiaaⁿ ꞌnaaⁿꞌ Tyꞌo̱o̱tsꞌom,
matseicwanoom na xmaⁿndyoꞌ. Mati Lucio, Jasón, ndoꞌ Sosípater,
nnꞌaⁿ na mañecwii tsjaaⁿ ja ñꞌeⁿndye cwilacwanomna na
xmaⁿndyoꞌ.
\p
\v 22 Maja Tercio matseicwano̱ⁿ na xmaⁿndyoꞌ ñequio
xueeꞌ Ta Jesús. Cartawaañe matseiljeiya na matseicwanom
Pablo na mꞌaⁿꞌyoꞌ.
\p
\v 23 Matseicwanom Gayo na xmaⁿndyoꞌ. Ja Pablo mꞌaaⁿya
waⁿꞌaⁿ na mateixꞌeeⁿ ja. Ndoꞌ mañjaaⁿ cwitjomndye nnꞌaⁿ
na cwilaꞌyuꞌ. Ndoꞌ mati Erasto matseicwanoom na xmaⁿndyoꞌ.
Jom tsaⁿcoñom sꞌom tsjoomwaa. Mati juu nnꞌaⁿya Cuarto
matseicwanoom na xmaⁿndyoꞌ.
\p
\v 24 Tyꞌo̱o̱tsꞌom quiaaⁿ na cꞌoom naya na matseixmaⁿ
Ta Jesucristo ñꞌeⁿ chaꞌtsondyoꞌ ꞌo. Amén.
\s Pablo malcwiiꞌnnaaⁿꞌaⁿ Tyꞌo̱o̱tsꞌom
\p
\v 25 Ndoꞌ jeꞌ, cwilaꞌtꞌmaaⁿꞌndyo̱ Tyꞌo̱o̱tsꞌom. Jom waa
najneiⁿ na nntsꞌaaⁿ na nncꞌomꞌjnda̱ꞌtiꞌyoꞌ cantyja ꞌnaaⁿꞌ
ñꞌoom naya na mañequiaya na cwiluiꞌnꞌmaaⁿndye nnꞌaⁿ
ndoꞌ ncꞌe ñꞌoom na maꞌmo̱o̱ⁿya cantyja ꞌnaaⁿꞌ Jesucristo.
Ndoꞌ na luaaꞌ waa, matseijomnaꞌ ñequio juu na cweꞌ wantyꞌiuuꞌ
tyomꞌaaⁿnaꞌ xjeⁿ cwitjo̱o̱cheⁿ na ncuaa tsjoomnancue.
\v 26 Sa̱a̱ jeꞌ jeꞌ cwiwitquiooꞌ xcweyanaꞌ nda̱a̱ nnꞌaⁿ
ee ñꞌoomꞌ Tyꞌo̱o̱tsꞌom na teiljeii na tyolaꞌneiⁿ profetas
na tyondyeꞌntjom nnoom, cantyjati xjeⁿ na tyotsa̱ꞌntjom
Nqueⁿ na ticantycwii na mꞌaaⁿ. Juu ñꞌoom waantyꞌiuuꞌñeeⁿ
jnda̱ seicano̱o̱ⁿ cha nnꞌaⁿ meiⁿnquia ndyuaa nnda̱a̱ nlaꞌyuꞌna
ndoꞌ nlaꞌcanda̱na jo nnoom.
\p
\v 27 Nnom nquii Tyꞌo̱o̱tsꞌom na ñecwiiñê, na tjacantyja
na jndo̱ꞌ tsꞌoom, ñecwiitco caluiitꞌmaⁿñê ncꞌe Jesucristo.
Amén.