\id ACT
\h أعمال الرّسل
\toc1 أعمال الرّسل
\toc2 أعمال
\toc3 أعمال
\mt1 أعمال الرّسل
\c 1
\p
\v 1 شف كتاِبي الاَوَّلْ، يا ثاوفيلوُسْ، كَتَبْتُ عَلى كلْ شي لَ سَوى سَيّدْنا يَسوُع وْعَلَّم م البدايِة
\v 2 دي لَ يَومْ لَ ارْتَفَعْ للسَّما، منْ بَعدْ لَ وَصّى الرّسلْ لَ اخْتار بْروُح القدسْ.
\v 3 هَوكْ لَ وَرّاهن زاِ نَفْسو طَيّبْ، بَعدْ لَ تْعَذَّب، بْعَلامات كْثيرْ مدّة أَرْبْعينْ يَومْ، كانْ يظْهَرلن وْيحْكي عَلى مَلَكوت اَلله.
\v 4 وْوَقْتْ لَ اكَلْ مَعن غْبَيزْ، وَصّاهنْ لا يفاِرقون القدسْ، بَلىِ يبْقَون ينْطرونْ ”وَعَد الآبْ هاكْ لَ سمعْتنْ منّي أَقولْ:
\v 5 يوحَنّا عَمَّذ بالمَي، بَسّ أنْتنْ تَ تتْعَمَّذون بْروُح القدسْ موُ بَعد اِيّاِم كْثيرْ.“
\s صعود يَسوُعْ للسَّما
\p
\v 6 وْهنّاِ وَقْتْ لَ كانوا مجْتمْعينْ مَعو، سَأَلوهُ قالولو: ”يا رَبْ، هَالوَقْتْ تَ تْرَجّع الملْكْ لاسْرائيلْ؟“
\v 7 قالْلنْ: ”موُ شغلْكنْ واِ تَ تعْرفون الوَقْتْ والزَّماناتْ لَ حَطّن الآبْ ف سَلطتو.
\v 8 بَلىِ وَقْتْ لَ يجي روُح القدسْ عَلَيكنْ، تَ تْنالونْ قوِّة، وْتَ تْسيِرولي شْهودْ ف القدْسْ والياهوديِّة كلّا والسّامْرَة، وْدي لآِخر الاَرْضْ.“
\v 9 وْوَقْتْ لَ قالْ هَالكَلام ارْتَفَع وْهنّاِ يرَوهُ وَاخَذْتو غَيمِة وانْخَفى منْ قدّامْ عَينَيينْ.
\v 10 وْوَقْتْ لَ كان يطَلْعونْ ف السَّما وْهوّاِ طاِلع، انْوَجَدْ رجّالَينْ قايمينْ عنْدنْ فَ حَويسْ بيضْ،
\v 11 وْقالولنْ: ”يا رْجاِلْ يا جَليليِّة! أَيشْ قايمين تْطَلعونْ ف السَّما؟ يَسوُعْ هاذْ لَ ارْتَفَع منْ عنْدْكنْ للسَّما، كذاِ تَ يرْجَعْ يجي كَما لَ ارَيتنو طَلَعْ للسَّما.“
\s تَلْميذْ لَ اخْتاروا مْبَدال ياهوذا
\p
\v 12 وْبَعْدا رجْعوا للقدْسْ منْ جَبَلْ لَ يقولولو: ”بَيتْ زَيتيِ“ لَوّاِ مَعْ جَنْب القدْسْ، يبْعَدْ منّا شي نصْ ميلْ.
\v 13 وْبَعدْ لَ دَخَلوا البَلَدْ طَلَعوا للعلّيِّة لَ كانوا فِيا، بطْرس وْيوحَنّا وْيَعْقوب وَانْدَراوُسْ وْفيلبُّس وْتوما وْمَتّى وْبَرْتلْماوُسْ وْيَعْقوب ابنْ حَلْفى وْسَمْعان الغَيّور وْياهوذا ابنْ يَعْقوبْ.
\v 14 هَوذْ كلّنْ مَعْ بَعْضنْ دايمْ كان يصَلَّون بْقَلْبْ واِحدْ مَع النّسْوان وْمَعْ مَرْيَمْ أم يَسوُعْ واخوتو.
\p
\v 15 وْفَوك الاِيّاِم قامْ شَمْعونْ بطْرسْ ف وسْط التَّلاميذ، وْكانْ في هَونَكْ لَمّةْ ناِسْ حوالي ميِّة وْعشْرين، وْقالْ:
\v 16 ”يا رْجاِل يا اخوتي، كانْ لازم يتمّ المَكْتوبْ، شي لَ قالْ روُح القدسْ عَلى لْساِن داهودْ، عَلى ياهوذا لَ صارْ دَليلْ لَوكْ لَ مسْكوا يَسوُعْ.
\v 17 منْ لَ مَعْدودْ مَعْنا كان وْكانْ لهُ نَصيبْ فَ هَالخدْمِة،
\v 18 هاذْ واِ لَ قَنالو حَقلْ منْ أَجْر الخَطيِّة، وْوَقَعْ عَلى وچّو عَ الاَرْضْ وانْطَقْ م النّصْ وانْكَبّتْ مَصارينو كلّا.
\v 19 وْهاي انْعَرَفتْ منْ كلْ ناِس القدْس، وْمنْ هاي تْسَمّى هَالحَقلْ بلْساِنْ هَالدّيرة ’حَقل دَما‘ يعْنيِ حَقل الدَّمْ.
\v 20 منْ لَ مَكْتوبْ ف سفر المَزاميرْ: ’بَيتو ينْسطم، وْموُ يبْقى فِيو اَحَّدْ.‘ وْ’خدْمتو خَلّي ياخذا غَيرو.‘
\v 21 بَقى لازمْ واِحدْ منْ هَوذ الّرْجاِل لَ كانوا مَعْنا هَالزَّمانْ كلّو لَ دَخَل وْطَلَعْ فِيو عَلَينا سَيّدْنا يَسوُعْ،
\v 22 لَ بَدا منْ مَعْموذيّةْ يوحَنّا دي لَ يَومْ لَ ارْتَفَع منْ عنّا، يكونْ مَعْنا شاِهدْ عَلى قْياِمتو.“
\v 23 الاخْوِة عَيَّنوا اثْنَينْ: يوسفْ بارشابو، لَ يقولولو: بْيوستس، وْماتِياسْ.
\v 24 وْوَقْتْ لَ صَلّوا قالوا: ”يا رَبْ! أنْتَ تعْرف شي لَ ف قْلوب الكلْ. وَرّينا واِحدْ أَينا لَ تخْتارْ منْ هَالاثْنَينْ،
\v 25 تَ ياخذْ نَصيب الخدْمِة والرَّسوليِّة لَ خَلّاها ياهوذا بْشان يروُحْ لَموُضَعو.“
\v 26 وْكَبّوا قرْعَة وْطَلَعتْ لَماتِياسْ، وانْعَدْ مَع الاحْداعْشْ رَسولْ.
\c 2
\s حلول روُح القدس
\p
\v 1 وَقْتْ لَ تَمّت الخَمْسينْ يَومْ بَعد الفصْح، وْهنّاِ كلّنْ مجْتمْعينْ مَعْ بَعْضنْ،
\v 2 عَلى غَفْلِة صارْ م السَّما صَوتْ كَما زَوبَعَة قَويِّة، وْعَبّا كلّ البَيتْ لَ كانوا قاِعْدينْ فِيو.
\v 3 وْظَهَرْلنْ لْساِناتْ كَما النّارْ تتْفَرَّقْ وَقَّفتْ عَلى واِحدْ واِحدْ منّنْ.
\v 4 وانْتَلوا كلّنْ منْ روُح القدس، وْبَقى يحْكَونْ بلْساِنات كْثيرْ، كَما لَ كانْ يعْطِين الرّوُحْ تَ يحْكَونْ.
\v 5 وْكانْ في رْجاِلْ ساِكنينْ ف القدْسْ، خايفينْ من اَلله، [ياهودْ] منْ كلّ الامَمْ لَ تَحْت السَّما.
\v 6 وَقْتْ لَ صارْ هاك الصَّوت، الْتَمْ كلّ الشَّعْب وْوَقَعوا ف حيرِة، منْ لَ كلْ واِحدْ منّنْ كانْ يسْمَعنْ يحْكَونْ بلْساِنو.
\v 7 كلّنْ مْحَيَّرينْ مْعَجَّبينْ كانوا، وْهنّاِ يقولونْ واِحدْ للاخْ: ”موُ كْوا جَليليِّة ناِ؟
\v 8 أشْوَنْ بَقى نحْناِ، كلْ واِحدْ منّا يسْمَعنْ بلْساِنو لَ ولدْ فِيو؟
\v 9 لَوّاِ منّا منْ بَرْثيا يا مادْيا يا عيلامْ يا منْ سكّانْ بَين النَّهرَينْ والياهوديِّة وْكَبَدوُكيا وْبنْطس وْآسيّا
\v 10 وْمنْ ديرة فْروجِيّا وْبَمْفيليا وْمصر وْنَواحي ليبيا الّقرَيبِة م القَيرَوانْ، يا الجّاِيين منْ روُما،
\v 11 ياهود وْناِسْ صاروا ياهودْ، ناِسْ من كْريت وْعَرَب، كْوا نسْمَعنْ يحْكَونْ بلْساِناتْنا عَلى عَجايبْ اَلله.“
\v 12 ومْعَجَّبين مَبْهوتينْ كانوا كلّن، يقولونْ واِحدْ لَواِحدْ: ”أَيشْ واِ هاذْ؟“
\v 13 وْغَيرنْ كانْ يتْمَهزَونْ فِينْ ويقولونْ: ”خَمرْ كشّربوا وْسكْروا.“
\s وَعظة بطْرسْ
\p
\v 14 وْبَعْدا قامْ شَمْعونْ بطْرسْ مَع احْداعش الرّسل، وْرَفَعْ صَوتو وْقالْلنْ: ”يا رْجاِلْ يا ياهود وْيا كلْ سكّان القدْسْ، خَلّي هاي تْكونْ مَعْروفِة عنْدْكنْ، واسْتمْعوا لَكَلامي:
\v 15 موُ كَما لَ تفْتكْرونْ سَكارىِ ناِ هَوذْ، منْ لَ بَعدْ ساعَة ثاثِة (تسْعَة الصّبْحْ) ياِ.
\v 16 بَلىِ هاي شي لَ انْقالْ بْنَبي يوئيِلْ ياِ:
\v 17 ’تَ يسيِرْ ف آِخر الاِيّاِم يقول اللهْ: تَ اصبْ روُحي عَلى كلْ بَشَر، وْتَ يتْنَبَّون اولادْكن وْبَناتْكن، شَبابْكنْ مَناظرْ إلهيِّة تَ يرَونْ، وخْتِيّاريّتْكنْ مَناماتْ إلهيِّة تَ يرَونْ.
\v 18 عَلى عَبيدي وْعَلى عَبْداتي تَ اصبْ روُحي فَوك الاِيّاِم، وْتَ يتْنَبَّونْ.
\v 19 تَ اعْطي عَلاماتْ ف السَّما، وْتَ اوَرّي عَجايبْ عَظيمِة عَ الاَرْضْ، دَم وْنار وْريحةْ دخّانْ.
\v 20 الشَّمْسْ تنْقلبْ لَ عتْمِة قتْمِة والقَمَرْ لَدَمْ، قَبلْ لَ يجي يَوم الرَّب العَظيم المهيبْ.
\v 21 وْتَ يكونْ أَينا لَ يدْعي اسْم الرَّبْ، يخْلَصْ.‘
\v 22 يا رْجاِل يا اولاد اسْرائيلْ! اسْمَعوا هَالكَلامْ: يَسوُع النّاصري رجّالْ من اَلله ظَهَرْ عنْدْكن بْقوّات وْعَلاماتْ إلهيِّة واعْمالْ جبّارَة سَواها أَلله بَيناتْكنْ بيدو، كَما لَ انْتنْ تعْرفونْ.
\v 23 هاذْ لَ كان مْعَيَّنْ لَهاي بْعلْم اَلله منْ قَبلْ لَ تْسيِرْ وبْإرادتو، سَلَّمْتنو ف ايدَين الكفّار، وْصَلَبْتنو وْقَتَلْتنو.
\v 24 بَسّ اَلله قَيَّمو وْبَطَّل اوْجاع الهاويِة، منْ لَ موُ ممْكنْ كانْ ينْمسكْ ف الهاويِة.
\v 25 منْ لَ داهودْ قالْ عَلَيو: ’كانْ أَرى رَبّي مَعي ف كلْ وَقْتْ. عَلى يَميني واِ بْشانْ لا أَنْهَزْ.
\v 26 منْ هاي تْهَنّا قَلْبي وْهَلْهَلْ تَسْبيحْي للرَّب، وْجَسَدي زاِ تَ يسْكنْ عَ الرَّجا.
\v 27 منْ لَ موُ تْخَلّي نَفْسي ف الهاويِة، وْموُ تسْمَحْ تَ يّرى طاهركْ فَسادْ.
\v 28 كَشَفْتْ لي طَريِق الحَياةْ، شَبَّعْتْني هَنا مَعْ رويةْ وچّكْ.‘
\v 29 يا رْجاِلْ يا اخْوان! اسْمَحوا لي أَقول بْصَراحَة قدّامْكنْ عَلى رَيّس الاَبَّهاتْ داهودْ: ماتْ وانْدَفَن، وْقَبْرو عنّا واِ دي لَليَومْ.
\v 30 منْ لَ نَبي كان، وْكانْ يعْرفْ حلْفاناتْ حَلَفْلو اَلله: منْ ثَمَرْ بَطْنكْ تَ اقَعّدْ عَلى عَرْشكْ.
\v 31 وْمنْ قَبلْ أَرى وْحَكى عَلى قْياِمة المَسيحْ، لَ ’ما انْعافْ ف الهاويِة وْلا جَسَدو أَرى فَسادْ.‘
\v 32 لَيَسوُعْ هاذ اَلله قَيَّم، وْنحْناِ كلّتْنا شْهودو.
\v 33 وْهوّاِ واِ لَ بْيَمين اَلله انْرَفَعْ وَاخَذْ م الآب الوَعْدْ عَلى روُح القدس، وْصَبْ هَالعَطيِّة هاي لَ قايمينْ ترَون وْتسْمَعونْ.
\v 34 موُ داهودْ صعدْ للسَّما، منْ لَ هوّاِ نَفْسو قالْ: ’قال الرَّبْ لَرَبّي: ”اقْعَدْ عَلى يَميني
\v 35 دي لَمنْ أَحط عدْوانكْ دَوسِة لاجْرَيكْ.“‘
\v 36 بَقى خَلّي كلْ بَني اسْرائيلْ يعْرفونْ حَقّ اليَقينْ: رَبّ وْمَسيحْ سَوى اَلله يَسوُعْ هاذْ لَ انْتنْ صَلَبْتنو.“
\v 37 وَقْتْ لَ سمْعوا هَوك الحاضْرينْ هَالكَلامْ هذا، قَلْبنْ بَقى ينْخَزنْ، قاموا قالوا لبطْرس وْلكلّ الرّسلْ: ”يا اخْوانْ، أَيش نْسَي؟“
\v 38 شَمْعونْ قالْلنْ: ”توبوا وتْعَمَّذوا كلْ واِحدْ منْكنْ باسْم الرَّبْ يَسوُع {المَسيحْ،} بْشان تنْغفر الخَطيّاتْ، وتْنالونْ مَوهبة روُح القدسْ.
\v 39 منْ لَ لكنْ واِ الوَعْد وْلاولادْكن، وْلكلّ الّبْعادْ، هَوذْ لَ {رَبْنا} اَلله يدْعيينْ.“
\v 40 وبْكَلام كْثيرْ غَيرْ هاذْ كانْ يشْهَدْلنْ بطْرس وْيطْلبْ منّنْ ويقول: ”اخْلَصوا منْ هَالجّيل الاَعْوَجْ.“
\v 41 ناِسْ منّن بْغيِريِّة قبْلوا كَلامو وْآمَنوا وتْعَمَّذوا، وْزادوا هاك اليَومْ حَوالي ثَةّ اَلافْ نَفْسْ.
\v 42 ودايمْ كانْ يسْمَعونْ ويسَون بْتَعْليم الرّسل. وْكانْ يشْترْكونْ ف الصَّلاة وْكَسْر {غْبَيز} الشّكرْ.
\s عيشة المومنين
\p
\v 43 وْوَقَعْ خَوفْ عَلى كلْ نَفس وْعَلامات اِلهيِّة وكْثيرْ عَجايب گْبيرِة كان يسيِرْ عَلى ايدَين الرّسلْ ف القدْسْ.
\v 44 وْكلْ هَوذْ لَ آمَنوا واِحدْ كانوا، وْكلْ شي لَ كانْ لهنْ شَراكِة للْكلْ كانْ.
\v 45 وْلَ كانْ عنْدن ملْكْ كان يبيِعوهُ ويفَرْقونْ عَلى كلْ واِحدْ منّنْ عَلى قَدْ لَ يعوزو.
\v 46 وْكانْ كلْ يَومْ يلْتَقَونْ ف الهَيكَل بْقَلْبْ واِحد، وْف البَيتْ يكْسرون الّغْبَيز وْياكْلون بْهَنا وْبَساطةْ قَلْبْ،
\v 47 وْكان يسَبْحونْ لله، وْهنّاِ مَحْبوبينْ منْ كلّ الشَّعْب، وْرَبْنا كان يزيدْ كلْ يَومْ هَوذْ لَ يخْلَصونْ للبيعَة.
\c 3
\s شفا أَعْرَجْ
\p
\v 1 شَمْعونْ بطْرس وْيوحَنّا، وْهنّاِ طالْعينْ، مَع بَعْضنْ للهَيكَل لَصَلاةْ ساعَة تسْعَة،
\v 2 والّا زَلَمِة أَعْرَجْ منْ بَطنْ أمّو يحْملوهُ ناِسْ كانْ ك تْعَوَّدوا يجبوهُ ويحطّوهُ فَ باب الهَيكَلْ لَ يقولولو: ”باب الحلو“، بْشانْ يطْلبْ سَدَقَة منْ هَوكْ لَ يدْخلونْ للهَيكَلْ.
\v 3 هاذْ وَقْتْ لَ ارى شَمْعون وْيوحَنّا داِخْلينْ للهَيكَلْ، طَلَب منّنْ تَ يعْطَوهُ سَدَقَة.
\v 4 وْطَلَّعوا فِيو شَمْعون وْيوحَنّا وْقالولو: ”طَلّعْ فينا!“
\v 5 هوّاِ زاِ طَلَّعْ فِين ينْطرْ تَ ياخذْ منّنْ شي.
\v 6 شَمْعونْ قالْلو: ”ذَهَب وْفضَّة ما عنْدي بَلىِ شي لَعنْدي تَ اعْطيكْ: باسمْ يَسوُع المَسيح النّاصري قوم امْشي.“
\v 7 وْمسْكو ف ايدو اليَمين وْقَيَّمو وْراساً تْثَبَّتوا اجْرَيو وكْعابو.
\v 8 وْنَط قام وْمشي، وْدَخَلْ مَعنْ للهَيكَلْ يمْشي وينطْ ويسَبّح لله.
\v 9 وَارَوهُ كلّ الشَّعْبْ يمْشي ويسَبّحْ لله.
\v 10 وْعَرَفوا هوّاِ واِ الّمْگَدّي لَ كانْ يقْعَدْ كلْ يَوم وْيطْلبْ سَدَقَة عنْدْ بابْ لَ يقولولو ”الحلو“، وانْبَهَتوا وَاروا العَجَبْ عَلى شي لَ صارْ.
\s وَعظةْ بطْرسْ ف الهَيكَلْ
\p
\v 11 وْهوّاِ ماِسكْ شَمْعون وْيوحَنّا، الشَّعْبْ كلّو، وْهوّاِ مَبْهوتْ عدي لَعنْدنْ للمَمْشى المَسْقوفْ لَ يقولولو: مَمْشى سْليِمانْ.
\v 12 وَقْتْ لَ ارى شَمْعونْ، رَدّ وْقالْلنْ: ”يا رْجاِل يا بَني اسْرائيلْ، أَيشْ كذاِ مْعَجَّبين انْتنْ فاذ وْلَيش تْطَلْعونْ فينا كَما لَ يكون بْحَيلْنا يا بْسلْطتْنا سَوَينا هاي لَ يمْشي هاذْ؟
\v 13 إله ابْراهيمْ واسْحاق وْيَعْقوب، إلهْ أَبَّهاتْنا، هوّاِ مَجَّد ابْنو يَسوُعْ، هاكْ لَ سَلَّمْتنو وْكَفَرْتنْ فِيو قدّامْ بيلاطُسْ وَقْتْ لَ حَكَمْ بالحَقْ تَ يفَلّتو.
\v 14 بَسّ انْتن القَدّوس البارْ كَفَرْتنْ فِيو، وْطَلَبْتنْ تَ يفَلّت لْكنْ زَلَمِة قاتلْ.
\v 15 وْرَيّس الحَياةْ قَتَلتنو، لَ قَيَّمو اَلله منْ بَين المَيتين، وْنحْناِ كلّتْنا شْهودو.
\v 16 وبْإيمان اسْمو ثَبَّت وْشَفى اسْمو هَالزَّلَمِة لَ ترَون وْتعْرفونْ. والايمانْ فِيو عَطاهُ هَالصّحَّة قدّامْكنْ كلّتْكنْ.
\v 17 بَسّ السَّعْ أَعْرفْ بَلا فهمْ سَوَيتنْ هاي كَما لَ سَوى رُوَساكنْ.
\v 18 وْكَما لَ بَيَّن اَلله منْ قَبلْ بلْساِن كلّ الاَنْبِيا تَ يتْعَذَّب مَسيحو، كذاِ صارْ.
\v 19 توبوا بَقى وارْجَعوا بْشانْ ينْمَحَونْ خَطيّاتْكن، وْتجيكن اوقات الرّاحَة منْ قدّامْ وچّ الرَّبْ،
\v 20 وْيبْعَث لْكنْ يَسوُع المَسيحْ، هاذْ لَ كان مْعَيَّنْ لكنْ،
\v 21 هاذْ لَ لازمْ تسْتَقْبلو السَّماواتْ دي لَمَن تْتم كلّ الاوقاتْ لَ قال اَلله عَلَيا بلْساِنْ نَبايتو القَدّيسينْ منْ قَديم الزَّمانْ،
\v 22 منْ لَ موسى قالْ: ’نَبي تَ يقَيّم لْكن الرَّبْ منْ اخوتْكنْ كَماي، لهُ اسْمَعوا ف كلْ شي لَ يحْكي مَعْكنْ.
\v 23 وْكلْ نَفْسْ موُ تسْمَعْ لاك النَّبي، هاك النَّفْسْ تَ تتْتَوبَلْ منْ شَعْبا.‘
\p
\v 24 ”والاَنْبِيا كلّن، منْ صَموئيل وْهَوكْ لَ بَعْدو، حَكَوا وْكَرَزوا عَلى هَوك الاِيّاِمْ.
\v 25 وانْتنْ ناِ اولاد الاَنْبِيا وْعَهْدْ لَ أَسَّس اَلله لأَبَّهاتْنا وَقْتْ لَ قالْ لابْراهيم: ’بْنَسْلكْ تَ يتْباِرَكونْ كلْ قَبايل الاَرْضْ.‘
\v 26 لكنْ م القَديمْ قَيَّم وْبَعَث اَلله ابْنو، وْهو يباِركْكنْ لَ رجعْتن وْتبْتنْ من شْرورْكنْ.“
\c 4
\p
\v 1 وْهنّاِ يحْكَونْ هَالكَلامْ للشَّعْبْ، قاموا عَلَين الكَهَنَة والصَّدّوقِيِّة وْقوّادْ حرّاس الهَيكَلْ.
\v 2 كانْ كلْغضْبوا عَلَينْ، منْ لَ يعَلْمون الشَّعْب وْيكْرزونْ عَ الّقْياِمِة منْ بَين المَيتينْ بالمَسيحْ.
\v 3 وْمسْكوون وْحَبَسوونْ لَ ثاِني نْهار، منْ لَ كانْ كلْقَرَّبت تْمَسّي.
\v 4 وكْثيرْ منْ هَوكْ لَ سمْعوا الكلْمِة آمَنوا، وْعَدَدن كانْ حَوالي خَمْسْة اَلافْ رجّالْ.
\p
\v 5 وْثاِني نْهار، اجْتَمَعوا الزّعَما والّشْيوُخَة ومْعَلْمين النّاموسْ
\v 6 وْحَانانْ رَيّس الكَهَنَة وْقَيافا وْيوحَنّا واسْكَندَر وْهَوكْ لَ كانوا منْ قَبيلة گْباريّة الكَهَنَة.
\v 7 وْلَمَنْ قَيَّموون ف النّصْ، سَأَلوون: ”بْأَينا قوِّة وبْأينا إسْم سَوَيتنْ هاي؟“
\v 8 هاك الوَقْتْ شَمْعونْ بطْرس انْتَلى منْ روُح القدس وْقالْلنْ: ”يا گْباريّة الشَّعْب، وْيا شْيوُخة بَني اسْرائيل! اسْمَعوا!
\v 9 لَ نحْناِ اليَومْ نتْحاكَم منْكنْ عَلى مَليِحيِّة صارتْ لانْسانْ مَريِضْ تسْأَلونا فَ أَيش انْشَفى،
\v 10 خَلّي هاي تْكونْ ف علمْكن وْعلْمْ كلْ شَعْب اسْرائيلْ: باسمْ يَسوُع المَسيح النّاصري، هاكْ لَ انْتنْ صَلَبتنو، هاكْ لَ قَيَّمو اَلله منْ بَين المَيتينْ، بْهاك نَفْسو كْوا قايمْ هاذْ قدّامْكن مْعافى.
\v 11 هاذْ واِ ’كاف الحَجَرْ لَ احْتَقَرتن انْتن المَعْمارْچيِّة، هوّاِ صارْ لَراس القرْنِيِّة.‘
\v 12 وْما في بْأَحَّدْ غَيرو خَلاصْ، منْ لَ ما في اسمْ غَيرو تَحْت السَّما انْعَطى للبَشَرْ فِيو لازم يكون الخَلاصْ لكنْ.“
\p
\v 13 وَقْتْ لَ سمْعوا كلْمةْ شَمْعون وْيوحَنّا لَ قالوا قدّام العَينْ، فهْموا موُ متْعَلْمينْ ناِ وْبسَطا ناِ، وتْعَجَّبوا فِين، وْعَرَفوا مَعْ يَسوُعْ كان يروُحونْ ويجَونْ.
\v 14 وْكان يرَونْ هاكْ أَعْرَجْ لَ انْشَفى قايمْ مَعن، وْما كان يتيِقون يقولونْ شي عَلَينْ.
\v 15 هاك الوَقْتْ أَمروا تَ يطاِلعوونْ م المَجْلس، وْكان يقولونْ واِحدْ للاخْ:
\v 16 أَيش نْسَي لَهَالّرْجاِلْ هَوذْ؟ هاي عَلامِة مْبَيَّنِة صارتْ عَلى ايدنْ، وانْعَرَفتْ منْ كلْ سكّان القدس وْموُ نْتيِقْ ننْكرْ.
\v 17 بَلىِ بْشانْ لا أكْثَرْ يطْلَعْ هَالخَبَرْ بَين الشَّعْبْ، تَ نْخَوّفن بْشانْ لا بَقْ يحْكَون بْهَالاسمْ لاَحَّدْ م النّاِسْ.
\v 18 وْساحوونْ وَامَروونْ لا يحْكَونْ أَبَد وْلا يعَلمونْ باسمْ يَسوُعْ.
\v 19 رَدّوا شَمْعونْ بطْرس وْيوحَنّا وْقالولنْ: ”لَ عَدلْ واِ قدّام اَلله تَ نسْمَع لْكنْ أكْثَرْ من اَلله، احْكموا.
\v 20 نحْناِ موُ نْتيِقْ عَلى شي لَ ارَينا وْسمعْنا موُ نحْكي.“
\v 21 قاموا خَوّفوون وْفَلَّتوونْ، منْ لَ ما مسْكوا عَلَينْ شي حجِّة تَ يعاقبوون، بْسَبَب الشَّعْبْ، منْ لَ كلْ واِحدْ كان يسَبّحْ لَالله عَلى شي لَ صارْ.
\v 22 منْ لَ أكْثَرْ منْ أَرْبْعينْ سَنِة كانْ عمرْ هاكْ زَلَمِة لَ صارتْ فِيو عَلامة الشّفا هاي.
\s صَلاة المومنين
\p
\v 23 وَقْتْ لَ فَلَّتوونْ، جَوا لَعنْد اخوتن وْحَكَولنْ كلْ شي لَ قالولن الكَهَنَة والّشْيوُخَة.
\p
\v 24 وْهَوكْ وَقْتْ لَ سمْعوا، مَعْ بَعْضنْ رَفَعوا صَوتنْ لَعنْد اَلله وْقالوا: ”يا رَبْ، أنت الإلهْ لَ خَلَقْت السَّما والاَرْضْ والّبْحار وْكلْ شي لَ فيينْ.
\v 25 أنْتَ لَ حَكَيت بْواسْطة روُح القدس بْثمْ داهودْ عَبْدك وْقلْتْ: ’لَيشْ هاجت الامَمْ والّشعوبْ فَكَّروا فكرْ باطلْ؟
\v 26 قاموا ملوك الاَرْضْ والحكّام وتْآمَروا مَعْ بَعْضنْ عَ الرَّب وْعَلى مَسيحو.‘
\v 27 منْ لَ هاي ف الحَقيقَة اجْتَمَعوا فَ هَالمدينِة عَ القَدّوس ابْنك يَسوُعْ لَ انْتَ مَشَحْتو، هيروُدس وْبيلاطُس البنْطي مَع الامَم وْجَماعة اسْرائيلْ.
\v 28 تَ يسَونْ كلْ شي لَ سَلَفاً ايدك وإرادتكْ رَسَمتْ تَ يسيِرْ.
\v 29 والسَّعْ زاِ يا رَبْ طَلّع وْرى أشْوَن يخَوفونا، واعْطي عَبيدكْ قدّام العَين تَ يكْرزونْ كلْمتكْ،
\v 30 وانْتَ تْمدّ ايدكْ لَ عَجايبْ شفا وْعَجايب گْبيرِة وْعَلاماتْ تَ تْسيِرْ باسم ابْنك القَدّوسْ يَسوُعْ.“
\v 31 وْوَقْتْ لَ طَلَبوا وتْضَرَّعوا، تْزَرْزَعْ موُضَعْ لَ كانوا مجْتمْعينْ فِيو، وتْعَبَّوا كلّن بْروُح القدس، وْبَقى يحْكَونْ قدّام العَينْ كلْمة اَلله.
\s حَياة شركة
\p
\v 32 وْجَماعةْ لَ آمَنوا كانْ لهنْ نَفْسْ وحْدِة وْفكرْ واِحدْ، وَاحَّدْ منّنْ ما كان يقولْ عَلى امْلاكْ لَ يمْلكْ لهُ ناِ، بَلىِ كلْ شي لَ كانْ لهنْ للْكلْ كانْ.
\p
\v 33 وبْقوِّة عَظيمِة كانْ يشْهَدون الرّسلْ عَلى قْياِمة الرَّبْ يَسوُع المَسيح، وْنعْمِة عَظيمِة كانتْ مَعْ كلّنْ.
\v 34 وَاحَّدْ محْتازْ ما كانْ بَيناتنْ، منْ لَ هَوذْ لَ كانْ يقنَونْ مَزارعْ وبْيوتْ كان يبيِعونْ ويجبونْ حَقْ شي لَ انْباعْ،
\v 35 ويحطّوهُ عنْد اجْرَين الرّسل وْينْعَطى لَكلْ واِحدْ عَلى قَدْ عازتو.
\p
\v 36 وْيوسفْ هاكْ لَ لَقَّبوهُ الرَّسل بَرْنابا، يعْنيِ ابْن العَزا، لاوي منْ ديرةْ قبْرصْ،
\v 37 هذا كانْ لهُ مَزْرَعَة باعا وْجابْ حَقّا وْحَطّو عنْد اجْرَينْ الرّسلْ.
\c 5
\p
\v 1 وْرجّال اسْمو حَنانيّا مَعْ مَرَتو لَ اسْما شافيرَة، باعْ مَزْرَعتو.
\v 2 وَاخَذ منْ حَقّا وْخَبّاهُ عَلى علْمْ مَرَتو، وْجاب قسمْ م الحَقّ وْحَطّو قدّام اجْرَين الرّسلْ.
\v 3 وْقالْلو شَمْعونْ: ”حَنانيّا، لَيشْ كذاِ الشّيِطانْ عَبّا قَلْبك تَ تگْذبْ عَلى روُح القدسْ وتْخَبّي م الفضَّة تَبَعْ حَقّ المَزْرَعَة؟
\v 4 لَيشْ موُ لكْ كاتْ قَبلْ لَ تنْباع؟ وْبَعدْ لَ انْباعتْ كَرْةْ لخْ كانْ لكْ حَقْ فَ حَقّا كلّو؟ لَيشْ حَطَّيتْ فَ قَلْبكْ تَ تْسَي هَالشَّغْلِة هاي؟ أنْتَ موُ عَلى ناِسْ گذبْتْ بَلىِ عَلى اَلله.“
\v 5 وَقْتْ لَ سمعْ حَنانيّا هَالكَلامْ وَقَع وْمات. وْوَقَعْ خَوفْ عَظيم عَلى كلْ هَوكْ لَ سمْعوا.
\v 6 وْقاموا شبابْ لَ بَيناتنْ كَفَّنوهُ وْطاِلَعوا قَبَروهُ.
\v 7 وْبَعدْ ثَثْ ساعات، مَرَتو زاِ دَخَلت، وْما كانْ تعْرفْ أَيشْ صارْ.
\v 8 شَمْعونْ قالْلا: ”قولي لي: لَ بْهَالحَقْ بعْتن المَزْرَعَة؟“ قالتْ: ”أيِ نَعَم بْهَالحَقْ.“
\v 9 شَمْعونْ قالْلا: ”لَيشْ اتَّفَقتنْ تَ تْجَرْبونْ روُح الرَّبْ؟ هاي اجْرَينْ لَ قَبَروا زَوجْكِ عَ الباب، وْهنّاِ تَ يطاِلعوكِ.“
\v 10 وْفَ ساعتا وَقَعتْ عنْد اجْرَيين وْماتت. وْدَخَلوا هَوك الشَّبابْ وَارَووا كلْماتت، وْلَفّوا وَدَّوا قَبَرووا جَنْبْ زَوجا.
\v 11 وْصارْ خَوفْ عَظيمْ ف كلّ البيعَة، وْف كلْ هَوكْ لَ سمْعوا.
\s عَجايب وْعَلامات إلهيِّة
\p
\v 12 وْكان يسيِرْ عَلى ايدَين الرّسلْ عَلاماتْ، وكْثيرْ عَجايب گْبيرِة بَين الشَّعْب. وْكلّنْ مجْتمْعينْ كانوا مَع بَعْضنْ فَ مَمْشى سْليِمان المَسْقوُفْ.
\v 13 وْمنْ ناِس الاخَر اَحَّدْ ما كانْ يتْجاسَرْ يخْتلطْ مَعنْ، بَلىِ كان يعَظّمن الشَّعْبْ.
\v 14 وكْثيرْ كان يزيدونْ هَوذْ لَ كانْ يآمْنونْ بالرَّبْ، أَمّة رْجاِل وْنسْوانْ.
\v 15 بَقى ف السّوُقات يطاِلعونْ مَراضىِ مْشَطَّحينْ ف تْخوت بْشانْ أَيمَتْ لَ جا شَمْعونْ، يجي خَلّي يكونْ خَيالو عَلَيينْ.
\v 16 وْكانْ يجي كْثيرْ لَعنْدنْ منْ غَير بْلادْ حَول القدْس، يجبونْ مَراضىِ وْهَوذْ لَ فِين ارْواحْ نجْسِة، وْكانْ ينْشَفَونْ كلّنْ.
\s مجازاة لَ تجازَوا الرّسلْ
\p
\v 17 وانْتَلى رَيّس الكَهَنَة حَسَد، وْكلْ لَ مَعو لَ كانوا منْ تَعْليم الصَّدوقِيِّة.
\v 18 وْمَدّوا ايدَينْ عَ الرَّسل وْمسْكوا حَطّوونْ ف الحَبْسْ.
\v 19 هاك الوَقْتْ باللَيلْ ملاك الرَّبْ فَتَحْ باب الحَبْس وْطاِلَعن وْقالْلنْ:
\v 20 ”روُحوا قوموا ف الهَيكَلْ واحْكَوا للشَّعْبْ كلّو كَلام الحَياةْ هاذْ.“
\v 21 وْطَلَعوا وَقْتْ الفَجر وْدَخَلوا للهَيكَل وْبَقى يعَلْمون. وْرَيّس الكَهَنَة وْهَوذ لَ مَعو ساحوا رفَقنْ وشْيوُخة اسْرائيلْ وْبَعَثوا للحَبْسْ تَ يجبون الرّسلْ.
\v 22 وَقْتْ لَ راحوا هَوكْ لَ بَعَثوونْ، ما ارَوونْ ف الحَبْسْ. وْرجْعوا جَوا،
\v 23 يقولونْ: ”أَرَينا الحَبْسْ مَقْفول كْوَيّسْ والحرّاسْ زاِ قايمينْ عَ الابْواب، وْفَتَحْنا وَاحَّدْ ما ارَينا هَونَكْ.“
\v 24 وَقْتْ لَ سمْعوا هَالحَكي، گْباريّة الكَهَنَة وْقوّاد الهَيكَلْ، مَبْهوتينْ كانوا منْ مَسَلتن، وْكانْ يفْتكْرون يقولونْ: ”أَيشْ ياِ هاي؟“
\v 25 وْجا واِحدْ خَبَّرنْ قالْلنْ: هَوك رْجاِل لَ كَبَّيتنْ ف الحَبْس، كْوا قايمينْ ف الهَيكَل يعَلْمون الشَّعْبْ.
\v 26 هاك الوَقْتْ راحوا قوّادْ مَعْ حرّاسْ تَ يجبوونْ موُ بالغَصْبْ، منْ لَ كان يخافون الشَّعْبْ يرْجمنْ.
\v 27 وْلَمَنْ جابوونْ، قَيَّموونْ قدّامْ كلّ المَجْلسْ، وْرَيّس الكَهَنَة رجعْ قالْلنْ:
\v 28 ”موُ أمرْ أمَرْناكنْ لا تْعَلْمون اَحَّدْ بْهَالاسمْ؟ بَسّ انْتن كْوا عَبَّيتن القدْسْ فَ تَعْليمكنْ، وتْريدون تْجبونْ عَلَينا دَمْ هَالزَّلَمِة هاذْ.“
\p
\v 29 رَدْ شَمْعونْ مَع الرّسل وْقالْلنْ: ”أَلله لازمْ ينْطاع أكْثَرْ م البَشَرْ.
\v 30 إلهْ أَبَّهاتْنا قَيَّمْ يَسوُعْ هاذْ لَ قَتَلْتنْ وَقْتْ لَ عَلَّقْتنو عَلى خَشَبِة.
\v 31 لهُ لَهاذْ أَلله قَيَّمْ رَيّس ومْخَلّص، وْرَفَعو بْيَمينو تَ يعْطي التَّوبِة وْغفْران الخَطيّاتْ لاسْرائيلْ.
\v 32 وْنحْناِ شْهودْ نحْناِ لَهَالكَلام، وْروُح القدسْ لَ عَطاهُ اَلله لَوذْ لَ يآمْنونْ فِيو.“
\p
\v 33 وَقْتْ لَ سمْعوا هَالكَلامْ هاذْ، وَقَعْ فِينْ نارْ م الغَضَب، وْكانْ يتْشاوَرونْ تَ يقْتلوونْ.
\v 34 وْقامْ واِحدْ م الفَرّيسيِّة كان اسْمو غَمالاييِل، مْعَلّمْ ناموس ومْقَدَّرْ منْ كلّ الشَّعْب، وْأَمَرْ تَ يطاِلعون الرّسلْ لَبَرّا شْوَيِّةْ وَقْتْ.
\v 35 وْقالْلنْ: ”يا رْجاِلْ يا بَني اسْرائيلْ، ديروا بالْكنْ عَلى روُحْكن وْرَوا أَيشْ واجبْكن تْسَونْ لَوك النّاِسْ.
\v 36 منْ لَ قَبلْ هَالزَّمانْ قامْ تودا وْقال عَلى روُحو شي گْبيرْ واِ، وْراحْ خَلْفو حَوالي أَرْبَعميةْ زَلَمِة، بَسّ انْقَتَل، وْهَوذْ لَ كانْ كرّاحوا خَلْفو تْبَرْبَزوا وْصاروا كَما موُ شي.
\v 37 وْقامْ منْ بَعْدو ياهوذا الجَّليلْي ف اِيّاِم الاحْصا وَقْتْ لَ كانْ يتْسَجَّلون العالَم بْشانْ ضَريبة الرّاس، وْچَرْحَفْ خَلْفو شَعْب كْثيرْ، وْهاك زاِ مات، وْكلْ لَ كانوا رايحينْ خَلْفو تْبَرْبَزوا.
\v 38 والسَّعْ أَقولْكنْ: خَلَّوكنْ منْ هَوذ النّاِس وْخَلَّوونْ. لَ م البَشَر واِ هَالفكر وْهَالعَمَلْ، تَ ينْحَلْ ويزولْ.
\v 39 بَسْ لَ من اَلله واِ، موُ يطْلَعْ بيدْكن تْبَطْلوهُ. بَقى بْشانْ لا تطْلَعونْ ضدّ اَلله قايمينْ.“
\v 40 واقْتَنَعوا فَ كَلامو وْساحوا الرّسل وْقَرپَچوون، وْأَمَروونْ لا يعَلْمونْ باسمْ يَسوُع وْفَلَّتوونْ.
\v 41 وْطَلَعوا منْ عنْدنْ فرْحانينْ عَلى ل اسْتاِهَلوا لَخاطر الاسم اسمْ يَسوُعْ ينْهانونْ.
\v 42 وْما كانْ يهْدَونْ كلْ يَوم يعَلْمونْ ف الهَيكَلْ وْف البَيتْ ويبَشْرونْ عَلى رَبْنا يَسوُع المَسيحْ.
\c 6
\s السَّبع خدّاِمين
\p
\v 1 فَوك الاِيّاِمْ وَقْتْ لَ كثْروا التَّلاميذ، التَّلاميذْ لَنّاِ م اليونانيِّة بَدَوا يشْتَكَونْ م التَّلاميذْ لَنّاِ م العبْرانيِّة، قالوا: لَيشْ أَراملنْ ينْنجْقونْ ف الخدْمِة كلْ يَومْ.
\v 2 وْساحوا اثْناعشْ الرّسلْ جَماعة التَّلاميذ وْقالولن: ”موُ كْوَيسِة ياِ نْخَلّي كلْمة اَلله وْنخْدمْ صفْراتْ.
\v 3 بَقى يا اخوتي، فَكْروا واخْتارولْكنْ سَبْع رْجاِلْ منْكنْ مَشْهودْلنْ ومْعَبّايينْ منْ روُح الرَّبْ والحكْمِة ونْقَيّمنْ لَهَالشَّغْلِة،
\v 4 وْنحْناِ نْكونْ دايمْ ف الصَّلاة وْخدْمة الكلْمِة.“
\v 5 الجَّماعَة كلّنْ عجبنْ هَالكلْمِة. واخْتاروا اسْطيِفانوُس، وْكانْ زَلَمِة مْعَبّا م الايمان وْروُح القدس، وْفيلبُّسْ وپْروخورس وْنيقور وْطيمون وْپَرْمينا وْنيقولاوُس، وْهاذْ كانْ دَخيلْ منْ أَنْطاكيا.
\v 6 هَوذْ قاموا قدّام الرّسل، وْوَقْتْ لَ صَلَّوا، حَطّوا عَلَين الإيدْ.
\v 7 وْكلْمة اَلله كانْ تنْتشر، وْكان يزيدْ عَدَد التَّلاميذْ ف القدْس كْثير كْثير، وْشَعْب كْثيرْ م الياهودْ كان يطيع الايمانْ.
\s وَقْتْ لَ انْمَسَكْ اسْطيِفانوُسْ
\p
\v 8 اسْطيِفانوُسْ كان مْعَبّا نعْمِة وْقوِّة، وْبَقى يسَي عَلامات وْعَجايبْ بَين الشَّعْبْ.
\v 9 وْقاموا ناِسْ م المَجْمَعْ لَ يقولولو: مَجْمَع ”الحرّيِّة“، وْم القَيرَوان والاسكَندَريِّة، وْغَيرنْ منْ كيليكْيا وْمنْ آسيّا، وْكانْ يتْجاِدَلونْ مَع اسْطيِفانوُسْ،
\v 10 وْما كان يتيِقون يقومون قْبال الحكْمِة وْروُحْ لَ كانْ تحْكي فِيو.
\v 11 هاك الوَقْتْ بَعَثوا رْجاِل وْعَلَّموونْ تَ يقولونْ: ”نحْناِ سمعْناهُ يقولْ كَلامْ كفرْ عَلى موسى وْعَلى اَلله.“
\v 12 وْهَيَّجوا الشَّعْبْ والّشْيوُخَة ومْعَلْمين النّاموس وْجَوا وْقاموا عَلَيو وْجَرّوهُ لَنصّ المَجْلسْ.
\v 13 وْقَيَّموا شْهودْ زوُر يقولونْ: ”هَالزَّلَمِة موُ يبَطّلْ يحْكي ضدّ النّاموس وْضدْ هَالموُضَع الّمْقَدَّسْ،
\v 14 منْ لَ نحْناِ سمعْناهُ يقولْ: ’يَسوُعْ هاذ النّاصري تَ يخَرّبْ هَالموُضَعْ ويغَيّر العاداتْ لَ سَلَّمْكنْ موسى.‘
\v 15 وْطَلَّعوا فِيو كلْ هَوكْ لَ كانوا قاِعْدينْ ف المَجْلسْ، وَارَوا وچّو كَما وچْ مَلاكْ.
\c 7
\s وَعظة اسْطيِفانوُسْ
\p
\v 1 وْسَأَلو رَيّس الكَهَنَة لَ هَوذْ كذاِ ناِ.
\v 2 هوّاِ رَدْ قالْ: ”يا رْجاِلْ يا اخوتْنا وَابَّهاتْنا، اسْمَعوا! إله المَجْدْ ظَهَرْ لَابونا ابْراهيمْ وَقْتْ لَ كانْ ف بلادْ بَين النَّهرَينْ، قَبلْ لَ يجي يسْكنْ فَ حَرّانْ،
\v 3 وْقالْلو: ’اطْلَعْ منْ أَرْضك وْمنْ عنْدْ بَني عَشيرتك، وْتَعا لاَرْضْ لَ تَ اوَرّيكْ.‘
\v 4 هاك الوَقْتْ طَلَع ابْراهيمْ منْ أَرْض الكَلْدانِيين وْجا سَكَنْ فَ حَرّان. وْمنْ هَونَكْ بَعدْ لَ ماتْ أَبوهُ، اَلله نَقَلو لَهَالاَرْضْ هاي لَ فِيا تسْكنون اليَومْ.
\v 5 وْما عَطاهُ فِيا ميراثْ ملْك وْلا مَحْلَق اجر. وْوَعَدْ تَ يعْطِيو ياِ ميراثْ ملْكْ لهُ وْلَنَسْلو بَعْدو، وَقْتْ لَ ما كانْ لهُ وَلَدْ.
\v 6 وْحَكى مَعو اَلله قالْلو: ’نَسْلكْ تَ يكونْ لاجي فَ ارْضْ غَريبِة، وْتَ يسْتَعْبدوهُ ويذلّوهُ أَرْبَعْميةْ سَنِة زَمانْ.
\v 7 وْشَعْبْ لَ تَ يخْدموهُ شغْل عْبوديِّة، أَنا تَ احْكمْ عَلَيو قال اَلله. وْبَعْدا تَ يطْلَعون وْيخْدموني فَ هَالموُضَعْ هاذْ.‘
\v 8 وْعَطاهُ عَهْد الّطْهوُر. وْهاك الوَقْتْ خَلَّف اسْحاق وْطَهَّرو ثامنْ يَومْ بَعد الولادِة. واسْحاقْ خَلَّفْ يَعْقوب، وْيَعْقوبْ خَلَّف الاَبَّهات الاثْناعشْ.
\v 9 وَابَّهاتْنا هَوذ انْحَسَدوا منْ يوسف وْباعوهُ لَمَصرْ، والله مَعو كانْ،
\v 10 وْخَلَّصو منْ كلْ ذيقاتو، وْعَطاهُ نعْمِة وْحكْمِة قدّامْ فَرْعَونْ مَلكْ مَصر، وْقَيَّمو رَيّسْ عَلى مَصر وْعَلى بَيتو كلّو.
\p
\v 11 ”وْصارْ جوُع وْلوُع وْذيقَة گْبيرِة ف كلْ مَصر وْفَ ارْضْ كَنْعان، وْما كانْ عنْدنْ شي تَ يشْبَعونْ أَبَّهاتْنا.
\v 12 وَقْتْ لَ سمعْ يَعْقوب في حنْطَة فَ مَصرْ، بَعَثْ أَبَّهاتْنا أَوَّلْ كَرَّة.
\v 13 وْوَقْتْ لَ راحوا ثاِني كَرَّة، يوسفْ عَرَّفْ روُحو لاخوتو، وْفَرْعَونْ عَرَفْ أَصلْ يوسف وْفَصْلو.
\v 14 وْبَعَثْ يوسفْ جاب اَبوهُ يَعْقوب وْكلْ عَشيرتو، وْكانوا خَمْسِة وْسَبْعينْ نَفْسْ.
\v 15 وْنزلْ يَعْقوبْ لَمصر وْماتْ فِيا هوّاِ وَابَّهاتْنا.
\v 16 وْنَقَلوهُ لَشَكيمْ وانْحَطْ فَ قَبرْ لَ كانْ ك اشْتراهُ ابْراهيم بْفضَّة منْ بَني حامورْ.
\v 17 وْوَقْتْ لَ صارْ زَمانْ شي لَ وَعَد اَلله بْحلْفاناتْ لابْراهيمْ، كانْ كلْكثر الشَّعْبْ وْقوي فَ مَصرْ،
\v 18 دي لَمَنْ قامْ غَيرْ مَلك عَلى مَصرْ ما كانْ يعْرفْ يوسفْ،
\v 19 تْآمرْ عَلى جنْسْنا وْذَلّ اَبَّهاتْنا دي لَ أَمَرْ تَ ينْكَبّون اولادن بْشانْ لا يعيشونْ.
\v 20 فاك الزَّمانْ نَفْسو، ولدْ موسى وْمَحْبوبْ كانْ من اَلله. وتْرَبّى ثَةّ اشرْ فَ بَيتْ أَبوهُ.
\v 21 وْوَقْتْ لَ انْكَبْ منْ أمّو، أَرَتو بنْتْ فَرْعَون وْرَبَّتو ابنْ لها.
\v 22 وتْعَلَّمْ موسى عْلوم المصريّين، وْصارْ فَهْلَوي فَ قَولو وْفعْلو.
\v 23 وْوَقْتْ لَ صار ابنْ أَرْبْعينْ سَنِة، طَلَعْ عَلى بالو تَ يعْبر عَلى اخوتو بَني اسْرائيلْ.
\v 24 وَارى واِحدْ من اولادْ قَبيلتو ينْساقْ بالغَصْبْ، قامْ أَخَذْلو حَيفو وْقَتَل المصْري لَ كانْ يغْلَطْ فَ حَقّو.
\v 25 قالْ بلْكي اخوتو بَني اسْرائيلْ تَ يفْتهْمون اَلله بيدو عَطاهنْ خَلاص، وْما افْتَهَموا.
\v 26 ثاِني نْهارْ، بَيَّنْ عَلَين وْهنّاِ يتْقاتَلونْ مَعْ بَعْضن، وْكانْ يتْرَجّاهنْ تَ يتْصالَحون وْهوّاِ يقولْ: ’يا رْجاِل، اخْوِة أنْتنْ. لَيشْ تغْلَطَونْ فَ حَقْ بَعضْكنْ؟‘
\v 27 قامْ هاكْ لَ كانْ كلْغلطْ فَ حَقْ رَفيِقو، دَفَعو لَبْعيدْ منّو وْقالْ: ’منْ واِ لَ كلْقَيَّمكْ علَينا رَيّس وْحاكمْ؟
\v 28 تْريد تقْتلْني كَما لَ قَتَلْت مْباِرحَة المصْري؟‘
\v 29 وْهَرَبْ موسى بْسَبَبْ هَالكلْمِة وْصار لاجي فَ ارْضْ مدْيان، وْصارْلو وَلَدَينْ.
\v 30 وْبَعدْ لَ كَمَّلْ هَونَكْ أَرْبْعينْ سَنِة ظَهَرْلو فَ بَرّيّةْ طوُرْ سينا مَلاك الرَّبْ فَ نارْ تشْتعلْ ف علَّيِقَة.
\v 31 موسى وَقْتْ لَ ارى تْعَجَّبْ ف المَنْظر. وْلَمَنْ قَرَّبْ تَ يّرى، الرَّبْ قالْلو بْصَوتْ:
\v 32 ’أَنا إلهْ أَبَّهاتك اَنا، إله ابْراهيمْ واسْحاقْ وْيَعْقوبْ.‘ موسى منْ لَ كانْ يرْجفْ، ما تْجاسَر يطَلّعْ ف المَنْظَرْ.
\v 33 وْقالْلو الرَّب: ’اشْلَحْ من اجْركْ: أَرْضْ لَ انْتَ قايمْ فِيا مْقَدَّسِة ياِ.
\p
\v 34 ”’أَرَيانْ أَرَيتُ ذيقْ شَعْبي فَ مَصر وْآهاتو سمعْتُ، وْنزلْتُ تَ اخَلّصنْ. والسَّعْ تَعا تَ ابْعَثكْ لَمَصرْ.‘
\v 35 لَهاذْ موسى لَ كَفَروا فِيو وْقالولو: ’منْ واِ لَ قَيَّمكْ عَلَينا رَيّس وْحاكمْ؟‘ لهُ لَهاذ اَلله بَعَثْلنْ رَيّسْ ومْخَلّصْ بيد المَلاكْ لَ ظَهَرْلو ف العلَّيِقَة.
\v 36 هاذْ واِ لَ طاِلَعن وْهوّاِ يسَي عَلامات وْعَجايب وْمعْجزات گْبيرِة فَ ارْضْ مَصر وْبَحرْ سوف وْف البَرّيِّة أَرْبْعينْ سَنِة زَمانْ.
\v 37 هاذْ موسى هوّاِ واِ لَ قالْ لَبَني اسْرائيلْ: ’نَبي تَ يقَيّم لْكن الرَّبّ الإلهْ من اخوتْكنْ كَماي لهُ تَ تسْمَعونْ.‘
\v 38 هاذْ واِ لَ كانْ ف الجَّماعَة ف البَرّيِّة مَعْ مَلاكْ لَ كانْ يحْكي مَعو وْمَع أَبَّهاتْنا ف طوُرْ سينا، وْهوّاِ واِ لَ اخَذْ كَلام الحَياة بْشانْ يعْطينا.
\v 39 وْما رادوا أَبَّهاتْنا ينْزَلونْ تَحْتْ أَمْرو، خَلَّوهُ وبْقلْبنْ رجْعوا لَمصرْ.
\v 40 وْقالوا لَهارونْ: ’سَوي لْنا آلِهَة تَ يمْشَونْ قدّامْنا: هاذْ موسى لَ طاِلَعنا منْ مَصرْ موُ نعْرف أَيشْ صارْ فِيو.‘
\v 41 وْسَوَولنْ عجلْ فَوك الاِيّاِم، وْذَبَحو ذَبايحْ للاصْنامْ، ومْكَيفينْ كانوا بْعَمَل ايدَينْ.
\v 42 وْرجع اَلله سَلَّمنْ تَ يعْبدون الّنْجومْ قوّات السَّما، كَما لَ انْكَتَبْ ف اسْفار الاَنْبِيا: ’يا بَني اسْرائيلْ، لَيشْ أَرْبْعينْ سَنِة ف البَرّيِّة، ضَحيِّة يا ذَبيحَة قَدَّمتنْ لي يا بَني اسْرائيلْ؟
\v 43 بَلىِ حَمَلْتنْ خَيمةْ مَلْكوم وْنجْمة الإلهْ رافان، اصْنامْ لَ سَوَيتنْ تَ تسْجدولنْ. تَ اسوُقكنْ لَ أَبْعَدْ منْ بابلْ.‘
\v 44 وْهاي خَيمة الشَّهادِة تَبَع اَبَّهاتْنا ف البَرّيِّة، كانتْ كَما لَ أمَرْ هاذْ لَ حَكى مَعْ موسى وْقالْلو تَ يسَيا عَلى شكلْ لَ وَرّاهُ.
\v 45 وْلَهَالخَيمِة دَخَّلوا أَبَّهاتْنا مَعْ يشوعْ لأَرْضْ لَ عَطاهن اَلله ميراثْ ملْكْ م الامَمْ لَ شالنْ منْ قدّامنْ. وتْنَقّلتْ دي لاِيّاِمْ داهودْ،
\v 46 لَ ارى رَحْمِة قدّام اَلله، وْطَلَبْ تَ يّرى مسْكَنْ لإلهْ يَعْقوبْ،
\v 47 بَسّ سْليِمانْ بَنالو بَيتْ.
\v 48 والعاِلي موُ يقْعَدْ ف بَيتْ شغْل ايدَينْ، كَما لَ قالْ النَّبي:
\v 49 ’السَّما كرْسيّ والاَرْضْ دَوسِة تَحْت اجْرَي. أَيشْ بَيتْ تَ تْعَمْرولي؟ وَاينا واِ موُضَعْ راحتي؟
\v 50 موُ إيدي سَوَتْ هَوذْ كلّنْ؟‘
\v 51 يا اصْحابْ رَقْبِة غَليِظَة وقْلوب وْأَذانْ موُ مْطَهَّرَة! أنْتنْ ف كلْ زَمانْ ضدْ روُح القدسْ قايمين انْتنْ. أشْوَنْ أَبَّهاتْكنْ، أنْتنْ زاِ كَماهنْ.
\p
\v 52 ”لَاينا م الاَنْبِيا ما اضْطَهَدوا وْقَتَلوا أَبَّهاتْكنْ، لَوذْ لَ خَبَّروا منْ قَبلْ عَلى مجْوة البارْ لَ سَلَّمْتن وْقَتَلْتنو؟
\v 53 وَاخَذْتن النّاموس بْأَمرْ مَلايكِة وْما حَفَظْتنو.“
\s اسْطيِفانوُسْ الشَّهيد
\p
\v 54 وَقْتْ لَ سمْعوا هَوذ، تْعَبَّت نْفوسنْ غَضَب، وْبَقى يسكّون اضْراسنْ عَلَيو.
\p
\v 55 وْهوّاِ مْعَبّا إيمان وْروُح القدسْ، طَلَّعْ ف السَّما وَارى مَجْد اَلله وْيَسوُعْ قايمْ منْ يَمين اَلله،
\v 56 وْقالْ: ”هاي أَرى السَّماواتْ مَفْتوُحَة وابْن الانْسانْ قايمْ منْ يَمين اَلله.“
\v 57 وْساحوا بْصَوتْ عاِلي، وْسَدّوا أَذانْن، وْهَجَموا عَلَيو كلّنْ.
\v 58 وْمسْكوا طاِلَعوهُ لَبَرّات البَلَد وْكانْ يرْجموهُ. وْهَوذْ لَ شهْدوا ضدّو حَطّوا حَويسنْ عنْد اجْرَينْ واِحدْ شَبّ يقولولو: شاوُلْ.
\v 59 وْكانْ يرْجمون اسْطيِفانوُس وْهوّاِ يصَلّي ويقولْ: ”رَبْنا يَسوُعْ، اقبَلْ روُحي.“
\v 60 وْوَقْتْ لَ ركَعْ عَلى ركَبو، ساح بْصَوتْ عاِلي وْقالْ: ”يا رَبْ، لا تحْسبْ عَلَينْ هَالخَطيِّة.“ وْوَقْتْ لَ قالْ هاي، رَقَدْ.
\c 8
\p
\v 1 وشاوُلْ كانْ راضي وْمشْتركْ فَ قَتْلو. وْصارْ فاك اليَوم اضْطهاد گْبيرْ للبيعَة ف القدْسْ، وتْفَرَّقوا كلّنْ ف ضْياع الياهوديِّة والسَّامْرَة، عَدا الرّسل بْوَحْدنْ.
\v 2 ولَفّوهُ قَبَروهُ لاسْطيِفانوُس رْجاِلْ مومنين، وْناحوا عَلَيو كْثيرْ.
\v 3 وشاوُلْ كانْ يضْطهدْ بيعة اَلله، كانْ يدْخلْ عَ الّبْيوتْ ويجَرْجر رْجاِل وْنسْوانْ ويسَلّمنْ للحَبْسْ.
\s الّكرازِة ف السَّامْرَة
\p
\v 4 وْهَوكْ لَ تْفَرَّقوا كانْ يتْنَقَّلون وْيكْرزونْ كلْمة اَلله.
\v 5 وْفيلبُّسْ نزلْ لَمَدينة السّامريِّة وْكانْ يكْرزْلنْ عَ المَسيحْ.
\v 6 وْوَقْتْ لَ كانْ يسْمَعونْ كلْمتو ناِسْ هَونَكْ، كانْ يسْتمْعولو وْيقْتنْعونْ ف كلْ شي لَ يقول، منْ لَ كان يرَونْ عَلاماتْ لَ كان يسَي،
\v 7 منْ لَ كْثيرْ منْ هَوذْ لَ كانْ فِين ارْواحْ نجْسِة، كانْ يزْعَقون بْصَوتْ عاِلي وْيطْلَعونْ منّن. وْغَيرنْ مَفْلوجين وْعرْجين انْشَفوا.
\v 8 وفَرْحَة گْبيرِة صارْ فاك المَدينِة.
\p
\v 9 وْكانْ في هَونَكْ واِحدْ رجّال اسْمو سيمونْ، كانْ كسَّكَنْ فَ هَالمَدينِة زَمان كْثيرْ، وْف سحْرو كان يضَيّع السَّامريِّة ويسَي روُحو شَغْلِة گْبيرِة، ويقول: ”اَنا گْبير اَنا.“
\v 10 وْمالو صوُبو كلّن زْغارْ وگْبار، وْكان يقولونْ: ”هاذْ حَيل اَلله العَظيمْ واِ.“
\v 11 وْمقْتنْعينْ كانوا فِيو كلّنْ، منْ لَ زَمانْ طَويل بْسحْرو كانْ كلْبَهَتنْ.
\v 12 بَسْ وَقْتْ لَ سَدَّقوا فيلبُّسْ لَ كان يبَشّرن بْمَلَكوت اَلله باسمْ رَبْنا يَسوُع المَسيحْ، بَقى يتْعَمَّذون رْجاِل وْنسْوانْ.
\v 13 وْحتّى سيمونْ نَفْسو آمَنْ، وتْعَمَّذ وْتابعْ صارْ لَفيلبُّس. وْوَقْتْ لَ كانْ يرى العَلامات وْقوّات الّگْبيرِة لَ تْسيِرْ عَلى ايدو، كانْ ينْبهت وْيتْعَجَّبْ.
\v 14 وْوَقْتْ لَ سمْعوا الرّسلْ لَ ف القدْسْ شَعْب السَّامْرَة قبْلوا كلْمة اَلله، بَعَثولنْ شَمْعونْ بطْرس وْيوحَنّا.
\v 15 وْنزْلوا وْصَلَّوا عَلَين بْشان ينالونْ روُح القدسْ،
\v 16 منْ لَ ما كانْ كلْحَلْ عَلى اَحَّدْ منّنْ بَعدْ، بَسْ كانْ يتْعَمَّذونْ باسمْ رَبْنا يَسوُعْ.
\v 17 هاك الوَقْتْ حطّوا ايدَينْ عَلَين وْنالوا روُح القدسْ.
\v 18 وَقْتْ لَ ارى سيمون بْحَطّ ايدَين الرّسلْ ينْعَطى روُح القدسْ، قَدَّمْلنْ فضَّة،
\p
\v 19 وْقالْ: ”أَنا زاِ اعْطَوني هَالسَّلطَة، بْشانْ أَينا لَ حَطَّيتُ إيدي عَلَيو ينالْ روُح القدسْ.“
\v 20 شَمْعونْ بطْرسْ قالْلو: ”فضّتكْ مَعكْ تَ تْروُحْ للهَلاكْ! منْ لَ افْتَكَرْتْ عَطيّة اَلله بْمال الدّنْياِ تنْشَرى.
\v 21 ما لكْ لا قسْمِة وْلا نَصيبْ فَ هَالايمانْ، منْ لَ قَلْبكْ موُ مسْتَقيمْ واِ قدّام اَلله.
\v 22 بَقى توبْ منْ شَرّكْ هاذْ، واطْلبْ من اَلله بَلْكي يسامحكْ عَلى غشْ قَلْبكْ،
\v 23 منْ لَ فَ كَبدْ مرّ، وْف رْباط الخَطيِّة أَراكْ.“
\v 24 رَدْ سيمون وْقالْ: ”أنْتن اطْلبوا بْشاني من اَلله لا يجي عَلَي شي منْ هَوذْ لَ قلْتنْ.“
\v 25 وْبَعدْ لَ شهْدوا شَمْعون وْيوحَنّا وْعَلَّموا كَلام اَلله، رجْعوا للقدْسْ. وْف ضيَع كْثيرْ للسّامريِّة بَشَّروا.
\s وَقْتْ لَ عَمَّذ فيلبُّس وَزير مَلِكة الحَبَشِة
\p
\v 26 وْحَكى مَلاك الرَّبْ مَعْ فيلبُّس وْقالْلو: ”قومْ روُح صَوب القبْلي، فَ طَريِق البَرّيِّة لَ ينْزَلْ م القدسْ لَغَزَّة.“
\v 27 وْقامْ راح، وْطَلَعْ قدّامو واِحدْ مخْصي كانْ كجّا منْ كوشْ، كانْ مامورْ لَقنْداقْ مَلِكة الكوشيِّة، كانْ مامور عَلى كلْ خَزْنتا، وْكانْ كجّا تَ يسْجدْ ف القدْسْ.
\v 28 وْوَقْتْ لَ رجعْ تَ يروُحْ، كانْ قاِعدْ فَ عَرَبيِّة يقْرا ف سفرْ نَبي إشعيا.
\v 29 والرّوُحْ قالْ لَفيلبُّسْ: ”قَرّب الحَقّ العَرَبيِّة.“
\v 30 وْوَقْتْ لَ قَرَّبْ، سمعْ يقْرا ف إشعْيا النَّبي، وْقالْلو: ”تفْهَمْ شي لَ تقْرا؟“
\v 31 قالْلو: ”أشْوَنْ أَتيِقْ أَفْهَم لَ ما فَهَّمْني أحَّد؟“ وْطَلَبْ منْ فيلبُّسْ تَ يطْلَع وْيقْعَدْ مَعو.
\v 32 وْموُضَعْ لَ كانْ يقْرا فِيو م الّكْتاِبْ، هاذْ كانْ مَكْتوبْ فِيو: ”كَما الخاروف انْساق للذَّبحْ. كَما النَّعْجِة قدّامْ لَ يقصّونْ صوفا كانْ ساِكت. وْكذاِ ما فَتَحْ ثمّو.
\v 33 وَقْتْ لَ تْواضَعْ، م الحَبْس وْم المَحْكَمِة ساقوهُ. عَلى جيلو من يخَبّرْ؟ منْ لَ حَياتو تنْشال م الاَرْضْ.“
\v 34 المخْصي قالْ لَفيلبُّسْ: أَرْجوكْ قلْ لي عَلى من يقولْ هاي النَّبي؟ عَلى روُحو والّا عَلى اَحَّدْ غَيرو؟
\p
\v 35 هاك الوَقْتْ فيلبُّسْ فَتَحْ ثمّو، وْبَدا منْ هَالّكْتاِب يبَشّرو عَلى رَبْنا يَسوُعْ.
\v 36 وْهنّاِ رايحينْ ف الطَّريِقْ، وصْلوا لَموُضَعْ فِيو مَيِّة. والمخْصي قالْ: هاي مَيِّة! أَيشْ واِ المانعْ أَتْعَمَّذْ؟
\v 37 فيلبُّسْ قالْلو: ”لَ آمَنْتْ منْ كلْ قَلْبك، يسيِر.“ المخْصي قالْ: ”أَنا أَآمنْ يَسوُع المَسيح ابْن اَلله واِ.“
\v 38 وْأَمرْ تَ تْوَقَّف العَرَبيِّة، وْنزْلوا اثْنَينتنْ عَ المَيِّة، وْفيلبُّسْ عَمَّذ المخْصي.
\v 39 وْوَقْتْ لَ طَلَعوا م المَيِّة، روُح الرَّبْ خَطَفْ فيلبُّسْ، والمخْصي ما بَقى يراهُ، بَلىِ راحْ فَ طَريِقو فرْحانْ.
\v 40 وْفيلبُّس انْوَجَد فَ أَشْدود. وْمنْ هَونَكْ كانْ يتْنَقَّلْ ويبَشّرْ ف الّبْلادْ كلّا دي لَمَنْ جا للقَيصَريِّة.
\c 9
\s وَقْتْ لَ الله هَدى شاوُلْ
\r (اعْمال 22‏:6‏–16، 26‏:12‏–18)
\p
\v 1 شاوُلْ بَعد مْعَبّا كانْ تَخْويف وْغَضَبْ قَتَلْ عَلى تَلاميذْ سَيّدْنا.
\v 2 وْطَلَبْ منْ رَيّس الكَهَنَة تَ يكْتبْلو مكاِتيبْ لَمَجاِمع الشّام، بْشانْ يمْسك منْ لَ ارى ماِشي فَ هَالطَّريِق، رْجاِلْ يا نسْوانْ، ويجيبنْ للقدْسْ.
\v 3 وْهوّاِ رايح وْكلْقَرَّبْ تَ يصلْ، عَلى غَفْلِة ضَوّى عَلَيو نورْ م السَّما،
\v 4 وْوَقَعْ عَ الاَرْض وْسمعْ صَوت يقولْلو: ”شاوُلْ، شاوُلْ، لَيشْ تضْطهدْني؟ صَعْبْ عَلَيكْ ترْفس مْسَلّاتْ.“
\v 5 وْهوّاِ رَدّ وْقالْ: ”منْ أنْتَ يا سَيّد؟“ وْرَبْنا قالْ: ”أَنا يَسوُع النّاصري هاذْ لَ انْتَ تضْطهدوا.
\v 6 بَلىِ قوم ادْخلْ للبَلَد، وْهَونَكْ تَ ينْحَكى مَعكْ عَلى شي لَ لازم تْسَي.“
\v 7 رْجاِل لَ كانوا رايحينْ مَعو ف الطَّريِقْ، قايمينْ كانوا مَبْهوتينْ، منْ لَ صَوتْ بَسْ كانْ يسْمَعونْ وَاحَّدْ موُ يرَونْ.
\v 8 وْقامْ شاوُلْ م الاَرْض وْما كانْ يرى شي وْعَينَيو مْفَتَّحينْ كانوا. وْمسْكوا ف ايدَيو وْدَخَّلوهُ لدمشقْ.
\v 9 وْبَقى ثَةّ اِيمْ موُ يرى، وْما أكل وْلا شربْ.
\p
\v 10 وْكانْ في ف دمشقْ تَلْميذ اسْمو حَنانيّا، قالْلو الرَّبْ ف رويا: ”حَنانيّا!“ قالْلو: ”هاي اَنا يا رَبْ.“
\v 11 وْرَبْنا قالْلو: ”قومْ روُحْ لَطَريِقْ لَ يقولولو: ’المسْتَقيمْ،‘ واسْأَلْ فَ بَيتْ ياهوذا عَلى شاوُلْ لَوّاِ منْ مَدينة طَرْسوسْ، منْ لَ كْوا يصَلّي،
\v 12 وَارى ف رويا زَلَمِة اسْمو حَنانيّا يدْخلْ ويحطّ ايدو عَلَيو بْشانْ يتْفَتَّحونْ عَينَيو.“
\v 13 حَنانيّا قالْ: ”يا رَبْ، سمعْتُ منْ كْثيرْ عَلى هَالزَّلَمِة هاذْ وَاشْقَد شْرورْ جابْ عَلى قَدّيسينكْ ف القدْسْ.
\v 14 وكْوا هَونْ زاِ لهُ سلْطَة من گْباريّة الكَهَنَة تَ يمْسكْ كلْ لَ يدْعَون اسْمكْ.“
\v 15 الرَّبْ قالْلو: ”قومْ روُحْ، منْ لَ فْراغْ واِ لي اخْترْتوهُ تَ يكون لي رَسول يحْمل اسْمي للامَمْ والّملوك وبَين بَني اسْرائيلْ.
\v 16 منْ لَ تَ اوَرّيو أَشْقَدْ تَ يتْعَذَّب لَخاطرْ اسْمي.“
\p
\v 17 هاك الوَقْتْ حَنانيّا راحْ للبَيتْ لَعنْدو، وْحَطْ عَلَيو إيد وْقالْلو: ”شاوُلْ أَخوي، رَبْنا يَسوُعْ لَ ظَهَرْ لكْ ف الطَّريِقْ وانْتَ جاِييِ بَعَثْني بْشانْ يتْفَتَّحونْ عَينَيك وْتنْتلي منْ روُح القدسْ.“
\v 18 وْفَ ساعتا وَقَعْ منْ عَينَيو شي كَما القشاِري، وتْفَتَّحوا عَينَيو، وْقام تْعَمَّذْ.
\v 19 وتْناوَلْ أَكلْ وتْقَوّى وْبَقى اِيّاِم عنْد التَّلاميذْ هَوكْ لَ كانو ف دمشْقْ.
\s شاوُلْ ف دمشق
\p
\v 20 وْراساً بَدا يكْرزْ ف مَجاِمع الياهودْ عَلى يَسوُعْ ويقولْ: ”هوّاِ واِ ابْن اَلله.“
\v 21 ومَبْهوتينْ كانوا كلْ لَ كانْ يسْتمْعولو. كان يقولونْ: ”لَيشْ موُ هاذْ واِ لَ كانْ يضْطهدْ كلْ هَوكْ لَ كانْ يدْعَونْ هَالاسمْ ف القدْسْ؟ وْلَونْ زاِ بْشانْ هاي ك انْبَعَث، تَ يمْسك يوَدّيين لَگْباريّة الكَهَنَة.“
\p
\v 22 بَسْ شاوُلْ أكْثَرْ كانْ يتْقَوّى ويهَيّج ياهودْ دمشْق وْهوّاِ يوَرّيينْ هذا واِ المَسيحْ.
\v 23 وْوَقْتْ لَ طَوَّلْ هَونَك اِيّاِم، الياهودْ سَوَوا عَلَيو دُبارَة تَ يقْتلوهُ،
\v 24 بَسْ شاوُلْ حَسْ عَ الحيلِة لَ يريدون يسَولو. وْكانْ ينْطرون ابْواب البَلَدْ باللَيلْ وبنْهار تَ يقْتلوهُ.
\v 25 هاك الوَقْت التَّلاميذْ حَطّوهُ فَ زَنْبيل وْدَلَّوهُ م السّورْ باللَيلْ.
\s شاوُلْ ف القدْسْ
\p
\v 26 وْراحْ للقدْس، وْكان يريد يصفْ مَع التَّلاميذ. وْكلّنْ كان يخافونْ منّو وْما كان يسَدْقونْ تَلْميذْ واِ.
\v 27 قامْ بَرْنابا أَخَذوا جابو لَعنْد الرّسل وْحَكالنْ أشْوَنْ ف الطَّريِقْ أَرى الرَّبْ وَاشْوَنْ حَكى مَعو، وَاشْوَنْ ف دمشقْ قدّامْ عَين الشَّمْسْ حَكى باسمْ يَسوُعْ.
\v 28 وْكان يروُح وْيجي مَع التَّلاميذْ ف القدْسْ،
\v 29 وْيحْكي باسمْ يَسوُعْ قدّام العَين، وْكانْ يتْجاِدَل مَع الياهودْ لَ يحْكَونْ بلْساِن اليوناني، بَسْ هنّاِ كان يريدونْ يقْتلوهُ.
\v 30 وْوَقْتْ لَ عَرَفوا الاخْوِة، جابوهُ للقَيصَريِّة وْمنّا بَعَثوهُ لَطَرسوُسْ.
\v 31 بَسّ البيعَة ف كلّ الياهوديِّة وْف الجَّليل وْف السَّامْرَة كانْ فِيا سَلامْ تنْبَنى وْتمْشي فَ خَوف اَلله، وبْتَعزِيةْ روُح القدسْ كانْ تكْثَرْ.
\s بطْرسْ ف لدَّة ويافا
\p
\v 32 وْوَقْتْ لَ كانْ شَمْعونْ يتْنَقَّلْ بَين الّبْلادْ، نزلْ لَعنْد القَدّيسينْ ف مَدينة لودْ.
\v 33 وَارى فِيا زَلَمِة اسْمو إينيّا، وْكان مْشَطَّحْ فَ تَخْتْ مَشْلولْ من ثْمن سْنينْ
\v 34 وْقالْلو شَمْعونْ: ”إينيّا، يشْفيكْ يَسوُع المَسيحْ. قوم وْعَدّلْ تَخْتك.“ وْفَ ساعتا قامْ.
\v 35 وَارَوهُ كلّ اَهل لود وْسيرونا وْرجْعوا لَالله.
\v 36 وْكانْ في فَ يافا تَلْميذِة إسْما طابيثا {يعْنيِ غزالة}. كانتْ غَنيِّة ف اعْمال الخَير وْسَدَقاتْ لَ كان تْسَي.
\v 37 وْمرضتْ فَوك الاِيّاِم وْماتت، وْخَسَّلووا وْحَطّووا ف العلّيِّة.
\v 38 وْسمْعوا التَّلاميذْ شَمْعونْ ف لودْ لَ جَنْبْ يافا واِ، وْبَعَثولو زَلَمتَين اثْنَينْ تَ يطْلبونْ منّو لا يبْطى يجي لَعنْدنْ.
\v 39 وْقامْ شَمْعونْ راحْ مَعن. وْوَقْتْ لَ جا، طاِلَعوهُ للعلّيِّة والتَمّوا قاموا حَولو كلّ الاَراملْ يبْكَونْ ويوَرَّوهُ قمْصان وْحَويسْ كانْ كلْعَطتنْ ياِ طابيثا وَقْتْ لَ كانتْ طَيبِة.
\v 40 وْشَمْعونْ طاِلع النّاِسْ كلّنْ لَبَرّا، وْرَكَعْ عَلى ركَبو وْصَلّى، وانْدارْ صوُب الجّثِّة وْقالْ: ”طابيثا، قومي.“ وْهيِّ فَتَّحتْ عَينَيا وْوَقْتْ لَ ارَت شَمْعونْ قعْدتْ.
\v 41 وْمَدْلا إيدو وْقَيَّما. وْساحْ القَدّيسينْ والاَرامل وْعَطاهنْ ياِ طَيبِة.
\v 42 وانْعَرَفتْ هاي ف المَدينِة كلّا وكْثيرْ آمَنوا فَ رَبْنا.
\v 43 وْبَقى فَ يافا إيّاِمْ موُ قْلَيل، وْكانْ كنَّزَّلْ بَيتْ شَمْعون الدّبّاغْ.
\c 10
\p
\v 1 وْف القَيصَريِّة كانْ في واِحدْ زَلَمِة قايدْ ميِّة اسْمو كوُرْنيليوسْ م الفرْقَة لَ يقولولا الايطاليِّة.
\v 2 كانْ بارْ خايف اَلله هوّاِ وْبَيتو كلّو. كان يسَي سَدَقات كْثيرْ للشَّعب، وْكلْ وَقْتْ كان يصَلّي يطْلبْ من اَلله.
\v 3 هاذْ، حَوالي ساعَة تسْعَة، أَرى مَلاك اَلله واضحْ ف رويا يدْخلْ لَعنْدو وْقالْلو: ”يا كوُرْنيلياِ!“
\v 4 وْهوّاِ طَلّعْ فِيو وْخاف وْقالْ: ”أَيشْ سَيّدي؟“ المَلاكْ قالْلو: ”صَلاواتك وْسَدَقاتكْ علْيتْ صارتْ لكْ ذكرْ قدّام اَلله.
\v 5 والسَّع ابْعَث رْجاِلْ لَيافا وْجيبْ شَمْعونْ لَ يقولولو: بطْرسْ.
\v 6 كْوا كنَّزَّلْ فَ بَيتْ شَمْعون الدّبّاغ لَوّاِ عَلى شَطّ البَحر {وْهوّاِ تَ يقولْ لكْ أَيشْ لازم تْسَي}.“
\v 7 وْوَقْتْ لَ راحْ مَلاكْ لَ حَكى مَعو، ساح اثْنَينْ منْ خدّاِمينْ بَيتو وْعَسْكَري خايف اَلله منْ عَساِكرو المخْلصينْ فَ طاعتو،
\v 8 وْقالْلنْ عَلى كلْ شي لَ ارى، وْبَعَثنْ لَيافا.
\v 9 ثاِني نْهار، وْهنّاِ ماِشْيينْ ف الطَّريِق وقْرابْ م البَلَدْ، طَلَعْ شَمْعونْ عَ الّسْطوُحْ تَ يصَلّي ساعَة ستِّة.
\v 10 وْجاع وْكان يريدْ ياكل. وْهنّاِ يحَضْرولو، وَقَعْ عَلَيو انْجذابْ روُحاني،
\v 11 وَارى السَّماواتْ مَفْتوُحَة وفْراغْ مَشْدودْ منْ أَرْبَعْ قَراني يشْبَه قْماشةْ كتّان گْبيرِة يتْدَلّى م السَّما عَ الاَرْضْ.
\v 12 وْكانْ فِيو كلْ حَيواناتْ لَ لها أَرْبَع اجْرَينْ وْحَلَضاناتْ لَ تچْحَفْ عَ الاَرْضْ وطْيوُر السَّما.
\v 13 وجاهُ صَوت يقول: ”شَمْعونْ، قوم اذْبَح وْكلْ.“
\v 14 وْشَمْعونْ قالْ: ”حاشا يا رَبْ. أَبَدْ ما كَ اكَلْتُ شي نجس وْموُ طاهرْ.“
\v 15 رَدْ قالْلو الصَّوتْ: ”لَ الله طَهَّرنْ، أنْتَ لا تْنَجّسنْ.“
\v 16 هاي صارتْ ثَةْ طرْق، وتْعَلّى الّفْراغْ للسَّما.
\v 17 وْهوّاِ شَمْعونْ يتْعَجَّب وْيسْأَلْ روُحو عَجَبْ أَيشْ ياِ هَالرّويا لَ اراها، وصْلوا هَوكْ لَ كانْ كلْبَعَثنْ كوُرْنيليوس، وْسَأَلوا عَلى بَيتْ لَ كنَّزَّلْ فِيو شَمْعون، وْجَوا وْقاموا عَلى باب الحَوشْ.
\v 18 وْكان يسيِحونْ هَونَك وْيسْأَلونْ تَ يعْرفونْ لَ شَمْعونْ لَ يقولولو بطْرسْ هَونْ واِ ناِزلْ؟
\v 19 وْوَقْتْ لَ كانْ شَمْعونْ يفْتكرْ ف الرّويا، الرّوُحْ قالْلو: ”كْوا ثَثّ رْجاِل يريدوكْ.
\v 20 قوم انْزَل وْروُحْ مَعن وْلا تتْرَدَّد وْتفْتكرْ، منْ لَ انا كلْبَعَثْتوونْ.“
\v 21 هاك الوَقْتْ نزل شَمْعونْ لَعنْد هَوك الّرْجاِل وْقالْلنْ: ”أَنا واِ لَ تْريدونْ. بْشان اَيشْ كجّيتنْ؟“
\v 22 قالولو: ”واِحدْ زَلَمِة اسْمو كوُرْنيليوسْ قايدْ ميِّة بارْ خايف اَلله وْمَشْهودْلو منْ كل شَعْب الياهودْ، مَلاكْ قَدّيسْ ف رويا قالْلو تَ يبْعَث يدَخّلكْ لَبَيتو وْيسْمَعْ كلْمِة منّكْ.“
\v 23 وْدَخَّلنْ شَمْعونْ واسْتَقبَلنْ موُضَعْ لَ كانْ ناِزل. وْقامْ ثاِني نْهارْ طَلَعْ راحْ مَعن، وْراحْ مَعو كَمْ واِحدْ م الاخْوِة لَنّاِ منْ يافا.
\v 24 وثاِني نْهار دَخَلوا للقَيصَريِّة. وْكوُرْنيليوُسْ كانْ قاِعدْ ينْطرن، وْكانْ ك الْتَمْ عنْدو كلْ ناِس عَشيرتو، وْكلّ السّدْقانْ والمَحْبوبينْ لَ كانْ لهُ.
\v 25 وَقْتْ لَ دَخَلْ شَمْعونْ، كوُرْنيليوُس اسْتَقْبَلو وْوَقَعْ سَجَدْ عنْد اجْرَيو.
\v 26 وْشَمْعونْ قَيَّمو وْقالْلو: ”قوم. أنا زاِ انْسان اَنا.“
\v 27 وْدَخَل وْهوّاِ يحْكي مَعو، وَارى كْثيرْ كانْ كجَّوا لَونَكْ.
\v 28 وْقالْلنْ: ”أنْتنْ تعْرفونْ موُ مَسْموحْ لَزَلَمِة ياهودي تَ يعاشر اَحَّدْ غَريبْ موُ ابنْ قَبيلتو، بَسّ اَنا أَلله وَرّاني لا أَقولْ عَلى اَحَّدْ موُ طاهرْ يا نجسْ.
\v 29 منْ هاي بْعَزمْ جيتُ وَقْتْ لَ بَعَثْتنْ خَلْفي. بَقى أَسْأَلكنْ: ’لَيشْ بَعَثْتنْ خَلْفي؟‘
\p
\v 30 كوُرْنيليوسْ قالْلو: ”هاي أَرْبَعْة اِيمْ دي للسَّعْ وَانا صايم. وْساعَة تسْعَة، وَانا أَصَلّي فَ بَيتي، قامْ واِحدْ رجّالْ قدّامي لاِبس اَبْيَضْ.
\v 31 وْقالْ لي: ’كوُرنيليّاِ، انْسَمَعتْ صَلاتك، وْصار ذكرْ لسَدَقاتكْ قدّام اَلله.
\v 32 بَقى ابْعَثْ لَيافا وْجيبْ شَمْعونْ لَ يقولولو: بطْرس، كْوا ناِزلْ فَ بَيتْ شَمْعون الدّبّاغْ عَلى شَط البَحر، وْهوّاِ تَ يّجي يحْكي مَعكْ.‘
\v 33 وْراساً بَعَثْتُ خَلْفكْ، وانْتَ مَليِحْ سَيتْ لَ جيت. وْهاي نحْناِ كلّتْنا قدّامكْ، ونْريدْ نسْمَعْ كلْ شي لَ انْأَمَرْتْ من اَلله.“
\s وَعظة بطْرسْ
\p
\v 34 وْفَتَحْ شَمْعونْ ثمّو وْقالْ: ”بالحَقّ افْتَهَمْتُ أَلله موُ يبَدّي ناِسْ عَلى ناِسْ.
\v 35 بَلىِ ف كلّ الامَمْ أَينا لَ يخافْ منّو ويسَي برْ مَقْبول واِ عنْدو.
\v 36 الكلْمِة لَ بَعَثْ لَبَني اسْرائيل وْبَشَّرنْ بالسَّلامْ والاَمان بْيَسوُع المَسيحْ هذا واِ رَبّ الكلْ.
\v 37 وانْتنْ تعْرفونْ ف شي لَ صارْ ف الياهوديِّة كلّا، لَ بَدا م الجَّليلْ بَعدْ مَعْموذيِّةْ لَ كَرَزْ يوحَنّا.
\v 38 عَلى يَسوُعْ لَ م النّاصْرَة، لَ مَشَحو اَلله بْروُح القدسْ والقوِّة، وْهوّاِ واِ لَ كانْ يتْنَقَّل وْيشْفي كلّ النّاِسْ لَ انْأذَوا منْ إبْليسْ، منْ لَ الله كانْ مَعو.
\v 39 وْنحْناِ شْهودو لكلْ شي لَ سَوى فَ ارْض الياهوديِّة وْف القدْسْ. لهُ لاذْ عَلَّقوا الياهودْ عَلى خَشَبِة وْقَتَلوهُ.
\v 40 ولهُ قَيَّم اَلله ثالثْ يَوم، وْعَطاهُ تَ يظْهَرْ قدّام العَينْ،
\v 41 موُ لكلّ الشَّعْبْ، بَلىِ لنا نحْناِ لَ اخْتارْنا اَلله تَ نْكونْلو شْهودْ، نحْناِ لَ اكَلْنا وْشربْنا مَعو منْ بَعد قْياِمتو منْ بَين المَيتينْ.
\v 42 وْوَصّانا تَ نكْرز وْنشْهَدْ للشَّعبْ، هاذْ واِ لَ تْعَيَّنْ من اَلله قاضي للطَّيبينْ والمَيتينْ.
\v 43 ولهُ شهْدوا كلّ الاَنْبِيا وْقالوا: ’كلْ من يآمنْ باسْمو تنْغفرْ خَطيّاتو.‘“
\s نزوُل روُح القدس عَلى ناِسْ موُ ياهود
\p
\v 44 وْهوّاِ شَمْعونْ قايم يحْكي هَالكَلامْ، حَلْ روُح القدسْ عَلى كلْ لَ كانْ يسْمَعون الكلْمِة.
\v 45 والاخْوِة الّمْطَهَّرينْ لَ جَوا مَعو، تْعَجَّبوا وانْبَهَتوا، منْ لَ عَ الامَمْ زاِ عَطيِّة روُح القدسْ فاضتْ،
\v 46 منْ لَ كانْ يسْمَعْوونْ يحْكَونْ بلْساِناتْ ويعَظْمونْ لَالله.
\v 47 وْقال شَمْعونْ: ”في اَحَّد يتيِقْ يمْنَع المَي بْشانْ لا يتْعَمَّذونْ هَوك؟ كْوا نالوا روُح القدسْ كَمانا نحْناِ.“
\v 48 هاك الوَقْتْ أَمَرنْ تَ يتْعَمَّذونْ باسمْ رَبْنا يَسوُع المَسيح. وْطَلَبوا منّو تَ يبْقى عنْدن اِيّاِمْ.
\c 11
\p
\v 1 وْسمْعوا الرّسلْ والاخْوِة ف الياهوديِّة، الامَمْ زاِ قبْلوا كلْمة اَلله.
\v 2 وْوَقْتْ لَ طَلَعْ شَمْعونْ للقدْسْ، كانْ يتْجاِدَلونْ مَعو اَهل الّطْهوُر الياهود يحاِسْبوهُ،
\v 3 ويقولونْ: ”لَعنْدْ ناِسْ موُ مْطَهَّرينْ دَخَلْ وَاكَلْ مَعنْ.“
\v 4 وْبَدا شَمْعونْ شي بَعدْ شي يحْكي ويقولْلنْ:
\v 5 ”وَانا قايمْ أَصَلّي فَ يافا، أَرَيتُ ف رويا نزل فْراغْ كَما قْماشةْ كتّانْ مَشْدودْ منْ أَرْبَعْ قَرانِيو وْكانْ يتْدَلّى م السَّما، وْجا دي لَعنْدي.
\v 6 وْطَلَّعْتُ فِيو، وْكانْ أَرى فِيو حَيواناتْ لَ لها أَرْبَع اجْرَين، وْحَلَضاناتْ لَ تچْحَفْ عَ الاَرْض، وْحتّى طْيوُر السَّما.
\v 7 وْسمعْتُ صَوت يقولْ لي: ’شَمْعونْ، قوم اذْبَح وْكلْ.‘
\v 8 وْقلْتُ: ’حاشا يا رَبْ! أَبَدْ ما دَخَلْ ثمّي شي موُ طاهر وْنجسْ.‘
\v 9 وْكَرْةْ لخ الصَّوتْ قالْ لي م السَّما: ’شي لَ الله طَهَّرْ، أنْتَ لا تْنَجّسْ.‘
\v 10 هاي صارتْ ثَةْ طرْقْ وانْرَفَعْ كلْ شي للسَّما.
\v 11 وْفاك الوَقْتْ ثَثّ رْجاِل مَبْعوثينْ لَعنْدي منْ كوُرْنيليوُسْ م القَيصَريِّة جَوا وْقاموا عَلى باب البَيتْ لَ كنْتُ ناِزلْ فِيو.
\v 12 وْقالْ لي الرّوُحْ: ’روُحْ مَعنْ بَلا شَكْ.‘ وْجَوا مَعي هَوذ السّةّ اخْوِة زاِ، وْدَخَلْنا لَبَيت الزَّلَمِة.
\v 13 وْحَكى لْنا أشْوَنْ أَرى فَ بَيتو مَلاكْ قام وْقالْلو: ’ابْعَثْ لَيافا وْجيبْ شَمْعونْ لَ يقولولو بطْرسْ.
\v 14 وْهوّاِ تَ يحْكي مَعكْ كَلامْ فِيو تَ تخْلَصْ، أنْتَ وْكلْ بَيتكْ.‘
\v 15 وْوَقْتْ لَ كنْتُ قايمْ هَونَكْ أَحْكي، حَلْ عَلَينْ روُح القدسْ كَما لَ حَلْ عَلَينا منْ قَبلْ.
\v 16 وْجا لَبالي كلْمةْ رَبْنا لَ كانْ كلْقالْ: ’يوحَنّا عَمَّذ بالمَي، بَسّ انْتنْ تَ تتْعَمَّذون بْروُح القدسْ.‘
\v 17 بَقى لَ الله بالّمْساواة عَطى عَطيِّة للامَمْ لَ آمَنوا بْرَبْنا يَسوُع المَسيحْ كَما لَ عَطانا، أَنا منْ كنْتُ تَ اتيِقْ أَمْنَع اَلله؟“
\v 18 وَقْتْ لَ سمْعوا هَالكَلامْ، هدْيوا وْسَبَّحوا لَالله وْكان يقولونْ: ”يمْكنْ للامَمْ زاِ اَلله عَطى تَوبِة للحَياةْ.“
\s بيعَة أَنْطاكْيا
\p
\v 19 هَوكْ لَ كانْ ك تْفَرَّقوا منْ شدّة لَ صارتْ عَلى اسْطيِفانوُسْ، وصْلوا دي لَفينيقيا وْحتّى لَقبْرصْ وَانْطاكْيا. وْمَع اَحَّدْ ما كانْ يحْكَون الكلْمِة غَيرْ للياهودْ.
\v 20 بَسْ كانْ في ناِسْ منّنْ، منْ قبْرص وْم القَيرَوانْ، هَوذ دَخَلوا لانْطاكْيا، وْكانْ يحْكَونْ مَع اليونانيِّة ويبَشْرون بْرَبْنا يَسوُعْ.
\v 21 وْكانتْ مَعنْ إيد الرَّبْ وكْثيرْ آمَنوا وْرجْعوا للرَّبْ.
\p
\v 22 وْسمْعوا فَ هاي اولاد البيعَة ف القدْس، وْبَعَثوا بَرْنابا لانْطاكْيا.
\v 23 وْوَقْتْ لَ جا لَونَكْ وَارى نعْمة اَلله، فرح وْطَلَبْ منّنْ تَ يكونونْ منْ كلْ قَلْبنْ مَعْ رَبْنا.
\v 24 منْ لَ كانْ بَرْنابا زَلَمِة صالح مْكَمَّل بْروُح القدس والايمان، انْزادْ شَعْب كْثيرْ لَرَبْنا.
\v 25 وْهوّاِ طَلَعْ لَطَرسوسْ تَ يدَوّرْ عَلى شاوُلْ.
\v 26 وْوَقْتْ لَ اراهُ، جابو مَعو لانْطاكْيا. وْسَنِة كامْلِة اثْنَينن مَعْ بَعْضنْ كانْ يجْتمْعونْ ف البيعَة، وْعَلَّموا شَعْب كْثير. وْمناك الوَقْتْ أَوَّلْ شي فَ انْطاكْيا تْسَمَّوا التَّلاميذْ ”مَسيحِيِّة.“
\p
\v 27 وْفَوك الاِيّاِمْ، جَوا م القدْسْ أَنْبِيا لَونَكْ.
\v 28 وْقامْ واِحدْ منّنْ اسْمو أَگابوُس، وْخَبَّرنْ بالرّوُحْ تَ يسيِرْ جوُع ف كلّ الاَرْض، وْصارْ هَالجّوُعْ ف اِيّاِم كْلودْيوس القَيصَرْ.
\v 29 والتَّلاميذْ كلْ واِحد بْموجبْ قَدارتو نَذَروا تَ يبْعَثونْ لَخدْمة الاخْوِة سكّان الياهوديِّة.
\v 30 وْبَعَثوا بيد بَرْنابا وْشاوُلْ لشْيوُخةْ هَونَكْ.
\c 12
\p
\v 1 فاك الزَّمانْ مَلكْ هيروُدسْ لَ يتْلَقَّبْ أَگْريپوُسْ مسكْ ناِسْ م البيعَة تَ يأذيينْ،
\v 2 وْقَتَلْ بالسَّيفْ يَعْقوبْ أَخو يوحَنّا.
\v 3 وْوَقْتْ لَ ارى هاي جَتْ منْ كيِف الياهودْ، تاِبَع تَ يمْسكْ شَمْعونْ بطْرسْ زاِ. وْكانتْ وَقْتا إيّاِمْ عيد الفَطيِرْ.
\v 4 وْمسكو وْكَبّو ف الحَبْس وْسَلَّمو لَسطَّعْشْ عَسْكَري تَ يحْرسوهُ، بْشانْ بَعد الفصْح يسَلّمو لَشَعْب الياهودْ.
\v 5 وْوَقْتْ لَ كانْ شَمْعونْ مَحْروسْ ف الحَبْسْ، صَلا دايمِة كانْ تتْقَدَّمْ م البيعَة لَخاطرو لَالله.
\s بطْرسْ يفلَت م الحَبْسْ
\p
\v 6 وْفاك لَيلِةْ لَ ف صبْحيّتا كانْ تَ يسَلّمو، وَقْتْ لَ كانْ شَمْعونْ ناِيمْ بَين اثْنَينْ حرّاسْ، ومْشَدَّدْ فَ زَنْجيرَين، وْغَيرنْ يحْرسون ابْواب الحَبْسْ،
\v 7 مَلاك الرَّبْ قامْ فوُقْ منّو، وْنورْ ضَوّى ف كلّ البَيت، وْدَقَروا فَ خاصْرتو وْقَيَّمو وْقالْلو: ”قومْ خَفيفْ.“ وْوَقَعوا الزّناِجيرْ من ايدَيو
\v 8 وْقالْلو المَلاكْ: ”شد وسْطكْ واحْزق كْلاشك.“ وْسَوى كذاِ. وْرجعْ قالْلو: ”الْبسْ لبْسك وْتَعا خَلْفي.“
\v 9 وْطَلَع وْكانْ يمْشي خَلْفو، وْهوّاِ موُ يعْرفْ حَقْ ياِ هاي لَ تْسيِر بيد المَلاكْ، منْ لَ كانْ يفْتكرْ رويا قايمْ يرى.
\v 10 وْوَقْتْ لَ فاتوا منْ قدّام أَوَّلْ نفْشْ م الحرّاسْ والثّاِني، جَوا دي لَ باب الحَديدْ، وانْفَتَحْلنْ منْ روُحو، وْبَعدْ لَ مشْيوا طَريِقْ واِحد، المَلاكْ غابْ منْ قدّامو.
\v 11 هاك الوَقْت افْتَهَمْ شَمْعون، وْقال: ”السَّعْ عَرَفْتُ بالحَقيقَة الرَّبْ بَعَثْ لي مَلاكو وْفَلَّتْني منْ إيدْ هيروُدس المَلك، وْمنْ شي لَ كانْ يتْآمَرونْ عَلَي الياهودْ.“
\v 12 وْوَقْتْ لَ افْتَهَمْ، راحْ لَبَيتْ مَرْيَمْ أمْ يوحَنّا لَ يقولولو: مرْقسْ، منْ لَ اخْوِة كْثيرْ كانوا مجْتمْعينْ هَونَكْ يصَلَّونْ.
\v 13 وْدَقْ عَلى باب الحَوش، وْطَلَعت تْردْ عَلَيو صَبيِّة خدّامِة إسْما رودي.
\v 14 وْعَرَفتْ صَوتْ شَمْعون، وْمنْ فَرْحتا ما فَتَحْتلو، وْرجْعتْ تعْدي وتْقولْلن: ”شَمْعون كْوا قايمْ عَلى باب الحَوشْ.“
\v 15 قالولا: ”جْنونْ كجَّنَيتِ.“ بَسْ هيِّ كان تْعاِلجْ وتْقولْ: ”هاي كذاِ كَما لَ اقولْكنْ ياِ.“ قالولا: ”يمْكنْ مَلاكو واِ.“
\v 16 وْشَمْعونْ كان يدقْ عَ الباب وْطَلَعوا أَرَوهُ وانْبَهَتوا.
\v 17 وْكان يأشّرْلنْ بيدو تَ يسْكتونْ، وْدَخَل وْحَكالنْ أشْوَن الرَّبْ طاِلَعوا م الحَبْس. وْقالْلن: ”خَبْروا بْهَوذْ لَيَعْقوب وْلاخوتْنا.“ وْطَلَعْ راحْ لَغَيرْ موُضَعْ.
\v 18 وَقْتْ لَ صارت الصّبْحْ، صارْ قالِة گْبيرِة بَين الحرّاسْ عَلى شَمْعونْ أَيشْ صارْ فِيو.
\v 19 وْهيرودسْ وَقْتْ لَ طَلَبو وْما اراهُ، حَكَمْ عَ الحرّاس، وْأَمَرْ تَ يموتون، وْطَلَعْ م الياهوديِّة للقَيصَريِّة وْبَقى هَونَكْ.
\s مَوت هيرودس
\p
\v 20 وْمنْ لَ كانْ غضْبانْ عَلى أَهلْ صور وْصَيدا، اجْتَمَعوا وْجَوا لَعنْدو مَع بَعْضنْ وتْرَجَّوا بليسطوُسْ حاجب المَلك وْطَلَبوا منّو تَ يكونْلنْ أَمانْ، منْ لَ رزْقْ ديرتنْ منْ مَمْلَكةْ هيروُدسْ كانْ.
\v 21 وْفَ يَومْ مَعْروفْ لبسْ هيروُدسْ لبْس الملْك وْقعدْ عَ البيما وْبَقى يحْكي مَع الملْتَمّينْ.
\v 22 والشَّعْبْ كان يسيِحْ: ”هَوذ اقْوالْ إلهْ ناِ موُ اقْوال انْسانْ.“
\v 23 وْمنْ لَ ما عَطى المَجْدْ لَالله، فَ ساعتا ضَرَبو مَلاك الرَّب، وْدَوَّد وْماتْ.
\v 24 وبْشارة الله كانْ تنْكرز وْتگْبَرْ.
\v 25 وْرجْعوا بَرْنابا وْشاوُلْ م القدْسْ لانْطاكْيا بَعدْ لَ خَلَّصوا خدْمتن، وْجابو مَعنْ يوحَنّا لَ يقولولو: مرْقسْ.
\c 13
\s بَرْنابا وْبولس للّكرازِة
\p
\v 1 وْكانْ في ف بيعَةْ أَنْطاكْيا أَنْبِيا ومْعَلْمينْ، بَرْنابا وْشَمْعونْ لَ يقولولو: نيجر، وْلوقيوسْ القيرَواني، وْمَناييِل لَ تْرَبّى مَعْ هيروُدس رَيّس الرّبع، وْشاوُلْ.
\v 2 وْهنّاِ صايمين وْيتْضَرَّعونْ لَالله، روُح القدسْ قالْلن: ”افْرقوا لي شاوُل وْبَرْنابا لَشغْل بْشانو دَعَيتوونْ.“
\v 3 وْبَعدْ لَ صاموا وْصَلَّوا، حَطّوا عَلَين الايد وْبَعَثوونْ.
\s ف قبرص
\p
\v 4 وْهنّاِ وَقْتْ لَ بَعَثنْ روُح القدسْ، نزْلوا لسْلوقْيا، وْمنْ هَونَكْ راحوا ف البَحرْ لَ قبْرصْ.
\v 5 وَقْتْ لَ دَخَلوا لَ سَلامينا، كان يبَشْرون بْكلْمةْ رَبْنا ف مَجاِمع الياهود، وْيوحَنّا كانْ يخْدمن.
\v 6 وْبَعدْ لَ داروا كلّ الجَّزيرِة دي لَمدينةْ پافوُسْ، أَرَوا واِحدْ زَلَمِة ياهودي ساحرْ، كانْ نَبي گذّابْ اسْمو بارْشوما.
\v 7 هاذْ كانْ تابعْ لَرجّالْ حَكيمْ كان الوالي واسْمو سَرْجْيوسْ بولس. الوالي دَعا شاوُل وْبَرْنابا وْطَلَبْ تَ يسْمَعْ منّنْ كلْمة اَلله.
\v 8 بَسْ كان يقومْ ف وچّن هَالسّاحرْ هاذْ بارْشوما، لَ يتَّرْجَم اسْمو إيلوماسْ، منْ لَ كان يريد يبَعّد الوالي م الايمانْ.
\v 9 بَسْ شاوُلْ، هاكْ لَ تْسَمّى بولس، تْعَبّا بْروُح القدس، وْطَلَّعْ فِيو،
\v 10 وْقالْ: ”يا مْعَبّا كلْ غش وْكلْ شَرْ. يا ابنْ إبْليس وْعَدو كلْ برْ. موُ تْبَطّل تْعَوّجْ طرْق الرَّب السّاِويِة؟
\v 11 والسَّع ايد الرَّبْ عَلَيك، وْتَ تْكونْ أعْمي وْموُ ترى الشَّمْسْ دي لَ زَمانْ.“ وْفَ ساعتا وَقَعْ عَلَيو عتْمِة قتْمِة، وْبَقى يبْرم وْيطْلب اَحَّدْ تَ يمْسكْ ف ايدو.
\v 12 وَقْتْ لَ ارى الوالي شي لَ صار، تْعَجَّب وآمَن بْتَعْليم الرَّبْ.
\s فَ انْطاكْيا بسيديا
\p
\v 13 وْراحوا بولس وْبَرْنابا ف البَحرْ منْ پافوُس، وْجَوا لَ پيرجي ف بَمْفيلْيا،
\v 14 بَسْ هنّاِ طَلَعوا منْ پيرجي وْجَوا لانْطاكْيا لَيّاِ ف بْسيديا، وْدَخَلوا للمَجْمَع وْقعْدوا فَ يَوم السَّبْتْ.
\v 15 وْبَعدْ لَ انْقَرا النّاموسْ والاَنْبِيا، بَعَثوا شْيوُخة المَجْمَع وْقالولنْ: ”يا رْجاِل اخوتْنا، لَ كانْ في عنْدْكنْ كلْمةْ تَعْزِيِة، احْكَوا مَع الشَّعْبْ.“
\v 16 وْقامْ بولس وْأَشَّرْ بيدو وْقالْ: ”يا رْجاِلْ يا بَني اسْرائيل، وْهَوذْ لَ يخافونْ من اَلله، اسْمَعوا!
\v 17 إلهْ هَالشَّعْبْ هذا اخْتارْ أَبَّهاتْنا وْعَلّاهن وْعَظَّمنْ وَقْتْ لَ تْغَرَّبوا فَ ارْضْ مَصر، وْبذْراعْ عاِلي طاِلَعنْ منّا.
\v 18 وْطَعَّمنْ أَرْبْعينْ سَنِة ف البَرّيِّة.
\v 19 وْهَدَمْ سَبْع امَمْ فَ ارْضْ كَنْعان، وْعَطاهنْ أَرْضنْ ميراثْ.
\v 20 وَاربَعميِّة وْخَمْسينْ سَنِة عَطاهنْ حاكمين دي لَ زَمانْ صَموئيل النَّبي.
\v 21 وْهاك الوَقْتْ طَلَبولنْ مَلك. وْعَطاهن اَلله شاوُل ابنْ قَيسْ، منْ قَبيلة بنْيامينْ، أَرْبْعينْ سَنِة زَمانْ.
\v 22 وَاخَذو وْقَيَّملنْ داهودْ مَلك، وْشهدْلو وْقالْ: ’أَرَيتُ داهود ابنْ يَسّى رجّالْ كَما قَلْبي. هوّاِ تَ يسَي كلْ إرادتي.‘
\v 23 وْمنْ ذرّيّة هاذ اَلله قَيَّمْ لاسْرائيلْ يَسوُعْ مْخَلّصْ، كَما لَ وَعَدْ.
\v 24 وْبَعَثْ يوحَنّا تَ يكْرزْ قَبلْ لَ يجي بْمَعْموذيّة التَّوبِة لَكلْ شَعْب اسْرائيلْ.
\v 25 وْهوّاِ يوحَنّا يتَمّمْ خدْمتو، قالْ: ’منْ تفْتكْرون اَنا؟ موُ أَنا واِ. بَلىِ كْوا جاِييِ بَعْدي هاكْ لَ موُ مسْتَحقّ اَنا أَحلّ رْبّاطْ صَولو.‘
\v 26 يا رْجاِلْ يا اخوتْنا اولاد قَبيلة ابْراهيم، وْهَوذْ لَ يخافون اَلله مَعْكنْ، لكن انْبَعَثتْ كلْمة الخَلاصْ.
\v 27 منْ لَ هَوذْ سكّان القدس وْرُوَساهنْ لا عَرَفوا المَسيح وْلا اسْفار الاَنْبِيا لَ تنْقَرا كلْ سَبْتْ، بَلىِ حَكَموهُ وْتَمَّموا كلّ النّبوّات المَكْتوبِة.
\v 28 وْمَعْ لَ ما ارَوا سَبَبْ شي للمَوتْ، طَلَبوا منْ بيلاطُسْ تَ يقْتلوهُ.
\v 29 وْوَقْتْ لَ تَمَّموا كلْ شي لَ مَكْتوبْ كانْ عَلَيو، نَزَّلوهُ م الصَّليب وْحَطَّوهُ فَ قَبرْ.
\v 30 بَسّ اَلله قَيَّمو منْ بَين المَيتينْ،
\v 31 وْظَهَرْ ف اِيّاِم كْثيرْ لَوذْ لَ طَلَعو مَعو م الجَّليلْ للقدْس، وْهنّاِ ناِ السَّع شْهودو عنْد الشَّعْبْ.
\v 32 وْنحْناِ زاِ كْوا نْبَشّرْكن بْهاكْ وَعدْ لَ صارْ لابَّهاتْنا.
\v 33 كْوا تَمَّموا أَلله لنا نحْناِ اولادنْ، منْ لَ قَيَّمْ يَسوُعْ، كَما لَ انْكَتَبْ ف مَزْمور الثّاِني: ’ابْني أنْتَ، أَنا اليَومْ ولدْتوكْ.‘
\v 34 وْكذاِ قَيَّمو اَلله منْ بَين المَيتين بْشانْ لا كَرْةْ لخْ يرى فَساد المَوتْ، كَما لَ قالْ: ’تَ اعْطيكنْ نعْمةْ داهودْ السّادقَة.‘
\v 35 وْقالْ زاِ فَ غَيرْ موُضَعْ: ’ما سَمَحْتْ تَ يّرى طاهركْ فَسادْ.‘
\r (مز 16‏:10)
\p
\v 36 ”منْ لَ داهودْ ف جيلو خَدَمْ إرادة اَلله وْنام وْلحقْ أَبَّهاتو وَارى فَسادْ.
\v 37 بَسْ هاذْ لَ قَيَّم اَلله ما ارى فَسادْ.
\v 38 اعْرفوا بَقى يا اخوتي! بهاذْ نَفْسو ينْكرز لْكنْ غفْران الخَطيّاتْ.
\v 39 وْمنْ كلْ شي لَ ما تقْتن بْناموسْ موسى تتْبَرَّرون، بْهاذْ كلْ من يآمنْ يتْبَرَّرْ.
\v 40 بَقى بالْكنْ وايّاكنْ يجي عَلَيكنْ شي المَكْتوبْ ف الاَنْبِيا، لَ يقولْ:
\v 41 ’رَوا أنْتنْ هَوذْ لَ تتْمَهزَون! وْتَ تنْبهْتون وْتفْسَدونْ! عَمَلْ تَ اعْمَلْ ف اِيّاِمْكنْ، شي لَ موُ تْسَدْقون يكون اَحَّدْ يحْكي لْكنْ عَلَيو.‘“
\v 42 وَقْتْ لَ كانوا طالْعينْ منْ عنْدنْ، طَلَبوا منّنْ تَ يحْكَولنْ سَبْتْ الجّاِييِ هَالكَلامْ.
\v 43 وْبَعدْ لَ خلص اجْتماع المَجْمَع، كْثيرْ م الياهود وْم الغرْبْ لَ يخافونْ من اَلله راحوا مَعن. وْهنّاِ بولس وْبَرْنابا كانْ يحْكَونْ ويقَنْعوونْ تَ يثْبتونْ ف نعْمة اَلله.
\p
\v 44 وْسَبْتْ لَ بَعْدو، التَمّوا ناِس البَلَدْ كلّنْ تَ يسْمَعونْ كلْمة اَلله.
\v 45 وَقْتْ لَ ارَوا الياهودْ جَمْعَة گْبيرِة، تْعَبَّوا حَسَد وْبَقى يقومونْ ضدْ كَلامْ بولس وْيكْفرونْ.
\v 46 قاموا بولس وْبَرْنابا قالولنْ ف وچّن: ”لكنْ كانْ لازمْ أَوَّلْ شي تنْقال كلْمة اَلله، بَلىِ منْ لَ دَفَعْتنْ منْكنْ كلْمة اَلله، وْحَكَمْتنْ عَلى روُحْكنْ موُ تسْتاِهْلونْ حَياة الاَبَديِّة، كْوا تَ نرْجَعْ لَعنْد الامَمْ.
\v 47 منْ لَ كذاِ وَصّانا رَبْنا، كَما لَ انْكَتَبْ: ’حَطَّيتوكْ نورْ للامَمْ، تَ تْكونْ للخَلاصْ دي لآِخر الاَرْضْ.‘“
\p
\v 48 وَقْتْ لَ كانْ يسْمَعون الامَمْ، كانْ يفْرَحونْ ويسَبْحونْ لَالله، وْآمَنوا لَ كانوا مْعَيَّنينْ من اَلله لَحَياة الاَبَديِّة.
\v 49 وكلْمة الرَّبْ كانْ تنْحَكى ف كلْ موُضَعْ.
\v 50 بَسّ الياهودْ هَيَّجوا رُوَسا البَلَد وْنسْوانْ زناِگينْ خايفين اَلله مَعن، وْقَيَّموا اضْطهادْ عَلى بولس وْبَرْنابا وْطاِلَعوون منْ ديرتنْ.
\v 51 وْوَقْتْ لَ طَلَعوا، نَفَضوا عَلَينْ غَبرة اجْرَينْ وْجَوا لَايقونْيا.
\v 52 والتَّلاميذْ كانْ يتْعَبَّونْ فَرَح وْروُح القدسْ.
\c 14
\s ف أَيقونيا
\p
\v 1 وْجَوا وْدَخَلوا لَ مَجْمَع الياهودْ، وْكذاِ حَكَوا مَعن دي لَمَنْ آمَنوا كْثيرْ م الياهودْ واليونانيِّة.
\v 2 بَسّ الياهودْ لَ ما طاعوا، هَيَّجوا الامَمْ تَ يأذَون الاخْوِة.
\v 3 وْبَقَوا هَونَكْ زَمانْ طَويل، وْقدّام العَينْ كانْ يحْكَونْ عَ الرَّبْ، وْهوّاِ يشْهَدْ لَكلْمةْ نعْمتو بالعَلامات والعجايب لَ كانْ يسَي عَلى ايدَينْ.
\v 4 وْكلْ جَماعة البَلَدْ منْقسمينْ كانوا، ناِسْ مَع الياهود وْناِسْ مَع الرّسلْ.
\v 5 وْصار عَلَينْ حكمْ م الياهودْ والامَمْ وْرُوَساهنْ، تَ يهينوون وْيرْجموونْ بالحَجَرْ.
\v 6 وْوَقْتْ لَ عَرَفوا، انْتَقَلْوا والتَجَوا ف لوقانِيّا وْلوسطْرا وْدَرْبي وضْياعْ لَ حَولنْ،
\v 7 وْهَونَكْ كانْ يبَشْرونْ.
\s لوسطرا ودَربي
\p
\v 8 وْكانْ في ف لوسطْرا زَلَمِة قاِعدْ اجْرَيو مْكَرْسَحينْ أَعْرَجْ منْ بَطنْ أمّو، ما مشي ف عمْرو.
\v 9 هاذْ سمعْ بولسْ يحْكي، وْوَقْتْ لَ اراهُ بولس وْعَرَفْ فِيو إيمانْ تَ يخْلَصْ،
\v 10 قالْلو بْصَوتْ عاِلي: ”لكْ أَقولْ باسمْ رَبْنا يَسوُع المَسيحْ: قومْ عَلى اجْرَيكْ.“ وْنَطْ قام وْمشي.
\v 11 وْلَمّة الشَّعْبْ وَقْتْ لَ ارَوا شي لَ سَوى بولسْ، عَلَّوا صَوتن وْساحو بلْساِن الدّيرِة: الآلِهَة تْشَبَّهوا بالبَشَر وْنزْلوا لَعنّا.
\v 12 وْسَمّوا بَرْنابا سَيّد الآلِهَة وْبولسْ هرْميسْ، منْ لَ هوّاِ بَدا ف الكَلامْ.
\v 13 وْكاهنْ سَيّد الآلِهَة هاكْ لَ كانْ بَرّات البَلَدْ، جابْ ثوراِن وَاكاليلْ دي لابْواب الدّارْ، موُضَعْ لَ كانوا ناِزْلينْ {مَع لَمّة ناِس،} وْكان يريدْ يذْبَحْلنْ.
\v 14 بَسْ بَرْنابا وْبولسْ وَقْتْ لَ سمْعوا، شَرَّطوا حَويسن وْنَطّوا طَلَعوا لَعنْدْ لَمّة النّاِس وْكان يسيِحونْ
\v 15 ويقولونْ: ”يا رْجاِلْ، أَيش تْسَوَون انْتنْ؟ نحْناِ زاِ انْسانْاتْ كَماكنْ نحْناِ نْحسّ وْنتْوَجَّعْ. ونْبَشّرْكنْ تَ ترْجَعونْ منْ هَالاباطيلْ لَالله الحَي لَ سَوى السَّما والاَرْضْ والّبْحار وْكلْ شي لَ فِينْ.
\v 16 هاكْ لَ ف اجْيال القَديمْ خَلّى كلّ الامَمْ يروُحونْ فَ طَريِقنْ.
\v 17 مَع لَ ما خَلّى نَفْسو بَلا شَهادِة وَقْتْ لَ كان يسَيلنْ خَيراتْ م السَّما وينَزّلْلنْ مَطَرْ ويرَبّي ثْمارْ فَ مَواسما ويعَبّي قْلوبنْ شَبَع وْهَنا.“
\v 18 وْمَعْ كلْ هاذْ لَ كان يقولونْ، بالزّوُر وَقَّفوا الشَّعْب وْمَنَعوا اَحَّدْ يذْبَحْلنْ.
\v 19 بَسْ جَوا لَونَكْ ياهودْ من اَيقونْيا وَانْطاكْيا وْهَيَّجوا عَلَين الشَّعْب، وْرَجَموا بولسْ بالحَجَر وْسَحَبوهُ لَبَرّات البَلَدْ، منْ لَ قالوا بَلْكي ماتْ.
\v 20 والتَمّوا عَلَيو التَّلاميذ، وْقام ودَخَلْ للبَلَد. وْثاِني نْهار طَلَعْ منَونَكْ مَعْ بَرْنابا وْجَوا لَدَرْبي.
\s الرَّجعَة لانْطاكْيا ف سوريّا
\p
\v 21 وْوَقْتْ لَ كان يبَشْرونْ ناِسْ هاك البَلَدْ، تَلمَذوا كْثير. وْرجْعوا جَوا لَلوسطْرا وْلاَيقونْيا وْلانْطاكْيا،
\v 22 يثَبْتون نْفوس التَّلاميذ وْيطْلبونْ منّنْ تَ يبْقَون ف الايمان، ويقولولن: ”بْذيقَة گْبيرِة لازمْ ينْدخلْ لَمَلَكوت اَلله.“
\p
\v 23 وْقَيَّمولنْ ف كلْ بيعَة شْيوُخَة، وْكان يصومونْ ويصَلَّونْ ويأَمْنوْونْ لَرَبْنا لَ آمَنوا فِيو.
\v 24 وْوَقْتْ لَ داروا ف ديرة بْسيديا، جَوا لَ بَمْفيليا.
\v 25 وْبَعدْ لَ حَكَوا ف برْجا بْكلْمة الرَّبْ، نزْلوا لإيطالْيا،
\v 26 وْمنَونَكْ راحوا ف البَحر وْجَوا لانْطاكْيا، منْ لَ منْ هَونَكْ أَمَّنوا لَنعْمة الرَّبْ عَمَلْ لَ تَمَّموا.
\v 27 وْوَقْتْ لَ جَمَعوا كلّ البيعَة، حَكَولنْ عَلى كلْ شي لَ سَوى مَعن اَلله، وْعَلى لَ فَتَحْ باب الايمانْ للامَمْ.
\v 28 وزَمانْ طَويل كانوا هَونَكْ مَع التَّلاميذْ.
\c 15
\s مَجْمَع القدس
\p
\v 1 ونزْلوا ناِسْ م الياهوديِّة وْكان يعَلمون الاخْوِة يقولونْ: لَ موُ تتْطَهَّرون بْموجب عادة النّاموسْ موُ تْتيِقْونْ تخْلَصونْ.
\v 2 وْصارْ قال وْقيل كْثير وْجدالْ لبولس وْبَرْنابا مَعن. وْوَصَّلتْ تَ يطْلَعونْ بولس وْبَرْنابا وْغَيرنْ مَعنْ لَعنْد الرّسلْ والّشْيوُخَة لَ ف القدْسْ.
\v 3 وْبَعَثتن وْوَدَّعتن البيعَة، وْفاتوا فَ كلْ فينيقيا وبَين السَّامريِّة، وْهنّاِ يحْكَونْ عَلى رجوع الامَمْ لَالله، وْكانْ يفَرحون الاخْوِة فَرْحَة گْبيرِة.
\p
\v 4 وْوَقْتْ لَ جَوا للقدْسْ، صارلن اسْتقْبالْ م البيعَة والرّسلْ والّشْيوُخَة. وْحَكَولنْ كلْ شي لَ سَوى مَعن اَلله.
\v 5 وْقاموا ناِسْ لَ كانْ كلآمَنوا منْ مَذْهَب الفَرّيسيِّة وْقالوا: ”واجبْكن تْطَهْروونْ، وتْوَصَّوونْ تَ يحْفَظونْ ناموسْ موسى.“
\v 6 الرّسلْ والّشْيوُخَة اجْتَمَعوا تَ يطَلْعونْ لَهَالمَسَلِة.
\v 7 وْوَقْتْ لَ صارْ جدال كْثيرْ، قامْ شَمْعون وْقالْلنْ: ”يا رْجاِل اخوتْنا، أنْتنْ تعْرفونْ منْ أَوَّل الاِيّاِم، اخْتار اَلله تَ يسْمَعون الامَمْ منْ ثمّي كلْمة البْشارَة ويآمْنونْ.
\v 8 والله لَ يعْرفْ شي لَ ف الّقْلوبْ، شَهَدْلن وْعَطاهنْ روُح القدسْ كَما لَ عَطاهُ لنا.
\v 9 وبْشي ما فَرَّقْ بينْنا وْبَيننْ، منْ لَ طَهَّرْ بالايمان قْلوبنْ.
\v 10 والسَّعْ أنْتنْ لَيش تْجَرْبون اَلله بْهاي لَ تَ تْحطّونْ نير عَلى رْقاب التَّلاميذْ، لا أَبَّهاتْنا وْلا نحْناِ تقْنا نحْملو؟
\v 11 بَلىِ بْنعْمةْ رَبْنا يَسوُع المَسيح نْآمنْ تَ نخْلَصْ كَماهنْ.“
\v 12 وْسكْتوا كلّ الجَّمعَة، واسْتَمَعوا لَبولس وْبَرْنابا يحْكَولنْ عَلى كلْ شي لَ سَوى اَلله بيدَينْ، عَلامات وْعَجايب گْبيرِة بَين الامَمْ.
\v 13 وْبَعدْ لَ سكْتوا، قامْ يَعْقوب وْقالْ: ”يا رْجاِل اخوتْنا، اسْمَعوني.
\v 14 شَمْعونْ حَكى لْكنْ أشْوَنْ بَدا اَلله يخْتارْ م الامَمْ شَعْبْ لاسْمو.
\v 15 وْلهاي يوافق كَلام الاَنْبِيا، بْموجب المَكْتوبْ:
\v 16 ’بَعد هَوذْ، تَ ارْجَعْ وَاقَيّمْ خَيمةْ داهودْ لَ وَقَعتْ، وَاعَمّرْ شي لَ وَقَعْ منّا وَاقَيّمو.
\v 17 بْشانْ باقي البَشَرْ يطْلبون الرَّب وْكلّ الامَمْ لَ انْدَعى اسْمي عَلَين، يقول الرَّبْ لَ سَوى هَوذْ كلّنْ.
\v 18 مَعْروفينْ م الاَزَل اعْمال اَلله.‘
\p
\v 19 ”بْشانْ هاي اَنا أَقولْ: خَلّي لا يثَقْلونْ عَلَوذْ لَ م الامَمْ يرْجَعونْ لَالله.
\v 20 بَلىِ نبْعَث نْقولْلنْ تَ يبَعْدونْ منْ نَجاسة الذَّبايح المَذْبوُحَة للاصْنام وْم الزّنىِ وْم المَخنوُق وْم الدَّم.
\v 21 منْ لَ موسى م الاجْيال القَديمِة وْف كلْ بَلَدْ لهُ كاروزينْ ف المجاِمعْ ف كلْ سَبْتْ يقرَولو.“
\s مَكْتوبْ للمومنين الموُ ياهود
\p
\v 22 هاك الوَقْت الرّسلْ والّشْيوُخَة وْكلّ البيعَة اخْتاروا رْجاِلْ منّنْ وْبَعَثوا لانْطاكْيا مَعْ بولس وْبَرْنابا، لَياهوذا لَ يقولولو ”بارشابا“ وْلسيلا، وْهَالرّجّالَينْ رُوَسا كانوا بَين الاخْوِة.
\v 23 وْكَتَبوا مَكْتوبْ بيدَينْ قالوا فِيو: ”الرّسلْ والّشْيوُخَة والاخْوِة لَوذْ لَ في فَ انْطاكْيا وسوريّا وكيليكْيا لَنّاِ م الامَمْ. سَلامْ.
\v 24 سمعْنا ناِسْ منّا طَلَعوا وْزَعَجوكن بْكَلام وْقَلَقوا بالْكنْ وَقْتْ لَ قالولْكن لازمْ تتْطَهَّرون وْتحْفَظون النّاموس. وْنحْناِ ما أَمَرْناهنْ.
\v 25 بْشانْ هاي أَرَينا كلّتْنا وْنحْناِ مجْتمْعينْ واخْترنا رْجاِل وْبَعَثْنا لَطَرَفكنْ مَعْ بولس وْبَرْنابا عَزيزَينْنا،
\v 26 ناِسْ لَ سَلَّموا نَفْسنْ لَخاطر اسمْ رَبْنا يَسوُع المَسيحْ.
\v 27 بَعَثْنا مَعنْ ياهوذا وْسيلا بْشانْ هنّاِ بْثمّن يقولولْكنْ هَالكَلامْ هالأمورْ نَفْسا.
\v 28 منْ لَ رادْ روُح القدس وْنحْناِ لا ينْحَط عَلَيكنْ ثقلْ أَزْيَدْ غَيرْ هَالواجْباتْ الضّروريِّة:
\v 29 تَ تْبَعْدونْ م المَذْبوُحْ للاصْنام وْم الدَّم وْم المَخْنوُقْ والزّنىِ. لَ حَمَيتنْ روُحْكنْ منْ هَوذ كْوَيّس تْكونونْ. كونوا ثابْتينْ فَ رَبْنا.“
\p
\v 30 وْهَوكْ لَ انْبَعَثوا جَوا لانْطاكْيا، وْجَمَعوا كلّ الشَّعْب وْعَطَوا المَكْتوبْ.
\v 31 وَقْتْ لَ قَرَوا، فرْحوا وتْعَزَّوا.
\v 32 وبْكلْمِة غَنيِّة قَوَّوا الاخْوِة وْثَبَّتوونْ، منْ لَ ياهوذا وْسيلا زاِ أَنْبِيا كانوا.
\v 33 وْبَعدْ لَ بَقَولنْ هَونَكْ زَمانيِّة، خَلَّوون الاخْوِة تَ يروُحون بْسَلامْ لَعنْد الرّسلْ.
\p
\v 34 بَسْ سيلا رادْ يبْقى هَونَكْ أكْثَر.
\v 35 وْبولس وْبَرْنابا بَقَوا فَ انْطاكْيا، وْكان يعَلْمونْ ويبَشرونْ مَعْ غَيرن كْثيرْ بكلْمة اَلله.
\s بولس يفترق منْ بَرْنابا
\p
\v 36 وْبَعد كَمّ نْهارْ، بولس قالْ لبَرْنابا: ”تَ نرْجَع ونْزوُر الاخْوِة ف كلْ بَلَدْ كَرَزْنا فِيو بْكَلام اَلله، وْنرى أَيش يسَونْ.“
\v 37 بَرْنابا كان يريد يوَدّي يوحَنّا لَ يتْسَمّى مرْقسْ،
\v 38 بَسْ بولسْ ما كان يريد يوَدّيو مَعنْ، منْ لَ كانْ كلْخَلّاهنْ وَقْتْ لَ كانوا فَ بَمْفيلْيا، وْما راحْ مَعنْ {للعَمَلْ.}
\v 39 بْسَبَب هَالخلاف، افْتَرَقوا واِحدْ م اللاخ، وْبَرْنابا وَدّى مرْقس وْركْبوا ف البَحر وْراحوا لَقبْرصْ.
\v 40 وْبولس اخْتار سيلا وْطَلَعْ بَعدْ لَ تْسَلَّمْ م الاخْوِة لَنعْمة اَلله.
\v 41 وْكانْ يمْشي ف سوريّا وْكيليكْيا يثَبّت البِيَعْ.
\c 16
\s تيموُثاوُس برفَقة بولس وسيلا
\p
\v 1 ووصل بولس لَ دَربي ولوسطرا. وْكانْ في هَونَكْ تَلْميذْ اسْمو تيموُثاوُس، كانْ ابنْ وحْدِة ياهوديِّة مومنِة وَابوهُ وَثَني كان.
\v 2 وْكلّ التَّلاميذْ لَ منْ لوسطرا وْمنْ ايقونيا كانْ يشْهَدْولو.
\v 3 هاذْ راد بولس يوَدَّيو مَعو، وَاخَذ طَهَّرو لَخاطرْ ياهود لَ ف البَلَدْ، منْ لَ كلّنْ كانْ يعْرفونْ أَبوهُ وَثَني واِ.
\v 4 وْوَقْتْ لَ كانْ يروُحونْ ف الّبْلادْ كانْ يكْرزونْ ويعَلموون تَ يحفظون أَوامر لَ كَتَبوا الرّسلْ والّشْيوُخَة ف القدْسْ.
\p
\v 5 والبِيَع كانْ تثبت ف الايمان وتزيد بالعَدَد كلْ يَوم.
\s رويا بولس ف طرُواس
\p
\v 6 ومشيوا فَ مَواضع پريجيا وغَلاطْيا، ومَنَعن روُح القدس يحْكَونْ كلْمة اَلله فَ آسيّا.
\v 7 وْوَقْتْ لَ جَوا لَموسيّا، رادوا يروُحونْ منَونَك لَبيثونيّا وْما سَمَحلن روُح يَسوُعْ.
\v 8 وْوَقْتْ لَ طَلَعوا منْ موسيّا، نزْلوا لَ ديرة طرُواس.
\v 9 وْف رويا باللَيلْ ظَهَر لَبولس زَلَمِة مَكْدوُني قايم ويتْوَسَّللو ويقولْ: ”تَعا لَمَكْدوُنْيّا وساِعدْنا.“
\p
\v 10 وْوَقْتْ لَ ارى بولس هَالرّويا، راساً ردْنا نطلَع لَمَكْدوُنْيّا، منْ لَ افْتَهَمنا رَبْنا دَعانا تَ نبَشّرنْ.
\s فيليپّي
\p
\v 11 وركبْنا مشينا منْ طرُواس ساِوي لَساموتراكيا، وثاِني نْهار جينا لَناپُلِس.
\v 12 وْمنَونَكْ لَفيليپّي، لَيّاِ أَگْبَرْ بَلَدْ ف مَكْدوُنْيّا، وْكانتْ مستَعمَرَة، قَضَينا فِيا كَمّ نْهار.
\v 13 و طَلَعْنا يَوم السَّبْتْ لَبَرّات باب البَلَدْ لَجَنْب النَّهر، منْ لَ هَونَكْ كان يبَيّن بَيتْ صَلاة. وْوَقْتْ لَ قعدْنا، كانْ نحْكي مَع نسْوان كانوا ملْتَمّينْ هَونَكْ.
\v 14 ووحْدِة مَرَة بيّاعة ارْجوانْ كان تْخافْ من اَلله اسْما لوديّا منْ مَدينة ثَأوطيرا. هاي اَلله فَتَح قَلْبا وْكانْ تسْتمعْ لَكَلامْ بولسْ.
\v 15 وتْعَمَّذت هيِّ وْناِس بَيتْا، وتوَسَّلت لْنا وْهيِّ تْقولْ: ”لَ حَقا تْسَدْقونْ آمَنْتُ بْرَبْنا، تَعوا نَزْلوا فَ بَيتي.“ وكْثيرْ لَحّتْ عَلَينا وانجَبَرْنا نْنَزّلْ فَ بَيتْا.
\s ف حَبس فيليپّي
\p
\v 16 وْصار وْنحْناِ رايحينْ لَبَيتْ الصَّلاة، طَلَعتْ لنا وحْدِة بنْتْ خدّاِمِة فِيا روُحْ فتحْ فال، وْكان تْسَي لاسْيادا ربْح گْبيرْ منْ فالْ لَ كانْ تفْتَحْ.
\v 17 وْكانْ تجي خَلْفْ بولس وْخَلْفْنا، وْكان تْسيِحْ وتْقولْ: ”هَوذ النّاِسْ عَبيد اَلله العاِلي ناِ، ويبَشْروكنْ فَ طَريِق الخَلاصْ.“
\v 18 وْكذاِ كان تْسَي إيّاِم كْثيرْ، وانْزَعَجْ بولس وانْدار وْقالْ لاك الرّوُحْ: ”أَأْمرْكِ باسمْ يَسوُع المَسيحْ تَ تطْلَعينْ منّا.“ وْفَ ساعتا طَلَعتْ.
\v 19 وَقْتْ لَ ارَوا اسْيادا طَلَعْ منّا رَجا ربْحنْ، مسْكوا بولس وْسيلا وْجَرْجَروونْ للسّوُقْ.
\v 20 وَدَّوونْ لَعنْد الحكّام وْزعَما البَلَدْ وْقالوا: ”هَوذ النّاِس يهَيجونْ بَلَدْنا، منْ لَ ياهودْ ناِ،
\v 21 ويكْرزولْنا عَلى عاداتْ موُ مَسْموُح لْنا نقْبَل ونْسَي فِيا، منْ لَ روُمانْ نحْناِ.“
\v 22 ولَمّةْ ناِس گْبيرِة التَمّوا عَلَينْ. هاك الوَقْتْ الحكّامْ شَرَّطوا حَويسنْ وَامَروا تَ يتْقَرْپَچونْ.
\v 23 وْبَعدْ لَ قَرپَچوون كْثيرْ، كَبّوونْ ف الحَبْس، وْوَصَّوا حارس الحَبْسْ تَ ينْحرْسون كْوَيّسْ.
\v 24 وْهوّاِ وَقْتْ لَ وصلْلو هَالاَمرْ هاذْ، داِخَلنْ حَبَسنْ فَ بَيتْ الجّوّاِني ف الحَبْس، وْحَطّ اجْرَينْ فَ قالب الخَشَبْ.
\v 25 ونصّ اللَيلْ، بولس وْسيلا كانْ يصَلَّونْ ويسَبْحونْ لَالله، والّمْحَبَّسينْ يسْتمْعولنْ.
\v 26 وْعَلى غَفْلِة صارْ زَنْزَلِة گْبيرِة، وانْهَزّتْ أَساسات الحَبْسْ وتفَتَّحوا راساً الابْوابْ كلّن، وْكَلَپْچاتنْ كلّن انْحَلّتْ.
\v 27 لَمَنْ مدير الحَبْسْ حَسْ م النَّومْ، وَارى ابْواب الحَبْس مْفَتَّحينْ، سَحَبْ سَيف وْراد يقْتلْ روُحو، منْ لَ افْتَكَر الّمْحَبَّسينْ كلْهَرَبوا.
\v 28 بولسْ ساحْ عَلَيو بْعلوتْ صَوتو وْقالْلو: ”لا تأْذي روُحكْ ف شي. كلّتْنا هَونْ نحْناِ.“
\v 29 وْضَوّالو سْراج، وْنَط وْدَخَل وْهوّاِ يرْجف وْوَقَعْ عَلى اجْرَينْ بولس وْسيلا،
\v 30 وْطاِلَعنْ لَبَرّا وْقالْلنْ: ”يا سَيّدَيني، أَيشْ لازمْ أَسَي تَ اخْلَصْ؟“
\v 31 قالولو: ”آمن بْرَبْنا يَسوُع المَسيحْ تَ تخْلَصْ أنْتَ وبَيتكْ.“
\v 32 وْحَكَوا مَعو كلْمة الرَّبّ وْمَعْ كلْ ناِسْ بَيتو.
\v 33 وْفاك السّاعَة وْفاك اللَيلِة وَدّى خَسَّلنْ من جْروُحاتن، وْفَ ساعتا تْعَمَّذْ هوّاِ وْناِسْ بَيتو كلّنْ.
\v 34 وْوَدّى طاِلَعنْ لَبَيتو وحَطْلنْ صفْرَة وْفرحْ هوّاِ وْناِس بَيتو كلّنْ بايمان اَلله.
\p
\v 35 وَقْتْ لَ صَبَّح الصّبح، الحكّام بَعَثوا شرْطَة يقولونْ لَ گْبير الحَبْسْ: ”فَلّتْ هَوذ النّاِسْ.“
\v 36 وَقْتْ لَ سمع گْبير الحَبْسْ، دَخَلْ خَبَّرْ هَالخَبَرْيِّة لَبولسْ، قالْلو: ”الحكّام أَمَروا تطْلَعونْ م الحَبْسْ. والسَّع اطْلَعوا روُحوا مَع السَّلامِة.“
\v 37 بولس قالْلو: ”بَلا سوج وْلا سَبَبْ قدّام عَين العالَم كلّنْ قَرْپَچَونا، وْنحْناِ ناِسْ روُمان وْكَبّونا ف الحَبْسْ، والسَّعْ بالسّرّ يطاِلْعونا؟ لا، هنّاِ خَلّي يجَون يطاِلْعونا.“
\v 38 وْراحوا الشّرْطَة وْقالوا للحكّامْ هَالكَلامْ لَ انْقالْلن. وْوَقْتْ لَ سمْعوا روُمانْ ناِ، خافوا.
\v 39 وْجَوا لَ عنْدنْ وترَجَّوونْ تَ يطْلَعونْ ويروُحونْ م البَلَدْ.
\v 40 وَقْتْ لَ طَلَعوا م الحَبْسْ، دَخَلوا لَعنْدْ لوديّا، وَارَوا هَونَك الاخْوِة وقَوَّوا قَلْبن وْطَلَعوا.
\c 17
\s ف تسالونيكي
\p
\v 1 وْفاتوا عَلى أَمْفيپوليس وْمَدينة اَپوُلونِيّا وْجَوا لَتْسالوُنيكي، موُضَعْ لَ كانْ في مَجْمَعْ للياهودْ.
\v 2 وْدَخَلْ بولسْ عَلى عادتو لَ عنْدن، وْثَثّ سْبوتْ حَكى مَعنْ م الاسْفارْ،
\v 3 وْهوّاِ يشْرَحْ ويوَرّى مْقَدَّرْ كانْ للمَسيحْ تَ يتْعَذَّبْ ويقومْ منْ بَين المَيتين، وْهوّاِ يَسوُع المَسيحْ هاذْ لَ ابَشّرْكنْ فِيو.
\v 4 ناِسْ منّنْ آمنوا وْتبْعوا بولس وْسيلا، وكْثيرْ م اليونانيِّة لَ كان يخافونْ من اَلله، وْنسْوانْ مَعْروفينْ موُ قْلَيلْ.
\v 5 وانْحَسَدوا الياهود وْلَمّولنْ ناِسْ شَرّيرينْ منْ سوُق البَلَدْ، وْسَوَوا لَمِّة گْبيرِة وْغَلْغَلِة ف البَلَد، وْجَوا وْقاموا عَلى بَيتْ ياسوُن، كان يريدون يطاِلعوونْ منَونَكْ ويسَلْموونْ للَمِّة.
\v 6 وْوَقْتْ لَ ما ارَوونْ هَونَكْ، جَرّوا ياسوُنْ واخوة لَ كانوا هَونَك، وْجابوونْ لَعنْدْ رُوَسا البَلَد، وْهنّاِ يزْعَقونْ ويقولونْ: ”هَوذْ ناِ لَ قَلَقوا كلّ الاَرْضْ، وكْوا لَون زاِ جَوا.
\v 7 ومضيفن هاذْ ياسوُن واِ، وكلّنْ ضدّ أَوامر القَيصَر يقمون بْهاي لَ يقولونْ: ’في غَير مَلك، اسْمو يَسوُعْ.‘“
\v 8 وْقَلَقوا رُوَسا البَلَد وْكلّ الشَّعْبْ وَقْتْ لَ سمْعوا هَوذْ.
\v 9 وَاخَذوا كفَلا منْ ياسوُن وْم الاخْوِة، وْهاك الوَقْتْ فَلَّتوونْ.
\p
\v 10 والاخْوِة فاك السّاعَة وْفاك اللَيلِة بَعَثوا بولس وْسيلا لَبيريّا، وْوَقْتْ لَ جَوا لَونَكْ كانْ يدْخلونْ لَمَجاِمع الياهودْ.
\v 11 منْ لَ أَرْقى كانوا ياهود هَونَكْ منْ ياهود لَ كانوا ف تْسالونيكي. وْكانْ يسْمَعونْ منّن الكلْمِة كلْ يَوم بْفَرَح، وْهنّاِ يفْحَصونْ تَ يفْتهْمونْ م الاسْفارْ لَ هالامورْ هَوذْ كذاِ ناِ.
\v 12 وكْثيرْ منّنْ آمَنوا، وْكذاِ زاِ م اليونانيِّة رْجاِل كْثير وْنسْوانْ مَعْروفينْ.
\v 13 وَقْتْ لَ عَرَفوا ياهود تْسالونيكي كلْمة اَلله انْكَرزتْ منْ بولس ف بيرووا، جَوا لَونَكْ زاِ، وْما بَطَّلوا يهَيجون وْيقْلقون النّاِسْ.
\v 14 والاخْوِة بَعَثوا بولسْ تَ ينْزَلْ للبَحر يسافر، وْبَقَوا ف البَلَدْ سيلا وْتيموُثاوُسْ.
\v 15 وْهَوكْ لَ راِفَقوا بولسْ، جَوا مَعو دي لَ أَثينا. وْوَقْتْ لَ رجْعوا منْ عنْدو انْعَطَوا منّو مَكْتوبْ لَسيلا وْتيموُثاوُسْ تَ يسْتَعْجلون يروُحونْ لَعنْدو.
\s فَ أَثينا
\p
\v 16 وْطولْ وَقْتْ لَ كانْ بولسْ فَ أَثينا، كانْ يتْمَرْمَرْ جوّاتْ روُحو وْهوّاِ يرى البَلَد مْعَبّا اصْنامْ.
\v 17 وْكانْ يحْكي ف المَجْمَعْ مَع الياهود وْمَعْ لَ يخافونْ من اَلله، وْف السّوُقْ مَعْ ناِسْ لَ كانْ يلْقاهنْ كلْ يَومْ.
\v 18 وْفَلاسْفِة زاِ منْ تَعْليمْ أَبيقوُر وْغَيرن يقولولنْ رواقيِّة كانْ يتْجاِدَلونْ مَعو. وْناِسْ ناِسْ منّنْ كان يقولونْ: ”أَيش يريدْ هالگرّار؟“ وْغَيرنْ كان يقولونْ: ”عَلى آلِهَة غَريبِة يكْرزْ،“ منْ لَ عَلى يَسوُعْ وقْياِمتو كانْ يكْرزْلنْ.
\v 19 وَاخَذوهُ وْجابوهُ لَدار المَحْكَمِة لَ يقولولو أَريّوسْ پاغوُس وْقالولو: ”نْتيِقْ نعْرفْ أَيشْ واِ هَالمَذْهَب الّجْديدْ لَ تكْرزْ عَلَيو؟
\v 20 منْ لَ تكْرز وْتزْرَعْ كلاِمي غَريبِة فَ أَذانْنا، ونْريدْ نعْرفْ أَيشْ ناِ هَوذْ.“
\v 21 ناِسْ أَثينا كلّن وْغربْ لَ يجَونْ لَونَكْ، ما لنْ هَمّ وْدَرْدْ ف شي غَيرْ تَ يقولون وْيسْمَعونْ شي جْديدْ.
\p
\v 22 وْوَقْتْ لَ قامْ بولسْ ف أَريّوسْ پاغوُسْ، قالْ: ”يا رْجاِلْ أَثينا! منْ كلْ ناحْيِة أَراكنْ متْدَينين كْثيرْ.
\v 23 منْ لَ ارَيتُ، وَانا أَدَوّرْ وَاتْفَرَّجْ عَلى مَواضعْ مَعْبوداتْكنْ، مَذْبَحْ مَكْتوبْ عَلَيو: ’لإلهْ موُ مَعْروفْ.‘ بَقى هاكْ لَ تْخافوهُ وانْتنْ موُ تعْرفوهُ، بهاذْ اَنا أَبَشّرْكن.
\v 24 الإلهْ لَ سَوى الكَون وْكلْ شي لَ فِيو. وْهوّاِ رَبّ السَّما والاَرْضْ، فَ هَياكلْ شغْل ايدَينْ موُ ينْزَلْ.
\v 25 وْموُ ينْخدمْ من ايدَين النّاِس، وْموُ بْعازةْ شي واِ، منْ لَ هوّاِ عَطى لكلّ انْسانْ حَياة وْنَفْسْ.
\v 26 وْمنْ دَمْ واِحدْ سَوى النّاِسْ ف كلّ الدّنْياِ، بْشانْ يسْكنونْ عَلى وچّ الاَرْضْ كلّا، وْعَيَّن اوقات بْأَمْرو وْحَطّ حْدودْ موُضَعْ سَكَن البَشَر،
\v 27 بْشانْ يطْلبون اَلله ويدَورونْ عَلَيو، وْمنْ خَلايقو يرَوهُ، منْ لَ موُ بْعيدْ واِ وْلا منْ واِحدْ منّا.
\v 28 منْ لَ نحْناِ كلّتْنا ’بْفَضلو نْعيش وْنتْحَرَّك ونْكونْ،‘ كَما لَ قالْ واِحدْ منْ حكَماكنْ: ’منّو واِ أَصلْنا.‘
\v 29 بَقى نحْناِ البَشَرْ لَ أَصلْنا من اَلله واِ، لازمْ موُ نفْتكرْ ذَهَبْ يا فضَّة يا حَجَرْ مَنْحوت بْصَنْعة وْمَعْرفة انْسانْ يشْبَه الإلهْ.
\v 30 اَلله عَبَّرْ (مَشّى) زَماناتْ لَ كانوا فِيا النّاِسْ ضايعين، وْفَ هَالزَّمانْ هاذْ يأْمرْ كلّ البَشَر وْكلّ انْسانْ ف كلْ مَكانْ تَ يتوبْ.
\v 31 منْ لَ أَسَّس اَلله يَومْ تَ يحاكمْ فِيو النّاِسْ كلّنْ بالعَدلْ عَلى ايدْ واِحدْ عَيَّنو وْرَدْ كلّ انْسانْ لايمانو بْهاي لَ قَيَّمو منْ بَين المَيتينْ.“
\v 32 وَقْتْ لَ سمْعوا عَ الّقْياِمِة منْ بَين المَيتينْ، منّنْ بَقى يتْمَهزَونْ، وْمنّنْ قالولو: ”غَير وَقْتْ تَ نسْمَعْ منّكْ عَلى هاي.“
\v 33 وْكذاِ طَلَعْ بولسْ منْ بَيناتنْ.
\v 34 وْناِسْ منّنْ لحَقوهُ وْآمَنوا، وْواِحدْ منّنْ كان دْيونيسيوسْ منْ حكّامْ أَريّوس پاغوُس، وْوحْدِة مَرَة اسْما داماريس، وْغَيرن وْغَيراتنْ مَعنْ.
\c 18
\p
\v 1 وْوَقْتْ لَ طَلَعْ بولسْ منْ أَثينا، جا لَكوُرنثوُس.
\v 2 وَارى هَونَكْ واِحدْ رجّال ياهودي اسْمو أَكيلا منْ ديرة بنْطسْ كانْ كجّا هاك الوَقْتْ منْ ديرة ايطالْيا هوّاِ وبْريسكيلا مَرَتو، منْ لَ كانْ كلأمَر كْلوديوسْ قَيصَرْ تَ يطْلَعونْ كلّ الياهودْ منْ روُما. بولسْ قَرَّبْ لَعنْدنْ،
\v 3 وْمنْ لَ ابنْ صَنْعتنْ كانْ، نَزَّلْ عنْدنْ واشْتَغَلْ مَعنْ. وبْصَنْعتنْ سرّاجينْ كانوا.
\p
\v 4 وْكانْ يحْكي ف المَجْمَعْ ف كلْ سَبْتْ، ويقَنّع الياهودْ والوَثَنيِّة.
\v 5 وْوَقْتْ لَ جَوا سيلا وْتيموُثاوُسْ منْ مَكْدوُنْيّا، بولسْ مَشْغولْ كانْ (بالتَّبْشيرْ) بالكلْمِة، منْ لَ كانْ كلْقاموا عَلَيو الياهود، وْكانْ يكْفرونْ وَقْتْ لَ كانْ يشْهَدْلنْ: ”يَسوُعْ واِ المَسيحْ“.
\v 6 قامْ نَفَضْ حَويسو وْقالْلنْ: ”م السَّعْ طاهر اَنا {منْ دَمْكنْ}. تَ اروُحْ لَعنْد الامَمْ.“
\v 7 وْطَلَعْ منَونَك وْدَخَلْ لَبَيتْ زَلَمِة اسْمو طيطس كانْ يخاف من اَلله وْبَيتو لزْق المَجْمَعْ كانْ.
\v 8 وكْريسپوُس گْبير المَجْمَعْ آمَن بْرَبْنا هوّاِ وْناِس بَيتو كلّتنْ. وكْثيرْ منْ ناِسْ كوُرنثوُسْ كانْ يسْمَعونْ ويآمْنونْ بالله وْيتْعَمَّذونْ.
\p
\v 9 وْقال الرَّبْ لبولسْ فَ رويا {باللَيلْ}: ”لا تْخاف، احْكي وْلا تسْكتْ،
\v 10 منْ لَ انا مَعك اَنا، وَاحَّدْ موُ يتيِقْ يأذيك، وْشَعْب كْثيرْ في لي فَ هَالبَلَدْ هاذْ.“
\v 11 قعدْ هَونَكْ سَنِة وْسةّ اشر ف كوُرنثوُس وْكانْ يعَلّمنْ كلْمة اَلله.
\p
\v 12 وْوَقْتْ لَ كانْ غاليونْ حاكمْ آخائيّا، الياهودْ مَعْ بَعْضن التَمّوا عَلى بولس وْجابوهُ لقدّام كرْسي المَحْكَمِة،
\v 13 وْقالوا: ”هاذْ بَرّات النّاموسْ يقَنّع النّاِسْ تَ يخافون اَلله.“
\v 14 وْلَمَنْ بولسْ طَلَبْ تَ يفْتَحْ ثمّو وْيحْكي، غاليونْ قالْ للياهود: ”يكون عَلى شي شَرْ يا غشْ يا مَكْروُهْ كانْ تشْتَكَونْ يا ياهودْ، بالمَجْبوُريِّة كانْ تَ اسْتَقْبلْكنْ.
\v 15 بَسْ لَ خلافاتْ ناِ عَلى كلْمِة وْعَلى اساِمي وْعَلى ناموسْكنْ، أنْتنْ تعْرفونْ بَيناتْكنْ. أَنا موُ اريد اَسيِرْ قاضي عَلى هَالشَّغْلاتْ هاي.“
\v 16 وْسَحَّتنْ م المَحْكَمِة.
\v 17 وْكلّ الوَثَنيِّة مسْكوا سوسْتانيسْ شيِخ المَجْمَع وْكانْ يضْربوهُ قدّام المَحْكَمِة، وْغالْيونْ كان يشَخْوثْ عَلى هَوذْ.
\s بولس يرْجَعْ لانْطاكْيا
\p
\v 18 وْبَعدْ لَ بَقى بولسْ هَونَك اِيّاِم كْثيرْ، عَطى سَلامْ للاخْوِة وْركبْ ف البَحرْ تَ يروُحْ لَ سوريّا، وْجَوا مَعو بْريسْكيلا وْأكيلا. وْوَقْتْ لَ كانْ ف كنْكريّا حَلَقْ راسو منْ لَ كانْ في عَلَيو نذرْ.
\v 19 وْوصْلوا لإفِسوُس، وْدَخَلْ بولسْ للمَجْمَع وْبَقى يحْكي مَع الياهودْ.
\v 20 وْكانْ يطْلبونْ منّو تَ يطَوّلْ عنْدنْ أكْثَرْ بَسْ ما اقْتَنَعْ.
\v 21 وْقالْ: ”لازمْ دايمْ عيد الجّاِييِ ف القدْسْ أَعَيّدْ، بَسْ لَ راد اَلله تَ اردّ اَرْجَعْ لَعنْدْكنْ.“ وَاكيلا وبْريسْكيلا خَلّاهنْ ف إفِسوُسْ.
\v 22 وْركبْ ف البَحر وْجا للقَيصَريِّة، وْطَلَع وْسَلَّمْ عَلى ناِس البيعَة، وْراحْ لانْطاكْيا.
\v 23 وْبَعدْ لَ بَقالو هَونَكْ كَمّ نْهارْ، طَلَع وْدارْ شي بَعدْ شي ف ديرةْ غَلاطْيا وفْروجِيّا يثَبّتْ كلّ التَّلاميذْ.
\s أَبلّوُس ف إفِسوُس وآخائيّا
\p
\v 24 وْجا لإفِسوُس واِحدْ رجّال اسْمو أپولّو، ياهودي أَصْلو م الاسكَندَريِّة، كانْ واِحدْ متْعَلّمْ ماهرْ فَهْلَوي ف كْتاِبات الّمْقَدَّسِة.
\v 25 هاذْ كانْ كصّارْ تَلْميذْ لَطَريِق الرَّب، وْكانْ يغْلي بالرّوُح، وْكانْ يحْكي ويعَلّمْ بمْعَلْمِيِّة عَلى يَسوُع، وْما كانْ يعْرفْ غَير مَعْموذيّة يوحَنّا.
\v 26 وْبَدا قدّام العَينْ يحْكي ف المَجْمَع. وْوَقْتْ لَ سمْعوهُ أَكيلا وبْريسْكيلا، وَدَّوهُ لَبَيتن وْبمْعَلْمِيِّة وَرَّوهُ طَريِق الرَّبْ.
\v 27 وْوَقْتْ لَ راد يروُح لآخائيّا، الاخْوِة سَجَّعوهُ وْكَتَبوا للتَّلاميذ تَ يسْتَقْبلوهُ. وْوَقْتْ لَ راحْ، ساعَد كْثيرْ بالنّعْمِة كلّ المومنينْ،
\v 28 منْ لَ بْقوِّة كان يجاِدلْ ضدّ الياهودْ قدّام لَمّات النّاِسْ، ويوَرّي م الّكْتاِباتْ يَسوُع المَسيحْ واِ.
\c 19
\p
\v 1 وَقْتْ لَ كانْ أَبلّوُسْ ف كوُرنثوُسْ، دارْ بولسْ ف بلاد العاِلْيِة وْجا لإفِسوُس، وْسَأَلْ تَلاميذْ لَ ارى هَونَكْ:
\v 2 ”نلْتنْ روُح القدسْ وَقْتْ لَ آمَنْتنْ؟“ رَدّوا قالوا: ”وْلا سمعْنا في روُح القدسْ.“
\v 3 قالْلن: ”بْأَيش تْعَمَّذْتنْ؟“ قالوا: ”بْمَعْموذيّة يوحَنّا.“
\v 4 بولسْ قالْ: ”يوحَنّا عَمَّذْ مَعْموذيّة التَّوبِة للشَّعْبْ، وْهوّاِ يوَصّي تَ يآمْنون بْهاذ الجّاِييِ بَعْدو، لَوّاِ يَسوُع المَسيحْ.“
\v 5 وَقْتْ لَ سمْعوا هَالحَكي، تْعَمَّذوا باسمْ رَبْنا يَسوُع المَسيحْ.
\v 6 وْحَطْ بولس عَلَين الإيد، وْجا روُح القدسْ عَلَين، وْبَقى يحْكَونْ بلْساِنات وْيتْنَبَّونْ.
\p
\v 7 وْكلّ النّاِسْ كانوا اثْناعشْ.
\v 8 وْدَخَلْ بولسْ للمَجْمَع وْكانْ يحْكي قدّام العَينْ ثَةّ اشر ويقَنّعْ عَلى مَلَكوت اَلله.
\v 9 بَسْ ناِسْ منّنْ كان يعَنْتونْ ويعاِدَونْ ويمَخْرونْ لَطَريِق اَلله قدّامْ لَمّة الامَمْ. هاك الوَقْتْ بَعَّدْ بولس وْفَرَقْ منّن التَّلاميذ، وْكلْ يَومْ كانْ يحْكي مَعنْ ف مَدْرَسةْ زَلَمِة اسْمو طورانوسْ.
\v 10 وْهاي بَقَتْ سَنْتَين، دي لَمَنْ سمْعوا كلْمة الرَّبْ كلْ سكّانْ آسيّا، ياهود وْوَثَنِيِّة.
\s اولاد سَكاوا
\p
\v 11 وقوّات كْثير گْبيرِة كان يسَي اَلله بيدْ بولسْ.
\p
\v 12 كذاِ حتّى منْ حَويسْ لَ عَلى جسْمو، مراِحمْ يا خرَق، كان يجبونْ ويحطّون عَ المَراضىِ وتْفاِرقن الامْراض، وْحتّى ارْواح الشَّرّيرَة كانْ يطْلَعونْ.
\p
\v 13 وْرادوا زاِ ناِسْ ياهودْ، هَوذْ لَ كان يدَورونْ ويطاِلْعون ارْواح الشَّرّيرَة، رادوا باسمْ رَبْنا يَسوُع يطَبْقونْ صَنْعتنْ عَلَوذْ لَ لهن ارْواحْ نجْسِة، وْبَقى يقولون: ”نْحَلّفْكنْ باسمْ يَسوُعْ هاذْ لَ يكْرزْ عَلَيو بولسْ.“
\v 14 وْكانْ في سَبْع اولادْ لَواِحدْ رجّالْ ياهودي گْبيرْ كَهَنَة اسْمو سقاِوا، كان يسَونْ هاي.
\v 15 ورَدْ هاكْ روُح الشَّرّير وْقالْلنْ: ”يَسوُعْ أَعْرفو، وْبولس أَفْهَمو، بَسّ انْتنْ من انْتنْ؟“
\v 16 وْنَطْ هاكْ زَلَمةْ لَ كانْ فِيو روُحْ شَرّيرَة، وْتاقْ عَلَين وْذَلّنْ، ومْشَلَّحين مْفَدَّغينْ هَرَبوا مناك البَيتْ.
\v 17 وْهاي سمْعوا فِيا كلّ الياهودْ والوَثَنيِّة سكّان إفِسوُسْ كلّن، وْوَقَعْ خَوفْ عَلَينْ كلّتنْ. واسمْ رَبْنا يَسوُع المَسيحْ كانْ يتْعَظَّمْ.
\v 18 وكْثيرْ منَوذ لَ آمَنوا، كان يجَون وْيحْكَونْ عَلى حَماقاتن، وْيعْترْفونْ ف شي لَ كان يسَونْ.
\v 19 وكْثيرْ، حتّى سحّاِرينْ، لَمّوا كْتاِباتن وْجابوا حَرَقوونْ قدّام النّاِسْ كلّتن. وْحَسَبوا حَقّن وْطَلَعْ خَمْسينْ أَلْفْ شطْفةْ فضَّة.
\v 20 وْكذاِ بْحَيل گْبيرْ كانْ يقْوى وْيكْثَرْ إيمان اَلله.
\s فتنِة ف إفِسوُس
\p
\v 21 وْوَقْتْ لَ تَمّوا هَوذْ، حَطْ بولسْ فَ بالو تَ يدوُرْ ف كلْ مَكْدوُنْيّا وْآخائيّا ويروُحْ للقدْس، وْقالْ: ”أَيمَتْ لَ رحْتُ لَونَكْ لازمْ لَروُما زاِ أَرى.“
\v 22 وْبَعَث اثْنَينْ منَوكْ لَ كانْ يخْدموهُ لَمَكْدوُنْيّا، طيموُثاوُس وْإيراسْطوُس، وْهوّاِ بَقى زَمانيِّة فَ آسيّا.
\v 23 وْهاك الوَقْتْ صارْ قَلابالغ كْثيرْ عَلى طَريِق اَلله.
\v 24 كانْ في هَونَكْ واِحدْ سايغْ فضَّة اسْمو ديميطريّوسْ، كان يسَي هَياكلْ منْ فضَّة لأَرْطاميس، وْكان ينَفّع اولادْ صَنْعتو مَنْفَعَة گْبيرِة.
\v 25 هاذْ لَمّ اولاد صَنْعَتو كلّتن، وْلَوذْ لَ يشْتغْلونْ مَعن، وْقالْلنْ: ”يا رْجاِل، انْتنْ تعْرفونْ تجارتْنا كلّا منْ هَالشّغلْ ياِ.
\v 26 وانْتنْ تسْمَعونْ زاِ وْترَونْ موُ بَسْ ناِسْ إفِسوُسْ بَلىِ أكْثَرْ ناِسْ آسيّا كلّا قَنَّعنْ هاذْ بولس وْقَلَبن وْهوّاِ يقولْ: ’موُ آلِهَة ناِ هَوذْ لَ بيدَين النّاِسْ ينْشغْلونْ.‘
\p
\v 27 ”وْموُ بَسْ هَالشَّغْلِة تَ تتْبَهْدَل وْتبْطَلْ، بَلىِ هَيكَلْ أَرْطاميسْ زاِ الإلهَة العَظيمِة تَ ينْحسبْ كَما موُ شي. بَلىِ إلاهةْ كلّ آسيّا زاِ وْكلّ الامَمْ يسْجدولا، تَ تتْحَقَّرْ.“
\p
\v 28 وَقْتْ لَ سمْعوا هَالكَلام، انْتَلَوا غَضَب، وْبَقى يزْعَقونْ ويقولونْ: ”عَظيمِة أَرْطاميس إلاهةْ إفِسوُسْ.“
\v 29 وْصارْ غَلْغَلِة ف البَلَدْ كلّو، وْعدْيوا مَعْ بَعْضن وْراحوا عَ المَسْرَح وْجَرّوا وَدَّوا مَعنْ گايوس وْأَريسْطَرْخوُس، وْهَوذ كانوا منْ مَكْدوُنْيّا، وْرفْقةْ طَريِقْ لَبولسْ.
\v 30 وْبولسْ كان يريدْ يدْخلْ للمَسْرَحْ، بَسّ التَّلاميذْ ما خَلَّوهُ.
\v 31 وْرُوَسا آسيّا زاِ، منْ لَ كانوا مْحبّينو بَعَثوا يتْرَجَّوهُ لا يروُحْ يدْخلْ للمَسْرَحْ.
\v 32 وْلَمّاتْ لَ كانوا ف المَسْرَح كْثير مْشَوَّشينْ كانوا، ناِسْ تزْعَق بْشي وْغَيرن بْغَيرْ شي. وكْثيرْ منّنْ ما كانْ يعْرفونْ لَيشْ ك الْتَمّوا.
\v 33 وشَعْب الياهودْ لَ كانوا هَونَكْ، قَيَّموا منّنْ رجّالْ ياهودي اسْمو أَليكْسانْدَروُسْ. وْوَقْتْ لَ قامْ، أَشَّرْ بيدو وْكان يريدْ يحْكي كلْمة يحاِمي فِيا للشَّعْبْ.
\v 34 بَسْ وَقْتْ لَ عَرَفوا ياهودي واِ، ساحوا كلّن بْصَوتْ واِحدْ حَوالي ساعتَينْ زَمانْ: ”عَظيمِة أَرْطاميسْ إلاهةْ إفِسوُسْ.“
\v 35 وْهَدّاهنْ رَيّس المَدينِة وْهوّاِ يقولْ: ”يا أَهلْ إفِسوُسْ، لَيشْ منْ واِ م البَشَرْ لَ موُ يعْرفْ إفِسوُسْ كاهْنِة ياِ لأَرْطاميس العَظيمِة وْلَصَنَما لَ م السَّما نزلْ؟
\v 36 بَقى منْ لَ ما في انْسان يتيِق يقولْ شي ضدْ هاي، لازم تْكونونْ هاِدْيين، وْموُ تْسَونْ شي بْعَجَلِة.
\v 37 منْ لَ جبْتنْ هَالزَّلَمْتَينْ هَوذْ، لا هَياكلْ نَهَبوا وْلا مَخَّروا لآلهتْنا.
\v 38 وْلَ كانْ هاذْ ديميطريّوس واولادْ صَنْعتو لهنْ مشْتَكى عَلى اَحَّد، كْوا والي ف المَدينِة. صنّاعْ ناِ، خَلّي يتْحاكَمونْ واِحدْ مَع اللاخْ.
\v 39 وْلَ شي لخْ تطْلبونْ، ينْحلْ ف موُضَع المنْعطي م القانون للاجْتماعْ.
\p
\v 40 ”منْ لَ السَّعْ فَ خَطَرْ زاِ قايمينْ نحْناِ. تَ ننْتهمْ فتْنَچيِّة قايمينْ عَ الحكومِة، وْموُ نْتيِق نْجيبْ فَرْدْ عذرْ لَيش الْتَمَّينا اليَومْ هَاللَمِّة وْسَينا هَالْغَلْغَلِة لا سوج وْلا سَبَبْ.“
\v 41 وْوَقْتْ لَ قالْ هَوذْ، فَرَّق اللَمِّة.
\c 20
\p
\v 1 وْبَعدْ لَ هدْيت القَلابالغْ، بولسْ ساح التَّلاميذ وْعَزّاهن وْبَوَّسن وْطَلَعْ راحْ لَمَكْدوُنْيّا.
\v 2 وْبَعدْ لَ دارْ فَ هَالمَواضعْ هَوذ وْعَزّاهن بْكَلام كْثيرْ، جا لَديرةْ هيلاسْ.
\v 3 وْبَقى هَونَكْ ثَةّ اشر. وْسَوَوا عَلَيو الياهودْ دُبارَة تَ يقْتلوهُ وَقْتْ لَ كانْ قايم تَ يروُحْ لَسوريّا، قامْ حَطْ فَ بالو تَ يرْجَعْ لَمَكْدوُنْيّا.
\v 4 وْطَلَعوا مَعو دي لآسيّا سوپاطْروُسْ منْ مَدينةْ بيرويا، وْأَريسْطَرخوُس وْسَكونْدُسْ من تْسالونيكي، وْگايوسْ منْ دَرْبي، وْطيموُثاوُس منْ لوسطرا وْطوُخيكوُس وْطروُفيموُس منْ آسيّا.
\v 5 هَوذْ راحوا قدّامْنا وْنَطَرونا ف طْروُواسْ.
\v 6 وْنحْناِ طَلَعْنا منْ فيليپّي مَدينة المَكدوُنيِّة بَعد اِيّاِمْ عيد الفَطيِر، وْركبْنا ف البَحر وْجينا لَطرُوواسْ بَعدْ خَمْسة اِيم وْبَقَينا هَونَكْ سَبعْة اِيمْ.
\s آِخر زيارَة لَبولس لَ طرُواس
\p
\v 7 وْفَ يَوم الاحَّد وْنحْناِ مجْتمْعينْ تَ نكْسر غْبَيزْ، بولسْ كانْ يحْكي مَعنْ، منْ لَ ثاِني يَومْ كانْ تَ يطْلَع. وْطَوَّلْ ف الحَكي دي لَ نصّ اللَيلْ.
\v 8 وْكانْ في هَونَكْ لَمْپاتْ نار كْثيرْ فاكْ علّيّة لَ كنّا مجْتمْعينْ فِيا.
\v 9 وْكانْ قاِعدْ واِحدْ شَبّ اسْمو أَوطيخوسْ ف الشّبّاك وْيسْمَع. وْغَطْ فَ نَومِة ثَقيلِة وَقْتْ لَ طَوَّلْ بولسْ فَ كَلامو. وْفَ نَومتو وَقَعْ منْ ثالثْ طابقْ وانْحَمَلْ مَيّتْ.
\v 10 وْنزلْ بولسْ حَلَّقْ روُحو عَلَيو وْحَضَنو، وْقالْ: ”لا تْخافونْ! نَفْسو فِيو ياِ.“
\v 11 وْوَقْتْ لَ طَلَعْ، كَسَر غْبَيزْ وَاكَل. وْبَقى يحْكي دي لَ طَلَعْ الصّبح. وْهاك الوَقْتْ طَلَعْ تَ يروُحْ ف البَرْ.
\v 12 وْوَدَّوا الشَّبْ طَيّب، وْفرْحوا فِيو كْثير كْثيرْ.
\s منْ طرُواس لَ ميليطوُس
\p
\v 13 وْنحْناِ نزلْنا للسَّفّينِة وْمشينا متْواِعدينْ لَتاسوُس، منْ لَ هَونَكْ كانْ تَ نلْقى بولسْ. كذاِ كانْ كلْوَصّانا وَقْتْ لَ قامْ تَ يروُحْ ف البَرْ.
\v 14 وْوَقْتْ لَ لاقَيناهُ فَ تاسوُسْ، جبْناهُ ف السَّفّينِة وْجينا لَميطوليني.
\v 15 وْمنْ هَونَكْ ثاِني نْهارْ مشينا قبالْ جَزيرةْ خِيّوُسْ. ونْهارْ لَ بَعْدو جينا لَساموُس، وْبتْنا ف طْروُجالِيّوُنْ. ونْهارْ لَ بَعْدو جينا لَميليطوُسْ،
\v 16 منْ لَ مْصَمّمْ كانْ بولسْ يتْخَطّى إفِسوُس، بْشانْ لا يتْأَخَّرْ هَونَكْ، منْ لَ كانْ مسْتَعْجلْ تَ يصل للقدْسْ، لَ تاقْ، يَوم الفَنْطيقوسْطي.
\s بولس يوَدّع شْيوُخة إفِسوُس
\p
\v 17 وْمنْ ميليطوُسْ، بولسْ بَعَثْ جاب شْيوُخةْ بيعةْ إفِسوُسْ.
\v 18 وْوَقْتْ لَ جَوا لَعنْدو، قالْلنْ: ”أنْتنْ تعْرفونْ منْ أَوَّلْ يَومْ لَ دَخَلْتُ لآسيّا أشْوَنْ كنْتُ مَعْكنْ كلّ الوَقْتْ،
\p
\v 19 ”وَانا أَخْدم اَلله بْتَواضع كْثيرْ ودْموُع وْتَجاربْ لَ جَتْ عَلَي بْمكر الياهودْ.
\v 20 وْف شي ينْفَع نْفوسْكنْ ما قَصَّرْتُ أكْرز لْكنْ وَاعَلّمْكنْ ف السّوُقات وْف الّبْيوتْ،
\v 21 وَانا أَشْهَدْ للياهودْ والوَثَنيِّة لازم يتوبونْ لَالله ويآمْنون بْرَبْنا يَسوُع المَسيحْ.
\p
\v 22 ”والسَّعْ يَسير اَنا بالرّوُح، وْرايح اَنا للقدْس، وْموُ اعْرفْ أَيشْ تَ يسيِرْ مَعي هَونَكْ.
\v 23 بَسْ روُح القدسْ ف كلْ بَلَدْ يشْهَدْ لي ويقولْ: ’زناِجير وْذيقات مْحَضَّرْ لكْ.‘
\v 24 بَلىِ نَفْسي موُ مَحْسوبِة شي عنْدي، كَما لَ يهمْني أَخَلّص مْهمّتي وْخدْمةْ لَ اخَذْتُ منْ رَبْنا يَسوُعْ، تَ اشْهَدْ لَبشارةْ نعْمة اَلله.
\v 25 والسَّعّ اَنا أَعْرفْ ما بَقْ ترَونْ وچّي كلّتْكنْ أنْتنْ لَ درْتُ كَرَزْتُ لْكنْ عَلى مَلَكوت اَلله.
\v 26 بْشانْ هاي هَاليَومْ هاذْ أَشْهَدْ قدّامْكنْ: بَري اَنا منْ دَمْكنْ كلّتْكنْ:
\v 27 قْصورْ ما قَصَّرْتُ مَعْكنْ، منْ لَ عَرَّفْتوكنْ عَلى كلْ إرادة اَلله.
\v 28 بَقى ديروا بالْكنْ عَلى حالْكن وْعَ الغَنَمْ لَ حَطْكنْ روُح القدسْ حرّاسْ عَلَيا، بْشانْ تحْرسونْ بيعَة اَلله لَ قَناها بْدَمّو.
\v 29 منْ لَ اعْرف بَعدْ لَ اروُح اَنا، تَ يدْخلونْ مَعْكن ذْيوبِة مفْترْسِة موُ يشْفقونْ عَ الغَنَمْ.
\v 30 وْمنْ بَيناتْكنْ أنْتنْ تَ يقوم رْجاِل يحْكَونْ حَكي أَعْوَجْ تَ يقْلبونْ عَقل التَّلاميذ بْشان يروُحونْ خَلْفنْ.
\v 31 بَقى كونوا صاحْيينْ! دايمْ جبوا لَبالْكنْ ثَثّ سْنينْ ما هديتُ باللَيل وْبنْهارْ وَانا بدْموُعْ أَوعَظْ واِحدْ واِحدْ منْكنْ.
\v 32 والسَّعْ أَأَمّنْكنْ لَالله وْلكلْمةْ نعْمتو، لَ هيِّ تْتيِقْ تبْنيكن وْتعْطيكنْ ميراثْ مَعْ كلّ القَدّيسينْ.
\v 33 فضَّة يا ذَهَب يا حَويسْ ما اشْتَهَيتُ.
\v 34 وانْتنْ تعْرفونْ لَحاجتي وْحاجةْ ناِسْ لَ مَعي، إيدَي هَوذْ ناِ لَ قاموا بالخدْمِة.
\v 35 وبْكلْ شي وَرَّيتوكنْ بالتَّعَبْ لازمْ نهْتَمْ بالمَراضىِ، ونْخَلّي فَ بالْنا كَلامْ رَبْنا يَسوُعْ لَ قالْ: ’طوبى لاك لَ يعْطي أكْثَرْ منْ هاكْ لَ ياخذْ.‘“
\v 36 وْوَقْتْ لَ قالْ هَالكَلامْ، قعدْ عَلى ركَبو وْصَلّى، والنّاِسْ كلّنْ مَعو.
\v 37 وْصارتْ بكيوُيِة گْبيرِة ف كلّتن، وْحَضَنوهُ وْكان يبَوسوهُ،
\v 38 أكْثَرْ شي صعْبتْلنْ هاكْ كلْمِة لَ قالْ: كَرْةْ لخْ ما بَق يرَون وچّو. وْوَدَّعوهُ وْمشْيوا مَعو دي للسَّفّينِة.
\c 21
\p
\v 1 وافْتَرَقْنا منّن، وْمشينا ساِوي لجَزيرةْ كاو. وْثاِني نْهارْ جينا لَ روُدس، وْمنَونَك لَپاطارا.
\v 2 وَارَينا هَونَكْ سَفّينِة رايحَة لَفينيقيا، وْطَلَعْنالا وْمشينا.
\v 3 وْوصلْنا دي لَعنْدْ جَزيرةْ قبرص، وْخَلَّيناها عَ الشّمال وْجينا لَسوريّا. وْمنَونَكْ وصلْنا لَصورْ، منْ لَ هَونَكْ كانْ لازم تْفَرّغ السَّفّينِة حْمولتا.
\p
\v 4 وْوَقْتْ لَ ارَينا هَونَكْ تَلاميذْ، بَقَينا عنْدنْ سَبعْة اِيم. وْهَوذْ كان يقولونْ لَبولسْ بالرّوُحْ لا يروُحْ للقدْسْ.
\v 5 وْبَعدْ هَوذ الاِيّاِمْ، طَلَعْنا تَ نْروُحْ ف الطَّريِقْ. وْطَلَعوا يوَدْعونا كلّنْ، هنّاِ وْنسْوانن واولادنْ، دي لَ بَرّات البَلَد. وْقعْدوا عَلى ركَبنْ جَنْب البَحر وْصَلَّوا.
\v 6 وْبَوَّسْنا بَعضْنا، وْطَلَعْنا للسَّفّينِة، وْرجْعوا هنّاِ لَبْيوتنْ.
\v 7 وْنحْناِ مشينا منْ صور، وْجينا لَمَدينة عَكّا، وْسَلَّمْنا عَ الاخْوِة هَونَك وْنَزَّلْنا عنْدنْ يَومْ واِحدْ.
\v 8 وْثاِني نْهارْ، طَلَعْنا وْجينا للقَيصَريِّة، وْدَخَلْنا نَزَّلْنا فَ بَيتْ فيلبُّس الّمْبَشّرْ، هاذْ لَ كانْ واِحدْ م السَّبْعَة.
\v 9 وْكانْ عنْدو أَرْبَعْ بَناتْ بَتولينْ كانْ يتْنَّبَّونْ.
\v 10 وْنحْناِ هَونَك اِيّاِم كْثيرْ، نزلْ م الياهوديِّة واِحدْ نَبي اسْمو أَگابوُسْ.
\v 11 وْدَخَلْ لَعنّا وَاخَذْ وسْطْ بولسْ لَ يشدّو عَلى خَصْرو، وْشَدَّدْ فِيو اجْرَينْ روُحو وايدَيو، وْقالْ: ”كذاِ يقولْ روُح القدسْ: ’صاحبْ هَالوسْطْ هاذْ، كذاِ تَ يشَدّدوهُ الياهودْ ف القدْسْ ويسَلْموهُ ف ايدَين الامَمْ.‘“
\p
\v 12 وَقْتْ لَ سمعْنا هَالحَكي هاذْ، طَلَبْنا منّو نحْناِ وْناِس الدّيرِة لا يروُحْ للقدْسْ.
\v 13 هاك الوَقْتْ رَدْ بولس وْقالْ: ”أَيش تْسَون انْتنْ؟ تبْكون وْتكْسرونْ قَلْبي: أَنا موُ بَسْ مسْتَعَدْ أَتْشَدَّد اَنا، بَلىِ مسْتَعدّ اَموتْ زاِ ف القدْسْ لَخاطر اسمْ رَبْنا يَسوُع.“
\p
\v 14 وَقْتْ لَ ما اقْتَنَعْ فَ كَلامْنا، سكتْنا وْقلْنا: ”إرادةْ رَبْنا خَلّي تْكونْ.“
\p
\v 15 وْبَعدْ هَالاِيّاِمْ هَوذ تْحَضَّرْنا وْطَلَعْنا للقدْسْ.
\v 16 وْجَوا مَعْنا ناِسْ تَلاميذْ م القَيصَريِّة، وْجابوا مَعنْ واِحدْ م التَّلاميذ الاَوَّليِّة اسْمو مناسونْ منْ قبْرصْ تَ يسْتَقْبلْنا فَ بَيتو.
\s بولس يزوُر يَعْقوب
\p
\v 17 وْوَقْتْ لَ جينا للقدْس، اسْتَقْبَلونا الاخْوِة بْفَرَحْ.
\v 18 وْثاِني نْهارْ، دَخَلْنا مَعْ بولسْ لَعنْدْ يَعْقوب، وْكانْ عنْدو الّشْيوُخَة كلّنْ.
\v 19 وْسَلَّمْنا عَلَين، وْحَكالنْ بولسْ شي بَعدْ شي عَلى كلْ شي لَ سَوى اَلله بَين الامَم بْخدْمتو.
\v 20 وَقْتْ لَ سمْعوا، سَبَّحوا لَالله وْقالوا لبولسْ: ”أنْتَ ترى يا أَخونا أَشْقَدْ عَشْراتْ ألوف في ف الياهوديِّة منْ هَوذْ لَ آمَنوا، وهَوذْ كلّنْ غَيّورين ناِ عَلى ناموسْ موسى.
\v 21 وانْقالْلنْ عَلَيك تْعَلّمْ كلْ ياهودْ لَ بَين الامَمْ تَ ينْفرْقونْ منْ موسى، وتْقولْلنْ لا يطَهْرون اولادن وْلا يمْشَون بْموجبْ عادات النّاموسْ.
\v 22 بَقى مادام تَ ينْسمعْ كجّيت لَونْ،
\v 23 سَي شي لَ نْقولْ لكْ. في عنّا أَرْبَع رْجاِلْ عَلَينْ نذرْ.
\v 24 خذن وْروُحْ سَي مَعنْ عادات الطَّهارَة، وادْفَعْ قدّامنْ مَصاريفْ كَما مَصْروف حْلاقةْ روسن، وْتَ ينْعرفْ منْ كلّ انْسانْ شي لَ انْقالْ عَلَيكْ گذْبْ واِ، وانْتَ تْوافق النّاموس وْتحْفَظو.
\v 25 وْعَلَوكْ لَ آمَنوا م الامَمْ، نحْناِ كَتَبْنا تَ يحْفظونْ روُحنْ م المَذْبوُحْ للاصْنام وْم الزّنىِ وْم المَخْنوُق وْم الدَّمْ.“
\p
\v 26 هاك الوَقْتْ بولسْ وَدّى هَوذ الّرْجاِلْ ثاِني نْهار، وْسَوى مَعنْ عادات الطَّهارَة، وْدَخَلْ راحْ للهَيكَل يعَرّفْ عَلى تَمام اِيّاِم الطَّهارَة دي لَمن تْقَدَّمْ قرْبانْ كلْ واِحدْ منّنْ.
\s بولس ينْمسكْ ف الهَيكَلْ
\p
\v 27 وَقْتْ لَ جا يَوم السّابعْ، ياهودْ لَ منْ آسيّا أَرَوهُ ف الهَيكَل، وْهَيَّجوا عَلَيو الشَّعْبْ كلّو وْمسْكوهُ،
\v 28 وْهنّاِ يسيِحونْ: ”يا رْجاِلْ، يا بَني اسْرائيلْ، عينوا! هاذْ واِ الزَّلَمِة لَ ضدْ شَعْبنا يعَلّمْ ف كلْ موُضَع، وْضدّ النّاموس وْضدْ هَالموُضَع الّمْقَدَّسْ. حتّى وَثَنِيِّة دَخَّلْ للهَيكَل وْنَجَّسْ هَالموُضَع الّمْقَدَّسْ.“
\p
\v 29 منْ لَ كانْ كَ ارَوا مَعو منْ قَبل طْروُفيموُس الإفِسوُسي ف البَلَد، وْكانْ يفْتكْرونْ دَخَلْ مَعْ بولسْ للهَيكَلْ.
\v 30 والبَلَدْ كلّو هاجْ. والتَمّوا كلّ الشَّعْب، وْمسْكوا بولس وْجَرْجَروهُ لَبَرّات الهَيكَل، وْراساً تْقَفَّلوا الابْوابْ.
\v 31 وْوَقْتْ لَ كانوا ناِس الملْتَمّينْ قايمينْ تَ يقْتلوهُ، قايد الألْفْ سمع المَدينِة كلّا قايمِة قاِعْدِة ياِ.
\v 32 وْراساً أَخَذْ قوّادْ ميِّة وْعَسْكَر كْثير وْعدْيوا عَلَينْ. وْوَقْتْ لَ ارَوا قايد الألْف وْعَسْكَر كْثيرْ، سَكَّنوا ما بَقْ يضْربونْ بولسْ.
\v 33 وْقَرَّبْ صوُبو قايد الألْف وْمسكو، وَامَرْ تَ يشَدّدوهُ ف زَنْجيرَين. وْسَأَلْ عَلَيو: ”منْ واِ وَايشْ سَوى.“
\v 34 وْناِسْ م اللَمِّة كان تْسيِحْ شي، وْناِسْ غَيرْ شي. وْمن سْياحنْ ما تاقْ يعْرفْ أَينا واِ الصَّحْ، وَامَرْ تَ يسوُقوهُ للقشْلَة.
\v 35 وْوَقْتْ لَ وَصلْ بولسْ للدَّرَج، العَسْكَرْ حَمَلوهُ منْ زوُر وْزَحْمة الشَّعْبْ،
\v 36 منْ لَ جا خَلْفو شَعْب كْثير وْكان يسيِحونْ: ”خذو!“
\s بولس يحْكي ويحاِمي لَ روُحو
\p
\v 37 وْوَقْتْ لَ وصلْ بولسْ تَ يدْخلْ للقشْلَة، قالْ لَقايد الألْفْ: ”تسْمَحْ لي أَحْكي مَعكْ؟“ قالْلو: ”تعْرفْ يوناني؟
\v 38 لَيشْ أنْتَ موُ هاك المصْري لَ أَقدَمْ كَمْ يَومْ هَيَّجت وْطاِلَعْتْ للبَرّيِّة أَرْبَعْة اَلاف زَلَمِة فْعول شْرورْ؟“
\p
\v 39 بولسْ قالْلو: ”أَنا زَلَمِة ياهودي منْ طَرْسوسْ ف كيليكْيا، مَدينِة مَعْروفِة فِيا ولدْتُ. أَرْجوكْ تسْمَحْ لي أَحْكي للشَّعْبْ.“
\v 40 وْوَقْتْ لَ سَمَحْلو، قامْ بولسْ عَ الدَّرَجْ وَاشَّرْلنْ بيدو. وْوَقْتْ لَ سكْتوا، حَكى مَعنْ بالعبْراني، وْقالْلنْ:
\c 22
\p
\v 1 ”يا اخْوِة وْيا أَبَّهات! اسْمَعوا دفاعي قدّامْكنْ.“
\v 2 وَقْتْ لَ سمْعوا عبْراني يحْكي مَعنْ، أكْثَرْ هدْيوا، وْقالْلنْ:
\v 3 ”أَنا زَلَمِة ياهودي مَولودْ فَ طَرْسوسْ كيليكْيا، بَسْ ربيتُ فَ هَالبَلَدْ جَنْب اجْرَينْ غَمالاييِل وتْعَلَّمْتُ عَ التَّمامْ ناموسْ أَبَّهاتْنا، وْكنْتُ غَيّورْ لَالله كَماكن انْتنْ كلّتْكن {اليَومْ.}
\v 4 وْلَهَالطَّريِقْ اضْطَهَدْتُ دي للمَوتْ، وَانا أَشَدّدْ وَاسَلّم للّحْبوس رْجاِل وْنسْوانْ،
\v 5 كَما لَ يشْهَدْ لي رَيّس الكَهَنَة وْكلّ الّشْيوُخَة لَ منّن استَلَمْتُ مكاِتيبْ تَ اروُح لَعنْد اخوة الشّام، بْشانْ لَنّاِ هَونَكْ زاِ أَجيبنْ للقدْس مْشَدَّدينْ تَ ينالون العقابْ.
\v 6 وْوَقْتْ لَ كنْتُ رايح وْبَدَيتُ أَقَرّبْ تَ أَصلْ لَدمشْقْ، ف نصّ الّنْهار وْعَلى غَفْلِة، ضَوّى عَلَي م السَّما نورْ قَوي.
\v 7 وْوَقَعتُ عَ الاَرْضْ، وْسمعْتُ صَوت يقولْ لي: ’شاوُلْ، شاوُلْ! لَيشْ تضْطهدْني؟‘
\v 8 وَانا رَدَّيتُ وْقلْتُ: ’منْ أنْتَ سَيّدي؟‘ وْهوّاِ قالْ لي: ’أَنا يَسوُع النّاصري اَنا، لَ انْتَ تضْطهدو.‘
\v 9 وْناِس لَ كانوا مَعي أَرَوا النّورْ، بَسْ ما سمْعوا صَوتْ هاكْ لَ كانْ يحْكي مَعي.
\v 10 قلْتُ: ’أَيشْ أَسَي سَيّدي؟‘ وسَيّدْنا قالْ لي: ’قومْ روُحْ لَدمشْق، وْهَونَكْ تَ ينْحَكى مَعكْ عَلى كلْ شي لَ مامور انْتَ تَ تسَي.‘
\p
\v 11 ”وْلَمَنْ ما بَقْ أَرى منْ مَجْدْ هاك النّورْ، مسْكوا ف ايدَي هَوكْ لَ كانوا مَعي وْدَخَلْتُ لَدمشْقْ.
\v 12 وْحَنانيّا، واِحدْ زَلَمِة تَقي بْموجب النّاموسْ كَما لَ كانْ يشْهَدولو ياهودْ هَونَكْ كلّن،
\v 13 جا لَعنْدي وْقالْ لي: ’أَخوي شاوُلْ! فَتّحْ عَينَيك!‘ وْفَ ساعتا تْفَتَّحوا عَينَي وْطَلَّعْتُ فِيو.
\v 14 وْقالْ لي: ’إلهْ أَبَّهاتْنا قَيَّمكْ تَ تعْرفْ إرادتو وْترى البار وْتسْمَعْ صَوتْ منْ ثمّو،
\v 15 وتْسيِرْلو شاِهدْ عنْد كلّ النّاِسْ، تشْهَدْ عَلى كلْ شي لَ ارَيت وْسمعْتْ.
\v 16 والسَّعْ لَيشْ تبْطى؟ قوم تْعَمَّذْ وتْطَهَّرْ منْ خَطيّاتكْ وانْتَ تدْعي اسْمو.‘
\v 17 وْرجْعْتُ جيتُ لَونْ للقدْس وْصَلَّيتُ ف الهَيكَل. {وْصِرْتُ ف انجذابٍ.}
\v 18 وَارَيتوهُ ف رويا يقولْ لي: ’خَفيف اطْلَعْ م القدْسْ، منْ لَ موُ يقْبَلونْ شَهادتكْ لي.‘
\v 19 وَانا قلْتُ: ’سَيّدي! وْيعْرفونْ زاِ هنّاِ أَنا كانْ أَسَلّمْ للّحْبوسْ وَاضْربْ ف المجاِمعْ لَوكْ لَ كان يآمْنونْ فيكْ.
\v 20 وْوَقْتْ لَ كانْ ينْسفكْ دَمّ اسْطيِفانوُسْ شاِهدكْ، أَنا زاِ مَعنْ قايمْ كنْتُ وْمتّفقْ مَعْ إرادةْ قاتْلينو كنْتُ وْكانْ أَنْطرْ حَويسْ لَ كانْ يرْجموهُ.‘
\v 21 وْقالْ لي: ’روُحْ! أَنا أَبْعَثكْ لَموُضَع بْعيدْ، تَ تكْرزْ للامَمْ.‘“
\p
\v 22 وْبَعدْ لَ كانْ يسْتمْعونْ لبولسْ دي لَ هَالكلْمِة هاي، عَلَّوا صَوتنْ يزْعَقونْ: ”خَلّي ينْأخذْ م الاَرْضْ أَينا لَوّاِ كذاِ، منْ لَ موُ لازم يعيشْ.“
\v 23 وْوَقْتْ لَ كان يسيِحونْ، ويكبّونْ حَويسنْ، ويشَنْترون تْراب ف الهَوا،
\v 24 أَمَرْ قايد الألْفْ تَ يدَخْلوهُ للقشْلَة وْأَمَر بالقراِپيچْ تَ يقَرّروهُ بْشانْ يعْرفْ لَيشْ كانْ يزْعَقونْ عَلَيو.
\v 25 وَقْتْ لَ شَدَّدوهُ ف الّحْباِلْ، بولسْ قالْ لَ قايد الميِّة لَ كانْ قايمْ عَلَيو: ”يسْمَح لْكن القانون تْقَرْپچونْ رجّالْ روماني موُ مَحْكومْ عَلَيو؟“
\v 26 وَقْتْ لَ سمعْ قايد الميِّة، قَرَّبْ لَعنْدْ قايد الألْف وْقالْلو: ”أَيش تْسَي أنْتَ؟ هَالزَّلَمِة روماني واِ.“
\v 27 وْقَرَّبْ لَعنْدو قايد الأَلْف وْقالْلو: ”قلْ لي: روماني انْتَ؟“ قالْلو: ”نَعمْ.“
\v 28 ورَدْ قايد الأَلْف وْقالْلو: ”أَنا بْوَلْچَك ثْمانْ حَصَّلْتُ هَالجّنسيِّة الرّومانيِّة.“ بولسْ قالْ: ”أَنا ولدْتُ فَ هَالجّنسيِّة.“
\p
\v 29 وْراساً بَعَّدوا منّو هَوكْ لَ كان يريدون يقَرپچوهُ. وْخافْ قايد الأَلْفْ وَقْتْ لَ عَرَفْ روماني واِ منْ لَ كانْ كشَّدَّدو.
\s بولس ف مَجلس الياهودْ
\p
\v 30 ثاِني نْهارْ، رادْ يعْرفْ عَ المَزْبوطْ أَيشْ تهْمِة يجبونْ عَلَيو الياهود. وْحَلّو منْ زناِجيرو وَامَر تَ يجَون گْباريّة الكَهَنَة وْكلْ مَجْلسْ رُوَساهن، وْساقْ بولس وْنَزَّلو وْوَقَّفو بَيناتنْ.
\c 23
\p
\v 1 وْلَمَنْ طَلَّعْ بولسْ ف ناِسْ مجْلسنْ، قالْ: ”يا رْجاِل يا اخوتي، أَنا بْكلْ ضَميرْ صالحْ عشْتُ قدّام اَلله دي لَ هَاليَومْ هاذْ.“
\p
\v 2 وْحَنانيّا الكاهنْ أَمَرْ هَوكْ لَ كانوا قايمينْ جَنْبو تَ يضْربونْ بولس عَلى ثمّو.
\v 3 وْبولسْ قالْلو: ”أَلله تَ يضْربكْ يا حايط مْبَيَّضْ. وانْتَ قاِعد تْحاِكمْني بْموجب النّاموسْ تكسر النّاموس وْتأمرْ تَ يضْربوني.“
\p
\v 4 هَوكْ لَ كانوا قايمينْ هَونَكْ قالولو: ”لَكاهن اَلله تْمَخّرْ؟“
\p
\v 5 بولسْ قالْلنْ: ”ما كان اَعْرفْ يا اخْوانْ كاهنْ واِ. منْ لَ مَكْتوبْ واِ رَيّسْ شَعْبكْ لا تنْعَلْ.“
\p
\v 6 وْوَقْتْ لَ عَرَفْ بولسْ هَوك الشَّعْبْ منّنْ صَدّوقِيِّة ناِ وْمنّنْ فَرِّيسيِّة، ساحْ ف المَجْلسْ وْقالْ: ”يا رْجاِل اخوتي، أَنا فَرّيسي ابنْ فَرّيسي، وبْسَبَب الرَّجا ف قْياِمة المَيتينْ أَتْحاكَم اَنا.“
\p
\v 7 وْأوَّلْ لَ قالْ هاي، وَقَعوا واِحدْ ف اللاخْ، فَرِّيسيِّة وْصَدّوقِيِّة، وانْقَسَم الشَّعْبْ،
\v 8 منْ لَ الصَّدوقِيِّة يقولونْ: ”ما في قْياِمِة وْلا مَلايكِة وْلا روُحْ،“ بَسّ الفَرّيسيِّة يآمْنونْ ف كلّنْ.
\v 9 وْصارتْ قالِة گْبيرِة، وْقاموا ناِسْ من مْعَلْمين النّاموسْ منْ جَماعة الفَرّيسيِّة وْبَقى يتْجاِدَلونْ مَعنْ ويقولونْ موُ نرى شي شَرْ فَ هَالزَّلَمِة. لَ روُحْ يا مَلاكْ حَكى مَعو، أَيشْ فِيا هاي؟
\p
\v 10 وْوَقْتْ لَ صارْ بَينن قْتاِلِة گْبيرِة، قايد الأَلْفْ خاف يقصّونْ بولس بالنّصْ، قامْ بَعَثْ عَسْكَرْ روُمانْ تَ يجَون يخَلصوهُ منْ بَيناتنْ ويدَخْلوهُ للقشْلَة.
\v 11 وْوَقْتْ لَ صارْ لَيل، ظَهَرْ رَبْنا لَبولس وْقالْلو: ”تْقَوّى! منْ لَ كَما لَ شهدْتْ لي ف القدْسْ، كذاِ ف روُما زاِ تَ تشْهَدْ.“
\s دُبارَة لَقَتل بولس
\p
\v 12 وَقْتْ لَ صَبَّح الصّبح، اجْتَمَعوا ناِسْ م الياهودْ، وحَرَّموا ياكْلون يا يشْرَبونْ لَ موُ يقْتلونْ بولسْ.
\v 13 وْهَوكْ لَ نَذَروا بْحلفاناتْ هَالنّذرْ أكْثَرْ منْ أَرْبْعينْ زَلَمِة كانوا.
\v 14 وْقَرَّبوا لَعنْد الكَهَنَة وْلَ عنْد الّشْيوُخَة وْقالوا: ”حَرّيمْ حَرَّمْنا عَلى روُحْنا نْذوُقْ شي لَ موُ نقْتلْ بولسْ.
\v 15 والسَّع اطْلبوا أنْتن وْرُوَسا المَجْلسْ منْ قايد الأَلْف تَ يجيبو لَعنْدْكن بْحجّة تْريدونْ تفْحَصون كْوَيّسْ أَيشْ سَوى، وْنحْناِ مسْتَعدّينْ نقْتلو قَبلْ لَ يصلْ لَعنْدْكنْ.“
\p
\v 16 وْسمع ابنْ أخْتْ بولسْ عَلى هَالدُّبارَة هاي، وْدَخَلْ للقشْلَة وْحَكى عَلاي لَبولسْ.
\v 17 وْبَعَثْ بولسْ ساحْ واِحدْ منْ قوّاد الميِّة وْقالْلو: ”وَدّي هَالشَّب لَعنْدْ قايد الأَلْفْ، منْ لَ في عنْدو شي تَ يقولْلو.
\p
\v 18 وْقايد الميِّة وَدّى الشَّب وْدَخَّلو لَعنْدْ قايد الأَلْف وْقالْ: ”بولس المَحْبوسْ ساحْني وْطَلَبْ منّي تَ آجيبْ هَالشَّبْ لَعنْدكْ، منْ لَ في عنْدو شي تَ يقولْ لكْ.“
\p
\v 19 وْمسكْ قايد الأَلْفْ ف ايد الشَّب وْجَرّو عَلى خاصْرَة وْسَأَلو: ”أَيشْ في عنْدكْ؟ قلْ لي.“
\p
\v 20 والشَّب قالْلو: ”الياهودْ سَوَوا دُبارَة تَ يطْلبونْ منّك تَ تْنَزّلْلنْ بولسْ غَداِ لَمجْلسن بْحجّة يريدون يعْرفونْ منّو أكْثَرْ.
\v 21 بَقى لا تْسايرنْ، منْ لَ كْوا أكْثَرْ منْ أَرْبْعينْ زَلَمِة منّنْ ينْطروهُ كسَّولو فَخْ، كلْحَرَّموا عَلى روُحنْ ياكْلونْ يا يشْرَبونْ لَ موُ يقْتلوهُ. وكْوا مستَعدّينْ ينْطرونْ وَعدْ منّكْ.“
\p
\v 22 وْقايد الأَلْفْ صَرف الشَّبْ بَعدْ لَ وَصّاهُ قالْلو: ”لا يعْرف اسم انْسانْ كلْخَبَّرْتْني شي منْ هَوذْ.“
\s بولس عنْد فيلكس الحاكم
\p
\v 23 وْساحْ اثْنَينْ منْ قوّاد الميِّة وْقالْلنْ: ”روُحوا حَضْروا ميتَينْ عَسْكَري تَ يروُحونْ للقَيصَريِّة، وْسَبْعينْ خيّال وْميتَينْ رمّاحْ تَ يطْلَعونْ منْ ساعَة ثاثِة باللَيلْ.
\v 24 وْحَضْروا زاِ دابِّة.“ تَ يرَكْبونْ بولسْ ويهَرْبوهُ لَعنْدْ فيلكس الحاكمْ.
\p
\v 25 وْكَتَبْ مَكْتوب وْعَطاهنْ، قالْ فِيو:
\v 26 ”كلوُديوُسْ لوسيّوُسْ لَفيلكس الحاكمْ صاحب العزِّة، سَلامْ:
\v 27 هَالزَّلَمِة هاذْ مسكوهُ الياهودْ تَ يقْتلوهُ، وْقمْتُ اَنا والعَسْكَرْ الرّوُماني وْخَلَّصتوهُ أَوَّلْ لَ عَرَفتُ روماني واِ.
\v 28 وْلَمَنْ ردْتُ أَعْرفْ أَيشْ دَعْوى يسوُقونْ عَلَيو، نَزَّلْتوهُ لَمجْلسنْ.
\v 29 وَارَيتُ عَلى جدالاتْ ناموسنْ ياِ دَعْوى لَ يسوُقونْ عَلَيو، وْسَبَبْ للحَبْسْ يا للمَوتْ ما في عَلَيو.
\v 30 وْلَمَنْ جاني اخْباريّة الياهودْ كسَّوَوا دُبارَة عَلَيو تَ يغْدرونْ فِيو، راساً بَعَثْتوهُ لَعنْدك، وْأَمَرْتُ المشْتكينْ تَ يجَونْ يحْكَونْ مَعو قدّامكْ. دوم مْعافى.“
\v 31 هاك الوَقْتْ، العَسْكَرْ، كَما لَ انْأَمَروا، وَدَّوا بولسْ باللَيل وْجابوهُ لَمَدينة أنْطيفاطْروسْ.
\v 32 وْثاِني نْهار، الخيّالِة صَرَفوا الرّجّالِة رفَقنْ تَ يرْجَعونْ للقشْلَة.
\v 33 وْجابوهُ للقَيصَريِّة وْعَطَوا المَكْتوبْ للحاكم، وْقَيَّموا بولسْ قدّامو.
\v 34 وْلَمَنْ قَرا المَكْتوبْ، سَأَلو منْ أَينا ولايِة واِ. وْوَقْتْ لَ عَرَف منْ كيليكْيا واِ،
\v 35 قالْلو: ”تَ اسْمَعْ منّكْ بَسْ جَوا هَوذْ لَ يشْتَكَونْ عَلَيكْ.“ وَامَرْ يحْرسوهُ فَ قصرْ هيروُدسْ.
\c 24
\s دَعوى الياهودْ عَلى بولس
\p
\v 1 وْبَعدْ خَمْسْة اِيمْ، نزل رَيّس الكَهَنَة حَنانيّا مَع شْيوُخَة وْمَعْ طَرْطُلوُس الفَصيح وْخَبَّروا الحاكمْ عَلى بولسْ.
\v 2 وَقْتْ لَ انْدَعى، طَرْطُلوُسْ بَدا يسوُق دَعْواهُ ويقول: ”بْأَمانْ عَظيمْ عايشينْ نحْناِ بْفَضْلكْ، واصْلاحات كْثيرْ صارْ لَهَالشَّعْب بْهمّتكْ.
\v 3 وْكلّتْنا ف كلْ موُضَعْ مَمْنونينْ نحْناِ لَفَضْلكْ يا صاحب العزِّة فيليكسْ.
\v 4 بْشانْ لا نْعَجّزك بْكَلام كْثيرْ، أَرْجوكْ تسْمَعْ لَتَواضعْنا كَمْ كلْمِة.
\v 5 أَرَينا هَالزَّلَمِة مفْسدْ يرْمي فتْنِة بَين الياهودْ ف كلّ الاَرْضْ، منْ لَ هوّاِ واِ رَيّسْ مَذْهَب النّاصريِّة.
\v 6 وْراد ينَجّسْ هَيكَلْنا. وْوَقْتْ لَ مسكْناهُ وْردْنا نْحاِكمو بْموجبْ ناموسْنا،
\v 7 جا لوسْيوُسْ قايد الأَلْف وْبالغَصْب وْبالّزوُرْ فَلَّتو منْ ايدَينا، وْبَعَثو لَعنْدكْ.
\p
\v 8 ”وْأمَر المشْتكينْ تَ يجَونْ لَعنْدكْ. وتْتيِق انْتَ تسْأَلو وْتعْرفْ منّو عَلى كلْ هَوذْ لَ نتْهمو فِينْ.“
\p
\v 9 والياهودْ زاِ عَلَّوا صَوتنْ عَلَيو وْقالوا: ”هَوذْ كذاِ ناِ.“
\s دفاع بولس
\p
\v 10 وْأَشَّر الحاكمْ لَبولسْ تَ يحْكي، ورَدْ بولس وْقالْ: ”أَعْرفْ من سْنين كْثيرْ حاكمْ هَالشَّعْبْ أنْتَ، منْ هاي أَحاِمي لَ روُحي وَانا فرْحانْ.
\v 11 وانْتَ تْتيِقْ تعْرفْ ما لي أكْثَرْ من اثْناعشْ يَومْ لَ كطَّلَعْتُ للقدْسْ للّسجودْ.
\v 12 وْما ارَوني أَحْكي مَع اَحَّدْ ف الهَيكَل وْلا أَلمْ لَمّةْ ناِسْ لا ف مجاِمعن وْلا ف البَلَدْ.
\v 13 وْلا يطْلَعْ بيدن يوَرَّونْ دَليلْ قدّامكْ عَلى شي لَ يتْهموني فِيو السَّعْ.
\v 14 بَسّ اَقر بْهاي: بْموجبْ هَالمَذْهَبْ لَ يقولونْ عَلَيو أَعْبدْ إلهْ أَبَّهاتي. وْأَآمنْ بكلّ المَكْتوبْ ف النّاموسْ والاَنْبِيا،
\v 15 ولي رَجا عنْد اَلله، نَفْس الرَّجا لَ يرْجَونْ تَ يسيِر قْياِمِة منْ بَين المَيتينْ للبارّينْ والآثْمينْ.
\v 16 منْ هاي أَجْهَدْ تَ يكونْ لي ضَميرْ طاهرْ قدّام اَلله وْقدّام العالَمْ دايمْ.
\v 17 وْبَعد سْنين كْثيرْ جيتُ لَعنْدْ شَعْبي تَ اعْطي سَدَقَة وَاقَدّمْ قرْبانْ.
\v 18 وَارَوني هَوذْ ف الهَيكَلْ وَانا ف طْقوس الطَّهارَة لا مَعْ لَمّةْ ناِس وْلا ف فتْنِة.
\v 19 بَلىِ لَ سَوا فتْنِة ناِسْ ياهودْ جَوا منْ آسيّا ناِ، هَوكْ لَ كانْ لازم يقومونْ مَعي قدّامكْ ويسوُقونْ دَعْوى لَ لهنْ.
\v 20 يا هَوذْ خَلّي يقولونْ أَيشْ ذَنْبْ أَرَوا علَي وَقْتْ لَ قمْتُ قدّامْ مجْلسنْ،
\v 21 غَير هَالكلْمِة هاي الوحْدِة لَ سحْتُ وَانا قايمْ بَيناتن وْقلْتُ: ’عَلى قْياِمة المَيتينْ أَتْحاكَم اَنا اليَومْ بَيناتْكنْ.‘“
\s بولس فَ حَبس القَيصَريِّة
\p
\v 22 وْفيلكسْ منْ لَ كانْ يعْرفْ هَالطَّريِقْ عَ التَّمامْ، أَجَّلن وْقالْ: ”بَسّ يجي {لوسياس} قايد الأَلْفْ تَ اسْمَعْ وَاحكم بَيناتْكنْ.“
\p
\v 23 وَامَرْ قايدْ ميِّة تَ يحْرسْ بولس بالرّاحَة وْلا يمْنَع اَحَّدْ منْ مَعارفْ بولسْ يجي يخْدمْو.
\v 24 وْبَعدْ كَمّ نْهارْ، فيلكس وْمَرَتو دْروسِّلا لَ كاتْ ياهوديِّة بَعَثوا وْساحوا بولس، وْسمْعوا منّو عَلى إيمان المَسيحْ.
\v 25 وْهوّاِ يحْكي مَعنْ عَ البرْ والقَداسِة وْعَ الّمْحاكَمِة ف المسْتَقبَلْ، فيلكس تْعَبّا خَوف وْقال: ”السَّعْ روُح وْأَيمَتْ لَ صارْ لي فرْصَة تَ ابْعَثْ خَلفَكْ.“
\p
\v 26 منْ لَ كانْ لهُ أَمَل ينْعَطى رَشوِة منْ بولسْ، منْ هاي زاِ دايمْ كانْ يبْعَث يجيبو وْيحْكي مَعو.
\v 27 وْبَعدْ لَ كَمَّل سَنْتَينْ، غَيرْ حاكمْ جا موُضَعو يقولولو فوُرْكِيوُسْ فيسْطوُسْ. وْفيليكس بْشان يسَي فَضلْ عَ الياهودْ، خَلّى بولسْ مَحْبوسْ.
\c 25
\p
\v 1 وَقْتْ لَ جا فيسطوُسْ للقَيصَريِّة، بَعد ثَةّ اِيمْ طَلَعْ للقدْسْ.
\v 2 وْحَكَوهُ گْباريّة الكَهَنَة وْرُوَسا الياهودْ عَلى بولسْ، وتْرَجَّوهُ
\v 3 وْطَلَبوا منّو هَالمَعْروفْ، تَ يبْعَث يجيبو للقدْسْ فَ وَقْتْ لَ كانْ يسَولو فَخْ ف الطَّريِقْ تَ يقْتلوهُ.
\v 4 وْفيسْطوُسْ رَدْلنْ جَوابْ قالْ: ”بولسْ تَ ينْحرسْ ف القَيصَريِّة، وَانا مسْتَعْجل اَنا تَ اروُحْ لَونَكْ.
\v 5 بَقى هَوذْ لَ يطْلَعْ بيدنْ منْكنْ، خَلّي ينْزَلونْ مَعْنا وْيشْتَكَونْ عَلى كلْ ذَنْبْ فَ هَالزَّلَمِة.“
\p
\v 6 وْبَعدْ لَ بَقى هَونَك ثْمنْ يا عَشْة اِيمْ، نزلْ للقَيصَريِّة. وْثاِني نْهار قعدْ عَ البيما، كرْسي الحكمْ، وَامَرْ تَ يجبونْ بولسْ.
\v 7 وَقْتْ لَ جا، الْتَمّوا حَولو ياهودْ لَ نزْلوا م القدس، وْتهَم كْثيرْ وقاسْيِة كانْ يتْهموهُ، بَسْ ما كان يتيِقون يثَبْتون هَالتّهَمْ عَلَيو.
\v 8 بولسْ حاِمى لَروُحو وْقالْ: ما كلْغلطْتُ شي، لا فَ حَقْ ناموس الياهود وْلا فَ حَقّ الهَيكَل وْلا فَ حَقّ القَيصَرْ.
\p
\v 9 بَسْ فيسْطوُسْ منْ لَ كان يريد يمَنّن الياهود بْمَعْروفْ، قالْ لَبولس: ”تْريدْ تطْلَعْ للقدْسْ وْهَونَكْ تتْحاكَمْ عَلَوذْ قدّامي؟“
\p
\v 10 رَدْ بولس وْقالْ: ”قدّامْ كرْسي قَيصَرْ قايم اَنا. هَونْ واِ موُضَعْ لَ لازمْ أَتْحاكَم. وْف شي ما خطَيتُ فَ حَقّ الياهودْ، كَما لَ انْتَ زاِ كْثير كْوَيّس تعْرفْ.
\v 11 لَ كسَّيتُ ذَنْبْ، يا شي أَسْتَحقْ عَلَيو المَوتْ، موُ اتْهَرَّبْ م المَوتْ. بَسْ لَ ما كانْ في عَلَي شي منْ هَوذْ تهَمْ لَ يتْهموني، ما في انْسان يسَلّمْني لهنْ سَليمْ كَما عَطيِّة. لحْمايةْ قَيصَرْ ألْتجي اَنا.“
\p
\v 12 هاك الوَقْتْ فيسْطوُس حَكى مَعْ مسْتَشارينو وْقالْ: ”لحْماية قَيصَرْ تلْتجي، لَعنْدْ قَيصَرْ تَ تْروُحْ.“
\s بولس ومَلك أَگْريپوُس
\p
\v 13 وْبَعدْ كَمّ نْهارْ نزلْ مَلكْ أَگْريپوُس وْبَرْنيكي للقَيصَريِّة تَ يسَلمونْ عَلى فيسْطوُس.
\v 14 وْبَعدْ لَ بَقَولنْ عنْدو زَمانيِّة، فيسْطوُسْ حَكى للمَلكْ عَلى قَضيّة بولس وْقالْ: ”في هَونْ زَلَمِة مَحْبوسْ بَقى من ايدَينْ فيلكسْ.
\v 15 وْوَقْتْ لَ كنْتُ ف القدْسْ، حَكَوا لي عَلَيو گْباريّة الكَهَنَة وشْيوُخة الياهود، وْطَلَبوا تَ احْكمْلنْ عَلَيو.
\v 16 قلْتولن: ’الرّوُمانْ ما عنْدنْ عادِة يسَلمون اَحَّدْ للقَتل مْبَلاشْ لَ موُ يجي المشْتكي عَلَيو وْيتْهمو ف وچّو، وْينْعَطى فرْصَة تَ يحاِمي لَروُحو.‘
\v 17 وْوَقْتْ لَ جيتُ لَونْ، بَلا تَأجيلْ لَثاِني يَومْ، قعدتُ عَ البيما، وَامرْتُ تَ يجبوا لي الزَّلَمِة.
\v 18 وْقاموا مَعو متّهْمينو وْما تاقوا يثَبْتونْ عَلَيو شي تهْمِة بْشَرْ منْ شي لَ كانْ أَفْتكرْ.
\v 19 بَسّ اخْتلافات مْشَكَّل مْلَوَّنْ عَلى ديانتنْ كانْ لهنْ مَعو، وْعَلى يَسوُعْ لَوّاِ انْسانْ مَيّتْ، بولسْ كان يقولْ: ’حَي واِ.‘
\v 20 وْمنْ لَ ما كانْ أَفْهَم كْوَيّسْ ف جدالْ هَالمَسايلْ، سَأَلْتُ بولسْ لَ كان يريدْ يطْلَعْ للقدْس وْهَونَكْ يتْحاكَمْ.
\v 21 بَسْ هوّاِ طَلَبْ تَ ينْحرسْ لَحكمْ قَيصَرْ، وَامَرْتُ تَ ينْحرسْ دي لَمَنْ أَبْعَثو لَعنْدْ قَيصَرْ.
\p
\v 22 أَگْريپوُسْ قالْ لَ فيسْطوُس: ”كانْ لي رغْبِة أَسْمَعْ هَالزَّلَمِة هاذْ.“ فيسْطوُس قالْلو: ”غَداِ تسْمَعو.“
\p
\v 23 وْثاِني نْهار، جا أَگْريپوُس وْبَرْنيقي بْعَظامِة وْفَخامِة وْدَخَلوا لَبَيت الدّينْ مَعْ قوّاد الألوف وْرُوَسا المَدينِة. وْأَمَرْ فيسْطوُس وْجا بولسْ.
\v 24 وْقالْ فيسْطوُسْ: ”أَگْريپوُس المَلك، وْكلّتْكنْ يا رْجاِلْ لَ انْتنْ مَعْنا! عَلى هَالرّجّالْ لَ ترَونْ، كلْ شَعْب الياهود اشْتَكَوا لي ف القدْس وْهَون، وْهنّاِ يزْعَقونْ ويسيِحونْ: ’ما بَق يسيِرْ هاذ يعيشْ.‘
\v 25 بَسّ اَنا عَرَفْتُ شي يسْتَحقْ عَلَيو المَوتْ ما كسَّوى. وْمنْ لَ هوّاِ طَلَبْ ينْحرسْ لَمَحْكَمةْ قَيصَرْ، أَمَرْتُ تَ ينْبعثْ.
\v 26 وْموُ اعْرفْ أَيش اَكْتبْ عَلَيو لَقَيصَرْ. منْ هاي ردْتُ أَجيبو قدّامْكن، وْخصوصاً قدّامكْ يا مَلكْ أَگْريپوُس، بْشانْ لَ انْفَحَصتْ قَضيّتو، أَرى أَيشْ أَكْتبْ.
\v 27 منْ لَ موُ يسيِرْ نبْعَثْ زَلَمِة مَحْبوسْ بَلا لَ نكْتبْ أَيشْ ذَنْبْ في عَلَيو.“
\c 26
\p
\v 1 وْقال أَگْريپوُسْ لَبولسْ: ”مَسْموُحْ لكْ تحْكي لَخاطرْ نَفسكْ.“ هاك الوَقْتْ بولسْ بَسَط ايدو وْحاِمى لَروُحو وْقالْ:
\v 2 ”عَلى كلْ شي لَ مَتْهوم اَنا فِيو م الياهودْ يا مَلكْ أَگريپا، أَحسبْ نَفْسي مَسْعودْ تَ اقوم اليَومْ أَحاِمي لَروُحي قدّامكْ،
\v 3 خصوصاً منْ لَ اعْرف خَبير انْتَ ف جدالات وْعادات الياهودْ. منْ هاي أرْجوك تْطَوّلْ بالكْ عَلَي وْتسْمَعْني!
\v 4 منْ لَ يعْرفون الياهودْ زاِ، لَ رادوا يشْهَدونْ، سيرة حَياتي منْ زغْري، م البدايِة بَينْ شَعْبي وْف القدْسْ.
\v 5 منْ لَ منْ زَمانْ يعْرفوني كْوَيّس، وْيعْرفونْ فَ مَذْهَب الفَرّيسيِّة عشْتُ.
\v 6 وَانا السَّعْ عَ الرَّجا بالوَعْدْ لَ صارْ من اَلله لابَّهاتْنا اَنا قايمْ وَاتْحاكَم،
\v 7 عَلى هَالرَّجا هاذْ، قَبايلنا الاثْناعشْ يرْجَونْ تَ يصلون بْصَلاواتْ حارَّة بنْهار وباللَيل. وْعَلى هَالرَّجا هاذْ مَتْهوم اَنا م الياهودْ يا مَلك أَگريپا.
\v 8 لَيشْ تفْتكْرونْ موُ لازم نْسَدّق أَلله يقَيّم المَيتينْ؟
\p
\v 9 ”منْ لَ انا منْ قَبل حَطَّيتُ فَ بالي تَ احاِرب بْطرْق كْثير اسمْ يَسوُع النّاصري.
\v 10 هاي زاِ سَوَيتُ ف القدْسْ: قَدّيسين كْثيرْ كَبَّيتُ ف الّحْبوس بْسلْطَةْ لَ اخَذْتُ من گْباريّة الكَهَنَة. وْوَقْتْ لَ كانْ منّنْ ينْقتْلونْ، كانْ أَشْترك مَعْ هَوذْ لَ يحْكمونْ عَلَينْ بالقَتلْ.
\v 11 وْف كلْ مَجْمَع كانْ أَعَذّبنْ أَجْبرنْ تَ يكْفرونْ ف اسمْ يَسوُعْ. وبْهاكْ غَضَب الّگْبيرْ لَ كنْتُ مْعَبّا عَلَينْ، لَغَيرْ مدنْ زاِ كانْ أَروُحْ خَلْفنْ أَلاِحقنْ.
\v 12 وْلَمَنْ كنْتُ رايح بْشانْ هاي لدمشْق بْسلْطَة وْرخْصَة منْ گْباريّة الكَهَنَة،
\p
\v 13 ”ف نصّ الّنْهار ف الطَّريِقْ أَرَيتُ م السَّما يا مَلكْ نَوَّرْ عَلَي وْعَلى كلْ لَ كانوا مَعي نورْ أَعْظَمْ م الشَّمْسْ.
\v 14 وْوَقَعْنا كلّتْنا عَ الاَرْض، وْسمعْتُ صَوت يقولْ لي بالعبْراني: ’شاوُلْ، شاوُلْ! لَيشْ تضْطهدْني؟ صَعْبْ عَلَيكْ ترْفس مْسَلّاتْ.‘
\v 15 وَانا قلْتُ: ’منْ أنْتَ سَيّدي؟‘ وْسَيّدْنا قالْ لي: ’أَنا يَسوُع النّاصري لَ انْتَ تضْطهدو.‘
\v 16 وْقالْ لي: ’قومْ عَلى اجْرَيك! بْشانْ هاي ظَهَرْتُ لك، بْشانْ أَقَيّمكْ خادم وْشاهدْ عَلى هاي لَ ارَيتْني وْعَلى لَ تَ تّراني.
\v 17 وْتَ اخَلّصكْ منْ شَعْب الياهود وْمنْ غَير امَم تَ ابْعَثكْ لَعنْدنْ.
\v 18 بْشان تْفَتّح عَينَين وْيرْجَعونْ م العتْمِة للنّور وْمنْ سلْطَة الشّيِطانْ لَعنْد اَلله، بْشان ينالونْ غفْران الخَطيّات وْنَصيبْ مَع القَدّيسينْ بالايمانْ في.‘
\v 19 منْ هاي يا مَلكْ أَگْريپا، ما قمْتُ واِجَهْتُ الرّويا السَّماويِّة،
\v 20 بَليِ كَرَزْتُ أَوَّلْ شي لَوكْ لَ ف دمشق وْلَوكْ لَ ف القدْس وْكلّ ضْياع الياهوديِّة والّامَمْ زاِ كَرَزْتُ تَ يرْجَعونْ لَعنْد اَلله، ويسَون اعْمال تْليقْ للتَّوبِة.
\v 21 بْشانْ هَوذْ مسْكوني الياهودْ ف الهَيكَل وْكان يريدونْ يقْتلوني.
\v 22 بَسّ اَلله عانْني دي لَهَاليَومْ، وكْوا قايمْ أَشْهَدْ لَزْغَيّرْ وگْبير، وْشي بَرّاتْ تَعْليمْ موسى والاَنْبِيا موُ اقولْ غَيرْ شي لَ قالوا تَ يسيِرْ،
\v 23 المَسيحْ تَ يتْعَذَّبْ ويكونْ أَوَّل الّقْياِمِة منْ بَين المَيتين وْتَ يكْرزْ نورْ للشَّعْبْ والامَمْ.“
\v 24 وْبولسْ كذاِ قايم يحاِمي لَروُحو، فيسْطوُسْ ساح بْعلوتْ صَوتو: ”بولسْ كجَّنَّيتْ! قرايةْ كتاِبات كْثيرْ خَلَّتك تْجنْ.“
\p
\v 25 بولسْ قالْ: ”ما كجَّنَّيتُ يا صاحب العزِّة فيسْطوُس! كَلامْ لَ اقول حَقْ واسْتقامِة واِ.
\p
\v 26 ”والمَلكْ أَگْريپوُسْ خصوصاً يعْرفْ هَوذ، وْمنْ هاي بْجَسارَة أَحْكي قدّامو، منْ لَ كلْمِة وحْدِة منْ هَالكلاِمي موُ افْتكرْ غايبِة منْ بالو ياِ، منْ لَ موُ ف قرْنِة مْخَبّايِة صارتْ.
\v 27 تْسَدّق الاَنْبِيا مَلكْ أَگريپا؟ أَعْرف تْسَدّقْ.“
\p
\v 28 أَگْريپوُسْ قالْ لَبولسْ: ”بشْوَيّةْ لخ تْقَنّعْني تَ اسيِرْ مَسيحي.“
\p
\v 29 وْبولس قالْ: ”أَرْجو من اَلله بشْوَي وبكْثيرْ، موُ لكْ بَس، بَلىِ لكلْ لَ يسْمَعوني اليَومْ تَ يسيِرونْ كَماي عَدا هَالزّناِجيرْ هَوذْ.“
\p
\v 30 وْقام المَلكْ والحاكم وْبَرنيقي وْلَ كانوا قاِعْدينْ مَعنْ.
\v 31 وْوَقْتْ لَ راحوا منَونَك، كانْ يحْكَونْ واِحدْ مَع اللاخْ ويقولونْ: ”شي يسْتَحقْ عَلَيو المَوتْ يا الحَبْسْ ما كسَّوى هَالزَّلَمِة هاذْ.“
\p
\v 32 وَاگريپاسْ قالْ لَفيسْطوُسْ: ”كانْ ممْكنْ يتْفَلَّتْ هَالزَّلَمِة يكون ما كانْ كلْتَجا لحْمايةْ قَيصَرْ.“
\c 27
\p
\v 1 وْأَمَرْ فيسْطوُسْ تَ ينْبعثْ لَعنْدْ قَيصَرْ لإيطاليا، وْسَلَّمْ بولسْ ومْحَبَّسين الاخَرْ لَ مَعو لقايد ميِّة م الطّابور الامْبَرَطوري اسْمو يوُليِّوُسْ.
\v 2 وْوَقْتْ لَ صارْ تَ نمْشي، نزلْنا لَسَفّينِة جاِيِة منْ مَدينة أَدْرامانْطوُس، وْرايحَة لَديرةْ آسيّا، وْدَخَلْ مَعْنا للسَّفّينِة أَريسْطَرْخوُس المَكْدوُني لَ منْ مَدينة تْسالونيكي.
\v 3 وثاِني نْهار وصلْنا لَصَيدا. وْقايد الميِّة يوُليِّوُسْ عاِملْ بولسْ بانْسانْيِّة، وْعَطاهُ أذنْ تَ يروُحْ لَعنْدْ سدْقانو وْيرْتاحْ.
\v 4 وْمنَونَكْ مشينا. وْمنْ لَ ف وچنا كانْ الهَوا، عَوَجْنا صوُبْ قبْرصْ.
\v 5 وْقَطَعْنا بَحرْ كيليكْيا وْپَمْفوليا، وْوصلْنا لَمورا مَدينةْ لوقِيّا.
\v 6 وْهَونَكْ أَرى قايد الميِّة سَفّينِة جاِيِة م الاسْكَندَريِّة وْرايحَة لايطاليا، وْقاِعَدْنا فِيا.
\v 7 وْمنْ لَ بَطي كانْ تمْشي، بالزّوُرْ وَصلْنا بَعد اِيّاِم كْثيرْ لَقْبالْ جَزيرةْ كنيدوُس. وْمنْ لَ ما كان يخَلّينا الهَوا نْروُحْ ساِوي، عَوَجْنا صوُب كْريت قْبالْ مَدينةْ سَلامونا.
\v 8 وْنحْناِ بالزّوُر نْدوُرْ حَولا، وصلْنا لَموُضَع يقولولو: ”مواني الحلْوِة“ قْرَيَّبْ مَدينةْ لاسِيّا.
\v 9 وْبَقَينا هَونَكْ زَمانْ طَويلْ دي لَمَنْ حتّى يَومْ صَوم الياهودْ فات، وْصارْ خَطَرْ واِحدْ يرْكَبْ ف البَحر. وْبولسْ نَصَحنْ،
\v 10 وْقالْ: ”يا رْجاِلْ، أَنا أَرى بْشدِّة وخْسارَة گْبيرِة تَ تْكونْ سَفْرتْنا، موُ بَسْ عَلى حْمولة سَفّينتْنا بَلىِ عَلى ارْواحْنا زاِ.“
\v 11 بَسْ قايد الميِّة كانْ يسْمَعْ للقبْطان وْصاحب السَّفّينِة أكْثَرْ منْ كَلامْ بولسْ.
\v 12 وْمنْ لَ ما كانْ هاك المينا كْوَيّسْ تَ نْشَتّي فِيو الشّتاِ، كْثيرْ منّا كان يريدونْ تَ نمْشي منَونَكْ، ويشَتَّونْ - لَ تاقوا يصلونْ - ف مينا فَ جَزيرة كْريت يقولولو ”فونيكس“ يطَلّع صوُب القبْلي.
\v 13 وْوَقْتْ لَ هَبْ هَوا قبْلي وافْتَكَروا تَ يصلونْ كَما لَ يريدون، بَقى يدوُرونْ حَول كْريتْ.
\v 14 بَسْ ما فاتْ فِيا شْوَيّة وَقْتْ، قامْ عَلَينا قلْعان يقولولو: ”طوفوُنيكوُس أوروُكليدوُنْ“.
\v 15 وَاخَذْ زوُر السَّفّينِة وْما بَق تْتيِق تْقومْ ف وچّ الهَوا، وْسَلَّمْنا لَ أَيشْ لَ يسيِرْ.
\v 16 وْوَقْتْ لَ قَطَعْنا جَزيرِة يقولولا كودا، بالزّوُرْ تقْنا نمْسك الزَّورَقْ.
\v 17 وْبَعدْ لَ رَفَعناهُ، بَدَينا نْشَدْشدْ ونْقَوّي السَّفّينِة. وْمنْ خَوفْنا لَ نقَعْ فَ عَقب البَحرْ، نَزَّلْنا الشّراع، وْكذاِ كانْ نمْشي.
\v 18 وْوَقْتْ لَ قامْ عَلَينا هَوا وْقلْعانْ ظالمْ، ثاِني نْهارْ كَبَّينا اغْراضْنا ف البَحرْ.
\v 19 وْثالثْ يَوم، اغْراض السَّفّينِة بيدَينا كَبَّينا.
\p
\v 20 وْلَمَنْ مسك الشّتاِ وْغَلَقت الدّنْياِ اِيّاِم كْثير وْلا شَمس انْأَرَت وْلا قَمَر وْلا نْجوم، أَمَلْنا ف الحَياةْ كَرَّة وحْدِة انْقَطَعْ.
\v 21 وْفَ وَقْتْ لَ ما كانْ كذّاقْ أَحَّدْ لقْمةْ أكلْ، هاك الوَقْتْ قامْ بولسْ بَيناتن وْقال: ”يكونْ كانْ كسّمعْتنْ لي يا رْجاِل، وْما طَلَعْنا من كْريت، ما كانْ تَ نخْسَرْ هَالّخْسارَة وْنتْعَذَّبْ هَالعَذابْ.
\v 22 والسَّعْ أَشيرْ عَلَيكنْ تَ تْكونونْ بَلا همّ وْغَمْ، منْ لَ نَفْسْ وحْدِة منْكنْ موُ تتْتَوبَلْ. موُ يتْتَوبَلْ شي غَير السَّفّينِة.
\v 23 منْ لَ ظَهَرْ لي فَ هَاللَيلِة هاي مَلاك اَلله لَ لهُ أَنا وْلهُ أَعْبدْ،
\v 24 وْقالْ لي: ’لا تْخافْ يا بولس، مْحَضَّرْ لكْ تَ تْقومْ قدّام القَيصَرْ. وكْوا عَطاك اَلله عَطيِّة كلّ الّمْسافرينْ مَعكْ.‘
\v 25 بْشانْ هاي قَوَّوا قَلْبْكنْ يا رْجاِلْ، منْ لَ أَآمنْ فَ الله، كذاِ تَ يسيِرْ كَما لَ انْقالْ لي.
\v 26 بَقى لَجَزيرِة شي لازمْ ننْكَبْ.“
\p
\v 27 وْبَعدْ أَرْبَطَعْشْ يَومْ لَ تهْنا وتْعَذَّبْنا فَ بَحرْ هَدْرِيوُسْ، ف نصّ اللَيلْ البحّاِرين افْتَكَروا قايمين نْقَرّبْ منْ أَرْضْ.
\v 28 وْقاسوا عمق البَحرْ، أَرَوهُ عشْرينْ قامِة، وْكَرْةْ لخْ بَعدْ لَ مشْيوا شْوَي، وَاروا خَمصْطَعشْ قامِة.
\v 29 وْوَقْتْ لَ خفْنا ننْوجدْ فَ مَواضعْ حَجَرْ، نَزَّلوا أَرْبَعْ مَرْسايات منْ آِخر السَّفّينِة، وْبَقى يصَلَّونْ تَ يطْلَع الّنْهارْ.
\v 30 بَسّ البحّاِرينْ رادوا يهْربونْ م السَّفّينِة، وْنَزَّلوا الزَّورَقْ للبَحر بْحجّة تَ يروُحونْ فِيو ويشدّون السَّفّينِة ف الاَرْضْ.
\v 31 وَقْتْ لَ ارى بولسْ، قالْ لَقايد الميِّة والعَسْكَرْ: ”لَ ما بَقَوا هَوكْ، أنْتنْ موُ تْتيِقونْ تخْلَصونْ.“
\p
\v 32 هاك الوَقْت، العَسْكَرْ قَطَّعوا حْباِل الزَّورَق وْخَلَّوهُ يتوُهْ.
\v 33 وْبولسْ دي لَمَنْ صارتْ الصّبح، كان يقَنّع الكلْ تَ ياكلولنْ لقْمةْ أَكَلْ، ويقولْلنْ: ”هاي أَرْبَطَعْشْ يَومْ م الخَطَرْ شي ما ذقْتنْ.
\v 34 منْ هاي أَرْجوكْنْ كلولْكنْ لقْمِة تَ تبْقَونْ طَيبينْ، منْ لَ شَعْرَة وحْدِة منْ راسْ واِحدْ منْكنْ موُ تْضيِعْ.“
\p
\v 35 قالْ هاذْ وَاخَذ غْبَيز وْسَبَّح لَالله قدّامْ كلّن، وْكَسَر وْبَدا ياكلْ.
\v 36 وْكلّن تْقَوّى قَلْبنْ وَاكَلوا.
\v 37 وْكنّا ف السَّفّينِة ميتَين وْستِّة وْسَبْعينْ نَفْسْ.
\v 38 وْلَمَنْ شبْعوا، خَفَّفوا السَّفّينِة م الاَكل وْكَبّوا الحنْطَة ف البَحرْ.
\s وَقْتْ لَ ضَرَبت السَّفّينِة ف الشّاطي
\p
\v 39 وْوَقْتْ لَ طَلَع الّنْهار، البحّاِرينْ ما عَرَفوا أَيشْ أَرْض ياِ، بَلىِ أَرَوا جَنْب البَرْ خليج وْلَونَكْ فَكَّروا لَ كانْ ممْكنْ يدفَعون السَّفّينِة.
\v 40 وْقَطَعوا المَرْساياتْ م السَّفّينِة كلّا وْخَلَّووا تقَعْ ف البَحر، وْحَلّوا شادودات الدَّفّات، وْرَفَعوا شْراع زْغَيّرْ للهَوا لَ يهب، وْمشْيوا صوُب البَرْ.
\v 41 وْضَرَبت السَّفّينِة فَ موُضَعْ عاِلي بَينْ عمْقَينْ وانْغَرَزتْ فِيو وْقامْ عَلَيو قسْما القدْماِني وْما بَقْ يتْحَرَّك. وْقسْما الخلْفاِني تْهَرْهَرْ منْ قوّة الامْواجْ.
\v 42 العَساِكر رادوا يقْتلون الّمْحَبَّسين بْشانْ لا يكبّونْ روُحنْ يسْبَحون وْيهْربونْ للاَرْضْ.
\v 43 بَسْ قايد الميِّة ما خَلّاهن، منْ لَ كان يريد يخَلّصْ بولسْ. وَامَرْ هَوكْ لَ يتيِقون يكبّونْ روُحنْ ويسْبَحونْ تَ يسْبَحونْ ف الاَوَّل وْيقْطَعونْ للاَرْضْ،
\v 44 والباقي عَلى دَفّات وْغَيرْ خَشَباتْ م السَّفّينِة. وْكذا كلّنْ نجَوا وْوصْلوا للاَرْضْ.
\c 28
\p
\v 1 وْبَعْدا عَرَفْنا مالْطا يقولونْ لَهاك الجَّزيرِة.
\v 2 والبَرابْرَة سكّانا احْسانات كْثيرْ وَرَّونا، وْعَلَقوا نار وْساحونا كلّتْنا تَ نتْدَفّا، منْ لَ مَطَرْ سراِحيب وْبَرد قرّاضيِّة كانْ.
\v 3 وْبولسْ شَقَلْ كومةْ شيقانْ ناِشْفين وْحَطْ عَ النّار، وْطَلَعتْ منّنْ حَيِّة منْ حَرارة النّار وْگَزّت ايدو.
\v 4 وَقْتْ لَ ارَوا البَرابرَة الحَيِّة مْكَلْبَشِة ف ايدو، قالوا: ”يكونْ موُ يكونْ هَالزَّلَمِة قاتلْ واِ، بْشانْ هاي وَقْتْ لَ فلتْ م البَحر العَدلْ ما خَلّاهُ تَ يبْقى طَيّبْ.“
\p
\v 5 بَسْ بولس نَفَض ايدو وْكَبّ الحَيِّة ف النّار وْشي مَكْروُهْ ما صابو.
\v 6 والبَرابرَة كانْ يفْتكْرونْ فَ ساعتا تَ ينْتفخ وْيقَعْ مَيّتْ عَ الاَرْضْ، بَسْ لَمَنْ نَطَروا وَقْتْ طَويلْ وَارَوا شي مَكْروُهْ ما صابو، غَيَّروا راين وْقالوا: ”إلهْ واِ.“
\p
\v 7 وْكانْ في فاك الموُضَعْ مَزارعْ لَزَلَمِة اسْمو پوپلْيوسْ هوّاِ كانْ رَيّس الجَّزيرِة، قامْ عَزْنا وْكَرَمْنا وتْمَرْحَبْ فينا ثَةّ اِيمْ زَمانْ.
\v 8 وْهاك الوَقْتْ كانْ أَبو پوپلْيوسْ مَحْموم وْجَوفو تجَعو ومْشَطَّح، وْدَخَلْ لَعنْدو بولس وْصَلّى وْحَطّ ايدو عَلَيو وْشَفاهُ.
\v 9 وْلَمَنْ هاي صارتْ، باقي المَراضىِ زاِ لَ كانوا ف الجَّزيرِة كان يجَون لَعنْدو وْكانْ يشْفِينْ.
\v 10 وْكَرَمونا اكْرامْ فوُق العادِة، وْلَمَنْ طَلَعْنا منَونَكْ حَمَّلونا بْزوّادِة.
\s منْ مالطا لَروُما
\p
\v 11 وْطَلَعْنا بَعدْ ثَةّ اشر، وْمشينا فَ سَفّينِة اسْكَندَرانيِّة كانْ كشَّتَتْ ف الجَّزيرِة، وْكانْ عَليا عَلامة الإلهْين التَّومْ.
\p
\v 12 وْجينا لَمَدينةْ سَراكوسا وْبتْنا فِيا ثَةّ اِيمْ.
\v 13 وْمنَونَكْ درْنا الشّاطي وْوصلْنا لَمَدينةْ ريغيون. وْثاِني نْهارْ قامْ عَلَينا هَوا القبْلي، وْبَعدْ يَومَينْ جينا لَمَدينةْ پوُطْيالِس لَ ف ايطالْيا،
\v 14 وَارَينا هَونَك اخْوِة وْطَلَبوا منّا وْبَقَينا عنْدنْ سَبعْة اِيم. وْبَعْدا رحْنا لَروُما.
\v 15 وْلَمَنْ سمْعوا اخْوِة هَونَكْ، طَلَعوا لاسْتقْبالْنا دي لَ سوُقْ لَ يقولولو أَپِيّوسْ پوُروُس وْدي لَ الثَّثْ خانات. وْوَقْتْ لَ اراهنْ بولسْ شَكَر اَلله وتْقَوّى.
\s ف روُما
\p
\v 16 وْدَخَلْنا لَروُما، وْقايد الميِّة عَطى لَبولسْ أذنْ تَ يسْكن اَينْ لَ يريدْ مَعْ هاك العسْكَري لَ كانْ يحْرسو.
\v 17 وْبَعدْ ثَةّ اِيمْ بَعَثْ بولسْ دَعا گْباريّة الياهود. وْوَقْتْ لَ اجْتَمَعوا قالْلنْ: ”يا رْجاِل اخوتي! أَنا مَعْ لَ ما كلْقمْتُ ضدّ الشَّعْب وْناموسْ أَبَّهاتي، بْكَلَپْچات تْسَلَّمتُ م القدْسْ ف ايد الرّوُمانْ.
\v 18 وْهَوكْ لَمَنْ قَرَّروني، رادوا يفَلْتوني، منْ لَ ما ارَوا عَلَي شي تهْمِة أَسْتَحق بْموجبا المَوتْ.
\v 19 وْلَمَنْ قاموا ضدّي الياهود، انْجَبَرتُ أَلْتجي للقَيصَرْ، موُ منْ لَ لي شي مشْتَكى تَ اشْتكي عَلى ناِسْ شَعْبي.
\v 20 بْشانْ هاي طَلَبْتُ منْكنْ تَ تّجونْ وَاراكنْ وَاحْكي لْكنْ هَالكَلامْ، منْ لَ بْشانْ رَجا اسْرائيل اَنا مْشَدَّد بْهَالزَّنْجيرْ.“
\v 21 قالولو: ”نحْناِ ما كلْوصلْ لنا مَكْتوب بْخصوصكْ م الياهوديِّة، وْلا أَحَّدْ م الاخْوِة لَ جَوا م القدْسْ جاب لْنا تَقْريرْ يا قال لْنا شي خَرابْ عَلَيكْ.
\v 22 بَسّ نْحبْ نسْمَعْ منّكْ رايك، منْ لَ نعْرفْ هَالمَذْهَبْ من اَحَّدْ ما انْقَبَلْ.“
\p
\v 23 وْعَيَّنولو يَوم وْلَمّوا وْجَوا لَعنْدو كْثيرْ لَموُضَعْ لَ كانْ ساِكن. وْوَرّاهنْ عَلى مَلَكوت اَلله وْهوّاِ يشْهَدْلنْ ويقَنّعنْ عَلى يَسوُعْ منْ ناموسْ موسى والاَنْبِيا م الصّبحْ للمَسا.
\v 24 وْناِسْ منّنْ اقْتَنَعوا وْغَيرنْ ما اقْتَنَعوا.
\v 25 وانْصَرَفوا منْ عنْدو وْهنّاِ موُ متّفْقينْ مَعْ بَعْضن. وْبولسْ قالْلن: ”كْوَيّسْ حَكى روُح القدسْ هَالكلْمِة ضدّ اَبَّهاتْكن بْثمْ إشعْيا النَّبي
\v 26 وَقْتْ لَ قالْ: ’روُحْ لَعنْد هَالشَّعْب وْقولْلنْ: ”سَمَعْ تَ تسْمَعون وْموُ تفْتهْمون، وْتَ تّرَون وْموُ تْفَسْرونْ.
\v 27 منْ لَ قسي قَلْبْ هَالشَّعْبْ هاذْ، ثَقَّلوا أَذانْن وْغَمَّضوا عَينَين، بْشانْ لا يسْمَعونْ بَاذانن وْلا يرَون بْعَينَين، وْيفْتهْمون بْقَلْبن وْيرْجَعونْ لَعنْدي وَاغْفرْلنْ.“‘
\r (إشعيا 6‏:9‏–10)
\p
\v 28 ”بَقى خَلّي يكونْ ف علْمكنْ هَالشِّي هاذْ: للامَم انْبَعَثْ خَلاص اَلله، منْ لَ هنّاِ زاِ تَ يسْمَعولو.“
\p
\v 29 وْبَعدْ لَ قالْ هَالكَلامْ، طَلَعوا الياهودْ منْ عنْدو وْهنّاِ يجاِدْلونْ بَعْضن بْعَصَبيِّة.
\v 30 وْكَرالو بولسْ بَيتْ عَلى حْسابو وْقعدْ فِيو سَنْتَين، وْكانْ يسْتَقْبلْ هَونَكْ كلْ منْ لَ كانْ يجي لَعنْدو،
\v 31 وْكانْ يكْرزْ عَلى مَلَكوت اَلله، ويعَلّم قدّام العَين عَلى رَبْنا يَسوُع المَسيحْ وما كانْ يمْنَعو أَحَّدْ.