\id 2TI
\h 2 تيموُثاوُس
\toc1 2 تيموُثاوُس
\toc2 2 تيموُثاوُس
\toc3 2 تيموُثاوُس
\mt1 مكتوب بولس الرَّسول الثّاني لتيموُثاوُس
\c 1
\p
\v 1 بولسْ رَسولْ يَسوُع المَسيح بْإرادة اَلله وبْوَعْد الحَياةْ لَ فَ يَسوُع المَسيحْ.
\v 2 لَتيموُثاوُس الابْن الحَبيبْ. نعْمِة وْرَحْمِة وْسَلامْ من اَلله الآب وْمنْ رَبْنا يَسوُع المَسيحْ.
\v 3 أَحْمد اَلله لَ اعْبدو منْ جدّ جْدودي بْضَميرْ طاهرْ وَقْتْ لَ اذْكركْ دايم فَ صَلاواتي باللَيلْ وبنْهارْ،
\v 4 وَاشْتاق أَراك وَاتْذَكَّر دْموُعكْ وَاتْعَبّا فَرَحْ
\v 5 وَقْتْ لَ اتْذَكَّرْ إيمانك الحَقيقي لَ كانْ منْ قَبلْ فَ قَلْبْ أمّ أمّك لوئيسْ وامّك أونيقي وْعنْدي يَقينْ فيكْ زاِ.
\v 6 منْ هاي أَذَكّركْ تَ تْشَغّلْ مَوهبة اَلله لَ فيكْ بسْيامة ايدي،
\v 7 منْ لَ ما عَطانا اَلله روُح خَوفْ، بَلىِ روُحْ قوِّة ومْحَبِّة وْوَعْظْ.
\v 8 بَقى لا تسْتحي فَ شَهادِةْ رَبْنا وْلا في أَنا يَسيرو، بَلىِ تْحَمَّل الّشْرورْ مَع الانْجيل بْقوّة اَلله.
\v 9 هاكْ لَ خَلَّصْنا وْدَعانا دَعْوِة مْقَدَّسِة موُ بْموجب اعْمالنا بَلىِ بْموجبْ إرادتو وْنعْمتو لَ انْعَطَتْ لنا فَ يَسوُع المَسيحْ قَبلْ كلّ الزَّمانْ.
\v 10 وْبَيَّنت السَّعْ وَقْتْ لَ بَيَّن مْخَلَّصْنا يَسوُع المَسيحْ لَ بَطَّل المَوت وْوَرّى الحَياة والخلودْ بالانْجيلْ،
\v 11 لَ تْعَيَّنْتُ فِيو كارز وْرَسولْ ومْعَلّمْ للامَمْ.
\v 12 منْ هاي زاِ أَتْحَمَّلْ هَالاتْعاب، وْموُ انْكسفْ، منْ لَ اعْرفْ ف منْ آمَنْتُ وْمقْتنع اَنا يتيِقْ يحْفظْ لي وَديعتي لاك اليَومْ.
\v 13 اقْوال المَزبوطَة لَ سمعْتْ منّي، خَلّي تْكونْ لكْ دَليلْ ف الايمان والّمْحَبِّة لَ فَ يَسوُع المَسيحْ.
\p
\v 14 احْفَظ الوَديعَة الصّالحَة بْروُح القدسْ لَ سَكَنْ فينا.
\v 15 أنْتَ تعْرف هاي لَ رجْعوا منّي كلّنْ هَوذْ لَ فَ آسيّا لَ منّنْ فوگلوُس وْهَرموُگيِنيسْ.
\v 16 رَبْنا يعْطي رَحْمِة لَبَيتْ أَنيسيفوُروُسْ، منْ لَ كْثيرْ وَقْتْات رَيَّحْني، وْف زناِجيري ما انْكَسَفْ.
\v 17 بَلىِ وَقْتْ لَ جا لَروُما بْنَشاطْ دَوَّرْ عَلَي وَاراني.
\v 18 رَبْنا يعْطِيو تَ يّرى رَحْمِة عنْدْ رَبْنا فاك اليَومْ. وَاشْقَدْ خَدَمْني فَ إفسوُس، أكْثَرْ تعْرف انْتَ.
\c 2
\p
\v 1 بَقى أنْتَ يا ابْني تْقَوّى ف النّعْمِة لَ فَ يَسوُع المَسيحْ.
\v 2 وْهَوذْ تَعاليم لَ سمعْتْ منّي بيد شْهود كْثيرْ سَلّمنْ وَديعَة لَناِس أَمينينْ يطْلَعْ بيدن يعَلمونْ غَيرنْ زاِ.
\v 3 وتْحَمَّل الّشْرور كَما عَسْكَري صالح لَيَسوُع المَسيحْ.
\v 4 ما في انْسانْ يخْدمْ عَسْكَريِّة وْيتْشَرْبَكْ فَ شَغْلات الدّنْياِ بْشان يرَضّي هاذْ لَ اخْتارو عَسْكَري.
\v 5 وْلَ يتْغالَبْ، موُ يتْكَلَّلْ لَ ما تْغالَب عَ القانونْ والقاِعْدِة.
\v 6 فلّاحْ لَ يتْعَبْ لازمْ أَوَّلْ واِحدْ ياكلْ من ثْمارو.
\v 7 افْهَم شي لَ اقولْ. رَبْنا يعْطيكْ حكْمِة ف كلْ شي.
\v 8 اذْكرْ يَسوُع المَسيحْ لَ قامْ منْ بَين المَيتينْ، هاكْ لَوّاِ منْ نَسلْ داهود بْموجب بْشارتي،
\v 9 لَ بْشانا أَحْمل شْرورْ حتّى الّقيودْ كَما فاعل شْرور، بَلىِ كلْمة اَلله موُ تتْقَيَّدْ.
\v 10 بْشانْ هاي أَتْحَمَّلْ كلْ شي، بْشان المخْتارينْ، تَ يرَونْ هنّاِ زاِ خَلاصْ فَ يَسوُع المَسيحْ مَعْ مَجْدْ أَبَدي.
\v 11 كلْمةْ سدْقْ: لَ متْنا مَعو، تَ نْعيشْ زاِ مَعو.
\v 12 وْلَ كانْ نصْبرْ، تَ نمْلكْ زاِ مَعو. وْلَ كانْ نكْفرْ فِيو، هوّاِ زاِ تَ يكْفرْ فينا.
\v 13 وْلَ ما كنّا نْآمنْ فِيو، هوّاِ ف إيمانو يبْقى، منْ لَ موُ يتيِقْ يكْفر بْنَفْسو.
\v 14 ذَكّرن بْهالتَّعْليماتْ واطْلبْ منّن بْشَهادِة قدّامْ رَبْنا لا يعاِلْجونْ بَعْضن بْكلاِمي بَلا فايدِة لَخَرابْ هَوذْ لَ يسْمَعونْ.
\v 15 واجْهَدْ تَ تْقَيّم نَفْسكْ بالكَمالْ قدّام اَلله شَغّيل موُ منْعارْ ف شي يكْرزْ باسْتقامِة كلْمة الحَق.
\v 16 اقْوال الباطْلِة الفارْغَة لَ ما فِيا مَنْفَعَة ديرْلا ظَهْركْ، منْ لَ أكْثَر يزيدونْ عَلى كفْرنْ هَوكْ لَ ينْشغْلونْ فِيا.
\v 17 وْكلْمتنْ كَما الآِكلِة رعىِ تَ تمْسك بْواسْطة كْثيرْ، واِحدْ منّنْ هوميِناوُسْ والْلاخْ فيليطوُسْ،
\v 18 هَوذْ لَ ضاعوا م الحَقّ وْهنّاِ يقولونْ: ”قياِمة المَيتينْ صارت،“ وْيقلبونْ إيمانْ ناِسْ.
\v 19 بَسْ أَساس اَلله حَقْ قايمْ واِ وْلهُ هَالخَتمْ هاذْ لَ مَكْتوبْ فِيو: ”ويعْرفْ الرَّبْ هَوذْ لَنّاِ لهُ، وْ”خَلّي يفرق م الاثم كلْ من يدعي اسم الرَّبْ.“
\v 20 بَسْ بَيت الّگْبيرْ موُ بَسْ فَرايغْ منْ ذَهَبْ يا منْ فضّة فِيو، بَلىِ منْ خَشَب وْفخّارْ زاِ، منّنْ للكَرامِة وْمنّنْ للمَهانِة.
\v 21 بَقى انْسانْ لَ يحْفظْ نَفْسو طاهرْ منْ فَرايغ المَهانِة هَوذ، يسيِر فْراغْ طاهرْ للكَرامِة خَرْج اسْتعْمالْ رَبّو، حاضرْ لَ كلْ عَمَلْ صالحْ.
\v 22 منْ كلْ شَهْواتْ إيّاِم الّزغر اهْربْ واعْدي خَلْف البرْ والايمانْ والّمْحَبِّة والسَّلامْ مَعْ لَ يدْعَونْ رَبْنا بْقَلْبْ طاهرْ.
\v 23 مْجادَلاتْ فاضْيِة ما منّا تَأديبْ خَلّيكْ منّا، منْ لَ تعْرفْ موُ يطْلَعْ منّا غَيرْ خصوماتْ.
\v 24 وْعَبْدْ رَبْنا موُ واجبو يتْخاصَمْ، بَلىِ تَ يكونْ متْواضعْ مَعْ كلّ انْسانْ ومْعَلّم وْبالو طَويلْ،
\v 25 بْشان يأَدّب بْتَواضعْ لَ يقومونْ ف وچّو بَلْكي اَلله يعْطيينْ تَوبِة وْيعْرفون الحَقْ،
\v 26 وْيوعَونْ عَلى روُحن وْينْجَونْ منْ فخّة الشّيِطانْ لَ انْصادوا فِيا لإرادتو.
\c 3
\p
\v 1 بَسّ اَعْرفْ هاي ف آِخر الاِيّاِمْ تَ يّجي اوقاتْ قاسْيِة.
\v 2 النّاِسْ تَ يكونون مْحبّينْ لَنَفْسنْ ومْحبّينْ للمال، مْگَبَّرين، يعَلَّونْ راسن، يقولونْ كَلامْ كفرْ موُ مْطيعينْ لاَهْلنْ ناكْرينْ للنّعْمِة مْنافقينْ،
\v 3 فسّاِدينْ ينْقلونْ حَكي، عَبيدْ للشَّهْوِة، متْوَحْشينْ، كارْهينْ لكلْ عَمَلْ صالحْ،
\v 4 خاينينْ، عَجولينْ للشَّر، مْعَجْرَفين، مْحبّينْ للشَّهْواتْ أكْثَرْ من مْحَبّة اَلله.
\v 5 لهنْ حلّةْ خَوف اَلله بَسّ بْعادْ منْ قوّتو. أَينا لَنّاِ كذاِ ادْفَعنْ لَبْعيدْ منّكْ،
\v 6 منْ لَ منّنْ ناِ هَوذْ لَ يخْلدونْ بَين الّبيوت وْيسْبَونْ نسْوانْ مَطْمومينْ ف الخَطيّات وْمنْساقينْ لَشَهْوات اشْكال الْوانْ.
\v 7 هَالنّسْوانْ لَ ف كلْ وَقْتْ يتْعَلَّمون، وْموُ يتيِقون يجَونْ لَمَعْرفة الحَقْ أَبَداً.
\v 8 وْكَما لَ قاموا يانيس وْيانْبريسْ ف وچْ موسى، هَوذْ زاِ كذاِ يقومونْ ف وچّ الحَقْ. ناِسْ فكْرنْ فاسد وْمَرْذولينْ م الايمانْ.
\v 9 بَلىِ ما تَ يجَونْ لَقدّامنْ، منْ لَ مَعْروفِة ياِ حَماقتنْ عنْد كلّ انْسانْ، كَما لَ انْعَرَفتْ حَماقةْ هَوكْ.
\v 10 بَسّ انْتَ جيتْ خَلْفْ تَعْليمي وْخَلْفْ سيرتي، خَلْفْ إرادتي وايماني، خَلْفْ طولْ بالي ومْحَبّتي وْصَبْري،
\v 11 وخَلْف اضْطهادْ لَ عَلَي وْخَلْف اوجاعي، وْتعْرف اَيش تْحَمَّلْتُ فَ انْطاكْيا وايقانون وْلوسطْرا، أَيش اضْطهاد تْحَمَّلْتُ، وْمنْ كلّنْ نَجّاني رَبّي.
\v 12 وْكلْ لَ يريدون يعيشونْ فَ خَوف اَلله ينْطهْدونْ فَ يَسوُع المَسيحْ.
\v 13 بَسّ النّاِسْ الشَّرّيرينْ لَ يضَيعونْ غَيرنْ تَ يزيدونْ عَلى شَرّنْ وَقْتْ لَ يضيِعونْ ويضَيعونْ.
\v 14 بَسّ انْتَ اثْبتْ عَلى شي لَ تْعَلَّمْتْ وتْيَقَّنْتْ منّو، منْ لَ تعْرفْ منْ من تْعَلَّمْتْ.
\v 15 وْمنْ لَ منْ زغْرك تْعَلَّمْت اسْفار الّمْقَدَّسِة لَ تْتيِقْ تعْطيكْ حكْمِة للخَلاصْ بالايمان بْيَسوُع المَسيحْ.
\v 16 كلّ كتاِبْ بالرّوُحْ مَكْتوبْ نافعْ واِ للتَّعليم وْلَوَخْز الضَّميرْ والتَّأديبْ والتَّربيِة.
\v 17 بْشان يكون انْسانْ لَوّاِ لَالله كامل، وْحاضرْ لكلْ عَمَلْ صالحْ.
\c 4
\p
\v 1 أطْلبْ منّك بْشَهادِة قدّام اَلله وْرَبْنا يَسوُع المَسيحْ لَ تَ يحاِكم الطَّيبين والمَيتينْ وَقْتْ لَ تَ يظْهَرْ مَلَكوتو.
\v 2 اكْرز الكلْمِة، قوم بْنَشاطْ، بمْناسَبِة وْبَلا مْناسَبِة، خَزْبل وْاوعَظ، بْكلْ طولْ بال وْعلْمْ،
\v 3 منْ لَ جاِييِ زَمانْ لَتَعْليم الصَّحْ موُ يسْتمْعونْ، بَلىِ بْموجبْ شَهْواتن يكَثرولن مْعَلْمينْ كَما لَ يشْتهي سَمَعنْ.
\v 4 وْم الحَقّ يرَجْعونْ أَذانن، وْللخرافات يمَيلونْ.
\v 5 بَسّ انْتَ اصْحى ف كلْ شي، وتْحَمَّل الّشْرورْ واشْتغل شغل الّمبَشّر وْتَمّمْ خدْمتكْ،
\v 6 منْ لَ هاي اَنا أَنصَب، وزَمان لَ تَ انفَك فِيو وصل.
\v 7 مغالَبِة كْوَيسِة غاِلَبتُ، عديتُ لآِخر الطَّريِقْ وايماني حَفَظتُ.
\v 8 وْم السَّعْ مَحفوُظ لي اكْليل البر لَ تَ يكافيني رَبّي فاك اليَومْ، هاكْ لَوّاِ حاكم بار، وْموُ لي بْوَحْدي، بَلىِ ولكل لَ حَبّوا ظْهورْو.
\v 9 هم تَ تّجي لَعنْدي خَفيفْ.
\v 10 منْ لَ خَلّاني ديما وحَب هَالدّنْياِ هاي وْراحْ لتسالونيكي، كريسپوُس لَغَلاطْيا، طيطوُس لَدَلماطي.
\v 11 لوقا بَسْ مَعي. خذ جيب مرقس مَعك، منْ لَ يناسبني للخدمِة.
\v 12 طوُخيكوُس بَعَثتوهُ لإفِسوُس.
\v 13 چنطة الّكْتاِبات لَ خَلَّيتُ ف طرُواس عنْد كَرفوُس، منْ تجي جيبا، والّكْتاِبات وخاصّةً لافوفات المَجَلّات.
\v 14 ألكسَندر السّايغ شرور كْثيرْ وَرّاني. رَبْنا يحاِسبو بْموجب اعْمالو.
\v 15 وانْتَ زاِ دير بالك منّو، منْ لَ كْثيرْ هايج واِ عَلى كَلامنا.
\v 16 ف دفاعي الاَوَّل ف المَحكَمِة ما كانْ في أحَّدْ مَعي. كلّنْ خَلَّوني. دَعاي: لا تنْحسب عَلَينْ هاي.
\v 17 بَسْ رَبّي قامْ مَعي وقَوّاني تَ تتم عَلى ايدي الّكرازِة، وْيسْمَعونْ الامَمْ كلّن، وتنَجَّيتُ منْ ثمّ الاَسَد.
\v 18 وْتَ ينَجّيني رَبّي منْ كلْ عَمَل شَرّير، وْتَ يخَلّصني فَ مَلَكوتو السَّماوي لهُ المَجْدْ لَابَد الآبْدينْ آمّينْ.
\v 19 سَلّم عَلى بْريسْكيلا وْأكيلا وْبَيتْ أوُنيسيفوُروُس.
\v 20 أَراسطوُس بَقى ف كوُروُنثوُس، وطروُفيموُس خَلَّيتوهُ مَريِضْ فَ ميليطوُس.
\v 21 هم تَ تّجي قَبل الشّتاِ. يسَلّم عَلَيك أبوُلوُس وفوُديس ولينوُس وكلَوديّا والاخْوِة كلّن.
\v 22 رَبْنا يَسوُع المَسيحْ مَع روُحك. النّعْمِة مَعك آمّينْ.