\id TIT
\h تيطس
\toc1 تيطس
\toc2 تيطس
\toc3 تيطس
\mt1 مكتوب بولس الرَّسول لتيطس
\c 1
\p
\v 1 بولسْ عَبْد اَلله وْرَسولْ يَسوُع المَسيحْ بايمانْ مخْتارين اَلله وْمَعْرفة الحَقْ لَ فَ خَوف اَلله،
\v 2 عَلى رَجا حَياة الأَبَديِّة لَ وَعَد اَلله السّادقْ قَبلْ زَمانات الدّنْياِ.
\v 3 وْبَيَّنْ كلْمتو فَ وَقْتْا بْواسْطة كْرازتْنا لَ تْأَمَّنْتُ عَلَيا بْأَمْر اَلله مْخَلَّصْنا.
\v 4 لَطيطس الابن الحَقْ ف الايمان المشْترَكْ. نعْمِة وْسَلامْ من اَلله الآب وْمنْ رَبْنا يَسوُع المَسيحْ مْخَلَّصْنا.
\v 5 بْشانْ هاي خَلَّيتوكْ ف كْريتْ، تَ تْرَتّبْ شي لَ يلْزَم وْتحط شْيوُخَة ف كلْ بَلَدْ كَما لَ وَصَّيتوكْ.
\v 6 أَينا لَوّا بَلا لَوم وْزَوجْ مَرَة وحْدِة وْعنْدو اولادْ مومنينْ موُ يزَفْرون لْسانن بْكَلامْ موُ كْوَيّس وْموُ بَلا طاعَة عاصْيينْ.
\v 7 الشّيِخْ لازم يكون بَلا لَومْ كَما وَكيلْ عَلى بَيت اَلله وْلا يمْشي عَلى رايو هوّاِ وْلا يكون اَحْمَقْ غَضوب وْلا مْعَلَّمْ عَ الخَمر وْلا تعْدي إيدو للضَّرب وْلا يكون مْحبْ للرّبح النّجسْ.
\v 8 بَلىِ خَلّي يكون مْحبْ للغرْب، مْحبْ لاعْمال الخَيرْ ويكونْ عَفيف وْبار وْطاهر وْيضْبطْ نَفْسو م الشَّهْواتْ.
\v 9 مهْتَم بْتَعْليمْ كلْمة الايمانْ تَ يتيِق يعَزّي بْتَعْليمو الصَّحْ ويوَبّخْ ل يعْوجونْ منْ طَريِق الصَّحْ.
\v 10 منْ لَ في كْثيرْ موُ مْطيعين، وْكَلامنْ باطلْ، ويضَيعون عْقول النّاِسْ، خاصّةً هَوكْ لَنّاِ من اَهْل الّطْهوُرْ.
\v 11 هَوذْ لَ لازمْ يقْفلونْ ثمّن يخَرْبون بْيوت كْثيرْ ويعَلْمونْ شي لَ موُ يليق بْشان ارْباحْ نجْسِة.
\v 12 واِحدْ منّنْ، نَبيينْ قالْ: ”ناِس كْريتْ گذّاِبينْ ناِ دايمْ، حَيواناتْ شَرّيرَة وبْطونْ بطّالِة.“
\v 13 وْهاي شَهادةْ حَقْ ياِ. بَقى بْقساوِة وَبّخنْ تَ يكونونْ مَزْبوطينْ ف الايمانْ،
\v 14 وْلا يقَعونْ خَلْف خَرافات الياهود وْأوامر النّاِسْ لَ يكْرَهون الحَقْ.
\v 15 منْ لَ كلْ شي طاهرْ واِ للطّاهْرينْ، بَسّ النّجسين الموُ مومنينْ ما لن شي طاهرْ، بَلىِ فكْرن وْضَميرنْ نجسْ واِ.
\v 16 يقرّونْ ويقولونْ يعْرفون اَلله، بَسْ باعْمالنْ يكْفرونْ فِيو، مَكْروُهينْ بَلا طاعَة، ما عنْدنْ عَمَلْ صالحْ.
\c 2
\p
\v 1 بَسّ انْتَ احْكي شي لَ يليقْ بالتَّعْليم الصَّحْ.
\v 2 وْعَلّم الّشْيوُخَة تَ يكونونْ صاحْيينْ ف افْكارنْ عَفيفينْ طاهْرين وْصَحْ ف الايمانْ والّمْحَبِّة والصَّبرْ.
\v 3 والشّيِخاتْ نَفس الشِّي بْشكل يليق بْخَوف اَلله موُ يحْكَونْ عَ النّاِسْ بالعاطلْ، موُ مْعَلَّمينْ عَلى شرْبْ خَمر كْثيرْ، ويعَلْمونْ عَ الاعْمال الصّالحَة،
\v 4 ويعَلْمون البَنات الجّاِهْلينْ تَ يحبّون ازْواجنْ واولادنْ،
\v 5 ويكونونْ عَفيفينْ طاهْرينْ ويديرونْ بالن كْوَيّسْ عَلى بْيوتن ويطيعون ازْواجن بْشانْ لا أحّدْ يحْكي كَلامْ كفرْ عَلى كلْمة اَلله.
\v 6 وْنَفس الشِّي الشَّباب اطْلبْ منّنْ تَ يكونونْ عَفيفينْ.
\v 7 وْف كلْ شي قدْوِة وَرّي نَفْسكْ ف كلْ عَمَلْ صالح، وْف التَّعْليم خَلّي يكونْ لكْ كَلامْ صَحْ،
\v 8 طاهرْ موُ فاسدْ، وَاحّدْ موُ يسْتَخفْ فِيو بْشان اَينا لَ يقومْ ضدْنا يخْزى وَقْتْ لَ موُ يرى شي قَبيح تَ يقولْ عَلَينا.
\p
\v 9 العَبيدْ خَلّي يطيعون اسْيادنْ ويكونون مْلاحْ موُ عاصْيينْ سرّاِقينْ.
\v 10 بَلىِ خَلّي يوَرَّونْ أَمانْتن الصّالْحَة ف كلْ شي بْشانْ ف كلْ شي يزَينونْ تَعْليم اَلله مْخَلَّصْنا.
\v 11 منْ لَ بَيَّنتْ نعْمة اَلله لَ تْخَلّص الكلْ لكلّ النّاِسْ.
\v 12 وتْعَلّمْنا تَ نكْفرْ ف الفَجارَة وْشَهْوات الدّنْياِ ونْعيشْ فَ هَالدّنْياِ بْعفِّة وْبر وْخَوف اَلله
\v 13 وْنحْناِ ننْطر الرَّجا الّمْبارَكْ وظْهورْ مَجْد اَلله العَظيمْ ومْخَلّصْنا يَسوُعْ المَسيحْ،
\v 14 لَ عَطى نَفْسو مْبَدالنا بْشانْ يفْدينا منْ كلْ إثمْ ويطَهّرْنا لَنَفْسو شَعْب جْديدْ غَيّورْ ف اعْمالْ صالْحَة.
\v 15 هَوذ اَقول وْهَوذ اَطْلبْ، وَبّخْ ف كلْ أمرْ، أَحّدْ لا يسْتَخفْ فيكْ.
\c 3
\p
\v 1 وذَكّرن تَ يسْمَعونْ ويخضَعون للرُّوَسا والسَّلاطين ويكونونْ مسْتَعدّين لكل عَمَل صالح.
\v 2 وْعَلى أحَّدْ لا يقولونْ كَلام شَر، وْلا يتقاتَلون مَع بَعْضنْ، بَلىِ خَلّي يكونونْ متْواضْعينْ، وْف كلْ شي خَلّي يوَرَّون طيبتن عنْد كلّ النّاِسْ.
\v 3 منْ لَ نحْناِ زاِ منْ قَبل بَلا عَقل كنّا، وبَلا طاعَة، وضايعين كنّا، ومستَعبَدين لَشَهْوات اشكال اَلوان، وبشَر وْحَسَد كنّا نْعيش، مَكْروُهينْ وكارهين لَبَعضْنا.
\v 4 بَسْ وَقْتْ لَ بَيَّنت طيبة ورَحمة اَلله مْخَلَّصْنا،
\v 5 موُ باعْمال بر عملنا بَلىِ برَحْمتو، خَلَّصْنا بحمّام ولادِة منْ أَوَّل وجديد وبتَجديد روُح القدس،
\v 6 لَ صَبّو عَلَينا بسَخا بْواسْطة يَسوُع المَسيحْ مْخَلَّصْنا،
\v 7 لَ بْنعْمتو نتْبَرَّر ونسيِر واِرثين برَجا حَياة الاَبَديِّة.
\v 8 الكلْمِة سادقَة، وبهَوذ أَريدك تثَبّتن تَ يهتَمّون يعْمَلون اعْمال صالْحَة هَوذْ لَ آمَنوا فَ الله، هَوذْ ناِ الشَّغلات الصّالحَة والنّافعَة للنّاِس.
\v 9 بَسْ م التَّعقيبات الغَبيِّة وْمنْ قصَص العَشاير وْمنْ مجادَلات وقتاِلات علَما النّاموسْ بَعّد، منْ لَ ما منّا مَنْفَعَة وفاضيِة ياِ.
\v 10 والهَرطوقي بَعدْ لَ توعَظو كَرَّة وكَرتَين بَعّد منّو.
\v 11 وْخَلّي يكون ف علمك لَوّاِ كذاِ أَعوَج واِ، ويخْطي وْهوّاِ يجيب حكم عَلى نَفْسو.
\v 12 بَسّ أَبْعَث لك اَرطيما يا طوُخيكوُس سَي جهدك تَ تّجي لَعنْدي لَنيقوبوليس، منْ لَ هَونَكْ حَطَّيتُ فَ بالي تَ اشَتّي.
\v 13 زينا عالَم النّاموس وْأَبلّوُس سَي جهدك تَ توَدّعن تزَوّدن كْوَيّس لا ينقَصن شي.
\v 14 وْخَلّي زاِ هَوذْ لَنّاِ لنا يتعَلَّمون يعْمَلون اعْمال صالْحَة ف الأمور الضّروريّة بْشانْ لا يكونونْ بَلا ثَمَر.
\v 15 يسَلمون عَلَيك هَوذْ لَنّاِ مَعي كلّن. سَلّم عَلى كلْ هَوذْ لَ يحبّونا ف الايمان. نعْمِة مَعْكنْ كلّتْكنْ آمّينْ.