\id PHM
\h فيلمون
\toc1 فيلمون
\toc2 فيلمون
\toc3 فيلمون
\mt1 مكتوب بولس الرَّسول لفيلمون
\c 1
\p
\v 1 بولس يَسير يَسوُع المَسيحْ والاَخ طيموُثاوُس لَفليمون الحَبيبْ والعامل مَعْنا.
\v 2 وْلَ آفيا حَبيبتنا ولاَركيفوُس العامل مَعْنا وللبيعَة لَ فَ بَيتكْ.
\v 3 نعْمِة مَعْكنْ وْسَلامْ من اَلله أَبونا وْمنْ رَبْنا يَسوُع المَسيحْ.
\v 4 أَشْكر إلهي ف كلْ وَقْتْ وَاذْكرك فَ صَلاواتي
\v 5 منْ وَقْتْ لَ سمعْتُ عَلى إيمانك والّمحبِّة لَ لك لرَبْنا يَسوُع المَسيحْ ولَكلّ القَدّيسينْ،
\v 6 تَ يكون لَشركة إيمانك ثَمَرْ بالاعْمال وبْمَعْرِفة كلّ الخَيرات لَ لْكنْ فَ يَسوُع المَسيحْ.
\v 7 منْ لَ لنا فَرَح كْثير وْتَعْزيِة: بمْحَبّتك ارْتاحت قْلوب القَدّيسينْ.
\v 8 بْشانْ هاي كْثيرْ لي ثقَة ف المَسيحْ تَ أَأْمرك بشي لَ لازم. لهذا لي وَفرةُ ثِقة في المَسيحْ أن آمرك بما يجب،
\v 9 بَسّ بْشان الّمْحَبِّة طَلَب أطْلبْ منّك اَنا بولس الشّايب كَما لَ تعْرف والسَّعْ يَسير يَسوُع المَسيحْ،
\v 10 أطْلبْ منّك عَلى ابْني لَ ولدتوهُ ف قيودي، أونيسيموُس،
\v 11 هاذْ لَ فَ وَقْتْ ما كانْ لك منّو مَنْفَعَة، بَسّ السَّعْ لي زاِ ولك زاِ كْثيرْ ينفَع، وْبَعَثتولك واِ.
\v 12 وانْتَ كَما لَ يكون ابْني اقبَلو.
\v 13 كانْ أَريد أَمسكو عنْدي تَ يخْدمْني مْبَدالك ف قيود الانْجيل،
\v 14 بَسْ بَلا رايك ما ردْتُ أَسَي شي بْشانْ لا غَصباً يكون خَيرك بَلىِ بإرادتك.
\v 15 ويمْكنْ بْشانْ هاي فاِرَق ساعة وَقْتْ، بْشانْ للاَبَد تاخذو،
\v 16 موُ عَبْد م السَّع ولَبَعد بَلىِ أَحْسَنْ منْ عَبد، أَخ عَزيز لي، أَشْقَدْ بَقى لك بالجَّسَدْ وْفَ رَبْنا؟
\v 17 بَقى لَ كنت لي شريك، اقبَلو كَما لَ تقبَلني.
\v 18 وْلَ كانْ كلخَسَّرك شي يا مَدْيون، هاي عَلَي احسبا.
\v 19 اَنا بولس كَتَبْتُ بايدي: اَنا أَوَفّي، بْشانْ لا أَقولْ لك: حتّى بنَفسك مَدْيون أنْتَ لي
\v 20 أَيوَه أَخوي! خَلّي أَرتاح فيك ف الرَّبْ، رَيّح قَلْبي ف المَسيحْ.
\v 21 منْ لَ لي ثقَة تسْمَعْ لي، كَتَبْتُ لك. وَاعْرفْ أكْثَرْ منْ شي لَ اقول تسَي.
\p
\v 22 وْراساً حَضّر لي موُضَعْ تَ انَزّل فِيو، منْ لَ لي رَجا بصَلاواتْكنْ تَ انْعَطى لكن.
\v 23 يسَلّم عَلَيك أيبافرا المسبي مَعي فَ يَسوُع المَسيحْ،
\v 24 وْمرْقس وَاريسطَرخوُس وديما ولوقا مساعديني.
\v 25 نعْمِة رَبْنا يَسوُع المَسيحْ مَع روُحكن يا اخوتي آمّينْ.