\id 2JN
\h 2 يوحنّا
\toc1 2 يوحنّا
\toc2 2 يوحنّا
\toc3 2 يوحنّا
\mt1 مكتوب يوحنّا الرَّسول الثّاني
\c 1
\p
\v 1 الشّيِخْ للمخْتارَة من اَلله كيريّا وْلاولادا لَ احبّن بْحَق، وْموُ اَنا بَسْ، بَلىِ كلْ لَ يعْرفون الحَقْ.
\v 2 لَخاطر الحَقّ الثّابتْ فينا وْمَعْنا واِ للأَبَدْ.
\v 3 يكونْ مَعْكنْ نعْمِة ورَحْمِة وْسَلامْ من اَلله الآب، وْمنْ رَبْنا يَسوُع المَسيح ابْن الآبْ بالحَقْ والّمْحَبِّة.
\v 4 فرحْتُ كْثيرْ لَ ارَيتُ منْ اولادْكِ يمْشَونْ ف الحَق، بْموجبْ وَصيِّةْ لَ اخَذْنا م الآبْ.
\v 5 والسَّعْ أَرْجوكِ كيريّا، موُ وَصيِّة جْديدِة أَكْتب لْكِ، بَلىِ هاكْ لَ كانتْ لنا م البدايِة، تَ نْحب بَعضْنا.
\v 6 وْهاي ياِ الّمْحَبِّة، تَ نمْشي بْموجبْ وَصيّاتو. هَالوَصيِّة كَما لَ سمعْتنْ ياِ م البدايِة، فِيا امْشَوا.
\v 7 منْ لَ كْثير مْضلّينْ طَلَعوا ف الدّنْياِ، هَوذْ لَ موُ يقرّونْ يَسوُع المَسيحْ جا بالجَّسَدْ. هاذْ واِ الّمْضلْ والمَسيح الگذّابْ.
\v 8 ديروا بالْكنْ عَلى حالْكنْ. لا تْضَيعونْ شي لَ اشْتَغَلْتنْ لهُ، بَلىِ أَجرْ كاملْ خَلَّوا ينْدفع لْكنْ.
\v 9 كلْ واِحدْ يعْبر يروُح وْموُ يثْبتْ فَ تَعْليم المَسيحْ، أَلله موُ فِيو واِ. وْهاكْ لَ يثْبتْ فَ تَعْليمو، هاذْ الآبْ والابن اثْنَينْ لهُ.
\v 10 لَ انْسانْ جا لَعنْدْكن، وْما جابْ هَالتَّعليمْ، لا تسْتَقْبلوهُ فَ بَيتْ، وافْرَحْ لا تْقولولو.
\v 11 منْ لَ هاكْ لَ يقولْلو ”افْرَحْ“، يشْتركْ ف اعْمالو الشَّرّيرَة.
\v 12 ف الوَقْتْ لَ لي كْثيرْ أمور تَ اكْتب لْكنْ، ما ردْتُ بالوَرَق والحبرْ، بَلىِ لي أمَل آجي لعنْدْكن، وْثمْ لَثمْ نحْكي بْشانْ فَرْحتْنا تْكونْ كامْلِة.
\v 13 يسَلمونْ عَلَيكِ اولاد اختْكِ المخْتارَة. آمّينْ.