\id 3JN
\h 3 يوحنّا
\toc1 3 يوحنّا
\toc2 3 يوحنّا
\toc3 3 يوحنّا
\mt1 مكتوب يوحنّا الرَّسول الثالث
\c 1
\p
\v 1 الشّيِخْ لَگايوسْ عَزيزي، لَ احبّو بْحَقْ.
\v 2 عَزيزْنا! ف كلْ شي أَصَلّي بْشانكْ تَ تنْجَحْ وتْكون مْعافى، كَما لَ تنْجَحْ نَفْسكْ.
\v 3 منْ لَ فرحْتُ كْثيرْ تَ يّجي اخْوِة وْيشْهَدونْ لَحَقّانِيّتكْ، كَما لَ انْتَ بْحَقْ تسْلكْ.
\v 4 وفَرْحَة أَگْبَرْ منْ هاي ما لي، تَ اسْمَع اولادي ف الحَقْ يسْلكونْ.
\v 5 عَزيزْنا، بْإيمانْ تشْتغلْ شي لَ تْسَي للاخْوِة، وْخاصّة غرْبْ ناِ،
\v 6 لَ شهْدوا لمْحَبّتكْ قدّامْ كلّ البيعَة، لَوك كْوَيّس تْسَي تَ تْزَوّدنْ وَقْتْ لَ تْوَدّعنْ، كَما لَ يليقْ عنْد اَلله،
\v 7 منْ لَ لَخاطر اسْمو طَلَعوا، وْما اخَذوا شي م الامَمْ.
\v 8 بَقى نحْناِ واجبْنا نسْتَقْبلْ كَما هَوذ، بْشان نْسيِر مْساعدينْ للحَقْ.
\v 9 كان اَريد اَكْتبْ للبيعَة، بَلىِ هاكْ لَ يريد يسيِرْ أَوَّلنْ، ديوطرافاسْ، موُ يسْتَقْبلْنا.
\v 10 بْشانْ هاي لَ جيتُ تَ اذْكر اعْمالو لَ سَوى، منْ لَ بْكلْماتْ عاطلِة يذمْنا. وْموُ يكفاهُ هَوذْ، لا هوّاِ يسْتَقْبل الاخْوِة وْلَ يريدونْ يسْتَقْبلوونْ يمْنَعنْ ويطاِلعنْ زاِ م البيعَة.
\v 11 عَزيزْنا، لا تتْشَبَّه بْشي لَوّاِ شَرْ بَلىِ بْشي لَوّاِ خَيرْ. هاكْ لَ يسَي خَيرْ من اَلله واِ. وْهاكْ لَ يسَي شَرْ ما ارى أَلله.
\v 12 لَديميترْيوسْ في شَهادِة منْ كلّ انْسان، وْم البيعَة وْم الحَقْ نَفْسو. وْنحْناِ زاِ نشْهَد، وْتعْرفْ شَهادتْنا سادْقَة ياِ.
\v 13 أمور كْثيرْ في لي تَ اكْتبْ لكْ، بَلىِ موُ اريدْ بالحَبرْ والقَلَمْ أَكْتبْ لكْ.
\p
\v 14 بَسْ لي رَجا خَفيفْ تَ اراك، وْثمْ لَثمْ نحْكي.
\v 15 السَّلام يكونْ مَعك. يسَلمونْ عَلَيك الّمْحبّينْ. سَلّم عَ الّمْحبّينْ كلْ واِحدْ باسْمو.