\id PHM
\h Filemón
\mt1 Tson Na Scüenon Pablo Na M'aan Filemón
\c 1
\s Incyaa Pablo ts'on 'naan' jon nnon Filemón
\p
\v 1 Maja Pablo macüji tsonvahin na matscüenönhan' na m'an'
Filemón, 'u' na condui 'u' ts'an na matsijon 'u' yo ts'ian na
mats'a. M'an ja vancjo ng'e na condui ja ts'an cüentaa'
Jesucristo. Juu ntyjëëhë Timoteo itsijonhin yo juu
jñ'oonva na macüji.
\v 2 Ndo' mantyi mancya ts'on njan nnon juu
ntyjëëhë tsanscu Apia yo nnon juu ntyjëëhë Arquipo na
mantyi conduihin sondaro 'naan' Jesucristo, ndo' yo ndëë nn'an
na conduihin tmaan' cüentaa' Tyo'ts'on na covatjonhan va'.
\v 3 Nquii Tyo'ts'on na conduihin tyëëhë, yo nin'nquii Jesucristo
na conduihin na itye'ntjon jon jaa, juu naya na conduihan yo
nin'juu na tajñuaan' ts'onhan, ncyahan na nnan'xuanho'han'.
\s Vi'nchjii jndyi Filemón nn'an
\p
\v 4 'U' ntyjë, xjen na matsinën nnon Tyo'ts'on, ninquii'chen
na mancya naya jon na mavañjoon' ts'ön 'u'.
\v 5 Condue nn'an
nnön ntyja 'naan' juu na vantyja tson' nquii Jesús na conduihin
na itye'ntjon jon jaa yo na vi'nchji'hin, ndo' mantyi matsa'han'
yo tsoñ'en nn'an na iquen jonhin na conduihan cüentaa' nquii
jon.
\v 6 Mac'an nnon Tyo'ts'on na juu na mavantyja tson' Cristo
ngay'oonhan' 'u' na yantyichen ncüaa' tson' ntyja 'naan joo na
ityio Tyo'ts'on jn'aan na coy'ön cüentahan' ng'e na condui jaa
cüentaa' nquii Jesucristo.
\v 7 'U' ntyjë, juu na vi'ntyji'
nn'an, t'man vaa na ncyaahan' na nën yo na may'ön na t'man
ts'ön na nnda' tsixuan', ee ntyja 'naan' na vi'ntyji' nn'an, jo'
itsiteinhan' ñuaan 'naan nque ntyjëëhë na vantyja n'on
Jesucristo, yo tsoñ'en 'nan na matsa' ntyja 'naanhin.
\s Ican Pablo vi naya'ñeen ntyja 'naan' Onésimo
\p
\v 8 Mang'e juu jñ'oon ya'ñeen na conan'nein nn'an nnön ntyja
'nan', min na vaa najndö na ncyaa Cristo na condui ja ts'an na
i'ua jon ts'ian nnön na cjöncya jñ'oon naya 'naan' jon na ntsjö na
quitsa' 'nan na chuhan',
\v 9 majo' min na nnda', yantyi ntyji na ntc'an na quitsa' vi
nan'ñeen ng'e na vi'ntyji' nn'an. Mancö Pablo, nein na
tsantque ja ndo' na m'an vancjo xeng'e na condui ja ts'an 
ntyja 'naan' nquii Jesucristo.
\v 10 Juu naya na mac'an nnon',
iv'aahan' nquii Onésimo. Ee viochen xjen na m'an vancjo
ntjoohin, siu' juu jñ'oon na totsinën nnon juu. Nein vantyja
ts'on juu Jesucristo, ndo' na nnda', jo' condui ja tye juu.
\p
\v 11 Juu juu nguee na toxen'chen s'aahan' ntyji' ntyja 'naan' juu na
conduihin ts'an na tyi'cüijnt'uehin quityquii' ts'ian 'nan'. Majo' 
naneinhin ntyja njan ve jaa, mancu' ndo' mantyi ncö, t'man nninjnt'uehin.
\v 12 Majñön ntcü'ëhin na m'an', ndo' mac'an nnon' na cyon'
cüentahin na cha'vijon ncö na mayon' cüenta.
\v 13 Vi jndë vantyja ts'on juu Cristo, s'aahan'
na nt'ue jndyi ts'ön na ntsintjö'hin. Nnda' matsitiu cha' ntyja
na ndiquindëë na ntejndei' ncu' ja juu xjen na nty'i vancjo
tsojnaan' na mancya jñ'oon naya ntyja 'naan' Jesucristo, juu juu
nndinonhin na ntye'ntjon juu nnön.
\v 14 Majo' min
tyi'nin'quitsintjö'hin na chito yo jñ'oon 'nan', chito na
nninncya'hin na ntejndei juu ja ng'e na maju 'u',
majo' na ntsa'han' xeng'e ncu' nt'ue tson'.
\v 15 Ndëë nts'aahan' na ve' vitan' xjen na sitycyaa'hin nnon',
majo' naneinhin na ngyon' ntcüe' cüentahin, mancha'chen
xjen ntjohin yo 'u'.
\v 16 Nanein chito xia'ntyi na conduihin ncüii ts'an na
itye'ntjon juu nnon', nein conduihin ncüii ty'iu' na ve'nchjii
Tyo'ts'onhin. Ja vi'nchji jndyihin, majo' 'u' chuhan' na
mat'manntyichen nchji' yohin, navejndyee ng'e na conduihin ts'an
na itye'ntjon juu nnon', ndo' na jndë ve na mantyi conduihin
ts'an na cüajon vantyja ts'on juu Jesús cha'xjen ncu'.
\p
\v 17 Mang'e na nnda', xe na aa macüji' cüenta na condui ja
ts'an na nin'ncüii matye'ntjön nnon Jesucristo yo 'u', yajo'
cyon' ntcüe' cüenta juu Onésimo na cha'vijon ncö na mayon'
cüenta.
\v 18 Ndo' mantyi xe na aa vaa 'nan na tyí'quichuhan'
na s'aa juu ntyji', oo xe na aa chujnan juu xoquitu' nnon',
quityi' cüenta xoquitu'ñeen na ncö chöjnanhan' nnon'.
\v 19 Ja Pablo, ndöhin matyiö xuë, ja nndyiön na chujnan juu. Min
tyi'icanhan' na nts'a na cañjoon' tson' na t'manntyi chu'jnan'
nnön, ee ntyja na condui 'u' jnda Tyo'ts'on, jo' na chu'jnan'
nnön.
\v 20 Jo' nanein, 'u' ntyjë, ng'e na condui 'u' ts'an na
vantyja ts'on, quitsa' vi naya'ñeen na mac'an nnon'
ng'e na vi'ntyji' Cristo, juuhan' nninncyaahan' na tein ro
quityquii' ñuan njan. Jo' ntyja 'nan' ncy'ön na jndö
quityquii' joo 'nan na maquenön.
\p
\v 21 Ndö' vaa jñ'oon na macüji ng'e ntyjii' ya ts'ön na
jndyentyichen 'nan na ntsa', chito ve' xia'ntyi cha'xjen juu 'nan
na mac'an. 
\v 22 Ndo' mantyi vaa ncüiichen naya na
nin'c'an nnon'. Ntyja ts'ön na ncjöquinty'ia ja 'o'. Jo' vi
naya'ñeen quitsijnda' ncüii v'aa naijon na nc'ön ya yo 'o'.
Jo' quinan'neinho' jñ'oonvahin nnon Tyo'ts'on, cha' xe na aa
nt'ue ts'on jon nninncyaa jon na nguënön na m'anho'.
\s Incyaa Pablo ts'on 'naan' jon ndëëhan
\p
\v 23 Juu Epafras, incyaa jon ts'on 'naan' jon ndëëho'. Ntjoo
m'aan jon vancjo yo ja jnaan' na incyaa jon jñ'oon naya 'naan'
Cristo Jesús.
\v 24 Ndo' mantyi Marcos, Aristarco, Demas yo
nin'Lucas, coninncyahin ts'on 'naanhin ndëëho'. Joohin
conan'jonhin yo ja quityquii' juu ts'ian 'naan' Tyo'ts'on.
\p
\v 25 Nquii ta Jesucristo na conduihin na itye'ntjon jon jaa,
quityio jon jn'aanho' na ncüii cüii 'o'.