\id 3JN
\h 3 Juan
\mt1 Tson Na Jndë Ndye Na Tji Juan
\c 1
\s Itsiquinjon Juan Gayo
\p
\v 1 Maja Juan na conintque ja, macüji tsonva na matscüenönhan' na 
m'an 'u' ntyjë Gayo. Yo na xoncüee' ts'ön vi'ntyji 'u'.
\p
\v 2 'U' ntyjë na vi'ntyji, mac'an nnon Tyo'ts'on na tyi'ndivi'.
Ncyaa jon na ya ro ngam'an' tyquii' tsoñ'en cha'xjen na vja' na
tonnonchen yo nquii jon yo ntyja 'naan' ñuan 'nan'.
\v 3 Minndye
ntyjëëhë na vantyja n'on Cristo, sque ntcüe'han na m'an. Ndo'
conduehan nnön na xoncüee' tson' na vam'an' na vantyja tson'
juu jñ'oon na mayuu', vam'an'tyen' ntyja 'naan'han'. Ndo' na
nnda' vaa na mandyi, incyaahan' na nën jndyi.
\v 4 Ee ta'nan
ncüiichen nnon na incyaahan' na nënntyëchën cha' ya na mandyi
na joo nn'an na tantjön cüentaa' Cristo na conduihin ntsinda,
na cotsam'anhan ntyja 'naan' juu jñ'oon na mayuu'.
\s Ya its'aa Gayo
\p
\v 5 'U' ntyjë Gayo na vi'ntyji, joo ntyjëëhë na vantyja
n'onhan na ve' cotsque yahan na m'an', ya jndyi matsa' na
matixe'hin, min na toxen'chen tyí'cüajnan'han.
\v 6 Minndyehan
na jndë jndui' ntcüe'han naijon na m'anho', ndo' jnan'neinhan
ndëë nque nn'an na condui tmaan' cüentaa' Tyo'ts'on ntyja
'naan' na matsi'man' na vi'ntyji'han. Ndo' quitsa' vi naya'ñeen
xjen na ntsque nnda'han na m'anho', mantyi
quitejndei'ntyichen'han 'nan na icanhan'hin na cotsacondyi'han
juu ts'ian 'naan' Tyo'ts'on. Ee nnda' vaa na icanhan' na
quitejndei jaa ntyjëëhë na cotsanan'neinhan jñ'oon' jon.
\v 7 Ee jndui' nan'ñeen tsjoonhan, tyencyahan jñ'oon ntyja 'naan'
Jesucristo, min taty'onhan cüenta xoquitu' nduee nn'an na
tyi'covantyja n'on.
\v 8 Mang'e jo', icanhan' na jaa
quitix'ënhin ee na nt'aha na nnda', ntsi'manhan' na conan'jön
yo ts'ian na cotsancyahin juu jñ'oon na mayuu'.
\s Sitsan' Diótrefes nn'an na cotye'ntjon nnon
Tyo'ts'on
\p
\v 9 Tji ja ncüii tson na scüenönhan' na m'an nn'an na
conduihan tmaan' cüentaa' Cristo. Majo' juu Diótrefes
tyi'quitsijñ'oon' juu na vaa najndö na tyincyaa Tyo'ts'on yo
jñ'oon na tsjö, ng'e ya jndyi nchjii juu na ityii' juu 'ndyo
joohan.
\v 10 Mang'e jo', juu xjen ya na nguë na m'anho', yajo'
ntsintcüi ja ntyja 'naan' 'nan na its'aa juu. Ee i'man jndoo'
juu já. Min tyi'quintjo nchjii juu na its'aa juu na nnda', mantyi
min tyi'cy'oon juu cüenta nque ntyjëëhë na cotsquehin na
m'anho' na comandyi'han na concyahan jñ'oon' Tyo'ts'on. Ndo' joo 
ntyjëëhë na nin'cy'onhan cüenta nan'ñeen, mantyi itsi'ndaa' 
juu n'onhan, ata icüji' juuhin quii' tmaan' nn'an na conduihan 
cüentaa' Cristo.
\p
\v 11 'U' ntyjë Gayo na vi'ntyji ja 'u', joo nn'an na cont'a
'nan tyia, tyi'ncü'a 'u' yo nan'ñeen. Majo' joo nn'an na
cotsantyja 'nan naya, cü'a 'u' ntyja 'naan'han. Ee ts'an na
ninnquii'chen itsijonhin yo 'nan ya, m'aan juu ntyja 'naan' nquii
Tyo'ts'on. Majo' juu ts'an na ninnquii'chen its'aa juu 'nan tyia,
tyi'c'oon tsan'ñeen ntyja 'naan' jon.
\s Ya its'aa Demetrio
\p
\v 12 Tsoñ'en nn'an ya jñ'oon conduehan ntyja 'naan' Demetrio.
Covityincyoo' na itsijonhin yo juu jñ'oon na conduihan' na
mayuu'. Ndo' mantyi ncö matsjö na itsiquindë juu. Ndo'
'u' mantyji' na juu jñ'oon na matsinën, mayuu'han'.
\s Jñ'oon na mats'ia na icüji Juan 
\p
\v 13 Jndye jñ'oon min na nin'quitsjö nnon' majo' xia'ntyi
ndö' ro na macüji naneinhin,
\v 14 Ee ntyja ts'ön na cje ro nnty'ia ja 'u', yajo' nnan'nën
yo ntyjë.
\p
\v 15 Nquii Tyo'ts'on ncyaa jon na tajñuaan' ts'on 'u' na tonnon
jon. Nque ntyjëëhë na m'an ntjoohin na vantyja n'on Cristo,
coninncyahan ts'on 'naanhan nnon'. Ncya' ts'on njan ndëë
tsoñ'en ntyjëëhë na m'anhin jo'.