1
00:00:05,000 --> 00:00:08,780
Yisufa fidanoo maa ufana narí faiqi namu qimanniminau.

2
00:00:08,780 --> 00:00:15,240
“Qinee uainna anoona marunanoo qini qikoofa uainna afuqasaa rakisirafa maridanoo.

3
00:00:15,240 --> 00:00:20,960
Qini qikoofa Anutufa mi uainna saqarifa sia irainanoo ateeka idaraannoo.

4
00:00:20,960 --> 00:00:28,420
Ireemari oosanna amiqimandee iraani fee qimasee anukama saidanoo amiqimasee moo moo aqama iraannoo.

5
00:00:28,420 --> 00:00:35,940
Qinee qimannimi marunna ufana innee irisee maraifanoo doo inni mandainaina rukannisainaqa anukaraqoo marifaranoo.

6
00:00:35,940 --> 00:00:42,200
Innee uainna i asaanara foora qinisaa ariqa maridaqa aqama moomoo ireefaranoo.

7
00:00:42,200 --> 00:00:46,320
Innee sia qinisaa ariqa maridaqa sia aqama ireefaranoo.”

8
00:00:46,320 --> 00:00:49,560
“Qinee uainna saqari anoona maridaqa.

9
00:00:49,560 --> 00:00:56,720
Innee asaana miqirausa mariafanoo sia anoonasaa arufinafa sia uainna iraannoo.

10
00:00:56,720 --> 00:01:04,400
Faiqí qiniki marifaqa qinee misaki marianaqa misa uainnara foora moomoo uqanna ireefaranoo.

11
00:01:04,400 --> 00:01:12,640
Innee inneeqaraa marinausa kudi marifaranoo qini faqa marinausa uainna amiqimasee ireemari faranoo.

12
00:01:12,640 --> 00:01:18,600
Innee minara iriseeqa amiqimasee qinisaa atooqaifaqa qinee faqa inniki marianaura.

13
00:01:18,600 --> 00:01:34,320
Faiqí moo fannoo sia qiniki marinafa uainna asaana miqirafa aadanusida marinanoo uainnasaa rakisi marifa asaana qafamasee aadanusinausa aiqama ateekasee suqeeqeenoo idaki aqusainanoo qama taikaannoo.

14
00:01:34,320 --> 00:01:44,680
Innee qiniki marirara kai idaqa marifaqa qinee qimannimunna ufafa inniki marirara kai imarinaqa innee nana ainainaree qiniara iraifaqa nimianaura.

15
00:01:44,680 --> 00:01:53,440
Innee andeeqara marirana qaqammara foora moomoo iraifanoo minannai qini qikoona amiqira afeeka eeraarira areenarana koorooma nimaqaannoo.

16
00:01:53,440 --> 00:01:56,400
Miqiuqanna iqa qini faiqinamuka mafifaranoo.

17
00:01:56,400 --> 00:02:06,160
Qini qikoofa qiniara firaaqoo ridanoo qinee faqa miqikai iqa inniara firaa qoo ridaqa doo sia innee moo fannoo minakiqari aiaki kaqinni fuaqa.

18
00:02:06,160 --> 00:02:08,340
Kaqi kai qini didiranaki mariaqa.

19
00:02:08,340 --> 00:02:13,800
Innee qinee qimannimuna ufana irisee qumareeqa qini didiranaki marifaranoo.

20
00:02:13,800 --> 00:02:18,660
Qinee miqikaimasee qeeqa qikoona ufa iriseeqa qumareeqa mina aidiranaki maridaqa.”

21
00:02:18,660 --> 00:02:26,660
“Qinee sia kaqi qimannimidaqa qini susuirafa inniki marianifeera inni susuirafa anoonaikianifeera qimannimidaqa.

22
00:02:26,660 --> 00:02:34,240
Qinee ufa moo aaquqira ufa qimannianaura iriaqa Innee qini daanna ramasee nariara nariara ridaqa nidiani.

23
00:02:34,240 --> 00:02:45,020
Faiqí moo fannoo narí aqoondi amaaqa maqasee kuqinna fasiqafa mina aidirafa aiqama nidirana arusee uriqaramaqaraasa uqanna inoo mariannoo.

24
00:02:45,020 --> 00:02:51,500
Maqee maqee qini aaquqira ufa irisee mi mau fimariasa misa kai qini qiqoondiuqa maridaqa.

25
00:02:51,500 --> 00:02:57,120
Qinee sia maaqooqari inniara qini ainainira faiqí fee qianaura.

26
00:02:57,120 --> 00:03:10,280
Rakisirafa narí fuaninnanara faqa auqaaninnanara faqa maraaninnanara faqa sia ainainira faiqiuqa qimannimidanoo miqimmianauree maaqimmianuree qidanoo narí kai.

27
00:03:10,280 --> 00:03:13,400
Ainainiaqee ufa kai qimannimidanoo.

28
00:03:13,400 --> 00:03:26,260
Qinee sia fifau saikira faiqi fee qidaqa inniara qini qiqoondi fee qimasaidaqa qinee qini qikoofa auqaaninna saika ufanara aiqama inni koorooma nimidaqa.

29
00:03:26,260 --> 00:03:30,080
Sia innee qini rusandee samumandee qini qumaraafanoo.

30
00:03:30,080 --> 00:03:33,760
Qinee naaree inni rusandee samumandee inni qumareeqa.

31
00:03:33,760 --> 00:03:41,520
Inni marirafa nirafa qini daanna ramasee mariaqeera qinindi kiaqeera qimasee inni mareeqa.

32
00:03:41,520 --> 00:03:47,280
Mi marira oosanafa sia putaa iannoo afeeka kai mariannoo.

33
00:03:47,280 --> 00:03:54,420
Innee minara irisee nana sarauimari ainainaree qini qikoofinnai qini duqusaa innaaru qimasaifanoo nimiannoo.

34
00:03:54,420 --> 00:03:58,460
Doo qeeqa aaquqira ufa maaqi qimasee qimannimidaqa.

35
00:03:58,460 --> 00:04:01,260
Innee nariara nariara ridaqa nidiaqa.”