1
00:00:05,000 --> 00:00:14,040
Yisufa narí faiqi namu niqiqoofaqa maqusa maqusa nidaqa qimannimunara faqa auqoonara faqa Yisuna mini qimamiqau.

2
00:00:14,040 --> 00:00:24,300
Qimamimarufaqa faiqí anaasee moomoosa aniree qumbiqafunara narana narafa sia amanaikufanoo Yisufa narí faiqi namu qimanniminau.

3
00:00:24,300 --> 00:00:29,400
“Anifaqa innisaimbaqa faiqí sia mariannai oonuree idooaaqa.”

4
00:00:29,400 --> 00:00:38,500
Miqi qimaseenoo narí faiqi namufaqa nammari afainni ooquree kanuqaki akaramafufaqa nammari amuaqumau fiqau.

5
00:00:38,500 --> 00:00:58,960
Faiqí anaasee moomoosa nindafamaseeqa oo Yisufammi qimasee nári maqusaki nári maqusakiqari oonu maree ani mareeufaqa Yisuna kanuqa fannoo munu maqanamu raquru amufanoo nindafoofaqa faiqí anaasee moomoosa faasai afainni qusi mariqau.

6
00:00:58,960 --> 00:01:07,400
Yisufa kanuqakiqari maqasaa aqufinoo faiqí anaasee moomoo nindafamasoofanoo firaaqoo amuqusufanoo qinau.

7
00:01:07,400 --> 00:01:16,060
“Aandau rakisirafa siaisara foora mariafanoo” fee qimaseenoo Anutuna ufa oosana oosana ainainara qimanniminau.

8
00:01:16,060 --> 00:01:19,660
Eenoofaqa Yisuna faiqi namu Yisuna qimamiqau,

9
00:01:19,660 --> 00:01:33,180
“Doo eendidanoo anee niqiqainaqa kaqikaa maqusakiaqa narana feefauriaqa maaqoo faiqí siaiqoo maridanoo” fee qufanoo Yisufa qinau,

10
00:01:33,180 --> 00:01:37,860
“Inneeqa kai narana nimiaqa” qufaqa misa qiqau,

11
00:01:37,860 --> 00:01:52,780
“Maasa sia amanaikianaura maasa moomoo ooni mareeqa oonu moomoo feemu feefaurumasee minisee nimianaqa naifanoo sia amanaikiannoo,

12
00:01:52,780 --> 00:01:58,060
maasa sia amanaikidaqa” qufanoo Yisufa qinau.

13
00:01:58,060 --> 00:02:07,060
“Inni feemu naqummee maridanoo oonu qafaaqa” qufaqa misa oonu qafamaseeqa aniree qimamiqau,

14
00:02:07,060 --> 00:02:12,860
“Maasa feemu moodaanai qisauku faqa qaaraqanda noodaanna faqa maridanoo.”

15
00:02:12,860 --> 00:02:15,200
Yisufa qimanniminoo qinau.

16
00:02:15,200 --> 00:02:32,060
“Innee faiqí aanaaseera qifaqa misa raina rainamafinaqa naadu naadu rumbaku finaqa qusau rasoonookamasee ooqumari maree fuaqa” qufaqa faiqí anaasee eedoo qimasee rumbakirana kiqari padimambufaqa ooqu marifiqau.

17
00:02:32,060 --> 00:02:44,660
Akaqa rumbakirana kiqari wan handareeta mariqau akaqa rumbakirana kiqari qaara fasiqa niku nisauku taikasee qisaukuqara taikasee 50 fasiqa anaasee mariqau.

18
00:02:44,660 --> 00:03:06,940
Ooqu marifufanoo Yisufa mi moodaannai qisauku feemuna qumaree noodaannaqara faqa qumaree sandaaqai oori uqeerasee Anutunara dufi dufi qimaseenoo mi feemuna ruqi ruqi mandeenoo narí faiqi namu nisaukuki quqasoofaqa faiqí anaasee ooqu mariranakiaqa nimi maree fimariqau.

19
00:03:06,940 --> 00:03:18,120
Yisufa miqikai inoo noodaanna faqa ruqi ruqimma nimufaqa mina faqa nimi maree fufaqa noofanoo nimuaqufaqa akaqana kaqi quqaqau.

20
00:03:18,120 --> 00:03:25,580
Yisuna faiqi namu mina ataraasa qumaree qisaukuqara taikasee qikunni ooqu qaara marasee uqa qumbiqaqau.

21
00:03:25,580 --> 00:03:30,060
Mi naranna nee marusa faifa tauseenna fasiqa mariqau,

22
00:03:30,060 --> 00:03:32,820
anaasee faqa faiqiuqaindi faqa mariqau.

23
00:03:32,820 --> 00:03:38,460
Ooni saqari auqusee moomoo uqanna mariunara faifa tauseenna fee qidaqa.