1
00:00:05,000 --> 00:00:10,920
Taim awirai-a ketiti moikera veka va sip-a nemiko yah nenomi kantri Itali,

2
00:00:10,920 --> 00:00:17,140
Cha Pol awei aro kalabus ovu keko yei kenopi piya kepten raꞌa yei 100 soldia,

3
00:00:17,140 --> 00:00:18,960
vora naore rariꞌiy.

4
00:00:18,960 --> 00:00:22,420
Awoꞌo ya kepten vemona kepinaka Cha Julius,

5
00:00:22,420 --> 00:00:24,760
ya raꞌa yei soldia kepinai veka,

6
00:00:24,760 --> 00:00:26,660
“Soldia ya Cha Sisar.”

7
00:00:26,660 --> 00:00:30,840
Kemaro moiy sip raꞌa vo mataimon Adramitium.

8
00:00:30,840 --> 00:00:38,100
Sip vemona korao noparara nonoi rorore pasis kerinia boko ovu vo provins Esia.

9
00:00:38,100 --> 00:00:42,100
Yake kai-a kemirarito yah kemiparara kenomi.

10
00:00:42,100 --> 00:00:45,540
Cha Aristarkus minia kakai romi.

11
00:00:45,540 --> 00:00:46,680
Bia emo,

12
00:00:46,680 --> 00:00:49,120
ya raꞌa yei aro Tesalonaika,

13
00:00:49,120 --> 00:00:51,400
kakei provins Masedonia.

14
00:00:51,400 --> 00:00:52,860
Kope uri,

15
00:00:52,860 --> 00:00:54,840
keremiki mataimon Saidon,

16
00:00:54,840 --> 00:00:59,020
yah kepten Julius emo karao roa revo Cha Pol.

17
00:00:59,020 --> 00:01:05,280
Kairai roa Cha Pol nanoi nayarai aro kura ya vora ao arape kerebaun reiya ero,

18
00:01:05,280 --> 00:01:06,840
pina nepoa.

19
00:01:06,840 --> 00:01:15,120
Yah kope mataimon Saidon emo kememeu yah kemiparara kenomi tah kope puꞌu pako va koputuruko tami.

20
00:01:15,120 --> 00:01:21,840
Puꞌu va koputuruko tah kemiparara kenomi moho oreva vo ailan Saiprus.

21
00:01:21,840 --> 00:01:27,900
Yah kemiparara kenomi moho nao rora kakuke ri provins Silisia re Pamfilia,

22
00:01:27,900 --> 00:01:30,400
yah kope keremiki mataimon Maira,

23
00:01:30,400 --> 00:01:32,500
kwinia provins Lisia.

24
00:01:32,500 --> 00:01:33,880
Boko vemona,

25
00:01:33,880 --> 00:01:39,180
kepten yei soldia kapirike sip raꞌa yei Aleksandria,

26
00:01:39,180 --> 00:01:41,100
korao nonoi Itali,

27
00:01:41,100 --> 00:01:45,500
yake kepten-a kairai romi kenomi kemaro moiy sip vemona.

28
00:01:45,500 --> 00:01:49,160
Yah kope kemiparara kenomi marimariro,

29
00:01:49,160 --> 00:01:51,560
tah umo kereprumo nami.

30
00:01:51,560 --> 00:01:53,300
Ku vo korao veka,

31
00:01:53,300 --> 00:01:55,340
puꞌu pako koputuruko tami,

32
00:01:55,340 --> 00:02:02,900
toh yei boskuru bova rika kekupuana tah kemawemomo kenomi ika vo mataimon Nidus.

33
00:02:02,900 --> 00:02:06,300
Toh vo puꞌu va baunke koputu rarimi,

34
00:02:06,300 --> 00:02:09,680
yake kemirovoruki yah parara kenomi ailan Krit,

35
00:02:09,680 --> 00:02:11,820
kakuke ri Salmone.

36
00:02:11,820 --> 00:02:17,840
Aro boskuru bova rika kekupuana tah kemiparara kenomi moho nao ika vo Krit,

37
00:02:17,840 --> 00:02:22,820
yah kope kenomi keremiki boko raꞌa kepina veka Pasis Neman,

38
00:02:22,820 --> 00:02:26,060
kwinia kakuke ri mataimon Lasea.

39
00:02:26,060 --> 00:02:29,120
Umo maomao inia kerenori nami,

40
00:02:29,120 --> 00:02:31,200
taim baunke kemiparara sip,

41
00:02:31,200 --> 00:02:36,240
yah de pako yei Juda akorom-a kekepiyao konoiki nao veni,

42
00:02:36,240 --> 00:02:39,900
tah vo nao-a minia koraoko.

43
00:02:39,900 --> 00:02:42,800
Yah kope Cha Pol kairai roiy veka,

44
00:02:42,800 --> 00:02:43,940
“Aro raꞌai,

45
00:02:43,940 --> 00:02:45,120
kanayara veka,

46
00:02:45,120 --> 00:02:47,640
sip mare kemiparara kenomi emo,

47
00:02:47,640 --> 00:02:49,520
va taipo vo nemiyara,

48
00:02:49,520 --> 00:02:54,900
yah sip awere ao prumo keriniarovore emo va nerebururu roki.

49
00:02:54,900 --> 00:02:58,220
Yah memi bio minia va nemiviri.”

50
00:02:58,220 --> 00:03:00,720
Toh kepten yei soldia koinia,

51
00:03:00,720 --> 00:03:03,360
beya ava karivo roa Cha Pol vai.

52
00:03:03,360 --> 00:03:08,940
Tah pava karekeu pon awirai ya aka vo sip re kepten vo sip.

53
00:03:08,940 --> 00:03:13,160
Pasis vemona beya koneman va sip-a noaporu vai,

54
00:03:13,160 --> 00:03:15,060
taim puꞌu pako noputu,

55
00:03:15,060 --> 00:03:17,680
va nuiniaki ura ovu.

56
00:03:17,680 --> 00:03:26,100
Korao veka tah beyo prumo awirai-a ketiti moikera veka yei baunke va inia neparara nenopi Finiks.

57
00:03:26,100 --> 00:03:27,760
Ku vo korao veka,

58
00:03:27,760 --> 00:03:33,840
pasis vemona keyara koneman poaka kuiniari neropiroko peu puꞌu pako vemona.

59
00:03:33,840 --> 00:03:37,000
Finiks kwinia para saut vo ailan Krit,

60
00:03:37,000 --> 00:03:41,520
yah kwinia koyaraki notwes tah sautwes.

61
00:03:41,520 --> 00:03:46,400
Kope puꞌu vo paraꞌa saut-a koputuka marimariro,

62
00:03:46,400 --> 00:03:52,980
tah kepitoro veka kuiniari va neparara nenopi revo yah nerepiki boko vemona chirai po ve.

63
00:03:52,980 --> 00:04:01,380
Yake anka kerarikawu kokoi nake yah keparara kenopi po nao ika vo ailan Krit.

64
00:04:01,380 --> 00:04:02,760
Kovevenki,

65
00:04:02,760 --> 00:04:07,440
yah puꞌu pako raꞌa koputuka paraꞌa vo ailan Krit,

66
00:04:07,440 --> 00:04:09,460
puꞌu emo kepina veka,

67
00:04:09,460 --> 00:04:11,420
“Puꞌu vo paraꞌa notis.”

68
00:04:11,420 --> 00:04:19,980
Puꞌu vemona kuputuruko pako tah boskuru beya kuiniari nekapoki yah parara nenopi varu vai.

69
00:04:19,980 --> 00:04:23,920
Yake kepiꞌin sip-a puꞌu va koawo konoi.

70
00:04:23,920 --> 00:04:29,120
Yah kemiparara kenomi paraꞌa saut vo ailan mentanaka raꞌa kepina veka,

71
00:04:29,120 --> 00:04:30,340
Kauda.

72
00:04:30,340 --> 00:04:33,360
Kope taim ailan-a kopoporari puꞌu,

73
00:04:33,360 --> 00:04:38,820
rika kemikupuana moho revo dingi kemiraipa kokai kakuke ri sip.

74
00:04:38,820 --> 00:04:46,680
Yah kope boskuru va dingi kerin kokoi sip nake tah tiꞌi va ketororona kupuana.

75
00:04:46,680 --> 00:04:56,440
Yah tiꞌi ipipo keverevere kereraro paraparakoya vo sip yah kiaponao kupuana vora kupuananoro sip.

76
00:04:56,440 --> 00:04:58,220
Keriri poaka,

77
00:04:58,220 --> 00:05:05,020
avenari neparara nenopi niowaki ramata kwinia romonrora kakuke ri Afrika.

78
00:05:05,020 --> 00:05:11,400
Yake sel-a kerinope pika yah kepiꞌin sip-a puꞌu koawo konoi.

79
00:05:11,400 --> 00:05:16,600
Puꞌu kokupuana tah nao-a korakore tah koyiemi poaka,

80
00:05:16,600 --> 00:05:18,120
tah kope uri,

81
00:05:18,120 --> 00:05:22,980
boskuru yake ao ovu chiriri tah inia keprupi kereraro nao.

82
00:05:22,980 --> 00:05:24,940
Kope umo namba 3,

83
00:05:24,940 --> 00:05:29,920
boskuru ao vo sip-a kepuna eno yei yah keverevereki,

84
00:05:29,920 --> 00:05:31,340
ao veka sel,

85
00:05:31,340 --> 00:05:34,360
aꞌai vo sel yah ao ovu vova.

86
00:05:34,360 --> 00:05:37,420
Umo inia kerenori keremaomao nami,

87
00:05:37,420 --> 00:05:42,340
tah umo awere kamoꞌo beya kemipirikere kerebiriri revo vai,

88
00:05:42,340 --> 00:05:46,720
toh vo puꞌu pako pon baunke inia kwinia veka.

89
00:05:46,720 --> 00:05:51,980
Yake kemiyara veka beya kuiniari nekemi noneman vova vai.

90
00:05:51,980 --> 00:05:56,400
Umo maomao bio beya akorom-a kepa vai,

91
00:05:56,400 --> 00:06:00,880
kope Cha Pol kavariko karoi romoiy yah kairai veka,

92
00:06:00,880 --> 00:06:02,220
“Mopu beyo,

93
00:06:02,220 --> 00:06:05,940
boh awirai nena nopurivo yah nekemi ailan Krit,

94
00:06:05,940 --> 00:06:09,820
beya kuiniari taim taipo vemona nemivakakeu vai.

95
00:06:09,820 --> 00:06:14,160
Yah beya kuiniari ao koka nerebururu roki vai.

96
00:06:14,160 --> 00:06:16,580
Yah mare kanairai nopu,

97
00:06:16,580 --> 00:06:18,900
kuiniari va riꞌi mariri nopuko,

98
00:06:18,900 --> 00:06:20,400
ku vo korao veka,

99
00:06:20,400 --> 00:06:25,260
beya kuiniari bia raꞌa memi va nareiroki vai.

100
00:06:25,260 --> 00:06:28,400
Sip pon va noreirokire.

101
00:06:28,400 --> 00:06:30,240
Nena bia ya God,

102
00:06:30,240 --> 00:06:32,900
nena inia lotu kanao nova.

103
00:06:32,900 --> 00:06:33,960
Roro,

104
00:06:33,960 --> 00:06:37,520
ensel ya God-a kararo karoi rina kakuke.

105
00:06:37,520 --> 00:06:39,000
Yah kairai veka,

106
00:06:39,000 --> 00:06:39,800
‘Mah Pol,

107
00:06:39,800 --> 00:06:41,820
beya namariri vai.

108
00:06:41,820 --> 00:06:46,460
Mema va nanomi namairai moa Cha Sisar kot mema narivo.

109
00:06:46,460 --> 00:06:49,100
God-a beten mema karivo veꞌen,

110
00:06:49,100 --> 00:06:56,340
tah kamarimari roiy yah beya kuiniari narin beyo kekepi sip nebururu roki vai.’

111
00:06:56,340 --> 00:06:58,780
Korao veka tah mopu bio,

112
00:06:58,780 --> 00:07:00,900
va noropi kupuana.

113
00:07:00,900 --> 00:07:07,540
Nena kanabilip nova God va ao vemo nararerare veka kairai ye.

114
00:07:07,540 --> 00:07:14,600
Toh memi va nemiꞌin sip-a puꞌu va noawo nonoi nowaki ailan raꞌa.”

115
00:07:14,600 --> 00:07:17,680
Yah kope roro namba 14,

116
00:07:17,680 --> 00:07:21,360
memi baunke kemivekeveke kenomi nao Mediterenian.

117
00:07:21,360 --> 00:07:23,960
Kope roro nieko kopana veꞌen,

118
00:07:23,960 --> 00:07:28,980
aro boskuru kepitoro veka sip-a kokai kakuke ri nao ika.

119
00:07:28,980 --> 00:07:31,680
Yah meta keko keparaiyo nao,

120
00:07:31,680 --> 00:07:37,740
tah keyara veka nao-a biroro vo kuiniari veka 40 mita.

121
00:07:37,740 --> 00:07:40,280
Sip-a konoiki mentan mentan,

122
00:07:40,280 --> 00:07:42,940
yah tare meta keparaiyo vova,

123
00:07:42,940 --> 00:07:45,820
yah keyara veka 30 mita.

124
00:07:45,820 --> 00:07:47,460
Yah keriri,

125
00:07:47,460 --> 00:07:54,340
awenari sip-a noparara nonoi boꞌo akairi kerinia ero tah sip-a va notari naiy.

126
00:07:54,340 --> 00:07:58,340
Yah anka 4-pla kerinia sip pa keverevereyo nao,

127
00:07:58,340 --> 00:08:01,680
tah kebeten vora bova nuri bereren.

128
00:08:01,680 --> 00:08:06,540
Boskuru rara kiorenana vora sip-a nepepeu.

129
00:08:06,540 --> 00:08:09,160
Yah dingi kereru koraro nao,

130
00:08:09,160 --> 00:08:13,280
tah keropopeiy veka kepao anka neverevere sip cha.

131
00:08:13,280 --> 00:08:18,000
Kope Cha Pol kairai roa kepten awei soldia ya veka,

132
00:08:18,000 --> 00:08:21,100
“Boh aro vemona beya nekepirovo sip,

133
00:08:21,100 --> 00:08:23,100
mopu va nopu viri.”

134
00:08:23,100 --> 00:08:28,060
Yah soldia kenopi baklain vemo ketroronao dingi choro,

135
00:08:28,060 --> 00:08:31,700
tah korei nao yah koveke konoi.

136
00:08:31,700 --> 00:08:33,500
Kope roronai,

137
00:08:33,500 --> 00:08:35,640
umo beya karareriki vai,

138
00:08:35,640 --> 00:08:38,660
Cha Pol ava kairai roiy beyo prumo ve,

139
00:08:38,660 --> 00:08:40,380
vora akorom-a nepa,

140
00:08:40,380 --> 00:08:41,660
kairai veka,

141
00:08:41,660 --> 00:08:47,760
“Umo 14-pla konoiki veꞌen akorom-a kobaun repu tah beya kopa vai.

142
00:08:47,760 --> 00:08:51,080
Yah rimoꞌo mopu koreru pon.

143
00:08:51,080 --> 00:08:54,220
Mare awirai kupuana kanairai napu,

144
00:08:54,220 --> 00:08:56,280
akorom-a pina va nopa,

145
00:08:56,280 --> 00:08:58,460
vora kupuana noropu.

146
00:08:58,460 --> 00:09:01,020
Beya kuiniari nopuviri vai,

147
00:09:01,020 --> 00:09:03,520
mopu va nokepi nopu neman.”

148
00:09:03,520 --> 00:09:05,720
Awirai emo kairai veꞌen,

149
00:09:05,720 --> 00:09:11,660
yah kope bret-a kako tah oꞌti karoa God ri ine yei beyo koka.

150
00:09:11,660 --> 00:09:15,420
Yah bret-a kakoreri yah inia kara.

151
00:09:15,420 --> 00:09:22,660
Yake aro prumo vemona kupuana keko yah yei veku akorom yei kepuna yah kepa.

152
00:09:22,660 --> 00:09:25,500
Namba memi beyo kekemi sip,

153
00:09:25,500 --> 00:09:29,260
kuiniari veka 276.

154
00:09:29,260 --> 00:09:31,720
Akorom-a kepa kuiniari,

155
00:09:31,720 --> 00:09:38,200
yah kope wit-a keverevere kereraro nao vora sip-a beya nonai vai.

156
00:09:38,200 --> 00:09:41,120
Kope taim umo kakoi,

157
00:09:41,120 --> 00:09:43,760
boskuru boko vemo kerovinao,

158
00:09:43,760 --> 00:09:46,020
boko emo vekarope.

159
00:09:46,020 --> 00:09:50,020
Yah pasis raꞌa kepirikeu ramata koneman,

160
00:09:50,020 --> 00:09:55,780
tah awirai-a chirai minia va sip-a niawo nekope nerinko ramata nake.

161
00:09:55,780 --> 00:10:01,540
Yake baklain rere anka choro yah kepiꞌin kereraro nao kuro.

162
00:10:01,540 --> 00:10:07,100
Yah baklain vemo kiaponare biote ipipo riyempin sip-a keroro emo,

163
00:10:07,100 --> 00:10:08,580
kerarito.

164
00:10:08,580 --> 00:10:11,960
Yah sel-a kerinko vora puꞌu va noawowo,

165
00:10:11,960 --> 00:10:14,720
yah neparara nekope ramata nake.

166
00:10:14,720 --> 00:10:18,600
Tah kope sip-a kokoi kovaki toro ramata nake,

167
00:10:18,600 --> 00:10:22,220
tah beya kuiniari noparara vova vai.

168
00:10:22,220 --> 00:10:26,400
Yake nao ipipo kerepururei kerekoreta sip pa,

169
00:10:26,400 --> 00:10:28,240
tah kotaritari.

170
00:10:28,240 --> 00:10:29,980
Kope yei soldia,

171
00:10:29,980 --> 00:10:32,540
kepao va nepieiy kalabus-a neviri,

172
00:10:32,540 --> 00:10:37,480
awenari niura nekope nake yah va neprapraraꞌa peiy.

173
00:10:37,480 --> 00:10:40,660
Kope ya kepten yei soldia konia reiy,

174
00:10:40,660 --> 00:10:43,540
beya Cha Pol nepieiya narai vai.

175
00:10:43,540 --> 00:10:48,920
Yah awirai kupuana kairai roiy aro voro kiura peꞌe keniniu ero,

176
00:10:48,920 --> 00:10:51,440
va niura nekope nake wo.

177
00:10:51,440 --> 00:10:58,380
Ovu plang korakoraꞌa kepuna tah sip korakoraꞌa chawere yah kevekeveke kekope nake.

178
00:10:58,380 --> 00:11:01,640
Ao emo kepao veka kepten-a kairai ye,

179
00:11:01,640 --> 00:11:07,400
tah raꞌa yei beya kareirokire vai.

180
00:11:07,400 --> 00:11:12,200
Taim kemura kemineman yah kekom keromitao ramata nake,

181
00:11:12,200 --> 00:11:17,080
yah kope kemiyara veka ailan vemona awoꞌo vo kepina veka Malta.

182
00:11:17,080 --> 00:11:19,980
Yah aro vemo kekepi ailan vemona,

183
00:11:19,980 --> 00:11:22,560
pasin neman aka kepao pomi.

184
00:11:22,560 --> 00:11:29,220
Aikera kepere kobriri tah chirai pomi kenomi kekemi mo vora reka memi nuiꞌim.

185
00:11:29,220 --> 00:11:31,040
Ku vo korao veka,

186
00:11:31,040 --> 00:11:34,520
ava kwai tah bova komariri poaka.

187
00:11:34,520 --> 00:11:40,560
Yah Cha Pol aiyu rove mememe pina kairiri kakai yah kareretata aikera.

188
00:11:40,560 --> 00:11:43,980
Yah mini rava kakei aꞌai rove vemona,

189
00:11:43,980 --> 00:11:51,140
iꞌim vo aikera koko ya tah karaiyu kakai yah kaiꞌria Cha Pol eno tah kareru.

190
00:11:51,140 --> 00:11:59,680
Taim aro bombiam vo boko vemona kepirikeiya mini eno keyairita Cha Pol yah kareru eno ya,

191
00:11:59,680 --> 00:12:02,600
yah yei veku chirai varuvaru veka,

192
00:12:02,600 --> 00:12:04,180
“Bia vere,

193
00:12:04,180 --> 00:12:06,160
bio kayei keviri ke,

194
00:12:06,160 --> 00:12:09,720
yah taim kaura nao beya kawuwo vai.

195
00:12:09,720 --> 00:12:16,260
Tapara mare god vo pasin taipo nabekim konia beya karaoke narao nakei natare vai.”

196
00:12:16,260 --> 00:12:25,200
Yah Cha Pol eno kairere naka mini yah kararo kareita aikera tah beya ao taipo rava kokamap riya vai.

197
00:12:25,200 --> 00:12:32,860
Aro bombiam-a keropi yah kepitoro veka va naputuputu o va bererenki narei yah narai.

198
00:12:32,860 --> 00:12:40,860
Keropi kiorepapiya konoi yah taim-a koririva naiy tah beya ao taipo rava kokamap riya vai.

199
00:12:40,860 --> 00:12:41,720
Yake,

200
00:12:41,720 --> 00:12:44,120
ruru kerovoru yah chirai veka,

201
00:12:44,120 --> 00:12:45,380
“Bia emo,

202
00:12:45,380 --> 00:12:47,960
ya god raꞌa vaire.”

203
00:12:47,960 --> 00:12:52,360
Meꞌri kora kwiniaka kakuke ri boꞌo ve kekepi emo,

204
00:12:52,360 --> 00:12:55,820
emo meꞌri ya bia biꞌiy raꞌa vo ailan vemona,

205
00:12:55,820 --> 00:12:58,060
awoꞌo ya Cha Publius.

206
00:12:58,060 --> 00:12:59,260
Bia emo,

207
00:12:59,260 --> 00:13:06,380
kako memi kenomi kekemi oꞌro ya konoi kuiniari umo 3-pla tah pasin neman-a karao romi.

208
00:13:06,380 --> 00:13:12,640
Kope aka ya Cha Publius ah reka iꞌim-a koraka tah aꞌa kaverevere.

209
00:13:12,640 --> 00:13:16,020
Yah Cha Pol kanoi are vora nayaraka,

210
00:13:16,020 --> 00:13:22,420
yah beten-a karao rova yah eno kareretaka yah karao kaneman varu.

211
00:13:22,420 --> 00:13:25,320
Taim Cha Pol ao vemona karao,

212
00:13:25,320 --> 00:13:35,140
aro bombiam koka ah va koraiy kekepi ailan vemona kekape piya Cha Pol tah karao keneman varu.

213
00:13:35,140 --> 00:13:40,280
Pasin neman-a kepao pomi rore ao neman maramaraꞌa.

214
00:13:40,280 --> 00:13:44,380
Yah kope taim kemao nememeiy yah nenomi,

215
00:13:44,380 --> 00:13:47,200
ao prumo voro kerebaun rem ero,

216
00:13:47,200 --> 00:13:48,800
kepimi.