1
00:00:05,000 --> 00:00:07,720
Na di satu du,

2
00:00:07,720 --> 00:00:10,760
di dalanmi salu di galla gudmasal,

3
00:00:10,760 --> 00:00:13,640
nun libun fasak smitong gami.

4
00:00:13,640 --> 00:00:14,600
Lmoos kenen,

5
00:00:14,600 --> 00:00:19,020
taman nun gnaganan tmulen ku dét i fan mkel.

6
00:00:19,020 --> 00:00:24,360
Ta too ti bong filak gwè i dad amun mdà di gnaganan.

7
00:00:24,360 --> 00:00:25,600
Na i libun ayé,

8
00:00:25,600 --> 00:00:27,640
tnadolan ale Pol,

9
00:00:27,640 --> 00:00:28,720
na mkit,

10
00:00:28,720 --> 00:00:29,560
manan,

11
00:00:29,560 --> 00:00:31,920
“I dad lagi ani,

12
00:00:31,920 --> 00:00:35,520
fasak ale i Too Mdatah Dwata,

13
00:00:35,520 --> 00:00:39,640
na yé tulenla gamu i dalan kagalwà.”

14
00:00:39,640 --> 00:00:41,560
Na too dee dulêan mimò ani,

15
00:00:41,560 --> 00:00:43,960
na kanto tmakas Pol,

16
00:00:43,960 --> 00:00:45,920
ta blaling di kenen,

17
00:00:45,920 --> 00:00:48,160
manan di loosan,

18
00:00:48,160 --> 00:00:50,360
“Di dagit Dyisas Krayst,

19
00:00:50,360 --> 00:00:52,080
lamwà ge di kenen.”

20
00:00:52,080 --> 00:00:53,760
Na di kmanan ayé,

21
00:00:53,760 --> 00:00:55,680
ta tnagak loosan.

22
00:00:55,680 --> 00:01:02,200
Na kanto gadè i dad amun na ta landè kibòla gamwè filak fagu di kenen,

23
00:01:02,200 --> 00:01:04,720
ta kanfèla ale Pol na Silas,

24
00:01:04,720 --> 00:01:08,840
na dyolla ale salu di gumukum i dad ganlal.

25
00:01:08,840 --> 00:01:13,080
Na kanto ale kel di dad mdatah mukum mdà di Roma,

26
00:01:13,080 --> 00:01:15,840
ta man dad amu i libun ayé,

27
00:01:15,840 --> 00:01:17,160
“Dyu i dad lagi ani,

28
00:01:17,160 --> 00:01:20,240
na too ale smamuk di syudadto,

29
00:01:20,240 --> 00:01:21,360
du i tdòla,

30
00:01:21,360 --> 00:01:23,800
là fakay di gito uldin.

31
00:01:23,800 --> 00:01:24,880
Taman,

32
00:01:24,880 --> 00:01:26,920
gito dad to mdà di Roma,

33
00:01:26,920 --> 00:01:30,160
là fakayto dnawat na nimen i dale tdò.”

34
00:01:30,160 --> 00:01:32,580
Na i dad to stifun déé,

35
00:01:32,580 --> 00:01:36,680
ta lê ale magin falbut di dale Pol na Silas.

36
00:01:36,680 --> 00:01:40,940
Knasê na nlus i dad to mukum i klaweh ale Pol,

37
00:01:40,940 --> 00:01:43,200
na klola fafas dale.

38
00:01:43,200 --> 00:01:45,920
Na di kafngela mfas dale,

39
00:01:45,920 --> 00:01:48,200
ta fablanggùla ale,

40
00:01:48,200 --> 00:01:56,160
na yé flau i dad mukum di to mantay di blanggù toon fan-gat i blanggù na fansyen mantay dale.

41
00:01:56,160 --> 00:01:57,400
Taman,

42
00:01:57,400 --> 00:02:03,280
déé gumkahla dale di snifil blanggù di toon gumgat,

43
00:02:03,280 --> 00:02:06,040
na fnantungla i dad blìla.

44
00:02:06,040 --> 00:02:08,080
Keng ta tngà butang,

45
00:02:08,080 --> 00:02:13,040
dmasal ale Pol na Silas na lmingag dmayen di Dwata,

46
00:02:13,040 --> 00:02:16,120
na flinge i dademe dad to blanggù.

47
00:02:16,120 --> 00:02:18,160
Na tadè kel i bong linol,

48
00:02:18,160 --> 00:02:20,080
na msayug i blanggù,

49
00:02:20,080 --> 00:02:22,160
na ta mgukà i dad takab,

50
00:02:22,160 --> 00:02:26,880
na tadè mkah i dad sangkalì ikat i dad to blanggù.

51
00:02:26,880 --> 00:02:29,600
Na ta mukat i to mantay,

52
00:02:29,600 --> 00:02:34,240
na kanton teen na ta mgukà i dad takab,

53
00:02:34,240 --> 00:02:36,840
yé man nawan ku ta milah i dad to blanggù,

54
00:02:36,840 --> 00:02:37,640
taman,

55
00:02:37,640 --> 00:02:41,920
ta nsòan i sundangan du fanan fnati i kton.

56
00:02:41,920 --> 00:02:43,760
Bay faltê Pol,

57
00:02:43,760 --> 00:02:44,080
manan,

58
00:02:44,080 --> 00:02:46,320
“Nangam fnati i ktom.

59
00:02:46,320 --> 00:02:47,720
Sana kdinimi.”

60
00:02:47,720 --> 00:02:49,160
Na kafnge ayé,

61
00:02:49,160 --> 00:02:51,480
ta fwè salò i to mantay,

62
00:02:51,480 --> 00:02:53,840
na fabaltik kenen fusuk.

63
00:02:53,840 --> 00:02:58,880
Lkuad kenen kankal di saféd ale Pol na Silas.

64
00:02:58,880 --> 00:03:01,200
Na neben ale Pol na Silas lamwà,

65
00:03:01,200 --> 00:03:02,720
na snalekan ale,

66
00:03:02,720 --> 00:03:03,720
manan,

67
00:03:03,720 --> 00:03:04,820
“Sér,

68
00:03:04,820 --> 00:03:09,000
dét i fye nimògu du fye galwà agu di dad salàgu?”

69
00:03:09,000 --> 00:03:10,600
Na tmimel ale Pol,

70
00:03:10,600 --> 00:03:11,600
manla,

71
00:03:11,600 --> 00:03:13,360
“Ftoo ge di ku Dyisas,

72
00:03:13,360 --> 00:03:14,000
i Amu,

73
00:03:14,000 --> 00:03:15,180
du fye galwà ge,

74
00:03:15,180 --> 00:03:16,960
na salngad ayé i familyam.”

75
00:03:16,960 --> 00:03:18,700
Na kafnge ayé,

76
00:03:18,700 --> 00:03:26,000
ta tamdò ale Pol i Tnalù Dwata di lagi ayé kel di kdee dad to di lam gumnèan.

77
00:03:26,000 --> 00:03:28,080
Na di lam kifuh ayé,

78
00:03:28,080 --> 00:03:32,160
ta nalob to mantay dad seey ale Pol na Silas,

79
00:03:32,160 --> 00:03:36,600
na gasil kenen fbunyag magin i familyan.

80
00:03:36,600 --> 00:03:38,200
Na kafnge ayé,

81
00:03:38,200 --> 00:03:41,360
ta neben fusuk ale Pol di gumnèan,

82
00:03:41,360 --> 00:03:43,560
na fankaanan ale,

83
00:03:43,560 --> 00:03:49,800
na too ti lehew kenen na i familyan du ta ftoo kenen di Dwata.

84
00:03:49,800 --> 00:03:51,600
Na kanto flafus,

85
00:03:51,600 --> 00:03:53,260
i dad to mukum,

86
00:03:53,260 --> 00:03:58,600
dekla i dademe dad mdatah pulis salu di to mantay di blanggù,

87
00:03:58,600 --> 00:03:59,920
manla dun,

88
00:03:59,920 --> 00:04:02,540
“Falwàam dad to blanggù ayé.”

89
00:04:02,540 --> 00:04:06,160
Na ta fgadè i to mantay di dale Pol na Silas,

90
00:04:06,160 --> 00:04:07,300
manan,

91
00:04:07,300 --> 00:04:09,040
“Yé man i dad to mukum,

92
00:04:09,040 --> 00:04:10,560
falwàta gamu kun.

93
00:04:10,560 --> 00:04:11,320
Taman,

94
00:04:11,320 --> 00:04:12,080
mdà gamu.

95
00:04:12,080 --> 00:04:14,560
I kafye Dwata magin gamu.”

96
00:04:14,560 --> 00:04:17,180
Bay man Pol di dad mdatah pulis,

97
00:04:17,180 --> 00:04:21,400
“Ta fafasla gami di kanfe i dad to balù ku landè salàmi.

98
00:04:21,400 --> 00:04:23,060
Na lêla gami fablanggù,

99
00:04:23,060 --> 00:04:25,720
na blaam gami dad to glam di Roma.

100
00:04:25,720 --> 00:04:28,760
Na yé kayèla ku bunila i kafalwàla gami.

101
00:04:28,760 --> 00:04:30,160
Là fakay ayé.

102
00:04:30,160 --> 00:04:33,080
Silang gami lamwà ku dale salu dini,

103
00:04:33,080 --> 00:04:34,320
na falwàla gami.”

104
00:04:34,320 --> 00:04:39,680
Na ta tugad dad mdatah pulis i man Pol di dad to mukum.

105
00:04:39,680 --> 00:04:45,120
Na kanto gadè i dad to mukum na glam ale Pol na Silas di Roma,

106
00:04:45,120 --> 00:04:47,020
ta too ale likò.

107
00:04:47,020 --> 00:04:53,600
Na ta gatù i dad to mukum di blanggù du mni fasinsya di dale Pol,

108
00:04:53,600 --> 00:04:55,600
na nebela ale lamwà,

109
00:04:55,600 --> 00:04:57,340
na fakdo di dale,

110
00:04:57,340 --> 00:04:58,640
manla,

111
00:04:58,640 --> 00:05:01,260
“Beg gamu lamwà di syudad ani.”

112
00:05:01,260 --> 00:05:05,000
Na ta lamwà Pol na Silas di blanggù,

113
00:05:05,000 --> 00:05:07,740
na lê ale samfulê di gumnè Lidya,

114
00:05:07,740 --> 00:05:10,400
na lnabatla i dad to ftoo déé,

115
00:05:10,400 --> 00:05:12,720
na tan-galla i nawala.

116
00:05:12,720 --> 00:05:14,480
Na kafnge ayé,

117
00:05:14,480 --> 00:05:16,680
ta lê ale mdà.