\id PHP Cakchiquel Sur Occidental files 1989
\h FILIPENSES
\toc1 Re carta re xutak-a re apóstol San Pablo chique re hermanos re jecꞌo chupan re tenemit Filipos
\toc2 Filipenses (Flp)
\mt Re carta re xutak-a re apóstol San Pablo chique re hermanos re jecꞌo chupan re tenemit Filipos
\c 1
\s Re nabey tak tzij chin re carta reꞌ
\p
\v 1 Yen Pablo y chibil re hermano Timoteo,\x * \xo 1.1 \xt Hch. 16:1.\x* yoj re yoj rusamajelaꞌ re Jesucristo, nakatak-a re carta reꞌ chiva yex re yix rajcꞌual chic re Dios re yixcꞌo pa tenemit Filipos,\x * \xo 1.1 \xt Hch. 16:12.\x* yex re jun ibanon riqꞌuin re Cristo Jesús,\x * \xo 1.1 \xt 1 Co. 1:2.\x* y chibil chukaꞌ chiva yex re yix-acꞌayon quichin re hermanos, y chiva yex re yix diáconos, re carta reꞌ nakatak-a chiva chiyixnojel yex re yixcꞌo chupan re tenemit Filipos.
\v 2 Y can-ta qꞌuiy utzil xticꞌul chiyixnojel riqꞌuin re Kartaꞌ Dios y re Ajaf Jesucristo, y chukaꞌ re ivánma can-ta otz nunaꞌ roma iniman chic.\x * \xo 1.2 \xt Ro. 1:7, 8.\x*
\s Re Pablo nuban orar pa quiveꞌ re hermanos re jecꞌo pa Filipos
\p
\v 3 Ronojel bey tak yixeꞌka chinucꞌoꞌx, can nintioxij\x * \xo 1.3 \xt Ro. 1:8; Col. 1:3.\x* cha re Dios.
\v 4 Nojel tiempo tak nimban orar, yixinataj, y yinquiꞌcot ivoma yex.
\v 5 Roma neꞌka chinucꞌoꞌx che yex camas yixtaꞌon chin nitzijos re utzulaj chꞌabal chin re Dios\x * \xo 1.5 \xt Fil. 4:15.\x* re nibex evangelio cha. Y can ja re nabey kꞌij tak xinimaj re Jesucristo, ja kꞌij reꞌ tak itzꞌamom-pa che yixtaꞌon y can cꞌa quireꞌ yixtajin chubanic vocame.
\v 6 Re Dios rutzꞌamon jun utzulaj samaj pa tak ivánma. Y yen ntaman che can xtuqꞌuis-va pa rueꞌ y man xtuya-ta can rubanic re samaj reꞌ. Can quire-va xtuban-apo cꞌaja tak xtapon re kꞌij chin re Jesucristo.\x * \xo 1.6 \xt 2 Co. 1:14.\x*
\v 7 Re Dios can nisamaj pa tak ivánma, roma can ibanon utzil chua vovaꞌ pa cárcel,\x * \xo 1.7 \xt Ef. 3:1.\x* yinitaꞌon chutzijosic re utzulaj chꞌabal chin re Dios re nibex evangelio cha y chukaꞌ yinitaꞌon chubixic che re chꞌabal reꞌ can katzij-va. Y can qꞌuiy utzil kacꞌulun riqꞌuin re Dios, y mareꞌ can yixincꞌuan pa vánma.
\v 8 Re Dios can rutaman che camas yixinjoꞌ\x * \xo 1.8 \xt Col. 3:12.\x* chiyixnojel. Can anchaꞌl nijovan re Jesucristo, quireꞌ nimban yen iviqꞌuin.
\v 9 Can nincꞌutuj cha re Dios che can-ta xtuban cha re ivánma che más nijovan, y chukaꞌ xticꞌue-ta más naꞌoj iviqꞌuin.\x * \xo 1.9 \xt Col. 1:9.\x*
\v 10 Jareꞌ re nincꞌutuj cha re Dios, roma ninjoꞌ che nakꞌax pan iveꞌ andex re cꞌo quijkalen. Chin quireꞌ yex can-ta nojel tiempo nicꞌuaj jun cꞌaslen chꞌajchꞌoj\x * \xo 1.10 \xt Ro. 12:1; Ef. 5:10.\x* y manak-ta itzel tak andex nilitaj pan icꞌaslen tak xteꞌka re kꞌij chin re Jesucristo.
\v 11 Y re Jesucristo can xquixrutoꞌ chin che re icꞌaslen can choj xticꞌuaj y nivachin jabal.\x * \xo 1.11 \xt Jn. 15:5.\x* Y quireꞌ re Dios can xtucꞌul\x * \xo 1.11 \xt Ef. 1:12, 14.\x* rukꞌij y xtinimersas rubeꞌ.
\s Re nurayij re Pablo ja che nitzijos re ruchꞌabal re Dios
\p
\v 12 Hermanos, yen ninjoꞌ che yex nitamaj che riqꞌuin re ncꞌalvachin, man tanal-ta rutzijosic re utzulaj chꞌabal chin re Dios. Pa ruqꞌuixel che quireꞌ, xa jecꞌo más vinak re yeꞌcꞌaxan.
\v 13 Conojel re soldados re jecꞌo pa palacio y chukaꞌ conojel re vinak re jecꞌo chupan re tenemit, quicꞌaxan y quitaman chic che yincꞌo preso roma nintzijoj rubeꞌ re Jesucristo.
\v 14 Y bama conojel re hermanos xquiyaꞌ más quichukꞌaꞌ che niquitzijoj re ruchꞌabal re Dios chique re vinak. Roma re hermanos reꞌ xquitzꞌat che re Dios cꞌo viqꞌuin y can man ninxibij-ta-viꞌ chin nintzijoj re ruchꞌabal vovaꞌ re ancheꞌ yincꞌo-va preso. Mareꞌ rejeꞌ man chic niquixibij-ta-quiꞌ y más xquiban confiar-quiꞌ riqꞌuin re Ajaf.
\p
\v 15 Chiquicojol rejeꞌ jecꞌo re itzel niquinaꞌ chua roma re nusamaj ruyiꞌon re Dios, y niquitzijoj rubeꞌ re Jesucristo xaxe chin niquijoꞌ niquicꞌut\x * \xo 1.15 \xt Mt. 23:5.\x* che rejeꞌ chukaꞌ yeꞌtiquir niquiban re samaj. Pero can jecꞌo-va chukaꞌ riqꞌuin ronojel cánma niquiban re samaj.
\v 16 Re itzel niquinaꞌ chua, niquitzijoj chukaꞌ rubeꞌ re Jesucristo, pero xaxe chin niquijoꞌ niquicꞌut che rejeꞌ chukaꞌ yeꞌtiquir niquiban re samaj, xa can man riqꞌuin-ta ronojel cánma niquiban. Xa niquijoꞌ che yen más-ta nikꞌaxo re vánma vovaꞌ ancheꞌ yincꞌo-va preso.
\v 17 Jacꞌa re nicꞌaj chic re riqꞌuin ronojel cánma niquiban re samaj, can yinquito-va, roma quitaman che re Dios yinruyiꞌon vovaꞌ chin ninsekresaj che re utzulaj chꞌabal chin re Dios can katzij-va.
\v 18 Re más nicꞌatzin chua yen, ja che nitzijos rubeꞌ re Cristo Jesús, y man nicꞌatzin-ta che nintamaj vo xa riqꞌuin ronojel cánma niquitzijoj o man quire-ta. Pero tak ja re rubeꞌ re Jesucristo re nitzijos, camas yinquiꞌcot pa vánma. Y re yinquiꞌcot pa vánma, man jun nitiquir nilisan-a.
\p
\v 19 Y yen nimbij che ronojel reꞌ cꞌo otz xtucꞌam-pa chua. Y chukaꞌ can xquinel-a re ancheꞌ yincꞌo-va preso. Ntaman che yex niban orar chuij,\x * \xo 1.19 \xt 2 Co. 1:11.\x* y chukaꞌ yinrutoꞌ re Espíritu Santo\x * \xo 1.19 \xt Ro. 8:9; 1 P. 1:11.\x* re yiꞌon chaka tak xkanimaj re Jesucristo.
\v 20 Can ninrayij-va che ninyaꞌ rukꞌij re Jesucristo, anchaꞌl re nbanom-pa. Man-ta yinqꞌuex,\x * \xo 1.20 \xt Sal. 25:2; 119:80, 116; Is. 45:17; 50:7; 54:4; Ro. 9:33; 2 Co. 7:14.\x* y man-ta ninxibij-viꞌ. Can ninya-ta rukꞌij re Cristo Jesús riqꞌuin re nucꞌaslen o riqꞌuin re nucamic. Jareꞌ re ninrayij yen.
\v 21 Roma chua yen, vo xa cꞌa yincꞌaseꞌ chach re ruchꞌulef, can ja re Cristo Jesús re nucꞌaslen.\x * \xo 1.21 \xt Ga. 2:20.\x* Y xe-ta yincom-a, jareꞌ re nu-ganancia.
\v 22 Vo xa xquincꞌaseꞌ más chach re ruchꞌulef, re samaj re xtimban, can nuban che niqꞌuiy más re samaj chin re Dios. Y mareꞌ, yen man yintiquir-ta nimbij vo xa ninjoꞌ yincꞌaseꞌ más chach re ruchꞌulef o vo xa ninjoꞌ yincom, roma che caꞌeꞌ reꞌ otz nuban chua yen.
\v 23 Can man ninvel-ta andex nimban,\x * \xo 1.23 \xt 2 S. 14:14; 1 Cr. 21:13.\x* roma can che caꞌeꞌ otz nuban chua. Can ninrayij che yincom roma yineꞌcꞌueꞌ\x * \xo 1.23 \xt Lc. 2:29, 30; 2 Co. 5:8; 2 Ti. 4:6.\x* riqꞌuin re Cristo Jesús, y chireꞌ más otz xteꞌmbanaꞌ.
\v 24 Pero chukaꞌ ntaman che más nicꞌatzin chiva yex che cꞌa yincꞌueꞌ chach re ruchꞌulef.
\v 25 Y mareꞌ ntaman che cꞌamaje-na xquinel-a chach re ruchꞌulef, xa cꞌa yincꞌueꞌ iviqꞌuin, chin xquixqꞌuiy y xquixquiꞌcot riqꞌuin re icꞌaslen chiyixnojel yex re ibanon confiar-iviꞌ riqꞌuin re Dios.
\v 26 Y quireꞌ, tak xquinitzꞌat che xquinapon chic jun bey iviqꞌuin, can xtiya-va rukꞌij re Cristo Jesús.
\p
\v 27 Y xabandex re xtincꞌalvachij, re rucꞌamon che niban yex ja re ticꞌuaj jun cꞌaslen otz\x * \xo 1.27 \xt Ef. 4:1.\x* roma iniman chic re utzulaj ruchꞌabal re Jesucristo. Vo xa xquinapon iviqꞌuin, o vo xa man xquinapon-ta, xtincꞌaxaj-ta chivij, che can-ta ibanon confiar-iviꞌ\x * \xo 1.27 \xt Fil. 4:1.\x* riqꞌuin re Jesucristo, che xa jun-ta ivach ibanon, y che man-ta iyiꞌon kꞌij cha re enseñanza re man katzij-ta. Can-ta itaꞌon-iviꞌ chin itzekelben re utzulaj chꞌabal chin re Dios re iniman.
\v 28 Y man tixibij-iviꞌ\x * \xo 1.28 \xt Is. 41:10; Mt. 10:28.\x* chiquivach re yeꞌtzelan ivichin. Y vo xa quireꞌ xtiban, xtikꞌalajin che re yeꞌtzelan ivichin pa kꞌakꞌ xqueꞌbeka-va. Y xtikꞌalajin che yex xixcolotaj-yan. Y ronojel reꞌ, ja re Dios re xtibano.
\v 29 Yex man xe-ta yiꞌon kꞌij chiva chin ninimaj re Jesucristo, xa can yiꞌon chukaꞌ kꞌij chiva chin che nikꞌasaj tijoj-pokonal\x * \xo 1.29 \xt Mt. 5:12; Hch. 5:41.\x* rutzij rejaꞌ.
\v 30 Can junan cꞌa ibanon viqꞌuin yen. Yex xitzꞌat tak xincꞌueꞌ iviqꞌuin, qꞌuiy tijoj-pokonal xinkꞌasaj rutzij re Jesucristo. Y vocame titamaj che cꞌa cꞌo tijoj-pokonal ninkꞌasaj.\x * \xo 1.30 \xt Hch. 16:19-24.\x*
\c 2
\s Tibanaꞌ che manak ikꞌij anchaꞌl xuban re Jesucristo, astapaꞌ rejaꞌ cꞌo rukꞌij y ru-poder
\p
\v 1 Y yen can ntaman che re Jesucristo can rucukuban icꞌoꞌx, yixquiꞌcot roma rejaꞌ yixrajoꞌ, y re ru-Espíritu cꞌo iviqꞌuin,\x * \xo 2.1 \xt 2 Co. 13:14.\x* nijo-iviꞌ, nijoyovaj ivach yex mismo,
\v 2 mareꞌ nimbij chiva che junan ivach tibanaꞌ,\x * \xo 2.2 \xt 1 P. 3:8.\x* y nojel tiempo quixjovan. Y ronojel re niban junan tibanaꞌ y riqꞌuin ronojel ivánma tibanaꞌ. Vo xa quireꞌ xtiban, más xquinquiꞌcot\x * \xo 2.2 \xt Jn. 3:29.\x* ivoma yex.
\v 3 Ronojel re niban, man chin-ta che cꞌo ikꞌij ninaꞌ\x * \xo 2.3 \xt Stg. 3:14.\x* o chin-ta che cꞌo jun andex nijoꞌ. Xa tibanaꞌ che manak ikꞌij,\x * \xo 2.3 \xt 1 P. 5:5.\x* xa tiyaꞌ quikꞌij re nicꞌaj chic.\x * \xo 2.3 \xt 1 Co. 10:24.\x* 
\v 4 Man xe-ta re ndoc chiva yex re tinojij, xa tinojij re ndoc chique re nicꞌaj chic.
\p
\v 5 Tibanaꞌ\x * \xo 2.5 \xt Jn. 13:15.\x* anchaꞌl xuban re Cristo Jesús.
\v 6 Rejaꞌ can Dios-va,\x * \xo 2.6 \xt Is. 9:6; Jn. 1:1, 2; 5:18.\x* pero man roma-ta reꞌ xcꞌue-ta can chilaꞌ chicaj riqꞌuin re Dios. Rejaꞌ xuyaꞌ can ronojel reꞌ.
\v 7 Man xupokonaj-ta xuyaꞌ can re rukꞌij, y xbalax-ka chach re ruchꞌulef, xoc anchaꞌl yoj re yoj vinak,\x * \xo 2.7 \xt Jn. 1:14.\x* y xsamaj anchaꞌl jun samajel.\x * \xo 2.7 \xt Is. 42:1.\x* 
\v 8 Rejaꞌ xoc vinak anchaꞌl yoj y man xuban-ta che cꞌo rukꞌij. Can xunimaj y xuban ronojel re xubij re Dios cha, y rejaꞌ quireꞌ xuban cꞌa jampaꞌ xapon chach re camic, re camic xukꞌasabej cho cruz.\x * \xo 2.8 \xt He. 12:2.\x* 
\v 9 Y mareꞌ re Dios rubanon cha che cꞌo rukꞌij y ru-poder chilaꞌ chicaj.\x * \xo 2.9 \xt Mt. 28:18.\x* Y man jun chic re cꞌo-ta más rukꞌij y ru-poder que chach rejaꞌ.\x * \xo 2.9 \xt Ef. 1:21.\x* 
\v 10 Re Dios can nrajoꞌ che conojel queꞌxuqueꞌ\x * \xo 2.10 \xt Ef. 3:14.\x* tak niquicꞌaxaj re rubeꞌ re Jesús. Re jecꞌo chilaꞌ chicaj, re jecꞌo chach re ruchꞌulef,\x * \xo 2.10 \xt Ap. 5:3, 13.\x* y chukaꞌ re je quiminak chic-a.
\v 11 Y conojel tiquibij che re Jesucristo jareꞌ re Ajaf.\x * \xo 2.11 \xt Jn. 13:13; Ro. 14:9.\x* Y riqꞌuin re quireꞌ xtiquibij, xtiquiyaꞌ rukꞌij re Kartaꞌ Dios.
\s Yoj re kaniman chic re Dios, yoj-aconak sakil chach re ruchꞌulef
\p
\v 12 Mareꞌ, yex re camas yixinjoꞌ, nimbij chiva che nojel tiempo tinimaj rutzij re Dios\x * \xo 2.12 \xt He. 4:11.\x* anchaꞌl ibanom-pa. Tak xincꞌueꞌ iviqꞌuin, quireꞌ xiban. Y quireꞌ chukaꞌ tibanaꞌ vocame, astapaꞌ man yincꞌo-ta iviqꞌuin. Can nojel tiempo titijaꞌ ikꞌij niban quireꞌ, chin che katzij yixcolotaj jumul chach re imac. Can tixibij-iviꞌ yixmacun chach re Dios.
\v 13 Re Dios nisamaj pa tak ivánma, y nuban chiva che nirayij\x * \xo 2.13 \xt He. 13:21.\x* niban re nika chach rejaꞌ. Y chukaꞌ nuyaꞌ ivuchukꞌaꞌ\x * \xo 2.13 \xt 2 Co. 3:5.\x* chin yixtiquir niban.
\p
\v 14 Y ronojel re niban, can riqꞌuin ronojel ivánma tibanaꞌ, y chukaꞌ man tisujuj-iviꞌ, y man tiban ayoval.
\v 15 Can tikꞌalajin che re icꞌaslen can otz-va y man-ta jun itzel andex nilitaj chivij.\x * \xo 2.15 \xt Fil. 1:10.\x* Tikꞌalajin che yix rajcꞌual re Dios y che man jun itzel cosa cꞌo pan icꞌaslen, astapaꞌ yixcꞌo chach re ruchꞌulef chiquicojol vinak re man choj-ta quicꞌaslen re jeꞌsatzanak riqꞌuin re niquinojij. Ja yex re yixyiꞌo sakil\x * \xo 2.15 \xt Mt. 5:14.\x* pa quicꞌaslen re vinak reꞌ.
\v 16 Y nitzijoj re chꞌabal chin cꞌaslen chique. Y yen ninjoꞌ che ivoma yex, re vánma xtiquiꞌcot-ta chupan re kꞌij tak xtipa chic re Jesucristo, roma xtikꞌalajin che cꞌo xcꞌatzin-va re samaj ximban iviqꞌuin.
\v 17 Can ninkꞌasaj tijoj-pokonal roma re ruchꞌabal re Dios re nintzijoj, y yex can xijach re icꞌaslen cha re Dios roma re samaj reꞌ y mareꞌ yen camas yinquiꞌcot. Y astapaꞌ yinquimisas\x * \xo 2.17 \xt 2 Ti. 4:6.\x* roma re samaj nimban, can jabal yinquiꞌcot iviqꞌuin roma yex can xinimaj re xintzijoj chiva.
\v 18 Y quireꞌ chukaꞌ yex, tiquiꞌcot re ivánma viqꞌuin.
\s Re Pablo nrajoꞌ yeꞌrutak re Timoteo y re Epafrodito pa Filipos
\p
\v 19 Vo xa jareꞌ nrajoꞌ re Ajaf Jesús, re hermano Timoteo\x * \xo 2.19 \xt 1 Ts. 3:2.\x* xtapon-yan iviqꞌuin. Xtintak-a chin yixeꞌrutzꞌetaꞌ andex ibanon y cꞌareꞌ nubij chua chin quireꞌ can xquinquiꞌcot.
\v 20 Y man jun chic re cꞌo viqꞌuin vovaꞌ re can junan-ta nakanojij riqꞌuin anchaꞌl re Timoteo, y katzij-ta nuban preocupar-riꞌ chivij.
\v 21 Re nicꞌaj chic re jecꞌo viqꞌuin, xaxe re nika\x * \xo 2.21 \xt 2 Ti. 3:2.\x* chiquivach rejeꞌ xaxe chij reꞌ niquiban-va preocupar-quiꞌ, y man niquinojij-ta andex re nicꞌatzin chin niquiban pa rusamaj re Cristo Jesús.
\v 22 Jacꞌa re hermano Timoteo nucꞌut che camas otz. Y yex chukaꞌ itaman che quireꞌ. Itaman che rejaꞌ aconak anchaꞌl vajcꞌual,\x * \xo 2.22 \xt 1 Co. 4:17; 1 Ti. 1:2; 2 Ti. 1:2.\x* y samajenak viqꞌuin chin katzijon re utzulaj chꞌabal chin re Dios re nibex evangelio cha.
\v 23 Y yen xaxe chic nyaben jampaꞌ xtiban rubiyal pa palacio, vo xa xquinel-a libre o vo xa cꞌo jun andex quinojin niquiban chua. Y tak xkꞌalajin-yan ronojel reꞌ, nintak-a re Timoteo iviqꞌuin, quireꞌ re ninojin yen.
\v 24 Y can nbanon confiar-viꞌ riqꞌuin re Ajaf, che xtuban chua yen che chaꞌnin xquintiquir xquinapon iviqꞌuin.
\p
\v 25 Man riqꞌuin reꞌ, yen xinojij che re hermano Epafrodito\x * \xo 2.25 \xt Fil. 4:18.\x* nitzolaj-yan iviqꞌuin. Rejaꞌ xitak-pa viqꞌuin chin xubanalaꞌ utzil chua.\x * \xo 2.25 \xt 2 Co. 11:9.\x* Can kachibil-va-kiꞌ riqꞌuin chin katijon kakꞌij pa rusamaj re Dios.
\v 26 Re Epafrodito camas nrajoꞌ yixrutzꞌat-yan, roma rutaman che yex xicꞌaxaj che xyavaj.
\v 27 Y katzij che rejaꞌ camas xyavaj y bama xcom. Jacꞌa re Dios xujoyovaj rach y xujoyovaj chukaꞌ noch yen. Roma xe-ta xcom re Epafrodito, cꞌo-ta chic jun bis más xpa viqꞌuin, roma camas qꞌuiy kꞌaxomal jecꞌo chic pa vánma.
\v 28 Mareꞌ can xinojij che nitzolaj-yan iviqꞌuin, chin niquiꞌcot re ivánma tak xtitzꞌat. Y tak cꞌo chic iviqꞌuin, ya manak chic nu-pena.
\v 29 Can ticꞌuluꞌ riqꞌuin ronojel ivánma, roma quireꞌ re rucꞌamon che niban cha, roma can runiman chukaꞌ re Ajaf. Can tiyaꞌ\x * \xo 2.29 \xt 1 Ts. 5:12; 1 Ti. 5:17.\x* quikꞌij re hermanos re je anchaꞌl chukaꞌ rejaꞌ.
\v 30 Re hermano Epafrodito bama xcom roma re rusamaj re Cristo. Yex xitak-pa chin xubanalaꞌ utzil chua,\x * \xo 2.30 \xt Fil. 4:10.\x* y rejaꞌ bama xcom chubanic re samaj.
\c 3
\s Xaxe roma re Jesucristo tak jun vinak man jun rumac ndel chach re Dios
\p
\v 1 Hermanos, nimbij-a chukaꞌ chiva che tiquiꞌcot\x * \xo 3.1 \xt Fil. 4:4; 1 Ts. 5:16.\x* re ivánma riqꞌuin re Ajaf. Y chua yen man samaj-ta chin nincamaluj-a rubixic re ximbij-yan jun bey chiva, roma can nicꞌatzin chiva.
\v 2 Can tibanaꞌ tichajij-iviꞌ chiquivach re vinak re niquiban anchaꞌl je tzꞌeꞌ,\x * \xo 3.2 \xt Is. 56:10, 11.\x* vinak re niquibij che je rusamajelaꞌ re Dios y xa ja re itzel tak banabal re niquiban, rejeꞌ niquibij chin che nicolotaj jun vinak chach re mac, nicꞌatzin che niban re circuncisión\x * \xo 3.2 \xt Ro. 2:28; Ga. 5:2.\x* cha.
\v 3 Pero yoj kataman che manak tukꞌaj niban re circuncisión chaka chin yojcolotaj chach re kamac. Yoj man rutzij-ta re circuncisión y nicꞌaj chic cosas qui tak reꞌ yojcolotaj chach re kamac. Yoj xa yojquiꞌcot roma xkanimaj-yan re Cristo Jesús. Y chukaꞌ cꞌo chic re Espíritu Santo\x * \xo 3.3 \xt Ro. 7:6; Ef. 6:18.\x* pa tak kánma, re yojrutoꞌ chuyiꞌic rukꞌij re Dios. Y mareꞌ chach re Dios ja yoj re banon re katzij circuncisión chaka.\x * \xo 3.3 \xt Dt. 10:16; Jer. 4:4.\x* 
\v 4 Pero man roma-ta che cꞌo cosas otz kabanalon pa kacꞌaslen, mareꞌ yojcolotaj chach re kamac, xe-ta xa ja quireꞌ yen yincolotaj-ta chukaꞌ. Roma re nucꞌaslen yen más otz que chach re quicꞌaslen re nicꞌaj chic re yeꞌbin che yeꞌcolotaj roma otz re quicꞌaslen.
\v 5 Roma yen jun semana quinalax-va tak xban re circuncisión chua. Yen chukaꞌ yin israelita rey-rumam can re Benjamín. Yen y re nte-nataꞌ yoj hebreos roma yoj rey-rumam can re Abraham. Xinoc jun fariseo,\x * \xo 3.5 \xt Hch. 23:6.\x* y re ndoc fariseo jareꞌ re más nutaj rukꞌij nuban re nubij re ley chin re Moisés.
\v 6 Can riqꞌuin ronojel vánma xintzekelbej re niquinimaj re nuvinak israelitas, roma can riqꞌuin ronojel itzel nunaꞌoj ximban chique re quiniman re Jesucristo che xquitaj pokan,\x * \xo 3.6 \xt Hch. 8:3; Ga. 1:13.\x* roma xinojij che quireꞌ nrajoꞌ re Dios che nimban. Xinojij che choj re nucꞌaslen, roma can xintaj nukꞌij xeꞌmban re nubij re ley chin re Moisés.
\v 7 Roma chinoch yen camas rajkalen re quireꞌ nimban. Pero xapon re kꞌij tak xkꞌax pa nueꞌ che riqꞌuin re quireꞌ nimban, man yintiquir-ta yincolotaj chach re numac y mareꞌ xinyaꞌ can, chin xinimaj re Cristo Jesús.
\v 8 Ronojel re xeꞌmban y re xeꞌnimaj xeꞌnyaꞌ can, roma man ximban-ta chic confiar-viꞌ quiqꞌuin. Xa can man jun chic cꞌa quijkalen chinoch yen, roma xintamaj rach re Vajaf Cristo Jesús.\x * \xo 3.8 \xt Jn. 17:3.\x* Roma re Cristo Jesús xinyaꞌ can ronojel. Xeꞌntorij can anchaꞌl niban cha re kꞌayis. Quireꞌ ximban roma ninjoꞌ che re Jesucristo can ndoc-va vichin.
\v 9 Quireꞌ ximban roma can ninjoꞌ che jun nimban riqꞌuin rejaꞌ. Ninjoꞌ che manak-ta numac ndel chach re Dios. Man nimban-ta chic confiar-viꞌ riqꞌuin re ley chin re Moisés. Ntaman che man yintiquir-ta nimban cumplir ronojel re nubij chupan re ley reꞌ. Vocame xinimaj re Jesucristo, y mareꞌ re Dios xuban chua che man jun numac\x * \xo 3.9 \xt Ro. 1:17; 10:3; Ga. 2:16.\x* ndel chach rejaꞌ. Y quireꞌ nuban chique conojel re yeꞌniman re Cristo Jesús.
\v 10 Can ninjo-va nintamaj jabal rach re Jesucristo y nisamaj-ta re ru-poder re Dios pa nucꞌaslen yen, can anchaꞌl re poder tak xucꞌasoj re Jesucristo chiquicojol re anamaꞌiꞌ. Ninjoꞌ nintaj pokan rutzij re Dios, can anchaꞌl re tijoj-pokonal xukꞌasaj re Jesucristo.\x * \xo 3.10 \xt Mt. 20:23; 1 P. 4:13.\x* Ninjoꞌ nincꞌut che yen can anchaꞌl xa xincom riqꞌuin re Jesucristo cho cruz. Y jareꞌ ninjoꞌ nimban.
\v 11 Can nintaj nukꞌij, roma tak xquincom ninjoꞌ yincꞌastaj-a\x * \xo 3.11 \xt Lc. 20:35; Hch. 26:7.\x* chiquicojol re anamaꞌiꞌ y yineꞌcꞌueꞌ chilaꞌ chicaj riqꞌuin re Dios.
\p
\v 12 Yen man nimbij-ta che can vilon chic ronojel re cꞌo riqꞌuin re Jesucristo. Man nimbij-ta chukaꞌ che can-ta tzꞌakat chic re nucꞌaslen. Xa cꞌaja nintaj nukꞌij\x * \xo 3.12 \xt 1 Ti. 6:12.\x* chin yeꞌoc vichin ronojel re jecꞌo riqꞌuin re Cristo Jesús, jareꞌ re xrajoꞌ chua tak yen xinoc richin rejaꞌ.\x * \xo 3.12 \xt He. 12:23.\x* 
\v 13 Hermanos, man nimbij-ta che je vichin chic ronojel re jecꞌo riqꞌuin re Jesucristo, pero nintaj nukꞌij chij ronojel reꞌ.\x * \xo 3.13 \xt Fil. 2:12.\x* Xaxe chic reꞌ ninojij y man nicꞌatzin-ta chic ninataj re xeꞌkꞌax-yan.
\v 14 Can nintaj-apo nukꞌij chij re jecꞌo-apo chinoch, roma ninjoꞌ che can ndoc vichin re utzulaj premio.\x * \xo 3.14 \xt 2 Ti. 4:7, 8; He. 12:1.\x* Re Dios xinrayoj chin yimba chilaꞌ chicaj,\x * \xo 3.14 \xt He. 3:1.\x* y nincꞌul re utzulaj premio, roma xa jun nbanon riqꞌuin re Cristo Jesús.
\p
\v 15 Ronojel re ximbij chiva, quire-ta re nakanojij konojel re kabanon chic confiar-kiꞌ\x * \xo 3.15 \xt Ga. 5:10.\x* riqꞌuin re Dios. Pero tak cꞌo andex re man pa rubiyal-ta nakanojij, re Dios xtusekresaj chakavach.\x * \xo 3.15 \xt 1 Co. 2:6; 14:20.\x* 
\v 16 Pero ja-ta ronojel re kataman chic che nika chach re Dios, jareꞌ re takabanaꞌ. Y can junan-ta re bey re nakacꞌuaj konojel.
\p
\v 17 Hermanos, tibanaꞌ\x * \xo 3.17 \xt Sal. 37:37.\x* re anchaꞌl nitzꞌat viqꞌuin yen, y tibanaꞌ re nitzꞌat quiqꞌuin re nicꞌaj chic, re can niquiban chukaꞌ re anchaꞌl nimban yen y re je vichibil.
\v 18 Roma je qꞌuiy re yeꞌtzelan\x * \xo 3.18 \xt Fil. 1:15, 16.\x* chin re Jesucristo y man niquinimaj-ta che xaxe roma rejaꞌ xcom cho cruz cꞌo modo yojcolotaj chach re kamac. Jareꞌ re jeꞌmbin-a chiva qꞌuiy bey, y vocame can riqꞌuin okꞌej yeꞌnataj chic-a chiva.
\v 19 Y pa ruqꞌuisibal, rejeꞌ pa kꞌakꞌ\x * \xo 3.19 \xt 2 Co. 11:15.\x* cꞌa xqueꞌbeka-va, roma chukaꞌ xaxe re andex niquitaj, xaxe reꞌ re camas niquinojij. Camas itzel re quicꞌaslen quicꞌuan y man yeꞌqꞌuex-ta. Chiquivach rejeꞌ camas otz re niquiban. Can binak\x * \xo 3.19 \xt Ro. 8:5.\x* cánma chij re andex chin re ruchꞌulef.
\v 20 Jacꞌa yoj can yoj richin chic chilaꞌ chicaj.\x * \xo 3.20 \xt Col. 3:1, 3.\x* Y chilaꞌ cꞌo-va re Ajaf Jesucristo re xticola kachin jumul chach re mac, y xaxe chic kayaben re kꞌij tak xtipa\x * \xo 3.20 \xt 1 Co. 1:7; 1 Ts. 1:10; 2 Ti. 4:8; Tit. 2:13.\x* chakacꞌamic.
\v 21 Re ka-cuerpo re kacꞌuan vocame cꞌayef rubanon, pero rejaꞌ xtujal-a\x * \xo 3.21 \xt Sal. 17:15; Mt. 17:2; 1 Co. 15:43; Col. 3:4; 1 Jn. 3:2.\x* y xtuyaꞌ chic jun ka-cuerpo cꞌacꞌa y xkojoc anchaꞌl rejaꞌ re camas rukꞌij. Quireꞌ xtuban kaqꞌuin roma camas nem re poder\x * \xo 3.21 \xt Mt. 28:10.\x* cꞌo riqꞌuin, y ja poder reꞌ re nucusaj che pa rukꞌaꞌ rejaꞌ nicꞌue-va ronojel.
\c 4
\s Can tiquiꞌcot re ivánma nojel tiempo riqꞌuin re Ajaf
\p
\v 1 Mareꞌ hermanos, can cof quixcꞌueꞌ riqꞌuin re Ajaf Jesucristo. Yen camas yixinjoꞌ y ninrayij chukaꞌ che nakatzꞌat-ta chic-kiꞌ jun bey. Ivoma yex camas yinquiꞌcot,\x * \xo 4.1 \xt 2 Co. 1:14; 1 Ts. 2:19.\x* roma riqꞌuin re icꞌaslen nikꞌalajin che cꞌo xuban re samaj re ximban chiꞌicojol, can jacꞌa yex re rajal-ruqꞌuixel re nusamaj.
\p
\v 2 Nincꞌutuj utzil chique re hermanas Evodia y re Síntique che junan quivach tiquibanaꞌ,\x * \xo 4.2 \xt Fil. 2:2.\x* roma quiniman chic re Ajaf.
\v 3 Y rat samajel junan viqꞌuin yen, re yatcꞌo chupan re samaj chin re Dios, nincꞌutuj utzil chava chin caꞌtoꞌ re je caꞌeꞌ hermanas reꞌ, chin junan quivach niquiban, roma quitijon quikꞌij chukaꞌ chupan re rusamaj re Dios, can xeꞌoc-va vichibil chin chutzijosic re utzulaj chꞌabal chin re Dios. Junan xeꞌsamaj viqꞌuin\x * \xo 4.3 \xt Ro. 16:3.\x* y chibil re hermano Clemente y nicꞌaj chic hermanos. Cꞌo chic re quibeꞌ chilaꞌ chicaj, tzꞌiban\x * \xo 4.3 \xt Dn. 12:1.\x* chic chupan re libro chin cꞌaslen.
\p
\v 4 Nojel tiempo tiquiꞌcot\x * \xo 4.4 \xt Fil. 3:1.\x* re ivánma riqꞌuin re Kajaf, can nojel tiempo tiquiꞌcot re ivánma,
\v 5 y otz inaꞌoj tibanaꞌ quiqꞌuin conojel vinak. Can titzꞌet che quireꞌ niban, roma quireꞌ nrajoꞌ re Ajaf chaka. Y rejaꞌ xa can nakaj chic cꞌo-va che nipa.\x * \xo 4.5 \xt He. 10:25; Stg. 5:8, 9.\x* 
\p
\v 6 Man tibaꞌ ivánma chij xabanchique cosa, xa tiyaꞌ\x * \xo 4.6 \xt Sal. 55:22; Pr. 16:3.\x* pa rukꞌaꞌ re Dios y ticꞌutuj cha re ndoc chiva y chukaꞌ man timistaj yixtioxin.
\v 7 Vo xa quireꞌ xtiban, re Dios xtuban cha re ivánma che otz xtunaꞌ.\x * \xo 4.7 \xt Nm. 6:26; Job 22:21; Is. 26:3; Jn. 14:27; Ga. 5:22; Col. 3:15.\x* Vo xa quireꞌ xtunaꞌ re ivánma, can xquixrutoꞌ chin che man xquixmacun-ta y chin che man niya-ta pa cuenta re andex re man pa rubiyal-ta yeꞌnojij. Quireꞌ xtuban chiva roma jun ibanon riqꞌuin re Cristo Jesús. Y tak re ivánma camas otz cꞌo, can man xtakꞌax-ta pan iveꞌ re andex che samaj nuban roma camas nem.
\s Re rucꞌamon che nakanojij y nakaban
\p
\v 8 Hermanos, pa ruqꞌuisibal ninjoꞌ nimbij-a chiva, re rucꞌamon che ninojij y niban, ja re katzij, re otz chin che yeꞌban respetar y cꞌo rukꞌij, re choj, re chꞌajchꞌoj, re jabal chꞌoꞌl, y re otz nitzꞌet. Ronojel re can je otz-va, y ronojel re can otz che niyaꞌ rukꞌij, jareꞌ tinojij y tibanaꞌ.
\p
\v 9 Y re xitamaj, re xicꞌul, re xicꞌaxaj y re xitzꞌat viqꞌuin,\x * \xo 4.9 \xt Fil. 3:17.\x* jareꞌ re tibanaꞌ. Y re Dios re nibano chiva che re ivánma otz nunaꞌ,\x * \xo 4.9 \xt Ro. 15:33.\x* can xticꞌue-va iviqꞌuin.
\s Re ofrenda re xquitak-a re hermanos aj-Filipos cha re Pablo
\p
\v 10 Camas niquiꞌcot vánma y nintioxij cha re Ajaf ivoma yex. Cꞌo-yan chic baꞌ tiempo, man jun andex itakom-pa chua chin yinitoꞌ, xa cꞌaja xininataj chic-pa.\x * \xo 4.10 \xt 2 Co. 11:9.\x* Y reꞌ man roma-ta che xinimistaj-yan, xa roma man yixtiquirnak-ta.
\v 11 Y reꞌ man nimbij-ta roma cꞌo nu-necesidad. Roma yen xa xucꞌuluj-yan chua vo xa cꞌo nincusaj o vo xa manak nincusaj.\x * \xo 4.11 \xt 1 Ti. 6:6; He. 13:5.\x* 
\v 12 Vo xa manak nincusaj, ntaman yinakꞌax y ntaman yinakꞌax vo xa cꞌo qꞌuiy viqꞌuin chin nincusaj. Xucꞌuluj-yan voma y yinquiꞌcot riqꞌuin re andex ninvel, vo xa ninvel qꞌuiy nuay o vo xa manak, vo xa cꞌo qꞌuiy viqꞌuin o xa cꞌa cꞌo ninjoꞌ.\x * \xo 4.12 \xt 1 Co. 4:11; 2 Co. 11:7, 27.\x* 
\v 13 Can ja re Jesucristo\x * \xo 4.13 \xt Jn. 15:5; 2 Co. 12:9.\x* niyiꞌo vuchukꞌaꞌ chin yintiquir nimban ronojel.
\v 14 Man riqꞌuin reꞌ re ximbij, yex can otz-va re xiban che xijoyovaj-pa noch\x * \xo 4.14 \xt Fil. 1:7.\x* roma cꞌayef nbanon.
\p
\v 15 Yen ninojij che yex re yixcꞌo pa tenemit Filipos cꞌa neꞌka chiꞌcꞌoꞌx tak yen xintzꞌuc-pa rutzijosic re utzulaj chꞌabal chin re Dios chiva. Y tak xinel-a chireꞌ iviqꞌuin pa Macedonia, yex xitak-a ofrenda chua. Y re nicꞌaj chic hermanos re jecꞌo pa nicꞌaj chic tenemit man xinquinataj-ta.
\v 16 Can cꞌa yincꞌo pa tenemit Tesalónica tak jareꞌ xintzꞌam rucꞌulic ofrenda ivichin yex. Man xe-ta jun bey xincꞌul tak xincꞌueꞌ chireꞌ.
\v 17 Y roma xininataj-pa, can niquiꞌcot-va re vánma, pero man roma-ta re xitak-pa chua. Re vánma niquiꞌcot roma ntaman che re ofrenda reꞌ cꞌo rajal-ruqꞌuixel nucꞌam-pa chiva yex.\x * \xo 4.17 \xt Jn. 15:8, 16.\x* 
\v 18 Vocame ronojel chic cꞌo viqꞌuin, riqꞌuin re xitak-pa chij re hermano Epafrodito chin che xuyaꞌ chua.\x * \xo 4.18 \xt Fil. 2:25.\x* Can man jun chic xtinjoꞌ, roma qꞌuiy xincꞌul. Re ofrenda reꞌ can nika-va chach re Dios,\x * \xo 4.18 \xt 2 Co. 9:12; He. 13:16.\x* y yojtiquir nakabij che can cha re Dios xiya-va, y rejaꞌ xucꞌul.
\v 19 Re ka-Dios re cꞌo rukꞌij y camas rubiyomal, xtuyaꞌ\x * \xo 4.19 \xt Sal. 23:1; Pr. 8:21; 2 Co. 9:8.\x* cꞌa ronojel re xtoc chiva roma jun ibanon riqꞌuin re Cristo Jesús.
\v 20 Re Kartaꞌ Dios can cꞌo rukꞌij chin nojel tiempo.\x * \xo 4.20 \xt Ro. 16:27.\x* Amén.
\s Ja ruqꞌuisibal tak chꞌabal cha re carta reꞌ
\p
\v 21 Y tiyaꞌ ruxnokil-quivach conojel re je rajcꞌual chic re Dios re jun quibanon chukaꞌ riqꞌuin re Jesucristo. Y chukaꞌ re hermanos re jecꞌo viqꞌuin niquitak-a ruxnokil-ivach.\x * \xo 4.21 \xt Ga. 1:2.\x* 
\v 22 Quireꞌ chukaꞌ re je rajcꞌual chic re Dios re je rusamajelaꞌ re César niquitak-a ruxnokil-ivach.\x * \xo 4.22 \xt Fil. 1:13.\x* Y chukaꞌ conojel re je rajcꞌual chic re Dios re jecꞌo vovaꞌ pa Roma.
\p
\v 23 Y can-ta qꞌuiy utzil xticꞌul chiyixnojel riqꞌuin re Kajaf Jesucristo.\x * \xo 4.23 \xt Ro. 16:20.\x* Amén.