\id 2TI Cakchiquel Sur Occidental files 1989
\h 2 TIMOTEO
\toc1 Re rucaꞌn carta re xutak-a re apóstol San Pablo cha re Timoteo
\toc2 2 Timoteo (2 Ti)
\mt Re rucaꞌn carta re xutak-a re apóstol San Pablo cha re Timoteo
\c 1
\s Re nabey tak tzij chin re carta reꞌ
\p
\v 1 Yen Pablo, ru-apóstol re Jesucristo roma jareꞌ re nurayij re Dios. Rejaꞌ xinruchaꞌ chin nintzijoj re nusuj chique re vinak. Y reꞌ ja re cꞌaslen\x * \xo 1.1 \xt Jn. 5:24, 39, 40; 6:40, 54; 10:28; 17:3; Ro. 5:21; Tit. 1:2.\x* re nuyaꞌ chique re vinak re xa jun quibanon riqꞌuin re Cristo Jesús.
\v 2 Y nintak-a re carta reꞌ chava rat Timoteo, re yat anchaꞌl nucꞌajol\x * \xo 1.2 \xt 1 Co. 4:17; 1 Ti. 1:2.\x* y camas yatinjoꞌ. Y can-ta qꞌuiy utzil xtacꞌul y nijoyovax-ta avach roma re Kartaꞌ Dios y re Kajaf Jesucristo, y chukaꞌ re avánma can-ta otz nunaꞌ roma animan chic.
\s Takatzijoj re Jesucristo
\p
\v 3 Yen nojel tiempo nimban orar pan aveꞌ, che pakꞌij che chakꞌaꞌ. Y chukaꞌ nintioxij cha re Dios avoma rat. Yen nintioxij cha re Dios, re Dios re nimban rusamaj riqꞌuin jun vánma otz,\x * \xo 1.3 \xt Hch. 23:2.\x* anchaꞌl xquiban re kavinak yoj re yoj israelitas re xeꞌcꞌueꞌ ajuer can.
\v 4 Y nimbij chukaꞌ chava rat Timoteo che camas yateꞌka chinucꞌoꞌx che xatokꞌ chuij tak xinel-pa aviqꞌuin. Y ninjoꞌ yinapon chic jun bey aviqꞌuin chin quireꞌ niquiꞌcot chic jun bey re vánma.
\v 5 Y chukaꞌ yateꞌka chinucꞌoꞌx che can abanon-va confiar-aviꞌ riqꞌuin re Dios, anchaꞌl re xquiban re avateꞌt Loida y re ateꞌ\x * \xo 1.5 \xt Hch. 16:1.\x* Eunice. Rejeꞌ can quibanon confiar-quiꞌ riqꞌuin re Dios. Y yen ntaman che rat chukaꞌ can abanon confiar-aviꞌ riqꞌuin re Dios. Pero ja re avateꞌt y re ateꞌ xquiban confiar-quiꞌ nabey.
\p
\v 6 Y mareꞌ nimbij chava che tayaꞌ avánma chubanic re samaj re yiꞌon chava roma re Dios. Roma ja re Dios re xbano chava che yatiquir naban re samaj reꞌ,\x * \xo 1.6 \xt 1 Ti. 4:14.\x* y jareꞌ re xacꞌul tak xinyaꞌ re nukꞌaꞌ pan aveꞌ.
\v 7 Y re Espíritu re ruyiꞌon re Dios chaka yoj re kaniman chic rejaꞌ, man nuban-ta chaka che nakaxibij-kiꞌ.\x * \xo 1.7 \xt Ro. 8:15.\x* Xa can nuyaꞌ kachukꞌaꞌ,\x * \xo 1.7 \xt Lc. 24:49.\x* y nuban chaka che yojovan y man nakaya-ta kꞌij cha re mac.
\v 8 Man caqꞌuex natzijoj re ruchꞌabal re Kajaf.\x * \xo 1.8 \xt Mr. 8:38; Ro. 1:16.\x* Y man caqꞌuex chukaꞌ nabij che ataman noch yen, roma yincꞌo pa cárcel roma nintzijoj rubeꞌ rejaꞌ. Y man tapokonaj nakꞌasaj tijoj-pokonal roma natzijoj re utzulaj chꞌabal chin re Dios re nibex evangelio cha. Xa can tacochꞌoꞌ ronojel, riqꞌuin re poder re yiꞌon chava roma re Dios.
\v 9 Re Dios xojrucol chupan re kamac, y xojrayoj chin nakacꞌuaj jun utzulaj cꞌaslen.\x * \xo 1.9 \xt Ef. 1:4; 1 Ts. 4:7.\x* Y ronojel re xuban man roma-ta che yoj cꞌo cosas otz jeꞌkabanalon.\x * \xo 1.9 \xt Tit. 3:5.\x* Xa roma camas xojrajoꞌ, y roma chukaꞌ quireꞌ runojin chakij.\x * \xo 1.9 \xt Ro. 8:28.\x* Ajuer tak cꞌamaje-na ticꞌueꞌ re ruchꞌulef, re Dios xunojij-yan che nutak-pa re Jesucristo chin nuyaꞌ re utzil chaka.\x * \xo 1.9 \xt 1 P. 1:20.\x*
\v 10 Y vocame xbeka-yan re Jesucristo re nicola kachin chach re kamac. Rejaꞌ xulisaj re ru-poder re camic.\x * \xo 1.10 \xt 1 Co. 15:54, 55; He. 2:14.\x* Rejaꞌ xusekresaj chakavach re utzulaj chꞌabal chin re Dios, y riqꞌuin reꞌ xusekresaj chakavach re cꞌaslen re man niqꞌuis-ta, y xojrulisaj chukaꞌ pa rukꞌaꞌ re camic chin jumul.
\p
\v 11 Re Dios xinruchaꞌ yen chin xinoc apóstol y chin ninyaꞌ rutzijol re utzulaj chꞌabal reꞌ chique re vinak re man je israelitas-ta,\x * \xo 1.11 \xt 1 Ti. 2:7.\x* y chukaꞌ chin yeꞌntijoj.
\v 12 Y mareꞌ ninkꞌasaj re tijoj-pokonal reꞌ.\x * \xo 1.12 \xt 2 Ti. 2:9.\x* Pero man yinqꞌuex-ta. Roma can ntaman-va re anchique niniman y can nbanon confiar-viꞌ riqꞌuin, che nuchajij re vánma re njachon pa rukꞌaꞌ. Y ntaman che can quireꞌ xtuban viqꞌuin, cꞌaja tak xtapon re kꞌij tak xtipa chic jun bey rejaꞌ.
\p
\v 13 Y rat Timoteo, nimbij chava che can anchaꞌl re otz tak enseñanzas re ncꞌutun chavach, can quireꞌ chukaꞌ tacꞌutuꞌ chiquivach re nicꞌaj chic.\x * \xo 1.13 \xt Tit. 1:9.\x* Y chukaꞌ nimbij chava che can tabanaꞌ confiar-aviꞌ riqꞌuin re Jesucristo y cajovan, y xcatiquir xtaban quireꞌ roma xa jun abanon riqꞌuin rejaꞌ.
\v 14 Xa tachajij re samaj yiꞌon chava roma re Dios. Y ja re Espíritu Santo re cꞌo pa tak kánma\x * \xo 1.14 \xt 1 Co. 3:16.\x* re xtitaꞌo avichin.
\p
\v 15 Rat ataman che bama conojel re hermanos re jecꞌo pa tak tenemit chin re Asia, yinquiyiꞌon chic can. Anchaꞌl re Figelo y re Hermógenes.
\v 16 Pero re hermano Onesíforo man quire-ta xuban. Ja-ta cꞌa re Ajaf xtijoyovan quivach re jecꞌo pa rachoch, roma rejaꞌ man xqꞌuex-ta chin xinoꞌrtzꞌetaꞌ vovaꞌ re ancheꞌ yincꞌo-va preso, y qꞌuiy bey xubanalaꞌ utzil chua.
\v 17 Y tak re hermano Onesíforo xbeka vovaꞌ pa tenemit Roma, xinrucanoj y cꞌa churunaj xinruvel.
\v 18 Y rat jabal ataman chukaꞌ che rejaꞌ camas xojrutoꞌ tak xojcꞌueꞌ aviqꞌuin pa tenemit Efeso. Y re Ajaf can-ta xtujoyovaj rach\x * \xo 1.18 \xt Mt. 5:7.\x* chupan re kꞌij tak xtipa chic jun bey re Jesucristo.
\c 2
\s Jun utzulaj samajel chin re Jesucristo
\p
\v 1 Nimbij chava rat Timoteo re yat anchaꞌl nucꞌajol: Can ticꞌueꞌ cꞌa avuchukꞌaꞌ\x * \xo 2.1 \xt Ef. 6:10.\x* riqꞌuin re utzil re nacꞌul, roma jun abanon riqꞌuin re Cristo Jesús.
\v 2 Re enseñanza re xincꞌut chavach chiquivach je qꞌuiy hermanos, can ja chukaꞌ reꞌ tacꞌutuꞌ chiquivach re nicꞌaj chic achiꞌaꞌ re can yeꞌtiquir niquicꞌut jabal, y chukaꞌ can cꞌo a-confianza quiqꞌuin che can xtiquiban-va re rusamaj re Dios.
\p
\v 3 Y man tapokonaj nataj pokan roma naban re samaj re nrajoꞌ re Jesucristo. Xa tacochꞌoꞌ ronojel,\x * \xo 2.3 \xt 2 Ti. 4:5.\x* anchaꞌl nuban jun utzulaj soldado.\x * \xo 2.3 \xt 1 Ti. 1:18.\x* 
\v 4 Y man camas tanojij re cosas chin re ruchꞌulef. Xa tabanaꞌ anchaꞌl nuban jun soldado tak cꞌo pa cuartel, man jun cosa chin re charachoch nunojij, roma tiene que nicꞌueꞌ chireꞌ chin nuban re andex bin cha roma re acꞌayon richin.
\v 5 Y rat pa rubiyal tabanaꞌ re rusamaj re Dios. Can anchaꞌl nuban jun re natzꞌan,\x * \xo 2.5 \xt 1 Co. 9:25.\x* vo xa man choj-ta natzꞌan, man nichꞌacon-ta.
\v 6 Can riqꞌuin ronojel avánma tabanaꞌ re rusamaj re Dios. Anchaꞌl nuban jun re nisamaj pa kꞌayis, rejaꞌ yeꞌrubanalaꞌ ticoꞌn, roma rutaman che chireꞌ nipo-va re ruay.
\v 7 Tanojij cꞌa jabal ronojel reꞌ, y re Ajaf xtuban chava che xtakꞌax pan aveꞌ jabal.
\p
\v 8 Nojel tiempo teꞌka chaꞌcꞌoꞌx che re Jesucristo xcom y xcꞌastaj-pa. Rejaꞌ rey-rumam can re Rey David\x * \xo 2.8 \xt Ro. 1:3, 4.\x* re xcꞌueꞌ ajuer can. Y jareꞌ nimbij tak nintzijoj re utzulaj chꞌabal chin re Dios re nibex evangelio cha.
\v 9 Y roma nintzijoj re utzulaj chꞌabal chin re Dios, nintaj pokan. Yen yinximon pa cárcel y xban chua anchaꞌl jun itzel ache. Pero re ruchꞌabal re Dios man ximil-ta.\x * \xo 2.9 \xt 2 Ti. 4:17.\x* 
\v 10 Y coma re vinak re jeꞌchaꞌon roma re Dios che yeꞌcolotaj, mareꞌ tak yen nincochꞌ ronojel tijoj-pokonal.\x * \xo 2.10 \xt 2 Co. 1:6.\x* Chin quireꞌ yeꞌcolotaj chach re quimac roma re Jesucristo. Rejeꞌ xqueꞌba chilaꞌ chicaj y xticꞌueꞌ quikꞌij chin jumul.
\p
\v 11 Can katzij-va re nimbij chava:
\q Che yoj re kaniman re Jesucristo yoj quiminak chic riqꞌuin rejaꞌ, y mareꞌ tak xkavel-yan kacꞌaslen, roma rejaꞌ cꞌo rucꞌaslen.\x * \xo 2.11 \xt Ro. 6:5-8; 2 Co. 4:10.\x* 
\q
\v 12 Vo xa xtakacochꞌ re tijoj-pokonal roma kaniman rejaꞌ, xtapon re kꞌij tak junan xtakaban gobernar riqꞌuin rejaꞌ.
\q Y vo xa xtakapokonaj xtakabij che yoj richin rejaꞌ, chukaꞌ rejaꞌ xtubij che man yoj richin-ta.\x * \xo 2.12 \xt Mt. 10:33; Lc. 12:9.\x* 
\q
\v 13 Y yoj astapaꞌ nakajalalaꞌ re tzij yeꞌkabilaꞌ, pero rejaꞌ man quire-ta nuban. Rejaꞌ can nuban-va re nubij.
\q Roma rejaꞌ can man nujal-ta re rutzij.\x * \xo 2.13 \xt Nm. 23:19.\x* 
\s Tatijaꞌ akꞌij chin yatoc jun utzulaj samajel chach re Dios
\p
\v 14 Mareꞌ tanataj ronojel reꞌ chique re hermanos. Y tabij chique chukaꞌ pa rubeꞌ re Ajaf Dios che man tiquitzꞌam-quiꞌ che tzij chij re enseñanzas re xa man jun quijkalen, roma xa man jun cosa otz nucꞌam-pa chique.\x * \xo 2.14 \xt 1 Ti. 1:4.\x* Y re yeꞌcꞌaxan xa nuyoj quinaꞌoj.
\v 15 Can tatijaꞌ akꞌij chin che yatoc jun utzulaj samajel chach re Dios, y man jun anchique roma yaqꞌuex, roma pa rubiyal natzijoj re katzij ruchꞌabal re Dios.
\v 16 Y man caꞌyaꞌ pa cuenta tzij re man riqꞌuin-ta re Dios jeꞌpitinak-va, re xa je richin re ruchꞌulef y man jun otz niquicꞌam-pa chava.\x * \xo 2.16 \xt 1 Ti. 6:20.\x* Roma re vinak re nika chiquivach re tzij qui tak reꞌ, xa más niquinim-quiꞌ chupan re itzel tak banabal.
\v 17 Y riqꞌuin re yeꞌquicꞌut, nucꞌux re cánma re vinak, can anchaꞌl nuban re itzel yabil rubiniꞌan cáncer. Quireꞌ xquicꞌalvachij re Himeneo y re Fileto.
\v 18 Rejeꞌ xquijechꞌaj-yan can-quiꞌ riqꞌuin re katzij chꞌabal, roma niquibij che xeꞌcꞌastaj-yan-a re anamaꞌiꞌ, y xa man quire-ta. Y quitzij rejeꞌ jecꞌo re man chic niquiban-ta confiar-quiꞌ riqꞌuin re Dios.
\v 19 Jacꞌa yoj re kabanon confiar-kiꞌ riqꞌuin re Dios, rejaꞌ rubanon chaka anchaꞌl jun jay re otz ru-cimiento. Y pa rueꞌ re cimiento reꞌ tzꞌiban can che re Ajaf rutaman quivach\x * \xo 2.19 \xt Nah. 1:7.\x* re je richin chic rejaꞌ. Y chukaꞌ tzꞌiban chireꞌ, che conojel re quiniman re Ajaf, tiquiyaꞌ can ronojel re etzelal chin re ruchꞌulef.
\p
\v 20 Chupan jun nema-jay qꞌuiy cosas jecꞌo. Jecꞌo cosas re jeꞌbanalon cha kꞌanapuak, jecꞌo cosas re jeꞌbanalon cha sakapuak, jecꞌo re jeꞌbanalon cha cheꞌ y jecꞌo re jeꞌbanalon cha ulef. Jecꞌo re más otz y cꞌaja tak yeꞌoc cꞌajareꞌ yeꞌbelisas-pa chin yeꞌcusas, y cꞌo re nojel tiempo yeꞌcusas.
\v 21 Y vo xa yoj xtakayaꞌ can ronojel re etzelal, chꞌajchꞌoj re kacꞌaslen y yojoc anchaꞌl re cosas re cꞌaja tak ndoc, cꞌajareꞌ neꞌlisas-pa, y yojoc cha chin nakaban ronojel rach utzulaj samaj.
\p
\v 22 Y roma re cꞌa je cꞌajolaꞌ y re cꞌa je kꞌapojiꞌ qꞌuiy itzel tak rayibal cꞌo quiqꞌuin, tajichꞌaj-a-aviꞌ chach re quibanabal qui tak reꞌ. Xa tacꞌuaj re cꞌaslen choj. Can tabanaꞌ confiar-aviꞌ riqꞌuin re Dios. Cajovan.\x * \xo 2.22 \xt 1 Ti. 6:11.\x* Y tabanaꞌ che junan avach quiqꞌuin re nicꞌaj chic re chꞌajchꞌoj cánma yeꞌchꞌo riqꞌuin re Ajaf.
\v 23 Man cꞌa tayaꞌ pa cuenta re tzij re man jun rajkalen, y man jun otz nucꞌam-pa chava,\x * \xo 2.23 \xt 1 Ti. 1:4.\x* roma ja tzij quireꞌ re yeꞌcꞌamo-pa ayoval.
\v 24 Roma jun rusamajel re Ajaf Dios\x * \xo 2.24 \xt 1 Ti. 3:2, 3; Tit. 1:9.\x* anchaꞌl rat, man rucꞌamon-ta che naban ayoval. Nicꞌatzin che otz naban quiqꞌuin conojel. Y nicꞌatzin chukaꞌ che yaꞌtijoj otz re hermanos, y chukaꞌ che yacochꞌon.
\v 25 Y riqꞌuin jun avánma chꞌoꞌl tabij chique re vinak re man junan-ta niquinojij chij re ruchꞌabal re Dios, che tiquijalaꞌ re niquinojij. Riqꞌuin baꞌ re Dios xtuban chique re vinak reꞌ, che can xtiquitamaj-va re katzij ruchꞌabal y xtijalataj quicꞌaslen chach.
\v 26 Y riqꞌuin reꞌ xqueꞌcolotaj pa rukꞌaꞌ re itzel. Roma vocame can jecꞌo-va pa rukꞌaꞌ, y rejaꞌ xabanchique nrajoꞌ nuban chique.
\c 3
\s Re xtiquiban re vinak chupan re ruqꞌuisibal tak kꞌij chin re ruchꞌulef
\p
\v 1 Chukaꞌ nimbij chava che man tamistaj che chupan re ruqꞌuisibal tak kꞌij chin re ruchꞌulef xtoꞌrbanaꞌ más cꞌayef chique re vinak.\x * \xo 3.1 \xt Jud. 18.\x* 
\v 2 Roma chupan re tiempo reꞌ je qꞌuiy chique re vinak xa quion rejeꞌ xtiquijo-ka-quiꞌ y man xqueꞌbeka-ta chiquicꞌoꞌx re nicꞌaj chic vinak. Can xtiba cánma chij re mero. Xa camas quikꞌij xtiquinaꞌ. Y can quion rejeꞌ xtiquiya-ka quikꞌij. Y camas xqueꞌquiyokꞌ re nicꞌaj chic vinak. Man xtiquinimaj-ta quitzij re quite-quirtaꞌ.\x * \xo 3.2 \xt Ro. 1:30.\x* Man xqueꞌtioxin-ta. Qꞌuiy etzelal xticꞌueꞌ pa tak quicꞌaslen.
\v 3 Rejeꞌ man xtiquijoyovaj-ta quivach re nicꞌaj chic vinak, y chukaꞌ man xtiquicuy-ta quimac. Xa itzel chukaꞌ xqueꞌchꞌo chiquij. Roma camas re etzelal cꞌo pa tak cánma, y can xtakꞌax rueꞌ re etzelal re xtiquiban chique re vinak. Can xtiquitzelaj-va re otz.
\v 4 Y re mismo quichibil-quiꞌ xtiquisujula-ka-quiꞌ. Y can man baꞌ xtiquinojij che man jun cosa otz nucꞌam-pa chique re niquiban. Xa camas quikꞌij xtiquinaꞌ. Más xtiquijoꞌ niquiban re cosas chin re ruchꞌulef re nibano chique che yeꞌquiꞌcot, que chach re cosas chin re Dios.
\v 5 Rejeꞌ xtiquibij che quiniman chic re Dios,\x * \xo 3.5 \xt Is. 29:13; Ez. 33:30-32.\x* pero xa man xtiquiya-ta kꞌij cha re Dios che nujal re quicꞌaslen.
\p Man cꞌa queꞌoc avchibil re vinak quireꞌ yeꞌbano.
\v 6 Roma chiquicojol rejeꞌ yeꞌpo-va re yeꞌba chiꞌ tak jay y mana-ta rubixic niquiban cha re ruchꞌabal re Dios. Y ja re ixokiꞌ re je nacanak re yeꞌka pa quikꞌaꞌ. Ixokiꞌ re niquinaꞌ che camas quimac y can niquiban ronojel re niquirayij.
\v 7 Rejeꞌ can nojel tiempo niquitijoj-quiꞌ riqꞌuin cꞌacꞌa tak naꞌoj, y man jun bey xtiquitamaj-ta re katzij chꞌabal.\x * \xo 3.7 \xt 1 Ti. 2:4.\x* 
\v 8 Y can anchaꞌl xquiban re je caꞌeꞌ aj-itz\x * \xo 3.8 \xt Ex. 7:11.\x* re xquibiniꞌaj Janes y Jambres re xeꞌcꞌueꞌ ajuer can, y xquitzelaj re xubij re Moisés, can quire-va chukaꞌ niquiban re achiꞌaꞌ re yeꞌba pa tak cachoch re ixokiꞌ, niquitzelaj re katzij chꞌabal. Xa can jalatajnak quinaꞌoj roma re etzelal.\x * \xo 3.8 \xt Ro. 1:28.\x* Niquibij che quiniman chic re Dios, y xa man katzij-ta.
\v 9 Pero chukaꞌ man can-ta xqueꞌnimax, roma chaꞌnin xtiquinabej conojel vinak che rejeꞌ xa je nacanak roma man jun andex otz niquinojij, can anchaꞌl xbanataj quiqꞌuin re je caꞌeꞌ aj-itz re xquibiniꞌaj Janes y re Jambres re xeꞌcꞌueꞌ ajuer can, che rejeꞌ can jabal xkꞌalajin\x * \xo 3.9 \xt Ex. 8:18.\x* che xa je nacanak.
\s Re Pablo nutzijoj cha re Timoteo che re samaj reꞌ can cꞌo-va tijoj-pokonal nucꞌam-pa
\p
\v 10 Jacꞌa rat Timoteo, atzekelben re enseñanza re ncꞌutun chavach.\x * \xo 3.10 \xt 1 Ti. 4:13.\x* Ataman che otz re nucꞌaslen. Ataman che nimban ronojel re chalaben chua roma re Dios. Ataman che can nbanon confiar-viꞌ\x * \xo 3.10 \xt Hch. 11:23; Tit. 2:2.\x* riqꞌuin re Dios, che yincochꞌon, y che yinjovan.
\v 11 Xintzelas,\x * \xo 3.11 \xt Hch. 13:45; 14:2.\x* y cꞌa yintajin chukꞌasasic tijoj-pokonal. Ronojel reꞌ ncochꞌom-pa. Y chukaꞌ ataman ronojel re xban chua chupan re oxeꞌ tenemit, re Antioquía, re Iconio y re Listra. Chireꞌ camas tijoj-pokonal xintaj. Pero chupan ronojel reꞌ re Ajaf can xinrucol-va.\x * \xo 3.11 \xt Sal. 34:19.\x* 
\v 12 Y can katzij-va, conojel re jun quibanon riqꞌuin re Cristo Jesús y niquijoꞌ niquicꞌuaj jun cꞌaslen otz chach re Dios, can xtiquitaj pokan\x * \xo 3.12 \xt Hch. 14:22.\x* pa quikꞌaꞌ re nicꞌaj chic.
\v 13 Jacꞌa re vinak re camas itzel quicꞌaslen quicꞌuan y re vinak camas yeꞌkꞌolon, can kꞌij-kꞌij más xtiquinim-quiꞌ chupan re etzelal. Xqueꞌquikꞌol re vinak, y xqueꞌkꞌolotaj chukaꞌ rejeꞌ.
\p
\v 14 Jacꞌa rat Timoteo, man tayaꞌ can\x * \xo 3.14 \xt 2 Ti. 1:13; 2:2.\x* re utzulaj tak enseñanzas re ataman y abanon confiar-aviꞌ riqꞌuin. Rat jabal ataman re anchok riqꞌuin xatamaj-va re enseñanzas reꞌ.
\v 15 Y cꞌa yat coꞌol cheꞌ, tak xatamaj re tzꞌiban can chupan re lokꞌolaj ruchꞌabal re Dios.\x * \xo 3.15 \xt Sal. 119:11; Jn. 20:31; Ro. 10:17.\x* Y re chꞌabal reꞌ xucꞌut chavach che xanimaj re Cristo Jesús chin xacolotaj chach re amac.
\v 16 Ronojel re tzꞌiban can, ja re Dios biyom-pa.\x * \xo 3.16 \xt He. 3:7; 2 P. 1:20.\x* Y mareꞌ otz che nakacusaj chin nakacꞌut jun enseñanza chiquivach re quiniman chic re Dios y re man quiniman-ta. Otz nakacusaj chin che nikꞌalajin andex che enseñanzas re xa quiqꞌuin achiꞌaꞌ jeꞌpitinak-va. Otz nakacusaj chin nakatzijoj cha jun chic che tujalaꞌ re rucꞌaslen. Y otz chukaꞌ nakacusaj chin nakabij andex rubanic jun cꞌaslen choj.
\v 17 Roma yoj re yoj rusamajelaꞌ\x * \xo 3.17 \xt 1 Ti. 6:11.\x* re Dios ja re ruchꞌabal re nibano chaka che yoj tzꞌakat, y can yojtiquir nakaban ronojel re utzulaj samaj.\x * \xo 3.17 \xt 2 Ti. 2:21.\x* 
\c 4
\s Rat Timoteo nojel tiempo tatzijoj re ruchꞌabal re Dios
\p
\v 1-2 Y chach re Dios\x * \xo 4.1-2 \xt 1 Tim. 5:21.\x* y re Ajaf Jesucristo nimbij chava rat Timoteo che tatzijoj re ruchꞌabal re Dios nojel tiempo, chique re niquijoꞌ niquicꞌaxaj y chukaꞌ chique re man niquijo-ta. Tabij chique\x * \xo 4.1-2 \xt 1 Ti. 4:13; Tit. 1:13.\x* re vinak re quitzekelben jun enseñanza re man katzij-ta, che tiquiyaꞌ can. Tabij chique re quicꞌuan jun itzel cꞌaslen, che tiquijalaꞌ quicꞌaslen. Y chique conojel tabij che nojel tiempo tiquibanaꞌ re otz. Y riqꞌuin ronojel avánma caꞌtijoj conojel, y re avánma camas ticochꞌon. Y ronojel reꞌ nimbij chava roma re Jesucristo xtipa chic jun bey, y can xtikꞌalajin che rejaꞌ can Rey-va, y xtoꞌrbanaꞌ juzgar pa quiveꞌ re cꞌa je cꞌas y pa quiveꞌ chukaꞌ re je quiminak chic-a.
\v 3 Roma xteꞌka re kꞌij tak re vinak man chic xtiquijo-ta xtiquicꞌaxaj re otz tak enseñanzas.\x * \xo 4.3 \xt 1 Ti. 1:10.\x* Xa can xtiba cánma chij re enseñanzas re man je katzij-ta, y xqueꞌquicanolaꞌ re anchique yeꞌtijon quichin cha re enseñanzas re yeꞌquirayij rejeꞌ.
\v 4 Xa man chic xtiquicꞌaxaj-ta re ruchꞌabal re Dios, xe chic re enseñanzas re xa man jun quijkalen\x * \xo 4.4 \xt 1 Ti. 1:6.\x* xqueꞌquicꞌaxalaꞌ.
\v 5 Jacꞌa rat tanojij jabal ronojel re naban. Tacochꞌoꞌ re tijoj-pokonal re nipa chavij. Man cataneꞌ chutzijosic re utzulaj chꞌabal chin re Dios\x * \xo 4.5 \xt Hch. 21:8.\x* re nibex evangelio cha. Tabanaꞌ ronojel re samaj re yiꞌon chava roma re Dios.
\p
\v 6 Roma yen xa can xe chic nyaben re kꞌij che yinquimisas,\x * \xo 4.6 \xt Fil. 2:17.\x* re kꞌij chin yimba\x * \xo 4.6 \xt Fil. 1:23.\x* y ninyaꞌ can re ruchꞌulef. Xa can napon-yan re kꞌij chin yinquimisas.
\v 7 Camas ntijon nukꞌij chubanic re nurayij re Dios, y nbanon ronojel re samaj re yiꞌon chua roma re Dios.\x * \xo 4.7 \xt Hch. 20:24.\x* Man nyiꞌon-ta can re otz chꞌabal re kaniman.\x * \xo 4.7 \xt 1 Ti. 6:12.\x* 
\v 8 Y cꞌo jun premio\x * \xo 4.8 \xt Ap. 2:10.\x* re xtiquicꞌul conojel re quicꞌuan jun cꞌaslen choj. Y ntaman che yen chukaꞌ xtincꞌul re jun premio reꞌ. Ja re Ajaf re utzulaj ka-Juez re xtiyiꞌo re premio reꞌ chupan re kꞌij tak xtipa chic jun bey. Y man xe-ta chua yen xtuya-va re premio reꞌ. Xa can xtuyaꞌ chukaꞌ chique conojel re binak cánma chuyabexic\x * \xo 4.8 \xt Sal. 31:19.\x* re kꞌij tak xtipa chic jun bey rejaꞌ.
\s Re nurayij re Pablo
\p
\v 9 Rat Timoteo, can tatijaꞌ akꞌij yapa viqꞌuin chaꞌnin, chin yinatzꞌetaꞌ.
\v 10 Roma re Demas\x * \xo 4.10 \xt Col. 4:14; Flm. 24.\x* xa xba pa tenemit Tesalónica. Xa xinrumalij can, roma rejaꞌ xa xba ránma\x * \xo 4.10 \xt 1 Jn. 2:15.\x* chij re nusuj re ruchꞌulef. Re hermano Crescente binak pa tak tenemit re jecꞌo pa Galacia. Y re hermano Tito chukaꞌ binak pa tak tenemit re jecꞌo pa Dalmacia.
\v 11 Vocame xa can xe re hermano Lucas re cꞌo can viqꞌuin. Tacꞌama-pa re hermano Marcos\x * \xo 4.11 \xt Hch. 12:25; 15:37; Col. 4:10.\x* tak xcapa, roma rejaꞌ ndoc chua chin yinrutoꞌ.
\v 12 Re hermano Tíquico\x * \xo 4.12 \xt Hch. 20:4.\x* xintak-a pa tenemit Efeso.
\v 13 Tak xcapa, tacꞌama-pa re nukꞌuꞌ re xinyaꞌ can riqꞌuin re hermano Carpo pa tenemit Troas. Y caꞌcꞌama-pa re nu-libros. Pero re más ninjoꞌ che nacꞌam-pa ja re jeꞌbanon riqꞌuin tzꞌum.
\p
\v 14 Re Alejandro\x * \xo 4.14 \xt 1 Ti. 1:20.\x* re herrero, qꞌuiy cꞌa etzelal\x * \xo 4.14 \xt Hch. 19:33.\x* jeꞌrubanalon chua. Y jacꞌa re Ajaf xtiyiꞌo rajal\x * \xo 4.14 \xt 2 S. 3:39; Sal. 28:4.\x* cha, can anchaꞌl re rubanabal.
\v 15 Mareꞌ rat, can tachajij-aviꞌ chach, roma rejaꞌ camas nutzelaj re ruchꞌabal re Dios re nakatzijoj yoj.  
\p
\v 16 Tak xincꞌuax chiquivach re autoridades nabey, man jun xtaꞌo vichin. Pero man ninjo-ta\x * \xo 4.16 \xt Hch. 7:60.\x* che re Dios xtuya-ta ruqꞌuixel chique re man xinquito-ta y xinquiyaꞌ can nayon.
\v 17 Pero re Ajaf xa can xinruto-va.\x * \xo 4.17 \xt Sal. 22:21; 109:31; Mt. 10:19; 2 P. 2:9.\x* Xuyaꞌ vuchukꞌaꞌ y xinrucol-pa chach re camic. Y mareꞌ xintiquir xinqꞌuis ronojel re samaj re yiꞌon chua roma re Dios. Samaj chin nitzijos re ruchꞌabal re Dios chique conojel vinak re man je israelitas-ta.
\v 18 Y yen ntaman che re Ajaf xticola vichin chupan ronojel etzelal. Ntaman che xquinruchajij\x * \xo 4.18 \xt Sal. 121:7.\x* chin xquinrucꞌuaj chilaꞌ chicaj ancheꞌ nuban-va gobernar. Rejaꞌ can-ta xtucꞌul rukꞌij chin nojel tiempo. Amén.
\s Ja ruqꞌuisibal tak chꞌabal cha re carta reꞌ
\p
\v 19 Tayaꞌ ruxnokil-quivach re hermanos Prisca y Aquila,\x * \xo 4.19 \xt Hch. 18:2.\x* y chukaꞌ conojel re jecꞌo pa rachoch re hermano Onesíforo.\x * \xo 4.19 \xt 2 Ti. 1:16.\x* 
\v 20 Re hermano Erasto\x * \xo 4.20 \xt Hch. 19:22.\x* xcꞌueꞌ can pa tenemit Corinto, y re hermano Trófimo\x * \xo 4.20 \xt Hch. 20:4.\x* xinyaꞌ can pa tenemit Mileto roma niyavaj.
\v 21 Y rat Timoteo,\x * \xo 4.21 \xt 2 Ti. 4:9.\x* can tatijaꞌ akꞌij che yapa viqꞌuin tak cꞌamaje-na tapon re tiempo chin tef. Re hermano Eubulo nutak-a ruxnokil-avach. Y chukaꞌ re hermanos Pudente, re Lino, re Claudia, y conojel re hermanos jecꞌo vovaꞌ niquitak-a ruxnokil-avach.
\p
\v 22 Y can ja-ta re Ajaf Jesucristo re xticꞌueꞌ pan avánma rat. Y can-ta qꞌuiy utzil xticꞌul chiyixnojel\x * \xo 4.22 \xt Ga. 6:18.\x* riqꞌuin re Dios. Amén.