1
00:00:05,000 --> 00:00:14,080
Jinqꞌuin u tzupsi u yäleꞌ ni tꞌanda aj Jesús pasi bixi pänteꞌ de u yajcäntꞌanob tuba u chen segui u biji tä Jerusalén.

2
00:00:14,080 --> 00:00:24,260
Jinqꞌuin cꞌoti nätzꞌä tꞌoc ni cajob tä Betfagé y tä Betania bajca an ni tzꞌic u cꞌabaꞌ Olivos, u täsqui pänteꞌ chaꞌtu u yajcäntꞌanob.

3
00:00:24,260 --> 00:00:39,080
U yälbijob caꞌda: ―Cuxla tama ni caj yaꞌan pänteꞌ jiniba. Taꞌ wochela yaꞌi a xe a pojlenla untu chꞌoc burro cächä. Niuntu winic mach bay u chumti. Pꞌänäla y täsenla wida.

4
00:00:39,080 --> 00:00:47,620
Si ajnic machca u cꞌatbenetla cuaꞌ ucꞌa a pꞌäneꞌla, a xe a pꞌalbenla caꞌda: “Cajnojala cꞌänä ucꞌa”.

5
00:00:47,620 --> 00:00:54,180
Machcatac täsquintiba bixijob y u pojlijob caꞌ chich aj Jesús u yälbijob.

6
00:00:54,180 --> 00:01:03,720
Jinqꞌuin muꞌto u pꞌäneꞌob ni chꞌoc burroba, u yumob u yälbijob caꞌda: ―¿Cuaꞌ ucꞌa a pꞌäneꞌla ni chꞌoc burro?

7
00:01:03,720 --> 00:01:08,960
Unejob u pꞌalijob caꞌda: ―Cajnojala cꞌänä ucꞌa.

8
00:01:08,960 --> 00:01:18,980
U täsbijob aj Jesús, y u jeliꞌ sisijob u yäcꞌbijob tu pat ni chꞌoc burro, y u yäcꞌbijob u chumtan aj Jesús.

9
00:01:18,980 --> 00:01:25,420
Bajca u te tä nume aj Jesús ni gente u jäyijob u jeliꞌ sisijob tan bij.

10
00:01:25,420 --> 00:01:45,020
Jinqꞌuin cꞌotijob nätzꞌä tu cheltä ni bij bajca u jaque untu tu pam ni tzꞌic u cꞌabaꞌ Olivos, upete u qꞌueꞌnan u yajcäntꞌan u täqꞌuijob u chꞌaꞌalesan ujinob y u chꞌuꞌul cꞌajtiꞌben u cꞌabaꞌ Dios tꞌoc noj gran tꞌan ucꞌa upete cuaꞌ chichca u chänijob que seqꞌuen Dios u chꞌeꞌ u chenba.

11
00:01:45,020 --> 00:02:01,240
U yälijob caꞌda: ―¡Chꞌuꞌul chere ayan ni reydaba que u täsqui cä Yumla Diosba! Ucꞌa uneba, sisꞌi u cꞌajalinob aj Ajtä tä cielo tꞌoc noꞌonla. Chꞌuꞌul cꞌajtiꞌcac u cꞌabaꞌ Dios.

12
00:02:01,240 --> 00:02:11,480
De yaꞌi yebe aj fariseojob tama u qꞌueꞌnan ni gente u yälbijob caꞌda: ―Maestro, qꞌuejpan a wajcäntꞌanob.

13
00:02:11,480 --> 00:02:20,860
Une u pꞌalbijob caꞌda: ―Cälbenetla que si jindajob chꞌijcäbacobba, ni jiꞌtun mäx seb u xe u chen awätob.

14
00:02:20,860 --> 00:02:26,600
Jinqꞌuin cꞌoti aj Jesús nätzꞌä u chänen ni caj, ucꞌni ucꞌa ni caj jini.

15
00:02:26,600 --> 00:02:47,320
U yäli caꞌda: ―¡Anela tä Jerusalén, mäx coli que a winaꞌtanla bada cacheꞌda u chꞌeꞌ ajnic sis u cꞌajalin Dios tꞌoc anela por noꞌon! Pero mach a tzꞌonäla; jin ucꞌa mach u chꞌä a chen entendela. Es caꞌ a wälä bälbintet a jutla.

16
00:02:47,320 --> 00:03:04,420
U xe tä cꞌote qꞌuinob jinqꞌuin machcatac cäräxtac tꞌoc anela u xe u tzꞌosenob umpꞌe bojteꞌ titiqui caj, u xe u xoymäqueꞌetla y u xe u cänäntanetla junxoyma ucꞌa mach ajnic cada pasiquetla.

17
00:03:04,420 --> 00:03:28,160
A cäjila u xe u laj jinesanob y upete machcatac ayan tama u xe u laj tzämsenob. Niumpꞌe jiꞌtun tama ni caj mach uxin u colesanob tzꞌäjca tu pam u lot. U xe u chenob caꞌ jini ucꞌa anela mach a winaꞌtila caqꞌuin ajni ni Dios caꞌanetla tuba u chꞌämbenet yajinla.