\id 2JN Cakchiquel de Santa Maria de Jesus NT [cki] (Colombia) -2010 bd. 
\h 2 JUAN
\toc1 Ri rucan carta ri xutzibaj ri apóstol San Juan
\toc2 2 Juan (2Jn.)
\mt Ri rucan carta ri xutzibaj ri apóstol San Juan
\ip Ri apóstol Juan xutzibaj va carta va y xutak-el cha jun ixok ri runiman ri Cristo (versículo 1). Ri Juan xratamaj quivach ri ral ri ixok re y xratamaj je chi quiniman ri Dios y rumare xutak-el va carta va (versículo 4). Va carta va nuej ri chica chi caslien niquicuaj ri quiniman chic ri Dios. Nuej chi cof cacujie chupan ri ketzij y ticujie ri amor pa tak cánima. Nuej je chica chi man tiquiya quixiquin chica ri xa man ketzij ta chi i-rusamajiel ri Dios.
\io Ri versículos 1-4, ri Juan nuon saludar ri ixok y ri ru-familia ri choj chica xutzibaj ri carta.
\io Ri versículos 5-11 nuej chirij ri amor y nuej chiquij ri falsos maestros y ri niquicut.
\io Y ri versículos 12-13, ri Juan nuquis ri ru-carta riquin jun saludo.

\c 1
\s Ri saludo
\p
\v 1 Inre Juan, ri anciano chiquicajol ri hermanos, nitzibaj-el va carta va chava atre hermana ri at-chon ruma ri Dios, y chica je ri aval. Can ketzij nquixvajo. Y man joc ta inre ri najon ivichin, xa can nquixcajo je ri nicaj chic ri catan chic ri ketzij.
\v 2 Y ruma co ri ketzij riquin kánima, rumare nquixkajo. Y ri ketzij xticujie kiquin richin nojiel tiempo.
\v 3 Ja ta ri favor, ri misericordia y ri paz ri nuya ri Katata Dios y ri Ajaf Jesucristo ri Rucajuol ri Dios, ticujie riquin ivánima. Can nojiel re xtiyox chiva, ruma iyon ivánima riquin ri ketzij y ruma je can ntivajo-ivi.
\s Quixcujie chupan ri xucut ri Jesucristo
\p
\v 4 Inre altíra xiquicuot antok xanvil nicaj chiquivach ri aval chi quicuan ri ketzij, can inchel nuej ri ru-mandamiento ri Katata Dios chika.
\v 5 Y vacame hermana, nicutuj favor chava chi tabana ri nuej ri Cristo, chi can kajo-ki konojiel. Y ri mandamiento re man cacac ta, xa jare ri en-pa chika antok xkanimaj ri Cristo.\x + \xo v.5 \xt Jn. 13:34; 15:12, 17.\x*
\v 6 Y ri amor cava, chi nakaan inchel nuej ri ru-mandamientos ri Dios. Ruma ri ru-mandamiento nuej chi kajo-ki. Y ixre ivatan chi quire nuej, ruma quire xex chiva antok xinimaj ri Cristo.
\p
\v 7 Iquiy ri ncabano maña i-banak choch-ulief ri ncaen chi antok ri Jesucristo xpa vave choch-ulief, man xuoc ta vinak inchel ojre. Y ri jun ri nien quire chirij ri Jesucristo, jare ri nibano maña y jaja ri anticristo.
\v 8 Pero ixre tibana cuenta-ivi, chi quire man jun xtisach can cha ri rajal ri isamaj ri xtiyox chiva, y can nojiel xtiyox chiva.
\p
\v 9 Chica-na ri ntiel-el chupan ri xucut can ri Cristo, y xa nuya can, xa manak ri Dios riquin. Pero ri man nuya ta can ri xucut ri Cristo, can co ri Katata Dios y ri Rucajuol riquin.
\v 10 Xa co jun xtalka chiivachuoch y man ja ta ri chabal ri xucut ri Cristo ri rucamun-pa chiva, man ticusaj-oc chiivachuoch, ni man jaal tian recibir.
\v 11 Ruma xa xtian recibir jaal, can xtivakaliej je ixre nojiel ri itziel tak kax ri ncaruon ri jun re.
\s Ri Juan nrajo nia quiquin ri hermanos
\p
\v 12 Y co quiy ri nivajo niej chiva. Pero man nivajo ta nitzibaj más chupan va carta va. Ruma can nirayij nquibaka iviquin chi nquitzijuon chiva, chi quire ri kánima can xtiquicuot.
\p
\v 13 Ri i-ral ri avachalal, ri chon je ruma ri Dios, niquitak-el jun saludo chava. Amén.