\id 2TI Kaqchikel, Western [ckw] NT (Colombia) -2011 bd. 
\h 2 TIMOTEO
\toc1 2 Timoteo
\toc2 2 Ti
\mt Ri rucaꞌn wuj ri xutzꞌibaj ri apóstol San Pablo chare ri Timoteo
\ip Yareꞌ ri rucaꞌn wuj ri xutek ri apóstol San Pablo chare ri Timoteo. Ri Pablo nubij chare ri Timoteo chi ma tisach ta rucꞌuꞌx chupan ri tijoj pokonal ri ye oconek pa rucꞌaslen. Nubij cꞌa chare chi tutijaꞌ rukꞌij chi nuben ri nrajoꞌ ri Dios y queriꞌ riyaꞌ can ntoc cꞌa jun utzilaj rusamajel ri Dios. Y nimatioxin chukaꞌ chare ri Dios ruma ri Timoteo can jabel ruchajin rucꞌaslen, can jun utzilaj samajel y cukul chukaꞌ rucꞌuꞌx riqꞌui ri Dios.
\io Chupan ri tanaj 1 y napon cꞌa pa mocaj 13 chare ri tanaj 2, ri Pablo nubij chare ri Timoteo chi tucukubaꞌ rucꞌuꞌx y ma tuxibij ta riꞌ chuwech ri tijoj pokonal ri xquepe pa rucꞌaslen, xa jabel tuchojmirisaj riꞌ riche (rixin) chi ntoc jun utzilaj rusoldado ri Cristo Jesús.
\io Chupan ri tanaj 2 mocaj 14 y napon cꞌa pa mocaj 5 chare ri tanaj 4, ri Pablo nubij chare ri Timoteo chi ma chak tunim ta riꞌ chupan tzij ri xa majun quejkalen, ruma wi queriꞌ xtuben, xa cꞌo oyowal ri xtucꞌom pe chiquicojol. Y nubij chukaꞌ chare chi tuchajij riꞌ y can tutzekelbej ri utzilaj tijonic can achiꞌel ri racꞌaxan pe tek cꞌa coꞌol na.
\io Y chupan ri tanaj 4 mocaj 6 y napon cꞌa pa mocaj 22, ri Pablo nutzijoj chare ri Timoteo ronojel ri achique rucꞌulwachin ruma ri rusamaj ri Dios. Ri Pablo nubij chukaꞌ chi nibison jubaꞌ ruma nikꞌat tzij pa ruwiꞌ cuma ri aj kꞌatbel tak tzij, pero niquicot chukaꞌ ruma retaman chi xa nakaj chic cꞌo wi chi nberutzꞌetaꞌ ruwech ri Dios.
\c 1
\s Ri San Pablo nutek el rutzil ruwech ri Timoteo
\p
\v 1 Riyin ri Pablo, yin ruꞌapóstol ri Jesucristo ruma queriꞌ ri xrajoꞌ ri Dios riche (rixin) chi ntzijoj ri nutzuj (nusuj) chique ri winek. Y riꞌ ya ri cꞌaslen\f + Jn. 5.24, 39, 40; 6.40, 54; 10.28; 17.2; Ro. 5.21; Tit. 1.2.\f* ri nuyaꞌ chique ri winek ri xa jun chic quibanon riqꞌui ri Cristo Jesús.
\v 2 Y ntzꞌibaj cꞌa el re wuj reꞌ chawe riyit Timoteo, ri can yit achiꞌel nucꞌajol\f + 1 Co. 4.17; 1 Ti. 1.2.\f* y sibilaj yatinwajoꞌ. Y ri utzil, ri joyowanic y ri uxlanibel cꞌuꞌx ri nuyaꞌ ri Katataꞌ Dios y ri Kajaf Jesucristo xticꞌojeꞌ ta cꞌa pan awánima.
\s Can nicꞌatzin chi nakꞌalajsaj ri Cristo
\p
\v 3 Riyin ri Pablo, nmatioxij cꞌa chare ri Dios awuma riyit Timoteo, chare ri Dios ri nben ri rusamaj riqꞌui jun chꞌajchꞌojlaj wánima\f + Hch. 23.1.\f* achiꞌel xquiben ri katiꞌt kamamaꞌ ri ojer ca. Y can yanatej cꞌa chuwe y rumariꞌ ma yitaneꞌ ta chi nben orar pan awiꞌ chi pakꞌij chi chakꞌaꞌ.
\v 4 Y nbij chukaꞌ chawe riyit Timoteo chi más yatoka chinucꞌuꞌx chi xinawokꞌej tek xinel pe awuqꞌui. Y can nwajoꞌ yinapon chic jun bey awuqꞌui riche (rixin) chi queriꞌ xtinoj ri wánima riqꞌui quicoten.
\v 5 Y chukaꞌ yatoka chinucꞌuꞌx chi can kitzij acukuban acꞌuꞌx riqꞌui ri Dios, achiꞌel ri xquiben ri awatiꞌt Loida y ri ateꞌ\f + Hch. 16.1.\f* Eunice. Riyeꞌ ri nabey ri xquicukubaꞌ quicꞌuꞌx riqꞌui ri Dios. Y riyin wetaman chi riyit chukaꞌ can kitzij chi acukuban acꞌuꞌx riqꞌui ri Dios.
\p
\v 6 Y rumariꞌ nbij chawe chi ri uchukꞌaꞌ ri xyatej\f + 1 Ti. 4.14.\f* chawe ruma ri Dios tek xinyaꞌ ri nukꞌaꞌ pan awiꞌ, ma tayaꞌ ta kꞌij chi nichuptej ka; xa can tacusaj cꞌa ri uchukꞌaꞌ riꞌ chubanic ri rusamaj ri Dios.
\v 7 Ruma ri Espíritu ri ruyaꞌon ri Dios chake riyoj ri kaniman chic Riyaꞌ, ma riche (rixin) ta chi nikaxibij kiꞌ.\f + Ro. 8.15.\f* Ri Espíritu riꞌ can nuyaꞌ wi kachukꞌaꞌ,\f + Lc. 24.49.\f* y nuben chake chi yekajoꞌ quinojel y nuben chukaꞌ chake chi yojcowin nikakꞌil ka kiꞌ riche (rixin) chi ma nikaben ta ri mac.
\p
\v 8 Rumacꞌariꞌ ma caqꞌuix ta chi nakꞌalajsaj ri ruchꞌabel ri Kajaf.\f + Mr. 8.38; Ro. 1.16.\f* Ni ma caqꞌuix ta chukaꞌ nabij chi awetaman nuwech riyin, astapeꞌ riyin yin yaꞌon pa cárcel ruma ri rubiꞌ Riyaꞌ. Y ma tapokonaj ta nakꞌaxaj tijoj pokonal ruma natzijoj ri lokꞌolaj chꞌabel ri niyaꞌo colotajic. Xa can tacochꞌoꞌ cꞌa ronojel riqꞌui ri uchukꞌaꞌ ri niyaꞌox (nyaꞌ) chawe ruma ri Dios.
\v 9 Ri Dios xojrucol chupan ri kamac, y xojrusiqꞌuij (xojroyoj) riche (rixin) chi nikacꞌuaj jun lokꞌolaj cꞌaslen.\f + Ef. 1.4; 1 Ts. 4.7.\f* Y ronojel reꞌ xuben, ma ruma ta chi cꞌo utz ri kabanon riyoj,\f + Tit. 3.5.\f* xa can ruma ri rutzil Riyaꞌ y ruma chukaꞌ can queriꞌ ruchꞌobon pe chikij.\f + Ro. 8.28.\f* Ojer ca tek cꞌa ma jane cꞌo ta re ruwachꞌulef,\f + 1 P. 1.20.\f* ri Dios xuchꞌob yan chi nuyaꞌ ri rutzil chake riyoj ri xa jun chic kabanon riqꞌui ri Cristo.
\v 10 Y wacami ri utzil riꞌ kꞌalajsan chic chkawech. Ruma xpe ri kacolonel Jesucristo riche (rixin) chi xorelesaj ruchukꞌaꞌ ri camic\f + 1 Co. 15.54, 55; He. 2.14.\f* y xutzijoj ri lokꞌolaj chꞌabel ri niyaꞌo colotajic riche (rixin) chi xukꞌalajsaj chkawech achique rubanic ri cꞌaslen riche (rixin) xtibe kꞌij xtibe sek.
\p
\v 11 Ri Dios xiruchaꞌ riche (rixin) chi ntzijoj ri lokꞌolaj chꞌabel riꞌ, y xuben chukaꞌ chuwe chi xinoc apóstol y jun tijonel quiche (quixin) ri winek ri ma ye israelitas ta.\f + 1 Ti. 2.7.\f*
\v 12 Y rumariꞌ ntij re pokonal reꞌ.\f + 2 Ti. 2.9.\f* Pero ma yiqꞌuix ta. Ruma can wetaman wi achique ri nuniman y can cukul wi nucꞌuꞌx riqꞌui Riyaꞌ chi nuchajij ri wánima ri njachon pa rukꞌaꞌ. Y wetaman chukaꞌ chi can xtuchajij wi apo, y can cꞌa que na riꞌ rubanon chare tek xtapon ri kꞌij tek xtipe chic jun bey Riyaꞌ.
\p
\v 13 Y riyit Timoteo, nbij cꞌa chawe chi ma tayaꞌ ta ca ri utzilaj tak chꞌabel achiꞌel ri awacꞌaxan wuqꞌui.\f + Tit. 1.9.\f* Can tikꞌalajin cꞌa chi can acukuban wi acꞌuꞌx y yeꞌawajoꞌ quinojel ruma xa jun chic abanon riqꞌui ri Jesucristo.
\v 14 Can tachajij cꞌa ronojel ri yatajnek chawe ruma ri Dios. Y ya ri Lokꞌolaj Espíritu ri cꞌo pa tak kánima\f + 1 Co. 3.16.\f* ri xtitoꞌo awuche (awixin).
\p
\v 15 Riyit awetaman chi quinojel ri kachꞌalal ri yecꞌo pa tak tinamit riche (rixin) ri Asia yin quiyaꞌon chic ca. Can achiꞌel xquiben ri kachꞌalal Figelo y ri Hermógenes, can queriꞌ chukaꞌ xquiben riyeꞌ.
\v 16 Pero ri kachꞌalal Onesíforo ma que ta riꞌ xuben. Ri Ajaf xtujoyowaj ta cꞌa quiwech ri yecꞌo pa rachoch, ruma riyaꞌ ma xqꞌuix ta xinorutzꞌetaꞌ waweꞌ pa cárcel. Xa qꞌuiy mul xorucukubaꞌ nucꞌuꞌx.
\v 17 Pero tek ri kachꞌalal Onesíforo xoka waweꞌ pa tinamit Roma, sibilaj cꞌa xirucanoj y cꞌarunaj xiril.
\v 18 Y riyit jabel awetaman chukaꞌ chi riyaꞌ sibilaj xojrutoꞌ tek xojcꞌojeꞌ pa tinamit Efeso. Ri Ajaf xtujoyowaj ta cꞌa ruwech\f + Mt. 5.7.\f* chupan ri ruqꞌuisbel kꞌij.
\c 2
\s Jun utzilaj rusamajel ri Cristo
\p
\v 1 Nbij cꞌa chawe riyit Timoteo ri can yit achiꞌel nucꞌajol: Can ticꞌojeꞌ cꞌa awuchukꞌaꞌ\f + Ef. 6.10.\f* riqꞌui ri utzil ri nacꞌul riqꞌui ri Cristo Jesús.
\v 2 Y ri xinbij chawe chiquiwech ye qꞌuiy kachꞌalal, can ya cꞌa chukaꞌ riꞌ tacꞌutuꞌ chiquiwech ri nicꞌaj chic kachꞌalal achiꞌaꞌ ri can cukul wi acꞌuꞌx quiqꞌui chi yecowin yequitijoj jabel ri nicꞌaj chic.
\p
\v 3 Y ma tapokonaj ta natij pokon ruma naben ri samaj ri nrajoꞌ ri Jesucristo. Xa tacochꞌoꞌ ronojel,\f + 2 Ti. 4.5.\f* achiꞌel nuben jun utzilaj soldado.\f + 1 Ti. 1.18.\f*
\v 4 Jun soldado tek cꞌo pa cuartel, riyaꞌ ma ntel ta el riche (rixin) chi nberubanaꞌ jun chic rusamaj, ruma nicꞌatzin chi nicꞌojeꞌ chiriꞌ riche (rixin) chi nuben ri bin chare, y can cꞌo chi nunimaj rutzij ri ucꞌuayon quiche (quixin).
\v 5 Y que chukaꞌ riꞌ jun ri oconek pa jun etzꞌanen.\f + 1 Co. 9.25.\f* Wi xa ma nutij ta rukꞌij chi pa ruchojmilal nuben ri etzꞌanen, ma nichꞌacon ta.
\v 6 Achiꞌel chukaꞌ nuben jun samajel pa juyuꞌ. Riyaꞌ riche (rixin) chi nril jun utzilaj cosecha cꞌo chi nisamej nabey.
\v 7 Tachꞌoboꞌ cꞌa jabel ronojel reꞌ, y ri Ajaf xtuben ta cꞌa chawe chi xtikꞌax chawech jabel.
\p
\v 8 Toka chacꞌuꞌx chi ri Jesucristo xcꞌastej pe chiquicojol ri caminakiꞌ, Riyaꞌ jun chique ri ye riy rumam ca ri rey David.\f + Ro. 1.3, 4.\f* Y yariꞌ ri nbij tek ntzijoj ri lokꞌolaj chꞌabel ri niyaꞌo colotajic.
\v 9 Y ruma ntzijoj ri lokꞌolaj chꞌabel riꞌ,\f + 2 Ti. 4.17.\f* ntij pokon, y hasta xixim re pa tak cárcel. Y xban chuwe achiꞌel jun itzel achi. Yacꞌa ri ruchꞌabel ri Dios ma ximil ta.
\v 10 Y ruma can yenwajoꞌ ri ye chaꞌon chic ruma ri Dios chi yecolotej, rumariꞌ tek riyin ncochꞌ ronojel tijoj pokonal.\f + 2 Co. 1.6.\f* Riche (rixin) chi queriꞌ can niquil wi ri colotajic ri nuyaꞌ ri Cristo Jesús. Y riyeꞌ xquebe chilaꞌ chicaj y can xticꞌojeꞌ quikꞌij quicꞌojlen riche (rixin) xtibe kꞌij xtibe sek.
\p
\v 11 Kas kitzij wi cꞌa ri nibix:
\q Wi riyoj ri kaniman chic ri Jesucristo can xojcom yan riqꞌui Riyaꞌ tek xcom chuwech cruz,
\q can xkojbecꞌaseꞌ chukaꞌ riqꞌui Riyaꞌ,\f + Ro. 6.5-8; 2 Co. 4.10.\f* ruma Riyaꞌ can qꞌues wi.
\q
\v 12 Wi xtikacochꞌ ri tijoj pokonal ruma kaniman Riyaꞌ, napon na jun kꞌij tek junan xkojkꞌato tzij riqꞌui.
\q Y wi xa xtikapokonaj nikabij chi yoj riche (rixin) chic Riyaꞌ, chukaꞌ Riyaꞌ xtubij chi ma yoj riche (rixin) ta.\f + Mt. 10.33; Lc. 12.9.\f*
\q
\v 13 Astapeꞌ riyoj ma yoj choj ta riqꞌui Riyaꞌ, Riyaꞌ can choj wi kiqꞌui riyoj.
\q Ruma Riyaꞌ can ma nujel ta ri ruchꞌabel.\f + Nm. 23.19.\f*
\s Tatijaꞌ cꞌa akꞌij riche (rixin) chi yatoc jun utzilaj samajel chuwech ri Dios
\p
\v 14 Tanataj ronojel reꞌ chique ri kachꞌalal, y tabij chukaꞌ chique pa rubiꞌ ri Ajaf Dios chi ma tiquiben ta oyowal chrij chꞌabel ri xa ma yecꞌatzin ta, ruma xa majun utz nucꞌom pe chique.\f + 1 Ti. 1.4.\f* Xa nuyoj quicꞌuꞌx ri yeꞌacꞌaxan.
\v 15 Can tatijaꞌ cꞌa akꞌij riche (rixin) chi yatoc jun utzilaj samajel chuwech ri Dios, y majun achique ruma chi yaqꞌuix, ruma can pa ruchojmil natzijoj ri kas kitzij ruchꞌabel ri Dios.
\v 16 Y man cꞌa queꞌacꞌul ta chꞌabel ri ma riqꞌui ta ri Dios ye petenak wi, ri xa ye riche (rixin) re ruwachꞌulef y majun utz niquicꞌom pe.\f + 1 Ti. 6.20.\f* Ruma ri winek ri jabel yequicꞌul chꞌabel ri achiꞌel riꞌ, xa yebe más chupan ri itzel cꞌaslen.
\v 17 Ri tijonic riꞌ can nuben achiꞌel nuben ri itzel yabil chi nikꞌey ri chꞌaculaj ruma. Y jojun chique ri yeyaꞌo ri tijonic riꞌ ye ri Himeneo y ri Fileto.
\v 18 Riyeꞌ can ye elenak chic el chupan ri kitzij, ruma niquibij chi xecꞌastej yan el ri caminakiꞌ, y xa ma que ta riꞌ. Y rumariꞌ xquiben chique nicꞌaj chic chi xa xuben caꞌiꞌ quicꞌuꞌx chupan ri ruchꞌabel ri Dios.
\v 19 Yacꞌa ri Dios rubanon cꞌa chake riyoj ri kacukuban kacꞌuꞌx riqꞌui ri Jesucristo achiꞌel jun cimiento ri cof cꞌo, y tzꞌibatajnek jun tzij chuwech ri nubij: Ri Ajaf retaman quiwech\f + Nah. 1.7.\f* ri ye riche (rixin) chic Riyaꞌ. Y chukaꞌ nubij chi queꞌel pe chupan ri etzelal quinojel ri yeyaꞌo rukꞌij ri rubiꞌ ri Ajaf.
\p
\v 20 Chupan cꞌa jun nimalaj jay qꞌuiy ruwech lek y bojoꞌy yecꞌo. Yecꞌo ri ye banon riqꞌui kꞌanapuek, yecꞌo ri ye banon riqꞌui sakapuek, yecꞌo ri ye banon riqꞌui cheꞌ, y yecꞌo ri ye banon riqꞌui ulef. Yecꞌo ri yeꞌucusex chare ri cosas nimaꞌk quejkalen, y yecꞌo chukaꞌ ri yeꞌucusex chare ri ma can ta cꞌo quejkalen.
\v 21 Y wi riyoj yoj-el pe chupan ronojel ri etzelal, can yoj achiꞌel ri cosas ri yeꞌucusex chare ri nimaꞌk quejkalen, yoj chꞌajchꞌojsan chic ruma ri Ajaf, y yojcꞌatzin chare riche (rixin) chi nikaben ronojel ruwech utzilaj tak samaj.
\v 22 Rumariꞌ riyit catanmej chuwech ri itzel tak raynic ri nipe pa quicꞌaslen ri cꞌa ye cꞌajolaꞌ na. Riyit xa can tatijaꞌ akꞌij chi nacꞌuaj ri cꞌaslen choj. Can tacukubaꞌ acꞌuꞌx riqꞌui ri Dios. Queꞌawajoꞌ\f + 1 Ti. 6.11.\f* quinojel. Y can ticꞌojeꞌ uxlanibel cꞌuꞌx chicojol quiqꞌui ri nicꞌaj chic ri can riqꞌui jun chꞌajchꞌojlaj cánima niquiyaꞌ rukꞌij ri Ajaf.
\v 23 Man cꞌa queꞌacꞌul ta chꞌabel ri majun quejkalen y xa majun utz niquicꞌom pe chawe,\f + 1 Ti. 1.4.\f* ruma ya tzij ri achiꞌel riꞌ ri yecꞌamo pe oyowal.
\v 24 Ruma jun rusamajel ri Ajaf Dios,\f + 1 Ti. 3.2, 3; Tit. 1.7.\f* ma utz ta chi nuben oyowal. Can nicꞌatzin chi utz runaꞌoj quiqꞌui quinojel. Y nicꞌatzin chukaꞌ chi nicowin yerutijoj jabel ri kachꞌalal, y nicochꞌon.
\v 25 Y nicꞌatzin chi riqꞌui chꞌuchꞌujil tubij chique ri winek ri xa itzel yechꞌo chrij ri ruchꞌabel ri Dios chi tiquijalaꞌ ri quinaꞌoj. Riqꞌui cꞌa jubaꞌ ri Dios xa xtuben na chique ri winek riꞌ chi xtitzolin pe quicꞌuꞌx y xtiquetamaj ri kitzij.
\v 26 Riche (rixin) chi xquecolotej pe pa rukꞌaꞌ ri itzel winek. Ruma xa can yecꞌo wi chic pa rukꞌaꞌ, y riyaꞌ can nuben chique chi niquiben xabachique ri nrajoꞌ.
\c 3
\s Ri xquebanalox cuma ri winek chupan ri ruqꞌuisbel tak kꞌij chare re ruwachꞌulef
\p
\v 1 Nicꞌatzin cꞌa chi ma tamestaj ta, chi chupan ri ruqꞌuisbel tak kꞌij chare re ruwachꞌulef xtipe qꞌuiy rucꞌayewal.\f + Jud. 18.\f*
\v 2 Ruma chupan ri ruqꞌuisbel tak kꞌij riꞌ ye qꞌuiy chique ri winek ri xaxu (xaxe) wi riyeꞌ xticajoꞌ ka quiꞌ y ma xqueꞌoka ta chiquicꞌuꞌx ri nicꞌaj chic. Can xtibe cánima chrij ri puek. Sibilaj xtiquinimirisaj quiꞌ. Xtiquiben chi cꞌo quikꞌij. Can xqueyokꞌon. Ma xtiquinimaj ta quitzij ri quiteꞌ quitataꞌ.\f + Ro. 1.30.\f* Ma xtiquimatioxij ta ri utzil ri niban chique. Qꞌuiy etzelal ri xticꞌojeꞌ ri pa tak quicꞌaslen.
\v 3 Riyeꞌ ma xtiquijoyowaj ta quiwech ri nicꞌaj chic winek, ni ma xquecuyun ta. Xa xtiquikꞌabaj tzij chiquij ri nicꞌaj chic. Ma niquikꞌil ta quiꞌ chubanic ri mac, nikꞌax ruwiꞌ ri etzelal xtiquiben chique xabachique winek. Can xtiquetzelaj wi ri utz.
\v 4 Riyeꞌ xquequitzujuj (xquequisujuj) ri cachibil. Ma xtiquichꞌob ta jubaꞌ achique ri niquiben. Sibilaj nimaꞌk niquinaꞌ ka quiꞌ. Más xticajoꞌ ri quicoten riche (rixin) re ruwachꞌulef, que chuwech chi xticajoꞌ ta ri Dios.
\v 5 Riyeꞌ xtiquiben achiꞌel chi quiniman chic ri Dios;\f + Is. 29.13; Ez. 33.30-32.\f* pero xa ma que ta riꞌ, ruma ma quiyaꞌon ta kꞌij chare ri Dios chi rujalon ta ri quicꞌaslen. Man cꞌa tayuj ta awiꞌ quiqꞌui ri winek ri yebano queriꞌ.
\v 6 Ruma chiquicojol cꞌa riyeꞌ yepe wi ri yeꞌapon pa tak jay y niquitzijoj chꞌabel ri xa ma ye kitzij ta. Y ya ri ixokiꞌ ye nacanek ri yeka pa quikꞌaꞌ, ixokiꞌ ri can quijachon quiꞌ chupan ri mac y ye ucꞌuan ruma ri itzel tak quiraybel.
\v 7 Ri ixokiꞌ riꞌ can ma yetaneꞌ ta chiretamaxic cꞌacꞌacꞌ tak naꞌoj, pero ri kas kitzij xa majun bey xtiquetamaj ta.\f + 1 Ti. 2.4.\f*
\v 8 Y can achiꞌel xquiben ri Janes y ri Jambres ri ojer ca,\f + Ex. 7.11.\f* chi xquetzelaj ri xubij ri Moisés, can que wi chukaꞌ riꞌ niquiben ri achiꞌaꞌ riꞌ, niquetzelaj ri kas kitzij. Yojtajnek ri quinaꞌoj ruma ri etzelal.\f + Ro. 1.28.\f* Can kꞌalaj chi ma cukul ta quicꞌuꞌx riqꞌui ri Dios.
\v 9 Pero chukaꞌ ma can ta xquenimex, ruma chanin xtibekꞌalajin pe chiquiwech quinojel, chi riyeꞌ xa ye nacanek riqꞌui ri quichꞌobonic, can achiꞌel xbanatej quiqꞌui ri Janes y ri Jambres ri ojer ca, chi xkꞌalajin pe chi riyeꞌ xa ye nacanek.\f + Ex. 8.18.\f*
\p
\v 10 Yacꞌa riyit Timoteo, animan ri utzilaj chꞌabel ri ncꞌut riyin.\f + 1 Ti. 4.13.\f* Awetaman chukaꞌ chi xincꞌuaj jun utzilaj cꞌaslen y can nwajoꞌ nben ronojel ri chilaben chuwe ruma ri Dios. Awetaman chi can nucukuban wi nucꞌuꞌx riqꞌui ri Dios, yicochꞌon,\f + Hch. 11.23; Tit. 2.2.\f* y yenwajoꞌ quinojel.
\v 11 Nkꞌaxan pe tijoj pokonal\f + Hch. 13.45; 14.2.\f* pa quikꞌaꞌ ri winek, y cꞌa yitajin na chukꞌaxaxic cꞌa wacami. Y chukaꞌ riyit awetaman ronojel ri xban chuwe chupan ri oxiꞌ tinamit, ri Antioquía, ri Iconio y ri Listra. Ronojel cꞌa riꞌ ncochꞌon pe. Y chupan ronojel riꞌ ri Ajaf can yin rucolon wi pe.\f + Sal. 34.19.\f*
\v 12 Y kas kitzij na wi, quinojel cꞌa ri yeꞌajowan niquicꞌuaj jun utzilaj cꞌaslen ri nika chuwech ri Cristo Jesús, can xtiquikꞌaxaj qꞌuiy tijoj pokonal\f + Hch. 14.22.\f* pa quikꞌaꞌ ri winek.
\v 13 Yacꞌa ri winek ri quicꞌuan jun itzel cꞌaslen, xa ma ya ta ri kas kitzij ri niquitzijoj, y xa más cꞌa yeꞌoc itzel tak winek. Riyeꞌ yequikꞌol ri winek y xa queriꞌ chukaꞌ niban chique riyeꞌ.
\p
\v 14 Yacꞌa riyit Timoteo, ma tayaꞌ ta ca\f + 2 Ti. 1.13; 2.2.\f* ronojel ri utz ri awetaman y acukuban acꞌuꞌx riqꞌui. Ruma riyit jabel awetaman ri achoj riqꞌui xawetamaj wi reꞌ.
\v 15 Y awetaman chukaꞌ chi can cꞌa yit coꞌol na tek xawetamaj pe ri tzꞌibatal ca chupan ri lokꞌolaj ruchꞌabel ri Dios. Y ri chꞌabel riꞌ xucꞌut chawech chi cꞌo chi xanimaj\f + Jn. 20.31; Ro. 10.17.\f* ri Cristo Jesús riche (rixin) chi xacolotej chupan ri amac.
\v 16 Ronojel cꞌa ri tzꞌibatal ca chupan ri ruchꞌabel ri Dios, can ya wi cꞌa ri Dios\f + He. 3.7; 2 P. 1.20.\f* ri xucusan quiche (quixin) ri winek chutzꞌibaxic. Y rumariꞌ nicꞌatzin riche (rixin) chi yetijox ri quiniman chic y ri ma jane quiniman ta ri Dios. Nicꞌatzin nucusex riche (rixin) chi yekꞌil ri winek chi ma tiquiben ta ri xa ma utz ta. Nicꞌatzin riche (rixin) chi nibix chique ri winek achique rubanic niquichojmirisaj ri quicꞌaslen, y utz chukaꞌ nucusex riche (rixin) chi nicꞌut achique rucꞌuaxic jun cꞌaslen choj chuwech ri Dios.
\v 17 Rumariꞌ ri tzꞌibatal ca nicꞌatzin chi netamex cuma quinojel ri ye rusamajel\f + 1 Ti. 6.11.\f* ri Dios riche (rixin) chi queriꞌ nicꞌojeꞌ jun naꞌoj tzꞌaket quiqꞌui riche (rixin) chi yecowin niquiben ronojel ruwech utzil.\f + 2 Ti. 2.21.\f*
\c 4
\s Ri Pablo nubij chare ri Timoteo chi tutzijoj ri ruchꞌabel ri Dios
\p
\v 1 Y chuwech ri Dios\f + 1 Ti. 5.21.\f* y ri Ajaf Jesucristo ri xtipe chic jun bey, ri xtikꞌalajin chi can cꞌo wi rajawaren, y xtorukꞌataꞌ ka tzij pa quiwiꞌ ri ye qꞌues, y pa quiwiꞌ chukaꞌ ri ye caminek chic el, nbij cꞌa chawe riyit Timoteo:
\v 2 Can ma cataneꞌ ta riche (rixin) chi natzijoj ri ruchꞌabel ri Dios, chique ri yeꞌajowan niquicꞌaxaj y chique ri ma nicajoꞌ ta chukaꞌ. Tabij chique\f + 1 Ti. 4.13; Tit. 1.13.\f* ri winek chi tiquikꞌilaꞌ quiꞌ chi ma tiquiben ta chic achique ri xa ma utz ta. Tabij chique ri quicꞌuan jun itzel cꞌaslen, chi tiquijalaꞌ quicꞌaslen. Y queꞌapixabaj quinojel riqꞌui jun cochꞌonic y riqꞌui ri utzilaj tijonic.
\v 3 Ruma xtapon na wi jun kꞌij tek ri winek xa ma xticajoꞌ ta chic chi yetijox riqꞌui ri utzilaj tak chꞌabel.\f + 1 Ti. 1.10.\f* Xa can xtibe cánima chrij ri xa ma ye kitzij ta ri yecꞌut chiquiwech, y xquequicanoj cꞌa ye qꞌuiy ri yetijon quiche (quixin) riqꞌui ri achiꞌel ri nicajoꞌ ka riyeꞌ chi niquicꞌaxaj.
\v 4 Xa ma xticajoꞌ ta chic xtiquicꞌaxaj ri kitzij chi ruchꞌabel ri Dios, ruma xa nibe cánima chrij chꞌabel ri yetzijox ri xa majun quejkalen.\f + 1 Ti. 1.6.\f*
\v 5 Yacꞌa riyit tachꞌoboꞌ jabel ronojel ri naben. Tacochꞌoꞌ ri tijoj pokonal ri nipe chawij. Ma cataneꞌ ta chutzijoxic ri lokꞌolaj chꞌabel ri niyaꞌo colotajic. Tabanaꞌ cꞌa ronojel ri samaj ri yaꞌon chawe ruma ri Dios.
\p
\v 6 Ruma riyin xa can xu (xe wi) chic cꞌa woyoben ri kꞌij chi yicamisex.\f + Fil. 2.17.\f* Ri kꞌij riche (rixin) chi yibe\f + Fil. 1.23.\f* y nyaꞌ ca re ruwachꞌulef, xa nakaj chic cꞌo wi.
\v 7 Sibilaj ntijon nukꞌij\f + 1 Ti. 6.12.\f* chubanic ri nrajoꞌ ri Dios, y nbanon ronojel ri samaj ri yaꞌon chuwe ruma ri Dios.\f + Hch. 20.24.\f* Y can ma nyaꞌon ta ca ri cukbel cꞌuꞌx.
\v 8 Rumariꞌ, ri más chkawech apo can cꞌo jun lokꞌolaj sipanic\f + Ap. 2.10.\f* ri xtincꞌul ruma xincꞌuaj jun cꞌaslen choj, y ya ri Ajaf, ri utzilaj aj kꞌatbel tzij, ri xtiyaꞌo ri sipanic riꞌ chuwe chupan ri kꞌij tek xtipe chic jun bey. Y ma xu (xe) ta wi chuwe riyin xtuyaꞌ wi ri lokꞌolaj sipanic riꞌ, xa can xtuyaꞌ chukaꞌ chique quinojel ri yeꞌajowan y coyoben\f + Sal. 31.19.\f* chi nipe chic jun bey.
\s Ri pixaꞌ ri xubij ca ri Pablo chare ri Timoteo
\p
\v 9 Riyit Timoteo, can tatijaꞌ akꞌij chi yape wuqꞌui chanin, riche (rixin) chi yinoꞌatzꞌetaꞌ jubaꞌ.
\v 10 Ruma chi ri Demas\f + Col. 4.14; Flm. 24.\f* xa xbe pa tinamit Tesalónica. Xiruyaꞌ ca, ruma xa xbe ránima\f + 1 Jn. 2.15.\f* chrij ri nutzuj (nusuj) re ruwachꞌulef. Ri kachꞌalal Crescente benak ri pa tak tinamit ri yecꞌo pa rucuenta ri Galacia. Y ri kachꞌalal Tito chukaꞌ benak pa tak tinamit ri yecꞌo pa rucuenta ri Dalmacia.
\v 11 Re wacami xa can xu (xe) wi chic ri kachꞌalal Lucas ri cꞌo ca wuqꞌui. Tacꞌamaꞌ cꞌa pe ri kachꞌalal Marcos\f + Hch. 12.25; 15.37; Col. 4.10.\f* tek xcape, ruma riyaꞌ nicꞌatzin chuwe riche (rixin) chi yirutoꞌ chupan ri samaj.
\v 12 Ri kachꞌalal Tíquico\f + Hch. 20.4.\f* xintek el pa tinamit Efeso.
\v 13 Tek xcape, tacꞌamaꞌ pe ri nuchaqueta ri xinyaꞌ ca riqꞌui ri kachꞌalal Carpo pa tinamit Troas. Y queꞌacꞌamaꞌ pe chukaꞌ ri nuwuj. Pero ri más nicꞌatzin chuwe chi nacꞌom pe ye ri tzꞌum ri ye tzꞌiban ruwech.
\p
\v 14 Ri Alejandro\f + Hch. 19.33; 1 Ti. 1.20.\f* ri aj chꞌayol chꞌichꞌ, qꞌuiy cꞌa etzelal ri rubanon chuwe. Y ya cꞌa ri Ajaf ri xtiyaꞌo ri rutojbalil\f + 2 S. 3.39; Sal. 28.4.\f* chare, can achiꞌel ri yerubanalaꞌ.
\v 15 Rumariꞌ riyit, can tachajij cꞌa awiꞌ jabel chuwech, ruma riyaꞌ sibilaj nretzelaj ri ruchꞌabel ri Dios ri nikatzijoj riyoj.
\p
\v 16 Ri nabey mul tek xintoꞌ pe wiꞌ chuwech ri aj kꞌatbel tzij, can majun chic jun ri xchꞌo ta pa nucuenta, xa xinquiyaꞌ ca nuyonil. Yacꞌa riyin nwajoꞌ chi ri Dios man ta xtuyaꞌ ruqꞌuexel\f + Hch. 7.60.\f* chique ri xa ma xinquitoꞌ ta.
\v 17 Pero ri Ajaf can xirutoꞌ wi.\f + Sal. 22.21; 109.31; Mt. 10.19; 2 P. 2.9.\f* Xuyaꞌ wuchukꞌaꞌ. Y rumariꞌ xicowin xinqꞌuis rukꞌalajsaxic ri ruchꞌabel ri Dios chique quinojel ri winek ri ma ye israelitas ta y ruma chi xirutoꞌ ri Ajaf, rumariꞌ tek xicolotej pe ri pa ruchiꞌ ri jun achiꞌel coj.
\v 18 Y riyin wetaman chi ri Ajaf xticolo wuche (wixin) chuwech ronojel etzelal ri nipe chuwij. Wetaman chi xquiruchajij\f + Sal. 121.7.\f* riche (rixin) chi queriꞌ xquinoc pa rajawaren chilaꞌ chicaj. Ri Ajaf can xtiyaꞌox (xtyaꞌ) ta cꞌa rukꞌij rucꞌojlen riche (rixin) xtibe kꞌij xtibe sek. Amén.
\s Ri ruqꞌuisbel tak chꞌabel chare re wuj reꞌ
\p
\v 19 Tayaꞌ rutzil quiwech ri kachꞌalal Prisca y Aquila,\f + Hch. 18.2.\f* y chukaꞌ quinojel ri yecꞌo pa rachoch ri kachꞌalal Onesíforo.\f + 2 Ti. 1.16.\f*
\v 20 Ri kachꞌalal Erasto\f + Hch. 19.22.\f* xcꞌojeꞌ ca pa tinamit Corinto, y ri kachꞌalal Trófimo\f + Hch. 20.4.\f* xinyaꞌ ca pa tinamit Mileto ruma yawaꞌ.
\v 21 Y riyit Timoteo, tatijaꞌ cꞌa akꞌij chi yape wuqꞌui\f + 2 Ti. 4.9.\f* tek cꞌa ma jane rukꞌijul ta ri job.\f + Quelaꞌ pa Roma, ri acuchi (achique) xcꞌojeꞌ wi ri Pablo pa cárcel, ri “invierno” ma rukꞌijul ta ri job, xa rukꞌijul ri tef.\f* Ri kachꞌalal Eubulo nutek el rutzil awech. Y chukaꞌ ri kachꞌalal Pudente, ri Lino, ri Claudia, y quinojel ri kachꞌalal waweꞌ niquitek el rutzil awech.
\p
\v 22 Ri Ajaf Jesucristo xticꞌojeꞌ\f + Ga. 6.18.\f* ta cꞌa pan awánima riyit. Y chiꞌiwonojel ri yixcꞌo chiriꞌ xticꞌojeꞌ ta cꞌa ri rutzil ri Dios iwuqꞌui. Amén.