\id 2JN Kaqchikel, Western [ckw] NT (Colombia) -2011 bd. 
\h 2 JUAN
\toc1 2 Juan
\toc2 2 Jn
\mt Ri rucaꞌn wuj ri xutzꞌibaj ca ri apóstol San Juan
\ip Yareꞌ ri rucaꞌn wuj ri xutzꞌibaj ri apóstol San Juan y xutek el chare jun ixok ri runiman chic ri Cristo. (mocaj 1). Cꞌo caꞌiꞌ chꞌobonic pa ruwiꞌ re wuj reꞌ. Yecꞌo yebin chi ri ixok riꞌ xa nichꞌo chrij jun iglesia, y cꞌo chukaꞌ yebin chi can kitzij wi chi chare jun ixok ri can runiman chic ri cristo ri xutek wi re wuj reꞌ. Ri Juan xretamaj quiwech ral ri ixok riꞌ y xretamaj chukaꞌ chi can quiniman wi ri Dios y rumariꞌ tek xutek el re wuj reꞌ. (mocaj 4). Pero kitzij chi re wuj reꞌ can nukꞌalajsaj wi ri achique chi cꞌaslen ri cꞌo chi niquicꞌuaj ri quiniman chic ri Dios. Nubij chi cof quecꞌojeꞌ chupan ri kitzij y can ticꞌojeꞌ ri ajowabel pa tak cánima. Nubij chukaꞌ chi ma tiquiyaꞌ ta quixquin chique ri xa ma kitzij ta chi ye rusamajel ri Dios.
\c 1
\s Ri San Juan nutek el rutzil ruwech jun kachꞌalal
\p
\v 1 Riyin ri Juan, yin anciano\f + 1 P. 5.1.\f* chiquicojol ri kachꞌalal, ntzꞌibaj cꞌa el re wuj reꞌ chawe riyit wachꞌalal ixok ri can yit chaꞌon ruma ri Dios, y chique chukaꞌ ri awal. Riyin can kitzij chi yixinwajoꞌ.\f + 1 Jn. 3.18.\f* Y ma xu (xe) ta wi riyin ri yinajowan iwuche (iwixin), xa can yixcajoꞌ chukaꞌ quinojel ri nicꞌaj chic kachꞌalal ri quetaman chic ri kitzij.\f + 2 Ts. 2.13.\f*
\v 2 Y ruma cꞌo ri kitzij ri pa tak kánima, rumariꞌ nikajoꞌ kiꞌ. Y ri kitzij xticꞌojeꞌ cꞌa kiqꞌui riche (rixin) xtibe kꞌij xtibe sek.
\v 3 Y ri utzil, ri joyowanic y ri uxlanibel cꞌuꞌx ri nuyaꞌ ri Dios Tataꞌixel y ri nuyaꞌ chukaꞌ ri Ajaf Jesucristo ri Rucꞌajol ri Dios Tataꞌixel, yariꞌ ri xticꞌojeꞌ ri pa tak iwánima. Can xticꞌul wi cꞌa ronojel reꞌ, ruma icukuban icꞌuꞌx riqꞌui ri kitzij y ruma chukaꞌ chi can cꞌo ajowabel pa tak iwánima.
\s Can ronojel tiempo quixcꞌojeꞌ chupan ri kitzij tijonic riche (rixin) ri Cristo
\p
\v 4 Riyin sibilaj quicoten xuyaꞌ pa wánima tek xenwil chi yecꞌo nicꞌaj chique ri awal quitzekelben ri kitzij,\f + 3 Jn. 3.\f* can achiꞌel ruchilaben ri Katataꞌ Dios chake.
\v 5 Y wacami wachꞌalal, nchilabej cꞌa chawe chi tabanaꞌ ri nubij ri Dios, chi can tikajoꞌ kiꞌ chikachꞌalal kiꞌ. Y re pixaꞌ reꞌ ma cꞌacꞌacꞌ ta.\f + 1 Jn. 2.7, 8.\f* Xa can yareꞌ ri xchilabex pe chake pa rutiquiribel tek xkanimaj ri Dios, chi tikajoꞌ kiꞌ.
\v 6 Ri ajowabel quecꞌareꞌ rubanic: Wi cꞌo ri ajowabel\f + 1 R. 3.3; Jn. 14.15, 21; Ro. 13.8; 1 Jn. 5.3.\f* riche (rixin) ri Dios kiqꞌui, can nuben chake chi nikacꞌuaj jun cꞌaslen achiꞌel nubij ri rupixaꞌ ri Dios. Y ri rupixaꞌ ri Dios nubij chi tiwajoꞌ iwiꞌ chiꞌiwachꞌalal iwiꞌ y re pixaꞌ reꞌ, yariꞌ ri xiwacꞌaxaj pa rutiquiribel tek xinimaj ri Dios.
\p
\v 7 Ye qꞌuiy cꞌa winek yebiyaj chuwech re ruwachꞌulef ri xa ma ya ta ri kitzij ri niquibij, ruma niquibij chi ri Jesucristo tek xpe waweꞌ chuwech re ruwachꞌulef ma xoc ta winek achiꞌel riyoj. Y ri nibin queriꞌ chrij ri Jesucristo,\f + 1 Jn. 2.22.\f* yacꞌariꞌ ri kꞌolonel ri netzelan riche (rixin) ri Cristo y nuben chi can ya riyaꞌ ri Cristo.
\v 8 Yacꞌa riyix ri jabel ibanon pe ri rusamaj ri Dios, tichajij cꞌa ri icꞌaslen, riche (rixin) chi queriꞌ man cꞌa xtitzꞌilaꞌ ta ri rutojbalil ri isamaj. Xa can ta tzꞌaket ri rajel ruqꞌuexel\f + He. 10.32, 35.\f* ri xticꞌul.
\p
\v 9 Xabachique winek ri ntel el chupan ri kitzij tijonic riche (rixin) ri Cristo y xa nuyaꞌ ca, ri winek riꞌ xa majun cꞌa ri Dios riqꞌui. Yacꞌa ri winek ri can nicꞌojeꞌ chupan ri utzilaj chꞌabel ri xucꞌut ri Cristo, can cꞌo cꞌa ri Tataꞌixel y ri Cꞌajolaxel riqꞌui.
\v 10 Wi cꞌo jun xtapon chiꞌiwachoch y ma ya ta ri lokꞌolaj chꞌabel\f + Ro. 16.17; Ga. 1.8, 9.\f* ri xucꞌut ri Cristo ri rucꞌuan apo chiwe, man cꞌa ticꞌul ta pan iwachoch y ma ticꞌom ta ka ruwech.
\v 11 Ruma wi xticꞌom ka ruwech, can xtiwejkalej\f + 1 Ti. 5.22.\f* chukaꞌ riyix ri etzelal ri yerubanalaꞌ ri jun winek riꞌ.
\s Ri Juan nrajoꞌ chi napon quiqꞌui ri kachꞌalal
\p
\v 12 Y cꞌo qꞌuiy ri nwajoꞌ nbij chiwe.\f + 3 Jn. 13.\f* Xa yacꞌa ri ma nwajoꞌ ta ntzꞌibaj el ronojel chupan re wuj reꞌ. Ruma can nrayij chi yinapon na iwuqꞌui riche (rixin) chi yojtzijon chi utz, riche (rixin) chi queriꞌ nitzꞌaket ri quicoten pa tak kánima.\f + Jn. 15.11.\f*\p
\v 13 Ri ye ral ri awachꞌalal, ri chaꞌon ruma ri Dios, niquitek cꞌa el rutzil awech. Amén.