\id 3JN Kaqchikel, Western [ckw] NT (Colombia) -2011 bd. 
\h 3 JUAN
\toc1 3 Juan
\toc2 3 Jn
\mt Ri rox wuj ri xutzꞌibaj ca ri apóstol San Juan
\ip Yareꞌ ri rox wuj ri xutzꞌibaj ri apóstol San Juan y xutek chare ri kachꞌalal Gayo. Ri Gayo jun chique ri quiniman chic ri Dios y can nuben wi ri ruraybel ri Dios. Riyaꞌ can sibilaj chꞌuchꞌuj ránima quiqꞌui quinojel ri quiniman ri Dios. Ri kachꞌalal riꞌ can ye rutoꞌon wi cꞌa quinojel kachꞌalal ri yetzijon ri ruchꞌabel ri Dios. Ye rutoꞌon riqꞌui chi nuyaꞌ quiposada, ye rutoꞌon chukaꞌ riqꞌui ri nicꞌatzin chique. Ri Juan nubij chi ri Gayo can jun utzilaj cꞌambel naꞌoj chiquiwech quinojel ri quiniman chic ri Dios.
\ip Ri Juan nubij chare ri Gayo chi xutek yan el jun wuj chique ri kachꞌalal, pero ri jun achi ri Diótrefes rubiꞌ ma nunimaj ta ri nubij chupan ri wuj riꞌ, chukaꞌ xa majun utzil nuben chique ri kachꞌalal, can nika chuwech chi nunimirisaj riꞌ y ma nuyaꞌ ta kꞌij chique ri nicꞌaj chic kachꞌalal chi niquiben utzil. Pero cꞌo chukaꞌ jun kachꞌalal ri Demetrio rubiꞌ. Riyaꞌ can cꞌo utz ri ntajin chubanic y ri Juan can nuyaꞌ rukꞌij ri kachꞌalal riꞌ.
\c 1
\s Ri San Juan nutek el rutzil ruwech ri kachꞌalal Gayo
\p
\v 1 Riyin ri Juan, yin anciano chiquicojol ri kachꞌalal, ntzꞌibaj cꞌa el re wuj reꞌ chawe riyit wachꞌalal Gayo,\f + Hch. 19.29; 20.4; Ro. 16.23; 1 Co. 1.14.\f* ruma can kitzij chi yatinwajoꞌ.
\p
\v 2 Wachꞌalal ri sibilaj yatinwajoꞌ, riyin nwajoꞌ chi can ta utz ntel chawech ronojel ri nasamajij, y man ta jun ayabil. Can ta achiꞌel ri acꞌaslen chuwech ri Dios chi can utz wi benak.
\v 3 Riyin sibilaj xiquicot,\f + 2 Jn. 4.\f* ruma yecꞌo nicꞌaj kachꞌalal ri xoquitzijoj chuwe chi can kitzij chi atzekelben ri kitzij.
\v 4 Y can majun chic jun quicoten ri más rejkalen que chuwech reꞌ, tek nwacꞌaxaj chi ri ye achiꞌel tak walcꞌual\f + 1 Co. 4.15; Flm. 10.\f* jabel quitzekelben ri kitzij.
\s Ri kachꞌalal Gayo can yerutoꞌ ri nicꞌaj chic kachꞌalal
\p
\v 5 Wachꞌalal Gayo, riqꞌui cꞌa ri utzil ri yatajin chubanic, can nacꞌut cꞌa chi can acukuban wi acꞌuꞌx riqꞌui ri Dios. Riyit can nayaꞌ cꞌa ri nicꞌatzin chique ri kachꞌalal ri yecꞌo pan atinamit y queriꞌ chukaꞌ naben quiqꞌui ri kachꞌalal\f + Ga. 6.10.\f* ri yepe nej.
\v 6 Y riyeꞌ can xquitzijoj cꞌa chique ri kachꞌalal tek quimolon quiꞌ. Xquitzijoj ri ajowabel ri cꞌo pan awánima. Rumariꞌ riyin ncꞌutuj cꞌa jun utzil chawe chi ronojel mul tek yekꞌax awuqꞌui, tayaꞌ el ri nicꞌatzin chique. Can utz wi chi queriꞌ naben ruma riyeꞌ can niquiben wi ri rusamaj ri Dios.
\v 7 Riyeꞌ quichapon bey ruma nicajoꞌ niquitzijoj ri rubiꞌ ri Jesucristo chique ri winek ri ma jane quiniman ta, y majun achique quicꞌutun\f + 1 Co. 9.14; 9.14, 15.\f* ta chique ri winek riꞌ.
\v 8 Rumacꞌariꞌ nicꞌatzin chi yoj cꞌa riyoj ri yojyaꞌo ri nicꞌatzin chique riche (rixin) chi queriꞌ riyoj chukaꞌ nikaben jubaꞌ ri rusamaj ri Dios, ruma yekatoꞌ el tek ye benak chutzijoxic ri kitzij.
\s Ri ma utz ta ri ntajin chubanic ri Diótrefes
\p
\v 9 Xintek yan el jun wuj chique ri kachꞌalal ri nibix iglesia chique ri yecꞌo chiriꞌ pan atinamit. Yacꞌa ri achi ri Diótrefes rubiꞌ ma xunimaj ta ri xinbij, ruma can runimirisan riꞌ y nika chuwech chi ruyon riyaꞌ ri cꞌo rukꞌij chiquicojol ri kachꞌalal.
\v 10 Rumacꞌariꞌ wi xquinapon iwuqꞌui, xtinbij cꞌa chiquiwech ri kachꞌalal ri nuben riyaꞌ, chi cꞌo ri yerubilaꞌ chikij y xa ma ye kitzij ta. Y ma xu (xe) ta wi riꞌ ri yeruben. Chukaꞌ ma yerucꞌul ta ri kachꞌalal ri yekꞌax pe riqꞌui. Y ma nuyaꞌ ta chukaꞌ kꞌij chique ri nicꞌaj chic kachꞌalal chi yequicꞌul ri yeꞌapon quiqꞌui. Y wi ma niquinimaj ta rutzij, yerelesaj el chiquicojol ri kachꞌalal.
\s Ri utzilaj rucꞌaslen ri kachꞌalal Demetrio
\p
\v 11 Wachꞌalal, ri sibilaj yatinwajoꞌ, nbij cꞌa chawe: Ma tatzekelbej ta ri xa ma utz ta.\f + Sal. 37.27; Is. 1.16, 17.\f* Xa tatzekelbej ri utz.\f + 1 Jn. 2.29.\f* Ruma ri nibano ri utz, can riche (rixin) cꞌa ri Dios. Yacꞌa ri nibano ri xa ma utz ta, ma retaman ta ruwech ri Dios.\f + 1 Jn. 3.6.\f*
\v 12 Quinojel cꞌa yebin chi can utz ri rucꞌaslen ri kachꞌalal Demetrio,\f + 1 Ti. 3.7.\f* y can kitzij nikꞌalajin chi queriꞌ. Y can ya chukaꞌ riꞌ nikabij riyoj. Y riyix iwetaman chi riyoj ma nikatzꞌuc ta tzij tek nikabij riꞌ.
\s Ri ruqꞌuisbel tak chꞌabel chare re wuj reꞌ
\p
\v 13 Cꞌo qꞌuiy ri nwajoꞌ nbij chawe. Xa yacꞌa ri ma nwajoꞌ ta ntzꞌibaj el ronojel chupan re wuj reꞌ.\f + 2 Jn. 12.\f*
\v 14 Ruma can nraybej chi yinapon yan awuqꞌui y cꞌacꞌariꞌ xkojtzijon chi utz\f + 2 Jn. 12.\f* awuqꞌui.\p
\v 15 Xticꞌojeꞌ ta cꞌa uxlanibel cꞌuꞌx pan awánima. Ri kachꞌalal ri yecꞌo waweꞌ niquitek el rutzil awech. Y riyit tabanaꞌ cꞌa utzil, tayaꞌ rutzil quiwech chiquijujunal ri kachꞌalal ri yecꞌo chiriꞌ.