\id MRK 42MRKcoeNTu.SFM Mark Koreguaje-Colombia-SA
\h SAN MARCOS
\toc1 San Marcos Jesús cheja paiʉ choosiere kʉamʉ
\toc3 (Mc)
\mt San Marcos Jesús cheja paiʉ choosiere kʉamʉ
\c 1
\s Juan Pãi Okorovesikʉ pãi peochejare paiʉ pãipi saijʉna Dios chʉo chʉvasiere kʉamʉ
\r (Mt 3.1-12; Lc 3.1-9; Jn 1.19-28)
\p
\v 1 Jesucristo Dios Mamakʉ paichete chʉo reojachere kʉapiramʉ ie chʉo:
\p
\v 2 Aperʉmʉ Dios chʉo kʉasikʉ Isaías ijache tocha jokaasomʉ:
\q Mʉʉ cheja cajejache kʉajaʉni charo saojamʉ chʉʉ,
\q pãipi mʉʉ cajejachere asa repana rekoñoãre careva paapʉ chini.
\q
\v 3 Kʉakʉ pãi peochejare sani paiʉ pãipi repaʉni saito ʉjachʉopi ijache ikakʉ chʉvajamʉ:
\q “Maire Paakʉ tĩapiramʉ.
\q Repaʉni chaajʉ mʉsanʉkona rekoñoã maa rũhiñe paimaa carevachejache
\q reojarekoñoã carevajʉ paijʉ̃ʉ”, chiijamʉ,
\m chiiche tocha jokaasomʉ repaʉ.
\p
\v 4 Ũcuarʉmʉ Juan pãi peochejare sani paiʉ pãi okorovekʉ paniasomʉ. Ũcuachia repanare ijache chʉvakʉ paniasomʉ repaʉ:
\p —‍Mʉsanʉkona cuache chooche ũhaso reojachere mama cuasajʉ̃ʉ, Diopi mʉsanʉkona cuache choosiere tʉnoso joe cuasamaneakʉ. Cuache choochete ũhaso Dioni cuasajʉ okorovecojñojʉ̃ʉ —‍chiiʉ chʉvakʉ paniasomʉ repaʉ Juan.
\p
\v 5 Ũcuarʉmʉ jainʉko pãi Judea cheja painaname Jerusalén vʉejoopo paina Juan chʉvachʉore asañu chini saniasome. Sani repana cuache choosiere Dioni kʉarena Juan, Jordán chiachana okoroveasomʉ repanare.
\v 6 Repaʉ Juan juikãa camello rañapi choosikãa paniasomʉ. Corejakãa vai cani kãare tʉ̃niasomʉ repaʉ. Ãu, pũsuvananame airo pũji ãiʉ paniasomʉ repaʉ.
\v 7 Juan repanare pãi chʉvakʉ ijache ikaasomʉ:
\p —‍Naa paisirʉmʉ chekʉ naa rʉa masikʉji rani paiʉ naa rʉa reojache chookaijamʉ mʉsanʉkonare. Chʉʉre naa rʉa masikʉjekʉna repaʉte cuasakʉ, vajʉchʉkʉ paimʉ chʉʉ.
\v 8 Chʉʉ mʉsanʉkonare okopi okorovecuhamʉ. Repaʉtani naa rʉa masiʉjekʉ rʉa masicheji chookʉ Dios Rekochote ĩsijamʉ repaʉ mʉsanʉkonare —‍chiniasomʉ repaʉ.
\s Jesure okorosiere kʉamʉ
\r (Mt 3.13-17; Lc 3.21-22)
\p
\v 9 Ũcuarʉmʉ Jesús Nazaret vʉejoopo Galilea cheja cajoopo paisikʉpi Jordán chiachana sani tĩaʉna Juan repaʉte okoroasomʉ ũcuachiachana.
\p
\v 10 Okoroʉna Jesús chiacha nʉkasikʉpi poore mani nʉkakʉna cʉnaʉmʉ teana reojaʉmʉ careo Dios Rekocho ũkupojaiʉ ũcuaʉni cajekʉna ñaasomʉ. \fig baptism of Jesus|Cn01656B.tif|span||D.C.Cook| |Mr 1.10\fig*
\v 11 Dios Rekocho cajesirʉmʉ cʉnaʉmʉpi ijache ikache asoasomʉ:
\p —‍Mʉʉ chʉʉ chĩi chʉʉ oiʉ paakʉmʉ. Mʉʉre rʉa pojomʉ chʉʉ —‍chiiche asoasomʉ.
\s Vati ai Jesure cuache chooakʉ chini chʉ̃ʉteesiere kʉamʉ
\r (Mt 4.1-11; Lc 4.1-13)
\p
\v 12 Jãa choocuhasirʉmʉ Dios Rekochoji Jesure pãi peochejana saasomʉ.
\v 13 Saʉna ũcuachejare cuarentarepaumucujña paniasomʉ repaʉ cuavananame. Paiʉna vati ai repaʉni cacʉora chini rani rʉa chʉ̃ʉteeasomʉ. Reparʉmʉ ángeles rani repaʉte kuiraasome.
\s Jesús Galilea cheja apevʉamʉ pãi chʉvache
\r (Mt 4.12-17; Lc 4.14-15)
\p
\v 14 Juan Pãi Okorovesikʉ pãi chẽavʉe cuaosirʉmʉ Jesús Galilea chejana saniasomʉ Dios chʉo reojachere chʉvara chini.
\v 15 Chʉvakʉ ijache ikaasomʉ repaʉ:
\p —‍Dios chiisirʉmʉ Repaʉ Raosikʉ pãi ũcuanʉkore chʉ̃ʉrʉmʉ tĩapiramʉ. Jãajekʉna mʉsanʉkona cuache choochete ũhasõ mama cuasa, “Dios chʉo ũcuarepaame”, chiijʉ asa chẽa cuasajʉ̃ʉ —‍chiiʉ paniasomʉ Jesús.
\s Vai chonare ũcuakachapanare Repaʉ chʉ̃ʉñete choojʉ paapʉ chini Jesús chẽasiere kʉamʉ
\r (Mt 4.18-22; Lc 5.1-11)
\p
\v 16 Ũcuarʉmʉ Jesús Galilea chiara rʉtʉvate kuiʉ Simonre repaʉ chojeʉ Andrename ñaasomʉ. Vai chonajejʉ vai chorʉji chiarate chojʉ paniasome repana.
\v 17 Repanare Jesús ijache ikaasomʉ:
\p —‍Rani chʉʉni jame kuijʉ chʉʉ chʉ̃ʉñete choojʉ paijʉ̃ʉ. Vai sani vaire jñaa ranaame mʉsanʉkona. Chura chʉʉpi chookaiʉna sani pãire jñaa chʉʉni rakaijʉ paijʉ̃ʉ —‍chiniasomʉ Jesús repanare.
\v 18 Jãajañe ikaʉna asa teana vai chorʉã joka ũcuaʉname saniasome repana.
\p
\v 19 Jãachejapi joe jmachenerʉ sani Zebedeo chĩire Santiagoname Juanre ñaasomʉ repaʉ. Choovʉte paijʉ vai chorʉãre carevajʉ paniasome repana.
\v 20 Ũcuarʉmʉ repanani Jesupi sokʉna, “Jaʉ”, chini, choovʉ paikʉte pʉkakʉre repaʉte chooche chookainare joka Jesuname saniasome repana.
\s Pãiʉte paisikʉre vatire etosiere kʉamʉ
\r (Lc 4.31-37)
\p
\v 21 Ũcuarʉmʉ Jesús repaʉ neenaname sani Capernaum vʉejoopona tĩaasome. Tĩa paiʉ pʉaumucuse Jesús judíopãi chiivʉena kaka chechoasomʉ repavʉe chii painare.
\v 22 Repana pãi Jesupi rʉa masikʉ masi chechokʉna asa jñano, “Ikʉ Jesús judíopãi chechona chechochejache chechomañe rʉa masi chechomʉ”, chiniasome.
\p
\v 23 Reparʉmʉ ũcuavʉere pãiʉ vatire paakʉ paniasomʉ. Vatire paakʉjekʉ Jesús ikachete asa cuikʉ ikaasomʉ repaʉ.
\p
\v 24 —‍Jesús, Nazaret raisikʉ chʉkʉnate choomanejʉ̃ʉ. Mʉʉ paiche masimʉ chʉʉ. Dios Raosikʉamʉ mʉʉ. Reokʉmʉ. ¿Chʉkʉnani cuachejana saora chini rakʉ mʉʉ? —‍chiniasomʉ repaʉ.
\p
\v 25 Jãajañe ikaʉna Jesús repaʉte vatire joe ikache ʉ̃sekʉ ijache ikaasomʉ:
\p —‍Reomʉ. Ũcuamakarʉ ikajʉ̃ʉ. Etajʉ̃ʉ mʉʉ jãʉre pãiʉte —‍chiniasomʉ Jesús.
\p
\v 26 Jesupi, “Etajʉ̃ʉ”, chikʉna vatipi chookʉna repaʉ pãiʉ rʉa kurukuruasomʉ. Ũcuarʉmʉ vati rʉa ʉjachʉopi cuikʉ eta sanisoasomʉ.
\v 27 Jesupi vatini eto saoʉna ña kʉkʉso pãi ũcuanʉko sãiñechia sẽniasome.
\p —‍¿Jese paikʉjekʉ ikʉ vati chʉ̃ʉmasikʉ? ¿Ʉ̃queache ikʉ mama chechoche? Ikʉ Jesupi rʉa masikʉjekʉ chʉ̃ʉto vatijatʉka repaʉ chʉ̃ʉñe jachamañe choome —‍chiniasome repana.
\v 28 Jesús choosie ñasinapi kueñe painare kʉarena asa Jesús paichete Galilea cheja paina ũcuanʉko rʉa nami asaasome.
\s Simón Pedro vaote Jesús vasosiere kʉamʉ
\r (Mt 8.14-15; Lc 4.38-39)
\p
\v 29 Ũcuarʉmʉ Jesús judíopãi chiivʉe eta Simonname Andrés vʉena mʉa kakaasomʉ Santiagoname Juan.
\v 30 Kaka ñato Simón vao chavo ravʉna jũio ũniasomo. Jãajekʉna, repaoni vasoakʉ chini Jesuni ikaasome repana.
\v 31 Ikajʉna jũiko ũhikoa kueñe sani repao jʉ̃tʉna chẽa vʉoʉna chavosie teana chʉrʉsoasomʉ repaote. Chʉrʉʉna repao vajʉo ãure ãuasomo repanare.
\s Jũivanare jainʉkore Jesús vasosiere kʉamʉ
\r (Mt 8.16-17; Lc 4.40-41)
\p
\v 32 Nairepa chijajʉ̃vana Jesús paivʉena pãi jũivanare peore sajʉ vati paanare saasome.
\v 33 Repajoopo paina rʉa jainʉko Jesús paivʉe jatisaarona chiiasome.
\v 34 Chiirena Jesús jũinare siache ravʉ paanare jainʉkore vasosoasomʉ. Ũcuachia vati jainʉkore pãi sanavʉã paisinare peore eto saosokaniasomʉ repaʉ. Eto saokʉ repanare vati repaʉ paichete masijʉna kʉajʉ chini ʉ̃seasomʉ repaʉ.
\s Galilea chejare paiʉ Jesús Dios chʉo chʉvasiere kʉamʉ
\r (Lc 4.42-44)
\p
\v 35 Apeñatato ñami vʉni Jesús vʉejoopo paisikʉpi eta pãi peochejana saniasomʉ, Dioni sẽsa chini.
\v 36 Sani teeʉ paiʉna Simón repaʉte jame painaname Jesuni kueñu chini saniasome.
\v 37 Kuejʉ jñaa ijache ikaasome repana repaʉte:
\p —‍Pãi ũcuanʉko mʉʉre kueme —‍chiniasome.
\p
\v 38 Chitena Jesús ijache ikaasomʉ repanare:
\p —‍Chekʉjoopoãna sañu mai kueñe paijoopoãna. Jeejoopoã painare ũcuajache Dios chʉore chʉvara chiimʉ chʉʉ. Jãajañe choora chini raisikʉamʉ chʉʉ —‍chiniasomʉ repaʉ repanare.
\p
\v 39 Jãajañe choora chiikʉjekʉ Galilea cheja siachejña kuiʉ repacheja paivʉña judíopãi chiivʉñana siarʉmʉ kaka Dios chʉore chʉvakʉ paniasomʉ repaʉ. Ũcuachia vati pãi sanavʉã paisinare eto saosokaiʉ paniasomʉ repaʉ.
\s Asi ravʉ paakʉte Jesús vasosiere kʉamʉ
\r (Mt 8.1-4; Lc 5.12-16)
\p
\v 40 Ũcuarʉmʉ pãiʉ asi ravʉ paakʉ Jesús paichejana sani repaʉ tijñeñe rore pʉʉ ñuiʉ ijache ikaasomʉ:
\p —‍Mʉʉre vasoʉato vasojʉ̃ʉ chʉʉvaʉre; vajʉra —‍chiniasomʉ.
\v 41 Chikʉna Jesús repaʉte oiʉ repaʉni chẽakʉ ikaasomʉ.
\p —‍Jaʉ, vasora. Vajʉjʉ̃ʉ —‍chiniasomʉ repaʉte.
\p
\v 42 Jãajañe chooʉna asi teana peore jajusoasomʉ repaʉ canivʉ paisie.
\v 43-44 Vaso pini repaʉte ijache chʉ̃ʉasomʉ repaʉ:
\p —‍Ñarepajʉ̃ʉ. Chʉʉ mʉʉre vasosie pãi chekʉnare kʉamanejʉ̃ʉ. Kʉamañe judío phairitechia ñojaijʉ̃ʉ mʉʉ vajʉsicanivʉ. Aperʉmʉ Moisés chʉ̃ʉ jokasie cuamajñarʉã sa ĩsijʉ̃ʉ Diore, pãipi ña mʉʉ vajʉsiere masiajʉ —‍chini saoasomʉ repaʉ repaʉte.
\p
\v 45 Kʉamanejʉ̃ʉ chiisietani eta sani repaʉte choosie pãi ũcuanʉkore kʉaasomʉ repaʉ. Kʉaʉna pãi ũcuanʉko masijʉna vʉñajoopoã tĩacuaasomʉ Jesure, jainʉko pãi repaʉte ñañu chini chiijʉna. Jãajekʉna Jesús pãi peochejare sani paniasomʉ. Jãatani pãi siajoopoã raisina jainʉko repaʉte ñañu chini tuhaasome.
\c 2
\s Nʉka kuimavaʉre Jesús vasosiere kʉamʉ
\r (Mt 9.1-8; Lc 5.17-26)
\p
\v 1 Teeumucujña paisirʉmʉna Jesús Capernaum vʉejoopo coi
paiʉna pãi asaasome repaʉ vʉe coi paiche.
\v 2 Coisiere asa pãi jainʉko repaʉ paivʉena sani
chiiasome. Pãipi jairepanʉko chiirena Jesús paivʉe
timusoasomʉ. Ũcuajache jatisaaro cacheja pãipi jairepanʉko
rani timusoʉna kueñe paicuaasomʉ repanare. Jãajañe painani
Jesús Dios chʉore chechoasomʉ.
\p
\v 3 Chechotona ʉmʉpãi ũcuakachapana nʉka kuimavaʉre
ũhikãa ũhikʉni Jesús paivʉena kuãijʉ raasome.
\p
\v 4 Rani tĩato pãipi jairepanʉko paijʉna repana Jesús
nʉkacheja kueñe tĩacuaasomʉ repanare. Jãajekʉna repavʉe
sẽsevʉna mʉa ũcuachejapi coje racho ũcuacojepi repaʉ
ũhikãapi Jesús tijñeñena caso ũhaasome repana repavaʉre
jũivaʉre.
\v 5 “Ivaʉre Jesús vasojamʉ”, chini cuasajʉ caso ũharena
Jesús repana cuasasie ña ikaasomʉ repavaʉre.
\p —‍Jmavaʉ, mʉʉ cuache choosie tʉnosõmʉ chʉʉ.
Tʉnosõsie joe cuasamanejamʉ chʉʉ —‍chiniasomʉ Jesús
repavaʉre.
\p
\v 6-7 Jãajañe ikaʉna asa judíopãi chechona teena,
“¿Jese paiʉna ikʉ jãajañe ikakʉ? Dios asacuhechete
ikamʉ ikʉ jãa. Diochia pãi cuache choosie tʉnosõñe
masikʉmʉ”, chiijʉ cuasaasome repana.
\p
\v 8 Jãatani Jesús repana cuasachete ña masi ijache ikaasomʉ
repanare:
\p —‍¿Jese paiʉna mʉsanʉkona jãajañe cuasache?
\v 9 Chʉʉ ikʉre, “Mʉʉ cuache choosie tʉnosõmʉ
chʉʉ. Tʉnosõsie joe cuasamanejamʉ chʉʉ”, chiisiere
asa, “Joreʉmʉ ikʉ. Pãi jãajañe choomasinajẽe peome”,
chiijʉ cuasame. Jãatani chʉʉpi ikʉre, “Vʉni mʉʉ
ũhikãa mini sajʉ̃ʉ”, chikʉna ikʉpi vʉni nʉkakʉna ñani
mʉsanʉkona, “Joremakʉamʉ Jesús. Repaʉ ikasie ũcuarepa
choomasimʉ”, chiijacosome.
\v 10 Chʉʉ, pãire jame paaʉ chini Dios Raosikʉ chejare paiʉ
pãi cuache chooche tʉnoñename pãi vasoche choomasiʉ
paichete mʉsanʉkonapi ña masiajʉ chini vasokaijamʉ chʉʉ
ikʉre —‍chiniasomʉ repaʉ repanare. Chini Jesús nʉka
kuimavaʉre ijache ikaasomʉ:
\p
\v 11 —‍Vʉni mʉʉ ũhisikãa mini vʉena coijʉ̃ʉ
—‍chiniasomʉ.
\p
\v 12 Chikʉna nʉka kuimanesikʉ vʉni repaʉ ũhisikãa mini
repana pãi ũcuanʉko ñajʉte etaasomʉ. Jãajañe chooʉna
ña jñano Dios choosiere cutujʉ ijache ikaasome repana:
\p —‍Jmamakarʉjẽe ijache chooche ñamanapi irʉmʉna ñame mai
—‍chiniasome repana pãi.
\s Levire Jesús soisiere kʉamʉ
\r (Mt 9.9-13; Lc 5.27-32)
\p
\v 13 Ũcuarʉmʉ Jesús joe Galilea chiara rʉtʉvana saniasomʉ.
Ũcuachejare sani paiʉna pãi jainʉko repaʉni chiijʉna
repanare chechokʉ paniasomʉ repaʉ.
\v 14 Checho pini Jesús ũcuachejapi sani Alfeo mamakʉte Levire
pãi chʉ̃ʉnare kuri kookaina paivʉe ñuikʉni ña ikaasomʉ.
\p —‍Rani, chʉʉni jame kuiʉ chʉʉ chʉ̃ʉñete chookʉ
paijʉ̃ʉ —‍chiniasomʉ.
\p Chikʉna asa, “Jaʉ”, chini vʉni ũcuaʉname saniasomʉ
repaʉ.
\p
\v 15 Naa paisirʉmʉ Jesús repaʉ neenaname Leví vʉere paiʉ
ãure ãiʉ paniasomʉ. Ũcuachia Roma vʉejoopo chʉ̃ʉnare kuri
kookainaname chekʉna pãi cuache choona jame ñuijʉ ãure
ãijʉ paniasome. Reparʉmʉ Jesure jame kuina rʉa jainʉko
paniasome.
\p
\v 16 Repanapi Jesuni jame ñuijʉna ña judíopãi chechonaname
fariseopãi ijache sẽniasaasome Jesús neenare:
\p —‍¿Jese paiʉna mʉsanʉkonare paakʉ kuri kookainaname
cuache painare jame ãu ãikʉ? —‍chiniasome.
\p
\v 17 Chitena asa Jesús ijache ikaasomʉ repanare:
\p —‍Pãi vajʉna ʉ̃ko chooche chiimame. Jũivanatani ʉ̃ko
chooche chiime. Chʉʉ ũcuajache pãi, “Reonaame chʉkʉna”,
chiinani, “Cuache chooche ũhasõ reojache paijʉ̃ʉ”, chisa
chini cajesikʉmamʉ icheja cheja. Pãi, “Cuache painaame
chʉkʉna”, chiivanarechia, “Mʉsanʉkona cuache chooche
ũhasõ reojache paijʉ̃ʉ”, chisa chini cajesikʉamʉ chʉʉ
—‍chiniasomʉ repaʉ.
\s Dioni sẽejʉ ãu ãimañe paichete Jesuni sẽniasasiere
kʉamʉ
\r (Mt 9.14-17; Lc 5.33-39)
\p
\v 18 Ũcuarʉmʉ Juan neena Dioni sẽejʉ teeñoã ãu ãimañe
paniasome, fariseopãi neena ũcuajache. Jãajañe choojʉna
pãi chekʉna Jesús paichejana sani ijache sẽniasaasome
repaʉte:
\p —‍Juan neena Dioni sẽejʉ teeñoã ãu ãimañe paijʉasome,
fariseopãi neena ũcuajache. Mʉʉ neena, ¿jese paiʉna
jãajañe choojʉ paimañe? —‍chiniasome.
\p
\v 19 Chitena Jesús ijache ikaasomʉ repanare:
\p —‍Pãi romi vejani majapãiname repanare kueñe painare peore
soni chii ãu ãime. Romi vejakʉ paiʉna ãu ʉ̃secuamʉ.
\v 20 Naa paisirʉmʉ repaʉte chekʉnapi sasõjanaame
chekʉchejana. Jãarʉmʉtani repaʉni oijʉ ãu ãimairo
paijanaame repana —‍chiniasomʉ Jesús repanare.
\p
\v 21 Reparʉmʉ pãi teena aperʉmʉ chechosiename mama
chechoche ũcuaparʉva cuasañu chini aperʉmʉ chechosie
ũhacuheasome. Chekʉnatani mama chechoche asacuheasome.
Jãajekʉna Jesús repanani chʉvakʉ ijache ikaasomʉ:
\p —‍Aikãarʉji cheresõru mamaserechoji chere aikãana põ
juhamanaame pãi. Jãajañe juha pini choaru aikãarʉ
mamaserecho põ juhasikãarʉjekʉ rueni jirosõʉna naa ʉjacoje
cheremʉ.
\v 22 Ũcuachia pĩsi ʉche cono mama chooni vaivana canituru
aituruna rovemanaame pãi. Aituruna roveru conopi kosani saʉ
cheresõ turujẽe choosõkʉ pĩsi ʉche cono ũcuajache
choosõmʉ. Jãajekʉna pãi pĩsi ʉche cono mama chooni turu
mamaturuna roveme. Mamaturutani cheremañe rupʉ saʉmʉ.
Jãajekʉna cono kosa ñuiʉ jañʉsõmamʉ —‍chiniasomʉ Jesús
repanare.
\s Jesús neena pʉaumucusena trigochacharʉã pura ãisiere kʉamʉ
\r (Mt 12.1-8; Lc 6.1-5)
\p
\v 23 Ũcuarʉmʉ Jesús pʉaumucusena repaʉ neenaname trigo
chiopi saijʉ paniasome. Saijʉ repaʉ neena trigochacharʉã pura
ãniasome.
\v 24 Jãajañe choojʉna ña fariseopãi ikaasome repaʉte.
\p —‍Ñajʉ̃ʉ. ¿Jese paiʉna mʉʉ neena pʉaumucusetani
chooche chooche? —‍chiniasome.
\p
\v 25 Chitena,
\p —‍¿Aperʉmʉ paisikʉ David choosiere kʉajʉ mai aipãi
tocha jokasie ñamanaañe mʉsanʉkona? Ijache kʉamʉ repa:
\q
\v 26 Abiatar judío phairipãi ũcuanʉko chʉ̃ʉrʉmʉ David
repaʉte jame painaname ãucuhakʉna
\q Dios vʉena kaka Diopi
pojoakʉ chini judío phairipãi tʉosiere pã mini ãiʉ
\q repaʉte jame painare ãukʉ ãniasomʉ.
\q Dios phairipãichia
ãijʉ̃ʉ chiisiere ãnisõasomʉ repaʉ David,
\m chiimʉ
—‍chiniasomʉ Jesús repanare.
\p
\v 27 Ũcuarʉmʉ Jesús joe ijache ikaasomʉ repanare:
\p —‍Aperʉmʉ Dios pãi ũcuanʉkore pʉaumucujña jokaasomʉ.
Chareparo Dios pãire chooasomʉ. Repanare choo pini
pʉaumucujña jokaasomʉ, pʉaajʉ chini. Paivesachete jokamaʉ
paireoumucujñachia jokaasomʉ Repaʉ.
\v 28 Jãatani chʉʉni Dios Raosikʉni pʉaumucusena
choochete chʉ̃ʉto reomʉ —‍chiniasomʉ repaʉ.
\c 3
\s Cuajʉ̃tʉrʉ paakʉte Jesús vasosiere kʉamʉ
\r (Mt 12.9-14; Lc 6.6-11)
\p
\v 1 Ũcuarʉmʉ Jesús judíopãi chiivʉe joe kakaasomʉ. Kaka ñato pãiʉ ũcuavʉere cuajʉ̃tʉrʉ paakʉ paniasomʉ.
\v 2 Repavʉe chiisina pãi Jesure rʉa pãiñaasome. “¿Jesús iumucuse pʉaumucusena cuajʉ̃tʉrʉ paakʉte vasojaʉ?”, chini ñaasome repana. Repaʉji chooʉna ña repaʉni cuache ikañu chini chaaasome repana.
\v 3 Ũcuarʉmʉ Jesús cuajʉ̃tʉrʉ paakʉte ijache ikaasomʉ:
\p —‍Vʉni rani pãi chenevʉte nʉkajʉ̃ʉ —‍chiniasomʉ.
\v 4 Chini chekʉnare pãi ijache ikaasomʉ repaʉ:—‍ Pʉaumucujñana chekʉnani reojache chookaito, ¿reokʉ? Jãapãani, ¿cuache chooreokʉ? Ũcuachia, ¿chekʉnare vasoreokʉ? Jãapãani, ¿vanisõreokʉ repanare? —‍chiniasomʉ Jesús. Chiito ikamaneasome repana.
\p
\v 5 Jãajekʉna Jesús repanare perukʉ ñaasomʉ. Pãi oimanajejʉna rʉa sʉmaneasomʉ repaʉte. Ũcuarʉmʉ Jesús cuajʉ̃tʉrʉ paakʉte joe ijache ikaasomʉ:
\p —‍Mʉʉ jʉ̃tʉ saʉjʉ̃ʉ —‍chiniasomʉ. Chikʉna saʉʉna repajʉ̃tʉ teana reojajʉ̃tʉ careosoasomʉ.
\v 6 Ũcuarʉmʉ fariseopãi Jesupi jãajañe chooʉna ña ũcuavʉepi eta mʉa, Jesure vanisojachere carevañu chini Herodete pãi chʉ̃ʉkʉte chiinaname chii cutuasome.
\s Pãi rʉa jainʉko Jesure tuhajʉ chiara rʉtʉva chiisiere kʉamʉ
\p
\v 7 Ũcuarʉmʉ Jesús repaʉ neenaname vʉejoopo eta chiara rʉtʉvana saniasomʉ. Repaʉ sanisosirʉmʉ pãi rʉa jainʉko Galilea cheja cana tuhaasome repaʉte.
\v 8 Chekʉna pãi ũcuajache repaʉ choosiere asa rʉa jainʉko tuhaasome repaʉte, Judea cheja cana, chekʉna Jerusalén vʉejoopo cana, chekʉna Idumea cheja cana, Jordán chiacha chekʉkãko cana, Tiro vʉejoopo cana, Sidón vʉejoopo cana.
\v 9 Ũcuarʉmʉ Jesús pãipi jairepanʉko paijʉ repaʉni rʉa tĩtijʉna, “Choovʉ carevakaijʉ̃ʉ chʉʉre”, chiniasomʉ repaʉ neenare.
\p
\v 10 Repaʉ pãi jainʉko jũinare vasosikʉjekʉna chekʉna jũivana repaʉte tĩa kueñe raniasome chẽse vajʉñu chini.
\v 11 Ũcuachia vati paana Jesuni ña repaʉ tijñeñena rore pʉʉ ñuijʉ ʉjachʉopi cuijʉ ijache ikaasome:
\p —‍Dios Mamakʉmʉ mʉʉ —‍chiniasome.
\p
\v 12 Jãajañe ikato, joe ikache ʉ̃seasomʉ Jesús repanare, repaʉ paichete kʉamaneajʉ chini.
\s Jesús Dios chʉo chʉvajanani saora chini docerepanare chẽasiere kʉamʉ
\r (Mt 10.1-4; Lc 6.12-16)
\p
\v 13 Ũcuarʉmʉ Jesús aikũtina mani paiʉ ʉmʉpãire repaʉte ʉanarechia soniasomʉ. Sokʉna saniasome repana.
\v 14 Satena Jesús docerepanare chẽaasomʉ, repaʉte jame paijanare, Dios chʉore chʉvaajʉ chini repaʉ saojanare.
\v 15 Chẽa jũivanare vasomasichename, vati eto saomasiche chʉ̃ʉ jokaasomʉ Jesús repanare, sani choojʉ paapʉ chini.
\v 16 Repaʉ chẽa jokasina docerepana mamiame ie: Charo Simonni chẽaasomʉ repaʉ. Chẽa Jesús repaʉte joe mami cheke Pedrote veoasomʉ.
\v 17 Zebedeo mamachĩi ũcuachia Santiagoname Juanre chẽaasomʉ repaʉ. Chẽa repanare cheke mami Boanergete veoasomʉ repaʉ. “Boanerges” chini “Oko curu chĩivana” chiimʉ.
\v 18 Ũcuajache Andrere, Felipete, Bartolomere, Mateote, Tomare, chekʉre Santiagote Alfeo mamakʉte chẽaasomʉ. Tadeote ũcuachia chẽaasomʉ repaʉ. Chekʉre Simonre ũcuachia cananistapãi jame paikʉte chẽaasomʉ repaʉ.
\v 19 Ũcuachia Judas Iscariotete chẽaasomʉ repaʉ. Naa paisirʉmʉ repaʉ Judas Iscariote Jesuni cuache chooajʉ chini chekʉnani ĩsiasomʉ. \fig twelve disciples|CN01699B.tif|span||D.C.Cook| |Mr 3.19\fig*
\s Pãi Jesure, “Vatini paakʉ siache choomasimʉ”, chiisiere kʉamʉ
\r (Mt 12.22-32; Lc 11.14-23; 12.10)
\p
\v 20 Ũcuarʉmʉ Jesús repaʉ neenaname vʉena kakaasomʉ. Kaka paiʉna, jainʉko pãi joe chiiasome repaʉte. Jainʉko chiirena ãu ãicuaasomʉ repaʉte repaʉ neenare ũcuachia.
\v 21 Ũcuarʉmʉ Jesús majapãi repaʉ chookʉ paichete asa, “Vẽveʉ choosõcosomʉ repaʉ”, chini cuasa saniasome repaʉni chẽa tĩichejana sañu chini.
\p
\v 22 Ũcuarʉmʉ judíopãi chechona Jerusalén vʉejoopo raisina Jesure cuache cutuasome.
\p —‍Vati chʉ̃ʉkʉte Beelzebute, canivʉte paamʉ Jesús. Ũcuaʉji chookaiʉna vati ũcuajanare eto saomasimʉ repaʉ —‍chiniasome repana.
\p
\v 23 Jãajañe ikarena asa Jesús repanare soni ijache ikaasomʉ chʉvara chini:
\p —‍Vati ai ũcuajaiʉte, ¿jese eto saokʉ?
\v 24 Pãi ũcuateecheja painapi sãiñechia cavani vaijʉ siasõjanaame.
\v 25 Ũcuachia majapãichiapi ũcuateevʉe painapi sãiñechia cavani majapãi sẽjosõjanaame.
\v 26 Ũcuachia vati aipi repaʉ neenaname sãiñechia cavato repaʉ chʉ̃ʉñe siasõmʉ.
\p
\v 27 ’Pãiʉ rʉa kokaʉji repaʉ vʉere pẽjeto ñaacuamʉ repaʉ cuamajñarʉã. Charo repaʉni chẽa quẽo sʉototani repaʉ neemajñarʉã tʉtesõreomʉ —‍chiniasomʉ Jesús repanare.
\p
\v 28 Ũcuarʉmʉ Jesús judíopãi chechonare joe ijache ikaasomʉ:
\p —‍Ie chʉo ũcuarepare ikamʉ chʉʉ mʉsanʉkonare: Dios, pãi cuache choosiename cuache cutuche siache tʉnesõjamʉ. Tʉnesie joe cuasamanejamʉ Repaʉ.
\v 29 Repaʉ Rekochote cuache cutusietani jmamakarʉjẽe cavesʉmañe cuasakʉ roiche chʉ̃ʉjamʉ Repaʉ. Jãare ai cuasakʉ paijamʉ Repaʉ —‍chiniasomʉ repaʉ.
\p
\v 30 Repana judíopãi chechona, “Jesús vatire paamʉ”, chiijʉna jãajañe ikaasomʉ repaʉ Jesús repanare.
\s Jesús pʉkako repaʉ chojechĩiname repaʉni ñañu chini saisiere kʉamʉ
\r (Mt 12.46-50; Lc 8.19-21)
\p
\v 31 Ũcuarʉmʉ Jesús pʉkako repaʉ chojechĩiname ũcuaʉ paivʉena rani tĩa vesena canʉkaasome. Vesere paijʉ chekʉnapi kaka repaʉte soikaapʉ chini ikaasome repana.
\v 32 Ũcuarʉmʉ pãi Jesuname rʉa jainʉko chii rũhisokoro ñuinapi ijache ikaasome repaʉte:
\p —‍Mʉjako, mʉcheʉchĩiname mʉʉre kuejʉ raisina vesere paime —‍chiniasome repana.
\p
\v 33 Chitena Jesús ijache ikaasomʉ repanare:
\p —‍¿Kaoao chʉʉ jako? ¿Keejanaañe chʉʉ chojechĩi? —‍chiniasomʉ.
\p
\v 34 Chini pãi repaʉte chii ñuinani ñakʉ ikaasomʉ repaʉ.
\p —‍Inaame chʉʉ jakoromijana. Ũcuachia inaame chʉʉ chojechĩijana.
\v 35 Dios chʉ̃ʉñe asa jachamañe choona chʉʉ chojechĩijanaame. Ũcuajache chʉʉ jakoromijanaame repana —‍chiniasomʉ Jesús repanare.
\c 4
\s Trigo chuchusiere cuasakʉ kʉamʉ Jesús
\r (Mt 13.1-9; Lc 8.4-8)
\p
\v 1 Ũcuarʉmʉ Jesús chiara rʉtʉvate paiʉ joe chʉvakʉna
rʉa jainʉko pãi repaʉ paichejana chiiasome. Pãipi
jairepanʉko rani chiirena choovʉna tuni pʉʉasomʉ repaʉ.
Pãitani chiara rʉtʉvate paniasome.
\v 2 Ũcuarʉmʉ Jesús choovʉte ñuiʉ repanani chʉvakʉ
ijachere cuasakʉ rʉa kʉaasomʉ:
\p
\v 3 —‍Asarepajʉ̃ʉ, mʉsanʉkona. Pãiʉ trigote chuchura chini
chiona saniasomʉ.
\v 4 Sani tĩa pachu kuiʉ chuchukʉna trigocaã teerakarʉã
maana tuãtuaasomʉ. Maana tuãtuaʉna pĩavanapi rani
ãkuesõasome reparakarʉã.
\v 5 Chekʉrakarʉãtani cata paichejana chao jmamakarʉ
paichejana tuãtuaasomʉ. Chao sẽserʉchia paichejatani
nami aineeasomʉ reparakarʉã.
\v 6 Nami aineesietani ʉ̃sʉʉji rʉarepa asukʉna uu phãpha
jũnisõasomʉ repasañarʉã, chitapi peokʉ.
\v 7 Chekʉrakarʉã miu paichejana tuãtua miuname ainee miupi
juje vẽasõʉna trigo kʉ̃imaneasomʉ.
\v 8 Chekʉrakarʉãtani reojache chao paichejñana
tuãtuasirakarʉãjekʉ reojache ainee jua ñaniasomʉ.
Teerakarʉ aineesiñʉ teechachava treintareparakarʉã
paichacha jua ñaniasomʉ. Chekʉrakarʉã aineesiñʉã
sesentareparakarʉã paichacha jua ñaniasomʉ.
Chekʉrañʉrʉã cienreparakarʉã paichacha jua ñaniasomʉ
—‍chiniasomʉ Jesús.
\v 9 Ũcuarʉmʉ Jesús repanare pãi ijache ikaasomʉ:
\p —‍Chʉʉ chʉvache asa chẽa chooʉana ũcuanʉko asa chẽajʉ̃ʉ
—‍chiniasomʉ repaʉ.
\s Repaʉ cuasakʉ kʉasiere teerũhiñe kʉamʉ Jesús
\r (Mt 13.10-17; Lc 8.9-10)
\p
\v 10 Repana pãi sanisosirʉmʉ Jesús teeʉ paiʉna repaʉ
neenaname chekʉna repaʉte chiina repaʉ cuasakʉ kʉasie
asavesʉjʉ teerũhiñe kʉaakʉ chini sẽniasaasome repaʉte.
\v 11 Sẽtena Jesús ijache ikaasomʉ repanare:
\p —‍Mʉsanʉkonani chʉʉ neenajejʉna Diopi ʉ̃semaʉna
Repaʉchia masiche teerũhiñe kʉamʉ chʉʉ, asamasiajʉ
chini. Jãatani chekʉnare chʉʉre cuasacuhenare Repaʉchia
masiche chʉʉ cuasacheji kʉamʉ chʉʉ, asanatani asavesʉajʉ
chini.
\v 12 Ñanatani ñamanesina paichejache paijanaame repana.
Ũcuajache asanatani asavesʉjanaame repana. Pãi chʉʉ chʉo
asa chẽa repana cuache choochete ũhasõru Dios repana rekoñoã
cuache paiche tʉnosõ joe cuasamanejamʉ —‍chiniasomʉ Jesús
repanare.
\s Trigo chuchusiere repaʉ cuasakʉ kʉasiere teerũhiñe kʉamʉ
Jesús
\r (Mt 13.18-23; Lc 8.11-15)
\p
\v 13 Ũcuarʉmʉ Jesús joe ijache ikaasomʉ repanare:
\p —‍¿Chʉʉ cuasakʉ kʉasie asavesʉche mʉsanʉkona? Jãa
paito chʉʉpi joe cuasakʉ kʉato, ¿jese asamasijanaañe
mʉsanʉkona?
\v 14 Ijacheame jãa chʉʉ cuasakʉ kʉasie: Trigo chuchuna
chio siacachio kuijʉ chuchume. Dios chʉo chʉvana ũcuajache
chejña siachejña kuijʉ Dios chʉo pãi ũcuanʉkore chʉvame.
Trigo chuchuchejacheame Dios chʉo chʉvache.
\v 15 Trigorakarʉã teerakarʉã maana tuãni chejapi rʉarepa
jʉjakʉna kakamamʉ. Trigocaã chuchusicaã chejapi rʉarepa
jʉjakʉna kakamañejañe pãi teenare repana rekoñoã Dios
chʉo kakamamʉ. Asanaretani vati aipi ʉ̃semʉ repanare, Dios
chʉo asa chẽamaneajʉ chini.
\v 16 Ũcuachia cata paichejña tuãisicaã nami aineesietani
chita saimaʉ nami jũnisõmʉ. Pãi ũcuachia teena Dios chʉo
asa teana pojojʉ cuasame.
\v 17 Jãatani repanapi Dioni cuasajʉna pãipi cuache ikajʉna
chekʉrʉmʉ repanani cuache tijñekʉna masi cuasamanajejʉ Dios
chʉo repana cuasache nami jokasõme.
\v 18-19 Ũcuachia miu paichejña tuãtuasirakarʉã miuname
aineemʉ. Jãajekʉna miu sũkipi jujekʉna kʉ̃imañe jũnisõmʉ
reparañʉrʉã. Pãi ũcuachia teena Dios chʉo asa chẽa Repaʉ
chʉ̃ʉñe choonatani ũhasõme. Repana choochete kuriname
põsere cheke siache rʉarepa cuasajʉ Dios chʉo repana asa chẽa
cuasache cavesʉ ũhasõme.
\v 20 Ũcuachia cheja reojachejana tuãtuasicaã reojache ainee
reojache kʉ̃iñejañe reojache paime pãi. Dios chʉo asa
chẽa Repaʉ chʉ̃ʉ jokasie choojʉ paime. Repana teena
trigoñʉ treintareparakarʉã paichachava jua
ñaisiñʉãjañe reojache paime repana rekoñoã. Chekʉna
sesentareparakarʉã paichachava jua ñaisiñʉãjañe naa
rʉa reojache paime. Chekʉna cienreparakarʉã paichachava
jua ñaisiñʉãjañe joe naa rʉa reojache paime Repaʉ
chʉ̃ʉñe choona —‍chiniasomʉ Jesús repanare.
\s Pãiʉ ʉotʉopʉ chʉ̃o tʉochete kʉamʉ
\r (Lc 8.16-18)
\p
\v 21 Ũcuarʉmʉ Jesús joe ikaasomʉ repanare.
\p —‍Pãiʉ ʉotʉopʉ ra chʉ̃oni totoroji jao nʉkomamʉ.
Ũcuajache kãikoa vʉevʉna nʉkomamʉ. Jãajañe choomañe
ʉotʉopʉ chʉ̃oni ʉmʉna tʉomʉ reojache miañe ñoakʉ
chini.
\v 22 Diopi ʉ̃sekʉna pãi Repaʉ chʉo asavesʉsie naa
paisirʉmʉ peore rũhiñe kʉajamʉ Repaʉ, asamasiajʉ chini.
Ũcuachia Repaʉchia masiche naa paisirʉmʉna peore kʉajamʉ
Repaʉ.
\v 23 Chʉʉ ikache asa chẽa chooʉana ũcuanʉko asa chẽajʉ̃ʉ
—‍chiniasomʉ Jesús repanare.
\p
\v 24 Ũcuarʉmʉ Jesús joe ikaasomʉ repanare.
\p —‍Chʉʉ chʉvache cuasarepajʉ paijʉ̃ʉ. Mʉsanʉkona chʉʉ
chʉvache asa chẽa jachamañe choojʉ pani chʉʉpi
chookaiʉna siarʉmʉ naa rʉa masina paijanaame. Asa jachani
vesʉjanaame.
\v 25 Pãi, chʉʉ chʉvache asa jachamana siarʉmʉ naa rʉa
reojache paijanaame. Chookaijamʉ chʉʉ repanare, chʉʉ
chʉvachete naa rʉa masiajʉ chini. Jãatani chekʉna chʉʉ
chʉvache asanatani masi cuasamapʉ chʉʉpi chookʉna repana
jmamakarʉ masiche cavesʉsõjanaame —‍chiniasomʉ Jesús repanare.
\s Oterakarʉã tãʉna aineesiere cuasakʉ kʉamʉ Jesús
\p
\v 26 Ũcuarʉmʉ Jesús repanare pãi joe chʉvakʉ ijachere
cuasakʉ kʉaasomʉ:
\p —‍Dios chʉ̃ʉñe choona paiche ijacheame: Pãiʉ
oterakarʉã tãasomʉ.
\v 27 Tã pini ñami kãimʉ repaʉ. Kãni vʉni joe chooche
choomʉ. Joe naiʉna joe kãimʉ repaʉ. Jãajañe chooto
siarʉmʉ ñami umucujña repaʉ tãsie aineekʉ paimʉ. Tãsie
ñomañe aineeñe vesʉmʉ repaʉ.
\v 28 Charo reparañʉrʉã aineemʉ. Choje reparañʉrʉã jua
ñaimʉ. Jua ñani reparakarʉã paimʉ.
\v 29 Paiʉna tãsikʉ vatipi reparañʉrʉã verisõmʉ
—‍chiniasomʉ Jesús repanare.
\s Mostazarakarʉã paichete cuasakʉ kʉamʉ Jesús
\r (Mt 13.31-32; Lc 13.18-19)
\p
\v 30 Ũcuarʉmʉ Jesús repanare pãi joe ijache chʉvaasomʉ:
\p —‍Dios chʉ̃ʉñe choona, ¿keejachejache paiche? Repana
paichete kʉara chini, ¿keejachere cuasakʉ kʉajache chʉʉ?
\v 31 Ijachere kʉara: Mostazarakarʉã rʉa jmarakarʉãame.
\v 32 Jãatani pãipi tãru sũkiñʉã ʉjañʉãpi ka ʉjaka
paiñʉã aineeʉna pĩavana ũcuaka vʉevʉãre
chʉrʉjachejñare tuhijʉ paime —‍chiniasomʉ Jesús.
\s Jesús pãire chʉvakʉ cuasakʉ kʉasiere kʉamʉ
\r (Mt 13.34-35)
\p
\v 33 Jesús repanare pãi chʉvakʉ repana asamasichetʉka cuasakʉ
kʉaasomʉ.
\v 34 Repanare chʉvakʉ cheke ikamañe ũcuaʉ cuasachechia
kʉaasomʉ repaʉ. Jãatani chekʉna pãi peorʉmʉ repaʉ neenare
repaʉ kʉasie teerũhiñe kʉaasomʉ, asamasiajʉ chini.
\s Jesupi chʉ̃ʉʉna tutachename faache cuhasiere kʉamʉ
\r (Mt 8.23-27; Lc 8.22-25)
\p
\v 35 Ũcuaumucuse naicuhatona Jesús repaʉ neenare ijache
ikaasomʉ:
\p —‍Ira chiara chekʉkãkona jẽñu mai —‍chiniasomʉ.
\p
\v 36 Chikʉna repanare pãi joka repaʉ neenapi Jesure choovʉ
paikʉte jẽaasome. Jẽajʉna pãi chekʉna chekʉvʉãpi jame
jẽniasome.
\p
\v 37 Jẽejʉna chiara tutakʉ faakʉ jañʉkʉ choovʉ oko
timusopiraasomʉ.
\v 38 Jãajañe chookʉ paito Jesús choovʉ tʉtipʉ kãiʉ
paniasomʉ kãipʉji ũhiʉ. Choovʉji runisocuhakʉna ũcuaʉ
ũhichejana mʉa ijache ika vʉoasome repaʉte:
\p —‍¡Masiʉ, runisõcuhame mai! ¿Chʉkʉnate oimakʉ mʉʉ?
—‍chiniasome.
\p
\v 39 Chitena jñano vʉni tutachename chiara faachete ijache
ikaasomʉ repaʉ:
\p —‍¡Tutachename faache cuhajʉ̃ʉ! —‍chiniasomʉ repaʉ.
\p Chikʉna tutachename faache teana ũcuaparʉva cuhaasomʉ.
Joe reojaira cuhaasomʉ chiara.
\v 40 Jãajañe choocuha Jesús repaʉ neenare ikaasomʉ.
\p —‍¿Jese paiʉna mʉsanʉkonare rʉarepa vajʉchʉakʉ?
Chʉʉre masi cuasamame mʉsanʉkona —‍chiniasomʉ repaʉ.
\p
\v 41 Chikʉna vajʉchʉjʉ rʉa cuasajʉ sãiñechia sẽniasaasome
repana.
\p —‍¿Keejaiʉjekʉ ikʉ jãajañe chookʉ? Ikʉpi chʉ̃ʉʉna
tutasie cuhasõmʉ, faasiejẽe ũcuajache —‍chiniasome repana
Jesús neena.
\c 5
\s Gadara cheja cavaʉre vati paavaʉre Jesús etokaisiere kʉamʉ
\r (Mt 8.28-34; Lc 8.26-39)
\p
\v 1 Ũcuarʉmʉ Jesús repaʉ neenaname chiara chekʉkãko cacheja Gadara chejana jẽni tĩa matena pãiʉ vatire paakʉ eta tijñaasomʉ Jesure.
\v 2-3 Repaʉ siarʉmʉ paichejapi pãi tãchejñapi etaasomʉ. Repaʉte pãi chẽañu chiito chẽacuaasomʉ. Cʉnamejẽe repaʉte vẽecuaasomʉ.
\v 4 Pãi repaʉte rʉarepañoã cʉnameãpi vẽesietani siarʉmʉ cũa jʉ̃jña vẽesie tʉteso repaʉte vẽesimeã jmarĩirʉã tʉtesoasomʉ repaʉ. Jmamakarʉjẽe chẽacojñomaneasomʉ repaʉ. Chẽacuaasomʉ.
\v 5 Siaumucujña siañami aikũjñaname pãi tãchejñare peore kuiʉ cuikʉ catapʉãpi meñe asi vaiʉ paniasomʉ repaʉ.
\v 6 Jesupi Gadara chejana repaʉ paichejana tĩaʉna soopi ña vatire paakʉ Jesús nʉkachejana raniasomʉ. Vʉvʉ rani Jesús tijñeñena rore pʉʉ ñuniasomʉ repaʉ.
\v 7-8 Rore pʉʉ ñuiʉna Jesús ijache ikaasomʉ repaʉte:
\p —‍Vati, ikʉre eta joka saijʉ̃ʉ —‍chiniasomʉ repaʉ.
\p Jãajañe chikʉna vatire paakʉ cuikʉ ikaasomʉ repaʉte:
\p —‍Jesús, Cʉnaʉmʉ Paikʉ Dios Mamakʉ, ¿ʉ̃que raikʉ mʉʉ? Dios ñakʉte ie sẽemʉ chʉʉ mʉʉre: Asi choomanejʉ̃ʉ chʉʉre —‍chiniasomʉ repaʉ.
\p
\v 9 Chikʉna Jesús vatire ijache ikaasomʉ:
\p —‍¿Ʉ̃quemamiʉʉ mʉʉ? —‍chiniasomʉ repaʉte.
\p —‍Chʉkʉna jainʉko painajejʉ, Vati Kuanupʉ veeme —‍chiniasome vati.
\v 10 Ũcuarʉmʉ vati rʉarepañoã ikaasome Jesure—‍ Chʉkʉnate chekʉcheja saomanejʉ̃ʉ —‍chiniasome.
\v 11 Ũcuacheja kueñere aikũti caripate jochasẽse kuanupʉ ãure mukajʉ ãijʉ paniasome.
\v 12 Ũcuarʉmʉ vati Jesure rʉa ikaasome—‍ Chʉkʉnate etoni jochasẽse sanavʉã kakache ʉ̃semanejʉ̃ʉ; kakañu chʉkʉna —‍chiniasome.
\v 13 Jãajañe ikajʉ rʉarepa sẽejʉna Jesupi, “Jaʉ”, chikʉna repana vati eta sani jochasẽsevanani kakaasome. Vatipi kakarena jochasẽsevana teana ũcuanʉko vʉvʉ aikũti ʉjakũti caripaji chiarana tuãtua rutu jũnisoasome. Chekʉrʉmʉ jochasẽsevana dos milrepana paicosome.
\p
\v 14 Jãajañe choorena ña repavanare kuirasivana kʉañu chini vʉvʉsoasome vʉejoopo cananame repachejña poña canare. Kʉarena asa choosiere ñañu chini eta saniasome pãi.
\v 15 Sani Jesús paichejana tĩa, vati paasikʉre ñaasome repana. Kãa peosikʉ churatani kãa juiʉ ñuniasomʉ repaʉ. Ũcuajache vẽve choosikʉpi rũhiñe cuasakʉna ña kʉkʉsoasome repana.
\v 16 Ũcuarʉmʉ vati paasikʉre choosiename jochasẽse ruisie ñasina chekʉnani kʉaasome.
\v 17 Kʉarena asa pãi Jesure rʉa ikaasome,
\p —‍Icheja paimañe saijʉ̃ʉ mʉʉ —‍chiijʉ.
\p
\v 18 Ũcuarʉmʉ Jesús coira chini choovʉna joe tuniasomʉ. Coipirakʉna vati paasikʉ repaʉte jame sasa chini rʉa sẽniasomʉ.
\v 19 Jãatani Jesús repaʉte saiche ʉ̃sekʉ ijache ikaasomʉ:
\p —‍Mʉʉ majapãi paichejana sani mʉʉre Dios chookaisiere kʉajʉ̃ʉ. Dios mʉʉre oiʉ chookaisiere kʉajaijʉ̃ʉ repanare —‍chiniasomʉ Jesús repaʉte.
\p
\v 20 Jãajañe ikaʉna repaʉ vati paasikʉ vʉñajoopoã Decápolis cheja cajoopoã dierepajoopoã kuiʉ Jesús repaʉte chookaisiere peore ũcuajoopoã canare kʉaasomʉ repaʉ. Kʉaʉna pãi asa rʉa jñanoasome.
\s Jairo mamakoname chie ravʉ jũikote Jesús vasosiere kʉamʉ
\r (Mt 9.18-26; Lc 8.40-56)
\p
\v 21 Jãajañe choocuha Jesús choovʉji chiara chekʉkãkona joe jẽni coiasomʉ. Jẽni tĩa chiara rʉtʉvate paiʉna pãi jainʉko chiiasome repaʉte.
\v 22 Reparʉmʉ Jairo judíopãi chiivʉe chʉ̃ʉkʉ Jesús paichejana raniasomʉ. Rani tĩa Jesure ña repaʉ tijñeñe rore pʉʉ ñuniasomʉ repaʉ.
\p
\v 23 Rore pʉʉ ñuiʉ Jesure rʉa sẽniasomʉ, ijache ikakʉ:
\p —‍Chʉʉ chĩivao jũnisõpiramo. Sani repaote chẽa vasokaijʉ̃ʉ vajʉako —‍chiniasomʉ repaʉ.
\p
\v 24 Chikʉna asa Jesús ũcuaʉname saniasomʉ. Ũcuajache pãi jainʉko Jesuname saijʉ jʉjo jãkejʉ saniasome repaʉte.
\v 25 Ũcuajache romio, docerepaʉ̃sʉrʉmʉ chie ravʉ jũiko jame paniasomo.
\v 26 Ʉ̃kochaipãi rʉa ʉ̃ko chooteeasome repaote. Rʉa ʉ̃ko siache choojʉna naa rʉa jũniasomo repao. Ʉ̃kore kooko kuri peore repao paasie roisoasomo repao vajʉra chini.
\v 27 Aperʉmʉ Jesús chooche pãi vasoche asasikojeko pãi kuanupʉ joopoji rani Jesús chojepi repaʉ juikãana chẽaasomo repao.
\v 28 Ijache cuasaasomo repao: “Jesús juikãa chẽanijẽe vajʉjamo chʉʉ”, chiio cuasako chẽaasomo repao.
\v 29 Chẽaona chie raisie churatani teana cuhasoasomʉ repaote. Cuhasoʉna repao vajʉsiere cuasaasomo repao.
\v 30 Vajʉona Jesús repaʉ repaote vasosie repaʉ rekocho masikʉ chʉri peore repakãjño ña sẽniasomʉ repaʉ.
\p —‍¿Neepi chʉʉ juikãa chẽare? —‍chiniasomʉ repaʉ.
\v 31 Chikʉna repaʉ neena ijache ikaasome repaʉte:
\p —‍Pãivana siacakãjño tĩtime mʉʉre. Jãatani, “¿Neepi chʉʉre chẽare?”, sẽniasamʉ mʉʉ —‍chiniasome repana.
\p
\v 32 Chiisietani Jesús repaʉte chẽasikore ñara chini siacakãjño ñakʉ paniasomʉ.
\p
\v 33 Ñakʉna repao jũisiko vajʉchʉko kurukuruo repaote vasosie masiko rani repaʉte tijñeñe rore ñuio peore kʉaasomo repaʉte.
\v 34 Kʉaona asa Jesús ikaasomʉ repaote.
\p —‍Mʉʉvao, “Ikʉ chʉʉre vasojamʉ”, chiio cuasasikojeko vajʉcuhasikoamo mʉʉ. Sani reojache paijʉ̃ʉ chura —‍chiniasomʉ Jesús repaote.
\p
\v 35 Repaʉ Jesús chutaa ikatona, pãi Jairo vʉe paisina rani ikaasome Jairote.
\p —‍Mʉʉ chĩivao jũnisõcuhasikoamo. Masiʉte joe ikamanejʉ̃ʉ —‍chiniasome repana Jairote.
\v 36 Repana ikasie Jesús asa jachakʉ Jairote ijache ikaasomʉ:
\p —‍Vajʉchʉmanejʉ̃ʉ. Mʉʉpi, “Chʉʉ chĩivaore vasokaijamʉ Jesús”, chiiʉ cuasato mʉʉ chĩivao vajʉjamo —‍chiniasomʉ repaʉ repaʉte.
\p
\v 37 Ika pini Jairo vʉena saniasomʉ repaʉ Pedroname Santiagoname Santiago chojeʉ Juan. Pãi chekʉnare saiche ʉ̃seasomʉ Jesús.
\v 38 Sani judíopãi chiivʉe chʉ̃ʉkʉ vʉena tĩa ñato pãi jainʉko paijʉ rʉa asojʉ otapi oijʉ cuijʉ chooasome.
\v 39 Ña kaka ikaasomʉ repaʉ repanare.
\p —‍¿Jese paiʉna mʉsanʉkona rʉa ota oijʉ rʉa asojʉ chooche? Jũnisõsivaomamo iko. Rupʉ kãisivaoamo —‍chiniasomʉ repaʉ repanare.
\p
\v 40 Jãajañe ikakʉna asa jachajʉ Jesure pãisoasome repana. Pãisojʉna repanare ũcuanʉkore etoasomʉ repaʉ. Etocuha repavao pairuupʉna jũnisosivao pʉkakʉpãiname repaʉte jame painare cuaakʉ kakaasomʉ repaʉ.
\v 41 Kaka Jesús jũisivao jʉ̃tʉna chẽakʉ ikaasomʉ.
\p —‍\it Talita, cumi\it* —‍chiniasomʉ Jesús repavaore. (“Talita, cumi” chini “Romichĩivao, vʉni nʉkajʉ̃ʉ” chiimʉ tĩichʉo.)
\p
\v 42 Jãajañe ikaʉna repavao docerepaʉ̃sʉrʉmʉ paiko vajʉrani teana vʉni nʉka kuniasomo. Vʉni nʉka kuiona repana pãi ña kʉkʉsoasome.
\v 43 Ũcuarʉmʉ Jesús repanare pãi rʉa chʉ̃ʉasomʉ,
\p —‍Ivaore chʉʉ vasosie chekʉnare pãi kʉamanejʉ̃ʉ —‍chiiʉ. Ũcuachia repaoni ãure ãuajʉ chini chʉ̃ʉasomʉ repanare.
\c 6
\s Jesús Nazaret vʉejoopo paisiere kʉamʉ
\r (Mt 13.53-58; Lc 4.16-30)
\p
\v 1 Jãajañe choocuha ũcuachejapi eta repaʉ pairepajoopona
coiasomʉ Jesús, repaʉ neenaname.
\v 2 Coi paiʉ pʉaumucuse judíopãi chiivʉena kaka
chechoasomʉ repaʉ. Chechokʉna pãi asa jñano ikaasome.
\p —‍¿Jese chookʉ ikʉ repaʉ chechomasiche checheʉ? ¿Neepi
ikʉre chechore? ¿Jese chookʉ ikʉ Diochia choomasiche
chooche checheʉ?
\v 3 Ijoopo paikʉ chookoña chookʉmʉ ikʉ Jesús. María
mamakʉmʉ. Jãana Santiagoname Josename Judaname Simón
majaachʉamʉ ikʉ. Repaʉ chojeromi ũcuajache ijoopote
mainame paime —‍chiniasome repana.
\p Jãajañe cuasanajejʉ repaʉ ikache jachaasome repana.
\p
\v 4 Ũcuarʉmʉ Jesús repanare ikaasomʉ.
\p —‍Dios chʉo kʉakaikʉ aineesijoopo painaname repaʉ
majapãichia repaʉ kʉache Dios chʉo asa jachame. Mʉsanʉkona
ũcuajache ijoopo chʉʉ aineesijoopo paina chʉʉ kʉache Dios
chʉo asa jachame —‍chiniasomʉ Jesús repanare.
\p
\v 5 Repanapi repaʉni cuasamapʉna Diochia choomasiche rʉarepa
choo ñomaneasomʉ Jesús repajoopo pairʉmʉ. Pãi jũivanare
teevanare jʉ̃jñapi chẽa vasoasomʉ.
\v 6 Repana pãi repaʉte masi cuasamañere cuasakʉ jñanoasomʉ
Jesús. Reparʉmʉ Jesús vʉñajoopoã kueñe paijoopoã kuiʉ
chechokʉ paniasomʉ.
\s Dios chʉore chʉvaajʉ chini repaʉ neenare docerepanare
Jesús saosiere kʉamʉ
\r (Mt 10.5-15; Lc 9.1-6)
\p
\v 7 Ũcuarʉmʉ Jesús repaʉ neenare docerepanare soni chii,
\p —‍Mʉsanʉkona ũcuanʉko teekachapanachia ũcuateecheja sani
chʉʉpi chookaiʉna pãi sanavʉã painare vati peore eto
saojanaame.
\v 8 Mʉsanʉkonapi sani cuamakarʉjẽe samanejʉ̃ʉ. Jãatani
mʉsanʉkona jʉvejʉ kuiñoãchia sajʉ̃ʉ. Ãujẽe
samanejʉ̃ʉ. Turu cuamajñarʉã mañajaturujẽe samanejʉ̃ʉ.
Kurijẽe samanejʉ̃ʉ.
\v 9 Cũakorophere juijʉ saijʉ̃ʉ. Kãñajẽe samanejʉ̃ʉ.
Kãña sañejʉ juikãñajẽe samañe mʉsanʉkona
juikãñarʉãchia juijʉ kuijʉ̃ʉ —‍chiniasomʉ Jesús repaʉ
neenare.
\v 10 Ũcuarʉmʉ Jesús joe ikaasomʉ repaʉ neenare.
\p —‍Sani kuijʉ vʉejoopo tĩani mʉsanʉkonare chiina vʉere
canʉka paijʉ̃ʉ, tĩicheja saichetʉka.
\v 11 Chekʉrʉmʉ mʉsanʉkona saicheja painapi mʉsanʉkonani
cuaocuhejʉ Dios chʉojẽe asacuheto mʉsanʉkona cũakorophere
chʉ̃isiere chaore tĩto tojñojʉ eta saijʉ̃ʉ, pãipi ña
repana cuache choosiere masiajʉ. Dios pãi ũcuanʉkore chii
roiumucuse tĩaru Sodoma vʉejooponame Gomorra vʉejoopo
paisinare rʉa cuache tijñejamʉ. Jãatani mʉsanʉkona
chʉvache asacuhesinare naa rʉa cuache tijñejamʉ reparʉmʉ.
Ũcuarepaame jãa —‍chiniasomʉ Jesús repanare.
\p
\v 12 Jãajañe chʉ̃ʉʉna Jesús neena sani kuijʉ pãipi
repana cuache choochete ũhasoajʉ chini chʉvaasome.
\v 13 Ũcuachia vatire pãi sanavʉã painare eto saosokaniasome
repana. Ũcuachia ravʉ jũinare uchapeerakapi jmarakarʉji
rove vasoasome repana repanare pãi.
\s Juan Pãi Okorovekʉte vanisosiere kʉamʉ
\r (Mt 14.1-12; Lc 9.7-9)
\p
\v 14 Ũcuarʉmʉ Herodes pãi chʉ̃ʉkʉ Jesús chooche
asaasomʉ, Jesús choochete pãi jainʉko masijʉ kʉajʉna.
Jãajañere asa ijache ikaasomʉ repaʉ:
\p —‍Juan Pãi Okorovesikʉ chʉʉpi chʉ̃ʉʉna
chuenisõsikʉpi jũni vajʉrani paicosomʉ jãʉ.
Jãajañejekʉna Diochia choomasiche choomasicosomʉ repaʉ
—‍chiniasomʉ.
\p
\v 15 Chekʉnatani ijache ikaasome:
\p —‍Aperʉmʉ Dios chʉo kʉasikʉpi Elíapi joe vajʉrani paimʉ
jãʉ —‍chiniasome repana.
\p Joe chekʉnatani ijache ikaasome:
\p —‍Aperʉmʉ Dios chʉo kʉasina kʉasiejache Dios chʉo
kʉakʉmʉ jãʉ —‍chiniasome repana.
\p
\v 16 Repana ikasie asa Herodes ijache ikaasomʉ:
\p —‍Juancosomʉ repaʉ. Aperʉmʉ chʉʉpi repaʉ sĩjopʉ
tʉsosõñe chʉ̃ʉʉna jũnisõsikʉtani joe vajʉrani paicosomʉ
jãʉ —‍chiniasomʉ repaʉ.
\p
\v 17-18 Aperʉmʉ repaʉ Herodes repaʉ chojeʉ Felipe rʉ̃joni
Herodíani tʉa veja paakʉna Juan asa, “Mʉcheʉ paakote tʉa
paakʉ Dios ʉ̃sechete cuache choomʉ mʉʉ”, chiiʉ
chʉvaasomʉ repaʉte. Jãajañe chʉvakʉna Herodes asa perukʉ
repaʉte Juanre chẽa cʉnameji quẽo pãi chẽavʉena sa cuaoajʉ
chini chʉ̃ʉasomʉ.
\p
\v 19-20 Jãajekʉna Herodías Juan ikasiere asacuheasomo
repaʉte. Cuheko Juanre vanisoche chʉ̃ʉra chiniasomo repao.
Jãatani Herodes ʉ̃seasomʉ. Repaʉ Herodes Juanni vajʉchʉkʉ
ijache cuasaasomʉ: “Repaʉ Juan rʉa reokʉmʉ. Cuache
choomamʉ repaʉ”, chiiʉ cuasaasomʉ. Ũcuachia Juan
chʉvachete asa, “¿Choojache chʉʉ? ¿Pãajañe?”, chiiʉ
cuasaasomʉ repaʉ. Jãatani rʉa asara chiniasomʉ repaʉ.
\v 21 Ũcuarʉmʉ Juanre vanisorʉmʉ churatani tĩaasomʉ
Herodíate. Herodes repaʉte jñaasiumucusejarʉmʉjekʉna ãure
ãura chini repaʉte jame chʉ̃ʉnaname sõtaopãi
chʉ̃ʉnaname paipãi Galilea cheja canare soniasomʉ.
\v 22 Reparʉmʉ fiestate choojʉna Herodías mamako repana ãu
ãiruupʉna kaka pãi jainʉko ñajʉte eta teeo ujachaiasomo.
Jãajañe chookona ña Herodes rʉa pojoasomʉ repaote,
repaʉname ãu ãina ũcuajache. Repaoni pojokʉ repaote ikaasomʉ
repaʉ.
\p —‍Mʉʉre ʉache sẽejʉ̃ʉ chʉʉre. Mʉʉ sẽeñe
ũcuaʉache ĩsijamʉ chʉʉ mʉʉre —‍chiniasomʉ.
\v 23 Ũcuachia repaote ijache ikaasomʉ repaʉ:—‍ Chʉʉ
neechejña chʉʉ chʉ̃ʉkʉ paichejña joopojatʉka ĩsijamʉ
chʉʉ mʉʉre. Diopi ñakʉna ũcuarepa chʉo ikamʉ chʉʉ
mʉʉre —‍chiniasomʉ repaʉ.
\v 24 Chikʉna eta pʉkakoni sẽniasomo repao.
\p —‍¿Ʉ̃quere repaʉte sẽejañe chʉʉ? —‍chiniasomo.
\p Chikona pʉkako ijache ikaasomo:
\p —‍Juan Pãi Okorovekʉ sĩjopʉ tʉsochete sẽejʉ̃ʉ
repaʉte —‍chiniasomo pʉkako.
\p
\v 25 Chikona asa nami sani Herodes pairuupʉna joe kaka ijache
ikaasomo repao repaʉte:
\p —‍Juan Pãi Okorovekʉ sĩjopʉte tʉso cʉnareavana maña
teana ra ĩsijʉ̃ʉ chʉʉre —‍chiniasomo repao.
\p
\v 26 Repao sẽeñete asaʉna Herodete rʉa sʉmaneasomʉ.
Jãatani repaʉ soicojñosina asajʉte, “Ũcuarepare ikamʉ
chʉʉ”, chiisikʉjekʉ ũcuare ra ĩsiajʉ chini chʉ̃ʉasomʉ
repaʉ. Pãipi, “Joreʉmʉ ikʉ”, chiimaneajʉ chini, repao
sẽesie ʉ̃secuheasomʉ repaʉ.
\v 27 Jãajañejekʉna sõtaote repavʉe pẽjekaikʉte, “Sani
Juan sĩjopʉ tʉsojʉ̃ʉ”, chiiʉ chʉ̃ʉasomʉ repaʉ.
\v 28 Chʉ̃ʉʉna pãi chẽavʉena sani Juan sĩjopʉ tʉsocuha
cʉnareavana maña ra romichĩioni ĩsiasomʉ. Ĩsiʉna koo
pʉkakoni joe sa ĩsiasomo repao.
\p
\v 29 Ũcuarʉmʉ repaʉ Juan neena paisina repaʉte vanisosiere
asa pãi chẽavʉena sani repavaʉre sa tãasome.
\s Pãi cinco milrepanare Jesús ãu ãusiere kʉamʉ
\r (Mt 14.13-21; Lc 9.10-17; Jn 6.1-14)
\p
\v 30 Jãa choo pinisirʉmʉ Jesús neena, repaʉ saosina rani
repana choosiename repana chechosie peore kʉaasome repaʉte.
\v 31 Reparʉmʉ pãipi jairepanʉko repana paichejana raijʉna ãu
ãicuaasomʉ repaʉte Jesure, repaʉ neenare ũcuachia.
Jãajañe choojʉna Jesús repaʉ neenare ijache ikaasomʉ:
\p —‍Jʉna, sañu mai. Pãi peochejana sani jmamakarʉ pʉañu
—‍chiniasomʉ repaʉ.
\v 32 Ũcuarʉmʉ Jesús ũcuachejapi repaʉ neenaname choovʉ tuni
pãi peochejana chiara chekʉkãkona jẽniasomʉ.
\v 33 Jãatani pãi jainʉko vʉñajoopoã chekʉjoopoã paina
Jesuni ña masijʉ repara chekʉkãkona poopi vʉvʉ pachu repana
jẽejachejana charo tĩaasome.
\v 34 Chiara chekʉkãko jẽni tĩa mani Jesús, repaʉte
tuhasinare pãi ñaasomʉ. Repana pãipi Dios chʉo chʉvajʉ
chookainani peojʉ ovejavana kuirakʉte peovanajañe chʉovana
paijʉna repanare Jesús ña oniasomʉ. Repanani oiʉ Dios chʉo
chʉvaasomʉ repaʉ.
\v 35 Ũcuarʉmʉ repaʉ neena naisocuhakʉna repaʉte sani
ijache ikaasome:
\p —‍Naisõcuhamʉ ie. Icheja vʉñajoopoãjẽe peomʉ.
\v 36 Jãajekʉna inare pãi saojʉ̃ʉ kueñe paivʉñana
ũcuachia vʉñajoopoãna sani ãure koo ãapʉ —‍chiniasome
repana.
\p
\v 37 Jãajañe ikanaretani Jesús ikaasomʉ repanare.
\p —‍Mʉsanʉkonapi ãu ãujʉ̃ʉ inare —‍chiniasomʉ repaʉ.
\p Chikʉna ikaasome repana repaʉte.
\p —‍¿Mai kurirere denariorere doscientoreparere sa pã koojani
ra ãujanaañe chʉkʉna inare? —‍chiniasome repana.
\p
\v 38 Chitena Jesús ikaasomʉ repanare.
\p —‍¿Ketopʉpʉã pãpʉã paache mʉsanʉkona? Ñajaijʉ̃ʉ
—‍chiniasomʉ repaʉ repanare.
\p Chikʉna ñajani rani repaʉte ijache ikaasome repana:
\p —‍Pãpʉã, cincorepapʉã, vaivana teekachapavanarechia
paame chʉkʉna —‍chiniasome.
\v 39 Ũcuarʉmʉ Jesús repanare pãi tachavʉna teekuanuchia
pʉʉajʉ chini chʉ̃ʉasomʉ.
\v 40 Chʉ̃ʉʉna pãi ũcuanʉko teekuanuchia pʉʉasome.
Chekʉkuanupʉã cienrepana, chekʉkuanupʉã cincuentarepana
pʉʉasome repana.
\v 41 Pʉʉ ñuijʉna pã, cincorepapʉãre vaivanare
teekachapavanare mini cãjikʉ cʉnaʉmʉre ñakʉ Dioni,
“Reorepamʉ Jakʉ”, chini repaʉ neenani repa pãre tʉse
ĩsiasomʉ repaʉ, ũcuanʉkore ãuajʉ chini. Vaivanare
ũcuajache ĩsiasomʉ repaʉ, repanani ãuajʉ chini.
\p
\v 42 Pãi ũcuanʉko chajiche ãniasome repa.
\v 43 Jãatani repana ãijʉna cajejaisie pãname vai
docerepajʉña sia maña timuasome repana Jesús neena.
\v 44 Repa ãu ãisina pãi chekʉrʉmʉ cinco milrepana naa
jainʉko paicosome ʉmʉpãichia kuẽkueto.
\s Jesús oko sẽsevʉji nʉka kuisiere kʉamʉ
\r (Mt 14.22-27; Jn 6.16-21)
\p
\v 45 Jãajañe choocuha Jesús repaʉ neenare ijache ikaasomʉ:
“Chʉʉ inare pãi saochetʉka mʉsanʉkona choovʉ tuni chiara
chekʉkãko cajoopo Betsaida vʉejoopona charo jẽejʉ
paijʉ̃ʉ”, chiniasomʉ.
\v 46 Repanare pãi sao pinisirʉmʉ Jesús aikũtina
mʉnisoasomʉ, teeʉ Dioni sẽsa chini.
\v 47-48 Jãa chooto ñami repaʉ neena chutaa chiara
joorepapote jẽejʉ paniasome. Repana saichejapi tutapi rache
tutakʉna roacuaasomʉ repanare. Ũcuarʉmʉ Jesús poo teeʉ
paikʉji ñatacuhatona repanare ña chiara sẽsevʉji nʉka kuiʉ
tuha caraipiraasomʉ.
\p
\v 49-50 Jãajañe raiʉna repana ũcuanʉko ña, kʉkʉso
vajʉchʉjʉ ijache ikajʉ rʉa cuiasome, “¡Jũisikʉpi reko
raimʉ ikʉ!”, chiijʉ. Jãajañe ikajʉna Jesús teana ijache
ikaasomʉ:
\p —‍Jʉjarekoñoã paajʉ̃ʉ. Jesuamʉ chʉʉ. Vajʉchʉmanejʉ̃ʉ
—‍chiniasomʉ.
\p
\v 51 Repaʉ Jesús choovʉ tukʉna tutasie cuhasoasomʉ.
Jãajañe chooʉna rʉa jñanoasome repana.
\v 52 Jesús pãpʉã choosie ñasinatani repaʉ paiche
vesʉasome repana, repaʉte chutaa masi cuasamanajejʉ.
\s Genesaret cheja paivanare jũivanare Jesús vasosiere kʉamʉ
\r (Mt 14.34-36)
\p
\v 53 Ũcuarʉmʉ Jesús repaʉ neenaname chiaraji jẽni Genesaret
chejana tĩaasome. Tĩa choovʉ jʉoasome repana.
\v 54 Jʉo maito repacheja paina pãi Jesure teana ña masiasome.
\v 55 Jãajekʉna repana ũcuacheja paivʉña ũhinare
jũivanare vʉvʉ miijani raasome. Repavanare ra kãikãña
ũhinare Jesús kuichejñana ũhaasome.
\v 56 Repaʉ Jesús vʉñajoopoã chekʉrʉmʉ jmajoorʉã
chekʉrʉmʉ ʉjajoopoã chekʉrʉmʉ poñare kuiʉna pãi
jũivanare repaʉ paichejana ra maa rʉtʉvaãna ũhaasome. Ra
ijache chiijʉ sẽniasome repana: “Ivana jũivana mʉʉ
juikãa pʉso juhasirʉtʉ chẽseche jokajʉ̃ʉ, chẽse
vajʉajʉ”, chiniasome. Ũcuarʉmʉ repana jũivana repaʉ
juikãa chẽsesina ũcuanʉko vajʉasome.
\c 7
\s Pãi rekoñoã cuache paachete ikamʉ Jesús
\r (Mt 15.1-20)
\p
\v 1 Ũcuarʉmʉ fariseopãiname judíopãi chechona Jerusalén
raisinapi Jesús paichejana saniasome repana.
\v 2 Sani tĩa ñato Jesús neena teena judío aipãi chʉ̃ʉ
jokasie choomapʉ masi choamajʉ̃jñapi ãu ãniasome.
Jãajañe choojʉna fariseopãiname judíopãi chechona ña
cuache ikaasome repanare.
\p
\v 3 Repana fariseopãiname judíopãi ũcuanʉko cuare cuhejʉ
repana aipãi chʉ̃ʉ jokasie choonaame. Charo jʉ̃jña masi
choamaneni ãu ãimanaame repana.
\v 4 Ũcuachia ãu ĩsicheja sani rani cuchamaneni ãu ãimanaame
repana judíopãi. Cuare cuhejʉ aperʉmʉ repana aipãi
chʉ̃ʉsie chutaa choojʉ painaame repana. Cʉnaroro,
cʉnaroã, cʉnarea peore masi sosajʉ painaame repana.
Kãikoñajatʉka masi choanaame repana, aipãi chʉ̃ʉsiere
choojʉ.
\p
\v 5 Ũcuarʉmʉ repana fariseopãiname judíopãi chechona Jesure
ijache sẽniasome:
\p —‍¿Jese paiʉna mʉʉ neena mai aipãi chʉ̃ʉ jokasie
choomañe? Masi choamajʉ̃jñapi ãu ãime repana —‍chiniasome
repana.
\p
\v 6 Chitena Jesús ijache ikaasomʉ repanare:
\p —‍Aperʉmʉ Dios chʉo kʉasikʉ Isaías mʉsanʉkona
sẽsevʉchia reojache paijachere kʉakʉ tocha jokasie
ijache chiimʉ:
\q Jãana Israel jojosina, “Mʉʉre cuasajʉ vajʉchʉme
chʉkʉna”, chiime chʉʉre.
\q Jãatani repana rekoñoã chʉʉre cuasamanaame repana.
\q
\v 7 Ũcuachia chʉʉre cuasajʉ pojojʉ choochejache
sẽsevʉchia peoche choonaame repana.
\q Rupʉ repana cuasajʉ chʉ̃ʉñechia chechonajejʉ chʉʉni
cuasamapʉ jorenaame repana,
\m chiiʉ tocha jokaasomʉ Isaías.
\v 8 Dios chʉ̃ʉ jokasiere jachajʉ choomapʉ rupʉ pãi cuasajʉ
chʉ̃ʉñechia choojʉ painaame mʉsanʉkona.
\p
\v 9 ’Mʉsanʉkona aipãi cuasajʉ chʉ̃ʉ jokasiere chooñu
chiijʉ Dios chʉ̃ʉ jokasie choomanaame mʉsanʉkona.
\v 10 Aperʉmʉ Moisés ijache chʉ̃ʉ jokaasomʉ:
\q Mʉjakʉpãi ña kʉkʉjʉ paijʉ̃ʉ mʉsanʉkona,
\m Ũcuachia,
\q Mʉjakʉpãi cuache ikamanejʉ̃ʉ.
\q Jãajañe
ikanare vanisõñe paimʉ, cuache ikasie roi,
\m chiiʉ chʉ̃ʉ
jokaasomʉ.
\v 11-12 Mʉsanʉkonatani chekʉnare ijache chʉ̃ʉnaame: “Mai
jakʉpãire ijache ikato reomʉ: ‘Jakʉpãi, mʉsanʉkonare
ĩsiraasie chʉʉ paache corbanme. Jãajekʉna mʉsanʉkonare
kuiracuamʉ’, chiito reomʉ. Jãajañe ikanare pʉkakʉpãi
kuirache peomʉ”, chiinaame mʉsanʉkona. (“Corbán” chini
“Diore ĩsijacheame” chiimʉ.)
\v 13 Mʉsanʉkona Dios chʉ̃ʉ jokasie jachanajejʉ jãajañe
chʉ̃ʉme, pãipi rupʉ mʉsanʉkona cuasajʉ chʉ̃ʉñete choojʉ
paapʉ chini. Cheke ũcuajamajñarʉã cuache choojʉ painaame
mʉsanʉkona —‍chiniasomʉ Jesús repanare.
\p
\v 14 Chini Jesús pãi joe soni rao ijache ikaasomʉ repanare:
\p —‍Chʉʉ ikache asa chẽa masijʉ̃ʉ mʉsanʉkona ũcuanʉko.
\v 15 Pãi ãu ãiñeji repana rekoñoã cuache choomanaame.
Repana cuache cuasanitani cuache choome rekoñoã.
\v 16 Chʉʉ ikache asa chẽaʉana ũcuanʉko asa chẽajʉ̃ʉ
—‍chiniasomʉ Jesús repanare.
\p
\v 17 Ikacuha pãi joka mʉa vʉena kakaasomʉ Jesús. Kaka
paiʉna repaʉ neena repaʉ chʉvasiere asavesʉjʉ sẽniasome
repaʉte, masi kʉaakʉ chini.
\v 18-19 Sẽtena ijache ikaasomʉ repaʉ:
\p —‍¿Mʉsanʉkona ũcuajache chʉʉ ikasie asavesʉche? Pãiʉ
ãu ũcuaʉachete ãni cʉtapʉna mevo jmamakarʉ paa sẽjosõmʉ.
Rekocho kakamaʉna repaʉ rekochotani cuache choomamʉ
—‍chiniasomʉ Jesús.
\p Jãajañe ikakʉ, “Ãu ũcuaʉache ãireomʉ pãi”,
chiniasomʉ Jesús.
\v 20 Ũcuarʉmʉ Jesús joe ijache ikaasomʉ:
\p —‍Pãi cuache choona repana rekoñoã cuasache cuache choome.
Cuache cuasanajejʉ repana rekoñoã cuache paame.
\v 21 Pãi teena repana rekoñoã cuache cuasajʉ cuache choome.
Chekʉna romineejʉ chekʉna ʉmʉneejʉ cuache choome. Chekʉna
põse ñaasõme. Chekʉna pãi vanisõme.
\v 22 Chekʉna repana paimanare jame kãime. Chekʉna, pãi
neemajñarʉãre tʉa paaʉache ñame. Chekʉna ũcuaʉache cuache
choome. Chekʉna joreme. Chekʉna ũcuaʉache cuache choojʉ
jʉvomañe siache vajʉchʉache choonaame. Chekʉnare pãi
reojache tijñeto perume. Chekʉna cuache ikame chekʉnare.
Chekʉna pãi chekʉnare cuhejʉ, “Chʉʉchia reokʉmʉ”,
chiime. Chekʉna tĩiñe cuasame.
\v 23 Pãi jãajañe cuasajʉ choonapi cuache paame rekoñoã,
Diopi ñato —‍chiniasomʉ Jesús.
\s Judío peokoji Jesure cuasasiere kʉamʉ
\r (Mt 15.21-28)
\p
\v 24 Ũcuarʉmʉ Jesús ũcuachejapi eta Tiro vʉejooponame
Sidón vʉejoopo paichejana saniasomʉ. Sani tĩa repacheja
paivʉena kakaasomʉ repaʉ, kati teeʉ pasa chini. Jãatani
katicuaasomʉ repaʉte.
\v 25-26 Sani tĩaʉna repacheja paiko Sirofeniciapãio asa repaʉ
paivʉena mʉa kaka repaʉte tijñeñe rore pʉʉ ñuniasomo.
Ñuio repaʉte rʉa ikaasomo repao, mamakote paikʉni vatini
eto saokaaʉ chini.
\v 27 Sẽeona Jesús ikaasomʉ.
\p —‍Pãipi chĩivana ãiñete ãure tʉa jamuchaire ãuto
cuamʉ. Pãi repana chĩivanani charo ãu ãume —‍chiniasomʉ.
\p
\v 28 Chikʉna repao ikaasomo.
\p —‍Ũcuarepaame jãa, Pãi Ũcuanʉkore Paakʉ. Jãatani pãi
chĩivana ãijʉ puche tojñosimajñarʉãre ãime jamuchai
—‍chiniasomo repao.
\p
\v 29 Chikona Jesús joe ikaasomʉ repaote.
\p —‍Rʉa masi ikamo mʉʉ. Jãajañe cuasako ikaona mʉʉre
reojache chookaijamʉ chʉʉ. Mʉʉ vʉena coijʉ̃ʉ. Mʉʉ
chĩivao sanavʉ paisikʉ vati eta sanisõcuhasikʉamʉ
—‍chiniasomʉ Jesús repaote.
\p
\v 30 Jãajañe ikaʉna vʉe coi ñato chĩivao kãikoare
ũhio paniasomo, vatipi aperʉmʉ repaote paisikʉ eta
sanisoʉna.
\s Cãjo asamaʉ chʉojẽe cutumañe paikʉte Jesús vasosiere
kʉamʉ
\p
\v 31 Ũcuarʉmʉ Jesús Tiro vʉejoopo paichejapi sani Sidón
vʉejoopo carani joe Decápolis cheja paijoopoã carani Galilea
chiarana sani tĩaasomʉ.
\v 32 Sani paiʉna repaʉ paichejana pãi chekʉnapi cãjo asamaʉ
chʉojẽe cutumañe paikʉte ra, “Ikʉre chẽa vasojʉ̃ʉ”,
chiniasome.
\v 33 Chitena Jesús repaʉte jũikʉte pãi peochejana juha sa
repaʉ mʉoñoãpi jũikʉte repacãjo paiche suãnicuha repaʉ
coopi tutu jũikʉ chemeñona noasomʉ.
\v 34 Jãajañe choocuha ʉmʉre ñakʉ rʉa chʉe mʉo
jũikʉte ikaasomʉ repaʉ. “¡Efata!”, chiniasomʉ. (“Efata”
chini “Vatajʉ̃ʉ” chiimʉ hebreo chʉo.)
\p
\v 35 Jãajañe ikaʉna jũikʉ cãjo tapisie ũcuateerʉmʉ
repaʉ chemeño asomañe ikasichopi careoʉna asoche cutuasomʉ
repaʉ.
\v 36 Repaʉte vasocuha repanare ikaasomʉ Jesús. “Chʉʉ
ikʉre vasosie chekʉnare kʉamanejʉ̃ʉ”, chiiʉ ʉ̃seasomʉ
repaʉ. Jãatani Repaʉji naa rʉa, “Kʉamanejʉ̃ʉ”, chiito
naa rʉa chekʉnare kʉaasome repana.
\v 37 Jesupi jãajañe chooʉna repana pãi ña jñano ijache
ikaasome:
\p —‍Jesús rʉa siache reojache chookʉmʉ. Repaʉji chooʉna
cãjo asamanesina chura asame. Ũcuachia repaʉji chooʉna chʉo
cutumanesina chʉo cutume chura —‍chiniasome repana.
\c 8
\s Pãi cuatro milrepanare Jesús ãu ãusiere kʉamʉ
\r (Mt 15.32-39)
\p
\v 1 Ũcuarʉmʉ pãi jainʉko Jesús paichejana sani chii
paijʉna ãu siasoasomʉ repanare. Jãajekʉna Jesús repaʉ
neenare soni rao ijache ikaasomʉ:
\p
\v 2 —‍Inare pãi repana rasie ãu ãni siasõ ãiñejẽe
peovanapi chʉʉname choteumucujña paijʉna oimʉ chʉʉ.
\v 3 Ãu ãimavanani repana vʉñana saoto repana saijʉ ãucuhana
phãphasõ ai jũnisõjanaame. Teena rʉa soñapi raniasome
—‍chiniasomʉ repaʉ.
\p
\v 4 Chikʉna repaʉ neena ikaasome.
\p —‍Icheja pãi peochejajekʉ ãu ãiñejẽe peomʉ. ¿Jese
chʉkʉna ãu jñaa ãujanaañe inare pãi? —‍chiniasome.
\v 5 Chitena Jesús ijache sẽniasomʉ repanare:
\p —‍¿Jetopʉpʉã pã paache mʉsanʉkona? —‍chiniasomʉ repaʉ.
\p Chikʉna ikaasome repana.
\p —‍Pãpʉã sieterepapʉã paame chʉkʉna —‍chiniasome.
\p
\v 6 Ũcuarʉmʉ Jesús asa pãipi chejana pʉʉajʉ chini
chʉ̃ʉasomʉ. Pʉʉrena Jesús repa pãpʉã sieterepapʉãre mini
cãjikʉ Dioni, “Reorepamʉ”, chini repaʉ neenare tʉse
ĩsiʉna repana pãi ũcuanʉkore ãuasome repana.
\v 7 Ũcuachia repaʉ neena chiacha vai teevanare paajʉna
Jesús repavanare mini cãjikʉ Dioni, “Reorepamʉ”,
chiniasomʉ. Chini chʉ̃ʉasomʉ, repaʉ neenapi pãire
ũcuanʉkore ãuajʉ chini.
\p
\v 8 Pãi ũcuanʉko chajichechia ãniasome repa. Repana ãijʉna
cajejaisie sieterepajʉña sia maña timuasome repana Jesús
neena.
\v 9 Repa ãu ãisina pãi chekʉrʉmʉ cuatro milrepana paicosome,
ʉmʉpãichia kuẽkueto. Jãa choo pinisirʉmʉ Jesús repanare
pãi saosoasomʉ.
\v 10 Saocuha repaʉ neenaname choovʉji tuni Dalmanuta chejana
jẽniasomʉ repaʉ.
\s Jesupi Diochia choomasichete choo ñoakʉ chini fariseopãi
sẽesiere kʉamʉ
\r (Mt 12.38-39; Mt 16.1-4; Lc 11.16, 29)
\p
\v 11 Ũcuarʉmʉ fariseopãi Jesús paichejana rani kereasome
repaʉte. “Dios raomanesikʉamʉ ikʉ”, chini cuasanajejʉ,
repaʉni cuache chooñu chini,
\p —‍Diochia choomasichete choo
ñojʉ̃ʉ chʉkʉnate —‍chiniasome repana.
\v 12 Jãajañe chitena Jesús repaʉ rekocho rʉa sʉmañe paiʉ
ijache ikaasomʉ repanare:
\p —‍Ina pãi chʉʉre, “Diochia choomasichete choo ñojʉ̃ʉ
chʉkʉnate”, chiime, chʉʉ paichete masiñu chini. Jãatani
choo ñomanejamʉ chʉʉ repanare. Ũcuarepaame jãa
—‍chiniasomʉ Jesús.
\p
\v 13 Chini repanare joka joe choovʉji tuni chiara chekʉkãkona
jẽniasomʉ Jesús repaʉ neenaname.
\s Fariseopãi cuache chechochete kʉamʉ Jesús
\r (Mt 16.5-12)
\p
\v 14 Ũcuarʉmʉ Jesús neena chiara jẽejʉ, “Pã cavesʉ
ranisõsinaame mai”, chiniasome sãiñechia. Pãpʉ teepʉ
paaasome repana choovʉ.
\v 15 Jãajañe cuasajʉ ikajʉna Jesús repanare ijache
chʉvaasomʉ:
\p —‍Ñarepajʉ̃ʉ. Fariseopãiname Herodes pã saʉchejachere
ñajʉ chechemanejʉ̃ʉ —‍chiniasomʉ.
\v 16 Chikʉna repaʉ neena sãiñechia ikaasome.
\p —‍Maipi pãre ramanerena jãajañe ikacosomʉ ikʉ maire
—‍chiniasome repana.
\v 17 Jesús repana sãiñechia cutuchete masikʉ ijache ikaasomʉ:
\p —‍¿Jese paiʉna mʉsanʉkona pã peochete cuasajʉ cutuche?
Mʉsanʉkona chutaa masi cuasamapʉ asavesʉme. Chʉʉ chechosie
mʉsanʉkona rekoñoã chutaa tĩamamʉ.
\v 18 Mʉsanʉkona ñakocaã paanatani ñamame. Ũcuachia cãjo
paanatani asamame. ¿Chʉʉ choosie cuasamañe mʉsanʉkona?
\v 19 Aperʉmʉ pã cincorepapʉãchia ʉmʉpãi cinco milrepanare
ãukʉna cajejaisie, ¿jetopʉjʉña sia maña timure
mʉsanʉkona? —‍chiniasomʉ Jesús repanare.
\p Chikʉna,
\p —‍Docerepajʉña sia maña timusinaame chʉkʉna —‍chiniasome
repana.
\v 20 Chitena Jesús joe ikaasomʉ repanare.
\p —‍Ũcuachia pã sieterepapʉã pãi cuatro milrepanare chʉʉ
ãukʉna cajejaisie, ¿jetopʉjʉña sia maña timure
mʉsanʉkona? —‍chiniasomʉ repaʉ repanare.
\p Chikʉna,
\p —‍Sieterepajʉña sia maña timusinaame chʉkʉna —‍chiniasome
repana.
\v 21 Chitena Jesús joe ikaasomʉ.
\p —‍¿Chutaa asavesʉche mʉsanʉkona? —‍chiniasomʉ repaʉ
repanare.
\s Naavaʉni Betsaida cheja cakʉni Jesús vasosiere kʉamʉ
\p
\v 22 Ũcuarʉmʉ Jesús repaʉ neenaname Betsaida vʉejoopona
mani tĩaasomʉ. Tĩaʉna pãi naavaʉni Jesús paichejana ra
rʉa ikaasome, repavaʉni vasoakʉ chini.
\v 23 Sẽtena Jesús repavaʉre vʉejoopo rʉtʉvana jʉ̃tʉna
chẽa juha saasomʉ. Sa repaʉ ñakocaãna coo tutucuha repaʉ
canivʉna jʉ̃jñapi jakʉ, “¿Ʉ̃quere ñakʉ mʉʉ?”, chiniasomʉ
repaʉ.
\v 24 Chikʉna ñakʉ ijache ikaasomʉ:
\p —‍Pãire ñamʉ chʉʉ. Ñakʉtetani sũkiñʉãjañe ñoñe
pãi kuime —‍chiniasomʉ repaʉ.
\p
\v 25 Chikʉna Jesupi joe repaʉ ñakocaãna jaʉna repaʉ joe
ñato churatani peore reojache ñoasomʉ. Reojañakocaã
careoasomʉ repaʉte.
\v 26 Careoʉna Jesús repaʉte vʉena saokʉ ijache ikaasomʉ:
\p —‍Vʉejoopo saimañe mʉʉ vʉena rũhiñe saijʉ̃ʉ. Chʉʉ
mʉʉre vasosie chekʉnare kʉamanejʉ̃ʉ —‍chiniasomʉ Jesús
repaʉte.
\s Pedro, “Dios Raosikʉamʉ Jesús”, chiisiere kʉamʉ
\r (Mt 16.13-20; Lc 9.18-21)
\p
\v 27 Jãa choocuhasirʉmʉ Jesús repaʉ neenaname Cesarea de
Filipo vʉejoopo kueñe cajoopoãna sani tĩa kuiʉ Jesús repaʉ
neenare ijache sẽniasomʉ:
\p —‍Pãi chʉʉ paichete cutuni, ¿jese chiiche? —‍chiniasomʉ.
\v 28 Sẽkʉna ijache kʉaasome repana:
\p —‍“Juan, Pãi Okorovesikʉcosomʉ jãʉ”, chiime pãi
chekʉna mʉʉre ikani. Chekʉna, “Aperʉmʉ paisikʉ Elíaamʉ
jãʉ”, chiime mʉʉre. Joe chekʉna, “Aperʉmʉ Dios chʉo
kʉasikʉpi jũnisõsikʉpi joe vajʉrani paimʉ jãʉ”, chiime
mʉʉre —‍chiniasome repana.
\v 29 Chitena Jesús joe ijache sẽniasomʉ repanare:
\p —‍Mʉsanʉkonajẽe chʉʉ paichete cutuni, ¿jese chiiche?
—‍chiniasomʉ.
\p Chikʉna asa Pedroji ijache ikaasomʉ repaʉte:
\p —‍Pãi ũcuanʉkore chʉ̃ʉakʉ chini Dios Raosikʉamʉ mʉʉ
—‍chiniasomʉ.
\p
\v 30 Ũcuarʉmʉ Jesús repaʉ neenare chʉ̃ʉasomʉ, repaʉ
paichete chekʉnani kʉamaneajʉ chini.
\s Repaʉ chuenisojachere kʉamʉ Jesús
\r (Mt 16.21-28; Lc 9.22-27)
\p
\v 31 Ũcuarʉmʉ Jesús repaʉ neenare ijache ikaasomʉ:
\p —‍Chʉʉ Dios Raocojñosikʉ rʉa asi choocojñojamʉ.
Ũcuachia judío ainaname judío phairipãi chʉ̃ʉnaname
judíopãi chechona chʉʉni cuhejʉ vanisõñe chʉ̃ʉjanaame.
Vanisõ tãcojñosikʉtani choteumucujñana joe vajʉraijamʉ chʉʉ
—‍chiniasomʉ repaʉ repanare.
\v 32 Jãa Jesús repaʉ neenare teerũhiñe kʉaasomʉ. Jesupi
jãajañe kʉaʉna asa Pedro repaʉ ikachete asacuhekʉ
repaʉte chekʉna pãi peochejana juha sa ijache ikaasomʉ:
\p —‍Jãajañe ikamanejʉ̃ʉ mʉʉ —‍chiniasomʉ.
\v 33 Jãajañe ikaʉna asa Jesús Pedro ikachete asacuhekʉ
repaʉ neenani chʉri ñakʉ ijache ikaasomʉ repaʉte:
\p —‍Vati ai cuasachejache cuasakʉjekʉ chʉʉre jame paimañe
saijʉ̃ʉ mʉʉ. Pãi Dios cuasachejache cuasamanaame. Mʉʉ
ũcuajache Dios cuasachejache cuasamakʉamʉ —‍chiniasomʉ
repaʉ.
\p
\v 34 Ũcuarʉmʉ Jesús repaʉ neenare pãi chekʉnaname soni rao
ikaasomʉ.
\p —‍Mʉsanʉkonapi chʉʉ neena pañu chini mʉsanʉkonare
chooʉache ũhasõ chʉʉ chʉ̃ʉñete siaumucujña choojʉ
paijʉ̃ʉ. Chʉʉre cuasanajejʉna chʉʉre choochejache
vanisõñu chiijanaame pãi mʉsanʉkonare. Pãi mʉsanʉkonare
jãajañe chooñu chiiche asanijẽe chʉʉre cuasache
ũhasõmanejʉ̃ʉ.
\v 35 Chuenisõñete vajʉchʉjʉ repana asa chẽasiere Dios
chʉore ũhasõni repana jũnisõsirʉmʉ vati toana sani
uujanaame. Jãatani, “Pãi chʉkʉnate vanisõñu chiitojẽe
Jesure ũcua cuasajʉ Dios chʉo chʉvajanaame chʉkʉna”,
chiisina repana jũnisõsirʉmʉ Dios paichejare ai sani reojache
paijanaame.
\v 36-37 Pãi cuamajñarʉã siache paanapi chʉʉre cuasamaneni,
repana jũnisõsirʉmʉ vati toana sani ũcuana paacheji roi eta
Dios paichejana saicuamʉ.
\v 38 Pãi chʉʉre cuasanatani chekʉnani irʉmʉ paijʉ cuache
choonani vajʉchʉjʉ, “Jesure cuasamanaame chʉkʉna. Ũcuachia
Repaʉ chʉojẽe vesʉnaame chʉkʉna”, chiime masinatani.
Jãajañe ikasinare rʉa cuache tijñejamʉ, naa paisirʉmʉ
chʉʉ, Dios Raosikʉ, cʉnaʉmʉ mʉisikʉpi chejana joe
cajerʉmʉ. Reparʉmʉ chʉʉ Jakʉ Dios kosijaichejache
kosijaiʉ cajejamʉ chʉʉ Jakʉ neena ángelename. Caje
jãajañe ikasinare chʉʉ ũcuajache, “Inare pãi vesʉmʉ
chʉʉ”, chiijamʉ —‍chiniasomʉ.
\c 9
\p
\v 1 Ũcuarʉmʉ Jesús repanare pãi joe ikaasomʉ.
\p —‍Mʉsanʉkona icheja chʉʉre jame paina chutaa jũnisõmañe pairʉmʉna chʉʉ Dios Raosikʉpi pãire masi chʉ̃ʉkʉna ñajanaame. Ũcuarepaame jãa —‍chiniasomʉ.
\s Rʉa kosijaiʉ Jesús carũhisiere kʉamʉ
\r (Mt 17.1-13; Lc 9.28-36)
\p
\v 2 Seirepaumucujña paisirʉmʉna Jesús aikũti rʉa ʉmʉ nʉkakũtina mʉiʉ Pedrote Santiagote Juanre jãanarechia mʉaasomʉ. Mʉni paijʉ Jesús tĩiʉjaiʉ carũnisoasomʉ.
\v 3 Repaʉ juikãña ũcuajache rʉa pokosijakãña carũnisoasomʉ. Pãi kãña choanare teeʉterejẽe rʉa choatojẽe repaʉ kãñajañe pojakãña choacuamʉ.
\v 4 Ũcuarʉmʉ Jesús neena ñato aperʉmʉ paisina Moisename Elías Jesuname paijʉ chʉore cutujʉ paniasome. \fig transfiguration|CN01728B.tif|span||D.C.Cook| |Mr 9.5\fig*
\v 5 Jãajañe paijʉna ña Pedroji Jesure ikaasomʉ.
\p —‍Masiʉ, maipi ichejare paijʉna rʉa reomʉ. Vʉñarʉã chotevʉñarʉã chookañu chiime chʉkʉna, mʉʉ vʉerʉname Moisés vʉerʉname Elías vʉerʉ —‍chiniasomʉ Pedro repaʉte.
\p
\v 6 Repana Jesús neena kʉkʉsojʉ masi cuasavesʉkʉ Pedroji jãajañe ikaasomʉ Jesure.
\p
\v 7 Ũcuarʉmʉ repana nʉkachejana pikopi caje tapisoʉna piko sanavʉji chʉo ikache asoasomʉ repanare.
\p —‍Ikʉ chʉʉ chĩi chʉʉ oiʉ paakʉmʉ. Repaʉ chʉore asajʉ paijʉ̃ʉ mʉsanʉkona —‍chiichete asaasome.
\p
\v 8 Ũcuarʉmʉ repana teana siacakãjño ñato Jesús teeʉ nʉkaasomʉ; chekʉna teeʉjẽe peoasome.
\p
\v 9 Repana aikũti cajerʉmʉ Jesús ijache ikaasomʉ repanare: “Diopi ñokʉna mʉsanʉkona irʉmʉ ñasie chʉʉ Dios Raosikʉ jũnisõ vajʉraisirʉmʉjatʉka chekʉnare teeʉterejẽe kʉamanejʉ̃ʉ”, chiniasomʉ repaʉ.
\p
\v 10 “Kʉamanejʉ̃ʉ”, chiisiejekʉna kʉamañe paijʉ repanachia masijʉ paniasome. Jãatani repaʉ, “Jũnisõ joe vajʉraijamʉ”, chiisiere masi asavesʉjʉ, “¿Jese chiikʉ jãa?”, chiijʉ sãiñechia cutujʉ paniasome repana.
\p
\v 11 Reparʉmʉ Jesure ijache sẽniasome repana:
\p —‍¿Jese paiʉna maire judíopãi chechona, “Dios raojamʉ chiicojñokʉ chutaa raimarʉmʉ Elíapi charo raijamʉ”, chiijʉ chechoche? —‍chiniasome.
\v 12 Chitena Jesús ikaasomʉ.
\p —‍Repana chechoche ũcuarepaame. Elíaamʉ charo rani peore siache mamare carevajaʉ. Dios chʉo aperʉmʉ tocha jokasie chʉʉ Repaʉ Raosikʉ paijachere kʉakʉ ijache chiimʉ:
\q Dios Raojaʉre pãi cuhejʉ cuache choojanaame,
\m chiimʉ.
\v 13 Jãatani chʉʉ mʉsanʉkonare Elías ranicuhasikʉamʉ chiimʉ. Rani paiʉna pãi repanare ʉache cuache choosinaame repaʉte. Jãajañe kʉamʉ Dios chʉo aperʉmʉ tocha jokasie. Repaʉte choosiejache cuache choojanaame pãi chʉʉre Dios Raosikʉre —‍chiniasomʉ Jesús.
\s Chĩivaʉre vatire paavaʉni Jesús vasosiere kʉamʉ
\r (Mt 17.14-21; Lc 9.37-43)
\p
\v 14 Ũcuarʉmʉ repana Jesuname aikũti mʉisina repaʉ neena mʉimanesina nʉkachejana caje tĩaasome. Caje tĩa ñato pãi jainʉko paniasome. Ũcuachia judíopãi chechona teena paniasome. Paijʉ Jesús neenani kerejʉ paniasome repana.
\v 15 Ũcuarʉmʉ repana pãi ũcuanʉko Jesure ña kʉkʉ vʉvʉasome repaʉni pojoñu chini.
\v 16 Ũcuarʉmʉ Jesús repanare pãi ijache sẽniasomʉ:
\p —‍Chʉʉ neenare, ¿ʉ̃quere cutuche mʉsanʉkona? —‍chiniasomʉ.
\p
\v 17 Chikʉna repanare pãi jame paikʉji Jesure ikaasomʉ.
\p —‍Masiʉ, chʉʉ chĩivaʉre mʉʉni ramʉ chʉʉ. Vatire chʉo cutuche ʉ̃sekʉni paamʉ ivaʉ.
\v 18 Vatipi siarʉmʉ chẽa paakʉna ivaʉ chejana tãni vẽve curukʉ coo rʉa raokʉ cõjire asoche ãiʉ canivʉ jʉjaʉ quẽkemʉ. Ivaʉre ra mʉʉ neenani ikasikʉamʉ chʉʉ, vatini eto saokaapʉ chini. Jãatani eto saovesʉsinaame repana —‍chiniasomʉ.
\p
\v 19 Chikʉna Jesús ikaasomʉ repaʉte.
\p —‍Mʉsanʉkona pãi irʉmʉ cana chʉʉre masi cuasamame. ¿Keekerʉmʉ mʉsanʉkona tĩiñe cuasache ñakʉ paiche chʉʉ? —‍Jãajañe ika pini—‍ Ichejana rajʉ̃ʉ mʉʉ chĩivaʉre —‍chiniasomʉ repaʉ.
\p
\v 20 Chikʉna Jesuni chĩivaʉre raasome repana. Rarena vati Jesuni ña chookʉna chĩivaʉ rʉa kurukurukʉ chejana jũni tãni ponʉʉ kuiʉ chʉopo rʉa coo raoasomʉ repavaʉ.
\p
\v 21 Jãajañe chookʉna ña Jesús chĩivaʉ pʉkakʉre ijache sẽniasomʉ:
\p —‍¿Keekerʉmʉ ikʉ vatire paakʉ? —‍chiniasomʉ.
\p Chikʉna pʉkakʉ ikaasomʉ repaʉte.
\p —‍Chĩirʉmʉna paavaʉamʉ.
\v 22 Vatipi ivaʉni vanisõra chini chẽa paakʉ chʉ̃ʉkʉna chekʉrʉmʉ toana tãiʉ chekʉrʉmʉ chiachana tãikʉmʉ ivaʉ. Mʉʉpi choomasini chʉkʉnate oiʉ chookaijʉ̃ʉ —‍chiniasomʉ.
\v 23 Chikʉna Jesús ikaasomʉ repaʉte.
\p —‍Mʉʉ chʉʉre cuasato vasokaijamʉ chʉʉ ikʉre. Pãi chʉʉre cuasanare peore chookaimʉ Dios repanare —‍chiniasomʉ.
\v 24 Jãajañe chikʉna vatire paakʉ pʉkakʉ ʉjachʉopi cuikʉ ikaasomʉ.
\p —‍Mʉʉre cuasamʉ chʉʉ. Jãatani chutaa cuasache karamʉ. Chookaijʉ̃ʉ chʉʉre. Chʉʉ rekocho mʉʉre naa rʉa cuasara chiimʉ chʉʉ —‍chiniasomʉ repaʉ.
\v 25 Ũcuarʉmʉ Jesús repaʉ nʉkachejana pãipi jainʉko chiijʉna vatire chooche ʉ̃sekʉ ijache ikaasomʉ:
\p —‍Vati, mʉʉre chʉ̃ʉmʉ chʉʉ, chʉo cutuʉ̃sekʉ cãjo asache ʉ̃sekʉte. Chĩivaʉre joka eta saijʉ̃ʉ. Ai sani joe rani kakamanejʉ̃ʉ mʉʉ repavaʉre —‍chiniasomʉ Jesús repaʉte vatire.
\p
\v 26 Jesupi jãajañe chʉ̃ʉʉna vati rʉa cuikʉ repaʉni chookʉna rʉa kurukuruasomʉ. Vatipi jãajañe choocuha repaʉte eta sanisoʉna jũnisosivaʉjaiʉ ñokʉna ña repana pãi jainʉko, “Jũnisõcuhasivaʉamʉ ivaʉ”, chiniasome.
\v 27 Chiisietani Jesús repaʉ jʉ̃tʉna chẽa vʉo nʉkoasomʉ repaʉte vatire paasikʉre.
\p
\v 28 Jãajañe choocuha Jesús vʉena kaka paiʉna repaʉ neena repaʉte teeʉte sẽniasaasome.
\p —‍¿Jese paiʉna chʉkʉnate vatire eto saocuaʉ? —‍chiniasome.
\p
\v 29 Chitena ikaasomʉ repaʉ.
\p —‍Vati ikʉre chĩivaʉre paisikʉjanare Diore cuasajʉ ãu ãimañe Repaʉte rʉa sẽenarechia eto saoreomʉ —‍chiniasomʉ Jesús repanare.
\s Repaʉ chuenisojachere joe kʉamʉ Jesús
\r (Mt 17.22-23; Lc 9.43-45)
\p
\v 30-31 Ũcuarʉmʉ Jesús repaʉ neenaname jãachejapi sani Galilea cheja canʉkamañe kuijʉ paniasome. Repaʉ neenare chechora chini Jesús repana saijacheja chekʉnare kʉamañe saiʉ ijache chechoasomʉ repanare: “Chʉʉre Dios Raosikʉre cuhena pãi cuache chooajʉ chini chẽa chekʉnani jokajanaame. Jokarena chʉʉre vanisõjanaame repana pãi. Vanisõ tãcojñosikʉtani choteumucujñana joe vajʉraijamʉ chʉʉ”, chiiʉ chechoasomʉ repaʉ repanare.
\v 32 Jãatani repaʉ ikache asavesʉasome repana. Asavesʉnatani repaʉte Jesure sẽevajʉchʉasome repana.
\s Jesús neena, “¿Neepi mai naa rʉa masiche?”, chiisiere kʉamʉ
\r (Mt 18.1-5; Lc 9.46-48)
\p
\v 33 Ũcuarʉmʉ Jesús repaʉ neenaname sani Capernaum vʉejoopo tĩa vʉena kakaasome repana. Kakasirʉmʉ Jesús ijache sẽniasomʉ repanare:
\p —‍Mai icheja rairʉmʉ, ¿ʉ̃quere cuture mʉsanʉkona? —‍chiniasomʉ repaʉ repanare.
\p
\v 34 Chiitotani kʉavajʉchʉjʉ ikamaneasome repana repaʉte. Repana rairʉmʉ ijache sãiñechia cutuasome repana: “Mai icheja paina, ¿neepi naa rʉa masiche?”, chiijʉ paniasome.
\v 35 Ũcuarʉmʉ Jesús pʉʉ ñuiʉ repaʉ neenare docerepanare soni rao ijache ikaasomʉ repanare:
\p —‍Pãiʉ chekʉnare chʉ̃ʉra chini aperʉmʉ chʉ̃ʉmakʉ paichejache paiʉ chekʉnare chookaiʉ paaʉ. Jãajañe chooni, “Rʉa vesʉmʉ chʉʉ”, chini chekʉnani chookaiʉ chechesõʉna chekʉnare chʉ̃ʉreojamʉ repaʉte —‍chiniasomʉ repaʉ.
\v 36 Ũcuarʉmʉ Jesús chĩivaʉre juha ra, repana pãi chenevʉna nʉko repavaʉre mini cajokʉ ijache ikaasomʉ repaʉ neenare:
\p
\v 37 —‍Pãi chʉʉre masi cuasana chĩivanare ikʉjavanare pojona chʉʉre ũcuajache pojome. Pãi chʉʉre pojona chʉʉrechia pojomame. Chʉʉre Raosikʉre ũcuajache pojome repana —‍chiniasomʉ repaʉ.
\s Maire cuache choomana pojojʉ reojache chookaime maire
\r (Mt 10.42; Lc 9.49-50)
\p
\v 38 Ũcuarʉmʉ Juan Jesure ijache ikaasomʉ:
\p —‍Masiʉ, chekʉre pãiʉte pãi sanavʉã painare vati eto saokʉte ñasinaame chʉkʉna. “Jesupi chʉ̃ʉkʉna choomʉ chʉʉ”, chiniasomʉ repaʉ vatire eto saoni. Jãajañe chooʉna ña, ʉ̃sejʉ repaʉte ikasinaame chʉkʉna, maire jame chookaimakʉjekʉna —‍chiniasomʉ repaʉ.
\p
\v 39 Chikʉna asa Jesús ikaasomʉ repaʉte.
\p —‍Jãajañe choonare ʉ̃semanejʉ̃ʉ. Pãi Diochia choomasiche chooni, “Jesupi chʉ̃ʉkʉna choomʉ chʉʉ”, chiime. Jãajañe choojʉ ikana chʉʉre cuache ikamame.
\v 40 Pãi maire cuhemana maire jame chookainaame.
\v 41 Ũcuachia pãi ũcuaʉakʉji mʉsanʉkonare chʉʉ neenare, “Inare Cristo neenajejʉna reojache chookaimʉ chʉʉ”, chini reojache chookaiʉ oko teerororʉchia ũkuatojẽe Diopi roijamʉ repaʉte. Ũcuarepaame jãa —‍chiniasomʉ Jesús repaʉte.
\s Pãi rũhiñe cuasamana cuache choochete kʉamʉ
\r (Mt 18.6-9; Lc 17.1-2)
\p
\v 42 Ũcuarʉmʉ Jesús Juanre joe ikaasomʉ.
\p —‍Chĩivana cuasachejache chʉʉre cuasakʉni teeʉte cuache chʉvakʉte pãipi ijache chooto naa reoraamʉ: Repaʉ chutaa chʉʉ neevaʉre cuache chʉvamarʉmʉna toacʉnapʉji rʉa ʉjapʉji pãipi repaʉ cavʉna jepo vẽe chiarana tõ rʉoru naa reoraamʉ repaʉte. Jãajañe choomato ũcua paiʉ chʉʉ neevaʉre cuache chʉvaʉna Diopi repaʉ cuache choosie roire chʉ̃ʉto naa rʉa cuache paijamʉ repaʉte.
\v 43 Mʉʉ jʉ̃tʉpi chekʉni cuache chooni tʉsosõjʉ̃ʉ repajʉ̃tʉ. Naa reomʉ teejʉ̃tʉ paakʉji Dios paichejana sani reojache paito. Jʉ̃tʉre jãajañe choomaneni peore paakʉtani ũcua jʉ̃tʉpi joe cuache choosikʉjekʉ vati toana chachocuatoana sani uukʉ paijamʉ mʉʉ. Naa cuamʉ jãa.
\v 44 Repacheja saisinare canivʉã ãina peko jũnisõmañe ãijʉ painaame. Ũcuachia repa toa chachamañe uukʉ paitoaame.
\v 45 Ũcuajache mʉʉ cũapʉji chekʉni cuache chooni tʉsosõjʉ̃ʉ repacũapʉ. Naa reomʉ teecũapʉ paakʉji Dios paichejana sani reojache paito. Jãajañe choomaneni peore paakʉtani ũcua cũapʉji joe cuache choosikʉjekʉ vati toana chachocuatoana sani uukʉ paijamʉ mʉʉ. Naa cuamʉ jãa.
\v 46 Repacheja saisinare canivʉã ãina peko jũnisõmañe ãijʉ painaame. Ũcuachia repa toa chachamañe uukʉ paikʉmʉ.
\v 47 Ũcuajache mʉʉ ñakovaji ñakʉ cuache chooni ñakovate rutasõjʉ̃ʉ. Naa reomʉ teeñakova paakʉji Dios paichejana sani reojache paito. Jãajañe choomaneni ñakocaã peore paakʉtani ũcuañakovaji ñakʉ cuache choosikʉjekʉ vati toana sani uukʉ paijamʉ mʉʉ. Naa cuamʉ jãa.
\v 48 Repacheja saisinare canivʉã ãina peko jũnisõmañe ãijʉ painaame. Ũcuachia repa toa chachamañe ai uukʉ paikʉmʉ.
\p
\v 49 ’Aperʉmʉ Dioni pojojʉ pãi vaivanare vani ĩsiasome. Repavanare vani ũhapi chuchuasome. Ũha chuchuru naa reomʉ jãa. Dios ũcuajache ũha chuchuchejache Repaʉte cuasanani paivesache tijñeto teeñoã ʉ̃semamʉ. Jãajekʉna naa rʉa reojache paimasijanaame repana.
\v 50 Ũha sãijaiʉ rʉa reomʉ. Jãatani ũhapi sãijañepi siasõru, ¿jese choojanaañe pãi, ũhapi sãijaaʉ chini? Joe sãijañe choocuamʉ repa. Ũcuajache mʉsanʉkona reojache paijʉ chekʉnare pojoto reomʉ. Reojache choochete jokasõni ũha sãijaimaʉ cuachejache cuame —‍chiniasomʉ repaʉ.
\c 10
\s Rʉ̃joromi sẽjomañe paachete chʉvamʉ Jesús
\r (Mt 19.1-12; Lc 16.18)
\p
\v 1 Ũcuarʉmʉ Jesús Capernaum vʉejoopo paisikʉpi Judea
chejana saiʉ Jordán chiacha ʉ̃sʉʉ mʉikãkona jẽni
tĩaasomʉ. Tĩaʉna pãi repaʉte joe chiirena siarʉmʉ pãi
chechokʉjekʉ joe chechoasomʉ repanare.
\p
\v 2 Ũcuarʉmʉ fariseopãi teena Jesús paichejana sani ijache
ikajʉ sẽniasome repaʉte, tĩiñe ikaʉna repaʉni chẽa
cuache chooñu chini:
\p —‍¿Pãiʉni repaʉ rʉ̃jore sẽjoʉato sẽjoreokʉ?
—‍chiniasome repana.
\v 3 Chitena Jesús ijache ikaasomʉ:
\p —‍Aperʉmʉ paisikʉ Moisés, ¿ʉ̃quere mʉsanʉkonare
chʉ̃ʉkʉ tocha jokaʉ? —‍chiniasomʉ.
\v 4 Chikʉna ikaasome repana.
\p —‍Aperʉmʉ Moisés ijache chʉ̃ʉ jokaasomʉ:
\q Pãiʉ repaʉ
rʉ̃jore paacuhekʉ sẽjora chiikʉ
\q charo repaote sẽjojañere
kʉakʉ utijaovana tocha pini ũcuaoni ĩsiakʉ,
\q repao chekʉnare
ñojajaova.
\q Jãajañe choocuha sẽjoreomʉ repaote,
\m chiiʉ
chʉ̃ʉ jokaasomʉ —‍chiniasome repana.
\v 5 Chitena Jesús ikaasomʉ repanare.
\p —‍Mʉsanʉkonapi cuache choochete jokacuhejʉ ũcuaʉache
chooñu chiijʉna jãajañe chʉ̃ʉ jokaasomʉ Moisés.
\v 6 Aperʉmʉ Dios peore choorʉmʉ pãi chookʉ ʉmʉʉname
romiote chooasomʉ.
\v 7 Jãajekʉna ʉmʉʉ repaʉ pʉkakʉpãi jame paisie
jokasõ rʉ̃joname paimʉ.
\v 8 Jãajañe choo ũcuateeʉjache paime repana. Ʉmʉʉ
rʉ̃joname teekachapana paime. Jãatani ũcuateeʉjache
paime repana.
\v 9 Jãajekʉna pãiʉji Dios jãajañe paapʉ chini jokasiere
jachakʉ rʉ̃joni sẽjosõni cuache choomʉ —‍chiniasomʉ repaʉ.
\p
\v 10 Naa pani Jesús neena vʉere paijʉ joe rʉ̃joromi
sẽjoñete sẽniasome repaʉte.
\v 11 Sẽtena Jesús joe ikaasomʉ repanare.
\p —‍Pãiʉ repaʉ rʉ̃jore paacuhekʉ sẽjo, chekoni vejani Dios
ʉ̃sechete chookʉ charo paasikore cuache choomʉ.
\v 12 Ũcuajache romio repao ʉ̃jʉre sẽjo chekʉni vejani Dios
ʉ̃sechete chooko charo paisikʉre cuache choomo —‍chiniasomʉ
Jesús repanare.
\s Chĩivanare Jesús reojache ika jokasiere kʉamʉ
\r (Mt 19.13-15; Lc 18.15-17)
\p
\v 13 Ũcuarʉmʉ pãi Jesús paichejana repana chĩivanare
raasome, repaʉji chẽse pojoakʉ chini. Jãajañe rajʉna ña
repaʉ neena ʉ̃sepiraasome repanare.
\p
\v 14 Ʉ̃sepirajʉna ña Jesús perukʉ ikaasomʉ repanare.
\p —‍Chĩivanare chʉʉre raiʉ̃semanejʉ̃ʉ mʉsanʉkona,
chʉʉni raapʉ. Ivana chĩivanajañe paijʉ chʉʉre masi
cuasanapi Dios chʉo asa chẽajanaame.
\v 15 Jãatani ivana chĩivana chʉʉre masi cuasachejache
masi cuasamana Dios chʉo asa chẽamanejanaame. Ũcuarepaame
jãa —‍chiniasomʉ Jesús repaʉ neenare.
\p
\v 16 Chini Jesús repanare chĩivanare sũkakʉ jʉ̃jñapi
chẽsekʉ Dioni reojachere sẽekaniasomʉ.
\s Põsʉʉ kuriʉ Jesure Dios paicheja saiche sẽniasasiere kʉamʉ
\r (Mt 19.16-30; Lc 18.18-30)
\p
\v 17 Ũcuarʉmʉ Jesús joe kuiʉna pãiʉ kuriʉ repaʉte vʉvʉ
rani rore ñuiʉ ijache sẽniasomʉ:
\p —‍Masiʉ, reokʉmʉ mʉʉ. Dios paichejana sasa chiimʉ
chʉʉ. ¿Jese choojache chʉʉ? —‍chiniasomʉ.
\p
\v 18 Chikʉna Jesús ikaasomʉ repaʉte.
\p —‍¿Jese cuasa, “Reokʉmʉ mʉʉ”, chiikʉ mʉʉ
chʉʉre? Diochiaamʉ Reokʉ. Chekʉ pãiʉ reokʉ peomʉ.
\v 19 Aperʉmʉ Dios chʉ̃ʉ jokasie masicosomʉ mʉʉ. Ijache
kʉamʉ:
\q Mʉsanʉkona ʉmʉpãi romi paana chekʉnare romi jame
kãimanejʉ̃ʉ.
\q Ũcuajache romi ʉmʉ paina chekʉnare ʉmʉpãi
jame kãimanejʉ̃ʉ.
\q Ũcuachia pãi vanisõmanejʉ̃ʉ.
\q Chekʉna
nee ñaamanejʉ̃ʉ.
\q Chekʉna paichete ña kʉani joremanejʉ̃ʉ.
\q Repana neere tʉa paara chini chekʉnare joremanejʉ̃ʉ.
\q Ũcuajache mʉjakʉpãi ña, kʉkʉjʉ̃ʉ,
\m chiimʉ Dios chʉ̃ʉ
jokasie —‍chiniasomʉ Jesús repaʉte.
\p
\v 20 Chikʉna repaʉ kuriʉ joe ikaasomʉ.
\p —‍Masiʉ, chĩirʉmʉpi irʉmʉjatʉka Dios chʉ̃ʉ jokasie
peore chookʉ paikʉmʉ chʉʉ —‍chiniasomʉ repaʉ.
\p
\v 21 Jãajañe ikaʉna Jesús ña repaʉte rʉa oiʉ
ikaasomʉ.
\p —‍Ũcuarepa chookʉtetani karamʉ mʉʉre. Mʉʉ paache
cuamajñarʉãre peore ĩsisõ, kuri koo chʉovana paivanani rupʉ
ĩsijʉ̃ʉ. Ĩsisõjani rani chʉʉname kuiʉ chʉʉ
chʉ̃ʉñete chookʉ paijʉ̃ʉ. Jãajañe choonite Dios
paichejana sani reojache paijamʉ mʉʉ —‍chiniasomʉ Jesús
repaʉte.
\p
\v 22 Jesupi jãajañe ikaʉna asa kurineekʉjekʉ ĩsiʉamaʉna
rʉa sʉmavaʉ sanisoasomʉ repaʉ.
\p
\v 23 Joka sakʉna Jesús siache repakãjño ña repaʉ neenare
ijache ikaasomʉ:
\p —‍Pãi kurinare Dios paicheja saineenaretani saivesamʉ
—‍chiniasomʉ Jesús repanare.
\p
\v 24 Repaʉ ikache asa jñanoasome repaʉ neena. Jñanorena Jesús
joe ikaasomʉ repanare.
\p —‍Pãi kurinare Dios paicheja saineenaretani saivesamʉ, “Rʉa
kuri paakʉ cheke chiimamʉ chʉʉ. Diore chiimamʉ chʉʉ”,
chiijʉ cuasanajejʉna —‍chiniasomʉ repaʉ.—‍
\v 25 Camellovaʉre miuñakarʉ cojerʉ kaka etajaicuachejache
kuriʉte Dios paicheja saicuajamʉ, repaʉji kurire naa rʉa
cuasakʉ paito —‍chiniasomʉ Jesús repanare.
\p
\v 26 Jãajañe ikaʉna asa jñano Jesús neena sãiñechia
ijache ikaasome:
“Jãa paito, ¿jese painani Dios paicheja saireojaʉ?”,
chiniasome repana.
\p
\v 27 Chitena Jesús repanare ñakʉ ijache ikaasomʉ:
\p —‍Maichia teena cuasajʉna Dios paicheja saicuamʉ maire
pãi. Diopi chookaitotani Repaʉ paicheja saiche vesamamʉ
—‍chiniasomʉ.
\p
\v 28 Chikʉna Pedro ikaasomʉ.
\p —‍Chʉkʉna mʉʉname pañu chini chʉkʉna paasimajñarʉã
peore jokasõ rani mʉʉname kuime —‍chiniasomʉ.
\p
\v 29-30 Chikʉna Jesús ikaasomʉ repanare.
\p —‍Pãiʉ ũcuaʉakʉ chʉʉre cuasakʉ Dios chʉore sani
chʉvakʉ pasa chiikʉ chekʉrʉmʉ repaʉ vʉere jokasõmʉ.
Chekʉrʉmʉ repaʉ majaachʉpãire jokasõmʉ. Chekʉrʉmʉ
majaachoromire jokasõmʉ. Chekʉrʉmʉ repaʉ chojechĩire
jokasõmʉ. Chekʉrʉmʉ repaʉ pʉkakʉpãire jokasõmʉ.
Chekʉrʉmʉ rʉ̃joni jokasõmʉ. Chekʉrʉmʉ repaʉ chĩire
jokasõmʉ. Chekʉrʉmʉ chejña repaʉ paachejñare jokasõni
repaʉ aperʉmʉ paasimajñarʉã vʉña, achʉpãi, achoromi,
chojechĩi, jakoromi, mamachĩi, chejña joe naa rʉa jñaajamʉ
repaʉ. Ũcuachia Dioni cuasakʉ cuache choocojñokʉtani
ũhasõmaneni jũnisõsirʉmʉ Dios paichejare ai sani paijamʉ.
\v 31 Pãi teena kuriʉ repaʉ nee jokacuhesiejache repana neere
jokacuhejʉ karamañe paajʉ chekʉnare, “Reojache painaame
ina”, chiicojñome. Chʉʉ chʉ̃ʉñete choojʉ repana paache
jokasõnaretani chekʉna ña cuache ikame. Jãatani Dios naa
paisirʉmʉ repana paachete jokacuhejʉ karamañe paajʉ
chekʉnare, “Reojache paime ina”, chiicojñosinare, “Cuache
painaame ina”, chiijamʉ. Chʉʉ chʉ̃ʉñete choojʉ repana
paache jokasõ chekʉnare cuache ikacojñosinaretani,
“Reojache painaame ina”, chiijamʉ Dios. Ũcuarepaame jãa
—‍chiniasomʉ Jesús.
\s Jesús repaʉ chuenisojachere joe kʉamʉ
\r (Mt 20.17-19; Lc 18.31-34)
\p
\v 32 Ũcuarʉmʉ Jesús repaʉ neenaname Jerusalén vʉejoopona
maiʉ charoji maniasomʉ. Repaʉ neena vajʉchʉjʉ chojepi
maniasome. Reparʉmʉ Jesús repaʉ neenare docerepanare soni
repaʉte choojache kʉaasomʉ.
\v 33 Kʉakʉ ijache ikaasomʉ repaʉ:
\p —‍Mai Jerusalén vʉejoopo maiñe masime mʉsanʉkona.
Ũcuachejana chʉʉre Dios Raosikʉre pãipi chẽa judío
phairipãi chʉ̃ʉnaname judíopãi chechonani sa jokajanaame.
Ũcuanapi chʉʉre vanisõjañe chʉ̃ʉ judío peonani
jokajanaame, repanapi chʉʉni cuache chooajʉ chini.
\v 34 Jokarena repana chʉʉre pãisojanaame. Ũcuachia
chʉʉni coo tutujʉ suĩsue pini kurususẽverona jẽjo
vẽasõjanaame repana chʉʉre. Jãajañe choocojñosikʉtani
choteumucujñana vajʉraijamʉ chʉʉ —‍chiniasomʉ Jesús repaʉ
neenare.
\s Santiagoname Juan reojache chookaaʉ chini Jesure sẽesiere
kʉamʉ
\r (Mt 20.20-28)
\p
\v 35 Ũcuarʉmʉ Zebedeo mamachĩi Santiagoname Juan Jesure kueñe
tĩa ikaasome.
\p —‍Masiʉ, chʉkʉnate mʉʉpi reojache chookaaʉ chini
sẽñu chiime chʉkʉna —‍chiniasome repana.
\v 36 Chitena ikaasomʉ repaʉ.
\p —‍¿Ʉ̃quere chʉʉ mʉsanʉkonare chookaijache?
—‍chiniasomʉ.
\v 37 Chikʉna ikaasome repana.
\p —‍Mʉʉpi ijache jokaakʉ chiime chʉkʉna: Mʉjakʉname mʉʉ
chʉ̃ʉrʉmʉ chʉkʉna teeʉ mʉʉ ʉjajʉ̃tʉ cakãkona pʉʉ,
chekʉpi mʉʉ kãkojʉ̃tʉ cakãkona pʉʉ ñuijʉ jame
chʉ̃ʉjʉ pañu chiime chʉkʉna —‍chiniasome repana.
\v 38 Chitena Jesús ikaasomʉ repanare.
\p —‍Mʉsanʉkona vesʉjʉ jãajañe sẽeme. Pãi chʉʉre
choojachejache mʉsanʉkonare vanisõñu chiito,
¿cuhemanejanaañe mʉsanʉkona? —‍chiniasomʉ repaʉ.
\v 39 Chikʉna repana Zebedeo mamachĩi ikaasome repaʉte.
\p —‍Jʉ̃jʉ, cuhemanejanaame chʉkʉna —‍chiniasome.
\p Chitena Jesús joe ikaasomʉ repanare.
\p —‍Chʉʉre choochejache cuache choocojñorepajanaame
mʉsanʉkona.
\v 40 Jãatani chʉʉre repakãjño paiche pʉʉjanare
chʉ̃ʉcuamʉ chʉʉre. Chʉʉ Jakʉ apereparʉmʉ ĩsijamʉ
chʉʉ chiicojñosinarechia jokajamʉ Repaʉ repa —‍chiniasomʉ.
\p
\v 41 Zebedeo mamachĩipi jãajañe sẽtena asa Jesús neena
chekʉna peruasome repanare.
\v 42 Perujʉna Jesús repanare soni rao ikaasomʉ.
\p —‍Iere masicosome mʉsanʉkona: Icheja cheja pãi chʉ̃ʉna
repana neenare rʉa cuaja paichete chʉ̃ʉjʉ rʉa chʉovanare
choojʉ paime.
\v 43 Jãatani mʉsanʉkonapi teeʉ pãi chʉ̃ʉkʉ pasa chini
repana choochejache choomanejʉ̃ʉ. Jãajañe choomañe
chooche chookaikʉjache chekʉnare chookaiʉ paijʉ̃ʉ.
\v 44 Teeʉji chekʉnare paara chini paacojñokʉ paichejache
paijʉ̃ʉ.
\v 45 Jãajañe paikʉmʉ chʉʉ pãire jame paaʉ chini Dios
Raosikʉ. Pãire chookaicojñora chini raisikʉmamʉ. Pãire
ũcuanʉkore reojache chookaiʉ repana cuare jũni roikasa
chini raisikʉamʉ —‍chiniasomʉ Jesús repanare.
\s Naavaʉni Bartimeoni Jesús vasosiere kʉamʉ
\r (Mt 20.29-34; Lc 18.35-43)
\p
\v 46 Ũcuarʉmʉ Jesús repaʉ neenaname Jericó vʉejoopo tĩa
jmamakarʉ pani Jerusalén vʉejoopona sañu chini Jesús repaʉ
neena chekʉna pãi rʉa jainʉko jame repajoopoji etajʉ ñato
maa rʉtʉvate Timeo mamakʉ Bartimeo naavaʉjekʉ ñuiʉ
kurire sẽeʉ paniasomʉ.
\v 47 Ñuiʉ Jesús Nazaret vʉejoopo cakʉ repaʉ ñuichejapi
caraichete asa repaʉ Bartimeo rʉa cuikʉ ijache ikaasomʉ:
\p —‍Jesús, David aperʉmʉ paisikʉ Jojosikʉ, oijʉ̃ʉ
chʉʉvaʉre —‍chiniasomʉ repaʉ.
\p
\v 48 Ikaʉna asa repana pãi jainʉko,
\p —‍Reomʉ. Joe ikamanejʉ̃ʉ —‍chiniasome repaʉte. Joe
ikamanejʉ̃ʉ chiisietani naa rʉa cuikʉ ikaasomʉ repaʉ.
\p —‍Jesús, David aperʉmʉ paisikʉ Jojosikʉ, oijʉ̃ʉ
chʉʉvaʉre —‍chiniasomʉ repaʉ.
\p
\v 49 Jãajañe ikakʉ cuikʉna asa canʉka,
\p —‍Repaʉte soijʉ̃ʉ —‍chiniasomʉ Jesús.
\p Chikʉna repana pãi naavaʉni soijʉ ikaasome.
\p —‍Koka paakʉ vʉni raijʉ̃ʉ. Jesús mʉʉre soimʉ
—‍chiniasome repana repaʉte.
\p
\v 50 Chitena asa repaʉ sẽsevʉ juikãa tĩto nami vʉni Jesuni
saniasomʉ.
\v 51 Sakʉna Jesús ijache sẽniasomʉ repaʉte:
\p —‍¿Ʉ̃quere chookaaʉ chini sẽekʉ mʉʉ chʉʉre?
—‍chiniasomʉ Jesús repaʉte.
\p Chikʉna repaʉ naavaʉ ikaasomʉ.
\p —‍Masiʉ, chʉʉ ñakocaã ñoakʉ chiimʉ chʉʉ —‍chiniasomʉ
repaʉ.
\v 52 Chikʉna Jesús joe ikaasomʉ.
\p —‍“Jesús chʉʉre vasojamʉ”, chini cuasasikʉjekʉna mʉʉ
ñakocaã ñojamʉ mʉʉre. Chura mʉʉ vajʉ saijʉ̃ʉ
—‍chiniasomʉ Jesús repaʉte.
\p Jesupi jãajañe ikaʉna repaʉ ñakocaã teana
careosoasomʉ. Careoʉna Jesure jovo jame saniasomʉ repaʉ
naavaʉ paisikʉ.
\c 11
\s Jerusalén vʉejoopo Jesús sani tĩasiere kʉamʉ
\r (Mt 21.1-11; Lc 19.28-40; Jn 12.12-19)
\p
\v 1 Ũcuarʉmʉ Jesús repaʉ neenaname saijʉ Jerusalén
vʉejoopo kueñe cajoopoã Olivo aikũti paijoopoã Betfagé
vʉejooponame Betania vʉejoopo cachejñana tĩaasome. Tĩa
Jesús repaʉ neenare teekachapanarechia soniasomʉ.
\v 2 Soni repanare saora chini ijache ikaasomʉ repaʉ:
\p —‍Jeejoopona kueñe cajoopona saijʉ̃ʉ mʉsanʉkona. Sani tĩa
burrovaʉre quẽo sʉosivaʉre, pãi chutaa tuhimavaʉni
ñajanaame mʉsanʉkona. Ña repavaʉre jose ichejana
rakaijʉ̃ʉ.
\v 3 Pãi ũcuaʉakʉji mʉsanʉkonare, “¿Ʉ̃que chooñu chini
mʉsanʉkona jãavaʉre joseche?”, chiito, “Maire Paakʉ ivaʉre
chiimʉ. Nami cochojamʉ repaʉ ivaʉre”, chiijʉ̃ʉ
—‍chiniasomʉ repaʉ.
\p
\v 4 Chikʉna repana sani ñato burrovaʉ pãi vʉe kakasaaro
kueñere, maa rʉtʉvate quẽo sʉosivaʉ rʉ̃niasomʉ.
Ũcuarʉmʉ repana repavaʉre sani joseasome.
\p
\v 5 Josejʉna ũcuacheja paina ijache ikaasome repanare:
\p —‍¿Ʉ̃quere mʉsanʉkona chooche? ¿Jese paiʉna jãavaʉre
joseche? —‍chiniasome repana.
\p
\v 6 Chitena repanare Jesús ikakʉ chʉ̃ʉ raosiere kʉaasome
repana. Kʉarena repavaʉre ʉ̃semaneasome repana.
\v 7 Ʉ̃semapʉna repavaʉre Jesús paichejana sa repavaʉ
sõkʉñʉna kãñapi tʉorena Jesús mʉni tuniasomʉ repavaʉre.
\v 8 Tuni saiʉna repaʉ saimaana pãi jainʉko kãña jaasome.
Chekʉna ũcuajache sũki ka jao paikare veri ũcuamaana
ũhaasome.
\p
\v 9 Charo Jesure jame sainaname repaʉ choje saina pojojʉ cuijʉ
ijache ikaasome:
\p —‍¡Dios peore masikʉmʉ! ¡Diopi ikʉre pãire chʉ̃ʉakʉ
chini Repaʉ Raosikʉre reojache chookaaʉ!
\v 10 ¡Aperʉmʉ paisikʉ mai majapãiʉ David chʉ̃ʉsiejache
ikʉ Jesús reojache chʉ̃ʉjamʉ! ¡Dios peore masikʉmʉ!
—‍chiniasome repana.
\p
\v 11 Jãajañe choojʉna Jesús Jerusalén vʉejoopo tĩa Dios
vʉena kaka paiʉ naisokʉna peore siache repakãjño ña pini
eta Betania vʉejoopona coiasomʉ, repaʉ neena docerepananame.
\s Higoñʉji joe kʉ̃imaneakʉ chini ikamʉ Jesús
\r (Mt 21.18-22)
\p
\v 12 Joe ñatato Jesús repaʉ neenaname Betania vʉejoopoji
raijʉna Jesure ãucuhaasomʉ.
\v 13 Ãucuhakʉna soopi ñato sũkiñʉ higoñʉ jao sãsasiñʉ
paniasomʉ. Jãajañe paiʉna Jesús naa kueñe sani ñato
higopʉã kʉ̃imañʉ jaochia paniasomʉ. Kʉ̃irʉmʉ chutaa
tĩamaʉna repapʉã peoasomʉ repañʉ.
\v 14 Jãajañe paiʉna repañʉ ijache ikaasomʉ repaʉ:
\p —‍Iñʉ sũkiñʉ joe kʉ̃imairo paaʉ —‍chiniasomʉ repaʉ.
Jãajañe ikakʉna repaʉ neena asaasome.
\s Dios vʉena kaka põse ĩsinare Jesús eto saosiere kʉamʉ
\r (Mt 21.12-17; Lc 19.45-48)
\p
\v 15 Jãajañe choocuha Jesús repaʉ neenaname sani
Jerusalenna tĩaasome. Tĩa Jesús Dios vʉena kaka repavʉe
põse koosinaname ĩsisinare peore eto saoasomʉ. Eto saokʉ kuri
sañekaina mesakoñaname ũkupovana ĩsina ñuisaivʉãre jʉjo
tajño ũhaasomʉ repaʉ.
\v 16 Ũcuajache chekʉna repana põsemajñarʉã veejʉ
repavʉepi kaka etajani sañu chiinare ʉ̃seasomʉ repaʉ repanare.
\v 17 Jãajañe chookʉ repanare chechokʉ ijache ikaasomʉ:
\p —‍Dios chʉo aperʉmʉ tocha jokasie ijache kʉamʉ:
\q Chʉʉ
vʉe pãi ũcuanʉko chʉʉre pojojʉ sẽevʉeame,
\m chiimʉ.
Jãatani mʉsanʉkona põse ñaana choochejache kaka cuache
choome —‍chiiʉ eto saoasomʉ Jesús repanare.
\p
\v 18 Jãajañe chooʉna asa judío phairipãi chʉ̃ʉnaname
judíopãi chechona perujʉ repaʉte vanisoche chʉ̃ʉñu
chiisinatani pãipi ũcuanʉko repaʉ chechochete asa jñanojʉna
repaʉte vajʉchʉasome repana.
\v 19 Jãajañe choocuha Jesús naito repaʉ neenaname
repajoopoji saniasome.
\s Higoñʉ jũnisosiere kʉamʉ
\r (Mt 21.18-22)
\p
\v 20 Joe ñatato Jesús repaʉ neenaname higoñʉ paicheja caraiʉ
ñato repañʉ saivʉãjatʉka jũnisosiñʉ paniasomʉ.
\v 21 Repañʉji jãajañe paiʉna Jesús ikasie Pedro joe
cuasakʉ ikaasomʉ.
\p —‍¡Ñakʉ, Masiʉ! Mʉʉpi repañʉte cuache ikaʉna peore
jũnisõsiñʉame —‍chiniasomʉ repaʉte.
\p
\v 22 Chikʉna Jesús repaʉ neenare ikaasomʉ.
\p —‍Diore cuasajʉ paijʉ̃ʉ mʉsanʉkona.
\v 23 Mʉsanʉkona ũcuaʉakʉji, “Diopi chookaiʉna chʉʉ
ikache peore chooreojamʉ”, chiiʉ cuasakʉ ikũtire, “Icheja
kʉñʉ chiarana sʉa nʉkajʉ̃ʉ”, chiito repakũti mʉsanʉkona
chʉ̃ʉñe choojamʉ. Ũcuarepaame jãa.
\v 24 Jãajekʉna ijache ikamʉ chʉʉ mʉsanʉkonare:
Mʉsanʉkona, “Diopi chʉʉ ũcuaʉache sẽeto chookaijamʉ
chʉʉre”, chiijʉ cuasajʉ paito mʉsanʉkona sẽeñe
chookaijamʉ Dios.
\v 25 Mʉsanʉkona Diore sẽñu chini chekʉna mʉsanʉkonare
cuache choosie cavesʉsõ joe cuasamanejʉ̃ʉ. Joe cuasamato
Dios ũcuajache mʉsanʉkona cuache choosie joe
cuasamanejamʉ.
\v 26 Jãatani mʉsanʉkonapi chekʉna cuache choosiere
cavesʉmañe ũcua cuasato Dios ũcuajache mʉsanʉkona cuache
choosie cavesʉmañe ũcua rʉa cuasakʉ paijamʉ —‍chiniasomʉ
Jesús repanare.
\s Jesús rʉa masi ikasiere kʉamʉ
\r (Mt 21.23-27; Lc 20.1-8)
\p
\v 27 Ũcuarʉmʉ Jesús repaʉ neenaname Jerusalenna joe sani
tĩaasome. Tĩa Jesús Dios vʉe kaka nʉka kuiʉ ñakʉna
judío phairipãi chʉ̃ʉnaname judíopãi chechonaname judío
aina raniasome.
\v 28 Rani repaʉte ijache sẽniasome repana:
\p —‍¿Jese cuasa pãi chʉ̃ʉna choochejache chookʉ mʉʉ?
¿Neepi chʉ̃ʉrena rani chookʉ mʉʉ? —‍chiniasome.
\v 29 Chitena repanare sãiñe ikaasomʉ repaʉ.
\p —‍Chʉʉ ũcuajache mʉsanʉkonani chʉo sẽniasara. Sẽeʉna
kʉajʉ̃ʉ chʉʉre. Kʉaru chʉʉ ũcuajache iere chooakʉ
chini chʉʉre chẽa raosikʉ mami kʉajamʉ mʉsanʉkonare.
\v 30 ¿Neepi Juanre Pãi Okorovekʉte chẽa raore? ¿Diopi chẽa
raoʉ? Jãapãani, ¿pãipi chẽa raore repaʉte? Kʉajʉ̃ʉ
chʉʉre —‍chiniasomʉ Jesús repanare.
\p
\v 31 Sẽkʉna sãiñechia ijache cutuasome repana:
\p —‍¿Jese mai ikʉre ikajanaañe? Maipi, “Juanre Dios chẽa
raosikʉamʉ”, chiito ikʉ maire, “¿Jese paiʉna mʉsanʉkona
jãajañe cuasanatani Juan chʉvasie cuasamanere?”, chiijamʉ.
\v 32 Ũcuajache, “Pãipi Juanre chẽa raosinaame”, chiicuamʉ
maire —‍chiniasome repana. Reparʉmʉ pãi rʉa jainʉko, “Juan
Dios chʉo kʉakaikʉ paisikʉamʉ”, chiijʉ cuasajʉna
ikavajʉchʉasome repana, chekʉnapi asa perujʉ chini.
\v 33 Vajʉchʉjʉ Jesure ijache ikaasome repana:
\p —‍Juanre raosikʉ mami vesʉme chʉkʉna —‍chiniasome.
\p Chitena Jesús ikaasomʉ repanare.
\p —‍Chʉʉ ũcuajache mʉsanʉkonapi jãajañe ikarena
chʉʉre chʉ̃ʉ raosikʉ mami kʉamanejamʉ —‍chiniasomʉ
Jesús repanare.
\c 12
\s Chooche chookaina cuache choosiere kʉamʉ
\r (Mt 21.33-46; Lc 20.9-19)
\p
\v 1 Ũcuarʉmʉ Jesús repanare chʉvakʉ ijachere cuasakʉ kʉaasomʉ:
\p —‍Pãiʉ pĩsi ʉche chio tã pini siacachio rũhisokoro jeo tʉsʉasomʉ. Repasokoro jeo pini ʉche chaca chachojavʉ jenaasomʉ repaʉ ũcuateevʉji conoraka meajacheja paivʉ. Ũcuachia repachio kuirakaijanapi siacachio ñajʉ kuirakaijʉ paapʉ chini vʉe ʉmʉ nʉkavʉe chooasomʉ repaʉ.
\p ’Peore choo pini repa chio kuirakaijanare jñaa joka tĩichejana sanisõasomʉ repaʉ. \fig vineyard|LB00104B.TIF|span||Horace Knowles|Ʉche chio kuirakaijanapi siacachio ñajʉkuirakaijʉ paapʉ chini ʉmʉ nʉkavʉe chooasomʉ repaʉ.|Mr 12.1\fig*
\v 2 Sani paiʉ ʉche tʉarʉmʉ tĩaʉna repaʉte chooche chookaikʉte ʉche chio kuirakaina paichejana saoasomʉ repaʉ, ʉchere miijani rakaaʉ chini.
\v 3 Jãatani sani tĩaʉna ña repana ʉche kuirana repaʉte chẽa vani, ʉchejẽe peoʉte ʉche paakʉ paichejana cochoasome repana.
\v 4 Cochorena ña ʉche paakʉ repaʉte chooche chookaikʉte chekʉni joe ũcuachejana saoʉna sani tĩaʉna ña repana ʉche kuirana repaʉte catapʉãpi repaʉ sĩjopʉna asi sua repaʉte rʉa cuache cutu pini ʉchejẽe peoʉte cochoasome.
\v 5 Cochorena chekʉre joe saoasomʉ repaʉ. Saoʉna repaʉte vanisõasome repana. Chekʉnani asi vaniasome repana. Chekʉnare vanisõasome repana.
\p
\v 6 ’Jãajañe choojʉna churatani repaʉ mamakʉte rʉa oiʉ paakʉte, “Chʉʉ chĩiretani ña kʉkʉjacosome repana”, chiiʉ cuasa chojerepana mamakʉte saoasomʉ repaʉ.
\v 7 Jãatani repaʉ mamakʉji sani tĩaʉna ña repachio kuirakaina sãiñechia ijache ikaasome: “Jãʉ ʉche paakʉ mamakʉmʉ. Pʉkakʉ jũnisõsirʉmʉ repaʉ paasie paajaʉamʉ jãʉ. Vanisõñu jãʉni. Maipi pʉkakʉ jũnisõsirʉmʉ repaʉ paasiere paañu”, chiniasome repana.
\v 8 Chini repaʉte chẽa vanisõ chio rʉtʉvana sa ũhaasome repana repaʉte —‍chiniasomʉ Jesús repanare pãi.
\p
\v 9 Jãajañe kʉacuha repaʉ kʉasie asasinare ijache sẽniasomʉ repaʉ:
\p —‍Repaʉ mamakʉte vanisõsiere asa ʉche chio paakʉji sani, ¿jese choojaʉ repanare ʉche kuirakainare? Sani repaʉ mamakʉte vanisõsinare sãiñe vanisõjamʉ repaʉ. Repanare vanisõ ʉche chio kuirakaijanare chekʉnani jñaa jokajamʉ repaʉ, cuache choomañe ʉche tʉa pini repaʉte sa ĩsijanani.
\p
\v 10 ’¿Dios chʉo aperʉmʉ tocha jokasie ñamanaañe mʉsanʉkona? Ijache kʉamʉ:
\q Pãi vʉe choona vʉña tuu reojatuure kuejʉ paniasome.
\q Kuejʉ teetuupʉ jñaani cuheasome repana.
\q Cuhejʉ jokaasome repatuupʉ.
\q Chekʉnatani naa rʉa masinajejʉ rani repatuupʉ mini kuãa sa
\q repana vʉe chakavʉna nʉkoasome,
\q repana vʉepi naa rʉa jʉjaakʉ chini.
\q
\v 11 Diopi chookaiʉna jãajañe choorena ña cuasa Repaʉni pojojʉ ikame chʉkʉna,
\m chiimʉ Dios chʉo tocha jokasie —‍chiniasomʉ repaʉ.
\p
\v 12 Jesupi jãajañe ikaʉna asa judío phairipãi chʉ̃ʉnaname judíopãi chechonaname judío aina asamasi, “Ikʉ Jesús ũcuaʉ cuasakʉ kʉacheji maini cuache cutumʉ”, chiijʉ peruasome. Perujʉ repaʉte chẽañu chiinatani pãire chekʉnani vajʉchʉjʉ repaʉte joka sanisoasome repana.
\s Jesús pãi chʉ̃ʉnare kuri roichete ikasiere kʉamʉ
\r (Mt 22.15-22; Lc 20.20-26)
\p
\v 13 Ũcuarʉmʉ judíopãi chʉ̃ʉnapi fariseopãiname Herodete chiinare teenare soni ijache ikaasome:
\p —‍Jesús paichejana sani repaʉte chʉo rʉa sẽniasajʉ̃ʉ. Jãajañe sẽejʉna repaʉ tĩiñe ikato asa repaʉ ikasie maire chʉ̃ʉnani kʉañu. Maipi kʉato chekʉrʉmʉ repaʉte chẽañe chʉ̃ʉjanaame repana —‍chiniasome.
\v 14 Chini saoʉna sani Jesure ijache ikaasome repana:
\p —‍Masiʉ, chʉo ũcuarepare cutukʉmʉ mʉʉ. Pãipi asa chẽa reojache paapʉ chini Dios chʉ̃ʉñe ũcuarepare chechokʉmʉ mʉʉ. Jãa masime chʉkʉna. Mʉʉ chechochete chekʉnapi asa cuache ikatojẽe kʉkʉ cuasomañe ũcua chechokʉ paikʉmʉ mʉʉ. Jãajekʉna mʉʉni chʉo sẽniasañu chiime chʉkʉna, mʉʉ cuasakʉ ikachete asa masiñu chini. Romapãi chʉ̃ʉkʉji Césapi chʉkʉna paiche roire sẽeto, ¿roijanaañe chʉkʉna repaʉte? ¿Roimanejanaañe? —‍chiniasome repana.
\p
\v 15 Jãatani Jesús repana cuache chooñu chiichete masikʉ ijache ikaasomʉ repanare:
\p —‍Chʉʉni cacʉoñu chini jãajañe sẽeme mʉsanʉkona. Kurirereva chʉʉre rajʉ̃ʉ; ñara —‍chiniasomʉ repaʉ.
\v 16 Chikʉna repaʉte kurirereva miijani ra ñoasome repana. Ñojʉna Jesús ijache ikaasomʉ repanare:
\p —‍Ikʉ kurirereva paikʉ kuechʉsikʉ, ¿keejaiʉʉ? Ũcuachia, ¿nee mamipi paikʉ irereva? —‍chiniasomʉ.
\p Chikʉna ikaasome repana.
\p —‍Maire chʉ̃ʉkʉ César chianame repaʉ mami paimʉ jãarereva —‍chiniasome repana.
\p
\v 17 Chitena Jesús ikaasomʉ repanare.
\p —‍Jãa paito paiche roire repaʉji kuri roiche chʉ̃ʉto roijʉ̃ʉ repaʉte. Dios chʉ̃ʉ jokasie ũcuachia choojʉ paijʉ̃ʉ —‍chiniasomʉ repaʉ. Jãajañe ikaʉna asa kʉkʉasome repana.
\s Jũisina vajʉraichete Jesure sẽniasasiere kʉamʉ
\r (Mt 22.23-33; Lc 20.27-40)
\p
\v 18 Ũcuarʉmʉ saduceopãi Jesuni ñañu chini saniasome. “Pãi jũisina joe vajʉraimanejanaame”, chiijʉ cuasanajejʉ Jesure ijache sẽniasome repana:
\p
\v 19 —‍Masiʉ, Diopi chʉ̃ʉʉna Moisés aperʉmʉ tocha jokasie ijache chiimʉ:
\q Pãiʉ romiote vejasikʉpi, chutaa chĩi peokʉji joka jũnisõru
\q repaʉ chojeʉji veja paaakʉ majaachʉ paasikore.
\q Repaoni veja chĩire paakʉ ijache cuasakʉ paaʉ:
\q “Chʉʉ achʉ jũnisõsivaʉ chĩijanaame ina chʉʉ chĩi”, chiaʉ,
\m chiimʉ repaʉ tocha jokasie.
\v 20 Jãajekʉna chʉo kʉañu chiime chʉkʉna mʉʉre. Pãiʉ charo cakʉ chojechĩi ʉmʉpãichia seirepanare paaasomʉ. Repaʉ charo cakʉ romiote veja paakʉ chutaa chĩi peokʉji joka jũnisoasomʉ.
\v 21 Joka jũnisoʉna chojeʉ repaʉ majaachʉ rʉ̃jo paisikoni veja paakʉ ũcuajache chutaa chĩi peokʉji joka jũnisoasomʉ. Jũnisoʉna naa choje cakʉ ũcuateeote veja ũcuajache chĩi peokʉji jũnisoasomʉ.
\v 22 Jãajañechia sieterepana ũcuanʉko ũcuateeote vejajʉ chĩi peonachia joka jũnisoasome repana. Repana peore jũnisosirʉmʉ romio ũcuajache jũnisoasomo.
\v 23 Jãajekʉna pãi jũnisosina ũcuanʉko joe vajʉraisirʉmʉ, ¿kaʉpi repaote joe paajaʉ, sieterepana veja paacojñosikore? —‍chiniasome repana.
\p
\v 24 Chitena Jesús ikaasomʉ repanare.
\p —‍Tĩiñe cuasame mʉsanʉkona. Dios chʉo aperʉmʉ tocha jokasiejẽe vesʉjʉ jũisinare Dios vasomasichejẽe vesʉme mʉsanʉkona.
\v 25 Pãi ũcuanʉko joe vajʉraisirʉmʉ ʉmʉpãiname romi joe vejamanejanaame, Diore jame paina ángeles paichejache painajejʉ.
\v 26-27 ¿Diopi chʉ̃ʉʉna Moisés tocha jokasie jũisina vajʉraiche kʉache ñamanaañe mʉsanʉkona? Aperʉmʉ Moisés sũkirañʉrʉ uutoa toa kueñe nʉkakʉ ñakʉ paniasomʉ. Ñakʉ nʉkakʉna ũcuatoa sanavʉji Diopi ikakʉna asakʉ tocha jokaasomʉ repaʉ Moisés.
\q “Chʉʉ Dios, mʉsanʉkona aipãi icheja pairʉmʉ chʉʉre cuasasinare paakʉmʉ chʉʉ Abrahamre, Isaare, Jacobre”, chiisikʉamʉ Dios,
\m chiimʉ repaʉ tocha jokasie. Diopi ñato pãi jũnisõsinajẽe vajʉme, repana rekoñoãpi vajʉkʉna. Jãa jachajʉ cuasamañe rʉa tĩiñe cuasame mʉsanʉkona —‍chiniasomʉ Jesús repanare saduceopãi.
\s Dios pãi naa rʉa chʉ̃ʉñete kʉamʉ Jesús
\r (Mt 22.34-40)
\p
\v 28 Ũcuarʉmʉ judíopãi chechokʉ rani Jesure saduceopãi keresie asaasomʉ. Jesupi rʉa masi ikakʉna asa ijache sẽniasaasomʉ repaʉ:
\p —‍Dios maire chʉ̃ʉ jokasie, ¿jeeache Repaʉ maire naa rʉa choojʉ̃ʉ chiiche? —‍chiniasomʉ.
\v 29 Chikʉna Jesús ijache ikaasomʉ:
\p —‍Dios maire ijachere ikakʉ naa rʉa chʉ̃ʉmʉ:
\q Asarepajʉ̃ʉ, Israelpãi.
\q Chʉʉ mʉsanʉkonare Paakʉ ũcuateeʉmʉ.
\q
\v 30 Jãajekʉna pãi mʉsanʉkonare ũcuanʉkore Paakʉte chʉʉre
\q mʉsanʉkona aʉname rekoñoãname kokaname cuasache peore jãapi rʉa cuasajʉ paijʉ̃ʉ.
\q Mʉsanʉkona meñe oichejache chekʉnare oijʉ paijʉ̃ʉ,
\m chiiʉ chʉ̃ʉmʉ Repaʉ. Dios jãajañe chʉ̃ʉ jokakʉ maire, “Jãare choojʉ paijʉ̃ʉ”, chiiʉ naa rʉa chʉ̃ʉmʉ.
\v 31 Cheke ũcuajacheame, Repaʉ chʉ̃ʉrepache. Ijache chiimʉ:
\q Mʉsanʉkona meñe oichejache chekʉnare oijʉ paijʉ̃ʉ,
\m chiimʉ Dios. Jãajañe, “Choojʉ paijʉ̃ʉ”, chiiʉ naa rʉa chʉ̃ʉmʉ Dios maire. Chekejẽe naa rʉa chʉ̃ʉmamʉ Repaʉ —‍chiniasomʉ Jesús repaʉte.
\p
\v 32 Chikʉna judíopãi chechokʉ ikaasomʉ repaʉte.
\p —‍Masiʉ, ũcuarepaame jãa, mʉʉ ikache. Dios ũcuateeʉmʉ. Chekʉ maire paakʉjẽe peomʉ.
\v 33 Mai judíopãi Diore pojojʉ cuamajñarʉã Repaʉni ĩsijʉ ʉosome. Jãajañe choojʉna pojocosomʉ Repaʉ maire. Jãatani maipi Repaʉni rekoñoãpi rʉa masi cuasajʉ mai meñe oichejache chekʉnare oijʉ paito naa rʉa pojocosomʉ Dios maire —‍chiniasomʉ repaʉ.
\p
\v 34 Jãajañe ikaʉna asa Jesús, “Ikʉ masi ikasikʉamʉ”, chiiʉ cuasa ijache ikaasomʉ repaʉte:
\p —‍Jãajañe cuasakʉjekʉ Dios chʉ̃ʉñe asa chẽapiramʉ mʉʉ —‍chiniasomʉ repaʉ repaʉte.
\p Reparʉmʉ pãi Jesure chʉo joe sẽevajʉchʉasome.
\s ¿Nee chĩiaʉ pãi ũcuanʉkore chʉ̃ʉakʉ chini Dios Raosikʉ?
\r (Mt 22.41-46; Lc 20.41-44)
\p
\v 35 Ũcuarʉmʉ Jesús Dios vʉere paiʉ pãire chechokʉ ijache ikaasomʉ:
\p —‍Mai judíopãi chechona ijache ikame: “Aperʉmʉ paisikʉ David Jojosikʉamʉ Cristo”, chiime.
\v 36 Repaʉ David, aperʉmʉ Dios Rekochoji kʉakʉna tocha jokasie ijache chiimʉ:
\q Dios chʉʉre Paakʉte ijache ikaasomʉ:
\q “Chʉʉre kueñe ʉjajʉ̃tʉ cakãkona pʉʉjʉ̃ʉ.
\q Chʉʉpi chookaiʉna mʉʉre cuhesina ũcuanʉko mʉʉ chʉ̃ʉñe choojanaame”, chiniasomʉ.
\m Jãajañe tocha jokaasomʉ David.
\p
\v 37 ’¿Jese paiʉna David, “Chʉʉre Paakʉmʉ Cristo”, chiisietani, “David Jojosikʉamʉ Cristo”, chiiche mai judíopãi chechona? —‍chiniasomʉ Jesús repanare.
\p Reparʉmʉ pãi jainʉko Jesús ikache asa pojoasome.
\s Judíopãi chechona cuache choochete kʉamʉ Jesús
\r (Mt 23.1-36; Lc 11.37-54; 20.45-47)
\p
\v 38 Ũcuarʉmʉ Jesús pãire joe chechokʉ ijache ikaasomʉ:
\p —‍Judíopãi chechona paiche ña chẽamanejʉ̃ʉ mʉsanʉkona. Kãña reojakãñapi ʉjacueñoã juijʉ nʉka kuime repana, pãipi ña, “Diore rʉa cuasanaame jãana”, chiapʉ chini. Ãu ĩsichejñare kuijʉna pãipi repanani ña chẽa pojojʉ, “Peore masinajejʉ chechonaame ina”, chiito rʉa pojonaame repana.
\v 39 Ũcuajache judíopãi chiivʉena mʉa kakani masina ñuisaivʉãre ñuineenaame repana. Ũcuajache pãipi repanani ãu ãuñu chini soito mʉa repanare soisikʉre kueñe ñuineenaame repana.
\v 40 Ũcuachia vajevana paache jorejʉ tʉtesõnaame repana. Jãajañe choonatani pãipi ña, “Reonaame jãana”, chiapʉ chini Diore sẽni rʉa jeerʉmʉ sẽejʉ painaame repana. Jãajañe choonajejʉna Diopi chʉ̃ʉʉna rʉa cuache tijñejamʉ repanare —‍chiniasomʉ Jesús.
\s Vajevao chʉovao paivao Diore kuri ĩsisiere kʉamʉ
\r (Lc 21.1-4)
\p
\v 41 Ũcuarʉmʉ Jesús Dios vʉena kaka cãjovʉ kuri mañavʉ nʉkacheja kueñe pʉʉ ñuiʉ ñato Dioni ĩsijʉ pãi jainʉko kuri mañajʉ paniasome. Ũcuachia kurina jainʉko kuri rʉa mañaasome.
\v 42 Ũcuarʉmʉ vajevao chʉovao paivao ũcuajache teekachaparererʉãchia kacharʉ pairererʉãre mañaasomo.
\v 43-44 Mañaona ña Jesús repaʉ neenare soni rao ikaasomʉ.
\p —‍Ina kurinatani repana koojʉna cajejaisiere ĩsisinaame. Ivaotani repao ãu koo ãio pasa chiisirererʉãre Dioni pojoko peore ĩsisõsikoamo. Kurina ĩsisie ña pojomʉ Dios. Jãatani ivao ĩsisie ña naa rʉa pojomʉ Dios. Ũcuarepaame jãa —‍chiniasomʉ Jesús.
\c 13
\s Dios vʉe ñañosojachere kʉamʉ Jesús
\r (Mt 24.1-2; Lc 21.5-6)
\p
\v 1 Ũcuarʉmʉ Jesús Dios vʉe paisikʉpi etaʉna repaʉ neena
teeʉ repaʉte ikaasomʉ.
\p —‍¡Ñakʉ, Masiʉ! Catapʉã rʉa reojapʉãpi
choosivʉñaame ivʉña —‍chiniasomʉ.
\p
\v 2 Chikʉna Jesús ikaasomʉ.
\p —‍Mʉsanʉkona ivʉña peore ñajʉ paime, “Reojaimʉ”,
chini. Jãatani naa paisirʉmʉ, catapʉã teepʉjẽe
chekʉpʉname sʉimañe peore ñañosõjanaame pãi ivʉña
—‍chiniasomʉ Jesús repaʉte.
\s Cheja siapirarʉmʉ choojachere kʉamʉ
\r (Mt 24.3-28; Lc 17.22-24; Lc 21.7-24)
\p
\v 3 Jãajañe ikacuha Jesús repaʉ neenaname Olivo aikũti
Dios vʉe tijñeñe cakũtina mʉni pʉʉ ñuniasome. Pʉʉ ñuijʉ
Pedro, Santiago, Juan, Andrename repaʉte Jesure teeʉte
chʉore sẽniasome.
\p
\v 4 —‍Mʉʉ kʉasie, ivʉña ñañosõjañe, ¿jeerʉmʉ
choojacheache? Reparʉmʉ tĩañe, ¿jese masijanaañe
chʉkʉna? —‍chiniasome repana.
\p
\v 5 Chitena Jesús ikaasomʉ.
\p —‍Ñarepajʉ paijʉ jorena ikache asa cuasamañe paijʉ̃ʉ
mʉsanʉkona.
\v 6 Pãi jainʉko teenachia kuijʉ jorejʉ chʉʉni roijʉ,
“Dios Raosikʉamʉ chʉʉ. Cristoamʉ”, chiijanaame.
Jãajañe ikajʉ jorejʉ pãi jainʉkore cacʉojanaame repana.
\p
\v 7 ’Ũcuachia siachejña pãi vaiche asani kʉkʉmanejʉ̃ʉ
mʉsanʉkona. Jãajañe paijamʉ cheja siapirarʉmʉ.
Jãatani cheja chutaa siamanejamʉ.
\v 8 Pãi ũcuateecheja paina chekʉchejña painani sani
vanisõjanaame. Ũcuajache cheja siachejñarʉã rʉa
pirujamʉ. Ũcuajache rʉarepa asukʉ ãupi aineemaʉna
siachejñarʉã ãucuhana jũnisõjanaame pãi. Jãatani peore
jãa naa rʉa cuache choorʉmʉpi tĩapirakʉ choocheme.
\p
\v 9 ’Ñarepajʉ paijʉ̃ʉ. Reparʉmʉ pãi mʉsanʉkonare
chʉʉni cuasajʉna chẽa judíopãi chʉ̃ʉna paivʉena sa
joka, repanapi suĩsuechete chʉ̃ʉrena judíopãi chiivʉe
cuaa suĩsuejanaame. Chekʉrʉmʉ pãi mʉsanʉkonare chʉʉni
cuasajʉna chẽa pãi chʉ̃ʉna paivʉñana sa jokajanaame,
mʉsanʉkonare cuache choochete chʉ̃ʉajʉ chini. Jãajañe
choojʉna repanare pãi chʉ̃ʉnare chʉʉ paichete kʉa
asojanaame mʉsanʉkona.
\v 10 Dios chʉo reojache chʉʉre cuasanapi kuijʉ
chʉvajanaame, pãipi siachejña paina asa chẽaajʉ chini.
Jãajañe choo pinisirʉmʉna icheja cheja siasõjamʉ.
\v 11 Ũcuachia reparʉmʉ pãipi mʉsanʉkonani chẽa pãi
chʉ̃ʉna paivʉena sa jokaru, “¿Jese sãiñe ikajache
chʉʉ?”, chiijʉ cuasamanejʉ̃ʉ. Mʉsanʉkonare sãiñe ikache
tĩarʉmʉ mʉsanʉkona ikajache chʉo Diopi rekoñoãna
kʉajamʉ. Mʉsanʉkona teena cuasajʉ ikamañe mai Jakʉ Dios
Rekochoji chookaiʉna masi ikajanaame mʉsanʉkona.
\v 12 Reparʉmʉ pãi repana chojechĩi chʉʉni cuasajʉna chẽa
sa, “Vanisõjʉ̃ʉ inare”, chiijʉ jokajanaame. Ũcuajache
chekʉna repana majaachʉpãipi chʉʉni cuasajʉna cuache
choojanaame. Pʉkakʉpãi ũcuachia repana mamachĩipi chʉʉni
cuasajʉna chẽa sa, “Inare vanisõjʉ̃ʉ”, chiijʉ
jokajanaame. Ũcuajache chekʉna repana pʉkakʉpãipi chʉʉni
cuasajʉna ũcuajache cuache choojanaame.
\v 13 Pãi jainʉko mʉsanʉkonare chʉʉni cuasajʉna rʉa
cuhejanaame. Jãatani mʉsanʉkonapi chʉʉre cuasachete
ũhasõmañe jũnisõrʉmʉjatʉka masi cuasajʉ pani Dios
paichejare ai sani paijanaame.
\p
\v 14 ’Dios chʉo aperʉmʉ kʉasikʉ Daniel tocha jokasie
ijache chiimʉ:
\q Naa paisirʉmʉ pãi Dios cuhechete rupʉ
tʉ̃osikʉni Dios vʉena sa nʉko,
\q “Dioamʉ ikʉ. Pojojʉ̃ʉ
ikʉre”, chiijanaame,
\m chiimʉ. Repa tochasiere ñani
masijanaame mʉsanʉkona. Pãipi jãajañe choojʉna ñani Judea
cheja paina aikũjñana vʉvʉ katisõajʉ.
\v 15 Pãi ũcuaʉana repana vʉña vekoroãre pani
cuamajñarʉãre miñu chini kakamañe teana vʉvʉsõajʉ.
\v 16 Ũcuajache pãi chiño saisina pani repana vʉña paachete
cuamajñarʉãre miñu chini coimañe teana vʉvʉsõajʉ.
\v 17 Reparʉmʉ romivanare chĩi sʉivananame oje chũsavanare
rʉa vesache cuache paijamʉ.
\v 18 Dioni rʉa sẽejʉ paijʉ̃ʉ, reparʉmʉpi okorʉmʉna
tĩamaneakʉ.
\v 19 Reparʉmʉ tĩaru mamarʉmʉpi irʉmʉjatʉka pãi
jmamakarʉjẽe ñamañepi cua rʉa cuacheji paijamʉ.
Ũcuachia reparʉmʉ choosie cua joe tijñemanejamʉ.
\v 20 Repa cuache pairʉmʉre Diopi ʉ̃semaʉna naa jeerʉmʉ
cuache paito pãi teeʉjẽe jujamañe choosõraame.
Jãatani Diopi Repaʉ chẽa paanani oiʉ ʉ̃sekʉna cua rʉa
jeerʉmʉ paimanejamʉ.
\p
\v 21 ’Reparʉmʉ pãi mʉsanʉkonare ijache ikajanaame: “Rani
ñajʉ̃ʉ. Pãi ũcuanʉkore chʉ̃ʉakʉ chini Dios Raosikʉ
ichejare paimʉ.” Jãapãani, “Sani ñajʉ̃ʉ. Dios Raosikʉ
jeechejare paimʉ”, chiijanaame. Pãipi jãajañe ikato asa
jachajʉ̃ʉ mʉsanʉkona.
\v 22 Reparʉmʉ pãi teenachia kuijʉ jorejʉ, “Dios
Raosikʉamʉ chʉʉ. Cristoamʉ”, chiijanaame. Chekʉnapi,
“Dios chʉo kʉanaame chʉkʉna”, chiijanaame. Jãajañe
jorejʉ ikajʉ Diochia choomasichejachere choo ñojanaame
repana, Dios chẽa paanapi ña Repaʉte cuasachete jokasõ
ũcuanani jovo repana chʉ̃ʉñete choojʉ paapʉ chini.
\v 23 Mʉsanʉkonare repana choojachere masiajʉ chini irʉmʉna
kʉamʉ chʉʉ. Jãajekʉna ñarepajʉ paijʉ̃ʉ mʉsanʉkona
—‍chiniasomʉ Jesús repanare.
\s Pãire jame paaʉ chini Dios Raosikʉ joe raijachere kʉamʉ
\r (Mt 24.29-36, 42-44; Lc 21.25-36)
\p
\v 24 Ũcuarʉmʉ Jesús joe ikaasomʉ.
\p —‍Repa cuache choo pinisirʉmʉ ʉ̃sʉʉ miamanejamʉ.
Pãimiaʉ ũcuajache miamanejamʉ.
\v 25 Cʉnaʉmʉ paina majñoko chejana tuãtuasõjanaame.
Ũcuachia cʉnaʉmʉ paimajñarʉã ñʉkuejamʉ.
\v 26 Reparʉmʉ chʉʉ Dios Raosikʉ peore Masiʉji rʉa
reojache ñoʉ kosijaiʉ cʉnaʉmʉpi pãi ũcuanʉko ñajʉte
pikoname cajejamʉ.
\v 27 Caje chʉʉ neenare ángelevanare chʉ̃ʉ saoʉna sani chʉʉ
chẽa paanare cheja siachejñarʉã painare rʉa soñapi ra
chiijanaame repana.
\p
\v 28 ’Chura higoñʉ paichete cuasajʉ̃ʉ. Higoñʉ karʉã
ãjikarʉã carũni jao mamañe ñani, “Ʉ̃sʉrʉmʉ tĩapiramʉ
ie”, chiime mʉsanʉkona.
\v 29 Ũcuajache chʉʉ chura kʉasiepi tĩakʉna ñani,
“Jesús, Dios Raosikʉ chejana joe cajepiramʉ”, chiijanaame
mʉsanʉkona.
\v 30 Mʉsanʉkona jojosina chutaa jũnisõmarʉmʉna chʉʉ
kʉasie peore tijñejamʉ. Ũcuarepaame jãa.
\v 31 Cʉnaʉmʉname cheja siasõjamʉ. Chʉʉ chʉ̃ʉ
jokasietani siasõmañe ũcua paijamʉ.
\p
\v 32 ’Pãi teeʉjẽe masimame chʉʉ kʉasie tijñejarʉmʉ.
Cʉnaʉmʉ paina ángeles ũcuachia vesʉme. Chʉʉ Dios Mamakʉ
ũcuachia vesʉmʉ. Jakʉchia masimʉ jãa.
\p
\v 33 ’Chʉʉ mʉsanʉkonare kʉasie tijñejarʉmʉ vesʉnajejʉ
ñarepajʉ paijʉ chʉʉni chaajʉ Dioni sẽejʉ paijʉ̃ʉ.
\v 34 Ijacheame: Chekʉrʉmʉ pãiʉ chekʉchejana saipirakʉ
repaʉte chooche chookainare soni rao vʉe kuirakaichete
jokaasomʉ. Ũcuanʉkore siacairo repana choojache chʉ̃ʉ
jokaasomʉ repaʉ. Repa vʉe kakasaaro pẽjekaikʉte ijache
ikaasomʉ: “Chʉʉ joe raijachere pẽjekʉ chaakʉ
paijʉ̃ʉ”, chiniasomʉ. Chini joka saniasomʉ repaʉ.
\v 35 Repaʉ vʉe paakʉ raijarʉmʉ repaʉ neena vesʉchejache chʉʉ
mʉsanʉkonare Paakʉ joe raijarʉmʉ vesʉme mʉsanʉkona.
Vesʉnajejʉ ñarepajʉ paijʉ chʉʉni chaajʉ paijʉ̃ʉ.
Chekʉrʉmʉ naitona chekʉrʉmʉ ñamirepana chekʉrʉmʉ kura
chuirʉmʉna chekʉrʉmʉ ñatacuhatona raijamʉ chʉʉ.
\v 36 Mʉsanʉkonapi chʉʉ joe raijachere ña jñanomaneñu chini
chaajʉ paijʉ̃ʉ. Chekʉrʉmʉ peosikʉpi teana raijamʉ
chʉʉ.
\v 37 Chura chʉʉ mʉsanʉkonare chʉvasie pãi ũcuanʉkore
chʉvamʉ chʉʉ. Chʉʉ joe raijache chaajʉ paijʉ̃ʉ
—‍chiniasomʉ Jesús repanare.
\c 14
\s Jesuni chẽañu chini pãi teena cutusiere kʉamʉ
\r (Mt 26.1-5; Lc 22.1-2; Jn 11.45-53)
\p
\v 1 Ũcuarʉmʉ judíopãi pã saʉmanesie ãirʉmʉ, pascua tĩañe kachaumucujña karatona judío phairipãi chʉ̃ʉnaname judíopãi chechona Jesuni vanisochete chʉ̃ʉñu chini teena cutuasome.
\v 2 Jãajañe chooñu chiinatani ijache ikaasome repana:
\p —‍Pascuarʉmʉna repaʉte chẽañe chʉ̃ʉmaneñu mai. Jãarʉmʉna chooru pãi siachejña raisina jainʉko asa perujʉ cavajanaame —‍chiniasome repana.
\s Romio Jesús sĩjopʉna okomaña rovesiere kʉamʉ
\r (Mt 26.6-13; Jn 12.1-8)
\p
\v 3 Ũcuarʉmʉ Jesús Betania vʉejoopote paniasomʉ, Simón asi ravʉ paakʉ chiicojñokʉ vʉere. Paiʉ mesakoa ñuiʉ ãu ãitona romio mañatʉopʉ alabastroji choositʉopʉ okomaña nardomaña rʉa roisitʉopʉ ra ũcuavʉena kakaasomo. Kaka repatʉopʉ jaopaparʉ cachejapi chau Jesús sĩjopʉna roasomo repao. \fig annointing head|CN01778B.TIF|span||D.C.Cook| |Mr 14.3\fig*
\v 4 Jãajañe chooona ña ũcuavʉe paina chekʉna perujʉ sãiñechia cutuasome.
\p —‍¿Jese paiʉna iko jãaraka rurepapʉ jañosoo?
\v 5 Reparakare ĩsisoni kuri trescientoreparere denariorere kooraamo repao. Jãajanʉko koo chʉovana paivanare ĩsirʉjachere choosomo repao —‍chiniasome repana.
\p Perujʉ repaote rʉa ikaasome repana.
\v 6 Perujʉ ikajʉna asa Jesús ikaasomʉ.
\p —‍Iko chooche ñajʉ keremanejʉ̃ʉ mʉsanʉkona. Repao chʉʉre okomaña rosie reojachere choosikoamo iko.
\v 7 Pãi chʉovana paivana mʉsanʉkonaname siarʉmʉ paijanaame. Jãajekʉna repanare siarʉmʉ reojache chookaijʉ paireojamʉ mʉsanʉkonare. Chʉʉtani mʉsanʉkonare siarʉmʉ jame paimanejamʉ. Jãajekʉna chʉʉre siarʉmʉ jãajañe chookaicuajamʉ mʉsanʉkonare.
\v 8 Iko repaote chooreoche chooko chʉʉre okomaña rosikoamo. Iko chʉʉre jũnisõ tãcojñopirakʉni irʉmʉ okomaña rosikoamo, jũisinare choochejache.
\v 9 Cheja ũcuaʉachejña Dios chʉo chʉvachejña iko chʉʉre choosie ũcuajache kʉajanaame, pãipi repao reojache choosiere cavesʉmañe cuasajʉ paapʉ chini. Ũcuarepaame jãa —‍chiniasomʉ Jesús.
\s Pãipi cuache chooajʉ chini Judas chekʉnare Jesure jokajachere kʉamʉ
\r (Mt 26.14-16; Lc 22.3-6)
\p
\v 10 Ũcuarʉmʉ Jesús neenare, docerepanare jame paikʉji Judas Iscariote judío phairipãi chʉ̃ʉna paivʉena mʉa ikaasomʉ.
\p —‍¿Jese choonite mʉsanʉkonare Jesure jokajache chʉʉ? —‍chiniasomʉ.
\v 11 Jãajañe ikakʉna asa pojojʉ,
\p —‍Mʉʉpi jãajañe chooto kuri roijanaame chʉkʉna —‍chiniasome repana. Jãajañe ikarena, “Jaʉ”, chini Jesús paichejana sani pẽje ñakʉ paniasomʉ repaʉ, Jesuni jokara chini.
\s Judíopãire Dios chookaisiere cuasajʉ ãu ãiñete kʉamʉ
\r (Mt 26.17-29; Lc 22.7-23; Jn 13.21-30; 1 Co 11.23-26)
\p
\v 12 Ũcuarʉmʉ judíopãi pã saʉmanesie ãirʉmʉ pascua charo chooumucusena Dios aperʉmʉ chookaisie cuasajʉ ovejachĩivaʉni vaniso Diore ĩsiumucusena Jesús neena ijache sẽniasaasome repaʉte:
\p —‍¿Jeechejana mai pascuarʉmʉ ãijañe ãu carevajaijʉ̃ʉ chiikʉ mʉʉ? —‍chiniasome.
\p
\v 13 Chitena Jesús repaʉ neenare teekachapanare saopirakʉ ijache ikaasomʉ repanare:
\p —‍Chura vʉejoopona sani tĩa pãiʉte churupʉ oko paipʉ sakʉni tijñajanaame mʉsanʉkona. Tijña ũcuaʉname saijʉ̃ʉ.
\v 14 Sani repaʉ kakavʉena kakajʉ̃ʉ. Kaka vʉe paakʉte sẽniasajʉ̃ʉ. “Masiʉ mʉʉni sani sẽniasaajʉ chini raomʉ chʉkʉnate. ‘¿Jeeruupʉna chʉʉ neenaname pascuarʉmʉ kaka ãu ãijañe chʉʉ?’, chiisikʉamʉ Jesús”, chiijʉ̃ʉ repaʉte vʉe paakʉte.
\v 15 Mʉsanʉkonapi sẽeto ʉmʉ caruupʉte ʉjaruupʉte ñojamʉ repaʉ, masi carevasiruupʉte. Ñoʉna ũcuaruupʉna kaka mai pascuarʉmʉ ãijañe ãu carevajʉ̃ʉ —‍chiniasomʉ Jesús repanare.
\p
\v 16 Chikʉna vʉejoopo sani tĩato Jesús ikasie ũcuarepa paniasomʉ. Jãajekʉna pascuarʉmʉ ãijañe ãu carevaasome repana.
\p
\v 17 Carevasirʉmʉ naicuhatona Jesús repaʉ neena docerepananame repavʉena sani kakaasome.
\v 18 Kaka mesakoare ñuijʉ ãu ãirʉmʉna Jesús repaʉ neenare ijache ikaasomʉ:
\p —‍Mainame ãu ãikʉ teeʉ chʉʉni cuache chooajʉ chini chʉʉre cuhenani jokajamʉ. Ũcuarepaame jãa —‍chiniasomʉ repaʉ.
\p
\v 19 Jãajañe ikaʉna asa sʉmañe cuasajʉ repaʉ neena teenachia repaʉte ijache sẽniasome:
\p —‍¿Chʉʉache mʉʉre jãajañe jokajaʉ? —‍chiniasome repana ũcuanʉko.
\p
\v 20 Chitena Jesús ikaasomʉ.
\p —‍Chʉʉre cuache choojaʉ, mʉsanʉkonare chʉʉ neena docerepanare jame paikʉmʉ. Ũcuaʉji chʉʉname ũcuateereava cʉnareava pãpʉ chũsemʉ.
\v 21 Chʉʉre Dios Raosikʉre, Repaʉ chʉo aperʉmʉ tocha jokasie kʉache ũcuarepa cuache tijñejamʉ. Jãatani chʉʉni vanisõajʉ chini jokasikʉre naa rʉa cuache tijñejamʉ. Repaʉ aineemaneru naa reoraamʉ repaʉte —‍chiniasomʉ repaʉ.
\v 22 Chutaa ãu ãiʉ ñuikʉji Jesús pãpʉ mini Dioni, “Reorepamʉ”, chini repaʉ neenani tʉse ĩsikʉ ijache ikaasomʉ:
\p —‍Ipʉ pãpʉ chʉʉ canivʉme. Ãijʉ̃ʉ —‍chiniasomʉ repaʉ.
\p
\v 23 Chini conororova mini Dioni, “Reorepamʉ”, chini ĩsikʉna koo ũkuasome repana ũcuanʉko.
\v 24 Ũcuarʉmʉ Jesús repanare joe ikaasomʉ.
\p —‍Ie ʉche cono chʉʉ chieame. Mʉsanʉkona ũcuanʉko ũkujʉ̃ʉ irorova. Pãi ũcuanʉkore cuache choochete jũni roikasa chini chuenisõjamʉ chʉʉ. Jãajañe chooche chʉʉ chiepi menisõʉna Dios mamare, “Ijache chooñu”, chiisiere choojacheame. Jãare cuasajʉ chii ie ʉche cono ũkujʉ paijʉ̃ʉ.
\v 25 Jãatani mʉsanʉkonare ijache ikamʉ chʉʉ: Chʉʉ pãi ũcuanʉkore chʉ̃ʉrʉmʉjatʉka ʉche cono joe ũkumanejamʉ chʉʉ. Ũcuarepaame jãa —‍chiniasomʉ repaʉ repanare.
\s Pedro, “Repaʉte ñamakʉamʉ chʉʉ”, chiijachere kʉamʉ Jesús
\r (Mt 26.30-35; Lc 22.31-34; Jn 13.36-38)
\p
\v 26 Ũcuarʉmʉ Jesús repaʉ neenaname Dioni pojojʉ uja pini Olivo aikũtina saniasome.
\v 27 Repacheja sani tĩa Jesús ijache ikaasomʉ repanare:
\p —‍Iñami mʉsanʉkona ũcuanʉko chʉʉni masi cuasamapʉ chʉʉni cuache choojʉna vajʉchʉjʉ joka sanisõjanaame. Dios chʉo aperʉmʉ tocha jokasie ijache kʉamʉ:
\q Ovejavana repanare kuirakʉni vanisõrena
\q vajʉchʉjʉ teenachia vʉvʉsõjanaame,
\m chiimʉ.
\v 28 Jãatani chʉʉ jũni vajʉrani Galilea chejana mʉsanʉkonare charo saijamʉ —‍chiniasomʉ repaʉ repanare.
\p
\v 29 Chikʉna Pedro ikaasomʉ repaʉte.
\p —‍Chekʉna ũcuanʉko mʉʉre jokasõto chʉʉtani mʉʉre jmamakarʉjẽe jokamanejamʉ —‍chiniasomʉ.
\p
\v 30 Chikʉna Jesús ikaasomʉ repaʉte.
\p —‍Iñami chutaa kura kachañoã chuimatona choteñoã, “Jesure ñamakʉamʉ chʉʉ”, chiijamʉ mʉʉ. Ũcuarepaame jãa —‍chiniasomʉ.
\p
\v 31 Chikʉna Pedro joe ijache rʉa ikaasomʉ:
\p —‍Pãipi chʉʉni vanisõñu chiitojẽe, “Jesure ñamakʉamʉ chʉʉ”, chiimañe mʉʉname chuenisõjamʉ chʉʉ —‍chiniasomʉ repaʉ.
\p Chikʉna asa chekʉna Jesús neena ũcuanʉko ũcuajache ikaasome.
\s Getsemaní chiichejare paiʉ Jesús Dioni sẽesiere kʉamʉ
\r (Mt 26.36-46; Lc 22.39-46)
\p
\v 32 Ũcuarʉmʉ Jesús repaʉ neenaname Getsemaní chiichejana sani tĩa ijache ikaasomʉ repanare:
\p —‍Ichejare ñuijʉ chaajʉ̃ʉ mʉsanʉkona, chʉʉ sani Jakʉre sẽni piniñetʉka —‍chiniasomʉ repaʉ.
\p
\v 33 Chini repanare joka Pedromʉ Juanmʉ Santiagomʉ sa, sʉmañe cuasa oniasomʉ repaʉ.
\v 34 Jãajañe oiʉ repaʉ neenare ijache ikaasomʉ repaʉ:
\p —‍Chura rekocho jũiʉache rʉa sʉmamʉ chʉʉre. Mʉsanʉkona ichejana canʉka kãimañe chʉʉname paijʉ̃ʉ —‍chiniasomʉ.
\p
\v 35 Chini teeʉ jmachenerʉ sani rore ñuiʉ meñe sime chejana chia tĩiʉ Dioni sẽniasomʉ repaʉ, cuache ʉ̃seʉato ʉ̃sekaaʉ chini.
\v 36 Ijache Diore sẽniasomʉ repaʉ:
\p —‍Jakʉ, mʉʉ siache choomasikʉmʉ. Mʉʉre ʉ̃seʉato pãi chʉʉre cuache choopirache ʉ̃sekaijʉ̃ʉ. Jãatani chʉʉ chiichetani choomanejʉ̃ʉ. Ʉ̃seʉamato mʉʉre ʉache choojʉ̃ʉ —‍chiniasomʉ.
\p
\v 37 Jãajañe ikacuha vʉni, repaʉ neena paichejana coi ñato kãni ũhijʉ paniasome repana. Kãnisorena Pedroni ikaasomʉ repaʉ.
\p —‍Simón, ¿kãikʉ mʉʉ? ¿Teehorajẽe kãimañe paicuaʉ mʉʉre?
\v 38 Rekoñoã reojache chooñu chiime mʉsanʉkona; jãatani reojache choovesʉme. Jãajekʉna kãimañe Dioni sẽejʉ paijʉ̃ʉ, Ũcuaʉji chookaiʉna cuache choomaneñu chini —‍chiniasomʉ Jesús repaʉte.
\p
\v 39 Chini Jesús joe sani Pʉkakʉre repaʉ aperʉmʉ ikasiere ũcuateere sẽniasomʉ.
\p
\v 40 Sẽnicuha repaʉ neenare joe kãni ũhijʉ painani rani ñaasomʉ repaʉ. Repanare ʉokʉacajejani repana ñakocaã ñañejẽe cuache tapiasomʉ repanare. Repaʉ vʉo ikato vajʉchʉjʉ repaʉte sãiñe ikavesʉasome.
\v 41 Repanare joka Pʉkakʉre sẽsa chini saisikʉpi joe coi repanare ikaasomʉ repaʉ.
\p —‍¿Chutaa vʉimañe kãiñe ina? Reomʉ. Chʉʉre Dios Raosikʉre, pãi chẽa cuache choonare jokarʉmʉ tĩacuhamʉ.
\v 42 ¡Jʉna, vʉijʉ̃ʉ; sañu! Chʉʉni cuache chooajʉ chini chekʉnare jokajaʉ ranicuhamʉ —‍chiniasomʉ Jesús repanare.
\s Jesure pãi chẽasiere kʉamʉ
\r (Mt 26.47-56; Lc 22.47-53; Jn 18.1-11)
\p
\v 43 Jesús chutaa ikatona Judas Jesús neenare docerepanare jame paikʉji, pãi jainʉkore pãi vaivajñaname vãsoñoã cãjinani rakʉ charo raniasomʉ. Judío phairipãi chʉ̃ʉnaname judíopãi chechonaname judío ainapi chʉ̃ʉrena raniasome repana.
\v 44 Jesure jokajaʉ Judas aperʉmʉ repanare pãi ijache ikaasomʉ: “Mʉsanʉkonapi Jesuni masiajʉ chini, repaʉ paichejana sani tĩa chũsu pojojamʉ chʉʉ repaʉte. Chʉʉ jãajañe chookʉni chẽa sajʉ̃ʉ”, chiniasomʉ.
\v 45 Jãajañe ikasikʉjekʉ Judas, Jesús paichejana sani tĩa,
\p —‍¿Paikʉ, Masiʉ? —‍chiniasomʉ. Chini repaʉte chũsu pojoasomʉ.
\v 46 Jãajañe chũsukʉ ikakʉna chekʉna Jesure chẽaasome.
\p
\v 47 Jãajañe choojʉna ña Jesure kueñe nʉkakʉji vati ruta phairi aire chooche chookaikʉte cãjoro tẽo vatoasomʉ.
\v 48 Tẽoʉna Jesús ikaasomʉ.
\p —‍¿Jese paiʉna mʉsanʉkona chʉʉre ñaaʉte choochejache vajñaname vãsoñoã cãjijʉ chẽañu chini raiche?
\v 49 Siaumucujña Dios vʉe mʉa mʉsanʉkonaname paiʉ pãire chechokʉ paisikʉamʉ chʉʉ. Jãatani mʉsanʉkona chʉʉre chẽamanesinaame. Diopi kʉaʉna pãi chʉʉre mʉsanʉkona chẽajañe aperʉmʉ tocha jokaasome. Repana tocha jokasie kʉache ũcuare choome mʉsanʉkona chʉʉre —‍chiniasomʉ Jesús repanare.
\p
\v 50 Chikʉna repaʉ neena ũcuanʉko vajʉchʉjʉ repaʉte teeʉte joka vʉvʉsoasome.
\s Põsʉʉ vajʉchʉkʉ vʉvʉsosiere kʉamʉ
\p
\v 51 Ũcuarʉmʉ Jesuni sajʉna põsʉʉ repana chojepi saniasomʉ sábanakãa canesikʉ. Jame saiʉna Jesure chẽasinapi repaʉte põsʉʉte ũcuajache chẽaasome.
\v 52 Chẽarena repaʉ canesikãare jose ũha, kãa peovaʉ vʉvʉsoasomʉ repaʉ.
\s Pãi chʉ̃ʉna Jesure chʉo sẽniasasiere kʉamʉ
\r (Mt 26.57-68; Lc 22.54-55, 63-71; Jn 18.12-14, 19-24)
\p
\v 53 Repana Jesure chẽasina phairi ai paivʉena saasome repaʉte, judío phairipãi chʉ̃ʉnaname judíopãi ainaname judíopãi chechona chii paivʉena.
\v 54 Jãa chooto Pedro soopi ñakʉ chojepi phairi ai vʉe sanavʉ pairaripʉjatʉka tuhaasomʉ. Tuha sʉsʉkʉna repavʉe pẽjena sõtaopãi ñuichejana pʉʉ, toare jame kũniasomʉ repaʉ.
\p
\v 55 Repavʉe chii paina judío phairipãi chʉ̃ʉnaname judío pãi chʉ̃ʉna ũcuanʉko jorenani kue raajʉ chini chekʉnani chʉ̃ʉasome, “Jesús cuache choosikʉamʉ”, chiijʉ jorerena repaʉni vanisochete chʉ̃ʉñu chini. Kue jñaa rarena jorena jainʉko raisinatani Jesure vanisoche chutaa chʉ̃ʉcuaasomʉ.
\v 56 Pãi jainʉko repaʉ paichete kʉajʉ joreasome. Jãatani ũcuatee kʉamaneasome repana.
\v 57 Reparʉmʉ repana teena vʉni Jesús paichete jorejʉ ijache kʉaasome:
\p
\v 58 —‍Ikʉ Jesús ijache ikasikʉamʉ: “Chʉʉpi ivʉere Dios vʉe pãi choosivʉere ñañosõjamʉ. Ñañosõ choteumucujña chekʉvʉe pãi choomavʉere joe choo pinijamʉ chʉʉ”, chiisikʉamʉ —‍chiniasome repana.
\p
\v 59 Jãajañe kʉanatani ũcuatee kʉamaneasome repana.
\v 60 Jãajañe kʉarena asa phairi ai vʉni repana pãi chenevʉte nʉkakʉ Jesure ijache sẽniasaasomʉ:
\p —‍¿Jese chiikʉ mʉʉ? Ina mʉʉre ikasie, ¿jãajañe ikaʉ mʉʉ? —‍chiniasomʉ.
\p
\v 61 Jãatani Jesús ikamañe jʉvoasomʉ. Ikamaʉna phairi ai joe sẽniasomʉ.
\p —‍¿Pãi ũcuanʉkore chʉ̃ʉakʉ chini Dios Raosikʉaʉ mʉʉ? ¿Dios mai Cuasakʉ Mamakʉʉ mʉʉ? —‍chiniasomʉ.
\p
\v 62 Chikʉna Jesús ikaasomʉ repaʉte.
\p —‍Ũcuaʉmʉ chʉʉ. Mʉsanʉkona chʉʉre Dios Raosikʉre Jakʉ peore Choomasiʉ ʉjajʉ̃tʉ cakãkore kueñe ñuikʉji cʉnaʉmʉpi pikoname cajekʉna ñajanaame —‍chiniasomʉ.
\p
\v 63 Jãajañe ikaʉna asa perukʉ phairi ai repaʉ juikãña meñe rueni cherekʉ chekʉnani ijache ikaasomʉ:
\p —‍Ikʉ cuache choosie kʉanare chekʉnare chiimame mai.
\v 64 Dios rʉa cuhechete ikasikʉamʉ ikʉ. Mʉsanʉkona ikʉ cuache ikasie asasina, ¿jese cuasache? —‍chiniasomʉ.
\p Chikʉna repana ũcuanʉko ũcuatee cuasajʉ,
\p —‍Cuache chookʉte vanisoche paimʉ —‍chiniasome.
\p
\v 65 Chitena chekʉna repaʉni coore tutuasome. Ũcuachia repaʉ ñakocaã kãaserechoji quẽo tapi repaʉte vaijʉ ikaasome repana.
\p —‍¡Cuasa ikajʉ̃ʉ! ¿Neepi mʉʉre vate? —‍chiniasome.
\p Ũcuachia repavʉe pẽjekaina sõtaopãi repaʉte chiana charaasome.
\s Pedro, “Jesure ñamakʉamʉ chʉʉ”, chiisiere kʉamʉ
\r (Mt 26.69-75; Lc 22.56-62; Jn 18.15-18, 25-29)
\p
\v 66-67 Jãa chooto Pedro repavʉe vese cararipʉte paiʉ toa kũhitona romichĩio judío phairipãi chʉ̃ʉkʉte chooche chookaiko repaʉte ñako ikaasomo.
\p —‍Mʉʉ ũcuajache Nazaret vʉejoopo cakʉre Jesure jame kuisikʉamʉ —‍chiniasomo.
\v 68 Jãatani Pedro ijache ikakʉ jachaasomʉ:
\p —‍Jesure ñamakʉamʉ chʉʉ. Mʉʉ ikache vesʉmʉ chʉʉ —‍chiniasomʉ.
\p Jãajañe ikacuha repavʉe kakasaarojatʉka etaʉna kura chuniasomʉ.
\v 69 Ũcuarʉmʉ romichĩio aperʉmʉ repaʉte ikasiko joe ña chekʉnare ijache ikaasomo:
\p —‍Jesús neenare jame paisikʉamʉ ikʉ —‍chiniasomo.
\p
\v 70 Chikona Pedro joe jachaasomʉ. Naa paiʉna ũcuacheja paina Pedrote joe ikaasome.
\p —‍Mʉʉ ũcuajache Galilea cheja paikʉjekʉ chekʉrʉmʉ Jesús neenare jame paisikʉcosomʉ —‍chiniasome repana.
\p
\v 71 Chitena Pedro Dioni roiʉ,
\p —‍Chʉʉpi chʉo ũcuarepare ikamato Diopi cuache chooakʉ chʉʉre —‍chini ijache ikaasomʉ:—‍ Mʉsanʉkona ikakʉte Jesure ñamakʉamʉ chʉʉ —‍chiniasomʉ.
\p
\v 72 Repaʉ jãajañe ikatona kura joe chuniasomʉ. Chuiʉna Pedro, repaʉte Jesús ikasiere cuasaasomʉ, “Chutaa kura kachañoã chuimatona choteñoã, ‘Jesure ñamakʉamʉ chʉʉ’, chiijamʉ mʉʉ”, chiisiere. Jãare cuasa Pedro rʉa oiche oniasomʉ.
\c 15
\s Pilato tijñeñe Jesure nʉko chʉo sẽesiere kʉamʉ
\r (Mt 27.1-2, 11-14; Lc 23.1-5; Jn 18.28-38)
\p
\v 1 Ũcuarʉmʉ apeñatato judío phairipãi chʉ̃ʉnaname judío aina, pãi chʉ̃ʉna, judíopãi chechona, chekʉna pãi chʉ̃ʉna ũcuanʉko chii Jesure choojachere cutuasome. Cutu pini repaʉte vẽe pãi chʉ̃ʉkʉ Pilatoni sa jokaasome repana.
\v 2 Sa jokarena Pilato Jesure ijache sẽniasaasomʉ:
\p —‍¿Judíopãi ũcuanʉkore chʉ̃ʉkʉʉ mʉʉ? —‍chiniasomʉ.
\p Chikʉna,
\p —‍Jʉ̃jʉ, ũcuaʉmʉ chʉʉ —‍chiniasomʉ Jesús repaʉte.
\p
\v 3 Reparʉmʉ judío phairipãi chʉ̃ʉna,
\p —‍Rʉa siache cuache chookʉmʉ ikʉ —‍chiniasome.
\v 4 Jãajañe ikajʉna asa Pilato joe Jesure sẽniasomʉ.
\p —‍Ina mʉʉre, “Rʉa siache cuache chookʉmʉ ikʉ”, chiime. Asakʉtani, ¿ikamakʉ mʉʉ? —‍chiniasomʉ repaʉ.
\p
\v 5 Jãatani Jesús jmamakarʉjẽe ikamaneasomʉ. Ikamaʉna Pilato, “¿Keejaiʉʉ ikʉ?”, chiiʉ cuasaasomʉ.
\s Pãi Jesure vanisoche chʉ̃ʉsiere kʉamʉ
\r (Mt 27.15-31; Lc 23.13-25; Jn 18.38-19.16)
\p
\v 6 Pilato ʉ̃sʉrʉmʉ paiche pascuarʉmʉ tĩato chẽacojñosikʉre teeʉte etoasomʉ, pãi etojʉ̃ʉ chiikʉni.
\v 7 Ũcuarʉmʉ Barrabás pãi chẽavʉere paniasomʉ, repaʉname cuache choosina ũcuachia. Aperʉmʉ repaʉ Barrabás ũcuananame repanare chʉ̃ʉnani cuhejʉ etoñu chini cavajʉ chekʉni vanisoasome.
\v 8 Ũcuarʉmʉ pãi Pilato vʉena sani repaʉte ijache ikaasome:
\p —‍Mʉʉ ʉ̃sʉrʉmʉ paiche chẽacojñosikʉre etokʉjekʉ teeʉte etojʉ̃ʉ —‍chiniasome.
\p
\v 9-10 Chitena Pilato, “Ikʉre Jesure pãipi jovojʉna ña perujʉ judío phairipãi ikʉre chʉʉni ra jokacosome”, chiiʉ cuasakʉ repanare pãi ijache ikaasomʉ:
\p —‍¿Jesús judíopãi chʉ̃ʉkʉ chiicojñokʉni etojache chʉʉ? —‍chiniasomʉ.
\v 11 Chikʉna judío phairipãi chʉ̃ʉna repanare pãi rʉa ikaasome, Barrabani etochete sẽapʉ chini.
\v 12 Jãajañe choojʉna Pilato repanare joe ijache sẽniasaasomʉ:
\p —‍Judíopãi chʉ̃ʉkʉ chiikʉte, ¿jese choojache chʉʉ? —‍chiniasomʉ.
\p
\v 13 Chikʉna repana pãi rʉa cuijʉ ikaasome.
\p —‍¡Kurususẽverona jẽjo nʉko vẽasõjʉ̃ʉ jãʉre! —‍chiniasome.
\p
\v 14 Chitena Pilato ikaasomʉ.
\p —‍¿Ʉ̃quere repaʉ cuache chooʉ? —‍chiniasomʉ.
\p Chiichetani repana joe ʉjachʉo cuijʉ,
\p —‍¡Kurususẽverona jẽjo nʉkojʉ̃ʉ jãʉre! —‍chiniasome.
\p
\v 15 Jãajañe ikajʉna asa Pilato repana chiichete choora chini Barrabani etoasomʉ. Jesuretani suĩsuechete chʉ̃ʉasomʉ repaʉ. Suĩsue pinirena repaʉ neenani sõtaopãire Jesure jokaasomʉ, sa kurususẽverona jẽjo nʉkoajʉ chini.
\p
\v 16 Ũcuarʉmʉ sõtaopãi Jesure Pilato vʉe sanavʉ cararipʉna juha cuaa chekʉnare sõtaopãi soni chiiasome.
\v 17 Repana chiisirʉmʉ Jesure pãi chʉ̃ʉna juikãa chimaajakãare sachaasome repana. Ũcuachia repaʉ sĩjopʉ miu tuhivʉ choo tʉoasome.
\v 18 Tʉo pãisojʉ cuijʉ ijache ikaasome repana:
\p —‍¡Ikʉpi judíopãire siarʉmʉ chʉ̃ʉkʉ paaʉ! —‍chiniasome. \fig soldier mock Jesus|cn01827B.tif|span||D.C.Cook| |Mr 15.18\fig*
\p
\v 19 Chini vãsochoji repaʉ sĩjopʉna vaijʉ ũcuaʉni coo tutujʉ pãisojʉ pãi chʉ̃ʉnare pojojʉ choochejache repaʉni tijñeñe rore pʉʉ ñuniasome repana.
\v 20 Jãajañe choojʉ repaʉte pãiso pini, repana sachasikãa tĩto repaʉ juisikãare joe sachaasome repana. Sacha pini repaʉte kurususẽverona jẽjo nʉkoñu chini saasome repana.
\s Jesure kurususẽvero jẽjosiere kʉamʉ
\r (Mt 27.32-44; Lc 23.26-43; Jn 19.17-27)
\p
\v 21 Repana sõtaopãi Jesure satona Simón Cirene cheja cakʉ Alejandroname Rufo pʉkakʉ poo raikʉji caraiʉna chẽa, Jesure jẽjojasẽverote kuãikaaʉ chini chʉ̃ʉasome.
\p
\v 22 Simonpi kuãiʉ saiʉna Jesure Gólgota aikũtina sa tĩaasome repana. (“Gólgota” chini “Pãi sĩjopʉjakũti” chiimʉ.)
\v 23 Repacheja tĩasirʉmʉ Jesure ʉche cono rʉaraka jamesiere ũkuañu chiijʉna ũkucuheasomʉ repaʉ.
\v 24 Ũcuarʉmʉ repaʉte kurususẽverona jẽjo nʉkoasome repana. Jẽjo nʉko pini sõtaopãi repaʉ juisikãñare paañu chini catarakarʉã mami tochasirakarʉãpi chejana suaasome, Jesús juisikãña paajanani jñaañu chini.
\p
\v 25 Apeñatato nueve paitona Jesure kurususẽverona jẽjo nʉkoasome repana.
\v 26 Ũcuachia repaʉ cuache choosiere kʉajʉ, \sc Judiopãi Chʉ̃ʉkʉmʉ Ikʉ\sc*, chiiche chookoana tocha kurususẽvero chãtirona jẽjo sʉoasome repana.
\v 27 Ũcuarʉmʉ ñaanare ũcuachia kachanare kurususẽveroãna jẽjo Jesús ʉjajʉ̃tʉ cakãkona teeʉte nʉkoasome repana. Chekʉni kãkojʉ̃tʉ cakãkona nʉkoasome.
\v 28 Jãajañe choorena Dios chʉo aperʉmʉ tocha jokasiepi ũcuarepa tijñesikʉamʉ:
\q Chekʉnare cuache choosinare choochejache repaʉte choome pãi,
\m chiicheji.
\p
\v 29 Repanare nʉkosirʉmʉ repacheja caraina pãi Jesure cuhena repana sĩjo sʉ̃cuijʉ ijache cuache ikajʉ caraniasome:
\p —‍“Dios vʉe ñañosõ choteumucujña joe choo pinijamʉ chʉʉ”, chiisikʉamʉ mʉʉ.
\v 30 Jãajañe ikasikʉ chura mʉʉpi meñe jũiñe ʉ̃sekʉ cajejʉ̃ʉ jãacheja kurususẽvero —‍chiniasome repana.
\p
\v 31 Ũcuarʉmʉ judío phairipãi chʉ̃ʉnaname judíopãi chechona ũcuajache pãisojʉ sãiñechia ijache cutuasome:
\p —‍Chekʉnare jũiñe ʉ̃sesikʉasomʉ jãʉ. Jãatani chura ũcuaʉji meñe jũiñe ʉ̃secuamʉ repaʉte.
\v 32 Jãʉ, “Dios Raosikʉamʉ jãʉ. Ũcuachia judíopãi chʉ̃ʉkʉmʉ”, chiicojñosikʉamʉ. Jãajekʉna ũcuachejapi cajeakʉ. Repaʉji cajeʉna ñani, “Dios Mamakʉmʉ jãʉ”, chiijʉ cuasajanaame mai —‍chiijʉ pãisoasome repana.
\p Repaʉname kurususẽveroã jẽjo nʉkocojñosina ũcuachia cuache ikaasome Jesure.
\s Jesús jũisiere kʉamʉ
\r (Mt 27.45-56; Lc 23.44-49; Jn 19.28-30)
\p
\v 33 Reparʉmʉ nʉkarepaʉ sʉitona ʉ̃sʉʉ miañe tapisoʉna cheja siacheja trejatʉka chijaniasomʉ.
\v 34 Tres paitona Jesús ʉjachʉo ijache ikakʉ cuiasomʉ: \it “Eloi, Eloi, ¿lama sabactani?”\it*, chiniasomʉ. (Ijache chiimʉ jãa: “Dios, chʉʉre Paakʉ, Dios chʉʉre Paakʉ, ¿jese paiʉna mʉʉ chʉʉre jokasõkʉ?” chiimʉ.)
\p
\v 35 Jãajañe ikaʉna asa repacheja paina chekʉna ijache ikaasome:
\p —‍Asajʉ̃ʉ. Aperʉmʉ paisikʉni Elíani soicosomʉ jãʉ —‍chiniasome.
\p
\v 36 Ũcuarʉmʉ repanare jame paikʉ vʉvʉ sani chʉisʉovʉji rʉarakana chʉ̃ʉ vãsochona quẽo sʉo Jesupi ũkuakʉ chini mʉo ijache ikaasomʉ:
\p —‍Chaa ñañu. Elíapi rani repaʉte casochete ñañu. Raimanejacosomʉ —‍chiniasomʉ repaʉ.
\p
\v 37 Jãajañe ikatona Jesús joe rʉa cuicuha jũnisoasomʉ.
\v 38 Repaʉ Jesús jũitona Dios vʉe sanavʉ caruupʉ kakasaaro rueekãa ũcuateekãa joorepapoji ʉmʉpi vʉevʉna chere cajeasomʉ.
\v 39 Jesupi jũnisoʉna sõtaopãi chʉ̃ʉkʉ Jesure tijñeñe nʉkakʉ ñakʉ ikaasomʉ.
\p —‍Dios Mamarepakʉ paicosomʉ jãʉ —‍chiniasomʉ.
\p
\v 40 Jãa chooto romivana soopi nʉkajʉ ñajʉ paniasome repaʉte chooche. María Magdalenaamo, Santiago jmavaʉname José pʉkako Maríaamo, Salomeamo paniasome.
\v 41 Aperʉmʉ repana romi Jesús Galilea cheja pairʉmʉ repaʉte jame kuijʉ kuirajʉ paniasome. Ũcuachia chekʉna romi repaʉname Jerusalén maisina ñajʉ nʉkajʉ paniasome.
\s Jesure tãsiere kʉamʉ
\r (Mt 27.57-61; Lc 23.50-56; Jn 19.38-42)
\p
\v 42-43 Pʉaumucuse ãijañe carevaumucuse naicuhakʉna José Arimatea vʉejoopo cakʉ judíopãi chʉ̃ʉnare jame chʉ̃ʉkʉji Dios Raosikʉ chʉ̃ʉrʉmʉ chaakʉji Jesure jũisikʉni sa tãra chini vajʉchʉmañe sani Pilatoni sẽniasomʉ, ĩsiakʉ chini.
\v 44 Sẽeʉna Pilato asa kʉkʉ, “¿Jũnisocuhaʉ repaʉ Jesús?”, chiiʉ cuasaasomʉ. Jãajañe cuasakʉ sõtaopãi chʉ̃ʉkʉte soni rao, “¿Jesús jũnisocuhaʉ?”, chiniasomʉ repaʉ.
\v 45 Sẽniasa kʉaʉna Pilato chʉ̃ʉasomʉ, repaʉte Joseni ĩsiajʉ chini.
\v 46 Ĩsirena José sábanakãare koo Jesure caso ũcuakãapi repavaʉre reaasomʉ. Rea pini sa aikũti caripana tẽtoche ũhisicojena cuaa ũha eta, repacoje kakasaaro catapʉ rʉa ʉjapʉji ũha tapisoasomʉ repaʉ.
\v 47 Jãajañe chookʉna María Magdalenaname María José pʉkako Jesure ũhasicheja ñaasome.
\c 16
\s Jesús vajʉraisiere kʉamʉ
\r (Mt 28.1-10; Lc 24.1-12; Jn 20.1-10)
\p
\v 1 Ũcuarʉmʉ judíopãi pʉaumucuse carakʉna María
Magdalenaname cheko María Santiago pʉkakoname Salomé Jesure
jũnisosikʉni sa roveñu chini okomañare kooasome.
\v 2 Ũcuarʉmʉ repana romicorʉmʉ aperepañatato Jesure
tãsicojena saniasome repana.
\v 3 Saijʉ sãiñechia cutujʉ saniasome repana.
\p —‍¿Neepi maivanare catapʉ repacoje tapisipʉ
kʉñokaijanaañe? —‍chiniasome.
\p
\v 4 Jãajañe ikajʉ sani ñato repapʉ catapʉ rʉa ʉjapʉ
repacoje tapisipʉ kʉñososipʉ paniasomʉ.
\v 5 Kʉñosipʉjekʉna repacoje kaka ñato põsʉʉ pojakãa
ʉjacuecho juikʉji ʉjajʉ̃tʉ cakãkore ñuniasomʉ. Ñuiʉna
ña repana romi rʉa kʉkʉasome.
\v 6 Kʉkʉrena repanare ikaasomʉ repaʉ.
\p —‍Vajʉchʉmanejʉ̃ʉ. Mʉsanʉkona Jesure Nazaret vʉejoopo
raisikʉre kueche masimʉ chʉʉ. Kurususẽverona jẽjo nʉko
vẽasocojñosikʉni kueme mʉsanʉkona. Icheja peomʉ repaʉ;
vajʉranicuhasikʉamʉ. Ñajʉ̃ʉ repaʉte ũhasicheja.
\v 7 Ña pini sani repaʉ neenaname Pedrote ijache sa kʉajʉ̃ʉ:
“Jesús vajʉranicuhasikʉamʉ. Mʉsanʉkonare naa charo Galilea
chejana saijamʉ repaʉ. Ũcuachejana sani repaʉte ñajanaame
mʉsanʉkona, repaʉ chutaa jũimarʉmʉ ikasie”, chiijʉ̃ʉ
repanare —‍chiniasomʉ repaʉ põsʉʉ.
\p
\v 8 Jãajañe ikaʉna asa kʉkʉ kurukurujʉ repana romi
ũcuacojepi eta vʉvʉsoasome. Kʉkʉcajejani chekʉnare
kʉamaneasome repana.
\s María Magdalenani Jesús peosichejapi ñosiere kʉamʉ
\r (Jn 20.11-18)
\p
\v 9 Ũcuarʉmʉ Jesús romicorʉmʉ ñami mama vajʉraisikʉpi
María Magdalenate aperʉmʉ sieterepanare vati etocojñosikoni
charo peosichejapi ñoasomʉ.
\v 10 Ñoʉna ña sani repaʉte jame kuisinare sʉmañe paijʉ
ota oinani kʉaasomo repao.
\v 11 Repao Jesure ñasiere kʉakona asa jachaasome repana.
\s Jesús repaʉ neenare teekachapanare peosichejapi ñosiere
kʉamʉ
\r (Lc 24.13-35)
\p
\v 12 Jãa choocuhasirʉmʉ repaʉ neena teekachapanachia poo
sainani Jesús tĩiʉjaiʉ peosichejapi ñoasomʉ.
\v 13 Ñoʉna ña repana sani repaʉ neenare chekʉnani kʉaasome.
Ũcuajache kʉajʉna asa jachaasome repana.
\s Dios chʉore chʉvaajʉ chini repaʉ saojanare Jesús chʉ̃ʉ
jokasiere kʉamʉ
\r (Mt 28.16-20; Lc 24.36-49; Jn 20.19-23)
\p
\v 14 Jãa choocuhasirʉmʉ repaʉ neena oncerepana ãu ãitona
Jesús peosichejapi rani ñoasomʉ repanare. Repaʉ chekʉnare
vajʉrani ñosiere ũcuanapi kʉajʉna asa jachasinajejʉna
repanare rʉa ikaasomʉ repaʉ.
\p —‍¿Jese paiʉna repana kʉasie
cuasamanere mʉsanʉkona? —‍chiniasomʉ.
\v 15 Ũcuarʉmʉ Jesús repanare ijache chʉ̃ʉ jokaasomʉ:—‍
Mʉsanʉkona cheja siachejñarʉã sani pãi ũcuanʉkore Dios
Repaʉ neenare vati toa sani uuche ʉ̃sechete kuijʉ chʉvajʉ
paijʉ̃ʉ.
\v 16 Mʉsanʉkonapi chʉvajʉna pãi asa chẽa
okorovecojñosinare Dios chẽa paajamʉ. Chẽa paakʉna
jũnisõsirʉmʉ vati toa saimañe Repaʉ paichejana saijanaame
repana. Jãatani asa jachajʉ cuasamanesina repana cuasamanesie
roi roijanaame.
\v 17 Mʉsanʉkona chʉvasie asa chẽa cuasasinapi Diochia
choomasiche ijache choojanaame: Chʉʉ neenajejʉ chʉʉpi
chookaiʉna pãi sanavʉã painare vati eto saojanaame.
Ũcuachia chʉʉ neenajejʉ chʉʉpi chookaiʉna repanajẽe
chechemanesiere tĩipãi chʉo ikajanaame repana.
\v 18 Ũcuachia repanapi añani chẽato asi kũimanejanaame. Eo
ũkuni jũnisõmanejanaame repana. Ũcuachia repanapi chekʉnare
jũinare jʉ̃jñapi jajʉ Dioni sẽeto vajʉjanaame repana
jũivana. Jãajañe chooajʉ chini chʉ̃ʉ jokamʉ chʉʉ
mʉsanʉkonare —‍chiniasomʉ Jesús repanare.
\s Jesús cʉnaʉmʉ mʉisiere kʉamʉ
\r (Lc 24.50-53; Hch 1.9-11)
\p
\v 19 Jãajañe ikacuha Jesús Diopi mʉakʉna cʉnaʉmʉna mʉni
Dios ʉjajʉ̃tʉ cakãkona kueñe pʉʉ ñuiʉasomʉ.
\v 20 Repaʉ cʉnaʉmʉ mʉisirʉmʉ repaʉ neena sani Dios chʉo
siachejñarʉã kuijʉ chʉvajʉ paniasome. Jãajañe
chʉvajʉna Jesucristo Maire Paakʉji repanare chookaniasomʉ,
Diochia choomasichete choojʉna pãipi ña, “Ina Dios chʉo
ũcuarepare chʉvame”, chiijʉ cuasaajʉ chini.