\id LUK 43LUKcoeNTu.SFM Luke Koreguaje-Colombia-SA
\h SAN LUCAS
\toc1 San Lucas Jesús cheja paiʉ choosiere kʉamʉ
\toc3 (Lc)
\mt San Lucas Jesús cheja paiʉ choosiere kʉamʉ
\c 1
\s Charo tochasieame
\p
\v 1-3 Chʉʉ Lucapi mʉʉre Teófiloni rʉa masikʉni Jesucristo cheja pairʉmʉ choosiere kʉara chini ie chʉo tocha saomʉ chʉʉ mʉʉre:
\p Aperʉmʉ pãi Jesucristo chooche ñaasome. Repaʉ apechechorʉmʉpi vʉa siarʉmʉ ñajʉ paniasome repana repaʉ chooche peore. Ñasinajejʉ chʉkʉnate kʉasinaame repana. Ũcuajache Dios chʉo chʉvasinaame repana. Ñasina kʉasiere asa jainʉko pãi cuasajʉ tocha jokaasome, maipi ñaajʉ chini.
\p Tocha jokarena ũcuare ñakʉ masi chechekʉ paikʉmʉ chʉʉ. Jesucristo choosie pãipi kʉajʉna peore asakʉ paikʉmʉ chʉʉ. Jãajekʉna mʉʉpi masiakʉ chini ũcuare tocha saomʉ chʉʉ mʉʉre, “Jãajañe chooto reocosomʉ”, chini.
\p
\v 4 Chʉʉpi tocha saoʉna ña, “Ãja, jãajañe Jesucristo chooasomʉ”, chini, “Chekʉna kʉasie, ¿ũcuarepaache jãa, jãa paito?”, chiijamʉ mʉʉ. Mʉʉpi peore masiakʉ chini ie chʉo tocha saomʉ chʉʉ mʉʉre.
\s Angel Juan Pãi Okorovekʉ paijaʉre cajajachere kʉamʉ
\p
\v 5 Judea cheja canare Herodes chʉ̃ʉrʉmʉ Zacarías judío phairipãiʉ paniasomʉ reparʉmʉ. Dios vʉe chooche choorʉmʉ tĩato Abías paasinaname siarʉmʉ chookʉ paniasomʉ repaʉ Zacarías ũcuateepãiʉjekʉ. Zacarías rʉ̃jo Elisabet veeasomo. Ũcuajache aipãiʉ Aarón, judío phairi paisikʉ jojosikoasomo Elisabet.
\v 6 Diopi ñato rʉa reopãi paniasome repana Zacaríaname Elisabet. Dios chʉ̃ʉ jokasie jachamañe choojʉ paniasome repana. Chekʉna pãi ñajʉ ikacuaasomʉ repanare, ũcuare reojache paijʉna.
\v 7 Elisabeni chĩi paacuakʉna chĩi peovana paniasome repana. Ũcua chĩi peovana paijʉ airekosoasome repavana.
\p
\v 8 Reparʉmʉ Abíapãi chooche choorʉmʉ tĩaasomʉ. Tĩaʉna Zacarías Dios vʉe kaka jame paniasomʉ. Kaka paiʉ phairipãi chooche jame chookʉ paniasomʉ repaʉ ũcuajache phairijekʉ. Dios chʉ̃ʉ jokasie chookʉ paniasomʉ repaʉ, Diopi pojoakʉ chini.
\v 9 Abíapãi Dios vʉere chii paijʉ Zacaríani chẽaasome mañasʉche ʉojaʉre. Siarʉmʉ jãajañe choojʉ paniasome repana. Chẽarena ruupʉna kakaasomʉ repaʉ mañasʉchete ʉora chini.
\v 10 Kaka mañasʉche ʉokʉna rʉa jainʉko pãi vesere paijʉ Dioni sẽejʉ paniasome.
\v 11 Zacaríaji mañasʉchete ʉokʉna Diore jame paikʉ, ángel peosichejapi rani mañasʉche ʉokoa rʉ̃ʉñe nʉkaasomʉ.
\v 12 Angelpi rani nʉkakʉna ña rʉa kʉkʉsoasomʉ repaʉ.
\p
\v 13 Kʉkʉsokʉna ángel ikaasomʉ repaʉte.
\p —‍Zacarías, vajʉchʉmanejʉ̃ʉ. Mʉʉ sẽeñe Dios chookaijamʉ mʉʉre. Jãajekʉna mʉrʉ̃jo mʉʉ chĩini jñaajamo. Repaʉte chĩivaʉre cajaona Juanre veojʉ̃ʉ.
\v 14 Mʉrʉ̃jo chĩivaʉre jñaasirʉmʉ rʉa pojojamʉ mʉʉ. Chekʉna pãi ũcuajache jainʉko asa pojojanaame repavaʉre jñaasie.
\q
\v 15 Mʉʉ chĩire, “Rʉa masimʉ ikʉ”, chiijamʉ Dios.
\q Cono vẽañejẽe ũkumakʉ paijamʉ repaʉ.
\q Repaʉte chutaa jñaamarʉmʉpi Dios Rekocho jame paijamʉ repaʉte.
\q
\v 16 Ũcuachia ainee paiʉ Dios chʉo rʉa chʉvajamʉ repaʉ.
\q Repaʉji chʉvakʉna asa Israelpãi jainʉko Dios chʉ̃ʉñe aperʉmʉ choojʉ ũhasosina joe choojʉ reojache paijanaame.
\q
\v 17 Naa paisirʉmʉ Dios Repaʉ Mamakʉni chejana casojamʉ.
\q Jãatani mʉʉ chĩipi cheja charo paijamʉ.
\q Paiʉ aperʉmʉ paisikʉ Elías Dios chʉo rʉa masi chʉvachejache mʉʉ chĩi masi chʉvajamʉ.
\q Pãi repana chĩivanare cuasache jokasosina mʉʉ chĩipi Dios chʉore chʉvakʉna asa
\q repana chĩivanare joe cuasajanaame.
\q Chekʉna pãi, Dios chʉ̃ʉñe jachana mʉʉ chĩipi Dios chʉore chʉvakʉna asa jachamañe cuasajʉ reojache paijanaame.
\q Mʉʉ chĩi pãipi asa chẽa cuache choochete ũhasoajʉ chini Dios chʉo chʉvajamʉ.
\q Chʉvakʉna asa chẽa cuache chooche ũhasosinajejʉ Dios Mamakʉte rakʉna cuasajanaame pãi,
\m —‍chiniasomʉ ángel Zacaríate.
\p
\v 18 Chikʉna,
\p —‍Mʉʉpi chʉo ũcuarepare ikani, ¿ʉ̃quere mʉʉ chʉʉre choo ñojaʉ, chʉʉpi mʉʉ ikachete cuasaakʉ chini? Aivaʉamʉ chʉʉ. Chʉʉ romiojẽe ũcuachia aivaoamo —‍chiniasomʉ Zacarías repaʉte ángelte.
\p
\v 19 Chikʉna ángel ijache ikaasomʉ:
\p —‍Gabrielamʉ chʉʉ. Dios chʉ̃ʉñe chookaikʉmʉ chʉʉ. Diopi casosikʉamʉ chʉʉre, mʉʉni chʉore reojachere kʉaakʉ chini.
\v 20 Chʉʉ kʉasie naa paisirʉmʉ tijñejamʉ mʉʉre. Jãatani mʉʉ chʉʉ kʉache jachasikʉjekʉ mʉrʉ̃jo mʉʉ chĩire jñaasirʉmʉjatʉka chʉo ikamakʉ paijamʉ, jachasie roi —‍chiniasomʉ ángel repaʉte.
\p
\v 21 Jãa chooto pãi chutaa vesere paijʉ Zacaríani chaajʉ paniasome. Chaajʉ, “¿Jese paiʉna jãarepa jeerʉmʉ etamañe paikʉ jãʉ?”, chiijʉ cuasaasome repana.
\p
\v 22 Chaatona etaasomʉ repaʉ. Etasirʉmʉ chekʉnare chʉo cutucuaasomʉ repaʉte. Cutumaʉna, “¡Dios ñosiere ña jñanoso chʉo cutumakʉ jãʉ!”, chini cuasaasome repana. Cutucuakʉna repanare rupʉ jʉ̃jñapi vevoasomʉ repaʉ. Ũcua chʉo cutucuaasomʉ repaʉte.
\v 23 Repaʉ chooche choo siasirʉmʉ vʉena coiasomʉ repaʉ Zacarías.
\p
\v 24-25 Coi paiʉna repaʉ rʉ̃jo chĩi sʉniasomo. Sʉni cincorepapãimia vʉere paio paniasomo repao. Vʉere paio ijache cuasako paniasomo repao: “Chura chʉʉre Dios rʉa oiʉ reojache chookaimʉ. Chĩi peovaojekona rʉa vajʉchʉasikʉamʉ chʉʉre aperʉmʉ. Jãatani Diopi chookaiʉna chĩi sʉiona vajʉchʉamamʉ chʉʉre chura”, chini cuasako pojoasomo repao.
\s Jesure jñaajañere kʉamʉ ángel
\p
\v 26 Repao Elisabet seirepapãimia chĩipʉ sʉirʉmʉna Dios ángel Gabrielre joe casoasomʉ, Galilea cheja cajoopo, Nazaret vʉejoopona.
\v 27 Repajoopo cako romichĩio ʉmʉ peoko paniasomo. Repao mamiame María. José vejao paniasomo repao. Aperʉmʉ pãi jainʉkore chʉ̃ʉsikʉ David jojosina mamakʉasomʉ José.
\p
\v 28 Diopi casoʉna ángel Maríate repao paichejana kaka ikaasomʉ.
\p —‍Dios oicojñokomo mʉʉ. Dios mʉʉre jame paikʉmʉ. Chekʉnare romi naa cajejaiche reojache chookaijamʉ Dios mʉʉre —‍chiniasomʉ ángel repaote.
\p
\v 29 Angelpi jãajañe ikaʉna asa jñano, “¿Jese paiʉna ikʉ chʉʉre jãajañe ikakʉ?”, chini cuasaasomo repao.
\p
\v 30 Rʉa kʉkʉsikore joe ikaasomʉ repaʉ.
\p —‍María, vajʉchʉmanejʉ̃ʉ. Dios mʉʉre oikʉmʉ.
\v 31 Asarepajʉ̃ʉ chʉʉ ikache. Chĩi sʉijamo mʉʉ. Sʉni chĩivaʉre ʉmʉvaʉni jñaajamo mʉʉ. Jñaa repavaʉre, mʉʉ chĩivaʉre Jesure veojʉ̃ʉ.
\q
\v 32 Rʉa masiʉ aineejamʉ mʉʉ chĩi.
\q Dios Cʉnaʉmʉ Paikʉ repaʉte, “Ikʉ chʉʉ chĩiamʉ”, chiijamʉ.
\q Aipãiʉte Davire judíopãire chʉ̃ʉakʉ chini jokasiejache joe Jesuni judíopãi chʉ̃ʉkʉte jokajamʉ Dios.
\q
\v 33 Mʉʉ chĩipi Israelpãi siarʉmʉ chʉ̃ʉkʉ paijamʉ.
\q Jmamakarʉjẽe cuhamañe chʉ̃ʉkʉ paijamʉ repaʉ,
\m —‍chiniasomʉ ángel repaote Maríate.
\p
\v 34 Jãajañe kʉaʉna asa,
\p —‍¿Jese chʉʉ ʉmʉ peoko chĩire paajache? —‍chiniasomo repao.
\p
\v 35 Chikona ángel joe ikaasomʉ repaote.
\p —‍Dios Rekocho mʉʉni cajejamʉ. Dios peore Masikʉjekʉ chĩire jokajamʉ mʉʉre. “Chʉʉ chĩi cuachejẽe peokʉmʉ ikʉ”, chiijamʉ Dios repaʉte.
\p
\v 36 ’Mʉʉ majapãio Elisabet aivaotani chĩipʉ sʉimo. Ʉmʉvaʉni chĩire sʉimo repao. “Chĩi paacuamʉ jãore”, chiicojñosivaotani chĩi sʉimo repao. Seirepapãimia sʉimo repao chura.
\v 37 Diore choovesachejẽe peokʉmʉ —‍chiniasomʉ repaʉ.
\p
\v 38 Chikʉna,
\p —‍Dios chẽa paacojñokojeko Repaʉ chʉ̃ʉñe chookaikomo chʉʉ. Mʉʉ chʉʉre kʉache Diopi chʉʉre chookaito reomʉ —‍chiniasomo repao.
\p Chikona ángel joka sanisoasomʉ.
\s María Elisabeni ñara chini saisiere kʉamʉ
\p
\v 39 Angel sanisosirʉmʉ repao María Judea cheja aikũti paijoopona cuarepa maniasomo.
\v 40 Mani Zacarías vʉena kaka, “¿Paiko?”, chiniasomo repao Elisabere.
\v 41 María ikachete asakona Elisabere repao sʉivaʉ chĩivaʉ chooasomʉ. Ũcuarʉmʉ Elisabere Dios Rekochoji rani chʉo ikache chʉ̃ʉasomʉ.
\p
\v 42 Chʉ̃ʉkʉna Maríate ʉjachʉopi ijache ikaasomo repao Elisabet:
\p —‍Chekʉnare romi naa cajejaiche reojache chookaikʉmʉ Dios mʉʉre. Ũcuajache mʉʉ chĩivaʉre, chura sʉivaʉre reojache chookaijamʉ Dios.
\v 43 Chʉʉre chʉovao paivaoni mʉʉpi Maire Paakʉ pʉkakopi rakona vajʉchʉkotani pojosomo chʉʉ.
\v 44 Mʉʉ ikachete asakona chʉʉ chĩi, chura sʉivaʉ pojokʉ choosikʉamʉ chʉʉre.
\v 45 Dios mʉʉre aperʉmʉ kʉasiere asa, “Ũcuarepa tijñejamʉ chʉʉre”, chini cuasako rʉa pojomo mʉʉ —‍chiniasomo Maríate.
\p
\v 46 Chikona María asa ikaasomo.
\q “Dios peore masikʉmʉ”, chini cuasakomo chʉʉ, chʉʉ rekocho.
\q
\v 47 “Dios chʉʉ rekocho vati toa saiche ʉ̃sejamʉ”, chini
\q repaʉni cuasako pojokomo chʉʉ.
\q
\v 48-49 Dios rʉa reokʉmʉ.
\q Chʉʉre Repaʉ chẽa paacojñokote chʉovao paivaoretani cuasakʉ reojache chookaimʉ Dios.
\q Peore Masikʉjekʉ chʉʉvaore rʉa reojache chookaimʉ Repaʉ.
\q Jãajekʉna irʉmʉ painaname choje paijana ũcuanʉko chʉʉ paichete cuasani,
\q “Maríani reorepajache chookaniasomʉ Dios”,
\q chiijanaame pãi ũcuanʉko chʉʉre cuasani.
\q
\v 50 Dios Repaʉte vajʉchʉnare rʉa oikʉmʉ. Irʉmʉ painarechia oimamʉ repaʉ.
\q Charo painarejẽe oiʉ choje raijanare peore rʉa oikʉmʉ Dios, Repaʉte vajʉchʉnare.
\q
\v 51 Pãi, “Peore masinaame chʉkʉna”, chini cuasanare cuheasomʉ Dios.
\q Dios peore Masikʉjekʉ repana chooñu chiisie ʉ̃seasomʉ.
\q
\v 52 Ʉ̃sekʉ chekʉnare, masijʉ pãi chʉ̃ʉnare cuhekʉ chʉovana paivanani saño pãi chʉ̃ʉñe jokaasomʉ Dios.
\q
\v 53 Chʉovana paivanare karamañe paapʉ chini rʉa reojachere ĩsiasomʉ Dios.
\q Kuri paanare tʉasõasomʉ Dios.
\q Tʉasõʉna kuri peovana paniasome repana.
\q
\v 54 Mai aipãire oiʉ ijache ikaasomʉ Dios:
\q “Mʉsanʉkonare Israelpãi reojache chookaijamʉ chʉʉ”,
\q chiisie cavesʉmañe chookaniasomʉ Repaʉ.
\q
\v 55 Abrahamre, mai aipãiʉ paisikʉre,
\q “Reojache chookaijamʉ chʉʉ mʉʉre”,
\q chiisie cavesʉmañe chookaniasomʉ Dios.
\q Ũcuajache repaʉ Abraham jojosinare ũcuare Repaʉ ikasiere
\q reojache chookaniasomʉ Repaʉ Dios,
\m chiniasomo María.
\p
\v 56 Ika pini Elisabet vʉena canʉka ũcuaoname paniasomo repao. Chotepãimia paicosomo repao repacheja. Jãapi repao vʉena coiasomo repao María.
\s Juan Pãi Okorovejaʉre jñaasiere kʉamʉ
\p
\v 57 Naa paisirʉmʉna repao Elisabet chĩire jñaaumucuse tĩaʉna chĩivaʉre jñaaasomo.
\v 58 Jñaa paiona pãi repaote kueñe painaname repao majapãi asaasome repao chĩire jñaasie. Diopi repaoni oiʉ reojache chookakʉna asa saniasome repana repaoni jame pojokañu chini.
\p
\v 59 Chĩivaʉ ochorepaumucujña jñaasie paitona joe saniasome repana repavʉe. Pʉkakʉpãipi chĩivaʉ jĩkoramurʉ chãtirʉ paicanirʉ chʉto tʉachete chʉ̃ʉrena ñañu chini saniasome repana, judíopãi chooche. Ũcuachia reparʉmʉna chĩivaʉre mami veoñu chiniasome repana. Pʉkakʉ mamire Zacaríate veoñu chiniasome repana repavaʉre. Jãatani pʉkako,
\p
\v 60 —‍Pãame. Jãajañe veomanejanaame chʉkʉna. Juanre veojanaame chʉkʉna ikʉre —‍chiniasomo repanare.
\p
\v 61 Chikona,
\p —‍Mʉʉ majapãi Juan veenajẽe peome —‍chiniasome repana.
\p
\v 62 Chini chĩivaʉ pʉkakʉre cãjo asamakʉjekʉna rupʉ vevoasome repana, repaʉ chĩivaʉre veojachere mamire masiñu chini.
\p
\v 63 Vevojʉna sãiñe vevoasomʉ repaʉ tochajakoarʉte rakatena tocha kʉara chini. Rarena, “Chʉʉ chĩi mamiame ie Juan”, chiiche tocha ñoasomʉ repaʉ. Tocha ñoʉna ña jñanoasome repana.
\v 64 Tocha ñoʉna teana ikareoche careosoasomʉ repaʉ chemeño. Chʉo cutumanesikʉ churatani joe chʉo cutuasomʉ repaʉ.
\p —‍Dios rʉa reokʉmʉ —‍chiniasomʉ repaʉ Zacarías.
\p
\v 65 Zacaríaji jãajañe chooʉna pãi chekʉna kueñe paina asa jñanoasome ũcuanʉko. Ũcuachia Judea cheja aikũjña paina ũcuare asa cutujʉ paniasome.
\v 66 Repana asasiere cuasajʉ,
\p —‍¿Jese jãavaʉ chĩivaʉ paijaʉ? —‍chini cuasajʉ sãiñechia ũcuanʉko sẽniasajʉ paniasome repana.
\p Diopi chĩivaʉni rʉa reojache chookakʉna asa rʉa cuasajʉ paniasome pãi.
\s Zacarías pojokʉ ikasiere kʉamʉ
\p
\v 67 Ũcuarʉmʉ repaʉ Zacarías, chĩivaʉ pʉkakʉ, Dios Rekochoji repaʉni chʉ̃ʉʉna ijache kʉaasomʉ Dios chʉo:
\q
\v 68 Pãi chekʉnapi maini Israelpãire chẽa paajʉna tʉakaniasomʉ Dios.
\q Jãajekʉna Maire Paakʉte, “Rʉa reokʉmʉ mʉʉ”, chini cuasajʉ pañu mai.
\q
\v 69 Ũcuachia maini oiʉ mai jũnisosirʉmʉ vati toa sani uuche Ʉ̃sejaʉni rʉa Masikʉni raojamʉ Dios maire.
\q Aipãiʉ David Dios chʉ̃ʉñe chookaniasomʉ aperʉmʉ.
\q Ũcuaʉ David jojosinani teeʉte chẽa raojamʉ Dios.
\q
\v 70 Aperʉmʉ Diopi kʉakʉna Repaʉ chʉo kʉana ijache kʉaasome chekʉnare:
\q
\v 71 “Chekʉnapi maini Israelpãire cuhejʉ cuache chooñu chiito Diopi ʉ̃sekaijamʉ.”
\q Jãajañe chookasa chiniasomʉ Dios maire Israelpãi.
\q
\v 72 Repaʉ Dios mai aipãire ijache ikaasomʉ:
\q “Mʉsanʉkonani oiʉ reojache chookaijamʉ chʉʉ”,
\q chiisie cavesʉmañe chookaijamʉ Repaʉ Dios.
\q
\v 73 Ũcuachia Abrahamre mai aipãiʉ paisikʉre,
\q “Ijache chookasa chʉʉ mʉsanʉkonare Israelpãi”, chiniasomʉ Dios.
\q
\v 74-75 “Mʉsanʉkonare cuhenapi chẽa paajʉ cuache choocojñonare chʉʉpi tʉa paajamʉ mʉsanʉkonare.
\q Tʉa paakʉna chʉʉ neenajejʉ mʉsanʉkonare cuhenare vajʉchʉmañe
\q chʉʉ chʉ̃ʉñete choojʉ reojache paijanaame mʉsanʉkona jũnisõñejatʉka”, chiniasomʉ Dios Abrahamre.
\m Jãajañe kʉaasomʉ Zacarías Dios chʉo.
\p
\v 76 Chini mamakʉte ikaasomʉ repaʉ Zacarías.
\q Jmavaʉ, mʉʉ paichete pãipi ñajʉ ikani,
\q “Dios Cʉnaʉmʉ Paikʉ chʉo kʉakʉmʉ ikʉ”, chiijanaame mʉʉre.
\q Dios Raojaʉ raijachere kʉajamʉ mʉʉ, pãipi asa careva paapʉ chini.
\q
\v 77 Dios neenare masiajʉ chini ijache ikajamʉ mʉʉ:
\q “Mʉsanʉkona cuache choosie tʉnesokani joe cuasamanejamʉ Dios.
\q Tʉnesokakʉna vati toa sani uuche peojamʉ mʉsanʉkonare.”
\q
\v 78 Jãajañe chookaijamʉ Dios pãi rʉa Oikʉjekʉ.
\q Jãajekʉna Dios Repaʉ Mamakʉni raopiramʉ maire.
\q
\v 79 Paivesʉjʉ cuache choojʉ chijacheja paichejache painare jũnisochejẽe vajʉchʉnare
\q Repaʉ Mamakʉni raopiramʉ Dios maire,
\q maipi repaʉni cuasaajʉ chini.
\q Rani paiʉ reojache paimasichete chechojamʉ repaʉ maire,
\m chiniasomʉ Zacarías repaʉ mamakʉte.
\p
\v 80 Repavaʉ chĩivaʉ Diore rʉa cuasakʉ aineekʉ paniasomʉ. Israelpãi chʉvamarʉmʉ pãi peochejñare teevaʉ paiʉ paniasomʉ repaʉ Juan.
\c 2
\s Jesure jñaasiere kʉamʉ
\r (Mt 1.18-25)
\p
\v 1-3 Jãarʉmʉ Augusto pãi ũcuanʉkore chʉ̃ʉkʉ paniasomʉ. Chekʉ Cirenio ũcuajache Siria cheja canani chʉ̃ʉasomʉ reparʉmʉ. Augusto repaʉ paanare ũcuanʉkore chʉ̃ʉasomʉ repana mamire tocharena kuẽkuera chini. Pãi kuẽkuechete chʉ̃ʉʉna repana aipãi paisijoopona saiche paniasomʉ repanare, mamire tochañu chini.
\p
\v 4 Pãipi saijʉna José jame saniasomʉ. Galilea cheja cajoopo Nazaret vʉejoopo paisikʉpi Judea cheja cajoopona Belén vʉejoopona saniasomʉ repaʉ, aipãiʉ David paisijoopona.
\v 5-7 Maríaname saniasomʉ repaʉ, jame kuẽkuecojñora chini. María repaʉ rʉ̃jo paijao chĩipʉ sʉikoji sani, tĩa paio repao chĩire jñaajarʉmʉpi tĩaʉna piraso chĩivaʉre ʉmʉvaʉni jñaaasomo charo cavaʉre. Jñaa repavaʉre kãñaserepi rea, cuavana ãu ãiravʉrʉna ũhaasomo repao. Pãi kãivʉñapi timusoʉna cuavana kãivʉerʉna kãniasome repana.
\s Angeles oveja kuiranani Jesure jñaasiere kʉame
\p
\v 8 Reparʉmʉ Belén vʉejoopo kueñere ovejavanare kuirana paniasome. Ovejavanapi patu paichejare paijʉna ñamipi kuirajʉ paniasome repana.
\p
\v 9 Ũcuarʉmʉ Diore jame paikʉji ángelpi rani paiʉna repana paichejachia rũhisokoro rʉa miañe miaasomʉ, Diopi chookʉna. Miakʉna ña rʉa kʉkʉsoasome repana oveja kuirana.
\p
\v 10 Rʉa kʉkʉsinare ijache ikaasomʉ ángel:
\p —‍Vajʉchʉmanejʉ̃ʉ. Mʉsanʉkonare chʉo reojachere kʉara chini raimʉ chʉʉ Israelpãipi ũcuanʉko asa pojoajʉ chini.
\v 11 Asarepajʉ̃ʉ. Ijacheame chʉo chʉʉ rasie: Chura iumucuse pãio chĩivaʉre jñaacuhasikoamo, aperʉmʉ paisikʉ David paisijoopona. Repavaʉ chĩivaʉ repaʉte cuasanare vati toa uuche Ʉ̃sejavaʉpi ranicuhasikʉamʉ. Cristoamʉ repaʉ. Pãi ũcuanʉkore chʉ̃ʉakʉ chini Dios Raosikʉamʉ. Pãi Ũcuanʉkore Paakʉmʉ repaʉ.
\v 12 Mʉsanʉkonapi sani kueni jñaa ñajanaame repavaʉre. Kuejʉ jñaa ñato cuavana ãu ãiravʉrʉte reasivaʉ ũhijamʉ chĩivaʉ. Repavaʉre ñani, “Dios chĩiamʉ ikʉ”, chiijanaame mʉsanʉkona —‍chiniasomʉ ángel repanare.
\p
\v 13 Angel teeʉ kʉacuhaʉna chekʉna ángeles rʉa jainʉko rani paniasome. Paijʉ Dioni pojojʉ ijache ikaasome repana:
\q
\v 14 “¡Cʉnaʉmʉ Paikʉ Dios peore masikʉmʉ”, chiapʉ pãi ũcuanʉko!
\q Ũcuajache, “Mʉsanʉkona Repaʉ oicojñona sãiñe pojojʉ paijʉ̃ʉ”, chiime chʉkʉna mʉsanʉkonare,
\m chiniasome ángeles.
\p
\v 15 Ika pini cʉnaʉmʉna joe mʉnisorena sãiñechia ijache ikaasome repana oveja kuirana:
\p —‍Belenna sañu mai. Repacheja choosiere Diopi raoʉna ra kʉamʉ ángel maire. Ñajañu chura choosiere —‍chiniasome repana.
\p
\v 16 Chini cuarepa sani tĩa Josename Maríate ñaasome repana. Ũcuajache chĩivaʉre cuavana ãu ãiravʉrʉ ũhivaʉni ñaasome repana. \fig Shephards greet baby Jesus|CN01625b.tif|span||D.C.Cook| |Lc 2.16\fig*
\v 17 Ña pini chĩivaʉ paichete ángel repanare kʉasiere kʉaasome repana.
\v 18 Kʉarena ũcuanʉko asa jñanoasome repana kʉache asasina.
\v 19 Maríatani repana kʉache asa ikamako peore cuasako paniasomo.
\v 20 Ña pini coiasome repana oveja kuirana. Coijʉ repana asasiename ñasie cuasa, “Peore masikʉmʉ Dios”, chiijʉ ángel kʉasie, “Ũcuarepaame”, chini Dioni pojojʉ coisoasome repana.
\s Jesure pʉkakʉpãi Dios vʉe sa ñosiere kʉamʉ
\p
\v 21 Chĩivaʉ ochorepaumucujña jñaasie paitona jĩkoramurʉ chãtirʉ paicanirʉ chʉto tʉa pini mami veoasome repana. Jesure veoasome repana repavaʉre chĩivaʉre. Aperʉmʉ chutaa repaʉte sʉimarʉmʉ ángel kʉasiere mami veoasome repana.
\p
\v 22 Dios aperʉmʉ Moisepi pãire kʉakaaʉ chini chĩire jñaasie cua pani pinirʉmʉ choojache kʉaasomʉ. Jãajekʉna Dios chʉ̃ʉ jokasiere chooñu chini Jesús pʉkakʉpãi Jerusalén vʉejoopona maniasome. Ũcuachia chĩivaʉni Dioni ñojʉ, “Ikʉ mʉʉ neekʉamʉ”, chiñu chini maniasome repana.
\v 23-24 Aperʉmʉ Diopi ikakʉna Moisés tocha jokasie ijache kʉamʉ:
\q Mʉsanʉkona chĩivanare charo cavanare ʉmʉpãivanarechia chʉʉni ĩsijʉ̃ʉ.
\q Chʉʉ neenaame repana.
\q Ũcuajache romi cua paina cua paichete tʉnoñu chini jocha vaivanani ĩsijʉ̃ʉ chʉʉre.
\q Airo jurevanare kachavanare peoni jocha ũkupo chĩivanani ũcuajanʉkorʉte ĩsijʉ̃ʉ chʉʉre,
\m chiniasomʉ Dios. Jãajekʉna Jesús pʉkakʉpãi Dios chʉ̃ʉ jokasiere chooñu chini Jerusalén vʉejoopona maniasome.
\p
\v 25 Reparʉmʉ Jesús pʉkakʉpãi Jerusalén vʉejoopo mani ñato ũcuajoopote pãiʉ rʉa reokʉ paniasomʉ Simeón, Diore cuasakʉ. Paiʉ Dios Raojaʉni chaakʉ paniasomʉ repaʉ, pãi chekʉnapi Israelpãire cuache chooñu chiito Ʉ̃sejaʉni. Dios Rekocho repaʉte Simeonre jame paniasomʉ.
\v 26 Ũcuarekochoji jame paiʉ ijache kʉaasomʉ repaʉte: “Chutaa jũnisomanejamʉ mʉʉ. Pãi ũcuanʉkore chʉ̃ʉakʉ chini Dios Raosikʉre ñañetʉka vajʉʉ paijamʉ mʉʉ”, chiniasomʉ.
\v 27-28 Ũcuarʉmʉ Simeón Dios Rekochoji chʉ̃ʉkʉna Dios vʉena mʉa kakaasomʉ. Kaka paiʉna Jesús pʉkakʉpãi repaʉte cajajʉ ũcuavʉena kakaasome. Dios chʉ̃ʉ jokasiere chooñu chini kakarena repaʉ Simeón repavaʉre chĩivaʉre cajo Dioni pojokʉ ijache ikaasomʉ:
\q
\v 29 Chʉʉre Paakʉ, mʉʉ ikasiepi ũcuarepa tijñeʉna ñacuhamʉ chʉʉ.
\q Jãajekʉna chura chʉʉre jũiñe ʉ̃semanejʉ̃ʉ.
\q Pojokʉ jũnisojamʉ chʉʉ churatani, ũcuare ivaʉre ñacuhasikʉjekʉ.
\q
\v 30 Mʉʉ Raosikʉre ñacuhamʉ chʉʉ pãi chẽa paakʉ vati toa uuche Ʉ̃sejaʉre.
\q
\v 31 Pãi ũcuanʉko ña masiajʉ chini raosikʉamʉ mʉʉ ikʉre.
\q
\v 32 Churatani ikʉpi chʉvakʉna mʉʉ chʉo asa chẽajanaame judío peona.
\q Ũcuajache chura chʉkʉnate judíopãi, mʉʉ neenare reojache cutujanaame pãi,
\m chiniasomʉ.
\p
\v 33 Chĩivaʉni jãajañe ikaʉna asa jñanoasome repana Jesús pʉkakʉpãi.
\p
\v 34-35 Ũcuarʉmʉ repaʉ,
\p —‍Diopi mʉsanʉkonare reojache chookaaʉ —‍chini pʉkakore Maríatechia ikaasomʉ.
\q Asarepajʉ̃ʉ: Ikʉre Diopi raoʉna mai Israelpãi teenachia ikʉni cuasajʉ reojache paijanaame.
\q Chekʉnatani ikʉni cuasamapʉ cuache paijanaame.
\q Ikʉre pãi jainʉko cuhejanaame.
\q Jãajekʉna ivaʉre mʉʉ chĩivaʉre rʉa oijamo mʉʉ.
\q Pãi jainʉkore repana rekoñoã cuasache ña kʉajamʉ ikʉ,
\m chiniasomʉ repaʉ Simeón.
\p
\v 36 Ũcuachia ũcuavʉere Ana Dios chʉo kʉako, Fanuel, Aser pãiʉ mamako paniasomo. Rʉa aivao paniasomo repao. Rʉa romichĩivaopi ʉmʉʉte veja sieterepaʉ̃sʉrʉmʉchia paniasomo repao.
\v 37 Sieterepaʉ̃sʉrʉmʉ vejasie paikoni ʉ̃jʉvaʉpi joka jũnisoʉna rʉa jeerʉmʉ teevao paio paniasomo repao. Ochenta y cuatrorepaʉ̃sʉrʉmʉ teevao paniasomo repao. Teeo paio Dios vʉere umucujñaname ñami Dioni pojoko paniasomo repao, teeñoãchia etako. Teeumucujña ãu ãimairo paio Dioni sẽeo paniasomo repao.
\v 38 Ũcuarʉmʉ Jesús pʉkakʉpãi pairuupʉna kakaasomo repao. Kaka chĩivaʉre ña Dioni, “Reorepamʉ”, chini chĩivaʉ paichete Israelpãire Jerusalén painani repanare cuache choonare Ʉ̃sekaijaʉre chaanani kʉaasomo repao.
\s Nazaret vʉejoopo coisiere kʉamʉ
\p
\v 39 Ũcuarʉmʉ Jesús pʉkakʉpãi Dios chʉ̃ʉ jokasie peore choo pini chĩivaʉre cochajʉ repana paijoopona, Galilea cheja cajoopo Nazaret vʉejoopona coiasome.
\v 40 Coi paijʉna aineekʉ chĩivaʉ naa rʉa kokaʉ paniasomʉ. Dios chʉ̃ʉ jokasie rʉa chechekʉ aineekʉ paniasomʉ repavaʉ chĩivaʉ. Dios repaʉte pojokʉ reojache chookaniasomʉ.
\s Jesús Dios vʉe paisiere kʉamʉ
\p
\v 41 Jesús pʉkakʉpãi Jerusalén vʉejoopo siaʉ̃sʉrʉmʉ maniasome. Aperʉmʉ Dios repana aipãi Egipto cheja painare etua rasiere cuasajʉ pojojʉ fiestate jame chooñu chini maniasome. Repa fiesta mami pascuaame.
\v 42 Chĩivaʉ docerepaʉ̃sʉrʉmʉ paitona fiestarʉmʉ tĩaʉna pʉkakʉpãi Jesure majʉ maniasome Jerusalén vʉejoopona.
\v 43 Fiesta choo pini Jesús pʉkakʉpãi coijʉna pãi jainʉko jame coiasome. Ũcuanʉko coito teevaʉ chĩivaʉ coimaneasomʉ. Repaʉ coimañe pʉkakʉpãi vesʉasome.
\v 44 Vesʉjʉ, “Chekʉnaname coicosomʉ mai chĩi”, chini teeumucuse coinapi mamakʉte kueasome repana. Kuejʉ peore repana majapãiname repaʉ ñanare sẽniasaasome repana chĩivaʉni jñaañu chini.
\v 45 Jãatani repaʉte jñaamaneasome repana. Kuetee Jerusalenna joe coiasome repana repaʉni kue jñaañu chini.
\v 46 Choteumucujña kuenapi Dios vʉe kaka ñato ũcuavʉere paiʉ judíopãi chechona chenevʉte ñuiʉ repana ikachete asa sẽniasakʉ paniasomʉ repaʉ chĩi.
\v 47 Sẽniasakʉna repanapi sãiñe chʉo sẽeto rʉa masi kʉaasomʉ repaʉ. Repaʉji masi kʉakʉna asa rʉa jñanoasome repana, “Rʉa masimʉ ikʉ”, chini.
\v 48 Pʉkakʉpãi repaʉ ikachete asa jñano pʉkakochia ijache ikaasomo repaʉte:
\p —‍Jmavaʉ, ¿jese paiʉna mʉʉ chʉkʉnate kʉamairo canʉkaʉ? Mʉjakʉname chʉʉ mʉʉni oijʉ rʉa kuejʉ paime —‍chiniasomo pʉkako. \fig Jesus youth in Temple|CN01647B.TIF|span||D.C.Cook| |Lc 2.48\fig*
\p
\v 49 Chikona,
\p —‍¿Jese paiʉna kuere chʉʉre? Chʉʉ Jakʉ chʉ̃ʉ jokasie chooche paimʉ chʉʉre ivʉe. ¿Jãa mʉsanʉkona vesʉche? —‍chiniasomʉ repaʉ.
\p
\v 50 Jãatani repaʉ ikasie asavesʉasome repana.
\p
\v 51 Ũcuarʉmʉ Jesús pʉkakʉpãiname Nazaret vʉejoopona coiasomʉ. Coi paiʉ pʉkakʉpãi chʉ̃ʉñe chookʉ paniasomʉ repaʉ. Repaʉ pʉkako Dios vʉe repaʉ choosiere rʉa cuasako paniasomo.
\p
\v 52 Repaʉ Jesús aineekʉ naa rʉa masi cuasaasomʉ. Dios repaʉte rʉa pojoasomʉ, pãi ũcuajache.
\c 3
\s Juan Pãi Okorovesikʉ pãi peochejare paiʉ pãipi saijʉna
Dios chʉo chʉvasiere kʉamʉ
\r (Mt 3.1-12; Mr 1.1-8; Jn 1.19-28)
\p
\v 1 Reparʉmʉ Tiberiopi pãi ũcuanʉkore chʉ̃ʉasomʉ. Repaʉ
Tiberio quincerepaʉ̃sʉrʉmʉ chʉ̃ʉrʉmʉna Poncio Pilato
ũcuajache Judea cheja painani chʉ̃ʉasomʉ. Herodes ũcuajache
Galilea cheja painani chʉ̃ʉasomʉ. Felipe ũcuajache Herodes
chojeʉ Iturea cheja painaname Traconite cheja painare
chʉ̃ʉasomʉ. Lisanias ũcuajache Abilinia cheja painani
chʉ̃ʉasomʉ.
\v 2 Repana chʉ̃ʉrʉmʉ Ananame Caifás judío phairipãire
ũcuanʉkore chʉ̃ʉasome. Reparʉmʉ Dios Zacarías mamakʉte
Juanre pãi peochejare paiʉna pãire chʉvaakʉ chini
chʉ̃ʉasomʉ.
\v 3 Chʉ̃ʉʉna asa sani Jordán chiacha rʉtʉva painani pãire
chʉvakʉ paniasomʉ repaʉ peore repakãjño kuiʉ. Ijache
chʉvaasomʉ repaʉ:
\p —‍Mʉsanʉkona cuache chooche ũhaso reojachere mama
cuasajʉ̃ʉ, Diopi mʉsanʉkona cuache choosiere tʉnoso joe
cuasamaneakʉ. Cuache choochete ũhaso Dioni cuasajʉ
okorovecojñojʉ̃ʉ —‍chiiʉ chʉvakʉ paniasomʉ repaʉ Juan.
\p
\v 4 Aperʉmʉ Isaías, Dios chʉo kʉasikʉ ijache tocha
jokaasomʉ maire, Juan choojachere kʉakʉ:
\q Pãiʉ pãi peochejare sani paiʉ pãipi repaʉni saito
ʉjachʉopi ijache ikakʉ chʉvajamʉ:
\q “Maire Paakʉ raipiramʉ.
\q Repaʉni chaajʉ mʉsanʉkona rekoñoã maa rũhiñe paimaa
carevachejache reojarekoñoã carevajʉ paijʉ̃ʉ.
\q
\v 5 Aikũjña chenevʉã peore chaopi tapisõjamʉ.
\q Aikũjña rʉa ʉjakũjña paisikũjña jmakũjñarʉã
ñañasõjamʉ.
\q Maña jʉchʉ paimaña rũhimaña carũhijamʉ.
\q Maña cojñaname chĩca paisimaña sʉkajamaña
careojamʉ.
\q Mʉsanʉkona aperʉmʉ paisie peore rũhiñe carevajʉ̃ʉ.
\q
\v 6 Dios Raojaʉ pãi oiʉ vati toa uuche Ʉ̃sejaʉ raijamʉ
maire.
\q Rakʉna pãi ũcuanʉko ñajanaame repaʉte”, chiijamʉ
repaʉ,
\m chiimʉ Isaías tocha jokasie.
\p
\v 7 Ũcuarʉmʉ pãi jainʉko Juanre okorovecojñoñu chini
saniasome. Satena ijache ikaasomʉ repaʉ:
\p —‍Mʉsanʉkona teena chutaa cuache chooche ũhamanajejʉ aña
paichejache cuache paime. “Maipi okorovecojñoru Dios maire
cuache choomanejamʉ”, chini cuasajʉ raime mʉsanʉkona.
Jãatani mʉsanʉkona cuache chooche ũhasomato Diopi
chʉ̃ʉʉna cuache tijñejamʉ mʉsanʉkonare.
\v 8 Mʉsanʉkona cuache choochete ũhaso reojache paijʉ
Dios chʉ̃ʉñete choojʉ paijʉ̃ʉ. Mʉsanʉkonapi reojache
paito chekʉnapi ñani, “Ina cuache chooche ũhasosinajejʉ
reojache paime”, chiijanaame mʉsanʉkonare. Ijache
cuasacosome mʉsanʉkona: “Abraham jojosinaame mai. Jãajekʉna
Dios maire cuache choomanejamʉ”, chiijʉ cuasacosome
mʉsanʉkona. Jãajañe cuasamanejʉ̃ʉ mʉsanʉkona. Diore
Repaʉni chooʉato irakarʉã catarakarʉãpi Abraham jojosinare
chekʉnare chooreomʉ, Repaʉ chʉ̃ʉñe choojanare.
\v 9 Sũkiñʉã ãiñe kʉ̃iñʉãpi sãijapʉã kʉ̃imato,
“Cuamʉ iñʉã”, chini kueni ʉosome pãi. Dios ũcuajache
pãi cuache painare cuanajejʉna vati toana saojamʉ —‍chiniasomʉ
Juan repanare.
\p
\v 10 Chikʉna,
\p —‍Jãa paito, ¿ʉ̃quere choojanaañe chʉkʉna? —‍chiniasome
repana.
\p
\v 11 Chitena,
\p —‍Ijache choojʉ̃ʉ. Mʉsanʉkona ũcuaʉakʉji kãña
kachakãña paani chekʉre kãña peovaʉre teekãa ĩsijʉ̃ʉ.
Ũcuachia mʉsanʉkona ũcuaʉakʉji ãu paani chekʉnare ãu
peovanare ĩsijʉ̃ʉ —‍chiniasomʉ repaʉ repanare.
\p
\v 12 Ikatona pãi chʉ̃ʉnare kuri kookaina Juanni raniasome,
okorovecojñoñu chini. Rani repaʉte ijache sẽniasome repana:
\p —‍Masiʉ, chʉkʉna, ¿ʉ̃quere choojanaañe? —‍chiniasome.
\p
\v 13 Chitena ikaasomʉ repaʉ.
\p —‍Pãi chʉ̃ʉna mʉsanʉkonare chʉ̃ʉsinʉkorʉchia kuri
sẽni koojʉ paijʉ̃ʉ. Naa cajejaiche sẽni koomanejʉ̃ʉ
—‍chiniasomʉ repaʉ.
\p
\v 14 Sõtaopãi ũcuajache sẽniasome repaʉte.
\p —‍¿Ʉ̃quere chʉkʉna choojanaañe? —‍chiniasome.
\p Chitena ikaasomʉ repaʉ.
\p —‍Kuri ʉakʉna pãi paachete choo kʉko tʉamanejʉ̃ʉ.
Ũcuachia kurire kʉko tʉasoñu chini cuache choomanani,
“Cuache choosinaame mʉsanʉkona”, chiimanejʉ̃ʉ. Chooche
roichia koojʉ pojojʉ paijʉ̃ʉ. Naa rʉa kooche chiimanejʉ̃ʉ
—‍chiniasomʉ Juan repanare sõtaopãi.
\p
\v 15 Jãajañe ikaʉna asa jñanoasome repana pãi. Pãi
ũcuanʉkore chʉ̃ʉakʉ chini Dios Raojaʉre Cristote chaanajejʉ
ijache cuasaasome repana: “¿Dios Raosikʉaʉ ikʉ?
¿Cristoaʉ?”, chini cuasaasome repana. Juan paichete vesʉjʉ
sãiñechia sẽniasaasome repana.
\p
\v 16 Repanapi sãiñechia sẽniasajʉna asa Juan ũcuanʉkore
ikaasomʉ.
\p —‍Chʉʉ mʉsanʉkonare reojache chookaiʉ okorovemʉ. Naa
paisirʉmʉ chekʉ naa rʉa masikʉji rani paiʉ naa rʉa
reojache chookaijamʉ mʉsanʉkonare. Chʉʉre naa rʉa
masikʉjekʉna repaʉte cuasakʉ vajʉchʉkʉ paimʉ chʉʉ. Naa
rʉa masikʉjekʉ repaʉte cuasanare Dios Rekochote ĩsijamʉ
repaʉ. Repaʉte cuasamanaretani Ũcuaʉji chʉ̃ʉʉna naa
paisirʉmʉna cuache tijñejamʉ.
\v 17 Pãi trigo chooni pote repacaã rũhikuanupʉ chii ũhame.
Repasʉotani ʉosome. Naa paisirʉmʉ Raijaʉ pãi ũcuanʉkore
chii trigo choochejache chookʉ cuache chooche ũhamanare vati
toana chachamatoana saojamʉ. Cuache chooche ũhaso Repaʉte
cuasanaretani pʉkakʉ paichejana sajamʉ repaʉ —‍chiniasomʉ
Juan repanare pãi.
\v 18 Dios chʉo reojachere rʉa chʉvache chʉvaasomʉ Juan
repanare.
\p
\v 19 Naa paisirʉmʉ Herodes, pãi chʉ̃ʉkʉji chojeʉ Felipe
rʉ̃joni Herodíani tʉa paaasomʉ. Tʉa paakʉna Juan asa
chʉvateeasomʉ repaʉte, ũcuachia cheke cuache choosiere
asani.
\v 20 Chʉvakʉtetani asa jachasokʉ joe naa rʉa cuache
chooasomʉ repaʉ. Repaʉte chʉvasivaʉre Juanre pãi
chẽavʉena cuaoasomʉ repaʉ Herodes.
\s Jesure okorosiere kʉamʉ
\r (Mt 3.13-17; Mr 1.9-11)
\p
\v 21 Aperʉmʉ Juan pãi jainʉkore okorovekʉ paniasomʉ.
Ũcuajache Jesure okoroasomʉ repaʉ. Okorocojñosirʉmʉ Jesús
pʉkakʉni sẽniasomʉ. Pʉkakʉni sẽeʉna cʉnaʉmʉ teana
reojaʉmʉ careo
\v 22 Dios Rekocho ũkupojaiʉ ũcuaʉni cajeasomʉ. Dios Rekocho
cajesirʉmʉ cʉnaʉmʉpi ijache ikache asoasomʉ:
\p —‍Mʉʉ chʉʉ chĩiamʉ. Mʉʉre rʉa chiimʉ chʉʉ.
Mʉʉre rʉa pojomʉ chʉʉ —‍chiiche asoasomʉ.
\s Jesús aipãi paisina mamiame
\r (Mt 1.1-17)
\p
\v 23 Jesús treintarepaʉ̃sʉrʉmʉ paicosomʉ chekʉrʉmʉ, repaʉ
pãi apechʉvarʉmʉ. “Jãʉ Jesús, José chĩiamʉ”, chiijʉ
cuasaasome pãi repaʉte.
\qm José pʉkakʉ paisikʉ Elí paniasomʉ.
\qm
\v 24 Elí pʉkakʉ paisikʉ Matat paniasomʉ.
\qm Matat pʉkakʉ paisikʉ Leví paniasomʉ.
\qm Leví pʉkakʉ paisikʉ Melqui paniasomʉ.
\qm Melqui pʉkakʉ paisikʉ Jana paniasomʉ.
\qm Jana pʉkakʉ paisikʉ José paniasomʉ.
\qm
\v 25 José pʉkakʉ paisikʉ Matatías paniasomʉ.
\qm Matatías pʉkakʉ paisikʉ Amós paniasomʉ.
\qm Amós pʉkakʉ paisikʉ Nahum paniasomʉ.
\qm Nahum pʉkakʉ paisikʉ Esli paniasomʉ.
\qm Esli pʉkakʉ paisikʉ Nagai paniasomʉ.
\qm
\v 26 Nagai pʉkakʉ paisikʉ Maat paniasomʉ.
\qm Maat pʉkakʉ paisikʉ Matatías paniasomʉ.
\qm Matatías pʉkakʉ paisikʉ Semei paniasomʉ.
\qm Semei pʉkakʉ paisikʉ José paniasomʉ.
\qm José pʉkakʉ paisikʉ Judá paniasomʉ.
\qm
\v 27 Judá pʉkakʉ paisikʉ Joanán paniasomʉ.
\qm Joanán pʉkakʉ paisikʉ Resa paniasomʉ.
\qm Resa pʉkakʉ paisikʉ Zorobabel paniasomʉ.
\qm Zorobabel pʉkakʉ paisikʉ Salatiel paniasomʉ.
\qm Salatiel pʉkakʉ paisikʉ Neri paniasomʉ.
\qm
\v 28 Neri pʉkakʉ paisikʉ Melqui paniasomʉ.
\qm Melqui pʉkakʉ paisikʉ Adi paniasomʉ.
\qm Adi pʉkakʉ paisikʉ Cosam paniasomʉ.
\qm Cosam pʉkakʉ paisikʉ Elmodam paniasomʉ.
\qm Elmodam pʉkakʉ paisikʉ Er paniasomʉ.
\qm
\v 29 Er pʉkakʉ paisikʉ Josué paniasomʉ.
\qm Josué pʉkakʉ paisikʉ Eliezer paniasomʉ.
\qm Eliezer pʉkakʉ paisikʉ Jorim paniasomʉ.
\qm Jorim pʉkakʉ paisikʉ Matat paniasomʉ.
\qm
\v 30 Matat pʉkakʉ paisikʉ Leví paniasomʉ.
\qm Leví pʉkakʉ paisikʉ Simeón paniasomʉ.
\qm Simeón pʉkakʉ paisikʉ Judá paniasomʉ.
\qm Judá pʉkakʉ paisikʉ José paniasomʉ.
\qm José pʉkakʉ paisikʉ Jonam paniasomʉ.
\qm Jonam pʉkakʉ paisikʉ Eliaquim paniasomʉ.
\qm
\v 31 Eliaquim pʉkakʉ paisikʉ Melea paniasomʉ.
\qm Melea pʉkakʉ paisikʉ Mainán paniasomʉ.
\qm Mainán pʉkakʉ paisikʉ Matata paniasomʉ.
\qm Matata pʉkakʉ paisikʉ Natán paniasomʉ.
\qm
\v 32 Natán pʉkakʉ paisikʉ David paniasomʉ.
\qm David pʉkakʉ paisikʉ Isaí paniasomʉ.
\qm Isaí pʉkakʉ paisikʉ Obed paniasomʉ.
\qm Obed pʉkakʉ paisikʉ Booz paniasomʉ.
\qm Booz pʉkakʉ paisikʉ Salmón paniasomʉ.
\qm Salmón pʉkakʉ paisikʉ Naasón paniasomʉ.
\qm
\v 33 Naasón pʉkakʉ paisikʉ Aminadab paniasomʉ.
\qm Aminadab pʉkakʉ paisikʉ Aram paniasomʉ.
\qm Aram pʉkakʉ paisikʉ Arni paniasomʉ.
\qm Arni pʉkakʉ paisikʉ Esrom paniasomʉ.
\qm Esrom pʉkakʉ paisikʉ Fares paniasomʉ.
\qm Fares pʉkakʉ paisikʉ Judá paniasomʉ.
\qm
\v 34 Judá pʉkakʉ paisikʉ Jacob paniasomʉ.
\qm Jacob pʉkakʉ paisikʉ Isaac paniasomʉ.
\qm Isaac pʉkakʉ paisikʉ Abraham paniasomʉ.
\qm Abraham pʉkakʉ paisikʉ Taré paniasomʉ.
\qm Taré pʉkakʉ paisikʉ Nacor paniasomʉ.
\qm
\v 35 Nacor pʉkakʉ paisikʉ Serug paniasomʉ.
\qm Serug pʉkakʉ paisikʉ Ragau paniasomʉ.
\qm Ragau pʉkakʉ paisikʉ Peleg paniasomʉ.
\qm Peleg pʉkakʉ paisikʉ Heber paniasomʉ.
\qm Heber pʉkakʉ paisikʉ Sala paniasomʉ.
\qm
\v 36 Sala pʉkakʉ paisikʉ Cainán paniasomʉ.
\qm Cainán pʉkakʉ paisikʉ Arfaxad paniasomʉ.
\qm Arfaxad pʉkakʉ paisikʉ Sem paniasomʉ.
\qm Sem pʉkakʉ paisikʉ Noé paniasomʉ.
\qm Noé pʉkakʉ paisikʉ Lamec paniasomʉ.
\qm
\v 37 Lamec pʉkakʉ paisikʉ Matusalén paniasomʉ.
\qm Matusalén pʉkakʉ paisikʉ Enoc paniasomʉ.
\qm Enoc pʉkakʉ paisikʉ Jared paniasomʉ.
\qm Jared pʉkakʉ paisikʉ Mahalaleel paniasomʉ.
\qm Mahalaleel pʉkakʉ paisikʉ Cainán paniasomʉ.
\qm
\v 38 Cainán pʉkakʉ paisikʉ Enós paniasomʉ.
\qm Enós pʉkakʉ paisikʉ Set paniasomʉ.
\qm Set pʉkakʉ paisikʉ Adán paniasomʉ.
\qm Adán aperʉmʉ mamarʉmʉ Dios choocojñosikʉamʉ.
\c 4
\s Vati ai Jesure cuache chooakʉ chini chʉ̃ʉteesiere kʉamʉ
\r (Mt 4.1-11; Mr 1.12-13)
\p
\v 1 Ũcuarʉmʉ Jesús Jordán chiacha saisikʉ rani Dios Rekocho chʉ̃ʉñe peore siarʉmʉ chookʉ paniasomʉ. Dios Rekochoji chʉ̃ʉʉna pãi peochejare sani paiʉ paniasomʉ repaʉ.
\v 2 Cuarentarepaumucujña pãi peochejare paiʉ ãu ãimañe paiʉna ãucuhaasomʉ repaʉte. Pãi peochejare paiʉna vati ai sani Jesuni cacʉora chini ijache ikaasomʉ:
\p
\v 3 —‍Mʉʉpi Dios Mamarepakʉ pani ipʉ catapʉ mini, pãpʉ carʉñojʉ̃ʉ —‍chiniasomʉ.
\p
\v 4 Chikʉna Jesús ijache ikaasomʉ repaʉte:
\p —‍Dios chʉo aperʉmʉ tocha jokasie ijache kʉamʉ:
\q Pãipi chʉʉrejẽe cuasamañe repana ãijañere ãuchia cuasajʉ paito cuamʉ.
\q Jãachia cuasamañe chʉʉ chʉ̃ʉñete cuasajʉ choojʉ pani reojache paijanaame pãi,
\m chiimʉ —‍chiniasomʉ Jesús vatire.
\p
\v 5 Jãajañe ikacuhasirʉmʉ vati ai repaʉte Jesure aikũtina sa mʉa teana teerʉmʉ peore chejña pãi paichejña ñoasomʉ.
\p
\v 6-7 Ñokʉ ijache ikaasomʉ repaʉ repaʉte:
\p —‍Cheja paiche peore rʉa reojacheame. Aperʉmʉna chʉʉre ĩsisichejñaame ichejña, chʉʉpi peore chʉ̃ʉakʉ chini. Chura chʉʉre ʉakʉni ĩsijamʉ chʉʉ. Jãajekʉna mʉʉpi chʉʉni, “Peore masikʉmʉ mʉʉ”, chiiʉ, rore ñuiʉ pojoru mʉʉni peore ichejña ĩsijamʉ chʉʉ, mʉʉpi chʉ̃ʉkʉ paaʉ chini. Cheja paimajñarʉã cuamajñarʉã peore ĩsijamʉ chʉʉ mʉʉre —‍chiniasomʉ vati.
\p
\v 8 Chikʉna Jesús ikaasomʉ repaʉte.
\p —‍Dios chʉo tocha jokasie ijache kʉamʉ:
\q Diore Pãi Ũcuanʉkore Paakʉtechia, “Peore masikʉmʉ mʉʉ”, chiijʉ pojojʉ
\q Repaʉ chʉ̃ʉñechia choojʉ paijʉ̃ʉ mʉsanʉkona pãi,
\m chiimʉ —‍chiniasomʉ Jesús repaʉte.
\p
\v 9-11 Jãa ikacuhasirʉmʉ vati ai repaʉte Jerusalén vʉejoopona sa Dios vʉe sẽsevʉna mʉa ijache ikaasomʉ:
\p —‍Dios chʉo aperʉmʉ tocha jokasie ijache kʉamʉ:
\q Dios ángelevanare, mʉʉni kuirajʉ mʉʉ tuãito repana jʉ̃jñapi chẽaajʉ chini raojamʉ,
\q mʉʉpi tuãni asi choomaneakʉ chini,
\m chiimʉ. Jãajekʉna mʉʉpi Dios Mamarepakʉ pani ichejapi chejana chãijʉ̃ʉ. Dios ikasiepi ũcuarepa paito ichejapi chãni asi choomanejamʉ mʉʉ —‍chiniasomʉ vati ai.
\p
\v 12 Chikʉna Jesús ikaasomʉ.
\p —‍Ũcuachia Dios chʉo aperʉmʉ tocha jokasie ijache kʉamʉ:
\q Chʉʉ choomasichete rupʉ ñañu chini sẽemanejʉ̃ʉ mʉsanʉkona pãi,
\m chiimʉ Dios —‍chiniasomʉ Jesús repaʉte vati aire.
\p
\v 13 Chikʉna Jesure siache cuache chooakʉ chini chʉ̃ʉtee joka sanisoasomʉ repaʉ vati ai, joe naa pani rasa chini.
\s Jesús Galilea cheja apevʉamʉ pãi chʉvache
\r (Mt 4.12-17; Mr 1.14-15)
\p
\v 14 Jãa choo pinisirʉmʉ Galilea chejana coiasomʉ Jesús. Dios Rekocho chʉ̃ʉñechia peore reojachechia chookʉji coiasomʉ repaʉ. Peore chookʉji coiʉna Galilea cheja painaname ũcuacheja kueñe paina jainʉko repaʉ paichete asa cutujʉ paniasome pãi.
\v 15 Ũcuachejare paiʉ judíopãi chiivʉñana siarʉmʉ mʉa chechokʉ paniasomʉ repaʉ. Chechokʉna asa, “Rʉa masiʉʉ ikʉ”, chini pãi ũcuanʉko reojache cutuasome repaʉte.
\s Jesús Nazaret vʉejoopo paisiere kʉamʉ
\r (Mt 13.53-58; Mr 6.1-6)
\p
\v 16 Ũcuarʉmʉ Jesús Nazaret vʉejoopona coiasomʉ, repaʉ aineesijoopona. Coi paiʉ pʉaumucusepi tĩaʉna judíopãi chiivʉena mʉa kaka ñuisikʉpi Dios chʉo tocha jokasiere ñakʉ ikara chini vʉni nʉkaasomʉ repaʉ. Pʉaumucujña tĩato judíopãi chiivʉe siarʉmʉ mʉaasomʉ repaʉ.
\v 17 Vʉni nʉkakʉna Dios chʉo aperʉmʉ kʉasikʉ Isaías tocha jokasie paikorovʉte mini ĩsiasome repaʉte, ñakʉ ikaakʉ chini. Ĩsirena rũhikorovʉ canesijaovajekʉna repaʉ ñakʉ ikajachere kuekʉ koraasomʉ repaʉ. Kue jñaa ijachere ñakʉ ikaasomʉ repaʉ: \fig scrolls|HK073D.tif|span||Horacle Knowles|Utijaokorovʉãme.|Lc 4.17\fig*
\q
\v 18-19 Dios Rekochoji chʉ̃ʉmʉ chʉʉre, chʉʉpi pãire Dios chʉore reojachere chʉvaakʉ chini.
\q “Pãire ijache chʉvajʉ̃ʉ”, chiimʉ chʉʉre Dios Rekocho:
\q “Chʉovana paivanani Dios chʉore chʉvajʉ̃ʉ, Repaʉni cuasajʉ pojojʉ paapʉ.
\q Ũcuajache Dios chʉo vesʉvanare chʉvajʉ̃ʉ masiajʉ.
\q Cuache choocojñonare ũcuajache cuache chooche ʉ̃sekaijʉ̃ʉ.”
\q Ijache kʉajʉ̃ʉ repanare pãi:
\q “Dios reojache paapʉ chini vati ai paasinare pãi tʉa paajamʉ, vati chʉ̃ʉñete choomaneajʉ chini.
\q Pãi ũcuanʉkore Dios reojache chookairʉmʉ tĩacuhamʉ”,
\m chiichete ñakʉ ikaasomʉ Jesús, Isaías tocha jokasie.
\p
\v 20 Ika pini repajaova cane repavʉe kuirakʉni cocho pʉʉ ñuiʉna repavʉe chiisina pãi ũcuanʉko rʉa pãiñaasome repaʉte.
\p
\v 21 Ñajʉna repanare joe ikaasomʉ repaʉ.
\p —‍Chura chʉʉ ñakʉ ikasie aperʉmʉ Dios ikasieame. Dios aperʉmʉ kʉasie mʉsanʉkona ñajʉte choo ñocuhamʉ iumucuse —‍chiniasomʉ Jesús repanare pãi.
\p
\v 22 Jãajañe ikaʉna asa jñano pãi ũcuanʉko reojache cutuasome repaʉte, “Chʉo reojachere ikamʉ ikʉ”, chiijʉ. Asa jñano sãiñechia sẽniasaasome repana.
\p —‍¿Ikʉ José mamakʉmakʉ? —‍chiniasome repana.
\p
\v 23 Jãajañe ikajʉna asa ikaasomʉ repaʉ.
\p —‍Chʉʉ ikasiere jachajʉ ijache ikañu chiime mʉsanʉkona chʉʉre: “Mʉʉ Capernaum vʉejoopo paiʉ choosie asasinaame chʉkʉna. Chura ichejana mʉʉ paichejana ũcuare chʉkʉnani choo ñoto jachamanejanaame chʉkʉna mʉʉre. Mai aipãi ijache ikaasome: ‘Ʉ̃ko chaipi jũni ũcuaʉji meñe ʉ̃ko choo vajʉreomʉ’, chiniasome.” Jãajañe mʉsanʉkona ikañu chiime chʉʉre —‍chiniasomʉ Jesús repanare.
\p
\v 24 Chini joe ikaasomʉ repaʉ.
\p —‍Mʉsanʉkonare ũcuarepare chʉo ikamʉ chʉʉ. Dios chʉo kʉakaina aineesijoopoã cana pãi repana kʉache Dios chʉo asa jachame. Mʉsanʉkona ũcuajache ijoopo chʉʉ aineesijoopo cana chʉʉ kʉache Dios chʉo asa jachame.
\v 25-26 Aperʉmʉ choosiere kʉara. Aperʉmʉ ũcuajache Elíapi Dios chʉore kʉakʉna judío aipãi asa jachaasome ũcuateepãiʉtetani. Reparʉmʉ Israel cheja vajeromivana rʉa jainʉko pairʉmʉna choteʉ̃sʉrʉmʉ joe chekʉʉ̃sʉrʉmʉ joopo okojẽe ramaʉna ãujẽe peoasomʉ. Ãure peojʉ siachejña ãucuhavana paniasome pãi. Repacheja canapi repaʉ chʉvachete asa jachajʉna chookaimaneasomʉ Elías repanare. Diopi saoʉna judío peona paichejare Sarepta vʉejoopote sani repajoopo cavaoni teevaore vajevaore reojache chookaniasomʉ repaʉ Elías. Sarepta vʉejoopo kueñeame Sidón.
\v 27 Aperʉmʉ Eliseo Israel chejare paiʉ Dios chʉore kʉakʉ paniasomʉ. Mai aipãi, asi ravʉ jũina rʉa jainʉko paniasome reparʉmʉ. Eliseo repaʉ kʉachete Dios chʉore repanapi asa jachajʉna teeʉterejẽe asi ravʉ jũikʉte vasokaimaneasomʉ, Diopi ʉ̃sekʉna. Judío peokʉtechia teeʉte vasoasomʉ repaʉ, Naamán, Siria cheja cakʉrechia —‍chiniasomʉ Jesús repanare.
\p
\v 28 Jesupi judío peonare Dios chookaichete kʉaʉna asa repavʉe paina ũcuanʉko rʉa peruasome repaʉte.
\v 29 Asa perujʉ vʉni Jesure chẽa vʉejoopo rʉtʉvana juha saasome repana. Juha sa aikũti sẽsevʉ paijoopojekʉna repakũti chuchuvana naa ʉmʉna mʉaasome repana repaʉte, ũcuachejapi jʉjo tõñu chini.
\v 30 Jʉjo tõñu chiisinaretani repana chenevʉji eta sanisoasomʉ Jesús.
\s Pãiʉte paisikʉre vatire etosiere kʉamʉ
\r (Mr 1.21-28)
\p
\v 31 Eta sani Galilea cheja cajoopona Capernaum vʉejoopona tĩaasomʉ repaʉ Jesús. Tĩa paiʉ pʉaumucusepi tĩaʉna judíopãi chiivʉena mʉa chechoasomʉ repaʉ.
\v 32 Rʉa masikʉjekʉ masi chechokʉna asa jñano, “Rʉarepa masikʉ ikʉ”, chiniasome pãi.
\p
\v 33 Reparʉmʉ ũcuavʉere pãiʉ vatire paakʉ paniasomʉ. Vatire paakʉjekʉ Jesús ikachete asa rʉa cuikʉ ijache ikaasomʉ repaʉ:
\p
\v 34 —‍Jesús, Nazaret raisikʉ chʉkʉnate choomanejʉ̃ʉ. Mʉʉ paiche masimʉ chʉʉ. Dios Raocojñosikʉamʉ mʉʉ. Reokʉmʉ. ¿Chʉkʉnani cuachejana saora chini rakʉ mʉʉ? —‍chiniasomʉ repaʉ.
\p
\v 35 Jãajañe ikaʉna Jesús repaʉte vatire joe ikache ʉ̃sekʉ ijache ikaasomʉ:
\p —‍Reomʉ. Ũcuamakarʉ ikajʉ̃ʉ. Etajʉ̃ʉ mʉʉ jãʉre pãiʉte —‍chiniasomʉ Jesús.
\p Jesupi, “Etajʉ̃ʉ”, chikʉna vati pãivaʉre paisikʉ repavaʉre choo tãukʉ eta sanisoasomʉ. Pãiʉte asi choomañe eta sanisoasomʉ vati.
\p
\v 36 Jesupi vatini eto saoʉna ña, kʉkʉso pãi ũcuanʉko sãiñechia cutuasome.
\p —‍¿Jese paikʉjekʉ ikʉ vati chʉ̃ʉmasikʉ? Jesupi rʉa masikʉjekʉ chʉ̃ʉto eta sanisõnaame vati —‍chiniasome pãi.
\p
\v 37 Jesús choosie ñasinapi kueñe painani kʉarena asa Jesús paichete cutujʉ paniasome pãi.
\s Simón Pedro vaote Jesús vasosiere kʉamʉ
\r (Mt 8.14-15; Mr 1.29-31)
\p
\v 38 Ũcuarʉmʉ Jesús judíopãi chiivʉe eta Simón vʉena mʉa kakaasomʉ. Kaka ñato Simón vao chavo ravʉna jũniasomo. Jũiona, repaoni vasoakʉ chini Jesure rʉa sẽniasome repana.
\v 39 Rʉarepa sẽejʉna jũiko ũhikoa kueñere nʉkakʉ, “Chavoche chʉrʉjʉ̃ʉ ikore”, chiniasomʉ Jesús. Chikʉna teana vajʉasomo repao. Vajʉ vʉni repanare ãure ãuasomo repao.
\s Jũivanare jainʉkore Jesús vasosiere kʉamʉ
\r (Mt 8.16-17; Mr 1.32-34)
\p
\v 40 Naicuhatona chekʉnare jũinare saasome pãi, Jesupi vasoakʉ chini. Ravʉ rʉa siache jũinani saasome repana. Sarena repanare ũcuanʉkore rupʉ chẽse vasoasomʉ Jesús.
\v 41 Ũcuachia vati jainʉkore pãi paisinare peore eto saosokaniasomʉ repaʉ. Eto saokʉna cuijʉ ijache ikaasome vati:
\p —‍Dios Mamakʉmʉ mʉʉ —‍chiniasome.
\p Jãajañe ikajʉna, “Joe ikamanejʉ̃ʉ”, chini ikaʉ̃seasomʉ Jesús repanare vati. “Pãi ũcuanʉkore chʉ̃ʉakʉ chini Dios Raosikʉamʉ ikʉ. Cristoamʉ”, chiijʉ chini ʉ̃seasomʉ Jesús repanare vati.
\s Galilea chejare paiʉ Jesús Dios chʉo chʉvasiere kʉamʉ
\r (Mr 1.35-39)
\p
\v 42 Joe apeñatato vʉejoopo paisikʉpi eta pãi peochejana saniasomʉ Jesús. Sani teeʉ paiʉna repaʉ paisijoopo paina kue jñaa tĩichejña saiʉ̃seasome repaʉte.
\p
\v 43 Ʉ̃sejʉna,
\p —‍Dios chʉʉre Repaʉ chʉore kʉaakʉ chini raosikʉamʉ. Jãajekʉna chekʉchejñare sani kuiʉ repachejña cajoopoã canani cuache chooche ũhasõsinare pãi Dios chẽa paachete kʉache paimʉ chʉʉre —‍chiniasomʉ Jesús repanare.
\p
\v 44 Galilea cheja pairʉmʉ judíopãi chiivʉña siarʉmʉ mʉa Dios chʉore chʉvakʉ paniasomʉ repaʉ.
\c 5
\s Vai jainʉkore jñaasieame
\r (Mt 4.18-22; Mr 1.16-20)
\p
\v 1 Naa paisirʉmʉ Jesupi Genesaret chiara rʉtʉvate sani nʉkakʉna pãi jainʉko rani chiiasome. Repaʉ ikachete Dios chʉore kueñe nʉkajʉ asañu chini, jairepanʉkojejʉ repaʉte rʉ̃ʉñe jirisoasome repana.
\v 2 Chiirena nʉkakʉ chiara rʉtʉva juivʉãre choovʉã teekachapavʉã pãi peovʉã juivʉãre ñaasomʉ repaʉ, vai chonapi jʉo mani vai chorʉãre choajʉna.
\v 3 Ña sani Simón choovʉna tuni, “Chʉʉre naa joopona etuajʉ̃ʉ”, chiniasomʉ repaʉ Simonre, choovʉ paakʉte. Chikʉna, “Jaʉ”, chini naa joopona etuaʉna choovʉte ñuiʉ pãire chechoasomʉ repaʉ.
\v 4 Checho pini Simonre joe ikaasomʉ repaʉ.
\p —‍Jeechejana rʉichejana sañu. Sani vaire chojʉ̃ʉ —‍chiniasomʉ Jesús.
\p
\v 5 Chikʉna,
\p —‍Masiʉ, ñami chʉkʉna siañami chojʉ paisinaame. Jãatani vairejẽe chomanesinaame chʉkʉna. Jãatani mʉʉpi chʉ̃ʉkʉna joe chojamʉ chʉʉ —‍chiniasomʉ repaʉ.
\p
\v 6 Jesupi chʉ̃ʉʉna cho churatani vaire jairepanʉkore chorena vai chorʉã chereasomʉ.
\v 7 Cheresokʉna repanare jame painare chekʉvʉ painare vevojʉ soniasome repana, rani jame chookaapʉ chini. Sotena rani repana choovʉname chekʉna choovʉ peore vaire jairepanʉkore tujña timuso runisoraaasome repana.
\v 8 Jãajañe chooʉna ña Simón Pedro Jesure tijñeñe rore ñuiʉ ijache ikaasomʉ:
\p —‍Pãi Ũcuanʉkore Paakʉ, cuache paikʉmʉ chʉʉ. Jãajekʉna joka saijʉ̃ʉ chʉʉre —‍chiniasomʉ.
\v 9 Simón Pedro vaire jairepanʉkore cho repaʉte jame painaname kʉkʉsoasomʉ.
\v 10 Vai jame chosina, Zebedeo chĩi, repanare jame paina Santiagoname Juan ũcuajache kʉkʉasome. Kʉkʉjʉna Jesús Simonni ikaasomʉ.
\p —‍Vajʉchʉmanejʉ̃ʉ mʉsanʉkona. Irʉmʉpi vʉa sani kuiʉ pãire chʉvakʉ paijʉ̃ʉ mʉʉ, chʉʉni cuasajʉ jovoajʉ —‍chiniasomʉ Jesús repaʉte Simonre.
\v 11 Jãajañe ikaʉna asa, “Jaʉ”, chini choovʉã jñajñu mau ũha cuamajñarʉã peore ũcuachejana joka Jesuname saniasome repana.
\s Asi ravʉ paavaʉre Jesús vasosiere kʉamʉ
\r (Mt 8.1-4; Mr 1.40-45)
\p
\v 12 Naa paisirʉmʉ Jesupi vʉejoopote sani paiʉna pãiʉ canivʉ siacacanivʉ asi ravʉ paavaʉpi rani tijñaasomʉ Jesure. Tijña repaʉ chia meñe sime rore ñuiʉ Jesure rʉa sẽniasomʉ repaʉ.
\p —‍Pãi Ũcuanʉkore Paakʉ, mʉʉre vasoʉato vasojʉ̃ʉ chʉʉvaʉre; vajʉra —‍chiniasomʉ repaʉ.
\p
\v 13 Chikʉna Jesús repaʉni chẽakʉ ikaasomʉ.
\p —‍Jaʉ, vasora. Vajʉjʉ̃ʉ —‍chiiʉ chẽakʉna asi teana teerʉmʉ peore jajusoasomʉ repaʉ canivʉ paisie.
\v 14 Repaʉte vasocuha Jesús ijache chʉ̃ʉasomʉ:
\p —‍Chʉʉ mʉʉre vasosie pãi chekʉnare kʉamanejʉ̃ʉ. Kʉamañe judío phairitechia ñojaijʉ̃ʉ mʉʉ vajʉsicanivʉ. Ũcuajache aperʉmʉ Moisés chʉ̃ʉ jokasie cuamajñarʉã sa ĩsijʉ̃ʉ Diore, mʉʉ cuare tʉnokakʉna mʉʉ vajʉsiere masiajʉ pãi —‍chiniasomʉ Jesús.
\p
\v 15 Jãatani chekʉnapi repana asasiere joe chekʉnani kʉajʉna naa rʉa jainʉko pãi Jesús paiche asaasome. Asa repaʉ paichejana siarʉmʉ naa jainʉko chiijʉ paniasome pãi, repaʉ ikachete asañu chini. Jũivana ũcuajache vasocojñoñu chini jame chiiasome.
\v 16 Pãipi siarʉmʉ repaʉ paichejana naa jainʉko raijʉna siarʉmʉ pãi peochejana Dioni sẽsa chini saiʉ paniasomʉ repaʉ.
\s Nʉka kuimavaʉre Jesús vasosiere kʉamʉ
\r (Mt 9.1-8; Mr 2.1-12)
\p
\v 17 Naa paisirʉmʉ Jesupi chechokʉna fariseopãiname judíopãi chechona ñuijʉ asajʉ paniasome. Galilea cheja cajoopoãname Judea cheja cajoopoã siajoopoã raisinaname, Jerusalén vʉejoopo raisina paniasome repana. Diopi peore Choomasikʉji chookaiʉna jũivanare vasoasomʉ Jesús.
\v 18 Jesús repavʉe paitona pãi nʉka kuimavaʉre ũhikãa ũhivaʉni kuãijʉ raniasome. Jesús paivʉena cuaa repaʉ nʉkacheja tijñeñena ũhañu chiniasome repana.
\v 19 Cuaa ũhañu chiinaretani repavʉere pãipi timusorena cuaacuaasomʉ repanare. Cuaacuakʉna repavʉe sẽsevʉna mʉa ũcuachejapi coje racho ũcuacojepi repaʉ ũhikãapi pãi ũcuanʉko nʉkacheja chenevʉna Jesús tijñeñena caso ũhaasome repana jũivaʉre.
\v 20 “Ivaʉre Jesús vasojamʉ”, chini cuasajʉ caso ũharena Jesús repana cuasasie ña ikaasomʉ repavaʉre.
\p —‍Asarepajʉ̃ʉ mʉʉ. Mʉʉ cuache choosie tʉnosõmʉ chʉʉ. Tʉnosõsie joe cuasamanejamʉ chʉʉ —‍chiniasomʉ Jesús repavaʉre.
\p
\v 21 Jãajañe ikaʉna asa judíopãi chechonaname fariseopãi ijache cuasaasome: “¿Jese paiʉna ikʉ jãajañe ikakʉ? Dios asacuhechete ikamʉ ikʉ jãa. Diochiaamʉ pãi cuache chooche tʉnokaikʉ”, chiijʉ cuasaasome.
\v 22 Jãajañe cuasajʉna Jesús repana cuasachete ña masi ijache ikaasomʉ repanare:
\p —‍¿Jese paiʉna mʉsanʉkona jãajañe cuasache?
\v 23 Chʉʉ ikʉre, “Mʉʉ cuache choosie tʉnosõmʉ chʉʉ. Tʉnosõsie joe cuasamanejamʉ chʉʉ”, chiisiere asa, “Joreʉmʉ ikʉ. Pãi jãajañe choomasinajẽe peomʉ”, chiijʉ cuasame. Jãatani chʉʉpi ikʉre, “Vʉni, nʉka kuijʉ̃ʉ”, chikʉna vʉni nʉkakʉna ñani, “Joremakʉamʉ Jesús. Repaʉ ikasie ũcuarepa choomasimʉ”, chiijacosome mʉsanʉkona.
\v 24 Chʉʉ, pãire jame paaʉ chini Dios Raosikʉ chejare paiʉ pãi cuache chooche tʉnoñename pãi vasoche choomasiʉ paichete mʉsanʉkonapi ña masiajʉ chini vasokaijamʉ chʉʉ ikʉre —‍chiniasomʉ Jesús repanare.
\p Chini nʉka kuimavaʉre ikaasomʉ repaʉ.
\p —‍Vʉni mʉʉ ũhisikãa mini vʉena coijʉ̃ʉ —‍chiniasomʉ.
\p
\v 25 Chikʉna pãi ũcuanʉko ñajʉte vʉni repaʉ ũhisikãa mini vʉena coisoasomʉ repaʉ. Dios repaʉte chookaisiere cuasakʉ pojokʉ, “Peore masikʉmʉ Dios”, chiiʉ coiasomʉ repaʉ.
\v 26 Jãajañe chooʉna pãi ũcuanʉko ña jñanoasome. Ũcuajache, “Dios peore masikʉmʉ”, chiijʉ pojoasome repana. Pojonatani vajʉchʉjʉ ijache ikaasome repana:
\p —‍Irʉmʉ mai ñamañere reojache choochete ñame mai —‍chiniasome repana.
\s Levire Jesús soisiere kʉamʉ
\r (Mt 9.9-13; Mr 2.13-17)
\p
\v 27 Jãajañe choo pini eta pãi chʉ̃ʉnare kuri kookaikʉte, Levire ñaasomʉ Jesús. Kuri kookaina paivʉe ñuikʉni ña ijache ikaasomʉ Jesús repaʉte Levire:
\p —‍Rani chʉʉni jame kuiʉ chʉʉ chʉ̃ʉñete chookʉ paijʉ̃ʉ —‍chiniasomʉ Jesús repaʉte.
\v 28 Chikʉna asa, “Jaʉ”, chini vʉni repaʉ paasie cuamajñarʉã peore jokaso Jesuname saniasomʉ repaʉ.
\p
\v 29 Ũcuarʉmʉ Leví Jesuni pojokʉ pãire soniasomʉ ãure ãura chini. Sokʉna kuri kookainaname chekʉna pãi rʉa jainʉko mʉa kaka pʉʉasome repavʉe.
\v 30 Ñuijʉ fariseopãiname judíopãi chechona Jesús neenani kerejʉ,
\p —‍¿Jese paiʉna mʉsanʉkona kuri kookainaname cuache painare jame ãu ãiñe? —‍chiniasome repana.
\p
\v 31 Chitena asa Jesús ijache ikaasomʉ repanare:
\p —‍Pãi vajʉna ʉ̃ko chooche chiimame. Jũivanatani ʉ̃ko chooche chiime.
\v 32 Chʉʉ ũcuajache pãi, “Reonaame chʉkʉna”, chiinani, “Cuache chooche ũhasõ reojache paijʉ̃ʉ”, chisa chini cajesikʉmamʉ icheja cheja. Pãi, “Cuache painaame chʉkʉna”, chiivanarechia, “Mʉsanʉkona cuache chooche ũhasõ reojache paijʉ̃ʉ”, chisa chini cajesikʉamʉ chʉʉ —‍chiniasomʉ repaʉ.
\s Dioni sẽejʉ ãu ãimañe paichete Jesuni sẽniasasiere kʉamʉ
\r (Mt 9.14-17; Mr 2.18-22)
\p
\v 33 Ũcuarʉmʉ repana fariseopãi ijache ikaasome Jesure:
\p —‍Juan neena siarʉmʉ teeñoã ãu ãimañe paijʉ Dioni sẽeme. Chʉkʉna neena ũcuajache choonaame. Mʉʉ neenatani jãajañe choomame —‍chiniasome.
\p
\v 34 Chitena Jesús ikaasomʉ repanare.
\p —‍Pãi, romi vejani majapãiname repanare kueñe painare peore soni chii ãu ãime. Romi vejakʉ paiʉna ãu ʉ̃secuamʉ.
\v 35 Naa paisirʉmʉna repaʉte chekʉnapi sasõjanaame chekʉchejana. Jãarʉmʉtani repaʉni oijʉ teeñoã ãu ãimairo paijanaame repana. Chʉʉ neena ũcuajache naa paisirʉmʉ Dioni sẽejʉ teeñoã ãu ãimairo paijanaame chʉʉ peorʉmʉ —‍chiniasomʉ Jesús repanare.
\p
\v 36 Reparʉmʉ pãi teena aperʉmʉ chechosiename mama chechoche ũcuaparʉva cuasañu chini aperʉmʉ chechosie ũhacuheasome. Chekʉnatani mama chechoche asacuheasome. Jãajekʉna Jesús repanani chʉvakʉ ijache ikaasomʉ:
\p —‍Aikãarʉji cheresõru mamaserechoji chere aikãana põ juhamanaame pãi. Jãajañe juha pini choaru aikãarʉ mamaserecho põ juhasikãarʉjekʉ rueni jirosõʉna naa ʉjacoje cheremʉ. Ũcuachia mamaserechoji aikãana põ juharu reojache ñomamʉ.
\v 37 Ũcuachia pĩsi ʉche cono mama chooni vaivana canituru aituruna rovemanaame pãi. Aituruna roveru conopi kosani saʉ cheresõ turujẽe choosõkʉ pĩsi ʉche conojẽe ũcuajache choosõmʉ. \fig wine skins|Abs-022.tif|col||ABS|Vai caniturupʉme.|Lc 5.37\fig*
\v 38 Jãajekʉna pãi pĩsi ʉche cono mama chooni turu mamaturuna roveme. Mamaturutani cheremairo rupʉ saʉmʉ. Jãajekʉna cono kosa ñuiʉ jañʉsõmamʉ.
\v 39 Ũcuajache pãi aperʉmʉ choosiere cono ũku ñani mama choosie ũkucuheme, “Aperʉmʉ choosiepi naa sãijaimʉ”, chini cuasajʉ —‍Jãajañe chʉvaasomʉ Jesús repanare fariseopãi.
\c 6
\s Jesús neena pʉaumucusena trigochacharʉã pura ãisiere kʉamʉ
\r (Mt 12.1-8; Mr 2.23-28)
\p
\v 1 Ũcuarʉmʉ Jesús pʉaumucusena repaʉ neenaname trigo chiopi
saijʉ paniasome. Saijʉ repaʉ neena trigochacharʉã pura
ãniasome.
\p
\v 2 Jãajañe choojʉna ña fariseopãi ikaasome repanare.
\p —‍¿Jese paiʉna mʉsanʉkona pʉaumucusetani chooche
chooche? —‍chiniasome repana.
\p
\v 3-4 Chitena Jesús ikaasomʉ repanare.
\p —‍¿Aperʉmʉ paisikʉ David choosiere kʉajʉ mai aipãi
tocha jokasie ñamanaañe mʉsanʉkona? Ijache kʉamʉ repa:
\q David, repaʉte jame painaname ãucuhakʉna Dios vʉena kaka
Diopi pojoakʉ chini
\q judío phairipãi tʉosiere pã mini ãiʉ
repaʉte jame painare ãukʉ ãniasomʉ.
\q Dios, phairipãichia ãijʉ̃ʉ chiisiere ãnisõasomʉ repaʉ
David,
\m chiimʉ —‍chiniasomʉ Jesús repanare.
\p
\v 5 Chini,
\p —‍Chʉʉni Dios Raosikʉni pʉaumucusena choochete chʉ̃ʉto
chʉ̃ʉreomʉ —‍chiniasomʉ repaʉ.
\s Cuajʉ̃tʉrʉ paakʉte Jesús vasosiere kʉamʉ
\r (Mt 12.9-14; Mr 3.1-6)
\p
\v 6 Naa paisirʉmʉ Jesús pʉaumucusena judíopãi chiivʉena
kaka chechoasomʉ. Chechoto ũcuavʉere pãiʉ ʉjajʉ̃tʉre
cuajʉ̃tʉrʉ paakʉ paniasomʉ.
\p
\v 7 Repavʉe chiisina judíopãi chechonaname fariseopãi
Jesure rʉa pãiñaasome. “¿Jesús iumucuse pʉaumucusena
cuajʉ̃tʉrʉ paakʉte vasojaʉ?”, chini ñuijʉ ñaasome
repana. Repaʉji chooʉna ña repaʉni cuache ikañu chini
chaaasome repana.
\p
\v 8 Repana cuasache masikʉtani cuajʉ̃tʉrʉ paakʉte ijache
ikaasomʉ Jesús:
\p —‍Vʉni rani pãi chenevʉte nʉkajʉ̃ʉ —‍chiniasomʉ.
\p Chikʉna vʉni sani nʉkaasomʉ repaʉ.
\p
\v 9 Ũcuarʉmʉ Jesús ikaasomʉ repanare.
\p —‍Mʉsanʉkonani chʉo sẽniasara. Pʉaumucujñana chekʉnani
reojache chookaito, ¿reokʉ? Jãapãani, ¿cuache
chooreokʉ? Ũcuachia, ¿chekʉnare vasoreokʉ? Jãapãani,
¿vanisõreokʉ repanare? —‍chiniasomʉ Jesús repanare pãi.
\p
\v 10 Chini ũcuanʉkore chʉri ña, cuajʉ̃tʉrʉ paakʉte
ijache ikaasomʉ:
\p —‍Mʉʉ jʉ̃tʉ saʉjʉ̃ʉ —‍chiniasomʉ.
\p Chikʉna saʉasomʉ. Saʉʉna repajʉ̃tʉ teana reojajʉ̃tʉ
careosoasomʉ.
\p
\v 11 Jãajañe chooʉna ña Jesure rʉa peruche peruasome
repana. Perujʉ, “¿Jese mai jãʉre choojanaañe?”, chini
sãiñechia cutuasome repana.
\s Jesús Dios chʉo chʉvajanani saora chini docerepanare chẽamʉ
\r (Mt 10.1-4; Mr 3.13-19)
\p
\v 12 Naa paisirʉmʉ Jesús aikũtina mʉniasomʉ, Dioni sẽsa
chini. Mʉni teeñami sẽeʉ ñataasomʉ repaʉ.
\p
\v 13 Ñataʉna repaʉte chiinare soni rao docerepanarechia chẽa
ijache ikaasomʉ repaʉ: “Dios chʉore sani chʉvajʉ paapʉ
chini saojamʉ chʉʉ mʉsanʉkonare”, chiniasomʉ repaʉ.
\v 14 Ieame repaʉ chẽasina mami: Simonre chẽa chekere mami
veoasomʉ repaʉ. Pedrote veoasomʉ. Jãajekʉna Simón Pedro
veeasomʉ repaʉ. Andrere repaʉ Simón Pedro chojeʉte
ũcuajache chẽaasomʉ repaʉ. Ũcuajache Santiagote Juanre,
Felipete, Bartolomere chẽaasomʉ repaʉ.
\p
\v 15 Ũcuajache Mateote, Tomare chẽaasomʉ. Chekʉre Santiagote
Alfeo mamakʉte ũcuajache chẽaasomʉ. Chekʉre ũcuajache
Simonre, cananistapãi jame chooche chookaikʉte chẽaasomʉ.
\p
\v 16 Ũcuajache Judare, chekʉ, Santiago mamakʉte chẽaasomʉ.
Ũcuajache Judas Iscariotete chẽaasomʉ. Naa paisirʉmʉ repaʉ
Judas Iscariote Jesuni cuache chooajʉ chini chekʉnani
jokaasomʉ.
\s Pãi jainʉkore chechomʉ Jesús
\r (Mt 4.23-25)
\p
\v 17 Ũcuarʉmʉ Jesús aikũti paisikʉpi repaʉ neenaname caje
reojajaevana canʉkato repaʉte chiina, rʉa jainʉko paniasome.
Pãi chekʉna ũcuajache rʉa jainʉko paniasome. Jerusalén
vʉejoopo cana, Judea cheja cajoopoã cana, ũcuachejña poña
cananame Tiro vʉejoopo cananame Sidón vʉejoopo chiara
rʉtʉva cajoopoã cana paniasome repana. Jãachejña painapi
Jesús ikachete asañu chini raniasome repana. Jũivana repaʉni
vasocojñoñu chini ratena vasoasomʉ Jesús repavanare.
\v 18 Ũcuajache vatire paajʉ jũivana vasocojñoasome.
\v 19 Jesure rʉa masiʉjekʉna jũivana rupʉ repaʉni chẽse
vajʉasome. Jãajekʉna pãi jũivana ũcuanʉko chẽse vajʉñu
chiniasome repaʉte.
\s Pojojʉ paichename pojomairo paiche kʉamʉ Jesús
\r (Mt 5.1-12)
\p
\v 20 Ũcuarʉmʉ Jesús repaʉ neenani ñakʉ ikaasomʉ.
\p —‍Chʉovana painaame mʉsanʉkona. Jãatani mʉsanʉkonani
Diopi paakʉna pojojʉ paijʉ̃ʉ.
\p
\v 21 ’Ũcuachia chura ãucuhavana paime mʉsanʉkona. Jãatani
pojojʉ paijʉ̃ʉ. Naa paisirʉmʉ ãu karamañe paajanaame
mʉsanʉkona.
\p ’Ũcuachia chura oijʉ sʉmavana paime mʉsanʉkona.
Jãatani pojojʉ paijʉ̃ʉ. Naa paisirʉmʉ pojojʉ sojʉ
paijanaame mʉsanʉkona.
\p
\v 22 ’Chura pãi mʉsanʉkonare cuheme, chʉʉni Dios Raosikʉni
cuasajʉna. Cuhejʉ kueñe paimame. Ũcuachia mʉsanʉkonare
cuache ikame repana. Ũcuachia mʉsanʉkona paichete chekʉnani
kʉani joreme repana, “Cuache painaame jãana”, chiijʉ.
Jãatani pojojʉ paijʉ̃ʉ mʉsanʉkona.
\v 23 Pãi cuache choojanaame mʉsanʉkonare. Jãatani chaijʉ
pojojʉ̃ʉ. Naa paisirʉmʉ Dios paichejare sani paijʉna rʉa
reojachere ĩsijamʉ Dios mʉsanʉkonare. Aperʉmʉ ũcuajache
mʉsanʉkonare cuhena aipãipi cuache chooasome Dios chʉo
kʉakaisinare —‍chiniasomʉ Jesús repaʉ neenare.
\p
\v 24 Chini pãi ũcuanʉkore joe ikaasomʉ repaʉ.
\p —‍Chura mʉsanʉkona kurire rʉa paajʉ, “Diore chiimame
chʉkʉna”, chini cuasajʉ pojojʉ paime. Icheja cheja
pairʉmʉchia pojojʉ paime mʉsanʉkona. Jãatani mʉsanʉkona
jũnisõsirʉmʉ cuache cuasasie roi cuache tijñeʉna oijʉ
pojomanejanaame.
\p
\v 25 ’Mʉsanʉkona teena ãu karamañe siarʉmʉ chajiche ãijʉ
pojojʉ paime. Jãatani naa paisirʉmʉ ãucuhavana
paijanaame mʉsanʉkona, Diore cuasamanesie roi.
\p ’Ũcuachia mʉsanʉkona teena siarʉmʉ sojʉ paime.
Jãatani naa paisirʉmʉ sʉmaʉna oijʉ paijanaame
mʉsanʉkona, Diore cuasamanesie roi.
\p
\v 26 ’Mʉsanʉkonapi chʉʉ chʉore rũhiñe kʉato reojachere
ʉ̃sejʉ cuache ikajanaame pãi mʉsanʉkonare. Rũhiñe
kʉamatotani reojache ikajanaame. Jãajekʉna pãipi
mʉsanʉkonani siareparʉmʉ reojache cututo Dios chʉo rũhiñe
kʉamanajejʉna cuache tijñejamʉ mʉsanʉkonare. Mʉsanʉkonare
reojache cutuna aipãipi aperʉmʉ jorejʉ, “Dios chʉo
kʉakainaame chʉkʉna”, chiisinare reojache cutujʉ paniasome
—‍chiniasomʉ Jesús repanare.
\s “Mʉsanʉkonare cuhenare pãi oijʉ paijʉ̃ʉ”, chiimʉ
Jesús
\r (Mt 5.38-48; 7.12)
\p
\v 27 Chini Jesús joe ikaasomʉ repanare.
\p —‍Mʉsanʉkonare chʉʉ ikache asa jachamanare ijache chʉvamʉ
chʉʉ: Mʉsanʉkonare cuhenare oijʉ paijʉ̃ʉ. Reojache
chookaijʉ paijʉ̃ʉ repanare.
\p
\v 28 ’Ũcuachia, “Mʉsanʉkonare cuache tijñeakʉ”, chiinare
sãiñe cuache ikamañe, “Reojache tijñeakʉ
mʉsanʉkonare”, chiijʉ̃ʉ repanare. Ũcuachia, mʉsanʉkonare
cuache choonare Dioni reojachere sẽekaijʉ paijʉ̃ʉ.
\v 29 Chekʉpi perukʉ mʉʉ vachoturupʉna asi charato joe
chekʉkãko ʉ̃semanejʉ̃ʉ joe charaakʉ. Ũcuachia chekʉpi mʉʉ
sẽsevʉ juikãare tʉasõru chekʉkãare rupʉ ĩsijʉ̃ʉ
repaʉte.
\v 30 Ũcuachia mʉʉ paamajñarʉãre ũcuaʉakʉji sẽeto rupʉ
ĩsijʉ̃ʉ repaʉte. Ũcuachia chekʉpi mʉʉ paamajñarʉãre
tʉasõru, “Cochojʉ̃ʉ chʉʉre”, chiimanejʉ̃ʉ repaʉte.
\v 31 Mʉsanʉkona chiiche chekʉnapi chookaiche rʉa chiime
mʉsanʉkona. Jãajekʉna chekʉnare ũcuajache mʉsanʉkona
chiichete reojachere chookaijʉ paijʉ̃ʉ. Mʉsanʉkonare
reojache choomatojẽe ũcua reojache chookaijʉ paijʉ̃ʉ
repanare.
\p
\v 32 ’Pãi cuana repanare oinarechia oijʉ painaame.
Jãajekʉna mʉsanʉkonapi mʉsanʉkonare oinarechia sãiñe oito
pojomanejamʉ Dios.
\v 33 Pãi cuana repanare reojache chookainarechia sãiñe
reojache chookaijʉ paime. Jãajekʉna mʉsanʉkonapi
mʉsanʉkonare reojache chookainarechia sãiñe reojache
chookaito pojomanejamʉ Dios.
\v 34 Pãi cuana ũcuajanare kuri prestani, “Cochojanaame ina”,
chini prestame kuri. Jãajekʉna mʉsanʉkonapi cochoche
cuasonarechia kurire prestato pojomanejamʉ Dios.
\v 35 Jãajekʉna mʉsanʉkonare cuhenare oijʉ paijʉ̃ʉ.
Ũcuajache reojache chookaijʉ paijʉ̃ʉ repanare.
Mʉsanʉkonani ũcuaʉachete prestañu chiito cochochejẽe
cuasamañe prestajʉ̃ʉ repanare. Jãajañe choojʉ paito Dios
reojachere ĩsijamʉ mʉsanʉkonare reojache choosie roi.
Mʉsanʉkonare cuhenani reojache choojʉ pani Dios Cʉnaʉmʉ
Paikʉ choochejache reojache choojanaame mʉsanʉkona. Dios
Repaʉ chookaiche, “Reorepamʉ”, chiimanarejẽe reojache
chookaiʉ paikʉmʉ. Cuache choonare ũcuachia reojache
chookaikʉmʉ Repaʉ.
\v 36 Mai Jakʉ Dios pãi ũcuanʉkore oichejache chekʉnare pãi
oijʉ paijʉ̃ʉ mʉsanʉkona —‍chiniasomʉ Jesús repanare.
\s Chekʉna cuache chooche ñani, “Cuache painaame
mʉsanʉkona”, chiijʉ keremanejʉ̃ʉ
\r (Mt 7.1-5)
\p
\v 37 Ũcuarʉmʉ Jesús joe ijache ikaasomʉ repanare:
\p —‍Chekʉna cuache chooche ñani, “Cuache painaame
mʉsanʉkona”, chiijʉ keremanejʉ̃ʉ. Jãajañe keremato
Dios ũcuajache mʉsanʉkona cuache chooche ñakʉtani
ikamanejamʉ. Ũcuachia mʉsanʉkonapi chekʉna cuache
choochete ñani, “Cuache choosie roi, roiche paimʉ
mʉsanʉkonare”, chiijʉ keremanejʉ̃ʉ repanare. Jãajañe
ikamato Dios ũcuajache mʉsanʉkona cuache chooche
ñakʉtani, “Cuache choosie roi, roiche paimʉ
mʉsanʉkonare”, chiimanejamʉ. Ũcuachia chekʉna cuache
chooche ñani joe cuasamanejʉ̃ʉ repana choosie. Joe
cuasamato Dios ũcuajache mʉsanʉkona cuache chooche
ñakʉtani joe cuasamanejamʉ mʉsanʉkona choosie.
\v 38 Mʉsanʉkonapi ũcuaʉamajñarʉã paani, chekʉnare rupʉ
ĩsijʉ paijʉ̃ʉ. Jãajañe chooto Dios ũcuajache
mʉsanʉkonare reojachere ĩsijamʉ. Mʉsanʉkona chekʉnare
cuamajñarʉã turu ʉjaturuna timuñe maña ĩsisiejache
ĩsijamʉ Dios mʉsanʉkonare. Mʉsanʉkona, chekʉnani põsere
ĩsiñu chini kuẽkue ĩsisiejache kuẽkue ĩsijamʉ Dios
mʉsanʉkonare. Mʉsanʉkonapi chekʉnani jmamajñarʉã kuẽkue
ĩsito Dios ũcuajache jmamajñarʉã ĩsijamʉ mʉsanʉkonare.
Jãatani mʉsanʉkonapi chekʉnani cajejaiche ĩsito Dios
ũcuajache cajejaiche ĩsijamʉ mʉsanʉkonare —‍chiniasomʉ
Jesús repanare.
\p
\v 39 Ika pini repanani chʉvakʉ ijachere cuasakʉ kʉaasomʉ
repaʉ:
\p —‍Naavaʉ chekʉre ũcuajache naavaʉni juha sacuamʉ. Sani
ñamavanajejʉ ũcuatʉrʉpʉ cojena tuãijanaame repana.
\v 40 Utijao chechena repanare chechonare naa rʉa masimame.
Jãatani utijao peore cheche pinini repanare chechona
masichejache masijanaame repana.
\p
\v 41 ’Pãiʉ repaʉ ñakovate chĩcamaka ʉjamaka paakʉtetani
cuasomaneasomʉ. Cuasamakʉtani jame paikʉ ñakova paimakarʉ
jmamakarʉtani ñaasomʉ repaʉ. Rʉa tĩiñeame jãa.
Mʉsanʉkona ũcuajache tĩiñe choome. Rʉa cuache choonatani
mʉsanʉkona cuache chooche cuasamame. Jãatani chekʉnapi
jmamakarʉ cuache chooche ñani rʉa cuasanaame mʉsanʉkona.
\v 42 Ũcuajache pãiʉ repaʉ ñakovate chĩcamaka ʉjamaka
paakʉtani tʉnomañe paamʉ. Jãatani chekʉpi ñakovate
chĩcamakarʉ jmamakarʉ paache ñanitani, “Raijʉ̃ʉ. Mʉʉ
ñakova paimakarʉ chĩcamakarʉte tʉnokasa”, chiimʉ. Rʉa
tĩiñeame jãa. Mʉsanʉkona ũcuajache rʉa tĩiñe choome.
Rʉa cuache choonatani mʉsanʉkona cuache chooche
ũhasõmañe painatani, chekʉna jmamakarʉ cuache chooche
ñani, “Mʉsanʉkona cuache chooche ũhasõjʉ̃ʉ”, chiinaame.
Jãajañe chooto cuamʉ. Sẽsevʉchia reojachejache ñoñe
painaame. Pãiʉ ñakova chĩcamaka ʉjamaka paakʉ repamaka
tʉnosirʉmʉ naa masi ñokʉna chekʉ chĩcamakarʉ
tʉnokaireomʉ. Ũcuajache charo mʉsanʉkonapi cuache
choochete ũhasõ reojache paijʉ chekʉnare mʉsanʉkona
ikachete ũcuarepa choojʉ chekʉnani jãajañe chʉvato
reomʉ. Jãatani ũcuarepa choomanapi chekʉnani chʉvato cuamʉ
—‍chiniasomʉ Jesús repanare.
\s Sũki ãu ãireoche kʉ̃iñʉãname ãicuache kʉ̃iñʉã
paichete kʉamʉ
\r (Mt 7.16-20; 12.33-35)
\p
\v 43 Ũcuarʉmʉ Jesús pãire joe chʉvaasomʉ.
\p —‍Sũkiñʉã ãiñe kʉ̃iñʉã koka paiñʉã sãijaimapʉã
kʉ̃imamʉ. Ũcuachia koka peorañʉrʉã sãijapʉã
kʉ̃imamʉ.
\v 44 Sũkiñʉã repañʉã kʉ̃isiere ãni ña masime pãi repañʉ
paiche. Miusava higopʉã kʉ̃imamʉ. Ũcuachia miusava ʉche
kʉ̃imamʉ. Ʉcheñʉãpi ʉche kʉ̃imʉ.
\v 45 Pãi ũcuajache reojache cuasana reojachere cutume.
Ũcuajache pãi cuache cuasana cuachete cutume. Pãi ũcuanʉko
repana rekoñoã cuasache cutunaame —‍chiiʉ chʉvaasomʉ Jesús
repanare.
\s Vʉña kachavʉña choosiere kʉamʉ
\r (Mt 7.24-27)
\p
\v 46 Ũcuarʉmʉ Jesús joe ijache chʉvaasomʉ repanare pãi:
\p —‍“Chʉkʉnate Paakʉmʉ mʉʉ”, chiime mʉsanʉkona
chʉʉre. Jãajañe ikanatani, ¿jese paiʉna chʉʉ
chʉ̃ʉñe choomañe mʉsanʉkona?
\v 47 Pãiʉ chʉʉni rani chʉʉ chʉ̃ʉñe asa chẽa chookʉ
paiche ijachejacheame:
\v 48 Pãiʉ vʉere choora chini cojña cata paichetʉka repa
sanavʉã ũni nʉkeasomʉ vʉña tuu. Repavʉe choo
pinisirʉmʉ oko rʉa ra, vʉejatʉka chiacha kosa tĩaasomʉ.
Kosa tĩasietani rʉa masi choosivʉejekʉ tãimaneasomʉ
repavʉe.
\v 49 Ũcuachia pãiʉ chʉʉ chʉ̃ʉñe jachakʉ choomakʉ
paiche ijachejacheame: Chekʉ pãiʉ vʉere choora chini
cojña rʉa sẽserʉã ũni vʉña tuu nʉkeasomʉ. Vʉe choo
pinisirʉmʉna oko rʉa ra, vʉejatʉka chiacha kosa
tĩaasomʉ. Kosa tĩaʉna masi choomanesivʉejekʉ tãnisõasomʉ
repavʉe —‍chiniasomʉ Jesús repanare pãi.
\c 7
\s Romapãiʉ sõtao chʉ̃ʉkʉte chooche chookaikʉte Jesús
vasosiere kʉamʉ
\r (Mt 8.5-13)
\p
\v 1 Ũcuarʉmʉ Jesús repanare pãi chʉva pini Capernaum
vʉejoopona saniasomʉ.
\v 2 Repajoopo sani tĩato Romapãiʉ sõtao cienrepanare chʉ̃ʉkʉ
paniasomʉ. Repaʉte chooche chookaikʉ repaʉ rʉa
chiicojñokʉji jũnisopiraasomʉ.
\p
\v 3 Repaʉ sõtao chʉ̃ʉkʉ jũivanare Jesús vasoche
asasikʉjekʉ judíopãi ainare Jesús paichejana saoasomʉ,
Jesuni kʉa raorena repaʉte chooche chookaikʉni rani vasoakʉ
chini.
\v 4-5 Jãajañe ika saoʉna Jesús paichejana sani tĩa
repaʉte rʉa ikaasome repana.
\p —‍Sõtao chʉ̃ʉkʉ mʉʉre soimʉ, sani repaʉte chooche
chookaikʉni vasokaaʉ chini. Mai judíopãi chiivʉere
chʉkʉnapi chooajʉ chini kookaisikʉamʉ repaʉ. Rʉa
reopãiʉmʉ repaʉ sõtao chʉ̃ʉkʉ. Maire judíopãi oikʉmʉ
repaʉ. Jãajekʉna repaʉ sẽeñe chookaijʉ̃ʉ —‍chiniasome
repana.
\p
\v 6 Chitena Jesús ũcuananame saniasomʉ. Saijʉ repaʉ vʉe
kueñe tĩajʉna repaʉ sõtao chʉ̃ʉkʉ joe chekʉnani saoasomʉ
repaʉte chiinare,
\p —‍Jesure tijña ijache ikakaijʉ̃ʉ
chʉʉre —‍chiiʉ.—‍ “Chʉʉ mʉʉre Pãi Ũcuanʉkore
Paakʉte soimʉ. Jãatani raiʉamato raimanejʉ̃ʉ. Chʉʉ
rʉa vesʉʉ vʉena mʉʉpi rʉa masiʉji kakache vajʉchʉamʉ
chʉʉre.
\v 7-8 Chʉʉ rʉa vesʉkʉjekʉ saivajʉchʉsikʉamʉ mʉʉ
paicheja. Ijache paikʉmʉ chʉʉ: Chekʉnapi sõtao ainapi
chʉ̃ʉnaame chʉʉre. Chʉʉ ũcuajache chekʉnare sõtao
chʉ̃ʉkʉmʉ. Chʉʉpi sõtaoni teeʉte, ‘Saijʉ̃ʉ’, chiito
saimʉ repaʉ. Ũcuajache chekʉre, ‘Raijʉ̃ʉ’, chiito raimʉ
repaʉ. Ũcuachia chʉʉre chooche chookaikʉni ũcuaʉachete
chʉʉpi chʉ̃ʉto chookaimʉ repaʉ. Jãajamakarʉchia
chʉ̃ʉmasikʉmʉ chʉʉ. Mʉʉtani peore chʉ̃ʉmasikʉmʉ.
Jãajekʉna mʉʉpi chʉʉ vʉe saimañe, ũcua ichejapi
chʉʉre chooche chookaikʉni, ‘Vajʉjʉ̃ʉ’, chiito vajʉjamʉ”,
chiijʉ̃ʉ repaʉte —‍chini saoasomʉ repaʉ repanare. Chini
saoʉna sani Jesure jãajañe kʉaasome repana.
\p
\v 9 Jãajañe kʉajʉna asa jñano, Jesús repaʉte tuhasinani
pãire chʉri ña ijache ikaasomʉ:
\p —‍Israelpãi chʉʉre jainʉko cuasanaretani teeʉterejẽe
ikʉ chʉʉre masi cuasachejache cuasanare chutaa tijñamakʉamʉ
chʉʉ. Ũcuarepaame jãa —‍chiniasomʉ Jesús repanare.
\p
\v 10 Ikaʉna asa sõtao chʉ̃ʉkʉ saosina repaʉ vʉena
coiasome. Coi tĩa ñato repaʉte chooche chookaikʉ jũivaʉ
vajʉsosikʉ paniasomʉ.
\s Vajeo mamakʉte jũnisosikʉre Jesús vasosiere kʉamʉ
\p
\v 11 Jãa choo pinisirʉmʉna Jesupi Naín vʉejoopona saiʉna
repaʉ neenaname pãi jainʉko jame saniasome.
\v 12 Saijʉ repajoopo kueñe tĩato pãiʉte jũisivaʉni
tãñu chini saasome pãi. Vajeo mamakʉ ũcuateeʉ paisivaʉ
paniasomʉ repaʉ. Jũisivaʉ pʉkakoname repajoopo cana rʉa
jainʉko saniasome.
\v 13 Saijʉna jũisivaʉ pʉkakoni ña oiʉ ijache ikaasomʉ
Jesús:
\p —‍Oimanejʉ̃ʉ mʉʉ —‍chiniasomʉ repaʉ.
\p
\v 14 Chini jũisivaʉ ũhikãa kueñe tĩa ũcuakãana chẽaʉna
repavaʉre sana canʉkaasome. Canʉkarena Jesús jũisivaʉre
ijache ikaasomʉ:
\p —‍Põsʉʉ, vajʉraijʉ̃ʉ chiimʉ chʉʉ mʉʉre
—‍chiniasomʉ.
\p
\v 15 Jesupi jãajañe ikaʉna põsʉʉ jũnisosivaʉ paisikʉ
vajʉrani vʉni ñuiʉ chʉore cutuasomʉ. Repavaʉre vaso
pʉkakoni ĩsiasomʉ Jesús.
\v 16 Jãajañe chooʉna ña pãi ũcuanʉko kʉkʉsoasome.
“Dios rʉa reokʉmʉ”, chini cuasajʉ ijache ikaasome repana:
\p —‍Ikʉ Dios chʉo kʉakʉ, rʉa masiʉji rani maire jame
paimʉ. Maini Israelpãire, Dios neenani reojache chookasa chini
raisikʉamʉ ikʉ —‍chiniasome repana pãi.
\p
\v 17 Ũcuarʉmʉ pãipi Jesús choosiere asa chekʉnani kʉarena
Judea cheja paina peore repaʉ choosie asaasome. Judea cheja
kueñe paina ũcuajache pãipi kʉajʉna repaʉ choosie
asaasome.
\s Juan Pãi Okorovekʉ saosina sẽniasajaisiere kʉamʉ
\r (Mt 11.2-19)
\p
\v 18 Ũcuarʉmʉ Juan repaʉ neenapi Jesús choosiere repaʉni
peore kʉarena teekachapanare soniasomʉ.
\v 19 Soni rao, “Jesús paichejana sani ijache sẽniasajʉ̃ʉ
repaʉte: ‘¿Dios Raosikʉaʉ mʉʉ? Mʉʉpi Dios Raomanesikʉ
paito, ¿Dios Raojaʉni ũcua chaajanaañe chʉkʉna?’, chiijʉ̃ʉ
repaʉte Jesure”, chini saoasomʉ Juan repaʉ neenare.
\v 20 Saoʉna sani Jesure ikaasome repana.
\p —‍Juan Pãi Okorovekʉji raosikʉamʉ chʉkʉnate, mʉʉni
chʉore sẽniasaajʉ chini. ¿Dios Raosikʉaʉ mʉʉ? Dios
Raomanesikʉ paito, ¿Dios Raojaʉni ũcua chaajanaañe
chʉkʉna? —‍chiniasome repana repaʉte.
\p
\v 21 Ũcuarʉmʉna Jesús pãi ravʉ jũivananame naavanare
jainʉkore vasoasomʉ. Ũcuajache vati pãi sanavʉ paisinare eto
saosokaniasomʉ repaʉ.
\v 22 Jãajañe choocuha Jesús Juan raosina sẽesie chʉo
ikaasomʉ.
\p —‍Chura mʉsanʉkona Juan paichejana coi mʉsanʉkona
ñasiename asasiere ijache kʉajʉ̃ʉ repaʉte Juanre: “Pãi
naana paisina ñame chura. Cuacũa paasina reojache nʉka
kuime chura. Asi ravʉ paasina ũcuajache vajʉme. Cãjo
asamanesina ũcuajache asame chura. Jũnisõsina ũcuajache
vajʉrani joe paime. Chʉovana paivana chʉʉ chʉvachete
Dios Repaʉte cuasanare chẽa paakʉ vati toa uuche ʉ̃sechete
asajʉ paime.
\v 23 Pãi chʉʉre cuasache jokasõmañe cuasajʉ paina pojojʉ
paijanaame”, chiijʉ sa kʉajʉ̃ʉ repaʉte Juanre —‍chiniasomʉ
Jesús repanare.
\p
\v 24 Juan raosina coisosirʉmʉ Jesús Juan paichete ikakʉ
ijache ikaasomʉ chekʉnare pãi:
\p —‍¿Jese paikʉni ñañu chini pãi peocheja sate mʉsanʉkona?
¿Chʉchʉsava tutakʉna ñʉkuechejache repaʉ rekocho nami
sañekʉ cuasakʉni ñañu chini sate mʉsanʉkona? Jãajañe
cuasamakʉamʉ Juan.
\v 25 Jãajañe paikʉte ñañu chini saimaneni, ¿ʉ̃quere
ñañu chini sate? ¿Paipãi juikãña juikʉni ñañu chini sate
mʉsanʉkona? Pãi, kãña rʉa roikãña juina paipãi
vʉñachia paime.
\v 26 Jãajañe paikʉni ñañu chini saimaneni, ¿ʉ̃quere
ñañu chini sate mʉsanʉkona? ¿Dios chʉo kʉakʉni ñañu chini
sate? Jãajañe paikʉte ñañu chini saisinajejʉ teerũhiñe
cuasame mʉsanʉkona. Repaʉ Juan chekʉnare Dios chʉo kʉanare
naa rʉa masi kʉakʉmʉ.
\v 27 Repaʉ Juan paijachere kʉajʉna aperʉmʉ tocha jokasie
Dios chʉo ijache chiimʉ:
\q Mʉʉ cheja cajejache kʉajaʉni charo saojamʉ chʉʉ,
\q pãipi
mʉʉ cajejachere asa repana rekoñoãre careva paapʉ chini,
\m chiimʉ.
\v 28 Asarepajʉ̃ʉ. Mʉsanʉkonani chʉore joe kʉara. Icheja
cheja Dios chʉo kʉana rʉa masina paime. Jãatani Juan
ũcuanʉkore naa rʉa masiʉmʉ. Naa paisirʉmʉ paijana
ũcuachia, rʉa vesʉsinatani Dios chʉore asa chẽa cuasajʉ
Juanre naa rʉa masijanaame, chʉʉ paiche peore asasinajejʉ
—‍chiniasomʉ Jesús repanare.
\p
\v 29 Jãajañe ikakʉna kuri kookainaname chekʉna pãi
ũcuanʉko asaasome. Aperʉmʉ repana, “Dios chʉ̃ʉsie
reojacheame”, chini cuasajʉ Juanre okorovecojñoasome.
\v 30 Jãatani fariseopãiname judíopãi chechona, Dios,
“Mʉsanʉkona cuache chooche ũhasõjʉ̃ʉ”, chiisie
jachaasome. Dios chʉ̃ʉñete jachajʉ Juanre
okorovecojñocuheasome repana.
\p
\v 31 Ũcuarʉmʉ Jesús joe ikaasomʉ.
\p —‍Pãi irʉmʉ cana, ¿keejachejacheache? ¿Repana paichete
kʉara chini jese kʉajache chʉʉ?
\v 32 Chʉʉpi ñato mʉsanʉkona irʉmʉ cana ijache paime:
Jeerʉmʉ chĩi ãu ĩsichejare ñuijʉ ũcuajanani, “Apeñu”,
chini soniasome. Chekʉnapi apecuhejʉna ijache ikaasome repana:
“Chʉkʉna juhivʉã juhito ujachaicuheme mʉsanʉkona. Ũcuachia
chʉkʉna apejʉ jũisinare tãrʉmʉ ujachejache sʉmañe ujato
jame ujacuheme mʉsanʉkona. Chʉkʉnani cuhejʉ pojomame
mʉsanʉkona”, chiniasome repana chĩi.
\v 33 Repana chĩi ũcuajanare cuhechejache cuheme mʉsanʉkona
chʉkʉnate, Juanname chʉʉre. Repaʉ Juan Pãi Okorovekʉ rani
paiʉ Dioni sẽekʉ teeñoã ãu ãimañe paiʉ, conojẽe
ũkumañe paiʉna ña, “Vatini paakʉ vẽveʉmʉ Juan”, chiijʉ
cuhenaame mʉsanʉkona repaʉte.
\v 34 Chura chʉʉpi Dios Raocojñosikʉpi rani paiʉ
siaumucujña ãu ãiʉ ũkukʉna ña, “Ãi aiamʉ mʉʉ. Cono
ũku aiamʉ mʉʉ. Ũcuachia pãi cuache painaname pãi
chʉ̃ʉnare kuri kookainare oiʉ paikʉmʉ mʉʉ”, chiijʉ
cuheme mʉsanʉkona chʉʉre.
\v 35 Pãi rũhiñe cuasana, “Dios chʉ̃ʉñe reojacheame.
Peore masikʉmʉ Repaʉ”, chiijʉ cuasame —‍chiniasomʉ Jesús
repanare pãi.
\s Simón fariseopãiʉ vʉe Jesús paisiere kʉamʉ
\p
\v 36 Ũcuarʉmʉ fariseopãiʉ Simón Jesuni ãure ãura chini
soniasomʉ. Sokʉna repaʉ vʉena mʉa kaka ãure ãsa chini pʉʉ
ñuniasomʉ repaʉ.
\v 37 Reparʉmʉ romio, cuache paiko ũcuajoopote paniasomo.
Jesús fariseopãiʉ vʉena ãu ãsa chini mʉasiere asa,
okomañatʉopʉ alabastroji choositʉopʉ mini ũcuavʉena
mʉaasomo repao.
\v 38 Mʉa kaka Jesure kueñe nʉkako oiona Jesús cũana meniasomʉ
repao oni meoñe. Mekʉna repao rañapaji repao oni meosie tʉneso
chũsu pojo, okomañapi roveasomo repao repacũa.
\v 39 Jãajañe chookona ña fariseopãiʉ Jesure soisikʉ
ijache cuasaasomʉ: “Ikʉ Jesús, Dios chʉo kʉakaikʉ pani
repaʉte chẽako paiche masiraamʉ, ‘Cuache paikomo jão’,
chini. Masini cuheraamʉ repao chooche”, chiiʉ cuasaasomʉ
repaʉ.
\v 40 Jãajañe cuasakʉna Jesús ikaasomʉ repaʉte.
\p —‍Simón, chʉo ikara chiimʉ chʉʉ mʉʉre —‍chiniasomʉ.
\p Chikʉna,
\p —‍Jaʉ, ikajʉ̃ʉ. Asara, Masiʉ —‍chiniasomʉ Simón
repaʉte.
\p
\v 41 Chikʉna Jesús ijache ikaasomʉ:
\p —‍Pãi teekachapana ũcuateeʉte põseroi paaasome. Teeʉ
quinientos denario kuri põseroi paaasomʉ. Chekʉ cincuenta
denario põseroi paaasomʉ.
\v 42 Põseroi paavanatani kurire peojʉ roimaneasome repavana.
Roimanaretani repanare kuri prestasikʉ, “Põseroi peome
mʉsanʉkona chʉʉre”, chiniasomʉ repanare. Repaʉ jãajañe
ikasirʉmʉ, mʉʉ cuasato, ¿kaʉpi repanare kuri prestasikʉre
naa rʉa chiikʉ? —‍chiniasomʉ Jesús repaʉte.
\p
\v 43 Chikʉna ikaasomʉ repaʉ.
\p —‍Naa rʉa põseroi paasikʉpi naa rʉa chiicosomʉ repaʉte
—‍chiniasomʉ repaʉ.
\p Chikʉna,
\p —‍Ũcuarepaame jãa. Rũhiñe ikamʉ mʉʉ —‍chiniasomʉ
Jesús repaʉte Simonre.
\p
\v 44 Chini repaʉ cũa choasikoni romioni chʉri ñakʉ Simonre
joe ijache ikaasomʉ repaʉ:
\p —‍¿Iko chʉʉre reojache chookaisie ñamaneʉ mʉʉ? Mʉʉ
vʉe mʉta kakasikʉretani chʉʉ cũa choajache oko
ĩsimanesikʉamʉ mʉʉ. Ikotani repao oni meoñeji chʉʉ
cũa choa pini repao rañapaji tʉnesõkaisikoamo chʉʉre.
\v 45 Ũcuachia mʉʉ chʉʉre chũsu pojomanesikʉamʉ.
Ikotani chʉʉ cũare chutaa cuhamañe chũsuko paimo.
\v 46 Ũcuachia chʉʉ sĩjopʉ uchapeeraka rokaimanesikʉamʉ
mʉʉ. Ikotani chʉʉ cũana okomaña rokaisikoamo.
\v 47 Ikore rʉa cuache choosikoretani repao cuache choosie
tʉnosõmʉ chʉʉ. Tʉnosõsie joe cuasamanejamʉ chʉʉ.
Chʉʉpi jãajañe chookaiʉna chʉʉre rʉa cuasamo iko.
Jãatani chekʉna pãi, repana cuache choosie jmamajñarʉãre
chʉʉpi tʉnosõkatu jmamakarʉ cuasame chʉʉre —‍chiniasomʉ
Jesús repaʉte.
\p
\v 48 Chini repaote ikaasomʉ.
\p —‍Mʉʉ cuache choosie tʉnosõmʉ chʉʉ. Tʉnosõsie joe
cuasamanejamʉ chʉʉ —‍chiniasomʉ Jesús repaote.
\p
\v 49 Jãajañe ikaʉna asa ãu ãi soicojñosina sãiñechia
ijache ikaasome:
\p —‍¿Keejaiʉʉ ikʉ? Rʉa siache choomʉ. Pãi cuache
choochejẽe tʉnesõkaimʉ —‍chiniasome repana.
\p
\v 50 Chitena repaote joe ikaasomʉ repaʉ.
\p —‍Chʉʉni cuasakona mʉʉ cuache chooche
tʉnosõkaisikʉjekʉ vati toa uuche ʉ̃sejamʉ chʉʉ mʉʉre.
Sani reojache paijʉ̃ʉ mʉʉ —‍chiniasomʉ Jesús repaote.
\c 8
\s Romivana Jesure chookaisieame
\p
\v 1 Jãa choo pinisirʉmʉ Jesús vʉñajoopoã siajoopoã kuiʉ Dios chʉo reojachere pãi cuache chooche ũhasinare Dios chẽa paachete chʉvakʉ paniasomʉ, repaʉ neena docerepananame kuiʉ.
\v 2 Romivana ũcuachia jame kuniasome. Aperʉmʉ Jesús repanare romivanare siache jũinani vasoasomʉ. Chekʉnare vatire paajʉna eto saosokaniasomʉ repaʉ. Repana mamiame ie: María jame kuniasomo. María mami cheke Magdalenaamo, aperʉmʉ sieterepanare vati etocojñosiko.
\v 3 Cuza rʉ̃jo Juana ũcuajache jame kuniasomo. Repaʉ Cuza Herodete chooche chookainare chʉ̃ʉkʉ paniasomʉ. Susana ũcuajache jame kuniasomo. Chekʉna romi ũcuajache rʉa jainʉko jame kuniasome, Jesús chʉvachete asajʉ. Repaʉte Jesure repana paamajñarʉãpi kuirajʉ kuniasome repana romi, repaʉ neenare ũcuachia.
\s Trigo chuchusiere cuasakʉ kʉamʉ Jesús
\r (Mt 13.1-9; Mr 4.1-9)
\p
\v 4 Ũcuarʉmʉ Jesupi kuiʉ chʉvakʉna pãi jainʉko siachejña paijoopoã painapi ñañu chini eta chiiasome. Chiirena repanani chʉvakʉ ijachere cuasakʉ kʉaasomʉ Jesús:
\p
\v 5 —‍Pãiʉ trigote chuchura chini chiona saniasomʉ. Sani tĩa pachu kuiʉ chuchukʉna trigocaã teerakarʉã maana tuãtuaasomʉ. Maana tuãtuaʉna reparakarʉã pãipi chacaasome. Jãajekʉna pĩavanapi rani ãkuesõasome reparakarʉã.
\v 6 Chekʉrakarʉãtani cata paichejana tuãtua nami aineesietani okopi peokʉna phãpha jũnisõasomʉ.
\v 7 Chekʉrakarʉã miu paichejana tuãtua miuname aineeʉna miupi juje vẽasõasomʉ reparañʉrʉã.
\v 8 Chekʉrakarʉãtani reojache chao paichejña tuãtuasirakarʉãjekʉ reojache ainee jua ñaniasomʉ. Teerakarʉ aineesiñʉ teechachava cienreparakarʉã paichacha jua ñaniasomʉ —‍chiniasomʉ Jesús.
\p Chini ʉjachʉopi joe ikaasomʉ repaʉ.
\p —‍Chʉʉ chʉvache asa chẽaʉana ũcuanʉko asa chẽajʉ̃ʉ —‍chiniasomʉ Jesús repanare.
\s Repaʉ cuasakʉ kʉasiere teerũhiñe kʉamʉ Jesús
\r (Mt 13.10-17; Mr 4.10-12)
\p
\v 9 Jãajañe cuasakʉ kʉa piniʉna asa,
\p —‍¿Ʉ̃quere chʉvakʉ jãajañe cuasakʉ kʉakʉ mʉʉ? —‍chiniasome repaʉ neena.
\v 10 Chitena repanare ijache ikaasomʉ repaʉ:
\p —‍Mʉsanʉkonare chʉʉ neenajejʉna Diopi ʉ̃semaʉna Repaʉchia masiche teerũhiñe kʉamʉ chʉʉ, masi asaajʉ chini. Jãatani chekʉnare chʉʉre cuasacuhenare Diopi ʉ̃sekʉna Repaʉchia masiche cuasakʉ kʉamʉ chʉʉ, masi asamaneajʉ chini.
\q Ñanatani ñamanesina paichejache paijanaame repana.
\q Ũcuajache asanatani asavesʉjanaame repana
\m —‍chiniasomʉ Jesús repanare.
\s Trigo chuchusiere repaʉ cuasakʉ kʉasiere teerũhiñe kʉamʉ Jesús
\r (Mt 13.18-23; Mr 4.13-20)
\p
\v 11 Ũcuarʉmʉ Jesús joe ikaasomʉ repanare.
\p —‍Chʉʉ cuasakʉ kʉasie joe ũcuare teerũhiñe kʉajamʉ chʉʉ mʉsanʉkonare. Ijacheame jãa: Trigo chuchuna chio siacachio kuijʉ chuchume. Dios chʉo chʉvana ũcuajache chejña siachejña kuijʉ Dios chʉo pãi ũcuanʉkore chʉvame. Trigo chuchuchejacheame Dios chʉo chʉvache.
\v 12 Trigorakarʉã teerakarʉã maana tuãni chejapi rʉarepa jʉjakʉna kakamamʉ. Trigocaã chuchusicaã chejapi rʉarepa jʉjakʉna kakamañejañe pãi teenare repana rekoñoã Dios chʉo kakamamʉ. Jachame repana. Asanaretani vati aipi ʉ̃semʉ repanare, Dioni cuasamaneajʉ chini. Ũcuajache, “Repaʉte cuasanapi jũnisõru vati toa uuche ʉ̃sejamʉ Dios repanare”, chini cuasakʉ ʉ̃semʉ repaʉ vati ai.
\v 13 Ũcuachia cata paichejña tuãisicaã nami aineesietani chita saimaʉ nami jũnisõmʉ. Pãi ũcuachia teena Dios chʉo asa teana pojojʉ cuasame. Teana cuasanaretani vati aipi cuache chʉ̃ʉkʉna Dios chʉo repana cuasache jokasõme.
\v 14 Ũcuachia miu paichejña tuãtuasirakarʉã miuname aineemʉ. Jãajekʉna miu sũkipi juje vẽasõmʉ reparañʉrʉã. Pãi ũcuajache teena Dios chʉo asa chẽa Repaʉ chʉ̃ʉñe choonatani nami ũhasõme. Repana choochename kuriname põse rʉarepa cuasajʉ Dios chʉo repana asa chẽasie ũhasõme.
\v 15 Ũcuachia cheja reojachejñana tuãtuasicaã reojache ainee reojache kʉ̃imʉ. Pãi ũcuajache teena Dios chʉo asa chẽa repana rekoñoã reojache cuasajʉ Dios chʉ̃ʉ jokasie choojʉ paime. Repana asa chẽasie ũhasõmapʉ siarʉmʉ naa rʉa reojache paime repana —‍chiniasomʉ Jesús repanare.
\s Pãiʉ ʉotʉopʉ chʉ̃o tʉochete kʉamʉ
\r (Mr 4.21-25)
\p
\v 16 Jãajañe ika pini Jesús joe ikaasomʉ repanare.
\p —‍Pãiʉ ʉotʉopʉ chʉ̃o nʉkoni totoroji jaomamʉ. Ũcuajache kãikoa vʉevʉna nʉkomamʉ. Jãatani, “Pãipi ivʉena kakani chijaiʉna ñamanejanaame”, chini cuasa, ʉotʉopʉ chʉ̃o, ʉmʉna tʉomʉ repaʉ, reojache miañe ñoakʉ chini.
\v 17 Pãi ropee cuache choome. Jãatani repana chooche peore ñasikʉjekʉ pãi ũcuanʉko asajʉte kʉajamʉ Dios. Chave choosie peore masicojñojamʉ.
\v 18 Jãajekʉna Dios chʉo asajʉ paijʉ̃ʉ mʉsanʉkona. Pãi, Dios chʉo asa jachamana siarʉmʉ naa rʉa reojache paijanaame. Chookaijamʉ Dios repanare, Repaʉ chʉore naa rʉa masiajʉ chini. Jãatani chekʉna chʉʉ chʉvache asanatani masi cuasamapʉ chʉʉpi chookʉna repana jmamakarʉ masichete cavesʉjanaame —‍chiniasomʉ Jesús repanare.
\s Jesús pʉkako repaʉ chojechĩiname repaʉni ñañu chini saisiere kʉamʉ
\r (Mt 12.46-50; Mr 3.31-35)
\p
\v 19 Ũcuarʉmʉ Jesús pʉkako, repaʉ chojechĩiname repaʉ paivʉena sani kakañu chiniasome. Kakañu chiisinaretani kakacuaasomʉ repanare, pãipi jairepanʉkojejʉna.
\v 20 Kakacuakʉna vesere paijʉna chekʉpi kʉaasomʉ Jesure.
\p —‍Mʉjako, mʉcheʉchĩiname mʉʉni ñañu chini vesere nʉkajʉ chaame —‍chiniasomʉ repaʉ.
\p
\v 21 Chikʉna Jesús ikaasomʉ.
\p —‍Dios chʉo asa chẽa jachamañe choona chʉʉ jakoromijanaame. Ũcuajache chʉʉ chojechĩijanaame repana —‍chiniasomʉ Jesús repaʉte.
\s Jesupi chʉ̃ʉʉna tutachename faache cuhasiere kʉamʉ
\r (Mt 8.23-27; Mr 4.35-41)
\p
\v 22 Naa paisirʉmʉna Jesús repaʉ neenaname choovʉ ʉjavʉna tuni,
\p —‍Ira chiara chekʉkãkona jẽñu mai —‍chiniasomʉ.
\p Chikʉna jẽaasome repana.
\v 23 Jẽajʉna Jesús kãnisoasomʉ. Repaʉ kãnisosirʉmʉna rʉarepa tutakʉ choovʉna faa jañʉkʉ okopi timusokʉna ruipiraasome repana. \fig storm on lake|CN01707B.TIF|span||D.C.Cook| |Lc 8.23\fig*
\v 24 Choovʉji runisocuhakʉna Jesuni vʉojʉ ikaasome repana.
\p —‍¡Masiʉ, Masiʉ, runisõcuhame mai! —‍chiniasome repana repaʉte.
\p Chitena vʉni,
\p —‍Tutachename faache cuhajʉ̃ʉ —‍chiniasomʉ repaʉ. Chikʉna tutachename faache teana ũcuaparʉva cuhaasomʉ. Joe reojaira cuhaasomʉ chiara.
\p
\v 25 Jãajañe choocuha Jesús repaʉ neenare ikaasomʉ.
\p —‍¿Jese paiʉna mʉsanʉkona chʉʉre masi cuasamañe? —‍chiniasomʉ repaʉ.
\p Chikʉna vajʉchʉjʉ rʉa cuasajʉ sãiñechia sẽniasaasome repana.
\p —‍¿Keejaiʉjekʉ ikʉ jãajañe chookʉ? Ikʉpi chʉ̃ʉʉna tutasie cuhasõmʉ, faasiejẽe ũcuajache —‍chiniasome repana Jesús neena.
\s Gadara cheja cavaʉre vati paavaʉre Jesús etokaisiere kʉamʉ
\r (Mt 8.28-34; Mr 5.1-20)
\p
\v 26 Ũcuarʉmʉ Gadara chejana Galilea cheja tijñeñe paichejana tĩaasome repana.
\v 27 Tĩa matena repacheja cajoopo cakʉ pãiʉ vatire paakʉji tijñaasomʉ Jesure. Rʉa jeerʉmʉ kãa peovaʉ paiʉ, vʉejẽe paimaʉ pãi tãchejñachia paiʉ paniasomʉ repavaʉ.
\v 28-29 Ũcuarʉmʉ Jesús repavaʉre painare vati, “Etajʉ̃ʉ”, chiniasomʉ. Chikʉna vati paavaʉ Jesure ña, cuikʉ repaʉte tijñeñe rore ñuiʉ ʉjachʉopi ijache ikaasomʉ:
\p —‍Jesús, Cʉnaʉmʉ Paikʉ Dios Mamakʉ, ¿ʉ̃que raikʉ mʉʉ? Asi choomanejʉ̃ʉ chʉʉre —‍chiniasomʉ repaʉ.
\p Aperʉmʉ repaʉni vatipi kaka chʉ̃ʉkʉna vẽve chookʉna pãi repaʉte chẽa repaʉ jʉ̃jñaname cũa cʉnameãpi vẽeasome. Vẽesietani rueni tʉteso, vatipi chʉ̃ʉkʉna pãi peochejñare sani paiʉ paniasomʉ repavaʉ.
\p
\v 30 Reparʉmʉ Jesús,
\p —‍¿Ʉ̃quemamiʉʉ mʉʉ? —‍chiniasomʉ vatire.
\p Jesupi mamire sẽeʉna,
\p —‍Chʉkʉna jainʉko painajejʉ, Vati Kuanupʉ veeme —‍chiniasomʉ vati. Aperʉmʉ vati jainʉko kakaasome repavaʉre.
\p
\v 31 Ũcuarʉmʉ vati ikaasome Jesure.
\p —‍Chʉkʉnate vati chẽacojñosina paicoje rʉicoje casomanejʉ̃ʉ —‍chiniasome repana.
\v 32 Ũcuacheja kueñere aikũti caripate jochasẽse kuanupʉ ãure mukajʉ ãijʉ paniasome.—‍ Jochasẽse sanavʉãna saojʉ̃ʉ chʉkʉnate —‍chiniasome vati. Rʉarepa sẽejʉna Jesús ʉ̃semaneasomʉ repanare.
\v 33 Jesupi ʉ̃semaʉna eta jochasẽsevana sanavʉãna sani kakaasome repana vati. Kakarena jochasẽsevana teana vʉvʉ aikũti ʉjakũti caripaji chiarana tuãtua rutu jũnisoasome.
\p
\v 34 Jãajañe choorena ña repavanare kuirasina kʉañu chini vʉvʉsoasome vʉejoopo painaname repachejña poña painare.
\v 35 Kʉarena asa choosiere ñañu chini eta saniasome pãi. Sani Jesús paichejana tĩa, vati paasikʉre ñaasome repana. Kãa peosikʉ churatani kãa juiʉ, Jesure tijñeñe ñuniasomʉ repaʉ. Ũcuajache vẽve choosikʉpi rũhiñe cuasakʉna ña kʉkʉsoasome repana.
\v 36 Ũcuachia repa choosie ñasinapi kʉaasome repanare ñañu chini raisinare.
\v 37 Kʉarena Gadara cheja cana ũcuanʉko asa kʉkʉcajejaniso,
\p —‍Paimanejʉ̃ʉ mʉʉ icheja. Saijʉ̃ʉ —‍chiniasome Jesure. Chitena coira chini choovʉna tuniasomʉ repaʉ.
\v 38 Coipirakʉna vati paasikʉ Jesuni jame sasa chini rʉa sẽniasomʉ. Sẽeʉna,
\p
\v 39 —‍Mʉʉ vʉena coijʉ̃ʉ. Coi Dios mʉʉre chookaisiere peore kʉajʉ̃ʉ —‍chiniasomʉ Jesús repaʉte.
\p Jãajañe ikaʉna coi Jesús repaʉte chookaisiere peore vʉejoopo painani ũcuanʉkore kʉaasomʉ repaʉ vati paasikʉ.
\s Jairo mamakoname chie ravʉ jũikote Jesús vasosiere kʉamʉ
\r (Mt 9.18-26; Mr 5.21-43)
\p
\v 40 Repaʉ Jesús chiara jẽni joe coiʉna pãi jainʉko chaajʉ paisinajejʉ ña rʉa pojosoasome repaʉte.
\v 41 Reparʉmʉ Jairo judíopãi chiivʉe chʉ̃ʉkʉ rani Jesure tijñeñe rore pʉʉ ñuiʉ,
\p —‍Chʉʉre vʉena jame saijʉ̃ʉ —‍chiniasomʉ.
\v 42 Repaʉ mamako, ũcuateevaopi jũnisopiraasomo, chekʉrʉmʉ docerepaʉ̃sʉrʉmʉ paikoji. Jũiona Jesuni soniasomʉ repaʉ. Sokʉna jame saiʉna repaʉte tuhana pãi siacakãjño tĩtiasome repaʉte Jesure.
\p
\v 43 Ũcuajache romio, docerepaʉ̃sʉrʉmʉ chie ravʉ jũiko jame paniasomo. Ʉ̃kopãipi choo vasoajʉ chini repavao paasie kuri peore roisoasomo repavao. Jãatani repaote ʉ̃ko chooteeasome repana.
\v 44 Jãajañe paikoji rani Jesús chojepi repaʉ juikãa pʉso juhasirʉtʉvana chẽaasomo repao. Chẽaona chie raisie churatani teana cuhasoasomʉ repaote.
\p
\v 45 Repaoji chẽaona,
\p —‍¿Neepi chʉʉre chẽare? —‍chiniasomʉ Jesús.
\p Chikʉna ũcuanʉko,
\p —‍Chẽamame chʉkʉna —‍chiniasome repaʉte.
\p Chitena Pedro ikaasomʉ.
\p —‍Masiʉ, pãivana siacakãjño tĩtime mʉʉre —‍chiniasomʉ.
\p
\v 46 Chikʉna,
\p —‍Jãatani pãi chʉʉre chẽasinaame. Chʉʉ masicheji pãi vasosikʉamʉ chʉʉ —‍chiniasomʉ repaʉ.
\p
\v 47 Jãajañe ikaʉna, “Chʉʉ chẽasie masimʉ ikʉ”, chiio cuasa kʉkʉso, kurukuruo rani repaʉte tijñeñe rore ñuio,
\p —‍Chʉʉpi mʉʉ kãa chẽasikoamo vajʉra chini. Chẽa teana teerʉmʉ vajʉsõsikoamo chʉʉ —‍chiniasomo repao, pãi ũcuanʉko asajʉte.
\p
\v 48 Kʉaona asa Jesús ikaasomʉ repaote.
\p —‍Jmavao, “Ikʉ chʉʉre vasojamʉ”, chiio cuasasikojeko vajʉcuhasikoamo mʉʉ. Sani reojache paijʉ̃ʉ chura —‍chiniasomʉ Jesús repaote.
\p
\v 49 Repaʉ Jesús chutaa ikatona, chekʉ pãiʉ rani ikaasomʉ Jairote.
\p —‍Mʉʉ chĩivao jũnisõcuhasikoamo. Masiʉte joe ikamanejʉ̃ʉ —‍chiniasomʉ repaʉ Jairote.
\p
\v 50 Jãajañe kʉaʉna asa Jesús ikaasomʉ.
\p —‍Vajʉchʉmanejʉ̃ʉ. Mʉʉpi, “Chʉʉ chĩivaore vasokaijamʉ Jesús”, chiiʉ cuasato mʉʉ chĩivao vajʉjamo —‍chiniasomʉ.
\p
\v 51 Ika pini Jairo vʉe sani tĩa Pedrote, Santiagote, Juanname jũisivao pʉkakʉpãi cuaaasomʉ repaʉ repavʉe. Chekʉnaretani vʉe kakache ʉ̃seasomʉ repaʉ.
\v 52 Kaka ñato Jesús chutaa raimarʉmʉ kakasina ũcuanʉko otare oijʉ paniasome.
\p Oijʉna Jesús ikaasomʉ repanare.
\p —‍Reomʉ. Ũcuamakarʉ oijʉ̃ʉ mʉsanʉkona. Jũnisõsivaomamo iko. Rupʉ kãisivaoamo —‍chiniasomʉ repaʉ repanare.
\p
\v 53 Jãajañe ikaʉna asa jachajʉ Jesure pãisoasome repana, repao jũisiere masijʉ.
\p
\v 54 Ũcuarʉmʉ Jesús jũisivao jʉ̃tʉna chẽa ʉjachʉopi ikaasomʉ.
\p —‍Romichĩio, vʉijʉ̃ʉ —‍chiniasomʉ repaʉ repavaore.
\p
\v 55 Chikʉna vajʉrani teana vʉniasomo repavao. Vʉkona Jesús repaoni ãure ãuajʉ chini chʉ̃ʉasomʉ repanare.
\v 56 Jãajañe chooʉna ña repavao pʉkakʉpãi kʉkʉsoasome. Ña kʉkʉsorena,
\p —‍Ivaore chʉʉ vasosie chekʉnare pãi kʉamanejʉ̃ʉ —‍chiniasomʉ Jesús repanare.
\c 9
\s Dios chʉore chʉvaajʉ chini repaʉ neenare docerepanare
Jesús saosiere kʉamʉ
\r (Mt 10.5-15; Mr 6.7-13)
\p
\v 1 Ũcuarʉmʉ Jesús repaʉ neenare docerepanare soni chii,
\p —‍Chʉʉpi chookaiʉna pãi sanavʉã painare vati peore eto
saojanaame mʉsanʉkona. Ũcuachia pãi jũivanare vasojanaame
mʉsanʉkona. Jãajañe chooajʉ chini jokamʉ chʉʉ
mʉsanʉkonare —‍chiniasomʉ Jesús repanare.
\v 2 Chini repanare ijache chʉ̃ʉasomʉ repaʉ:
\p —‍Pãi cuache chooche ũhasinare Dios chẽa paachete
chekʉnare pãi kʉajʉ paijʉ̃ʉ mʉsanʉkona. Ũcuachia ravʉ
jũivanare vasojʉ̃ʉ —‍chiniasomʉ repaʉ.
\p
\v 3 Jãajañe ika pini Jesús ijache ikaasomʉ repanare:
\p —‍Mʉsanʉkonapi sani cuamakarʉjẽe samanejʉ̃ʉ. Vãsoñoã
mʉsanʉkona jʉvejʉ kuiñoãjẽe samanejʉ̃ʉ. Turu
cuamajñarʉã mañajaturujẽe samanejʉ̃ʉ. Ãujẽe
samanejʉ̃ʉ. Kurijẽe samanejʉ̃ʉ. Kãñajẽe samanejʉ̃ʉ.
Kãña sañejʉ juikãñajẽe samañe mʉsanʉkona
juikãñarʉãchia juijʉ kuijʉ̃ʉ.
\v 4 Sani kuijʉ vʉejoopo tĩani mʉsanʉkonare chiina vʉere
canʉka paijʉ̃ʉ, tĩicheja saichetʉka.
\v 5 Jãatani pãi mʉsanʉkonare cuhena paijoopoã
canʉkamanejʉ̃ʉ. Mʉsanʉkonare cuhena paijoopoã etani
mʉsanʉkona cũakorophere chʉ̃isie chaore tĩto tojñojʉ
eta saijʉ̃ʉ. Jãajañe chooru mʉsanʉkonare repana cuhesie
masijanaame repana —‍chiniasomʉ Jesús repaʉ neenare.
\p
\v 6 Jãajañe chʉ̃ʉʉna sani kuijʉ vʉñajoopoã
siajoopoã Dios chʉore chʉvaasome repana. Ũcuachia pãi
jũivanare vasoasome repana.
\s Jesús paichete Herodes cuasasiere kʉamʉ
\r (Mt 14.1-12; Mr 6.14-29)
\p
\v 7-8 Ũcuarʉmʉ chekʉna pãi Jesús paichete cutujʉ, “Diopi
vasoʉna Juan jũnisoʉna tãcojñosikʉpi joe vajʉrani
paimʉ”, chiniasome. Chekʉnatani, “Aperʉmʉ Dios chʉo
kʉasikʉpi Elíapi joe vajʉrani paimʉ jãʉ”, chiniasome.
Chekʉnatani, “Aperʉmʉ Dios chʉo kʉasinapi teeʉ vajʉrani
paimʉ jãʉ”, chiniasome. Reparʉmʉ Herodes, pãi jainʉkore
chʉ̃ʉkʉ Jesús choochete pãipi kʉajʉna asaasomʉ, pãi
Jesure cutusie ũcuajache. Asa, “¿Jese paakʉ ie?”, chini rʉa
cuasaasomʉ repaʉ.
\p
\v 9 Rʉa cuasakʉ ikaasomʉ repaʉ.
\p —‍Aperʉmʉ Juanre sĩjopʉte tʉsoajʉ chini chʉ̃ʉsikʉamʉ
chʉʉ. Jãatani, ¿jeejaiʉʉ jãʉ? Pãipi kʉajʉna repaʉ
paiche rʉa siache asakʉ paimʉ chʉʉ —‍chiniasomʉ repaʉ.
\p Jãajekʉna repaʉ Herodes Jesuni ñaʉakʉna siache
chooasomʉ.
\s Pãi cinco milrepanare Jesús ãu ãusiere kʉamʉ
\r (Mt 14.13-21; Mr 6.30-44; Jn 6.1-14)
\p
\v 10 Naa paisirʉmʉ Jesús neena, repaʉ saosina rani repana
choosie peore kʉaasome repaʉte. Kʉarena repanarechia Betsaida
vʉejoopo kueñena pãi peochejana saasomʉ repaʉ.
\v 11 Saʉna repana saisichejana pãipi asa tuhajʉna ña pojoasomʉ
Jesús repanare. Tuharena pãi cuache chooche ũhasosinare Dios
chẽa paachete kʉaasomʉ repaʉ repanare. Ũcuachia jũivanare
vasoasomʉ repaʉ.
\p
\v 12 Naisocuhakʉna repaʉ neena, docerepana repaʉte rani
ijache ikaasome:
\p —‍Icheja vʉñajoopoãjẽe peomʉ. Inare pãi saojʉ̃ʉ,
vʉñajoopoã kueñe paijoopoãna, ʉjajoopoãname jmajoorʉãna
sani ãuname kãivʉña kueajʉ —‍chiniasome repana.
\p
\v 13 Jãajañe ikanaretani Jesús ikaasomʉ repanare.
\p —‍Mʉsanʉkonapi ãu ãujʉ̃ʉ inare —‍chiniasomʉ.
\p Chikʉna,
\p —‍Pãpʉã, cincorepapʉã, vai teekachapavanarechia paame
chʉkʉna. ¿Chʉkʉnapi ãu koojani ra inare pãi ũcuanʉkore
ãuajʉ chiikʉ mʉʉ? —‍chiniasome repana repaʉte.
\p
\v 14 Chekʉrʉmʉ repana pãi cinco milrepana naa jainʉko
paicosome, ʉmʉpãichia kuẽkueto.
\p Paijʉna,
\p —‍Teekuanupʉ cincuentarepanachia pãi pʉʉajʉ. Ũcuanʉko
ũcuajanʉkochia pʉʉajʉ. Jãajañe ikajʉ̃ʉ inare pãi
—‍chiniasomʉ Jesús repaʉ neenare.
\p
\v 15 Chikʉna Jesús neenapi chʉ̃ʉrena pãi ũcuanʉko
teekuanuchia pʉʉasome.
\v 16 Pʉʉ ñuijʉna pã, cincorepapʉã vai teekachapavanare
mini cãjikʉ cʉnaʉmʉre ñakʉ Dioni, “Reorepamʉ, Jakʉ”,
chini repaʉ neenani tʉse ĩsiasomʉ repaʉ, ũcuanʉkore ãuajʉ
chini. (Jmanʉkorʉ paisie ãu Dioni sẽkʉna teana rʉa
paniasomʉ.)
\v 17 Pãi ũcuanʉko chajiche ãniasome repa. Jãatani repana
ãijʉna cajejaisie sia docerepajʉña maña timuasome repana
Jesús neena.
\s Pedro, “Dios Raosikʉamʉ Jesús”, chiisiere kʉamʉ
\r (Mt 16.13-19; Mr 8.27-29)
\p
\v 18 Naa paisirʉmʉ Jesupi Dioni teeʉ sẽeʉna repaʉ neena
jame paniasome. Paijʉna repanare chʉo sẽniasomʉ repaʉ.
\p —‍Pãi chʉʉ paiche cutuni, ¿jese chiiche? —‍chiniasomʉ
repaʉ.
\p
\v 19 Chikʉna ikaasome repana.
\p —‍“Juan, Pãi Okorovekʉmʉ jãʉ”, chiime pãi chekʉna
mʉʉre ikani. Chekʉna, “Aperʉmʉ paisikʉ Elíaamʉ
jãʉ”, chiime mʉʉre. Joe chekʉna, “Aperʉmʉ Dios chʉo
kʉasikʉpi jũnisõsikʉpi joe vajʉrani paimʉ jãʉ”,
chiime mʉʉre —‍chiniasome repana repaʉte.
\p
\v 20 Chitena asa repanare sẽniasomʉ repaʉ.
\p —‍Mʉsanʉkonajẽe chʉʉ paiche cutuni, ¿jese chiiche?
—‍chiniasomʉ repaʉ repanare.
\p Chikʉna,
\p —‍Pãi ũcuanʉkore chʉ̃ʉakʉ chini Dios Raosikʉamʉ
mʉʉ. Cristoamʉ —‍chiniasomʉ Pedro repaʉte.
\p
\v 21 Pedroji, “Dios Raosikʉamʉ mʉʉ; Cristoamʉ”,
chikʉna, “Chekʉnare pãi kʉamanejʉ̃ʉ”, chiniasomʉ Jesús
repanare.
\s Repaʉ chuenisojachere kʉamʉ Jesús
\r (Mt 16.21-28; Mr 8.31-9.1)
\p
\v 22 Chini joe ikaasomʉ repaʉ.
\p —‍Chʉʉ Dios Raosikʉ rʉa asi choocojñojamʉ. Judío
ainaname judío phairipãi chʉ̃ʉnaname judíopãi chechona
chʉʉni cuhejʉ vanisõñe chʉ̃ʉjanaame. Chuenisõ
tãcojñosikʉtani choteumucujñana joe vajʉraijamʉ chʉʉ
—‍chiniasomʉ Jesús repaʉ neenare.
\p
\v 23 Repaʉ neenare ika pini pãi ũcuanʉkore ikaasomʉ repaʉ.
\p —‍Mʉsanʉkonapi chʉʉ neena pañu chini mʉsanʉkonare
chooʉache ũhasõ chʉʉ chʉ̃ʉñete siaumucujña choojʉ
paijʉ̃ʉ. Chʉʉre cuasanajejʉna chʉʉre choochejache
vanisõñu chiijanaame pãi mʉsanʉkonare. Pãi mʉsanʉkonare
jãajañe chooñu chiiche asanijẽe chʉʉre cuasache
ũhasõmanejʉ̃ʉ.
\v 24 Chuenisõñete vajʉchʉjʉ mʉsanʉkona asa chẽasiere Dios
chʉore ũhasõni jũnisõsirʉmʉ vati toana sani uujanaame.
Jãatani, “Pãi chʉkʉnate vanisõñu chiitojẽe Jesure ũcua
cuasajanaame chʉkʉna”, chiisina repana jũnisõsirʉmʉ Dios
paichejare ai sani reojache paijanaame.
\v 25 Pãi rʉa siache paanapi chʉʉre cuasamaneni repana
jũnisõsirʉmʉ vati toana sani uujanaame. Ũcuachia repana
paasie peore choosõjamʉ.
\v 26 Pãi chʉʉre cuasanatani chekʉnani vajʉchʉjʉ, “Jesure
cuasamanaame chʉkʉna. Ũcuachia Repaʉ chʉojẽe vesʉnaame
chʉkʉna”, chiime masinatani. Jãajañe ikasinare rʉa cuache
tijñejamʉ. Naa paisirʉmʉ chʉʉ, Dios Raosikʉ, cʉnaʉmʉ
mʉisikʉpi chejana joe cajejamʉ. Chʉʉ Jakʉ Dios
ángelename kosijaichejache kosijaiʉ cajejamʉ chʉʉ. Caje
jãajañe ikasinare ũcuajache, “Inare pãi vesʉmʉ chʉʉ”,
chiijamʉ chʉʉ reparʉmʉ.
\v 27 Mʉsanʉkona icheja chʉʉre jame paina chutaa
jũnisõmarʉmʉna chʉʉ Dios Raosikʉpi pãire masi
chʉ̃ʉkʉna ñajanaame mʉsanʉkona. Ũcuarepaame jãa
—‍chiniasomʉ Jesús repanare pãi.
\s Rʉa kosijaiʉ Jesús carũhisiere kʉamʉ
\r (Mt 17.1-8; Mr 9.2-8)
\p
\v 28 Repanare cutusirʉmʉ, ochorepaumucujña paisirʉmʉna Dioni
sẽsa chini aikũtina mʉniasomʉ Jesús. Pedrote, Santiagote
Juanre jãanarechia jame mʉaasomʉ repaʉ.
\v 29 Dioni sẽeʉ tĩiʉjaiʉ carũniasomʉ repaʉ. Repaʉ
juikãña ũcuajache rʉa pokosijakãña carũniasomʉ.
\v 30-31 Carũni nʉkakʉna ʉmʉpãi rʉa kosijanapi
teekachapana peosichejapi teana rani nʉkajʉ Jesús Jerusalén
vʉejoopo jũijañere cutuasome. Aperʉmʉ paisina paniasome
repana Moisename Elías.
\v 32 Cutujʉna Pedro chekʉnaname rʉa ʉokʉanatani kãimañe
Jesuni rʉa kosijaiʉni ñajʉ paniasome, repaʉte jame painare
kachanare ũcuachia.
\p
\v 33 Repanapi Jesuni cutu pini saipirajʉna masi cuasavesʉkʉ
Pedro ijache ikaasomʉ Jesure:
\p —‍Masiʉ, maipi ichejare paijʉna rʉa reomʉ. Vʉñarʉã
chotevʉñarʉã chookañu chiime chʉkʉna, mʉʉ vʉerʉname
Moisés vʉerʉname Elías vʉerʉ —‍chiniasomʉ Pedro.
\p
\v 34 Chutaa ikatona Moisename Elíaname Jesús nʉkachejana
pikopi caje tapisoʉna repanapi piko sanavʉte nʉkajʉ Jesús
neena rʉa kʉkʉsoasome.
\p
\v 35 Ũcuarʉmʉ piko sanavʉji chʉo ikache ijachere asaasome
repana: “Ikʉ chʉʉ chĩi chʉʉ oiʉ paakʉmʉ. Repaʉ
chʉore asajʉ paijʉ̃ʉ mʉsanʉkona”, chiichete asaasome
repana.
\p
\v 36 Jãajañe chiiche asa joe ñato Jesús teeʉ nʉkaasomʉ.
Ikamañe ña repana ñasie reparʉmʉ chekʉnarejẽe
kʉamaneasome repana Pedroname Santiagoname Juan.
\s Chĩivaʉre vatire paavaʉni Jesús vasosiere kʉamʉ
\r (Mt 17.14-21; Mr 9.14-29)
\p
\v 37 Joe apeñatato aikũti mʉisikʉpi Jesupi cajeʉna pãi
jainʉko repaʉni ñañu chini raniasome.
\v 38 Ratena repanare pãi jame paikʉji cuikʉ Jesuni
reojachere sẽniasomʉ.
\p —‍Masiʉ, chʉʉ chĩivaʉre ñajʉ̃ʉ. Ũcuateevaʉamʉ
ikʉ.
\v 39 Vatipi siarʉmʉ chẽa paakʉ chʉ̃ʉkʉna rʉa cuikʉ
vẽve curukʉ repaʉ chʉopoji coo rʉa raokʉ paimʉ ivaʉ.
Ivaʉre rʉa asi choo etakʉtani vati, ai etamamʉ ivaʉre.
\v 40 Mʉʉ neenare sẽesikʉamʉ chʉʉ, vatini eto saokaapʉ
chini. Jãatani etovesʉsinaame repana —‍chiniasomʉ repaʉ.
\p
\v 41 Chikʉna Jesús ikaasomʉ repaʉte.
\p —‍Mʉsanʉkona pãi irʉmʉ cana chʉʉre masi cuasamame. Rʉa
tĩiñe cuasame mʉsanʉkona. ¿Keekerʉmʉ mʉsanʉkona tĩiñe
cuasache ñakʉ paiche chʉʉ? —‍Jãajañe ika pini—‍ Ichejana
rajʉ̃ʉ mʉʉ chĩivaʉre —‍chiniasomʉ Jesús.
\p
\v 42 Chikʉna raniasomʉ repavaʉ. Raiʉna vatipi choo tãuʉna
ũhiʉ vẽve curuasomʉ repaʉ. Jãajañe chookʉna ña Jesupi
vatini, “Etajʉ̃ʉ”, chikʉna etaasomʉ vati. Repavaʉre vaso
pini, pʉkakʉni cochoasomʉ repaʉ.
\v 43 Jesupi jãajañe chooʉna ña kʉkʉso pãi ũcuanʉko,
“Dios peore masikʉmʉ”, chiniasome.
\s Repaʉ chuenisojachere joe kʉamʉ Jesús
\r (Mt 17.22-23; Mr 9.30-32)
\p Jãajekʉna Jesús repaʉ neenare ijache ikaasomʉ:
\p
\v 44 —‍Chʉʉ ikache asa cavesʉmanejʉ̃ʉ. Chʉʉre Dios
Raosikʉre cuhena pãi cuache chooajʉ chini chẽa jokajanaame
—‍chiniasomʉ repaʉ repanare.
\p
\v 45 Jãatani repaʉ ikache asavesʉasome repana. Reparʉmʉ
Dios repanapi masi asamaneajʉ chini asavesache chooasomʉ
repanare. Masi asamanatani repaʉte Jesure sẽevajʉchʉasome
repana.
\s Jesús neena, “¿Neepi naa rʉa masiche?”, chiisiere kʉamʉ
\r (Mt 18.1-5; Mr 9.33-37)
\p
\v 46 Ũcuarʉmʉ Jesús neena ijache sãiñechia cutuasome: “Mai
icheja paina, ¿neepi naa rʉa masiche?”, chiniasome.
\v 47-48 Jãajañe cutujʉna repana cuasajʉ cutuche ñaasomʉ
Jesús.
\p Ña chĩivaʉre juha ra, repaʉte kueñe nʉko ijache ikaasomʉ
repaʉ:
\p —‍Pãi chʉʉre masi cuasana chĩivanare ikʉjavanare pojona
chʉʉre ũcuajache pojome. Pãi chʉʉre pojona chʉʉre
Raosikʉre ũcuajache pojome. Pãi rʉa vesʉvanapi chʉʉname
Jakʉre pojoni Diopi ñato rʉa masinaame —‍chiniasomʉ Jesús
repanare.
\s Maire cuache choomana pojojʉ reojache chookaime maire
\r (Mr 9.38-40)
\p
\v 49 Ũcuarʉmʉ Juan ijache ikaasomʉ Jesure:
\p —‍Masiʉ, chekʉre pãiʉte vati pãi sanavʉã painare eto
saokʉte ñasinaame chʉkʉna. “Jesupi chʉ̃ʉkʉna choomʉ
chʉʉ”, chiisikʉamʉ repaʉ vatire eto saoni. Jãajañe
chooʉna ña ʉ̃sejʉ ikasinaame chʉkʉna repaʉte, maire jame
chookaimakʉjekʉna —‍chiniasome repana repaʉte.
\p
\v 50 Chitena asa,
\p —‍Jãajañe choonare ʉ̃semanejʉ̃ʉ. Pãi maire cuhemana
maire jame chookainaame —‍chiniasomʉ Jesús repaʉte Juanre.
\s Juanname Santiago chooñu chiichete ʉ̃semʉ Jesús
\p
\v 51 Ũcuarʉmʉ Jesús repaʉ cʉnaʉmʉ mʉirʉmʉ tĩacuhakʉna
saivajʉchʉmañe Jerusalenna saipiraasomʉ.
\v 52 Saipirakʉ chekʉnani charo saoʉna Samaria cheja cajoopona
sani, repaʉ kãijavʉere sẽekaniasome repana.
\v 53 Sẽejatena Jesupi ũcuajoopona sakʉna repajoopo cana
pojomaneasome repaʉte, Jerusalenna saiʉna.
\p
\v 54 Repaʉni pojomapʉna ña repaʉ neena Santiagoname Juan
ikaasome.
\p —‍Chʉkʉnate Paakʉ, ¿inapi mʉʉre cuhenapi uusõajʉ
chini, “Cʉnaʉmʉpi toa cajeche chʉ̃ʉjʉ̃ʉ”, chiikʉ mʉʉ
chʉkʉnate? —‍chiniasome repana.
\p
\v 55 Jãajañe ikarena chʉri ña,
\p —‍Jãajañe choomanejʉ̃ʉ. Mʉsanʉkonapi cuache chooñu
chiiche cuhemʉ Dios Rekocho.
\v 56 Chʉʉ, Dios Raosikʉ pãire cuache choora chini
cajesikʉmamʉ. Pãire oiʉ vati toa sani uuchete ʉ̃sera chini
cajesikʉamʉ chʉʉ —‍chiniasomʉ Jesús repaʉ neenare.
Ũcuarʉmʉ Jesús repaʉ neenaname chekʉjoopona saniasomʉ.
\s Jesure jame kuñu chiisina ikasiere kʉamʉ
\r (Mt 8.19-22)
\p
\v 57 Maapi saijʉna chekʉ pãiʉ ikaasomʉ Jesure.
\p —‍Mʉʉname ũcuaʉachejña mʉʉ kuichejña kuiʉ mʉʉ
chʉ̃ʉñete chookʉ pasa chiimʉ chʉʉ —‍chiniasomʉ repaʉ.
\p
\v 58 Chikʉna Jesús ikaasomʉ repaʉte.
\p —‍Ãcareachai kãicojña paame. Pĩavana ũcuajache
kãisʉovʉã paame. Chʉʉ, Dios Raosikʉtani, kãichejñajẽe
peovaʉ paimʉ —‍chiniasomʉ repaʉ.
\p
\v 59 Chini Jesús chekʉni ikaasomʉ.
\p —‍Chʉʉni jame kuiʉ chʉʉ chʉ̃ʉñete chookʉ paijʉ̃ʉ
—‍chiniasomʉ Jesús repaʉte.
\p Chikʉna,
\p —‍Pãi Ũcuanʉkore Paakʉ, chaajʉ̃ʉ aperʉmʉ. Chʉʉ
jakʉvaʉni tãjasa. ¿Ʉ̃semakʉ mʉʉ? —‍chiniasomʉ repaʉ
repaʉte.
\p
\v 60 Jãajañe ikaʉna asa Jesús ikaasomʉ repaʉte.
\p —‍Chekʉnapi chʉʉre cuasamanajejʉ repana rekoñoã
jũnisõsinajañe painapi repana majapãi jũisinare tãajʉ.
Mʉʉtani pãi cuache chooche ũhasinare Dios chẽa paachete
rani kʉakʉ paijʉ̃ʉ —‍chiniasomʉ repaʉ.
\p
\v 61 Jãajañe ikaʉna chekʉ ikaasomʉ repaʉte.
\p —‍Pãi Ũcuanʉkore Paakʉ, mʉʉname kusa chiimʉ chʉʉ.
Jãatani charo chʉʉ majapãire, “Saimʉ chʉʉ”, chiijasa
chiimʉ chʉʉ. ¿Ʉ̃semakʉ mʉʉ? —‍chiniasomʉ repaʉ.
\p
\v 62 Chikʉna asa ikaasomʉ repaʉ.
\p —‍Pãi Dios chʉ̃ʉñe chooñu chiinapi repana aperʉmʉ
paisiere joe paiʉakʉna Repaʉ chʉ̃ʉñete choomato Dios
neena paicuamʉ —‍chiniasomʉ Jesús repaʉte.
\c 10
\s Repaʉ neenare setentarepanare saomʉ Jesús
\p
\v 1 Naa paisirʉmʉ Jesús chekʉnare setentarepanare kue chẽa
ikaasomʉ.
\p —‍Mʉsanʉkona ũcuanʉko teekachapanachia vʉñajoopoãna
saijʉ̃ʉ. Chʉʉ saijajoopoãname chʉʉ saijachejñana charo
sani Dios chʉore chʉvajʉ paijʉ̃ʉ —‍chiniasomʉ Jesús
repanare.
\p
\v 2 Repanani saopirakʉ ikaasomʉ repaʉ.
\p —‍Asarepajʉ̃ʉ. Trigo tʉarʉmʉ trigo chio paakʉji chooche
choonare kue saoasomʉ, repaʉni trigote tʉakaapʉ chini. Repaʉ
repanare saosirʉmʉ choocheji rʉarepajekʉna chooche choonapi
karasõasome. Choonapi karasõkʉna chio paakʉni chʉo raoasome
repana, chekʉnani raoakʉ chini. Dios chʉo chʉvache
ũcuajache jãajañeame. Dios chʉo chʉvanapi karasõjʉna
Dios chʉo asamana rʉa jainʉkoame. Jãajekʉna Dioni sẽejʉ̃ʉ
mʉsanʉkona, Repaʉ chʉo chʉvanani naa jainʉkore kue
raoakʉ.
\v 3 Mʉsanʉkonare, “Saijʉ̃ʉ”, chiimʉ chʉʉ.
Ovejachĩivanare chai paichejñana saochejache mʉsanʉkonare
cuhena paichejñana saomʉ chʉʉ.
\v 4 Mʉsanʉkonapi sani turu cuamajñarʉã mañajaturujẽe
samanejʉ̃ʉ. Kurijẽe samanejʉ̃ʉ. Cũakoropherejẽe
samanejʉ̃ʉ. Ũcuajache maa saijʉ tijñenare canʉkamañe
sẽejʉ saijʉ̃ʉ.
\v 5 Ũcuajache mʉsanʉkonapi kuijʉ pãi vʉñana kakani,
“Diopi mʉsanʉkonare reojache chookaaʉ”, chiijʉ̃ʉ
repavʉe painare.
\v 6 Repavʉe paikʉji reojache paineekʉ paito mʉsanʉkona
sẽekaisie Diopi reojache chookaijamʉ repanare. Jãatani
reojache paicuhekʉ paito mʉsanʉkona sẽekaisie reojache
chookaimanejamʉ Dios repanare. Mʉsanʉkona Diore sẽekaisie
sẽemañejañe paijamʉ repanare.
\v 7 Ũcuateevʉe paijʉ paijʉ̃ʉ mʉsanʉkona. Chekʉvʉña
paimanejʉ̃ʉ. Ũcuavʉere paijʉ repavʉe paina ãuñete ãu
ãijʉ paijʉ̃ʉ. Mʉsanʉkona ãijañe ãu pãi chʉvache
roiame.
\v 8 Ũcuajache mʉsanʉkonapi vʉejoopona sani tĩarena
repajoopo canapi mʉsanʉkonani cuhemato repana ãuñe ãu
ãijʉ̃ʉ.
\v 9 Ũcuajache repajoopo paivanare jũivanare vasojʉ̃ʉ.
Ũcuachia ijache kʉajʉ̃ʉ repanare: “Dios Raosikʉ pãire
chʉ̃ʉpiramʉ”, chiijʉ̃ʉ.
\v 10 Ũcuajache mʉsanʉkonapi vʉejoopona sani tĩarena
repajoopo canapi mʉsanʉkonani cuheto ijache ikajʉ callejoovʉna
etajʉ̃ʉ:
\v 11 “Ijoopoquee chao chʉkʉna cũakorophere chʉ̃isiere
tĩto tojñome chʉkʉna, pãipi mʉsanʉkona cuache choosiere
ña masiajʉ chini. Asarepajʉ̃ʉ; Dios Raosikʉ pãire
chʉ̃ʉpiramʉ”, chiijʉ̃ʉ mʉsanʉkonare cuhenare.
\v 12 Iere mʉsanʉkonani kʉara: Pãi chooche Dios ña roiche
chʉ̃ʉrʉmʉ tĩaru rʉa cuache tijñejamʉ Sodoma vʉejoopo
paisinare. Jãatani mʉsanʉkona chʉvache asacuhesinare naa
rʉa cuache tijñejamʉ —‍chiniasomʉ Jesús repaʉ neenare.
\s Dios chʉo jachana paichete kʉamʉ
\r (Mt 11.20-24)
\p
\v 13 Ũcuarʉmʉ Jesús joe ijache ikaasomʉ:
\p —‍Dios aperʉmʉ Sidón vʉejooponame Tiro vʉejoopo painare
Repaʉ masiche choo ñomaneasomʉ. Repanani chʉvakʉ choo ñoru
cuache chooche ũhasõ, vãkiniokãñapi sache repana sĩjona
ũhacʉtapi chuchuraasinaame repana, chekʉnapi ña, “Cuache
chooche ũhasõsinaame ina”, chiapʉ chini. Mʉsanʉkonatani
chʉʉpi chʉvakʉ Diochia choomasiche chookʉna ñasinaame,
Corazín vʉejoopo painaname Betsaida vʉejoopo paina.
Jãatani ũcua cuache chooche ũhasõmanesinaame mʉsanʉkona.
Jãajekʉna rʉa cuache tijñejamʉ mʉsanʉkonare Corazín
vʉejoopo painaname Betsaida vʉejoopo painare.
\v 14 Naa paisirʉmʉ Dios pãi ũcuanʉko chooche ña roiche
chʉ̃ʉumucuse tĩaru Sidón vʉejoopo paisinaname Tiro
vʉejoopo paisinare rʉa cuache tijñejamʉ. Jãatani
mʉsanʉkonare Corazín vʉejoopo painaname Betsaida vʉejoopo
painare naa rʉa cuache tijñejamʉ, chʉʉ chooche
ñasinatani jachasie roi.
\p
\v 15 ’Mʉsanʉkona Capernaum vʉejoopo paina, “Dios paichejana
saijanaame mai”, chiime. Jãatani Dios mʉsanʉkonare Repaʉ
pãi ũcuanʉko chooche ña roiche chʉ̃ʉumucuse tĩaru vati
toana saojamʉ —‍chiniasomʉ Jesús repanare.
\p
\v 16 Chini repaʉ neenare joe ikaasomʉ repaʉ.
\p —‍Pãi mʉsanʉkona ikache asa jachamana chʉʉ ikache
ũcuajache asa jachamame. Pãi mʉsanʉkonare cuhena chʉʉre
ũcuajache cuheme. Pãi chʉʉre cuhena chʉʉre Raosikʉre
Diore ũcuajache cuheme —‍chiniasomʉ Jesús repanare.
\s Dios chʉo chʉvañu chini saisina setentarepana coisiere
kʉamʉ
\p
\v 17 Jesupi saoʉna chʉvajani pojojʉ coi repaʉni kʉaasome
repana setentarepana.
\p —‍Chʉkʉnate Paakʉ, chʉkʉna mʉʉ kue chẽa saosinapi
chʉ̃ʉjʉna pãi sanavʉã paisina vati eta saisinaame
—‍chiniasome repana repaʉte.
\p
\v 18 Jãajañe kʉarena asa repanare ijache ikaasomʉ repaʉ:
\p —‍Vati aire cʉnaʉmʉpi oko feneñejañe nami tuãikʉni
ñasikʉamʉ chʉʉ.
\v 19 Jãatani chʉʉ mʉsanʉkonare Diochia choomasichete
chooajʉ chini masire jokasikʉamʉ. Masinajejʉ mʉsanʉkonapi
añaname puni tumunijẽe asi choomanejanaame. Ũcuajache vati
chooche peore ʉ̃sejanaame mʉsanʉkona. Jãare choojʉ
jmamakarʉjẽe cuache choocojñomanejanaame mʉsanʉkona.
\v 20 Pãi sanavʉã painare vati etoni pojomanejʉ̃ʉ
mʉsanʉkona. Utijaophʉro cʉnaʉmʉ paiphʉrona Dios
mʉsanʉkona mami tochasiere cuasajʉ pojojʉ̃ʉ —‍chiniasomʉ
Jesús repaʉ neenare.
\s Jesús pojokʉ ikasiere kʉamʉ
\r (Mt 11.25-27; 13.16-17)
\p
\v 21 Reparʉmʉ Jesús, Dios Rekochoji repaʉni jame paiʉna rʉa
pojokʉ ikaasomʉ.
\p —‍Jakʉ, mʉʉ cʉnaʉmʉ painaname cheja painare peore
chʉ̃ʉkʉmʉ. Mʉʉre rʉa pojokʉ ikamʉ chʉʉ. Pãi, “Mʉʉ
chʉo peore masinaame chʉkʉna”, chiijʉ cuasanare mʉʉ chʉo
asamasiche ʉ̃semʉ mʉʉ, repanapi asavesʉajʉ chini. Jãatani
pãi chĩivanajañe vesʉjʉ, “Dios chʉojẽe vesʉnaame
chʉkʉna”, chini cuasanarechia mʉʉ chʉo asamasiche
jokakʉmʉ mʉʉ, repanapi asamasiajʉ chini. Jãajañere
chiimʉ mʉʉ. Jãajekʉna, “Reorepamʉ”, chiimʉ chʉʉ
mʉʉre —‍chiniasomʉ Jesús Pʉkakʉre.
\p
\v 22 Diore ika pini pãire ikaasomʉ repaʉ.
\p —‍Chʉʉ Jakʉ Repaʉ paiche masiche peore jokasikʉamʉ
chʉʉre. Chʉʉ paiche vesʉme pãi. Chʉʉ Jakʉtani
masimʉ. Ũcuajache chʉʉ Jakʉ paiche vesʉme pãi.
Chʉʉtani Repaʉ paiche masimʉ, Repaʉ Mamakʉjekʉ. Chʉʉre
kʉaʉanarechia chʉʉ Jakʉ paiche kʉamʉ chʉʉ —‍chiniasomʉ
Jesús repanare.
\p
\v 23 Jãajañe ikakʉ repaʉ neenarechia ikaasomʉ repaʉ.
\p —‍Chura chʉʉni jame paijʉna rʉa reomʉ mʉsanʉkonare,
chʉʉpi siache choo ñokʉna.
\v 24 Aperʉmʉ paisina Dios chʉo kʉasinaname pãi chʉ̃ʉsina
irʉmʉ mʉsanʉkona ñañejañere ñañu chiisinatani
ñamaneasome. Ũcuachia irʉmʉ mʉsanʉkona asachejachere asañu
chiisinatani asamanesinaame repana —‍chiniasomʉ Jesús repaʉ
neenare.
\s Samariapãiʉ reokʉ choosiere Jesús cuasakʉ kʉasiere
kʉamʉ
\p
\v 25 Ũcuarʉmʉ judíopãi chechokʉ Jesuni cutura chini
mʉaasomʉ, repaʉ masichete choo ñara chini. Mʉa repaʉte
ijache sẽniasomʉ repaʉ:
\p —‍Masiʉ, chʉʉpi Dios paichejana ai sani pasa chini, ¿jese
choojache? —‍chiniasomʉ repaʉ.
\p
\v 26 Chikʉna Jesús ikaasomʉ repaʉte.
\p —‍Dios chʉo tocha jokasie, ¿ʉ̃quere kʉakʉ? Mʉʉpi
ñato, ¿jese kʉakʉ? —‍chiniasomʉ repaʉ.
\p
\v 27 Chikʉna ikaasomʉ repaʉ.
\p —‍Dios chʉo tocha jokasie ijache kʉamʉ:
\q Pãi
mʉsanʉkonare ũcuanʉkore Paakʉte Diore
\q mʉsanʉkona aʉname
rekoñoãname kokaname cuasache peore jãapi rʉa cuasajʉ
paijʉ̃ʉ.
\q Mʉsanʉkona meñe oichejache kueñe painare oijʉ
paijʉ̃ʉ.
\m Jãajañe kʉamʉ Dios chʉo, aperʉmʉ tocha
jokasie —‍chiniasomʉ repaʉ pãi chechokʉ.
\p
\v 28 Jãajañe ikaʉna asa Jesús ikaasomʉ repaʉte.
\p —‍Rũhiñe ikamʉ mʉʉ. Mʉʉpi jãajañe chooni Dios
paichejare ai sani paijamʉ —‍chiniasomʉ Jesús.
\p
\v 29 Jãajañe ikaʉna asa, pãipi repaʉni ña, “Ũcuarepa
chookʉmʉ ikʉ”, chiijʉ cuasaajʉ chini Jesure joe sẽniasomʉ
repaʉ.
\p —‍¿Neeañe chʉʉre kueñe paina? —‍chiniasomʉ repaʉ.
\p
\v 30 Chikʉna Jesús ijachere cuasakʉ kʉaasomʉ repaʉte:
\p —‍Pãiʉ Jerusalén vʉejoopoji Jericó vʉejoopona cajeasomʉ.
Cajekʉna pãi cuana maana tijña chẽaasome repaʉte. Chẽa repaʉ
cuamajñarʉã tʉtesõ, repaʉ juikãñarʉã tĩte, repaʉte
ai jũiñetʉka rʉa vani joka sanisõasome repana.
\v 31 Vani joka satena judío phairipãiʉ ũcuamaapi rani
chueesivaʉni ña maa chekʉkãkona jẽni pachu carani
saniasomʉ.
\v 32 Carani sakʉna chekʉ, Leví jojosikʉ Dios vʉe chooche
chookaikʉ ũcuamaapi rani ũcuajache chueesivaʉ ũhicheja
tĩa maa chekʉkãkona jẽni pachu carani saniasomʉ.
\v 33 Chekʉ, Samariapãiʉtani ũcuamaapi raiʉ chueesivaʉ
ũhicheja tĩa ña oniasomʉ repavaʉre.
\v 34 Ña oiʉ repavaʉ asimajñana pĩsi ʉche cononame uchapee
rovecuha, kãñaserepi vẽekaniasomʉ repavaʉre. Vẽe pini repaʉ
burrovaʉpi tʉo sa, pãi kãivʉere paakʉ kuiraasomʉ repaʉ.
\v 35 Joe apeñatato repaʉ Samariapãiʉ saipirakʉ, repavʉe
paakʉte denario kurirere kacharere mini ĩsikʉ ijache
ikaasomʉ: “Ivaʉre chueesivaʉre kuirakaijʉ̃ʉ chʉʉre. Chʉʉ
roisinʉko tĩamato mʉʉpi roikaijʉ̃ʉ. Chʉʉ joe
raisirʉmʉna mʉʉ roikaisinʉko roira mʉʉre”, chiniasomʉ
Samariapãiʉ —‍Jãajañe kʉaasomʉ Jesús repaʉte judíopãi
chechokʉte.
\p
\v 36 Jãajañe kʉa pini Jesús repaʉte chʉo sẽniasomʉ.
\p —‍Chueesivaʉ ũhisimaa ʉmʉpãi chotena teenachia saijʉ
ñaasome repaʉte. Jãatani teeʉ reojache chookaniasomʉ
repaʉte, pãi kueñe painare reojache chookaichejache.
¿Kaʉpi repaʉte jãajañe chookakʉ? —‍chiniasomʉ Jesús
repaʉte.
\p
\v 37 Chikʉna,
\p —‍Chueesivaʉre ña oisikʉpi reojache chookaisikʉamʉ
repaʉte —‍chiniasomʉ judíopãi chechokʉ.
\p Chikʉna,
\p —‍Ũcuarepaame jãa. Mʉʉjẽe ũcuajache sani chekʉnani
ña oiʉ reojache chookaiʉ paijʉ̃ʉ —‍chiniasomʉ Jesús
judíopãi chechokʉte.
\s Martaname María vʉere paimʉ Jesús
\p
\v 38 Ũcuarʉmʉ Jesús repaʉ neenaname joe saiʉ chekʉjoopona
tĩaʉna romichĩio Marta repao vʉena Jesure soni mʉtuaasomo.
\v 39 Repao Marta chojeo María veeasomo. Jesupi kaka pʉʉʉna
repaʉ chechochete asara chini repaʉte kueñe pʉʉasomo repao
María.
\v 40 Jãatani Marta, vʉe choomajñarʉãre teeo choo
canaso, Jesure kueñe rani ijache ikaasomo:
\p —‍Pãi Ũcuanʉkore Paakʉ, chʉʉ chojeo choomajñarʉã
jame choomamo chʉʉre. Chʉʉchia teevao chooko paimo.
¿Chʉʉre ña oimakʉ mʉʉ? Ikajʉ̃ʉ repaote chʉʉre
jame chooako —‍chiniasomo repao repaʉte.
\p
\v 41 Chikona Jesús ikaasomʉ repaote.
\p —‍Asarepajʉ̃ʉ, Marta. Mʉʉ paichete rʉarepa peore cuasako
oimo mʉʉ.
\v 42 Reojache paiche chutaa chẽamamo mʉʉ. Mʉcheotani chʉʉ
chechochete asaneeko reojache paichete chẽacuhamo.
Jãajañe chookote ʉ̃semamʉ chʉʉ —‍chiniasomʉ Jesús
repaote Martare.
\c 11
\s Diore sẽeñete chechomʉ Jesús
\r (Mt 6.9-15; 7.7-11)
\p
\v 1 Ũcuarʉmʉ Jesús repaʉ saisichejare paiʉ Dioni
sẽniasomʉ. Sẽni piniʉna repaʉ neekʉ teeʉ ijache ikaasomʉ
repaʉte:
\p —‍Chʉkʉnate Paakʉ, Diore sẽeñete chechojʉ̃ʉ
chʉkʉnate, Juan repaʉ neenare chechosiejache —‍chiniasomʉ
repaʉ.
\p
\v 2 Chikʉna Jesús repaʉ neenare ikaasomʉ.
\p —‍Mʉsanʉkonapi Diore sẽni ijache ikajʉ̃ʉ:
\q Jakʉ, Cʉnaʉmʉ Paikʉ, pãi mʉʉre vajʉchʉjʉ pojoajʉ.
\q Ũcuachia mʉʉ chʉ̃ʉñe pãi ũcuanʉko choojarʉmʉ
tĩaakʉ.
\q Cʉnaʉmʉ paina mʉʉ chʉ̃ʉñe masi choochejache cheja
paina ũcuajache reojache choojʉ paapʉ.
\q
\v 3 Ũcuachia chʉkʉna chiiche ãu siaumucujña ĩsijʉ̃ʉ,
chʉkʉna ãijañe.
\q
\v 4 Chʉkʉna cuache chooche joe cuasamanejʉ̃ʉ, chʉkʉnate
pãi cuache choosie chʉkʉna joe cuasamañejañe.
\q Chʉkʉnate vatipi chʉ̃ʉkʉna cuache chooñu chiito
mʉʉpi ʉ̃sekaijʉ̃ʉ, choomaneajʉ chini.
\m Jãajañe ikajʉ Diore sẽejʉ paijʉ̃ʉ —‍chiniasomʉ
Jesús repanare.
\p
\v 5-6 Chini repanare joe ikaasomʉ repaʉ.
\p —‍Chekʉrʉmʉ mʉsanʉkona teeʉ mʉʉre kueñe paikʉ mʉʉ
vʉena ñamirepana mʉamʉ. Mʉa jatisaaro tĩa vesere nʉkakʉ
ijache ikamʉ: “Chʉʉre reokʉ, vʉni pãrapʉrʉã
choterapʉrʉã ĩsijʉ̃ʉ chʉʉre. Joe cochora chʉʉ
mʉʉre. Chekʉ chʉʉre reojache chookʉ soopi raiʉ
churepara chʉʉ vʉena tĩamʉ ãiñejẽe peokʉni”, chiimʉ
repaʉ chekʉrʉmʉ mʉʉre.
\v 7 Jãajañe sẽeto mʉʉ chekʉrʉmʉ ijache ikamʉ:
“Chooʉamañe choomanejʉ̃ʉ chʉʉre. Jatisaaro
jeosõcuhasikʉamʉ chʉʉ. Kãsa chini chʉʉ chĩivananame
ʉmesõcuhasikʉamʉ chʉʉ. Mʉʉ sẽeñe vʉni ĩsimamʉ
chʉʉ”, chiimʉ mʉʉ repaʉte.
\p
\v 8 ’Asarepajʉ̃ʉ, mʉsanʉkona. “Chʉʉre reokʉmʉ”,
chiikʉtani repaʉ sẽeñe vʉni ĩsimamʉ mʉʉ. Jãatani,
“Chʉʉni jeereparʉmʉ sẽeto asa canasõ, vʉni ĩsijamʉ
chʉʉ”, chini cuasa, vʉni repaʉ chiiche peore ĩsijamʉ mʉʉ
repaʉte.
\p
\v 9 ’Ijache kʉamʉ chʉʉ mʉsanʉkonare: Ũcuajache
mʉsanʉkona chiiche cuhamañe Dioni rʉa sẽejʉ paijʉ̃ʉ
ĩsiakʉ. Cuhamañe sẽejʉ paito ĩsijamʉ Repaʉ. Ũcuachia
mʉsanʉkona Repaʉte sẽesie chaajʉ̃ʉ ĩsiakʉ. Chaani
koojanaame mʉsanʉkona. Ũcuachia pãiʉ repaʉte reokʉ
vʉena mʉa tĩa jatisaarote nʉkakʉ, repaʉ chiichete
koorepara chini cuhamañe rʉa jeerʉmʉ sẽeʉ paichejache Diore
rʉa jeerʉmʉ sẽejʉ paijʉ̃ʉ. Jãajañe choojʉ pani
koojanaame mʉsanʉkona.
\v 10 Repanare karachete Diore sẽena koojanaame. Ũcuachia
Repaʉte sẽesie chaana koojanaame. Ũcuachia pãiʉ repaʉte
reokʉ vʉena mʉa tĩa jatisaarote nʉkakʉ, rʉa jeerʉmʉ
sẽeʉ paiʉ koochejache koojanaame pãi, Diore rʉa jeerʉmʉ
sẽejʉ paina.
\p
\v 11 ’Mʉsanʉkona ʉmʉpãi chĩi paana, asarepajʉ̃ʉ. Mʉʉ
chĩipi mʉʉni pãre sẽeto catapʉte mini ĩsimame
mʉsanʉkona. Jãapãani chiacha vaire sẽeto añani mini
ĩsimame mʉsanʉkona.
\v 12 Kura chiapʉ sẽeto punioni mini ĩsimamʉ mʉʉ repaʉte.
Jãajañe choomanaame mʉsanʉkona.
\v 13 Cuache painatani mʉsanʉkona chĩivanare reojachere
ĩsinaame mʉsanʉkona. Mai Jakʉ, Dios, Cʉnaʉmʉ Paikʉ naa
reojachere ĩsikʉmʉ maire. Pãipi Repaʉte sẽeto Repaʉ
Rekochote ĩsikʉmʉ Repaʉ repanare —‍chiniasomʉ Jesús
repanare.
\s Pãi Jesure, “Vatini paakʉ siache choomasimʉ”, chiisiere
kʉamʉ
\r (Mt 12.22-30; Mr 3.20-27)
\p
\v 14 Ũcuarʉmʉ Jesús vatire pãiʉte chʉo cutuche ʉ̃sekʉni
eto saokaniasomʉ. Eto saoʉna vatire paasikʉpi, chʉo
cutumanesikʉpi chʉore cutukʉna ña kʉkʉasome pãi.
\v 15 Pãi teena ijache ikaasome:
\p —‍Vati chʉ̃ʉkʉji Beelzebuji chookaiʉna vati ũcuajanare eto
saokʉmʉ ikʉ Jesús —‍chiniasome repana.
\p
\v 16 Jãajañe ikarena chekʉna Jesús masichete masiñu chini
ijache ikaasome:
\p —‍Diochia choomasichete choo ñojʉ̃ʉ chʉkʉnate
—‍chiniasome repana.
\p
\v 17 Jãajañe ikajʉna Jesús repana cuasajʉ cutuchete masikʉ
ijache ikaasomʉ repanare:
\p —‍Pãi ũcuateecheja painapi sãiñechia cavani vaijʉ
siasõjanaame. Ũcuachia majapãichiapi ũcuateevʉe painapi
sãiñechia cavani majapãi sẽjosõjanaame.
\v 18 Ũcuachia vati aipi repaʉ neenaname sãiñechia cavato
repaʉ chʉ̃ʉñe siasõmʉ. Jãatani mʉsanʉkona chʉʉre,
“Vati chʉ̃ʉkʉji Beelzebuji vati ũcuajanare eto saomasiche
jokasikʉamʉ mʉʉre”, chiime.
\v 19 Jãajañe mʉsanʉkonapi ikarena iere sẽemʉ chʉʉ:
Mʉsanʉkona neenare, ¿jaʉpi vati eto saomasiche jokaʉ? ¿Vati
aipi jokaʉ? Ijache chiijʉ sẽejʉ̃ʉ repanare: “¿Vati eto
saomasiche vati aipi jokaʉ mʉsanʉkonare?”, chiijʉ̃ʉ.
Jãajañe sẽeto repana mʉsanʉkonare, “Rũhiñe cuasamame
mʉsanʉkona”, chiijanaame.
\v 20 Chʉʉ vati eto saomasiche Dios jokasieame. Chʉʉpi Dios
jokasiere chookʉna ña, “Dios pãi ũcuanʉkore
chʉ̃ʉkʉmʉ”, chiijʉ masijanaame pãi.
\p
\v 21 ’Pãiʉ rʉa kokaʉji rʉa vaiche paakʉji repaʉ vʉere
pẽjeto repaʉ cuamajñarʉã ñaacuamʉ.
\v 22 “Vaichete paakʉna chʉʉ neemajñarʉã ñaamanejanaame
pãi chʉʉre”, chini cuasakʉ pojomʉ repaʉ. Jãatani
repaʉte naa rʉa koka paakʉji rani, repaʉte vani kʉkosõ,
repaʉ paakʉ pojosie vaichename cuamajñarʉã tʉtesõjamʉ
repaʉte. Tʉtesõ repaʉ neenani ĩsijamʉ —‍chiniasomʉ Jesús
repanare.
\p
\v 23 Chini ijache ikaasomʉ repaʉ:
\p —‍Pãi chʉʉre jovomana cuheme chʉʉre. Cuhejʉ chekʉnapi
chʉʉni jovoñu chiito ʉ̃seme repana, chʉʉni jovomaneajʉ
chini —‍chiniasomʉ Jesús repanare pãi.
\s Vati pãiʉ sanavʉte paiʉ eto saocojñosikʉpi joe
pãiʉni coichete kʉamʉ
\r (Mt 12.43-45)
\p
\v 24 Ũcuarʉmʉ Jesús repanare pãi joe ijache ikaasomʉ:
\p —‍Pãiʉ sanavʉ paisikʉni etosõru vati sani oko
peochejñare kuiʉ paimʉ pʉachejñare kuekʉ. Jãatani
jñaamaneni, “Chʉʉ vʉejachena coira pãiʉ sanavʉna”,
chini cuasamʉ repaʉ.
\v 25 Jãajañe cuasa repaʉ coi ñato pãiʉ sanavʉ vʉe
jʉo carevasivʉejache reojaimʉ.
\v 26 Jãajañere rani ña joe sani chekʉnare vati repaʉte
naa rʉa cuanani sieterepanare kue jñaa ra pãiʉ sanavʉna
pañu chini ũcuanʉko kakame repana. Jãajekʉna pãiʉ aperʉmʉ
cuache paisie naa rʉa cuache paimʉ —‍chiniasomʉ Jesús
repanare.
\s Ũcuarepa pojojʉ paichete ikamʉ Jesús
\p
\v 27 Jãajañe ikatona pãiname paikoji romio ʉjachʉopi
ikaasomo Jesure.
\p —‍Mʉʉre jñaa jojasiko rʉa pojoko paicosomo —‍chiniasomo.
\p
\v 28 Chikona ikaasomʉ repaʉ.
\p —‍Ũcuarepaame jãa. Pojoko paimo repao. Jãatani Dios
chʉo asa jachamañe choona repaote naa rʉa pojojʉ paime
—‍chiniasomʉ Jesús repaote.
\s Pãi cuache paina Jesure, “Diochia choomasichete choo
ñojʉ̃ʉ”, chiisiere kʉamʉ
\r (Mt 12.38-42; Mr 8.11-12)
\p
\v 29 Ũcuarʉmʉ Jesús pãipi repaʉ paichejana chiirena ijache
ikaasomʉ repanare:
\p —‍Pãi irʉmʉ cana cuache painaame. Chʉʉre, “Dios
Raosikʉmamʉ Jesús”, chiime repana. Jãatani, “Diochia
choomasichete choo ñojʉ̃ʉ chʉkʉnate”, chiime repana, chʉʉ
paichete masiñu chini. Jãatani choo ñomamʉ chʉʉ
repanare. Jonás choocojñosiejachechia choocojñojamʉ
chʉʉ.
\v 30 Aperʉmʉ Níneve vʉejoopo paisina Jonás choocojñosiere
asa, “Dios raosikʉcosomʉ jãʉ”, chiniasome. Chʉʉ Dios
Raosikʉ Jonás choocojñosiejache choocojñojamʉ, pãipi
asa, “Jesús Dios Mamakʉmʉ”, chiijʉ cuasaajʉ chini.
\v 31 Aperʉmʉ paisiko sʉripʉ cakãko canare pãi
chʉ̃ʉsiko rʉa soopi Salomón rʉa masiʉ chʉvachete asara
chini raniasomo. Repaʉte Salomonte naa rʉa masiʉji ichejare
paimʉ chʉʉ. Jãatani chʉʉ chʉvache asacuheme
mʉsanʉkona irʉmʉ cana. Jãajekʉna Dios pãi ũcuanʉko
chooche ña roiche chʉ̃ʉumucuse tĩaru aperʉmʉ paio pãi
chʉ̃ʉsikopi ijache ikajamo mʉsanʉkonare, irʉmʉ paijʉ
chʉʉre cuasamanesinare: “Cuare choojʉ Diore cuasamanesinajejʉ
roijʉ paijanaame mʉsanʉkona”, chiijamo.
\v 32 Aperʉmʉ Jonapi rʉa masiʉji Dios chʉore chʉvakʉna asa
chẽa, Níneve vʉejoopo paisina repana cuache chooche
ũhasõasome. Repaʉte Jonare naa rʉa masiʉji ichejare paimʉ
chʉʉ. Jãatani chʉʉ chʉvache asacuheme mʉsanʉkona irʉmʉ
cana. Níneve vʉejoopo paisina cuache chooche ũhasõsiejache
cuache ũhasõmanaame mʉsanʉkona irʉmʉ cana. Jãajekʉna Dios
pãi ũcuanʉko choosie ña roiche chʉ̃ʉumucuse tĩaru
Níneve vʉejoopo paisinapi ijache ikajanaame mʉsanʉkonare
irʉmʉ painare: “Cuache chooche ũhasõmanesinajejʉ roijʉ
paijanaame mʉsanʉkona”, chiijanaame —‍chiniasomʉ Jesús
repanare.
\s Ʉotʉopʉ reojache miañejañe reojache cuasachete kʉamʉ
\r (Mt 5.15-16; 6.22-23)
\p
\v 33 Ũcuarʉmʉ Jesús repanare pãi joe ikaasomʉ.
\p —‍Pãi teeʉjẽe ʉotʉopʉ chʉ̃oni chave nʉkomame.
Ũcuachia totoroji jao nʉkomame. Jãatani, “Pãi ivʉena
kakani chijaiʉna ñamanejanaame”, chini ʉotʉopʉ chʉ̃o,
ʉmʉna tʉomʉ reojache miakʉna ñaajʉ chini.
\v 34 Mʉsanʉkona ñakocaã masi ñoto chooche chooreomʉ.
Jãatani ñakocaãpi masi ñomato chooche choocuamʉ.
Ũcuajache mʉsanʉkonapi reojache cuasani reojachechia choojʉ
paijanaame. Cuache cuasani cuachechia choojʉ paijanaame.
\v 35 Pãi Dios chʉo masinapi Repaʉte cuasamaneni chijacheja
painajañe cuache paime repana rekoñoã. Jãajekʉna ñarepajʉ
paijʉ̃ʉ mʉsanʉkona, jãajañe paimaneñu chini.
\v 36 Mʉsanʉkonapi Dios chʉo asa cuasato rʉa reojache
paijamʉ mʉsanʉkona rekoñoã. Ʉotʉopʉ reojache
miañejañe reojache paijamʉ mʉsanʉkona rekoñoã
—‍chiniasomʉ Jesús repanare.
\s Fariseopãiname judíopãi chechona cuache choochete kʉamʉ
Jesús
\r (Mt 23.1-36; Mr 12.38-40; Lc 20.45-47)
\p
\v 37 Jãajañe ika piniʉna fariseopãiʉ, “Chʉʉ vʉena
mʉa ãu ãijʉ̃ʉ”, chiniasomʉ Jesure. Chikʉna mʉa kaka ãure
ãsa chini mesakoare pʉʉ ñuniasomʉ repaʉ.
\v 38 Ãu ãipirakʉtani charo Jesupi repaʉ jʉ̃jñare choamaʉna
ña, “Aipãi chʉ̃ʉ jokasie choomamʉ ikʉ”, chini cuasa,
kʉkʉasomʉ fariseopãiʉ.
\v 39 Kʉkʉsokʉna ña Jesús ijache ikaasomʉ repaʉte:
\p —‍Mʉsanʉkona fariseopãi rekoñoã cuache cuasache
jokasõmanajejʉ cʉnaroroname cʉnarea sẽsevʉãchia sosajʉ
sanavʉã sosamañejañe sẽsevʉchia reonajañe choojʉ
chekʉna nee jorejʉ tʉte paanaame.
\v 40 Rʉa vesʉnaame mʉsanʉkona. Sẽsevʉ paichechia
choomañe sanavʉquee ũcuachia choosikʉamʉ Dios.
\v 41 Ijache choojʉ paijʉ̃ʉ mʉsanʉkona: Pãi chʉovana
paivanare ña oijʉ cuamajñarʉã ũcuaʉamajñarʉãre
reojamajñarʉãre ĩsijʉ̃ʉ repanare. Mʉsanʉkonapi jãajañe
pãire oijʉ pani rekoñoã reojache cuasani sẽsevʉ ũcuajache
reojache paijanaame.
\p
\v 42 ’Mʉsanʉkona, fariseopãi, Dios chʉ̃ʉ jokasiere choojʉ
jaorʉã ãu vaisʉche maña kuakojaorʉãre siarʉmʉ ĩsijʉ
painaame, Repaʉ, “Chʉʉre ĩsijʉ̃ʉ”, chiisinʉkorʉ.
Chekʉrʉmʉ dierepajaorʉã paani teejaorʉ ĩsime. Chekʉrʉmʉ
cienrepajaorʉã paani dierepajaorʉã ĩsime. Jãachia
ĩsinaame mʉsanʉkona. Jãatani chekʉnare ũcuarepa
choomanaame mʉsanʉkona. Diore ũcuajache masi cuasamanaame
mʉsanʉkona. Cuamajñarʉã ũcua ĩsijʉ paijʉ̃ʉ Diore. Reomʉ
jãa. Jãatani mʉsanʉkonapi chekʉnani ũcuarepa choomapʉna
cuamʉ. Ũcuachia Dioni masi cuasamapʉna cuamʉ. Jãajekʉna
rʉa cuache tijñejamʉ mʉsanʉkonare fariseopãi.
\p
\v 43 ’Ũcuajache mai judíopãi chiivʉña mʉa kakani paipãi
ñuisaivʉãre ñuineeme mʉsanʉkona. Ũcuajache ãu
ĩsichejñare mʉsanʉkonapi kuijʉna pãipi ña kʉkʉjʉ
sẽejʉna rʉa pojonaame mʉsanʉkona. Jãajañe paijʉna rʉa
cuache tijñejamʉ mʉsanʉkonare.
\p
\v 44 ’Pãiʉte jũisikʉre tãsichejare catapʉ tochasipʉre
nʉkomato ñomaʉna vesʉjʉ ũcuachejapi chacajʉ kuime pãi.
Mʉsanʉkona fariseopãi ũcuajache cuache painatani pãipi
ñato reojache painajañe ñome. Chekʉna pãi mʉsanʉkona
cuache cuasache vesʉme. Jãajañe paijʉna rʉa cuache
tijñejamʉ mʉsanʉkonare judíopãi chechonaname fariseopãi
—‍chiniasomʉ Jesús fariseopãiʉte.
\p
\v 45 Jãajañe ikaʉna asa Dios chʉ̃ʉsie chechokʉ ikaasomʉ
Jesure.
\p —‍Masiʉ, mʉʉpi jãajañe ikakʉ chʉkʉnate ũcuajache
Dios chʉ̃ʉsie chechonani cuache ikamʉ mʉʉ —‍chiniasomʉ.
\p
\v 46 Chikʉna asa Jesús joe ikaasomʉ repaʉte.
\p —‍Mʉsanʉkona Dios chʉ̃ʉsie chechona chookaimanatani
chekʉnare rʉa siache choovesachete chʉ̃ʉnaame. Jãajañe
choojʉna rʉa cuache tijñejamʉ mʉsanʉkonare.
\p
\v 47 ’Aperʉmʉ Dios chʉo kʉasinare mʉsanʉkona aipãipi
vanisõrena repanare tãsichejña sẽsevʉãre reojachejña
carevajʉ paime mʉsanʉkona, pãipi ña, “Dios chʉo kʉajʉ
chuenisõsinare oime ina”, chiapʉ chini.
\v 48 Jãatani repana kʉajʉ chʉ̃ʉsie reojache
choomanaame mʉsanʉkona. Mʉsanʉkona aipãipi repanare
vanisõrena repanare tãsichejñare reojachejña carevajʉ
mʉsanʉkona aipãi cuache choosiejache choome mʉsanʉkona.
Jãajañe choojʉna rʉa cuache tijñejamʉ mʉsanʉkonare.
\p
\v 49 ’Dios peore Masikʉjekʉ aperʉmʉ ijache ikaasomʉ
mʉsanʉkona choojache:
\q Chʉʉ chʉo kʉajananame
chechojanare chẽa saojamʉ chʉʉ pãire chʉvaajʉ chini.
\q Saoʉna repanani cuhejʉ cuache chooñu chini tuhajanaame pãi.
\q Tuha teenare vanisõjanaame repana,
\m chiniasomʉ Repaʉ.
\v 50 Cheja mamacheja pairʉmʉpi irʉmʉjatʉka Dios chʉo
kʉanani mʉsanʉkona majapãipi vanisõjʉna mʉsanʉkona irʉmʉ
canapi repana choosiejache cuache choonajejʉ roijanaame,
repanare vanisõsie roi.
\v 51 Aperʉmʉ mʉsanʉkona majapãi Dios vʉere paijʉ Diore
ĩsisimajñarʉã ʉochejana Zacaríate vanisõasome. Abelre
vanisõsirʉmʉpi Zacaríate vanisõrʉmʉjatʉka Dios chʉo
kʉanare mai aipãipi vanisõrena mʉsanʉkona irʉmʉ canapi
roijanaame, repanare vanisõsie roi. Ũcuarepaame jãa.
\p
\v 52 ’Mʉsanʉkona Dios chʉ̃ʉñe chechona Dios chʉo
masinatani masi choomame. Ũcuajache chekʉnapi asa
chẽapiranapi choovesʉajʉ chini masi chechomanaame
mʉsanʉkona. Jãajañe choojʉna rʉa cuache tijñejamʉ
mʉsanʉkonare Dios chʉ̃ʉñe chechonare —‍chiniasomʉ Jesús
repanare.
\p
\v 53-54 Ika pini fariseopãiʉ vʉe paisikʉpi etaasomʉ
Jesús. Etaʉna judíopãi chechonaname fariseopãi perujʉ
cuache ikaasome repaʉte Jesure. Repaʉji tĩiñe ikaʉna
chẽañu chini chʉo rʉa vesachete siache sẽniasome repana.
\c 12
\s “Chʉochia reojache choomanejʉ̃ʉ”, chiiʉ chʉvamʉ
Jesús repaʉ neenare
\p
\v 1 Ũcuarʉmʉ pãi kuẽkuecuanʉko rʉa jainʉko chiiasome.
Jairepanʉkojejʉ ũcuajana cũana chacaasome repana. Chiirena
Jesús repaʉ neenani charo chʉvaasomʉ.
\p —‍Asarepajʉ̃ʉ, mʉsanʉkona. Fariseopãi pã saʉchejache
paichete ña chẽamanejʉ̃ʉ mʉsanʉkona. Repana cuache
paichete ikamʉ chʉʉ. Repana fariseopãi pãipi ñato
reojache paina choochejache sẽsevʉchia reojache choojʉ
painaame. Jãatani repana rekoñoã rʉa cuache painaame.
\p
\v 2 ’Naa paisirʉmʉ pãi ropee cuache choosie peore
kʉajacheame. Ũcuajache pãi cuache cuasasie peore
kʉajacheame.
\v 3 Pãi ñamina ropee kʉasie umucusena peore kʉajacheame,
pãi ũcuanʉko asajʉte. Ũcuajache pãi repana vʉena kaka
ropee kʉasie pãi ũcuanʉko paichejana ʉjachʉopi peore
kʉajacheame —‍chiniasomʉ Jesús repanare pãi.
\s “Mʉsanʉkonare vanisõñu chiinare vajʉchʉmanejʉ̃ʉ”, chiiʉ
chʉvamʉ Jesús
\r (Mt 10.26-31)
\p
\v 4 Ũcuarʉmʉ Jesús repanare pãi joe ikaasomʉ.
\p —‍Mʉsanʉkonare, chʉʉre jame painare ijachere chʉvamʉ
chʉʉ: Mʉsanʉkonare vanisõñu chiinare vajʉchʉmanejʉ̃ʉ.
Mʉsanʉkona canivʉã vanisõni rekoñoãtani cuache choomame
repana.
\v 5 “Diore vajʉchʉjʉ paijʉ̃ʉ”, chiimʉ chʉʉ
mʉsanʉkonare. Repaʉ Dios mʉsanʉkona jũiñe chʉ̃ʉkʉmʉ.
Ũcuajache jũiñe chʉ̃ʉʉna jũnisõsirʉmʉ Repaʉte
cuasamanare vati toana saokʉmʉ Repaʉ. Jãajekʉna Dioni
vajʉchʉjʉ̃ʉ mʉsanʉkona.
\p
\v 6 ’Dios Repaʉ neenare kuirachete kʉara chiimʉ chʉʉ
mʉsanʉkonare. Pĩa cincorepavana jmavana kurirere
teekachaparererʉãchia roime. Kacharʉ roivanaretani Dios
teeʉterejẽe cavesʉmakʉamʉ repavanare.
\v 7 Peore repavanare pĩavanare cuasakʉ kuirakʉmʉ Dios.
Mʉsanʉkonare pãi naa rʉa cuasakʉ naa reojache kuirakʉmʉ
Repaʉ. Mʉsanʉkona sĩjoquee raña kuẽkuesiechia paakʉjekʉ
masimʉ Repaʉ Dios. Mʉsanʉkona paiche peore masimʉ Repaʉ.
Jãajekʉna mʉsanʉkona chekʉnare pãi vajʉchʉmanejʉ̃ʉ
—‍chiniasomʉ Jesús repanare.
\s Vajʉchʉmañe pãi asajʉte, “Jesure cuasanaame chʉkʉna”,
chiina paichete kʉamʉ
\r (Mt 10.19-20; 10.32-33; 12.32)
\p
\v 8 Ũcuarʉmʉ Jesús joe ijache ikaasomʉ repanare:
\p —‍Chʉo chekere kʉara chiimʉ chʉʉ mʉsanʉkonare: Pãi
teena, chekʉna asajʉte vajʉchʉmañe, “Jesure cuasanaame
chʉkʉna”, chiime. Naa paisirʉmʉ jãajañe ikasinare Diore
jame paina ángeles asajʉte, “Chʉʉ neenaame ina”, chiijamʉ
chʉʉ Dios Raosikʉ.
\v 9 Jãatani chekʉna pãi ijache choome: Chekʉnapi asajʉ
chini, chʉʉre cuasanatani pãire vajʉchʉjʉ, “Jesure
cuasamanaame chʉkʉna”, chiime. Naa paisirʉmʉ jãajañe
ikasinare, Diore jame paina ángeles asajʉte, “Chʉʉ
neenamame ina”, chiijamʉ chʉʉ.
\p
\v 10 ’Chʉʉre, Dios Raosikʉre pãi cuache cutuche joe
cuasamanejamʉ Dios. Jãatani Repaʉ Rekochote pãi cuache
cutuchetani cavesʉmañe cuasamʉ Repaʉ.
\p
\v 11 ’Chekʉrʉmʉ pãi mʉsanʉkonare chʉʉni cuasajʉna chẽa
mai judíopãi chiivʉena juha cuaa nʉkojanaame, chekʉnapi
cuache chooajʉ chini. Chekʉrʉmʉ pãi mʉsanʉkonare chẽa
pãi chʉ̃ʉna paivʉena juha cuaa nʉkojanaame, repanapi
cuache chooajʉ chini. Repanapi, “Chʉkʉnani cuache ikato,
¿jese chʉkʉna ika tʉijanaañe?”, chiijʉ cuasamanejʉ̃ʉ.
Mʉsanʉkona ikajache cuasamanejʉ̃ʉ.
\v 12 Mʉsanʉkona ikarʉmʉ tĩaru Dios Rekochoji kʉajamʉ
mʉsanʉkonare, masi ikaajʉ chini —‍chiniasomʉ Jesús repaʉ
neenare.
\s Kurineena paichete kʉamʉ
\p
\v 13 Ũcuarʉmʉ repanare pãi jame paikʉji ikaasomʉ Jesure.
\p —‍Masiʉ, chookaijʉ̃ʉ chʉʉre. Chʉkʉna jakʉ chutaa
jũimarʉmʉ ijache ikasikʉamʉ chʉkʉnate, chʉʉname
achʉre: “Chʉʉ jũnisosirʉmʉ chʉʉ paasie chejaname põse
mʉsanʉkona kachana paajʉ̃ʉ”, chiisikʉamʉ jakʉ. Chura
jakʉvaʉ jũnisocuhasikʉamʉ. Jãajekʉna chʉʉ achʉre
ikakaijʉ̃ʉ, jakʉ ikasie chooakʉ, joopo ĩsiakʉ
chʉʉre —‍chiniasomʉ repaʉ repaʉte.
\p
\v 14 Chikʉna Jesús ikaasomʉ repaʉte.
\p —‍Tĩiñe ikamʉ mʉʉ. Pãi mʉsanʉkona kerechete
carevaakʉ chini raomanesinaame chʉʉre. Ũcuajache mʉjakʉ
joka jũnisõsimajñarʉãre joopoãchia paachete chʉ̃ʉakʉ
chini raomanesinaame chʉʉre —‍chiniasomʉ Jesús repaʉte.
\p
\v 15 Chini Jesús joe ikaasomʉ repanare pãi.
\p —‍Asarepajʉ̃ʉ, mʉsanʉkona. Kuriname siache paaneemanejʉ̃ʉ
mʉsanʉkona. Pãi, “Kuriname põse siache paajʉ rʉa reojache
paijanaame chʉkʉna”, chiime teena. Jãatani reojache
paiche kuripi koomañeame —‍chiniasomʉ Jesús repanare.
\p
\v 16 Chini repanani chʉvakʉ ijachere cuasakʉ kʉaasomʉ repaʉ:
\p —‍Pãiʉ kuriʉ cheja reojacheja paaasomʉ. Repaʉ tãsiepi
ãupi rʉa aineeʉna ãu rʉa paaasomʉ repaʉ.
\v 17 Ãure rʉa paakʉ teeʉji ijache cuasakʉ ikaasomʉ repaʉ:
“Chʉʉ ãumajñarʉã carevavʉñapi timusõʉna joe ãu
carevavʉña peomʉ chʉʉ. ¿Jese choojache chʉʉ?”, chiiʉ
cuasaasomʉ.
\v 18 Jãajañe cuasakʉ, “Ãa, ijache choora chʉʉ: Chʉʉ
ãumajñarʉã carevavʉñare peore ñañosõ, joe naa
ʉjavʉña choora. Choo pini ãuname põse peore ũcuavʉñana
carevara chʉʉ.
\v 19 Peore careva pini teeʉji ijache ikajamʉ chʉʉ: Rʉa
põse paamʉ chʉʉ. Rʉa jeerʉmʉ siamanejamʉ ie. Jãajekʉna
rupʉ paijamʉ chʉʉ chura. Ãu ãiʉ, cono ũkukʉ pojokʉ
paijamʉ chʉʉ chura”, chiiʉ cuasaasomʉ.
\v 20 Jãajañe choora chiisikʉre ijache ikaasomʉ Dios:
“Tĩiñe cuasamʉ mʉʉ. Iñami jũnisõjamʉ mʉʉ. Mʉʉ teeʉ
paakʉ pojora chini carevasimajñarʉã peore choosõjamʉ.
Chekʉnapi mʉʉ paasie paajanaame”, chiniasomʉ Dios repaʉte.
\v 21 Pãi teena Dioni cuasamapʉ repanapi teena pojoñu chini
põsename kuri siache rʉa carevame. Diore cuasamanesinajejʉ
peore choosõjanaame repana —‍chiniasomʉ Jesús repaʉte.
\s Dios Repaʉ neenare Repaʉ chĩijejʉna reojache kuiramʉ
\r (Mt 6.25-34)
\p
\v 22 Ũcuarʉmʉ Jesús repaʉ neenani chʉvaasomʉ.
\p —‍Mʉsanʉkona paichename ãu ãiñename kãña juiche
rʉarepa cuasajʉ paimanejʉ̃ʉ.
\v 23 Dios, mʉsanʉkonare kuirakʉ ãuname kãña mʉsanʉkona
juijache ĩsikʉmʉ.
\v 24 Pĩavana paichete cuasa ñajʉ̃ʉ. Pĩavana ãujẽe
tãmavanaame. Ĩsichejẽe choomavanaame. Ãu
carevavʉñajẽe peovanaame repavana. Jãajañe
paivanaretani Diopi ãu ĩsikʉmʉ repavanare. Repaʉ Dios
pĩavanare peore cuasakʉ rʉa reojache kuirakʉmʉ. Jãatani
mʉsanʉkonare pãi naa rʉa cuasakʉ naa reojache kuirakʉ
paimʉ Repaʉ.
\v 25 Ijacheame: Chekʉrʉmʉ pãi repana ʉmʉ nʉkache rʉa
cuasajʉ, “Naa ʉmʉ ainee nʉkajanaame mai”, chiijʉ naa ʉmʉ
nʉkache chiinaretani naa ʉmʉ nʉkacuajamʉ.
\v 26 Mʉsanʉkonare paiche ĩsimʉ Dios. Choovesamamʉ
Repaʉte. Jãatani mʉsanʉkonare jãajañe choocuamʉ. Repaʉ
Dios mʉsanʉkonare paiche ĩsisikʉamʉ. Paiche ĩsisikʉjekʉ
mʉsanʉkonare kuirakʉmʉ Repaʉ. Jãajekʉna mʉsanʉkona ãu
ãiñename kãña juiche rʉarepa cuasamañe paijʉ̃ʉ.
\p
\v 27 ’Chura korosie paichete cuasa ñajʉ̃ʉ. Korosie
choochejẽe choomañeame. Kãñajẽe juhamañeame. Aperʉmʉ
paiʉ pãi chʉ̃ʉsikʉ Salomón juisikãña kãña repaʉji
rʉa reojakãñare koo juiʉna rʉa reojache ñoasomʉ, pãipi
ñato. Jãatani Salomón juisikãña paichejache naa rʉa
reojache ñomʉ korosie. Dios choocheme jãa.
\v 28 Diore rʉa cuasamame mʉsanʉkona. Ucharañʉrʉã
iumucujña pairañʉrʉãre pãipi ʉosõru chero peojamʉ. Rʉa
jeerʉmʉ paimarañʉrʉãtani reparañʉrʉã reojache
kuirakʉmʉ Dios. Mʉsanʉkonare pãi naa rʉa reojache kuiramʉ
Repaʉ.
\v 29 Jãajekʉna mʉsanʉkona ãu ãijañename ũkujache
siareparʉmʉ cuasamañe paijʉ, “Chʉkʉna chiiche peore
ĩsikʉmʉ Dios”, chiijʉ cuasajʉ paijʉ̃ʉ.
\v 30 Pãi Diore cuasamana jãamajñarʉãchia siarʉmʉ rʉa
cuasajʉ paime. Jãatani mʉsanʉkona chiimajñarʉã, “Ina
chʉʉre cuasana jãamajñarʉãre chiime”, chiiʉ masimʉ mai
Jakʉ Dios.
\v 31 Jãajekʉna jãamajñarʉã rʉarepa cuasamañe paijʉ
Repaʉ chʉ̃ʉñete naa rʉa cuasajʉ choojʉ paijʉ̃ʉ.
Ũcuare Repaʉ mʉsanʉkonare ãuname ũkuche peore ĩsimʉ
—‍chiniasomʉ Jesús repaʉ neenare.
\s Pãi Dios paicheja saisirʉmʉ reojache paiche koojachere
kʉamʉ Jesús
\r (Mt 6.19-21)
\p
\v 32 Ũcuarʉmʉ Jesús repaʉ neenare joe chʉvaasomʉ.
\p —‍Teevanaame mʉsanʉkona. Jãatani pãi ovejavanare
reojache kuirachejache reojache kuiramʉ chʉʉ
mʉsanʉkonare. Jãajekʉna vajʉchʉmanejʉ̃ʉ. Mai Jakʉ Dios
reojachere ĩsijamʉ mʉsanʉkonare, Repaʉ paichejana satena.
Jãajañe choora chiimʉ Dios mʉsanʉkonare.
\v 33 Ijache choojʉ̃ʉ: Mʉsanʉkona paamajñarʉã
teemajñarʉã ĩsisõ, kuri koo, chʉovana paivanani rupʉ
ĩsijʉ̃ʉ. Mʉsanʉkona icheja cheja paamajñarʉã
cuamajñarʉã siasõjañeame. Jãajekʉna repamajñarʉã
rʉarepa cuasamairo paijʉ Dioni naa rʉa cuasajʉ, Repaʉ
paicheja sani reojache koojachere naa rʉa cuasajʉ paijʉ̃ʉ.
Repaʉ ĩsichetani siamañeame. Jeecheja põse ñaanajẽe
peome. Ũcuachia pãi paache pujavanajẽe peome.
\v 34 Dios ĩsijache koojanajejʉ pojojʉ paijʉ̃ʉ mʉsanʉkona.
Mʉsanʉkonapi põsechia naa rʉa cuasajʉ pani Dios ĩsijache
rʉa cuasamanejanaame —‍chiniasomʉ Jesús repaʉ neenare.
\s Icheja cheja chʉʉ cajejachere cuasajʉ mʉsanʉkona rekoñoã
carevajʉ paijʉ̃ʉ
\p
\v 35-36 Ũcuarʉmʉ Jesús repaʉ neenani chʉvakʉ ijachere
cuasakʉ kʉaasomʉ:
\p —‍Pãiʉ chooche chookainare paakʉji pãi romi vejachete
ñara chini saniasomʉ. Sakʉna repaʉte chooche chookaina,
“Maire paakʉ joe raijamʉ”, chini chaajʉ chooche chookãña
sache, ʉopʉã chʉ̃o, peore carevakaijʉ paniasome repaʉte.
Ũcuarʉmʉ repana repaʉni chaajʉ carevasinajejʉ repaʉji
rakʉna vajʉchʉmañe jatisaaro teana vataasome.
\v 37 Chooche chookainapi kãimañe repanare paakʉni chaajʉ
peore reojache carevaru rani ña rʉa pojojamʉ repaʉ. Chooche
chookainare kãimañe carevakaisinajejʉna ña pojokʉ reojache
chookaijamʉ repanare paakʉ. Charo chooche chookãña sache,
repanare soni rao, pʉʉrena ãu ãujamʉ repaʉ.
\v 38 Chooche chookaina masi carevaru repaʉte ʉarʉmʉ,
chekʉrʉmʉ ñamirepana, chekʉrʉmʉ ñatacuhatona rani ña pojokʉ
reojache chookaijamʉ repaʉ repanare.
\v 39 Iere asa chẽajʉ̃ʉ mʉsanʉkona: Pãiʉ vʉe paakʉ ñaaʉ
rairʉmʉ masini pẽjemʉ, ñaaʉ kakachete ʉ̃sera chini.
\v 40 Chʉʉ raiche mʉsanʉkona cuasamarʉmʉna icheja cheja joe
cajejamʉ chʉʉ, Dios Raosikʉ. Jãajekʉna vʉe paakʉ
pẽjeñejañe chʉʉ cajejachere pẽjejʉ mʉsanʉkona rekoñoã
reojarekoñoã carevajʉ paijʉ̃ʉ —‍chiniasomʉ Jesús
repanare.
\s Dios chʉ̃ʉñe reojache choona paichename reojache
choomana paichete kʉamʉ
\r (Mt 24.45-51)
\p
\v 41 Jesupi cuasakʉ kʉaʉna asa Pedro ijache sẽniasomʉ
repaʉte:
\p —‍Chʉkʉnate Paakʉ, ¿chʉkʉnate mʉʉ neenarechia
chʉvakʉ cuasakʉ kʉaʉ mʉʉ? Jãapãani, ¿pãi ũcuanʉkore
chʉvakʉ kʉaʉ mʉʉ? —‍chiniasomʉ.
\p
\v 42 Chikʉna Jesús ikaasomʉ repaʉte.
\p —‍Chooche chookaikʉ choosiere kʉara chiimʉ chʉʉ.
Chooche chookaikʉ rũhiñe cuasakʉjekʉ repaʉte paakʉ chʉ̃ʉ
jokasie ũcuarepa chooasomʉ. Jãajañe chooʉna repaʉte
paakʉ soona saipirakʉ ũcuaʉni chooche jokaasomʉ, chekʉnani
chooche chookainani kuirakʉ repana ãijañere ãure ĩsikʉ paaʉ
chini. Repanare joka soona sanisõasomʉ repaʉ.
\v 43-44 Soo saisikʉpi joe naa pani rani ñato repaʉte
chooche chookaikʉ, repaʉ chʉ̃ʉ jokasie reojache
chookaniasomʉ. Reojache chookakʉna repaʉte paakʉ rani ña
pojokʉ repaʉ paakʉ chʉ̃ʉsie chooche peore ũcuaʉni
jokaasomʉ. Jãajañe jokaʉna rʉa pojoasomʉ repaʉte
chooche chookaikʉ.
\v 45-46 Jãatani chooche chookaikʉji ijache chooto cuache
tijñeraamʉ repaʉte: “Chʉʉre paakʉ, soo saisikʉ chutaa
raimamʉ”, chini repaʉte jame chooche chookainare
ʉmʉpãiname romi vaiʉ ũcuajache repaʉte paakʉ neere ãu
rʉa ãiʉ rʉa cono jũiʉ repaʉte paakʉ raichejẽe
cuasamañe paikʉni raijamʉ repaʉ. Rani ña rʉa perukʉ
repaʉte cuache choo pini jachanare saochejana saojamʉ repaʉ.
\p
\v 47 ’Ijacheame: Chooche chookaina ũcuaʉana repanare paakʉ
chʉ̃ʉ jokasie masinatani choomaneni rʉa
suĩsuecojñojanaame.
\v 48 Chekʉna repanare paakʉ chʉ̃ʉ jokasiere vesʉjʉ tĩiñe
chooni jmanʉkorʉ suĩsuecojñojanaame. Pãiʉ repaʉte
chooche chookainare rʉa masinare, “Chʉʉ chʉ̃ʉsie masi
choojʉ̃ʉ mʉsanʉkona”, chiijamʉ. Chekʉnaretani ijache
ikajamʉ: “Mʉsanʉkona naa rʉa masinaame. Naa rʉa masinajejʉ
chʉʉ chʉ̃ʉsie naa rʉa masi choojʉ̃ʉ mʉsanʉkona”,
chiijamʉ repanare paakʉ —‍chiniasomʉ Jesús repaʉte Pedrote.
\s Jesure cuhena repaʉte cuasanare cuhejanaame
\r (Mt 10.34-36)
\p
\v 49 Ũcuarʉmʉ Jesús joe ikaasomʉ.
\p —‍Pãiʉ chĩcare cuhekʉ toapi peore ʉosõñejañe pãi
rekoñoã cuache choochete cuhekʉ jũni roikasa chini
cajesikʉamʉ chʉʉ. Irʉmʉna jãajañe choo pinisie
paitotani pojoraamʉ chʉʉ.
\v 50 Rʉa cuache tijñejamʉ chʉʉre. Jãajekʉna rʉa
sʉmavaʉ chʉovaʉ paiʉ paijamʉ chʉʉ, chʉʉre cuache
tijñe caraisirʉmʉjatʉka.
\v 51 Ijache cuasacosome mʉsanʉkona: “Jesupi rakʉna churatani
pãi cavamañe reojache paijanaame”, chiijʉ cuasacosome.
Jãatani chʉʉpi rani chechokʉna pãi chʉʉ chechoche
asacuhenapi asaneenani perujʉ cuheme.
\v 52 Chekʉrʉmʉ majapãi cincorepana ũcuateevʉe painapi
teena chʉʉni cuasato chekʉna cuhejanaame repanare. Chekʉrʉmʉ
teekachapana chʉʉni cuasato chotena cuhejanaame. Chekʉrʉmʉ
chotena chʉʉni cuasato teekachapana cuhejanaame.
\v 53 Chekʉrʉmʉ mamakʉji chʉʉni cuasato pʉkakʉpi
cuhejamʉ. Ũcuajache pʉkakʉpi chʉʉni cuasato mamakʉji
cuhejamʉ. Ũcuajache mamakoji chʉʉni cuasato pʉkakopi
cuhejamo. Ũcuajache pʉkakopi chʉʉni cuasato mamakoji
cuhejamo. Ũcuajache mamakʉte paikoji chʉʉni cuasato vaoji
cuhejamo. Ũcuajache vaoji chʉʉni cuasato mamakʉte paikoji
cuhejamo. Chʉʉre cuasamana pãi jãajañe choojanaame
chʉʉre cuasanare —‍chiniasomʉ Jesús repanare.
\s Irʉmʉ paiche vesʉchete kʉamʉ
\r (Mt 16.1-4; Mr 8.11-13)
\p
\v 54 Ũcuarʉmʉ Jesús joe ikaasomʉ repanare pãi.
\p —‍Ʉ̃sʉʉ naichejapi oko kanikʉna ñani, “Oko rajamʉ
iumucuse”, chini cuasa ikame mʉsanʉkona icheja cana.
Mʉsanʉkona ikasie tijñemʉ.
\v 55 Ũcuajache sʉripʉ cakãkopi tutache ñani, “Rʉa asujamʉ
iumucuse”, chini cuasa ikame mʉsanʉkona icheja cana.
Mʉsanʉkona ikasie tijñemʉ.
\v 56 Cʉnaʉmʉ ñani umucuse paijache cuasa ikamasime
mʉsanʉkona. Jãatani irʉmʉ paiche ñanatani mʉsanʉkonare
tijñejañe vesʉme. “Icheja paiche peore masime chʉkʉna”,
chiime mʉsanʉkona. Jãatani joreme —‍chiniasomʉ Jesús
repanare.
\s Põseroi paakʉte reojache carevasiere kʉamʉ
\r (Mt 5.25-26)
\p
\v 57 Ũcuarʉmʉ joe ikaasomʉ repaʉ.
\p —‍¿Jese paiʉna cuache paiche mʉsanʉkonachia ña
carevavesʉche?
\v 58 Chekʉrʉmʉ pãi ũcuaʉakʉji chekʉni põseroi paamʉ.
Jãatani repaʉji roimato perukʉ roiakʉ chini pãi chẽañe
chʉ̃ʉkʉ paivʉena sajamʉ repaʉ. Jãajañe chooto chutaa
maa sairʉmʉna põseroi carevaakʉ repaʉte. Carevamato
repaʉte pãi chẽañe chʉ̃ʉkʉni sajamʉ repaʉ. Sa jokaʉna
repaʉ pãi chẽañe chʉ̃ʉkʉji repaʉte pãi chẽavʉena
cuaoajʉ chini pãi chẽanare chʉ̃ʉjamʉ.
\v 59 Cuao jokarena põseroi peore roi piniñejatʉka pãi
chẽavʉere paijamʉ repaʉ. Ũcuarepaame jãa —‍chiniasomʉ
Jesús repanare pãi.
\c 13
\s Pãipi cuache choochete ũhasomato cuamʉ
\p
\v 1 Ũcuarʉmʉ pãi Jesuni ñañu chini saniasome. Sani Pilato
choosiere repaʉte ijache kʉaasome repana:
\p —‍Repaʉ Pilato Galilea cheja painapi Dioni pojojʉ ovejavanare
vanisojʉna repanani vanisoajʉ chini chʉ̃ʉasomʉ repaʉ
neenare. Chʉ̃ʉʉna vanisorena pãivana chie rani meni cuavana
chiename jamesoasomʉ —‍chiniasome repana repaʉte.
\p
\v 2 Jãajañe kʉarena asa Jesús repanare ikaasomʉ.
\p —‍Ijache cuasacosome mʉsanʉkona: “Repana Galilea cheja cana
chekʉna repacheja canare naa rʉa cuache paisinacosome.
Jãajekʉna cuache tijñesikʉamʉ repanare”, chiijʉ
cuasacosome mʉsanʉkona.
\v 3 Jãatani repana chekʉnare naa rʉa cuache paimanesinaame
chiimʉ chʉʉ. Jãatani mʉsanʉkonapi cuache choochete
ũcuanʉko ũhasõ, mama cuasamato mʉsanʉkonare ũcuajache rʉa
cuache tijñejamʉ jũisirʉmʉ.
\v 4 Chekere chʉo kʉara chiimʉ chʉʉ mʉsanʉkonare: Aperʉmʉ
Siloé chiara kueñe paisivʉe ʉmʉ paivʉepi dieciochorepanare
pãi tãni vẽasõasomʉ. Jãa asa ijache cuasacosome mʉsanʉkona:
“Repana chekʉna Jerusalén paisinare ũcuanʉkore naa rʉa
cuache paisinacosome. Jãajekʉna cuache tijñesikʉamʉ
repanare”, chiijʉ cuasacosome mʉsanʉkona.
\v 5 Jãatani repana chekʉnare naa rʉa cuache
paimanesinaame, chiimʉ chʉʉ. Jãatani mʉsanʉkonapi cuache
choochete ũcuanʉko ũhasõ, mama cuasamato mʉsanʉkonare
ũcuajache rʉa cuache tijñejamʉ jũisirʉmʉ —‍chiniasomʉ
Jesús repanare.
\s Sũkiñʉ kʉ̃imañʉ paichete kʉamʉ
\p
\v 6 Ũcuarʉmʉ Jesús repanani chʉvakʉ ũcuaʉji cuasakʉ
ijachere kʉaasomʉ:
\p —‍Pãiʉ repaʉ chiona higoñʉ tãñe chʉ̃ʉasomʉ. Naa paiʉ
sani ñaasomʉ repaʉ, “Higopʉã kʉ̃icosomʉ”, chini. Sani ñato
repañʉ repapʉãjẽe peoasomʉ.
\v 7 Peokʉna repaʉte chooche chookaikʉte ijache ikaasomʉ
repaʉ: “Ñakʉ; chura chʉʉ choteʉ̃sʉrʉmʉ kunicuhamʉ
icheja, iñʉre ñara chini, ‘Kʉ̃icosomʉ’, chini. Jãatani iñʉ
jmamakarʉjẽe teepʉjẽe kʉ̃imamʉ. Kuenisõjʉ̃ʉ iñʉ.
Reojachejare iñʉ sũkiñʉ kʉ̃imañʉpi nʉkamʉ. Jãajekʉna
iñʉ kuenisõ, chekʉñʉte ichejana tãto reocosomʉ”,
chiniasomʉ repaʉ.
\v 8 Chikʉna repaʉte chooche chookaikʉ ijache ikaasomʉ:
“Chʉʉre paakʉ, chutaa kueemaneñu iñʉ. Iʉ̃sʉrʉmʉ chʉʉ
iñʉjiipʉqueere chaore mukasõ, abonopi chuchura chiimʉ. Choo
ñara chiimʉ chʉʉ.
\v 9 Joe chekʉʉ̃sʉrʉmʉna kʉ̃ito reomʉ iñʉ. Jãajañe
choosiñʉpi kʉ̃imatotani chekʉʉ̃sʉrʉmʉ kueeche paimʉ
iñʉ”, chiniasomʉ repaʉ —‍Jãajañe kʉaasomʉ Jesús
repaʉte ñañu chini saisinare.
\s Pʉaumucuse meñe cucurʉ paivaoni Jesús vasosiere kʉamʉ
\p
\v 10 Pʉaumucusejekʉna Jesús judíopãi chiivʉere paiʉ
chechoasomʉ.
\v 11 Ũcuavʉere romio vatipi paiʉ chookʉna
dieciochorepaʉ̃sʉrʉmʉ meñe cucurʉ paivao paniasomo.
Rũhiñe nʉkacuaasomʉ repavaore.
\v 12 Paiona ña Jesús soni ikaasomʉ repavaore.
\p —‍Ñako; mʉʉni vasora chʉʉ —‍chiniasomʉ Jesús repavaore.
\p
\v 13 Chini repavaoni jʉ̃jñapi jaʉna teana rũhiñe vʉni
nʉkako, “Dios peore masikʉmʉ”, chiio pojoasomo repavao.
\v 14 Jesupi repavaoni pʉaumucusena vasoʉna ña repavʉe
chʉ̃ʉkʉ peruasomʉ. Perukʉ repanare pãi ijache ikaasomʉ
repaʉ:
\p —‍Seirepaumucujña chooche chooumucujña paimʉ teesemana.
Mʉsanʉkona jũina vasocojñoñu chini chooche
chooumucujñachia rani vasocojñojʉ̃ʉ. Pʉaumucujñatani
vasocojñoñu chini raimanejʉ̃ʉ —‍chiniasomʉ repaʉ repanare
pãi.
\p
\v 15 Jãajañe ikaʉna Jesús ijache ikaasomʉ repaʉte:
\p —‍Reojache paina choochejache sẽsevʉchia reojache
choonaame mʉsanʉkona. Jãatani rekoñoã cuache cuasanaame.
Chekʉrʉmʉ mʉsanʉkona bueyvaʉre paani, chekʉrʉmʉ
burrovaʉni paani, pʉaumucusena repavanare jose same okore
ũkuañu chini.
\v 16 Pʉaumucujñana jãajañe choochetani ʉ̃semanaame
mʉsanʉkona. Iko Abraham aperʉmʉ paisikʉ jojocojñosikoamo.
Vati aipi dieciochorepaʉ̃sʉrʉmʉ chẽa paamʉ ikore. ¿Jese
cuasa mʉsanʉkona pʉaumucusena vasoche ʉ̃seche ikore?
Cuavanarechia oinaame mʉsanʉkona. Pãitani oimanaame
—‍chiniasomʉ Jesús repaʉte.
\p
\v 17 Jãajañe ikaʉna asa repaʉte Jesure cuhena
kʉkʉsoasome. Jãatani pãi chekʉna ũcuanʉko Jesús rʉa
masiʉjekʉ vasoʉna ña pojosoasome.
\s Mostazarakarʉã paichete cuasakʉ kʉamʉ Jesús
\r (Mt 13.31-32; Mr 4.30-32)
\p
\v 18 Ũcuarʉmʉ Jesús repanare pãi joe chechoasomʉ.
\p —‍Dios chʉ̃ʉñe choona, ¿keejachejache paiche? Repana
paichete kʉara chini, ¿keejachere cuasakʉ kʉajache chʉʉ?
\v 19 Ijache kʉara: Mostazarakarʉ rʉa jmarakarʉme.
Jãatani pãipi mostazarakarʉte tãru sũkiñʉ ʉjañʉji rʉa
ka paiñʉ aineeʉna ũcuañʉna pĩavana chĩisʉo suhame.
Ũcuajache Dios chʉ̃ʉñe choona teevana paime chura.
Jãatani pãipi Dios chʉore chʉvajʉna jainʉko asa chẽa
jovojʉna, Repaʉte cuasakuanupʉ siarʉmʉ naa rʉa jainʉko
jovome —‍chiniasomʉ Jesús repanare.
\s Harinaname pã saʉche chapisicarepʉ paichete kʉamʉ
\r (Mt 13.33)
\p
\v 20 Ũcuarʉmʉ Jesús joe chechoasomʉ.
\p —‍Dios chʉ̃ʉñe choona paiche, ¿keejachejache paimʉ
chiijache chʉʉ?
\v 21 Ijacheame: Romio pãre choora chini kosasicarerʉte charo
chapi harinaroro choteroro ũcuacarerʉna jameasomo. Pã
saʉcarepʉ jmacarerʉ jamesietani ʉjacarepʉ saʉasomʉ.
Dios chʉ̃ʉñe choona ũcuachia jãajañe paijanaame. Pãipi
Repaʉ chʉore chʉvajʉna asa chẽa, teena chʉʉni cuasajʉ
chekʉnani chʉvajanaame. Jãajañe chʉvajʉna pãi
siachejñarʉã paina asa chʉʉni cuasajʉ jovo naa paisirʉmʉ
naa jainʉko paijanaame Dios chʉ̃ʉñe choona —‍chiniasomʉ
Jesús repanare.
\s Dios paicheja saichete kʉamʉ
\r (Mt 7.13-14, 21-23)
\p
\v 22 Repanare pãi checho pini Jerusalén vʉejoopona saiʉ
vʉñajoopoã ʉjajoopoãname jmajoorʉã canʉka chechokʉ
saniasomʉ Jesús.
\v 23 Saiʉ canʉka chechokʉna repajoopo cakʉ pãiʉ teeʉ
ijache sẽniasomʉ repaʉte:
\p —‍Pãi Ũcuanʉkore Paakʉ, asarepajʉ̃ʉ. ¿Cʉnaʉmʉ, Dios
paicheja pãi teena sani paijanaañe? —‍chiniasomʉ.
\p Chikʉna Jesús ijache ikaasomʉ:
\p
\v 24 —‍Pãi jainʉko Dios paichejare sani pañu chiime. Jãatani
repacheja teena saijanaame saicuakʉna. Mʉsanʉkonani Dios
paicheja saiʉato jatisaaro jmaãcarʉ paisaaro kakana
choochejache mʉsanʉkona cuache choochete ũhasõ chʉʉni
cuasajʉ jovojʉ̃ʉ.
\v 25 Ijacheame jãa: Pãiʉ vʉe paakʉ paniasomʉ. Vʉe
paakʉji jatisaarote jeosõʉna chekʉna pãi vesere rani
nʉkajʉ, “Jatisaaro vatajʉ̃ʉ chʉkʉnate; kakañu”,
chiniasome. Jãajañe ikajʉna ikaasomʉ vʉe paakʉ.
“¿Jeecheja canaañe mʉsanʉkona? Mʉsanʉkonare vesʉkʉmʉ
chʉʉ”, chiniasomʉ repaʉ.
\v 26 Jãajañe ikaʉna ijache ikaasome repana: “Aperʉmʉ
mʉʉname ãu ãijʉ ũkusinaame chʉkʉna. Chʉkʉna paijoopoã
vʉñajoopoã callejoovʉã kuiʉ chechosikʉamʉ mʉʉ”,
chiniasome repana repaʉte vʉe paakʉte.
\v 27 Jãajañe ikanaretani ijache ikaasomʉ repaʉ:
“Mʉsanʉkonare vesʉkʉmʉ chʉʉ. Mʉsanʉkona cuache choona
ũcuanʉko kueñe paimanejʉ̃ʉ chʉʉre”, chiniasomʉ repaʉ.
\v 28 Naa paisirʉmʉ Abrahamre, Isaare, Jacobre, chekʉna Dios
chʉo kʉakaisinaname Dios paichejare paijʉna ñajanaame
mʉsanʉkona. Jãatani mʉsanʉkona cuache chooche
ũhamanesinapi jũnisõru Dios Repaʉ paicheja saiche ʉ̃sejamʉ
mʉsanʉkonare. Ʉ̃seʉna oijʉ cõjire asoche ãijanaame
mʉsanʉkona.
\v 29 Reparʉmʉ pãi siachejña raisina Dios paichejana tĩa
ãure ãñu chini pʉʉjanaame.
\v 30 Ũcuachia reparʉmʉ ina, pãi Dios paicheja saimanejanaame
chiicojñosinatani teena saijanaame Dios paicheja. Ũcuajache
chekʉna Dios paicheja saijanaame ina chiicojñosinatani teena
saimanejanaame Dios paicheja —‍chiniasomʉ Jesús repaʉte.
\s Jerusalén vʉejoopo painani oimʉ Jesús
\r (Mt 23.37-39)
\p
\v 31 Ũcuarʉmʉ fariseopãi Jesure ijache kʉaasome:
\p —‍Herodes mʉʉre vanisora chiimʉ. Icheja paimanejʉ̃ʉ
mʉʉ. Tĩichejana saijʉ̃ʉ —‍chiniasome.
\p
\v 32 Kʉarena Jesús ikaasomʉ repanare.
\p —‍Repaʉ Herodes chai choochejache ropee cuache chookʉ
paikʉmʉ. Herodete ijache sa kʉajʉ̃ʉ: “Iumucusename
chero pãi sanavʉã painani vatire eto saokʉ paijamʉ
chʉʉ. Ũcuachia pãi jũivanare vasojamʉ chʉʉ. Chero
pãasirʉmʉ chʉʉ Jakʉ chʉʉre chʉ̃ʉ jokasie peore choo
pinijamʉ chʉʉ.”
\v 33 Jãajañe sa kʉajʉ̃ʉ repaʉte Herodete. Iumucusepi
cheroji chero pãasirʉmʉjatʉka saiʉ paijamʉ chʉʉ,
Jerusalén vʉejoopona tĩara chini. Jerusalén vʉejoopochia
Dios chʉo kʉavanare siarʉmʉ vanisõnaame pãi. Chekʉjoopoã
vʉñajoopoã jãajañe choomame —‍chiniasomʉ Jesús repanare.
\p
\v 34 Ũcuarʉmʉ Jesús ijache ikaasomʉ:
\p —‍Mʉsanʉkona Jerusalén vʉejoopo cana cuache choochete
ñakʉ rʉa sʉmavaʉ paimʉ chʉʉ. Kuravao repao chĩivanare
kuechaka vʉevʉãna soni paachejache reojache chookasa
chiikʉtetani cuheme mʉsanʉkona chʉʉre. Mʉsanʉkona
Jerusalén vʉejoopo cana Repaʉ chʉore mʉsanʉkonani kʉaajʉ
chini Dios raosivanare cuhejʉ vanisõnaame. Ũcuachia Repaʉ
chʉore chʉvaajʉ chini Dios raosivanare cuhejʉ siarʉmʉ
catapi sua vẽasõnaame mʉsanʉkona.
\v 35 Asarepajʉ̃ʉ. Jerusalén vʉejoopo mʉsanʉkona paijoopo
pãipi cuache chooñu chiito ʉ̃semanejamʉ Dios. Jãajekʉna
mʉsanʉkona chʉʉre rʉa jeerʉmʉ ñamanejanaame. Jãatani
chʉʉpi joe chejana cajekʉna ña, “Diopi reojache chookaaʉ
ikʉre, Repaʉ Raokʉte”, chiijanaame mʉsanʉkona —‍chiniasomʉ
Jesús repanare.
\c 14
\s Oro ravʉ jũikʉte Jesús vasosiere kʉamʉ
\p
\v 1 Ũcuarʉmʉ Jesupi pʉaumucusena fariseopãi chʉ̃ʉkʉ
vʉena ãu ãsa chini mʉaʉna chekʉna fariseopãi, “¿Jese
choojaʉ ikʉ?”, chini ñajʉ chaaasome, chooʉna ña repaʉni
cuache chooñu chini.
\v 2 Ũcuavʉere pãiʉ oro ravʉ jũivaʉ paniasomʉ.
\v 3 Ũcuarʉmʉ Jesús repanare ijache sẽniasomʉ judíopãi
chechonaname fariseopãi:
\p —‍Diopi chʉ̃ʉʉna tocha jokasie, ¿pʉaumucujñana
jũivanare vasoche ʉ̃sekʉ? —‍chiniasomʉ Jesús repanare.
\p
\v 4 Sẽekʉte ikamaneasome repana. Ikamapʉna jũivaʉre chẽa
vasoasomʉ repaʉ. Vasocuha,
\p —‍Reomʉ. Saijʉ̃ʉ —‍chiniasomʉ repaʉ.
\p
\v 5 Chini fariseopãire ikaasomʉ repaʉ.
\p —‍Mʉsanʉkona ũcuaʉakʉ teeʉ chĩipi chekʉrʉmʉ
bueyvaʉpi pʉaumucusena cojena tuãnisõʉna ñani, ¿rutamañe?
—‍chiniasomʉ Jesús repanare.
\p
\v 6 Chikʉna ikavesʉasome repana.
\s Pãiʉ romi vejakʉ fiesta choochete ñaajʉ chini
soicojñosina choosiere kʉamʉ
\p
\v 7 Jesús chutaa fariseo vʉe paitona fiestate jame chooajʉ
chini soicojñosina rani kakaasome. Kaka repanare soisikʉni kueñe
pʉʉñu chini kueasome repana.
\p Jãajañe choojʉna ña Jesús ijache chʉvaasomʉ repanare:
\p
\v 8-9 —‍Mʉsanʉkonani pãi romi vejachete ñaajʉ chini soito
sani tĩa, soisikʉni kueñe pʉʉñu chini kuemanejʉ̃ʉ.
Chekʉrʉmʉ mʉsanʉkonare naa rʉa masinapi ratu mʉsanʉkonare
soisikʉ, “Tĩichejana kʉñʉ pʉʉjʉ̃ʉ mʉsanʉkona, inapi
ichejana pʉʉajʉ”, chiijamʉ. Chikʉna asa kʉkʉ vʉni sani,
mesakoa chekʉchãtiro casaivʉãna pʉʉjanaame mʉsanʉkona.
\v 10 Jãajekʉna ijache choojʉ̃ʉ: Mʉsanʉkonare pãipi soito
sani kaka, soisikʉre soo pʉʉjʉ̃ʉ, mesakoa chekʉchãtiro
casaivʉãna. Jãajañe chooto mʉsanʉkonare soisikʉ rani ña,
“Chʉʉre reojache choona, vʉni rani chʉʉre naa kueñe
pʉʉjʉ̃ʉ”, chiijamʉ. Jãajañe ikato chekʉna pãi
repavʉe kaka pʉʉsina mʉsanʉkonare ña, “Rʉa masinacosome
jãana”, chiijanaame.
\v 11 “Chekʉnare pãi naa rʉa masime chʉkʉna”, chiijʉ
cuasame pãi teena. Jãajañe cuasanare, “Rʉa vesʉnaame
ina”, chiijamʉ Dios, asa kʉkʉajʉ chini. Jãatani pãi
chekʉna, “Chekʉnare pãi naa rʉa vesʉnaame chʉkʉna”, chiijʉ
cuasame. Jãajañe cuasanare, “Rʉa masinaame ina”, chiijamʉ
Dios, asa pojoajʉ chini —‍chiniasomʉ Jesús repanare.
\p
\v 12 Chini repaʉte soisikʉre Jesús ijache ikaasomʉ:
\p —‍Mʉʉpi pãire ãure ãura chini, soni ijache cuasamanejʉ̃ʉ:
“Chʉʉre reojache choonaname chʉʉ achʉpãiname chʉʉ
majapãiname kueñe painare kurinarechia soni ãu ãujamʉ
chʉʉ. Jãajañe chʉʉpi chooto chekʉrʉmʉ repanapi fiesta
chooni chʉʉ repanare soisiejache sãiñe soijanaame
chʉʉre”, chiiʉ cuasamanejʉ̃ʉ.
\v 13 Jãatani mʉʉpi fiesta chooni chʉovana paivananame
nʉka kuimavananame roocũavananame naavanare soijʉ̃ʉ.
\v 14 Repavanatani mʉʉre sãiñe soimame. Jãajekʉna
mʉʉpi jãajañe paivanani ãure soni ãuto rʉa reojache
chookaijamʉ Dios mʉʉre. Naa paisirʉmʉna pãi reonapi
jũisina joe vajʉraiumucuse tĩaru Dios mʉʉre roijamʉ,
chʉovana paivanare reojache chookaisie roi —‍chiniasomʉ
Jesús repaʉte fariseopãiʉte.
\s Pãire ãu ãuñu chini fiesta choochete kʉamʉ
\r (Mt 22.1-10)
\p
\v 15 Jesupi jãajañe ikaʉna asa, chekʉ ãu ãsa chini
ũcuavʉe ñuikʉ ijache ikaasomʉ:
\p —‍Pãi, Dios paicheja sani ãu ãijana rʉa pojojʉ paijanaame
—‍chiniasomʉ.
\p
\v 16-17 Chikʉna Jesús ijache ikaasomʉ repaʉte:
\p —‍Pãiʉ repaʉ chiinarechia pãi jainʉkore repaʉ ãu
ãujañere kʉa, ãu ãurʉmʉ tĩaʉna repaʉte chooche
chookaikʉte saoasomʉ, repaʉ chiinani ijache sa kʉaakʉ chini:
“Rani ãijʉ̃ʉ. Mʉsanʉkona ãijañe ãu peore
carevacuhasieame.”
\v 18 Chini saoʉna sa kʉaʉna asa, “Saimame chʉkʉna”,
chiniasome repana. Charo soicojñosikʉ ijache ikaasomʉ: “Cheja
koocuhasikʉamʉ chʉʉ. Chʉʉ koosichejare ñajasa chiimʉ
chʉʉ. Ãu ãura chini soisikʉretani saimanejamʉ chʉʉ.
Perumanejʉ̃ʉ chʉʉre”, chiniasomʉ repaʉ.
\v 19 Ũcuajache chekʉ soicojñosikʉ ijache ikaasomʉ:
“Bueyvanare dierepanare koocuhasikʉamʉ chʉʉ. Chʉʉ
koosivanani bueyvanani choochete choo ñara chiimʉ chʉʉ.
Saimamʉ chʉʉ. Perumanejʉ̃ʉ chʉʉre”, chiniasomʉ repaʉ.
\v 20 Ũcuajache joe chekʉ ijache ikaasomʉ: “Chʉʉ
churepara romi vejasikʉamʉ. Chura chʉʉre ãu ãi
saicuamʉ”, chiniasomʉ repaʉ.
\v 21 Ũcuanʉko jãajañe ikarena coi, repaʉte paakʉni
kʉaʉna asa perukʉ ijache chʉ̃ʉasomʉ repaʉ: “Ivʉepi eta
mʉa ijoopo callejoovʉã painani, chʉovana paivananame nʉka
kuimavananame naavananame roocũavanare kue jñaa chʉʉ
vʉena soni rajʉ̃ʉ”, chiniasomʉ repaʉ.
\v 22 Chikʉna soijani rani, “Chʉʉre paakʉ, mʉʉ chʉ̃ʉsie
choocuhasikʉamʉ chʉʉ. Jãatani mʉʉ vʉe chutaa pãi
timumame”, chiniasomʉ repaʉ.
\v 23 Chikʉna ijache ikaasomʉ repaʉte paakʉ: “Vʉejoopo
rʉtʉva paimaña kuinani kʉajaijʉ̃ʉ chʉʉ vʉe
timukʉte raapʉ.
\v 24 Chʉʉ charo soisie raicuhesinare teeʉterejẽe
ãumanejamʉ chʉʉ”, chiniasomʉ repaʉ, repaʉte chooche
chookaikʉte —‍Jãajañe kʉaasomʉ Jesús repaʉte
ikasikʉre.
\s Cristote cuasana repanare chooʉache ũhasochete kʉamʉ
\r (Mt 10.37-38)
\p
\v 25 Ũcuarʉmʉ Jesús pãipi jainʉko sʉni kuijʉna chʉri ña
ikaasomʉ.
\p
\v 26 —‍Mʉsanʉkonapi chʉʉni jovoʉato ijache choojʉ̃ʉ
chiimʉ chʉʉ mʉsanʉkonare: Mʉjakʉpãi paichename
mʉrʉ̃joromi paiche, mʉchĩivana paiche, mʉachʉpãi paiche,
mʉachoromi paiche, mʉcheʉchĩi paichename mʉsanʉkona
paiche rʉarepa cuasamañe paijʉ chʉʉni naa rʉa cuasajʉ
paijʉ̃ʉ. Mʉsanʉkonapi jãajañe choomaneni chʉʉ neena
paimanejanaame.
\v 27 Mʉsanʉkonare chʉʉ neenajejʉna chekʉna vanisõñu
chiijanaame, chʉʉre chooñu chiichejache. Jãajañe chooñu
chiitojẽe chʉʉre cuasache jmamakarʉjẽe ũhasõmanejʉ̃ʉ.
Mʉsanʉkonapi chʉʉre cuasachete ũhasõni chʉʉ neena
paimanejanaame.
\v 28 Chekʉrʉmʉ mʉsanʉkona teeʉji vʉe ʉmʉ nʉkavʉe
choora chiimʉ. Choora chini charo repavʉe choojamajñarʉã
roinʉkore cuasa masi kuẽkue ñamʉ, “Kuri karato choomanera”,
chini.
\v 29 Charo jãajañe cuasamañe chooni repaʉni kuri
karasõʉna choo pinicuamʉ repaʉte repavʉe. Choo
pinimaneʉna chekʉnapi ñani pãisojanaame repaʉte.
\v 30 “Vʉe chookʉtani choo pinimaneʉ ikʉ”, chiijanaame
repana repaʉte.
\v 31-32 Chekʉrʉmʉ pãiʉ jainʉkore paakʉ chʉ̃ʉkʉji
chekʉnani cavapirakʉ teeʉji charo ijache cuasamʉ:
“Sõtaopãi diez milrepanare paakʉmʉ chʉʉ. Chekʉtani naa
jainʉkore paamʉ, veinte milrepanare. ¿Jãanani maipi cavani
cajejaijanaañe?”, chiimʉ. “Chekʉrʉmʉ repanapi maire
cajejaijanaame”, chiiʉ cuasani ijache choomʉ repaʉ: Chekʉpi
repaʉ neenaname chutaa soore paijʉna repaʉte chooche
chookainare saomʉ, “Cavamaneñu mai. Reojache pañu”, chiapʉ
chini. Jãatani chekʉrʉmʉ, “Maipi cajejaijacosome”, chini
cuasani, repaʉ neenare, “Cavañu mai”, chiimʉ repaʉ.
\v 33 Mʉsanʉkona ũcuajache chʉʉ neena paiʉato pãi
chʉ̃ʉkʉ cuasasiejache charo ijache cuasajʉ̃ʉ: “¿Diore
cuasajache chʉʉ? Cuasato chʉʉre chooʉache cua peore
ũhasõ, Repaʉ chʉ̃ʉñechia cuasakʉ chooche paijamʉ
chʉʉ. Jãajañe choomato Dios neekʉ paicuajamʉ”
—‍chiniasomʉ Jesús repanare.
\s Ũhapi sãijaimato sẽjome pãi
\r (Mt 5.13; Mr 9.50)
\p
\v 34 Ũcuarʉmʉ Jesús joe ikaasomʉ repanare pãi.
\p —‍Ũha sãijani rʉa reomʉ. Jãatani ũhapi sãijañepi
siasõru, ¿jese choojanaañe pãi, ũhapi sãijaaʉ chini? Joe
sãijañe choocuamʉ.
\v 35 Sãijaimato cuamʉ. Ũcuajache chio tãsimajñarʉãre
ũha, sãijaimañepi chuchuto aineemamʉ. Ũcuachia abonona
ũha, sãijaimañepi jameto naa reojaimamʉ. Jãajekʉna
ũhapi sãijaimato sẽjome pãi. Ũcuajache pãipi repana asa
chẽasiere Dios chʉore ũhasõni ũha sãijaimaʉ cuachejache
cuame. Joe reojache paiche peomʉ repanare. Chʉʉ ikache asa
chẽaʉana ũcuanʉko asa chẽajʉ̃ʉ —‍chiniasomʉ Jesús
repanare.
\c 15
\s Ovejavaʉ cavesʉsivaʉ paichete kʉamʉ Jesús
\r (Mt 18.10-14)
\p
\v 1 Ũcuarʉmʉ pãi chʉ̃ʉnare kuri kookainaname cuache paina
Jesús ikachete asañu chini chiiasome.
\v 2 Jãanapi chiirena ña fariseopãiname judíopãi chechona
perujʉ cuache ikaasome Jesure.
\p —‍Cuache painare pojokʉmʉ ikʉ. Ũcuananame siarʉmʉ ãu
ãikʉmʉ ikʉ —‍chiniasome repana.
\p
\v 3 Jãajañe ikarena asa Jesús repanani chʉvakʉ ũcuaʉji
cuasakʉ ijachere kʉaasomʉ:
\p
\v 4 —‍Chekʉrʉmʉ mʉsanʉkona ovejavanare teeʉji
cienrepavanare paamʉ. Paakʉna chekʉrʉmʉ ovejavaʉ teevaʉ
tĩichejana sani cavesʉsõru chekʉvanare noventa y nueverepanare
teevanare pãi peochejana joka, cavesʉsivaʉni kuera chini
sanisõmʉ mʉʉ.
\v 5 Sani kuekʉ paiʉ jñaani repavaʉre rʉa pojokʉ mini kuãa
ramʉ mʉʉ.
\v 6 Rani tĩa mʉʉre reonaname mʉʉre kueñe painare soni,
“Ovejavaʉre cavesʉsivaʉre kue jñaacuhasikʉamʉ chʉʉ.
Jñaa pojosõmʉ chʉʉ. Jame pojokaijʉ̃ʉ chʉʉre”, chiimʉ
mʉʉ.
\v 7 Asarepajʉ̃ʉ, mʉsanʉkona. Chekʉrʉmʉ pãi reona noventa
y nueverepana paime. Reonajejʉna cuache chooche ũhañe
chiimamʉ repanare. Jãajañe paijʉna cʉnaʉmʉ paina rʉa
pojome repanare. Jãatani pãiʉ teeʉji repaʉ cuache
choochete ũhasõru cʉnaʉmʉ paina naa rʉa pojome repaʉte
—‍chiniasomʉ Jesús repanare.
\s Kurirereva choososiere kʉamʉ
\p
\v 8 Chini Jesús joe chʉvaasomʉ repanare.
\p —‍Chekʉrʉmʉ romio kurirere diereparere paakoji teerereva
choosõmo. Choosõ, reparerevate kue jñaara chini ʉopʉ
chʉ̃o, rʉa masi kueko peore vʉe jʉomo reparereva
jñaañetʉka.
\v 9 Kue jñaa, repaote reonaname repaote kueñe painare soni,
“Kurirereva choosõsirereva kue jñaacuhasikoamo chʉʉ.
Kurirereva chʉʉ jñaasie jame pojokaijʉ̃ʉ chʉʉre”,
chiimo repao repanare.
\v 10 Ũcuajache pãiʉ teeʉji repaʉ cuache choochete
ũhasõru ángeles Diore jame paina rʉa pojome —‍chiniasomʉ
Jesús repanare.
\s Põsʉʉ sani cuache choosikʉ oisiere kʉamʉ
\p
\v 11 Ũcuarʉmʉ Jesús joe chʉvaasomʉ repanare.
\p —‍Pãiʉ mamachĩi ʉmʉpãi teekachapanare paaasomʉ.
\v 12 Paakʉna choje cakʉpi ijache ikaasomʉ pʉkakʉre:
“Jakʉ, mʉʉ jũnisõrʉmʉ chʉʉre jokajachere churana teana
ĩsijʉ̃ʉ chʉʉre, chejaname põse”, chiniasomʉ. Sẽkʉna
pʉkakʉ repanare mamachĩi chejaname põse teana ĩsiasomʉ.
\v 13 Ĩsiʉna choje cakʉ pʉkakʉ repaʉte ĩsisie peore nami
ĩsisõasomʉ. Ĩsisõ, kuri koo, soona sani ũcuaʉache cuache
chookʉ kuiʉ kuri rʉa nami siasõasomʉ repaʉ.
\v 14 Repaʉ kuri siasõsirʉmʉna repaʉ saisichejapi jeereparʉmʉ
okopi ramaʉna ãu siasõasomʉ. Ãupi siasõʉna siache
repaʉjẽe kurijẽe siasõsikʉjekʉ ãujẽe peokʉ kurijẽe
peoasomʉ repaʉ.
\v 15 Repaʉni peore karakʉna ũcuacheja paikʉte pãiʉte sani
choochete sẽniasomʉ repaʉ choochete chookʉ ãure ãsa
chini. Choochete sẽkʉna repaʉte jochasẽse kuirachete joka
cuavana paichejana saoasomʉ repaʉ.
\v 16 Saoʉna sani paiʉ jochasẽsere kuirakʉna repaʉni rʉarepa
ãucuhakʉna jochasẽse ãure ãni chajiʉakʉtetani repacheja
paina pãi teeʉjẽe ãumaneasome repaʉte.
\v 17 Naa paiʉ rũhiñe cuasa, teeʉji ijache ikaasomʉ repaʉ:
“Chʉʉ jakʉre chooche chookaina ãu karamañe paajʉ
ãijʉna cajejaisie paito chʉʉvaʉtani ichejare rani paiʉ
ãucuhare jũiʉ paimʉ.
\v 18 Jãajekʉna jakʉni coi ijache ikara: ‘Jakʉ,
mʉʉrejẽe cuache chookʉ Diorejẽe cuache choosikʉamʉ
chʉʉ.
\v 19 Mʉʉre cuache choosikʉjekʉna, Chʉʉ chĩiamʉ
mʉʉ, chiimanejʉ̃ʉ chʉʉre. Rupʉ mʉʉre chooche
chookaikʉte paachejache paajʉ̃ʉ chʉʉre chura’, chisa
jakʉni coini”, chiniasomʉ repaʉ.
\p
\v 20 ’Jãajañe chini cuasa coiasomʉ repaʉ churatani.
Coikʉna repaʉ pʉkakʉ chutaa maa soo paikʉni ñaasomʉ
repaʉte. Ñasiepi repaʉni oiʉ vʉvʉ tijña sũka chũsu
pojoasomʉ repaʉ.
\v 21 Sũka chũsu pojokʉtetani repaʉ cuasa coisiere ikaasomʉ
repaʉ. “Jakʉ, mʉʉrejẽe cuache chookʉ Diorejẽe cuache
choosikʉamʉ chʉʉ. Mʉʉre cuache choosikʉjekʉna, Chʉʉ
chĩiamʉ mʉʉ, chiimanejʉ̃ʉ chʉʉre”, chiniasomʉ repaʉ
pʉkakʉre.
\v 22 Jãatani pʉkakʉ mamakʉji coiʉna pojokʉ repaʉte
chooche chookainare soni rao ijache chʉ̃ʉasomʉ: “Kãña,
rʉa reojakãñare mini ra sachekaijʉ̃ʉ ivaʉre chʉʉ
chĩivaʉre. Kãña sache pini aniñocava mini ra, mʉoñona
cuachajʉ̃ʉ ivaʉre. Ũcuajache cũakorophere mini ra sachejʉ̃ʉ
ivaʉre.
\v 23 Ũcuajache torochĩivaʉre jujusivaʉni chẽa vaijʉ̃ʉ.
Ãijʉ pojojʉ fiesta chooñu mai.
\v 24 Chʉʉ chĩivaʉ jũnisõsivaʉjache peocheja paivaʉpi
coicuhasikʉamʉ. Ũcuachia sani cavesʉsõsivaʉjache
peocheja paisivaʉpi coicuhasikʉamʉ joe”, chikʉna asa
pojojʉ fiesta chooasome repana.
\p
\v 25 ’Jãajañe chootona chekʉ, repaʉ majaachʉ charo cakʉ
chio saisikʉpi maniasomʉ. Maiʉ vʉe tĩapirakʉji
kueñejekʉna repana fiesta chooche asaasomʉ repaʉ.
\v 26 Asakʉ mani tĩa, repaʉ pʉkakʉre chooche chookaikʉte
teeʉte soni sẽniasomʉ. “¿Ʉ̃quere jãana chooche?”,
chiniasomʉ repaʉ.
\v 27 Chikʉna ikaasomʉ repaʉ. “Mʉcheʉpi vajʉvaʉ coiʉna,
‘Torochĩivaʉre ãure ãu jujasivaʉni vaijʉ̃ʉ. Ãijʉ fiesta
chooñu mai’, chiisikʉamʉ mʉjakʉ”, chiniasomʉ repaʉ
repaʉte.
\v 28 Jãajañe kʉaʉna asa perukʉ vʉe kakacuheasomʉ repaʉ.
Kakacuhekʉna repaʉ pʉkakʉ eta, “Jmavaʉ, kakajʉ̃ʉ”, chiiʉ
rʉa chʉ̃ʉasomʉ repaʉte.
\v 29 Jãajañe chʉ̃ʉkʉna pʉkakʉre ijache ikaasomʉ repaʉ:
“Mʉʉ chʉ̃ʉñe jmamakarʉjẽe jachamañe rʉa jeerʉmʉ
chookʉ paikʉmʉ chʉʉ. Jãatani mʉʉ chʉʉre
jmamakarʉjẽe chivochĩivaʉrejẽe ĩsimakʉamʉ. ‘Mʉʉ
jame painaname pojokʉ fiesta choojʉ̃ʉ’, chiimakʉamʉ.
\v 30 Aperʉmʉ jãʉ chʉʉ chojeʉ mʉʉ ĩsisie koo joe
chekʉnani ĩsisõ kuri koo sani kuiʉ sĩuromire jame kãiʉ
roisõsikʉamʉ. Jãajañe choosikʉretani pojokʉ fiesta
choora chini torochĩivaʉre ãure ãu jujasivaʉre vaisikʉamʉ
mʉʉ”, chiniasomʉ repaʉ pʉkakʉre.
\v 31 Chikʉna pʉkakʉ ikaasomʉ repaʉte. “Jmavaʉ, chʉʉre
siarʉmʉ jame paikʉmʉ mʉʉ. Chʉʉ paache cuamajñarʉã
peore mʉʉ paajachechiaame jãa.
\v 32 Mʉcheʉvaʉtani jũnisõsivaʉjache peocheja
paisivaʉpi coicuhasikʉamʉ. Ũcuajache sani
cavesʉsõsivaʉjache peocheja paisivaʉpi coicuhasikʉamʉ
joe. Jãajekʉna pojokʉ fiesta choomʉ chʉʉ”, chiniasomʉ
repaʉ —‍Jãajañe chʉvaasomʉ Jesús repanare pãi.
\c 16
\s Chooche chookainare chʉ̃ʉkʉ cuache choosikʉ paisiere
Jesús ũcuaʉji cuasakʉ kʉamʉ
\p
\v 1 Ũcuarʉmʉ Jesús repaʉ neenani chʉvakʉ ũcuaʉji cuasakʉ
ijachere kʉaasomʉ:
\p —‍Pãiʉ kuriʉ paniasomʉ. Chooche chookainare chʉ̃ʉkʉte
paaasomʉ repaʉ kuriʉ. Paakʉna chekʉnapi ijache kʉaasome
repaʉte kuriʉte: “Mʉʉre chooche chookainare chʉ̃ʉkʉji
mʉʉ neere masi kuirakaimaʉna rupʉ choosõmʉ”, chiniasome
repana.
\v 2 Kʉarena asa chooche chookainare chʉ̃ʉkʉte soni ikaasomʉ
repaʉ. “Mʉʉ chooche asasikʉamʉ chʉʉ. ¿Jese cuasa
jãajañe chookʉ mʉʉ? Chʉʉ nee mʉʉ choosiere tocha ra
ñojʉ̃ʉ chʉʉre. Ũcuamakarʉ chʉʉ nee kuirajʉ̃ʉ mʉʉ.
Etora chiimʉ chʉʉ mʉʉre”, chiniasomʉ repaʉ.
\v 3 Chikʉna asa repaʉte chooche chʉ̃ʉkaikʉ ijache
cuasaasomʉ: “Chʉʉre paakʉ etora chiimʉ chʉʉre. ¿Jese
choojache chʉʉ, repaʉ chʉʉre etosirʉmʉ? Chooche
choomavaʉ paijamʉ chʉʉ. Chio ãu tãñejẽe koka peokʉmʉ
chʉʉ. Chekʉnare kuri rupʉ sẽni koovajʉchʉkʉmʉ chʉʉ”,
chiiʉ cuasaasomʉ repaʉ.
\v 4 Cuasakʉ, “Ãa, chʉʉ choojache cuasacuhamʉ chʉʉ.
Ijache choora chʉʉ, pãipi repana vʉñana cuao paajʉ
kuiraajʉ chʉʉvaʉre, chooche peovaʉre”, chiiʉ cuasaasomʉ
repaʉ.
\v 5 Ũcuarʉmʉ repaʉ cuasasie ijache chooasomʉ repaʉ:
Repaʉte paakʉte põseroi paanare teenarechia soni raoasomʉ
repaʉ. Soni rao, charo raisikʉre ikaasomʉ repaʉ. “Chʉʉre
paakʉte, ¿keenʉko põseroi paakʉ mʉʉ?”, chiniasomʉ repaʉ.
\v 6 Chikʉna, “Uchapee cienrepatʉo põseroi paamʉ chʉʉ”,
chiniasomʉ repaʉ. Chikʉna repaʉte ikaasomʉ repaʉ. “Ijaova
mʉʉ põseroi tochasijaova sẽjo, pesa pʉʉ, chekʉjaovana
cincuentarepatʉochia tochajʉ̃ʉ”, chiniasomʉ repaʉ.
\v 7 Tocha piniʉna chekʉre põseroi paakʉte soni rao ikaasomʉ
repaʉ. “Mʉʉjẽe, ¿keenʉko põseroi paakʉ?”, chiniasomʉ.
Chikʉna, “Trigopʉã cienrepapʉã põseroi paamʉ chʉʉ”,
chiniasomʉ repaʉ. Chikʉna ikaasomʉ repaʉ. “Ijaova mʉʉ
põseroi tochasijaova sẽjo, chekʉjaovana ochentarepapʉãchia
tochajʉ̃ʉ”, chiniasomʉ repaʉ repaʉte. Jãajañechia
ũcuanʉkore põseroi paanare chooasomʉ repaʉ. Repana roijache
casokaniasomʉ.
\v 8 Jãajañe chooʉna repaʉte paakʉ repajaovate ña
ikaasomʉ. “Chʉʉ mʉʉre etosirʉmʉ paijachere cuasa,
chʉovaʉ paiʉamaʉna cuache choosikʉtani mʉʉ masichete
choo ñosikʉamʉ mʉʉ, chʉʉre põseroi paanare casosie”,
chiniasomʉ repaʉ. Repaʉ choosiejache Diore cuasamanapi Diore
cuasanare naa rʉa choomasime icheja cheja choomajñarʉã.
\p
\v 9 ’Iere chʉvamʉ chʉʉ mʉsanʉkonare: Pãi kurina teena
cuache choome chekʉnare. Jãatani mʉsanʉkonapi kuri paani
chekʉnare oijʉ reojache chookaijʉ paijʉ̃ʉ, reojache
choonare paaʉato. Jãajañe chooto kuri peore siasõsirʉmʉ
mʉsanʉkona reojache chookaisiejekʉna repanapi Dioni jovo
paijʉ charo jũnisõni Repaʉ paicheja ai sani reojache
painajejʉ mʉsanʉkonapi chojepi jũni saito ña pojojanaame
mʉsanʉkonare.
\p
\v 10 ’Pãi teena kuri kacharʉ paanatani repana kuripi
chekʉnare reojache chookaime. Jãajañe choonapi naa rʉa
kuri paani chekʉnare ũcua reojache chookairaame repana. Pãi
chekʉna kacharʉ kuri paanatani jorejʉ chekʉnare cuache
choome. Jãajañe choonapi naa rʉa kuri paani jorejʉ ũcua
cuache chooraame repana chekʉnare.
\v 11 Mʉsanʉkona icheja cheja pairʉmʉ kuri rʉa paanatani
chekʉnare reojache chookaimato Dios Repaʉ paache, rʉa
reojache ĩsimanejamʉ mʉsanʉkonare, “Paavesʉme ina”, chini.
\v 12 Ũcuachia mʉsanʉkonapi chekʉna paamajñarʉãre masi
kuirakaimato Dios Repaʉ ĩsira chiisie cʉnaʉmʉ paache
reojache ĩsimanejamʉ mʉsanʉkonare.
\p
\v 13 ’Pãi kachanapi ũcuateeʉte paato repaʉte paanare
ũcuaparʉvachia chiicuamʉ. Chekʉrʉmʉ repaʉte paanare
teeʉte naa rʉa chiiʉ chekʉretani cuhemʉ repaʉ. Ũcuachia
kuriname Diore ũcuaparʉvachia cuasamame pãi. Kurire naa rʉa
cuasajʉ Dioretani cuasamame —‍chiniasomʉ Jesús repanare.
\p
\v 14 Jesupi jãajañe ikaʉna asa, fariseopãi kurineenajejʉ
pãisoasome repaʉte.
\v 15 Sojʉna Jesús ijache ikaasomʉ repanare:
\p —‍Pãi reona choochejache sẽsevʉchia reojache
choonaame mʉsanʉkona, chekʉnapi ña, “Reonaame ina”, chiapʉ
chini. Jãatani Dios mʉsanʉkona rekoñoã cuache cuasache
ñakʉmʉ. Jãajañe painare ñani pojomakʉamʉ Dios.
Jãajañe paiche rʉa cuhemʉ Repaʉ. Pãitani jãajañe
painare ñani pojome —‍chiniasomʉ Jesús repanare.
\s Dios chʉ̃ʉ jokasiename pãi cuache chooche ũhasinare
Dios chẽa paachete kʉamʉ
\p
\v 16 Ũcuarʉmʉ Jesús joe chʉvaasomʉ.
\p —‍Dios chʉ̃ʉñe Moisés Repaʉji ikakʉna asakʉ tocha
jokaasomʉ. Chekʉna, ũcuajache Dios chʉo kʉasina Repaʉ
chʉo tocha jokaasome. Repana tocha jokasiere ñajʉ
chʉvaasome pãi, Juan Pãi Okorovekʉ aineesirʉmʉjatʉka. Juan
pairʉmʉpi vʉa pãi cuache chooche ũhasinare Dios chẽa
paachete, chʉo reojachere chʉvajʉ paime pãi. Chʉvajʉna
pãi Dios paicheja saineenajejʉ asa jachamañe cuasajʉ, jainʉko
Repaʉ chʉ̃ʉñete choojʉ pañu chiime.
\p
\v 17 ’Aperʉmʉ Dios chʉ̃ʉ jokasie irʉmʉjatʉka
chʉ̃ʉmʉ. Chekʉrʉmʉ Diopi chʉ̃ʉʉna cʉnaʉmʉname cheja
siasõjamʉ. Repaʉ chʉ̃ʉ jokasietani jmamakarʉjẽe
siamanejamʉ —‍chiniasomʉ Jesús repanare.
\s Rʉ̃joromi sẽjomañe paachete chʉvamʉ Jesús
\r (Mt 19.1-12; Mr 10.1-12)
\p
\v 18 Chini Jesús joe chʉvaasomʉ.
\p —‍Pãiʉ ũcuaʉakʉji repaʉ rʉ̃jore paacuhekʉ sẽjosõ,
chekoni vejani Dios cuhechete cuache choomʉ. Ũcuajache pãiʉ
sẽjosikoni vejani Dios cuhechete cuache choomʉ —‍chiniasomʉ
Jesús.
\s Kuriʉ paichename chʉovaʉ Lázaro paiche kʉamʉ
\p
\v 19 Ũcuarʉmʉ Jesús pãire chʉvakʉ ũcuaʉji cuasakʉ
ijachere kʉaasomʉ:
\p —‍Pãiʉ kuriʉ paniasomʉ. Siaumucujña kãña rʉa
reojakãñare juiʉ, ãu rʉa reojachere karamañe ãiʉ pojokʉ
paniasomʉ repaʉ.
\v 20 Jãa chooto Lázaro, chʉovaʉ paivaʉ canivʉ
siacacanivʉ asi ravʉ paavaʉpi repaʉ kuriʉ vʉe
kakasaarote siaumucujña rani ñuiʉ paniasomʉ.
\v 21 Kuriʉ ãiʉ tojñomajñarʉãre sia ãni chajiʉache ñaasomʉ
repavaʉ. Ñuiʉna jamuchai rani repavaʉ asire vetoasome.
\v 22 Repaʉ chʉovaʉ paivaʉ jũnisõsirʉmʉ Diore jame
painapi ángeleji cʉnaʉmʉna Dios paichejana mʉaasome
repavaʉre, Abrahamni jame paaʉ chini. Kuriʉ ũcuajache
jũnisõasomʉ. Jũnisõʉna pãi repaʉte tãasome.
\p
\v 23 ’Kuriʉ paisikʉtani vati toana sani chʉovaʉ uukʉ paiʉ
Abrahamre soopi mʉñe ñaasomʉ. Lázarote ũcuajache
Abrahamname ñuikʉni ñaasomʉ repaʉ.
\v 24 Ña cuikʉ Abrahamre ijache ikaasomʉ repaʉ: “Jakʉ
Abraham, chʉʉvaʉre oijʉ̃ʉ. Lázarote chʉʉre raojʉ̃ʉ,
repaʉ mʉoño chãtirona okopi chʉ̃ʉ ra chʉʉ chemeñona
noʉna asucheji chʉrʉakʉ. Toare chʉovaʉ uukʉ paimʉ
chʉʉ”, chiniasomʉ repaʉ kuriʉ paisikʉ Abrahamre.
\v 25 Jãajañe ikakʉtetani Abraham ijache ikaasomʉ
repaʉte: “Jmavaʉ, mʉʉ cheja pairʉmʉ paisiere
cuasajʉ̃ʉ. Mʉʉ chiiche peore paasikʉamʉ mʉʉ. Ikʉ
Lázarotani chʉovaʉ paisikʉamʉ. Chura repaʉni reojache
tijñeʉna pojokʉ paimʉ. Mʉʉtani mʉʉni cuache
tijñeʉna chʉovaʉ uukʉ paimʉ chura.
\v 26 Ichejapi mʉʉ paichejajatʉka rũhichenevʉme.
Jãajekʉna icheja painare mʉsanʉkona paicheja sañu
chiinaretani saicuamʉ. Ũcuajache mʉʉ paicheja painare
rañu chiinaretani teeʉterejẽe raicuamʉ icheja chʉkʉna
paicheja”, chiniasomʉ Abraham repaʉte.
\p
\v 27-28 ’Chikʉna kuriʉ paisikʉ ikaasomʉ Abrahamre. “Jãa
paito, jakʉ Abraham, chʉʉ mʉʉre iere rʉa sẽeñe sẽemʉ:
Chʉʉ chojechĩi ʉmʉpãi, cincorepanare paakʉmʉ chʉʉ. Chʉʉ
jakʉ vʉena Lázarote saojʉ̃ʉ, chʉʉ chojechĩire Dios
chʉore chʉvakʉna asa chẽa repana cuache choochete
ũhasõrena icheja vati toa raomaneakʉ Dios”, chiniasomʉ
repaʉte.
\v 29 Jãajañe sẽeʉna Abraham ikaasomʉ repaʉte. “Moisés
tocha jokasiename Dios chʉo kʉasina tocha jokasie paame
repana mʉcheʉchĩi. Dios chʉo tochana tocha jokasiere ñajʉ
chechejʉ jachamairo paapʉ”, chiniasomʉ Abraham repaʉte.
\v 30 Chikʉna kuriʉ paisikʉ ikaasomʉ repaʉte. “Dios chʉo
tocha jokasie ñanatani jachanaame repana. Jãatani jũni
vajʉraisivaʉpi sani repanani chʉvatotani asa chẽa repana
cuache chooche ũhasõ, mama cuasajanaame repana”, chiniasomʉ
repaʉ.
\v 31 Chikʉna Abraham ikaasomʉ repaʉte. “Dios chʉo, Moisés
tocha jokasiename Dios chʉo kʉasina tocha jokasie ña
jachanaame repana. Ña jachanajejʉ jũni vajʉraisivaʉpi Dios
chʉore chʉvato ũcua jacharaame repana”, chiniasomʉ Abraham
kuriʉ paisikʉre —‍Jãajañe kʉaasomʉ Jesús repanare
fariseopãi.
\c 17
\s Pãi rũhiñe cuasamana cuache choochete kʉamʉ
\r (Mt 18.6-7, 21-22; Mr 9.42)
\p
\v 1 Ũcuarʉmʉ Jesús repaʉ neenare ikaasomʉ.
\p —‍Chekʉnare cua chʉvana pãi siarʉmʉ painaame.
Jãatani chʉʉre cuasavanapi cuache chooajʉ chini cuache
chʉvakʉte naa rʉa cuache tijñejamʉ.
\v 2 Pãiʉte Diore cuasakʉni teeʉte cuache chʉvakʉte
pãipi ijache chooto reoraamʉ: Repaʉ chutaa repaʉte cua
chʉvamarʉmʉna toacʉnapʉji rʉa ʉjapʉji repaʉ cavʉna pãipi
jepo vẽe chiarana tõ rʉosõru cuache pairaamʉ repaʉte.
Jãajañe choomato paiʉ chekʉrʉmʉ pãire cuache chʉvamʉ
repaʉ. Pãire repaʉ cuache chʉva pinisirʉmʉ Diopi repaʉ
cuache choosie roi chʉ̃ʉto naa rʉa cuache tijñejamʉ
repaʉte.
\v 3 Ñarepajʉ paijʉ̃ʉ, mʉsanʉkona. Mʉʉre kueñe paikʉji
mʉʉ majapãiʉjaiʉ paiʉ mʉʉni cuache chooto chʉvajʉ̃ʉ
repaʉte, joe choomaneakʉ. Chʉvakʉna, “Cuache
choosikʉamʉ chʉʉ. Joe jãajañe choocuhemʉ chʉʉ”,
chiito repaʉ cuache choosie joe cuasamanejʉ̃ʉ.
\v 4 Chekʉrʉmʉ repaʉ mʉʉre teeumucuse sieterepañoã cuache
choomʉ. Cuache chooñoã paiche sieterepañoã rani kʉamʉ
repaʉ mʉʉre. “Cuache choosikʉamʉ chʉʉ. Joe
cuasamanejʉ̃ʉ chʉʉ choosie”, chiimʉ. Jãajañe chiito
repaʉ cuache choosie joe cuasamanejʉ̃ʉ mʉsanʉkona —‍chiiʉ
chʉvaasomʉ Jesús repaʉ neenare.
\s Diore masi cuasana Repaʉchia choomasichete choome
\p
\v 5 Ũcuarʉmʉ Jesús neena joe ikaasome repaʉte.
\p —‍Diore naa rʉa cuasañu chiime chʉkʉna. Repaʉ,
“Mʉsanʉkonare siarʉmʉ chookaijamʉ chʉʉ”, chiisiere
cavesʉmairo naa rʉa cuasañu chiime chʉkʉna. Chʉkʉnate
chookaijʉ̃ʉ —‍chiniasome repana.
\p
\v 6 Jãajañe ikarena Jesús ikaasomʉ.
\p —‍Mostazarakarʉ rʉa jmarakarʉme. Jãatani reparakarʉte
tãru sũkiñʉ ʉjañʉ aineemʉ. Mʉsanʉkona ũcuajache jmamakarʉ
Diore cuasanatani Repaʉchia choomasichete choojanaame.
Mʉsanʉkonapi, “Dios peore masikʉmʉ”, chini cuasajʉ iñʉre
sicómoroñʉte, “Rʉ̃ni sani chiara joopona nʉkajʉ̃ʉ”, chiito
mʉʉ chʉ̃ʉñe choomʉ iñʉ —‍chiniasomʉ Jesús.
\s Chekʉnare chooche chookaina paichete kʉamʉ
\p
\v 7 Ũcuarʉmʉ Jesús joe ikaasomʉ repanare.
\p —‍Chekʉrʉmʉ mʉsanʉkona teeʉji chooche chookaikʉte
paamʉ. Paakʉna mʉʉre chooche chookaikʉ mʉʉ chiona sani
chejare mukakʉ paimʉ ãure tãra chini. Chekʉrʉmʉ
ovejavanani kuirakaimʉ. Chooche chookasa chini saisivaʉre
vʉena makʉna, “Kaka pʉʉ, ãu ãijʉ̃ʉ”, chiimamʉ mʉʉ.
\v 8 “Ãu chʉʉre chookaijʉ̃ʉ; ãsa. Chʉʉpi ãu ãiʉ
ũkukʉna chʉʉ chiiche ũcuaʉache miijani rakaiʉ paijʉ̃ʉ,
chʉʉ ãu ãni piniñetʉka. Jãachoje mʉʉpi ãijʉ̃ʉ.”
Jãajañe ikamʉ mʉʉ, mʉʉre chooche chookaikʉte.
\v 9 Ũcuachia mʉʉre chooche chookaikʉji mʉʉ
chʉ̃ʉsiere masi choo piniru, “Reorepamʉ. Rʉa reojache
chookaimʉ mʉʉ chʉʉre”, chiimamʉ mʉʉ repaʉte.
\v 10 Ũcuajache mʉsanʉkonapi Dios chʉ̃ʉsiere peore choo
pinini ijache ikajʉ̃ʉ Repaʉte: “Rʉa vesʉnaame chʉkʉna.
Jãatani mʉʉ chʉ̃ʉñe chookainajejʉ mʉʉ
chʉ̃ʉsimakarʉchia choosinaame chʉkʉna”, chiijʉ̃ʉ
Repaʉte —‍chiniasomʉ Jesús repaʉ neenare.
\s Ʉmʉpãi dierepanare asi ravʉ jũinani Jesús vasosiere kʉamʉ
\p
\v 11 Ũcuarʉmʉ Jesús Jerusalén vʉejoopo sasa chiikʉjekʉ
joe saiʉ Samaria chejaname Galilea cheja tʉsʉsimaapi
saniasomʉ.
\v 12-13 Vʉejoorʉ sani tĩatona ʉmʉpãi asi ravʉ jũina
dierepana raniasome repaʉte.
\p Rani soopi nʉkajʉ ñajʉ ʉjachʉopi cuijʉ ijache ikaasome
repana repaʉte:
\p —‍¡Jesús, Masiʉ, chʉkʉnavanare oijʉ̃ʉ! —‍chiniasome
repana.
\p
\v 14 Chitena ña ikaasomʉ repaʉ.
\p —‍Mʉsanʉkona canivʉã phairipãire ñojaijʉ̃ʉ —‍chiniasomʉ
Jesús repanare.
\p Jãajañe ikaʉna, “Jaʉ”, chini saijʉna repana asi
teerʉmʉ jajusoasomʉ repana canivʉã reojacanivʉã.
\v 15 Vajʉ teeʉ repaʉ jajusicanivʉte meñe sime ña pojokʉ
chʉri coiasomʉ Jesuni. Coikʉ Dioni pojokʉ ʉjachʉopi, “Rʉa
reokʉmʉ mʉʉ”, chiniasomʉ repaʉ.
\v 16 Jãajañe ikakʉ coi, Jesús paichejana tĩa, repaʉni
pojokʉ repaʉ tijñeñe meñe sime ñuiʉ, “Reorepamʉ”,
chiniasomʉ repaʉ. Samaria cheja cakʉ paniasomʉ repaʉ asi ravʉ
jũisikʉ.
\v 17 Jãajañe pojokʉ ikaʉna Jesús ikaasomʉ.
\p —‍Asi ravʉ jũinare, dierepanare vasosikʉamʉ chʉʉ.
Chekʉna nueverepanatani coi, “Reorepamʉ”, chiimame
chʉʉre.
\v 18 Ikʉ tĩipãiʉchia judío peokʉji teeʉ coi Dioni
pojokʉ, “Dios rʉa reokʉmʉ”, chiimʉ. Chekʉnatani Diore
pojomame —‍chiniasomʉ Jesús.
\p
\v 19 Chini Jesús repaʉte coisikʉre ikaasomʉ.
\p —‍Chura vʉni saijʉ̃ʉ. “Ikʉ Jesús chʉʉre vasojamʉ”,
chini cuasasikʉjekʉ vajʉcuhasikʉamʉ mʉʉ —‍chiniasomʉ
Jesús.
\s Dios Raosikʉ chʉ̃ʉrʉmʉ tĩajañere kʉamʉ
\r (Mt 24.23-28, 36-41)
\p
\v 20 Ũcuarʉmʉ fariseopãi Jesure ijache sẽniasome:
\p —‍¿Jeerʉmʉ Dios Raojaʉ rani pãi ũcuanʉkore chʉ̃ʉjaʉ?
—‍chiniasome. Chitena Jesús ikaasomʉ repanare.
\p —‍Repa chʉ̃ʉrʉmʉ tĩajañe vesʉme pãi.
\v 21 Dios Raosikʉ repaʉte cuasanarechia rekoñoãna chʉ̃ʉkʉ
paimʉ. Jãajekʉna pãi ijache ikamanejanaame: “Dios Raosikʉ
ichejare chʉ̃ʉmʉ.” Ũcuachia, “Jãachejare Dios Raosikʉ
chʉ̃ʉmʉ”, chiimanejanaame pãi —‍chiniasomʉ Jesús repanare
fariseopãi.
\p
\v 22 Chini Jesús repaʉ neenare ikaasomʉ.
\p —‍Naa paisirʉmʉ mʉsanʉkona chʉʉ joe cajejachere
chaajʉ, “Dios Raosikʉpi joe caje, maire teeumucusechia jame
paito reoraamʉ”, chiijʉ cuasajanaame mʉsanʉkona. Jãatani
chʉʉ cajerʉmʉ chutaa tĩamaʉna jmamakarʉjẽe
ñamanejanaame mʉsanʉkona chʉʉre.
\v 23 Pãi mʉsanʉkonare ijache kʉajanaame: “Rani ñajʉ̃ʉ.
Dios Raosikʉ ichejare paimʉ.” Chekʉna, “Sani ñajʉ̃ʉ. Dios
Raosikʉ jeechejare paimʉ”, chiijanaame. Pãipi jãajañe
kʉajʉna jame ñañu chini saimanejʉ̃ʉ mʉsanʉkona.
\v 24 Cʉnaʉmʉpi teekãko oko feneni chekʉkãkojatʉka rʉa
nami peore miañe fene chʉvokʉna ñame pãi. Ũcuajache chʉʉ
Dios Raosikʉ icheja cheja joe cajerʉmʉ pãi ũcuanʉko
ñajanaame chʉʉre.
\v 25 Jãatani charo rʉa asi choocojñojamʉ chʉʉ.
Ũcuachia irʉmʉ paina pãi, “Dios Raosikʉmamʉ mʉʉ”,
chiijʉ cuheme chʉʉre.
\v 26 Chʉʉ Dios Raosikʉ chejana joe cajeumucuse tĩapirarʉmʉ
Noé pairʉmʉ paisina paisiejache cuache paijanaame pãi.
\v 27 Noé pairʉmʉ paisina pãi ãu ãijʉ, cono ũkujʉ, romi
vejajʉ, ʉmʉ vejajʉ, repanare ʉache choojʉ paniasome, Dioni
cuasamapʉ, repaʉ Noé choovʉ ʉjavʉ kakaumucusejatʉka.
Kakasirʉmʉna okopi ra kosaʉna ũcuanʉko choosõasome repana
pãi.
\v 28 Ũcuajache chʉʉ cajeumucuse tĩapirarʉmʉ, Lot pairʉmʉ
paisina cuache paisiejache cuache paijanaame pãi. Reparʉmʉ
pãi ãu ãijʉ, cono ũkujʉ, põse koo ĩsijʉ, repana chiño ãu
tãjʉ, vʉña choojʉ paniasome, Dioni cuasamairo paijʉ.
\v 29 Jãajañe painani repaʉ Lot, Sodoma vʉejoopo
paisikʉpi eta sanisõasomʉ. Repaʉ Lot eta sanisõsirʉmʉna
Diopi chʉ̃ʉʉna cʉnaʉmʉpi toaname toacatapi repajoopona
tuãtuakʉna pãi peore choosõasome.
\v 30 Lot pairʉmʉ choosiejache chʉʉ Dios Raosikʉ joe
cajerʉmʉna cuache choojʉ paijanaame pãi.
\p
\v 31 ’Chʉʉ joe cajerʉmʉ pãi ũcuaʉana repana vʉña
vekoroãre pani cuamajñarʉã mini sañu chini repana vʉña
kakamañe teana vʉvʉsõajʉ. Ũcuajache pãi chiño paina
repana vʉña paichete cuamajñarʉãre mini sañu chini
coimañe teana vʉvʉsõajʉ.
\v 32 Lot rʉ̃jo choocojñosiere cuasa, repao jachasiejache
Diore jachamanejʉ̃ʉ mʉsanʉkona.
\v 33 Pãi Dios chʉ̃ʉñete choocuhejʉ repanare ʉachechia
choojʉ paito cuamʉ. Jãajañe choonare chʉʉpi rani vati
toana saojamʉ repanare. Chekʉnaretani repanare chooʉache
ũhasõ, Dios chʉ̃ʉñete choojʉ painaretani Dios paichejana
sajamʉ chʉʉ.
\p
\v 34 ’Ijachere kʉara chiimʉ chʉʉ mʉsanʉkonare: Chekʉrʉmʉ
ángeles ñamipi caje ʉmʉpãi teekachapana ũcuateekoa
kãinare teeʉte sajʉ chekʉni jokajanaame.
\v 35 Chekʉrʉmʉ romi teekachapana ũcuateecheja ãu toanare
teeote sajʉ chekoni jokajanaame.
\v 36 Chekʉrʉmʉ ʉmʉpãi teekachapana chio ũcuateechio
painare ũcuajache teeʉte sajʉ chekʉni jokajanaame
—‍chiniasomʉ Jesús repanare.
\p
\v 37 Jãajañe ikaʉna chʉo sẽniasome repana.
\p —‍Chʉkʉnate Paakʉ, ¿jeechejana jãajañe choojaʉ?
—‍chiniasome repana.
\p Chitena ikaasomʉ repaʉ.
\p —‍Cuavanare jũni jãjusivanare jñaa caje chiime vacho
—‍chiniasomʉ Jesús repaʉ neenare.
\c 18
\s Vajeo paichename pãi chẽañe chʉ̃ʉkʉ paiche cuasakʉ
kʉamʉ Jesús
\p
\v 1 Ũcuarʉmʉ Jesús repaʉ neenani chʉvaasomʉ.
\p —‍Mʉsanʉkona Diore sẽeñe ũhamanejʉ̃ʉ. Mʉsanʉkona
chiiche cuhamañe Dioni sẽejʉ paijʉ̃ʉ —‍chiniasomʉ Jesús
repaʉ neenare.
\p
\v 2 Jãajañe chʉvacuha ijachere cuasakʉ kʉaasomʉ repaʉ,
repanapi siarʉmʉ Dioni sẽejʉ paapʉ chini:
\p —‍Diore cuasamakʉ, pãi chẽañe chʉ̃ʉkʉ vʉejoopote
paniasomʉ. Ũcuajache pãijẽe oimakʉ paniasomʉ repaʉ.
\v 3 Ũcuarʉmʉ vajevao ũcuajoopo paivao repaʉte pãi
chẽañe chʉ̃ʉkʉte siarʉmʉ mʉa ijachere kʉako paniasomo:
“Pãiʉ chʉʉni perukʉ cuache choomʉ. Ʉ̃sekaijʉ̃ʉ
chʉʉre repaʉ cuache chooche joe choomaneakʉ”, chiniasomo
repao repaʉte.
\v 4 Siarʉmʉ sẽekotetani rupʉ asakʉ paniasomʉ repaʉ.
Jãatani repaoji rʉarepa sẽeona ijache cuasaasomʉ repaʉ: “Chʉʉ
Diore cuasamakʉamʉ. Ũcuajache pãijẽe oimakʉamʉ chʉʉ.
\v 5 Jãatani repaoji chʉʉni siareparʉmʉ mʉta sẽeona asa
canasõ chookaijamʉ chʉʉ. Repaote chookatu joe
mʉtamanejamo repao”, chini repao sẽesie chookaniasomʉ repaʉ
—‍Jãajañe kʉaasomʉ Jesús repaʉ neenare.
\p
\v 6 Kʉa pini repanare ijache ikaasomʉ repaʉ:
\p —‍Pãi chẽañe chʉ̃ʉkʉ cuakʉ choosiere cuasa ñajʉ̃ʉ
mʉsanʉkona.
\v 7 Repaʉ pãi chẽañe chʉ̃ʉkʉ pãi oimakʉ paniasomʉ.
Jãatani vajeoji siareparʉmʉ repaʉji chookaaʉ chini sẽeona
chookaniasomʉ repaʉ. Diotani pãi chẽañe chʉ̃ʉkʉ
paichejache paimakʉamʉ. Jãajekʉna Repaʉ chẽa paanapi
umucujñaname ñami Repaʉji chookaaʉ chini siarʉmʉ sẽeto,
“Chaajʉ̃ʉ. Naa pani chookaijamʉ chʉʉ”, chiimakʉamʉ
Dios. Repana sẽeñe asa teana chookaikʉmʉ Dios.
\v 8 Repana chiiche nami chookaikʉmʉ Dios. Chʉʉ Dios Raosikʉ
ichejana joe cajeni, ¿Diore cuasajʉ siarʉmʉ sẽenare ñajañe
chʉʉ? —‍chiniasomʉ Jesús repaʉ neenare.
\s Fariseopãiʉname pãi chʉ̃ʉnare kuri kookaikʉ paichete
kʉamʉ
\p
\v 9 Reparʉmʉ pãi, “Rʉa reonaame chʉkʉna. Chekʉnatani
cuanaame”, chiijʉ cuasanapi Jesure jame paniasome. Jãajañe
cuasajʉna repanani chʉvakʉ ijachere cuasakʉ kʉaasomʉ Jesús:
\p
\v 10 —‍Ʉmʉpãi teekachapana fariseopãiʉname pãi
chʉ̃ʉnare kuri kookaikʉ Dios vʉena mʉa kakaasome Dioni
sẽeñu chini.
\v 11 Ũcuarʉmʉ fariseopãiʉ nʉkakʉ ijache sẽniasomʉ: “Ãa,
Jakʉ Dios, chekʉna pãi cuache choome. Põse ñaame.
Ũcuajache chekʉnare ũcuarepa choomame. Ũcuajache rʉ̃joromi
peonare jame kãijʉ paime. Chʉʉtani chekʉna choochejache
cuache choomakʉamʉ. Ikʉ kuri kookaikʉ ũcuajache kuri
cajejaiche sẽni koo kʉamairo paakʉmʉ. Chʉʉtani jãajañe
choomakʉamʉ. Reokʉmʉ chʉʉ. Reokʉjekʉ mʉʉni pojokʉ
mʉʉre reorepamʉ chiiʉ paikʉmʉ chʉʉ.
\v 12 Teesemana teekachapañoã ãu ãimairo paikʉmʉ chʉʉ,
mʉʉni pojokʉ. Chʉʉ chooche choosiere pãipi chʉʉni
roito aperʉmʉ mʉʉ ĩsijʉ̃ʉ chiisinʉkorʉ kuẽkue ña
karamañe ĩsikʉmʉ chʉʉ mʉʉre. Chekʉrʉmʉ kurirere
diereparere kooni teerererʉ ĩsikʉmʉ chʉʉ. Chekʉrʉmʉ
cienreparererʉã kooni diereparere ĩsikʉmʉ chʉʉ mʉʉre.
Jãajañechia ĩsikʉmʉ chʉʉ mʉʉre”, chiiʉ sẽniasomʉ
repaʉ fariseopãiʉ. Cuache chookʉtani reojache choochechia
kʉaasomʉ repaʉ.
\v 13 Chekʉ kuri kookaikʉtani repaʉ cuache choosiere cuasa
cʉnaʉmʉ Dios paichejajekʉna ñavajʉchʉkʉ soore sʉmavaʉ
meñe sime nʉkakʉ paniasomʉ. Sʉmavaʉ nʉkasikʉpi ãcapʉna
vaiʉ Diore ijache sẽniasomʉ repaʉ: “Ãa, Jakʉ Dios, cuache
paikʉmʉ chʉʉ. Jãatani oijʉ̃ʉ chʉʉvaʉre”,
chiniasomʉ repaʉ —‍Jãajañe kʉaasomʉ Jesús repanare.
\p
\v 14 Kʉacuha joe ikaasomʉ repaʉ.
\p —‍Asarepajʉ̃ʉ mʉsanʉkona. Sẽni pini eta repana vʉñana
coiasome repana. Kuri kookaikʉji ũcuaʉji meñe, “Cuache
paikʉmʉ chʉʉ”, chiiʉ Dioni sẽkʉna repaʉ cuache
choosie tʉnosõkani, “Cuache choosie roiche peomʉ ikʉre”,
chiniasomʉ Dios. Chekʉretani repaʉji, “Reojachechia
chookʉmʉ chʉʉ”, chikʉna repaʉ cuache choosie
tʉnokaimaneasomʉ Dios. “Repaʉ cuache chooche kʉamanesie
roiche paimʉ ikʉre”, chiniasomʉ Dios. Pãi teena, cuache
choonatani, “Reonaame chʉkʉna”, chiime, chekʉnapi asa,
“Reonaame jãana”, chiapʉ chini. Repana cuache choochete
Dioni kʉamapʉna repana cuache chooche tʉnokaimamʉ Dios. Diopi
ñato cuanaame repana. Jãatani chekʉna pãi, “Cuache
chookʉmʉ chʉʉ”, chini cuasa Dioni kʉajʉna repana cuache
chooche tʉnokaimʉ Dios, repanani oiʉ. Diopi ñato reonaame
repana, cuache chooche tʉnosõcojñosinajejʉ —‍chiniasomʉ
Jesús repanare.
\s Chĩivanare Jesús reojache ika jokasiere kʉamʉ
\r (Mt 19.13-15; Mr 10.13-16)
\p
\v 15 Ũcuarʉmʉ pãi Jesús paichejana repana chĩivanare
raasome, Repaʉji chẽsekʉ Dioni reojachere sẽekaaʉ chini.
Jãajañe rajʉna ña repaʉ neena ʉ̃seasome repanare.
\v 16 Ʉ̃sejʉna Jesús repaʉ neenare soni ikaasomʉ.
\p —‍Chĩivanare raiʉ̃semanejʉ̃ʉ mʉsanʉkona chʉʉni
raapʉ. Ivana chĩivanajañe paijʉ chʉʉre masi cuasanapi
Dios chʉo asa chẽajanaame.
\v 17 Jãatani ivana chĩivana chʉʉre masi cuasachejache
masi cuasamana Dios chʉo asa chẽamanejanaame. Ũcuarepaame
jãa —‍chiniasomʉ Jesús repaʉ neenare.
\s Pãiʉ kuriʉ Jesure Dios paicheja saiche sẽniasasiere kʉamʉ
\r (Mt 19.16-30; Mr 10.17-31)
\p
\v 18 Ũcuarʉmʉ judíopãi chʉ̃ʉkʉ kuriʉ Jesuni chʉo
sẽniasomʉ.
\p —‍Masiʉ, reokʉmʉ mʉʉ. ¿Jese choonite Dios paicheja
saijache chʉʉ? —‍chiniasomʉ repaʉ repaʉte.
\p
\v 19 Chikʉna Jesús ikaasomʉ repaʉte.
\p —‍¿Jese cuasa, “Reokʉmʉ mʉʉ”, chiikʉ mʉʉ
chʉʉre? Diochiaamʉ Reokʉ. Chekʉ pãiʉ reokʉ peomʉ.
\v 20 Aperʉmʉ Dios chʉ̃ʉ jokasie masicosomʉ mʉʉ. Ijache
kʉamʉ repa:
\q Mʉsanʉkona ʉmʉpãi romi paana chekʉnare romi
jame kãimanejʉ̃ʉ.
\q Ũcuajache romi ʉmʉ paina chekʉnare
ʉmʉpãi jame kãimanejʉ̃ʉ.
\q Ũcuachia pãi vanisõmanejʉ̃ʉ.
\q Chekʉna nee ñaamanejʉ̃ʉ.
\q Chekʉna paichete kʉani
joremanejʉ̃ʉ.
\q Ũcuajache mʉjakʉpãi ña kʉkʉjʉ̃ʉ.
\m Jãajañe chʉ̃ʉsikʉamʉ Dios —‍chiniasomʉ Jesús repaʉte
kuriʉte.
\p
\v 21 Chikʉna ikaasomʉ repaʉ.
\p —‍Chĩirʉmʉpi irʉmʉjatʉka Dios chʉ̃ʉ jokasie peore
jãa jachamañe chookʉ paikʉmʉ chʉʉ —‍chiniasomʉ repaʉ.
\p
\v 22 Jãajañe ikaʉna Jesús ijache ikaasomʉ repaʉte:
\p —‍Ũcuarepa chookʉtetani karamʉ mʉʉre. Mʉʉ paache
cuamajñarʉãre peore ĩsisõ, kuri koo chʉovana paivanani rupʉ
ĩsijʉ̃ʉ. Ĩsisõjani rani chʉʉname kuiʉ chʉʉ
chʉ̃ʉñete chookʉ paijʉ̃ʉ. Jãajañe choonite Dios
paichejana sani reojache paijamʉ mʉʉ —‍chiniasomʉ Jesús
repaʉte kuriʉte.
\p
\v 23 Jesupi jãajañe ikaʉna asa, ĩsicuhekʉ sʉmavaʉ
paniasomʉ repaʉ, rʉa kuriʉjekʉ.
\v 24 Sʉmavaʉ paiʉna ña Jesús ijache ikaasomʉ repaʉte:
\p —‍Pãi kurinare Dios paicheja saineenaretani saicuajamʉ,
repanapi kurire naa rʉa cuasajʉ Dioni cuasamato.
\v 25 Camellovaʉre miuñakarʉ cojerʉ kaka etajaicuachejache
kuriʉte Dios paicheja saicuajamʉ, repaʉji kurire naa rʉa
cuasakʉ paito —‍chiniasomʉ Jesús repaʉte kuriʉte.
\p
\v 26 Jesús ikache asasina ijache sẽniasome repaʉte:
\p —‍Jãa paito, ¿jese choonani Dios paicheja saireojaʉ?
—‍chiniasome.
\p
\v 27 Chitena Jesús ikaasomʉ.
\p —‍Maichia teena cuasajʉna Dios paicheja saicuamʉ maire
pãi. Diopi chookaitotani Repaʉ paicheja saiche vesamamʉ
—‍chiniasomʉ repaʉ.
\p
\v 28 Chikʉna Pedro ikaasomʉ.
\p —‍Chʉkʉna mʉʉname pañu chini chʉkʉna paasimajñarʉã
peore jokasõ rani mʉʉname kuime —‍chiniasomʉ.
\p
\v 29-30 Chikʉna Jesús ikaasomʉ repaʉte.
\p —‍Pãiʉ ũcuaʉakʉ Dios chʉ̃ʉñete chookʉ pasa chiikʉ
chekʉrʉmʉ repaʉ vʉere jokasõmʉ. Chekʉrʉmʉ repaʉ
rʉ̃joni jokasõmʉ. Chekʉrʉmʉ repaʉ majaachʉpãire
jokasõmʉ. Chekʉrʉmʉ repaʉ chojechĩire jokasõmʉ.
Chekʉrʉmʉ repaʉ pʉkakʉpãire jokasõmʉ. Chekʉrʉmʉ repaʉ
chĩire jokasõni repaʉ aperʉmʉ paasinʉko naa rʉa jñaajamʉ
repaʉ, icheja cheja pairʉmʉ. Ũcuajache jũnisõsirʉmʉ Dios
paichejare ai sani paijamʉ repaʉ. Ũcuarepaame jãa
—‍chiniasomʉ Jesús repanare.
\s Jesús repaʉ chuenisojachere joe kʉamʉ
\r (Mt 20.17-19; Mr 10.32-34)
\p
\v 31 Ũcuarʉmʉ Jesús repaʉ neenare docerepanare soni ijache
kʉaasomʉ:
\p —‍Jerusalén vʉejoopona maijanaame mai chura. Aperʉmʉ Dios
chʉo kʉana tocha jokasie chʉʉ Dios Raosikʉ
choocojñojañere kʉame. Repana kʉajʉ tocha jokasie
Jerusalenna tijñejamʉ chʉʉre.
\v 32 Judíopãipi judío peonani jokajanaame chʉʉre, repanapi
cuache chooajʉ chini. Rʉa cuache cutujʉ pãisojʉ coo
tutujanaame repana chʉʉre.
\v 33 Ũcuachia suĩsue pini vanisõjanaame repana chʉʉre.
Jãatani choteumucujñana vajʉraijamʉ chʉʉ —‍chiniasomʉ
Jesús repaʉ neenare.
\p
\v 34 Repaʉ kʉache asanatani jmamakarʉjẽe asa chẽamaneasome
repana. Diopi repanani asa chẽañete ʉ̃sekʉna asavesʉasome
repana.
\s Naavaʉre Jesús vasosiere kʉamʉ
\r (Mt 20.29-34; Mr 10.46-52)
\p
\v 35 Repaʉ Jesús Jericó vʉejoopo tĩacuhato naavaʉ maa
rʉtʉvate ñuiʉ kurire sẽeʉ paniasomʉ.
\v 36 Ñuiʉna pãipi jainʉko ũcuachejapi caraijʉna asa,
\p —‍¿Jese chooche ina? —‍chiniasomʉ repaʉ.
\v 37 Chikʉna,
\p —‍Jesús, Nazaret vʉejoopo raisikʉpi caraimʉ —‍chiniasome
pãi repaʉte jame saina.
\v 38 Chitena asa ʉjachʉopi ijache cuikʉ ikaasomʉ repaʉ:
\p —‍Jesús, David aperʉmʉ paisikʉ Jojosikʉ, oijʉ̃ʉ
chʉʉvaʉre —‍chiniasomʉ.
\p
\v 39 Ikaʉna asa charo saina,
\p —‍Reomʉ. Joe ikamanejʉ̃ʉ —‍chiniasome repaʉte. Joe
ikamanejʉ̃ʉ chiinaretani naa rʉa cuikʉ ikaasomʉ repaʉ.
\p —‍Jesús, David aperʉmʉ paisikʉ Jojosikʉ, oijʉ̃ʉ
chʉʉvaʉre —‍chiniasomʉ repaʉ.
\p
\v 40 Jãajañe ikakʉ cuikʉna asa canʉka,
\p —‍Chʉʉni rajʉ̃ʉ repaʉte —‍chiniasomʉ Jesús repanare.
Chikʉna repaʉni kueñe rarena Jesús ijache sẽniasomʉ repaʉte:
\p
\v 41 —‍¿Ʉ̃quere chookaaʉ chini sẽekʉ mʉʉ chʉʉre?
—‍chiniasomʉ Jesús repaʉte.
\p Chikʉna,
\p —‍Pãi Ũcuanʉkore Paakʉ, chʉʉ ñakocaã ñoakʉ chiimʉ chʉʉ
—‍chiniasomʉ repaʉ.
\p
\v 42 Chikʉna Jesús ikaasomʉ.
\p —‍Mʉʉ ñakocaã ñoakʉ mʉʉre. “Jesús chʉʉre
vasojamʉ”, chini cuasasikʉjekʉ vajʉcuhamʉ mʉʉ chura
—‍chiniasomʉ Jesús repaʉte.
\p
\v 43 Jesupi jãajañe ikakʉna repaʉ ñakocaã teana
careosoasomʉ. Careoʉna Jesuname saiʉ Dioni pojokʉ, “Rʉa
reokʉmʉ mʉʉ”, chiniasomʉ repaʉ. Chekʉna ũcuajache
repaʉte choosiere ña, “Dios peore masikʉmʉ”, chiniasome.
\c 19
\s Zaqueoname Jesús choosiere kʉamʉ
\p
\v 1-2 Ũcuarʉmʉ Jesús Jericó vʉejoopo tĩa mʉato
ũcuajoopote pãiʉ kuriʉ paniasomʉ. Repaʉ mamiame Zaqueo. Pãi
chʉ̃ʉnare kuri kookainare chʉ̃ʉkʉ paniasomʉ repaʉ.
\v 3 Repaʉ Zaqueo Jesure ñara chiikʉtani chejarʉ nʉkakʉjekʉ
pãipi jairepanʉkojejʉna ñamaneasomʉ.
\v 4 Ñamanesikʉjekʉ Jesuni ñara chini charona vʉvʉ sũkiñʉ
sicómoroñʉna mʉni tuhiʉ chaaasomʉ repaʉ, “Jesús ichejapi
caraijamʉ”, chini.
\v 5 Tuhiʉ chaakʉna repaʉ Jesús ũcuachejana sani tĩa
caraipirakʉji mʉñe ña sũkiñʉ tuhikʉte Zaqueote ijache
ikaasomʉ:
\p —‍Zaqueo, pesa cajejʉ̃ʉ. Chura iumucuse mʉʉ vʉena
canʉkache paamʉ chʉʉ —‍chiniasomʉ repaʉ repaʉte.
\p
\v 6 Jesupi jãajañe ikaʉna asa pojokʉ nami caje repaʉ
vʉena mʉvaasomʉ repaʉ.
\v 7 Mʉvakʉna ña pãi ũcuanʉko perujʉ cuache ikaasome
Jesure. “Pãiʉ cuakʉ vʉena canʉkara chini mʉamʉ jãʉ
Jesús”, chiniasome repana ũcuanʉko.
\p
\v 8 Ũcuarʉmʉ repaʉ Zaqueo repaʉ vʉere paiʉ vʉni nʉkakʉ
ikaasomʉ Jesure.
\p —‍Ñakʉ, Pãi Ũcuanʉkore Paakʉ. Chura chʉʉ paache
cuamajñarʉã chʉovana paivanani joopo rupʉ ĩsijamʉ
chʉʉ. Ũcuajache chʉʉ jorekʉ chekʉnare naa cajejaiche
sẽni koosinʉko kuri ũcuakachapañoã joe ũcuajanʉko jovo
cochojamʉ chʉʉ repanare —‍chiniasomʉ repaʉ.
\p
\v 9 Chikʉna Jesús ikaasomʉ repaʉte.
\p —‍Mai aipãiʉ Abraham jojosikʉamʉ mʉʉ. Iumucuse ivʉe
painare mʉsanʉkonani oiʉ chẽamʉ Dios, jũnisõsirʉmʉ vati
toana saimaneajʉ chini.
\v 10 Chʉʉ, Dios Raosikʉ, pãipi jũnisõ vati toana saimaneajʉ
chini chejana cajesikʉamʉ. Repanare chẽa paakʉ repana cuache
choocojñoraasie ʉ̃sekani paajamʉ chʉʉ —‍chiniasomʉ Jesús
repaʉte Zaqueote.
\s Kurirere koosina paichete kʉamʉ
\r (Mt 25.14-30)
\p
\v 11 Jesupi jãajañe ikaʉna asa, repaʉji Jerusalén
vʉejoopona tĩapirakʉna ijache cuasaasome repana pãi: “Ikʉ
Jerusalén vʉejoopona tĩa teana pãi ũcuanʉkore
chʉ̃ʉjamʉ”, chini cuasajʉna repanani chʉvakʉ ijachere
cuasakʉ kʉaasomʉ repaʉ, jãajañe cuasamaneajʉ chini:
\p
\v 12 —‍Pãiʉ paipãiʉ paniasomʉ. Repaʉni pãi chʉ̃ʉkʉte
jokañu chini chekʉcheja cana soniasome repaʉte. Sotena
chekʉchejana soona saniasomʉ repaʉ, repanapi repaʉni pãi
chʉ̃ʉkʉte jokarena repaʉ paicheja canani coi chʉ̃ʉra
chini.
\v 13 Saipirakʉ repaʉte chooche chookainare dierepanare
soniasomʉ repaʉ. Soni rao pachokurirere teererechia ĩsi pini
ijache ikaasomʉ repaʉ repanare: “Chura chʉʉ ĩsisirere
kurirerepi põsere koo ĩsijʉ naa rʉa kurire koojʉ paijʉ̃ʉ.
Chʉʉ rairʉmʉjatʉka jãajañe choojʉ paijʉ̃ʉ
mʉsanʉkona”, chiniasomʉ repaʉ.
\v 14 Chini joka sanisõʉna repaʉ paicheja cana pãi, repaʉni
cuhejʉ, teenare pãi jñaa saoasome, repaʉ saisijoopona tuha
chʉ̃ʉñe jokajanani, “Ikʉ chʉ̃ʉñe cuheme chʉkʉna”,
chiapʉ chini.
\p
\v 15 ’Cuhechetani ũcua pãi chʉ̃ʉkʉte jokaasome repana
repaʉte. Pãi chʉ̃ʉkʉte jokarena repaʉ paichejana coi,
repaʉte chooche chookainare repaʉ kuri ĩsisinani soapʉ chini
chʉ̃ʉasomʉ repaʉ, repana koosinʉkore kurire masira chini.
\v 16 Sotena charo teeʉ rani ijache kʉaasomʉ: “Chʉʉre
paakʉ, mʉʉ chʉʉre ĩsisirereva kurirerevaji põsere koo
ĩsikʉ diereparere koosikʉamʉ chʉʉ”, chiniasomʉ.
\v 17 Chikʉna ikaasomʉ repaʉ. “Mʉʉ rʉa masi
choosikʉamʉ. Kuri kacharʉ koosikʉtani naa rʉa
jñaasikʉamʉ mʉʉ. Masi choosikʉjekʉna vʉñajoopoã
dierepajoopoã painani pãire chʉ̃ʉakʉ chini jokamʉ chʉʉ
mʉʉre”, chiniasomʉ repaʉ.
\v 18 Kʉacuhaʉna chekʉ ũcuajache kurirereva koosikʉ rani
kʉaasomʉ. “Chʉʉre paakʉ, kurirereva mʉʉ chʉʉre
ĩsisirerevaji põsere koo ĩsikʉ cincoreparere koosikʉamʉ
chʉʉ”, chiniasomʉ.
\v 19 Jãajañe kʉaʉna repaʉte paakʉ ijache ikaasomʉ:
“Reorepamʉ. Vʉñajoopoã cincorepajoopoã painani pãire
chʉ̃ʉakʉ chini jokamʉ chʉʉ mʉʉre”, chiniasomʉ repaʉ.
\p
\v 20 ’Kʉacuhaʉna chekʉ kurirereva koosikʉ rani kʉaasomʉ.
“Chʉʉre paakʉ, mʉʉ chʉʉre ĩsisirereva kurirereva
ũcuarereva cochamʉ chʉʉ mʉʉre. Mʉʉpi ĩsiʉna koo
kãaserechoji rea careva paakʉ paisikʉamʉ chʉʉ
reparereva.
\v 21 Mʉʉre chooche chookainare oimakʉamʉ mʉʉ. Chekʉna
chooche choo koosie kuri tʉasõkʉmʉ mʉʉ. Ũcuajache ãu
chekʉna tãsie tʉasõkʉmʉ mʉʉ. Jãajekʉna jãare
vajʉchʉkʉ mʉʉ chʉʉre ĩsisirereva kurirereva rupʉ
paasikʉamʉ chʉʉ”, chiniasomʉ repaʉ.
\v 22-23 Repaʉ kurirereva careva paasiere kʉaʉna asa repaʉte
paakʉ ijache ikaasomʉ repaʉte: “Rʉa cuakʉmʉ mʉʉ.
Mʉʉpi jãajañe cuasakʉ choomaneʉna asa perukʉ cuache
choojamʉ chʉʉ mʉʉre. Chʉʉ pãi oimañename chekʉna
chooche choo koosie kuri tʉachename chʉʉ chekʉna tãsie
ãu chʉʉ tʉache masikʉtani, ¿jese paiʉna mʉʉ chʉʉ
ĩsisirereva kurirereva kuri vʉena sa jokamaneʉ? Sa jokaru
rani naa rʉa kooraasikʉamʉ chʉʉ”, chiniasomʉ.
\v 24 Chini chekʉnare ũcuacheja nʉkanare ikaasomʉ repaʉ.
“Repaʉ koosirereva kurirereva tʉa, chekʉni ĩsijʉ̃ʉ
diereparere kurirere koosikʉni”, chiniasomʉ repaʉ.
\v 25 Chikʉna ikaasome repana. “Jãatani jãʉ ũcuare
kurirere diereparere paamʉ”, chiniasome.
\v 26 Chitena repanare ikaasomʉ repaʉ. “Asarepajʉ̃ʉ,
mʉsanʉkona. Ijacheame: Pãiʉ ũcuaʉachete koo masi paakʉ
ũcuare paakʉtani naa rʉa koojamʉ. Jãatani jmanʉkorʉ
koosikʉpi masi paamakʉ repaʉ paache rʉa jmanʉkorʉtani peore
tʉasõcojñojamʉ”, chiniasomʉ repaʉ.
\v 27 Chini, “Chura chʉʉni cuhejʉ, chʉʉ chʉ̃ʉñe cuhenare
chẽa ichejana ra chʉʉ ñakʉte vanisõjʉ̃ʉ”, chiniasomʉ
pãi chʉ̃ʉkʉ repanare —‍Jãajañe kʉaasomʉ Jesús repanare
pãi.
\s Jerusalén vʉejoopo Jesús sani tĩasiere kʉamʉ
\r (Mt 21.1-11; Mr 11.1-11; Jn 12.12-19)
\p
\v 28 Jãajañe kʉa pini Jerusalenna tĩara chini joe saiʉ
aikũtina mʉniasomʉ repaʉ Jesús.
\v 29 Mʉiʉ Betfagé vʉejooponame Betania vʉejoopo Olivo
aikũti paijoopoãna kueñe tĩaasomʉ repaʉ. Repajoopoã kueñe
tĩa repaʉ neenare teekachapanare soniasomʉ repaʉ.
\v 30 Repanare soni ijache chʉ̃ʉasomʉ repaʉ:
\p —‍Jeejoopona kueñe cajoopona saijʉ̃ʉ mʉsanʉkona. Sani tĩa
burrovaʉre quẽo sʉosivaʉre, pãi chutaa tuhimavaʉni
jñaajanaame mʉsanʉkona. Jñaa repavaʉre jose ichejana
rakaijʉ̃ʉ.
\v 31 Pãiʉ ũcuaʉakʉji mʉsanʉkonare, “¿Ʉ̃que chooñu chini
mʉsanʉkona jãavaʉre joseche?”, chiito, “Maire Paakʉ ivaʉre
chiimʉ”, chiijʉ̃ʉ repanare —‍chiniasomʉ repaʉ.
\p
\v 32 Chikʉna repana sani ñato Jesús ikasie ũcua paniasomʉ.
\v 33 Burrovaʉre quẽo sʉosivaʉjekʉna josejʉna repavaʉre
paana ikaasome.
\p —‍¿Ʉ̃que chooñu chini mʉsanʉkona jãavaʉre joseche?
—‍chiniasome.
\p
\v 34 Chitena ikaasome repana.
\p —‍Maire Paakʉ ivaʉre chiimʉ —‍chiniasome repana repanare.
\p
\v 35 Chini repavaʉre burrovaʉre Jesús paichejana sa repaʉ
sõkʉñʉna kãñapi tujñacuha Jesure tʉoasome repana.
\v 36 Tʉorena tuhiʉ saiʉna repaʉ saimaana kãña jaasome pãi,
repaʉni pojojʉ.
\v 37 Jarena ũcuamaapi saiʉ Olivo aikũtipi Jerusalén
cajechejana kueñe tĩaasomʉ repaʉ. Tĩakʉna Diochia teeʉ
choomasichete repaʉji chookʉna ñasiere cuasajʉ repaʉte
chiina ũcuanʉko Dioni pojojʉ, “Rʉa reokʉmʉ mʉʉ”, chiijʉ
cuijʉ ʉjachʉopi ikaasome.
\v 38 Ũcuachia ijache ikaasome:
\p —‍¡Diopi ikʉre pãire chʉ̃ʉakʉ chini Repaʉ Raosikʉre
reojache chookaaʉ! ¡Cʉnaʉmʉ paina pojojʉ paapʉ! ¡Pãi
ũcuanʉko, “Cʉnaʉmʉ Paikʉ Dios peore masikʉmʉ”, chiapʉ!
—‍chiniasome repana Jesure chiina ũcuanʉko.
\p
\v 39 Jãajañe ikajʉna ũcuananame paina fariseopãi asa
perujʉ ijache ikaasome repaʉte Jesure:
\p —‍Masiʉ, mʉʉre chiinare jãajañe ikache ʉ̃sejʉ̃ʉ
—‍chiniasome.
\p
\v 40 Chitena Jesús ikaasomʉ repanare.
\p —‍Ʉ̃semamʉ chʉʉ. Inapi jãajañe cuijʉ ikamato catapi
ũcuare ikakʉ cuiraamʉ —‍chiniasomʉ Jesús repanare
fariseopãi.
\p
\v 41 Chini naa kueñe tĩa Jerusalén vʉejoopote ña oniasomʉ
repaʉ.
\v 42 Oiʉ ijache ikaasomʉ:
\p —‍Dios mʉsanʉkonare Jerusalén painare paiche rʉa
reojachere jokara chiimʉ, Repaʉni cuasajʉ pojojʉ paapʉ
chini. Jãatani cuheme mʉsanʉkona. Cuhejʉ reojache paiche
vesʉme mʉsanʉkona, Diopi ʉ̃sekʉna.
\v 43-44 Mʉsanʉkonare cuache tijñerʉmʉ tĩacuhajamʉ.
Mʉsanʉkonare cuhena ijoopona rani siacajoopo rʉtʉna pachu
chaopi rũhisokoro ñekua timu ũcuachejñapi pachu mʉni
kakajanaame. Mʉsanʉkonapi vajʉchʉjʉ eta vʉvʉsõñu chiito
ʉ̃sejʉ ijoopo ñañosõjanaame repana. Ñañosõsirʉmʉ vʉña
jenasipʉã catapʉã teepʉjẽe chekʉpʉname sʉimanejamʉ.
Mʉsanʉkonare ainaname chĩivanare vanisõjanaame repana.
Chʉʉni Dios Raosikʉni cuhejʉna cuache tijñejamʉ
mʉsanʉkonare. Chʉʉre cuheche roiame jãa —‍chiniasomʉ
Jesús repanare.
\s Dios vʉena kaka põse ĩsinare Jesús eto saosiere kʉamʉ
\r (Mt 21.12-17; Mr 11.15-19; Jn 2.13-22)
\p
\v 45 Ũcuarʉmʉ Jesús Dios vʉena kaka repavʉe põse ĩsinare
eto saoasomʉ.
\v 46 Repanani eto saokʉ ijache ikaasomʉ repaʉ:
\p —‍Dios chʉo aperʉmʉ tocha jokasie ijache kʉamʉ:
\q Chʉʉ
vʉe pãi chʉʉre pojojʉ sẽevʉeame,
\m chiimʉ. Jãatani
mʉsanʉkona põse ñaana choochejache kaka cuache choome ivʉe
—‍chiiʉ eto saoasomʉ Jesús repanare.
\p
\v 47 Reparʉmʉ Jesús Dios vʉe siaumucujña kaka chechoasomʉ.
Jãatani phairipãi chʉ̃ʉnaname judíopãi chechonaname pãi
chʉ̃ʉna, “¿Jesepi vanisoreokʉ ikʉre?”, chiniasome
repaʉte.
\v 48 Jãatani pãipi ũcuanʉko repaʉ chechochete asaneejʉna
choocuaasomʉ repanare.
\c 20
\s Jesús rʉa masi ikasiere kʉamʉ
\r (Mt 21.23-27; Mr 11.27-33)
\p
\v 1 Reparʉmʉ Jesús Dios vʉere paiʉ Dios chʉo reojachere chʉvakʉ paniasomʉ repanare pãi. Chʉvakʉna judío phairipãi chʉ̃ʉnaname judíopãi chechonaname judío aina raniasome.
\v 2 Rani repaʉte chʉo sẽniasome repana.
\p —‍¿Jese cuasa pãi chʉ̃ʉna choochejache rani chookʉ mʉʉ? ¿Neepi chʉ̃ʉrena chookʉ mʉʉ? —‍chiniasome repana.
\p
\v 3 Sẽejʉna repanare ikaasomʉ repaʉ.
\p —‍Chʉʉ ũcuajache mʉsanʉkonani chʉo sẽniasara. Sẽeʉna kʉajʉ̃ʉ chʉʉre.
\v 4 ¿Neepi Juanre Pãi Okorovekʉte chẽa raore? ¿Diopi raoʉ? Jãapãani, ¿pãipi chẽa raore repaʉte? —‍chiniasomʉ Jesús repanare.
\p
\v 5 Sẽkʉna sãiñechia ijache cutuasome repana:
\p —‍¿Jese mai ikʉre ikajanaañe? Maipi, “Juanre Diopi chẽa raosikʉamʉ”, chiito ikʉ maire, “¿Mʉsanʉkona jese paiʉna jãajañe cuasanatani Juan chʉvasie cuasamanere?”, chiijamʉ.
\v 6 Ũcuajache, “Pãipi chẽa raosinaame”, chiicuamʉ maire. Ina pãi jainʉko, “Juan Dios chʉo kʉakaikʉ paisikʉamʉ”, chiijʉ cuasame. Jãajekʉna maipi jãajañe ikato ina pãi asa perujʉ ũcuanʉko catapi sua vẽasojanaame maire —‍chiniasome repana.
\p
\v 7 Sãiñechia jãajañe cutu pini Jesure ijache ikaasome repana:
\p —‍Juanre okoroveakʉ chini raosikʉre vesʉme chʉkʉna —‍chiniasome repana.
\p
\v 8 Chitena Jesús ikaasomʉ.
\p —‍Chʉʉ ũcuajache mʉsanʉkonapi jãajañe ikarena chʉʉre chʉ̃ʉ raosikʉ mami kʉamanejamʉ —‍chiniasomʉ.
\s Chooche chookaina cuache choosiere cuasakʉ kʉamʉ Jesús
\r (Mt 21.33-44; Mr 12.1-11)
\p
\v 9 Ũcuarʉmʉ Jesús pãire joe chʉvakʉ ijachere cuasakʉ kʉaasomʉ:
\p —‍Pãiʉ pĩsi ʉche chio tã pini repachio kuirakaijanare jñaa joka, “Ichio ʉche tʉarʉmʉ tĩaʉna tʉajʉ̃ʉ. Reparʉmʉ chʉʉre chooche chookaikʉte ichejana raojamʉ chʉʉ, chʉʉni ʉchere miiraikaaʉ chini”, chiniasomʉ repaʉ. Chini joka tĩichejana sanisõasomʉ repaʉ rʉa jeerʉmʉ pasa chini.
\v 10 Ʉche tʉarʉmʉ tĩaʉna repaʉte chooche chookaikʉte ʉche chio kuirakaina paichejana saoasomʉ repaʉ, ʉchere miijani rakaaʉ chini. Jãatani repana ʉche kuirana sani tĩaʉna ña repaʉte chẽa vani ʉchejẽe peoʉte cochoasome repaʉte, ʉche paakʉ paichejana.
\v 11 Cochorena ʉche paakʉ repaʉte chooche chookaikʉte chekʉni joe ũcuachejana saoʉna sani tĩaʉna ʉche kuirakaina repaʉte ũcuajache vaniasome. Vani repaʉte rʉa cuache cutu pini ʉchejẽe peoʉte cochoasome repana.
\v 12 Cochorena joe chekʉni saoʉna ũcuajache asi vani kʉko cochosõasome repana.
\p
\v 13 ’Jãajañe choorena ʉche paakʉ cuasakʉ teeʉji ijache ikaasomʉ: “¿Jese choojache chʉʉ? Chʉʉ chĩini chʉʉ rʉa oiʉ paavaʉni repana paichejana saora. Jãʉretani ña kʉkʉjacosome repana”, chiiʉ cuasaasomʉ repaʉ.
\v 14 Jãajañe cuasa repaʉ mamakʉni saoʉna ʉche chiona sani tĩaʉna ña repachio kuirana ijache ikaasome: “Jãʉ ʉche paakʉ mamakʉmʉ. Pʉkakʉ jũnisõsirʉmʉ pʉkakʉ paasie paajaʉamʉ jãʉ. Vanisõñu jãʉni. Maipi jãʉni vanisõni pʉkakʉ jũnisõsirʉmʉ repaʉ paasie maipi paajanaame”, chiniasome repana sãiñechia.
\v 15 Chini repaʉte chẽa chio rʉtʉvana juha sa vanisõasome repana —‍chiniasomʉ Jesús repanare pãi.
\p Jãajañe kʉa pini repaʉ kʉasie asasinare ijache sẽniasomʉ repaʉ:
\p —‍Repaʉ mamakʉte vanisõsiere asa ʉche chio paakʉji sani, ¿jese choojaʉ repanare ʉche kuirakainare?
\v 16 Ijache choojamʉ repaʉ ʉche paakʉ: Ʉche chiona sani repaʉ mamakʉte vanisõsinare sãiñe vanisõjamʉ repaʉ. Repanare vanisõ ʉche chio kuirakaijanare chekʉnani jñaa jokajamʉ repaʉ, ʉche chiore kuiraajʉ chini —‍chiniasomʉ Jesús repanare pãi.
\p Jãajañe ikaʉna asa,
\p —‍¡Dios chʉkʉnate jãajañe choomaneakʉ! —‍chiniasome repana.
\p
\v 17 Chitena Jesús repanani ñakʉ ikaasomʉ.
\p —‍Aperʉmʉ tocha jokasiere, Dios chʉore asa chẽajʉ̃ʉ mʉsanʉkona, ijache chiichete:
\q Pãi vʉe choona vʉña tuu reojatuure kuejʉ paniasome.
\q Kuejʉ teetuupʉ jñaani cuheasome repana.
\q Cuhejʉ jokaasome repatuupʉ.
\q Chekʉnatani naa rʉa masinajejʉ rani repatuupʉ mini kuãa sa
\q repana vʉe chakavʉna nʉkoasome,
\q repana vʉepi naa rʉa jʉjaakʉ chini,
\m chiimʉ repa.
\v 18 Pãiʉ vʉe tuupʉna tãni rʉa asi tãimʉ. Ũcuachia vʉe tuupʉji pãiʉni tãito jũnisõmʉ. Ũcuajache pãi chʉʉre cuhenare rʉa cuache tijñejamʉ. Jũnisõsirʉmʉ vati toana sani uujanaame repana —‍chiniasomʉ Jesús repanare pãi.
\p
\v 19 Jesupi jãajañe ikaʉna judío phairipãi chʉ̃ʉnaname judíopãi chechona ijache cuasaasome: “Ikʉ Jesús jãajañe ikacheji maini cuache ikamʉ. Churana teana chẽañu ikʉre”, chiniasome repana. Chiisinatani pãire vajʉchʉjʉ repaʉte chẽamaneasome repana.
\s Pãi chʉ̃ʉnare kuri roichete ikamʉ Jesús
\r (Mt 22.15-22; Mr 12.13-17)
\p
\v 20 Repaʉni chẽañu chini repanare jame painare ũcuaʉanare soni ikaasome repana.
\p —‍Jesús paichejana sani repaʉ choochete ñajʉ repaʉ chʉo asaneena choochejache choojʉ chʉo sẽniasajʉ̃ʉ repaʉte. Chekʉrʉmʉ repaʉji tĩiñe ikato chẽa sa, pãi chʉ̃ʉkʉ vʉena jokareomʉ repaʉte churatani —‍chiniasome repana.
\v 21 Chini saorena Jesús paichejana sani tĩa repaʉ chʉo asaneena ikachejache ikaasome repana repaʉte.
\p —‍Masiʉ, rũhiñe chechokʉmʉ mʉʉ. Jãa masime chʉkʉna. Mʉʉ chechochete chekʉnapi asa cuache ikatojẽe kʉkʉ cuasomañe ũcua chechokʉ paikʉmʉ mʉʉ, Dios chʉ̃ʉ jokasie ũcuarepa.
\v 22 Jãajekʉna mʉʉni chʉo sẽniasañu chiime chʉkʉna. Romapãi chʉ̃ʉkʉji Césapi chʉkʉna paiche roire sẽeto, ¿roijanaañe chʉkʉna repaʉte? ¿Roimanejanaañe? —‍chiniasome repaʉte.
\p
\v 23 Jãatani Jesús repana cuache chooñu chiichete masikʉ ijache ikaasomʉ repanare:
\p
\v 24 —‍Kurirerevate mini ñojʉ̃ʉ chʉʉre. Kurirereva paikʉ kuechʉsikʉ, ¿keejaiʉʉ? Ũcuachia, ¿nee mamipi paikʉ irereva? —‍chiniasomʉ repaʉ. \fig Denarius|HK00166B.tif|col||Horace Knowles (Aug by Luise Bass)|Denariorereame.|Lc 20.24\fig*
\p Chikʉna ikaasome repana.
\p —‍Maire chʉ̃ʉkʉ César chianame repaʉ mami paimʉ jãarereva —‍chiniasome repana.
\p
\v 25 Chitena repanare ikaasomʉ repaʉ.
\p —‍Jãa paito paiche roire repaʉji kuri roiche chʉ̃ʉto roijʉ̃ʉ repaʉte. Dios chʉ̃ʉ jokasie ũcuachia choojʉ paijʉ̃ʉ —‍chiniasomʉ Jesús repanare.
\p
\v 26 Repaʉji rʉa masikʉ sãiñe ikaʉna asa kʉkʉ joe ikamaneasome repana, fariseopãi raocojñosina.
\s Jũisina vajʉraichete Jesure sẽniasasiere kʉamʉ
\r (Mt 22.23-33; Mr 12.18-27)
\p
\v 27 Ũcuarʉmʉ saduceopãi teena Jesuni ñañu chini saniasome. “Pãi jũisina joe vajʉraimanejanaame”, chiijʉ cuasanajejʉ Jesure ijache sẽniasome repana:
\p
\v 28 —‍Masiʉ, Diopi chʉ̃ʉʉna Moisés aperʉmʉ maire tocha jokasie ijache chiimʉ:
\q Pãiʉ romiote vejasikʉpi, chutaa chĩi peokʉji joka jũnisõru repaʉ chojeʉji veja paaakʉ majaachʉ paasikore.
\q Repaoni veja chĩire paakʉ ijache cuasakʉ paaʉ:
\q “Chʉʉ achʉ jũnisõsivaʉ chĩijanaame ina chʉʉ chĩi”, chiaʉ,
\m chiimʉ repaʉ tocha jokasie.
\v 29 Jãajekʉna chʉo kʉañu chiime chʉkʉna mʉʉre. Pãiʉ charo cakʉ chojechĩi ʉmʉpãichia seirepanare paaasomʉ. Repaʉ chareparo cakʉ romiote veja paakʉ chutaa chĩi peokʉji joka jũnisoasomʉ.
\v 30 Jũnisoʉna chojeʉ repaʉ majaachʉ rʉ̃jo paisikoni veja paakʉ ũcuajache chutaa chĩi peokʉji joka jũnisoasomʉ.
\v 31 Jũnisoʉna naa choje cakʉ ũcuateeote veja ũcuajache chĩi peokʉji jũnisoasomʉ. Jãajañechia sieterepana ũcuanʉko ũcuateeote vejajʉ chĩi peonachia joka jũnisoasome repana.
\v 32 Repana jũnisosirʉmʉna romio ũcuajache jũnisoasomo.
\v 33 Jãajekʉna pãi jũnisosina ũcuanʉko joe vajʉraisirʉmʉ, ¿kaʉpi repaote joe paajaʉ vajʉrʉmʉ sieterepana repaote paasina? ¿Jese chiikʉ mʉʉ? —‍chiniasome repana.
\p
\v 34 Chitena Jesús ikaasomʉ repanare.
\p —‍Icheja cheja paina ʉmʉpãi romi vejame. Romi ũcuachia ʉmʉ vejame.
\v 35 Pãi Diore cuasana, ʉmʉpãiname romi jũnisõ vajʉrani Dios paicheja saisirʉmʉ joe vejamanejanaame.
\v 36 Ũcuajache joe jũnisõmanejanaame repana, ũcuare vajʉraisinajejʉ. Angeles, Diore jame paina paichejache jũnisõmañe paijanaame repana. Ũcuajache Dios chĩiame repana jũni vajʉrani repaʉ paicheja saisina.
\v 37-38 Aperʉmʉ Moisés sũkirañʉrʉ uutoa toa kueñe nʉkakʉ ñakʉ paniasomʉ. Ñakʉ nʉkakʉna ũcuatoa sanavʉji Diopi ikakʉna asakʉ pãi jũnisõsina joe vajʉraijachere kʉara chini ijache tocha jokaasomʉ repaʉ Moisés:
\q Mʉsanʉkona aipãi icheja pairʉmʉ chʉʉre cuasasinare paakʉmʉ chʉʉ, Abrahamre, Isaare, Jacobre,
\m chiisikʉamʉ Dios. Pãi jũnisõsinarejẽe vajʉnarejache ñakʉjekʉ paamʉ Dios repanare, rekoñoãpi vajʉkʉna —‍chiniasomʉ Jesús repanare saduceopãi.
\p
\v 39 Jãajañe ikaʉna judíopãi chechona ikaasome repaʉte.
\p —‍Masiʉ, rʉa masi ikamʉ mʉʉ —‍chiniasome repana Jesure.
\p
\v 40 Jesupi masi ikaʉna repaʉte joe chʉo sẽniasavajʉchʉasome repana saduceopãiname judíopãi chechona.
\s ¿Nee chĩiaʉ pãire chʉ̃ʉakʉ chini Dios Raosikʉ?
\r (Mt 22.41-46; Mr 12.35-37)
\p
\v 41 Ũcuarʉmʉ Jesús repanare pãi repaʉ paichete kʉaasomʉ.
\p —‍“Aperʉmʉ paisikʉ David Jojosikʉamʉ Cristo”, chiime mʉsanʉkona pãi ũcuanʉkore chʉ̃ʉakʉ chini Dios Raosikʉre. ¿Jese paiʉna mʉsanʉkona jãajañe ikache?
\v 42 Repaʉ David Salmophʉrona ijache tocha jokaasomʉ:
\q Dios chʉʉre Paakʉte ijache ikaasomʉ:
\q “Chʉʉre kueñe ʉjajʉ̃tʉ cakãkona pʉʉjʉ̃ʉ.
\q
\v 43 Chʉʉpi chookʉna mʉʉre cuhena ũcuanʉko mʉʉ chʉ̃ʉñe choojanaame”, chiniasomʉ Dios,
\m chiimʉ repa tocha jokasie.
\v 44 ¿Jese paiʉna David, “Chʉʉre Paakʉmʉ Cristo”, chiisietani, “David Jojosikʉamʉ Cristo”, chiiche pãi? —‍chiniasomʉ Jesús repanare.
\s Judíopãi chechona cuache choochete kʉamʉ Jesús
\r (Mt 23.1-36; Mr 12.38-40; Lc 11.37-54)
\p
\v 45 Repana pãi ũcuanʉko asajʉte Jesús repaʉ neenani chʉvaasomʉ.
\p
\v 46 —‍Judíopãi chechona paiche ña chẽamanejʉ̃ʉ mʉsanʉkona. Kãña reojakãñapi ʉjacueñoã juijʉ nʉka kuime repana, pãipi ña, “Diore rʉa cuasanaame jãana”, chiapʉ chini. Ãu ĩsichejñare kuijʉna pãipi repanani ña kʉkʉjʉ chẽa pojoto rʉa pojonaame repana. Ũcuajache judíopãi chiivʉña mʉa kakani masina ñuisaivʉãre ñuineenaame repana. Ũcuajache pãipi repanani ãu ãuñu chini soito mʉa repanare soisikʉre kueñe ñuineenaame repana.
\v 47 Ũcuajache vajevana paache jorejʉ tʉtesõnaame repana. Jãajañe choonatani pãipi ña, “Reonaame jãana”, chiapʉ chini Diore rʉa jeerʉmʉ sẽejʉ painaame repana. Jãajañe choonajejʉna Diopi chʉ̃ʉʉna rʉa cuache tijñejamʉ repanare —‍chiniasomʉ Jesús repaʉ neenare.
\c 21
\s Vajevao chʉovao paivao Diore kuri ĩsisiere kʉamʉ
\r (Mr 12.41-44)
\p
\v 1 Ũcuarʉmʉ Jesús Dios vʉere chutaa paiʉ ñato pãi
kurina kurire Dioni ĩsijʉ cãjovʉna rʉa mañaasome.
\v 2 Vajevao chʉovao paivao ũcuajache
teekachaparererʉãchia kacharʉ pairererʉãre mañaasomo.
\v 3-4 Mañaona ña Jesús ijache ikaasomʉ:
\p —‍Ina kurinatani repana koojʉna cajejaisiere ĩsisinaame.
Ivaotani repao ãu koo ãio pasa chiisirererʉãre Dioni pojoko
peore ĩsisõsikoamo. Kurina ĩsisie ña pojomʉ Dios. Jãatani
ivao ĩsisie ña naa rʉa pojomʉ Dios. Ũcuarepaame jãa
—‍chiniasomʉ Jesús.
\s Dios vʉe ñañosojachere kʉamʉ Jesús
\r (Mt 24.1-2; Mr 13.1-2)
\p
\v 5 Reparʉmʉ chekʉna ũcuavʉe paina Dios vʉe paichete
cutuasome.
\p —‍Catapʉã rʉa reojapʉãpi choosivʉeame ivʉe.
Ũcuajache pãipi Dioni pojojʉ jokasimajñarʉãpi rʉa
reojamajñarʉãpi paiʉ rʉa reojaimʉ ivʉe —‍chiniasome
repana.
\p Jãajañe cutujʉna asa Jesús ikaasomʉ repanare.
\p
\v 6 —‍Mʉsanʉkona ivʉe Dios vʉere ñajʉ, “Reojaimʉ”,
chiime. Jãatani naa paisirʉmʉ, catapʉã teepʉjẽe
chekʉpʉname sʉimañe peore ñañosõjanaame pãi ivʉe
—‍chiniasomʉ Jesús repanare.
\s Cheja siapirarʉmʉ choojachere kʉamʉ
\r (Mt 24.3-28; Mr 13.3-23)
\p
\v 7 Chikʉna asa repaʉte chʉo sẽniasaasome repana.
\p —‍Masiʉ, mʉʉ kʉasie, ¿jeerʉmʉ choojacheache? Reparʉmʉ
tĩañe, ¿jese masijanaañe chʉkʉna? —‍chiniasome repana.
\p
\v 8 Sẽejʉna Jesús ikaasomʉ repanare.
\p —‍Ñarepajʉ paijʉ jorena ikache asa chẽamañe paijʉ̃ʉ
mʉsanʉkona. ¡Cacʉocojñoñe! Pãi jainʉko teenachia kuijʉ
jorejʉ chʉʉni roijʉ, “Pãi ũcuanʉkore chʉ̃ʉakʉ chini
Dios Raosikʉamʉ chʉʉ”, chiijanaame. Jãajañe ikajʉ,
“Churatani cheja siapiramʉ”, chiijanaame repana. Jãajañe
ikanare jovomanejʉ̃ʉ mʉsanʉkona.
\v 9 Ũcuajache pãi vaichename pãi repanare chʉ̃ʉnare cuhejʉ
etoche asani kʉkʉmanejʉ̃ʉ mʉsanʉkona. Jãajañe paijamʉ
cheja siapirarʉmʉ. Jãatani cheja chutaa siamanejamʉ
—‍chiniasomʉ Jesús repanare.
\p
\v 10 Chini Jesús joe ikaasomʉ repanare.
\p —‍Pãi ũcuateecheja paina chekʉchejña painani sani
vanisõjanaame.
\v 11 Ũcuajache cheja siachejñarʉã rʉa pirujamʉ.
Ũcuajache rʉarepa asukʉ ãupi aineemaʉna pãi siachejñarʉã
ãucuhana jũnisõjanaame. Ũcuajache siachejñarʉã ravʉ
paiʉna pãi jainʉko jũijanaame. Ũcuajache pãi cʉnaʉmʉre
ñani repana ñamanesiere ñajʉ ñavajʉchʉache ñokʉna
kʉkʉsõjanaame.
\p
\v 12 ’Jãajañe chutaa choomarʉmʉ mʉsanʉkonapi chʉʉni
cuasajʉna cuhejʉ chẽa rʉa cuache choojanaame pãi
mʉsanʉkonare. Chẽa judíopãi chiivʉñana sa cuache ika
pini pãi chẽavʉñana cuaojanaame repana mʉsanʉkonare.
Chekʉrʉmʉ mʉsanʉkonare chẽa sa pãi chʉ̃ʉna vʉñana
jokajanaame, repavʉña painapi cuache chooajʉ chini.
\v 13 Pãipi jãajañe choojʉna chʉʉ paichete kʉa
asojanaame mʉsanʉkona repanare.
\v 14 Pãipi maini jãajañe chooto, “¿Jese sãiñe
ikajanaañe mai cuache choomaneajʉ chini?”, chiijʉ
cuasamanejʉ̃ʉ mʉsanʉkona.
\v 15 Chʉʉpi chookaiʉna mʉsanʉkonare perunare sãiñe ikani
rʉa masi ikajanaame mʉsanʉkona. Masi ikarena, “Joreme ina”,
chiimanejanaame repana mʉsanʉkonare peruna. Joe
ikamanejanaame repana.
\v 16 Chekʉrʉmʉ mʉjakʉpãipi mʉsanʉkonare cuhejʉ chẽa sa
pãi chʉ̃ʉna vʉñana jokajanaame, repanapi cuache chooajʉ
chini. Chekʉrʉmʉ mʉachʉpãipi chekʉrʉmʉ mʉcheʉchĩipi
chekʉrʉmʉ mʉsanʉkona majapãipi chekʉrʉmʉ mʉsanʉkonare
reosinapi cuhejʉ chẽa sa jokajanaame mʉsanʉkonare. Ũcuachia
pãi mʉsanʉkonare ũcuaʉanare vanisõjanaame.
\v 17 Pãi jainʉko mʉsanʉkonare chʉʉni cuasajʉna
cuhejanaame.
\v 18 Jãatani Diopi ʉ̃sekʉna mʉsanʉkona rekoñoãtani
cuache choomanejanaame repana.
\v 19 Mʉsanʉkonapi chʉʉre cuasache ũhasõmanapi jũnisõni
Dios paichejare ai sani paijanaame.
\p
\v 20 ’Ũcuachia cheja siapirarʉmʉ ijache choojanaame pãi:
Pãire vañu chini Jerusalén vʉejoopona rani rũhisokoro
nʉkajanaame sõtaopãi. Sõtaopãipi jãajañe choojʉna ñani,
“Ijoopo vʉejoopo ñañasõcuhajamʉ”, chini masijanaame
mʉsanʉkona.
\v 21 Reparʉmʉ tĩato Judea cheja paina aikũjñana vʉvʉ
katisõajʉ. Ũcuajache Jerusalén vʉejoopo paina eta
sanisõajʉ. Ũcuajache chiño saisina Jerusalén vʉejoopo
maimaneajʉ.
\v 22 Reparʉmʉ repana cuache choosie roi Jerusalén vʉejoopo
painare rʉa cuache tijñejamʉ Diopi chʉ̃ʉʉna. Aperʉmʉ
Dios chʉo tochana kʉajʉ tocha jokasiepi tijñejamʉ repanare
Jerusalén painare.
\v 23 Reparʉmʉ romivanare chĩi sʉivananame oje chũsavanare
rʉa vesache cuache paijamʉ. Reparʉmʉ Jerusalén painare
ũcuanʉkore rʉa cuache tijñejamʉ, Diopi perukʉ
chʉ̃ʉʉna.
\v 24 Reparʉmʉ sõtaopãi tĩichejña raisinapi Jerusalén
painare ũcuaʉanare vajñapi vanisõjanaame. Chekʉnare chẽa
tĩichejñana sasõjanaame repana. Ũcuajache judío peonapi
Jerusalén vʉejoopo ñañosõ tʉa paijanaame, Dios repanare
repacheja paiʉ̃serʉmʉjatʉka —‍chiniasomʉ Jesús repanare.
\s Pãire jame paaʉ chini Dios Raosikʉ joe raijachere kʉamʉ
\r (Mt 24.29-35, 42-44; Mr 13.24-37)
\p
\v 25 Chini Jesús joe ikaasomʉ repanare.
\p —‍Ũcuajache reparʉmʉ Diopi chʉ̃ʉʉna ʉ̃sʉʉname
pãimiaʉname majñoko, vajʉchʉache ñojʉna ña
kʉkʉsõjanaame pãi. Ũcuajache chiaraãpi rʉa asoche faakʉna
ña rʉa kʉkʉsõjanaame pãi siachejña paina.
\v 26 Reparʉmʉ choochete ña, “¿Jese maire tijñejaʉ?”,
chini rʉarepa kʉkʉcajejanisõ ai jũnisõjanaame pãi, cʉnaʉmʉ
paimajñarʉãjatʉka peore ñʉkuekʉna ñani.
\v 27 Reparʉmʉ chʉʉ Dios Raosikʉ peore Masiʉji rʉa
reojache ñoʉ kosijaiʉ cʉnaʉmʉpi pãi ũcuanʉko ñajʉte
pikoname cajejamʉ.
\v 28 Chʉʉ chura kʉasie apechooche ñani rʉa pojojʉ̃ʉ
mʉsanʉkona. “Dios maire Repaʉ neenajejʉna Repaʉ paichejana
sara chini raipiramʉ”, chini cuasajʉ chaajʉ̃ʉ —‍chiniasomʉ
Jesús repanare.
\p
\v 29 Ũcuarʉmʉ Jesús pãire chʉvakʉ ijache ikaasomʉ:
\p —‍Chura sũkiñʉ higoñʉ paichename sũkiñʉã
siarañʉrʉã paichete cuasa ñajʉ̃ʉ.
\v 30 Sũkiñʉã jao mamañe ñani, “Ʉ̃sʉrʉmʉ tĩapiramʉ
ie”, chiime mʉsanʉkona.
\v 31 Ũcuajache chʉʉ chura kʉasiepi tĩakʉna ñani,
“Jesús Dios Raosikʉ pãi ũcuanʉkore chʉ̃ʉra chini chejana
joe cajepiramʉ”, chiijanaame mʉsanʉkona.
\p
\v 32 ’Mʉsanʉkona jojosina chutaa jũimarʉmʉna chʉʉ
kʉasie peore tijñejamʉ. Ũcuarepaame jãa.
\v 33 Cʉnaʉmʉname cheja siasõjamʉ. Chʉʉ chʉ̃ʉ
jokasietani siamañe ũcua paijamʉ.
\p
\v 34-35 ’Ñarepajʉ paijʉ cuachejẽe choomairo paijʉ̃ʉ
mʉsanʉkona. Cuachejẽe choomañe, conojẽe jũimañe,
mʉsanʉkona paichejẽe rʉarepa cuasamañe paijʉ̃ʉ. Jãare
choojʉ mʉsanʉkonapi chʉʉ raijachejẽe cuasamañe vesʉ pani
chʉʉpi tãupa tãiñejañe teana nami rakʉna ña
kʉkʉsõjanaame mʉsanʉkona. Jãajekʉna chʉʉni chaajʉ
reojache paijʉ̃ʉ mʉsanʉkona. Chʉʉpi cuasomañe rakʉna
pãi cuache paina ũcuanʉko ña kʉkʉsõjanaame.
\v 36 Ñarepajʉ paijʉ chʉʉni chaajʉ Dioni ijache sẽejʉ
paijʉ̃ʉ: “Jakʉ, chʉkʉnate chookaijʉ̃ʉ. Mʉʉ neekʉ
chʉ̃ʉñete choojʉ pañu chiime chʉkʉna. Chekʉna
choochejache cuache choomaneñu chiime chʉkʉna. Mʉʉ neekʉ
mʉʉ Raosikʉpi raito vajʉchʉmanejanaame chʉkʉna mʉʉpi
chookaiʉna reojache painajejʉ.” Jãajañe sẽejʉ̃ʉ
—‍chiniasomʉ Jesús repanare.
\p
\v 37 Reparʉmʉ Jesús siaumucujña Dios vʉe kaka chechoasomʉ.
Sianairoã Olivo aikũtina mʉni siañami paniasomʉ repaʉ.
\v 38 Siaapeñataroã caje chechokʉna pãi peore Dios vʉena
mʉaasome, repaʉ ikachete asañu chini.
\c 22
\s Jesuni chẽañu chini pãi teena cutusiere kʉamʉ
\r (Mt 26.1-5, 14-16; Mr 14.1-2, 10-11; Jn 11.45-53)
\p
\v 1 Reparʉmʉ judíopãi pã saʉmanesie ãirʉmʉ pascua tĩapiraasomʉ.
\v 2 Ũcuarʉmʉ judío phairipãi chʉ̃ʉnaname judíopãi chechona Jesuni vanisochete chʉ̃ʉñu chini teena cutuasome. Cutunatani chʉ̃ʉmaneasome repana, “Pãipi perujʉ cavajʉ”, chini.
\p
\v 3 Ũcuarʉmʉ vati ai cuache chʉ̃ʉra chini Judas Iscarioteni kakaasomʉ. Jesús neena docerepanare jame paikʉ paniasomʉ Judas.
\v 4-5 Vati aipi kakaʉna judío phairipãi chʉ̃ʉnaname Dios vʉe pẽjekainare chʉ̃ʉna paivʉena mʉa ikaasomʉ repaʉ Judas. “Mʉsanʉkonare Jesure, ¿jese jokajache chʉʉ?”, chikʉna ũcuaʉname cutujʉ Judas choora chiichete asa pojoasome repana. Pojojʉ, “Mʉʉpi jãajañe chooto mʉʉre kuri roijanaame chʉkʉna”, chiniasome repana.
\v 6 Jãajañe ikarena, “Jaʉ, jãajañe choora, jãa paito”, chini Jesús paichejana sani pẽje ñakʉ paniasomʉ repaʉ, pãi jainʉko peorʉmʉna ropee repaʉni jokara chini.
\s Judíopãire Dios chookaisiere cuasajʉ ãu ãiñete kʉamʉ
\r (Mt 26.17-29; Mr 14.12-25; Jn 13.21-30; 1 Co 11.23-26)
\p
\v 7 Naa paisirʉmʉ judíopãi pã saʉmanesie ãirʉmʉ pascuarʉmʉ ovejachĩivaʉre vanisoche paniasomʉ repanare, Diopi pojoakʉ chini.
\v 8 Jãajañe choopirajʉna Jesús Pedroname Juanre soni ikaasomʉ.
\p —‍Mai pascuarʉmʉ ãijañe ãu carevajaijʉ̃ʉ —‍chiniasomʉ Jesús repanare.
\p
\v 9 Chikʉna repaʉte sẽniasome repana.
\p —‍¿Jeechejana sani ãu carevajanaañe chʉkʉna? —‍chiniasome repana.
\p
\v 10 Chitena ikaasomʉ repaʉ.
\p —‍Chura vʉejoopona sani tĩa pãiʉte churupʉ oko paipʉ sakʉte tijñajanaame mʉsanʉkona. Tijña jame mʉa repaʉ kakavʉena jame kakajʉ̃ʉ.
\v 11 Kaka vʉe paakʉte sẽniasajʉ̃ʉ. “Masiʉ mʉʉni sani ijache sẽniasaajʉ chini raomʉ chʉkʉnate: ‘¿Jeeruupʉna chʉʉ neenaname pascuarʉmʉ kaka ãu ãijañe chʉʉ?’, chiisikʉamʉ Jesús”, chiijʉ̃ʉ repaʉte vʉe paakʉte.
\v 12 Mʉsanʉkonapi sẽeto repaʉ ʉmʉcaruupʉte ʉjaruupʉte ñojamʉ, masi carevasiruupʉte. Ñoʉna ũcuaruupʉna kaka mai pascuarʉmʉ ãijañe ãu carevajʉ̃ʉ —‍chiniasomʉ Jesús repanare.
\p
\v 13 Chikʉna vʉejoopo sani tĩato Jesús ikasie ũcuarepa paniasomʉ. Jãajekʉna pascuarʉmʉ ãijañe ãu carevaasome repana Pedroname Juan.
\p
\v 14 Ũcuarʉmʉ Jesús pascuarʉmʉ tĩaʉna ãu ãsa chini mesakoare pʉʉ ñuniasomʉ, repaʉ neenaname.
\v 15 Pʉʉ ñuiʉ repanare ikaasomʉ repaʉ.
\p —‍“Chʉʉ chutaa jũimarʉmʉ chʉʉ neenaname pascuarʉmʉ ãu ãiñete ãineemʉ chʉʉ”, chiisikʉjekʉ chura mʉsanʉkonaname ãipiramʉ chʉʉ.
\v 16 Iere pascuarʉmʉ ãiñe ãu rʉa jeerʉmʉ joe ãimanejamʉ chʉʉ. Naa paisirʉmʉna chʉʉ pãi ũcuanʉkore chʉ̃ʉrʉmʉna joe ãijamʉ chʉʉ —‍chiniasomʉ repaʉ.
\p
\v 17 Chini conororova mini Dioni, “Reorepamʉ”, chini ũku repaʉ neenani ĩsikʉ ikaasomʉ repaʉ.
\p —‍Mʉsanʉkona ũcuanʉko irorova ũcuateerorova ũkujʉ̃ʉ.
\v 18 Chʉʉ pãi ũcuanʉkore chʉ̃ʉrʉmʉjatʉka ʉche cono joe ũkumanejamʉ chʉʉ —‍chiniasomʉ repaʉ.
\p
\v 19 Chini pãpʉ mini Dioni, “Reorepamʉ”, chini repaʉ neenani tʉse ĩsikʉ ikaasomʉ repaʉ.
\p —‍Ipʉ pãpʉ chʉʉ canivʉme. Chʉʉni vanisõajʉ chini chʉʉ canivʉ ʉ̃semamʉ chʉʉ, vatena mʉsanʉkona cuache choochete jũni roikasa chini. Chʉʉni cuasajʉ siarʉmʉ ijache choojʉ ãu ãijʉ paijʉ̃ʉ mʉsanʉkona —‍chiniasomʉ Jesús repanare.
\p
\v 20 Ãu ãni pinisirʉmʉ conororova mini joe ikaasomʉ repaʉ.
\p —‍Pãi ũcuanʉkore cuache choochete jũni roikasa chini chuenisõjamʉ chʉʉ. Jãajañe chooche chʉʉ chiepi menisõʉna Dios mamare, “Ijache chooñu”, chiisiere choojacheame. Jãare cuasajʉ chii ie ʉche cono ũkujʉ paijʉ̃ʉ.
\v 21 Jãatani pãipi cuache chooajʉ chini chʉʉre jokajaʉ ichejare mainame ñuimʉ.
\v 22 Chʉʉ Dios Raosikʉ jũnisõjamʉ. Jãajañe chʉ̃ʉmʉ Dios. Jãatani chʉʉni vanisõajʉ chini jokasikʉre naa rʉa cuache tijñejamʉ —‍chiniasomʉ repaʉ repanare.
\p
\v 23 Jãajañe ikaʉna asa ũcuanachia sãiñe sẽniasaasome repana. “¿Kaʉpi ikʉre jokajaʉ?”, chiniasome repana.
\s ¿Neepi chʉ̃ʉñe naa rʉa masiche?
\p
\v 24 Ũcuarʉmʉ Jesús neena sãiñechia kerejʉ ijache cutuasome:
\p —‍Ikʉpi inare naa rʉa chʉ̃ʉmasikʉmʉ —‍chiniasome teena. Chekʉnatani,
\p —‍Ikʉ pãakʉmʉ. Ikʉpi naa rʉa chʉ̃ʉmasikʉmʉ —‍chiniasome.
\v 25 Jãajañe ikajʉna asa Jesús ikaasomʉ repanare.
\p —‍Icheja cheja pãi chʉ̃ʉna rʉa cuajare chʉ̃ʉjʉna rʉa chʉovana paime pãi. Cuajare chʉ̃ʉnatani, “Chʉkʉna neenare rʉa reojache kuiranaame chʉkʉna”, chiime repana pãi chʉ̃ʉna.
\v 26 Repana paichejache paimanejʉ̃ʉ mʉsanʉkona. Mʉsanʉkona teeʉji naa masini vesʉvaʉ cuasachejache cuasakʉ, “Rʉa vesʉkʉmʉ chʉʉ”, chiiʉ cuasakʉ paijʉ̃ʉ. Ũcuajache mʉsanʉkona teeʉji pãi chʉ̃ʉkʉ pani chooche chookaikʉ choochejache chekʉnare chookaiʉ paijʉ̃ʉ.
\v 27 Pãi chʉ̃ʉkʉji ãu ãsa chini pʉʉto chooche chookaikʉji ãu ramʉ repaʉte. Ñuiʉ ãu ãikʉji naa rʉa masiʉmʉ. Icheja cheja pãi chʉ̃ʉna paicheme jãa. Chʉʉtani chooche chookaikʉ choochejache chookaikʉmʉ mʉsanʉkonare.
\v 28 Pãi chʉʉre rʉa cuache choome. Jãatani mʉsanʉkona chʉʉni oijʉ jame painaame.
\v 29 Jakʉ chʉʉre pãire chʉ̃ʉakʉ chini jokasikʉamʉ. Chʉʉ ũcuajache mʉsanʉkonare chʉʉ neenare pãire chʉ̃ʉajʉ chini jokajamʉ.
\v 30 Pãi chʉ̃ʉnare jokaʉna chʉʉ pãi ũcuanʉkore chʉ̃ʉrʉmʉ chʉʉname ãu ãijʉ ũkujʉ ñuijanaame mʉsanʉkona. Ũcuajache pãi chʉ̃ʉna ñuisaire ñuijʉ Israelpãi, docerepavãjʉ jojosinani chʉ̃ʉjanaame mʉsanʉkona —‍chiniasomʉ Jesús repaʉ neenare.
\s Pedro, “Repaʉte ñamakʉamʉ chʉʉ”, chiijachere kʉamʉ Jesús
\r (Mt 26.31-35; Mr 14.27-31; Jn 13.36-38)
\p
\v 31 Chini Jesús Simón Pedrote ikaasomʉ.
\p —‍Asarepajʉ̃ʉ, Simón. Vati ai mʉsanʉkonare cuache chʉ̃ʉra chiimʉ, mʉsanʉkonapi chʉʉre cuasachete ũhasõajʉ chini. Jãare choora chini Dioni sẽemʉ repaʉ, Diopi ʉ̃semaneakʉ chini.
\v 32 Jãatani mʉʉre Dioni rʉa sẽekaimʉ chʉʉ, mʉʉpi chʉʉre cuasachete ũhasõmaneakʉ chini. “Jesure ñamakʉamʉ chʉʉ”, chiijamʉ mʉʉ. Jãatani chʉʉre jachasikʉjekʉ cuasa oiʉ, “Cuache choosikʉamʉ chʉʉ. Joe jãajañe choomanejamʉ chʉʉ”, chini cuasajamʉ mʉʉ. Jãajañe cuasasirʉmʉ chʉʉ neenare chekʉnare chʉvajʉ̃ʉ, repanapi chʉʉni naa rʉa cuasajʉ paapʉ —‍chiniasomʉ Jesús repaʉte.
\p
\v 33 Chikʉna Simón ikaasomʉ.
\p —‍Chʉʉre Paakʉ, mʉʉre cuhena pãi chẽavʉena chẽa cuaoto jame kakajamʉ chʉʉ. Ũcuajache pãipi mʉʉre vanisõto jame jũijamʉ chʉʉ —‍chiniasomʉ Simón repaʉte.
\p
\v 34 Chikʉna Jesús sãiñe ikaasomʉ.
\p —‍Pedro, asarepajʉ̃ʉ. Chʉo kʉara chiimʉ chʉʉ mʉʉre. Iñami chutaa kura chuimatona pãipi sẽejʉna choteñoã, “Jesure ñamakʉamʉ chʉʉ”, chiijamʉ mʉʉ —‍chiniasomʉ Jesús repaʉte.
\s Repaʉte cuache choorʉmʉ tĩapirakʉna Jesús chʉvasiere kʉamʉ
\p
\v 35 Chini Jesús repaʉ neenare ũcuanʉkore ikaasomʉ.
\p —‍Aperʉmʉ chʉʉ mʉsanʉkonare Dios chʉore chʉvaajʉ chini chʉ̃ʉ saosiere cuasajʉ̃ʉ. Chʉʉpi chʉ̃ʉʉna põse mañaturujẽe, kurijẽe, cũakoropherejẽe samairo saisinaame mʉsanʉkona. Jãajañe peovana saisinare, ¿cuamajñarʉã karamaneʉ mʉsanʉkonare? —‍chiniasomʉ Jesús repanare.
\p Chikʉna,
\p —‍Pãasikʉamʉ. Cuamajñarʉãjẽe karamanesikʉamʉ chʉkʉnate —‍chiniasome repana.
\p
\v 36 Chitena Jesús ikaasomʉ.
\p —‍Aperʉmʉ peona saisinaame mʉsanʉkona. Churatani cheke choojʉ̃ʉ. Chura joe sani põse mañaturu paani, kuri paani sajʉ̃ʉ. Ũcuajache teeʉ vati peoni sẽsevʉ juikãare ĩsisõ, vatire koo sajʉ̃ʉ.
\v 37 Dios chʉo aperʉmʉ tocha jokasiere ñani chʉʉre choojache masijanaame mʉsanʉkona. Ijache kʉamʉ:
\q Naa paisirʉmʉ paijaʉ cuache choosinaname chuenisõjamʉ,
\m chiimʉ. Chʉʉre choojachere kʉajʉ tocha jokasiepi apetijñemʉ chʉʉre —‍chiniasomʉ Jesús repanare.
\p
\v 38 Jãajañe kʉaʉna asa ikaasome repana.
\p —‍Ñakʉ, Chʉkʉnate Paakʉ. Ichejare vajña kachavajña paame chʉkʉna —‍chiniasome repana.
\p Chitena,
\p —‍¡Reomʉ! —‍chiniasomʉ repaʉ.
\s Getsemaní chiichejare paiʉ Jesús Dioni sẽesiere kʉamʉ
\r (Mt 26.36-46; Mr 14.32-42)
\p
\v 39 Ika pini Jesús eta Olivo aikũtina repaʉ siarʉmʉ sani paikũtina saniasomʉ. Saiʉna repaʉ neena jame saniasome.
\v 40 Sani tĩa repaʉ neenani chʉvaasomʉ repaʉ.
\p —‍Dioni sẽejʉ paijʉ̃ʉ, Ũcuaʉji chookaiʉna cuache choomaneñu chini —‍chiniasomʉ repaʉ.
\p
\v 41 Chini teeʉ jmachenerʉ sani rore ñuiʉ Dioni sẽniasomʉ repaʉ.
\v 42 Ijache sẽniasomʉ repaʉ: “Jakʉ, mʉʉre ʉ̃seʉato pãi chʉʉre cuache choojache ʉ̃sekaijʉ̃ʉ. Chʉʉre ʉachetani choomanejʉ̃ʉ. Ʉ̃seʉamato mʉʉre ʉache choojʉ̃ʉ”, chiniasomʉ repaʉ Diore.
\p
\v 43 Ũcuarʉmʉ cʉnaʉmʉ paikʉji ángel peosichejapi teana rani paiʉ chookaniasomʉ repaʉte Jesure, koka paaakʉ chini.
\v 44 Jesús repaʉte choojachere rʉa cuasakʉna sʉmaʉna Dioni naa rʉa sẽniasomʉ. Sẽeʉna repaʉ ʉ̃sʉcanañe chejana rʉa meeñe meniasomʉ, chie raiʉ meeñejañe.
\p
\v 45 Sẽni pini vʉni, repaʉ neena paichejana coi ñato sʉmavana paijʉ kãni ũhijʉ paniasome repana.
\v 46 Kãnisorena repanare ikaasomʉ repaʉ.
\p —‍¿Jese paiʉna mʉsanʉkona kãiñe? Dioni sẽejʉ̃ʉ, Ũcuaʉji chookaiʉna cuache choomaneñu chini —‍chiniasomʉ Jesús repaʉ neenare.
\s Jesure pãi chẽasiere kʉamʉ
\r (Mt 26.47-56; Mr 14.43-50; Jn 18.1-11)
\p
\v 47 Repaʉ Jesús chutaa ikatona pãi jainʉko raniasome. Jesús neenare docerepanare jame paikʉji Judas charo raniasomʉ Jesuni chũsu pojora chini.
\v 48 Rani tĩa chũsu pojoʉna Jesús ikaasomʉ repaʉte.
\p —‍Judas, ¿mʉʉ chʉʉre cuhenani chʉʉni Dios Raosikʉni jokakʉ chũsu pojokʉ mʉʉ? —‍chiniasomʉ repaʉ.
\p
\v 49 Chikʉna Jesure jame paina repaʉte chẽajañere masijʉ ijache ikaasome repaʉte:
\p —‍Chʉkʉnate Paakʉ, ¿inare vajñapi ruta vaijanaañe chʉkʉna? —‍chiniasome.
\p
\v 50 Ikajʉ Jesús neekʉ teeʉ judío phairi aire chooche chookaikʉ cãjorona tẽo vatoasomʉ ʉjajʉ̃tʉ cakãko cacãjorona.
\p
\v 51 Tẽoʉna,
\p —‍Reomʉ. Joe choomanejʉ̃ʉ —‍chiniasomʉ Jesús repaʉte. Chini Jesús cãjoro tẽocojñosikʉre ũcuacãjorona chẽa vasoasomʉ.
\v 52 Vaso repaʉte chẽañu chini raisinare judío phairipãi chʉ̃ʉnaname Dios vʉe pẽjekainare chʉ̃ʉnaname judío ainare ijache ikaasomʉ Jesús:
\p —‍Mʉsanʉkona chʉʉni chẽañu chini vãsoñoãname vajña cãjijʉ raime. Ñaaʉte choochejache choome mʉsanʉkona chʉʉre.
\v 53 Aperʉmʉ chʉʉ mʉsanʉkonaname siaumucujña Dios vʉe mʉa jame paisikʉamʉ. Jãatani mʉsanʉkona chʉʉre chẽamanesinaame. Irʉmʉtani Diopi ʉ̃semaʉna chẽame mʉsanʉkona chʉʉre, vati chʉ̃ʉñete choojʉ —‍chiniasomʉ Jesús repanare.
\s Pedro, “Jesure ñamakʉamʉ chʉʉ”, chiisiere kʉamʉ
\r (Mt 26.57-58, 69-75; Mr 14.53-54, 66-72; Jn 18.12-18, 25-27)
\p
\v 54 Ũcuarʉmʉ repana pãi repaʉte chẽa judío phairi ai vʉena sajʉna Pedro soopi ñakʉ tuhaasomʉ ũcuavʉena.
\v 55 Repanapi sani kaka vʉe sanavʉ cararipʉ joorepapona toa suha rũhisokoro pʉʉ ñuijʉ kũhijʉna Pedro jame pʉʉ ñuniasomʉ, choje tuhasikʉ.
\v 56 Ñuijʉna romichĩio phairi aire chooche chookaiko toa ñuiʉ kũhikʉte Pedrote rorepa ñako ikaasomo.
\p —‍Ikʉ Jesure jame paisikʉamʉ —‍chiniasomo repao.
\p
\v 57 Chikona asa Pedro ikaasomʉ.
\p —‍Jesure ñamakʉamʉ chʉʉ —‍chiiʉ jachaasomʉ repaʉ.
\p
\v 58 Naa pani chekʉ ña ikaasomʉ Pedrote.
\p —‍Jesús neenare jame paikʉmʉ mʉʉ —‍chiniasomʉ repaʉ.
\p Chikʉna Pedro ikaasomʉ.
\p —‍Pãakʉmʉ. Jãanare jame paimakʉamʉ chʉʉ —‍chiniasomʉ repaʉ.
\p
\v 59 Jmamakarʉ paisirʉmʉna chekʉ repaʉni ña rʉa ikaasomʉ.
\p —‍Ikʉ Galilea cheja paikʉjekʉ Jesure jame paikʉcosomʉ —‍chiniasomʉ.
\p
\v 60 Chikʉna Pedro jachakʉ ikaasomʉ repaʉte.
\p —‍Mʉʉ ikache vesʉmʉ chʉʉ —‍chiniasomʉ repaʉ. Pedro jãajañe ikatona kura chuniasomʉ.
\v 61 Chuiʉna Jesús chʉri ñaasomʉ Pedrote. Ñakʉna repaʉ Pedro Jesús ikasiere cuasaasomʉ, “Iñami kura chutaa chuimatona choteñoã, ‘Jesure ñamakʉamʉ chʉʉ’, chiijamʉ mʉʉ”, chiisiere.
\v 62 Jãare cuasa Pedro eta rʉa oiche oniasomʉ.
\s Jesure pãisosiere kʉamʉ
\r (Mt 26.67-68; Mr 14.65)
\p
\v 63 Ũcuarʉmʉ Jesure chẽasina repaʉni pãisojʉ vaniasome.
\v 64 Vaijʉ repaʉ ñakocaã kãaserechoji quẽo tapi joe vani sẽniasome repana.
\p —‍Cuasa ikajʉ̃ʉ. ¿Neepi mʉʉre vate? —‍chiniasome repana repaʉte.
\p
\v 65 Jãajañe ikajʉ repaʉte Jesure cheke rʉa cuache ikaasome repana.
\s Pãi chʉ̃ʉna Jesure chʉo sẽniasasiere kʉamʉ
\r (Mt 26.59-66; Mr 14.55-64; Jn 18.19-24)
\p
\v 66 Ñatasirʉmʉ judío ainaname judío phairipãi chʉ̃ʉnaname judíopãi chechona chiiasome. Chii chʉ̃ʉrena repana vʉena chekʉnapi Jesure raasome. Rarena repaʉte chʉo sẽniasome repana. \fig Jesus on trial|cn01815B.tif|span||D.C.Cook| |Lc 22.66\fig*
\p
\v 67 —‍Pãi ũcuanʉkore chʉ̃ʉakʉ chini Dios Raosikʉ Cristo pani kʉajʉ̃ʉ mʉʉ chʉkʉnate —‍chiniasome repana repaʉte.
\p Chitena Jesús ikaasomʉ repanare.
\p —‍Chʉʉpi kʉato jachajanaame mʉsanʉkona.
\v 68 Ũcuajache chʉʉpi sãiñe sẽeto ikamanejanaame mʉsanʉkona chʉʉre. Ũcuachia chʉʉre eto saomanejanaame.
\v 69 Chʉʉ Dios Raosikʉ cʉnaʉmʉna joe mʉni, Dios peore Choomasikʉ ʉjajʉ̃tʉ cakãkona pʉʉ siarʉmʉ ñuijamʉ —‍chiniasomʉ repaʉ repanare.
\p
\v 70 Chikʉna ũcuanʉko sẽniasome repana.
\p —‍Jãa paito, ¿Dios chĩiaʉ mʉʉ? —‍chiniasome repana.
\p Chitena,
\p —‍Ũcuaʉmʉ chʉʉ —‍chiniasomʉ Jesús repanare.
\p
\v 71 Chikʉna ikaasome repana.
\p —‍Ikʉ cuache choosie kʉanare chiimame mai. Reomʉ. Dios asacuhechete, “Dios chĩiamʉ chʉʉ”, chiimʉ ikʉ —‍chiniasome repana judío ainaname phairipãi chʉ̃ʉnaname judíopãi chechona.
\c 23
\s Pilato tijñeñena nʉko Jesure chʉo sẽesiere kʉamʉ
\r (Mt 27.1-2, 11-14; Mr 15.1-5; Jn 18.28-38)
\p
\v 1 Jãajañe ika pini ñuisina vʉni repaʉte Jesure joe chẽa, Pilato tijñeñena sa nʉkoasome repana.
\v 2 Sa nʉko repaʉte cuache chooche roijʉ ijache ikaasome:
\p —‍Mai paicheja canare ikʉ cuache chʉvache asasinaame chʉkʉna. Pãi repanare chʉ̃ʉna chʉ̃ʉñe jachajʉ choomaneajʉ chini chʉvakʉmʉ ikʉ. “Mʉsanʉkonare chʉ̃ʉkʉ Césapi paiche roire kuri sẽeto roimanejʉ̃ʉ mʉsanʉkona”, chiisikʉamʉ ikʉ. Ũcuajache, “Cristoamʉ chʉʉ. Pãi ũcuanʉkore chʉ̃ʉakʉ chini Dios Raosikʉamʉ”, chiikʉmʉ ikʉ —‍chiniasome repana repaʉte Pilatote.
\p
\v 3 Chitena Pilato repaʉte Jesure sẽniasomʉ.
\p —‍¿Judíopãi ũcuanʉkore chʉ̃ʉkʉʉ mʉʉ? —‍chiniasomʉ.
\p Sẽeʉna,
\p —‍Jʉ̃jʉ, ũcuaʉmʉ chʉʉ —‍chiniasomʉ Jesús.
\p
\v 4 Chikʉna Pilato ikaasomʉ repanare judío phairipãi chʉ̃ʉnaname chekʉnare pãi ũcuavʉe painare.
\p —‍Cuache choosie peomʉ ikʉ —‍chiniasomʉ.
\p
\v 5 Chiisietani joe naa rʉa ikaasome repana.
\p —‍Ikʉ Judea cheja painare ũcuanʉkore rʉa cuache chʉvakʉmʉ, repanare chʉ̃ʉnani perujʉ cuache ikajʉ cavaajʉ chini. Galilea chejapi ichejajatʉka rʉa cuache chʉvakʉmʉ ikʉ —‍chiniasome repana Pilatote.
\s Herodes Jesure chʉo sẽesiere kʉamʉ
\p
\v 6 Ikarena asa,
\p —‍¿Galilea cheja cakʉaʉ ikʉ? —‍chiniasomʉ Pilato repanare pãi.
\v 7 Chikʉna,
\p —‍Jʉ̃jʉ, ũcuacheja cakʉamʉ ikʉ —‍chiniasome repana.
\p Kʉarena, “Ãa, Herodes chʉ̃ʉcheja cakʉaʉ ikʉ”, chini cuasaasomʉ Pilato. Reparʉmʉ Herodepi Jerusalén vʉejoopote rani paiʉna repaʉ paivʉena Jesure mʉvoasomʉ Pilato.
\v 8 Mʉvoʉna repaʉ chooche chekʉnapi kʉajʉna asakʉ paikʉjekʉ Jesure ña rʉa pojoasomʉ Herodes, rʉa jeerʉmʉ Jesús chooche ñaʉache cuasakʉjekʉ. Diochia choomasichete Jesupi chookʉna ñara chiniasomʉ repaʉ.
\v 9 Repaʉte ñara chiikʉjekʉ Jesure rʉa siache chʉo sẽniasomʉ repaʉ. Sẽekʉtetani Jesús jmamakarʉjẽe ikamaneasomʉ.
\v 10 Ũcuachia judío phairipãi chʉ̃ʉnaname judíopãi chechona rʉa ikajʉ, “Cuache chookʉmʉ ikʉ”, chiniasome repaʉte.
\v 11 Jãajañe ikajʉna Herodes Jesuni cuhekʉ rʉa pãisoasomʉ sõtaopãiname. Repaʉni pãisojʉ rʉa reojakãñare, pãi chʉ̃ʉna juikãñare sacheasome repaʉte. Pãiso pini repaʉte joe Pilato vʉena cochoasomʉ repaʉ.
\v 12 Jãajañe choosiumucusepi sãiñechia reojache chooasome repana Herodename Pilato, aperʉmʉ sãiñechia cuhesina.
\s Pãi Jesure vanisoche chʉ̃ʉsiere kʉamʉ
\r (Mt 27.15-26; Mr 15.6-15; Jn 18.39-19.16)
\p
\v 13 Ũcuarʉmʉ Pilato judío phairipãi chʉ̃ʉnaname pãi chʉ̃ʉnaname chekʉnare pãi soni ikaasomʉ.
\p
\v 14 —‍Chʉʉni mʉsanʉkona ikʉre rasinaame. Ra, “Ikʉ rʉa cuache chʉvakʉmʉ, pãipi repanare chʉ̃ʉnani perujʉ cavaajʉ chini”, chiisinaame. Mʉsanʉkona ñajʉte ikʉre chʉo sẽesikʉamʉ chʉʉ, ikʉ choosiere asara chini. Jãatani chʉʉ cuasato, mʉsanʉkona, “Cuache chookʉmʉ ikʉ”, chiiche choomakʉcosomʉ ikʉ.
\v 15 Herodes ũcuachia, “Cuache choomakʉamʉ ikʉ”, chiniasomʉ ikʉre. Jãajekʉna ikʉre ichejana joe cochosikʉamʉ repaʉ. Ikʉre vanisoche chʉ̃ʉcuamʉ cuache choomakʉjekʉna.
\v 16 Jãajekʉna ikʉre rupʉ suĩsuechete chʉ̃ʉjamʉ chʉʉ. Suĩsue pini etojamʉ chʉʉ ikʉre —‍chiniasomʉ Pilato repanare.
\p
\v 17 Pilato teeʉ̃sʉrʉmʉ paiche pascuarʉmʉ tĩato chẽacojñosikʉre teeʉte etoasomʉ, pãi etojʉ̃ʉ chiisikʉni. Reparʉmʉ tĩaʉna jãajañe chooche paniasomʉ Pilatote.
\v 18 Jãajekʉna Pilato, “Jesuni etojamʉ chʉʉ”, chikʉna pãi asa ũcuanʉko rʉa cuijʉ ijache ikaasome:
\p —‍¡Jesuni vanisojʉ̃ʉ! ¡Chʉkʉnate Barrabani etokaijʉ̃ʉ! —‍chiniasome repana ũcuanʉko.
\p
\v 19 Aperʉmʉ repaʉ Barrabás chekʉnaname repajoopo painare chʉ̃ʉnani cuhekʉ etora chini cavakʉ chekʉni vanisoasomʉ. Vanisoʉna pãi repaʉte chẽa pãi chẽavʉena cuaoasome.
\v 20 Pãipi jãajañe ikajʉ cuirena repaʉ Pilato Jesuni etora chini joe ikaasomʉ. “¿Ikʉre Jesure etomanejañe chʉʉ? Cuache choomanesikʉamʉ ikʉ”, chiniasomʉ.
\v 21 Jãajañe ikaʉna asa naa rʉa cuijʉ ikaasome repana.
\p —‍¡Kurususẽverona jẽjo nʉkojʉ̃ʉ jãʉre! ¡Kurususẽverona jẽjo nʉkojʉ̃ʉ jãʉre! —‍Jãajañe ikajʉ cuiasome repana.
\p
\v 22 Cuijʉ jãajañe ikarena repaʉ Pilato kachañoã ikasikʉtani joe ikaasomʉ repanare pãi.
\p —‍¿Ʉ̃quere ikʉ Jesús cuache chooʉ? Repaʉ cuache choosiere asa masira chini sẽniteesikʉamʉ chʉʉ. Jãajekʉna ikʉre vanisoche chʉ̃ʉcuamʉ. Ikʉre rupʉ suĩsuechete chʉ̃ʉjamʉ chʉʉ. Suĩsue pinirena etojamʉ chʉʉ ikʉre —‍chiniasomʉ Pilato repanare.
\p
\v 23 Jãajañe ikaʉna asa naa rʉa cuijʉ, “Kurususẽverona jẽjo nʉkojʉ̃ʉ repaʉte”, chiniasome repana. Rʉarepa cuijʉ ikajʉna repana chiiche chʉ̃ʉasomʉ repaʉ.
\v 24 Repana sẽeñe choora chiniasomʉ Pilato.
\v 25 Repana sẽeñe choora chini chekʉre pãi chʉ̃ʉnani cuhekʉ cuache chookʉ pãiʉte vanisosikʉni etoasomʉ repaʉ Pilato, pãi chẽavʉe paisikʉre. Jesuretani sõtaopãire jokaasomʉ, repana pãi sẽesie chooajʉ chini.
\s Jesure kurususẽvero jẽjosiere kʉamʉ
\r (Mt 27.32-44; Mr 15.21-32; Jn 19.17-27)
\p
\v 26 Jokaʉna repana sõtaopãi Jesure chẽa saasome. Sajʉ Simonre Cirene cheja cakʉre poo raikʉni chẽa repaʉ tãtavana kurususẽvero tʉo, “Mʉʉpi isẽvero kuãiʉ Jesús chojepi raijʉ̃ʉ”, chiniasome sõtaopãi repaʉte.
\p
\v 27 Simonre chẽa joe saijʉna chekʉna pãi jainʉko Jesús chojepi tuhaasome ʉmʉpãiname romi. Tuhajʉ romi Jesure choojachere cuasajʉ ota oniasome.
\v 28 Oijʉna Jesús repanare chʉri ña ikaasomʉ.
\p —‍Jerusalén paina romi, chʉʉre oimañe meñe oijʉ̃ʉ. Mʉsanʉkonare tijñejañename mʉsanʉkona chĩivanare tijñejañere cuasajʉ oijʉ̃ʉ.
\v 29 Naa paisirʉmʉna mʉsanʉkona chĩire cuache tijñekʉna ña ijache ikajanaame pãi: “Romi, chĩi paavana sʉmavana paime. Romi, chĩi peonatani pojome”, chiijanaame pãi.
\v 30 Cuache tijñerʉmʉ katiñu chini aikũjñare ijache ikajanaame pãi: “Ñaña tapisõjʉ̃ʉ chʉkʉnate”, chiijanaame.
\v 31 Chʉʉre cuache choomanesikʉretani pãi, “Cuache choosikʉamʉ mʉʉ”, chini cuache choome chʉʉre. Jãatani pãi cuache choonare Diopi chʉ̃ʉʉna naa rʉa cuache tijñejamʉ repanare —‍chiniasomʉ Jesús.
\p
\v 32 Chekʉnare teekachapanare cuache choosinare vanisõñu chini jame saasome repana.
\v 33 Saijʉ aikũti Sĩjopʉjakũti chiikũtina tĩaasome repana. Tĩa repaʉte Jesure ũcuakũtina kurususẽverona jẽjo nʉkoasome repana. Chekʉnare cuache choosinare ũcuajache kurususẽveroãna jẽjo nʉkoasome repana. Teeʉte Jesús ʉjajʉ̃tʉ cakãkona nʉkoasome. Chekʉni Jesús kãkojʉ̃tʉ cakãkona nʉkoasome.
\v 34 Jẽjo nʉkorena Jesús ikaasomʉ.
\p —‍Jakʉ, ina chʉʉre cuache chooche joe cuasamanejʉ̃ʉ. Repana chooche vesʉme ina —‍chiniasomʉ repaʉ.
\p Jãa chooto repana sõtaopãi repaʉ juisikãñare paañu chini catarakarʉã mami tochasirakarʉãpi chejana suaasome, Jesús juisikãña paajaʉni jñaañu chini.
\v 35 Ũcuacheja paina pãi Jesuni ñajʉ nʉkajʉ paniasome. Pãi chʉ̃ʉnatani repaʉni ñajʉ pãisojʉ cuache ikaasome.
\p —‍Chekʉnare jũiñe ʉ̃sesikʉasomʉ ikʉ. Repaʉ Cristo, pãi ũcuanʉkore chʉ̃ʉakʉ chini Dios chẽa Raosikʉ pani ũcuaʉji meñe jũiñe ʉ̃seakʉ —‍chiniasome repana.
\p
\v 36 Sõtaopãi ũcuajache repaʉni pãisojʉ ʉche cono rʉarakare, “Ũkujʉ̃ʉ”, chiijʉ ijache ikaasome:
\p
\v 37 —‍Mʉʉpi judíopãi ũcuanʉkore chʉ̃ʉkʉ pani jũiñe meñe ʉ̃sejʉ̃ʉ —‍chiniasome repana.
\p
\v 38 Kurususẽvero chãtirote tochasikoa sʉniasomʉ, \sc Ikʉ Judiopãi Chʉ̃ʉkʉmʉ\sc*, chiikoa.
\p
\v 39 Chekʉ ũcuajache, cuache choosikʉpi jame jẽjocojñosikʉ Jesure cuache ikaasomʉ.
\p —‍¿Dios Raosikʉaʉ mʉʉ? Ũcuaʉ pani jũiñe meñe ʉ̃sekʉ chʉkʉna jũiñe ũcuajache ʉ̃sekaijʉ̃ʉ —‍chiniasomʉ repaʉ.
\p
\v 40 Chikʉna chekʉ ũcuajache jẽjocojñosikʉ jãajañe ikamaneakʉ chini ijache ikaasomʉ:
\p —‍¿Diore vajʉchʉmakʉ mʉʉ? Chotena cuache choocojñome mai.
\v 41 Maitani cuache choosinajejʉ cuache choocojñome. Mai cuache choosie roiame ie. Ikʉtani cuache choomanesikʉpi cuache choocojñomʉ —‍chiniasomʉ repaʉ.
\v 42 Chini Jesure ijache ikaasomʉ:—‍ Jesús, mʉʉ pãi ũcuanʉkore chʉ̃ʉrʉmʉ cuasajʉ̃ʉ chʉʉvaʉre —‍chiniasomʉ repaʉte.
\p
\v 43 Chikʉna Jesús ikaasomʉ repaʉte.
\p —‍Iumucuse Dios paichejana pãi rʉa pojojʉ paichejana sani chʉʉname paijamʉ mʉʉ. Ũcuarepaame jãa —‍chiniasomʉ Jesús repaʉte.
\s Jesús jũisiere kʉamʉ
\r (Mt 27.45-56; Mr 15.33-41; Jn 19.28-30)
\p
\v 44 Reparʉmʉ nʉkarepaʉ sʉitona ʉ̃sʉʉ miañe tapisoʉna cheja siacheja trejatʉka chijaniasomʉ.
\v 45 Ʉ̃sʉʉ miamaneasomʉ. Ũcuachia Dios vʉe sanavʉ caruupʉ kakasaaro rueekãa ũcuateekãapi joorepapoji cheresoasomʉ. \fig templ curtain torn|CN01843B.TIF|span||D.C.Cook| |Lc 23.45\fig*
\p
\v 46 Ũcuarʉmʉ Jesús rʉa cuikʉ ijache ikaasomʉ:
\p —‍Jakʉ, chʉʉ rekocho mʉʉni ĩsimʉ chʉʉ —‍chiniasomʉ repaʉ. Chini Jesús jũnisoasomʉ.
\p
\v 47 Ũcuarʉmʉ sõtaopãi cienrepanare chʉ̃ʉkʉ ũcuachejare kueñe nʉkakʉ repa choosiere ña Dioni pojokʉ ijache ikaasomʉ:
\p —‍Rʉa reokʉ paisikʉamʉ jãʉ. Ũcuarepaame —‍chiniasomʉ repaʉ.
\p
\v 48 Jesure choochete ñañu chini raisina pãi ũcuanʉko repaʉ jũisiere ña repana ãcapʉãna vaijʉ oijʉ repana vʉñana coiasome.
\v 49 Jesure jame paisina soore nʉkajʉ repaʉte chooche peore ñaasome. Romi ũcuajache Galilea chejapi Jesure jovo jame raisina repaʉte chooche soore nʉkajʉ peore ñaasome.
\s Jesure tãsiere kʉamʉ
\r (Mt 27.57-61; Mr 15.42-47; Jn 19.38-42)
\p
\v 50-51 Ũcuarʉmʉ pãiʉ rʉa reokʉ, Judea cheja cajoopo Arimatea cakʉ paniasomʉ. Repaʉ mami Joseamʉ. Dios Raosikʉ chʉ̃ʉjarʉmʉ tĩañete chaakʉ paniasomʉ repaʉ. Judíopãi chʉ̃ʉnare jame chʉ̃ʉasomʉ repaʉ. Jãatani repaʉte jame chʉ̃ʉnapi Jesure vanisochete chʉ̃ʉto jame chʉ̃ʉcuheasomʉ repaʉ.
\v 52 Jesuni jũisikʉni sa tãra chini sani Pilatoni sẽniasomʉ repaʉ.
\v 53 Sẽejani rani Jesure caso sábanakãapi reaasomʉ repaʉ. Rea pini sa aikũti caripana tẽtoche ũhisicojena cuaa ũhaasomʉ repaʉ, chutaa teeʉterejẽe jũisikʉre cuaa ũhamacojena.
\v 54 Pʉaumucuse tĩapirakʉna peore carevache paniasomʉ repanare.
\p
\v 55 Romi Galilea cheja Jesure jame raisina Jesure cojena cuaa ũhañe jame tuha ñaasome.
\v 56 Ũhañe ñasinajejʉ repana vʉñana coi okomaña cheke maña suiriche carevaasome repana sa Jesuni jũisikʉni rovejʉ suiriñu chini. Careva pini pʉaumucuse tĩaʉna pʉaasome repana romi, aperʉmʉna Diopi pʉaumucuse jokasiejekʉna.
\c 24
\s Jesús vajʉraisiere kʉamʉ
\r (Mt 28.1-10; Mr 16.1-8; Jn 20.1-10)
\p
\v 1 Romicorʉmʉ apeñatatona repana carevasie maña sajʉ
saniasome repana romi Jesure ũhasicojena.
\v 2 Sani ñato catapʉ rʉa ʉjapʉ repacoje tapisipʉ
kʉñososipʉ paniasomʉ.
\v 3 Kʉñosipʉjekʉna coje kaka ñato Pãi Ũcuanʉkore Paakʉ
vaniso tãcojñosikʉ Jesús peoasomʉ.
\v 4 Peokʉna ña kʉkʉ, “¿Jese paakʉ ie?”, chini cuasatona
peosichejapi teana ʉmʉpãi teekachapana, rʉa kosijakãña
juinapi repanare romi kueñe nʉkaasome.
\v 5 Peosichejapi paijʉna ña kʉkʉso, meñe sime nʉkajʉna
ijache ikaasome:
\p —‍¿Jese paiʉna mʉsanʉkona vajʉraisikʉni pãi jũisina
paichejare kueche?
\v 6 Icheja peomʉ repaʉ. Vajʉranicuhasikʉamʉ. Repaʉ Galilea
cheja pairʉmʉ kʉasiere cuasajʉ̃ʉ. Ijache kʉasikʉamʉ
repaʉ:
\v 7 “Chʉʉre Dios Raosikʉre chẽa cuache choonani
jokajanaame pãi, cuache chooajʉ chini. Jokarena
kurususẽverona jẽjo vẽasõjanaame repana chʉʉre.
Vanisõcojñosikʉtani choteumucujñana vajʉraijamʉ chʉʉ”,
chiisikʉamʉ Jesús —‍Jãajañe kʉaasome repana.
\p
\v 8-9 Kʉarena asa Jesús kʉasiere cuasa repacojepi eta Jesús
neenare oncerepanani kʉañu chini saniasome. Sani tĩa peore
kʉaasome repana romi. Ũcuachia chekʉnare Jesure chiinare
ũcuanʉkore kʉaasome repana.
\v 10 María Magdalenaamo, Juanaamo, Santiago pʉkako Maríaamo
chekʉna romi repanare jame saisina ũcuanʉko kʉaasome Jesús
neenare, repaʉ saosinare.
\v 11 Kʉajʉna, “Rʉa tĩiñe kʉame ina”, chiijʉ jachaasome
repana.
\p
\v 12 Pedrotani asa Jesure tãsichejana vʉvʉasomʉ ñara chini.
Vʉvʉ tĩa sime ñato coje sanavʉ Jesure reasikãñachia
ũniasomʉ. Kãñachia ũhiʉna ña vʉena coikʉ, “¿Jese paakʉ
ie?”, chiiʉ cuasaasomʉ Pedro.
\s Emaús vʉejoopo saimaa Jesús peosichejapi ñosiere kʉamʉ
\r (Mr 16.12-13)
\p
\v 13 Ũcuaumucusena Jesure chiina, teekachapana Emaús
vʉejoopona saniasome. Jerusalén vʉejoopoji Emaús
vʉejoopojatʉka once kilómetros paiʉasomʉ.
\v 14 Emaús vʉejoopona saijʉ reparʉmʉ choosiere cutuasome
repana.
\v 15 Sãiñechia cutujʉ chʉo rʉa sẽniasajʉ saijʉna repanare
Jesús rani tĩa jame saniasomʉ.
\v 16 Jame saikʉtetani ña vesʉasome repana.
\v 17 Ña vesʉjʉna repanare chʉo sẽniasomʉ repaʉ.
\p —‍¿Ʉ̃quere mʉsanʉkona cutujʉ saiche? —‍chiniasomʉ Jesús
repanare.
\p Jãajañe ikaʉna sʉmavana canʉkaasome repana.
\p
\v 18 Canʉkasirʉmʉ teeʉ Cleofaji ikaasomʉ repaʉte.
\p —‍Irʉmʉ Jerusalén vʉejoopo pãi jainʉko raisina paime.
Repana rani paijʉ repajoopo iumucujña choosie ũcuanʉko
masime. ¿Mʉʉ vesʉkʉ? —‍chiniasomʉ repaʉte.
\p
\v 19 Chikʉna Jesús ikaasomʉ.
\p —‍¿Jese choore? —‍chiniasomʉ.
\p Sẽeʉna ikaasome repana.
\p —‍Jesús, Nazaret cakʉre choosiere ikame chʉkʉna. Dios
chʉo kʉakaikʉ paisikʉamʉ repaʉ. Diochia choomasichete
choo ñokʉ Dios chʉo rʉa masi kʉasikʉamʉ repaʉ.
Jãajañe chookʉna Dios rʉa pojoasomʉ repaʉte. Pãi
ũcuajache rʉa pojosinaame repaʉte.
\v 20 Jãajañe paikʉni judío phairipãi chʉ̃ʉnaname maire
chʉ̃ʉna, repaʉte chẽa sa chekʉnani jokasinaame,
vanisõñete chʉ̃ʉajʉ chini. Sa jokarena repaʉte
kurususẽverona jẽjo nʉko vẽasõsinaame repana.
\v 21 Ijache cuasasinaame chʉkʉna: “Ikʉ Jesús maire
Israelpãi Romapãi chẽa paacojñonare tʉa paajamʉ”, chini
cuasajʉ paisinaame chʉkʉna. Jãatani irʉmʉ repaʉji
chuenisõʉna tãsie choteumucujñaame.
\v 22-23 Chʉkʉnate jame paina romi iapeñatato repaʉte
tãsicheja sani ñaasome. Sani kaka ñato tãcojñosikʉ Jesús
peoasomʉ. Peokʉna rani ijache kʉasinaame repana chʉkʉnate:
“Angeles peosichejapi rani paijʉna ñasinaame chʉkʉna. Rani,
‘Jesús vajʉranicuhasikʉamʉ’, chiisinaame ángeles
chʉkʉnate”, chiisinaame repana romi. Romipi jãajañe ra
kʉajʉna asa kʉkʉsinaame chʉkʉna.
\v 24 Kʉarena asa chʉkʉnate jame paina repacoje sani ñato
romi kʉasie ũcuarepa paniasomʉ. Tãcojñosikʉ Jesús peoasomʉ
—‍chiniasome repana Jesure Emaús vʉejoopo saina.
\p
\v 25 Jãajañe kʉarena asa ikaasomʉ repaʉ.
\p —‍Dios chʉo kʉasina tocha jokasie masime mʉsanʉkona.
Jãatani rũhiñe cuasamanajejʉ repana tocha jokasie masi
cuasamame mʉsanʉkona.
\v 26 Aperʉmʉ Dios chʉo kʉasina Cristote tijñejañere kʉajʉ
ijache tocha jokaasome:
\q Pãi ũcuanʉkore chʉ̃ʉakʉ chini
Dios Raosikʉ pãi cuanani cuache choocojñosikʉtani naa
paisirʉmʉ pãi ũcuanʉkore chʉ̃ʉjamʉ,
\m chiimʉ repana
tocha jokasie —‍chiniasomʉ Jesús repanare.
\p
\v 27 Repanapi repaʉ paichete naa rʉa masiajʉ chini, repaʉ
paijachere kʉara chini Moisés tocha jokasiename aperʉmʉ Dios
chʉo kʉasina repaʉ paijachere kʉañu chini tocha jokasie
peore masi kʉaasomʉ repaʉ.
\v 28 Kʉakʉ saiʉ repana saijoopona tĩajʉna Jesús canʉkamakʉ
ñoñe saniasomʉ.
\v 29 Canʉkamañe ñoñe saiʉna saimaneakʉ chini repaʉte rʉa
ikaasome repana.
\p —‍Naisõsieame ie. Saimairo chʉkʉnaname canʉkajʉ̃ʉ
—‍chiniasome repana repaʉte.
\p Chiijʉna ũcuana vʉena kaka canʉkaasomʉ repaʉ.
\p
\v 30 Canʉka paiʉ ũcuananame mesakoare ñuiʉ pãpʉ mini
Dioni, “Reorepamʉ”, chini tʉse ĩsiasomʉ repaʉ.
\v 31 Tʉse ĩsiʉna repaʉte ñavesʉsina ña masiasome repana.
Ña masirena ũcuachejapi teana peoasomʉ repaʉ.
\v 32 Peokʉna sãiñechia ikaasome repana.
\p —‍Maa rairʉmʉ repaʉji Dios chʉo tocha jokasiere masi
kʉakʉna asa pojojʉ raisinaame mai —‍chiniasome repana.
\p
\v 33 Ũcuarʉmʉ ñuisinapi vʉni Jerusalenna coi repaʉ neenare
oncerepananame repanare jame chii painani ñaasome repana.
\v 34 Coirena ijache ikaasome chiisina:
\p —‍Maire Paakʉ vajʉraisie ũcuarepaasomʉ. Simonni peosichejapi
rani ñoasomʉ —‍chiniasome repana.
\p
\v 35 Chitena Emaús maa saisina ũcuajache Jesure ñasiere
kʉaasome. “Chʉkʉnate ũcuajache peosichejapi rani
paisikʉamʉ repaʉ. Jãatani repaʉte ñavesʉsina repaʉji
chʉkʉnani pãpʉte mini tʉse ĩsiʉna ña masisinaame
chʉkʉna”, chiniasome repana.
\s Jesús repaʉ neenare peosichejapi ñosiere kʉamʉ
\r (Mt 28.16-20; Mr 16.14-18; Jn 20.19-23)
\p
\v 36 Repanare chutaa ũcuare cutunani Jesús repana chenevʉna
peosichejapi rani nʉkakʉ ijache ikaasomʉ:
\p —‍Reojache paijʉ̃ʉ mʉsanʉkona —‍chiniasomʉ Jesús
repanare.
\p
\v 37 Nʉkakʉna ña, “Jũisikʉpi ikʉ reko raimʉ”, chini
cuasajʉ rʉa kʉkʉasome repana.
\v 38 Kʉkʉjʉna ikaasomʉ repaʉ.
\p —‍¿Jese paiʉna mʉsanʉkona kʉkʉche? ¿Jese paiʉna
mʉsanʉkona chʉʉ vajʉraisie jachache?
\v 39 Chʉʉamʉ. Ñajʉ̃ʉ chʉʉ jʉ̃jñaname cũa. Chẽse
ña masijʉ̃ʉ chʉʉre. Jũisikʉ rekocho canivʉjẽe peomʉ.
Chʉʉtani canivʉname tara paamʉ. Ñame mʉsanʉkona chʉʉ
paache —‍chiniasomʉ Jesús repanare.
\p
\v 40 Chini repanare jʉ̃jñaname cũa ñoasomʉ repaʉ.
\v 41 Ñokʉna ña pojonatani repaʉte jachaasome repana. “¿Ikʉ
chʉo ũcuarepare ikakʉ?”, chini cuasaasome repana. Jãajañe
cuasajʉna ikaasomʉ repaʉ.
\p —‍¿Mʉsanʉkona icheja ãiñe peoche? —‍chiniasomʉ repaʉ.
\p
\v 42 Chikʉna repaʉte chiacha vaimaka posimakare ĩsiasome
repana.
\v 43 Ĩsirena koo, repana ñajʉte ãniasomʉ repaʉ.
\v 44 Ãni pini ijache ikaasomʉ repaʉ:
\p —‍Aperʉmʉ mʉsanʉkonare jame pairʉmʉ ijache kʉasikʉamʉ
chʉʉ: “Moisés tocha jokasiename Dios chʉo kʉasina tocha
jokasiename Salmophʉro tocha jokasie chʉʉ
choocojñojañere kʉamʉ. Repana tocha jokasiepi tijñejamʉ
chʉʉre”, chiisikʉamʉ chʉʉ mʉsanʉkonare. Ũcuapi
tijñecuhasikʉamʉ chʉʉre —‍chiniasomʉ Jesús repanare.
\p
\v 45 Dios chʉo tocha jokasiere repanapi asavesʉjʉna repana
rekoñoãna asamasiche chooasomʉ Jesús repanare, asamasiajʉ
chini.
\v 46 Asamasiche choo ijache ikaasomʉ repaʉ:
\p —‍Dios chʉo aperʉmʉ tocha jokasie ijache kʉamʉ:
\q Cristote, Dios Raosikʉre jũiñe paijamʉ.
\q Jũnisõʉna tãcojñosikʉtani choteumucujñana vajʉraijamʉ
repaʉ.
\q
\v 47 Repaʉ vajʉraisirʉmʉ repaʉ neena,
\q “Cristoji maire
chookaijamʉ”,
chini cuasajʉ
\q Dios chʉo pãire ijache
chʉvajanaame:
\q “Mʉsanʉkona cuache chooche ũhasõ reojache paijʉ̃ʉ.
\q Jãajañe chooto Dios mʉsanʉkona cuache choosie
tʉnosõjamʉ.
\q Tʉnosõsie joe cuasamanejamʉ Repaʉ”, chiijanaame.
\q Charo Jerusalén vʉejoopo canani chʉvajanaame repana.
\q Jãachejapi siachejñarʉã sani kuijʉ chʉvajanaame
repana,
\m chiimʉ repana tocha jokasie.
\v 48 Jãajekʉna mʉsanʉkona ñasiere chekʉnani kʉajʉ
paijʉ̃ʉ.
\v 49 Dios Rekocho chʉʉ Jakʉ aperʉmʉ saojamʉ
chiisirekochote raojamʉ chʉʉ mʉsanʉkonare. Saimañe
Jerusalén vʉejoopote paijʉ chaajʉ̃ʉ mʉsanʉkona, Dios
Repaʉ Rekocho peore Masirekocho raochetʉka. Repaʉ Rekochoji
chookaiʉna naa rʉa masijanaame mʉsanʉkona —‍chiniasomʉ
Jesús repaʉ neenare.
\s Jesús cʉnaʉmʉ mʉisiere kʉamʉ
\r (Mr 16.19-20)
\p
\v 50 Ika pini Jesús repaʉ neenare Betania vʉejoopona
saasomʉ. Sa tĩa repaʉ jʉ̃jña mʉñe ruhikajava peche
nʉkakʉ, “Diopi mʉsanʉkonare reojache chookaaʉ”, chiniasomʉ
repaʉ.
\v 51 Jãajañe ika repanare joka Diopi mʉakʉna cʉnaʉmʉna
mʉnisoasomʉ repaʉ.
\v 52 Mʉnisoʉna rore ñuijʉ, “Rʉa reokʉmʉ repaʉ”, chiijʉ
cuasajʉ pojoasome repana repaʉte. Rore ñuisinapi vʉni rʉa
pojojʉ Jerusalén vʉejoopona coiasome repana.
\v 53 Coi paijʉ Dios vʉe siarʉmʉ mʉa Dioni pojojʉ
paniasome repana, “Rʉa reokʉmʉ mʉʉ”, chiijʉ.