\id 2CO
\h 2 CORINTIOS
\toc1 San Pablo Corinto vʉejoopo painare joe chʉo tocha saosieame
\toc3 (2 Co)
\mt San Pablo Corinto vʉejoopo painare joe chʉo tocha saosieame
\c 1
\s Chʉo saosieame
\p
\v 1 Chʉʉ, Pablo, Diopi chiiʉna Jesucristo saosikʉpi mai majapãiʉjaiʉ Timoteoname ijaova utijaova tocha saomʉ mʉsanʉkonare Corinto vʉejoopo painare Diore cuasakuanupʉ painare, ũcuachia Acaya cheja siachejña painare Repaʉ neenare.
\v 2 Mai Jakʉ Dios, Maire Paakʉ Jesucristoname mʉsanʉkonare rʉa reojache chookaiʉ paaʉ, reojache paapʉ chini.
\s Pablo cuache tijñecojñosiere kʉamʉ
\p
\v 3 Maire Paakʉ Jesucristo Pʉkakʉre Diore pojojʉ, “Reorepamʉ, Jakʉ”, chiijʉ pañu. Mai Jakʉjekʉ maire oikʉmʉ Repaʉ. Diojekʉ maipi oito mai rekoñoã siarʉmʉ chʉrokaikʉmʉ.
\v 4 Maini cuache tijñekʉna maipi oito mai rekoñoã chʉrokaikʉmʉ Repaʉ, ũcuajache maipi chekʉnani cuache tijñecojñojʉ oinani chʉromasiajʉ chini, maire Repaʉ chʉrochejache chʉrojʉ paapʉ chini.
\v 5 Jãajekʉna maini Cristote cuache tijñesiejache rʉa cuache tijñekʉna maipi oito mai rekoñoã Ũcuaʉji chʉrokaimʉ.
\v 6 Chʉkʉna mʉsanʉkonani Dios chʉore chʉvajʉ cuache tijñecojñonatani ũcua vajʉchʉmañe chʉvajʉ paime, mʉsanʉkonapi Dios chʉore asa chẽa Repaʉni jovorena, Ũcuaʉji mʉsanʉkona oichete chʉroakʉ chini. Ũcuachia chʉkʉnate cuache tijñekʉna oinare chʉromʉ Dios, chʉkʉnate tijñeñejañe mʉsanʉkonani cuache tijñeto chʉkʉnapi ũcuajache chʉrojʉna Dioni cuasajʉ mʉsanʉkonapi naa rʉa koka paaajʉ chini.
\v 7 Mʉsanʉkona reojache paijachere cuasajʉ pojome chʉkʉna. Ũcuachia mʉsanʉkona chʉkʉna cuache tijñecojñojʉ oichejache oirʉmʉ chʉkʉnate chʉrochejache Diopi mʉsanʉkona rekoñoã chʉrokʉna, “Ũhasomanejanaame repana”, chini cuasajʉ pojome chʉkʉna.
\p
\v 8 Asarepajʉ̃ʉ, chʉʉ majapãijana. Chʉʉ Asia cheja saisirʉmʉ cuache tijñeʉna paisiere joe kʉara chiimʉ chʉʉ mʉsanʉkonare. Reparʉmʉ cuache choojʉna vajʉʉ coi cuasomaʉna, “Chuenisojamʉ chʉʉ”, chiisikʉamʉ chʉʉ, jʉvo koka peokʉ.
\v 9 Jãatani reparʉmʉ chʉʉ rekocho jũipirakʉ cuasachejache cuasasikʉjekʉ reojachere chechesikʉamʉ chʉʉ. Jãajekʉna chura chʉʉ ie masimʉ: Mai masichechia cuasamañe paijʉ Dioni jũnisosinare vasokaikʉni cuasajʉ sẽeñe paimʉ, chookaaʉ chini. Ũcuachia jũipiranare jũiñe ʉ̃semʉ Repaʉ.
\v 10 Reparʉmʉ rʉa choosovajʉchʉache paichetani Diopi chʉʉni jũiñete ʉ̃sekʉ chookakʉna chuenisomanesikʉamʉ chʉʉ. Repaʉ chʉʉre joe ũcuajache chookaijache masimʉ chʉʉ.
\v 11 Jãajekʉna Dioni sẽekaijʉ paijʉ̃ʉ chʉʉre jãajañe chookaaʉ. Pãipi chʉʉni jainʉko Repaʉni sẽekaijʉ pani Repaʉji chʉʉre reojache chookaiʉna asajʉ ũcuajache pãi jainʉko Repaʉte, “Reorepamʉ, Jakʉ”, chiijʉ paijanaame.
\s Corinto vʉejoopo joe saimanesiere kʉamʉ Pablo
\p
\v 12 Ijache choosiere cuasakʉ pojokʉmʉ chʉʉ: Chʉʉ siachejñarʉã kuiʉ pãi jainʉkore tijña choosiere meñe cuasa ñato chʉʉ choosie peore joremañe reojachechia choosieame. Diopi chʉʉni chookaaʉ chini chʉʉ masichechia cuasamañe Repaʉni siarʉmʉ sẽeʉ chookʉ paisikʉamʉ chʉʉ. Jãajañe chookʉ mʉsanʉkona paicheja pairʉmʉ naa rʉa reojache chookʉ paisikʉamʉ chʉʉ.
\v 13 Ũcuachia chʉʉ mʉsanʉkonare tocha saosijao chʉo rũhiñechia ikakʉ tocha saosikʉamʉ. Mʉsanʉkonapi repachʉore peore masi asa chẽato reomʉ.
\v 14 Ie chutaa masi asa chẽamanaame mʉsanʉkona: Maire Paakʉ Jesús joe raiumucuse chʉʉpi chʉvakʉna asa chẽa mʉsanʉkona Repaʉte cuasajʉ jovosinajejʉ chʉʉre pojojanaame. Chʉʉ ũcuajache reparʉmʉ mʉsanʉkonare chʉvakʉna asa chẽasiere cuasakʉ rʉa pojojamʉ.
\p
\v 15-16 Jãare masikʉ chʉʉ mʉsanʉkonani kachañoã ñajaiʉ paiʉ pojora chini Macedonia chejana saikʉji mʉsanʉkona paichejare charo canʉka ñara chini cuasasikʉamʉ. Pani pini sani joe coikʉ ñara chini cuasasikʉamʉ chʉʉ. Jãajañe kuni pini mʉsanʉkona paichejapi Judea chejana teana saito chʉʉ saijache chookaireoraasikʉamʉ mʉsanʉkonare.
\v 17 Chʉʉpi, “Jãajañe saijamʉ”, chiisikʉpi saimaneʉna, ¿“Joreʉ jãʉ”, chiijʉ cuasache mʉsanʉkona?
\v 18 Jãajañe cuasamanejʉ̃ʉ. Diopi ñakʉna joremamʉ chʉʉ mʉsanʉkonare.
\v 19 Chʉʉamʉ Silvanoamʉ Timoteo Dios Mamakʉ Jesucristo paichete kʉajʉ chʉvasinaame mʉsanʉkonare. Repaʉ Cristo joremakʉjekʉ peoche ikamakʉamʉ.
\v 20 Repaʉ rani chookaisiejekʉna Dios aperʉmʉ, “Ijache choojamʉ chʉʉ”, chiisie peore choocojñocuhamʉ. Jãajekʉna Diore, “Reorepamʉ, Jakʉ”, chiijʉ Jesucristoji chookaiʉna, Dios chʉore asamasijʉ, “Mʉʉ chiiche paaʉ”, chiinaame chʉkʉna, Repaʉ chʉo ũcuarepare asajʉ.
\v 21 Repaʉ Dios maire chẽa paakʉ chookaiʉ paimʉ, maipi cuache tijñecojñonatani reojache choomasijʉ Jesucristote cuasache ũhasomañe ũcua cuasajʉ paapʉ chini.
\v 22 Pãi repana paachena mami tocha sʉochejache Dios maire Repaʉ Rekochote mai rekoñoãna raosikʉamʉ. Jãajekʉna Ũcuarekochoji jame paiʉ kʉakʉna, “Mai Repaʉ neenaame”, chiijʉ masime mai. Ũcuachia Repaʉ maire ĩsijache masime.
\p
\v 23 Chʉʉ choora chini cuasasie mʉsanʉkona paicheja saimanesikʉamʉ chʉʉ, mʉsanʉkonani oiʉ kerecuhekʉjekʉ. Masimʉ Dios jãa.
\v 24 “Chʉʉ cuasachejache cuasajʉ̃ʉ”, chiiʉ chʉ̃ʉmakʉamʉ chʉʉ mʉsanʉkonare, Dioni cuasajʉ reojache choomasinare. Mʉsanʉkonapi naa rʉa pojojʉ paapʉ chini mʉsanʉkonare karachete chookasa chiikʉmʉ chʉʉ.
\c 2
\p
\v 1 Jãajekʉna mʉsanʉkonapi sʉmavana paimaneajʉ chini joe
kerecuhekʉ, “Saimamʉ chʉʉ irʉmʉ”, chiisikʉamʉ chʉʉ
mʉsanʉkonare.
\v 2 Chʉʉpi mʉsanʉkonare asaʉamañe ikato, ¿neepi chʉʉre
pojojanaañe? Mʉsanʉkonapi sʉmavana pani chʉʉre
pojomanejanaame.
\v 3 Jãajekʉna chʉʉ mʉsanʉkonapi cuache choochete ũhaso
reojache paapʉ chini utijaovate tocha saosikʉamʉ
mʉsanʉkonare, chʉʉpi sakʉna ña pojoajʉ chini. Mʉsanʉkona
cuache paichete sani ñakʉ sʉmavaʉ paiche cuhemʉ chʉʉ.
Chʉʉ pojokʉ paito mʉsanʉkona ũcuajache pojojʉ
paijanaame.
\v 4 Mʉsanʉkonare tocha saosijaova chʉʉ rekocho rʉa sʉmañe
cuasa oiʉ tocha saosikʉamʉ. Mʉsanʉkonani sʉmañe choora
chini ikakʉ tochasiemamʉ jãa. Chʉʉ mʉsanʉkonare oiʉ
cuasachete choo ñora chini ikakʉ tochasieame.
\s Cuache choosikʉre repaʉ choosie joe cuasamañe oijʉ
joe cuache chooche ʉ̃sechete kʉamʉ
\p
\v 5 Mʉsanʉkonare jame paikʉ chʉʉre sʉmañe
choosikʉamʉ. Jãatani chʉʉrechia sʉmañe
choomanesikʉamʉ. Mʉsanʉkonare ũcuachia ũcuanʉkore
sʉmavanare choosikʉamʉ repaʉ. Chekʉrʉmʉ repaʉ
mʉsanʉkonare rʉarepa sʉmavanare choomanecosomʉ. Repaʉ
paiche rʉarepa cuache cutucuhemʉ chʉʉ.
\v 6 Repaʉ cuache choosie roi repaʉte jainʉko cuache
choosinaame mʉsanʉkona, joe cuache choomaneakʉ chini. Reomʉ
jãa. Ũcuamakarʉ cuache choojʉ̃ʉ repaʉte.
\v 7 Chura ijache choojʉ̃ʉ: Repaʉji rʉarepa oiʉ, “Pani
etajaiche cuasomañeame ie”, chiiʉ cuasamaneakʉ chini, repaʉ
cuache choosiejẽe cuasamañe chookaijʉ paijʉ̃ʉ
repaʉte, joe oimaneakʉ.
\v 8 Mʉsanʉkona repaʉte oichete choo ñojʉna repaʉji masiakʉ
chini ikamʉ chʉʉ.
\v 9 Aperʉmʉ mʉsanʉkonare chʉʉ chʉvakʉ chʉ̃ʉñe asa
jachamañe choochete choo ña masira chini, chʉo tocha
saosikʉamʉ chʉʉ mʉsanʉkonare.
\v 10 Jãajekʉna mʉsanʉkonapi repaʉ cuache choosiere
cuasamañe paijʉna chʉʉ ũcuajache repaʉ cuache choosie
cuasamanejamʉ. Mʉsanʉkonare cuasakʉjekʉ Cristo ñakʉte
choomʉ chʉʉ,
\v 11 maini vati aipi cajejaimaneakʉ chini. Repaʉ cacʉora chini
chooche masinaame mai.
\s Pablo Troas vʉejoopo saisirʉmʉ pojomanesiere kʉamʉ
\p
\v 12 Chʉʉ Jesucristote cuasache kʉachʉore chʉvara chini
Troas vʉejoopo saisirʉmʉ Repaʉ chʉo rʉa chʉvareoche
jainʉko asaneena paisinaame.
\v 13 Jãatani mai majapãiʉjaiʉni Titoni tijñamaneʉna
chʉʉre masi pojokʉ chʉvacuakʉna repanare joka Macedonia
chejana ranisosikʉamʉ chʉʉ, repaʉni tijñara chini.
\s Jesucristoji maire cuhenare cajejaiʉna mai Dios chʉo
chʉvachete kʉamʉ
\p
\v 14 Diopi maini siache reojache chookaiʉna, “Reorepamʉ,
Jakʉ”, chiinaame mai Repaʉte. Ũcuaʉji chʉ̃ʉkʉna maire
cuhenare Jesucristoji siarʉmʉ cajejaiʉ paiʉna mañasʉche
vʉochejachere Repaʉ chʉore siachejña kuijʉ chʉvajʉ
paime mai.
\v 15 Diopi ñato mai Repaʉ chʉo chʉvana Jesucristo Repaʉte
maña ĩsichejache paime, Repaʉ chẽa paananame choosojana
asajʉte chʉvana.
\v 16 Maire Dios paicheja saijanare mai Repaʉ chʉo chʉvache,
mañare chʉe vajʉchejache paimʉ. Choosojanaretani eopi
cuasʉkʉna chʉe jũnisochejache paimʉ. Pãi teeʉjẽe Diopi
chookaimato Repaʉ chʉo chʉvamasimame.
\v 17 Chekʉna kuijʉ choochejache Dios chʉore chʉvajʉ
kurire kooñu chiimanaame chʉkʉna. Jãajañe choomañe Cristo
neenajejʉ Ũcuaʉji saoʉna Dios asakʉte chʉo ũcuarepare
chʉvajʉ kuijʉ painaame chʉkʉna.
\c 3
\s Mama chʉ̃ʉ jokasiere kʉamʉ
\p
\v 1 Chʉvanare teenare ña vesʉjʉ utijaore chiime pãi, repana
paichete ña masiñu chini. Chʉʉtani masicojñokʉjekʉ
mʉsanʉkona tochasijao chiimakʉamʉ. Mʉsanʉkona ũcuachia chʉʉ
reojache chechosie ũcuare masinajejʉ chʉʉ paichete kʉajʉ
chekʉna tochasijao sẽeñe chiimame.
\v 2 Mʉsanʉkona chʉʉ chʉvasie Dios chʉore asa chẽa
reojache paijʉ chʉʉ paichete kʉajʉ tochasijaovajache
paime, pãipi ũcuanʉko ña masiajʉ chini. Chʉʉ ũcuachia
mʉsanʉkona paichete ñakʉ pojomʉ.
\v 3 Iere masireomʉ: Utijaova Jesucristoji tochakakʉna chʉʉ
sa ĩsisijaovajache paime mʉsanʉkona. Tintapi tochasijaovamamʉ
repajaova; Dios Siarʉmʉ Paikʉ Rekochoji tochasijaovaame.
Ũcuachia Diopi Moisete kʉakʉ catakoana tochasiejachemamʉ
repa; pãi rekoñoãna tochasiejache repana rekoñoãre Repaʉ
chʉ̃ʉñete paaajʉ chini chookaimʉ Repaʉ.
\p
\v 4 Ũcuachia Jesucristoji chookaiʉna chʉʉ Repaʉ chʉore
chʉvakʉna mʉsanʉkona reojache paiche ñamʉ Dios. Jãare
masimʉ chʉʉ.
\v 5 Jãatani chʉʉ Repaʉ chʉo reojache chʉvakʉ, “Rʉa
masimʉ”, chiiʉ chʉvamakʉamʉ. Teeʉ chʉʉchia cuasakʉ
chechochemamʉ ie. Chʉʉ chechoche peore Diopi chookaiʉna
chechochechiaame. Diopi chookaimato Repaʉ chʉojẽe
asavesʉkʉ chʉvachejẽe vesʉraamʉ chʉʉ.
\v 6 Ũcuaʉji chʉʉre Repaʉ mamare chooñu chiisie
kʉamasichete jokasikʉamʉ, chʉʉpi mʉsanʉkonani sa kʉaakʉ
chini. Repaʉ aperʉmʉ, “Ijache chooñu”, chiiʉ chʉ̃ʉkʉ
catakoñana tocha jokasiere pãipi jachajʉ repare choomaneni
choosome. Repaʉ mamare chooñu chiisietani ijache paimʉ: Mai
rekoñoãna Repaʉ Rekochote raomʉ Repaʉ, maipi reojarekoñoãre
paajʉ reojache paijʉ Ũcuaʉname siarʉmʉ paapʉ chini.
\p
\v 7 Repaʉ aperʉmʉ chʉ̃ʉkʉ tochasimajña paikoña pãire
jokarʉmʉ rʉa miañe ñoʉ ĩsiasomʉ Dios. Jãajekʉna
repakoña kookaisikʉ Moisés Dios paikũtipi cajekʉ chia
ñacuache kosijachiajekʉna chekʉna repaʉ chia ñamaneasome,
Israel jojosina. Caje paiʉna naa paisirʉmʉ Moisés chia
kosijaisie siasoasomʉ. Repa aperʉmʉ chʉ̃ʉsie rʉa miañe
ñoʉ Dios chʉ̃ʉ jokasiejekʉ reojaisikʉamʉ.
\v 8 Jãatani Repaʉ mamare chooñu chiiʉ chʉ̃ʉ jokasie
Repaʉ Rekocho chookaicheji naa reojaimʉ.
\v 9 Dios chʉo aperʉmʉ tochasie mai cuache choosie roiche
chʉ̃ʉñetani reojaisikʉamʉ. Jãatani Dios chʉo mama
kʉacheji Jesucristo chookaisiejekʉna mai cuache chooche
roiche peochete kʉachejekʉ naa reojaimʉ.
\v 10 Aperʉmʉ chʉ̃ʉsie jokarʉmʉ rʉa reojaisikʉamʉ.
Jãatani irʉmʉ paiche mama chʉ̃ʉsie naa rʉa reojaimʉ.
\v 11 Aperʉmʉ chʉ̃ʉsie siasosikʉamʉ. Mama
chʉ̃ʉsietani siasomañe siarʉmʉ paijamʉ. Jãajekʉna
mama chʉ̃ʉsiechia naa rʉa reojaimʉ.
\p
\v 12 Mama chʉ̃ʉsie siamañe paichejekʉna Dios chʉo
reojachere vajʉchʉmañe chʉvakʉmʉ chʉʉ.
\v 13 Moisés repaʉ chiare ñoʉ̃sekʉ choochejache choomañe
peore Dios chʉo masi kʉakʉmʉ chʉʉ. Moisés chiare kosijaiʉ
reojache ñosie siasojachere Israel jojocojñosinapi ñamaneajʉ
chini kãapi pũja paniasomʉ.
\v 14 Reparʉmʉ Israelpãi Dios chʉo asasinatani asa
chẽamaneasome. Irʉmʉ ũcuachia repana jojosina, chiña kãñapi
pũja masi ñamañejañe paijʉ aperʉmʉ tocha jokasie
ñanatani asa chẽamame. Repaʉ Jesucristo repanapi asa chẽaajʉ
chini repakãña tʉakaichejache tʉakaimasikʉmʉ. Jãatani
chutaa tʉakaimañejañe Repaʉ chookaimaʉna irʉmʉjatʉka
asa chẽamame repana.
\v 15 Irʉmʉjatʉka repaʉ Moisés tocha jokasie ñanatani
repana rekoñoã kãña pũinajañe paijʉ asa chẽamame repana.
\v 16 Jãatani pãi Maire Paakʉni cuasajʉ jovosinare Ũcuaʉji
repana chiña pũja tapisikãñajañe repana rekoñoã tapisie
tʉasokakʉna Repaʉ chʉo asamasime repana.
\v 17 Jãajañe chookaimʉ Dios Rekocho, Maire Paakʉjekʉ. Repaʉ
Rekocho paana pãi chẽacojño etasina pojojʉ paichejache
reojache paime, cuache choochete jʉvomasijʉ.
\v 18 Jãajekʉna mai Repaʉte cuasana ũcuanʉko mai chiña
kãña pũja tapisinajañe paimame. Maire Paakʉ Dios Rekochoji
chookaiʉna Repaʉ reojache paiche masijʉ choo ñojʉ Repaʉ
paichejache siarʉmʉ naa rʉa reojache paime.
\c 4
\p
\v 1 Jãajekʉna, “Pani tĩa cuasomañeame ie”, chiijʉ
cuasamanaame chʉkʉna, Dios maire oiʉ Chookaikʉji Repaʉ chʉo
chʉvachete jokaʉna.
\v 2 Chʉkʉna Dios chʉo chʉvana jorechʉo cutuchejẽe
cuhejʉ, ropee cuache ikachename vajʉchʉache ikache
cuhenaame. Jãajañe cuhenajejʉ Dios chʉo ũcuarepare ikache
chiinaame. Pãi ũcuanʉkore reojachere chʉvajʉna asa, repana
rekoñoã, “Ina ikache chʉo ũcuarepaame”, chiijʉ cuasame.
Diopi ñakʉna rũhiñe kʉanaame chʉkʉna Repaʉ chʉo.
\v 3 Pãi teenare vati toa saijanare chʉkʉna chʉvachʉo
asavesamʉ, Jesucristote cuasache kʉachʉo.
\v 4 Diore cuasacuhejʉ painare paakʉ chʉ̃ʉkʉji vati aipi
ʉ̃sekʉna Dios chʉo asavesʉme. Repana rekoñoã naavanajañe
paijʉ Jesucristo Diojekʉ miañejañe reojache paiche
kʉachʉo asavesʉme repana.
\v 5 Chʉkʉna paiche meñe chʉvamanaame. Peore Masikʉ
Jesucristo paichete chʉvanaame chʉkʉna, pãipi Repaʉni
cuasaajʉ chini. Ũcuachia mʉsanʉkonare chookainaame, Jesuni
pojojʉ.
\v 6 Dios, mamarʉmʉ chijachejachia pairʉmʉ, “Miañe
paijʉ̃ʉ”, chiiʉ chʉ̃ʉasomʉ. Ũcuaʉji mai rekoñoãna
miañejañe chookaiʉna Jesucristo paichete ñajʉ masime mai
chura, “Dios rʉa reokʉmʉ”, chiijʉ.
\s Diore cuasana paichete kʉamʉ
\p
\v 7 Chʉkʉna rʉa vesʉvanajejʉ totororova rʉa roimarorova
paichejache painaame. Jãajañe painaretani Diopi Repaʉ
chʉo reojachere rʉa roisiejachere rupʉ ĩsiʉna koo
paanaame chʉkʉna. Jãajañe choosikʉamʉ chʉkʉnate Dios,
pãipi ña, “¡Inare Dios rʉa masichete chookakʉ!”, chiijʉ
masiajʉ chini.
\v 8 Ijache painaame chʉkʉna: Rʉa paivesache painatani
reojache pani etajaijanaame chʉkʉna. Cuache
tijñecojñonatani carevamasinaame.
\v 9 Cuache choocojñonatani Chookaikʉte paanaame. Rʉa
chueenatani chuenisomanaame chʉkʉna.
\v 10-11 Chʉkʉnate vajʉna pairʉmʉ siarʉmʉ Jesucristoni
choochete chookaijʉ kuijʉ chʉvanare pãipi asa perujʉ
Repaʉte vanisosiejache vanisoñu chiinaame. Jãatani
chʉkʉnate Maire Paakʉji chookaiʉna Repaʉ
choocojñosiejache choocojñocuhemañe paijʉ ũcua
chʉvajʉna ña Repaʉ paiche masinaame pãi. Ũcuachia Repaʉji
chʉkʉnate jũiñete ʉ̃sekʉna pãire naa jainʉkore
chʉvajʉna Repaʉ paiche asa chẽame repana.
\v 12 Jãajañe chʉkʉnapi choocojñojʉ Dios chʉore chʉvajʉ
chuenisopirajʉna asa chẽa Repaʉni cuasajʉ siarʉmʉ reojache
paijanaame mʉsanʉkona.
\p
\v 13 Dios chʉo tocha jokasikorovʉ ijache kʉamʉ:
\q Diore cuasakʉjekʉ chʉʉ ikasikʉamʉ,
\m chiimʉ. Chʉkʉna ũcuajache Diore cuasanajejʉ chʉvanaame.
\v 14 Iere masime chʉkʉna: Maire Paakʉte Jesucristote jũniso
tãcojñosikʉre Vasosikʉ Dios chʉkʉnate ũcuajache jũnisoru
vasojamʉ. Vasoʉna vajʉrani mʉsanʉkonaname Repaʉte
tijñeñe nʉkajanaame chʉkʉna.
\v 15 Peore jãa chʉkʉna choocojñoñe mʉsanʉkonani reojache
chookañu chiijʉ choocojñonaame. Ũcuachia chʉkʉnapi
chʉvajʉna Diopi chookaiʉna mʉsanʉkonapi Repaʉni naa
jainʉko cuasajʉ jovo, “Reorepamʉ, Jakʉ”, chiijʉ paime
Repaʉte.
\p
\v 16 Jãajekʉna, “Pani tĩamañeame ie”, chiimanaame
chʉkʉna. Chʉkʉna canivʉã airekokʉ paimʉ. Jãatani
chʉkʉna rekoñoã siaumucujña naa rʉa põsʉrekoñoã paajʉ
Diore naa rʉa masi cuasajʉ painaame chʉkʉna.
\v 17 Maire irʉmʉ cuache tijñeñe siasojachejekʉna jãare
cuasamame chʉkʉna. Cuache tijñesiejekʉna naa paisirʉmʉ
cʉnaʉmʉna sani siarʉmʉ reojache paijanaame mai.
\v 18 Jãajekʉna irʉmʉ cuache tijñeñejẽe cuasamañe
reojache paijache chutaa ñamañere cuasajʉ painaame
chʉkʉna. Chura ñoñe nami siajacheame. Mai chutaa
ñamañetani siarʉmʉ paijacheame.
\c 5
\p
\v 1 Ie masime mai: Mai canivʉã mai vʉñajañeame. Mai
vʉñare pãipi ñañosochejache maini vanisoru Dios maire vʉña
mamavʉñare ĩsichejache mamacanivʉãre ĩsijamʉ. Repaʉ
cʉnaʉmʉ mama choosivʉñajañere pãi choomanesivʉñare
mamacanivʉãre ĩsijamʉ, maipi repachejare joe jũimañe ai
paapʉ chini.
\v 2 Chura ichejare pani canaso mamacanivʉãre paañu chini Dios
paichejana sañu chiime mai.
\v 3 Mamacanivʉã koosirʉmʉ canivʉã peona paimanejanaame
mai.
\v 4 Mai canivʉã icheja chura paicanivʉã cuache tijñekʉna
pani canaso joka jũijacanivʉã teana saño paañu chiime mai,
ai paijacanivʉãre, jũnisosirʉmʉ canivʉã peona paicuhejʉ.
\v 5 Dioamʉ maire reojache paapʉ chini choosikʉ,
mamacanivʉã ai paijacanivʉãre paaajʉ chini. Mai rekoñoãna
Repaʉ Rekocho raosikʉamʉ, jame paiʉ chookaiʉna Repaʉ
maire mamacanivʉã ĩsijachere cuasajʉ masiajʉ chini.
\p
\v 6 Jãajekʉna Repaʉ chʉo pojojʉ jachamañe cuasanaame mai.
Ie masime mai: Icheja mai canivʉã pairʉmʉ Maire Paakʉte
Jesure kueñerepa paimame mai, cʉnaʉmʉ paikʉjekʉna.
\v 7 Irʉmʉ Repaʉte ñacuamʉ maire. Rupʉ Repaʉte cuasacheji
jame painaame mai.
\v 8 Jãatani ijache cuasame chʉkʉna: Repaʉni cuasajʉ
jũiñe vajʉchʉmapʉ jũni sani rekochoji Repaʉname paito naa
reomʉ.
\v 9 Jãajekʉna ichejare jeerʉmʉ vajʉna pani, chekʉrʉmʉ
jũnisonijẽe, “Maire Paakʉ chiichete choojʉ pañu, Repaʉji
pojoakʉ”, chiijʉ painaame chʉkʉna.
\v 10 Mai ũcuanʉko jũnisosirʉmʉ Jesucristo tijñeñete nʉkajʉ
Repaʉji chʉ̃ʉkʉna mai cheja pairʉmʉ choosie roi
koojanaame. Cuache choosina cuachete koojanaame. Reojache
choosinatani reojachere koojanaame.
\s Dioname reojache paichete kʉamʉ
\p
\v 11 Jãajekʉna Maire Paakʉni vajʉchʉjʉ, pãipi asa Repaʉni
cuasaajʉ chini Repaʉ chʉore chʉvajʉ painaame chʉkʉna.
Dios chʉkʉna paiche peore masikʉmʉ. Ũcuachia mʉsanʉkonapi
chʉkʉna reojache paichete masiajʉ chiinaame chʉkʉna.
\v 12 Chʉkʉna paichete meñe kʉajʉ pojojʉ paimanaame
chʉkʉna. Chekʉna, pãi rekoñoã paiche ñavesʉjʉ sẽsevʉ
paichechia ñamasinapi chʉkʉna paichete cuache cutume.
Jãajañe cutujʉ kereto mʉsanʉkonapi chʉkʉna paichete masi
cuasajʉ sãiñe ikamasiajʉ chini ikame chʉkʉna.
\v 13 Pãipi ñato vẽvena choochejache choocosome chʉkʉna.
Jãatani Diopi ñato reojachere choojʉ Repaʉ chiichete
choonaame chʉkʉna. Chʉkʉnapi vẽve peojʉ mʉsanʉkonare
chookaime.
\v 14 Jesucristo chʉkʉnate oiʉ Cuasakʉni sãiñe cuasajʉ Repaʉ
chʉore chʉvanaame chʉkʉna, Ũcuateeʉji maire ũcuanʉkore
jũni roikaisiejekʉna Repaʉte cuasana ũcuanʉko meñe jũni
roisinajañe paichete masijʉ.
\v 15 Repaʉ Cristo pãi ũcuanʉkore jũni roikaisikʉamʉ,
pãipi cheja painapi meñechia cuasajʉ paichete jokaso,
repanare jũni roikani tãcojño joe vajʉrani Paikʉni cuasajʉ
paapʉ chini.
\v 16 Jãajekʉna chura chʉkʉna pãi Diore cuasamana repana
chiinarechia cuasachejache cuasamame. Aperʉmʉ jãajañe
cuasajʉ Cristote cuasamañe paisinatani chura Repaʉte cuasajʉ
painaame chʉkʉna.
\v 17 Ijacheame: Pãiʉ ũcuaʉakʉji Jesucristoni cuasakʉ jovoni
repaʉ rekocho mamarekochote paakʉ reojache mama paimʉ.
Aperʉmʉ paisie jokaso chura mamare paimʉ repaʉ.
\p
\v 18 Peore jãa Dios choocheme. Jesucristo chookaisiejekʉna
Dios maire carevakaisikʉamʉ, maipi Ũcuaʉname reojache paapʉ
chini. Ũcuachia maire chekʉnare Repaʉ chʉore kʉache
jokasikʉamʉ Repaʉ, maipi kʉajʉna asa chẽa Repaʉni cuasajʉ
Repaʉname ũcuajache reojache paapʉ chini.
\v 19 Pãi cheja paina cuache choochete Jesucristoji jũni
roikakʉna repana choosiere joe cuasamaʉna Ũcuaʉname
reojache paireoakʉ chini, Dios Jesucristote chejana
raosikʉamʉ. Jãare pãire kʉajʉ paapʉ chini jokasikʉamʉ
Repaʉ maire.
\v 20 Jãajekʉna Cristote ikakainaame chʉkʉna. Dios
mʉsanʉkonare chʉkʉna ikacheji ikakʉ paimʉ. Jãajañe
chʉvajʉ Cristoni chookaijʉ, “Dioni jovo Ũcuaʉname
reojache paijʉ̃ʉ”, chiijʉ chʉvanaame chʉkʉna
mʉsanʉkonare.
\v 21 Cristo jmamakarʉjẽe cuache choomanesikʉamʉ.
Jãatani Dios Repaʉte peore cuache choosikʉre choochejache
choosikʉamʉ, pãi ũcuanʉko cuache choochete jũni roikaaʉ
chini. Maini cuache choomanesinare cuasachejache cuasara chini
jãajañe chooasomʉ Dios.
\c 6
\p
\v 1 Chʉkʉna Diore chooche jame chookainajejʉ, “Repaʉte
cuasamana paichejache paimañe mʉsanʉkonare chookaikʉte
Diore cuasajʉ paijʉ̃ʉ”, chiijʉ chʉvanaame mʉsanʉkonare.
\v 2 Repaʉ chʉo paikorovʉ tocha jokasie ijache chiimʉ Dios
ikache:
\q Chʉʉ pãire oiʉ chookaiumucuse mʉsanʉkona sẽeñe asajamʉ
chʉʉ.
\q Ũcuachia chʉʉ pãi chẽa paakʉ vati toa saiche
ʉ̃sekaiumucuse reojache chookaijamʉ chʉʉ mʉsanʉkonare,
\m chiimʉ. Asarepajʉ̃ʉ. Chura iumucuse pãire oiʉ Dios
chookaiumucuseame. Pãire chẽa paakʉ Repaʉ vati toa saiche
ʉ̃seumucuseame iumucuse.
\p
\v 3 Pãipi chʉkʉna paichete ña, “Ina chʉvache Dios chʉo
cuacheme”, chiichete cuhejʉ teeʉterejẽe cuache choo
ñomañe reojachechia paijʉ ñojʉ painaame chʉkʉna.
\v 4 Jãajañe paijʉ Diore siarʉmʉ chooche chookaina
paichete paijʉ chʉkʉna chiimajñarʉãjẽe peojʉ paiche
rʉa cuache tijñecojñonatani pojojʉ choo ñojʉ painaame
chʉkʉna.
\v 5 Suĩsuecojñojʉ, pãi chẽavʉe cuaocojñojʉ, pãi
chʉkʉnate cuhekuanupʉã chenevʉna chẽa cuaocojñojʉ, chooche
rʉa cuaja paichete chʉ̃ʉjʉna choojʉ, kãiñejẽe peona
paijʉ, ãiñete peojʉ ãucuhavana painatani ũcua pojojʉ
choojʉ Diore chooche chookaina paiche choo ñojʉ painaame
chʉkʉna.
\v 6 Jãajañe paijʉ cuache cuasamañe paijʉ Repaʉ chʉo
ũcuarepare masijʉ, perumañe chekʉnare reojache chookaijʉ
painaame chʉkʉna. Dios Rekochoji chookaiʉna joremañe
chekʉnare oijʉ cuasanaame chʉkʉna.
\v 7 Ũcuachia Repaʉ chʉo ũcuarepare ikajʉ, Ũcuaʉji
chookaiʉna reojache paimasijʉ, Repaʉte cuhenapi chʉkʉnate
cuache chooto reojachepi cajejaijʉ Repaʉte chooche
chookaina paiche choo ñojʉ painaame chʉkʉna.
\v 8 Pãi teena chʉkʉnani chiijʉ reojache ikanaame.
Chekʉnatani chʉkʉnani cuhejʉ cuache ikanaame. Chekʉna
ũcuachia chʉkʉnate cuache cutujʉasome. Chekʉnatani
reojache cutujʉasome. Jorenare choochejache choome pãi
chʉkʉnate chʉo ũcuarepare ikanani.
\v 9 Pãi jainʉko rʉa masicojñonaretani chʉkʉnate
vesʉvanare choochejache choome pãi. Chuenisovajʉchʉache
painatani ũcua vajʉna painaame chʉkʉna. Vainatani
chʉkʉnate vanisomanaame pãi.
\v 10 Sʉmavanajañe painatani rekoñoã siarʉmʉ pojojʉ
painaame chʉkʉna. Chʉovana painatani chekʉnani
chookaijʉna repana rekoñoã kurinajañe karamañe reojache
paime. Cuamajñarʉã peonatani chʉkʉna rekoñoã peore
paanajañe painaame chʉkʉna.
\p
\v 11 Asarepajʉ̃ʉ, Corinto vʉejoopo paina. Chʉkʉna
mʉsanʉkonare cuasanajejʉ chʉkʉna rekoñoã cuasajʉ paichete
joremañe ikame.
\v 12 Mʉsanʉkonare cuasache jmamakarʉjẽe jokasomañe oijʉ
cuasajʉ painaame chʉkʉna. Mʉsanʉkonatani chʉkʉnate
cuasamacosome chura.
\v 13 Pʉkakʉpãi repana mamachĩi ikachejache ikanaame
chʉkʉna mʉsanʉkonare. Mʉsanʉkonare chʉkʉna cuasachejache
mʉsanʉkona rekoñoã rũhiñe cuasajʉ sãiñe cuasajʉ paijʉ̃ʉ
chʉkʉnate.
\s Diore cuasana rekoñoã Repaʉ vʉejache paichete kʉamʉ
\p
\v 14 Jãatani Diore cuasamanare jovo paijʉ repana
choochejache choojʉ paimanejʉ̃ʉ. Reojachename cuache
jame paicuamʉ, miachejaname chijacheja jame paimañejañe.
\v 15 Cristoname vati aire ũcuatee cuasamanajejʉna reojache
jame paicuamʉ. Ũcuajache Jesure cuasananame Repaʉte
cuasamana reojache jame paicuamʉ, ũcuatee cuasamanajejʉna.
\v 16 Tʉ̃osivana Diore cuasamana pojocheme. Diore cuasana
pojochemamʉ jãa. Mai rekoñoã Siarʉmʉ Paikʉ Dios
vʉejache paimʉ, Repaʉ Rekochoji paiʉna. Repaʉ jãajañe
ikasie ijache kʉamʉ:
\q Ũcuananame paiʉ jame kuijamʉ chʉʉ.
\q Chʉʉni cuasajʉ chʉʉ neena paijanaame repana,
\m chiimʉ.
\v 17 Chekʉcheja ũcuachia, Repaʉ chʉo paikorovʉ tochasie
Maire Paakʉ Dios ikache ijache kʉamʉ:
\q Pãi chʉʉre cuasamanare jame paimanejʉ̃ʉ.
\q Mʉsanʉkonapi chʉʉ chooʉ̃sechete choomañe paito
pojojamʉ chʉʉ mʉsanʉkonare,
\m chiimʉ.
\v 18 Joe chekʉcheja ijache kʉamʉ:
\q “Mʉjakʉ paijamʉ chʉʉ.
\q Mʉsanʉkona chʉʉ chĩi paijanaame”, chiimʉ Maire Paakʉ
Peore Masiʉ,
\m chiimʉ.
\c 7
\p
\v 1 Asarepajʉ̃ʉ, chʉʉ cuasana. Dios maire jãajañe
chookaijache kʉachʉo asa chẽasinajejʉ Repaʉni cuasajʉ,
vajʉchʉjʉ mai rekoñoã cuache cuasachename cuache chooche
peore ũhaso reojachechia choojʉ pañu mai.
\s Pablo repanare cuasakʉ pojochete kʉamʉ
\p
\v 2 Chʉʉre cuhemañe cuasajʉ paijʉ̃ʉ. Chekʉnare pãi
teeʉterejẽe cuache choomañe, teeʉterejẽe
cacʉomañe, teeʉterejẽe repana neemajñarʉã jorekʉ
tʉtesokaimanesikʉamʉ chʉʉ.
\v 3 Mʉsanʉkonani kerekʉ ikamamʉ chʉʉ. Chʉʉ rekocho
mʉsanʉkonare rʉa cuasakʉ aperʉmʉ mʉsanʉkonare kʉasikʉamʉ
chʉʉ ie: Mʉsanʉkonare chʉʉ jũiñetʉka cuasajamʉ
chʉʉ.
\v 4 Mʉsanʉkona reojache paichete asa pojokʉ, “Chʉʉ
chiiche reojache choojanaame repana”, chiiʉ cuasakʉ
chekʉnani kʉakʉ paimʉ chʉʉ. Jãajañe paiʉ rʉa cuache
tijñecojñokʉtani mʉsanʉkonani cuasakʉ rʉa pojokʉ paimʉ
chʉʉ.
\p
\v 5 Macedonia cheja raisirʉmʉpi irʉmʉjatʉka jmamakarʉjẽe
cuhamañe paicuache tijñecojñokʉ paimʉ chʉʉ. Pãi
siarʉmʉ kereme chʉʉre. Ũcuachia chʉʉ rekocho,
“Chekʉrʉmʉ Jesure cuasanapi cacuasojanaame”, chini cuasakʉ
oimʉ chʉʉ.
\v 6 Jãatani Diopi oinare chʉrokʉji Titoni raoʉna repaʉni ña
pojokʉ oiche cuhasikʉamʉ chʉʉ.
\v 7 Repaʉtechia ña pojomañe ũcuachia repaʉji sakʉna ña
mʉsanʉkona pojojʉ reojache choosie ũcuaʉji kʉaʉna asa
pojosikʉamʉ chʉʉ. Ũcuachia chʉʉre oijʉ ñaneeñename
mʉsanʉkona cuache choosiere meñe sʉmañe cuasajʉ oijʉ chʉʉ
chʉvache mʉsanʉkona chooñu chiichete asa naa rʉa
pojosikʉamʉ chʉʉ.
\p
\v 8 Mʉsanʉkonare chʉʉ tocha saosijaore ña sʉmañe
paijʉna cuasakʉ oiʉ aperʉmʉ, “Chʉʉ rʉarepa sʉmañe
cuasoche ikacosomʉ”, chiiʉ cuasasikʉamʉ. Chʉʉ chura
jãajañe cuasamamʉ. Mʉsanʉkona sʉmañe paisie cuamamʉ.
Chʉʉ tochasie chʉo ña jeereparʉmʉ oimanesinaame.
\v 9 Chura pojomʉ chʉʉ. Jãatani mʉsanʉkona sʉmavana
paisiere cuasakʉ pojomamʉ chʉʉ. Mʉsanʉkona chʉʉ
chʉ̃ʉñe choocuhesinapi sʉmañe paijʉ, cuhemañe
choochete cuasakʉ pojomʉ chʉʉ. Chʉkʉna tocha saosie chʉo
ña sʉmavana painatani chura Dios chiichete reojache choojʉ
paime mʉsanʉkona. Jãajekʉna sʉmavanare choosinatani
mʉsanʉkonare cacʉomanesinaame chʉkʉna.
\v 10 Pãi ũcuaʉana Diore jachajʉ cuache choochete ũhasoñu
chini repana rekoñoã sʉmañe cuasato reomʉ. Ũhaso Repaʉni
cuasajʉ jovoni Ũcuaʉname siarʉmʉ reojache paijanaame
repana. Repaʉte cuasacuhenatani oijʉ choosojanaame.
\v 11 Diopi chookaiʉna sʉmavana pani etajani reojache paijʉ
chura ñamemañe Repaʉ chiichete chooñu chiinaame
mʉsanʉkona. Ũcuachia chura chʉʉpi mʉsanʉkonare cuasakʉ
reojache jame paaʉ chiime mʉsanʉkona. Dioni vajʉchʉjʉ
cuare cuhejʉ chʉʉni cuasajʉ reojache chooñu chiinajejʉ
cuache choosikʉre cuache choosinaame mʉsanʉkona, joe
choomaneakʉ chini. Jãajañe choojʉ chura reojache choo
ñojʉ paime mʉsanʉkona.
\v 12 Mʉsanʉkonare repajaova tocha saorʉmʉ Dios ñakʉte
cuache choosikʉname cuache choocojñosikʉrechia cuasakʉ
tochamanesikʉamʉ. Ũcuachia mʉsanʉkona chʉʉre cuasachete
meñe cuasa masiajʉ chini tochasikʉamʉ chʉʉ.
\v 13 Jãare cuasakʉ pojomʉ chʉʉ.
\p Mʉsanʉkonapi ũcuanʉko reojache chookatena Tito ñajani
pojokʉ raisiere cuasakʉ naa rʉa pojomʉ chʉʉ.
\v 14 Aperʉmʉ mʉsanʉkona paicheja repaʉ chutaa saimarʉmʉ
mʉsanʉkona reojache paichete kʉasikʉamʉ chʉʉ
repaʉte. Repaʉ saisirʉmʉ chʉʉ kʉasie ũcuarepa chooasome
mʉsanʉkona. Mʉsanʉkonapi repaʉni reojache chookaijʉna Tito
reparʉmʉ, “Pablo kʉasie chʉo ũcuarepaame”, chiiʉ
cuasaasomʉ. Ũcuachia chʉʉ mʉsanʉkonare kʉasie chʉo
ũcuarepaame.
\v 15 Repaʉ Tito mʉsanʉkonare oiʉ sani ñarʉmʉ mʉsanʉkona
repaʉte ña kʉkʉ pojojʉ repaʉ chʉ̃ʉñe jachamañe
choosiere cuasakʉ naa rʉa chiimʉ mʉsanʉkonare chura.
\v 16 Chʉʉ mʉsanʉkona repaʉte reojache chookaisiere
cuasakʉ, “Cuhamañe reojache choojʉ paijanaame repana”,
chiiʉ cuasakʉ pojomʉ repaʉ.
\c 8
\s Diore cuasajʉ ĩsichete kʉamʉ
\p
\v 1 Asarepajʉ̃ʉ, chʉʉ majapãijana. Chura icheja Macedonia
cheja paina Jesure cuasakuanupʉã Diopi chookaiʉna reojache
paichete kʉakʉ tochamʉ chʉʉ.
\v 2 Repana rʉa cuache tijñecojñojʉ chʉovana painatani
rʉa pojojʉ paijʉ kurinajañe chekʉnare kuri rupʉ
ĩsisinaame.
\v 3 Chʉʉ repana ĩsiche ñasikʉjekʉ kʉamʉ ie: Repanani
ĩsiʉakʉna ĩsireonʉkorʉ peore ĩsiso joe ĩsicuachejatʉka
ĩsisinaame repana.
\v 4 Chekʉnare Jesure cuasanani kurire ĩsineesinaame repana.
Chʉʉre sẽejʉ rʉa ikasinaame repana, repana ĩsichete
chʉʉpi ʉ̃semaneakʉ chini.
\v 5 Jãajañe choojʉ chʉʉ aperʉmʉ, “Reojache
choojanaame repana”, chiiʉ cuasasie naa reojache
choosinaame repana. Ũcuanapi meñe Dioni ĩsijʉ, “Chʉkʉnate
paajʉ̃ʉ; mʉʉ chʉ̃ʉñete peore choojʉ pañu chiime
chʉkʉna”, chiijʉ Repaʉ chiichete choojʉ chʉʉ chiiche
ũcuachia peore choojʉ paime repana.
\v 6 Jãajekʉna Titore repaʉ aperʉmʉ koo pinimanesiere kurire
mʉsanʉkona ʉ̃semañe pojojʉ jovochete peore mʉsanʉkona
paijoopona sani kooakʉ chini ikasikʉamʉ chʉʉ.
\v 7 Mʉsanʉkona peore rʉa reojache choonaame. Diore masi
cuasajʉ, Repaʉ chʉo rʉa masijʉ rũhiñe kʉajʉ,
reojachechia chooñu chini cuasanajejʉ chʉʉre rʉa cuasame.
Reojache choonajejʉ ũcuajache kuri ʉ̃semañe ĩsijʉ
paijʉ̃ʉ.
\p
\v 8 Mʉsanʉkonapi kurire ĩsiajʉ chini chʉ̃ʉkʉ ikamamʉ
chʉʉ. Pãi chekʉnare reojache chooʉakʉna choochete kʉakʉ
ikamʉ chʉʉ mʉsanʉkonare. Chekʉrʉmʉ mʉsanʉkona
ũcuajache chekʉnare Jesure cuasanare oijʉ kuri ĩsiñu
chiicosome.
\v 9 Maire Paakʉ Jesucristo maini oiʉ chookasa chini Repaʉ
choosie masime mʉsanʉkona. Peore Paakʉtani maini oiʉ chʉovaʉ
paikʉjaiʉ paisikʉamʉ Repaʉ cheja pairʉmʉ, maipi
rekoñoã kurinajañe karamañe reojache paapʉ chini.
\p
\v 10-11 “Ijache chooto reomʉ”, chini cuasakʉ chʉvara
mʉsanʉkonare. Chekʉnare charo kuri ĩsisinaame mʉsanʉkona.
Mʉsanʉkona choojʉ pojojʉ caraisiʉ̃sʉrʉmʉ choo jujasie
chura mʉsanʉkonare peore chooreochetʉka choojʉ pinijʉ̃ʉ,
mʉsanʉkona aperʉmʉ pojojʉ chooñu chiisie.
\v 12 Mai rekoñoã ĩsiʉanʉkorʉ cuasa maire ĩsireonʉkorʉ
ĩsito pojomʉ Dios maire. Mai peomajñarʉã, “Ĩsijʉ̃ʉ
chʉʉre”, chiimamʉ Repaʉ.
\p
\v 13 Mʉsanʉkonapi peore ĩsiso chʉovana paijʉna chekʉnapi
kurina paapʉ chini ikamame chʉkʉna. Ũcuanʉko mʉsanʉkonapi
ũcuaparʉvachia karamañe paapʉ chiime chʉkʉna.
\v 14 Irʉmʉ mʉsanʉkona repana peochete paajʉ mʉsanʉkonare
cajejaichete ĩsito karamanejamʉ repanare. Naa paisirʉmʉ
repana mʉsanʉkona peochete paajʉ repanare cajejaichete sãiñe
ĩsito karamanejamʉ mʉsanʉkonare. Jãajañe choojʉ
ũcuanʉko ũcuaparʉvachia karamañe paijanaame mʉsanʉkona.
\v 15 Dios chʉo tocha jokasie Moisés pairʉmʉ choosiere
kʉakʉ jãare ijache chechomʉ maire:
\q Diopi chookaiʉna rʉa siasikʉre cajejaimanesikʉamʉ.
\q Jmanʉkorʉ siasikʉre ũcuachia karamanesikʉamʉ, Diopi
chookaiʉna,
\m chiimʉ.
\s Titoname chekʉnare Corinto vʉejoopo saochete kʉamʉ
\p
\v 16 Diopi chookaiʉna chura Titopi chʉʉ mʉsanʉkonare oiʉ
cuasachejache oiʉ cuasakʉna, “Reorepamʉ, Jakʉ”, chiimʉ chʉʉ
Repaʉte Diore.
\v 17 Chʉʉ repaʉte, “¿Joe saimakʉ mʉʉ repacheja?”,
chiito, ũcuaʉji saineekʉ pojokʉ, “Jaʉ, joe sani ñajamʉ chʉʉ
repanare”, chiisikʉamʉ repaʉ.
\v 18 Saiʉna chekʉre Jesucristote cuasache kʉachʉore masi
chʉvakʉ Jesure cuasakuanupʉãre ũcuanʉkore reojache
cutucojñokʉni repaʉname saaʉ chini saomʉ chʉʉ.
\v 19 Ũcuachia kuri chii pinisirʉmʉna chʉʉname kurire
sakaaʉ chini Jesure cuasakuanupʉãpi chẽa jokasinaame
repaʉte. Chʉkʉna chookaiʉache cuasachete choo ñojʉ Dioni
pojojʉ chʉovana paivanani kurire ĩsiñu chini saijanaame
chʉkʉna.
\v 20 Pãi ʉ̃semañe pojojʉ jovosiere kurire sakʉ, pãipi
chʉʉni cua cuasajʉ keremaneajʉ chini chekʉnare pãi jame
sajamʉ chʉʉ.
\v 21 Chʉʉ choora chiiʉ reojache choochete Maire
Paakʉchia masimaneakʉ chini ũcuachia pãi ñajʉte choo
ñora chiimʉ chʉʉ, repanapi masiajʉ chini.
\p
\v 22 Ũcuachia joe chekʉre mai majapãiʉjaiʉte repaʉ Diore
reojache chookaineeñe chʉʉre rʉarepañoã choo ñosikʉre
chekʉnaname mʉsanʉkona paichejana saaʉ chini saomʉ chʉʉ.
Chura repaʉ mʉsanʉkonare cuasakʉ, “Reojache choojanaame
repana”, chiiʉ cuasakʉ naa rʉa Diore chookasa chiimʉ.
\v 23 Repaʉ Tito chʉʉre jame chooche chookaiʉ mʉsanʉkonare
ũcuachia reojache chookaikʉmʉ. Chekʉna repaʉte jame
saina mai majapãijana reojache paijʉ Cristo paichete choo
ñojʉna Repaʉte cuasakuanupʉãpi chẽasinaame jame saapʉ
chini.
\v 24 Jãajekʉna mʉsanʉkona repanare oijʉ cuasache choo
ñojʉ̃ʉ. Ũcuachia chʉʉ repanare mʉsanʉkona reojache
paiche kʉasichʉo ũcuarepa choo ñojʉ̃ʉ, Jesure
cuasakuanupʉãpi ũcuanʉko asa masiajʉ.
\c 9
\s Diore cuasanare ĩsiñu chini kuri jovochete kʉamʉ
\p
\v 1 Mʉsanʉkona Jesure cuasanare chʉovana painare kuri
jovokaiche chʉʉ chʉvakʉ tochache chiimame.
\v 2 Ũcuare mʉsanʉkona repanare chookañu chiime. Chʉʉ
mʉsanʉkona Acaya cheja paina reojache chookañu chiichete
masikʉ icheja Macedonia cheja painani kʉakʉ paimʉ.
Mʉsanʉkona caraisiʉ̃sʉrʉmʉpi vʉa kuri ĩsiñu chiijʉ
paichete kʉaʉna asa repana jainʉko ũcuajache choojʉ kuri
rʉa ĩsiñu chiinaame.
\v 3 Jãatani inare mai majapãijanare mʉsanʉkona paichejana
saomʉ chʉʉ. Repana sani tĩasirʉmʉ mʉsanʉkona chooñu
chiisie choo pinijʉ̃ʉ, chʉʉ mʉsanʉkona reojache
chooche kʉasie jorechʉo paimaneakʉ.
\v 4 Chʉʉ mʉsanʉkona paicheja sairʉmʉ icheja Macedonia cheja
paina teena jame sani ñato repakuri jovomanesie paito
kʉkʉsojamʉ chʉʉ, chʉʉ ikasiere jorejʉ chookaimanerena.
Mʉsanʉkona ũcuachia joresinajejʉ rʉa kʉkʉjanaame.
\v 5 Jãare cuasa mai majapãijanare charo saora chiisikʉamʉ
chʉʉ, repanapi mʉsanʉkona pojojʉ ĩsiñu chiisiere kurire
jovojʉna koo piniajʉ chini. Jãajañe koo piniru repakuri
mʉsanʉkona pojojʉ jovosie ĩsiʉamana ĩsisiejache
paimanejamʉ.
\p
\v 6 Iere cavesʉmañe cuasajʉ̃ʉ: Pãiʉ ãu tãkʉ jmanʉkorʉ
tãni jmanʉkorʉ paajamʉ. Rʉa tãsikʉtani rʉa paajamʉ.
Ũcuajache jmamakarʉ ĩsisikʉ reojache jmamakarʉ koojamʉ.
Rʉa ĩsisikʉtani rʉa koojamʉ reojache.
\v 7 Maire ũcuanʉkore teenarechia ũcuaʉamajñarʉã pãipi
chʉ̃ʉjʉna ĩsimañe mai rekoñoã ĩsiʉache cuasamajñarʉãre
ʉ̃semañe pojojʉ ĩsiche paimʉ. Pãi repana neemajñarʉã
pojojʉ ĩsinare pojomʉ Dios.
\v 8 Dios mai chiiche siache peore cajejaiche ĩsikʉmʉ, maipi
siarʉmʉ karamañe cajejaiche paajʉ chekʉnani ĩsijʉ
reojache choojʉ paapʉ chini.
\v 9 Dios chʉo tocha jokasie ijache kʉamʉ:
\q Jainʉkore chʉovana painare oiʉ repaʉ neemajñarʉã
ʉ̃semañe rupʉ ĩsikʉmʉ repaʉ.
\q Repaʉ jãajañe reojache chooche siamanejamʉ,
\m chiimʉ.
\v 10 Ãu tãkʉte joe tãjañename ãu repaʉ ãiñe ĩsikʉji
Dios mʉsanʉkonapi siache paajʉ chekʉnani rupʉ ĩsijʉ paapʉ
chini siarʉmʉ naa rʉa ĩsijamʉ mʉsanʉkonare.
\v 11 Jãajañe ʉ̃semañe ĩsijʉ pani Ũcuaʉji chookaiʉna
karamañe paajʉ chekʉnare rupʉ ĩsijache siarʉmʉ paajanaame
mʉsanʉkona. Ũcuachia chʉʉ chʉvachete mʉsanʉkonapi asa
pojojʉ ĩsiru chʉkʉnapi sa ĩsijʉna koo pojojʉ Diore,
“Reorepamʉ, Jakʉ”, chiijanaame repana.
\v 12 Mʉsanʉkonapi Dios neena chiichete chʉkʉnapi sa ĩsiajʉ
chini kurire ĩsini repanare karachechia chookaimanejanaame.
Diore naa rʉa pojojʉ, “Reorepamʉ, Jakʉ”, chiiche ũcuachia
chookaijanaame mʉsanʉkona repanare.
\v 13 Jãajañe choojʉ mʉsanʉkonapi repanani reojache
chookaijʉ Dios chiiche jachamañe choochete choo ñoru ña
pojojʉ Dioni ijache ikajanaame: “Repana Jesucristoni cuasajʉ
Repaʉte cuasache kʉachʉore kʉajʉ ie repana paache ʉ̃semañe
ĩsijʉ paime chʉkʉnate, chekʉnare ũcuachia; reorepamʉ,
Jakʉ”, chiijanaame.
\v 14 Ũcuachia mʉsanʉkonare pojojʉ cuasajʉ Dioni
sẽekaijanaame repana, Ũcuaʉji chookaiʉna mʉsanʉkona repanare
chookaisiejekʉna.
\v 15 Maire paiche reojache, pãi teeʉjẽe kʉavesʉchete
ĩsisikʉjekʉna Repaʉte Diore ũcuanʉko pojojʉ, “Reorepamʉ,
Jakʉ”, chiijʉ pañu mai.
\c 10
\s Diopi jokaʉna Pablo kuiʉ chʉvasiere kʉamʉ
\p
\v 1 Chura Cristo pekerʉ chʉvasiejache mʉsanʉkonani pekerʉ
chʉvakʉ tocha saomʉ chʉʉ ie chʉo. Mʉsanʉkona teena
ijache cutujʉasome chʉʉre: “Repaʉ Pablo maire jame pani
ikavajʉchʉkʉ rʉa ikamakʉamʉ. Jãatani tĩichejare pani
rʉa chʉ̃ʉkʉ chʉo tocha raokʉmʉ repaʉ”, chiijʉasome.
\v 2 Chʉʉ mʉsanʉkonare ñara chini saijamʉ. Mʉsanʉkonapi
reojache paito ñakʉ ikamanejamʉ chʉʉ. Pãi chʉʉre,
“Diore cuasamakʉjache paimʉ ikʉ”, chiinaretani ikajamʉ
chʉʉ.
\v 3 Pãiʉmʉ chʉʉ. Jãatani pãi Diore cuasamana
cavachejache cavamakʉamʉ chʉʉ.
\v 4 Pãi vaicheji cavamakʉamʉ chʉʉ. Jãatani Diore
cuasacuhenare cajejaikʉmʉ chʉʉ, Dios Peore Masikʉji
chookaiʉna.
\v 5 Pãi Dioni cuasacuhejʉ chekʉnapi Repaʉni cuasamaneajʉ
chini rʉa ikanare Diopi chookaiʉna cajejaimasikʉmʉ chʉʉ.
Chekʉnapi Dios chiichete choomaneajʉ chini ikanapi asa
Repaʉni cuasajʉ jovoajʉ chini ikamasikʉmʉ chʉʉ.
\v 6 Mʉsanʉkona ũcuanʉko Dios chiiche reojachechia choojʉ
pairʉmʉna chekʉnare Repaʉni jachajʉ reojache paimanare
repana cuache choosie roi chʉ̃ʉjamʉ chʉʉ.
\p
\v 7 Sẽsevʉ paimajñarʉãchia ñajʉ paime mʉsanʉkona. Pãiʉ
ũcuaʉakʉji meñe cuasa ña, “Chʉʉ Cristo neekʉamʉ”, chiiʉ
cuasakʉ chʉʉre ũcuajache, “Cristo neekʉamʉ jãʉ”, chiiʉ
cuasaakʉ.
\v 8 Maire Paakʉ Dios chʉʉre mʉsanʉkonani Repaʉ chʉore
chʉvaakʉ chini jokasikʉamʉ, chʉvakʉna asa mʉsanʉkonapi
naa rʉa reojache paapʉ chini. Mʉsanʉkonani cacʉoakʉ chini
chẽamanesikʉamʉ Repaʉ chʉʉre. Jãa vajʉchʉmañe kʉamʉ
chʉʉ mʉsanʉkonare, chʉʉ chʉvachʉore asa jachamaneajʉ
chini.
\v 9 Jãajekʉna mʉsanʉkonapi naa reojache paapʉ chini
mʉsanʉkonare perukʉ ika kʉkora chini tochamamʉ chʉʉ.
\v 10 Chekʉna pãi teena chʉʉ tocha saosijao ña ijache
cutujʉasome chʉʉre: “Rʉa chʉ̃ʉkʉ tocha raomʉ repaʉ.
Jãatani icheja rani vesʉʉjekʉ ikamaʉ pãi teeʉterejẽe
ika kʉkomakʉamʉ repaʉ”, chiijʉasome.
\v 11 Jãajañe ikana iere masiajʉ: Chʉʉ mʉsanʉkonare
soore paiʉ ikakʉ tocha saoche mʉsanʉkonare jame sani
panijẽe ũcua ikakʉ paijamʉ chʉʉ.
\p
\v 12 Mʉsanʉkonare jame paina teena rʉa vesʉnatani
ũcuanapi, “Chekʉnare naa rʉa masinaame chʉkʉna”, chiijʉ
meñe cuasajʉ pojonaame. Repana meñe pojona paivesʉnaame.
Repana choochejache choomakʉamʉ chʉʉ.
\v 13-14 Dios chʉʉre chooakʉ chini jokasiere mʉsanʉkonare
kʉakʉ chʉʉ paiche masi kʉakʉmʉ chʉʉ. Ũcuaʉji
chʉ̃ʉʉna mʉsanʉkona paicheja charo sani Cristote cuasache
kʉachʉore chʉvasikʉamʉ chʉʉ mʉsanʉkonare. Chʉʉchia
teeʉ cuasasiere chʉvajaisiemamʉ jãa. Mʉsanʉkonare
chekʉna naa charo Cristo paiche kʉajaisina peome. Mʉsanʉkonare
chʉvajaisikʉ paimaneni jãajañe ikakʉ jorechʉore ikakʉ
pairaamʉ chʉʉ.
\v 15 Chekʉna choochete cuasakʉ kʉamañe chʉʉre
jokasiechia kʉakʉ chʉvakʉmʉ chʉʉ. Mʉsanʉkonapi chʉʉ
chʉvachʉore asa chẽa siarʉmʉ naa reojache paito pojojamʉ
chʉʉ mʉsanʉkonare. Jãajañe paijʉ asamasito naa
reojachere chʉvajamʉ chʉʉ mʉsanʉkonare.
\v 16 Mʉsanʉkonare chʉva pinisirʉmʉ soña canani chekʉna
pãi chutaa chʉvamachejña painani kuiʉ chʉvara chiimʉ
chʉʉ, mʉsanʉkona paicheja naa soo painani. Chekʉna charo
sani chʉvasinani chʉʉpi chojepi sani chʉva rani, “Chʉʉpi
chura chʉvajakʉna Diore cuasanaame jãana”, chiiʉ jorecuhemʉ
chʉʉ.
\p
\v 17 Meñe ikajʉ, “Rʉa reonaame chʉkʉna”, chiimaneñu mai.
Maire Paakʉ paichete kʉajʉ, “Rʉa reokʉmʉ Repaʉ”, chiijʉ
pañu mai.
\v 18 Pãiʉ ũcuaʉji meñe, “Reokʉmʉ chʉʉ”, chiikʉ
chekʉrʉmʉ reokʉmʉ; chekʉrʉmʉ cuakʉmʉ. Jãatani Diopi
pãiʉni ũcuaʉakʉni, “Reokʉmʉ ikʉ”, chiito reokʉmʉ
repaʉ.
\c 11
\s Jorechʉo chechona paichete kʉamʉ Pablo
\p
\v 1 Chʉʉ ikakʉ tochache ña cuache cuasamanejʉ̃ʉ. Mʉsanʉkonani vẽveʉ ikachejache jmanʉkorʉ ikara.
\v 2 Diopi chookaiʉna mʉsanʉkonare romi vanʉkʉ paichejache cua vanʉkʉ rʉa cuasakʉ paimʉ chʉʉ. Chʉʉ mʉsanʉkonare pʉkakʉpi mamakoji chekʉnare choomañe ʉ̃jʉrechia teeʉte reojache paao chini ĩsichejache Cristoni ĩsisikʉamʉ, mʉsanʉkonapi Repaʉtechia cuasajʉ reojache paapʉ chini.
\v 3 Jãatani vatiaña jore ai ikachete asa jachamañe chooko Eva cacuacojñosiejache mʉsanʉkonapi, “Jorechʉore asa chẽa jachamañe choojʉ Jesure masi cuasache reojachere ũhasojanaame”, chini sʉmavaʉ cuasakʉ paimʉ chʉʉ.
\v 4 Pãi chekʉna sani mʉsanʉkonani chʉʉ chʉvasiejache chʉvamañe Jesús paiche tĩiñe kʉajʉ jorechʉo chʉvanare pojonaame mʉsanʉkona. Jãajañe choojʉ mʉsanʉkona rekoñoã Dios Rekocho koomañe tĩirekochote pojojʉ koonaame mʉsanʉkona. Jesús paiche ũcuarepa kʉachete asa chẽasina chura tĩichʉore asa chẽajʉ paime.
\v 5 Repana jorechʉo chechona chʉʉre naa rʉa masinamame. Mʉsanʉkona, “Rʉa masinaame ina”, chiime repanare. Jãatani joreme mʉsanʉkona.
\v 6 Chʉʉ pãi jainʉko paichejña chʉo reojache masi ikavesʉkʉtani Dios chʉo masikʉmʉ. Peore jãa chʉʉ choocheji siarʉmʉ choo ñokʉmʉ chʉʉ mʉsanʉkonare.
\p
\v 7 Chʉʉ mʉsanʉkona rekoñoãpi karamañe reojache paapʉ chini chʉʉ chooche chookʉ Dios chʉore kuri sẽemañe chʉovaʉ chʉvakʉ, ¿cuache choore chʉʉ?
\v 8 Chʉʉ chekʉchejña sani paiʉ Jesure cuasakuanupʉãpi kuri ĩsirena koo mʉsanʉkonare Dios chʉo kuri sẽemañe chʉvasikʉamʉ.
\v 9 Chʉʉ mʉsanʉkonare jame pairʉmʉ teeʉterejẽe karache choomanesikʉamʉ. Reparʉmʉ Macedonia raisina mai majapãijanapi chʉʉ chiiche peore roikaisinaame chʉʉre. Jãajekʉna mʉsanʉkonare jmamakarʉjẽe karache choomaʉ ũcua karache choomañe paijamʉ chʉʉ.
\v 10 Cristo chʉo ũcuarepare asa chẽasikʉjekʉ chʉo ũcuarepare ikakʉmʉ chʉʉ. Acaya cheja siachejña painare teeʉterejẽe ʉ̃secuamʉ jãa chʉʉ kʉache.
\v 11 Mʉsanʉkonani cuhekʉ ikamamʉ chʉʉ. Dios masimʉ chʉʉ mʉsanʉkonare rʉa chiiʉ cuasache.
\p
\v 12 Chʉʉ chooche cuhamañe ũcua chʉvakʉ paijamʉ, kuri sẽemañe, jãajañe chookʉna chʉʉre kerenani, “Pablo choochejache choonaame chʉkʉna”, chiicuaakʉ chini.
\v 13 Repana, “Jesucristo saosinaame chʉkʉna”, chiijʉ joreme. Cristo saomanesinaame repana. Repana cuasachechia jorejʉ chechome.
\v 14 Vati ai ũcuajache teeñoã ángel choochejache reojache ñoñe jorekʉ choomʉ.
\v 15 Repaʉ neena jorechʉo chechona ũcuaʉ choochejache choojʉ jorejʉ reojache paina choochejache reojache ñoñe choome. Jãatani repana cuache choosie roi cuachete koojanaame.
\s Pablo repaʉte cuache tijñesiere kʉamʉ
\p
\v 16 Joe vẽveʉ ikachejache ikakʉ mʉsanʉkonapi chʉʉni, “Vẽveʉmʉ jãʉ”, chiijʉ cuasamaneajʉ chini sẽemʉ chʉʉ. Jãatani jãajañe cuasanijẽe chʉʉ vẽveʉ ikachejache ikache asa cuhemanejʉ̃ʉ. Chʉʉ paichete joe naa rʉa kʉara chiimʉ chʉʉ.
\v 17 Ie ikakʉ Jesucristo chʉ̃ʉsie kʉamañe teeʉ vẽveʉ ikachejache ikamʉ chʉʉ.
\v 18 Pãipi jainʉko repana reojache paiche meñe kʉana paijʉna chʉʉ ũcuajache chʉʉ paichete kʉamʉ.
\v 19 Mʉsanʉkona meñe, “Rʉa masime chʉkʉna”, chiinatani jorena vẽvena ikajʉ chechochʉore asa pojonaame.
\v 20 Mʉsanʉkonare repanani chookaijʉ paapʉ chini chooche rʉa chʉ̃ʉnare ũcuachia pojojʉ painaame mʉsanʉkona, jorejʉ mʉsanʉkona neemajñarʉã tʉtesonare, ũcuachia cuhejʉ cuache ikajʉ ũcuaʉache cuache choonare.
\v 21 Chʉʉpi mʉsanʉkonani jãajañe choomaʉna jorena paichete ikajʉ, ¿“Repana Pablote naa rʉa masime”, chiijʉ cuasache mʉsanʉkona? Vajʉchʉachetani ũcua ikamʉ chʉʉ.
\p Chekʉna repana paiche meñe pojojʉ kʉachejache chʉʉ ũcuajache chʉʉ paichete meñe pojokʉ kʉamʉ. Vẽveʉ ikachejache ikamʉ chʉʉ.
\v 22 “Hebreopãiame chʉkʉna”, chiime repana jorechʉo chechona. Chʉʉ ũcuachia hebreopãiʉmʉ. “Israelpãiame chʉkʉna”, chiime repana. Chʉʉ ũcuachia Israelpãiʉmʉ. “Abraham jojocojñosinaame chʉkʉna”, chiime repana. Chʉʉ ũcuachia Abraham jojocojñosikʉamʉ.
\v 23 “Cristote chooche chookainaame chʉkʉna”, chiime repana. Chʉʉ repanare naa rʉa Cristote chooche chookaikʉmʉ. (Jãajañe ikakʉ vẽveʉ ikachejache ikamʉ chʉʉ.) Chooche naa rʉa cuaja paiche chookʉ, pãi chẽavʉe naa rʉarepañoã cuaocojñokʉ, naa rʉarepañoã suĩsuecojñokʉ, rʉarepañoã chuenisovajʉchʉache tijñecojñokʉ paikʉmʉ chʉʉ.
\v 24 Judíopãi chʉ̃ʉnapi chʉ̃ʉrena vacapĩsimeji teecho suĩsueche treinta y nueverepañoãchia suĩsuechete cincorepañoã suĩsuecojñosikʉamʉ chʉʉ.
\v 25 Choteñoã vãsochoji vaicojñosikʉamʉ chʉʉ. Teecho catapi suacojñosikʉamʉ. Choteñoã mar chiara saivʉã choovʉã faa rʉocojñosikʉamʉ chʉʉ. Jãajañe ruisirʉmʉ teecho ñaminame umucuse chiara joopo choovʉjẽe peoʉ vavakʉ paisikʉamʉ chʉʉ.
\v 26 Siarʉmʉ kuiʉ rʉarepañoã asivajʉchʉache tijñecojñokʉmʉ chʉʉ, vʉñajoopoã, pãi teena paichejñapi, chiañaã kosa mevoñeji, chiara faa rʉocheji, põse ñaananame, ũcuachia tĩipãiname chʉʉ majapãi asivajʉchʉache choochename jorejʉ, “Jesure cuasanaame chʉkʉna”, chiina chooche.
\v 27 Chooche rʉa cuaja paiche canañetʉka chookʉ rʉarepañoã kãiñejẽe peoʉ tijñecojñokʉmʉ chʉʉ. Ũkuchename ãiñe peokʉ ãucuhavaʉ paiʉ ũcuachia teeñoã kãñare peokʉ rʉa chʉrʉkʉ paikʉmʉ chʉʉ.
\p
\v 28 Jãajañe cuache tijñecojñokʉ oiʉ Jesure cuasakuanupʉã ũcuachia siachejña painare siaumucujña cuasakʉ oiʉ paikʉmʉ chʉʉ, “Chekʉrʉmʉ repanapi cacuasojʉ”, chini.
\v 29 Repanare jame paikʉ reojache choo koka peoto repaʉte cuasakʉ oimʉ chʉʉ. Ũcuachia repanapi ũcuaʉakʉji cacʉocojñosikʉ paito chʉʉ rekocho rʉa oimʉ repaʉte.
\v 30 Jãajañe paiʉ chʉʉ paiche meñe pojokʉ kʉani chʉʉ choovesʉchete kʉajamʉ chʉʉ.
\v 31 Maire Paakʉ Jesucristo Pʉkakʉ Dios, pãi siarʉmʉ pojocojñokʉ, chʉʉ ũcuarepa ikache masimʉ.
\v 32 Joe chʉʉ paichete kʉara. Damasco vʉejoopo chʉʉ saisirʉmʉ Aretas ũcuanʉkore chʉ̃ʉkʉ paisikʉamʉ repacheja painare. Repaʉte ũcuajoopo canare chʉ̃ʉkaikʉji chʉ̃ʉʉna chʉʉni chẽañu chini pãi rʉa pẽjesinaame reparʉmʉ.
\v 33 Jãatani reparʉmʉ chʉʉre jʉena maña repajoopo jena pachusipa jãachojena ʉmʉ paisaarʉji casorena chʉʉre chẽañu chini pẽjenare chẽacojñomañe sanisosikʉamʉ chʉʉ. \fig Paul lowered from a basket|CN01937b.TIF|span||D.C.Cook|(Hch 9.25; 2 Co 11.33)|2 Co 11.33\fig*
\c 12
\s Pablo Repaʉ ñasiename asasie kʉamʉ
\p
\v 1 Chʉʉ paichete meñe kʉakʉ ũcua cuhamañe kʉara.
Ikateekʉtani chʉʉre Maire Paakʉ Jesucristo ñosiename Repaʉ
kʉasiere ũcua kʉajamʉ.
\v 2 Chʉʉ Jesucristote jovoʉna Dios Repaʉ paicheja chʉʉre
mʉasie chura ie catorcerepaʉ̃sʉrʉmʉame. Chekʉrʉmʉ chʉʉ
canivʉname rekocho mʉicosomʉ, chekʉrʉmʉ rekochochia.
Chʉʉtani vesʉmʉ. Diochia masimʉ jãa.
\v 3 Canivʉname saimaneni rekochochia saicosomʉ chʉʉ
reparʉmʉ. Diochia masimʉ jãa.
\v 4 Iechia masimʉ chʉʉ: Dios chʉʉre Repaʉ paicheja
mʉasirʉmʉ chekʉnare pãi teeʉterejẽe kʉaʉ̃sechete chʉo
asasikʉamʉ chʉʉ.
\v 5 Reparʉmʉ chʉʉ choosie pojokʉ kʉaʉato naa rʉa
kʉaraamʉ chʉʉ. Jãatani chʉʉchia masichete meñe pojokʉ
kʉamañe chʉʉ choovesʉchete kʉato naa reomʉ.
\v 6 Chʉʉ masiche kʉache ũcuarepajekʉna peore kʉani vẽveʉ
ikachejache ikamaneraamʉ chʉʉ. Jãatani kʉamamʉ chʉʉ
jãa, pãipi chʉʉ meñe kʉachʉochia asajʉ paimañe chʉʉ
choo ñoñete cuasa masiajʉ chini.
\v 7 Jãajekʉna Repaʉ chʉʉrechia ñosie meñe rʉarepa
cuasakʉ pojomaneakʉ chini vati ai chʉʉre jũiñe chooche
ʉ̃semakʉamʉ Dios.
\v 8 Chʉʉre jũiñete choochete ʉ̃seakʉ chini Maire
Paakʉte choteñoã sẽesikʉamʉ chʉʉ. Jãatani Repaʉ
chʉʉre ũcua ʉ̃semakʉamʉ.
\v 9 Jãatani sẽeto ijache ikasikʉamʉ Repaʉ chʉʉre:
“Chʉʉpi chookaiʉna cuache tijñecojñokʉtani pojokʉ paiʉ
chʉʉni masi cuasakʉ reojache paimasikʉmʉ mʉʉ.
Reojache paivesʉnare chʉʉpi naa rʉa reojache chookaiʉna
chʉʉ Masiʉ chooche pãi naa rʉa ñomʉ”, chiisikʉamʉ
Repaʉ. Jãajañejekʉna chʉʉ choovesʉchete meñe cuasakʉ
naa rʉa pojokʉ paimʉ chʉʉ, Cristoji Peore Masiʉji chʉʉni
naa reojache chookaaʉ chini.
\v 10 Chʉʉpi meñe, “Rʉa vesʉʉmʉ chʉʉ”, chiiʉ cuasakʉ
Ũcuaʉji chookaiʉna pojokʉ Diore cuasache naa rʉa masikʉmʉ
chʉʉ. Jãajekʉna chʉʉ Cristoni cuasakʉ paivesachete meñe
pojokʉ kʉamʉ chʉʉ, choovesʉchename, cuache cutucojñoñe,
cuamajñarʉã karache, cuache choocojñokʉ paiche.
\s Corinto vʉejoopo painare joe sani ña vajʉchʉsiere kʉamʉ
\p
\v 11 Mʉsanʉkonapi chʉʉni cuache ikarena vẽveʉ
ikachejache ikakʉ tochasikʉamʉ chʉʉ ijaova. Chʉʉre
mʉsanʉkona rʉa reojache chookaikʉte, ¿jese paiʉna
pojomañe, pojojʉ reojache ikarʉjachere? Repanare jorechʉo
chechonare, mʉsanʉkona, “Rʉa masinaame”, chiinaame.
Jãatani chʉʉre rʉa vesʉʉtetani naa rʉa vesʉnaame
repana.
\v 12 Chʉʉ mʉsanʉkonaname pairʉmʉ cuhamañe Diochia
choomasichete pãi vasochename cheke peore choo ñokʉ paiʉ chʉʉ
joremañe Jesús saosikʉ paiche choo ñosikʉamʉ
mʉsanʉkonare.
\v 13 Jesure cuasakuanupʉã chekʉchejña painare
chookaichejache chookaikʉmʉ chʉʉ mʉsanʉkonare. Jãatani
mʉsanʉkona paichejachia mʉsanʉkonani karache choocuhekʉ kuri
koomañe Dios chʉo chʉvasikʉamʉ chʉʉ. Jãajañe
chʉʉpi cuache chooru chʉʉ cuache choosie joe
cuasamanejʉ̃ʉ.
\p
\v 14 Chura mʉsanʉkona paicheja kachañoã sani ñasikʉpi joe
saipiramʉ chʉʉ. Joe ũcuajache karache choomañe paiʉ
Dios chʉo kuri koomañe chʉvajamʉ chʉʉ mʉsanʉkonare.
Mʉsanʉkona paamajñarʉãre chini chʉvamamʉ chʉʉ;
mʉsanʉkonarechia chiiʉ chʉvamʉ. Chĩivanapi kuri chii
pʉkakʉpãire kuiramame. Pʉkakʉpãiame kuri chii repana
mamachĩivanare kuirana.
\v 15 Chʉʉ mʉjakʉjaiʉ paiʉ mʉsanʉkonani chiiʉ pojokʉ
chʉʉ paacheji peore roikaiʉ paijamʉ. Ũcuachia
mʉsanʉkonani oiʉ rʉa canañetʉka chooche chookaiʉ paijamʉ
chʉʉ mʉsanʉkonare. Chʉʉ mʉsanʉkonare siarʉmʉ naa rʉa
chiiʉ paimʉ. Mʉsanʉkonatani chʉʉ chiichejache chʉʉre
chiijʉ paimacosome.
\v 16 Mʉsanʉkonare karache chookaimakʉamʉ chʉʉ. Jãatani
pãi teena, “Repanare rʉa jorekʉ repana paamajñarʉãre tʉa
paamʉ repaʉ”, chiinaame chʉʉre.
\v 17 Pãi mʉsanʉkona paichejana jorekʉ sao cuache
choomanesikʉamʉ chʉʉ mʉsanʉkonare, kurire jñaara chini.
\v 18 Titore mʉsanʉkonani ñajaaʉ chini, sẽni saokʉ ũcuachia
chekʉre Jesure cuasakʉte ũcuaʉname saosikʉamʉ chʉʉ.
Repaʉ Tito ũcuachia mʉsanʉkonare jorekʉ cuache
choomanesikʉamʉ. Chʉkʉna teekachapana mʉsanʉkonare
ũcuatee cuasanajejʉ ũcuajachechia chookaijʉ painaame.
\p
\v 19 Chekʉrʉmʉ mʉsanʉkona chʉʉre ijache cuasacosome:
“Maipi repaʉ paichete ña reojache cuasaajʉ chini
jãajañe ikacosomʉ repaʉ”. Jãatani Diopi ñato Cristo
neekʉjekʉ mʉsanʉkonare reojache paichete chechejʉ naa
reojache choo koka paaajʉ chini peore choomʉ chʉʉ jãa.
\v 20 Mʉsanʉkonare sani ñavajʉchʉache cuasamʉ chʉʉ,
“Chekʉrʉmʉ repana chʉʉpi saito ũcua cuache paijʉ chʉʉ
chiiche choomana paijanaame”, chini cuasakʉ. Mʉsanʉkonapi
jãajañe paito chʉʉ ũcuajache mʉsanʉkona cuhechete
choojamʉ. “Chekʉrʉmʉ repana sãiñechia cavajʉ, chekʉna
nee tʉa paaneejʉ, sãiñechia perujʉ, teekuanuchia paijʉ,
sãiñechia kerejʉ cuache cutujʉ, chekʉnare vesʉroijʉ,
sãiñechia cuhejʉ ũcuanʉko teenachia ũcuaʉache choojʉ
paicosome repana”, chini cuasakʉ saivajʉchʉmʉ chʉʉ.
\v 21 Chekʉrʉmʉ chʉʉ mʉsanʉkona paicheja joe sairʉmʉ
meñe rʉa pojokʉ cuasamaneakʉ chini Diopi chooʉna mʉsanʉkona
paichete ña kʉkʉsojamʉ chʉʉ. Aperʉmʉ mʉsanʉkona teena
vajʉchʉache choojʉ mʉsanʉkona paimanare jame kãijʉ cheke
ũcuaʉache choojʉ paisinaame. Chʉʉ joe sani ñato
mʉsanʉkona aperʉmʉ cuache choosie ũhasomañe ũcua choojʉ
paito rʉa oijamʉ chʉʉ.
\c 13
\s Cuache choomaneajʉ chini chʉvasieame
\p
\v 1 Chura saichename choteñoã sani ñajamʉ chʉʉ
mʉsanʉkonare. Dios chʉo aperʉmʉ tocha jokasie ijache kʉamʉ:
\q Pãi chotena chekʉrʉmʉ teekachapana repana ñasie
ũcuatee kʉato chʉo ũcuarepaame jãa,
\m chiimʉ.
\v 2 Chʉʉ chura ikajache chotena ikachejache paimʉ.
Mʉsanʉkona paicheja chʉʉ kachañoã saisirʉmʉ
mʉsanʉkonare ikasie soo paikʉtani chura joe ũcuare ikakʉ
tochamʉ chʉʉ. Joe sani ñani aperʉmʉ cuache choosinaname
chekʉnare repanapi ũhasomañe ũcua cuache choojʉ paito
etojamʉ chʉʉ repanare ũcuanʉkore.
\v 3 Cristo chʉʉre mʉsanʉkonani ikakaaʉ chini raosiere
mʉsanʉkonapi, “Choo ñojʉ̃ʉ”, chiijʉna repanare etojamʉ
chʉʉ. Repaʉ Cristo mʉsanʉkonare cuache tijñeñe chʉ̃ʉñe
koka peoʉmamʉ. Peore Masiʉjekʉ mʉsanʉkonapi joe cuache
choomaneajʉ chini mʉsanʉkonare cuache tijñeñe
chʉ̃ʉmasikʉmʉ Repaʉ.
\v 4 Repaʉte Cristote tãtavesʉkʉna choochejache
kurususẽverona jẽjo vẽasosinaame. Jãatani Dios Peore
Masiʉji chookaiʉna vajʉrani irʉmʉ paikʉmʉ Repaʉ.
Chʉkʉna ũcuajache Cristo neenajejʉ tãtavesʉnajañe cuache
choocojñojʉ painatani Dios Peore Masiʉji chookaiʉna
Ũcuaʉname paijʉ ũcua chookaijʉ paijanaame mʉsanʉkonare,
naa reojache paapʉ chini.
\p
\v 5 Mʉsanʉkona rekoñoã paichete meñe cuasajʉ̃ʉ; ¿Diore
cuasarepache mʉsanʉkona? Mʉsanʉkonapi Diore joremañe cuasato
Jesucristo mʉsanʉkonare jame paimʉ.
\v 6 Ũcuachia chʉʉ paichete jãajañe ña cuasani chʉʉ
Diore cuasakʉ paiche masijanaame mʉsanʉkona.
\v 7 Ũcuaʉji chookaiʉna mʉsanʉkona cuache choomañe paapʉ
chini Diore sẽekaimʉ chʉʉ. Chʉʉ Repaʉte cuasakʉ
paichete choo ñokʉ sẽemamʉ chʉʉ jãa. Mʉsanʉkonapi
reojache paapʉ chini sẽekaimʉ chʉʉ, chʉʉ Repaʉte
cuasamañe ñokʉjẽe.
\v 8 Dios chʉo ũcuarepajekʉna jachacuakʉna jachamaʉ
mʉsanʉkonapi cuache choomañe reojachere naa rʉa choojʉ
paapʉ chini siarʉmʉ chookaikʉmʉ chʉʉ.
\v 9 Jãajekʉna chʉʉpi koka peoʉjache ñokʉtani
mʉsanʉkona cuache choomapʉ reojache choo koka paato ũcua
pojomʉ. Ũcuachia mʉsanʉkona Diopi chookaiʉna naa rʉa
reojache paapʉ chini Repaʉte siarʉmʉ sẽekaiʉ paijamʉ
chʉʉ.
\v 10 Jãare chini chutaa chʉʉ saimarʉmʉna ie chʉo charo
tocha saomʉ chʉʉ mʉsanʉkonare, cuache choochete ũhaso
reojache paijʉna sani mʉsanʉkonani cuache choomanera chini.
Dios chʉʉre mʉsanʉkonani Repaʉ chʉore chʉvakʉ reojache
chookaaʉ chini jokasikʉamʉ, cuache choochete ũhaso
reojache paijʉna mʉsanʉkonare cuache choomañe chechokʉna
naa reojache paapʉ chini.
\s Pablo ika pini chʉo saokʉ tochasiere kʉamʉ
\p
\v 11 Chʉʉ majapãijana, ijaova tocha pinicuhamʉ chʉʉ.
Mʉsanʉkonapi pojojʉ paijʉ reojachechia chooto reomʉ.
Ũcuanʉko chʉʉ chʉvachʉore asa chẽa choojʉ ũcuatee
cuasajʉ reojache jame paito maire oiʉ reojache paiche
Chookaikʉji Dios jame paijamʉ mʉsanʉkonare.
\v 12 Reojache paijʉ sãiñechia cuasajʉ chẽse pojojʉ
paijʉ̃ʉ.
\v 13 Chekʉna Jesure cuasana ũcuanʉko chʉo saome
mʉsanʉkonare.
\v 14 Maire Paakʉ Jesucristoji ũcuanʉkore reojache chookaaʉ
mʉsanʉkonare. Dios maire oikʉji chookaiʉna Repaʉ Rekochoji
mʉsanʉkonare ũcuanʉkore jame reojache paaʉ. Reomʉ.
\cls Pablo