\id JAS
\h SANTIAGO
\toc1 Santiago chʉo tocha saosieame
\toc3 (Stg)
\mt Santiago chʉo tocha saosieame
\c 1
\s Chʉo saosieame
\p
\v 1 Chʉʉ, Santiago, Dioname Maire Paakʉ Jesucristote chooche chookaikʉji mʉsanʉkonare mai aipãiʉ Israel chĩi docerepana jojosinani chʉo saomʉ, siachejñarʉã teekuanuchia sani painare. ¿Paiche?
\s Diopi chookaiʉna paimasicheme
\p
\v 2 Asarepajʉ̃ʉ, chʉʉ majapãijana. Mʉsanʉkonani paivesacheji siache tijñekʉna ñani pojojʉ, “Reomʉ chʉʉre”, chiijʉ paijʉ̃ʉ,
\v 3 iere masijʉ: Jesucristoni cuasajʉna paivesache tijñekʉna kokarekoñoã paajʉ cuare jʉvomasijʉ cuache choomañe paijʉ Repaʉni ũcua cuasani rekoñoã naa rʉa reojache paimasirekoñoã paajanaame.
\v 4 Jãajañe paimasirekoñoã paañu chini paivesache tijñeñe cuhemañe ũcua Dioni cuasajʉ pojojʉ siarʉmʉ naa rʉa reojache paichete chechejʉ paijʉ̃ʉ, mʉsanʉkonapi reojarekoñoãre paajʉ Dioni masi cuasajʉna reojache paiche karamaneakʉ chini.
\p
\v 5 Mʉsanʉkona ũcuaʉakʉji teeʉ reojache paivesʉni Dioni sẽejʉ̃ʉ, chookaaʉ. Repaʉte sẽenare ũcuanʉkore cuhemañe pojokʉ karamañe peore chookaiʉ paikʉmʉ Repaʉ repana sẽeñe. Jãajekʉna mʉsanʉkonapi sẽeto chookaijamʉ Repaʉ.
\v 6 Jãatani Repaʉte sẽni Repaʉ chookaijache jachamañe cuasajʉ̃ʉ. Repaʉ chookaiche jachana repana rekoñoã rũhirekoñoã peonajejʉ chiacha faakũjña ũcuaʉakãjño tuta saocojñoñejañe cuasame.
\v 7-8 Pãiʉ jãajañe paikʉ teeñoã cuasakʉ teeñoã jachakʉ sẽemʉ. Repaʉ, “Dios chʉʉre ĩsijamʉ”, chiiʉ cuasakʉ sẽesie koomanejamʉ, rũhiñe cuasamaʉ ũcuarepa choomakʉjekʉ.
\p
\v 9 Chʉovaʉ paivaʉpi Jesucristote cuasakʉ Dios ĩsiche reojachere paakʉ pojokʉ paaʉ.
\v 10 Ũcuachia kuriʉ Diopi repaʉ kurineesiere tʉasõʉna pojokʉ paaʉ; kurineena korosie siasõñejañe nami siasõme.
\v 11 Oteñʉã ʉ̃sʉʉji rʉarepa asuto kuene jũnisõ repañʉã koro reojache ñosie tuãtua choosõmʉ. Kurineekʉte ũcuachia jãajañe tijñemʉ. Repaʉ naa rʉa kurire koora chini põse koo ĩsirʉmʉna choosõjamʉ.
\s Cuache chooʉache jʉvomasicheme
\p
\v 12 Pãiʉ vatipi repaʉni cuache choochete chʉ̃ʉkʉna jʉvomasikʉ choomaneni pojomʉ. Jãajañe choo etajaisirʉmʉ repaʉji vati chʉ̃ʉsie cuhekʉna Dios, “Chʉʉre chiinare ijachere ĩsijamʉ chʉʉ”, chiisiere, Ũcuaʉname ai reojache paichete ĩsijamʉ repaʉte.
\v 13 Chekʉrʉmʉ pãiʉ repaʉni cuache chooʉache cuasoto, “Diopi chʉ̃ʉcosomʉ ie chʉʉre”, chiimaneakʉ. Repaʉ Dios cuache choochejẽe cuasamaʉ teeʉterejẽe cuache chooajʉ chini chʉ̃ʉmakʉamʉ.
\v 14 Maire pãi ũcuanʉkore maire cuache chooʉache cuasochete cuhemañe ũcua cuasajʉ paito naa rʉa chooʉache cuasomʉ.
\v 15 Jãajañe cuasokʉna cuache chooneejʉ jʉvomañe choome mai. Siarʉmʉ naa rʉa choojʉ pani jũnisõsirʉmʉ cuachejana saijanaame mai, cuache choosie roi.
\v 16 Chʉʉ majapãijavana, tĩiñe cuasamañe jorechʉo cuasamañe paijʉ̃ʉ.
\v 17 Reojache paiche peore ʉmʉpi raicheme, Dios paichejapi. Cʉnaʉmʉ paiche peore choosikʉ Dios ĩsicheme jãa reojache paiche. Siarʉmʉ Ũcuaʉ paiʉ Repaʉ chooche chʉvosie sañeñejañe sañemañe ũcua reojache chookʉ paikʉmʉ Repaʉ. Jãajekʉna cuache chooche chʉ̃ʉmakʉamʉ.
\v 18 Repaʉ chiichete chookʉ maire Repaʉ chʉo ũcuarepare asa chẽarena paiche reojachere ĩsisikʉamʉ Repaʉ, maipi Ũcuaʉni charo jovo paiche mamare paijʉ paapʉ chini.
\s Diore masi cuasajʉ paicheme
\p
\v 19 Asarepajʉ̃ʉ, chʉʉ majapãijana. Iere cuasajʉ chekʉna pãi ikache asa cuhemañe paijʉ siareparʉmʉ ikamañe paijʉ ũcuachia nami perumanejʉ̃ʉ.
\v 20 Dios chiiche perucheji reojache choomañeame.
\v 21 Jãajañejekʉna mʉsanʉkona rekoñoã cuache cuasachename cuache chooche peore ũhasõ Dios chʉo mʉsanʉkona asa chẽasiere cuhemañe pojojʉ choojʉ paijʉ̃ʉ. Maipi repachʉore masi cuasajʉ asajʉ paito mai rekoñoã reojarekoñoã careomʉ.
\p
\v 22 Jãatani mʉsanʉkonapi tĩiñe cuasamaneñu chini asachechia asajʉ paimanejʉ̃ʉ; repachʉo chʉ̃ʉñe choojʉ chechejʉ paijʉ̃ʉ.
\v 23-24 Pãiʉ Dios chʉo asakʉtani repa chʉ̃ʉñejẽe choomakʉ ñareavaji repaʉ chia ñasikʉtani chʉri sani repaʉ chia ñasie, “Jãajaimʉ chʉʉ”, chiimañe teana cavesʉchejache choomʉ.
\v 25 Jãatani pãiʉ repaʉ asa chẽasie Dios chʉo reojache chʉ̃ʉñe cavesʉmañe cuasakʉ jãajañe paimakʉamʉ. Repaʉ reojache choora chiiche Dios chʉo chʉ̃ʉñe jachakʉ ũhasõmañe pojokʉ chookʉ paikʉmʉ.
\p
\v 26 Ũcuaʉakʉji Diore pojojʉ choomajñarʉã rʉa chookʉtani jʉvomañe ũcuaʉache ikakʉ pani tĩiñe cuasakʉjekʉ rupʉ chooteemʉ repamajñarʉã.
\v 27 Mai Jakʉ Diopi ñato Repaʉte masi cuasajʉ chooche ijacheame: Chʉvivananame vajevanare ña oijʉ chookaichename, chʉovana cuasajʉ oivanare chʉrokaichename Repaʉte cuasamana cuache choochejache choomañe paiche.
\c 2
\s Ũcuaparʉvachia ũcuanʉkore reojache choocheme
\p
\v 1 Asarepajʉ̃ʉ, chʉʉ majapãijana. Maire Paakʉte Peore
Masiʉte Jesucristote cuasanajejʉ chekʉnare pãi
ũcuaparʉvachia reojache choojʉ paijʉ̃ʉ.
\v 2-3 Chekʉrʉmʉ mʉsanʉkona chii paivʉena kuriʉ,
aniñocava pachokuricava juiʉ, kãña rʉa reojakãña juikʉji
rani kakato repaʉte reojache choojʉ, “Ichejana reojachejana
pʉʉjʉ̃ʉ”, chiime mʉsanʉkona. Ũcuateerʉmʉ chʉovaʉ
paivaʉ, kãñarʉã rʉa aikãñarʉã juiʉ rani kakamʉ.
Chekʉrʉmʉ jãavaʉretani, “Jãachejare rupʉ nʉkajʉ̃ʉ
mʉʉ. Jãapãani chejarepare pʉʉ ñuijʉ̃ʉ”, chiime.
\v 4 Jãajañe chooni mʉsanʉkonare chooʉachete cuare cuasajʉ
chekʉnare pãi ũcuaparʉvachia reojache choomame.
Jãajañemamʉ Jesucristote cuasana chooche.
\p
\v 5 Chʉʉ majapãijavana, masi asajʉ̃ʉ ie: Pãi icheja cheja
pairʉmʉ chʉovana paivanare repanapi Ũcuaʉni masi cuasajʉ,
Repaʉ, “Chʉʉre chiinare iere ĩsijamʉ chʉʉ”, chiisiere
ĩsiʉna koo Repaʉ paichejana sani Ũcuaʉname reojache paapʉ
chini chẽamʉ Dios.
\v 6 Jãatani mʉsanʉkona chʉovana paivanare cuache
choonaame. Mʉsanʉkonare cuache choonani kurinarechia
reojache chooñu chiime mʉsanʉkona. Jãatani repanare
põseroire roimato mʉsanʉkonare chẽa jñajñu sa pãi chẽañe
chʉ̃ʉnare tijñeñena nʉko, “Roijʉ̃ʉ”, chiijʉ kereme
repana mʉsanʉkonare.
\v 7 Ũcuachia mʉsanʉkonare Paakʉte Reokʉte Jesucristote
rʉa cuache ikanaame repana kurina. Jãajekʉna, ¿jese paiʉna
mʉsanʉkona repanare naa reojache chooñu chiiche?
\p
\v 8 Mʉsanʉkonare Peore Chʉ̃ʉkʉ Dios, “Ijache
choojʉ̃ʉ”, chiiʉ chʉ̃ʉʉna aperʉmʉ ijache chiiche tocha
jokasie, “Chekʉnare pãi oijʉ cuasajʉ̃ʉ, mʉsanʉkona meñe
oijʉ cuasachejache”, chiichete chooni rʉa reojache choome.
\v 9 Pãi ũcuanʉkore kurinaname chʉovana paivanare
ũcuaparʉvachia oijʉ cuasajʉ paijʉ̃ʉ. Mʉsanʉkonapi
jãajañe choomañe kurinarechia naa rʉa chiijʉ pani Diopi
ñato cuache choome, Repaʉ chʉ̃ʉñete jachajʉ.
\v 10 Pãiʉji Dios chʉ̃ʉñe peore chookʉji teemaka
choomaneni Diopi ñato peore jachakʉ choomañejañe paimʉ.
\v 11 Repaʉ Dios, “Mʉsanʉkona paimanare jame
kãimanejʉ̃ʉ”, chiiʉ chʉ̃ʉsikʉpi Repaʉ, “Pãi
vaimanejʉ̃ʉ”, chiiʉ chʉ̃ʉasomʉ. Jãajekʉna pãi repana
rʉ̃joromi peonare romineemanatani pãire vanisõni Dios
chʉ̃ʉñete jachame.
\v 12 Jãajekʉna mai reojache chooñu chiiche Chʉ̃ʉkʉ Dios
mʉsanʉkona choosie roi chʉ̃ʉjañere cuasajʉ ikajʉ, pãi
ũcuanʉkore ũcuaparʉvachia oijʉ reojachere choojʉ
paijʉ̃ʉ.
\v 13 Reparʉmʉ Dios mʉsanʉkonare chekʉnare oimanesinajejʉna
sãiñe oimanejamʉ. Jãatani mʉsanʉkona chekʉnare oijʉ pani
Diopi ũcuajache ña oiʉ chʉ̃ʉʉna reojache paijanaame.
\s Chʉochia ikamañe choocheme
\p
\v 14 Asarepajʉ̃ʉ, chʉʉ majapãijana. Pãiʉ, “Diore
cuasakʉmʉ chʉʉ”, chiikʉji reojache choomaneni peoche
ikakʉ paimʉ. Masi cuasamakʉjekʉna Dios repaʉte vati toa
sani uuche ʉ̃sekaimanejamʉ.
\v 15 Chekʉrʉmʉ Diore cuasakʉni chekʉrʉmʉ Diore cuasakoni
repao irʉmʉ chiiche kãñaname ãu karamʉ.
\v 16 Mʉsanʉkonapi repavaore karachete ña reojache
chookaimanapi rupʉ chʉochia reojache cutujʉ, “Reojache
sani, ãu mʉʉre ʉache choo ãijʉ̃ʉ. Ũcuachia mʉʉre
sʉsʉto kãña rʉikãñare sache juijʉ̃ʉ”, chiito,
¿ʉ̃quepi reojaʉ repavaore? Chookaicojñomamo repao.
\v 17 Diore cuasache ũcuajache paimʉ. “Diore cuasakʉmʉ
chʉʉ”, chiikʉji reojachejẽe choo ñomakʉpi rupʉ
chʉochia ikakʉ Repaʉte masi cuasamakʉjekʉ peoche ikakʉ
choomañe masime mai.
\p
\v 18 Chekʉrʉmʉ pãi ijache ikame: “Diore cuasakʉasomʉ
jãʉ. Ikʉtani reojachere chookʉmʉ”, chiime. Jãatani
pãi reojachere choomaneni, ¿jese repana Diore cuasache choo
ñojanaañe? Chʉʉ Diore cuasachete choo ñokʉ reojache
chookʉmʉ.
\v 19 Mʉʉ, “Dios Ũcuateeʉmʉ”, chiiʉ cuasakʉjekʉ masi
cuasamʉ. Jãatani vati ũcuajache Dios paichete masijʉ
vajʉchʉjʉ kurukurume. Jãajekʉna rupʉ cuasajʉ paimañe
ũcuachia reojachechia choojʉ paiche chiimʉ maire.
\p
\v 20 Tĩiñe cuasamanejʉ̃ʉ. Pãi, “Diore cuasame chʉkʉna”,
chiinapi reojachere choo ñomaneni Repaʉte masi cuasamanajejʉ
peoche cutujʉ paime. ¿Jãa vesʉche mʉsanʉkona?
\v 21 Dios mai aipãiʉte Abrahamre repaʉ choochete ña,
“Reokʉmʉ ikʉ”, chiniasomʉ, repaʉ mamakʉte Isaare
ʉ̃semañe Repaʉni ĩsikʉ vani ʉosõkaipirachete ñani.
\v 22 Jãare cuasa ñato Abraham Dios chʉ̃ʉsiere chookʉ repaʉ
Diore masi cuasache choo ñosie masireomʉ.
\v 23 Jãare kʉakʉ aperʉmʉ Dios chʉo tocha jokasie repaʉ
Abraham paiche ijache kʉamʉ:
\q Abrahamre Repaʉte masi cuasakʉjekʉna, “Reokʉmʉ ikʉ”,
chiniasomʉ Dios,
\m chiimʉ repa tocha jokasie. Repaʉ Abraham, “Diore jame
paikʉmʉ ikʉ”, chiicojñoasomʉ.
\p
\v 24 Chura ie masime mʉsanʉkona: Maire ũcuachia Repaʉte masi
cuasanani, “Reonaame ina”, chisa chini Dios mai cuasachechia
ñamañe mai chooche ũcuachia peore ñakʉ paimʉ.
\v 25 Aperʉmʉ Rahabre sĩuromio paisikore ũcuajache,
“Reokomo iko”, chiniasomʉ Dios repao ijache choosiere ñani:
Repao paijoopo paichete ñajani ra repana majapãire kʉañu
chini charo saisinani repao vʉena chave cuaa kãu maa tĩimaapi
cochoasomo repao.
\v 26 Cheke ijacheame: Pãi canivʉji rekocho peoni
jũnisõsikʉjekʉ choomamʉ. Diore cuasache ũcuajacheame.
Pãiʉji, “Diore cuasakʉmʉ chʉʉ”, chiikʉji reojache
choomaneni Repaʉte cuasarepamakʉjekʉ peoche ikakʉ
jũnisõsikʉjache choomamʉ.
\c 3
\s Chʉopo choochete kʉamʉ
\p
\v 1 Asarepajʉ̃ʉ, chʉʉ majapãijana. Iere masijʉ Dios chʉo chechona jairepanʉko paimanejʉ̃ʉ: Mai chekʉnare chechomasina Dios pãi ũcuanʉko choosie roiche chʉ̃ʉrʉmʉ maipi Repaʉ chʉo chechochete masi choomaneni Repaʉ chʉ̃ʉñete vesʉjʉ choomanesinare naa rʉa cuache choocojñojanaame.
\v 2 Ũcuanʉko teeñoã tĩiñe choojʉ painaame mai. Jãatani pãiʉji jmamakarʉjẽe cuache ikamaneni reokʉjekʉ cuache chooche peore jʉvoraamʉ.
\v 3 Kavachoji maini jachamaneakʉ chini chʉopona frenomaka jʉoru ũcuaʉachejña tachojʉ kuhareomʉ repaʉte.
\v 4 Ũcuachia choovʉ ʉjavʉ paichete cuasajʉ̃ʉ. Rʉa ʉjavʉji rʉa tuta saocojñovʉtani tachovatirʉ rʉa jmavatirʉji pãiʉ repavʉ tachokʉ repaʉte ʉachejña tachokʉ kuhareomʉ.
\v 5 Chʉopoã ũcuajache choomʉ maire. Rʉa jmachʉorʉãtani ũcuachʉorʉãpi rʉa siache ikajʉ choonaame mai, repachʉopoã chiiche choojʉ. Toa ũcuajache rʉa jmatoarʉjẽe airo rʉa ʉjaairo peore uusõmʉ.
\p
\v 6 Chʉopoã ũcuajache toa paichejache paichʉopoãjekʉna pãi repana chʉopoãpi cuache ikajʉ cacuame. Pãi repana chʉopoã vati aipi chʉ̃ʉkʉna charo jmamakarʉ cuache choo chechesõ siarʉmʉ naa rʉa cuache choojʉ cacuasõme.
\v 7 Pãi cheja paivanare cuavanare ũcuaʉavanare, rʉ̃ni kuivananame pĩavananame añaname chiacha cavanare chẽa repavana chooche ʉ̃semasijʉ jocha paame.
\v 8 Jãatani repana chʉopoã chooche teeʉterejẽe ʉ̃secuakʉna repana chʉopoãpi cuache ikajʉ eo ũkuachejache chekʉnare pãi rʉa siache cuache choome.
\v 9 Ũcuateechʉopoãpi mai Jakʉre Diore reojache ikajʉ Repaʉ choosinare Ũcuaʉjanani pãi cuache ikajʉ painaame mai. Jãajañe ikajʉ Diore cuache ikajʉ painaame mai.
\v 10 Mai chʉopoã ũcuateechʉopoãpi reojachename cuache ikajʉ painaame mai. Asarepajʉ̃ʉ, chʉʉ majapãijana. Jãajañe chooche cuamʉ.
\v 11 Okocoje ũcuateecojere oko reojachename cuache paimamʉ.
\v 12 Ũcuajache higoñʉ aceitunacaã kʉ̃icuamʉ. Ũcuajache pĩsi ʉcheme higopʉã kʉ̃icuamʉ. Asarepajʉ̃ʉ, chʉʉ majapãijana. Okocoje ũhaoko paicoje oko reojache paicuamʉ. Jãajekʉna ikajʉ cuache choomaneñu chini cuache ikaʉatojẽe jʉvoñu mai. \fig fig branch|HK00088B.TIF|span||Horace Knowles|Higoñʉ kapʉme.|Stg 3.12\fig*
\s Dios ĩsiche paimasina choocheme
\p
\v 13 Mʉsanʉkonare jame paikʉji Dios chʉore asamasikʉ reojache paimasikʉ chekʉnare ika jñaumañe repaʉ cuasakʉ reojache chookʉ paiche choo ñoakʉ.
\v 14 Jãatani mʉsanʉkona rekoñoã chekʉna neemajñarʉã tʉa paaʉache cuasani, reojachejache choojʉ, “Masikʉjekʉ reojache chookʉmʉ chʉʉ”, chiijʉ joremanejʉ̃ʉ, mʉsanʉkonani pãipi reojache ikaajʉ chini chechoni.
\v 15 Jãajañe paiche Dios ĩsichemamʉ. Rupʉ pãi Diore cuasamanare vatipi chʉ̃ʉkʉna cuasacheme jãa.
\v 16 Pãi, chekʉna neemajñarʉã tʉa paaʉachename chekʉnani reojache ikacojñoñu chini reojachejache chooche cuasana cheke cua peore ũcuaʉache siache choonaame.
\v 17 Jãatani Dios ĩsiche paimasina cuachejẽe cuasamañe chekʉna ũcuanʉko ñajʉte reojache paijʉ ñonaame. Cheke cavamañe pekerʉ paijʉ chʉ̃ʉñe jachamañe choojʉ painaame. Ũcuachia pãi ña oijʉ chekʉnare ũcuaparʉvachia reojache choojʉ joremañe reojache choojʉ painaame.
\v 18 Pãi cavamañe paijʉ chekʉnapi jame reojache paapʉ chini chechosina naa paisirʉmʉ naa rʉa reojache paimasijanaame, chekʉnare reojache paiche chechosie roi. Repana chechocojñosina ũcuachia naa rʉa reojache paimasijanaame.
\c 4
\s Diore cuasamana choochejache chooñu chiinare chʉvacheme
\p
\v 1 ¿Jese cuasajʉ mʉsanʉkona sãiñechia cuhejʉ cavajʉ
paiche? Mʉsanʉkona rekoñoã cuache chooʉache siarʉmʉ
cavanajejʉ sãiñechia cuhejʉ cavajʉ paime.
\v 2 Mʉsanʉkona chiichete cuamajñarʉãre peojʉ jñaa
paacuakʉna chekʉna neere tʉa paaʉache cuasajʉ cavajʉ
vanisõnaame mʉsanʉkona, repana paasiere tʉa paañu chini.
Diore sẽemanajejʉ mʉsanʉkona chiiche jñaamame.
\v 3 Chekʉrʉmʉ Repaʉte sẽni tĩiñe cuasajʉ sẽejʉ koomame,
rupʉ mʉsanʉkonare ʉachechia ũcuaʉache chooñu chini sẽejʉ.
\v 4 Mʉsanʉkona Diore reojache jame paimanaame. ¿Jese
cuasajʉ mʉsanʉkona Repaʉte cuasamana choochejache chooñu
chiiche? Diore cuasana choochemamʉ jãa. Repaʉte cuasamana
choochejache chooñu chiina Diore cuhena chooche choome.
\v 5 Dios chʉo aperʉmʉ tocha jokasie ijache kʉamʉ:
\q Mai rekoñoã Repaʉ ĩsisirekoñoã oiʉ teeʉ paara chiimʉ
Dios,
\m chiimʉ.
\v 6 Jãajekʉna Repaʉ maire siarʉmʉ naa rʉa chookaiʉ
paimʉ. Dios chʉo paikorovʉ tocha jokasie ijache kʉamʉ:
\q “Paimasinajejʉ Diore chiimanaame chʉkʉna”, chiijʉ cuasana
chooche ʉ̃semʉ Dios.
\q Jãatani, “Paivesʉnaame chʉkʉna”, chiijʉ cuasanare
reojache chookaimʉ Repaʉ,
\m chiimʉ.
\v 7 Jãajekʉna mʉsanʉkonapi Dios chiichete peore jachamañe
choojʉ̃ʉ. Mʉsanʉkonapi vati chʉ̃ʉñete choocuhejʉ
jʉvoto joka sanisõjamʉ vati.
\v 8 Mʉsanʉkonapi Dioni cuasajʉ Repaʉni sẽejʉ paito jame
paiʉ chookaijamʉ Repaʉ mʉsanʉkonare. Cuache choona,
mʉsanʉkona jʉ̃jña meno choasõñejañe cuache chooche ũhasõ
reojachere choojʉ paijʉ̃ʉ. Dios chiichename Repaʉte
cuasamana choochejache chooñu chiina, Dios chiimañere ũhasõ
Repaʉ chiichechia cuasajʉ choojʉ paijʉ̃ʉ.
\v 9 Mʉsanʉkona cuache choosiere cuasajʉ ota oichejache oijʉ
paijʉ̃ʉ. Sojʉ pojomañe oijʉ sʉmavana paijʉ̃ʉ.
\v 10 “Vesʉnaame chʉkʉna”, chini cuasa Dioni cuasajʉ
paijʉ̃ʉ. Jãajañe chooto naa rʉa masinare carʉñojamʉ
Dios mʉsanʉkonare.
\s Majapãijanare keremañeame
\p
\v 11 Asarepajʉ̃ʉ, chʉʉ majapãijana. Sãiñechia cuache
cutumañe paijʉ̃ʉ. Repana majapãijanare kerejʉ cuache
cutuna Diore cuasanajejʉna Dios chʉ̃ʉñete cuhejʉ kerejʉ
cuache cutuchejache choome. Dios chʉ̃ʉñe cuache cutuna
repachʉo chʉ̃ʉñete asa jachajʉ kereme.
\v 12 Repa chʉ̃ʉ jokasikʉ Dios pãi ũcuanʉko choosie cuasa
ña vati toa saochename Repaʉ paicheja saiche chʉ̃ʉkʉ
Ũcuateeʉmʉ. Mʉʉjẽe, ¿jeejaiʉjekʉ chekʉna pãi
choosie cuasa ñamasikʉ?
\s Chero paijache vesʉchete kʉamʉ
\p
\v 13 Mʉsanʉkona ijache ikana, asarepajʉ̃ʉ, “Irʉmʉ pãani
chero vʉejoopona sani teeʉ̃sʉrʉmʉ paijʉ põsere koo ĩsijʉ
kurire naa rʉa jñaajʉ paijanaame mai”, chiina.
\v 14 Chero paijachejẽe vesʉnaame mai. Mai paiche,
¿ʉ̃queache? Pikojache paijʉ jmamakarʉ pani siasõnaame mai.
\v 15 Ijache ikatote naa reomʉ, “Maipi vajʉvana pani Diopi
ʉ̃semato mai cuasache choojanaame mai”, chiito.
\v 16 Jãatani mʉsanʉkonare tijñejañe peore masina
cutuchejache cutume mʉsanʉkona. Vesʉnatani, “Masime
chʉkʉna”, chiinaame. Cuamʉ jãajañe ikache.
\v 17 Iere cuasajʉ̃ʉ: Pãi Dios chiiche choomasinapi choomaneni
cuache choome.
\c 5
\s Kurina choocojñoñeme
\p
\v 1 Mʉsanʉkona kurina, asarepajʉ̃ʉ. Mʉsanʉkonare cuache tijñejañere cuasajʉ rʉa oijʉ paijʉ̃ʉ.
\v 2 Mʉsanʉkona chii paache cuamajñarʉã peore phũkasõjañeame. Mʉsanʉkona kãña reojakãña chuchu ãnisõjañeame.
\v 3 Mʉsanʉkona paache kurirere maconosõjarereame. Kurirere maconoñejañe mʉsanʉkona chekʉnare oimañe cuache choojʉ paime. Jãajekʉna mʉsanʉkona cuache choosie roijʉ paijanaame. Irʉmʉ pãi ũcuanʉko choosie roiche Dios chʉ̃ʉumucuse tĩapirarʉmʉjatʉka kuri chiijʉ paijanaame mʉsanʉkona.
\v 4 Mʉsanʉkonare chooche chookaijʉ ãu tʉakaisivanani roimanerena Dioni kʉajʉ oijʉ paime repana, mʉsanʉkona cuache choosie. Oijʉ kʉajʉna asa Repaʉ Maire Paakʉ Peore Masiʉji chookaijamʉ repanare. \fig havesters|Abs-109.tif|span||ABS|Mʉsanʉkonare chooche chookaijʉ ãujẽe tʉakaisivanani roimanesinaame mʉsanʉkona.|Stg 5.4\fig*
\v 5 Mʉsanʉkona icheja chejare paijʉ cuamajñarʉã siache reojache paajʉ pojojʉ ãu ũcuaʉache rʉarepa ãijʉ vaca jujuchejache jujujʉ paime. Jãajekʉna vacavanare vanisõñejañe cuache tijñejamʉ mʉsanʉkonare, Diopi chʉ̃ʉʉna.
\v 6 Reojache choovanare pãi sãiñe cuache choocuhejʉna cuache cutujʉ vanisõnaame mʉsanʉkona. Jãajekʉna mʉsanʉkona cuache choosie roijʉ paijanaame, Diopi chʉ̃ʉʉna.
\s Pojojʉ chaajʉ Diore sẽejʉ paicheme
\p
\v 7 Asarepajʉ̃ʉ, chʉʉ majapãijana. Maire Paakʉ joe raijachere pojojʉ chaajʉ paijʉ̃ʉ. Ãu tãsikʉ oko paito pojomʉ. Repaʉ tãsiepi ãupi reojache ainee rʉa kʉ̃kʉna tʉa ĩsikʉ repaʉ kuri koojachere cuasakʉ pojokʉ chaamʉ.
\v 8 Mʉsanʉkona ũcuajache Diore cuasache ũhasõmañe paijʉ pojojʉ chaajʉ paijʉ̃ʉ; Maire Paakʉ joe nami raijamʉ.
\p
\v 9 Asarepajʉ̃ʉ, chʉʉ majapãijana. Sãiñechia keremañe paijʉ̃ʉ, Diopi mʉsanʉkona cuache choochete roiche chʉ̃ʉmaneakʉ chini. Repaʉ Dios pãi ũcuanʉko chooche roiche Chʉ̃ʉkʉji raipiramʉ, mai choosiere roiche chʉ̃ʉra chini.
\v 10 Asarepajʉ̃ʉ, chʉʉ majapãijana. Aperʉmʉ Dios chʉo kʉasina cuache choocojñonijẽe Dios chʉ̃ʉñe ũhasõmañe ũcua pojojʉ choojʉ paisiere cuasajʉ cheche ũcuajache paijʉ̃ʉ.
\v 11 Chʉʉ cuasato pãipi repanani cuache tijñetojẽe jʉvo koka paajʉ Dioni ũcua cuasani pojome. Mʉsanʉkona Job paisie kʉache asasinaame. Repaʉte cuache tijñerʉmʉ Maire Paakʉte Diore repaʉ cuasache ũhasõmañe ũcua cuasakʉ paniasomʉ repaʉ. Repaʉte cuache tijñesirʉmʉ Dios Pãi Ũcuanʉkore Oi Aijekʉ repaʉte rʉa reojache chookaniasomʉ. Maire ũcuajache oiʉ reojache chookaijamʉ Repaʉ.
\p
\v 12 Chʉʉ majapãijana, ie ũcuajache asajʉ̃ʉ: Mʉsanʉkona ikachʉore pãipi jachamaneajʉ chini Dioni roijʉ ikanaame mʉsanʉkona. Jãatani jãajañe choomanejʉ̃ʉ chiimʉ chʉʉ. Ũcuachia Repaʉ mamire veocuhejʉ, cʉnaʉmʉname cheja roijʉ ikamañe cheke ũcuaʉache teemakajẽe roijʉ ikamanejʉ̃ʉ. Mʉsanʉkonapi jorejʉ siarʉmʉ jãajañe ikamañe ũcuarepa paito, “Ũcuarepaame”, chiito, chekʉrʉmʉ joreche paito, “Pãamʉ”, chiito jachamanejanaame pãi. Ũcuachia mʉsanʉkonapi jãajañe chooto Dios ña perumanejamʉ mʉsanʉkonare.
\p
\v 13 Mʉsanʉkonare teenare cuache tijñeto Dioni sẽejʉ̃ʉ, chookaaʉ. Pojojʉ pani Repaʉte ujajʉ pojojʉ̃ʉ.
\v 14 Teeʉ ravʉna jũni Jesure cuasana ainani soni raojʉ̃ʉ Dioni sẽekaijʉ Maire Paakʉji chʉ̃ʉkʉna repaʉni uchapeere roajʉ chini.
\v 15 Repanapi jachamañe, “Chookaijamʉ Repaʉ”, chini cuasajʉ sẽeto jũivaʉ vajʉjamʉ Diopi vasokʉna. Ũcuachia repaʉji cuache choosikʉ paito Dios tʉnosõ joe cuasamanejamʉ repavaʉ cuache choosie.
\v 16 Jãajekʉna mʉsanʉkona cuache chooche sãiñechia kʉajʉ Dioni sẽekaijʉ paijʉ̃ʉ, Repaʉji vasokaaʉ mʉsanʉkona rekoñoã. Pãiʉ reokʉji Dioni sẽeto repaʉji rʉa ʉache cuasakʉ sẽeʉna Dios rʉa reojache chookaijamʉ repaʉte.
\v 17 Aperʉmʉ Dios chʉo kʉakʉ paisikʉ Elías, maijaiʉji jãajañe rʉa ʉache cuasakʉ okopi ramaneakʉ chini Dioni sẽkʉna icheja cheja oko rache cuhasõ choteʉ̃sʉrʉmʉ joe chekʉʉ̃sʉrʉmʉ joopojatʉka ramaneasomʉ.
\v 18 Jãajañe paisirʉmʉ ũcuaʉji joe Dioni sẽkʉna okopi joe raʉna pãi chiño ãu joe kʉ̃niasomʉ.
\p
\v 19-20 Asarepajʉ̃ʉ, chʉʉ majapãijana. Mʉsanʉkonare jame paikʉji Dios chʉo ũcuarepa chʉ̃ʉñete masi choomaʉ maa cavesʉsõ tĩiñe saichejache cuache paivaʉni chekʉpi chookaiʉna joe repavaʉpi reojache saito repaʉte chookaisikʉ vati toa sani uuche ʉ̃sekaichename repaʉ cuache choosiere Diopi tʉnosõ cuasamaneakʉ chini chookaisikʉ paiche masijʉ̃ʉ. Reomʉ.
\cls Santiago