\id 2JN
\h 2 SAN JUAN
\toc1 San Juan joe chʉo tocha saosieame
\toc3 (2 Jn)
\mt San Juan joe chʉo tocha saosieame
\c 1
\s Chekʉnare oichename chʉo ũcuarepa ikachete kʉamʉ
\p
\v 1-2 Chʉʉ aivaʉpi mʉʉre Diore cuasakote ie chʉo tocha saomʉ, mʉʉ chĩivanare ũcuachia. Mʉsanʉkonare cuasakʉ paimʉ chʉʉ mai ũcuanʉko Dios chʉo asa chẽasinajejʉ. Ũcuachia chekʉna Dios chʉo asa chẽasina ũcuanʉko mʉsanʉkonare rʉa cuasame. Repaʉ chʉo ũcuarepajekʉna siarʉmʉ cuasajʉ paijanaame mai.
\v 3 Mai Jakʉ Dios Repaʉ Mamakʉ Jesucristoname rʉa cuasajʉ reojache chookaime maire. Ũcuachia maini oijʉ chookaijʉ reojache paiche jokame repana.
\v 4 Mai Jakʉ Dios ijache chʉ̃ʉmʉ maire: “Mʉsanʉkona pãi, chʉʉ chʉo ũcuarepare asa chẽa choojʉ paijʉ̃ʉ”, chiiʉ chʉ̃ʉmʉ. Diopi maini jãajañe chʉ̃ʉʉna mʉʉ chĩivana teena ũcuarepa choojʉ paime. Repanapi jãajañe paijʉna ñakʉ rʉa pojomʉ chʉʉ.
\p
\v 5 Asarepajʉ̃ʉ mʉʉ. Dios chʉ̃ʉsiere aperʉmʉqueere mʉʉni kʉara chini tocha saomʉ chʉʉ. Chura mama chʉ̃ʉ jokasiemamʉ ie chʉo. Aperʉmʉ mʉsanʉkona asasieame ie. Ijacheame repa: “Chekʉnare cuasajʉ sãiñechia reojache choojʉ pañu mai”, chiiʉ chʉvamʉ chʉʉ.
\v 6 Jãajekʉna chekʉnare reojache choojʉ pañu mai. Aperʉmʉ jãajañe chʉ̃ʉ jokasikʉamʉ Dios maire. Dios chʉ̃ʉñete choojʉ chekʉnare cuasana Diore ũcuachia cuasame repana.
\s Reojache painare jorejʉ cacʉona paichete kʉamʉ
\p
\v 7 Pãi jainʉko jorejʉ ijache chechome: “Jesucristo cheja caje maijaiʉ paimanesikʉamʉ”, chiijʉ chechojʉ paime, chekʉnapi repana jorejʉ chechochete asa chẽaajʉ chini. Jãajañe ikana Jesucristoni cuhejʉ chekʉnani cacʉoñu chini ikame, reojachere ʉ̃sejʉ.
\v 8 Jãajekʉna ñarepajʉ paijʉ̃ʉ. Mʉsanʉkonapi pãi jorena ikachʉore asa chẽato Dios reojache ĩsira Chiisikʉ ĩsimanejamʉ mʉsanʉkonare. Jãatani mʉsanʉkonapi pãi jorena chʉo asa chẽamañe reojache paito mʉsanʉkonare reojache paiche karamañe ĩsijamʉ Dios.
\p
\v 9 Jesucristo chechosie asasinapi jokasõ Repaʉ chechomanesiere tĩiñere cuasato cuamʉ. Jãajañe choona Diore cuasamanaame. Jãatani Repaʉ chechosie jokasõmañe cuasajʉ paina mai Jakʉ Diore ũcua cavesʉmañe cuasajʉ paime. Ũcuachia Dios Mamakʉte Jesucristote cuasajʉ paime repana.
\v 10 Pãi rani Jesús chechomanesiere jorechʉore chechonare pojomanejʉ̃ʉ. Ũcuachia mʉsanʉkona vʉñana rani kãñu chiito ʉ̃sejʉ̃ʉ repanare.
\v 11 Mʉsanʉkonapi repanani pojoni repana cuache choochete jame chookaime.
\s Cuhacho ikasieame
\p
\v 12 Mʉsanʉkonare chʉo rʉa kʉara chiimʉ chʉʉ. Jãatani utijaova tocha saocuhemʉ chʉʉ. Chʉʉrepaʉji mʉsanʉkonani sani ñakʉ ikara chiimʉ chʉʉ. Jãajekʉna chʉʉpi sakʉna tijñeñe cutujʉ pojoñu mai.
\v 13 Mʉacho, Diopi chẽaʉna Repaʉte cuasako mamachĩi chʉo saome mʉsanʉkonare. Reomʉ.
\cls Juan