\id 3JN
\h 3 SAN JUAN
\toc1 San Juan cuharepacho chʉo tocha saosieame
\toc3 (3 Jn)
\mt San Juan cuharepacho chʉo tocha saosieame
\c 1
\s Gayo reojache paichete kʉamʉ Juan
\p
\v 1 Chʉʉ aivaʉpi mʉʉre Gayote ie chʉo tocha saomʉ. Diore cuasakʉjekʉna mʉʉre rʉa oiʉ cuasamʉ chʉʉ.
\p
\v 2 Asarepajʉ̃ʉ, chʉʉ cuasakʉ. Mʉʉ Diore cuasakʉjekʉ reojache paiche masimʉ chʉʉ. Jãajekʉna mʉʉre Dioni siarʉmʉ sẽekaimʉ chʉʉ, reojache tijñeakʉ chini. Ũcuachia mʉʉpi jũimañe vajʉʉ paaʉ chini sẽekaimʉ chʉʉ.
\v 3 Icheja chʉʉ paicheja pãi teena Diore cuasana rani paijʉ mʉʉ Dios chʉ̃ʉñe rũhiñe chookʉ Repaʉ chʉo ũcuarepare cuasakʉ paichete kʉarena asa pojosikʉamʉ chʉʉ.
\v 4 Chʉʉ chĩijana Dios chʉ̃ʉñe choojʉ reojache paito asa rʉa pojokʉmʉ chʉʉ.
\p
\v 5 Asarepajʉ̃ʉ, chʉʉ cuasakʉ. Mʉʉ chekʉnare Diore cuasanare reojache kuirakʉ paikʉmʉ, mʉʉ aperʉmʉ ñamanesinarejatʉka.
\v 6 Teena mʉʉ repanare cuasakʉ reojache chookaisie ichejana rani chʉkʉnate ũcuanʉkore Jesucristote cuasakuanupʉte kʉasinaame. Chekʉna Dios chʉo chechona mʉʉre tĩato ũcuachia kuirakʉ paijʉ̃ʉ repanare. Repanapi joe chekʉchejana saito repana chiiche chookani saojʉ̃ʉ repanare, Diopi pojoakʉ.
\v 7 Diopi chʉ̃ʉkʉna kuijʉ Repaʉ chʉore chechojʉ paime repana. Diore cuasamanare, “Chʉkʉnate kuirajʉ̃ʉ”, chiimañe kuime repana.
\v 8 Jãajekʉna maipi Diore cuasanapi kuirañu repanare. Jãajañe chooni repanare jame chookaime mai, pãipi Dios chʉore asaajʉ chini.
\s Diótrefes cuache choosiename Demetrio reojache paisiere kʉamʉ
\p
\v 9 Aperʉmʉ chʉʉ mʉsanʉkonare Jesucristote cuasakuanupʉte chʉo tocha saosikʉamʉ. Jãatani Diótrefes pãi chʉ̃ʉkʉ pasa chini chʉʉ tocha saosiere asacuhekʉ, “Juan chʉʉre chʉ̃ʉkʉmamʉ”, chiniasomʉ.
\v 10 Jãajekʉna repaʉ chooche mʉsanʉkona paicheja saisirʉmʉna peore kʉajamʉ chʉʉ. Chʉkʉnate rʉa cuache cutukʉasomʉ repaʉ. Jãachia choomañe chekʉnare Jesucristo paichete chechoñu chini sainare ũcuachia cuhekʉasomʉ repaʉ. Ũcuachia chekʉna repanare pojoñu chiito ʉ̃sekʉ Jesure cuasakuanupʉ jame paiche ʉ̃sekʉasomʉ repaʉ.
\v 11 Asarepajʉ̃ʉ, chʉʉ cuasakʉ. Cuache choona paiche ña chẽa ũcuajache paimanejʉ̃ʉ. Reojache choona paichete ña chẽajʉ̃ʉ. Reojache choona Dios neenaame. Cuache choonatani Dios neenamame.
\p
\v 12 Demetrioretani pãi ijache ikame: “Demetrio rʉa reokʉmʉ. Dios chʉ̃ʉñe ũcuarepa chookʉmʉ”, chiijʉasome. Ũcuanʉko repaʉte jãajañe ikajʉ ũcuarepare ikame. Chʉʉ ũcuachia, “Reokʉmʉ repaʉ”, chiiʉ kʉakʉmʉ chekʉnare. Joremamʉ chʉʉ. Masimʉ mʉʉ jãa.
\s Cuhacho ikasieame
\p
\v 13-14 Mʉʉre chʉo rʉa kʉara chiimʉ chʉʉ. Jãatani rupʉ tochasiepi kʉacuhemʉ chʉʉ. Mʉʉre nami sani ñara chiimʉ chʉʉ. Chʉʉpi sakʉna tijñeñe ñajʉ cutujanaame mai.
\v 15 Reojache paijʉ̃ʉ mʉʉ. Icheja paina maire reojache choona Diore cuasana chʉo saome mʉʉre. Mʉʉ paicheja painare chʉkʉnate chiinare chʉo sa kʉakaijʉ̃ʉ. Reomʉ.
\cls Juan