\id REV
\h EL APOCALIPSIS
\toc1 San Juan cheja choocojñojañere Diopi ñokʉna ñakʉ tochasieame
\toc3 (Ap)
\mt San Juan cheja choocojñojañere Diopi ñokʉna ñakʉ tochasieame
\c 1
\s Dios Jesucristote ikakʉ ñosiere kʉamʉ
\p
\v 1 Ie chʉo iphʉro tochasie icheja cheja churepara choocojñojañere Dios Jesucristote kʉakʉ ñosieasomʉ, Ũcuaʉji Repaʉ neenani ũcuare ñokʉ kʉaakʉ chini. Diopi kʉakʉ ñoʉna Jesucristo asa chʉʉ Juan Repaʉte chooche chookaikʉ paichejana ángelni raosikʉamʉ, ũcuare chʉʉni kʉakʉ ñoakʉ chini.
\v 2 Dios ikasiere ángelpi rani ñokʉ kʉaʉna asa ũcuare kʉakʉ ie tocha saomʉ chʉʉ mʉsanʉkonare.
\p
\v 3 Ũcuaʉakʉte pãiʉte iphʉro tochasiere ñakʉ ikakaikʉte reojache tijñejamʉ. Repaʉ ñakʉ ikakaichete asa chẽa choonare ũcuachia reojache tijñejamʉ. Iphʉro tocha kʉasie choorʉmʉ tĩapiramʉ.
\s Jesucristote cuasakuanupʉãre sieterepajoopoã canare Juan tocha saosiere kʉamʉ
\p
\v 4 Chʉʉ, Juanpi, mʉsanʉkonare Asia cheja cajoopoã sieterepajoopoã canare Jesucristote cuasakuanupʉãre iere chʉo tocha saomʉ: Dios irʉmʉ paimʉ. Chutaa cheja choomarʉmʉ paikʉasomʉ Repaʉ. Ũcuachia siarʉmʉ paikʉmʉ Repaʉ. Ũcuaʉji oiʉ reojache chookaaʉ mʉsanʉkonare, pojojʉ paapʉ chini. Ũcuachia Dios Rekocho Repaʉ chʉ̃ʉkʉ ñuisaivʉ tijñeñete paiʉ reojache Chookairekochoji oiʉ reojache chookaaʉ mʉsanʉkonare, pojojʉ paapʉ chini.
\v 5 Ũcuachia Jesucristo Dios paiche chʉo ũcuarepa Kʉakʉji oiʉ chookaaʉ mʉsanʉkonare, pojojʉ paapʉ chini. Repaʉ Jesucristo joe jũimanejañere chareparo jũni vajʉraisikʉamʉ. Ũcuachia cheja painare pãi chʉ̃ʉnare ũcuanʉko Aiamʉ Repaʉ. Repaʉ Jesucristo maini oiʉ mai cuache choochete roikaiʉ jũnisõsikʉamʉ.
\v 6 Repaʉ Jesucristo maire Repaʉ chʉ̃ʉñete choojʉ naa paisirʉmʉna Repaʉname chʉ̃ʉjʉ paapʉ chini chẽa paamʉ. Ũcuachia maipi Repaʉ Pʉkakʉni Dioni phairipãi chookaichejache chookaijʉ paapʉ chini jokamʉ Repaʉ maire. Pãi ũcuanʉko cuasajʉ siarʉmʉ cuhamañe reojache ikajʉ paapʉ Repaʉte. Ũcuachia Repaʉji pãi ũcuanʉkore siarʉmʉ chʉ̃ʉkʉ paaʉ. Jãajañe paaʉ.
\q
\v 7 Dios Raosikʉre Cristote pikoname cajeʉna pãi ũcuanʉko ñajanaame,
\q Repaʉte vanisõsina jojosinajatʉka.
\q Pãi siachejña paina Repaʉni ña kʉkʉcajejani rʉa oijanaame.
\q ¡Jãajañe paaʉ!
\m
\v 8 Pãi Ũcuanʉkore Paakʉ Dios, Peore Masiʉ ijache ikamʉ: “Chutaa cheja choomarʉmʉjẽe paiʉ siarʉmʉ paikʉmʉ chʉʉ”, chiimʉ. Dios irʉmʉjẽe paiʉ chutaa cheja choomarʉmʉ paikʉasomʉ Repaʉ. Ũcuachia siarʉmʉ paikʉmʉ Repaʉ.
\s Jesucristote vajʉchʉache ñokʉte ñasiere kʉamʉ
\p
\v 9 Chʉʉ, Juan, mʉsanʉkona Cuasakʉte Jesucristote cuasakʉjekʉ mʉachʉjaiʉmʉ. Mʉsanʉkonare Jesucristoni cuasajʉna cuache tijñeñejañe chʉʉre ũcuajache Repaʉte cuasakʉjekʉna ũcuajache tijñesikʉamʉ. Maire Paakʉ Jesucristo chookaimʉ maire, cuache tijñecojñonijẽe Repaʉte cuasachete ũhasõmaneajʉ chini. Aperʉmʉ chʉʉpi Dios chʉore chʉvakʉ Jesucristo paichete kʉakʉna asa pãi chʉʉre chẽa, pãi peojuupona Patmos juupona sa jokasõsinaame.
\v 10 Sa jokarena paiʉ pʉaumucusena Dios Rekochoji chookʉna chʉʉ chojepi pãiʉ ikache trompetavʉ juhijʉna rʉa asochejache rʉa ikachete asasikʉamʉ chʉʉ.
\v 11 Chʉʉre ikache ijache chiichete asasikʉamʉ chʉʉ: “Chutaa cheja choomarʉmʉjẽe paiʉ siarʉmʉ paikʉmʉ chʉʉ. Mʉʉ ñajañe utijaokorovʉna tocha Asia cheja cajoopoã sieterepajoopoã canani Jesucristote cuasakuanupʉãre saojʉ̃ʉ, Efeso vʉejoopo canare, Esmirna vʉejoopo canare, Pérgamo vʉejoopo canare, Tiatira vʉejoopo canare, Sardis vʉejoopo canare, Filadelfia vʉejoopo cananame Laodicea vʉejoopo canare”, chiichete.
\p
\v 12 Jãajañe ikaʉna asa chʉʉre ikasikʉni ñara chini chʉrisikʉamʉ chʉʉ. Chʉri ñato pachokuripi choosisaivʉã ʉoñoã paisaivʉãpi sieterepasaivʉã nʉkasikʉamʉ.
\v 13 Ũcuajache repasaivʉã chenevʉna Jesucristote Dios Raosikʉre maijaiʉ nʉkakʉni ñasikʉamʉ chʉʉ. Kãa cũachajatʉka repacuecho paikãa juikʉji ãcapʉ pachokurimete tʉ̃isikʉamʉ Repaʉ.
\v 14 Repaʉ raña oveja rañajañe pojaisikʉamʉ. Ũcuajache nieve pojaichejache pojaraña paasikʉamʉ. Repaʉ ñakocaã toajache ñosikʉamʉ chʉʉre.
\v 15 Repaʉ cũa pachocʉna toana pojʉna kosijaichejache kosijacũa paasikʉamʉ Repaʉ. Ũcuachia, Repaʉ ikache okopi chãiʉ asochejache asosikʉamʉ chʉʉre.
\v 16 Repaʉ ʉjajʉ̃tʉre majñoko sieterepanare cãjisikʉamʉ. Ũcuachia Repaʉ chʉopoji vati kachakãjño jʉ̃jʉsʉvatipi etasikʉamʉ. Repaʉ chia ũcuachia reo paiʉna ʉ̃sʉʉ rʉa miakʉ kosijaichejache rʉa kosijachia ñosikʉamʉ chʉʉre.
\p
\v 17 Repaʉni ña jũnisõsikʉjache repaʉ tijñeñena tãisikʉamʉ chʉʉ. Tãni ũhiʉna ʉjajʉ̃tʉpi jakʉ ijache ikasikʉamʉ repaʉ chʉʉre: “Vajʉchʉmanejʉ̃ʉ. Chutaa cheja choomarʉmʉjẽe paiʉ siarʉmʉ paikʉmʉ chʉʉ.
\v 18 Ai paikʉmʉ chʉʉ. Jũnisõsikʉtani vajʉrani paiʉ siarʉmʉ paijachere paikʉmʉ chʉʉ. Chʉʉre llavemaka paakʉjache paiʉna pãire jũisina paichejana chʉ̃ʉ saoʉato chʉ̃ʉreomʉ. Ʉ̃seʉato ʉ̃sereomʉ.
\v 19 Mʉʉ ñasie chura choocojñoñename choje choocojñojañe peore tochajʉ̃ʉ.
\v 20 Mʉʉ ñasie paiche chʉʉchia masichete mʉʉpi masiakʉ chini kʉajamʉ chʉʉ mʉʉre, chʉʉ ʉjajʉ̃tʉ cãjisie majñoko paichename ʉoñoã paisaivʉã pachokuripi choosisaivʉã paiche. Majñoko sieterepana mʉʉ ñasina Jesucristote cuasakuanupʉãre sieterepajoopoã canare chʉ̃ʉnajañeame. Ũcuachia ʉoñoã paisaivʉã sieterepasaivʉã mʉʉ ñasie Jesucristote cuasakuanupʉã sieterepajoopoã canajañeame”, chiisikʉamʉ Repaʉ chʉʉre.
\c 2
\s2 Sieterepajoopoã painare Jesucristote cuasakuanupʉãre tocha saosiere kʉamʉ
\s Efeso vʉejoopo canare chʉo tocha saosieame
\p
\v 1 Ũcuarʉmʉ Jesucristo joe ikasikʉamʉ chʉʉre. “Efeso vʉejoopo canare chʉʉre cuasakuanupʉ chʉ̃ʉkʉte ijachere tocha saojʉ̃ʉ mʉʉ”, chiisikʉamʉ.
\pi Chʉʉ ʉoñoã paisaivʉã sieterepasaivʉã chenevʉji majñoko sieterepanare ʉjajʉ̃tʉre cãjikʉ nʉka kuikʉji Jesucristo ijache ikamʉ mʉsanʉkonare:
\v 2 Mʉsanʉkona choojʉ paiche peore masimʉ chʉʉ. Chʉʉ chʉ̃ʉñe rʉa choome mʉsanʉkona. Chʉʉni cuasajʉna mʉsanʉkonare cuache tijñetojẽe reojache paiche ũhasõmame mʉsanʉkona. Ũcuachia cuache choonare jame paicuhenaame mʉsanʉkona. Ũcuachia chʉʉ chʉo chechokaimanapi, “Jesucristopi raoʉna Repaʉ chʉo chechonaame chʉkʉna”, chiijʉna asani, “¿Ũcuanaañe ina? ¿Jorenaañe?”, chini cuasa repana paichete ña masi, “Jorenaame ina”, chiinaame mʉsanʉkona.
\pi
\v 3 Iere masimʉ chʉʉ: Chʉʉ chʉ̃ʉñe cuhamañe choojʉ painaame mʉsanʉkona. Chʉʉni cuasajʉna mʉsanʉkonare cuache tijñetojẽe chʉʉ chʉ̃ʉñe ũhasõmañe ũcua choojʉ paime mʉsanʉkona.
\v 4 Jãatani mʉsanʉkona paiche iere cuhemʉ chʉʉ: Chʉʉre mʉsanʉkona apecuasarʉmʉ rʉa chiisinaame. Jãatani chura ũhasõ aperʉmʉ chiisiejache chiimame mʉsanʉkona chʉʉre.
\v 5 Mʉsanʉkona aperʉmʉ chʉʉre rʉa chiisiere cuasajʉ mʉsanʉkona paiche saño cuache choochete ũhasõ mʉsanʉkona aperʉmʉ reojache choojʉ paisiejache joe choojʉ paijʉ̃ʉ, chʉʉni rʉa chiijʉ. Jãajañe choomato chʉʉ rani mʉsanʉkona ʉoñoã paisaivʉ tʉasõjamʉ.
\v 6 Jãatani nicolaítapãi cuache choochete chʉʉ cuhechejache ũcuajache cuhejʉ reojache choonaame mʉsanʉkona.
\pi
\v 7 Chʉʉre cuasakuanupʉãre Dios Rekocho ikache asa chẽa chooʉana ũcuanʉko asa chẽajʉ̃ʉ. Dios Rekocho ijache ikamʉ: “Jesucristoni cuasajʉ cuache choocojñonatani Repaʉte cuasache ũhamanesinare vajʉsũkiñʉ Dios paicheja cañʉ kʉ̃isiere ãujamʉ chʉʉ”, chiimʉ,
\m chiisikʉamʉ Jesucristo.
\s Esmirna vʉejoopo canare chʉo tocha saosieame
\p
\v 8 Ũcuarʉmʉ Jesucristo joe ikasikʉamʉ chʉʉre. “Esmirna vʉejoopo canare chʉʉre cuasakuanupʉ chʉ̃ʉkʉte ijachere tocha saojʉ̃ʉ mʉʉ”, chiisikʉamʉ.
\pi Chutaa cheja choomarʉmʉjẽe Siarʉmʉ Paikʉji jũnisõ vajʉraisikʉ Jesucristo ijache ikamʉ chʉʉ mʉsanʉkonare:
\v 9 Mʉsanʉkona choojʉ paiche peore masimʉ chʉʉ. Chʉʉni cuasajʉna mʉsanʉkonare cuache tijñeñe masimʉ chʉʉ. Ũcuachia mʉsanʉkona neemajñarʉã chekʉnapi cuhejʉ tʉtesõrena mʉsanʉkona chʉovana paiche masimʉ chʉʉ. Jãatani mʉsanʉkona rekoñoã kurina paichejache karamañe reojache paijanaame mʉsanʉkona. Ũcuachia, “Judío pãijejʉ Dios neenaame chʉkʉna”, chiinapi mʉsanʉkonare cuache cutuche masimʉ chʉʉ. Jãatani vati chʉ̃ʉñechia choonajejʉ repaʉ neenaame repana.
\pi
\v 10 Mʉsanʉkonare cuache tijñejañere cuasani vajʉchʉmanejʉ̃ʉ. Asarepajʉ̃ʉ. Mʉsanʉkonare vati chʉʉre cuasachete ũhasõajʉ chini pãipi mʉsanʉkonare pãi chẽavʉena cuaoajʉ chini chʉ̃ʉjamʉ. Dierepaumucujña cuache choocojñojʉ chʉovana paijanaame mʉsanʉkona. Chʉʉni cuasajʉna pãi chekʉrʉmʉ mʉsanʉkonare vanisõñu chiijanaame. Jãatani jãajañe chooto jũiñete vajʉchʉjʉ chʉʉre cuasache ũhasõmanejʉ̃ʉ mʉsanʉkona. Chʉʉre cuasache ũhasõmaneru Dios paichejare ai sani paapʉ chini jokajamʉ chʉʉ mʉsanʉkonare.
\pi
\v 11 Chʉʉre cuasakuanupʉãre Dios Rekocho ikache asa chẽa chooʉana ũcuanʉko asa chẽajʉ̃ʉ. Dios Rekocho ijache kʉamʉ: “Mʉsanʉkona Jesucristoni cuasajʉ cuache choocojñonatani Repaʉte cuasachete ũhasõmaneni vati toa saimanejanaame”, chiimʉ,
\m chiisikʉamʉ Jesucristo.
\s Pérgamo vʉejoopo canare chʉo tocha saosieame
\p
\v 12 Ũcuarʉmʉ Jesucristo joe ikasikʉamʉ chʉʉre. “Pérgamo vʉejoopo canare chʉʉre cuasakuanupʉ chʉ̃ʉkʉte ijachere tocha saojʉ̃ʉ mʉʉ”, chiisikʉamʉ.
\pi Repaʉ chʉopote vati kachakãjño jʉ̃jʉsʉvati Paakʉji Jesucristo ijache ikamʉ chʉʉ mʉsanʉkonare:
\v 13 Mʉsanʉkona choojʉ paiche peore masimʉ chʉʉ. Vati ai chʉ̃ʉcojñona paijoopo painatani chʉʉre cuasache ũhasõmañe ũcua cuasajʉ painaame mʉsanʉkona. Ũcuaʉji chʉ̃ʉʉna repaʉ chʉ̃ʉñe choona chʉʉ paiche masi kʉakaikʉte Antipare vanisõñe ñasinatani chʉʉre cuasache ũhasõmanesinaame mʉsanʉkona.
\v 14 Jãatani mʉsanʉkona paiche iere cuhemʉ chʉʉ: Mʉsanʉkonare jame paina teena aperʉmʉ paisikʉ Balaam chʉvasiejache chʉvana chʉvache ũhacuhena paime. Aperʉmʉ repaʉ Balaam Israelpãire cacʉoakʉ chini Balate rʉa chʉvaasomʉ. Chʉvaʉna asa repaʉ Balac Israelpãire cacʉora chini, “Rupʉ tʉ̃osivanare, Dioamʉ ikʉ, chiicojñonare ĩsisie ãu ãijʉ paijʉ̃ʉ. Ũcuachia pãi ũcuaʉanare jame kãijʉ paijʉ̃ʉ”, chiiʉ rʉa chʉvaasomʉ, repanani cacʉorepara chini.
\pi
\v 15 Ũcuachia mʉsanʉkonare jame paina teena nicolaítapãi chʉvache ũhacuhena paime.
\v 16 Jãajekʉna repana chʉvachete ũhasõ Dioni cuasajʉ jovojʉ̃ʉ. Jãajañe choomato jmamakarʉ paisirʉmʉna mʉsanʉkona paichejana sani chʉʉ chʉopo etavatipi cuache choojamʉ chʉʉ repanare.
\pi
\v 17 Chʉʉre cuasakuanupʉãre Dios Rekocho ikache asa chẽa chooʉana ũcuanʉko asa chẽajʉ̃ʉ. Dios Rekocho ijache ikamʉ: “Jesucristoni cuasajʉ cuache choocojñonatani Repaʉte cuasache ũhamanesinare chʉʉ cʉnaʉmʉ chave paache manacaãre ãujamʉ chʉʉ. Ũcuachia catapʉã pojapʉãre repana mami mamare tochasipʉãre teepʉãchia ĩsijamʉ chʉʉ repanare. Repana mami mama teeʉjẽe masimanejanaame. Catapʉ koosikʉchia masijamʉ”, chiimʉ,
\m chiisikʉamʉ Jesucristo.
\s Tiatira vʉejoopo canare chʉo tocha saosieame
\p
\v 18 Ũcuarʉmʉ Jesucristo joe ikasikʉamʉ chʉʉre. “Tiatira vʉejoopo canare chʉʉre cuasakuanupʉ chʉ̃ʉkʉte ijachere tocha saojʉ̃ʉ mʉʉ”, chiisikʉamʉ.
\pi Ñakocaã toñajañe Paakʉji chʉʉ cũa pachocʉna toana pojʉna kosijaichejache kosijacũa Paakʉji Dios Mamakʉ ijache ikamʉ chʉʉ mʉsanʉkonare:
\v 19 Mʉsanʉkona choojʉ paiche peore masimʉ chʉʉ. Chʉʉni chiijʉ cuasame mʉsanʉkona. Ũcuachia chʉʉre cuasanare oijʉ reojache chookainaame mʉsanʉkona. Chʉʉni cuasajʉna cuache tijñetojẽe chʉʉre cuasache ũhasõmanaame mʉsanʉkona. Mʉsanʉkona mama cuasarʉmʉ choosie naa rʉa reojache choojʉ paime chura.
\v 20 Jãatani mʉsanʉkona paiche iere cuhemʉ chʉʉ: Jezabel cuache chʉvache mʉsanʉkona ʉ̃semañere. “Dios chʉo kʉakomo chʉʉ”, chiikomo repao. Jãatani mʉsanʉkonare chʉʉ neenare cuachete chʉvako teenare cacʉosõmo repao. Ũcuaoji chʉvakona asa chẽa reojache paiche ũhasõ pãi ũcuaʉanare jame kãijʉ paime repana. Ũcuachia rupʉ tʉ̃osivanare, “Dioamʉ ikʉ”, chiicojñovanare jokasie ãu ãijʉ paime repana.
\pi
\v 21 Repao cuache choochete ũhasõ reojache paao chini chutaa cuache choomañe chaamʉ chʉʉ repaote. Jãatani chutaa ũcuaʉanare jame kãiñe ũhasõmamo repao.
\v 22 Jãajekʉna repaote ravʉ choojamʉ chʉʉ. Repaote jame kãinare ũcuachia repanapi cua choochete ũhasõmato rʉa cuache tijñeñe choojamʉ chʉʉ repanare.
\v 23 Repao mamachĩi ũcuachia vanisõjamʉ chʉʉ. Chʉʉpi jãajañe chooʉna asani chʉʉre cuasakuanupʉã ũcuanʉko chʉʉ pãi ũcuanʉko cuasachename repana rekoñoã paiche peore masiche masijanaame. Ũcuachia mʉsanʉkonare teenarechia reojache choosiename cuache choosie roiche chʉ̃ʉjamʉ chʉʉ.
\v 24 Mʉsanʉkona Tiatira vʉejoopo cana teena repao cuache chʉvache asacuhena paime. Ũcuachia, “Vati ai teeʉ masichete chechonaame chʉkʉna”, chiina chʉvache asañu chiimañe painaame mʉsanʉkona. Cheke naa rʉa choovesache chʉvamamʉ chʉʉ.
\v 25 Jãatani, “Mʉsanʉkona chʉʉre cuasache ũhasõmañe chʉʉ joe rairʉmʉjatʉka cuasajʉ paijʉ̃ʉ”, chiiʉ chʉvamʉ chʉʉ.
\pi
\v 26 Mʉsanʉkonapi cuache chechona chʉvachete asa choomañe chʉʉ chʉ̃ʉñechia jũnisõrʉmʉjatʉka ũhasõmañe chooru pãi siachejña painare chʉ̃ʉñete jokajamʉ chʉʉ mʉsanʉkonare.
\v 27 Chʉʉre Jakʉ pãire chʉ̃ʉakʉ chini jokasiejache mʉsanʉkonare pãi siachejña painani chʉ̃ʉajʉ chini jokajamʉ chʉʉ. Dios chʉo aperʉmʉ tocha jokasie mʉsanʉkona chʉ̃ʉjʉ choojachere ijache kʉamʉ:
\q Pãire chʉ̃ʉjʉ repanare cuhenare cuache chʉ̃ʉjanaame repana,
\mi chiimʉ.
\v 28 Ũcuachia chʉʉ paicheja siarʉmʉ sani paijachename cheke siache reojache ĩsijamʉ chʉʉ mʉsanʉkonare.
\pi
\v 29 Chʉʉre cuasakuanupʉãre Dios Rekocho ikache asa chẽa chooʉana ũcuanʉko asa chẽajʉ̃ʉ,
\m chiisikʉamʉ Dios Mamakʉ.
\c 3
\s Sardis vʉejoopo canare chʉo tocha saosieame
\p
\v 1 Ũcuarʉmʉ Jesucristo joe ikasikʉamʉ chʉʉre. “Sardis
vʉejoopo canare chʉʉre cuasakuanupʉ chʉ̃ʉkʉte ijachere
tocha saojʉ̃ʉ mʉʉ”, chiisikʉamʉ.
\pi Dios Rekocho reojache Chookairekocho Paakʉji majñoko
sieterepanare Cãjikʉji Jesucristo ijache ikamʉ chʉʉ mʉsanʉkonare:
Mʉsanʉkona choojʉ paiche peore masimʉ chʉʉ. Pãi
mʉsanʉkona paiche ñani, “Dioni cuasajʉ Repaʉ chʉ̃ʉñe
choonajejʉ reojache painaame ina”, chiime. Jãatani
rekoñoã cuache cuasajʉ painaame mʉsanʉkona.
\v 2 Jãajekʉna mʉsanʉkona chechesiere Dios chʉ̃ʉñete
cavesʉmañe choojʉ paijʉ̃ʉ, cuache paimaneñu chini. Diopi
ñato reojache choomanaame mʉsanʉkona.
\v 3 Ũcuachia mʉsanʉkona chechesiere Dios chʉ̃ʉñete
cavesʉmañe cuasajʉ cuache choochete ũhasõ aperʉmʉ
mʉsanʉkona choosiejache reojachere choojʉ paijʉ̃ʉ.
Mʉsanʉkona chechesie Dios chʉ̃ʉñe choomato põse ñaaʉ
rai cuasomarʉmʉna raichejache rani cuache choojamʉ chʉʉ
mʉsanʉkonare.
\v 4 Jãatani mʉsanʉkona teena Dios chʉ̃ʉñe chechesiere
cavesʉmañe ũcua cuasajʉ choojʉ reojache paime.
Mʉsanʉkona reojache paiche roi Dios paichejare sani paijʉ
kãña pojakãñare juijʉ chʉʉname nʉka kuhapʉ chini
jokajamʉ chʉʉ.
\pi
\v 5 Ũcuachia chʉʉni cuasajʉ cuache choocojñonatani
chʉʉre cuasache ũhamanesina Dios paichejare sani paijʉ kãña
pojakãñare juijʉ paijanaame. Ũcuachia Dioname paijana
cʉnaʉmʉ paiphʉro utijaophʉro tochasie repana mami
tʉnosõmanejamʉ chʉʉ. Jãajañe choomañe naa
paisirʉmʉna Jakʉname Repaʉ neena ángeles asajʉte, “Chʉʉ
neenaame ina”, chiijamʉ chʉʉ repanare, chʉʉre cuasache
ũhamanesinare.
\pi
\v 6 Chʉʉre cuasakuanupʉãre Dios Rekocho ikache asa chẽa
chooʉana ũcuanʉko asa chẽajʉ̃ʉ,
\m chiisikʉamʉ
Jesucristo.
\s Filadelfia vʉejoopo canare chʉo tocha saosieame
\p
\v 7 Ũcuarʉmʉ Jesucristo joe ikasikʉamʉ chʉʉre.
“Filadelfia vʉejoopo canare chʉʉre cuasakuanupʉ
chʉ̃ʉkʉte ijachere tocha saojʉ̃ʉ mʉʉ”, chiisikʉamʉ.
\pi Chʉʉ Jesucristo reojachechia Chookʉ jmamakarʉjẽe
joremakʉamʉ. Aperʉmʉ paisikʉ David pãi chʉ̃ʉsiejache
chʉ̃ʉmasikʉmʉ chʉʉ, David Jojosikʉjekʉ. Jãajekʉna
chʉʉpi chʉ̃ʉto pãiʉte teeʉterejẽe chʉʉ chʉ̃ʉñe
ʉ̃secuamʉ. Ũcuachia chʉʉpi chʉ̃ʉmato pãiʉte
teeʉterejẽe chʉ̃ʉcuamʉ. Jãajañe Paikʉji Jesucristo
ijache ikamʉ chʉʉ mʉsanʉkonare:
\v 8 Mʉsanʉkona choojʉ paiche peore masimʉ chʉʉ.
Asarepajʉ̃ʉ. Teevanatani chʉʉ chʉore asa jachamañe
paijʉ chʉʉre cuasachete ũhasõmapʉna jatisaaro
vatakaichejache chookaimʉ chʉʉ mʉsanʉkonare, chʉʉ
chʉ̃ʉñete choojʉ paapʉ chini. Repasaaro pãiʉte
teeʉterejẽe jeocuachejache chʉʉ chʉ̃ʉñe mʉsanʉkona
chooche pãiʉte teeʉterejẽe ʉ̃secuajamʉ.
\v 9 Ũcuachia vati ai neenapi, “Judío pãijejʉ Dios neenaame
chʉkʉna”, chiijʉ jorenapi mʉsanʉkona tijñeñena rore ñuapʉ
chini chʉ̃ʉjamʉ chʉʉ. Mʉsanʉkona paichete ñajʉ, rore
ñuijʉ, “Jesucristo oicojñonaame ina”, chiijʉ masijanaame
repana.
\v 10 Chʉʉ mʉsanʉkonare, “Chʉʉni cuasajʉ cuache
choocojñonatani chʉʉre cuasache ũhasõmanejʉ̃ʉ”, chiiʉ
chʉ̃ʉsiere jachamañe ũcuarepa choonajejʉna pãi
ũcuanʉkore cuache tijñerʉmʉ tĩaru chookaijamʉ chʉʉ
mʉsanʉkonare. Reparʉmʉ tĩato pãi ũcuanʉko chʉʉpi repana
rekoñoãna kʉaʉna repana chʉʉre masi cuasachename cuasamañe
meñe cuasa masijanaame.
\pi
\v 11 Cuasarepajʉ paijʉ̃ʉ. Nami cajejamʉ chʉʉ.
Mʉsanʉkona chechesie Dios chʉ̃ʉñe ũhasõmañe cuasajʉ
choojʉ paijʉ̃ʉ. Jãajañe chooni Dios reojache ĩsira
chiiche koojanaame mʉsanʉkona ũhasõmanesie roi. Jãajañe
chooru teeʉjẽe tʉa koosõkaimanejanaame mʉsanʉkonare.
\v 12 Chʉʉni cuasajʉ cuache choocojñonatani chʉʉre
cuasache ũhasõmanesinare Dios vʉe catuupʉ etamañe ai
paichejache Repaʉ paichejare ai sani paapʉ chini jokaʉna
repacheja jmamakarʉjẽe etamañe siarʉmʉ paijanaame repana.
Dios neenajejʉ Repaʉ paijoopo Jerusalén mama vʉejoopo canaame
ina, chiimʉ chʉʉ. Dios repajoopo cʉnaʉmʉpi casojamʉ.
Ũcuachia repanare chʉʉ mami mamare veojamʉ chʉʉ.
\pi
\v 13 Chʉʉre cuasakuanupʉãre Dios Rekocho ikache asa chẽa
chooʉana ũcuanʉko asa chẽajʉ̃ʉ,
\m chiisikʉamʉ
Jesucristo.
\s Laodicea vʉejoopo canare chʉo tocha saosieame
\p
\v 14 Ũcuarʉmʉ Jesucristo joe ikasikʉamʉ chʉʉre.
“Laodicea vʉejoopo canare chʉʉre cuasakuanupʉ chʉ̃ʉkʉte
ijachere tocha saojʉ̃ʉ mʉʉ”, chiisikʉamʉ.
\pi Chʉʉ Jesucristo chʉʉ choora chiiche peore ũcuarepa chookʉmʉ.
Ũcuachia chʉʉ ñasie joremañe ũcuarepare kʉakʉmʉ chʉʉ.
Diopi chʉ̃ʉʉna chejaname pãi peore chooasomʉ chʉʉ.
Jãajañe Paikʉji Jesucristo ijache ikamʉ chʉʉ mʉsanʉkonare:
\v 15 Mʉsanʉkona choojʉ paiche peore masimʉ chʉʉ.
Mʉsanʉkona chʉʉre cuasanatani masi cuasamame. Ũcuachia
chʉʉre masi cuasamanatani mʉsanʉkona ũhasõmañe paiche
masimʉ chʉʉ. Jãajekʉna mʉsanʉkonapi chʉʉre chini rʉa
cuasato rʉa reoraamʉ. Jãatani chʉʉni masi cuasacuheni
ũhasõjʉ̃ʉ chiimʉ chʉʉ.
\v 16 Chʉʉre cuasache ũhamame mʉsanʉkona. Jãatani
chʉʉre rʉa cuasamame. Jãajekʉna mʉsanʉkonare chʉʉre
cuasanatani masi cuasamanajejʉna oko jmajʉ̃ʉrʉ asuche ũku ña
rʉ̃ocuhekʉ tutusõñejañe cuhejamʉ chʉʉ mʉsanʉkonare.
\pi
\v 17 Ijache ikanaame mʉsanʉkona: “Pãi kurina karamañe
paachejache chʉkʉna chiiche peore paajʉ reojache paijʉna
teemakarʉjẽe karamakʉamʉ chʉkʉnate”, chiinaame.
Jãajañe ikanatani cuache paijʉ mʉsanʉkona rekoñoã
ñakocaã naasõsinajañe chʉovana paijʉ kãña peovanajañe
painaame mʉsanʉkona. Jãajañe painatani mʉsanʉkona
rekoñoã paiche vesʉme.
\v 18 Jãajekʉna mʉsanʉkonare ijache chʉvamʉ chʉʉ:
Mʉsanʉkona rekoñoãpi pãi kurina karamañe paichejache
reojache pañu chini chʉʉni pachokurijachere reojachere
koojʉ̃ʉ. Ũcuachia mʉsanʉkona canivʉã kãña peojʉ
juimapʉna vajʉchʉache ñosicanivʉãre sacha juñu chini
chʉʉni kãña pojakãñajañere koojʉ̃ʉ. Ũcuachia
mʉsanʉkona ñakocaã suirijache ʉ̃kojache chʉʉni koojʉ̃ʉ,
suirirena ñokʉna ñañu chini.
\v 19 Chʉʉ chiinare ũcuanʉkore cuache choochete ũhasõ
reojache paapʉ chini rʉa ikakʉ cuache tijñeñe chookʉmʉ
chʉʉ, repanapi reojache paimato. Jãajekʉna mʉsanʉkona
chʉʉre jmamakarʉ cuasajʉ paichete ũhasõ joe chʉʉni naa
rʉa cuasajʉ paijʉ̃ʉ.
\pi
\v 20 Asarepajʉ̃ʉ. Chʉʉ mʉsanʉkonare vʉena rani
jatisaarote nʉkakʉ soichejache soiʉ paimʉ. Jãajañe
chʉʉpi soiʉna pãiʉ ũcuaʉakʉji asa jatisaaro vatachejache
chʉʉni naa rʉa cuasato vʉena kaka pʉʉ ũcuaʉname ãu
ãiñejañe repaʉ rekochote jame paiʉ sãiñechia pojojʉ
paijanaame chʉkʉna.
\v 21 Chʉʉre cuhenare cajejani Jakʉ chʉ̃ʉkʉ ñuisaivʉ
kueñe pʉʉ jame ñuiʉ chʉ̃ʉkʉmʉ chʉʉ. Chʉʉni cuasajʉ
cuache choocojñonatani chʉʉre cuasache ũhasõmanesinare chʉʉ
ũcuajache repanare chʉʉ chʉ̃ʉkʉ ñuisaivʉ kueñe pʉʉ
ñuijʉ chʉʉname chʉ̃ʉajʉ chini jokajamʉ.
\pi
\v 22 Chʉʉre cuasakuanupʉãre Dios Rekocho ikache asa chẽa
chooʉana ũcuanʉko asa chẽajʉ̃ʉ,
\m chiisikʉamʉ
Jesucristo.
\c 4
\s Cʉnaʉmʉ cana Diore pojojʉ reojache ikachete kʉamʉ
\p
\v 1 Jãajañe choocuhasirʉmʉ cʉnaʉmʉ ñato jatisaaro
vatasisaaro paisikʉamʉ. Ũcuachia aperʉmʉ chʉʉre
trompetavʉ juhijʉna asochejache rʉa asoche ikasikʉ joe
ijache ikasikʉamʉ: “Ichejana mʉijʉ̃ʉ. Naa paisirʉmʉ
tijñejañere mʉʉni ñora”, chiisikʉamʉ.
\v 2 Reparʉmʉ chʉʉre Dios Rekochoji chookaiʉna ñakʉ
cʉnaʉmʉ Repaʉ paicheja pãi chʉ̃ʉna ñuisaivʉ Ñuikʉni
ñasikʉamʉ chʉʉ Repaʉte Diore.
\v 3 Repasaivʉ ñuikʉ jaspe catapʉã pachokosijaichejache
kosijaiʉ ũcuachia cornalina cata maakosijapʉãjañe
kosijaiʉ ñosikʉamʉ chʉʉre. Repaʉ ñuisaivʉ ũcuachia
mañarekovʉ esmeralda cata vĩjakosijaichejache kosijaivʉji
rũhisokoro paisikʉamʉ.
\v 4 Ũcuachia chekʉsaivʉã veinticuatrorepasaivʉã repasaivʉ
paiche rũhisokoro paisikʉamʉ. Ũcuasaivʉãre aina
veinticuatrorepana ñuisinaame. Kãña pojakãñare juijʉ
tuhivʉã pachokurivʉãre tuhijʉ ñuisinaame repana ũcuanʉko.
\v 5 Ũcuachia Dios ñuisaivʉ rʉ̃ichejapi fenekʉ rʉa asoche
curusikʉamʉ. Ũcuachia repasaivʉ tijñeñete ʉoñoã
paisaivʉã sieterepasaivʉã nʉkakʉ uukʉ paisikʉamʉ.
Jãasaivʉã sieterepasaivʉã Dios Rekochojacheame.
\v 6 Ũcuachia repasaivʉ tijñeñete mar chiarajachepi joicʉna
kosijaiʉ etajaiche ñoñejañe paisikʉamʉ. Ũcuachia
repasaivʉ rʉ̃ichejare vajʉpãi ũcuakachapana repana
canivʉãre siacacanivʉã tijñapa cakãjñoname choje
cakãjño ñakocaã paanapi siacakãjño paisinaame.
\v 7 Repana vajʉpãi teeʉ león chaijaiʉ paisikʉamʉ. Chekʉ
torojaiʉ paisikʉamʉ. Chekʉ pãi chia paasikʉamʉ. Joe
chekʉpi tao cãva kuikʉjaiʉ paisikʉamʉ.
\v 8 Repana vajʉpãi kuechaka teeʉ seirepakachia paasinaame.
Ũcuakare ñakocaã paasinaame repana vʉevʉãname sẽsevʉã.
Ũcuachia jmamakarʉjẽe cuhamañe umucusename ñami ijache
ikajʉ paisinaame repana:
\q Reokʉmʉ Dios.
\q Reokʉmʉ Dios.
\q Reokʉmʉ Dios.
\q Peore Masiʉmʉ Repaʉ.
\q Irʉmʉjẽe paiʉ chutaa cheja choomarʉmʉjẽe paikʉmʉ
Repaʉ.
\q Ũcuachia siarʉmʉ paikʉmʉ Repaʉ,
\m chiijʉ paisinaame repana.
\p
\v 9-10 Repaʉte Diore Siarʉmʉ Paikʉte ñuisaivʉ ñuikʉni
repana vajʉpãi pojojʉ reojachere ijache ikasinaame: “Peore
Masiʉmʉ mʉʉ. Peore reojache chookaikʉjekʉna,
‘Reorepamʉ’, chiime chʉkʉna mʉʉre”, chiisinaame.
Jãajañe ikato aina veinticuatrorepana Dioni pojojʉ Repaʉte
tijñeñe rore pʉʉ ñuijʉ ũcuachejana repana tuhivʉã tĩte
ũha ijache ikasinaame:
\q
\v 11 Dios, Chʉkʉnate Paakʉ, mʉʉpi chiiʉ chooʉna peore
siache paimʉ.
\q Mʉʉpi choomato peoraamʉ jãa.
\q Jãajekʉna pãi ũcuanʉko mʉʉni cuasajʉ pojojʉ,
\q “Peore
Masiʉmʉ mʉʉ.
\q Peore reojache chookaikʉmʉ.
\q Peore chʉ̃ʉkʉ paaʉ”,
chiijʉ paapʉ,
\m chiisinaame repana.
\c 5
\s Utijaokorovʉ chʉo tochasie paikororʉ paichename
Jesucristo Ovejachĩijaiʉ paichete kʉamʉ
\p
\v 1 Ũcuarʉmʉ chʉʉ ñato Dios, ñuisaivʉte ñuiʉ Repaʉ
ʉjajʉ̃tʉre utijaokorovʉ sanavʉname sẽsevʉ chʉo
tochasie paikorovʉte cãjikʉ ñuisikʉamʉ. Ũcuachia
repakorovʉji koromaneakʉ chini jenasimajñarʉã
sieterepamajñarʉã paisikʉamʉ.
\v 2 Ũcuarʉmʉ chʉʉ ángelte rʉa masiʉni ñasikʉamʉ.
Ũcuaʉji rʉa ʉjachʉopi, “¿Neepi repakorovʉ
jenasimajñarʉã vato korajanaañe? Rʉa Reokʉchia choocheme
jãa”, chiisikʉamʉ.
\v 3 Jãatani repakorovʉ jenasimajñarʉã vato kora ñamasina
teeʉjẽe peosinaame cʉnaʉmʉname chejaname jũisina
paicheja.
\v 4 Repakorovʉ kora ñamasikʉni jñaamanerena rʉa oiche
oisikʉamʉ chʉʉ.
\v 5 Jãatani aina chʉʉpi oiʉna asa teeʉ chʉʉre ijache
ikasikʉamʉ: “Oimanejʉ̃ʉ. Judavãjʉʉji aperʉmʉ paisikʉ
David Jojosikʉpi león chaijache Paikʉji Repaʉte cuhenare
Cajejaisikʉjekʉ repakorovʉ jenasimajñarʉã
sieterepamajñarʉã peore vato kora ñareomʉ Repaʉte”,
chiisikʉamʉ.
\p
\v 6 Ũcuarʉmʉ chʉʉ ñato Dios ñuisaivʉ rʉ̃icheja
vajʉpãiname aina paicheja chenevʉte Jesucristo Dioni ĩsijʉ
ovejachĩi Vanisõcojñosikʉjaiʉji vajʉraisikʉ
paisikʉamʉ. Echosẽña sieterepasẽña paakʉji ñakocaã
sieterepañakocaã paasikʉamʉ Repaʉ. Repaʉ ñakocaã
sieterepañakocaã Dios Rekocho reojache Chookairekochoji cheja
siachejña saocojñosirekochojacheame.
\v 7 Ũcuarʉmʉ Repaʉ Ovejachĩijaiʉ sani repasaivʉ Ñuikʉ
Dios ʉjajʉ̃tʉ cãjikorovʉ utijaokorovʉ koosikʉamʉ.
\v 8 Jãajañe repakorovʉte kooʉna ña vajʉpãi
ũcuakachapananame aina veinticuatrorepana Ovejachĩijaiʉ
Jesucristo tijñeñena tãni pʉʉ rore ñuisinaame. Repana
ũcuanʉko arpavʉãname coparorovaã pachokurirorovaãpi
vitomaña timusirorovaãre cãjisinaame. Repa vitomaña Dios
neena Repaʉte sẽeñejañeame.
\v 9 Rore ñuijʉ uja mamare ijache ujasinaame repana:
\q Chuenisõsikʉamʉ mʉʉ.
\q Chuenisõ mʉʉ chiepi pãi cuache chooche roikaisikʉamʉ
mʉʉ,
\q pãipi siachejña painaname siache chʉo ikananame
siavãjʉ Dios neenachia paapʉ chini.
\q Jãajañe choosikʉjekʉna ikorovʉ jenasimajñarʉã vato
ñareomʉ mʉʉre.
\q
\v 10 Ũcuachia mʉʉpi jokaʉna mʉʉ neena, phairipãi Diore
chookaichejache chookaijʉ paijanaame.
\q Ũcuachia chejare paijʉ pãire chekʉnani chʉ̃ʉjʉ
paijanaame repana,
\m chiijʉ ujasinaame repana.
\p
\v 11 Jãa choocuhasirʉmʉ ñato Dios ñuisaivʉ rʉ̃icheja
vajʉpãiname aina paichejare siacakãjño ángeles
jairepanʉkojejʉ kuẽkuecuanʉko paijʉna repana ikache chʉo
asasikʉamʉ chʉʉ.
\v 12 Rʉa ʉjachʉopi ijache ikasinaame repana:
\q Ikʉre Jesucristote ovejachĩivaʉ choocojñoñejañe
\q pãi
ũcuanʉko cuache choochete roikasa chini chueni jũni
roikaisikʉjekʉna
\q pãi ũcuanʉko Repaʉni pojojʉ ijache ikajanaame:
\q “Peore siache reojache chʉ̃ʉkʉ paakʉmʉ mʉʉ.
\q Peore masikʉmʉ.
\q Mʉʉre cuasajʉ vajʉchʉnaame chʉkʉna.
\q Mʉʉ choora chiiche peore choomasikʉmʉ mʉʉ.
\q Pãi ũcuanʉko mʉʉni pojojʉ reojache ikajʉ paapʉ”,
chiijanaame,
\m chiisinaame repana.
\p
\v 13 Jãa choocuhasirʉmʉ joe chekere ñakʉ Dios choosina
ũcuanʉko, cʉnaʉmʉ painaname cheja painaname jũnisõsina
paicheja cananame chiacha paivana ikachʉore ijache
ikachete asasikʉamʉ chʉʉ:
\q Diore ñuisaivʉ ñuikʉte pãi ũcuanʉko pojojʉ
siarʉmʉ ijache reojache ikajʉ paapʉ,
\q Ovejachĩijaiʉte
Jesucristote ũcuachia:
\q “Pãi ũcuanʉko mʉsanʉkonare cuasajʉ vajʉchʉajʉ.
\q Peore masijʉ, peore chʉ̃ʉnaame mʉsanʉkona”, chiijʉ
paapʉ,
\m chiisinaame.
\v 14 Jãajañe ikarena asa vajʉpãi, “Jãajañe paaʉ”,
chiisinaame. Ainapi rore pʉʉ ñuijʉ Diore Siarʉmʉ Paikʉni
pojosinaame.
\c 6
\s Utijaokorovʉ sieterepamajña jenasie paikorovʉ vato
ñasiere kʉamʉ
\p
\v 1 Ũcuarʉmʉ chʉʉ ñato Ovejachĩijaiʉ Jesucristo
utijaokorovʉ jenasimajñarʉã teemaka vatosikʉamʉ. Vatoʉna
vajʉpãi teeʉ, “Raijʉ̃ʉ”, chiisikʉamʉ chʉʉre. Repaʉ
ikache oko curuchejache asosikʉamʉ chʉʉre.
\v 2 Jãajañe ikaʉna asa kavachote pojaiʉni ñasikʉamʉ
chʉʉ. Repavaʉre tuhikʉ saocupupʉ cãjisikʉamʉ. Ũcuarʉmʉ
kavachote tuhikʉ repaʉni tuhivʉte ĩsirena sanisõsikʉamʉ,
repaʉte cuhenani cavakʉ cajejasa chini.
\p
\v 3 Ũcuarʉmʉ Repaʉ Jesucristo chekʉmakare vatoʉna vajʉpãi
chekʉ chʉʉre, “Raijʉ̃ʉ”, chiiche asasikʉamʉ chʉʉ.
\v 4 Jãajañe ikaʉna asa ñato chekʉ kavacho maajaiʉji
raisikʉamʉ. Rakʉna Dios repaʉte tuhiʉ raisikʉre cuache
choomasichete jokasikʉamʉ, pãire repana sãiñechia
reojache paichete sani ʉ̃sekʉna, repanapi cavajʉ sãiñechia
vanisõajʉ chini. Ũcuachia Dios repaʉte vati rʉa ʉjavatire
ĩsisikʉamʉ.
\p
\v 5 Ũcuarʉmʉ Repaʉ Jesucristo joe chekʉmakare vatoʉna
vajʉpãi chekʉ chʉʉre, “Raijʉ̃ʉ”, chiichete asa
kavachote chijaiʉni ñasikʉamʉ chʉʉ. Repavaʉre tuhikʉ
ruesomaka cãjisikʉamʉ.
\v 6 Ũcuarʉmʉ chʉʉ vajʉpãi ũcuakachapana paicheja
chenevʉji chʉo ikache asasikʉamʉ, ijache chiichete: “Ãu
jmarepanʉkorʉjekʉ rʉa roimʉ. Denario kuri teerereva
teeumucuse chooche choo koochenʉkorʉ trigo teekilo roimʉ.
Cebada chotekilo ũcuajanʉko roimʉ. Jãamajñarʉãre rʉarepa
roichete kooto kurire siasõrena uchapeejẽe conojẽe
koocuajamʉ pãi.”
\p
\v 7 Ũcuarʉmʉ Repaʉ Jesucristo joe chekʉmakare vatoʉna
vajʉpãi joe chekʉ chʉʉre, “Raijʉ̃ʉ”, chiiche
asasikʉamʉ chʉʉ.
\v 8 Jãajañe ikaʉna asa ñato kavacho pachojajʉ̃ʉrʉji
raisikʉamʉ. Repaʉte tuhikʉ mami, “Jũnisõñe”,
veesikʉamʉ. Repaʉ chojepi chekʉ raisikʉamʉ. Repaʉ mami,
“Jũnisõsina paicheja”, veesikʉamʉ. Ratena Dios repanare
ijache choomasichete chʉ̃ʉ jokasikʉamʉ: “Cheja painare
pãi jainʉkore sani vanisõjʉ̃ʉ mʉsanʉkona. Chekʉnare
jainʉkore vajñapi vanisõjʉ̃ʉ. Chekʉnare ãucuhana
jũnisõajʉ chini repana ãu kʉ̃iñete ʉ̃sejʉ̃ʉ. Chekʉnare
ravʉ choojʉ̃ʉ, ravʉna jũnisõajʉ. Joe chekʉnare
cuavanapi kokaneejʉ kũku vẽasõñe chʉ̃ʉjʉ̃ʉ.”
Jãajañe choomasichete chʉ̃ʉ jokasikʉamʉ Dios repanare.
\p
\v 9 Ũcuarʉmʉ Repaʉ Jesucristo joe chekʉmakare vatoʉna ñakʉ
Dios chʉo chʉvajʉ Jesucristo paiche kʉajʉ chuenisõsina
rekoñoãre ñasikʉamʉ chʉʉ. Diore ĩsimajñarʉã tʉo
ʉokoa vʉevʉte paisikʉamʉ repana rekoñoã.
\v 10 Ũcuarʉmʉ repana Dios chʉo kʉajʉ chuenisõsina
ʉjachʉopi ijache ikasinaame Repaʉte: “Dios, Peore
Chʉ̃ʉkʉ, rʉa reokʉmʉ mʉʉ. Mʉʉ choora chiiche
ũcuarepa chookʉmʉ. ¿Jeerʉmʉ mʉʉ, chʉkʉnate
vanisõsinare repana choosie roiche chʉ̃ʉjaʉ, chʉkʉnate
vanisõsiere roiajʉ chini?”, chiisinaame repana.
\v 11 Chitena Dios repanare ũcuanʉkore kãña pojakãñapi
ʉjacueñoãre ĩsisikʉamʉ. Ĩsicuha repanare ikasikʉamʉ
Repaʉ. “Mʉsanʉkona Jesús neenajejʉ Repaʉni cuasajʉ
chuenisõsiejache chekʉna Repaʉte cuasana ũcuajache
chuenisõjanaame. Jmamakarʉchia oimañe chaajʉ̃ʉ
mʉsanʉkona, repana chuenisõ mʉsanʉkonaname
chiirʉmʉjatʉka”, chiisikʉamʉ.
\p
\v 12 Ũcuarʉmʉ Repaʉ Jesucristo joe chekʉmakare vatoʉna ñakʉ
cheja rʉa piruchejare ñasikʉamʉ chʉʉ. Jãajañe
pirukʉna kãa chijakãajañe chijaiʉ ñosikʉamʉ ʉ̃sʉʉ.
Pãimiaʉ ũcuachia peore siacakʉ chiejache maajaiʉ
ñosikʉamʉ.
\v 13 Jãa chooto majñoko higorapʉrʉã vĩjarapʉrʉã
rʉarepa tutakʉna tuãtuachejache cʉnaʉmʉpi chejana
tuãtuasinaame.
\v 14 Cʉnaʉmʉ ũcuachia utijaova canesõñejañe
siasõsikʉamʉ. Ũcuachia aikũjña siacakũjña juupoãname
peore rupʉ tĩichejñana kʉñocojñosikʉamʉ.
\v 15 Jãa chooto cheja paina, pãi jainʉkore chʉ̃ʉna,
chekʉna pãi chʉ̃ʉnaname sõtaopãi chʉ̃ʉnaname kurinaname
kokananame choochete rupʉ chookaapʉ chini chẽa
paacojñovananame chekʉna paacojñomana ũcuanʉko aikũjña
caripaã cacojñana vajʉchʉjʉ kaka katisõsinaame. Chekʉna
teena repakũjña vʉevʉã paipʉã catapʉã vʉevʉna
katisõsinaame.
\v 16 Jãajañe katisõ aikũjñaname catapʉãre ijache
ikasinaame repana: “Chʉkʉna katisichejña tijñeñe ñaña
tuãtua tapisõjʉ̃ʉ, Diopi Repaʉ ñuisaivʉji ñuiʉ
chʉkʉnate Ñakʉji ñamaneakʉ. Ũcuachia Ovejachĩijaiʉji
Jesucristoji chʉkʉnate cuache Choojaʉpi jñaamaneakʉ”,
chiisinaame repana.
\v 17 Dios Repaʉ Mamakʉname pãi ũcuanʉkore repana cuache
choosie roi roiajʉ chini chʉ̃ʉumucuse tĩacuhamʉ.
Repaumucuse pãi ũcuanʉko repana cuache choosie roi
roijanaame.
\c 7
\s Aperʉmʉ paisikʉ Israel mamachĩi jojocojñosinani Dios mami
repana chiapʉãna tochacojñosinani ikamʉ
\p
\v 1 Jãajañe choocuhasirʉmʉ ángeles ũcuakachapanare cheja
siacakãjño nʉkanani ñasikʉamʉ chʉʉ. Cocovʉ cakãko
nʉkakʉ repakãko tutachete ʉ̃sesikʉamʉ. Chekʉ sʉripʉ
cakãko nʉkakʉ ũcuachia repakãko tutachete ʉ̃sesikʉamʉ.
Chekʉ ʉ̃sʉʉ mʉicheja cakãko nʉkakʉ repakãko tutachete
ʉ̃sesikʉamʉ. Joe chekʉ ʉ̃sʉʉ naikãko nʉkakʉ
ũcuachia repakãko tutachete ʉ̃sesikʉamʉ. Jãajañe
nʉkajʉ tuta ʉ̃sejʉna chejaname mar chiara sẽsevʉãjẽe
tutamaʉ siache sũki jao teejaovajẽe tuta
ñʉkuemanesikʉamʉ.
\v 2 Ũcuarʉmʉ chekʉre ángelte ʉ̃sʉʉ mʉichejapi Dios,
Siarʉmʉ Paikʉ mamimaka tochasimakare cãjikʉ raiʉna
ñasikʉamʉ chʉʉ. Rani chekʉnare ángelevanare
ũcuakachapanare chejaname mar chiara cuache chooajʉ chini chʉ̃ʉ
raocojñosinani ʉjachʉopi ijache ikasikʉamʉ repaʉ:
\v 3 “Chutaa chejaname mar chiaraname sũkiñʉã cuache
choomanejʉ̃ʉ, Dios neenare repana chiapʉãna Repaʉ mami
chʉkʉna tocha pinisirʉmʉjatʉka.”
\p
\v 4 Ũcuarʉmʉ chʉo ijache ikachete asasikʉamʉ chʉʉ:
“Repana chiapʉãna Dios mami tochacojñosina peore ciento cuarenta
y cuatro milrepanaame. Aperʉmʉ paisikʉ Israel mamachĩi
docerepana jojosinaame repana.
\v 5 Ijanʉkoame repana, Dios mami repana chiapʉãna
tochacojñosina:
\q Judá jojosina doce milrepanaame.
\q Rubén jojosina doce milrepanaame.
\q Gad jojosina doce milrepanaame.
\q
\v 6 Aser jojosina doce milrepanaame.
\q Neftalí jojosina doce milrepanaame.
\q Manasés jojosina doce milrepanaame.
\q
\v 7 Simeón jojosina doce milrepanaame.
\q Leví jojosina doce milrepanaame.
\q Isacar jojosina doce milrepanaame.
\q
\v 8 Zabulón jojosina doce milrepanaame.
\q José jojosina doce milrepanaame.
\q Benjamín jojosina doce milrepanaame,
\m repana chiapʉãre Dios mami paana”, chiichete asasikʉamʉ
chʉʉ.
\s Pãi jainʉko pojakãña juina paichete kʉamʉ
\p
\v 9 Jãajañe ikache asacuhasirʉmʉ ñakʉ pãi siachejña
canapi tĩichʉochia cutunapi teeʉjẽe kuẽkuecuanʉko Dios
ñuisaivʉname Ovejachĩijaiʉ Jesucristo paicheja tijñeñe
painani ñasikʉamʉ chʉʉ. Kãña pojakãñapi ʉjacueñoãre
juijʉ pũtijoo cãjisinaame repana.
\v 10 Ũcuarʉmʉ ijache ikajʉ ʉjachʉopi cuisinaame repana:
“Maire Paakʉ, ñuisaivʉ Ñuikʉ Dioname Ovejachĩijaiʉ
Jesucristo chẽa paame maire, reojache paijʉ vati toana
saimaneajʉ chini”, chiisinaame.
\v 11-12 Jãa chooto ángeles ũcuanʉko Dios ñuisaivʉname
ainaname vajʉpãi ũcuakachapana paicheja rũhisokoro
nʉkasinaame. Nʉkasinapi repasaivʉ tijñeñe rore pʉʉ sime
ñuijʉ Dioni pojojʉ ijache ikasinaame repana:
\q ¡Jãajañe paaʉ!
\q Maire Paakʉte Diore siarʉmʉ reojache ijache ikajʉ pojojʉ
pañu mai:
\q “Rʉa reokʉmʉ mʉʉ.
\q Peore masikʉmʉ.
\q Peore reojache chookaikʉjekʉna mʉʉre, Reorepamʉ”,
chiinaame chʉkʉna.
\q Mʉʉre cuasajʉ vajʉchʉnaame chʉkʉna.
\q Peore chʉ̃ʉkʉmʉ mʉʉ.
\q Mʉʉ choora chiiche peore choomasikʉmʉ mʉʉ.
\q ¡Jãajañe paaʉ!
\m chiisinaame repana.
\p
\v 13 Ũcuarʉmʉ aina, teeʉ ijache sẽesikʉamʉ chʉʉre:
\p —‍¿Ina pojakãña juina jeejanaañe? ¿Jeechejapi ina rate?
—‍chiisikʉamʉ.
\v 14 Chikʉna, chʉʉ,
\p —‍Masimʉ mʉʉ —‍chiisikʉamʉ.
Chikʉna repaʉ ai ijache ikasikʉamʉ chʉʉre:
\p —‍Pãi
ũcuanʉkore rʉa cuache tijñerʉmʉ paisinatani Diore cuasache
ũhasõmanesinajejʉ Ovejachĩijaiʉ Jesucristo chiepi kãña meno
peokãña choasõñejañe repana rekoñoã cuache choosie
tʉnosõcojñosinajejʉ reojache paime ina.
\v 15 Jãajañe painajejʉ Dios paichejare chʉ̃ʉkʉ ñuisaivʉ
tijñeñete paijʉ umucujñaname ñami Repaʉte chooche
chookaijʉ paime repana. Dios ñuisaivʉ Ñuikʉji repanare oiʉ
cuache tijñeñe ʉ̃sekaijamʉ.
\v 16-17 Ũcuachia Dios ñuisaivʉ tijñeñe Paikʉji
Ovejachĩijaiʉ Jesucristoji repanare oveja kuirakʉ choochejache
repanare kuirajamʉ. Jãajekʉna repanare joe ãucuhamanejamʉ.
Ũcuachia joe sʉmavana paimanejanaame repana, Dioname
Jesucristo jãajañe chookatena. Ũcuachia joe okoʉamanejamʉ
repanare. Ʉ̃sʉʉ asuche joe uujʉ phãphamanejanaame repana
—‍chiisikʉamʉ repaʉ.
\c 8
\s Jenasimajña cuhacho camaka vatosiename pachokurirorova
maña pairorova paichete kʉamʉ
\p
\v 1 Ũcuarʉmʉ Ovejachĩijaiʉ Jesucristoji utijaokorovʉ
jenasimajña cuhacho camakare vatoʉna cʉnaʉmʉ Dios paicheja
media hora ikamacheja paisikʉamʉ.
\v 2 Jãajañe choocuhasirʉmʉ ángelevanare sieterepanare Dios
chʉ̃ʉkʉ ñuisaivʉ tijñeñe nʉkanani ñasikʉamʉ chʉʉ.
Nʉkajʉ trompetavʉã teevʉãchia ĩsicojñosinaame repana.
\v 3-4 Ũcuachia chekʉre ángelte pachokuri cʉnarorova cãjikʉ
rani mesakoa maña ʉokoa pachokuri choosikoa tijñeñena
canʉkaʉna ñasikʉamʉ chʉʉ. Canʉka nʉkakʉ vitomaña
rʉa ĩsicojñosikʉamʉ repaʉ, ũcuakoana repa mañare tʉo
ʉokʉna vitomañapi uukʉ piko mʉiʉna Dios neena Repaʉte
sẽeñe maña pikoname Dios paichejana mʉisikʉamʉ.
\v 5 Ũcuarʉmʉ repaʉ ángel mesakoa paitoa toa mini
reparorovana timuñe maña chejana pãi paichejana tõsikʉamʉ.
Tõʉna cheja fenekʉ rʉa asoche curukʉ pirusikʉamʉ.
\s Trompetavʉãame
\p
\v 6 Jãajañe chookʉna repana ángeles sieterepana
trompetavʉã paana juhipirasinaame.
\p
\v 7 Ũcuarʉmʉ ángel teeʉ charo repaʉ trompetavʉ
juhisikʉamʉ. Jukʉna oko rũhicaãpi toaname chie jamesicaãpi
chejana tuãtuasikʉamʉ. Tuãtuaʉna chejaname sũki
joopojakãko uusõsikʉamʉ. Tachatani peore uusõsikʉamʉ.
\p
\v 8 Ũcuarʉmʉ joe chekʉpi ángelpi repaʉ trompetavʉte
jukʉna, aikũtijamakapi uumakare mar chiarana sua rʉoʉna repara
chiara joopojakãko chie carũnisõsikʉamʉ.
\v 9 Chie carũkʉna repara chiara paivana ũcuachia jainʉko
jũnisõsinaame. Barcovʉã ũcuachia repara kuisivʉã joopo
ñañasõsikʉamʉ.
\p
\v 10 Jãa choocuhaʉna joe chekʉ ángelpi repaʉ trompetavʉte
jukʉna ʉjamajñoko cʉnaʉmʉpi ʉopʉjache ñoʉ uukʉ tuãiʉ
puchu chiañaãjẽe joopo oko punijẽe joopo tuãtuasikʉamʉ.
\v 11 Repaʉ majñoko tuãisiñaã chiañaã paichename oko puni
oko kajache carũnisõsikʉamʉ. Jãajañe okopi kajaiʉna
pãi jainʉko ũku jũnisõsinaame. Repaʉ majñoko mami,
“Kajacheame”.
\p
\v 12 Jãajañe choocuhasirʉmʉ joe chekʉpi ángelpi repaʉ
trompetavʉte jukʉna ʉ̃sʉʉ miañe joopo chachasõʉna
chijaisikʉamʉ. Pãimiaʉ ũcuachia miañe joopo chachasõ
miamanesikʉamʉ. Majñokovana ũcuachia joopo miamanesinaame.
Jãajañe choocojño ʉ̃sʉʉ umucuse ũcuakachapahora
miamanesikʉamʉ. Pãimiaʉname majñoko ũcuachia
ũcuakachapahora ñami miamanesinaame.
\p
\v 13 Jãa choocuhaʉna joe ñakʉ tao cʉnaʉmʉre cãva kuiʉ
ʉjachʉopi cuikʉ ijache ikakʉni asasikʉamʉ chʉʉ:
“¡Rʉa cuache! ¡Rʉa cuache! Chekʉna ángeles chotena repana
trompetavʉã chutaa juhimanapi jutu rʉa cuache tijñejamʉ
pãi cheja painare”, chiiʉ cuisikʉamʉ repaʉ.
\c 9
\p
\v 1 Jãajañe choocuhasirʉmʉ joe chekʉ ángelpi repaʉ
trompetavʉte jukʉna majñokote cʉnaʉmʉpi chejana tuãiʉna
ñasikʉamʉ chʉʉ. Tuãni llavemakare vati paicoje
tʉsojamakare ĩsicojñosikʉamʉ repaʉ.
\v 2 Repamaka koo ũcuamakapi repacoje jaosie tʉso vataʉna
ũcuacoje sanavʉji piko toa ʉjatoa uukʉ rʉa piko mʉiñejañe
mʉisikʉamʉ. Pikopi rʉarepa mʉiʉna ʉ̃sʉʉname cʉnaʉmʉ
tapisõsikʉamʉ.
\v 3 Jãajañe chookʉna pũsuvana piko sanavʉji eta chejana
cajesinaame. Caje paijʉ punivana totachejache totamasiche
jokacojñosinaame repana pũsu.
\v 4 Repanare jãajañe choomasiche jokasikʉ ijache chiiʉ
chʉ̃ʉ jokasikʉamʉ: “Uchaname sũki cuache choomanejʉ̃ʉ
mʉsanʉkona. Pãitani repana chiapʉãre Dios mami tochasie
peonarechia cuache choojʉ̃ʉ.
\v 5 Cincorepapãimia pãire asi choojʉ paijʉ̃ʉ. Jãatani
repanare asi choo vẽasõmanejʉ̃ʉ”, chiisikʉamʉ repaʉ.
Chikʉna repana pũsu punirepa totajʉ asi choochejache pãire
asi choosinaame.
\p
\v 6 Jãajañe choojʉna pãi choo jũnisõñu chini siache
choonatani chooteesinaame. Jũnisõʉanaretani jũiñe
tĩamanesikʉamʉ repanare.
\p
\v 7 Repana pũsuvana kavacho pãi vai saipirajʉ
carevacojñosivanajañe ñosinaame chʉʉre. Sĩjore
pachokurivʉãjañe tuhivʉã tuhisinaame repana. Chiña pãi
chiñajañe paasinaame repana.
\v 8 Ũcuachia raña romi rañapaãjañe paanapi cõji chai
cõjijañe paasinaame repana.
\v 9 Repana ãcapʉã sõtaopãi asi choocojñoñete cuhejʉ
cʉnakãña tʉ̃iñejañe tʉ̃isinaame repana. Ũcuachia repana
kuechaka pãuñe, carrosai kavacho jñajñusaipi pãi vai saijʉ
vʉvʉjʉna asochejache asosikʉamʉ.
\v 10 Repana puni jĩkoñoãjañe paache cincorepapãimiachia
pãire asi chooreosikʉamʉ repanare.
\v 11 Repanare pũsuvanare chʉ̃ʉkʉ ángel chekʉnare repacoje
painare ũcuachia chʉ̃ʉkʉmʉ. Repaʉ mami “Abadón” chiimʉ
hebreo chʉo. Griego chʉotani “Apolión” chiimʉ repaʉ
mami.
\p
\v 12 Charo tijñeñe cua, choo caranicuhasikʉamʉ. Jãatani
chutaa kachañoã joe cuache tijñejañe karamʉ.
\p
\v 13 Ũcuarʉmʉ joe chekʉpi ángelpi repaʉ trompetavʉte
jukʉna Diore tijñeñe rʉ̃ikoa Repaʉte ĩsimajñarʉã maña
tʉo ʉokoa pachokurikoacasẽña echosẽña
ũcuakachapasẽña nʉkachejñapi chʉo ikache asasikʉamʉ
chʉʉ.
\v 14 Repa chʉo ikakʉ ángelte trompetavʉ juhisikʉre ijache
ikasikʉamʉ: “Angeles ũcuakachapanare chẽa Eufrates ʉjacha
chiacha rʉtʉvana quẽo sʉocojñosivanare jose etojaijʉ̃ʉ”,
chiisikʉamʉ.
\v 15 Chikʉna repaʉ ángel asa sani repanare jose etosikʉamʉ,
pãi jainʉkore jñanu vanisõajʉ chini. Repana jãajañe
choojarʉmʉ aperʉmʉna careva jokaasomʉ Dios, repa horaname
repa umucusename repa ʉ̃sʉrʉmʉ.
\v 16 Ũcuarʉmʉ chʉʉ ángelevanare jose etosirʉmʉ repanare
jame chookaijanare sõtaopãi kavacho tuhinare kuẽkuesinʉko
ijache ikachete asasikʉamʉ: “Sõtaopãi, kavacho tuhina
doscientos millonerepanaame”, chiichete.
\p
\v 17 Dios ñoñete chʉʉ ñato repana kavacho tuhina ijache
paasinaame: Repana ãcapʉã asi choocojñoñete cuhejʉ
cʉnakãña tʉ̃isinaame repana. Chekʉna maajakãñare
tʉ̃isinaame. Chekʉna rasojakãñare, chekʉna pachojakãñare
tʉ̃isinaame. Kavachovana ũcuachia repana sĩjo león chai
sĩjojañe paasinaame. Repana chʉopoãpi toñaname pikoname
azufre rʉa cuasʉcheji etasikʉamʉ.
\v 18 Kavacho repana chʉopoã etacheji chotemajñapi cuacheji
pãi jainʉkore vanisõsinaame toñaname pikoname azufre rʉa
cuasʉcheji.
\v 19 Repana chʉopoã etachename repana jĩkoñoãpi pãi
vanisõsinaame. Repana jĩkoñoã aña sĩjojañere paajʉ
ũcuañoãpi pãi kũku vẽasõsinaame repana.
\p
\v 20 Jãatani pãi chekʉna vanisõcojñomanesina repana cuache
choojʉ paiche ũcua ũhamanesinaame. Ũcuachia vatire pojoche
ũhamanesinaame. Ũcuachia rupʉ tʉ̃osivanare, “Dioamʉ
ikʉ”, chiicojñovanare pojoche ũcua ũhamanesinaame repana.
Repana tʉ̃osivana pachokuripi choosivanaame. Chekʉrʉmʉ
pokuripi chekʉrʉmʉ pachocʉnapi chekʉrʉmʉ catapi chekʉrʉmʉ
sũkipi choocojñosivanaame repana. Cãjo paame repavana.
Jãatani asamanaame. Ñakocaã paame. Jãatani ñamanaame.
Ũcuachia cũa paame. Jãatani kuimame.
\v 21 Ũcuachia repana vanisõcojñomanesina repana pãi vanisõñe
chaina choochename repanare paimanare romi jame kãijʉ
ũcuaʉanare jame kãiñename põse ñaañe ũcua
ũhasõmanesinaame repana.
\c 10
\s Angel utijaokororʉ chʉo tochasikororʉ paakʉ choosiere
kʉamʉ
\p
\v 1 Jãajañe choocuhasirʉmʉ joe chekʉre ángelte rʉa
masiʉji cʉnaʉmʉpi piko sanavʉji cajekʉna ñasikʉamʉ
chʉʉ. Repaʉ sĩjopʉ sẽsevʉte mañarekovʉ tuhiʉ
cajesikʉamʉ repaʉ. Repaʉ chia ʉ̃sʉʉ miañejañe
kosijaisikʉamʉ; cũa toajache paasikʉamʉ.
\v 2 Utijaokororʉ korasikororʉte cãjikʉ caje, repaʉ
ʉjacũapʉji mar chiarana tumukʉ kãkocũapʉte chejana tumu
canʉkasikʉamʉ repaʉ.
\v 3 Canʉka nʉkakʉ león chai rʉa asoche oichejache rʉa cuikʉ
ikasikʉamʉ repaʉ. Cuikʉ ikacuhaʉna oko curuchejache rʉa
asoche ikana sieterepana repana chʉopi ikasinaame.
\v 4 Jãajañe ikarena asa repana ikasie utijaovana
tochapirasikʉamʉ chʉʉ. Tochapirakʉji cʉnaʉmʉpi chʉo
ijache ikachete asasikʉamʉ chʉʉ: “Mʉʉ asasie
chekʉnare kʉamanejʉ̃ʉ; ũcuachia tochamanejʉ̃ʉ repa”,
chiichete.
\p
\v 5 Ũcuarʉmʉ repaʉ ángel chʉʉ ñasikʉ mar chiaraname
cheja tumu nʉkakʉ repaʉ ʉjajʉ̃tʉ cʉnaʉmʉna mʉñe
ñʉosikʉamʉ.
\v 6 Ñʉo nʉkakʉ cʉnaʉmʉname chejaname mar chiaraname
repachejña paimajñarʉã siache choosikʉ Dios Siarʉmʉ
Paikʉ mamire veokʉ ijache ikasikʉamʉ repaʉ: “Dios
ñakʉte ijache ikamʉ chʉʉ: Repaʉ choora chiiche naa
jeerʉmʉ chaache peojamʉ maire, chiimʉ chʉʉ”, chiisikʉamʉ
repaʉ.
\v 7 Angeles seirepana trompetavʉã junicuharena joe chekʉ
juhipiratona Dios Repaʉ, “Choojamʉ chiisie”, Repaʉchia
masichete choojamʉ. Aperʉmʉ Dios Repaʉ chʉo kʉanarechia
kʉaasomʉ jãa.
\p
\v 8 Ũcuarʉmʉ cʉnaʉmʉpi ikakʉna chʉʉ asasikʉ joe
ijache ikasikʉamʉ chʉʉre: “Angelte mar chiaraname cheja
tumu nʉkakʉ cãjikororʉ korasikororʉ sẽni koojaijʉ̃ʉ”,
chiisikʉamʉ.
\v 9 Chikʉna asa sani, “Utijaokororʉ chʉʉni ĩsijʉ̃ʉ”,
chiisikʉamʉ chʉʉ repaʉte. Chikʉna chʉʉre ijache
ikasikʉamʉ repaʉ: “Jaʉ. Jʉma; koo ãnisõjʉ̃ʉ ikororʉ.
Ikororʉ ãnisõru mʉʉ chʉopo pũjijañe sãijachʉopo
paijamʉ mʉʉre. Jãatani repakororʉ ãni rʉ̃osirʉmʉ mʉʉ
cʉtarotani kajacʉtaro paijamʉ mʉʉre”, chiisikʉamʉ repaʉ
chʉʉre.
\p
\v 10 Chikʉna, “Jaʉ”, chini repakororʉ ĩsiʉna koo
ãnisõsikʉamʉ chʉʉ. Ãnisõʉna chʉʉ chʉopo pũjijañe
sãijachʉopo paisikʉamʉ. Jãatani repakororʉ ãni
rʉ̃osirʉmʉ chʉʉ cʉtaro kajacʉtarochia
carũnisõsikʉamʉ.
\v 11 Ãni pinisirʉmʉ joe chʉo ikache asasikʉamʉ chʉʉ,
ijache chiichete: “Dios, ‘Ijache choojamʉ’, chiisie pãire
joe kʉakʉ paijʉ̃ʉ, Repaʉ, ‘Siavãjʉpãi siachejña
painare pãi siache chʉo cutunaname pãi chʉ̃ʉnare ijache
choojamʉ chʉʉ’, chiisiere”.
\c 11
\s Dios chʉo kʉajana Repaʉ saocojñojana choojachere kʉamʉ
\p
\v 1 Ũcuarʉmʉ Dios chʉʉre vãsocho cuasa ñajaño ĩsikʉ ijache ikasikʉamʉ chʉʉre: “Ichopi chʉʉ vʉere repa ãcapʉname repacuecho cuasa ñajaijʉ̃ʉ mʉʉ. Ũcuachia repavʉe paikoa chʉʉre ĩsimajñarʉã tʉo ʉokoare cuasa ñakʉ, chʉʉre pojoñu chini repavʉe chii painare kuẽkue ñajʉ̃ʉ. \fig temple|HK00245B.TIF|span||Horace Knowles|Dios vʉe|Ap 11.1\fig*
\v 2 Repavʉe vese cararipʉtani cuasa ñamanejʉ̃ʉ. Chʉʉre cuhenare jokasiraripʉme jãararipʉ. Naa paisirʉmʉ repana chʉʉre cuhena rani chʉʉ neejoopo Jerusalén vʉejoopo ñañosõ repajoopo canare chẽa paajʉ cuarenta y dorepapãimia cuache choojʉ paijanaame.
\v 3 Reparʉmʉ chʉʉ chʉo kʉajanare teekachapanare saojamʉ chʉʉ, sani pãire chʉʉ chʉore kʉajʉ paapʉ chini. Kãña vãkiniokãñare juijʉ chʉʉ, ‘Kʉajʉ̃ʉ’, chiisiere mil doscientos sesentarepaumucujña kʉajʉ paijanaame repana”, chiisikʉamʉ Repaʉ chʉʉre.
\p
\v 4 Repana Dios chʉo kʉajana Repaʉ peore chʉ̃ʉkʉ tijñeñe nʉkañʉã olivo sũkiñʉã teekachapañʉãjañeame. Ũcuachia ʉoñoã paisaivʉã teekachapasaivʉã Dios tijñeñe paisaivʉãjañeame repana.
\v 5 Pãi repanare cuhenapi cuache chooñu chiito repana chʉopoãpi toa eto repanare peore ʉosõjanaame. Pãi ũcuaʉana repanare cuache chooñu chiina, jãajañechia ũcuanʉko jũijanaame.
\v 6 Ũcuachia repana Dios chʉo kʉarʉmʉchia okopi ramaneakʉ chini repanare chʉ̃ʉ jokaʉato chʉ̃ʉmasijanaame repana. Ũcuachia chiañaãname chiaraã chie carʉñoʉato chʉ̃ʉmasijanaame repana. Ũcuachia repanani chejaname cheja painani siache cuache chooʉato choomasijanaame repana. Repa cuache choochete repanani teechochia chekʉrʉmʉ rʉarepañoã chooʉato choomasijanaame repana.
\p
\v 7 Repana Dios chʉo kʉa pinisirʉmʉ cuarepache cuakʉ vati paicojepi mʉni eta repanare cavakʉ cajejani vanisõjamʉ.
\v 8 Vanisõʉna ʉjavʉejoopo callejoovʉãre ũhijanaame repavana. Aperʉmʉ ũcuajoopona pãi maire Paakʉte Jesucristote kurususẽverona jẽjo vẽasõsinaame. Jãajekʉna pãi repajoopo canare ñajʉ ikani, “Sodoma vʉejoopo paisinaname Egipto cheja paisina paichejache cuache painaame jãana”, chiinaame.
\v 9 Chuenisõ choteumucujña joe chekʉumucuse joopo ũcuachejña ũhivanani pãi siachejña cananame siavãjʉpãiname siache chʉo cutuna rani ñajanaame repavanare. Repavanani cuhejʉ repavanare tãñetani ʉ̃sejanaame repana.
\v 10 Pãi cheja paina repanapi Dios chʉore pai sʉmañe kʉajʉna asacuhejʉ perujʉ cuhejanaame repanare. Jãajekʉna repana chuenisõsiere asani rʉa pojojʉ fiesta choojʉ põse sãiñechia rupʉ ĩsijanaame repana.
\v 11 Jãatani choteumucujña joe chekʉumucuse joopo paisirʉmʉna chuenisõsivanatani Diopi vasoʉna vajʉrani joe vʉni nʉkajanaame repana. Vajʉrani nʉkajʉna repanare ñasina ũcuanʉko rʉa kʉkʉsõjanaame.
\v 12 Ũcuarʉmʉ repana Dios chʉo kʉajavana vajʉrani nʉkajʉ cʉnaʉmʉpi chʉo ʉjachʉopi repanare ikache ijache chiichete asajanaame: “Ichejana mʉijʉ̃ʉ”, chiichete. Jãajañe ikaʉna asa repanare cuhena ñajʉte piko sanavʉji cʉnaʉmʉna mʉnisõjanaame repana.
\v 13 Repana mʉnisõrʉmʉ ũcuateerʉmʉ cheja teana rʉa pirujamʉ. Pirukʉna repajoopo paivʉña teevʉña ñaña tajñosõjamʉ. Jãajañe chooʉna pãi siete milrepana jũnisõjanaame. Jãatani chekʉna jũimanejana vajʉchʉjʉ rʉa kʉkʉsõsinapi, “Dios Cʉnaʉmʉ Paikʉ peore Masiʉmʉ”, chiijanaame.
\p
\v 14 Jãajañe kachañoã cuache tijñecuhasirʉmʉ joe chekʉcho, cuache tijñejañe tĩapirajamʉ.
\s Trompetavʉ cuhacho juhisivʉre ikamʉ
\p
\v 15 Ũcuarʉmʉ chʉʉ joe chekʉpi ángelpi cuhacho juhikʉji repaʉ trompetavʉte jukʉna chʉo rʉa ʉjachʉo cʉnaʉmʉpi ijache ikachete asasikʉamʉ:
\q Maire Paakʉ Dios Repaʉ cheja Raosikʉ Cristoname pãi cheja painare ũcuanʉkore
\q cuhamañe siarʉmʉ chʉ̃ʉkʉ paijamʉ,
\m chiisikʉamʉ.
\v 16 Ũcuarʉmʉ aina veinticuatrorepana Diore tijñeñe repana ñuisaivʉã ñuisinapi vʉni meñe sime ñuijʉ Dioni pojojʉ,
\v 17 ijache ikasinaame:
\q Dios Chʉkʉnate Paakʉ, peore Masiʉmʉ mʉʉ.
\q Irʉmʉjẽe paiʉ cheja chutaa choomarʉmʉjẽe paikʉmʉ mʉʉ.
\q Mʉʉpi pãi ũcuanʉkore mʉʉ peore masicheji chʉ̃ʉpirakʉna, “Reorepamʉ”, chiime chʉkʉna mʉʉre.
\q
\v 18 Pãi siachejña paina mʉʉre cuhejʉ peruna paime.
\q Chura mʉʉ repanare sãiñe perurʉmʉ tĩacuhamʉ.
\q Ũcuachia mʉʉ pãi jũnisõsina repana chutaa vajʉrʉmʉ paijʉ choosie roi peore roichete chʉ̃ʉkʉ,
\q mʉʉre chookaijʉ mʉʉ chʉo kʉasinaname
\q mʉʉre cuasajʉ vajʉchʉnare masinaname
\q vesʉvanare ũcuanʉkore reojache ĩsijaumucuse tĩacuhamʉ.
\q Chekʉnare vanisõsinaretani cuache choojamʉ mʉʉ,
\m chiisinaame repana.
\p
\v 19 Ũcuarʉmʉ Dios vʉe cʉnaʉmʉ paivʉe jatisaaroji vataʉna, repavʉe sanavʉ cavʉ cãjovʉ Dios, “Ijache chooñu”, chiisie tochasie paivʉ ñasikʉamʉ chʉʉ. Reparʉmʉ fenekʉ rʉa asoche curukʉ, oko rũhicaã cʉnaʉmʉpi tuãtuakʉna cheja pirusikʉamʉ.
\c 12
\s Romio paichename vati ai añajaiʉ paichete kʉamʉ
\p
\v 1 Ũcuarʉmʉ cʉnaʉmʉ Diopi ñavajʉchʉachete ñokʉna
romiote kãña ʉ̃sʉʉ miañejañe kosijakãña juikoji pãimiaʉ
sẽsevʉte tumu nʉkakoni ñasikʉamʉ chʉʉ. Ũcuachia repao
sĩjopʉ majñoko docerepana paivʉte tuhivʉ tuhisikoamo
repao.
\v 2 Chĩipʉ sʉikojeko repao chĩivaʉre jñaarʉmʉ tĩaʉna
pirasõ asikʉna rʉa oio cuiko paisikoamo repao.
\v 3 Jãa ñacuhasirʉmʉ cʉnaʉmʉpi joe chekere ñokʉna ñakʉ
vati aire añajaiʉni rʉa ʉjaʉji maajaiʉni ñasikʉamʉ
chʉʉ. Sĩjo sieterepasĩjo paakʉji tuhivʉã repasĩjo paiche
sieterepavʉã tuhikʉji echosẽña dierepasẽña paasikʉamʉ
repaʉ.
\v 4 Repaʉ jĩkochoji cʉnaʉmʉ sʉinare majñoko joopojakãko
echo chejana rueni tojñosikʉamʉ repaʉ. Jãajañe choocuha
romio chĩipirasiko tijñeñete paiʉ chaasikʉamʉ repaʉ,
repaoji chĩivaʉni cajaona ãnisõkasa chini.
\v 5 Ũcuarʉmʉ repao romio chĩivaʉre ʉmʉvaʉni
jñaasikoamo, repaʉte cuhenare cajejani pãi ũcuanʉkore
chʉ̃ʉjavaʉre. Jãatani repavaʉre chĩivaʉre jñaaona
Diopi tʉa cʉnaʉmʉna Repaʉ chʉ̃ʉkʉ ñuisaivʉ rʉ̃icheja
tijñeñena mʉasikʉamʉ.
\v 6 Jãa chooto pʉkako Dios repaote carevakaisichejana pãi
peochejana vʉvʉ katisõsikoamo. Vʉvʉ kati paiona Dios
repaote mil doscientos sesentarepaumucujña ãu kuirakʉ
paisikʉamʉ.
\p
\v 7 Ũcuarʉmʉ cʉnaʉmʉ paina cavasinaame. Angel, Miguel repaʉ
neena ángelename añajaiʉni cavasinaame. Añajaiʉ ũcuachia
repaʉ neena ángelename sãiñe ũcuanʉkore cavasinaame.
\v 8 Jãatani añajaiʉte repaʉ neenaname chekʉnare cava
cajejaicuasikʉamʉ. Jãarʉmʉpi vʉa Dios repanare Repaʉ
paicheja paiche ʉ̃sesikʉamʉ.
\v 9 Jãajekʉna Dios repaʉte añajaiʉte cua chʉ̃ʉmasi
aire ángeles repaʉ neenaname cʉnaʉmʉ paichete ʉ̃sekʉ eto
chejana raosikʉamʉ. Repaʉ añajaiʉ kachamajña mami veemʉ,
“Vati ainame Satanás”. Repaʉ vati ai mamarʉmʉpi vʉa pãi
siachejña painare reojachere ʉ̃sekʉ cacʉora chini jorekʉ
paikʉmʉ. Jãajañe chookʉjekʉna vati ai repaʉ neena
ángelename cʉnaʉmʉ eto chejana raocojñosikʉamʉ.
\p
\v 10 Ũcuarʉmʉ chʉo ikache cʉnaʉmʉpi ʉjachʉo ijache
ikachete asasikʉamʉ chʉʉ:
\q Vati ai, Diore cuasanani reojachere ʉ̃sekʉ cacʉora chini
\q umucusename ñami Dioni kerekʉ Repaʉte cuasanani cuache ikakʉ
paimʉ.
\q Repaʉte cuasanare jãajañe ikakʉte Dios chejana eto
raosikʉamʉ.
\q Jãajañe choosikʉ Dios Repaʉ neenare Repaʉ paichejana
sajamʉ, ai sani paapʉ chini.
\q Ũcuachia Repaʉ peore masiche choo ñokʉmʉ Repaʉ.
\q Ũcuachia pãi ũcuanʉko Repaʉ chʉ̃ʉñe choojʉ
paijanaame.
\q
\v 11 Chekʉna Diore cuasana, “Ovejachĩijaiʉ Jesucristo mai
cuache choochete jũni roikaisikʉamʉ.
\q Ũcuachia Dios chʉo ũcuarepaame”, chiijʉ cuasanajejʉ vati
ai chʉ̃ʉñe choomame repana.
\q Ũcuachia Diore cuasanajejʉna, “Pãi maire vanisõjanaame”,
chini masinatani
\q jũiñejẽe vajʉchʉmañe Repaʉte cuasache ũhasõmañe
ũcua cuasajʉ painaame.
\q
\v 12 Jãajekʉna mʉsanʉkona cʉnaʉmʉ paina ũcuanʉko pojojʉ
paijʉ̃ʉ.
\q Jãatani mʉsanʉkonare cheja painaname mar chiara painare
rʉa cuache tijñejamʉ.
\q Vati ai repaʉ chooche ai ʉ̃sejarʉmʉpi tĩapirakʉna masikʉ
mʉsanʉkonani cuache choora chini rʉa perukʉ cajesikʉamʉ,
\m chiichete asasikʉamʉ chʉʉ.
\p
\v 13 Ũcuarʉmʉ añajaiʉ chejana repaʉ eto raocojñosirʉmʉ
chĩivaʉre jñaasikoni romioni cuache choora chini
kuesikʉamʉ.
\v 14 Jãatani repao romio tao kuechaka rʉa ʉjakare
teekachapaka ĩsicojñosikoamo, pãi peochejana Dios repaote
carevakaisichejana cãva kuio sani paao chini. Ĩsiʉna koo cãva
kuio sani tĩa paiona choteʉ̃sʉrʉmʉ joe chekʉʉ̃sʉrʉmʉ
joopo ãu kuirakʉ repaote añajaiʉ cuache chooche
ʉ̃sekaisikʉamʉ Dios.
\v 15 Ũcuarʉmʉ añajaiʉ repaʉ chʉopoji chiachajache oko
etosikʉamʉ repaoni rʉ̃o vẽasõra chini.
\v 16 Jãatani cheja repaoni chookaiʉ pãi chʉopo
chaachejache rũhicoje vata añajaiʉ raosie oko sanavʉna
cuaosõsikʉamʉ.
\v 17 Chejapi jãajañe chooʉna añajaiʉ naa rʉa perukʉ
repaote romiote joka chekʉnani repao mamachĩire Dios
chʉ̃ʉñe choojʉ Jesús paiche ũcuarepa kʉachʉo
ũhamanesinani ũcuanʉkore cavara chini sanisõsikʉamʉ.
\c 13
\s Cuarepache cuana teekachapana choosiere kʉamʉ
\p
\v 1 Ũcuarʉmʉ chʉʉ mar chiara rʉtʉvate nʉkasikʉamʉ.
Nʉkakʉ cuarepache cuakʉte sĩjo sieterepasĩjo paakʉji
echosẽña dierepasẽña paakʉni mar chiaraji etaʉna
ñasikʉamʉ chʉʉ. Repasẽña paiche tuhivʉã tuhikʉji repaʉ
sĩjore mami tochasie, Diore cuache ikachete paasikʉamʉ
repaʉ.
\v 2 Repaʉ cuakʉ chʉʉ ñasikʉ tochachaijaiʉji cũa mie
cũajañe paakʉji repaʉ chʉopo león chai chʉopojache
paasikʉamʉ. Jãajaiʉni añajaiʉ repaʉ choomasichete
jokakʉ repaʉ chʉ̃ʉkʉ ñuisaivʉte jokasikʉamʉ
repaʉte, ũcuasaivʉte ñuiʉ pãire chʉ̃ʉkʉ paaʉ chini.
\v 3 Repaʉ cuarepache cuakʉ sĩjo teesĩjopʉ asimaka
jũnisõmaka paisĩjopʉjache paasikʉamʉ. Jãajañe
ʉjamakapi jajusiere ña rʉa cuasajʉ pãi siachejña paina
ũcuanʉko pojojʉ jovosinaame repaʉte.
\v 4 Añajaiʉte cuarepache cuakʉte pãi chʉ̃ʉñe
jokasikʉjekʉna rore pʉʉ pojosinaame repana. Repaʉte
cuarepache cuakʉte ũcuachia pojojʉ, “Ikʉ choochejache
choomasina peome. Ũcuachia ikʉre cavajʉ cajejaimasina peome”,
chiisinaame repana.
\p
\v 5 Reparʉmʉ cuarepache cuakʉ Diopi ʉ̃semaʉna repaʉ meñe
rʉa reojache ikachename Dios asacuheche ikache
jokacojñosikʉamʉ. Ũcuachia cuarenta y dorepapãimia cuache
choomasiche jokacojñosikʉamʉ repaʉ.
\v 6 Ũcuarʉmʉ Dioni cuache ikakʉ Repaʉ asacuhechete ikakʉ
cʉnaʉmʉ paivʉere Repaʉ vʉere cuache ikakʉ Repaʉ neenare
cʉnaʉmʉ painare ũcuachia cuache ikasikʉamʉ repaʉ.
\v 7 Ũcuachia Diopi Repaʉ neenani ʉ̃semaʉna cavakʉ
cajejaisikʉamʉ repaʉ. Ũcuachia Repaʉji ʉ̃semaʉna
siavãjʉpãiname siache chʉo cutunaname siachejña painare
chʉ̃ʉñe jokacojñosikʉamʉ repaʉ.
\v 8 Pãi ũcuanʉko cuache choosiere jũni roikasa chini
chuenisõsikʉ Jesucristo Ovejachĩijaiʉ utijaophʉrona repana
mami tochacojñomanesina ũcuanʉko cheja siacheja paina pãi
pojojʉ rore ñuijʉ pojosinaame repaʉte cuarepache
cuakʉte. Aperʉmʉ cheja chutaa choomarʉmʉ Dios Repaʉname
paijana mami ũcuaphʉrona tocha jokaasomʉ.
\p
\v 9 Pãi ie chʉo asa chẽaʉana ũcuanʉko asa chẽajʉ̃ʉ:
\q
\v 10 Mʉsanʉkonare Jesucristote cuasanare pãi chẽavʉena chẽa
cuaosina naa paisirʉmʉ ũcuajache chẽa cuaocojñojanaame.
\q Ũcuachia pãi mʉsanʉkonare Jesucristote cuasanare pãi
vaivatipi vanisõsina naa paisirʉmʉ ũcuajache pãi vaivatipi
chuenisõjanaame.
\m Dioni cuasajʉ mai jãajañe cuache choocojñojañe
masinatani koka paajʉ Repaʉte cuasache ũhasõmañe, “Dios
maire rʉa reojache chookaikʉmʉ”, chiijʉ cuasajʉ pañu.
\p
\v 11 Jãa ñacuhasirʉmʉ chekʉre cuarepache cuakʉte cheja
sanavʉji etaʉna ñasikʉamʉ chʉʉ. Echosẽña ovejachĩi
echosẽñajañe teekachapasẽña paakʉtani añajaiʉ
ikachejache ikasikʉamʉ repaʉ.
\v 12 Ũcuachia charo raisikʉ cuarepache cuakʉ pãi
chʉ̃ʉñejañe pãi siacheja painare chʉ̃ʉsikʉamʉ repaʉ
choje raisikʉ cuakʉ. Reparʉmʉ pãipi repaʉni charo
raisikʉni cuakʉni asimaka vasocojñosikʉni pojoajʉ chini
chʉ̃ʉsikʉamʉ repaʉ, choje raisikʉ.
\v 13 Ũcuachia Diopi ʉ̃semaʉna Repaʉchia choomasichejache
siache chookʉ pãi ñajʉte cʉnaʉmʉpi chejana toa tuãiñe
choosikʉamʉ repaʉ.
\v 14 Reparʉmʉ Diopi Repaʉchia choomasichete choo ʉ̃semaʉna
choje raisikʉ cuakʉ, charo raisikʉ ñakʉte Diochia
choomasichejachere chooʉna ña cheja paina ũcuanʉko repaʉ jorekʉ
chookʉ ikache asa jachamañe cuasasinaame. Ũcuachia repaʉ
repanare, asimaka jũnisõmaka pãi vaivati tẽosimaka sĩjopʉte
sʉiʉ vasocojñosikʉjavaʉre tʉ̃o nʉko pojoajʉ chini
chʉ̃ʉsikʉamʉ repaʉ.
\v 15 Jãajañe chʉ̃ʉʉna asa charo raisikʉ cuakʉjaiʉte
tʉ̃o pinirena repaʉni Diopi ʉ̃semaʉna repaʉ chʉopoqueepi
tutu juju repana tʉ̃osivaʉre vajʉche choosikʉamʉ repaʉ,
ũcuavaʉpi chʉo ikakʉ repaʉte pojomanani vanisõñete
chʉ̃ʉakʉ chini.
\v 16 Ũcuachia pãi ũcuanʉkore pãi chʉ̃ʉnaname
chʉ̃ʉmanare, kurinaname chʉovana painare, chẽa
paacojñonaname chẽacojñomanare, repana ʉjajʉ̃jñana
jãapãani repana chiapʉãna repaʉ mamire tochacojñoajʉ chini
chʉ̃ʉsikʉamʉ repaʉ.
\v 17 Jãajekʉna pãi repaʉ mamijẽe repaʉ númerojẽe
tochacojñomanesinare põse koochename põse ĩsiche ʉ̃sesikʉamʉ
repaʉ.
\p
\v 18 Repaʉ cuakʉ número paiche masiñu chiinare rʉa
kuẽkueche chiimʉ. Repa número paichete cuasa kuẽkue ñato pãiʉ
mamire kʉamʉ. Repa número ieame: seiscientos sesenta y seis.
\c 14
\s Pãi ciento cuarenta y cuatro milrepana ujasiere kʉamʉ
\p
\v 1 Ũcuarʉmʉ chʉʉ Ovejachĩijaiʉte Jesucristote Sión aikũti nʉkakʉni ñasikʉamʉ. Ũcuaʉname pãi ciento cuarenta y cuatro milrepana repana chiapʉãre Repaʉ maminame Pʉkakʉ mami tochacojñosina nʉkasinaame.
\v 2 Jãa ñacuhasirʉmʉ cʉnaʉmʉpi ijache ikachʉo asasikʉamʉ chʉʉ: Oko chãiʉ asochejache asosikʉamʉ repachʉo. Ũcuachia okopi rʉarepa curukʉ asochejachename pãipi jairepanʉko arpavʉãre choojʉna asochejache asosikʉamʉ chʉʉre repachʉo. \fig 144,000 with angels and lamb|911.tif|span|REV 14.1-5|Chafil Cheucarama| |Ap 14.3\fig*
\v 3 Ũcuachia repana pãi Dios chʉ̃ʉkʉ ñuisaivʉname Repaʉ tijñeñe paina vajʉpãi ũcuakachapana paichejaname aina paicheja tijñeñete paijʉ uja mamare ujajʉ paisinaame. Repana ujache uja teeʉterejẽe asa chẽa ujacuache paisikʉamʉ. Jesucristo vati toare saimaneajʉ chini chẽa paacojñona ciento cuarenta y cuatro milrepanachia ujamasisinaame repa.
\v 4 Cheja repana pairʉmʉ romi ũcuaʉanare jame kãimañe reojachechia paisinajejʉ chura Ovejachĩijaiʉ Jesucristoname paijʉ Ũcuaʉ chʉ̃ʉñete siarʉmʉ choojʉ paime repana. Aperʉmʉ Diore cuasamanare jame paisinaame repana. Jãatani Dios repanare paara chini Repaʉ Mamakʉname charo chẽaasomʉ.
\v 5 Ũcuachia jmamakarʉjẽe joremaneasome. Ũcuachia repana rekoñoã Diopi ñato cuachejẽe peoasome repana.
\s Angeles chotena rani kʉasiere ikamʉ
\p
\v 6-7 Jãajañe choocuhasirʉmʉ ángelte cʉnaʉmʉ chenevʉji cãva kuiʉ cheja painani pãi ũcuanʉkore siavãjʉpãiname siache chʉo cutunaname siachejña painare, Jesucristote cuasache chʉvachʉore kʉakʉ ʉjachʉopi pãire ijache ikakʉni ñasikʉamʉ chʉʉ:
\p —‍Diore vajʉchʉjʉ reojachere Repaʉte ikajʉ paijʉ̃ʉ mʉsanʉkona, pãi ũcuanʉko choosie Repaʉ ñarʉmʉ tĩapirakʉna. Ũcuaʉji cʉnaʉmʉname chejaname mar chiaraname oko puni siachejña painare choosikʉamʉ. Jãajekʉna Repaʉni cuasajʉ, “Peore Masiʉmʉ mʉʉ”, chiijʉ pojojʉ̃ʉ —‍chiisikʉamʉ repaʉ ángel. \fig angel in mid-air|912.tif|span||Chafil Cheucarama| |Ap 14.6-7\fig*
\p
\v 8 Jãajañe ikacuhaʉna chekʉ ángel rani ijache ikasikʉamʉ:
\p —‍Babilonia ʉjavʉejoopo ñañasõcuhasikʉamʉ, repana cuache choosie roi. Repajoopo paisina cuache choojʉ paichete chekʉchejña cana ũcuanʉko ña chẽa repana choochejache cuache choojʉ paisinaame —‍chiisikʉamʉ.
\v 9-10 Jãajañe ikacuhaʉna joe chekʉ ángel rani ʉjachʉopi ijache ikasikʉamʉ:
\p —‍Cheja sanavʉ etasikʉre cuarepache cuakʉte repaʉjavaʉre tʉ̃osikʉname pojojʉ repana chiapʉãna jãapãani repana jʉ̃jña repaʉ cuakʉ mami tochacojñosinare ũcuanʉkore rʉa perukʉ cuache chʉ̃ʉjamʉ Dios. Repaʉji chʉ̃ʉʉna vati toa azufre vʉochejache cuasʉche uutoana sani Dios neena ángelename Repaʉ Mamakʉ Ovejachĩijaiʉ ñajʉte rʉa chʉovana ai uujʉ paijanaame repana.
\v 11 Repa toapi chachamañe ai uukʉ paiʉna piko siarʉmʉ mʉiʉ paijamʉ. Ũcuachia cuarepache cuakʉname ũcuaʉjaiʉ tʉ̃osivaʉre pojojʉ repaʉ mami tochacojñosinare repa toare siarʉmʉ uujʉna asiche cuhamañepi paijamʉ —‍chiisikʉamʉ.
\p
\v 12 Dios neenatani Repaʉni cuasajʉna repanare cuache tijñejañe masinatani Dios chʉ̃ʉsiere choojʉ reojache paijʉ Jesucristote cuasache ũhasõmañe koka paajʉ ũcua cuasajʉ paijanaame.
\p
\v 13 Ũcuarʉmʉ cʉnaʉmʉpi chʉo ijache ikachete asasikʉamʉ chʉʉ:
\p —‍Iere tochajʉ̃ʉ mʉʉ: “Dios neena Repaʉte cuasache ũhamana irʉmʉpi vʉa jũnisõna rʉa pojojʉ paijanaame” —‍chiichete. Chikʉna Dios Rekocho ijache ikasikʉamʉ:
\p —‍Ũcuarepaame jãa. Repana jũnisõsirʉmʉ repanare cuache tijñesie joe tijñemanejamʉ. Repaʉ paichejana satena repana reojache choojʉ paisiere cuasa roijamʉ Dios repanare —‍chiisikʉamʉ.
\s Trigoname ʉchechacharʉã tʉa chiichejache Dios Repaʉte cuasamanare chii cuache chʉ̃ʉjañere kʉamʉ
\p
\v 14 Jãajañe choocuhasirʉmʉ joe ñakʉ pojachere piko ñasikʉamʉ chʉʉ. Piko sẽsevʉte pãire jame paaʉ chini Dios Raosikʉ ñuisikʉamʉ. Repaʉ sĩjopʉ pachokurivʉte tuhivʉ tuhiʉ vati jʉ̃jʉsʉche cʉtosivatire cãjikʉ ñuisikʉamʉ repaʉ.
\v 15 Ũcuarʉmʉ ángel chekʉ Dios vʉepi eta piko sẽsevʉ ñuikʉte ʉjachʉopi ijache ikasikʉamʉ: “Trigo tʉarʉmʉ paichejache pairʉmʉ tĩacuhamʉ. Mʉʉ vati mini trigo tʉa chiichejache choojʉ̃ʉ”, chiisikʉamʉ.
\v 16 Jãajañe ikaʉna asa piko sẽsevʉ ñuikʉ repaʉ vati mini trigo tʉa chiichejache cheja painare choosikʉamʉ.
\p
\v 17 Ũcuarʉmʉ ángel chekʉ joe Dios vʉepi cʉnaʉmʉ paivʉepi vati ũcuajache jʉ̃jʉsʉche cʉtosivatire cãjikʉ etasikʉamʉ. \fig grape clusters|HK00112B.TIF|col|REV 14.14-20|Horace Knowles|Pĩsi ʉcheame.|Ap 14.17\fig*
\v 18 Reparʉmʉ ángel chekʉ Diore ĩsimajñarʉã ʉotoa kuirache chʉ̃ʉkʉ tʉo ʉokoa rʉ̃ichejapi eta vati jʉ̃jʉsʉvati cãjikʉte ʉjachʉopi ijache ikasikʉamʉ:
\p —‍Ʉche chajisõcuhasikʉamʉ. Chejana caje mʉʉ vati jʉ̃jʉsʉvatipi ʉchechacharʉã chʉto tʉtemejʉ̃ʉ —‍chiisikʉamʉ repaʉ.
\v 19 Chikʉna caje ʉchechacharʉã cheja paiche repaʉ vatipi chʉto tʉte pini chii ʉche chaca chachovʉna mañasikʉamʉ repaʉ. Dios Repaʉte cuasamanesinare ũcuajache ʉchechacharʉã tʉa chiisiejache chii rʉa cuache choojamʉ.
\v 20 Reparʉmʉ ʉche chacavʉji vʉejoopo jãachojere paiʉna ʉchechacharʉã etua ũcuavʉna maña chaca chachojʉna ʉche okoraka repavʉ vʉevʉ cacojepi eta chiacha meañejañe chie soona measikʉamʉ, trescientos kilómetros repa soo. Repa chieraka rʉa rʉisikʉamʉ.
\c 15
\s Pãi cuache choosiere roiajʉ chini Dios chʉ̃ʉsie
cuache sieterepamajña chookaina ángeles cuhacho choosiere
kʉamʉ
\p
\v 1 Ũcuarʉmʉ cʉnaʉmʉ Diopi joe chekere ñavajʉchʉachete
ñokʉna ñakʉ ángeles sieterepanare pãipi repana cuache
choosie roire roiajʉ chini Dios perukʉ chʉ̃ʉsie cuache
sieterepamajña cuhacho choojamajña chookaijanare ñasikʉamʉ
chʉʉ.
\p
\v 2 Ũcuarʉmʉ chiara joicʉnajañe etajaiche ñorate
ñasikʉamʉ chʉʉ. Repara sanavʉ toa paisikʉamʉ.
Ũcuachia repara rʉtʉvate cuarepache cuakʉte cuhejʉ
ũcuaʉjaiʉte tʉ̃osivaʉrejẽe pojocuhejʉ repaʉ maminame
repaʉ númerojẽe tochacojñomanesina Dios ĩsisivʉãre arpavʉã
cãjijʉ nʉkasinaame.
\v 3 Reparʉmʉ repana Dioni pojojʉ ujajʉ aperʉmʉ Dios
chʉ̃ʉñe chookaisikʉ Moisés ujasiere uja ujajʉ Jesucristo
Ovejachĩijaiʉ ujasie ũcuachia ujasinaame, ijachere:
\q Dios, Chʉkʉnate Paakʉ peore choomasikʉmʉ mʉʉ.
\q Mʉʉ masikʉ chooche ña jñanosõme chʉkʉna.
\q Rʉa reojache chookʉjekʉ peore ũcuarepa chookʉ pãi
siachejña painare chʉ̃ʉkʉmʉ mʉʉ.
\q
\v 4 Mʉʉchiaamʉ reokʉ.
\q Jãajekʉna mʉʉre vajʉchʉnaame
chʉkʉna.
\q “Peore masikʉmʉ”, chiinaame chʉkʉna mʉʉre.
\q Mʉʉ reojache chookʉ paichete ña pãi, siachejña
paina mʉʉ tijñeñena rani rore pʉʉ ñuijʉ pojojanaame
mʉʉre,
\m chiijʉ ujasinaame repana.
\p
\v 5 Repana ujacuhasirʉmʉ cʉnaʉmʉ paivʉe Dios vʉe
jatisaaroji vataʉna repavʉe caruupʉ Dios chʉ̃ʉsie
tochasikoña catakoña pairuupʉ ñasikʉamʉ chʉʉ.
\v 6 Ũcuarʉmʉ repana ángeles sieterepana ũcuavʉe sanavʉji
etasinaame Dios chʉ̃ʉsie cuache sieterepamajñarʉã
chookaijana. Lino kãña meno peokãñapi kosijakãñare juijʉ
ãcapʉãre pachokurimeã tʉ̃isinaame repana.
\v 7 Ũcuarʉmʉ vajʉpãi ũcuakachapana teeʉ repanare ángeles
sieterepanare teeʉte teerorochia coparoro pachokurirorore
Dios Siarʉmʉ Paikʉ pãire cuache choora chini chʉ̃ʉsie
timuñe mañasirorore ĩsisikʉamʉ.
\v 8 Reparoro ĩsicuhasirʉmʉ Dios vʉe sanavʉ peore piko rʉa
paisikʉamʉ, Repaʉji miañejañe Kosijaiʉji peore Masikʉji
paiʉna. Repaʉ chʉ̃ʉsie cuache sieterepamajña ángeles choo
pinikaichetʉka pãi teeʉterejẽe kakacuasikʉamʉ
repavʉe.
\c 16
\s Coparoro pãire cuache choora chini Dios chʉ̃ʉsie mañasiroroquee ñañesiere kʉamʉ
\p
\v 1 Ũcuarʉmʉ Dios vʉe sanavʉji chʉo ʉjachʉopi ángeles sieterepanani ijache ikachete asasikʉamʉ chʉʉ: “Mʉsanʉkona cãjiroro pãire cuache choora chini Dios perukʉ chʉ̃ʉsie mañasiroro chejana ñañejaijʉ̃ʉ”, chiichete.
\p
\v 2 Jãajañe ikaʉna ángel teeʉ repaʉ cãjirorova paimajñarʉã chejana peore ñatojaisikʉamʉ. Repaʉ ñatojaisirʉmʉ pãi cuarepache cuakʉ mami tochacojño ũcuaʉjaiʉte tʉ̃osijavaʉre pojonare ũcuanʉkore cuaasi rʉa asicheji etaʉna rʉa chʉovana paisinaame.
\p
\v 3 Jãajañe choocuhaʉna ángel chekʉ repaʉ cãjirorova paimajñarʉã peore mar chiarana ñatosikʉamʉ. Ñatoʉna mar chiaraquee oko jũnisõsikʉ chiejache carũhisikʉamʉ. Jãajañe chooʉna vaivana repara paivana peore jũnisõsinaame. \fig angel pouring out judgement on water|916.tif|span|REV 16.3-4|Cafil Cheucarama| |Ap 16.3\fig*
\p
\v 4 Jãajañe choocuhaʉna joe chekʉ ángel repaʉ cãjirorova paimajñarʉã peore chiañaãname oko punire ñatoʉna repachejñaquee oko peore chie carũnisõsikʉamʉ.
\v 5 Jãa choosiere ñacuha ángel chiañaã kuirakʉ Diore ijache ikachete asasikʉamʉ chʉʉ:
\q Dios, rʉa reokʉmʉ mʉʉ.
\q Irʉmʉjẽe paiʉ chutaa cheja choomarʉmʉjẽe paikʉmʉ mʉʉ.
\q Pãire cuache chookʉ iñaã chiañaã paiche oko chie carũnisõñe chʉ̃ʉkʉ ũcuarepa choomʉ mʉʉ.
\q
\v 6 Ũcuanapi mʉʉ chʉo kʉavanare vanisõasome mʉʉ neenare chekʉnare ũcuachia.
\q Chura repana chuenisõsivana raosiere chiere ña perukʉ ũcuavana chiere ũkuamʉ mʉʉ repanare vanisõsinare.
\q Repana roiame jãa,
\m chiichete.
\p
\v 7 Ũcuarʉmʉ Diore ĩsimajñarʉã tʉo ʉokoa sanavʉji chʉo ijache chiichete asasikʉamʉ chʉʉ: “Pãi Ũcuanʉkore Paakʉ, peore masikʉmʉ mʉʉ. Pãi ũcuanʉko choojʉ paisiere ña cuasakʉ cuache chʉ̃ʉkʉ rũhiñe choomʉ mʉʉ repanare”, chiichete.
\p
\v 8 Ũcuarʉmʉ ángel joe chekʉ repaʉ cãjirorova paimajñarʉã peore ʉ̃sʉʉni ñatosikʉamʉ. Ñatoʉna Dios ʉ̃sʉʉte naa rʉa asuakʉ chini chʉ̃ʉsikʉamʉ, pãipi uuajʉ chini.
\v 9 Ʉ̃sʉʉji jãajañe chooʉna pãi ũcuanʉko repana canivʉã rʉa uusinaame. Rʉa cuache choocojñonatani repana cuache chooche ũcua ũhasõmañe paijʉ repanare cuache tijñeñe chʉ̃ʉkʉte Diore, “Peore masikʉmʉ mʉʉ”, chiimañe Repaʉte rʉa cuache ikasinaame repana.
\p
\v 10 Ũcuarʉmʉ ángel joe chekʉpi cuarepache cuakʉ chʉ̃ʉkʉ ñuisaivʉna repaʉ cãjirorova paimajñarʉãre ñatoʉna repaʉ chʉ̃ʉcojñona paichejña peore chijachejñachia carũnisõʉna repachejña paina asire eto asikʉna repana chemeñoãna meñe kũkujʉ oisinaame.
\v 11 Jãajañe rʉa cuache choocojñonatani repana cuache chooche ũcua ũhasõmañe paijʉ repanani asipi rʉarepajekʉ canivʉãpi asikʉna Diore Cʉnaʉmʉ Paikʉte rʉa cuache ikasinaame repana.
\p
\v 12 Ũcuarʉmʉ ángel joe chekʉpi repaʉ cãjirorova paimajñarʉã Eufrates ʉjachiachana ñatoʉna peore repacha veasõsikʉamʉ. Jãajañe choosikʉamʉ ángel, repacha chekʉkãko painare chʉ̃ʉnapi pãi vaiche chooto, jẽeñeji vesamañe paaʉ chini.
\p
\v 13 Ũcuarʉmʉ añajaiʉ chʉoponame cuarepache cuakʉ chʉoponame, “Dios chʉo kʉakʉmʉ chʉʉ”, chiiʉ joreʉ chʉopoji jojojanapi vati chotena etajʉna ñasikʉamʉ chʉʉ.
\v 14 Repana vati Diopi ʉ̃semaʉna Repaʉchia choomasichejache choosinaame. Ũcuachia pãi chʉ̃ʉnani ũcuanʉkore soni rao chiiñu chini cheja siachejña kuisinaame repana, chiirena repanapi sãiñechia cavajʉ pãi vaichete chooajʉ chini. Repana sãiñechia vaiumucusena, Dios Peore Masiʉ cuarepache cuakʉte cavakʉ cajejaijamʉ.
\p
\v 15-16 Ũcuarʉmʉ repana vati chotenapi pãi chʉ̃ʉnare soni chiisinaame. Repana chiisicheja mami “Armagedón” veemʉ hebreo chʉo. Aperʉmʉ Jesucristo ijache ikasikʉamʉ: “Asarepajʉ̃ʉ. Ñaaʉ cuasomarʉmʉna raichejache raijamʉ chʉʉ, pãi chʉʉ raijache cuasamarʉmʉna. Kãa peonajañe paijʉ vajʉchʉmaneñu chini chʉʉni chaajʉ kãña carevachejache repana rekoñoãre carevajʉ reojache paina chʉʉre ña vajʉchʉmañe tijña pojojanaame”, chiisikʉamʉ.
\p
\v 17 Ũcuarʉmʉ ángel joe chekʉpi repaʉ cãjirorova paimajñarʉãre tutuna ñatoʉna Dios vʉe cʉnaʉmʉ paivʉe sanavʉji Repaʉ chʉ̃ʉkʉ ñuisaivʉ rʉ̃ichejapi chʉo ʉjachʉopi ijache ikachete asasikʉamʉ chʉʉ, “Choo pinicuhasieame”, chiichete.
\v 18 Ũcuarʉmʉ cheja fenekʉ rʉa asoche curukʉ rʉa pirusikʉamʉ. Aperʉmʉ rʉa pirusie naa jãachoje rʉa ñʉkuecheji pirusikʉamʉ cheja reparʉmʉ.
\v 19 Chejapi rʉarepa pirukʉna Babilonia ʉjavʉejoopo joni chotejoopoã vatasikʉamʉ. Chekʉjoopoã siachejña paijoopoã ũcuachia peore ñañasõsikʉamʉ. Reparʉmʉ Dios ʉjavʉejoopo paina cuache choosiere cuasa perukʉ repanare cuache choosikʉamʉ, repana cuache choosie roi.
\v 20 Jãajañe chooʉna juupoãname aikũjña peocheja siasõsikʉamʉ.
\v 21 Reparʉmʉ cʉnaʉmʉpi oko rʉa ʉjapʉãpi pãi tuãtua vẽasõsikʉamʉ. Repa okopʉã teepʉ cuarenta kilos naa rʉa rʉkʉpʉã paniasomʉ. Jãajañe repanani rʉarepa cuarepacheji tijñekʉna ña pãi, “Dios choocheme ie”, chini naa rʉa cuache ikasinaame Repaʉte.
\c 17
\s Sĩuromiote siache cuache chookote Dios cuache
chʉ̃ʉjañere kʉamʉ
\p
\v 1 Ũcuarʉmʉ repana ángeles coparorovaã cãjisina teeʉ rani
ikasikʉamʉ chʉʉre. “Raijʉ̃ʉ. Mʉʉni chiañaã
sẽsevʉã ñuikote sĩuromiote siache cuache chookote Dios
cuache choojachere ñora.
\v 2 Pãi chʉ̃ʉna cheja paina repao cuache chooko paichete
ña chẽa repao choochejache cuache choojʉ paime. Pãi
chekʉchejña cana ũcuachia Repao cuache chooko paichete ña
chẽa repao choochejache cuache choojʉ painaame”,
chiisikʉamʉ repaʉ chʉʉre.
\p
\v 3 Jãajañe ikacuha Dios Rekochoji chʉ̃ʉʉna repaʉ ángel
chʉʉre pãi peochejana sasõsikʉamʉ. Saʉna repaote
cuarepache cuakʉte maajaiʉte tuhikoni ñasikʉamʉ chʉʉ.
Repaʉ canivʉ Diore cuache ikachʉore siacacanivʉ tochasie
paakʉji repaʉ sĩjo sieterepasĩjore echosẽña dierepasẽña
paasikʉamʉ repaʉ.
\v 4 Repaʉte tuhiko romio kãa reojakãare juisikoamo,
rasojachename maajañe paikãare. Ũcuakãare pachokuri
catarakarʉã kosijarakarʉã rʉa roirakarʉãname cheke
perlarakarʉã sʉisikʉamʉ. Ũcuachia coparorova
pachokurirorovate cãjisikoamo repao. Reparorova sanavʉte
repao cuache chooko paisie Dios ñacuhecheji paisikʉamʉ.
\v 5 Ũcuachia repao chiapʉte mami tochasie pãijẽe vesʉche
ijache ikacheji sʉisikʉamʉ: “Pãi chʉʉre ikani
Babilonia ʉjavʉejoopote veonaame. Cuache chooche aijekona
chekʉna chʉʉ cuache chooko paichete ña chẽa ũcuajache
choojʉ painaame”, chiiche.
\v 6 Jãajañe repaoni masirepa ñato rʉa pojoko paisikoamo,
Dios neena Jesuni cuasajʉ Repaʉ paiche kʉanare vanisõñe
chʉ̃ʉsikojeko. Jãajañe paikoni ña jñanosikʉamʉ
chʉʉ.
\p
\v 7 Ũcuarʉmʉ ángel chʉʉre ikasikʉamʉ. “¿Jese
paiʉna mʉʉ jñanoʉ? Repao paichename repao tuhikʉ sĩjo
sieterepasĩjore echosẽña dierepasẽña paakʉ paiche
chekʉnajẽe vesʉchete mʉʉni kʉara.
\v 8 Repaʉ mʉʉ ñasikʉ cuakʉ aperʉmʉ paisikʉamʉ.
Chura peomʉ repaʉ. Jãatani vati paicojepi mʉijamʉ repaʉ.
Mʉni cuache choosinare cuache choochejana saocojñojamʉ
repaʉ. Dios aperʉmʉ cheja choomarʉmʉna Repaʉ neena mami
utijaophʉrona tochaasomʉ. Jãajekʉna pãi repaphʉro mami
tochacojñomanesina cuarepache cuakʉji aperʉmʉ paisikʉpi
irʉmʉ peokʉtani joe raiʉna ña kʉkʉsõjanaame.
\p
\v 9 ’Chʉʉ ikache asamasiñu chiinapi asamasijanaame ie: Repaʉ
cuarepache cuakʉ sĩjo sieterepasĩjo aikũjña sieterepakũjña
romio ũcuateerʉmʉ ñuikũjñajañeame. Ũcuachia pãi
chʉ̃ʉna sieterepanajañeame repa sĩjo.
\v 10 Repana pãi chʉ̃ʉna cincorepana jũnisõsinaame. Chura
chekʉ chʉ̃ʉkʉ paimʉ. Joe chekʉtani chutaa raimamʉ. Repaʉ
raisirʉmʉ jmamakarʉchia chʉ̃ʉkʉ paijamʉ.
\v 11 Repaʉ cuarepache cuakʉ aperʉmʉ paisikʉpi irʉmʉ
peokʉji pãi chʉ̃ʉnare sieterepanare jame paiʉ
chʉ̃ʉsikʉpi repana chʉ̃ʉcuhasirʉmʉ teeʉ joe
chʉ̃ʉjamʉ. Repaʉ joe rani chʉ̃ʉrʉmʉ jũnisõ Diopi
chʉ̃ʉʉna Repaʉte cuhena uutoana sani uukʉ paijamʉ repaʉ.
\p
\v 12 ’Ũcuachia echosẽña dierepasẽña mʉʉ ñasisẽña
pãi chʉ̃ʉjana dierepana chutaa chʉ̃ʉmanajañeame. Naa
paisirʉmʉ repana pãi chʉ̃ʉñe teehorachia
jokacojñojanaame. Reparʉmʉ cuarepache cuakʉname
chʉ̃ʉjanaame repana.
\v 13 Repana pãi chʉ̃ʉjana dierepana ũcuatee cuasajʉ
cuarepache cuakʉji pãi ũcuanʉkore teeʉ chʉ̃ʉakʉ chini
jokajanaame.
\v 14 Reparʉmʉ repana ũcuanʉko Jesucristote Ovejachĩijaiʉni
cavajanaame. Jãatani Repaʉji pãire chẽa paakʉna Repaʉte
cuasache ũhamañe paijʉ reojache painaname cavakʉ
cajejaijamʉ repanare. Peore Masiʉjekʉ pãi chʉ̃ʉna Aiamʉ
Repaʉ”, chiisikʉamʉ ángel chʉʉre.
\p
\v 15 Ũcuarʉmʉ repaʉ ángel chʉʉre joe ikasikʉamʉ.
“Chiañaã sĩuromio siache cuache chooko repañaã
sẽsevʉãre ñuiona mʉʉ ñasiñaã pãi siachejña cananame
siavãjʉpãiname siache chʉo cutunajañeame.
\v 16 Reparʉmʉ echosẽña dierepasẽñajañe paina pãi
chʉ̃ʉna cuarepache cuakʉname repaote sĩuromiote cuhejʉ
kãña peoote repao nee peore tʉasõ repao canivʉquee vai ãijʉ
juja ʉosõjanaame.
\v 17 Repana pãi chʉ̃ʉna dierepana, Diopi repanani Repaʉ
chiichete chooʉache cuasajʉ chooajʉ chini jokaʉna ũcuatee
cuasajʉ cuarepache cuakʉji repana chʉ̃ʉñejañe teeʉ
pãire chʉ̃ʉakʉ chini repaʉte cuakʉte pãi chʉ̃ʉñe
jokajanaame, Dios ikasie peore choo piniñejatʉka chʉ̃ʉkʉ
paaʉ chini.
\v 18 Repao romio mʉʉ ñasiko ʉjavʉejoopo Babilonia
vʉejoopojacheame. Repajoopo painare chʉ̃ʉna chekʉchejña
siachejña painare pãi chʉ̃ʉnare chʉ̃ʉnaame”,
chiisikʉamʉ ángel chʉʉre.
\c 18
\s Babilonia vʉejoopo ñañasõsiere kʉamʉ
\p
\v 1 Jãa choocuhasirʉmʉ chekʉre ángelte rʉa masiʉji cʉnaʉmʉpi cajekʉna ñasikʉamʉ chʉʉ. Repaʉ kosijaicheji cheja rʉa miasikʉamʉ.
\v 2 Caje ʉjachʉopi ijache ikasikʉamʉ repaʉ:
\q ¡Babilonia ʉjavʉejoopo ñañasõcuhasikʉamʉ! ¡Ñañasõcuhasikʉamʉ!
\q Repajoopo paisicheja vatichia rʉa jainʉko paime.
\q Pĩa pãi ãicojñomananame chekʉna cuana peore siache paime repacheja.
\q
\v 3 Repajoopo cana choosiere ña chẽa pãi siachejña paina ũcuanʉko repana choosiejache rʉa cuache choojʉ paime.
\q Ũcuachia repajoopo canare chʉ̃ʉsina siache cuache choosiere ña chẽa
\q chekʉchejña canare chʉ̃ʉna ũcuajache siache cuache choojʉ paime.
\q Ũcuachia repajoopo canapi põsere siache koojʉna chekʉchejña cana repanare põse ĩsisina rʉa kurinaame,
\m chiisikʉamʉ.
\p
\v 4 Ũcuarʉmʉ joe cheke chʉo cʉnaʉmʉpi ijache ikachete asasikʉamʉ chʉʉ, repajoopo chutaa ñañamarʉmʉ Dios ikasie:
\q Repajoopo Babilonia vʉejoopo paina chʉʉ neena ũcuanʉko etajʉ̃ʉ, repajoopo cana choochejache cuache choomaneñu chini,
\q ũcuachia repanare cuache choochejache cuache choocojñomaneñu chini.
\q
\v 5 Ũcuajoopo canapi rʉarepa cuache choojʉna ñakʉ
\q repana cuache chooche cavesʉmañe cuasakʉ paimʉ chʉʉ.
\q
\v 6 Repajoopo cana chekʉnare choochejache cuache choojʉ̃ʉ repanare.
\q Repana cuache choosie roi roiajʉ chini naa rʉa cuache choojʉ̃ʉ repanare.
\q Ũcuachia repana chekʉnani cacʉoñu chini cono rʉa vẽañete ũkuajʉ naa rʉa vẽañe jame ũkuachejache naa rʉa cuache choojʉ̃ʉ repanare.
\q
\v 7 Ũcuachia, “Peore masinaame chʉkʉna”, chiijʉ tĩiñe choojʉ rʉa põse paanaame repana.
\q Jãajekʉna repana põse paachejanʉko cuache choojʉ̃ʉ repanare, chʉovana paapʉ chini.
\q Ijache cuasanaame repana:
\q “Chʉovana paimanajejʉ pãi ũcuanʉkore chʉ̃ʉnajejʉna cuache tijñemanejamʉ chʉkʉnate”, chiinaame repana.
\q
\v 8 Jãajañe cuasajʉ painajejʉna ũcuateeumucuse ũcuanʉkore rʉa siache cuache tijñejamʉ repanare.
\q Chekʉna jũnisõjanaame. Chekʉna repanani cuache tijñeʉna chʉovana paijanaame.
\q Chekʉna ãiñete peojʉ ãucuhavana paijanaame.
\q Repajoopo ũcuachia peore uusõjamʉ, chʉʉpi Pãi Ũcuanʉkore Paakʉji peore Masiʉji chʉ̃ʉʉna,
\m chiisikʉamʉ Dios.
\p
\v 9 Repajooponame repajoopo canare uusõkʉ piko mʉiñete ñani pãi chʉ̃ʉna siachejña paina repajoopo cana choochejache cuache choojʉ paina sʉmañe cuasajʉ ota oijanaame.
\v 10 Repajoopo cana cuache choocojñoñete ña kʉkʉcajejanisõ soopi ñajʉ oijʉ ʉjachʉopi cuijʉ ijache ikajanaame repana:
\q ¡Rʉa cuache! ¡Rʉa cuache!
\q ¡Babilonia ʉjavʉejoopo cana teana cuache choocojñosinaame!
\m chiijanaame.
\p
\v 11 Ũcuachia repajoopo paisinare põse ĩsisina, repajoopo paisinapi cuache choosie roire choosõ peojʉna, ña cuasajʉ ota oijʉ ijache ikajanaame: “¿Chura neepi mai kuhache põse koojanaañe:
\v 12 pachokuri, pokuri, kosicatarakarʉãname perlarakarʉã rʉa roirakarʉã, rʉa roikãña lino kãñaname seda kãña maajakãñaname chimaajakãña chookoña siache reojache vʉokoña, pachocʉna choosimajñarʉãname cʉnarepa choosimajñarʉã, pocata choosimajñarʉã
\v 13 mañarajñaname suiriche, cheke maña ʉoche mirra mañaname vitomaña, ʉche cono, uchapee, harina rʉa menajañe ãusiename trigo, cuavanare põse veovanare, ovejavanare, kavachovana, carrosai kavacho jñajñusai, pãi chekʉnare rupʉ chooche chookainare? ¿Neepi koojanaañe?”, chini cuasajʉ oijanaame repana pãi.
\v 14 Jãajañe cuasajʉ repajoopo paisinare ijache ikajanaame repana:
\q ¡Chura, mʉsanʉkona siache karamañe paajʉ rʉa chiijʉ paasie põse joe paamanejañere ai choosõsinaame mʉsanʉkona!
\m chiijanaame.
\p
\v 15 Ũcuachia põsemajñarʉã ĩsisina repajoopo paisina cuache choocojñoñete ña, vajʉchʉjʉ soopi ñajʉ nʉkajʉ ota oijanaame.
\v 16 Ijache ikajʉ oijanaame repana:
\q ¡Rʉa cuache! ¡Rʉa cuache!
\q ¡Ʉjavʉejoopo paisivana, rʉa chʉovanaame!
\q Lino kãña rʉa roikãñare maajakãñaname chimaajakãña pachokuriname kosicatarakarʉãname perlarakarʉã rʉa roirakarʉã sʉikãñare siarʉmʉ juijʉ paisinaame repana.
\q
\v 17 Cuamajñarʉã repana paasie teana rʉa nami siasõsikʉamʉ,
\m chiijanaame repana.
\p Reparʉmʉ ʉjavʉã choo chiacha kuivʉã kuina, repavʉã chooche chookainaname repanare chʉ̃ʉna, mar chiaraji kuijʉ põse ĩsina ũcuajache repajoopo uukʉ piko mʉiñe soopi nʉkajʉ ñajanaame.
\v 18 Uukʉ piko mʉiñete soopi nʉkajʉ ñajʉ, “Babilonia ʉjavʉejoopo paichejache paijoopojẽe peomʉ chekʉjoopoã”, chiijanaame.
\v 19 Chini sʉmañe cuasajʉ oijʉ repana sĩjona chaopoãpi meñe chuchujʉ ota oijʉ ijache ikajanaame repana:
\q ¡Rʉa cuache! ¡Rʉa cuache!
\q Ʉjavʉejoopo paisinare rʉa cuache tijñesikʉamʉ.
\q Pãi ʉjavʉã choo paana mar chiaraji kuijʉ repajoopo paisinani põsere ĩsijʉ ũcuanʉko kurina carũhisinaame.
\q Jãatani repajoopo teana uusõsikʉamʉ, repajoopo paisina peore.
\q
\v 20 Ũcuachia cʉnaʉmʉ paina, repajoopo uusõsiere ña pojojʉ̃ʉ.
\q Mʉsanʉkona Dios neena ũcuajache repajoopo canani ña pojojʉ̃ʉ, Repaʉ chʉore chʉvaajʉ chini saosinaname Repaʉ chʉo kʉana.
\q Dios repajoopo cana repana mʉsanʉkonare cuache choosie roire roiajʉ chini choomʉ,
\m chiijanaame.
\p
\v 21 Ũcuarʉmʉ ángel rʉa masiʉji ʉjacʉnapʉ ãu toapʉjaipʉte mini ijache ikakʉ mar chiarana sua rʉosikʉamʉ:
\q Babilonia ʉjavʉejoopo ipʉ sua rʉocojñoñejañe cuache choocojñomʉ.
\q Jãajañe choocojñoʉna pãi repajoopo jmamakarʉjẽe joe ñamanejanaame.
\q
\v 22 Ũcuachia repajoopo callejoovʉã choojʉna asosie arpavʉãname phĩcovʉãname trompetavʉã choojʉ ujajʉna asosie jmamakarʉjẽe joe asomanejamʉ. \fig harpes|HK061C.tif|span||Horace Knowles|Arpavʉãame.|Ap 18.22\fig*
\q Repajoopo chooche choona ũcuachia teeʉjẽe paimanejanaame.
\q Ũcuachia cʉnapʉãpi toajʉna asosie jmamakarʉjẽe joe asomanejamʉ.
\q
\v 23 Ũcuachia repajoopo ʉoñoã paisisaivʉã teesaivʉjẽe joe miamanejamʉ.
\q Ũcuachia repajoopo paisina romire vejajʉ pojojʉ fiesta choojʉna asosie jmamakarʉjẽe joe asomanejamʉ.
\q Ũcuachia repajoopo paijʉ põse ĩsisina paipãi paisinaame.
\q Ũcuachia repajoopo paisinapi chekʉchejña canare chai choojʉ jorejʉ cacʉojʉ paisinaame.
\q
\v 24 Ũcuachia repajoopo paisinapi Dios chʉo kʉananame chekʉnare Repaʉ neenare rʉa jainʉkore vanisõsinaame.
\q Ũcuajoopo paisinachia chekʉchejña paisivanare vanisõsinaame,
\m chiisikʉamʉ repaʉ ángel.
\c 19
\p
\v 1 Jãajañe asacuhasirʉmʉ cʉnaʉmʉpi pãi jainʉko cuijʉ
ijache ikachete asasikʉamʉ chʉʉ:
\q Dioni cuasajʉ, “Rʉa reokʉmʉ mʉʉ. Peore masikʉmʉ”,
chiijʉ reojachere ikajʉ pojojʉ pañu mai.
\q Maire reojache paijʉ vati toana saimaneajʉ chini chẽa
paakʉmʉ Repaʉ.
\q Pãi ũcuanʉkore repana cuache choosie roiajʉ chini
chʉ̃ʉjamʉ Dios.
\q
\v 2 Ũcuarepa chookʉjekʉ romiote rʉa cuache chooko
paisikore perukʉ cuache choosikʉamʉ Repaʉ.
\q Repaoji cuache chookona ña chẽa chekʉchejña cana repao
choochejache rʉa cuache choojʉ paime.
\q Ũcuachia Repaʉ chʉ̃ʉñe chookainare vanisõñe
chʉ̃ʉsikojekona perukʉ cuache choosikʉamʉ Dios repaote,
\m chiisinaame.
\p
\v 3 Jãajañe ikacuha joe ijache ikasinaame repana:
\q Dioni pojojʉ reojachere ikajʉ pañu mai.
\q Babilonia
ʉjavʉejoopo uukʉ piko mʉiñe jmamakarʉjẽe cuhamañe
siarʉmʉ mʉiʉ paijamʉ,
\m chiisinaame.
\p
\v 4 Ũcuarʉmʉ aina veinticuatrorepana vajʉpãi
ũcuakachapananame sani rore pʉʉ sime ñuijʉ Dioni Repaʉ
chʉ̃ʉkʉ ñuisaivʉ ñuikʉni pojojʉ ijache ikasinaame:
“¡Jãajañe paaʉ! ¡Dioni pojojʉ reojachere ikajʉ pañu
mai!”, chiisinaame repana.
\v 5 Ũcuarʉmʉ Dios ñuisaivʉ rʉ̃ichejapi chʉo ijache
ikachete asasikʉamʉ chʉʉ:
\q Diore mai Cuasakʉte ũcuanʉko reojachere ikajʉ pañu mai,
Repaʉte vajʉchʉjʉ chooche chookaina, vesʉnaname masina,
\m chiichete.
\s Ovejachĩijaiʉ romi vejachete jame pojojʉ fiesta
choojachere kʉamʉ
\p
\v 6 Ũcuarʉmʉ pãipi jairepanʉko ikajʉna asochejachename oko
chãiʉ asochejachename okopi rʉarepa curukʉ asochejache
asochete chʉo ijache ikachete asasikʉamʉ chʉʉ:
\q ¡Dioni reojachere ikajʉ pañu mai!
\q Dios, Maire Paakʉ peore Masiʉji pãi ũcuanʉkore
chʉ̃ʉkʉmʉ.
\q
\v 7 Ovejachĩijaiʉ Jesucristo romi vejaumucusepi tĩaʉna rʉa
pojojʉ pañu mai.
\q “Peore masikʉmʉ mʉʉ”, chiijʉ pañu mai repaʉte.
\q Repaʉ vejajao Repaʉni vejara chini careva paio, kãña rʉa
reojakãñare sache juio chaamo.
\q
\v 8 Lino kãña reojakãñapi menojẽe peokãñapi
kosijakãñare juhao chini ĩsicojñosikoamo repao.
\q Repakãña juiche Dios neena reojache choocheji ñomʉ,
\m chiisinaame.
\p
\v 9 Ũcuarʉmʉ ángel chʉʉre ikasikʉamʉ. “Tochajʉ̃ʉ
ie: Jesucristo Ovejachĩijaiʉ romi vejachete jame pojojʉ fiesta
chooajʉ chini soicojñojana pojojʉ paapʉ”, chiisikʉamʉ.
Chini joe cheke ijache ikasikʉamʉ repaʉ: “Chʉo
ũcuarepaame jãa, Dios ikasiejekʉ”, chiisikʉamʉ repaʉ
chʉʉre.
\p
\v 10 Chikʉna asa repaʉni pojora chini repaʉ tijñeñena rore pʉʉ
ñuiʉna ijache ikasikʉamʉ repaʉ chʉʉre: “¡Jãajañe
choomanejʉ̃ʉ! Mʉʉname mʉʉ majapãijana Jesucristoni
cuasajʉ Repaʉ paichete kʉajʉ cuache tijñecojñonatani
Repaʉte cuasache ũhasõmañe Repaʉ chʉ̃ʉñe chookaijʉ
paichete ũcuare chookaikʉmʉ chʉʉ. Diorechia rore pʉʉ
ñuiʉ pojojʉ̃ʉ”, chiisikʉamʉ repaʉ chʉʉre. Dios chʉo
aperʉmʉ kʉasinapi Jesús paijache kʉajʉ tocha jokaasome.
\s Pojaiʉni kavachote tuhikʉ choosiere kʉamʉ
\p
\v 11 Ũcuarʉmʉ cʉnaʉmʉpi vataʉna kavachote pojaiʉni
ñasikʉamʉ chʉʉ. Repaʉte tuhikʉ pãi rũhiñe
chʉ̃ʉkʉji rʉa pãi vaimasikʉjekʉ ijache ikacojñokʉmʉ:
“Repaʉ choora chiiche ũcuarepa chookʉmʉ ikʉ. Chʉo
ũcuarepare ikakʉmʉ ikʉ”, chiicojñokʉmʉ.
\v 12 Repaʉ ñakocaã toñajañe Paakʉji tuhivʉã rʉarepavʉã
tuhisikʉamʉ. Ũcuachia Repaʉ canivʉte mami tochasie
paasikʉamʉ, Repaʉchia teeʉ masiche.
\v 13 Kãa chie chʉ̃ʉsikãare juiʉ paisikʉamʉ Repaʉ. Repaʉ
mamiame ie: Dios chʉo Kʉakʉ Jesucristoamʉ Repaʉ.
\v 14 Repaʉ chojepi cʉnaʉmʉ paina sõtaopãi lino kãña rʉa
reojakãñapi menojẽe peokãñapi pojakãñare juijʉ kavacho
pojanapi tuhijʉ raisinaame.
\v 15 Repaʉ chʉopoji vati jʉ̃jʉsʉche cʉtosivati
etasikʉamʉ, pãi siachejña painare Repaʉ cavakʉ
cajejaijavati. Repaʉte cuhenare cajejani chʉ̃ʉkʉ Dios peore
Choomasikʉji pãire perukʉ cuache choochete chʉ̃ʉʉna,
kavachote tuhikʉ repanare pãi cuache chookaijamʉ. Repaʉji
vaiʉna repana chie, ʉchere chaca chachojʉna ʉche oko
menisõñejañe ranisõjamʉ, repana cuache choosie roi.
\v 16 Repaʉ juikãaname toapʉ, ijache tochasie paasikʉamʉ
repaʉ: “Pãi chʉ̃ʉna ũcuanʉko Aiamʉ ikʉ”, chiichete.
\p
\v 17-18 Ũcuarʉmʉ ángelte ʉ̃sʉʉ asuche chʉvochejare
nʉkakʉ, cʉnaʉmʉ cãva kuinani vacho ũcuanʉkore soiʉ
ʉjachʉopi cuikʉ ijache ikakʉ soikʉni ñasikʉamʉ chʉʉ:
“Rani chii Dios ãuñe vai ãijʉ̃ʉ, jũnisõsina vai, pãi
chʉ̃ʉna vai, sõtao aina vai, kokarekoñoã paana vai, kavacho
vainame repanare tuhisina vai, chekʉna vai siache peore
chẽacojñomanesinaname chẽacojñosina vai, vesʉna vainame
masina vai”, chiiʉ soisikʉamʉ repaʉ.
\p
\v 19 Ũcuachia cuarepache cuakʉte icheja cheja painare pãi
chʉ̃ʉnaname repana neena sõtaopãi chii, kavachote tuhikʉni
Repaʉte jame painani sõtaopãire cavañu chini chiijʉna
ñasikʉamʉ chʉʉ.
\v 20 Ũcuarʉmʉ repaʉ cuarepache cuakʉ chekʉname
chẽacojñosinaame. Ũcuaʉji chʉ̃ʉʉna chekʉ, “Dios chʉo
kʉakʉmʉ chʉʉ”, chiiʉ joreʉ aperʉmʉ Diochia
choomasichejache Repaʉji ʉ̃semaʉna choosikʉamʉ.
Jãajañe jorekʉ chookʉna ña, “Ikʉ chooche ũcuarepaame”,
chini jachamañe cuasajʉ pãi repana canivʉãna repaʉ
cuarepache cuakʉ mami tochacojño ũcuaʉjavaʉre tʉ̃osikʉni
pojosinaame. Ũcuarʉmʉ repana kachana joresikʉname
cuarepache cuakʉ, toa azufreji rʉa cuasʉche uutoana
saocojñosinaame.
\v 21 Chekʉnatani kavachote tuhikʉni cavajʉ repaʉ chʉopo
etasivatipi chuenisõsinaame. Chuenisõrena repanare peore vachopi
rʉa chajiche ãisinaame.
\c 20
\p
\v 1 Ũcuarʉmʉ ángelte naa paisirʉmʉ cʉnaʉmʉpi llavemaka vati paicoje tʉsomakaname ʉjacʉname cãjikʉ cajekʉni ñasikʉamʉ chʉʉ.
\v 2 Caje añajaiʉte aperʉmʉna paikʉte vati ainame Satanás veekʉte ũcuameji tachosikʉamʉ repaʉ, milrepaʉ̃sʉrʉmʉ tachocojñosikʉ paaʉ chini. \fig angle binding Satan|929.tif|span|REV 20.1-3|Chafil Cheucarama||Ap 20.2\fig*
\v 3 Cʉnameji tachosikʉni cojena caso jaokoapi tapi tacho jokasikʉamʉ repaʉ, repaʉji pãi ũcuanʉkore milrepaʉ̃sʉrʉmʉjatʉka jorekʉ cacʉomañe paaʉ chini. Milrepaʉ̃sʉrʉmʉ paisirʉmʉna joe etocojño cheja jmamakarʉchia paiʉ jorekʉ pãire cacʉokʉ paisikʉamʉ repaʉ vati ai.
\p
\v 4 Ũcuarʉmʉ pãi chʉ̃ʉna ñuisaivʉã ñasikʉamʉ chʉʉ. Repasaivʉã ñuina pãi ũcuanʉko choosie roiche chʉ̃ʉmasichete jokacojñosinaame. Ũcuachia Dios chʉoname Jesucristo paichete reojache kʉajʉ sĩjo tʉsecojñosivana rekoñoã ñasikʉamʉ chʉʉ. Vajʉrʉmʉ repavana cuarepache cuakʉterejẽe pojomañe ũcuaʉjaiʉte tʉ̃osivaʉrejẽe pojomanesinaame. Ũcuachia repana chiapʉãname repana jʉ̃jña cuarepache cuakʉ mami tochacojñocuhesinaame repana. Reparʉmʉ repana Diopi vasoʉna vajʉrani paijʉ Dios Raosikʉ Cristoname milrepaʉ̃sʉrʉmʉ pãire chʉ̃ʉjʉ paisinaame.
\v 5 Jãatani chekʉvana jũisivana reparʉmʉ vajʉraimanesinaame, milrepaʉ̃sʉrʉmʉ paisirʉmʉjatʉka. Repana sĩjo tʉsecojñosivana Diopi vasoʉna chekʉnare pãi charo vajʉraisinaame.
\v 6 Chekʉna repana vajʉraisiejache charo vajʉraisina ũcuanʉko pojojʉ paisinaame. Dios repanare Repaʉ neenajejʉna vati toa saomanesikʉamʉ. Jãajekʉna phairipãi chookaichejache Repaʉ chʉ̃ʉñename Repaʉ Raosikʉ Cristo chʉ̃ʉñe chookaijʉ paisinaame repana. Ũcuachia Cristoname milrepaʉ̃sʉrʉmʉ pãire chʉ̃ʉjʉ paisinaame repana.
\s Vati ai toana saocojñojañere kʉamʉ
\p
\v 7 Milrepaʉ̃sʉrʉmʉ paisirʉmʉna vati ai chẽacojñosikʉ etocojñosikʉamʉ.
\v 8 Etorena sani pãi siachejña painare jorekʉ, “Pãi chekʉnani cavajañu mai”, chiisikʉamʉ repaʉ, Gog cheja cananame Magog cheja canare. Jorekʉ jãajañe ikakʉna asa jachamañe repana neenare sõtaopãi mar chiara mejacaãjanʉkore cavajañu chini chiisinaame.
\v 9 Chii pini cheja siachejña peore sani Dios neena paijoopo rũhisokoro pachu nʉkasinaame repana, Dios oiʉ paajoopo Jerusalén vʉejoopo painani pãire cuache chooñu chini. Jãatani repanare Diopi chʉ̃ʉʉna toa cʉnaʉmʉpi tuãni peore uusõsikʉamʉ.
\v 10 Repanare jorekʉ cacʉosikʉ vati ai ũcuachia toana azufreji rʉa cuasʉche uutoana saocojñosikʉamʉ, cuarepache cuakʉname, “Dios chʉo kʉakʉmʉ chʉʉ”, chiiʉ joresikʉre saosichejana. Ũcuatoare paijʉ ñaminame umucujña siarʉmʉ uujʉ paisinaame repana.
\s Pãi ũcuanʉko Dios chʉ̃ʉkʉ ñuisaivʉ pojasaivʉ tijñeñe nʉkajʉna Dios repana choosie peore roiajʉ chini chʉ̃ʉjañere kʉamʉ
\p
\v 11 Ũcuarʉmʉ ñuisaivʉ ʉjasaivʉji pojasaivʉte ñakʉ repasaivʉ ñuikʉte Diore ũcuachia ñasikʉamʉ chʉʉ. Repaʉ ñakʉte chejaname cʉnaʉmʉ teana peore siasõ, jmamakarʉjẽe joe ñomanesikʉamʉ.
\v 12-13 Reparʉmʉ pãi jũisinare mar chiaraã runi choosõsinaname jũnisõ cheja sanavʉ tãcojño jũisina paicheja paisinare masisinaname vesʉsinare vajʉrani, Dios chʉ̃ʉkʉ ñuisaivʉ tijñeñe nʉkanani ñasikʉamʉ chʉʉ. Nʉkajʉna Dios utijaophʉ vatasikʉamʉ. Chekʉphʉro ũcuachia Repaʉname paijana mami paiphʉrote vatasikʉamʉ Repaʉ. Ũcuaphʉre pãi ũcuanʉko choojʉ paiche peore tochasie paisikʉamʉ. Jãajekʉna repanare ũcuanʉkore repaphʉqueere tochasie ñakʉ repana choosinʉkorʉã paiche roiche chʉ̃ʉsikʉamʉ Repaʉ, reojache choosiename cuache choosie.
\v 14 Jãajañe choo pini pãipi joe jũnisõmañe paapʉ chini jũnisõñename jũisina saichejapi peoakʉ chini chʉ̃ʉsikʉamʉ Repaʉ.
\v 15 Ũcuachia Repaʉname paijana mami tochasiphʉro repana mami tochacojñomanesinare vati toana saoʉna joe etamañe ũcuatoare siarʉmʉ uujʉ paijanaame repana.
\c 21
\s Cʉnaʉmʉ mama choosiʉmʉname cheja mama choosicheja
ñasiere kʉamʉ
\p
\v 1 Jãa ñacuhasirʉmʉ charo paisichejñapi cʉnaʉmʉname
chejaname mar chiara siasõʉna cʉnaʉmʉ mama choosiʉmʉname
cheja mama choosichejare ñasikʉamʉ chʉʉ.
\v 2 Reparʉmʉ Dios neejoopo mama Jerusalén vʉejoopo Repaʉ
paichejapi cʉnaʉmʉpi cajeʉna ñasikʉamʉ chʉʉ. Romio ʉmʉʉ
vejapirako kãña reojachere sache juiona reojache
ñoñejañe ñosikʉamʉ repajoopo.
\v 3 Ũcuarʉmʉ Dios ñuisaivʉ rʉ̃ichejapi chʉo ʉjachʉopi
ijache ikachete asasikʉamʉ chʉʉ: “Dios chura pãiname
paimʉ. Repanani jame paiʉna Repaʉ neena paijanaame repana.
Ũcuaʉji repanare jame paiʉ paajamʉ chura.
\v 4 Ũcuachia repana oijʉ sʉmavana paisie Diopi reojache
chookakʉna pojojʉ paijanaame repana. Repana aperʉmʉ paijʉ
paisie jũnisõñe, ota oiche, rupʉ oichename asiche siasõʉna
peojamʉ reparʉmʉ.”
\p
\v 5 Ũcuarʉmʉ repasaivʉ Ñuikʉ Dios ijache ikasikʉamʉ:
“Peore mama choomʉ chʉʉ”, chini joe ijache ikasikʉamʉ
Repaʉ: “Chʉʉ chʉo ũcuarepajekʉ chʉʉ ikache peore
ũcuarepa tijñejamʉ. Jãajekʉna ie chʉo tochajʉ̃ʉ
mʉʉ”, chiisikʉamʉ Repaʉ chʉʉre.
\v 6 Jãa ikacuha joe ijache ikasikʉamʉ Repaʉ chʉʉre:
“Peore choo pinicuhasieame. Chutaa cheja choomarʉmʉjẽe
paiʉ siarʉmʉ paikʉmʉ chʉʉ. Pãi okoʉavanajañe
reojache paiʉavanare okore sẽejʉna ũkuachejache paiche
reojachere oko puni siamañe oko raichejache siarʉmʉ
reojache paichete rupʉ ĩsijamʉ chʉʉ repanare.
\v 7 Chʉʉni cuasajʉ cuache choocojñonatani chʉʉre
cuasache ũhasõmanesinare paiche reojachere ĩsijamʉ chʉʉ.
Ũcuajache chʉʉpi repanani paakʉna chʉʉ chĩijana
paijanaame repana.
\v 8 Jãatani pãi chekʉnare vajʉchʉnare, Repaʉte
cuasamanare, pãi chekʉnare cuhenare, pãi vanisõnare, repana
paimanare jame kãinare, chai choonare, rupʉ tʉ̃osivanare
cuasajʉ pojonare, jorenare ũcuanʉkore peore jãanare vati toana
azufreji rʉa cuasʉche uutoana saojamʉ chʉʉ Dios. Saoʉna joe
etamañe ũcuatoare siarʉmʉ uujʉ paijanaame repana”,
chiisikʉamʉ.
\s Jerusalén mama choosijoopo paichete kʉamʉ
\p
\v 9 Ũcuarʉmʉ ángeles sieterepana pãire cuhacho cuache
choojachere maña timusiroro coparoro sietereparoro cãjina teeʉ
rani ijache ikasikʉamʉ chʉʉre: “Raijʉ̃ʉ. Mʉʉni, Dios
Mamakʉ Ovejachĩijaiʉ vejaojache painani Repaʉ neenani
ñora”, chiisikʉamʉ.
\v 10 Ũcuarʉmʉ repaʉ ángel chʉʉre Dios Rekochoji chooʉna
aikũti rʉa ʉjakũtipi rʉa ʉmʉ paikũtina mʉa Dios neejoopo
Jerusalén vʉejoopo Repaʉ paicheja cajejoopote ñosikʉamʉ
chʉʉre.
\v 11 Diopi ũcuajoopote paiʉna Repaʉ kosijaicheji miajoopo
paisikʉamʉ repajoopo. Cata rʉa roipʉã jaspe cata
kosijaichejachename joicʉna etajaiche ñoñe kosijaichejache
kosijajoopo ñosikʉamʉ repajoopo.
\v 12 Ũcuachia repajoopo rʉtʉva siacakãjño catapi ñekua
jena pachusipa ʉjachʉrivaji ʉmʉ nʉkapa paisikʉamʉ.
Jatisañaroã docerepasañaroã paisikʉamʉ repapa.
Repasañaroã tijñapaã ángel teenachia nʉkasinaame.
Ũcuachia Israel jojocojñosina docerepavãjʉ mami tochasie
paisikʉamʉ repasañaroã.
\v 13 Ũcuachia ʉ̃sʉʉ mʉikãko chotesañaroã jatisañaroã
paisikʉamʉ repapa. Cocovʉ cakãko ũcuachia chotesañaroã
paisikʉamʉ, sʉripʉ cakãko ũcuajanʉko. Ʉ̃sʉʉ naikãko
ũcuajanʉko paisikʉamʉ repapa.
\v 14 Charo ñekuasipʉã catapʉã docerepapʉã paisikʉamʉ
repapa. Ũcuapʉãre Ovejachĩijaiʉ Jesucristo neena, Dios
chʉore chʉvaajʉ chini Repaʉ saosina docerepana mami tochasie
paisikʉamʉ.
\p
\v 15 Repaʉ ángel chʉʉre ikasikʉ pachokuricʉnaño
cãjisikʉamʉ, vʉejooponame jatisañaroãname repajoopo
jenasipa cuasa ñajaño.
\v 16 Repajoopo vʉejoopo repacuechoname repaãcapʉname repaʉmʉ
siacakãjño ũcuaparʉvachia paiʉ rũhivʉjañe
paisikʉamʉ. Angel, repaʉ cãjiñoji repajoopo paichete cuasa
ñato repacuechoname repaʉmʉname repaãcapʉ ũcuajanʉkochia
paisikʉamʉ, dos mil doscientos kilómetrochia.
\v 17 Jãa cuasa ñacuha repajoopo jena pachusipa ʉmʉ
paichete ángel, pãi cuasa ñañejañe cuasa ñato sesenta y
cinco metros paisikʉamʉ repapa.
\p
\v 18 Repapa jaspe catapi jenasipa paisikʉamʉ. Repajoopo
vʉejoopo pachokurirepapi choosijoopo paisikʉamʉ,
joicʉnajañe kosijache ñoñeji.
\v 19 Catapʉã ʉjapʉã docerepapʉã charo ũha pachusipʉã
jmarakarʉãpi siarakarʉã rʉa roirakarʉã ũcuapʉãna
jenasirakarʉã sʉisikʉamʉ. Charo ũhasipʉ jaspe catapʉ
vĩjañejaipʉ paisikʉamʉ. Choje ũhasipʉ zafiro catapʉ
chirasojaipʉ paisikʉamʉ. Chekʉpʉ ágata catapʉ
vĩjañejaipʉ paisikʉamʉ. Chekʉpʉ esmeralda catapʉ
vĩjañejaipʉ paisikʉamʉ.
\v 20 Joe chekʉpʉ ónice catapʉ chijachename pojaipʉ
paisikʉamʉ.
Chekʉpʉ cornalina catapʉ maajaipʉ paisikʉamʉ. Chekʉpʉ
crisólito catapʉ pachojaipʉ paisikʉamʉ. Chekʉpʉ berilo
catapʉ rasovĩjañejaipʉ paisikʉamʉ. Chekʉpʉ topacio
catapʉ pachovĩjañejaipʉ paisikʉamʉ. Chekʉpʉ crisopraso
catapʉ vĩjañejaipʉ paisikʉamʉ. Chekʉpʉ jacinto catapʉ
rasojaipʉ paisikʉamʉ. Chekʉpʉ amatista catapʉ chimaajaipʉ
paisikʉamʉ.
\v 21 Jatisañaroã docerepasañaroã perla catakoña
teekoñachiapi choosisañaroã paisikʉamʉ. Repajoopo
paijoovʉ callejoovʉ pachokurirepapi choosijoovʉ paisikʉamʉ.
Joicʉnajañe etajaiche ñosikʉamʉ.
\p
\v 22 Repajoopo chʉʉ ñato siachejña Dios vʉejẽe
peosikʉamʉ. Maire Paakʉ Dios Peore Masikʉname Repaʉ Mamakʉ
Ovejachĩijaiʉ repa vʉejacheame.
\v 23 Ũcuachia Dios ũcuare kosijaiʉji paiʉna Repaʉ Mamakʉ
Ovejachĩijaiʉjẽe ʉopʉ miañejañe paiʉna ʉ̃sʉʉ miañe
chiimaʉ pãimiaʉ miañejẽe chiimamʉ repajoopo.
\v 24 Pãi Dios chẽa paacojñona icheja siachejña paina Repaʉ
miañeji ñajʉ nʉka kuijanaame repajoopo. Pãi chʉ̃ʉna
ũcuachia ũcuajoopote paijʉ pãi cheja paina repanare aperʉmʉ
pojosiejache Dioni pojojʉ paijanaame.
\v 25 Ũcuachia repajoopo jatisañaroã repachejapi ñami
peochejajekʉna jmamakarʉjẽe jeomañe siarʉmʉ
vatasisañaroãchia paijamʉ.
\v 26 Ũcuachia pãi siachejña paina ũcuajoopote paijʉ Dioni
pojojʉ paijanaame.
\v 27 Pãi cuache choonatani teeʉjẽe kakamanejanaame
repajoopo. Ũcuachia pãi vajʉchʉache ñoñe choonaname jorena
kakamanejanaame repajoopo. Ovejachĩijaiʉ Jesucristo
utijaophʉro repana mami tochacojñosinachia kaka paijanaame
repajoopo.
\c 22
\p
\v 1 Ũcuarʉmʉ repaʉ ángel chʉʉre Dios ñuisaivʉ
rʉ̃ichejaname Repaʉ Mamakʉ Ovejachĩijaiʉ ñuisaivʉ
rʉ̃ichejapi eta mevoñate chiacha rʉa kosijaichaji oko ũkuni
joe jũnisõmañe ai paichate ñosikʉamʉ.
\v 2 Repajoopo callejoovʉ joopoji mevosikʉamʉ repacha.
Vajʉsũkiñʉ repacha rʉtʉva nʉkañʉ kapi chiacha
kachakãjño jasie nʉkasikʉamʉ. Repañʉ sũkiñʉ pãimia
paiche ãu kʉ̃isikʉamʉ. Jãajekʉna teeʉ̃sʉrʉmʉ
docerepañoã kʉ̃isikʉamʉ repañʉ. Jao repañʉquee pãi
jũina suiri vajʉchejache repana rekoñoã vajʉrekoñoã
careojaoame.
\v 3 Repajoopo vʉejoopo jmamakarʉjẽe cuache
choocojñomanejamʉ. Dios chʉ̃ʉkʉ ñuisaivʉname Repaʉ
Mamakʉ Ovejachĩijaiʉ chʉ̃ʉkʉ ñuisaivʉ ũcuajoopote
paijamʉ. Repaʉte chooche chookaina Repaʉ chʉ̃ʉñe choojʉ
paijanaame.
\v 4 Ũcuachia Repaʉname paijʉ Repaʉ chia tijñeñe ñajʉ,
repana chiapʉãre repaʉ mami tochasie paajanaame.
\v 5 Ũcuachia ñamijẽe peojamʉ repajoopo. Dios Maire Paakʉ
ũcuare Miakʉji paiʉna repacheja paina ʉopʉ miañejẽe ʉ̃sʉʉ
miañejẽe chiimanejanaame. Ũcuajoopote paijʉ Dioname
siarʉmʉ chʉ̃ʉjʉ paijanaame repana.
\s Jesús joe raipirachete kʉamʉ
\p
\v 6 Ũcuarʉmʉ ángel chʉʉre joe ijache ikasikʉamʉ: “Ie
chʉo ũcuarepaame. Chʉʉ ikache ũcuarepa tijñejamʉ. Maire
Paakʉ Dios, Repaʉ chʉo aperʉmʉ kʉasinare Repaʉ Rekochote
ĩsisikʉamʉ. Repaʉ neekʉni ángelte raosikʉamʉ Repaʉ,
Repaʉ chʉ̃ʉñe choonani cheja choocojñojañere kʉaakʉ
chini”, chiisikʉamʉ.
\p
\v 7 Ũcuarʉmʉ Jesucristo ijache ikasikʉamʉ:
“Asarepajʉ̃ʉ. Nami raijamʉ chʉʉ. Naa paisirʉmʉ
choocojñojañere kʉajʉ utijaophʉro tocha jokasie asa
jachamañe choona pojojʉ paapʉ. Reojache tijñejamʉ
repanare”, chiisikʉamʉ.
\p
\v 8 Chʉʉ, Juan, jãa peore ñakʉ asasikʉamʉ. Peore ñakʉ
asacuhasirʉmʉ chʉʉre kʉakʉ ñosikʉ ángel tijñeñena
rore pʉʉsikʉamʉ chʉʉ, repaʉni pojora chini.
\v 9 Jãatani repaʉ ángel chʉʉre ijache ikasikʉamʉ:
“Jãajañe choomanejʉ̃ʉ. Mʉʉname mʉʉ majapãijana Dios
chʉo kʉananame iphʉro kʉajʉ tochasie asa jachamana Dios
chʉ̃ʉñe chookaichejache chookaikʉmʉ chʉʉ. Jãajekʉna
Diorechia rore pʉʉ ñuiʉ pojojʉ̃ʉ mʉʉ”, chiisikʉamʉ
repaʉ chʉʉre.
\p
\v 10 Ũcuachia ijache ikasikʉamʉ repaʉ chʉʉre: “Naa
paisirʉmʉ tijñejañere kʉajʉ iphʉro tochasiepi
choocojñopirakʉna, teeʉ masira chiimanejʉ̃ʉ.
\v 11 Iphʉro kʉasie tijñerʉmʉ cuache cuasajʉ cuache
choona pãi cuhamañe ũcua cuache choojʉ paijanaame.
Ũcuachia reojache cuasajʉ reojache choona ũcua reojache
choojʉ paijanaame. Diore masi cuasana Repaʉte cuasache
ũhasõmañe ũcua cuasajʉ paijanaame reparʉmʉ”,
chiisikʉamʉ.
\p
\v 12 Ũcuarʉmʉ Jesucristo ijache ikasikʉamʉ:
“Asarepajʉ̃ʉ. Nami cajejamʉ chʉʉ. Reparʉmʉ pãi
ũcuanʉkore repana choosie roiche chʉ̃ʉjamʉ chʉʉ,
reojache choosiename cuache choosie roi.
\v 13 Chutaa cheja choomarʉmʉjẽe paiʉ siarʉmʉ paikʉmʉ
chʉʉ”, chiisikʉamʉ.
\p
\v 14 Pãi repana rekoñoã reojarekoñoã cua tʉnocojñosina
repajoopo kaka paijʉ vajʉsũkiñʉ kʉ̃isie ãijana pojojʉ
paapʉ.
\v 15 Jãatani pãi ijache painare repajoopo kakacuajamʉ:
jamuchai kokaneenajañe cuache choonare, chai choonare, repana
paimanare cua choonare, pãi vanisõnare, rupʉ tʉ̃osivanare
pojonaname, jorenare ũcuanʉkore.
\p
\v 16 Jesús ijache ikamʉ: “Chʉʉ, Jesupi, chʉʉ neekʉre
ángelte saosikʉamʉ, chʉʉre cuasakuanupʉãre chʉore
kʉakaaʉ chini. Aperʉmʉ paisikʉ David Jojocojñosikʉamʉ
chʉʉ. Chʉʉre cuasanare ũcuanʉkore vañʉʉ miañejañe
reojache paiche siache ĩsikʉmʉ chʉʉ”, chiimʉ.
\v 17 Dios Rekochoname Ovejachĩijaiʉ rʉ̃jojañe paina,
Repaʉte cuasana, ijache ikame: “Raijʉ̃ʉ”, chiime.
Ũcuachia ũcuaʉana ichʉo asa jachamañe cuasana,
“Raijʉ̃ʉ”, chiapʉ. Pãi okoʉavanajañe reojache
paiʉavana rani okore kuri sẽemañe rupʉ
ũkua vasochejache repana rekoñoãna chookaicojñojʉ reojache
paijanaame.
\p
\v 18 Naa paisirʉmʉ choocojñojañe iphʉro kʉajʉ tochasie
asanare ijache ikakʉ chʉvamʉ chʉʉ: Pãiʉ ũcuaʉakʉji
iphʉro tochasiere ñakʉ, “Karamʉ ie”, chini ũcuaʉji teeʉ
cuasa tĩiñere chekʉnare chechokʉte, Diopi chʉ̃ʉʉna iphʉro
kʉajʉ tochasiepi cuache tijñejamʉ repaʉte.
\v 19 Ũcuachia pãiʉ ũcuaʉakʉji naa paisirʉmʉ
choocojñojañere kʉajʉ iphʉro tochasiere ña, cuhekʉ
tʉasõto Dios ũcuajache Repaʉ vʉejoopo iphʉro tochasie
ikacojñojoopo kakache ʉ̃sejamʉ. Ũcuachia repajoopo cañʉ
vajʉsũkiñʉ kʉ̃isie ãimanejamʉ repaʉ.
\p
\v 20 Iphʉro tochasie, “Peore ũcuarepaame”, chiikʉji
Jesucristo ijache ikamʉ: “Nami cajejamʉ chʉʉ”, chiimʉ.
¡Jãajañe paaʉ! ¡Chʉkʉnate Paakʉ Jesucristo, raijʉ̃ʉ!
\p
\v 21 Maire Paakʉ Jesucristoji ũcuanʉkore reojache chookaiʉ
paaʉ mʉsanʉkonare. ¡Jãajañe paaʉ! Reomʉ.