\id JOB - Ashéninka S. Ucayali Bible panorama portions [cpy] -Peru (web 2015)
\h JOB
\toc1 Job
\toc2 Job
\toc3 Job
\mt1 JOB
\c 1
\s1 Rashironkaa-waetaka Job
\p
\v 1 Eenitatsi janta Kaminaa-weniki apaani atziri iitachari Job. Kameetha-shireri irika atziri, tampatzika-shireri, ipinkathatziri Tajorentsi, iwinkani rirori kaaripero-tatsiri.
\v 2 Eenitatsi ikaatzi 7 itomi, mawa rishinto.
\v 3 Riroperori irika atziri rawijiri ikaatzi inampiteeya-woni ishitowa-piin-tzira ooryaa. Itzimi-motziri osheki ipira-paeni, osheki eejatzi rompera-tani-paeni.\f + \fr 1.3 \ft osheki ipira-paeni = 7,000 owisha, 3,000 camello, 500 rapitiyita-paeni bueyes, 500 iyawayote\f*
\v 4 Tema roetziñaarikotakawo rowawae-teeyani itomi-paeni ipankoki, retanakawo apaani itomi, otsipa kiteejeri itsipa itomi, imatakiro maawoeni itomi. Ikaemakaan-tziro mawa ritsiro akiyoteri roemoshirenkae-yani, eejatzi rirawae-teeyini.
\v 5 Ikanta imonkaa-takiro roemoshirenka-waeta ikaateeya-kini, ikaemiri Job itomi-paeni, rowetsika-shire-takaeyaari. Okiteeje-tamanee ipiriinta. Kachaamaetatsi itaawentziri itomi, retanakari apaani, eejatzi ikantakiri itsipa, ari ikantziri maawoeni ikaateeyinira. Tema ikanta-shire-tatzii Job: “Aamaashityaa kaariperotaki notyomi-paeni, ikijima-shire-tawae-takiri Tajorentsi.” Ari ikantapiin-tatziiro.
\p
\v 6 Okanta paata riyaateeya-kini ronampiripaeni Tajrentsi ikemijanteri oeta ikanteriri, eejatzi jatzitanaka Yakatantaniri rirori.
\v 7 Rojampi-tawakiri Tajorentsi irika Yakatantaniri, ikantziri: “¿Jempema pipoñaana-kawoka?” Ikantzi Yakatantaniri: “Nopoñaakawo janta nokinakina-waetzi nanashi-tawo maawoeni kepatsi.”
\v 8 Ikantzi Tajorentsi: “¿Piñaakirima nompera-tani Job? Tekatsi oshiyaarini rirori janta kepatsiki, kameetha-shireri irika notyomyaayi, tampatzika-shireri, ipinkathatana naaka, iwinkani rirori kaariperori.”
\v 9 Rakanaki Yakatantaniri, ikantzi: “¡Jha! ¿Poshiyakaan-tzima, ipinkatha-tashi-tzimi Job?”
\v 10 ¿Tema piñiiro osheki paminako-wenta-kiri rirori, eejatzi ikaatzi jeeka-panko-tziriri, maawoeni okaatzi tzimimo-tziriri? Pitajonka-wentakiniri maawoeni rantawaero, rootaki oshenitan-takari otzimi-motziri oeta-rikapaeni janta kepatsi-kinta.
\v 11 Ajatyaa, pakotashiteri eeroka nimaeka, paapithateri okaatzi tzimimo-takiriri, aritaki ikijima-waetanakimi eeroka.”
\v 12 Ikantzi Tajorentsi: “Piñaakiro eeroka okaatzi tzimimo-takiriri, pimatiro okaatzi pikowakiri. Eerowakya pikosheka-waetari iwathaki rirori.” Piyanaka Yakatantaniri ikenkitha-waetakaerira Tajorentsi.
\p
\v 13 Okantaka ijeekaeyini itomi-paeni Job itsipa-teeyawo ritsiro rowawae-teeyani, rirawae-teeyini imiri ipankoki rantariti rirentzi.\f + \fr 1.13,18 \ft imiri = vino\f*
\v 14 Ari rareetapaaka kamanterini Job, ikantapaa-kiri: “Nojeeka-mintheetzi owaantsiki noshewa-takaeri kepatsi piwaakate, ari rowawae-teeyani eejatzi piyawayo-tepaeni okaakiini.\f + \fr 1.14 \ft piwaakate = bueyes\f*
\v 15 Ari romapoka-shitaka rareeteeya-paakani koshintzipaeni, ithonkapaakiri rowamaapaakiri pompera-tani-paeni, raanakiri maawoeni pipira-paeni. Apatziro noshiyaka naaka namimiro iroka ñaantsi.”\f + \fr 1.15 \ft koshintzipaeni = sabeos\f*
\v 16 Tekiraatami ithonkiro ikenkitha-waetzi shiyeenchari ikamantantzi, areetapaaka itsipa, ikantapaaki: “Ayiitaki ookatha-rentsi, othonkapaakiri otaapaakiri pipira-paeni eejatzi ikaatzi aminakowen-tziriri, othonkakiri maawoeni. Apatziro noshiyaka naaka namimiro iroka ñaantsi.\f + \fr 1.16 \ft pipira-paeni = owisha. ookatha-rentsi = tariito, iwaamariti Tajorentsi opoñaakawo jenokinta.\f*
\v 17 Tekiraatami ithonkiro ikenkitha-waetzi shiyeenchari ikamantantzi, areetapaaka itsipa, ikantapaaki: “Ipokaeya-kini mawa rapato-yitzirira rowayirite Oshewa-weni-jatzi, rowayiri-tapaa-kina, ithonkanakiri raanakiri ikyaakoe-tari pipira-paeni, rowamaana-kiri ikaatzi aminakowen-tziriri rowamaantakari iyotsiroshithakite. Apatziro noshiyaka naaka namimiro iroka ñaantsi.\f + \fr 1.17 \ft ikyaakoe-tari pipira-paeni = camello\f*
\v 18 Eekiro ikinkitha-waewitatya shiyeenchari ikamantantzi, areetapaaka itsipa, ikantapaaki: “Ijeekaeyini pitomi-paeni itsipa-teeyawori ritsiro rowawae-teeyani, rirawae-teeyini imiri ipankoki pantarite pitomi,
\v 19 omapoka-shitaka antawo tampyaa okinapaa-kiro ochempi-mashiki, othonkakiro eewokapaa-kiro pankotsi, opetaryaa-nakiro, anawiyaa-kiri maawoeni pitomi-paeni, kamaki. Apatziro noshiyaka naaka namimiro iroka ñaantsi.”
\p
\v 20 Katziyanaka Job, itzijaa-nakiro iithaari okatsi-tzimo-neentana-kiri, rameetana-kiro iishi. Ari rotziwerowa-naka kepatsi, amananaka,
\v 21 ikantzi:
\q “Nokaanki-mereki-tzitapaaka otzimantakinari ashitanari,
\q Nokankimerekitanee eejatzi nopiyeero janta.
\q Riitaki Tajorentsi pakinawori, riijatzi Tajorentsi aapitha-taanawori.
\q ¡Ikimoshirewenteetero iwaero Tajorentsi!
\p
\v 22 Okantawitaka maawoeni iroka-paeni, tee ikaaripero-waetanaki Job, tee iñaawaetzi apaani ñaantsi karipero-tatsiri ikijimateri Tajorentsi.
\c 2
\p
\v 1 Okanta otsipa kiteejeri rapiitakiro riyaateeyini ronampiripaeni Tajorentsi ikemiri Tajorentsi oeta ikanteriri, eejatzi riyaatzitanaa rirori Yakatantaniri ikemiri Tajorentsi oeta ikanteriri.
\v 2 Ikantawaeri Tajorentsi irika Yakatantaniri: “¿Jempema pipoñaana-kawoka?” Ikantzi Yakatantaniri: “Nopoñaanakawo janta nokinakina-waetzi nanashi-tawo maawoeni kepatsi.”
\v 3 Ikantziri Tajorentsi irika Yakatantaniri: “¿Piñaakirima nompera-tani Job? Tekatsi oshiyaarini rirori janta kepatsiki, kameetha-shireri irika notyomyaayi, tampatzika-shireri, ipinkathaperotana, iwinkani rirori kaariperori, aamawentacha tee ikoyi rowaaripero-tanti. ¡Eenitzimaetacha ikameetha-shiretzi, okantawitaka pinintakaa-witakina eeroka noshine-temiri pikaaripero-takaerimi.”
\v 4 Rakanaki Yakatantaniri, ikantzi: “Eerorika ikoshekae-tari iwathaki apaani atziri, roojatzi inimowaeteri. Tema kantacha ishinetero apaani atziri maawoeni tzimimo-tziriri rowawijaa-kotantyaawori rañaamento eero ikamanta.
\v 5 Ajatyaa pantziteri itonki-paeni eejatzi iwatha. Aritaki ikijima-waetanakimi eeroka.”
\v 6 Ikantzi Tajorentsi: “Piñaakiri eeroka pimateri jempe okaata pikowakiri. Roo kanteencha eero pikoshekitari rañaa-mento.”
\p
\v 7 Piyanaa yakatantaniri ikenkitha-waetakaerira Tajorentsi, roojatzi omatantanakari mantsiya-rentsi Job, ithonkanaka ipathaa-waetanaki iwathaki etanakari iitziki roojatzi iitoki.
\v 8 Ikanta Job, jeekawaetanaki jampomashiki. Raaki chomosheta, rootaki ikaentantari iwathaki.
\p
\v 9 Okantakiri iina: “¿Roojatzima pikanta pikameetha-shiretzi? ¡Pikiji-matiri Tajorentsi, pikami!”
\v 10 Ikantanaki rirori: “¡Noená! Poshiya-kotakawo piñaawaetaki apaani tsinani kaari yowae-matsi-tatsini. ¿Tema ipaero Tajorentsi okaatzi kameetha-tzimo-teeri, eeroma ipaero eejatzi okaatzi akematsiyityaari? Okantawitaka maawoeni iroka-paeni, tee ikaaripero-waetzi Job, tee iñaawaetziro apaani ñaantsi karipero-tatsiri.
\c 3
\p
\v 1 Ikanta iñaakiro Job okaatzi awijimo-yitakiriri, tee imaeritanee, ñaawaetanaki riyakatziro kiteejiri itziman-takari paerani.
\v 2 Ishintsitanakiro iñaawae-tanaki, ikantanaki:
\q
\v 11 ¿Iitaka kaari ookaanitanta paerani ashitanari eeniro omotzitana?
\q ¿Iitaka kaari nokaman-tapaaka owakira notzimapaaki?
\c 4
\c 5
\c 6
\c 7
\c 8
\c 9
\c 10
\c 11
\c 12
\c 13
\c 14
\c 15
\c 16
\c 17
\c 18
\c 19
\q
\v 25 Roo kanteencha, niyotzi naaka añaatsi Owawijaakotenani.
\q Riitaki kijakowen-teenani paata jaka kepatsiki.
\q
\v 26 Okantawi-takyaa oparyaa-pithayite iroka nomashi,
\q Aritaki noñeeri Tajorentsi koñaatziro nowathaki.
\c 20
\c 21
\c 22
\c 23
\c 24
\c 25
\c 26
\c 27
\p
\v 1 Eekiro iñaawae-tanakitzii Job, ikantanaki:
\q
\v 6 “Ashi noyiro nokameetha-shiretzi, tekatsi ookakae-nawoni,
\q Niyotzi naaka, tekatsi kariperori nantzimo-tanteri riyakowen-tanteetinari.”
\c 28
\c 29
\c 30
\q
\v 26 Noshiyakaa-minthee-tziro kametha nokimo-shire-waete, opokimo-tashi-takina kaariperori.
\q Noyaako-minthee-tziro nokoñee-tyaakote, opokimo-tashi-takina tsirenikaakiri.
\q
\v 27 Tee okaatzi ominthaaha-shiretana,
\q Tema osheki kiteejeri nokemaatsiwaetyaa.
\q
\v 28 Owashiretakina, tee noñiiri ooryaa,
\q Nokatziyaka ipiyo-tapiintaha asheninka-paeni, nokowako-witakari ineshironkatina.
\c 31
\q
\v 2 ¿Jempema ikantinaka Tajorentsi Inkite-jatzi?
\q ¿Oetaka rantzimo-tinari Shintsi-perori poñaachari jenoki?
\q
\v 3 ¿Tema rowajankiteeri rirori antzirori mashirenka-taantsi?
\q ¿Tema rowashironkayiri antzirori kaariperori?
\q
\v 4 ¿Tema iñiiro Tajorentsi okaatzi nantziri?
\q ¿Tema riyotziro naatzika-yitzi jempe-rika-paeni nanashita?
\q
\v 5 “¿Nokenki-shiryaama naaka notheeya-waetyaa?
\q ¿Noshiyatyaama niyaayite namatawi-tante?”
\q
\v 6 ¡Rahaena Tajorentsi itena-mentoki,
\q Rootaki tampatzika-tatsiri otenatantzi, otenatziro okaatzi nantziri kameetha-tatsiri!
\c 32
\c 33
\c 34
\c 35
\c 36
\c 37
\c 38
\p
\v 1 Ari rakanakiri Tajorentsi irika Job ijeekan-takawo tampyaa, ikantakiri:
\q
\v 4 “¡Job! ¿Jempema pijeekika eeroka owakira nowetsikan-taka-wori kepatsi?
\q ¡Pakina, kyaari-perorika piyotanitzi!
\q
\v 5 ¿Tema naaka kowaentsiri jempe iweyaa-thapi-yityaa kepatsi?
\q ¿Tema naaka monkaatan-takawori shiwitha iroka keepatsi?
\q
\v 6 ¿Tema naaka kijotakaa-kirori kepatsi nowetsikan-taka-wori?
\q ¿Oshiyawi-takawo nowakityeeromi mapipaeni onampinaki pankotsi okijotan-tyaari?
\q
\v 7 Tema rootaki nantakiri paerani nowetsikan-taka-wori iroka kepatsi, rakishiyeen-kata-ha romampae-yani kiteje-takori ompokiropaeni,
\q Tema thaamenteeyachani irika ronampiripaeni Tajorentsi.
\c 39
\c 40
\c 41
\c 42
\s1 Riyotana-kiro Job iyotani Tajorentsi
\p
\v 1 Rakanaki Job ikantana-kiri Tajorentsi:
\q
\v 2 Niyotzimi naaka pimatziro maawoeni pithotyeero,
\q Niyotzimi eeroka ashitawori maawoeni kenkishiryaantsi. Tema tekatsi omani-mo-temini.
\q
\v 3 ¿Jempema noetaka naaka, eero otzimi-motantana niyotani, nokijo-shire-wentantyaawori pikaminaan-tziri?
\q Noñaawae-tashi-waetaka naaka, teemaeta nokemathatziro noñaawae-tziri,
\q Tema omapokakina tee noñaapiintziro naaka awijimotakinari, osheki okompi-tzimo-takina.
\q
\v 4 Pikemi, nokoyi noñaanatemi.
\q Pakina okaatzi nojampi-timiri, piyoteena eejatzi.
\q
\v 5 Tema nokema-shitzimi piñaawaetzi, tee noñiimae-tzimi,
\q Rooma nimaeka noñaakimi, naminakimi koñaatziro.
\q
\v 6 Rootaki owatsima-waeta-kinari naaka,
\q Noñiiro nojeeka-waematsitaki jamampoki, eejatzi kaahashi-mashiki iñaantee-tinari nopakahaero noñaawae-tashi-waetari.
\s1 Rapiiteeniri Tajorentsi irika Job Otzimi-moteeri
\p
\v 10 Ikanta ramana-kotakari Job itsipamintha-tani-paeni, ikantakaa-kawo Tajorentsi awijimo-teeri ikemaatsi-waeta-kari. Tema ipaperoteeri osheki tzimimo-teerini Job, awijanakiro osheki-perotzi okaatzi tzimimo-witariri ketziroeni.
\v 11 Ipokaeya-kini rirentzi, ritsiro-paeni, eejatzi ikaatzi yotziriri paerani. Rakiyoteeya-kirini ipankoki. Osheki imoshireta-kayitakiri, ikantziri: “¡Aapa! Osheki rowashironkaa-kimi Tajorentsi, patsipe-takawo pikemaatsi-waeta-ka.” Ipashiyi-tapaakari ikaatzi areetaka-riri ipankoki, eenitatsi pakiriri koriki, itsipa ipayitakiri kantatepokitachari ooro.
\v 12 Itajonka-wenteeri Tajorentsi irika Job, rawijakaa-kiri jempe ikantawita ketziroeni. Osheni-pero-tanee ipirayitari.\f + \fr 42.12 \ft Osheni-pero-tanee ipirayitari = 14,000 owisha, 6,000 camello, 1,000 apiteyitatsiripaeni buey, 1,000 kawayo-paeni.\f*
\v 13 Itzimae 7 itomi, eejatzi mawa rishinto.