\id MAL - Ashéninka S. Ucayali Bible panorama portions [cpy] -Peru (web 2015)
\h MALAQUÍAS
\toc1 Malaquías
\toc2 Malaquías
\toc3 Mal.
\mt1 MALAQUÍAS
\c 1
\p
\v 1 Iroka iñaani Tajorentsi ikantakiriri Kamantan-taniri Malaquías, rootaki riyoteeri maawoeni Israel-paeni.
\c 2
\c 3
\p
\v 1 Ikantzi Tajorentsi Ñaaperori:
\q Ari notyaantaki etyaawoni ikamanta-kotena,
\q Riitaki wetsikironi jempe nokinapaaki.
\q Omapoka-shityaa ikyee itajorentsi-pankoteki, Piwinkatharite poyaakota-piintziri.
\q Areetzi-mataka pikowae-yirini, riitaki notyaanteri ikenkitha-takoyi-teero kashiyakaa-wakahaantsi.
\c 4
\p
\v 1 Iroka iñaani Tajorentsi Ñaaperori, ikantzi:
\q Okaakitaki kitejeri iñahaetero oshiyawori opaamatzi paamari,
\q Ari itahaeyaari kantakaa-pero-waerentzi eejatzi antzirori kaari-perori, ikimitee-yaawo opaamatzi tsipanashi.
\q Ari ithonkyaari itahaeyaa, ikimiteeyaawo itahae-tziro inchato,
\q Tema ithonkae-tziro maawoeni otewa eejatzi oparetha.
\q
\v 2 Rooma eerokapani pikaatzi pipinkatha-teero nowaero,
\q Ari okoñaatzi-moteemi kameetha-shire-taantsi oshiyeeyaari ishipakirii ooryaa,
\q Rootaki ishipakiryaani etsiyata-kotakahaemini okimiteeyaawo roomi ishiwanki rowaankakimiri jempe pijeekaki eeroka.
\q Antawo pikimo-shire-yitee, poshiyaari ithaamenta iryaani ipireetari aririka pashitaryaakoteri okiteejeta-manee.\f + \fr 4.2 \ft ipireetari = vaca = becerro\f*
\q
\v 3 Aritaki paatzika-yiteeri kaari-pero-shireri,
\q Poshiya-kaanteeri raatzikae-tziro jamampo-pane,
\q Aririka omonkaa-tapaakyaa kitejeri nomatan-teeyaawori okaate nantayiteri.
\q Ari ikantzi iñaawaetzi Tajorentsi Ñaaperori.
\q
\v 4 Pikenkishiryahaero noñaani,
\q Nopakiriri paerani nomperatani janta Mamerii-toniki.
\q Rootaki noshine-takaantani, rootaki noñaani rashiite maawoeni Israel-paeni!
\q
\v 5 Aritaki notyaanta-kimiri Kamantan-taniri Elías,
\q Tekira omonkaa-tapaaka kitejeri ikoyiri Tajorentsi, tema okowaenkatatyee, omapero-teeyaa okaariperotee.
\q
\v 6 Aritaki roepiya-shire-teeri Tajorentsi ikaatzi ipaapate-teetari, osheki ikowapero-teeri itomi-paeni.
\q Ari ikantziteyaari itomiteetari, osheki retakopero-teeyaari ashitariri-paeni.
\q “Paamahaena aririka nopiyee, nowajankiteeri-kari ikaatzi jeekantawori kepatsi.”