\id MIC - Ashéninka S. Ucayali Bible panorama portions [cpy] -Peru (web 2015)
\h MIQUEAS
\toc1 Miqueas
\toc2 Miqueas
\toc3 Mq.
\mt1 MIQUEAS
\c 1
\p
\v 1 Iroka iñaani Tajorentsi ikamantziriri Miqueas Kashiya-kaarini-jatzi, ikantziri: “Noñaayimiro oeta awijatsini paata Oshitekii-toniki eejatzi Aapatziyaweniki.” Aripaete roñaayiri ipinkathari-tantari Jotam, Ahaz eejatzi Ezequías janta ijeekinta Judá-paeni.
\c 2
\c 3
\c 4
\c 5
\q
\v 1 ¡Rishinto owayiri-paeni! Pikijawentyaa rinkiteetakimira tantotsikira,
\q Tema rowayiri-teetatyee.
\q Antawoete rowajankiteeteri reewarite asheninka Israel-paeni,
\q Rompoja-waetan-tyaari pajamentotsi ipooki.
\q
\v 2 Rooma eeroka, Owapankoni jeekatsiri Poshini-pathaniki,
\q Rawijakimi ishekiiyini pisheninka Judá-paeni.
\q Ari ipoñeeyaami pinkathari-wenteerini Israel-paeni.
\q Riitaki etakawori itzimaki paerani,
\q Itziman-tayitakari kañaaniri.
\q
\v 3 Eepichokiini rookawenta-paentziri rashiyitari,
\q Roojatzi paata otzimaa-nitan-takyaari tsinani ikowakahae-takiri itzime eentsite.
\q Riyoshiiteetani tsinani itzime eentsite.
\q Aripaete ipokayitee isheninka,
\q Itsipayi-teeyaari Israel-paeni.
\q
\v 4 Ari retanakyaawori pinkathari raamaako-wentee-yaari isheninka-paeni,
\q Rootaki imatantee-yaari ishintsinka Tajorentsi.
\q Ari ikantzi-teetyaari ipinkatha-teetero iwaero Itajorentsite.
\q Aritaki ijeekawaetee kameetha,
\q Tema antawoete ipinkathee-teeri Tajorentsi,
\q Imaeteero maawoeni jempe-rika oweyaa-thapi-tapaa kepatsi.