1
00:00:05,000 --> 00:00:30,500
Aꞌanaj ayaa pu titaaruu. Au tu aujuꞌucaꞌa aujna mej yáꞌanaꞌamiche ɨ Dioj. Au tu ti raꞌantinajchacaꞌa seij ɨ tyamueij tɨ tiyaaruꞌu tzajtaꞌan seijraꞌacaa. Jɨitaꞌa pu pueenyaꞌa aɨjna. Aɨjna ɨ tiyaaruꞌu, aɨ pu raayɨꞌɨtɨhuaꞌa tɨ tiꞌitɨj huámuaꞌaree. Eihua pu huaꞌamueꞌitɨchihuaꞌa aɨjna ɨ jɨitaꞌa ɨ tumin huaꞌa jemi ɨ maj rachaɨcaꞌa.

2
00:00:30,500 --> 00:00:50,460
Tɨꞌɨqui aɨn taataven. Aa pu eꞌevéꞌejijhuajmaꞌa ayan tɨcɨn: ―Amɨme mɨ tyetyaca, ai mu hui ravaɨreꞌe ɨ Dioj ɨ tɨ ta japua eꞌeseijreꞌe naijmiꞌica japua mataꞌaj meyan tyajamuaataꞌixaateꞌen aꞌij tɨ tiꞌirɨꞌɨri tɨ Dioj tyajamuaatauuniꞌi.

3
00:00:50,460 --> 00:01:17,080
Ayaa pu aꞌurɨjnyaꞌa nain xɨcaj tzajtaꞌa asta tɨꞌɨj cai cheꞌe tyeꞌeviicueꞌi aɨjna ɨ Pablo. Aj puꞌi pɨ aꞌureꞌeve. Tɨꞌɨqui ayan tiraataꞌixaa aɨjna ɨ tiyaaruꞌu tɨcɨn: ―Ayaa nu hui tiꞌimueꞌijteꞌe aɨjna jetze maꞌacan ɨ Cɨriistuꞌu paj huiirajraꞌani pamɨjna jetze mɨ tyamueij. ―Ayaa pu tiraataꞌixaa. Cɨmeꞌen puꞌu ayan tyuꞌutaxajtacaꞌa, aj puꞌi eꞌeyan huiirajraa aɨjna ɨ jɨitaꞌa jetze.

4
00:01:17,080 --> 00:01:43,580
Majta maɨn ɨ maj rachaɨcaꞌa ɨ tyamueij, matɨꞌɨj raamuaꞌareeriꞌi tɨ cai cheꞌe aꞌij tiꞌirɨꞌɨri maj raamueꞌitɨn ɨ tumin aɨjna jetze, aj mu mi huaꞌuvíviꞌi maɨjna ɨ Pablo, majta maɨjna ɨ Silas. Matɨꞌɨj mi huajaꞌuviꞌitɨ aɨme jemi ɨ mej tieꞌijta aujna aꞌahuaꞌa tɨ aꞌaráyaujtaꞌa aꞌu mej tyajaꞌatuꞌaraca tiꞌitɨj.

5
00:01:43,580 --> 00:01:58,980
Matɨꞌɨj mi a huajautuaa huaꞌa jemi ɨ jueesi. Meyan tiꞌixaata tɨcɨn: ―Aime i tyetyaca, Israel mej jetze ajtyamaꞌacan, eihua mu hui huaꞌajaaxaijteꞌe iiyu maj huachaatɨme.

6
00:01:58,980 --> 00:02:14,980
Saɨque mu hui tihuaꞌamuaꞌate ɨ yeꞌira jetze tɨ cai ayan titaavijteꞌe ityejmi, tyej teyan tiraꞌantzaahuateꞌen, naꞌari tyej teyan huarɨni ityan i tej Roma jetze ajtyamaꞌacan.

7
00:02:14,980 --> 00:02:31,820
Matɨꞌɨj mi maɨn tyaɨte huaꞌutajaaxaijviꞌiriꞌi maɨjna ɨ Pablo, majta maɨjna ɨ Silas. Aj mu mi maɨn jueesi meyan tyuꞌutaijtacaꞌa maj nuꞌu tihuaꞌacáꞌariꞌiraxɨn ɨ tihuaꞌacɨɨxu, majta nuꞌu huaꞌutyávajxɨ piꞌista cɨmeꞌe.

8
00:02:31,820 --> 00:02:40,620
Matɨꞌɨj huaꞌutyávajxɨ eihua, majta hueꞌityaana. Majta raijca tɨ maɨjna ɨ tɨ tíꞌichaꞌɨ tɨ huaꞌuchaɨn tyamuaꞌa naa.

9
00:02:40,620 --> 00:02:56,140
Aɨjna maj tiráchaɨra, aɨ pu huaꞌutyajtuaa ujcaꞌihuaꞌɨmɨ tɨ juaꞌase. Ajta ɨ huáɨɨca, an pu raꞌanarujtyaꞌaxɨ aɨjna jetze ɨ taabla tɨ ij cai huirácuꞌucunyen ɨ huáɨɨca.

10
00:02:56,140 --> 00:03:13,740
Aꞌatzaj tyauumaꞌaca tɨcaꞌɨmɨ, aꞌatzaj cumu eꞌitaꞌa tɨcaꞌa, aɨ mu tyenyuusimaꞌa ɨ Dioj jemi, majta tiꞌichuiicacaꞌa aɨjna ɨ Pablo, ajta aɨjna ɨ Silas. Majta ɨ seica ɨ mej namiꞌihuacaa, aɨ mu huaꞌanamuajracaa.

11
00:03:13,740 --> 00:03:38,620
Tɨꞌɨj i iyeꞌitzi cɨmeꞌe huatyaujcaꞌatzɨjxɨ ɨ chuej. Ajta ɨ jaxuꞌu aꞌu maj áꞌanamiꞌihuacaa, caꞌanin pu cɨn huatyaujcaꞌatzɨjxɨ. Cɨmeꞌen puꞌu ayan huarɨj, aj pu i tyaꞌantacuunirixɨ aꞌu tɨ aꞌapueerta, aujna aꞌu maj áꞌanamiꞌihuacaa, ajta tiꞌijtzaꞌanixɨ ɨ cadeena ɨ maj cɨn anajɨꞌɨquihuajmaꞌacaa ɨ maj namiꞌihuacaa.

12
00:03:38,620 --> 00:03:55,080
Ajta aɨn tɨ tíꞌichaꞌɨ, tɨꞌɨj huatájɨ, aj pu i raaseij tɨ tyaꞌantacúuniꞌihuajmaꞌacaa ajna aꞌu tɨ aꞌapueerta. Aɨ pu i ruꞌijcupi ɨ ruchuun tɨꞌɨj i huaujjeꞌica aꞌini yaa pu raataꞌa cumu muꞌuri huiiraacɨ ɨ maj namiꞌihuacaa.

13
00:03:55,080 --> 00:04:06,100
Ma ajta aɨn ɨ Pablo, caꞌanacan pu huajijhuacaꞌa. Ayaa pu tiraatajee tɨcɨn: ―Capej hui peyan aruura pej peyan ajeꞌicata. Tyaucheꞌe tu naimiꞌi huiraati.

14
00:04:06,100 --> 00:04:21,620
Aj pu i taij huahuáu. Tɨꞌɨqui ayan u aꞌa utyajrupi taichijmáꞌa aujna aꞌu maj aꞌanamiꞌihuacaa. Aj pu i a autunutacaꞌa ajna vejliꞌi aꞌu maj aꞌutyáuucaꞌa aɨjna ɨ Pablo, ajta aɨjna ɨ Silas.

15
00:04:21,620 --> 00:04:30,580
Tɨꞌɨqui hueꞌiraaviꞌitɨ. Aj pu i ayan tihuaꞌutaihuaꞌuriꞌi tɨcɨn: ―¿Aꞌini naarɨni tɨꞌij Dioj tinaatauuniꞌi?

16
00:04:30,580 --> 00:04:42,980
Matɨꞌɨj mi meyan tiraataꞌixaa tɨcɨn: ―Pataꞌaj ráꞌantzaahuateꞌen ɨ tavastaraꞌa, aɨjna ɨ Jesús. Aj pu xaa Dioj timuaatauuniꞌira, ajta aɨme ɨ maj a jamuan a eꞌeche.

17
00:04:42,980 --> 00:04:53,060
Matɨꞌɨj mi meyan tiraꞌixaa maɨjna ɨ aꞌatɨ, majta aɨme ɨ maj jamuan a eꞌeche aɨjna cɨmeꞌe ɨ nyuucari tɨ jetzen raꞌaxa ɨ tavastaraꞌa.

18
00:04:53,060 --> 00:05:08,140
Yaa pu i éenyaꞌa aꞌatzaj tɨcaꞌɨmɨ aɨn tɨ tíꞌichaɨcaꞌa, aɨ pu huaꞌujaꞌusi ɨ maj tzaanicaa. Matɨꞌɨj mi eꞌeyan huaujmuaɨꞌɨhuacaꞌa aɨjna ɨ tɨ tíꞌichaɨcaꞌa, majta aɨme ɨ maj jamuan a eꞌeche.

19
00:05:08,140 --> 00:05:20,380
Tɨꞌɨj i huajaꞌuviꞌitɨ ɨ ruche. Aj pu i tihuaꞌumí. Ajta ɨ maj jamuan a eꞌeche, eecan mu huataujtyamuaꞌave maɨjna cɨmeꞌe maj ráꞌantzaahua ɨ Dioj.

20
00:05:20,380 --> 00:05:34,120
Tapuaꞌarijmaꞌaca mu maɨn ɨ jueesi huaꞌutaij ɨ polisiiya. Ayaa mu tiraataꞌixaa aɨjna tɨ tíꞌichaɨcaꞌa tɨcɨn: ―Cheꞌe hueꞌirajtuaani ɨ maj namiꞌi ɨ maj huaꞌapua.

21
00:05:34,120 --> 00:05:54,020
Aj pu i aɨn tɨ tíꞌichaꞌɨ, ayaa pu tiraataꞌixaa aɨjna ɨ Pablo tɨcɨn: ―Manaataij ɨ jueesi nyaj nuꞌu amuiꞌirajtuaani. Aɨj pu cɨn, puꞌuri rɨꞌɨri saj huiracɨɨnye. Capu aꞌatɨ cheꞌe aꞌamuajaaxaíityaꞌa aꞌame. ―Ayaa pu tihuaꞌutaꞌixaa aɨjna tɨ tíꞌichaɨcaꞌa.

22
00:05:54,020 --> 00:06:30,280
Ajta aɨn ɨ Pablo, ayaa pu tiraataꞌixaa aɨjna tɨ tíꞌichaɨcaꞌa tɨcɨn: ―Aricu, huaꞌutaꞌixaateꞌe ɨ polisiiya tɨcɨn: “Ityejmi, i tyej aɨme jetze ajtyamaꞌacan ɨ maj romanos pueen, aɨ mu cai tiꞌitɨ taataihuaꞌura aꞌij tyaj tiꞌitɨ cɨn tityautyajturaa, aɨ mu majta taatyaavajxɨ me eijreꞌe tyaɨte tzajtaꞌa, majta taꞌityaana. ¿Tiꞌitajni? ¿Ni meri taꞌaxɨjteꞌen aviitzi cɨmeꞌe? Catu xaa nyaꞌu huiráajuꞌun. Micheꞌe maɨn yéveꞌeréꞌenyen mataꞌaj maɨn tuꞌirajtuaani.”

23
00:06:30,280 --> 00:06:46,860
Matɨꞌɨj mi maɨn polisiiya meyan tihuaꞌutaꞌixaa aɨme ɨ jueesi aꞌij tɨ tyuꞌutaxajtacaꞌa aɨjna ɨ Pablo. Matɨꞌɨj raamuaꞌareeriꞌi tɨ aɨn ɨ Pablo, ajta aɨn ɨ Silas aɨme jetze, mu nuꞌu jetze aꞌajtyámaꞌacan ɨ romano, eecan mu tyuꞌutatzɨn aɨme ɨ jueesi.

24
00:06:46,860 --> 00:07:00,520
Matɨꞌɨj mi u aꞌujuꞌun aɨme ɨ jueesi mej mi tyajaꞌutauruuniꞌi huaꞌa jemi ɨ maj huaꞌapua. Matɨꞌɨj mi hueꞌirajtuaa. Aj mu mi caꞌanijraꞌa huaꞌutaꞌa maj huiracɨɨnye aujna chajtaꞌa.

25
00:07:00,520 --> 00:07:18,460
Ma majta maɨn ɨ maj huaꞌapua, matɨꞌɨj huiiraacɨ aujna carcel, au mu aꞌujuꞌun Lidia tɨ eꞌechajcaꞌa mej mi huaꞌuseij ɨ ruꞌihuaamuaꞌa ɨ mej tyaꞌatzaahuateꞌe. Caꞌanijraꞌa mu huaꞌutaꞌa ɨ huaꞌa tzajtaꞌa. Aj mu mi aꞌucɨj.