1
00:00:05,000 --> 00:00:32,540
Majta aɨme ɨ maj Israel jetze ajtyamaꞌacan, maj majta tejeꞌijta maujna Jerusalén, aɨ mu huajaꞌutaityacaꞌa ɨ Juan jemi seica ɨ maj tiꞌivaɨraꞌacaa u huaꞌateyujtaꞌa, majta seica ɨ maj maɨjna jetze aꞌiraanye aɨjna ɨ Leví tyaacan mej mi meyan tiraataihuaꞌu tɨ cɨmeꞌen yee: “¿Aꞌataani paj pɨrɨcɨ?”

2
00:00:32,540 --> 00:00:48,900
Ajta aɨjna ɨ Juan, capu huaꞌutaꞌijmɨjriꞌi maj raamuaꞌati silu ruxéꞌeviꞌiraꞌa pu cɨn ayan tihuaꞌutaꞌixaa mejseiiraca naijmiꞌi ɨ tyaɨte. Ayan tɨcɨn: ―Canu nyaa nyaɨn pueen ɨ Cɨriistuꞌu tɨ Dioj raꞌantihuau.

3
00:00:48,900 --> 00:01:18,740
Matɨꞌɨj mi meyan tiraataihuaꞌuriꞌi tɨcɨn: ―¿Aꞌataajni paj pueen? ¿Ni paɨn pueen aɨjna ɨ Elías? Ajta ayan tihuaꞌutaꞌixaa tɨcɨn: ―Canu nyaɨn pueen. Majta meyan tɨcɨn: ―¿Ni paɨn pueen ɨ tyaj rachuꞌeveꞌe, aɨjna tɨ Dioj jetze maꞌacan titaataꞌixaateꞌesin? Ayaa pu tyuꞌutanyúu tɨcɨn: ―Canu nyaɨn pueen.

4
00:01:18,740 --> 00:01:38,980
Matɨꞌɨj mi meyan tiraataꞌixaa tɨcɨn: ―¿Aꞌataani nyaꞌu paj pueen muaa? Pataꞌaj taataꞌixaateꞌen aꞌa cɨmeꞌen tej ti tyajta teyan tihuaꞌutaꞌixaateꞌen aɨme ɨ maj tajaꞌutaityacaꞌa. ¿Aꞌini petiꞌixa aꞌa cɨmeꞌen?

5
00:01:38,980 --> 00:02:06,460
Aj puꞌi ayan Juan tyuꞌutanyúu tɨcɨn: ―Nyaa nu nyaɨn pueen aɨjna tɨ ayan cɨmeꞌen tyuꞌutaxajtacaꞌa aɨjna ɨ Isaías tyaacan tɨ nuꞌu ayan aꞌatɨ pu aꞌa avéꞌejijhua aujna huaꞌɨtzita. Ayan tɨcɨn: “Rɨꞌɨ xu huaujruuren sej si seyan tyamuaꞌa naa raꞌancureꞌeviꞌitɨn saɨjna ɨ tavastaraꞌa.”

6
00:02:06,460 --> 00:02:30,420
Majta seica ɨ fariseos, ɨ maj tyuꞌutaijtiꞌire, ayaa mu tiraataihuaꞌuriꞌi tɨcɨn: ―Tɨ puaꞌa peyan muaa cai aɨn pueen aɨjna ɨ Cɨriistuꞌu, pajta cai muaa aɨn pueen ɨ Elías, pajta cai muaa aɨn pueen aɨjna ɨ tyaj rachuꞌeveꞌe tɨ Dioj jetze maꞌacan titaataꞌixaateꞌesin, ¿aꞌini een cɨn peyan huaꞌamuaɨꞌɨhua ɨ tyaɨte?

7
00:02:30,420 --> 00:02:42,780
Ayaa pu tyuꞌutanyúu aɨjna ɨ Juan tɨcɨn: ―Nyaa nu aꞌamuamuaɨꞌɨhua jaj cɨmeꞌe. Ma ajta, seij pu ayan muejmi jemi seijreꞌe ɨ saj cai ramuaꞌate.

8
00:02:42,780 --> 00:02:56,280
Ai pu aɨn pueen ɨ tɨ auj me eꞌeveꞌeme. Aꞌini inyaa cɨleenyaꞌa nu cɨn tiꞌityejvee ɨ jemin, capu ayan tiraavijteꞌe nyaj raꞌajtaɨꞌɨpɨꞌɨn ɨ caꞌacairaꞌan.

9
00:02:56,280 --> 00:03:12,100
Ayaa pu tyuꞌuruu aujna aꞌahuaꞌa tɨ ayan tyajaꞌarajtyahuaa tɨcɨn Betábara, u jetze pujmeꞌen, ɨ atyaꞌanaraꞌan jetze ɨ Jordán, aꞌu tɨ aɨn Juan huajaꞌamuaɨꞌɨhuacaꞌa.

10
00:03:12,100 --> 00:03:39,760
Yaa ruꞌijmuaꞌa yee, aɨ pu huaseij aɨjna ɨ Jesús tɨ eꞌeveꞌemaꞌacaa ajna jemin. Aj pu i ayan tyuꞌutaxajtacaꞌa aɨjna ɨ Juan tɨcɨn: ―Casiꞌi xaaseij muan, mɨ canyaꞌa Dioj tɨ raatámuaɨꞌɨvajta. Ai pu aɨn pueen tɨ ruxéꞌeviꞌiraꞌa cɨn raꞌurauuna nain cɨmeꞌe aꞌij mej tityaꞌutyajturaa ɨ Dioj jemi aꞌachu maj puaꞌamua yen seijreꞌe iiyan chaanaca japua.

11
00:03:39,760 --> 00:04:00,540
Ai pu aɨn pueen ɨ nyaj cɨmeꞌen neyan tyuꞌutaxajtacaꞌa nyatɨꞌɨj neyan tyajamuaataꞌixaa yee: “Saɨj pu ye éꞌeveꞌemaꞌa aꞌame nyahuaritaꞌa majcaꞌihua, tɨ ajta eitzeꞌe vaꞌacan cɨn tiꞌityejvee nyacai inyaa, aꞌini aɨ pu anacai huataseijre nyacai inyaa.”

12
00:04:00,540 --> 00:04:16,740
Canu nyajta inyaa nyasaɨj ramuaꞌatyajcaa. Aru ayaa nu een cɨn mu aꞌuveꞌeme nyej ni neyan huaꞌumuaɨꞌɨhua ɨ jaj cɨmeꞌe tɨ ij aɨn ayan huataseijreꞌen aɨme jemi ɨ mej Israel jetze ajtyamaꞌacan.

13
00:04:16,740 --> 00:04:32,520
Aj puꞌi Juan ayan tihuaꞌutaꞌixaa tɨcɨn: ―Ayaa nu raaseij nyaɨjna ɨ xaijnyuꞌucaraꞌaraꞌan ɨ Dioj tɨ uteꞌe eꞌicámaꞌacaa. Yaa pu seijraꞌacaa tɨj cucuiꞌi. Aj pu i an múutzeꞌen aꞌujyeijxɨ.

14
00:04:32,520 --> 00:05:01,580
Canu aꞌatzu ramuaꞌatíncheꞌe tɨ puaꞌa cai ayan tinaataꞌixaateꞌencheꞌe aɨjna tɨ nyajaꞌutaityacaꞌa ayan tɨcɨn: “Tɨ puaꞌa hui peyan raaseij tɨ aɨn xaijnyuꞌucaraꞌaraꞌan ɨ Dioj ayan eꞌicaanyen tɨ ij seij japuan huatyaturan, aj paj ramuaꞌati tɨ aɨn pueen tɨ ayan tiraataijteꞌesin aɨjna ɨ xaijnyuꞌucaraꞌaraꞌan ɨ Dioj tɨ muejmi tzajtaꞌa huatyaturan sej si saɨjna jetze araujcaꞌanyen.”

15
00:05:01,580 --> 00:05:13,360
Nyaa nu neyan raaseij. Nyajta nu neyan tyajamuaataꞌixaateꞌesin tɨ aɨn pueen ɨ yaujraꞌan ɨ Dioj. ―Ayaa pu tihuaꞌutaꞌixaa.