1
00:00:05,000 --> 00:00:23,040
Tɨꞌɨj hueica xɨcajretze tyaumaꞌaca, saɨj pu huatyenyaɨchacaꞌa ajna aꞌahuaꞌa Galileeya, chajtaꞌa tɨ ayan tyajaꞌarajtyahuaa tɨcɨn Caná. Ajta aɨn naanajraꞌan ɨ Jesús, aun aꞌutyavaacaꞌa.

2
00:00:23,040 --> 00:00:35,820
Majta aɨme ɨ mej tiꞌiyeste, aɨ mu raataꞌinee maɨjna ɨ Jesús, majta huaꞌutaꞌinee aɨme ɨ maj jamuan áꞌujhuaꞌanyaꞌa, mej mi huaꞌa jamuan tyuꞌuyesten.

3
00:00:35,820 --> 00:00:45,500
Tɨꞌɨj huaxɨj aɨjna ɨ viinu, aj puꞌi aɨn naanajraꞌan ɨ Jesús ayan tiraataꞌixaa aɨjna tɨcɨn: ―Capu cheꞌe urajmuaa ɨ viinu.

4
00:00:45,500 --> 00:01:00,900
Tɨꞌɨqui Jesús ayan tyuꞌutanyúu tɨcɨn: ―Naanaj, ¿aꞌini petiꞌijxeꞌeveꞌe inyeetzi jemi? Capuu xɨ ajna tyajaꞌureꞌenye ɨ nyaj jetzen aɨme jemi huataseijreꞌen me nyeseíiraca aɨme ɨ tyaɨtye.

5
00:01:00,900 --> 00:01:12,380
Aj puꞌi aɨn naanajraꞌan ayan tihuaꞌutaꞌixaa aɨme ɨ mej tiꞌivaɨreꞌe tɨcɨn: ―Sataꞌaj seyan huarɨni aꞌij tɨ aɨn tyajamuaataꞌixaateꞌesin.

6
00:01:12,380 --> 00:01:41,540
Ajta aun vejliꞌi tyaꞌuvaatɨmaꞌacaa ɨ xaꞌari. Ayaa pu tíꞌipuaꞌamuacaa aꞌachu cumu arájsevi tɨ tetej cɨmeꞌe taavijhuacaꞌa. Ai pu aɨn pueen ɨ maj maɨjna cɨn tyuꞌujaꞌusi naꞌari maɨjna jetze huaɨꞌɨhua aɨme ɨ mej Israel jetze ajtyamaꞌacan mej mi meyan maɨjna cɨn aráurasten ɨ ruyeꞌira. Ayaa pu tyaꞌuvejricaꞌa aꞌachu cumu seite liitru, naꞌari seite liitru japuan tamuaamuataꞌa.

7
00:01:41,540 --> 00:01:54,200
Aj puꞌi Jesús ayan tihuaꞌutaij aɨme ɨ mej tiꞌivaɨreꞌe. Ayan tɨcɨn: ―Sataꞌaj raꞌavaꞌɨstyaꞌaxɨꞌɨn ɨ jaj ɨ xaꞌari tzajtaꞌa. Matɨꞌɨj mi tyaꞌavaꞌɨstyaꞌaxɨ tyamuaꞌa náa.

8
00:01:54,200 --> 00:02:12,780
Aj puꞌi ayan tihuaꞌutaꞌixaa tɨcɨn: ―Sataꞌaj ruꞌitajanyaꞌɨn cɨj caj ɨ jaj tuꞌurajmuaa mɨ xaꞌari tzajtaꞌa. Sataꞌaj sajta raataꞌan saɨjna tɨ aɨjna cɨn antyujmuaꞌaree mej ye tiꞌiyeste. Aj mu mi meyan raataꞌa.

9
00:02:12,780 --> 00:02:35,060
Ajta aɨn tɨ ayan antyujmuaꞌaree, aɨ pu raꞌantiꞌi aɨjna ɨ jaj tɨ huataujviinutacaꞌa. Aɨ pu cai ramuaꞌareeracaꞌa aꞌu tɨ eꞌemaꞌacan aɨjna ɨ viinu. Ma majta aɨme ɨ mej tiꞌivaɨreꞌe, aɨ mu xaa ramuaꞌareeracaꞌa. Aɨj pu cɨn, aɨ pu raatajé aɨjna ɨ aꞌatɨ tɨ huatyenyaɨche.

10
00:02:35,060 --> 00:03:05,700
Ayaa pu tiraataꞌixaa tɨcɨn: ―Aꞌatɨ tɨ naꞌa ayaa tu tiꞌijrɨꞌɨre. Anacai pu hui huaꞌataꞌaca aɨjna ɨ viinu tɨ eitzeꞌe reꞌen. Tɨ puaꞌa meri taꞌaruu, aj puꞌi aɨn huaꞌutaꞌasin ɨ tɨ cai reꞌen. Ma pajta muaa, maꞌa pu aꞌayaúche ɨ tɨ eitzeꞌe reꞌen tɨj naꞌa tyaj autyajhuii tej tij ijii raꞌantiyeꞌen. ―Ayaa pu tiraataꞌixaa.

11
00:03:05,700 --> 00:03:31,660
Ai pu aɨn pueenyaꞌa ɨ tɨ anacai ayan tiꞌitɨ cɨn huarɨj aɨjna ɨ Jesús, ɨ maj cɨn rɨꞌɨ tiraꞌutaseij. Ayaa pu huarɨj aujna u Caná, chajtaꞌa tɨ aun aꞌutacáꞌa u Galileeya. Ayaa pu huaꞌa jemi huataseijre ɨ tiꞌimuareꞌeriꞌiraꞌaraꞌan ɨ tɨ cɨn rɨꞌɨ tihuaꞌutaꞌa. Majta aɨme ɨ mej jamuan áꞌujhuaꞌanyaꞌa, aɨ mu eitzeꞌe ráꞌantzaahua.

12
00:03:31,660 --> 00:03:43,980
Tɨꞌɨjtaꞌi, aun aꞌucáanye aujna Capernaum aɨme jamuan ɨ naanajraꞌan, ajta ihuaamuaꞌameꞌen. Au mu eꞌetee aꞌachu puaꞌan xɨcaj.