1
00:00:05,000 --> 00:00:21,040
Majta maɨn ɨ fariseos, ayaa mu raamuaꞌareeriꞌi tɨcɨn eitzeꞌe pu nuꞌu huaꞌamueꞌitɨjcɨ ɨ tyaɨte aɨjna ɨ Jesús cai aɨjna ɨ Juan. Ajta nuꞌu huaꞌamuaɨꞌɨhuá.

2
00:00:21,040 --> 00:00:28,400
Ma ajta aɨn Jesús, capu ayan huaꞌamuaɨꞌɨhuacaꞌa, silu aɨme muꞌu ɨ maj jamuan áꞌujhuaꞌanyaꞌa.

3
00:00:28,400 --> 00:00:44,320
Ajta aɨn Jesús, tɨꞌɨj ayan tyuꞌunamuajriꞌi mej nuꞌu meyan raamuaꞌareeriꞌi aɨme ɨ fariseos, aj puꞌi aun aꞌarajraa u Judea. Tɨꞌɨqui ajtahuaꞌa aun aꞌutamé ajtyapua u Galileeya.

4
00:00:44,320 --> 00:00:49,340
Ayaa pu ruxeꞌevaꞌacaa tɨ aun eꞌitaꞌa aꞌuréꞌenyen u Samaariya.

5
00:00:49,340 --> 00:01:06,000
Tɨꞌɨqui aun aꞌaráꞌa chajtaꞌa tɨ ayan tyajaꞌarajtyahuaa tɨcɨn Sicar, tɨ aun jetze ajtyamaꞌacan u Samaariya. Au pu vejliꞌi aꞌutacáꞌa aɨjna chuejraꞌa tɨ aɨn nuꞌu Jacobo tyaacan raatapueijve ɨ ruyauj ɨ José tyaacan.

6
00:01:06,000 --> 00:01:24,880
Au pu yeꞌetyaacu aɨjna ɨ Jacobo. Ajta aɨn Jesús, au pu aꞌujyeijxɨ a vejliꞌi aꞌutɨ eꞌetyacun aꞌini tyamuaꞌa pu tiꞌicuaꞌanacaꞌa aɨjna cɨmeꞌe tɨ aꞌatee tɨ huamej ɨ juye jetze. Aꞌatza ajna pɨtiꞌirɨjcaa a tacuarixpua.

7
00:01:24,880 --> 00:01:40,480
Tɨꞌɨqui saɨj a eꞌireꞌenye, jɨitaꞌa tɨ Samaariya eꞌemaꞌacan. Ayaa pu aɨjna cɨn eꞌireꞌenye tɨ ij jaj eꞌitajanyaꞌɨn. Aj puꞌi Jesús ayan tiraatajee tɨcɨn: ―Cɨj caj jaj tinaataꞌa.

8
00:01:40,480 --> 00:01:47,600
Majta aɨme, ɨ mej jamuan áꞌujhuaꞌanyaꞌa, au mu aꞌujuꞌun u chajtaꞌa mej mi cueꞌira tyuꞌunanan.

9
00:01:47,600 --> 00:02:18,080
Ajta aɨn jɨitaꞌa ayan tiraataꞌixaa tɨcɨn: ―Muaa paj hui Israel jetze ajtyamaꞌacan. Nyajta inyaa, inyaj iꞌi jɨitaꞌa iiya nyaj Samaariya maꞌacan. ¿Aꞌini een cɨmeꞌe peyan jaj nyahuavii nyaj cɨj caj timuaataꞌan? (Ayaa pu tyuꞌutaxajtacaꞌa aɨjna ɨ jɨitaꞌa aꞌini aɨme ɨ mej Israel jetze ajtyamaꞌacan camu aꞌij áꞌujmuaꞌara aɨme jemi, ɨ mej Samaariya eꞌeche.)

10
00:02:18,080 --> 00:02:46,140
Aj puꞌi Jesús ayan tiraataꞌixaa tɨcɨn: ―Tɨ puaꞌa paj muaꞌareera tiꞌitɨ tɨ cɨn Dioj ruxéꞌeviꞌiraꞌa cɨn muaatapueijveꞌesin, pajta ramuaꞌareera aꞌatɨ nyaj pueen inyaa, i nyaj neyan muahuavii, ayaa paj naatahuaviirancheꞌe. Nyajta nu neyan nyaɨjna muaataꞌanicheꞌen nyaɨjna ɨ jaj ɨ paj cɨn rusen cɨn ruuri.

11
00:02:46,140 --> 00:03:05,780
Ajta aɨn ɨ jɨitaꞌa, ayaa pu tiraataꞌixaa tɨcɨn: ―Nyavastaraꞌa, capej tiꞌitɨ tichaꞌɨ ɨ paj cɨn raꞌitajanyaꞌɨn ɨ jaj, ajta eihua pu hui ucatee ɨ tɨ atyacun. ¿Aꞌuni jetze payaꞌajanyaꞌɨsin paɨjna ɨ jaj?

12
00:03:05,780 --> 00:03:30,640
¿Ni peyan eitzeꞌe tiꞌitɨ cɨn antiꞌamuaꞌaree muaa cai aɨjna ɨ tayaꞌupuacɨꞌɨ, aɨjna ɨ Jacobo tyaacan tɨ ayan taataꞌa tej teyan auyeꞌen iiyacui? Aɨ pu ajta ayajna yaꞌacaraꞌa, majta aɨme ɨ yaujmuaꞌameꞌen, majta ɨ tɨ huaꞌayaꞌamuaacaꞌa.

13
00:03:30,640 --> 00:03:50,240
Ayaa pu tyuꞌutanyúu aɨjna ɨ Jesús tɨcɨn: ―Ayaa nu tiꞌimueꞌixaateꞌe tɨ ayan tihuaꞌaruuren aꞌachu maj puaꞌamua meyan rayeꞌe maɨjna ɨ jaj tɨ eꞌitaninyei mɨ taꞌatyacun jetze. Matɨꞌɨj huayeꞌen, majtahuaꞌa mu huataꞌicu majcaꞌi huayee.

14
00:03:50,240 --> 00:04:16,680
Ma ajta, aꞌatɨ tɨ naꞌa tɨ aɨjna huayeꞌen ɨ jaj nyaj hui neyan raataꞌasin, capu cheꞌe aꞌanaj huataꞌimɨ. Ee xaa nyaꞌu, ayaa pu seiraꞌa aꞌame ɨ jemin tɨ aɨjna ɨ jaj nyaj neyan raataꞌasin ayan eꞌitaninyeicaꞌa aꞌame tɨ ij aɨn aꞌatɨ rusen cɨn ruuri aꞌaraꞌani. ―Ayaa pu tyuꞌutaxajtacaꞌa aɨjna ɨ Jesús.

15
00:04:16,680 --> 00:04:36,040
Aj puꞌi aɨn jɨitaꞌa ayan tiraataꞌixaa tɨcɨn: ―Nyavastaraꞌa, pataꞌaj peyan cɨj caj tinaataꞌan paɨjna ɨ jaj nyej ni cai cheꞌe huataꞌimɨn, tɨ ij ajta cai cheꞌe ayan ruxeꞌevaꞌa nyej neyan yaraajein nyeyajna.

16
00:04:36,040 --> 00:04:45,680
Aj puꞌi Jesús ayan tiraataꞌixaa tɨcɨn: ―Aricu, u aꞌutájee ɨ tɨ muajáꞌuviꞌitɨn. Pajta mu aꞌuveꞌemeꞌen.

17
00:04:45,680 --> 00:05:01,160
Aj puꞌi aɨn jɨitaꞌa ayan tiraataꞌixaa tɨcɨn: ―Capu aꞌatɨ nyajáꞌuviꞌitɨn. Aj puꞌi ayan tiraataꞌixaa aɨjna ɨ Jesús tɨcɨn: ―Xaꞌapɨꞌɨn paj tyuꞌutaxajtacaꞌa tɨ nuꞌu cai aꞌatɨ muajáꞌuviꞌitɨn.

18
00:05:01,160 --> 00:05:18,160
Ayaa pu tiꞌayajna ɨ maj meri anxɨvi araꞌasi muaꞌaraa aɨme ɨ maj muatyeviꞌitɨnyaꞌa. Ajta aɨn ɨ paj jamuan áꞌucaj ijii, capu muajáꞌuviꞌitɨn aɨjna. Ayaa paj tzaahuatiꞌiraꞌa cɨn tyuꞌutaxajtacaꞌa.

19
00:05:18,160 --> 00:05:30,760
Aj puꞌi ayan tiraataꞌixaa aɨjna ɨ jɨitaꞌa tɨcɨn: ―Nyavastaraꞌa, ayaa pu hui tinaꞌamitejteꞌe pej peyan Dioj jetze maꞌacan tiꞌixaxaꞌa.

20
00:05:30,760 --> 00:05:56,200
Tavaujsimuaꞌacɨꞌɨ mu ranaꞌamichaꞌa ɨ Dioj aijna jetze ɨ jɨri. Ma sajta muan, mɨ saj Israel jetze ajtyamaꞌacan, ayaa xu tiꞌixaxaꞌa tɨ ayan ruxeꞌeveꞌe tej tyaun yáꞌanaꞌamicheꞌen aujna aꞌahuaꞌa u Jerusalén. ―Ayaa pu tiraataꞌixaa.

21
00:05:56,200 --> 00:06:17,640
Ajta aɨn Jesús, ayaa pu tyuꞌutanyúu tɨcɨn: ―Jɨitaꞌa, ayaa nu tiꞌimueꞌixaateꞌe tzaahuatiꞌiraꞌa cɨmeꞌe, puꞌuri tɨn tyajaꞌureꞌenyejsin ajna xɨcajraꞌan jetze saj cai cheꞌe ranaꞌamichaꞌa xaꞌajuꞌun ɨ tayaꞌupua iiyan jɨri japua, camu majta cheꞌe ranaꞌamichaꞌa muaꞌajuꞌun u Jerusalén.

22
00:06:17,640 --> 00:06:38,320
’Muan, mɨ saj Samaariya eꞌemaꞌacan, ayaa xu hui ramuaꞌate saɨjna ɨ saj ranaꞌamiche. Me tyajta ityan, tyan tu ramuaꞌate tyaɨjna ɨ tyaj ranaꞌamiche aꞌini aɨjna tɨ ayan tajapua nyuuni, aɨme jetze pu huataseijreꞌesin ɨ mej Israel jetze ajtyamaꞌacan.

23
00:06:38,320 --> 00:07:06,960
Ma ajta, puꞌuri tɨn tyajaꞌureꞌenyejsin ajna xɨcajraꞌan jetze mej meyan maɨjna jetze araujcaꞌanyen ɨ xaijnyuꞌucaraꞌaraꞌan ɨ Dioj mej mi meyan tzaahuatiꞌiraꞌa cɨn ranaꞌamicheꞌen ɨ tayaꞌupua. Ee xaa nyaꞌu, puꞌuri ajna tyajaꞌureꞌenye mej meyan rɨcɨ aɨme ɨ mej tzaahuatiꞌiraꞌa cɨn ranaꞌamiche aꞌini tayaꞌupua pu ayan huaꞌahuauhuau aɨme ɨ mej meyan ranaꞌamiche.

24
00:07:06,960 --> 00:07:26,000
Dioj pu xaijnyuꞌucari pueen, majta aɨme ɨ mej ranaꞌamiche, ayaa pu ruxeꞌeveꞌe mej maɨjna jetze araujcaꞌanyen ɨ xaijnyuꞌucaraꞌaraꞌan ɨ Dioj mej mi tzaahuatiꞌiraꞌa cɨn ranaꞌamicheꞌen. ―Ayaa pu tyuꞌutaxajtacaꞌa aɨjna ɨ Jesús.

25
00:07:26,000 --> 00:07:51,420
Ajta aɨn jɨitaꞌa ayaa pu tiraataꞌixaa tɨcɨn: ―Nyaa nu hui ramuaꞌaree tɨ aɨn tyejmi jemi huataseijreꞌesin aɨjna ɨ tɨ jee Mesías pueen, ɨ mej meyan ratamuaꞌamua tɨcɨn Cɨriistuꞌu tɨ Dioj raꞌantihuau. Tɨꞌɨj aɨn ayan huataseijreꞌen, aɨ pu nain cɨn titaataꞌixaateꞌesin.

26
00:07:51,420 --> 00:08:00,280
Aj puꞌi Jesús ayan tiraataꞌixaa tɨcɨn: ―Inyaa, i nyaj a jamuan tiꞌixaj, nyaa nu nyaɨn pueen.

27
00:08:00,280 --> 00:08:27,080
Cɨmeꞌen puꞌu ayan tyuꞌutaxajtacaꞌa, aj mu mi uveꞌenye aɨme ɨ maj jamuan áꞌujhuaꞌanyaꞌa. Eecan mu aꞌij raꞌutaseij maɨjna cɨmeꞌe tɨ aɨn jɨitaꞌa jamuan tíꞌixajtacaa. Ma ajta, capu aꞌatɨ ayan tiraataihuaꞌuriꞌi tɨcɨn: “¿Aꞌini pajruuren pamɨjna mɨ jɨitaꞌa?” Ni camu meyan yee: “¿Aꞌini een cɨmeꞌe peyan jamuan tiꞌixaj?”

28
00:08:27,080 --> 00:08:54,200
Ajta aɨn jɨitaꞌa, a pu yaꞌutara aɨjna ɨ ruxaꞌari. Tɨꞌɨqui u áꞌumej u chajtaꞌa. Aj puꞌi ayan tihuaꞌutaꞌixaa ɨ tyaɨte. Ayan tɨcɨn: ―Mu saꞌutauriyiꞌi sej si yaꞌuseij aꞌatɨ tɨ ayan tinaataꞌixaa nain cɨmeꞌe aꞌij nyej tiꞌitinchaꞌɨ. ¿Ni qui cai aɨn pueen ɨ Cɨriistuꞌu? ―Ayaa pu tihuaꞌutaꞌixaa.

29
00:08:54,200 --> 00:09:03,980
Matɨꞌɨj meyan tiraanamuajriꞌi, aj mu mi maɨn ɨ tyaɨte huiiraacɨ u chajtaꞌa. Matɨꞌɨj mi maun u áꞌujuꞌun ɨ Jesús jemi.

30
00:09:03,980 --> 00:09:17,120
Meenti mauj aɨme ɨ maj jamuan áꞌujhuaꞌanyaꞌa, ayaa mu caꞌanyejri cɨn rataꞌacaraꞌa tɨ tyuꞌucuaꞌani. Ayaa mu tiraataꞌixaa tɨcɨn: ―Rabí, pataꞌaj tyuꞌucuaꞌani.

31
00:09:17,120 --> 00:09:26,360
Aj puꞌi ayan tihuaꞌutaꞌixaa tɨcɨn: ―Nyaa nu nyaɨjna cɨn huatyanvaɨreꞌesin nyaɨjna cɨmeꞌe ɨ cueꞌira ɨ saj cai ramuaꞌate.

32
00:09:26,360 --> 00:09:35,240
Majta maɨn, ayaa mu tyuꞌurixaatyaꞌacaa tɨcɨn: ―Tij aꞌatɨ ari tiravaꞌatuiriꞌi ɨ cueꞌira.

33
00:09:35,240 --> 00:09:54,920
Aj puꞌi Jesús ayan tihuaꞌutaꞌixaa tɨcɨn: ―Aɨj nu cɨn neyan huatyanvaɨreꞌesin nyaɨjna cɨmeꞌe nyej ni neyan raꞌaraꞌasten ɨ tɨ cɨn Dioj ayan nyajaꞌutaityacaꞌa, nyajta nyej nain cɨn raꞌanticɨꞌɨti nyaɨjna ɨ tɨ cɨn tinyeijca.

34
00:09:54,920 --> 00:10:22,840
’Caxu seyan tyuꞌutaxajta yee aucheꞌe tyaꞌatura aꞌachu cumu muaacua maxcɨraꞌi, sej si tyuꞌuráꞌatzaana. Ayaa nu tyajaꞌamueꞌixaateꞌe, xaaseij, sajta nainjapua huanyeerajraꞌani aujna maj aꞌutyáuu ɨ maj tiꞌihuasteꞌe. Eihua mu huacuéinaviꞌijmee. Puꞌuri huaxaꞌapɨꞌɨn saj huaꞌajsaɨreꞌen sej si tyuꞌutatuiireꞌen ɨ Dioj jemi.

35
00:10:22,840 --> 00:10:47,940
Ajta ijii, puꞌuri raꞌancuraꞌasin aꞌatɨ aɨjna tɨ racɨꞌɨti, aɨ pu huaꞌajsaɨreꞌesin mej mi meyan ruuri huatyaturan tɨj naꞌa rusen cɨmeꞌe mej mi naijmiꞌi meyan huataujtyamuaꞌaveꞌen, aɨjna ɨ tɨ tyuꞌuhuaste aꞌij tɨ Dioj tiraijca, ajta aɨjna tɨ ayan tyuꞌuráꞌatza aꞌij tɨ ajta Dioj tiraijca.

36
00:10:47,940 --> 00:11:01,400
’Aɨj pu cɨn ayan tiꞌayajna aꞌij tɨ teꞌeyuꞌusiꞌi tɨ ayan tɨcɨn: “Aɨ pu raayɨꞌɨtɨ tɨ tyuꞌuhuasteꞌen. Ajta aɨn ɨ saɨj ayaa pu raayɨꞌɨtɨ tɨ tyuꞌuráꞌatzaana.”

37
00:11:01,400 --> 00:11:24,360
Ayaa nu hui nyaɨjna cɨn amuaataityacaꞌa sej si seyan saɨjna huaraꞌatzaanaj aꞌu saj cai tyajaꞌuhuáste. Seica mu eihua huapɨꞌɨ tyuꞌumuarej. Sajta muan, aɨj xu seyan ancuraꞌa ɨ maj raamueꞌitɨ maɨjna cɨmeꞌe ɨ mej tyuꞌumuarej. ―Ayaa pu tihuaꞌutaꞌixaa aɨjna ɨ Jesús.

38
00:11:24,360 --> 00:11:37,760
Majta aɨme ɨ mej Samaariya eꞌemaꞌacan, muiꞌitɨ mu ráꞌantzaahua maɨjna cɨmeꞌe tɨ ayan tihuaꞌutaꞌixaa aɨjna ɨ jɨitaꞌa tɨcɨn Jesús nain tiraataꞌixaa aꞌij tɨ tiꞌityújchaɨcaꞌa.

39
00:11:37,760 --> 00:11:52,760
Aɨj pu cɨn, maɨn u eꞌireꞌenye ɨ jemin, matɨꞌɨj mi eihua rájhuaviiriꞌi tɨ i aɨn aun aꞌutyaturan huaꞌa jamuan. Aɨj pu cɨn, aun ayan eꞌetee huaꞌa jamuan aꞌachu cumu huaꞌapua xɨcaj.

40
00:11:52,760 --> 00:11:59,380
Majta eihua mu eitzeꞌe ráꞌantzaahua ɨ Jesús maɨjna cɨmeꞌe aꞌij tɨ tihuaꞌutaꞌixaa.

41
00:11:59,380 --> 00:12:31,980
Ayaa mu tiraataꞌixaa maɨjna ɨ jɨitaꞌa tɨcɨn: ―Anacai tu hui tyaɨjna cɨn tyaꞌantzaahua tyaɨjna cɨmeꞌe aꞌij paj panaꞌa peri titaataꞌixaa. Tyajta ijii, catu cheꞌe teyan tyaɨjna cɨn tyanaꞌa tyaꞌantzaahuateꞌe silu tuꞌuri teyan raanamuajriꞌi tajɨɨmuaꞌa. Tyajta hui teyan ramuaꞌaree tzaahuatiꞌiraꞌa cɨmeꞌe tɨ aɨn pueen aɨjna tɨ ayan tyejmi japua nyuuni tyatɨj tyanaꞌa puaꞌamua yen seijreꞌe chaanaca japua.