1
00:00:05,000 --> 00:00:19,580
Puꞌuri aꞌatzu aꞌatéeviꞌica matɨꞌɨj tyuꞌuyéꞌeste aɨme ɨ maj Israel jetze ajtyamaꞌacan. Ajta aɨn Jesús, aun pu aꞌujnyéj anna Jerusalén.

2
00:00:19,580 --> 00:00:48,080
Aun pu jajmuaa ajna vejliꞌi taꞌaj pueerta aꞌu mej jetzen aꞌutyaruꞌipi ɨ canyaꞌaxɨ. Ayaa pu tyajaꞌarajtyahuaa tɨcɨn Betesda. Anxɨvi pu aꞌaportaalijmaꞌacaa aꞌu mej eꞌetyujsaꞌɨrihuaꞌa eihua tyaɨte ɨ mej tíꞌicucuiꞌicaa. Seica mu meyan aracúcuꞌunijmaꞌacaa, majta seica, aꞌij puaꞌa mu huatzúnaꞌichaꞌa, majta seica cɨyaaxaviꞌicaa ɨ huáɨɨca.

3
00:00:48,080 --> 00:01:15,280
Aɨ mu meyan rachuꞌevaꞌacaa tɨ ij aꞌatɨ ayan raꞌutaruurajxɨꞌɨn ɨ jaj, aꞌini aꞌanaj tɨnaꞌa, ayaa pu rɨjcaa saɨj tɨ uteꞌe tiꞌivaɨreꞌe Dioj tɨ eꞌeseijreꞌe. Aɨ pu avaꞌacáninyéicaꞌa ajna tɨ jajmuaa, tɨ ij aɨn raꞌutaruurajxɨꞌɨn. Ajta aɨn aꞌatɨ tɨ anacai atyajraꞌani ɨ jaj tzajtaꞌa, aɨ pu ayan rujni tɨj naꞌa tɨ cɨn tiꞌicuꞌi.

4
00:01:15,280 --> 00:01:25,520
Meenti seij aun aꞌutyavaacaꞌa tɨ ayan ari aꞌatee aꞌachu cumu seité japuan tamuaamuataꞌa japuan arahueicaj ninyeꞌiraꞌa tɨ ayan tiꞌicuꞌi.

5
00:01:25,520 --> 00:01:41,260
Tɨꞌɨj i Jesús ayan raaseij tɨ aun aúucaꞌatii, ayaa pu raamuaꞌareeriꞌi tɨ aɨn nuꞌu aꞌatɨ ari aꞌatee tɨ ayan een. Aj puꞌi ayan tiraataihuaꞌuriꞌi tɨcɨn: ―¿Ni peyan tiꞌijxeꞌeveꞌe pej huarún?

6
00:01:41,260 --> 00:02:06,880
Ajta aɨn tɨ tiꞌicuꞌi, ayaa pu tyuꞌutanyúu tɨcɨn: ―Nyavastaraꞌa, tɨꞌɨj ayan raꞌutaruurajxɨꞌɨn ɨ jaj, capu hui maꞌa aꞌatɨ tɨ naatavaɨreꞌen nyej ni atyajraꞌani ɨ jaj tzajtaꞌa. Ajta, nyatɨꞌɨj nyauj a aꞌuméꞌen, saɨj pu hui caꞌanacan aun atyeeme nyaj cai inyaa. ―Ayaa pu tiraataꞌixaa aɨjna tɨ tiꞌicuꞌi.

7
00:02:06,880 --> 00:02:15,240
Aj puꞌi Jesús ayan tiraataꞌixaa tɨcɨn: ―Ajchesi. Anchuaa mɨ aꞌutaatzi. Pajta hui aꞌuraꞌani.

8
00:02:15,240 --> 00:02:30,200
Cɨmeꞌen puꞌu ayan tyuꞌutaxajtacaꞌa, aj puꞌi aɨn aꞌatɨ huarúj. Ajta yáꞌuchui ɨ ruꞌutaatzi. Tɨꞌɨqui áꞌuraa. Ajta ajna pɨtiꞌirɨjcaa ajna xɨcajraꞌa mej jetzen rusaꞌupi tɨꞌɨj huaruj.

9
00:02:30,200 --> 00:02:57,240
Ajta aɨme ɨ mej Israel jetze ajtyamaꞌacan, ayaa mu tiraataꞌixaa maɨjna ɨ aꞌatɨ tɨ ayan huaruj tɨcɨn: ―Puꞌuri hui ajna pɨtiꞌirɨcɨ ɨ xɨcajraꞌan tyaj jetzen tasaꞌupi. Ajta ayaa pu teꞌeyuꞌusiꞌi aɨjna jetze ɨ yuꞌuxari tɨ ayan tiꞌitaijteꞌe tɨ nuꞌu cai aꞌij tiꞌirɨꞌɨri pej peyan raachuisimeꞌen mɨ aꞌutaatzi ijii.

10
00:02:57,240 --> 00:03:14,020
Ajta aɨn tɨ anácɨyaaxaracaꞌa, ayaa pu tihuaꞌutaꞌixaa tɨcɨn: ―Ayaa pu tinaataꞌixaa aɨjna tɨ naarujte tɨcɨn yee nyaj nuꞌu raꞌanchueni ɨ nyaꞌutaatzi, nyajta nuꞌu u aꞌuraꞌani.

11
00:03:14,020 --> 00:03:26,560
Aj mu mi meyan tiraataihuaꞌuriꞌi tɨcɨn: ―¿Aꞌataani pueen aɨjna ɨ aꞌatɨ tɨ ayan timuaataꞌixaa paj nuꞌu peyan raꞌanchueni, pajta nuꞌu aꞌuraꞌani?

12
00:03:26,560 --> 00:03:40,140
Ajta aɨn ɨ aꞌatɨ tɨ ayan huarúj, capu aꞌatzu ramuaꞌatyajcaa aꞌatɨ tɨ puéenyaꞌa, aꞌini aɨjna ɨ Jesús puꞌuri a aurutyacaꞌa huaꞌa tzajtaꞌa ɨ tyaɨte ɨ maj maun eꞌetyujsaɨraꞌacaa.

13
00:03:40,140 --> 00:03:59,880
Tɨꞌɨqui Jesús aun yáꞌutyau aujna teyujtaꞌa. Ayaa pu tiraataꞌixaa tɨcɨn: ―Maꞌacui xaa, papuꞌuri huaruj. Capej cheꞌe tiꞌitɨj cɨn aꞌaturaa ɨ Dioj jemi. Naꞌari cai, ayaa pu tyajaꞌureꞌenyejsin tɨ eitzeꞌe pueijtzi muaacɨꞌɨti cai ajmiꞌi.

14
00:03:59,880 --> 00:04:11,500
Aj puꞌi áꞌuraa aɨjna ɨ aꞌatɨ. Ajta ayaa pu tihuaꞌutaꞌixaa aɨme ɨ maj Israel jetze ajtyamaꞌacan tɨ aɨn Jesús aɨn puéenyaꞌa tɨ ayan raarujte.