1
00:00:05,000 --> 00:00:24,560
Tɨj naꞌa ajnaꞌɨmɨ, au pu aꞌutyajturaa ɨ Jesús aujna u Galileeya. Capu cheꞌe aun áꞌuchaꞌacanyaꞌa u Judea aꞌini aɨme ɨ mej Israel jetze ajtyamaꞌacantacaꞌa ɨ mej aun eꞌechajcaꞌa, ayaa mu raxeꞌevaꞌacaa maj raajeꞌica.

2
00:00:24,560 --> 00:00:35,120
Puꞌuri ajta vejliꞌitaca ajna matɨꞌɨj meyan tiꞌiyestyahuaꞌa maɨjna cɨmeꞌe maj avaꞌɨnaamuaꞌasin, ɨ mej Israel jetze ajtyamaꞌacan.

3
00:00:35,120 --> 00:00:58,740
Matɨꞌɨj mi meyan tiraataꞌixaa ɨ ihuaamuaꞌameꞌen ɨ Jesús tɨcɨn: ―Pataꞌaj hui peyan huiirajraꞌani peyujna pej paun aꞌuraꞌani aujna u Judea, mej mi aɨme ɨ maj mueetzi jamuan áꞌujhuaꞌan meyan raaseij aꞌij paj rɨcɨ paɨjna cɨmeꞌe tɨ hui huapɨꞌɨ ruxeꞌeveꞌe, ɨ maj cɨn avaꞌujjɨꞌɨsiviꞌiraxɨꞌɨsin.

4
00:00:58,740 --> 00:01:29,040
Tɨ puaꞌa hui aꞌatɨ ayan raxeꞌeveꞌe mej mi me eijreꞌe meyan raamuaꞌati, capu ayan aviitzi cɨn tiꞌimuareꞌe. Aꞌini ayaa paj hui rɨcɨ paɨjna cɨmeꞌe tɨ huapɨꞌɨ ruxeꞌeveꞌe, naa pu xaꞌapɨꞌɨn pej peyan a eijreꞌe huataꞌaseijrata huaꞌa jemi, matɨj manaꞌa puaꞌamua maj yan huachaatɨme iiyan chaanaca japua. ―Ayaa mu tiraataꞌixaa.

5
00:01:29,040 --> 00:01:34,720
Majta aɨme ɨ maj ihuaamuaꞌameꞌen pueenyaꞌa, camu majta ráꞌantzaahua maɨjna ɨ Jesús.

6
00:01:34,720 --> 00:01:49,720
Aj puꞌi ayan tihuaꞌutaꞌixaa tɨcɨn: ―Capuu xɨ ajna tyajaꞌureꞌenye tɨ huaxaꞌapɨꞌɨn inyeetzi jemi nyej ni nyaun aꞌutanyen. Aru muejmi jemi, aꞌanaj tɨ naꞌa pu ayan iꞌixaꞌapɨꞌɨn.

7
00:01:49,720 --> 00:02:09,280
Capu hui aꞌatzu rɨꞌɨri mej amuajchaɨraꞌa ɨ maj yan huachaatɨme iiyan chaanaca japua. Ma majta xaa inyeetzi menyéjchaɨreꞌe maɨjna cɨmeꞌe nyaj cai neyan aꞌij puaꞌa tihuaꞌaxajta mej meyan aꞌij puaꞌa titetyújchaɨ.

8
00:02:09,280 --> 00:02:24,940
Sataꞌaj saun aꞌujnyén anna aꞌu maj tyejéꞌeyeste. Caxɨɨ nu aꞌumaꞌa naꞌame inyaa nyej ni nyaun ijii tyajaꞌuvaꞌamuaꞌariiveꞌen aꞌini capu xɨ ayan tyajaꞌureꞌenye tɨ ari huaxaꞌapɨꞌɨn.

9
00:02:24,940 --> 00:02:30,560
Tɨꞌɨj ayan tihuaꞌutaꞌixaa, aj puꞌi aun aꞌutyajturaa aujna u Galileeya.

10
00:02:30,560 --> 00:02:44,140
Ma ajta aɨn, ayaa pu huarɨj. Matɨꞌɨj aꞌucɨj ɨ ihuaamuaꞌameꞌen mej mi maun tyajáꞌuyesten, aɨ pu ajta u áꞌumej. Capu ruseiirata u áꞌumej, silu aviitzi puꞌu cɨn u áꞌumej.

11
00:02:44,140 --> 00:02:56,720
Majta maɨn ɨ mej maun tyejeꞌeyestyahuaꞌa, aɨ mu ráꞌixeꞌeriꞌiracaꞌa maɨjna ɨ Jesús. Meyan tiꞌixaata tɨcɨn: ―¿Aꞌuni aꞌij een aɨjna ɨ aꞌatɨ?

12
00:02:56,720 --> 00:03:17,200
Eihua mu aꞌij puaꞌa tíꞌixajtacaa aɨjna cɨmeꞌe ɨ Jesús huaꞌa tzajtaꞌa ɨ tyaɨte ɨ maj maun eꞌetyujsaɨraꞌacaa. Seica mu meyan tíꞌixajtacaa tɨcɨn: “Rɨꞌɨ pu tiꞌitevi.” Majta seica meyan tíꞌixajtacaa tɨcɨn: “Capu aꞌatzu. Aɨ pu hui huaꞌacuanamua ɨ tyaɨte.”

13
00:03:17,200 --> 00:03:32,280
Majta, capu aꞌatɨ ayan áꞌujcaꞌanyajcaꞌa tɨ ayan ruseiirata tyuꞌutaxajta aɨjna cɨmeꞌe ɨ Jesús aꞌini mahuaꞌatzɨɨnyaꞌacaa aɨme ɨ mej tiꞌitɨj cɨn antyujmuaꞌareeracaꞌa aɨme jemi ɨ mej Israel jetze ajtyamaꞌacan.

14
00:03:32,280 --> 00:03:42,820
Matɨꞌɨj meri eꞌitaꞌa ujúꞌuncaa ɨ maj tiꞌiyestyahuaꞌa, aj puꞌi Jesús aun aꞌutyajrupi teyujtaꞌa. Tɨꞌɨqui autyejche tɨ tihuaꞌamuaꞌaten ɨ tyaɨte.

15
00:03:42,820 --> 00:03:57,520
Eecan mu rɨꞌɨ tiraꞌutaseij aɨme ɨ mej maun tiꞌijta teyujtaꞌa. Ayaa mu tyuꞌurixaatyaꞌacaa tɨcɨn: ―¿Aꞌini tiꞌirɨꞌɨri tɨ aɨn cai aꞌanaj tiꞌihuaujmuaꞌate, aɨ pu raayɨꞌɨtɨ tɨ ayan tihuaꞌumuaꞌaten?

16
00:03:57,520 --> 00:04:10,780
Jesús pu ayan tihuaꞌutaꞌixaa tɨcɨn: ―Canu aꞌij tirajtyau nyasaɨj aꞌij nyej tihuaꞌamuaꞌaten silu aɨ pu ayan tinaataꞌa aɨjna tɨ ya nyajaꞌutaityacaꞌa.

17
00:04:10,780 --> 00:04:27,920
Tɨ puaꞌa hui aꞌatɨ ayan áꞌujcaꞌanye tɨ ayan huarɨni aꞌij tɨ tiꞌijxeꞌeveꞌe ɨ Dioj, aɨ pu xaa ayan ramuaꞌareeran tɨ puaꞌa Dioj ayan naataꞌa nyej neyan tiꞌimuaꞌata caꞌɨn nyasaɨj nyanaꞌa aꞌij tirajtyau.

18
00:04:27,920 --> 00:05:06,800
Aɨjna tɨ ayan tiꞌixaxaꞌa aꞌij tɨ aɨn naꞌa tirajtyau rusaɨj, ayaa pu een cɨn ayan rɨcɨ tɨ ij rɨꞌɨ tyuꞌutauraꞌan rusaɨj. Me nyajta inyaa, ayaa nu nyaɨjna cɨn tiꞌimuareꞌe nyej ni neyan rɨꞌɨ tiraataꞌan nyaɨjna tɨ yan nyajaꞌutaityacaꞌa. Tɨ puaꞌa hui aꞌatɨ ayan áꞌujcaꞌanye tɨ ayan huarɨni aꞌij tɨ tiꞌijxeꞌeveꞌe ɨ Dioj, aɨ pu xaa ayan ramuaꞌareeran tɨ puaꞌa Dioj ayan tinaataꞌa nyej neyan tiꞌimuaꞌata caꞌɨn nyasaɨj nyanaꞌa aꞌij tirajtyau.

19
00:05:06,800 --> 00:05:28,680
’¿Ni cai aɨn Moisés tyaacan ayan amuaatyajtuaa aɨjna ɨ nyuucari ɨ maj cɨn tiꞌijta? Aa niꞌijta nyaꞌu. Ma sajta muan, capu aꞌatɨ tɨ muejmi jetze ajtyamaꞌacan ayan aráurasten aꞌij tɨ aɨn nyuucari tiꞌixa. ¿Aꞌini een cɨmeꞌe seyan tiꞌijxeꞌeveꞌe saj naajeꞌica?

20
00:05:28,680 --> 00:05:41,760
Majta aɨme ɨ maj maun ajtyáxɨɨracaꞌa, ayaa mu tityaatanyú tɨcɨn: ―Tiyaaruꞌu pu mueetzi tzajtaꞌa seijreꞌe. ¿Aꞌataani hui ayan tiꞌijxeꞌeveꞌe tɨꞌij muaajeꞌica?

21
00:05:41,760 --> 00:05:56,480
Aj puꞌi Jesús ayan tihuaꞌutaꞌixaa tɨcɨn: ―Seij nuꞌu cɨn neyan huarɨj tɨ ayan huapɨꞌɨ ruxéꞌevaꞌacaa. Ajta aɨn amuaatyejtyau naijmiꞌica. Eecan xu avaꞌujjɨꞌɨsiviꞌiraxɨ.

22
00:05:56,480 --> 00:06:27,120
Ma sajta muan, ayaa xu tiꞌijrɨꞌɨre saɨjna cɨmeꞌe tɨ Moisés tyaacan ayan amuaataij saj nuꞌu raꞌantisijchixɨꞌɨn ɨ naviiraꞌan. Ee xaa, capu Moisés tyaacan jetze huanyej, silu Dioj pu ayan raatyajtuaa aɨme jemi ɨ áꞌamuayaꞌupuacɨꞌɨstyamuaꞌa. Aɨj xu cɨn seyan raꞌantisiꞌiche ɨ naviiraꞌan ɨ unyaacaꞌi tɨ tyaataꞌa sajna xɨcajraꞌan saj jetzen rusaꞌupi.

23
00:06:27,120 --> 00:06:50,880
Ayaa xu een cɨn tiꞌijrɨꞌɨre sej si cai autyaꞌɨtzen saɨjna jemi ɨ nyuucari tɨ Moisés tyaacan raatyajtuaa. Tɨ puaꞌa ayan een, aꞌini een cɨn sij nínyuꞌucacu inyeetzi jemi saɨjna cɨmeꞌe nyej neyan nain cɨn raarujte seij ɨ aꞌatɨ nyajna xɨcajraꞌa saj jetzen rusaꞌupi.

24
00:06:50,880 --> 00:07:05,200
Xaatapuáꞌajta sej seyan tihuaꞌaxɨjteꞌe aꞌij tɨ tyajamuaꞌamitejteꞌe. Ma sajta muan, ayaa xu huarɨni sej si seyan tihuaꞌuxɨjteꞌen aꞌij tɨ tiraavijteꞌe tzaahuatiꞌiraꞌa cɨmeꞌe.