1
00:00:05,000 --> 00:00:12,620
Ajta Jesús pu aun áꞌumej jɨri tɨ aꞌutacáꞌa tɨ ayan tyajaꞌarajtyahuaa tɨcɨn Aceituunajremi.

2
00:00:12,620 --> 00:00:23,560
Tapuaꞌarijmaꞌaca pu aun aꞌujnyéj teyujtaꞌa. Majta mu eihua tyaɨte ajtyáxɨɨracaꞌa ɨ jemin. Aj puꞌi aꞌujyeijxɨ tɨ i tihuáꞌumuaꞌaten.

3
00:00:23,560 --> 00:00:45,260
Majta aɨme ɨ mej jetzen tyuꞌujmuaꞌate ɨ nyuucari ɨ maj cɨn tiꞌijta, majta aɨme ɨ fariseos, aɨ mu seij aꞌaraaviꞌitɨ ɨ jɨitaꞌa. Ayaa mu raatyeeviꞌi tɨꞌɨj auj ayan rɨjcaa ɨ jɨitaꞌa tɨ ruxanaꞌacɨraꞌacaa. Matɨꞌɨj mi raataij tɨ aun eꞌitaꞌa aꞌutyechaxɨn mej mi raaseij ɨ tyaɨte.

4
00:00:45,260 --> 00:00:55,400
Matɨꞌɨj mi meyan tiraataꞌixaa maɨjna ɨ Jesús tɨcɨn: ―Maeestru, ayaa mu yeehui raatyeeviꞌi amɨjna mɨ jɨitaꞌa tɨꞌɨj auj huaujxanaꞌacɨraꞌacaa.

5
00:00:55,400 --> 00:01:07,620
Ajta aɨn Moisés, ayaa pu yeehui titaataij aɨjna jetze ɨ nyuucari tɨ raatyajtuaa tɨ ayan ruxeꞌeveꞌe tyaj nuꞌu tetej cɨn raajeꞌica. Ari muaa, ¿aꞌini yeehui pajta tiꞌixa?

6
00:01:07,620 --> 00:01:28,380
Ayaa mu maɨjna cɨn tiraataihuaꞌuriꞌi mej mi maɨjna cɨn raꞌantimueꞌitɨn aꞌij tɨ aɨn tiꞌitɨj cɨn tihuaꞌutaꞌixaateꞌesin. Ayaa mu rahuaucaꞌa maɨjna ɨ maj cɨn tiraaxajtziꞌi. Ajta aɨn Jesús, aɨ pu aicaujtutzi. Aj puꞌi ayan autyejche tɨ ruxɨte cɨn raꞌuyuꞌuxa a chuaataꞌa.

7
00:01:28,380 --> 00:01:51,380
Maucheꞌe mu tiꞌiraꞌihuaꞌuracaa. Aj puꞌi Jesús ayan huatyeechaxɨ. Ayaa pu tihuaꞌutaꞌixaa tɨcɨn: ―Tɨ puaꞌa hui saɨj muan aꞌanaj cai aɨjna cɨn ayan autyaꞌɨtze ɨ áꞌamuamuaꞌatziiraꞌa cɨmeꞌe, cheꞌe aɨn aꞌatɨ anacai raatatúꞌa ɨ tetej cɨmeꞌe. ―Ayaa pu tihuaꞌutaꞌixaa.

8
00:01:51,380 --> 00:01:55,540
Ajtahuaꞌa pu ayan aicaujtutzi. Ajta raꞌuyuꞌuxacaꞌa a chuaataꞌa.

9
00:01:55,540 --> 00:02:16,140
Majta aɨme, cɨmeꞌen muꞌu meyan raanamuajriꞌi aꞌij tɨ tyuꞌutaxajtacaꞌa aɨjna ɨ Jesús, matɨꞌɨj mi maun tihuii, seij majta seij, anacaican aɨjna tɨ eitzeꞌe vastaꞌa. Tɨꞌɨqui aɨ naꞌa ɨ Jesús aun aꞌutyajturaa jamuan aɨjna ɨ jɨitaꞌa tɨ aun eꞌitaꞌa aꞌutyavaacaꞌa.

10
00:02:16,140 --> 00:02:31,660
Aj puꞌi Jesús ayan huatyeechaxɨ. Aj puꞌi ayan tiraataihuaꞌuriꞌi tɨcɨn: ―Jɨitaꞌa, ¿aꞌuni hui áꞌij meꞌen aɨme? ¿Ni cai maꞌa aꞌatɨ tɨ ayan tiꞌitɨj cɨn mueetzi jetze tiꞌipuaꞌajteꞌe?

11
00:02:31,660 --> 00:02:57,140
Aj puꞌi ayan tiraataꞌixaa tɨcɨn: ―Nyavastaraꞌa, capu yeehui aꞌatɨ ayan nyeetzi jetze tiꞌitɨj cɨn tiꞌipuaꞌajteꞌe. Jesús pu ayan tiraataꞌixaa tɨcɨn: ―Canu nyajta inyaa tiꞌitɨj cɨn mueetzi jetze tyaꞌujpuáꞌajteꞌesin. Pataꞌaj aꞌuraꞌani. Capej hui cheꞌe peyan paɨjna cɨn autyaꞌɨtzaꞌaraꞌan. ―Ayaa pu tiraataꞌixaa.