1
00:00:05,000 --> 00:00:39,440
Tɨꞌɨj ajtahuaꞌa ayan tihuaꞌutaꞌixaa ɨ tyaɨte ɨ Jesús, ayej tyuꞌutaxajtacaꞌa tɨcɨn: ―Nyaa nu yeehui nyaɨn pueen ɨ tatzari tɨ cɨn huanyeeriꞌi huaꞌa japua naijmiꞌica ɨ maj yan huachaatɨme iiyan chaanaca japua. Aꞌatɨ tɨ naꞌa hui tɨ nyaa jamuan áꞌuchaꞌacanyeꞌen, capu aꞌanaj ayan tɨcaꞌamisteꞌe áꞌuchaꞌacanyaꞌa aꞌame, silu ayaa nu yeehui raatyajtuaani ɨ jemin nyaɨjna ɨ tatzari ɨ tɨ cɨn ruuri aꞌaraꞌani.

2
00:00:39,440 --> 00:00:50,920
Matɨꞌɨj mi aɨme fariseos meyan tiraataꞌixaa tɨcɨn: ―Muaa paj peyan asaɨj tityáꞌaxajta. Aɨj pu yeehui cɨn cai tiꞌitɨj vaɨreꞌe aꞌij pej tityáꞌaxajta asaɨj.

3
00:00:50,920 --> 00:01:18,480
Aj puꞌi ayan tihuaꞌutaꞌixaa aɨjna ɨ Jesús tɨcɨn: ―Tɨ puaꞌa neyan nyasaɨj tíꞌinxajta, aucheꞌe pu yeehui tiꞌivaɨreꞌe nyej neyan tiꞌinxajta nyasaɨj aɨjna cɨmeꞌe nyej neyan ramuaꞌaree aꞌu nyej aꞌarajraa, nyajta neyan cheꞌeta nyanaꞌa ramuaꞌaree aꞌuj nyaj aꞌuméj. Ma sajta muan, capu yeehui aꞌij tyajamuaꞌamitejteꞌe, aꞌu nyaj aꞌarajraa, naꞌari aꞌu nyaj aꞌuméj.

4
00:01:18,480 --> 00:01:28,920
Ayaa xu seyan sanaꞌa huaꞌaxɨjteꞌe aꞌij saj rujɨɨmuaꞌa tirajtyauve. Me nyajta inyaa, canu aꞌatɨ ijii áꞌaxɨjteꞌen.

5
00:01:28,920 --> 00:01:44,440
Aru, tɨ puaꞌa hui neyan aꞌatɨ aꞌaxɨjtyaꞌa, aucheꞌe pu ayan tiraavijteꞌe nyej neyan rɨcɨ aꞌini canu nyasaɨj neyan aꞌij tirajtyau, silu aɨ pu ayan naataꞌa aɨjna tɨ yan nyajaꞌutaityacaꞌa.

6
00:01:44,440 --> 00:01:57,740
Ayaa pu yeehui teꞌeyuꞌusiꞌi aɨjna jetze ɨ nyuucari ɨ saj cɨn tiꞌijta tɨ ayan nuꞌu tiꞌivaɨreꞌe tɨ puaꞌa mahuaꞌapua meyan tiꞌitɨj cɨn huataujxajta.

7
00:01:57,740 --> 00:02:12,960
Nyaa nu yeehui nyaɨn pueen saɨj ɨ nyej neyan tiꞌinxajta nyasaɨj. Ajta yeehui ɨ saɨj tɨ ayan tinyetyáxajta, aɨ pu aɨn pueen ɨ niyaꞌupua tɨ iiyan nyajaꞌutaityacaꞌa.

8
00:02:12,960 --> 00:02:34,560
Matɨꞌɨj mi meyan tiraataihuaꞌuriꞌi tɨcɨn: ―¿Aꞌuni yeehui aꞌij een tɨ ayaꞌupua pueen? Jesús pu ayan tyuꞌutanyúu tɨcɨn: ―Caxu yeehui nyamuaꞌate aꞌatɨ nyaj pueen. Caxu sajta ramuaꞌate ɨ niyaꞌupua. Tɨ puaꞌa seyan nyamuaꞌatyaa, ayaa xu yeehui sajta ramuaꞌajcaa ɨ niyaꞌupua.

9
00:02:34,560 --> 00:02:55,680
Ayaa pu tyuꞌutaxajtacaꞌa aɨjna ɨ Jesús tɨꞌɨj auj tihuaꞌamuaꞌatyajcaa aujna teyujtaꞌa, ajna vejliꞌi aꞌu maj yaꞌasaꞌɨri ɨ tumin. Ma majta ɨ tyaɨte, capu aꞌatɨ ayan raatyeeviꞌi aꞌini capuu xɨ ajna tyajaꞌureꞌenye aɨjna xɨcajraꞌa jetze tɨ jetzen Jesús huamɨꞌɨni.

10
00:02:55,680 --> 00:03:17,840
Ajtahuaꞌa pu Jesús ayan tihuaꞌutaꞌixaa tɨcɨn: ―Nyaa nu yeehui nyaun aꞌujnyejsin, sajta muan xu nyahuauni inyeetzi. Ajta, cai Dioj tyajamuaatauuniꞌira. Muan xu cuiꞌini saɨjna cɨmeꞌe saj autyajturaa ɨ Dioj jemi. Capu rɨꞌɨri saj saun aꞌujnyén aꞌu nyaj aꞌujnyejsin.

11
00:03:17,840 --> 00:03:35,760
Matɨꞌɨj mi meyan tityúrihuaꞌuriꞌi aɨme ɨ mej maun tiꞌijta teyujtaꞌa tɨcɨn: ―¿Aꞌini yeehui huataujmuaꞌa aɨjna ɨ nyuucari tɨ nuꞌu cai rɨꞌɨri tyaj tyaun aꞌujnyén aꞌu tɨ nuꞌu aꞌujnyejsin? ¿Ni qui ayan huataujmuaꞌa tɨ aɨn huaujjeꞌica?

12
00:03:35,760 --> 00:03:55,960
Aucheꞌe pu ayan tihueꞌixaatyaꞌacaa tɨcɨn: ―Muan xu hui yuucɨ pujmeꞌen eꞌemaꞌacan. Nyajta inyaa, uteꞌe nu eꞌemaꞌacan. Muan xu yeehui huaꞌa jetze ajtyamaꞌacan aɨme ɨ mej yan seijreꞌe iiyan chaanaca japua. Nyajta inyaa, canu neyan huaꞌa jetze ajtyamaꞌacan.

13
00:03:55,960 --> 00:04:20,320
Ayaa nu hui neyan amuaataꞌixaa tɨ puaꞌa cai ayan Dioj tyajamuaatauuniꞌira, muan xu cuiꞌini saɨjna cɨmeꞌe saj autyajturaa ɨ Dioj jemi. Tɨ puaꞌa yeehui sacai seyan tyaꞌantzaahuateꞌen nyaj nyaɨn pɨrɨcɨ aꞌij nyej tiꞌixaj, muan xu xaa cuiꞌini saɨjna cɨmeꞌe saj autyajturaa ɨ Dioj jemi.

14
00:04:20,320 --> 00:04:38,680
Matɨꞌɨj mi meyan tiraataihuaꞌuriꞌi tɨcɨn: ―¿Aꞌataani yeehui paj pueen? Ajta Jesús pu ayan tihuaꞌutaꞌixaa tɨcɨn: ―Nyaa nu nyaɨn pueen ɨ nyaj neyan cɨmeꞌen tyajaꞌamueꞌixaatyaꞌacaa tɨj naꞌa jajcua ɨmɨ tɨ yu eꞌireꞌenye.

15
00:04:38,680 --> 00:05:09,800
Eihua nu neri tiꞌixajtamɨꞌɨ muejmi cɨmeꞌe, nyajta neyan nyaɨjna cɨn amuáꞌuxɨjteꞌen. Ma ajta aɨn tɨ yan nyajaꞌutaityacaꞌa, aɨ pu tzaahuatiꞌiraꞌa cɨn tiꞌixaxaꞌa. Nyajta nu hui neyan tihueꞌixaateꞌe aɨme ɨ mej yan japuan seijreꞌe iiyan ɨ chaanaca japua aꞌij nyej neyan raanamuajriꞌi nyaɨjna jemi tɨ yan nyajaꞌutaityacaꞌa. ―Ayaa pu tihuaꞌutaꞌixaa.

16
00:05:09,800 --> 00:05:18,000
Majta aɨme, camu yauꞌeitaa muaꞌaraa aꞌij tɨ tihueꞌixaatyaꞌacaa, tɨ ayan cɨmeꞌen raxa tɨ yaꞌupuaaraꞌan pueen.

17
00:05:18,000 --> 00:05:45,060
Aɨj pu cɨn Jesús ayan tihuaꞌutaꞌixaa tɨcɨn: ―Satɨꞌɨj yeehui aj nyajaꞌutavéꞌen inyeetzi i nyaj tyaataꞌa jetze eꞌirannyejte, aj xu si ramuaꞌareeran aꞌatɨ nyaj pueen, sajta xu ramuaꞌareeran nyaj cai nyasaɨj nyanaꞌa aꞌij tirajtyau aꞌij nyej tyajamuaataꞌixaa silu ayaa nu cheꞌeta nyanaꞌa tiꞌixaxaꞌa aꞌij tɨ niyaꞌupua ayan tinaamuaꞌate.

18
00:05:45,060 --> 00:06:00,060
Aɨjna tɨ hui yan nyajaꞌutaityacaꞌa, aɨ pu nyeetzi jemi seijreꞌe. Capu ayan rusentacan naatyajtuaa aꞌini ayaa nu yeehui tɨꞌɨj pɨnaꞌa neyan tiꞌijrɨꞌɨre aꞌij tɨ tiraꞌaraanajchi.

19
00:06:00,060 --> 00:06:07,640
Majta aɨme ɨ tyaɨte, tɨꞌɨj Jesús auj ayan tihueꞌixaatyaꞌacaa, muiꞌitɨ mu meyan ráꞌantzaahua.