1
00:00:05,000 --> 00:00:13,540
Tɨꞌɨj aun aꞌatamaꞌacaa, Jesús pu aꞌatɨ huaseij tɨ arácuuniꞌi pu huanuꞌeihuacaꞌa.

2
00:00:13,540 --> 00:00:32,620
Majta aɨme ɨ maj Jesús jamuan áꞌujhuaꞌanyaꞌa, ayaa mu tiraataihuaꞌuriꞌi tɨcɨn: ―Maeestru, ¿aꞌataani yeehui ayan autyajturaa ɨ Dioj jemi tɨ ij aɨn ayan arácuuniꞌi huanuꞌeihua? ¿Ni qui aɨn autyajturaa caꞌɨn ɨ vaujsimuaꞌameꞌen?

3
00:00:32,620 --> 00:00:56,220
Aj puꞌi Jesús ayan tihuaꞌutaꞌixaa tɨcɨn: ―Capu yeehui aꞌatɨ autyajturaa ɨ Dioj jemi. Capu amɨjna aꞌatɨ ayan autyajturaa, camu majta ɨ vaujsimuaꞌameꞌen. Ayaa pu yeehui tiraaruu tɨ ij ayan huataseijreꞌen ɨ jemin aꞌij tɨ Dioj tiraayɨꞌɨtɨ aɨjna cɨmeꞌe ɨ rumuaꞌareꞌeriꞌiraꞌaraꞌan.

4
00:00:56,220 --> 00:01:17,300
Ayaa pu ruxeꞌeveꞌe tɨꞌɨj auj tujcaꞌari tzajtaꞌa pɨtiꞌirɨcɨ tej teyan tyaɨjna jetze tyuꞌumuareꞌen Dioj tɨ cɨn ayan yan nyajaꞌutaityacaꞌa. Puꞌuri yeehui ajna tyajaꞌureꞌenyejsin tɨ huatyatɨcaꞌari. Capu cheꞌe rɨꞌɨriista aꞌame ajna tɨ aꞌatɨ ayan tyuꞌumuareꞌen.

5
00:01:17,300 --> 00:01:40,140
Ijii, nyatɨꞌɨj nyauj neyan huaca iiyan chaanaca japua, ayaa nu tiꞌivaɨreꞌe huaꞌa tzajtaꞌa ɨ tyaɨte tɨj tatzari tɨ cɨn huaꞌa japua huanyeeriꞌi mej mi meyan tiꞌitɨj huaseij matɨj manaꞌa puaꞌamua ɨ maj yan japuan huachaatɨme ɨ chaanaca japua. ―Ayaa pu tihuaꞌutaꞌixaa.

6
00:01:40,140 --> 00:01:52,700
Tɨꞌɨj ayan tyuꞌutaxajtacaꞌa, aj puꞌi, aɨn a chuaataꞌa aꞌarájtzitzee. Ajta, ruɨjqueꞌe cɨn rajrúꞌunye ɨ xarij. Aj pu i raꞌarajpɨtijriꞌi a jɨꞌɨsaaraꞌan jetze aɨjna tɨ aracun.

7
00:01:52,700 --> 00:02:15,780
Ajta ayan tiraataꞌixaa tɨcɨn: ―Aricu yeehui, u aꞌumeꞌe paujna aꞌu tɨ jaꞌajmuaa tɨ ayan tyajaꞌarajtyahuaa tɨcɨn Siloé. (Ayaa pu huataujmuaꞌa aɨjna ɨ nyuucari tɨcɨn tɨ huataitiꞌihuacaꞌa.) Aj puꞌi u áꞌumej aɨjna ɨ aꞌatɨ, ajta acauristaꞌami. Tɨꞌɨqui mu aꞌuveꞌeme. Puꞌuri ayan atanyéeri.

8
00:02:15,780 --> 00:02:38,820
Majta aɨme ɨ mej a vejliꞌi aꞌuchaatɨme aꞌacaa aꞌu tɨ eꞌechajcaꞌa aɨjna ɨ aꞌatɨ, majta aɨme, ɨ mej mejmiꞌi meyan raseijracaa tɨꞌɨj aɨn auj limujna huaucaꞌa, ayaa mu tyuꞌutaxajtacaꞌa tɨcɨn: ―¿Ni cai yeehui aɨn pueen tɨ ayan aun aꞌutacái aꞌayeꞌi tɨ ij limujna huaꞌutahuavii ɨ tyaɨte?

9
00:02:38,820 --> 00:02:56,860
Seica mu meyan tyuꞌutaxajtacaꞌa tɨ nuꞌu aɨn pueen. Majta seica meyan tɨcɨn: ―Capu yee aɨn pueen, silu ayaa puꞌu naꞌa seijreꞌe tɨj aɨjna. Ajta aɨn, ayaa pu tyuꞌutaxajtacaꞌa tɨcɨn: ―Nyaa nu yeehui nyaɨn pueen.

10
00:02:56,860 --> 00:03:02,300
Matɨꞌɨj mi meyan tiraataihuaꞌuriꞌi tɨcɨn: ―¿Aꞌini yeꞌi petyaꞌatányeeracaꞌa?

11
00:03:02,300 --> 00:03:37,900
Aj puꞌi ayan tihuaꞌutaꞌixaa tɨcɨn: ―Aɨjna yeehui ɨ mej meyan ratamuaꞌamua tɨcɨn: Jesús, aɨ pu xarij huatyáaruꞌunyáa, tɨꞌɨqui yeehui naꞌarapɨtijriꞌi ye nyajɨꞌɨ jetze. Aj puꞌi ayan tinaataij nyaj nuꞌu nyaun u áꞌumeꞌen nyaujna Siloé, aꞌu tɨ jaꞌajmuaa nyaj nuꞌu ni aranjaꞌusixɨꞌɨn. Nyatɨꞌɨj yeehui ni u aꞌumej, nyajta aranjaꞌusixɨ. Aj nu ni neyan maunyeeracaꞌa. ―Ayaa pu tihuaꞌutaꞌixaa.

12
00:03:37,900 --> 00:03:49,980
Matɨꞌɨj mi meyan tiraataihuaꞌuriꞌi tɨcɨn: ―¿Aꞌuni aꞌij een aɨjna ɨ aꞌatɨ? Ayaa pu tihuaꞌutaꞌixaa tɨcɨn: ―Canu yeehui meꞌe yaꞌamuaꞌaree.

13
00:03:49,980 --> 00:03:54,580
Matɨꞌɨj mi yaꞌuviꞌitɨ maɨjna tɨ arácuuniꞌi aɨme jemi ɨ fariseos.

14
00:03:54,580 --> 00:04:05,540
Ajta, ayaa pu ajna pɨtiꞌirɨjcaa ajna xɨcaaraꞌan jetze mej jetzen rusaꞌupi tɨꞌɨj Jesús ayan raatyáaruꞌunyej ɨ xarij, ajta tiraahuaa.

15
00:04:05,540 --> 00:04:26,940
Aɨj mu cɨn, aɨme ɨ fariseos majta meyan raataihuaꞌuriꞌi aꞌij tɨ aɨn tyaꞌatanyeeracaꞌa. Ajta aɨn aꞌatɨ ayan tihuaꞌutaꞌixaa tɨcɨn: ―Aɨ pu yeehui naꞌarapɨtijriꞌi ye nyajɨꞌɨ jetze. Nyajta neyan aranjaꞌusixɨ. Ajta ijii, nyaa nu yeehui neri mauunyee.

16
00:04:26,940 --> 00:05:05,900
Majta ɨ mej huaꞌa jetze ajtyamaꞌacan ɨ fariseos, ayaa mu tyuꞌutaxajtacaꞌa tɨcɨn: ―Capu yeehui aun eꞌemaꞌacan ɨ Dioj jemi aɨjna aꞌini capu ayan raꞌastijreꞌe aɨjna cɨmeꞌe ɨ xɨcaj tyej jetzen tasaꞌupi. Majta seica meyan tɨcɨn: ―¿Aꞌini yeehui tiꞌirɨꞌɨri tɨ aꞌatɨ ayan huarɨni tɨ huapɨꞌɨ ruxeꞌeveꞌe tɨ puaꞌa ayan nuꞌu aꞌutyaꞌɨtzaꞌaraꞌan ɨ Dioj jemi? Aɨj pu cɨn, seica mu saɨque tíꞌixajtacaa. Majta ɨ seica, saɨque mu majta tíꞌixajtacaa. Camu naimiꞌi ruxaꞌa manaꞌa meyan tíꞌixajtacaa.

17
00:05:05,900 --> 00:05:25,460
Matɨꞌɨj meyan majtahuaꞌa tiraataihuaꞌuriꞌi tɨcɨn: ―Pajta muaa, ¿aꞌini yeehui petiꞌimuaꞌatze aꞌatɨ tɨ pɨrɨcɨ?, aꞌini aɨ pu timuaahuaa pej pi atanyeeracaꞌa. Ajta aɨn aꞌatɨ ayan tihuaꞌutaꞌixaa tɨcɨn: ―Aɨ pu yeehui Dioj jetze maꞌacan tiꞌixaxaꞌa.

18
00:05:25,460 --> 00:05:43,180
Majta aɨme ɨ mej aun tiꞌijta teyujtaꞌa, camu ráꞌantzaahua tɨ ayan arácuuniꞌi huanuꞌeihuacaꞌa, tɨ ari huaruj tɨ i ari atanyee ijii icu. Matɨꞌɨj mi meyan huaꞌutaijtacaꞌa mej mi u aꞌuvaꞌajuꞌun ɨ vaujsimuaꞌameꞌen.

19
00:05:43,180 --> 00:05:58,400
Ayaa mu tihuaꞌutaihuaꞌuriꞌi tɨcɨn: ―¿Ni tzaa yeehui aɨn pueen aꞌamuayauj? ¿Ni aɨn pueen sej seyan tiꞌixaj yee arácuuniꞌi pu huanuꞌeihuacaꞌa? ¿Aꞌini yeehui auj tiꞌirɨꞌɨri tɨ ari mauunyee?

20
00:05:58,400 --> 00:06:16,840
Majta aɨme ɨ vaujsimuaꞌameꞌen, ayaa mu tyuꞌutanyúu tɨcɨn: ―Ayaa tu xaa ramuaꞌaree tɨ aɨn tayauj pɨrɨcɨ, tyajta yeehui ramuaꞌaree tɨ arácuuniꞌi huanuꞌeihuacaꞌa.

21
00:06:16,840 --> 00:06:33,900
Me tyajta ityan, catu xaa nyaꞌu ramuaꞌaree aꞌij tɨ een cɨmeꞌe tɨ ayan ari mauunyee nusu aꞌatɨ tɨ ayan raarujte. Sataꞌaj yeehui seyan tiraataihuaꞌu aꞌini, puꞌuri vastaꞌa. Aɨ pu ajta rusaɨj tyuꞌutaxajta.

22
00:06:33,900 --> 00:06:55,100
Ayaa mu een cɨn tyuꞌutaxajtacaꞌa ɨ vaujsimuaꞌameꞌen aꞌini mahuaꞌatzɨɨnyaꞌacaa aɨme ɨ mej aun teyujtaꞌa tiꞌijta, ɨ maj majta meri meyan tiraaxaꞌapɨꞌɨntare mej mi ruꞌireꞌite maujna teyujtaꞌa aꞌatɨ tɨ naꞌa tɨ ayan tyuꞌutaxaj yee Jesús pu nuꞌu aɨn pueen ɨ Cɨriistuꞌu tɨ Dioj raꞌantihuau.

23
00:06:55,100 --> 00:07:04,020
Aɨj mu cɨn meyan tyuꞌutaxajtacaꞌa ɨ vaujsimuaꞌameꞌen yee mataꞌaj raataihuaꞌu maɨjna aꞌini aɨjna ɨ huaꞌayauj puꞌuri vastacaa.

24
00:07:04,020 --> 00:07:23,740
Majtahuaꞌa mu meyan raatajé maɨjna tɨ arácuuniꞌi huanuꞌeihuacaꞌa. Ayaa mu tiraataꞌixaa tɨcɨn: ―Pataꞌaj peyan panaꞌa rɨꞌɨ tiraataꞌan ɨ Dioj. Pajta cai yeehui peyan rɨꞌɨ tiraataꞌacareꞌen paɨjna ɨ aꞌatɨ aꞌini aɨ pu atyaꞌɨtzaꞌara ɨ Dioj jemi.

25
00:07:23,740 --> 00:07:44,260
Ajta aɨn, ayaa pu tihuaꞌutaꞌixaa tɨcɨn: ―Tɨ puaꞌa yeehui ayan atyaꞌɨtzaꞌara ɨ Dioj jemi nusu cai, canu xaahui aꞌatzu ramuaꞌaree, silu ayaa nu xaa ramuaꞌaree nyaj anacai arácuuniꞌi. Me nyajta ijii, nyaa nu hui mauunyee.

26
00:07:44,260 --> 00:07:53,540
Matɨꞌɨj mi meyan tiraataihuaꞌuriꞌi tɨcɨn: ―¿Aꞌini yeꞌi muaaruu? ¿Aꞌini yeꞌi timuaahuaa pej pi yeehui atanyeere?

27
00:07:53,540 --> 00:08:14,060
Aj puꞌi ayan tihuaꞌutaꞌixaa tɨcɨn: ―Nuꞌuri amuaataꞌixaa. Sajta muan, caxu náanamuajriꞌi. ¿Aꞌini een cɨmeꞌe seyan raxeꞌeveꞌe nyaj nyajtahuaꞌa amuaataꞌixaateꞌen? Tij sajta muan seyan raxeꞌeveꞌe saj sajta jamuan áꞌujhuaꞌanyeꞌen.

28
00:08:14,060 --> 00:08:27,340
Majta meyan eihua mu aꞌij puaꞌa tiraataꞌixaa tɨcɨn: ―Aa tiꞌijta nyaꞌu. Muaa paj yeehui paɨjna jamuan aꞌuchaꞌacan, tzɨteꞌe. Tyajta ityan, tyan tu teyan raꞌastijreꞌe tyaɨjna ɨ Moisés tyaacan.

29
00:08:27,340 --> 00:08:37,580
Tyan tu yeehui teyan ramuaꞌaree tɨ Dioj ayan jamuan tyuꞌuxajtacaꞌa ɨ Moisés. Ajta, cɨmeꞌen aɨjna ɨ aꞌatɨ, catu yeehui aꞌatzu ramuaꞌaree aꞌu tɨ eꞌemaꞌacan.

30
00:08:37,580 --> 00:08:51,300
Aj puꞌi ayan tyuꞌutanyúu aɨjna ɨ aꞌatɨ tɨcɨn: ―¿Ni cai nyaꞌu icu? Muan xu cai ramuaꞌaree aꞌu tɨ eꞌemaꞌacan. Ma ajta aɨn ayan naarujte nyej ni neyan atanyeere.

31
00:08:51,300 --> 00:09:09,860
Ayaa tu yeehui ramuaꞌaree tɨ Dioj cai ayan ranamua aꞌatɨ tɨ ayan ataꞌɨtzaꞌara ɨ jemin. Dioj pu xaa ayan ranamua aɨjna ɨ aꞌatɨ tɨ ayan ranaꞌamiche, ajta tɨ ayan raꞌastijreꞌe aꞌij tɨ Dioj tiꞌijxeꞌeveꞌe.

32
00:09:09,860 --> 00:09:21,020
Capu yeehui aꞌanaj aꞌatɨ ayan raanamuajriꞌi tɨ seij ayan raarujte aɨjna tɨ arácuuniꞌi huanuꞌeihuacaꞌa tɨ ij ayan atanyéeri aꞌaraꞌani.

33
00:09:21,020 --> 00:09:32,880
Tɨ puaꞌa hui cai Dioj jemi aꞌamaꞌacantacacheꞌe, capu aꞌij rɨniicheꞌe tɨ naarújteꞌencheꞌe inyeetzi. ―Ayaa pu tihuaꞌutaꞌixaa.

34
00:09:32,880 --> 00:09:50,540
Majta aɨme meyan tiraataꞌixaa tɨcɨn: ―Nain paj cɨn autyajturaa ɨ Dioj jemi muaa, tɨj naꞌa pej yeehui peyan huanuꞌeihuacaꞌa tɨ yu eꞌireꞌenye. ¿Ni tzaa muaa peyan huatyaꞌacaꞌanye pej peyan titaamuaꞌaten? ―Ayaa mu tiraataꞌixaa. Majta ruꞌireꞌityacaꞌa.

35
00:09:50,540 --> 00:10:06,380
Ajta aɨn Jesús, ayej raamuaꞌareeriꞌi mej meyan ruꞌireꞌityacaꞌa. Tɨꞌɨj ayan yáꞌutyau aɨjna ɨ aꞌatɨ, ayaa pu tiraataꞌixaa tɨcɨn: ―¿Ni peyan raꞌatzaahuateꞌe paɨjna tɨ tyaataꞌa jetze eꞌiraujnyejte?

36
00:10:06,380 --> 00:10:17,140
Aj puꞌi aɨn aꞌatɨ ayan tiraataihuaꞌuriꞌi tɨcɨn: ―Nyavastaraꞌa yeehui, ¿aꞌataani aɨn pɨrɨcɨ nyej ni neyan ráꞌantzaahuateꞌen?

37
00:10:17,140 --> 00:10:27,220
Jesús pu ayan tiraataꞌixaa tɨcɨn: ―Papuꞌuri yeehui raaseij. Ee xaa nyaꞌu ayan tiꞌayajna, aɨ pu a jamuan ayan tiꞌixaj.

38
00:10:27,220 --> 00:10:37,780
Ajta aɨn tevi ayej tiraataꞌixaa tɨcɨn: ―Nyavastaraꞌa, nyaa nu yeehui muaꞌatzaahuateꞌe. Aj puꞌi raatyanajchacaꞌa.

39
00:10:37,780 --> 00:11:05,820
Ajta aɨn Jesús ayan tyuꞌutaxajtacaꞌa tɨcɨn: ―Ayaa nu yeehui nyaɨjna cɨn aꞌuveꞌeme iiyan chaanaca japua nyej ni huaꞌuxɨjteꞌen naijmiꞌica ɨ mej yan huachaatɨme iiyan chaanaca japua, mej mi meyan atanyéjnyeꞌere aɨme ɨ mej aracucuꞌunijmee, mej mi majta yeehui meyan aracucuꞌunijmaꞌa muaꞌaraꞌani aɨme ɨ maj nuꞌu meyan atanyéjnyeꞌe.

40
00:11:05,820 --> 00:11:22,620
Meenti seica ɨ fariseos, au mu vejliꞌi aꞌutyáuucaꞌa. Matɨꞌɨj meyan raanamuajriꞌi aꞌij tɨ tyuꞌutaxajtacaꞌa, matɨꞌɨj mi meyan tiraataihuaꞌuriꞌi tɨcɨn: ―¿Ai nuꞌu yeꞌi? ¿Ni tzaa yeehui tyajta ityan aracucuꞌunijmee?

41
00:11:22,620 --> 00:11:51,720
Ayaa pu tihuaꞌutaꞌixaa tɨcɨn: ―Tɨ puaꞌa yeehui seyan aracucuꞌunijmeꞌeni tɨ ij cai tiꞌitɨj aꞌij tyajamuaꞌamityejtyaꞌa, capu rɨꞌɨriista aꞌameꞌencheꞌe tɨ aꞌatɨ tiꞌijtɨj cɨn muejmi jetze tyaꞌujpuáꞌajteꞌen. Ma sajta muan, ayaa xu yeehui tiꞌixa saj nuꞌu seyan atanyéjnyeꞌe tɨ ij nain cɨn tyajamuaꞌamitejteꞌe, aɨj pu cɨn saucheꞌe xu ataꞌɨtzaꞌara ɨ Dioj jemi.