1
00:00:05,000 --> 00:00:17,260
’Caxu aꞌij tyáꞌujmuajca. Saucheꞌe xu yeehui raꞌatzaahuatyaꞌa ɨ Dioj, saucheꞌe xu sajta naꞌatzaahuatyaꞌa inyeetzi.

2
00:00:17,260 --> 00:00:37,380
Eihua pu chiꞌi aun tejeꞌeseijreꞌe aꞌu tɨ niyaꞌupua huatyeechiꞌi ɨ uteꞌe. Tɨ puaꞌa cai ayan tiꞌayajnacacheꞌe, nyaa nu yeehui saɨque tyajámuaataꞌixáateꞌencheꞌe. Au nu aꞌumaꞌa naꞌame nyej ni nyaun rɨꞌɨ raaruuren aꞌu saj saun aꞌutyáꞌa xaꞌajuꞌun.

3
00:00:37,380 --> 00:00:58,560
Ajta, tɨ puaꞌa neyan nyaun aꞌuraꞌani nyej ni neyan rɨꞌɨ raaruuren aꞌu sej aꞌutyáꞌa saꞌajuꞌun, aj nu ni yan vaꞌacányejsin nyajtahuaꞌa nyej ni neyan amuaꞌanviꞌitɨn sej si sajta saun aꞌutyáꞌa xaꞌaraꞌani aꞌu nyaj nyajta aꞌucai naꞌame.

4
00:00:58,560 --> 00:01:11,560
Sajta muan, xuꞌuri yeehui huamuájte ɨ juye jetze tɨ aun aꞌuréꞌeninyei aꞌu nyaj aꞌumaꞌa naꞌame. ―Ayaa pu tyuꞌutaxajtacaꞌa aɨjna ɨ Jesús.

5
00:01:11,560 --> 00:01:26,000
Aj puꞌi Tomás ayan tiraataꞌixaa tɨcɨn: ―Tavastaraꞌa, catu yeehui ramuaꞌaree aꞌu paj aꞌumaꞌa puaꞌame. Aɨj tu cɨn catu aꞌatzu huamuájte ɨ juye jetze tɨ aun aꞌuréꞌeninyei.

6
00:01:26,000 --> 00:01:57,360
Tɨꞌɨqui Jesús ayan tiraataꞌixaa tɨcɨn: ―Nyaa nu nyaɨn pueen ɨ tɨ amuaꞌaviꞌitɨn aɨjna jetze ɨ juye, nyaa nu nyajta nyaɨn pueen ɨ tɨ tzaahuatiꞌiraꞌa cɨn tiꞌixaxaꞌa, nyajta nu yeehui nyaɨn pueen ɨ tɨ jetzen eꞌiraninyei ɨ saj cɨn ruuri xaꞌaraꞌani. Aꞌatɨ tɨ naꞌa tɨ ayan huataujtuiireꞌen ɨ Dioj jemi, ayaa pu ruxeꞌeveꞌe tɨ aɨn anacaican huataujtuiireꞌen inyeetzi jemi.

7
00:01:57,360 --> 00:02:10,800
Tɨ puaꞌa rɨꞌɨ se tinaamuaꞌati, ayaa xu sajta tiraamuaꞌati saɨjna ɨ niyaꞌupua. Tɨj naꞌa tɨ yu áucaꞌitɨ aꞌame, muan xu xaa ramuaꞌate, sajta seri raaseij.

8
00:02:10,800 --> 00:02:23,160
Aj puꞌi aɨn Felipe ayan tiraataꞌixaa tɨcɨn: ―Tavastaraꞌa, pataꞌaj yeehui taataseijrateꞌen paɨjna ɨ aꞌayaꞌupua. Aɨj tuꞌuj xeꞌeveꞌe ityan.

9
00:02:23,160 --> 00:02:51,980
Aj puꞌi Jesús ayan tiraataꞌixaa tɨcɨn: ―Nuꞌuri xaa yeehui aꞌatee nyaj muejmi jemi huaca. ¿Ni tzaa pacai xɨ nyamuaꞌate, muaa Felipe? Ayaa nu tiꞌimueꞌixaateꞌe. Aꞌatɨ tɨ naꞌa tɨ ayan naaseij inyeetzi, aɨ pu ajta ari raaseij ɨ niyaꞌupua. ¿Aꞌini een cɨn peyan tinaataꞌixaa yee nyaj nuꞌu amuaataseijrateꞌen ɨ niyaꞌupua?

10
00:02:51,980 --> 00:03:16,560
¿Ni tzaa pacai peyan tyaꞌatzaahuateꞌe tɨ aɨn niyaꞌupua nye jemi seijreꞌe, nyajta nu yeehui cheꞌeta nyanaꞌa niyaꞌupua jemi seijreꞌe? Canu nyasaɨj aꞌij tirajtyau aꞌij nyaj tiꞌimueꞌixaateꞌe, silu aɨn niyaꞌupua tɨ ayan nyej jemi seijreꞌe, aɨ pu rumuareꞌeriꞌiraꞌa cɨn ayan rɨcɨ.

11
00:03:16,560 --> 00:03:37,420
Pataꞌaj peyan naꞌantzaahuateꞌen tɨ puaꞌa yeehui neyan timuaataꞌixaateꞌen yee niyaꞌupua pu nuꞌu nye jemi seijreꞌe, nyajta nu jemin seijreꞌe ɨ niyaꞌupua jemi. Naꞌari cai, pataꞌaj paɨjna cɨn panaꞌa tyaꞌantzaahuateꞌen aꞌij nyej yeehui huarɨj tɨ huapɨꞌɨ ruxeꞌeveꞌe.

12
00:03:37,420 --> 00:04:02,620
’Ayaa nu tyajaꞌamueꞌixaateꞌe tzaahuatiꞌiraꞌa cɨmeꞌe. Aꞌatɨ tɨ naꞌa tɨ ayan naꞌastijreꞌe inyeetzi, ayaa pu cheꞌeta naꞌa huarɨni aꞌij nyej rɨjcaa inyaa. Ee xaa nyaꞌu, aɨ pu yeehui ayan huarɨni tɨ eitzeꞌe ruxeꞌeveꞌe cai ɨ nyaj cɨn neyan rɨjcaa. Ayaa pu een cɨn rɨni aɨjna cɨmeꞌe nyaj nyaun aꞌumaꞌa naꞌame ɨ niyaꞌupua jemi.

13
00:04:02,620 --> 00:04:11,460
Nyajta neyan huarɨni aꞌij sej seyan tiraatahuaviira neetzi jetze maꞌacan, nyej ni rɨꞌɨ tiraataꞌan ɨ niyaꞌupua.

14
00:04:11,460 --> 00:04:19,420
Tiꞌitɨ tɨ naꞌa sej yeehui seyan tiraatahuaviira nyeetzi jetze maꞌacan, ayaa nu xaa neyan rɨni.