1
00:00:05,000 --> 00:00:19,660
’Nyaa nu nyaɨn pueen ɨ cɨye tɨ xaa reꞌen. Ajta niyaꞌupua pu aɨn pueen ɨ tɨ rɨꞌɨ raruure ɨ piꞌista.

2
00:00:19,660 --> 00:00:40,200
Aɨ pu ayan raꞌantivéꞌiche tɨj naꞌa ɨ piꞌista tɨ nyeetzi jetze eꞌiraninyei tɨ ajta cai taaca. Ajta tɨj naꞌa ɨ piꞌista tɨ xaa taaca, aɨ pu cɨj caj tiraꞌantiveꞌiche tɨ ij eitzeꞌe huatácaꞌan.

3
00:00:40,200 --> 00:00:46,720
Xuꞌuri yeehui uraréꞌen muan, aɨjna cɨmeꞌe ɨ nyuucari ɨ nyaj cɨn neri tyajamuaataꞌixaa.

4
00:00:46,720 --> 00:01:22,680
Sataꞌaj sauj seyan nyeetzi jemi seijraꞌa. Aj nu ni neyan cheꞌeta nyanaꞌa muejmi jemi seiraꞌa naꞌame. ’Capu aꞌatzu aꞌij tiꞌirɨꞌɨri tɨ seij piꞌista ayan rusaɨj huatácaꞌan silu ayaa pu ruxeꞌeveꞌe tɨ auj ajtávaaca ɨ cɨye jetze. Ayaa pu cheꞌeta naꞌa een muejmi jemi. Capu yeehui aꞌatzu aꞌij tiꞌirɨꞌɨri sej tiꞌitɨj huamuéꞌitɨn ɨ saj cɨn tyuꞌutatuiireꞌen ɨ Dioj jemi tɨ puaꞌa sacai nyeetzi jemi seijraꞌa.

5
00:01:22,680 --> 00:01:53,960
’Nyaa nu nyaɨn pueen ɨ cɨye. Ma sajta muan, muan xu piꞌista pueen tɨ nyeetzi jetze ajtaꞌupuꞌu. Tɨ puaꞌa aꞌatɨ ayan nyeetzi jemi seijraꞌa, tɨ puaꞌa nyajta inyaa jemin seijraꞌa, aɨ pu yeehui ayan eihua tiꞌimueꞌitɨn ɨ tɨ cɨn tyuꞌutatuiireꞌesin ɨ Dioj jemi. Sajta muan, tɨ puaꞌa sacai nyeetzi jemi seijraꞌa, caxu tiꞌitɨ aꞌij ruuren.

6
00:01:53,960 --> 00:02:21,160
Ayaa pu een tɨj naꞌa tɨ cai cheꞌe ayan nyeetzi jemi seijreꞌe. Ayaa pu een tɨj aɨjna ɨ piꞌista, ɨ tɨ antivéichiꞌihuacaꞌa, tɨ ajta aꞌatɨ a yaꞌuhuaꞌaxɨ tɨ ij huatyaahuan. Ayaa mu raruuren naijmiꞌica ɨ piꞌista maj meyan raꞌaraꞌasaɨreꞌen, majta an yáꞌuhuaꞌaxɨn ɨ taij japua tɨ ij huatyajtaani.

7
00:02:21,160 --> 00:02:35,640
’Tɨ puaꞌa seyan nyeetzi jemi seijraꞌa, tɨ puaꞌa sajta seyan raꞌaraꞌastijreꞌen ɨ nyuucari ɨ nyaj ámuaamuáꞌate, ayaa pu yeehui Dioj ayan amuaataꞌasin tiꞌitɨ saj aꞌij tiraatahuaviira.

8
00:02:35,640 --> 00:02:53,040
Tɨ puaꞌa seyan eihua raamueꞌitɨn ɨ saj cɨn tyuꞌutatuiireꞌen ɨ Dioj jemi, aɨj pu aɨjna cɨn amiteeraꞌa aꞌame sej seyan naꞌastijreꞌe inyeetzi. Ayaa xu saɨjna cɨn rɨꞌɨ tiraataꞌasin ɨ niyaꞌupua.

9
00:02:53,040 --> 00:03:06,720
Ayaa nu cheꞌeta nyanaꞌa neri tyajamuaataxeꞌeve aꞌij tɨ ajta ari tinaataxeꞌeve ɨ niyaꞌupua. Sataꞌaj sauj nyeetzi jemi seijraꞌa nyej ni amuaaxeꞌeveꞌen.

10
00:03:06,720 --> 00:03:32,760
’Tɨ puaꞌa yeehui seyan raꞌaraꞌastijreꞌen aꞌij nyej neri tyajamuaataij, aj xu si seyan nyeetzi jemi seiraꞌa xaꞌajuꞌun nyej ni amuaaxeꞌeveꞌen. Nyajta inyaa, ayaa nu cheꞌeta nyanaꞌa raꞌastijreꞌe aꞌij tɨ tinaataij ɨ niyaꞌupua. Aɨj nu yeehui cɨn neyan jemin seiraꞌa naꞌame tɨ ij ajta niyaꞌupua ayan naataxeꞌeveꞌen.

11
00:03:32,760 --> 00:03:45,520
Ayaa nu een cɨn tyajaꞌamueꞌixaateꞌe tɨ ij muejmi jemi seiraꞌa aꞌaraꞌani ɨ nyaj cɨn nyetyamuaꞌaveꞌe, sej si sajta nain cɨn huataujtyamuaꞌaveꞌen.

12
00:03:45,520 --> 00:03:56,800
’Ayaa nu yeehui nyaɨjna cɨn tyajaꞌamueijcateꞌen sej si seyan cheꞌeta sanaꞌa huaujxeꞌeveꞌen aꞌij nyej neri tyajamuaataxeꞌeve muejmi.

13
00:03:56,800 --> 00:04:08,500
Ai pu aɨn pueen ɨ tɨ eitzeꞌe muareꞌeri ɨ tɨ cɨn aꞌatɨ ayan raataxeꞌeveꞌen ɨ ruxaꞌaj tevi tɨ i ayan jetzen maꞌacan huamɨꞌɨni.

14
00:04:08,500 --> 00:04:16,760
’Muan xu yeehui saɨn pueen ɨ nyetyaɨtestyamuaꞌa tɨ puaꞌa seyan huarɨni aꞌij nyej tyajaꞌamueijteꞌe.

15
00:04:16,760 --> 00:04:46,280
Canu cheꞌe neyan amuaatamuaꞌatzi yee mɨ sej yeehui tiꞌivaɨreꞌe inyeetzi jemi, aꞌini saɨj tɨ ayan tiꞌivaɨreꞌe capu ramuaꞌaree aꞌij tɨ rɨcɨ aɨjna tɨ tiꞌiraijteꞌe. Me nyajta inyaa, ayaa nu amuaatamuaꞌatzi yee mɨ sej nyetyaɨtestyamuaꞌa, aꞌini nuꞌuri neyan tyajamuaataꞌixaa nain aꞌachu nyaj nyanaꞌa neyan raanamuajriꞌi ɨ niyaꞌupua jemi.

16
00:04:46,280 --> 00:05:20,360
’Caxu muan seyan naꞌavaꞌahuau inyeetzi, silu ayaa nu yeehui neyan amuaꞌantihuau, nyajta nu neyan nyaɨjna cɨn tyajamueijca sej si u aꞌujuꞌun sej si seyan tiꞌitɨ huamuéꞌitɨn ɨ saj tyuꞌutatuiireꞌen ɨ Dioj jemi. Nyajta neyan raxeꞌeveꞌe tɨ i ayan rusen cɨn huatyaturan ɨ saj raamueꞌitɨ. Aj pu xaa, aɨn niyaꞌupua ayan amuaataꞌasin tiꞌitɨj saj raatahuaviira inyeetzi jetze maꞌacan.

17
00:05:20,360 --> 00:05:26,540
Ayaa nu tyajaꞌamueijteꞌe, saj yeehui huaujxeꞌeveꞌen seij sajta seij.