1
00:00:05,000 --> 00:00:19,060
’Caxu saɨjna áꞌuhuaꞌanan. Tɨ puaꞌa yeehui maɨn amuajchaɨreꞌe ɨ maj yan japuan huachaatɨme ɨ chaanaca, aɨ mu anacai nyeetzi tichaɨraꞌacaa.

2
00:00:19,060 --> 00:00:50,540
Aɨme ɨ mej yan japuan huachaatɨme ɨ chaanaca japua, aɨme mu meyan cheꞌeta manaꞌa tiaꞌamuaxeꞌevaꞌacacheꞌe tɨj ɨ rutyaɨtestyamuaꞌa tɨ puaꞌa seyan huaꞌa jetze ajtyamaꞌacantacheꞌe. Ma sajta muan, caxu huaꞌa jetze ajtyamaꞌacan, silu nyaa nu yeehui amuaꞌantihuau aɨme tzajtaꞌa. Aɨj mu cɨn meyan amuajchaɨreꞌe aɨme ɨ mej yan huachaatɨme ɨ chaanaca japua.

3
00:00:50,540 --> 00:01:18,340
’Caxu yáꞌuhuaꞌanan aꞌij nyej tyajamuaataꞌixaa yee eitzeꞌe pu ruxeꞌeveꞌe aɨjna tɨ tiꞌijta cai aɨjna tɨ ravaɨreꞌe. Tɨ puaꞌa aꞌij puaꞌa manaꞌa naaruu inyeetzi, aɨ mu cheꞌeta manaꞌa aꞌij puaꞌa áꞌamuaruuren muejmi. Naꞌari tɨ puaꞌa meyan raꞌaraꞌastijreꞌen aꞌij nyej tihuaꞌumuáꞌate, aɨ mu majta raꞌaraꞌastijreꞌesin aꞌij saj tihuaꞌamuaꞌaten.

4
00:01:18,340 --> 00:01:28,700
Ayaa mu yeehui áꞌamuaruuren maɨjna cɨmeꞌe sej seyan naꞌastijreꞌe inyeetzi, aꞌini camu ramuaꞌate aɨjna tɨ yan nyajaꞌutaityacaꞌa.

5
00:01:28,700 --> 00:01:52,780
’Tɨ puaꞌa nyacai yávaꞌacányejnicheꞌe, nyajta cai aꞌij tíhuaꞌutaꞌixáateꞌencheꞌe, capu huaꞌacɨꞌɨtíicheꞌe tɨ Dioj pueijtzi huaꞌutaꞌan aɨjna cɨmeꞌe maj nyetite. Ajta, ijii, capu yeehui cheꞌe meꞌe tiꞌitɨ ɨ maj cɨn jetzen puaꞌariteꞌe maɨjna cɨmeꞌe ɨ maj cɨn autyajturaa ɨ Dioj jemi.

6
00:01:52,780 --> 00:01:58,100
Aꞌatɨ tɨ nyejchaɨreꞌe inyeetzi, aɨ pu ajta tichaɨreꞌe ɨ niyaꞌupua.

7
00:01:58,100 --> 00:02:24,160
Tɨ puaꞌa nyacai neyan huárɨniicheꞌe tiꞌitɨj tɨ cai maa aꞌatɨ ayan raayɨꞌɨtɨhuaꞌa, capu ayan tiraavijtyaꞌacacheꞌen tɨ Dioj ayan pueijtzi huaꞌutaꞌan aɨjna cɨmeꞌe ɨ maj cɨn autyajturaa ɨ jemin. Ma majta aɨme, muꞌuri naaseij, majta nyejchaɨraꞌacaa inyeetzi, majta meyan cheꞌeta manaꞌa raaruu ɨ niyaꞌupua.

8
00:02:24,160 --> 00:02:41,140
Ayaa mu yeehui meyan huarɨj tɨ ij aráurasten aꞌij tɨ teꞌeyuꞌusiꞌi aɨjna jetze ɨ nyuucari ɨ maj cɨn tiꞌijta tɨcɨn: “Aɨ pu cai tiraaviityaꞌa aꞌaraa maj manaꞌa meyan tinyajcháɨraꞌa muaꞌaraa.”

9
00:02:41,140 --> 00:03:06,460
’Tɨꞌɨj aɨn hui yan uveꞌenyén aɨjna tɨ aꞌamua japua huanyuuni, ɨ nyaj yan yaꞌutaiti muejmi jemi, tɨ ajta Dioj jemi eꞌemaꞌacan, aɨ pu ayan tinyetyaxáatajmaꞌa aꞌame inyeetzi. Aɨ pu aɨn pueen ɨ xaijnyuꞌucari tɨ tzaahuatiꞌiraꞌa cɨn tiꞌimuaꞌata, tɨ ajta aun aꞌuveꞌeme ɨ Dioj jemi.

10
00:03:06,460 --> 00:03:21,660
Sajta muan, ayaa pu ajta ruxeꞌeveꞌe sej seyan tinaatyáaxajta inyeetzi aꞌini nyatɨj nyanaꞌa yan huataseijre tɨ yu eꞌireꞌenye, muan xu áꞌujhuaꞌanyaꞌa inyeetzi jamuan.

11
00:03:21,660 --> 00:03:31,420
’Ayaa nu nyaɨjna cɨn tyajaꞌamueꞌixaateꞌe sej si cai tiꞌitɨj cɨn huamueꞌitɨchen.

12
00:03:31,420 --> 00:03:50,060
Aɨme mu amueꞌiréꞌiti u teyujtaꞌa. Ee xaa nyaꞌu, ayaa pu ajna tyajaꞌureꞌenyejsin ɨ xɨcaaraꞌan jetze tɨ jetzen ayan teꞌeme. Ayaa pu tiraatámitejteꞌesin ɨ aꞌatɨ tɨ ayan tyuꞌutavaɨ ɨ Dioj jemi aɨjna cɨmeꞌe tɨ amuáacuii muejmi.

13
00:03:50,060 --> 00:03:58,420
Ayaa mu maɨjna cɨn tiꞌiruuren aꞌini camu nyamuaꞌate inyeetzi, camu majta ramuaꞌate ɨ niyaꞌupua.

14
00:03:58,420 --> 00:04:13,960
Ayaa nu hui tyajaꞌamueꞌixaateꞌe sej si seyan raꞌutamuaꞌaree nyej neyan tyajamuaataꞌixaa tɨ puaꞌa ari ayan tyajaꞌureꞌenyen. Canu neyan tyajamuaataꞌixaa jajcua ɨmɨ aꞌini nyaucheꞌe nu hui seijraꞌacaa muejmi jemi.