1
00:00:05,000 --> 00:00:15,080
Nyajta inyaa, ijii nu nyaun aꞌumaꞌa naꞌame nyaɨjna jemi tɨ yan nyajaꞌutaityacaꞌa. Ma sajta muan, caxu aꞌatzu neꞌihuaꞌu aꞌu nyaj aꞌuméj.

2
00:00:15,080 --> 00:00:21,340
’Eecan xu huataujxaamɨste saɨjna cɨmeꞌe nyej neyan neri tyajamuaataꞌixaa.

3
00:00:21,340 --> 00:00:46,520
Me nyajta inyaa, ayaa nu tyajaꞌamueꞌixaateꞌe tzaahuatiꞌiraꞌa cɨmeꞌe tɨ ayan tyajamuaatyavaꞌɨri nyej neyan aꞌuraꞌani. Aꞌini tɨ puaꞌa nyacai aꞌuraꞌani, capu ya vaꞌacányejsin, muejmi jemi aɨjna tɨ hui aꞌamua japua huanyuuni. ’Ma nyajta inyaa, tɨ puaꞌa neyan aꞌuraꞌani, aj nu yaꞌutaiti nyaɨjna tɨ aɨn yavaꞌacáanyen iiyan muejmi jemi.

4
00:00:46,520 --> 00:01:09,800
Tɨꞌɨj aɨn yavaꞌacáanyen, aj puꞌi ayan aɨjna cɨn huaꞌaxɨjteꞌen aɨme ɨ mej yan japuan huachaatɨme ɨ chaanaca japua, aɨjna cɨmeꞌe ɨ maj cɨn autyajturaa ɨ Dioj jemi, ajta aɨjna cɨmeꞌe nyej neyan urareꞌenyaꞌacan cɨn seijreꞌe. Aɨ pu ajta aɨjna cɨn huaꞌaxɨjteꞌen aɨjna cɨmeꞌe tɨ Dioj pueijtzi huaꞌutaꞌasin.

5
00:01:09,800 --> 00:01:18,960
’Ayaa pu een cɨn huaꞌaxɨjteꞌen aɨjna cɨmeꞌe ɨ maj cɨn autyajturaa ɨ Dioj jemi aꞌini camu naꞌatzaahuateꞌe inyeetzi.

6
00:01:18,960 --> 00:01:33,040
Ayaa pu ajta een cɨn huaꞌaxɨjteꞌen aɨjna cɨmeꞌe nyaj neyan urareꞌenyaꞌacan cɨn seijreꞌe aꞌini au nu aꞌumaꞌa naꞌame aꞌu tɨ eꞌeseijreꞌe ɨ niyaꞌupua, aꞌu tɨ yeehui cai cheꞌe rɨꞌɨri saj naaseij.

7
00:01:33,040 --> 00:01:48,040
Cɨmeꞌen puꞌu aɨjna ɨ nyuucari tɨ Dioj pueijtzi ayan tyuꞌutaꞌasin, ayaa pu huaꞌaxɨjteꞌen aꞌini puꞌuri raaxaꞌapɨꞌɨntare ɨ Dioj tɨ ayan pueijtzi raataꞌasin aɨjna tɨ tieꞌijta iiyan chaanaca japua.

8
00:01:48,040 --> 00:01:57,560
’Ayaa pu naꞌaraanajchi nyej eihua huapɨꞌɨ neyan tyajamuaataꞌixaateꞌen. Ma sajta muan, caxuu xɨ nain auꞌeitaa saꞌajuꞌun ijii.

9
00:01:57,560 --> 00:02:27,920
Ma ajta aɨn yeehui ɨ xaijnyuꞌucaraꞌaraꞌan ɨ Dioj tɨ tzaahuatiꞌiraꞌa cɨn tiꞌixaxaꞌa, tɨꞌɨj uveꞌenyén, aɨ pu nain cɨn tyajáꞌamuamuaꞌaten tɨ ayan tiꞌayajna. Capu ayan aɨjna cɨn tyajamuaataꞌixaateꞌesin aꞌij tɨ rusaɨj naꞌa aꞌij tirajtyau silu ayaa puꞌu naꞌa ayan tyajamuaataꞌixaateꞌesin aꞌij tɨ naꞌa tiꞌinamua. Aɨ pu ajta tyajamuaataꞌixaateꞌesin aꞌij tɨ auj tyajaꞌureꞌenyejsin.

10
00:02:27,920 --> 00:02:42,120
’Aɨ pu hui ayan raꞌancuraꞌasin nyeetzi tɨ nyaꞌa, ajta ayaa pu cheꞌeta naꞌa aꞌahuaritaacan cɨn tyajamuaataꞌixaateꞌesin. Ayaa pu aɨjna cɨn huarɨn, aɨ pu ayan rɨꞌɨ tinaatyatuaasin.

11
00:02:42,120 --> 00:03:00,760
Tɨj naꞌa tɨ ayan niyaꞌupua jemi seijreꞌe, aɨ pu ajta nyeetzi nyaꞌa. Aɨj nu cɨn neyan raataxajtacaꞌa yee aɨn xaijnyuꞌucari pu nuꞌu ayan raꞌancuraꞌan nyeetzi tɨ nyaꞌa tɨ ij ajta nuꞌu tyajamuaataꞌixaateꞌen aꞌahuauritaacan cɨmeꞌe muejmi jemi.

12
00:03:00,760 --> 00:03:14,880
’Capu aꞌachu aꞌateeri saj cai cheꞌe seyan meꞌe nyejeꞌeseijran. Tɨꞌɨj ajta capu ajta cheꞌe aꞌateeri, saj rujajcuatzeꞌen sajtahuaꞌa nyeseijran. ―Ayaa pu tihuaꞌutaꞌixaa.

13
00:03:14,880 --> 00:03:43,600
Majta seica ɨ maj jamuan áꞌujhuaꞌanyaꞌa, ayaa mu tyuꞌurihuaꞌuracaꞌa tɨcɨn: ―¿Aꞌini yeehui huataujmuaꞌa aɨjna ɨ nyuucari tɨ nuꞌu cai aꞌachu aꞌateeri tyaj cai cheꞌe meꞌe yeꞌeseijran, ajta nuꞌu cai cheꞌe aꞌateeri tyaj tyajtahuaꞌa tajajcuatzeꞌen raseijran? ¿Aꞌini yeehui ajta huataujmuaꞌa ɨ seij tɨ ayan nuꞌu aꞌini aɨ pu aꞌumaꞌa aꞌame ɨ ruyaꞌupua jemi?

14
00:03:43,600 --> 00:03:58,360
Maucheꞌe muꞌu meyan tyuꞌurihuaꞌuracaꞌa tɨcɨn: ―¿Aꞌini yeehui huataujmuaꞌa aɨjna ɨ nyuucari tɨ cɨmeꞌen yee tɨ nuꞌu cai aꞌachu aꞌateeri? Catu aꞌatzu yauꞌeite aꞌij tɨ een cɨn ayan tyuꞌutaxajtacaꞌa.

15
00:03:58,360 --> 00:04:25,800
Tɨꞌɨqui Jesús ayan raamuaꞌareeriꞌi mej meyan raxeꞌevaꞌacaa mej maɨjna cɨn meyan tiraataihuaꞌu. Aj puꞌi ayan tihuaꞌutaꞌixaa tɨcɨn: ―¿Ni seyan saɨjna cɨn tyuꞌurihuaꞌu aꞌij tɨ huataujmuaꞌa aɨjna ɨ nyej neyan tyuꞌutaxajtacaꞌa yee tɨ nuꞌu cai aꞌachu aꞌateeri saj cai cheꞌe meꞌe nyejeꞌeseijran, ajta tɨ cai nuꞌu ajta aꞌachu aꞌateeri saj rujajcuatzeꞌen sajtahuaꞌa nyeseijran?

16
00:04:25,800 --> 00:04:53,520
’Ayaa nu hui tyajaꞌamueꞌixaateꞌe tzaahuatiꞌiraꞌa cɨmeꞌe. Muan xu ruyeinixɨꞌɨn, sajta huataujxaamɨsteꞌesin, meenti majta aɨme meyan huataujtyamuaꞌaveꞌesin aɨme ɨ maj yan chaanaca japua huachaatɨme. Muan xu xaa huataujxaamɨsteꞌesin. Ma ajta aɨn ɨ saj cɨn huataujxaamɨsteꞌesin, aɨj pu ajta jetzen ayan eꞌiranyejsin ɨ saj sajta cɨn huataujtyamuaꞌaveꞌesin.

17
00:04:53,520 --> 00:05:26,680
’Ayaa pu tyajaꞌamuaaruuren tɨj ajta tiꞌijruuren ɨ jɨitaꞌa tɨ ayan tiꞌijcuiꞌinye tɨ tiyauj aꞌame. Tɨꞌɨj ajna tyajaꞌureꞌenyen tɨ jetzen tiyauj aꞌaraꞌani, ayaa pu eihua tirajpueiitzi aꞌame. Ma ajta aɨn, tɨ puaꞌa ari huanuꞌeihua ɨ paꞌarɨꞌɨ, aj puꞌi yáꞌuhuaꞌaxɨjsin ɨ tɨ cɨn rajpueijtzicaꞌa aɨjna cɨmeꞌe tɨ eihua huapɨꞌɨ rutyamuaꞌaveꞌe aꞌini paꞌarɨꞌɨ pu ayan huanuꞌeihuacaꞌa iiyan chaanaca japua.

18
00:05:26,680 --> 00:05:51,760
’Ayaa pu cheꞌeta naꞌa tyajaꞌamuaruuren muejmi. Puꞌuri ayan ajna tyajaꞌureꞌenye ɨ xɨcaaraꞌan jetze saj jetzen huataujxaamɨsteꞌesin. Me nyajta inyaa, nyajtahuaꞌa nu aꞌamuaseijran. Sajta muan, ajna xu huataujtyamuaꞌaveꞌesin. Ajta capu cheꞌe rɨꞌɨriista aꞌame tɨ aꞌatɨ ayan amuaꞌariꞌiran ɨ saj cɨn rutyamuaꞌaveꞌe.

19
00:05:51,760 --> 00:06:11,020
’Ayaa pu hui teꞌeme ajna xɨcaaraꞌan jetze, saj cai cheꞌe tiꞌitɨ nyahuaviira inyeetzi. Ayaa nu tyajaꞌamueꞌixaateꞌe tzaahuatiꞌiraꞌa cɨmeꞌe, ajna xɨcaaraꞌan jetze tɨ aɨn niyaꞌupua ayan amuaataꞌasin tɨj naꞌa ɨ saj seyan raatahuaviira inyeetzi jetze maꞌacan.

20
00:06:11,020 --> 00:06:30,320
Tɨj naꞌa jajcua ɨmɨ tɨ yu eꞌireꞌenye, caxu hui xɨ tiꞌitɨ raatahuaviiriꞌi inyeetzi jetze maꞌacan. Sataꞌaj seyan raatahuavii aꞌini ayaa xu saɨjna cɨn huarɨn, aj xu si seyan raꞌancuraꞌasin, aj xu si sajta seyan nain cɨn huataujtyamuaꞌaveꞌesin.

21
00:06:30,320 --> 00:06:57,280
’Tɨj naꞌa jajcua ɨmɨ tɨ yu eꞌireꞌenye, ayaa nu nyaɨjna cɨn tyajamuaataꞌixaa nyuucari cɨmeꞌe tɨ saɨque namuajreꞌe. Ma ajta, ajna tyajaꞌureꞌenyejsin ɨ xɨcaaraꞌan jetze nyaj cai cheꞌe neyan saɨque tyajaꞌamueꞌixaatyaꞌa naꞌame, silu nyaa nu huataujnyátacan cɨn tyajamuaataꞌixaateꞌesin nyaɨjna cɨmeꞌe aꞌij tɨ een niyaꞌupua tɨ eꞌeseijreꞌe.

22
00:06:57,280 --> 00:07:15,600
’Ayaa xu yeehui huarɨni sajna xɨcaaraꞌan jetze sej seyan raatahuavii inyeetzi jetze maꞌacan. Canu neyan tyajaꞌamueꞌixaateꞌe tɨ ayan ruxeꞌevaꞌa aꞌame nyej neyan raatahuavii ɨ niyaꞌupua nyej ni muejmi jetze maꞌacan huatanyuuni.

23
00:07:15,600 --> 00:07:29,280
Capu xaa nyaꞌu. Niyaꞌupua pu rusaɨj aꞌamuaxeꞌeveꞌe aɨjna cɨmeꞌe saj hui naataxeꞌeve inyeetzi, sajta seyan ráꞌantzaahua nyaj nyaun u eꞌiraanye ɨ niyaꞌupua jemi.

24
00:07:29,280 --> 00:07:47,440
’Au nu eꞌiraanye ɨ niyaꞌupua jemi, nyajta nu neyan aꞌuveꞌeme iiyan chaanaca japua. Nyajta ijii, ayaa nu hui tichesin iiyan chaanaca japua nyej ni nyaun aꞌujnyén ɨ niyaꞌupua jemi. ―Ayaa pu tihuaꞌutaꞌixaa aɨjna ɨ Jesús.

25
00:07:47,440 --> 00:08:04,240
Majta aɨme, ɨ maj jamuan áꞌujhuaꞌanyaꞌa, ayaa mu tiraataꞌixaa tɨcɨn: ―Papuꞌuri ijii xaa nyaꞌu peyan aꞌahuauritaacan cɨn tiꞌixaj. Capej cheꞌe saɨque tiꞌixaj, paɨjna cɨmeꞌe tɨ cai aꞌahuáurite.

26
00:08:04,240 --> 00:08:18,200
Tuꞌuri xaa teyan ramuaꞌaree paj nain ruꞌumuaꞌaree, ajta yeehui tɨ cai ayan ruxeꞌeveꞌe tɨ aꞌatɨ ayan tiꞌitɨj cɨn tiꞌimueꞌihuaꞌura. Aɨj tu cɨn teyan raꞌatzaahuateꞌe paj paun eꞌiraanye ɨ Dioj jemi.

27
00:08:18,200 --> 00:08:25,960
Aj puꞌi Jesús ayan tihuaꞌutaꞌixaa tɨcɨn: ―¿Ni tzaa seyan seri sicu tinaꞌatzaahuateꞌe?

28
00:08:25,960 --> 00:08:53,480
Me nyajta inyaa, ayaa nu tyajaꞌamueꞌixaateꞌe tɨ ajna tyajaꞌureꞌenyejsin ɨ xɨcaaraꞌan jetze mej jetzen amuaatamuariteꞌesin. Au xu aꞌucɨ́jxɨꞌɨsin aꞌu tɨ seij eꞌeche, seij sajta seij. Muan xu yeehui ma nuujɨsin nyej ni nyasaɨj nyanaꞌa huatyaturan. Me nyajta, canu nyasaɨj yu huatyaturaasin aꞌini niyaꞌupua pu nyeetzi jemi seijreꞌe.

29
00:08:53,480 --> 00:09:18,540
Ayaa nu hui een cɨn tyajaꞌamueꞌixaateꞌe sej si seyan huatyaujpuaꞌariteꞌen ɨ rutzajtaꞌa saɨjna cɨmeꞌe sej nyeetzi jetze ajtyamaꞌacan. Eihua mu pueijtzi amuaataꞌasin aɨme ɨ mej yan huachaatɨme iiyan chaanaca japua. Capu amɨn aꞌij. Sataꞌaj seyan huataujtyamuaꞌaveꞌen saɨjna cɨmeꞌe nyej neri huaꞌantimueꞌitɨ.