1
00:00:05,000 --> 00:00:24,200
Matɨꞌɨj mi aɨme ɨ xantaaruꞌu meyan yaꞌuviꞌitɨ. Ajta aɨn Jesús, aɨ pu yáꞌuchui ɨ rucúruu. Matɨꞌɨj mi mauna aꞌaráꞌa aꞌu tɨ ayan tyajaꞌarajtyahuaa tɨcɨn Mɨꞌɨchimuꞌuta. Ayaa pu tyajaꞌarajtyahuaa huaꞌanyuuca cɨmeꞌe ɨ Hebreo tɨcɨn Gólgota.

2
00:00:24,200 --> 00:00:35,320
Au mu ráꞌutatai jamuan huaꞌapuaca, saɨjtaꞌa mu ráꞌutatai ɨ saɨj, majta saɨjtaꞌa ɨ saɨj. Ajta aɨn Jesús, au pu eꞌitaꞌa áꞌutataihuacaꞌa.

3
00:00:35,320 --> 00:00:55,320
Pilaatu pu ayan raataijtacaꞌa mej meyan raꞌuyuꞌuxa jetzen ɨ taabla tɨ ayan tyáꞌaxajtacaa tɨcɨn: “Jesús Nazaret tɨ nuꞌu eꞌemaꞌacan, tɨ ajta nuꞌu tihueꞌijteꞌe aɨme ɨ maj Israel jetze ajtyamaꞌacan.” Matɨꞌɨj mi ráꞌutatai ɨ curuu jetze aꞌu tɨ áꞌujmuꞌu ɨ Jesús.

4
00:00:55,320 --> 00:01:20,920
Majta aɨme ɨ mej Israel jetze ajtyamaꞌacan, muiꞌitɨ mu meyan raꞌujijve aꞌini au pu vejliꞌi pɨjaꞌarɨjcaa u chajtaꞌana jetze aꞌu maj ráꞌutatai. Ajta aɨn tɨ aꞌasɨɨmueꞌihuacaꞌa, hueica nyuucari pu cɨn áꞌayuꞌusiꞌihuacaꞌa, ɨ huaꞌa nyuuca ɨ Hebreo, ajta huaꞌanyuuca ɨ mej Roma eꞌemaꞌacan, ajta huaꞌanyuuca ɨ Griego.

5
00:01:20,920 --> 00:01:47,480
Majta aɨme ɨ mej maun tiꞌijtacaꞌa u teyujtaꞌa, ayaa mu huaujnyuuste maɨjna jemi ɨ Pilaatu. Ayaa mu tiraataꞌixaa tɨcɨn: ―Capej peyan hui raꞌayuꞌuxa yee aɨ pu nuꞌu tiꞌitaijteꞌe ityejmi i tyaj Israel jetze ajtyamaꞌacan silu ayaa papuꞌu yee aɨ pu ayan ruseijrata tɨ aɨn pueen ɨ tɨ tiꞌitaijteꞌe.

6
00:01:47,480 --> 00:01:57,960
Aj puꞌi Pilaatu ayan tihuaꞌutaꞌixaa tɨcɨn: ―Cheꞌe yeehui ayan eenyeꞌen aꞌini nuꞌuri neyan raꞌuteyuꞌuxacaꞌa aꞌij nyej tiraaxaꞌapɨꞌɨntare.

7
00:01:57,960 --> 00:02:24,640
Majta aɨme ɨ xantaaruꞌu, matɨꞌɨj meri ráꞌutatai ɨ Jesús, matɨꞌɨj mi tiꞌijpí ɨ tíꞌicɨɨxuraꞌaraꞌan. Matɨꞌɨj mi muaacuaqueꞌe tiꞌijxáɨraꞌaxɨ maɨjna ɨ tíꞌicɨɨxuraꞌaraꞌan. Tɨj naꞌa tɨ saɨque tíꞌijcatii, saɨj pu raacɨ́ꞌɨ ɨ xantaaruꞌu. Ajta aɨ pu avaꞌaturaa ɨ siicuꞌuraꞌaraꞌan tɨ ruꞌucavɨ́ɨ aꞌayeꞌi. Seij pu cɨn jitzijhuacaꞌa nain japua.

8
00:02:24,640 --> 00:03:10,360
Aɨj mu cɨn meyan tyuꞌutaurixaa tɨcɨn: ―Ticheꞌe cai yeehui rasujtzaꞌana silu ticheꞌe teyan tiꞌihuatamueꞌitɨn tetej cɨmeꞌe tyej ti teyan raamuaꞌaree aꞌatɨ tɨ ayan racɨꞌɨti. Ayaa pu ayan tyuꞌurɨj tɨ ij ayan aráurasten aꞌij tɨ teꞌeyuꞌusiꞌi ɨ yuꞌuxari jetze tɨ ayan tɨcɨn: “Aɨ mu yeehui saaxuꞌijmeꞌen huaraꞌujpi ɨ tiꞌinyacɨɨxu. Majta mu maɨn tiꞌihuaujmueꞌitɨ tetej cɨmeꞌe mej mi yeehui raamuaꞌaree aꞌatɨ tɨ racɨꞌɨti ɨ nyesiicuꞌu.” Ayaa mu xaa nyaꞌu meyan huarɨj aɨme ɨ xantaaruꞌu.

9
00:03:10,360 --> 00:03:32,080
Majta seica, a mu vejliꞌi aꞌutyáuucaꞌa aꞌu tɨ aꞌuvaatɨmaꞌacaa ɨ curuu. Ai mu aɨn pueenyaꞌa ɨ naanajraꞌan ɨ Jesús, ajta ɨ juutzajraꞌan ɨ naanajraꞌan, ajta aɨjna ɨ Mariiya tɨ ɨraꞌaraꞌan pueenyaꞌa aɨjna ɨ Cleofas, ajtahuaꞌa seij, aɨjna ɨ Mariiya, Magdala tɨ eꞌemaꞌacan.

10
00:03:32,080 --> 00:03:56,880
Aj puꞌi Jesús ayan raaseij tɨ aun aꞌutyavaacaꞌa ɨ runaana. Ajta pu aun vejliꞌi aꞌutyavaacaꞌa aɨjna Jesús tɨ raxeꞌevaꞌacaa, tɨ ajta jamuan áꞌuchaꞌacanyaꞌa. Aj puꞌi ayan tiraataꞌixaa ɨ runaana tɨcɨn: ―Casiꞌi, muaa jɨitaꞌa, maꞌa pu huatyejvee amɨjna tɨ ayauj pueen.

11
00:03:56,880 --> 00:04:22,680
Ajta ayan tiraataꞌixaa aɨjna tɨ jamuan áꞌuchaꞌacanyaꞌa tɨcɨn: ―Yaꞌacui ari huatyejvee aɨjna tɨ hui anaanaj pueen. Tɨj naꞌa tɨ ayan tyuꞌutaxajtacaꞌa, tɨ yu eꞌireꞌenye aɨn tɨ jamuan áꞌuchaꞌacanyaꞌa ayan yaꞌuviꞌitɨ ɨ naanajraꞌan ɨ Jesús tɨ ij aun huatyaturan u ruche.

12
00:04:22,680 --> 00:04:39,360
Tɨꞌɨqui ayan huarɨj aɨjna ɨ Jesús. Puꞌuri ramuaꞌareeracaꞌa tɨ ari nain teꞌentipuaꞌari. Tɨꞌij ayan aráurasteꞌesin aꞌij tɨ teꞌeyuꞌusiꞌihuacaꞌa ɨ yuꞌuxari jetze, ayaa pu i tyuꞌutaxajtacaꞌa tɨcɨn: ―Neꞌimɨꞌɨ.

13
00:04:39,360 --> 00:04:57,520
Aa pu vejliꞌi xaꞌari aꞌutácatii tɨ avaꞌɨsticaa aɨjna ɨ viinu tɨ antzina. Matɨꞌɨj mi tiꞌitɨj huatyáaruꞌune tɨ taꞌachiraꞌa ɨ viinu cɨmeꞌe, matɨꞌɨj mi jisopo cɨyaꞌaraꞌan jetze ma ruꞌucaaxuꞌi, aj mu mi raꞌajtyaxɨɨracaꞌa vejliꞌi ɨ tenyaꞌaraꞌan jetze.

14
00:04:57,520 --> 00:05:15,280
Tɨꞌɨj aɨn raꞌantiꞌi, aj puꞌi ayan tyuꞌutaxajtacaꞌa tɨcɨn: ―Puꞌuri icu. Nuꞌuri raꞌantipuaꞌari. Cɨmeꞌen puꞌu ayan tyuꞌutaxajtacaꞌa, aj puꞌi aꞌicámuꞌuvajxɨ. Aj puꞌi huamɨꞌɨ aɨjna ɨ Jesús, icu.

15
00:05:15,280 --> 00:06:12,680
Puꞌuri ajna pɨtiꞌirɨjcaa ɨ xɨcaaraꞌan jetze, ɨ mej jetzen rɨꞌɨ huaujruuren. Ajta aɨn xɨcaaraꞌan jetze tɨ raꞌityaꞌasi, ajna pɨtiꞌirɨjcaa matɨꞌɨj raꞌutyahuijsin mej meyan tyuꞌuyesten maɨjna cɨmeꞌe ɨ xɨcaaraꞌan jetze tɨ jetzen Dioj tihuaꞌutauuniꞌiriꞌi. Aɨj mu cɨn, camu raxeꞌevaꞌacaa aɨme ɨ maj maun tiꞌijtacaꞌa u teyujtaꞌa mej mi aɨme mɨꞌɨchite meyan huatyaturan majna curuu jetze tɨꞌɨj ari tyajaꞌureꞌenyen ajna saaba jetze. Aɨj mu cɨn rájhuaviiriꞌi maɨjna ɨ Pilaatu tɨ aɨn ayan tyuꞌutaijta mej mi aɨme xantaaruꞌu meyan huaꞌantínaꞌaxɨn ɨ huáɨɨca jetze aɨme ɨ mej huaꞌutatai, mej mi caꞌanacan huacuiꞌini. Tɨ puaꞌa meyan huarɨni, aj puꞌi rɨꞌɨrista aꞌame mej huaꞌacajtuaani ɨ mɨꞌɨchite.

16
00:06:12,680 --> 00:06:26,400
Aɨj mu cɨn u aꞌuvaꞌajuꞌun aɨme ɨ xantaaruꞌu. Matɨꞌɨj mi raꞌantinaꞌaxɨ ɨ ɨɨcajraꞌan jetze ɨ saɨj ɨ maj ráꞌutatai ɨ Jesús jamuan. Majta meyan cheꞌeta manaꞌa huarɨj ɨ seij jemi.

17
00:06:26,400 --> 00:06:36,600
Ma ajta, matɨꞌɨj Jesús jemi a eꞌireꞌenye, matɨꞌɨj mi raaseij tɨ aɨn ari mɨꞌɨchicaꞌa. Aɨj mu cɨn cai raꞌantinaꞌaxɨ ɨ ɨɨcajraꞌan.

18
00:06:36,600 --> 00:06:50,040
Ma ajta seij ɨ xantaaruꞌu, aɨ pu raꞌajtyéjtze itzaꞌapuaraꞌaraꞌan jetze cɨye cɨmeꞌe tɨ antipiti. Aj puꞌi airaaxɨrej eihua ɨ jaj, ajta ɨ xuureꞌe.

19
00:06:50,040 --> 00:07:08,440
Nyajta inyaa, i nyej neyan raaseij, nyaa nu neyan tiꞌityáxajta. Ajta ayaa pu ayan tiꞌayajna aꞌij nyaj tiꞌityáxajta. Nyaa nu ramuaꞌaree nyej neyan tzaahuatiꞌiraꞌa cɨn tiꞌixaj. Nyajta neyan nyaɨjna cɨn tiꞌityáxajta sej si sajta ráꞌantzaahuateꞌen.

20
00:07:08,440 --> 00:07:23,780
Ayaa pu een cɨn tyuꞌurɨj tɨ ij ayan aráurasten aꞌij tɨ teꞌeyuꞌusiꞌi ɨ yuꞌuxari jetze tɨ ayan tyaꞌaxa tɨcɨn: “Camu nuꞌu seij antínaꞌaca ɨ cariiraꞌan.”

21
00:07:23,780 --> 00:07:34,160
Ajta seica jetze tɨ ayan tyaꞌaxa tɨcɨn: “Aɨ mu nuꞌu raseijran maɨjna ɨ maj raꞌajtyéjtze.”