1
00:00:05,000 --> 00:00:37,600
Tɨꞌɨqui aɨn José, tɨ Arimatea eꞌemaꞌacan, aɨ pu rájhuaviiriꞌi aɨjna ɨ Pilaatu tɨ aɨn raatatuiireꞌen ɨ tevijraꞌan ɨ Jesús. Ajta aɨn José, aɨ pu ajta raꞌastijraꞌacaa aɨjna ɨ Jesús. Ma ajta aɨn ayan aviitzi cɨn huarɨj aꞌini aɨ pu huaꞌatzɨɨnyaꞌacaa ɨ maj maun tiꞌijtacaꞌa u teyujtaꞌa. Aj puꞌi Pilaatu ayan raataꞌa. Aɨj pu cɨn u aꞌuveꞌeme. Aj puꞌi raꞌacajtuaa ɨ tevijraꞌan ɨ Jesús. Tɨꞌɨqui yáꞌuchui.

2
00:00:37,600 --> 00:00:59,760
Nicodemo pu ajta jamuan u aꞌuveꞌeme. Ai pu aɨn pueenyaꞌa tɨ tɨcaꞌamisteꞌe ráamuaaracaꞌa ɨ Jesús. Tiꞌitɨ pu aꞌarajtɨɨ, aɨjna ɨ mirra tɨ muatɨꞌɨsi ranaxca tɨ áloes maꞌacan, tiꞌitɨ tuꞌupi. Ayaa pu tijetyajcaꞌa aꞌachu cumu seite kiilu japuan tamuaamuataꞌa.

3
00:00:59,760 --> 00:01:21,200
Matɨꞌɨj mi yáꞌuchui ɨ tevijraꞌan ɨ Jesús. Matɨꞌɨj mi racáhuaa maɨjna cɨmeꞌe tɨ náa tyáaráꞌi. Majta racaꞌijcatacaꞌa cɨɨxuri cɨmeꞌe tɨ mestí. Ayaa mu maɨjna cɨn huarɨj aꞌij mej tirájyeꞌirajcaꞌa maj huaꞌavaꞌanan ɨ mɨꞌɨchite aɨme ɨ mej Israel jetze ajtyamaꞌacan.

4
00:01:21,200 --> 00:01:40,580
Huastari pu tyejeꞌereꞌevee ajna vejliꞌi aꞌu maj ráꞌutatai maɨjna ɨ Jesús. Ajta aujna, au pu tyastaꞌa seijraꞌacaa tɨ aꞌatɨ aun yaꞌujcú tɨ ij aun aꞌatɨ avaꞌanan. Ajta, capu xɨ aꞌatɨ aun avaꞌanamiꞌihuacaꞌa.

5
00:01:40,580 --> 00:01:56,540
Au mu yaꞌutyeete maɨjna ɨ Jesús aꞌini au pu vejliꞌi aꞌutacáꞌa, ajta puꞌuri ajna pɨtiꞌirɨjcaa ɨ xɨcaaraꞌan jetze mej jetzen rɨꞌɨ huaujruuren aɨme ɨ mej Israel jetze ajtyamaꞌacan.

6
00:01:56,540 --> 00:02:22,440
Tɨꞌɨj ari pɨtiꞌirɨjcaa ɨ tɨ cɨn tyaꞌutyéꞌiteesin i iteeri, iyaꞌata puꞌu aun pu áꞌumej aɨjna ɨ Mariiya, Magdala tɨ eꞌemaꞌacan, aujna aꞌu maj yaꞌavaꞌana. Aucheꞌe pu huachuíjxaviꞌicaa. Tɨꞌɨj aun aꞌaráꞌa, aj puꞌi raaseij tɨ aꞌatɨ raꞌantaꞌɨ ɨ tetej tɨ aꞌityamuaacaꞌa aꞌu tɨ aꞌutyacun.

7
00:02:22,440 --> 00:02:51,640
Aj puꞌi aun huaraꞌaraa. Tɨꞌɨj i aꞌutáichajraa aꞌu maj aꞌutyáuucaꞌa aɨjna ɨ Simón tɨ ajta iꞌi Pedro, ajta ɨ seij tɨ Jesús jamuan áꞌuchaꞌacanyaꞌa. Ai pu aɨn pueen ɨ tɨ Jesús raxeꞌevaꞌacaa. Ayaa pu tihuaꞌutaꞌixaa tɨcɨn: ―Muꞌuri hui yáꞌuchui ɨ tavastaraꞌa, maujna aꞌu maj yauuté. Tyajta ityan, catu ramuaꞌaree aꞌu maj yáuutuaa.

8
00:02:51,640 --> 00:03:00,240
Ajta aɨn ɨ Pedro, ajta ɨ saɨj tɨ Jesús jamuan áꞌuchaꞌacanyaꞌa, au mu aꞌujuꞌun aꞌu maj yaꞌavaꞌana maɨjna ɨ Jesús.

9
00:03:00,240 --> 00:03:14,160
Naimiꞌi mu maun aꞌuruáachajraa. Ajta ɨ saɨj, aɨ pu eitzeꞌe caꞌanin aꞌutáichajraa. Aɨj pu cɨn ayan raatyaamueꞌitɨ aɨjna ɨ Pedro. Aɨj pu cɨn, anacai pu aun aꞌaráꞌa.

10
00:03:14,160 --> 00:03:29,680
Tɨꞌɨj aun aꞌaráꞌa, aj puꞌi aicaujtutzi. Ajta aun utyenyeeracaꞌa. Tɨꞌɨj i raaseij tɨ an áꞌujpiicaꞌa aɨjna ɨ cɨɨxuri tɨ mestí ɨ maj cɨn racaꞌijcatacaꞌa. Ajta aɨn, capu aun utyajrupi.

11
00:03:29,680 --> 00:03:42,320
Ajta aɨn Pedro, tɨ cujtaꞌan huatáijmaꞌa, ajta pu aun aꞌaráꞌa. Au pu utyajrupi. Aj puꞌi raaseij ɨ cɨɨxuri tɨ mestí tɨ aun áꞌujpiicaꞌa.

12
00:03:42,320 --> 00:03:51,360
Aɨ pu ajta raaseij ɨ cɨɨxuri ɨ maj cɨn raꞌavaꞌana ɨ múutzeꞌen. Naa pu tiꞌijiriꞌihuacaꞌa. Ajta rujɨmeꞌe pu áꞌujpiicaꞌa.

13
00:03:51,360 --> 00:04:03,880
Tɨꞌɨqui ɨ saɨj tɨ Jesús jamuan áꞌuchaꞌacanyaꞌa, tɨ anacai aun aꞌaráꞌa, aɨ pu ajta aun aꞌutyajrupi. Cɨmeꞌen puꞌu raaseij, aj puꞌi tyaꞌantzaahua.

14
00:04:03,880 --> 00:04:20,900
Majta aɨme, camuu xɨ yauꞌeitaa muaꞌaraa aꞌij tɨ huataujmuaꞌacaa maɨjna tɨ ayan teꞌeyuꞌusiꞌi ɨ yuꞌuxari jetze tɨ nuꞌu ayan ruxeꞌevaꞌacaa tɨ aɨn Jesús ayan aꞌitáraꞌani huaꞌa tzajtaꞌa ɨ mej meri huacuii tɨ ij ajtahuaꞌa huatarun.

15
00:04:20,900 --> 00:04:27,760
Majta aɨme ɨ maj Jesús jamuan áꞌujhuaꞌanyaꞌa, matɨꞌɨj mi maun aꞌucɨ́jxɨ u ruche.

16
00:04:27,760 --> 00:04:43,360
Ajta aɨn Mariiya, aun pu aꞌutyajturaa a puaꞌaque, ajna vejliꞌi aꞌu maj yaꞌavaꞌana. Aɨ pu ruyeinyacaa. Tɨꞌɨj auj ruyeinyacaa, aɨ pu aꞌicaujtutzi, aun pu aꞌutyenyeeracaꞌa.

17
00:04:43,360 --> 00:05:01,520
Aj puꞌi huaꞌapuaca huaseij ɨ mej uteꞌe tiꞌivaɨreꞌe. Cueinaviꞌin mu tíꞌichajcaa. An mu eꞌejtyaꞌacaa aꞌu maj yaꞌujté. Saɨj pu an aꞌujcatii aꞌu tɨ áꞌujmuꞌucaa. Ajta ɨ saɨj, aꞌu tɨ aꞌucáɨɨcajmaꞌacaa.

18
00:05:01,520 --> 00:05:21,000
Matɨꞌɨj mi meyan tiraataihuaꞌuriꞌi tɨcɨn: ―Muaa, jɨitaꞌa, ¿aꞌini yeehui een cɨn peyan ayein? Aj puꞌi ayan tihuaꞌutaꞌixaa tɨcɨn: ―Aɨ mu yeehui yáꞌuchui ɨ nyavastaraꞌa. Nyajta inyaa, canu ramuaꞌaree aꞌu mej yáuutuaa.

19
00:05:21,000 --> 00:05:34,280
Cɨmeꞌen puꞌu ayan tyuꞌutaxajtacaꞌa, aj puꞌi pɨ aꞌureꞌeve. Tɨꞌɨj i raaseij tɨ aɨn Jesús aun aꞌutyavaacaꞌa. Ma ajta aɨn Mariiya, capu ayan raamuáꞌa tɨ aɨn pueenyaꞌa ɨ Jesús.

20
00:05:34,280 --> 00:06:06,440
Aj puꞌi ayan tiraataꞌixaa tɨcɨn: ―Muaa jɨitaꞌa, ¿aꞌini een cɨn peyan ayein? ¿Aꞌatajni pahuauhuau? Aɨ pu ayan tiꞌimuaꞌatzajcaa tɨ aɨn pueenyaꞌa tɨ rɨꞌɨ aun tyaꞌuruuraa aꞌayeꞌi aujna huastari. Aɨj pu cɨn ayan tiraataꞌixaa tɨcɨn: ―Nyavastaraꞌa, tɨ puaꞌa muaa peyan yáꞌuchui, pataꞌaj peyan hui tinaataꞌixaateꞌen aꞌu pej yaꞌuruu nyej ni nyaun u aꞌumeꞌen nyej ni raꞌanchueni.

21
00:06:06,440 --> 00:06:29,560
Aj puꞌi Jesús ayan tiraataꞌixaa tɨcɨn: ―Muaa, Mariiya. Aj puꞌi pɨ aꞌureꞌeve ɨ jemin. Ajta ayan tiraataꞌixaa aɨjna cɨmeꞌe ɨ huaꞌa nyuuca aɨme ɨ Hebreo tɨcɨn: ―Raboni. (Raboni, ayaa pu huataujmuaꞌa aɨjna ɨ nyuucari tɨcɨn Mɨ Pej Tiꞌimuaꞌata.)

22
00:06:29,560 --> 00:07:06,240
Aj puꞌi Jesús ayan tiraataꞌixaa tɨcɨn: ―Capaj xɨɨ nyamuareꞌe aꞌini nyaucheꞌe aꞌatzu aꞌamua jamuan seiraꞌa naꞌame. Aj nu ni hui nyaun aꞌujnyejsin ɨ niyaꞌupua jemi. Pataꞌaj paun aꞌuraꞌani huaꞌa jemi ɨ nyeꞌihuaamuaꞌa pataꞌaj peyan tihuaꞌutaꞌixaateꞌen yee nyaj nuꞌu nyajtahuaꞌa nyaun aꞌujnyejsin jemin aɨjna tɨ niyaꞌupua pueen, tɨ ajta aꞌamuayaꞌupua pueen, jemin ɨ tɨ nyeꞌiDioj, tɨ ajta aꞌamua Dioj pueen. ―Ayaa pu tiraataꞌixaa.

23
00:07:06,240 --> 00:07:27,180
Ajta aɨn Mariiya tɨ Magdala eꞌemaꞌacan, au pu áꞌumej huaꞌa jemi ɨ maj Jesús jamuan áꞌujhuaꞌanyaꞌa. Aj puꞌi ayan tihuaꞌutaꞌixaa tɨcɨn: ―Nyaa nu hui neri raaseij ɨ tavastaraꞌa. Tɨꞌɨqui ayan tihuaꞌutaꞌixaa aꞌij tɨ aɨn Jesús ayan tiraataꞌixaa.